بعد اعلان البنك الاهلي المصري عن رفع فائدة الشهادة البلاتينية من 12.5 % الي 16% وبنك مصر عن شهادة القمة بفائدة 16% نوضح لكم طريقة حساب فائدة الشهادة البلاتينية وشهادة القمة بالتفصيل ، وحساب عائد شهادة الاستثمار الشهري واهم الاسئلة حول شهادات الاستثمار 2015 ….
تحديث 3 نوفمبر 2016 :-
البنك الاهلي يعلن رفع فائدة الشهادة البلاتينية الي 16 % واصدار شهادة استثمار جديدة ب 20 % لاول مرة في تاريخ البنوك المصرية
اولا ما هي شهادة الاستثمار البلاتينية من البنك الاهلي
شهادة الاستثمار البلاتينية هي وعاء ادخاري بنسبة فائدة ثابتة وهي 16 % وذلك بعد زيادة نسبة الفائدة حيث كانت في السابق 12.5 % ، وشهادة البلاتينية هي لمدة 3 سنوات يتم صرف عائد الشهادة شهريا ويمكن شراء الشهادة البلاتينية من خلال فروع بنك الاهلي المصري في الداخل والخارج ويستطيع الافراد الطبيعيين شراء الشهادة البلاتينية والتمتع ب فائدة شهادة الاستثمار البلاتينية من خلال البنك الاهلي .
شهادة استثمار القمة من بنك مصر
وكما اوضحنا تفاصيل الشهادة البلاتينية ، نجد نفس الموضع مع شهادة القمة من بنك مصر فملامح شهادة القمة من بنك مصر 2016 هي ذات سعر فائدة شهادة القمة 16 % سنويا ويصرف عائد شهادة القمة نفسه شهريا ، وتبلغ مدة شهادة القمة 3 سنوات ، ويتم احتساب العائد اعتبارًا من تاريخ اليوم التالي لشراء الشهادة، وتبدأ فئات الشهادة من ألف جنيه مصري ومضاعفاتها وتصدر للأفراد الطبيعيين.
طريقة حساب فائدة الشهادة البلاتينية من البنك الاهلي وحساب فائدة شهادة القمة من بنك مصر
فائدة الشهادة البلاتينية في البنك الاهلي كما ذكرنا هي 16 % سنويا ويتم صرف عائدة الشهادة البلاتينية شهريا ، ومثال لذلك اذا قمت بشراء شهادة بلاتينية ب 1000 جنيه فستحصل علي عائد كالتالي :-
16 % 1000x يساوي 160 جنيه في السنة لكل الف جنيه، ويتم تقسيم عائد الشهادة البلاتينية السنوي ليصرف شهريا بحيث 12\160 = 13.33 جنيه شهريا عائد لكل 1000 جنيه.
وهكذا مع مضاعفة مبلغ ال 1000 جنيه يتم مضاعفة العائدة الشهري لشهادة البلاتينية فمثلا اذا قمت بشراء شهادة بلاتينية ب 10000 عشرة الاف جنيه فسيكون عائد الشهادة البلاتينية الشهري هو 133.33 جنيه.
استفسارات هامة حول الشهادة البلاتينية وشهادة القمة بعد زيادة الفائدة ل 16 %
كيف يمكن صرف عائد الشهادة البلاتينية ؟
ومن اهم الاسئلة حول الشهادة البلاتينية بجانب طريقة حساب نسبة الفائدة سؤال طريقة صرف عائد الشهادة الشهري ؟ ويتم صرف عائد الشهادة البلاتينية شهريا من خلال فروع البنك الاهلي وكذلك الوضع بالنسبة لشهادة القمة من فروع بنك مصر ، ومن الممكن أن يتم عن طريق بطاقات الخصم الفورى حيث تستطيع عمل بطاقة فيزا لصرف العائد من خلال ماكينات الصرف الالي.
هل يمكن الاقتراض بضمان الشهادة البلاتينية ؟
يمكنك الاقتراض بضمان الشهادة بشروط ميسرة وحتي 90 % من قيمة الشهادة البلاتينية بسعر فائدة يتم تحديدة مع البنك حسب وقت طلب القرض واسعار الفائدة وقتها .
متي يتم استرداد الشهادة البلاتينية من البنك الاهلي ؟
مدة الشهادة البلاتينية هي 3 سنوات ، ويتم استرداد قيمة الشهادة كاملة بعدها ، كما يمكن استرداد قيمة الشهادة بعد مضى 6 أشهر من تاريخ الشراء لكن يتم عمل خصومات حسب جداول استرداد شهادات الاستثمار يتم تحديدها في البنوك حيث وقت استرداد الشهادة.
اين يمكن شراء الشهادة البلاتينية او شهادة استثمار القمة ؟
يمكن شراء الشهادة من أى فرع من فروع البنك الاهلي والتى يصل عددها إلى أكثر من 500 فرع منتشرة بجميع أنحاء الجمهورية ، وايضا من خلال فروع بنك مصر في مصر في جميع المحافظات ، ومن خلال حسابات المواطنين في البنك الاهلي.
سبب رفع سعر الفائدة الي 16 % الشهادة البلاتينية وشهادة القمة
ومن اهم اسباب زيادة فائدة شهادة الاستثمار لتصبح 16 % لتكون اعلي سعر فائدة خلال ال 10 سنوات الماضية ، وذلك بعد تعويم البنك المركزي الجنيه امام الدولار ليبدأ من 13 جنيه ، حيث يتوقع حدوث موجه تضخم مرتفعة ، مما دفع البنك الاهلي وبنك مصر الي رفع اسعار الفائدة لتكون 16 % للشهادات البلاتينية الشهرية و 20 % للشهاداة الجديدة ، لتقليل مستوى التضخم خلال الفترة القادمة وتوفير سيولة مالية كافية لمشروعات مصر في المستقبل القريب ، بجانب مساعدة المواطنين في توفير وعاء ادخاري مناسب لوضع مدخراتهم بشكل يساعد فى التغلب على أعباء المعيشة ويسهم فى مواجهة مصاعب التضخم وارتفاع الأسعار الذى حدث خلال الشهور الماضية وبسعر فائدة هو الاعلي في مصر حاليا بقيمة 16 % و 20 % لشهادات العام ونصف.
تحديث هــــــــــــــــــــــــــام حول ايقاف شهادات ال 20 % :-
بداية من يوم الأحد 18 فبراير 2018 ، أعلن البنك الأهلي المصري ايقاف شهادات ال 20 % رسميا واستبدالها بشهادة استثمار ذات فائدة 17 % سنويا ومدة الشهادة سنة واحدة بينما سيتم خفض فائدة الشهادة البلاتينية إلى 15 % بدلا من 16 % وهي الشهادة ذات المدة 3 سنوات ، ويأتي ذلك بعد قرار البنك المركزي المصري بخفض اسعار الفائدة 1% .
شاهد ايضا من هنا بالتفصيل:-
اكثر الشهادة البلاتينية الشهرية من البنك الاهلي 2016
و تعرف علي شهادة القمة من بنك مصر 2015 ونسبة الفائدة 12.5
وشاهد من هنا خطوات فتح حساب بنكي في البنك الاهلي والحد الادني لفتح الحساب
جديد بعد قرار تعويم الجنيه امام الدولار رسميا رفع سعر الشهادة البلاتينية الي 16 % و اصدار شهادة جديدة بنسبة 20 %
في موقع خمس خطوات ، نقدم لكم متابعة جيدة للشأن المصري والعربي والعالمي ، والاخبار السياسية والاقتصادية والبنوك في مصر والوطن العربي اهم النصائح والارشادات ومتابعة جيدة للتطورات الجارية.
هل يمكن اضافة الفوائد على قيمة الشهادة وحساب فائدة تراكمية
لا دا نوع اخر من شهادات الاستثمار اسمه ” شهادات مجموعة أ ” بيكون العائد فيها تراكمي وحاليا الفائدة عليها 10.75 % سنويا
لكن في الشهادات البلاتينية الفوائد بتنزل في الحساب ويكون متاح لك التصرف بها ، و لو عايز تشتري شهادة جديدة بمبلغ الفوائد بتتوجه للبنك
أرجو أن تنشروا معادلة كيفية حساب القيمة الأستردادية للشهادات البلاتينية الصادرة من البنك الأهلى فى حالة أحتياج العميل لأسترداد الشهادة بعد مضى 6 أشهر أو أكثر من تاريخ شراء الشهادة حيث أن هذه الخدمة كانت متوفرة فى خدمة الأهلى نت القديمة قبل تحديث أنظمة البنك اللكترونياً والآن لم تعد متوفرة فى النظام الجديد
اذاكان موعد صرف عايد الشهادة في اجازة العيد فهل يتم الصرف
اه نزول العائد في الحساب وماكينات الصرف شغالة عادي في العيد والاجازات بشكل عام
جيت افتح حساب والرقم القومى ساري بس قالو لازم بطاقه الزوج ولازم يكون موظف ليه التعقيد ده وكنت هشترى شهاة استثمار ومعملتش حاجه
شهادة العشر سنوات … كانت بتحسب بنسبة 285 % فما نسبتها الان
شهادة استثمار مجموعة أ ، النسبة زي ما هي 285 % اخر مدة ال 10 سنين
بالنسبة للفائدة ٢٠٪ هل بتكون النسبة مقسمة علي سنه ولا علي سنه ونصف ؟ وياتري لو حطيت ١٣٠ الف جني هاخد كام كل شهر .. ياريت حد يجاوبني
في السنة الواحدة 20 % ، مجموع الفائدة في السنة ونصف 30 %
الفائدة بتصرف كل 3 شهور يعني بالنسبة لمبلغ 130 الف العائد كل 3 شهور هيبقي 6500 جنيه
لو سمحت معايا 150 الف وعاوز اعمل شهاده 20% هل هيا متاحه في الوقت الحالي
اه متاحة حتي الان
لو سمحت حضرتك حتى نستفاد كلنا هل الحسبة دى صحيحة ؟ ، كمثال لو وضعت 100 ألف شهادة 3 سنوات بفائدة 16% يعنى عائد السنة سيكون 16 ألف جنيه وفى الثلاث سنوات ستكون العوائد 48 الف جنية ،
ولو أخذت قرض لمدة ثلاث سنوات بضمان الشهادة هيكون بنسبة 90% كحد أقصى من 100 ألف جنيه يعنى 90 الف جنية وستكون عليهم فائدة 20% تبقى فائدة الرقض ( 90 ألف فى 20% ) هتساوى مبلغ 18 الف جنية ،
يعنى كده فى نهاية الشهادة استفدت عوائد بمبلغ 48 الف جنيه ودفعت منهم 18 الف جنيه فائدة القرض اللى اخذته ، يتبقى كده مكسب نهائى 30 الف جنيه فى نهاية الشهادة فوق مبلغ الشهادة الأصلى اللى بقيمة 100 ألف ،
وهل هينزل فى حسابى شهريا عائد الشهادة 16% طوال الثلاث سنوات بالرغم من أنهم بيخصموا قسط القرض من مبلغ الشهادة الأصلى طوال الثلاث سنوات ،
وهل تكون نفس الحسبة لشهادة 20% لمدة سنة ونصف مع الإختلاف أن القرض سيكون بنسبة 75% .
هو الحسبة بتاعتك تمام صحيحة اه فيما عدا نقطة بس انت فرضت انك هتسدد قيمة القرض في سنة واحدة ؟ فتدفع فائدة 18 الف في السنة دي بس اه ، وبقية مدة الشهادة تستمر كما هي والارباح كما هي
عادة الناس بتاخد القرض علي اساس انها تسدده علي كذا سنة او حسب مدة الشهادة بالتالي هتدفع 18 الف في السنة الواحدة حسب مدة سداد القسط
بالنسبة لعائد الشهادة بينزل في الحساب اه واي خصومات بتتخصم من المبلغ الكلي اللي في الحساب ، مبلغ الشهادة الاصلي بيفضل زي ما هو لحين استردادها لانه هو الضامن للقرض
اه تمام نفس الوضع بالنسبة لشهادة ال 20 % بس القرض المسموح به لحد 75 % من قيمة الشهادة
ما هو المبلغ الموضوع فى الشهادة البلاتينية 20% ليصبح المبلغ فى نهاية ال 18 شهر 400000 جنية
حوالي 330 الف جنيه
او ممكن تحسبها انت شوف كل 100 الف في نهاية ال 18 شهر هتدي عائد 30 الف يعني المبلغ المستلم في نهاية الشهادة لل 100 الف هيبقي 130 الف جنيه
هل تستمر شراء شهادات ٢٠٪ بعد تثبيت اسعار الفائده النهارده صدر قرار البنك المركزي بتثبيت اسعار الفائده اليوم فهل يتم الاستمرار في طرح شهادات ال ٢٠٪ وما هو اسم البنك وهل شهادات طلعت حرب ما زالت مستمره بعد هذا القرار وشكرا
اه مستمرة بعد تثبيت اسعار الفائدة خصوصا ان نسبة التضخم لسه مرتفعة
الشهادات موجودة في البنك الاهلي اسمها البلاتينية 20 % ، وفي بنك مصر شهادة طلعت حرب 20 %
لو سمحت لو معايا مبلغ 300000 وعايز اشترى شهادة ايه هي الشهادة باعلي فايدة وهيكون العائد كام تقريبا شهريالمدة ثلاث سنوات
اعلي شهادة حاليا هي البلاتينية ال 20 % ومدتها سنة ونص يعني في اخر مدتها هيكون مجموع العائد 30 % والعائد بتاعها بيصرف كل 3 شهور
اما لو عايز شهادة مدتها 3 سنين فيه البلاتينية ال 16 % والعائد بتاعها شهري وهتلاقي مثال لطريقة حساب العائد في الموضوع بالتفصيل
طب دلوقتى حضرتك بتقول القرض على شهادة ال20 فى المية هيكون 24 فى المية طب الشهادة الضامنة اللى بعمل بيها القرض باخد فوائدها فى فترة سداد القرض عادى
اه عائد الشهادة نفسه بينزل في الحساب عادي و في نفس الوقت بيتم خصم قسط القرض من المبلغ الكلي الموجود في الحساب
ممكن اعرف الشهاده 20 هتفضل لغاية امتى
حتي الان مفيش ميعاد محدد لايقاف الشهادة ، فهي الاقل مستمرة لحد 16 فبراير 2017 اللي هو موعد مناقشة البنك المركزي لاسعار الفائدة
وغالبا هستمر فترة كمان لان الاسعار لسه مولعة ونسبة التضخم بتزيد مش بتقل
عاوزه اعرف الفايده على القرض لشهادة العشرين فى الميه بتتحسب ازاى لو القرض لمدة سنه
بتكون 20 % اللي هي فائدة الشهادة + 4 % يعني الفائدة علي القرض هتكون 24 % في السنة
لو سمحت هو ليه البنك بيطلب ورقه من الشغل بدخلى وكمان صحه توقيع من البنك عند فتح حساب داانا هافتح حساب ايه علاقته بشغلى وكمان طلب منى افتح فى فرع قريب من بيتى او اجيب وصل كهرباء انا حره افتح فى اى فرع ولو مش بشتغل يعنى مش هاعرف افتح ولو متأمن عليا بردو ايه علاقته بفتح حساب انا مش عايزه قرض من البنك وليه التعجيز ده
شهادات ال16% مستمرة
اه مستمرة
لو سمحت لو هعمل سهادة 20 فى المية بمبلغ مائة الف جنيها اخد فوائدهم كام بعد اربع سنين ونصف ارجو الرد من فضلك
شهادة ال 20 % مدتها سنة ونص بس ، بعد كدا حسب ما البنك يحدد نسبة الشهادة لان النسبة دي عالية مش هتستمر لمدة طويلة
لو سمحت هل الشهادات 20% مستمرة حتى الآن.
اه مستمرة
هل الشهاده ال ٢٠٪ بتتحسب ٢٠٪ سنويا ولا ٢٠٪ على ١٨ شهر
20 % سنويا ، اما في ال 18 شهر علي بعض يبقي 30 %
لو سمحت لو عملت شهادة بلاتينية ب100 الف هيبقوا كام بعد 6 سنين والافضل اعملهاالشهادة ال20 فى المية ولا الشهادة ال16 فى المية علما انى مش محتاجاهم دلوقتى خالص
لو مش محتاج المبلغ دلوقتي يبقي اشتري شهادة ال 16 % لانها المدة الاطول 3 سنين ، والعائد ل 100 الف هيكون 16 الف في السنة
اما شهادة ال 20 % مدتها سنة ونص بس
هل ممكن تستمر الشهادات نسبة 20 % لشهر كمان؟
هيبان يوم الخميس 29 البنك المركزي هيناقش اسعار الفائدة سواء يزودها او يثبتها ، عامة علي الاقل هي مستمرة الاسبوع الاول من يناير
لو عاوزة اعمل قرض بضمان المعاش بمبلغ 100 الف جنية للعلم ان معاشى قيمته 700 جنية ممكن اعرف الاوراق المطلوبة وهدفع قسط كام فى الشهر
هتلاقي هنــــا تفاصيل الحصول علي قرض بضمان المعاش الشروط والاوراق المطلوبة
هل يسمح للعرب بشراء الشهاده التي فايدتها ٢٠٪
اه ممكن فتح حساب في البنك وشراء الشهادة
انا روحت البنك اعمل شهادات بلاتنية قالى لازم تكونى سبتة وظيفة فى البطاقة
اه دي تعليمات البنك المركزي لكل البنوك علشان فتح حساب جديد لازم تكون وظيفة مذكورة في البطاقة والبطاقة تكون سارية
لو سمحت هل الشهادات البلاتينيه بارباح 20% مازالت مستمره ولا خلصت؟
اه مستمرة علي الاقل لحد اخر شهر ديسمبر
لو سمحت انا عملة شهادة بلاتينية ب 16 فى المية فى 29 /11 وعايز احولها ااشهادة ال20 فى المية اعمل اية هى لسة مكملتش شهر
ممكن تحاولي مع الموظف في البنك بس حسب شروط الشهادات لازم مرور 6 شهور علي الشهادة قبل استردادها
لو سمحت حضرتك عوزه احسب الفائده لمبلغ 389 الف جنيه لفائدة
16 %
المبلغ 389 * الفائدة 100\16 = العائد في السنة 62240 جنيه
والعائد دا مقسم شهريا كل شهر هينزل في الحساب 5186.67 جنيه
هل الشهاده البلاتينيه ذات العائد 16%ثابته ولا فيها جدال اي أنها مستمره على طول
الشهادة نفسها بعد عملها مستمرة ال 3 سنين ثابتة اه
وفي حالة زيادة او خفض الفائدة بيكون التطبيق علي الشهادات الجديدة اللي لسه هتتعمل والشهادات القديمة مش بتتأثر
في فايدة اعلا من 16 في الميه
اه شهادة البلاتينية ال 20 % بس مدتها سنة ونصف مش 3 ، ودي العائد بتاعها بيصرف كل 3 شهور
صديق اخبرنى بالغاء شهادات ذات ارباح ٢٠ فى المائه منذ يوم الخميس الموافق ٨ ديسمبر وفتح شهادات جديده ذى عائد بنسبه ١٧ فى المائه. هل هذا الكلام صحيح
دا كان خبر نازل في المواقع اه انهم بيدرسوا هيوقفوها ولا يخلوها 18 او 17 %
لكن حتي اليوم 14 ديسمبر 2016 الشهادة مستمرة 20 % و ممكن تتاكد من موقع البنك الاهلي وبنك مصر هتلاقي اعلان الشهادة لسه موجود 20 %
عملت شهادة بلاتينية بعشرة الاف جنية ثم عملت لها فيزا عشان اسحب بيها الارباح كل شهر يعنى المفروض اشحب كل شهر 133جنيها لكن الماكنة بتنزل المائة جنية فقط فهل ال33جنيها بينضافوا الى حسابى
اه المبلغ بيفضل في الحساب والجديد يضاف عليه
هو المفروض ماكينات السحب بتطلع ال 10 جنيه و 20 ، لكن حاليا بقي قليل اوي بقوا يخلوا اقل فئة 50 جنيه
اولا اشكركم على سرعة الرد ولكن لى شؤال لقد عملت شهادة بلاتينية و طلعت من البنك كارت فيزا نظرا للازدحام الشديد فى البنك لكن محتاجة اعرف هل هذه الفيزا عشان اسحب فائدة الشهادة فقط ام اسحب من الرصيد وانا عملت شهادتى بعشرة الاف جنية يعنى فائدتهم الشهرية 133جنيها مع العلم لما تيجى تسحبهم بالفيزا الماكينة هتخرج لك العدد الصحيح بس اللى هى ال100جنيها طب و 33جنيها هيروحو فين ارجو الرد جزاكم الله كل خير
العفو واهلا بيك
الفيز مرتبطة بالحساب كله مش الشهادة بس وممكن تعمل سحب وايداع في الحساب عادي سواء من الشباك او بالفيزا
المبلغ لو مصرفتوش بيفضل في الحساب والجديد الشهر اللي بعده يضاف عليه
وهو فعلا الايام دي مبقوش يحطوا ال 10 او ال 20 جنيه كتير في ماكينات الصرف ، اقل حاجة بقي 50 لكن ممكن تبقي تجرب في ماكينة اخري او ماكينة جنب فرع البنك وعامة المبلغ بيفضل في حسابك مش بيحصلهم حاجة
هل يمكن ان تشتري شهاده بلاتينيه ذات الفائده 20% لابي لحسابه في البنك الاهلي وانا ليس لي حساب فيه ببطاقتي وصورة بطاقته لانه مسافر …واشكركم
لازم صاحب الحساب نفسه او يكون فيه توكيل منه
لان البنك بيحتاج الامضاء بتاع صاحب الحساب علي استمارة شراء الشهادة
اخر موعد للشهادة ال20 فى المية
هي مستمرة حتي الان مفيش ميعاد محدد لايقافها
السلام عليكم
ليه عند وضع مبلغ اكبر من 250 الف جنيه بيتم ملئ استمارة بيانات اضافيه بها استعلام عن مصدر المبلغ وصفة المودع
وعليكم السلام ورحمه الله وبركاته
دا اجراء عامله البنك المركزي لكل البنوك علشان موضوع غسيل الاموال
لو سمحت هي الفائده بتختلف بأختلاف العمله ولا العائد بيكون بالجنيه المصري حتي لو كانت الوديعه بالدولار ؟؟ يعني لو حابب اضع مثلا 1000 دولار اذا هيكون العائد السنوي 160 دولار ولا هيتم تبديله للعمله المحليه
فيه شهادات بالدولار والعائد بتاعها بالدولار لكن اعلي عائد حاليا لـ شهادة أهل مصر 7 سنوات ذات عائد ربع سنوي والفائدة عليها 5.75 %
السلام عليكم
هل هناك شروط لفتح حساب بالبنك الاهلى لعمل الشهاده 20 فى المائه؟
مع العلم بان لدى حساب فى بنك اخر
وعليكم السلام ورحمه الله وبركاته
لازم البطاقة تكون سارية ومكتوب فيها الوظيفة ، ومفيش مانع من وجود حسابات تانية
من فضلكم كم تساوى فائدة ال 65000 لوهشترى شهادة استثمار بلاتينية ذات الفائدة ال 20 فى المية من بنك القاهرة وشكرآ
العائد في ال 18 شهر علي بعض هيكون 19500 جنيه ، والعائد بيصرف موزع كل 3 شهور
لعمل شهادة بلاتينية ذات الفائد ٢٠٪ يجب فتح حساب اولا
اه لازم فتح الحساب الاول
ممكن اخد قرض بخمسون الف جنية واعمل بيهم شهادة بلاتينية الشهرية واسدد بيهم قسط القرض الشهرى ارجو الرد
فائدة القرض هتكون ديما اعلي من فائدة الشهادات يعني مفيش مكسب بالعكس هتبقي خسارة
صباح الخير
كنت عايز اعرف ايه انواع الفيزا ومزايها والنوع الافضل وهل بيتم دفع فائدة عليه
ارجو الرد
فيه انواع كتيره ممكن تراجع ميزة كل فيزا علي موقع البنك الاهلي
عامة في الاساس هم نوعين نوع مرتبط بالحساب وبتقدر تسحب منه العائد و تعمل ايداع عادي
النوع الاخر اللي هو كريديت كارد بتسحب منه ويكون دين عليك تسدده للبنك او النوع الاشهر منه اللي هو بطاقة المشتريات اللي بيتم الشراء بها والسداد بالتقسيط
لو سمحتو كنت عايزه اعرف انا عملت شهلده بلاينيه ٢٠ في الميه مدتها ١٨ شهر كام فايدة ال١٣٠٠٠ وكمان اخت فيزا بس مش معاها ظرف تاني بالرقم السري هو مسجل فين مش عارفه ارجو التوضيح
عائد الشهادة بالنسبة لمبلغ 13 الف هيكون 2600 في السنة + 1300 بالنسبة لل 6 شهور الباقيين ، يعني العائد كله في ال 18 شهر 3900 جنيه
بالنسبة للفيزا لو قصدك كارت الفيزا المرتبط بالحساب هو اول مرة بتدخليه في ماكينة الصرف بيطلب منك عمل الرقم السري من 4 ارقام بنفسك وتاكيديه مرة تانية ، و بعدين بيخرج الكارت و بعد كدا تقدري تستخدميه عادي بالرقم اللي عملتيه
اما لو كان فيزا مشتريات او كريديت كارد او غيرة هتلاقي الرقم في الظرف
الشهاده الجديدة آخر موعد الادخار فيها متى
مفيش ميعاد محدد لكن علي الاقل هي مستمرة شهرين كمان
بالنسبة لشهادة القمة التى كانت قبل قرار التعويم سوف ترفع فائدتها ام ستظل كما هى 12,5 اريد الاجابة من فضلك
الشهادات القديمة بشكل عام الفائدة بتظل كما هي ، و التغيير بيطبق علي الشهادات الجديدة فقط
لو معايا مائة الف جنية اخد عليهم كام ف الشهر
لو شهادة بلاتينية ب 20% يبقي العائد كل 3 شهور هو 5000 جنيه
لو بلاتينية ب 16 % العائد بتاعها شهري كل شهر هيبقي 1333.3 جنيه
هل تضاف قيمة الشهادة الاصلية الي الحساب الجاري اتوماتيكيا بعد انتهاء مدتها سواء شهادة العام ونصف او شهادة الثلاث سنوات ام يجب للذهاب للبنك بعد انتتاء المدة وارجاع الشهاد لاخذ قيمتها.. شكرا جزيلا لكم.
بالنسبة للشهادة البلاتينية بشكل عام بيتم تجديدها تلقائيا
اما شهادة البلاتينية ال 20 % اللي هي سنة ونصف لسه مفيش كلام عنها لانها تعتبر نوع جديد ، وغالبا البنك هيخليها نسبة وسط ما بين 20 و 16 علشان يخلي الناس تجددها
السلام عليم نرجو سؤال اخر معاد لتلك الشهادات ولمازا لم يتم زياده الفايده علي الشهادات القديمه تلقائي نرجو الرد
وشكرا
وعليكم السلام ورحمه الله وبركاته
مفيش ميعاد محدد بالنسبة للفائدة الجديدة مستمرة علي الاقل شهرين كمان ولو نزلت مش هتنزل كتير
البنك متعود علي الطريقة دي هو غاويين تعب الناس بجانب ان البنك بيكون له مكسب لما الناس تكسر شهادتها وتعمل شهادات جديدة
ماهي شروط استرداد قيمة الشهادة بعد 6 شهور وهل هسترد المبلغ كما هو ولا هيتخصم منه .
مفيش شروط غير انه يمر علي الشهادة اكثر من 6 شهور ، و بيتم خصم حوالي 90 % من قيمة العائدة خلال الفترة الماضية من الشهادة
السلام عليكم
ما هو الافضل بين الشهادة ذات العائد 16% والعائد 20% وماهو الفرق بينهما نرجو التوضيح
وهل كما يروج ان الاستثمار في الشهادات ليس له قيمة نظرا لتدهور قيمة الجنيه المصري
وعليكم السلام ورحمه الله وبركاته
ال 20 % مدتها سنة و نصف فقط و العائد بيتم صرفه مقسم كل 3 شهور
ال 16 % مدتها 3 سنين والعائد بيتم صرفه مقسم كل شهر
هو فعلا الجنيه في تدهور مستمر لكن الاستثمار في الشهادات عبارة عن طريقة آمنة للاستثمار وانقاذ ما يمكن انقاذه ، طرق الاستثمار التانية او حفظ قيمة الاموال علي المدي القصير هي الذهب و العملات و علي المدي الطويل هي الاراضي والعقارات ، وعامة انت حاول توزع بينهم متحطش كله في الشهادات بس
السلام عليكم
هل يتم تجديد الشهادات البلاتينيه 20%
عائد تلقائيا بعد انتهاء مدة العام ونصف
ام لايسمح بذلك
حتي الان مدة الشهادة 20 % سنة ونص فقط ، بعد ذلك بيتم استردادها للحساب ، لكن احتمال كبير البنك وقتها يحدد نسبة جديدة للشهادة بحيث يشجغ الناس تحتفظ بيها
هل من الممكن استبدال شهادات بلاتينيه تم شرائها فى 2015 بفائدة 10.5 % بشهادات بلاتينية ب 16 %
اه ممكن بيكون فيه خصم من قيمة الشهادة بس هيتعود في عائد الشهادة الجديدة
بالنسبة الشهادات البلاتينية الي كانت معمولة ب12.5 هل زادات مع النظام الجديد وبقت فايدتها 16 ولا استمر وضعها كما هو عليه
الشهادات القديمة زي ما هي مزدتش لا
الشهاده دي محتاجه اعمل حساب الأول
اه بيتم فتح حساب الاول
هل ينفع عمل شهاده بلاتينيه باسمي مع العلم اني عامل واحده من شهر
اه ممكن اي عدد من الشهادات في اي وقت مفيش حدود او شروط بالنسبة للنقطة دي
بعد أزنك انا عايز اعرف ممكن ادفع 120جنيه فى الشهر ل طفله و عندما تبلغ سن الرشد 18سنه أخذهم مبلغ 150000
مش عارف انت تقصد ايه حساب توفير او شهادة مفيش كدا ، لكن ممكن تعمل شهادة استثمار مجموعة أ ، بتحصل علي 285 % بعد 10 سنين
صباح الخير لو سمحت عندي سؤال لو انا عملت الشهادة البلاتنيه ينفع اعمل بعدها واحده تاني بعد عشر ايام
اه اي وقت و اي عدد من الشهادات ، بس اعمل حسابك في وقت الانتظار اليومين دول فيه زحمة في البنك
لو سمحت عايز اعرف لو انا عملت شهادة 50الف جنية ممكن اشتري عربية عن طريق البنك بضمان الوديعة او الشهادة
ممكن تحصل علي قرض بضمان الشهادة بحد اقصي 90 % من قيمة الشهادة ، لكن قرض السيارة نفسه بيكون المرتب او مصدر الدخل هو الضمان
لماذا لا يقوم البنكان الكبيران “الأهلى ومصر” : اسوة بتحويل عائد شهادة قناة السويس من 12.5% الى 15.5 تلقائيا لكل حائزى هذه الشهادة إعتبارا من تاريخه وحتى نهاية مدة إستحقاقها ، لماذا لم يتم بالمثل رفع عائد البلاتينية والقمة من 12.5% الى 15.5% ؟؟؟ اليس مشتروا هذه الشهادات مواطنين مصريين مثلهم مثل مشتروا تلك ؟؟؟؟
طريقه حساب القرض على الشهاده ب وهل 2 فى الميه دول فى السنه ولا على الفتره بتاع الشهاده كلها وهى الخمس سنوات وهل العائد الربع السنوى زى ماهو ولا ايه ارجوا الإيضاح لوسمحت
الفائدة علي القرض سنوية ، مدة الشهادة 3 سنوات ، عائد الشهادة البلاتينية ال ب 20 % هي اللي ربع سنوية ، اما ال 16 % العائد بيتم صرفه شهريا
كنت اتخيل ان ارى التعليق المنطقى على هذه “المؤامرة” من كلا البنكين الكبيرين “الأهلى ومصر” : اسوة بتحويل عائد شهادة قناة السويس من 12.5% الى 15% تلقائيا لكل حائزى هذه الشهادة إعتبارا من تاريخه وحتى نهاية مدة إستحقاقها ، لماذا لم يتم بالمثل رفع عائد البلاتينية والقمة من 12.5% الى 15% ؟؟؟ اليس مشتروا هذه الشهادات مواطنين مصريين مثلهم مثل مشتروا تلك ؟؟؟؟
أنا معايا شهادات قناة السويس ممكن استبدلهم بشهادات طلعت حرب ذو عائد 20%سنويا. وما هو المطلوب لتحويل
ممكن بس شهادات قناة السويس وزارة المالية زودتها للكل بقت 15.5 %
عامة بتروح البنك اللي اصدرتها منه و معاك الشهادة والبطاقة وتستردتها عادي وتطلب من الموظف عمل شهادة طلعت حرب
مساء الخير .اولا شكرا لمجهودكم فى افاده الناس والذى بفضله اصبح الموقع عالمى .
ثانيا عندى سؤال .انا معايا 15000 جنيه وعايز اشترى الشهاده الجديده 20% السنويه وعايز اعرف طريقه الفايده حتتحسب ازاى خلال مده السنه ونصف هل حتبقى كامله على السنه ونصف ولا حتبقى 20% على اول سنه و10% على 6 شهور الباقين .
ومعنى كده انى حقبض العائد 6 مرات خلال السنه ونصف ديه وحيبقى حوالى كام .
ثالثا : انا عرفت ان من شروط شراء الشهاده لازم وجود حساب .وبالفعل انا فتحت حساب قريب وكنت ناوى اختار نوع الحساب مدخر الصغير ولكن الموظف قالى خليك حساب توفير عادى سنوى قولتوله ليه قالى حاجه غريبه اوى اول مره اسمعها قالى عشان المدخر الصغير الفايده فيه بتقل بعد مبلغ 30000 !!!!!!!!! مش عارف الكلام ده صح ولا ايه حضرتك عارف موظفين البنك طبعااا مش كلهم بيفهمو ..
واخيراا لحضراتكم خزيل الشكر ..والسلام عليكم
وعليكم السلام ورحمه الله وبركاته
مساء الفل شكرا لذوقك و يارب نكون عند حسن ظنك ديما
– اه بالضبط زي ما قلت 20 % علي السنة الاولي ، و بالنسبة لل 6 شهور الباقية من الشهادة هيبقي 10 % ، بمعني السنة ونص كلها علي بعضها الفائدة 30 %
– طريقة حساب عائد شهادة البلاتينية بنضرب قيمة المبلغ في الفائدة يطلع العائد في السنة يعني بالنسبة ل 20 % و مبلغ 15000 * 10020 = 3000 في السنة والعائد ربع سنوي يعني بيصرف موزع علي 4 مرات في السنة كل مرة هينزل في الحساب 750 جنيه ، مجموع العائد كله في السنة ونص هيبقي 3000 + 1500 = 4500 جنيه
– نقطة حساب التوفير دي مبهمة انا سالت فيها اكتر من موظف قبل كدا واحد يقول حد اقصي و واحد يقول الحد الاقصي دا للجوايز حتي علي الموقع الرسمي قايلين يتمتع رصيد الحساب بعائد سنوي علماً بأنه فى حدود مبلغ 30000 جنيه يتمتع بعائد مميز ، لكل (100)جنيه برصيد الحساب بحد أقصى 30000 جنيه فرصة واحدة لدخول السحب الدورى على جوائز كبرى 3 مرات سنويا شهور يناير , يوليو , أكتوبر
عامة حساب التوفير لو هو نوعه سنوي نفس العائد بتاع حساب المدخر الصغير حاليا 8.25 % سنويا
واسف لو فيه تاخير في الرد و اهلا بيك لو في اي استفسار اخر
لو سمحت عايز اعرف 100 األف فائدته كأم في 20في المايه ع الشهادة
20 الف في السنة الاولي وباقي ال 6 شهور 10 الاف ، يعني مجموع العائد في السنة ونصف 30 الف
أنا شارى شهادات منذ شهرين بعائد 12.5 شهرى هل يجوز استرددها بشهادات عائد 16 بالمائه رجاء الرد سريعا وشكرا
لازم مرور 6 شهور علي تاريخ شراء الشهادة
شكرا لاهتمامك وسرعه الرد
العفو واهلا بيك ديما
عاوزة اعرف أرباح 50الف في الشهر كام للشهاده ذات16في الميه
666.66 جنيه في الشهر و في السنة هتجيب 8000 جنيه
الاوراق المطلوبه لعمل شهاده
البطاقة تكون سارية و مكتوب فيها الوظيفة علشان هيتم فتح حساب الاول وبعد كدا عمل الشهادة
طيب العائد الشهري علي دفتر التوفير بقي كام؟
علي حسب نوع دفتر التوفير ايه ؟ عامة بالنسبة لحساب توفير المدخر الصغير اللي هو معظم الناس عليه النسبة الحالية 8.25 % سنوية
انا عامل شهادة بلاتينية منذ عام الخصم هيكون كام
في حدود 75 % من قيمة الشهادة
اشتريت شهادة بمبلغ ١١٩٠٠٠ الف مند ١١شهر هل ممكن استردها واشترى شهادات القمة الجديدة علما بان السابقة شهادة قمة وماهى نسبة الخصم
اه ممكن استردادها
الخصم هيكون في حدود 75 % من العائد اللي تم صرفه خلال الفترة السابقة من الشهادة
انا جزائري اريد الزواج بي ايسلندية
منفضلك انا عامل شهاده 9% باقي علي استرداد 5 أو 7 شهور ما هو حساب الاسترداد وشكرا
بيتم خصم 50 % من العائد خلال الفترة الماضية من الشهادة
ماهي شهاده العام ونصف ٢٠٪
هتلاقي هنا بالتفصيل شهادة البلاتينية ال 20 %
من فضلك انا عملت شهادة من شهر اغسطس الماضى وحبيت استردها مانسبة الخصم علما انا لم يمضى عليها 6 شهور
لازم حسب شروط الشهادة يمر عليها 6 شهور
هل سيتم زيادة العاءد على الشهادات المشتراه سابقا أم أن يتم استردادها
لا زي ما هي لازم تستردها لو عايز النسبة الجديدة
بالنسبة لشهادات قناة السويس هتزيد بس لسه محددوش النسبة كام
من فضلك ان عملت شهاده قمه بقيمه ٥٠ الف من شهر مارس الماضى يعنى كده مر ٦ شهور اذا حبيت استرد المبلغ نسبه الخصم هتبقى قد ايه بالضبط اذا سمحت ؟؟
90 % من العائد اللي تم صرفه خلال ال 6 شهور بيتم الخصم من قيمة الشهادة
نسبة الاسترادا بتكون .035% – وبحساب المبلغ المسترد ل 50000 يكون 50000 * .035% = 1750 ج – وتكوت قيمة الشهادة بعد الخصم = 48250 ج
انا مش فى مصر ممكن ابعت الفلوس لاختى وهى تشتريلى الشهاده باسمى
ممكن لو فيه توكيل اه
ممكن استفسار
حاليا انى عامل شهاده بفايده 12.5 ممكن تتغير ل 16%
اه ممكن بس لازم مرور 6 شهور علي الشهادة علشان تستردها و بيتم خصم جزء من العائد اللي تم صرفه الفترة الماضية من الشهادة
كيفية حساب شهادة الاستثمار ذات العاءد 20%؟!
مثلا شهادة ب 1000 جنيه ، الفائدة 20 % سنويا يبقي العائد في السنة 200 جنيه ، العائد دا بيتم توزيعه بطريقة ربع سنوية يعني كل 3 شهور ينزل ربع في الحساب يعني 50 جنيه و هكذا لمضاعفات الالف جنيه
الشهادات ذات العاءد 20% تحسب على السنة ولا على 18 شهر . أى في آخر السنة والنصف أكون أخذت 20% على المبلغ ولا تحسب سنويا عادي مثل بقية الشهادات .
اه تحسب الفائدة 20 % سنويا
اما بالنسبة لحسبة باقي المدة اللي هي نصف سنة هيبقي نصف العائد 10 %
يعني مجموع العائد في اخر مدة الشهادة كله هيبقي 30 %
من فضلكم هل سيتم تحويل الفايده ال12.5 ف الميه الي الفايده الجديده
لدي شهادات مر عليها سنه ومدتها 3 سنين ذات عائد 12.5
هل ستتغير سعر الفايده الي 1لسعر الجديد
لا لازم تروح البنك وتغيرها بنفسك للشهادة الجديدة
انا لسة عاملة شهادةمن11يوم بس هل يمكن ان استرها واحولها واغيرها للتعاقد الجديد
لاسترداد الشهادة لازم مرور 6 شهور بس عموما حاولي مع البنك طلما لسه جديدة
طيب ممكن اعرف لو مرت 12 شهر علي الشهادة 12.5 وعايز أفكها حسبتها هتباه أزاي يعني هدفع قد اية
هيتم خصم حوالي 75 % من العائد خلال الفترة السنة اللي فاتت من الشهادة
من فضلك انا عامله شهاده قمه من سنه بالفايده 12.5%هل الارباح القادمه تكون بنسبة16% ولا لابد من تغيىر الشهاده
لازم استرداد الشهاة وعمل شهادة بالنسبة الجديدة
انا شهادات بنسبة 10.5%هل تم زيادتها إلى 16 ام لا
الشهادات القديمة زي ما هي بفائدتها ، يعني لازم استرداد الشهادة القديمة وعمل شهادة جديدة
لو سمحت انا كنت عامل شهادة و انتهت في هذا الشهر و ذهبت لاجددها بفائدة 12.5 % و لم يمر عليها شهر هل يمكنني استبدالها بالفائدة الجديدة
ممكن تحاول مع البنك بس صعب الموظف هيقولك لازم مرور 6 شهور علي الشهادة لاستردادها عموما جرب وان شاء الله خير
اذا سمحت انا كنت عامل شهادة لمدة ٣ سنين اخر يوم ليها كان يوم ٢٨/١٠/٢٠١٦ بس انا حاليا مَش موجود فمصر و سالت ان البنك بيجدد تلقائي محتاج اعرف التجديد بيقي فنفس اليوم الي بتنتهي فيه و لا بعدها بفترة و هل ينفع استرد الشهادة لما انزل و لا لازم استني فترة برده
التجديد التلقائي بيحصل علشان الفلوس بتبقي لسه في البنك وبيبقي مباشرة بعد انتهاء مدة الشهادة اه ، لكن انت ممكن اي وقت بعد انتهاء مدة الشهادة تستردها عادي بدون خصومات
فترة وجود شهاده ٢٠/
مفيش كلام من البنك عن فترة محددة هي شكلها هتستمر خصوصا مع موجة التضخم وارتفاع الاسعار اللي هتحصل
عاوز اعرف الشهاده البلاتينيه بالجنيه بس مينفعش بالدولار ولو بالدولار العائد ١٦٪ بالجنيه ولا بالدولار
شهادات الدولار في البنك الاهلي اعلي فائدة ليها حاليا بنسبة 5.5 % مدة الشهادة سبع سنين والعائد بالدولار
انا جددت شهادة بلاتبنية اول نوفمبر هل يمكن تعديلها للشهادة ااجديدة الان
لا النسبة تطبق علي الشهادات من اول 3 نوفمبر ، عموما حاول مع البنك طلما لسه الشهادة معموله وان شاء الله خير
لو سمحت هل زياده سعر الفايده على الشهاده البلاتينيه 3 سنوات زاد على الشهادات الموجوده فعلا ولا الزياده هتكون على الشهادات الجديده بعد التعويم ارجوا الاجابه ضرورى
لا للاسف الزيادة علي الشهادات الجديدة بس ، الشهادات القديمة زي ما هي بنسبتها
مساءالخير لوسمحت انا عامل شهاده بيلاتينيه ب100000فى2015وطبعا الفايه12ونصف هل سيطبق الفائده ال16بالمئه الجديده تلقائى ام اسحب المبلغ واعمل شهاده على الجديد وارجو النصيحه من حضرتك وشكرا جزيلا
مساء النور ، النسبة الجديدة علي الشهادات الجديدة فقط ، لو هتسحب المبلغ وتعمل شهادة بالنسبة الجديدة هيتم خصم مبلغ من العائد اللي تم صرفه الفترة الماضية من الشهادة ، و عامة لو حسبتها هتلاقي الخصم دا هيتعوض خلال سنه علشان فرق النسبة بين القديم والجديد
عندي شهادات بلاتينية بالبنك الأهلي من أكثر من 8 سنوات هل يتم رفع العائد الي 16 % وشكرا
لو البلاتينية القديمة لا ، هم بعد انتهاء الشهادة بيفضلو يجددوها علي النسبة القديمة اللي هي 10.5 % لانها بلاتينية ربع سنوية
اما البلاتينية الجديدة اللي ب 16 % هي “بلاتينية شهرية “، فعليك انك تتوجه لخدمة العملاء في البنك وتسترد الشهادات القديمة وتعمل الجديدة
انا عندي شهادات ٢٥٠٠٠٠ جنيه بلاتينية تكمل سنة علي فائدة ١٢،٥ في المئه هل هتزيد تلقائيا الي ١٦ في المئه و لا الأفضل استرد الشهادة و اعمل اللي فائدتها ٢٠ في المئه ارجو الإفادة و الخسارة اد ايه
الشهادات القديمة زي ما هي بفائدتها ، الفائدة الجديدة تطبق علي الشهادات الجديدة بس
الخصم عن استرداد الشهادة علي حسب المدة اللي باقية في الشهادة ، عامة فرق النسبة سواء من 12.5 الي 16 % او 20 % هيعوض الخصم دا خلال اول سنة
لوسمحت اناولدتى توفت وكانت عملة شهادة بلاتينية ١٢.٥٪ بقالها ثلاث شهور واحنا اربع اخوات هل يمكن اخذ الفلوس الان من البنك
البقاء الله ربنا يرحمها ويسكنها فسيح جناته ، اه ممكن اما الشهادة تستمر والعائد ينزل مقسم حسابتكم في البنك ، او تسترد المبلغ مباشرة ، توجه لخدمة العملاء ومعاك شهادة الوفاة واعلام الوراثة و البطاقة ولو فيه اخوات قصر يبقي شهادات الميلاد
لى شهادة بلاتينية عامها كل ثلاثة شهور مضى عليها عامنا لو حسبتها الآن نسبة الخصم كام
لو البلاتينية القديمة العائد 10 او 10.5 % هيتم خصم حوالي 50 % من العائد خلال السنتين دول من قيمة الشهادة
عندي شهادات القمه من بنك مصر ذات عائد 12.5% ويصرف العائد شهريا ومدتها لم تنتهي و مع زياده العائد الي 16% الذي اعلن عنه البنك بدء من الخميس 3/11/2016 هل يقوم البنك برفع عائد الشهادات التي امتلكها اتوماتيكيا الي 16%
لا الشهادات القديمة زي ما هي بفائدتها ، الفائدة الجديدة تطبق علي الشهادات الجديدة
في حال استرداد شهاده بلاتينيه 12.5%فائده تصرف شهرية مر علي شرائها 8اشهر ممكن تخسر اد ايه من قيمتها 58 الف
هيتم خصم 90 % من العائد خلال ال 8 شهور دول يعني حوالي 4350 جنيه ، بس راجع مع البنك للتاكيد لان فيه كلام ان جداول استرداد البلاتينية اتغيرت بعد الزيادة الاخيرة
طيب لو مر عليها سنه
يبقي 75 % و لو مابين سنة ونصف وسنتين يبقي ما بين 65 و لو فاضل سنة يبقي 50 %
عندي شهادة بلاتينية ٣ سنوات انتهت من أسبوع لكن انا مسافر حاليا مَش عارف استردها و عرفت ان البنك بيجدد تلقي طيب اذا نزلت بعد شهر و حبيت استردها ينفع و لا لا و اذا البنك جدد الشهادة هيحسبها علي انهي سعر للفائدة
اه تقدر تسترد الشهادة اي وقت طلما مدتها انتهت هو البنك بيجددها تلقائي علي اساس الفلوس بتبقي لسه في البنك
لو البلاتينية القديمة اللي هي العائد كل 3 شهور لسه الفائدة 10.5 % زي ما هي
اما الشهادات الجديدة اللي هي “البلاتينية الشهرية” هي دي اللي عائد بتاعها شهري و دي هي اللي زادت بقت الفائدة 16 % لمدة 3 سنين و 20 % للشهادة اللي مدتها سنة ونص
من المفترض مع زيادة الفائدة تتغير أتوماتيكياً الفوائد المستحقة على الشهادات البلاتينية حسب مدتها يعني الآن تم إعلات البنك عن أن فوائد الشهادات البلاتينية ذات العائد الشهري واللي مدتها ثلاث سنوات تم رفع الفائدة لتصل إلى16% والبلاتينية الجديدة ومدتها 18شهر وتصرف العائد كل ثلاث أشهر الفائدة ستكون 20% فمن المفترض الشهادات ذات العائد 12.5% ومدتها ثلاث سنوات أن تتغير أتوماتيكياً إلى 16% فما رأيكم
اتفقك معاك ودا المفروض اللي يحصل ، بس للاسف البنوك بتستغل النقطة دي من زمان و بتثبت سعر فائدة الشهادات القديمة كتير من الناس لسه معاها البلاتينية اللي ب 10.5 %
عموما فك الشهادات القديمة و تحويلها للشهادة اللي بفائدة 20 % عيبها الوحيد بس قصر المدة سنة ونص
عايز اعرف ليه العائد للشهاده البلاتينيه انخفض ل10.5فى المائه بدل 12.5فى المائه بعد التجديد وانتهاء مدة الشهادات
الشهادة البلاتينية فيه منها نوعين ، البلاتينية ربع السنوية دي زي ما هي مدة 10.5 % مزتدش
اما الشهادة البلاتينية الشهرية فهي 12.5 %
غالبا اللي حصل معاك ان الشهادة كانت بلاتينية ربع سنوية و لما جددوها مغيرش نوعها فجددوها علي 10.5 ، عموما من خلال خدمة العملا ممكن تستردها وتعمل شهادة جديدة
لو سمحت انا عامله شهاده بلاتينيه وعاوزه اسحب مبلغ الشهاده بعد ثلاثه شهور بسبب قهرى ارجو الافاده سريعا
ممكن تحاولي مع البنك بس صعب لانه حسب شروط الشهادة لازم مرور 6 شهور من تاريخ شرائها
لو سمحت انا معي مبلغ 13 الف جنيه عايزه اعمل شهاده استثمار ؟
وهل عائدالشهاده يخصم من المبلغ الاصلي؟
وهل بعد انتهاء مده الشهاده اقدر اسحب المبلغ الاصلي +الفوائد؟
اجبني للضروره
بتتوجه الي البنك بالبطاقة بس تكون البطاقة محدثة و مكتوب فيها الوظيفة و من خلال خدمة العملا في البنك بتفتح حساب وبعد كدا بتشتري الشهادة عادي
مبلغ الشهادة بيفضل ثابت طول مدة الشهادة مش بيتم خصم منه حاجة ، العائد بيضاف وينزل في الحساب ، بيتم الخصم في حالة واحدة وهي لو هتسحب مبلغ الشهادة قبل ميعاد انتهائها
ممكن تسحب الفوائد مباشرة كل شهر لو هتعمل الشهادة البلاتينية الشهرية ، و ممكن تتركهم في الحساب بس الافضل طبعا تسحب العائد وتستفاد منه
و زي ما قلت للاخوة لو تقدر تستني اليومين دول حتي 17 نوفمبر حتي يتم اعلان اسعار الفائدة لان كل التوقعات بتقول انها هتزيد
طب بعد ادنك انا معايا 10000 ج عايزة استثمرهم اعمل بيهم شهادة ولا لا
وارجو التوضيح معني تعويم الجنيه واية الخطر منة?
لو تقدري تستني لبعد 17 نوفمبر لان هيتم الاعلان عن اسعار الفائدة وكل التوقعات بتقول انها هتزيد
– تعويم الجنيه يعني يخلي السوق هو اللي يحدد قيمته بالنسبة للدولار زي ما حاصل في السوق السوداء كدا ممكن يعلي وممكن يقل يعني ميبقاش سعر ثابت .
– الخطر من تعويم الجنيه هو نسبة التضخط العالية اللي هي ارتفاع الاسعار لاننا نستورد كله بالدولار ، الحاجة بدل ما نشتريها ب 10 جنيه هتبقي 15 و هكذا ، البنك المركزي علشان يواجه المشكلة دي بيروح مزود اسعار الفائدة و المتوقع انها تزيد 2.5 % علي الاقل بحيث نسبة عائد الشهادة يوصل ل 15 %
لو سمحت انا عاملة وديعة بلاتينية من ٢٠١٢ يوليو تنتهي ٢٠١٥
ولاني مسافرة بجمع الفوايد مرة واحدة هاخدها
كدا طبعا بتنصاف ع المبلغ الرءيسي وهو ٥٠٠٠٠
ورجعت عملت واحدة تانية ب٥٠٠٠٠ تانية في يوليو ٢٠١٤
والآن محتاجة المبالغ كاملة لو حبيت اسحبهم طبعا المبلغ الرءيسي وهو ١٠٠ الف في كل وديعة ٥٠ بيفضل زي ماهو ولا بيحصل فيه خصم لو سحبت بدري ام ان الخصم من الفايدة فقط ؟؟
والاولي كملت الثلاث سنوات الاولي والموظفة قالت لي انها تلقاءيا بتتجدد ثلاث سنوات ثانية
هل الكلام دا صحيح
والوديعة الثانية فات منها سنة وأربع شهور
لو سحبتهم الان هينخصم اد ايه من الفوايد
والسؤال الأخير وقت السحب عادي اسحب المبالغ كلها مع فوائدها وألغي الحساب
بالنسبة للشهادة الاولي بيتم سحبها عادي و العائد طلما انتهت مدتها ، هو بيتم التجديد التلقائي لان المبلغ بيكون لسه في البنك لكن العائد واصل الشهادة بتسترديهم كاملين طلما مدتها خلصت
الشهادة التانية هيتم الخصم منها طلما لسه باقي نص مدتها تقريبا هيتم خصم 65 % من العائد في الشهور اللي فاتت من الشهادة
وقت السحب روحي الاول لخدمة العملاء واستردي الشهادات وبعدي كدا اسحبي المبلغ عادي من الشباك
انا عندي حساب بالاهلي يمكن اعمل جذء منه سهاده بلاتينيه
اه ممكن من خلال خدمة العملاء في البنك بيتم شراء الشهادة بالمبلغ اللي تحدده
لو سمحت إذا أنا عندي شهاده استثمار باسم بنتي بقيمة 30000الف جنيه ممكن قرض بضمانها وكمان مبلغ القرض هيكون كام ارجو الرد
اه ممكن التقديم علي قرض حتي نسبة 90 % من قيمة الشهادة ، وفائدة القرض بتكون زيادة 2 % علي فائدة الشهادة
لو سمحت انا عملت شهاده بيلاتنيه ب10.000وقالولي الفوايد اخر نهايه الشهاده بتكون3.744 بس هيخصمو من الفوايد دي طيب ليه
هو مفروض 3750 جنيه في اخر ال 3 سنين ، بيتم خصم 120 جنيه كل سنة مصاريف حساب
مع العلم ان الشهادة البلاتينية ممكن تسحبي العائد كل شهر مش لازم تستني لموعد انتهاء الشهادة
اولا شكرا على الرد ربنا يخليك وده اللى حضراتكم معودينا عليه .
ثانيا : يعنى حضرتك دلوقتى تنصحنى لو انا عايز اشترى شهاده اتقل شويه لحد مايصدر قرار جمهورى بتعويم الجنيه
ولا اشترى دلوقتى وهما حيزودنا باثر رجعى .
وفيه سؤال فنى مهم فى طريقه حساب الفايده انا دلوقتى حشترى شهاده وليكن مثلاا فى خلال الشهر وليكن 28 الشهر ده الفايده حتتحسب من بدايه الشهر
اللى هو 1/11 وحتضاف على حسابى فى 1/12 واقدر اصرفهااا ولا ايه ؟؟
اصل بردو موقع البنك الاهلى ده مجننى بصراحه كاتب ان الفايده حتتصرف بعد تاريخ الايداع بشهر
وده حضرتك نص الكلام من الموقع :
( كل شهر يحتسب من الشهر التالي لشهر الشراء. )
انا عايز افهم النقطه ديه وياريت بمثال عشان يكون الشرح فعال ..واخيرا مرسى جدا لذوقكم
العفو اهلا بيك وانا سعيد بمشاركتك معانا
– شوف طلما تقدر تستني الفترة دي الافضل تستني لانه مش بيتم التطبيق باثر رجعي علي الشهاداة القديمة بتفضل بفايدتها ، اما تعديل او زيادة الفائدة بيطبق علي الشهادات الجديدة بس
– هو فعلا موقع البنك مقلل في المعلومات ومش واضحة ، اللي انت قلته دا كان النظام القديم اه ، لكن دلوقتي هتلاقي في الموقع قايلين “احتساب العائد اعتباراً من يوم العمل التالي ليوم الشراء” بمعني انت مثلا عملت الشهادة في 28-10 العائد هيضاف في الحساب بعديها بشهر يعني 29-11 وهكذا كل شهر بعد كدا
لو سمحت انا عامله شهادة بلاتينية بقيمة 75 الف ومحتاجة انى اكسر جزء منها وتاريخ استردادها 21/3/2017 والجزء اللي هكسره بقيمة 35000 فقيمة الخسارة هيكون اد ايه؟؟مع العلم اني المفروض هكسرها فالشهر ده شهر 10
بيتم خصم حوالي 50 % من قيمة العائد اللي اتصرف في الفترة الماضية من الشهادة ، ممكن تحسبيها مباشرة او لو تقوللنا نسبة الفائدة علي الشهادة كام؟ ونقولك الخسارة كام بالضبط
مساء الخير . انا كنت عايز اشترى شهاده لمده 3 سنين وباعلى عائد شهرى وبعد مادورت لقيت الشهاده البلاتينيه 12.5% بس لقيت حاجه غريبه وانا على موقع البنك الاهلى لقبت انه فى نوعين من الشهاده البلاتينيه النوع الاول عائد شهرى 12.5% والنوع التانى عائد ربع سنوى 10% !!!!
طيب ازاى بقى الكلام ده ممكن حد يفهمنى مش المفروض كل ماتتاخر دوريه صرف العائد النسبه بتزيد يعنى بالبلدى كده لو انا معايا مبلغ مثلا 10000 وعايز اعلى عائد حختار الربع سنوى …ازاى بقى تبقى 10% بس؟؟؟ طيب ما كده كله حيختار 12.5% حتى لو مش محتاج العائد كل شهر ايه لازمه 10% ولا ده خطا من الموقع ..وجزاكم الله خيرا.شكرا
مساء النور
مفيش خطا هو دا الوضع الحالي فعلا الشهادة البلاتينية الشهرية 12.5 % و الربع سنوية 10 %
لكن كلامك مضبوط و دا اللي كان ماشي لسنوات كتيرة ، الموضوع ليه اتغير محدش عارف حتي الموظفين هناك سالت كذا حد قالي سياسة بنك
راي الشخصي انها ناحية تجارية فقط مع زيادة الفائدة السنة اللي فاتت حبوا يقدموا الشهادة في شكل جديد انها بتقدم عائد شهري بحيث الناس تقبل عليها اكتر
عامة في حالة تعويم الجنيه الفترة اللي جايه فوائد الشهادات هتزيد علي الاقل 2 % وهيبقي في تغيرات كتيرة
لوسمحت فايده البنك اﻻهلي كام ف السنة ع اﻻلف
اعلي فائدة علي شهادة البنك الاهلي البلاتينية الشهرية حاليا هي 12.5 %
يعني 125 جنيه عائد علي كل الف سنويا
هل ه فوائد الشهادات الربحيه حلال بفتوى شرعيه ام لا وشكرا
كان فيه فتوي رسمية من دار الافتاء حولين شرعية شهادات قناة السويس اللي هي تعتبر مماثلة للشهادات دي و انها حلال ، علي اساس اننا بتعامل مع الدولة مش افراد وان الشهادة تعتبر عقد بيتم الاتفاق علي ارباح وشروط معينة برضي الطرفين
لكن في نفس الوقت في اراء من شيوخ ان شهادات الاستثمار فيها شبهة ربا بسبب الفائدة الثابتة ، عامة انت ادرس الموضوع و استفتي قلبك و احد الشيوخ اللي تثق فيهم
معي شهادة بلاتينيه هل ممكن أفتح حساب توفير ويتم إضافة فائدة الشهادة علي حساب التوفير تلقائي
اه ممكن تفتح حساب والفائدة تنضاف علي الحساب عادي
لو سمحت معايا 500 الف جنيه وعايز استثمرهم بحيث احصل علی أعلی فوائد والفوائد تضاف علی أصل المبلغ بمعنى أني مش محتاج الفلوس حالياً ولا محتاج اسحب فوائد
ممكن تعمل شهادة استثمارة مجموعة أ العائد بيضاف علي اصل الشهادة وتحسب الفائدة علي المبلغ كل سنه
هتلاقي هنــــا تفاصيل شهادة مجموعة أ ونسبتها
عايزه اعرف لو سمحتو مصاريف عمل شهاده بلاتينيه ب 5000 جنيه من البنك الأهلي؟
لو عندك حساب في البنك الشهادة نفسها ملهاش مصاريف
اما لو مفيش حساب بتفتحي حساب في البنك ودي تفاصيل عمل حساب في البنك الاهلي
هي الشهادة البلاتينية لسة لغاية دلوقتي العائد بتاعها 12.5 و لا بقي اقل و هل فيه اي شهادات نسبة العائد بتاعها اعلي من كدة
زي ما هي 12.5 % حتي الان
فيه شهادة استثمار مجموعة ب نسبتها 12.75 % بس دي مدتها 5 سنين والعائد بيتم صرفه كل 3 شهور
لو انا عملت شهاده وعملت حساب توفير وعاوز الفوائد الشهريه بتاعت الشهاده تروح لحساب التوفير لازم كل شهر اروح اخد الفوايد واضفهم انا لحساب التوفير ولا هما ممكن يتضافو لوحدهم؟
لو حساب توفير والشهادة جديدة ـ الشهادة بتكون مربوطة بالحساب عادي ، لو الشهادة او الحساب منفصلين بتقول للموظف يربط الشهادة بالحساب بحيث العائد ينزل في حساب التوفير كل شهر عادي
عايزة اعرف الفائدة حاليا كام على الشهادات البلاتينية
مفيش تغيير البلاتينية الشهرية زي ما هي 12.5 % سنويا
لوسمحت انا مدخله 20000في الشهاده القمه وجالي فوايد 5شهور 956ج انا عايزه اعرف ليا في الشهر كام عشان في فلوس ناقصه وعايزه اعرف في فايده بنك ع الفوايد كام
العائد الشهري للشهادة هو 208 جنيه يعني في ال 5 شهور يبقي 1040 حاولي تعملي كشف حساب مختصر من ماكينة الصرف بحيث تعرفي المبلغ اللي ناقص راح فين ، غالبا مصاريف الحساب او عملتي كارت فيزا ؟ لو كشف الحساب موضحين يبقي مفيش غير التوجه لموظف خدمة العملا
هو انا ينفع لما اعمل شهادة القمة دى ويعدى شهر من شرائها واروح عشان اصرف العائد هيرضو يصرفوهولى وانا واقف يعنى مش شرط ان يكون عندى حساب ؟
حاليا لازم عمل حساب في البنك الاول قبل عمل شهادات استثمار
السلام عليكم
بعد اذن حضرتك ، انا عامل وديعتين ف البنك الاهلي و حساب توفير و انا بودع عن طريق ماكينة الصرف atm ، و جيت اودع مبلغ لقيت المتاح اقل من الرصيد ب 30 جنيه ، لماذا تم خصم هذا المبلغ؟ و هل الايداع عن طريق الماكينة بيخصم فلوس من الرصيد؟
و شكرا لك….
وعليكم السلام ورحمه الله وبركاته
غالبا ال 30 جنيه مصاريف الحساب اللي هي 120 جنيه سنويا ، مقسمة كل 3 شهور بيتم خصمها من الحساب ، عامة حاول تعمل “كشف حساب مختصر” من ماكينة الصرف وشوف كاتبين ايه جنب ال 30 دي للتاكيد
بالنسبة للايداع في الماكينة طلما بتعمل ايداع وسحب من ماكينة البنك الاهلي لا مفيش خصومات
جزاك الله خيرا كثيرا و جعله في ميزان حسناتك
الله يكرمك وانا سعيد بمشاركتك معانا
سؤال انا حطيت مليون جنية وفائدة ما تنضاف علي مبلغ وهل المبلغ يبقي محجوز لمدة الشهادة مثلا 3 سنوات او 10 سنوات و لا قابل لسحب مبلغ غير كذا الفائدة تنزل علي حساب جاري واقدر اما اصرفه او اوفرة وعمل فيه شاهدة اخري صحيح كذا فهمت ولا وسؤالي اخر لو حطيت مليون جنيه وانا عاوز اورد كل شهر 20 الف جنية لحساب الشهادة مليون جنيه ينفع ولا ؟ وبالسنه يحسبوا فائدة وممكن تشرح لي كيف نظام فائدة شهرية ونص شهر وهل قابله شهادة اضافه مبلغ شهري من عندي بمعني ازيد مبلغ الوديعه كتحويل شهري شكرا
بالنسبة لشهادات الاستثمار عامة المبلغ بيفضل محجوز اه طوال فترة الشهادة ، ممكن استرداد الشهادة قبل ميعادها بس بيكون فيه خصم نسبة من عائد الشهادة
الفائدة او العائد الشهري بينزل في الحساب مش هينفع يضاف علي مبلغ الشهادة الا في حالة شهادة استثمار مجموعة أ وهي لمدة 5 سنوات ، فيما عدا الشهادة دي العائد بينزل في الحساب عادي ممكن تعمل بيه شهادة جديدة او تسحبه
لو انت مش عندك حساب في البنك ، قبل عمل الشهادة الموظف هيتفح لك حساب بنكي وبتقدر تعمل ايداع وسحب وتحويل عليه عادي وممكن تطلب كارت فيزا للسحب من ماكينات الصرف
علي حسب مافهمت اخر نقطة شوف انت ممكن تعمل حساب توفير في البنك صحيح النسبة اقل شوية حوالي 7.5 ل 8 % بس من خلال بتقدر تعمل ايداع وحسب للمبلغ من غير ما يكون مرتبط بشهادات
عملت شهادت استثمار لمده خمس سنوات من شهر وقيمتها 15000 جنيه وعايزه استردادها وعايزه اعرف التفاضيل هل هيتم خصم عليها مع العلم انا لم اخد منها اي فائده ماليه
لازم مرور 6 شهور من تاريخ عمل الشهادة لاستردادها ، و حسب المدة المتبقية بيتم خصم نسبة من العائد في الفترة الماضية من الشهادة ، بيتم خصمها من قيمة الشهادة نفسها علي اساس انه البنك بيفترض انه تم صرف العائد للحساب خلاص
عامة من خلال موظف خدمة العملا بيشوف تاريخ الشهادة ومن خلال بيقولك علي نسبة الخصم قبل ما يبدأ اجراءات استرداد الشهادة
انا معايا28000 ومش هاخد الفوائد هل يمكن انى اضفهم على اصل المبلغ واخدهم غى نهاية الثلاث سنوات وهيكون مافيش فوايد على الفوائد اللى مبهاش
ممكن عمل حساب توفير وبيبقي فيه فائدة سنوية او نصف سنوية علي المبلغ اللي في الحساب اللي هو هيبقي الفوائد والفائدة علي حسابات التوفير في حدود 7.5 %
لكن الفوائد نفسها لا تضاف علي قيمة مبلغ الشهادة ، بتنزل في الحساب ، ممكن تعملي شهادة جديدة بيهم
لو سمحت حضرتك كام عائد شهادات القمة حاليا في بنك مصر
نفس النسبة زي ما هي 12.5 % مفيش تغيير
يعنى مثلا لو انا معايا ٢٠ ألف كدة العائد الشهرى هيكون ٢٠٠ ج مثلا بس لو حبيت استرد فلوسى بعد ال ٦ شهور او ال ٣ سنوات باخد فلوسى عادى اللى هما ٢٠ ألف يعنى ولا الفلوس كلها بتكون ضاعت عليا يعنى النظام ده فلوسى بتفضل زى ماهى يعنى ولا بياخدوها ؟؟؟؟معلش طمنى عشان هروح اعمل النظام ده ومعلش سؤال كمان انا معايا اصلا فيزا كارت اصرف بيها عادى العائد الشهرى ده؟؟؟؟؟
لو استردتي مبلغ الشهادة اثناء فترة ال 3 سنين بيتم خصم مبلغ من قيمة الشهادة اللي هو نسبة من العائد ال 200 جنيه مثلا حسب المدة
يعني مثلا لو حبيتي تستردي الشهادة بعد مرور سنة بيتم خصم 65 % من قيمة العائد خلال السنة الماضية من الشهادة ، بيتم خصمه من مبلغ الشهادة ، علي اعتبار انك صرفتي العائد عادي في السنة الماضية دي
اما لو بعد 3 سنين اللي هي مدة الشهادة بتستردي مبلغ الشهادة كامل بدون خصومات
بالنسبة لكارت الفيزا لو الكارت مرتبط بحساب في البنك اللي هتعملي فيه الشهادة اه بتاكدي بس علي الموظف هناك بحيث يكون الحساب مرتبط بالكارت
بالنسبه لشهادة القمه بتاعة بنك مصر 100000ج يعملوا كام شهرى وهل يتم خصم مبلغ عند سحب العائد عن طريق الفيزه ولكم جزيل الشكر
شهادة القمة ب 100 الف جنيه العائد الشهري هيبقي 1041 جنيه ، لا مفيش خصم مبالغ عن السحب بالفيزا طلما من ماكينة بنك مصر ، بس مع العلم ان فيه 120 جنيه سنويا مصاريف حساب بيتم خصمها من العائد او المبلغ اللي في الحساب
أنا عامل شهادة ب240000جنيه بعائد ربع سنوى من 14 شهر وبفائدة 10 فى المائة وعايز اكسر الشهادة فما كيفية حسابها
بيتم خصم نسبة حوالي 65 % من قيمة العائد خلال الفترة الماضية ، بيتم خصمها من قيمة الشهادة عند الاسترداد
25 جنية كل شهر ولا اول مرة فقط يعنى رسوم شهرية على الفيزا ؟وكتر الف خيرك عاجزين عن الشكر
لا المصاريف دي عند عمل الفيزا مش رسوم شهرية ، العفو واهلا بيك
لوسمحت حضرتك لو عملت فيزا بطاقه صراف لصرف العائد الشهرى للشهادة من الماكينات التابعه للبنك بتتعمل بفلوس ولا مجانا او عليها رسوم اثناء السحب الفرق بينها وبين الصرف من الشباك
حسب كل بنك فيه بنوك بتعملها مجانا وفيه بنوك زي البنك الاهلي مثلا بيعملها ب 25 جنيه
وطلما عملت الفيزا يبقي الافضل طبعا تصرف من ماكينات الصرف لتوفير الوقت بدل الانتظار علي الشباك
وطريقة صرف العائد الشهرى عن طريق الشباك ولا صراف وفى فرق بين بنك مصر والبنك الاهلى نفس المعاملة ولا في رسوم على اى اجراءت
ممكن تصرف من الشباك او الاسرع والافضل طبعا تطلب عمل بطاقة فيزا تصرف بيها من ماكينات الصرف
الاتنين زي بعض في المصاريف والاجراءات ، بس ممكن تلاقي في السرعة والموظفين حسب كل فرع يعني
اليوم 10/7/2016 هل لازالت الشهادات موجودة ومتى بتنتهي
اه الشهادات مستمرة بنفس الفائدة ، مفيش ميعاد محدد لتغيير الفائدة خصوصا انها مفروض تزيد بس البنوك مثبتها بقلنا 9 شهور اهه
هل الشهادات لسة موجودة فى البنك الاهلى وحتنتهي امتى ولو ذهبت الى البنك اقولة شهادة استثمار عائد شهرى ولا ليها اسم تانى
اسمها الشهادة البلاتينية الشهرية ولو مفيش حساب لكي في البنك بتفتحي حساب الاول وبعدين بتعملي الشهادة ، وهي مستمرة بنفس الفائدة ملهاش ميعاد محدد
بيتخصم بيتخصم
اليوم 20/6/2116 لازالت الشهادة البلاتينية فئة 12% موجودة
اه مستمرة حتي الان بنفس سعر الفائدة 12.5 %
هل يمكن شراء شهادات البنك الاهلي(المايسترو)او بنك مصر (القمة)بأسماء القصر وغير القصر وماهى المستندات المطلوبة لهم.
اه ممكن الاوراق المطلوبة لشراء الشهادة للقصر هي شهادة الميلاد و بطاقة الرقم القومي لولي الامر
طيب انا لو حاطط مببلغ وعمله شهادة بلاتنية بس انا فاضل على معاد إنتهاء الشهادة سنتين انا عاوز اللغيها عشان سعر الفائدة 10% فقط دلوقتى هما هيخصموا منى ايه لو مثلا الشهادة قيمتها 120000 ارجو الإفادة
هيتم خصم حوالي 60 % من العائد اللي صرفته خلال المدة اللي عدت من الشهادة ، بيتم خصم المبلغ من قيمة الشهادة
القرض على الشهاده البلاتينيه ايه شروطه و مدته
القرض بضمان الشهادة البلاتينية بيكون حتي 90 % من قيمة الشهادة وبسعر فائدة يزيد 2% فوق سعر العائد الساري علي الشهادة في تاريخ منح القرض ، اما مدة القرض بيتم تحديدها مع الموظف في البنك حسب قيمة القرض والمدة الباقية من الشهادة
طيب لو انا الشهاده بتاعتي مدتها 3سنوات وانتهت مثلا وحبيت اجددها تاني 3 سنوات واتضح وقتها ان السعر الفايده 10% مثلا بيتحسب تجديد المده بتاعتي ع 12.5 السعر اللي عملت بيها الشهاده ولا هيتحسب ع السعر الجديد
بيتم تجديد الشهادة علي سعر الفائدة الجديد بمعني سعر الفائدة وقت تجديد الشهادة
لو عاوزه اعمل شهاده بلاتينيه ب 250.000 الف جنيه 3 سنوات العائد الشهري بتاعها كام في الشهر من فضلك
شهادة بلاتينية مبلغ 250 الف جنيه ونسبة الفائدة حاليا 12.5 % العائد في السنة 31250 جنيه والعائد الشهري 2604 جنيه
السلام عليكم
انا عامل شهادة ب 20000 جنيه لمدة 3 سنوات، يا تري هيكون المبلغ كام بعد 3 سنوات و العائد الشهري؟
وعليكم السلام ورحمه الله وبركاته
بالنسبة لمجموعة ب مدتها 5 سنين والعائد حاليا 12.75 % في السنة وبيتم تقسيمة علي 4 مرات يعني يصرف كل 3 شهور بالنسبة لمبلغ 20 الف العائد كل 3 شهور هيبقي 637.5 جنيه ، والافضل طبعا تصرف العائد تستفاد بيه بدل من تركه في الحساب
جزاك الله خيرا علي ردك الطيب، بس انا فعلا عامل شهادة بلاتينية في البنك الأهلي المصري بقيمة 20،000 ج لمدة 3 سنوات و كنت عايز اعرف بعد انتهاء المدة هيكون المبلغ كام؟
و شكرا لك
الله يكرمك واحنا سعداء بمشاركتك معانا
شهادة بلاتينية ب 20 الف نسبة الفائدة 12.5 % يبقي العائد في السنة 2500 جنيه في 3 سنين العائد 7500 جنيه ولو تركت المبلغ حتي وقت الاسترداد هيبقي المبلغ كله 27500 جنيه
جزاك الله خيرا كثيرا.. متشكرا جدا
الله يكرمك ويوفقك وكل عام وانت بخير وسعادة :))
متي بتنتهي وفيش اى اخبار انهم يرفعوا الفايدة شويه
بالنسبة للشهادة البلاتينية هي زي ما هي حتي الان النسبة 12.5 ومدة الشهادة 3 سنين
اما عن زيادة الفائدة علي المدي القريب مفيش جديد لكن فيه احتمال في شهر يوليو او اغسطس ان امريكا تزود الفائدة باعتها بالتالي لازم البنك المركزي هنا يزود هو كمان
هيا الشهادات لسة موجودة ولا خلاص في البنك الاهلى
اه مستمرة في البنك الاهلي بنفس الفائدة 12.5 %
هل ممكن استرد قيمة الشهادة بتاعتي قبل ستة أشهر ؟وماهي نسبة الخصم التي سيتم خصمها؟
لا حسب شروط الشهادة لازم مرور 6 شهور عليها قبل استردادها ووقتها بيتم خصم حوالي 90 % من عائد الشهادة في ال 6 شهور
لو عايز استراد قمة الشهادة 10000
فى الشهادة البلاتنية 12.5%
بعد 6 اشهر
تاريخ الشراء 31 12 2015
هتكون اد ايه مع العلم انا كنت بسحب الفوائد من الشهاده
هيتم خصم 90 % من العائد خلال ال 6 شهور الماضية يعني هيتم خصم حوالي 562 من قيمة الشهادة
أنا اشتريت شهادة بلاتينية بقيمة 240000 جنيه فى مارس 2015 وكانت نسبة الفائدة 10 فى المائة فهل تنطبق على زيادة الفائدة 12.5 فى المائة
لا لان الشهادة الجديد مختلفة عن القديمة ، الشهادة البلاتينية الجديدة ذات عائد شهري ، علشان تسري الفائدة الجديدة لازم استرداد الشهادة القديمة وعمل شهادة جديد مع العلم ان فيه نسبة هتخصصم في حالة صرف الشهادة قبل ميعادها
انا فضلي شهر ويبقا بقالي ست شهور عامل الشهاده البلاتنيه لو عاوز اسحب الفلوس الا ف الشهاده هيتخصم مني كام
هيتخصم حوالي 90 % من قيمة العائد خلال ال 6 شهور دول ، هيتم خصمهم من قيمة الشهادة
مع العلم انك بتبدأ عد ال 6 شهور من الشهر التالي لعمل الشهادة يعني من ساعة ما بتديت تستلم العائد
هل الشهاده البلاتينيه بفائده12.5 في الميه ساريه حتي تاريخه مايو 2016
اه لسه مستمرة بنفس الفائدة حتي الأن
انا عايز قرض بضمان الشهادةوعائدها12% وقيمة الشهادة 60 الف جنيه
ايه اللي مطلوب
بتروح البنك ومعاك الشهادة والبطاقة تكون سارية ومن خلال موظف خدمة العملا بتحدد قيمه القرض وهو هيوضحلك الفائدة والاقساط ومدة السداد
هل الحساب الي بتنزل عليه الفائده بتاعت الشهاده البلاتينيه ممكن اودع به مبلغ وتحسب له فائده ام لا
علي حسب نوع الحساب لو عامل حساب توفير اه بيبقي فيه فائدة علي المبلغ اللي في الحساب
انا تنازلت عن شهادات بالدوﻻر قيمتها 100000 دوﻹر للبنك وحولتهم بالمصرى ورابطت هذا المبلغ بشاهادات كانت قيمتها 10% فقط وذلك من 6 شهور .. هل منكن احول شهاداتى هذة الى فائدة 15% ؟ حيث انى حولت المبلغ من البنك ؟
لو الشهادة الحالية بالجنيه مش هينفع يرجعوا بالدولار ، الا في حالة فك الشهادة وتحويل المبلغ نفسه الي دولار بس طبعا هيبقي فيه خسارة
بالتالي مش هينفع تعملي شهادة ال 15 % لان مطلوب دولار او عملة اجنبية لعمل الشهادة
عايز استرد شهادة ب ٢٦٠٠٠٠ جنيه الان اشتريته في مارس عام ٢٠١٥. كم يكون الخصم وشكرا
بيتم خصم حوالي 75 % من قيمة العائد خلال الفترة الماضية بيتم خصمها من قيمة الشهادة ، يعني احسب العائد خلال الفترة دي حسب النسبة المكتوبة علي الشهادة و اخصم منه 75 % ، المبلغ اللي هيطلع اخصمه من قيمة الشهادة
لو عاوز استرد قيمة الشهادة قبل ال 3 سنوات نسبة الخصم هتكون اد ايه
مثلا لو بعد سنة أو أتنين؟
حسب تاريخ الاسترداد لو بعد سنة بيتم خصم حوالي 75 % من قيمة العائد في الفترة الماضية من الشاهده لو مر عليها سنتين بيتم خصم 60 % بس اكد مع البنك لان الجدول الاستردادي بيتغير حسب تاريخ ونسبة الشهادة
مفيش حاجة تجيب عائد شهري أعلي من كده شوية
دي اعلي حاجة حاليا 12.5 %
فيه شهادة الجنيه المصري بس دي انت بتعملها بتشتريها بالدولار والشهادة نفسها تبقي بالجنيه بفائدة 15 % بس حاليا مع ارتفاع سعر الدولار في السوق السوداء العائد بتاعها ميستهلش بيع الدولار للبنك
انا معايا شهادة البلاتينية و شهادة قناة السويس هل يجوز ان اقسط من البنك بضمان هذه الشهادات .
لو قصدك الحصول علي قرض بضمان الشهادات اه ممكن
اما لو قصدك شراء اجهزة او غيره وتقسيط ثمنها البنك الاهلي وبنك مصر بيقدمو عروض بالفيزا كارد ممكن تسال عليها في خدمة العملا
عندي شهادة بلاتينية من 2011 وبصرف الفائدة كل 3 شهور ومدة الشهادة انتهت (3سنوات) ودخلت في مدة ثانية . هل بيطبق سعر الفائدة الجديد 12.50 % علي هذة الشهادة ام العائد القديم وقت استخراجها 9.50 % ؟
ارجو الافادة
لا لان الشهادة البلاتينية القديمة هي كل 3 شهور زي ما قلت ، اما الشهادة الجديدة هي شهرية ، يعني الشهادة القديمة تم تجديدها علي عائد 9.50 % ، لو عايز تغيرها للشهادة الجديدة بيكون من خدمة العملاء في البنك
انا معي 60 الف جنية اخد كام وافتح كام شهادة وهل ينفع الارباح تدخول علي دفتر توفير وكيف اعمل هذا انظام
لو مفيش عندك حساب ممكن تعمل حساب في البنك الاهلي او بنك مصر يكون حساب توفير ، وعائد الشهادات بيضاف في الحساب دا
ممكن عمل شهادة واحدة بالمبلغ كله او لو حابب تقسمهم شهادات حسب رغبتك
بتتوجه الي فرع البنك الاقرب لك بالبطاقة تكون سارية ومحدثة ، من خلال خدمة العملا بتفتح حساب الاول وتحدد طلبك انه يكون حساب توفير وتطلب من الموظف عمل الشهادة ، وبعد كدا بتودع المبلغ في البنك وبيتم عمل الشهادة
السلام عليكم انا مقيم بالخارج وعامل توكيل مصرفى لقريبى من سنتين هل التوكيل سارى على طول ولا لازم يجدد سنويا وهل يتم تجديده بوجودى وازا كان منتهى هل يسمح له البنك باسترداد شهادات لى . وشكرا جزيلا
وعليكم السلام ورحمه الله وبركاته
التوكيل المصرفي ساري علطول طلما انت مطلبتش الغائه
لو سمحت انا عندي شهادة بلاتينية 3سنوات وباقى سنة على تاريخ الاستحقاق واريد استردادها كم نسبة الخصم
هتم خصم حوالي 75 % من قيمة العائد في الفترة الماضية من قيمة الشهادة
هل الشهادات لسة موجودة ومفيش امل يرفعو النسبه شويه
اه لسه موجودة ب 12.5 % ، كان المفروض النسبة تزيد الشهر دا بس البنوك مزودتهاش علشان الشهادات اللي بالدولار
عموما احنا في انتظار اخر شهر ابريل دا فيه اجتماع للبنك المركزي لبحث اسعار الفائدة وربنا يسهل
اشكرك على الرد ونحن في انتظار الزيادة بس ياريت تكون نفس الطريقة عائد شهرى
العفو واهلا بيكي ، يارب ان شاء الله خير
ممكن شهادة المايسترو اشتريها باليورو وهل ممكن تحويل المبلغ من اوروبا وهل مضمون تحويل المبلغ
ممكن شراء شهادة المايسترو باليورو ، بس لازم يكون عندك حساب في بنك مصر او تعمل حساب جديد وبعد كدا بيتم تحويل المبلغ عليه وشراء الشهادة
طيب انا معي 30000 الف جنيها يعملوا كم في الشهر
شهادة بلاتينية ب 30 الف جنيه نسبة الفائدة السنوية 12.5 % هتجيب في السنة 3750 جنيه و العائد الشهري هيبقي 312.5 جنيه
لو سمحت ممكن اعرف لو فتحت حساب 2شهاده العائد الشهرى كام ويصرف ثانى شهر من الشراء وبعد الثلاث سنوات تجدد تلقائيا
العائد السنوي حاليا 12.5 % ممكن تحسب كام في الشهر زي ما وضحنا الطريقة في الموضوع حسب المبلغ
العائد يصرف في الشهر التالي لشراء الشهادة
بعد الثلاث سنوات الشهادة بتجدد تلقائيا بس علي نسبة العائد في الوقت دا مش النسبة الحالية
ممكن اعرف 55 الف عليهم كام شهريا
حوالي 572 جنيه في الشهر
ممكن اعمل الشهادتين في نفس الوقت
اه ممكن اي عدد من الشهادات
انا عامل شهاده القمه وعايز استرد فلوسي
عايز اعرف هيخصمو قد ايه لوسحبتها بعد ال٦شهور ولو سحبتها بعد سنه هيخصمو قد ايه
بعد 6 شهور بيتم خصم 90 % من قيمة العائد في ال 6 شهور ، بيخصموه من قيمة الشهادة
اما بعد سنة بيتم خصم 75% من قيمة العائد في السنة دي
طيب ازاي اختي حطت 200 الف وديعه 3 سنين وبيجلها دخل 2800 شهريا فوايد اقصد يبقي 16 ونص فالميه وشهاده بلاتينيه
هو مفيش شهادة حاليا اكتر من 15 % اللي هي شهادة الجنيه المصري وبيتم شرائها بالدولار
فهل يوجد في الحساب شهادات اخري ؟ عامة الافضل التاكيد مع موظف خدمة العملاء في البنك مباشرة وممكن تطلعوا كشف حساب للتاكيد
كلام محترم……
هل يمكن اضافة العائد على المبلغ بدلا من صرفة
لا مبلغ الشهادة بيفضل زي ماهو لحد استرداد الشهادة
لكن ممكن عمل شهادات جديدة بالعائد
هل يتم صرف الفائده اعتبارا من اول الشهر التالى لتاريخ شراء الشهاده؟
العائد يتم حسابه من اليوم التالي لتاريخ شراء الشهادة يعني مثلا لو اشتريت الشهادة 4 ابريل يبقي هتلاقي العائد في حسابك شهريا بداية من 5 مايو ، 5 يونيو وهكذا
ممكن اعرف حاجة الالف علية كام
% كل شهر
نسبة الفائدة 12.5 % سنوية الالف جنيه هتجيب 125 جنيه في السنة يعني 10.4 جنيه شهريا
انا عندى شهادة من بنك مصر مدتها 3 سنوات وعايز استردها علشان اشترى شهادة البلاتينى او القمة باقى 6 شهور على تاريخ الاستحقاق ينفع وهل هيخصمه حاجة وهيخمه كام ؟ وسؤال تانى ممكن اشترى شهادة المايسترو بالجنيه المصرى
هيتم خصم حوالي 40 % من قيمة العائد اللي تم صرفه في الفترة الماضية من قيمة الشهادة عند استردادها
شهادة المايسترو بيتم شرائها بالدولار او العملات الاجنبيه والعربية وبعد كدا قيمة الشهادة نفسها بتبقي بالجنيه والعائد بالجنيه
ا نا عايزة استرد فلوس حيتم خصم كام مني
حسب تاريخ الشهادة ومدة الشهادة الباقية لو باقي لها اكتر من سنه هيتم خصم في حدود 60 % من قيمه العائد في الفترة الماضية
هل الشهادة البلاتينية لسسة العائد بتاعها 12ونص في المائة موجودة ولا خلاص رجعت ل10 % ولو لسسة موجودة انا هعمل لابني شهادة عايزة اعرف اية هي الاوراق المطلوبة علما بانه عندة حساب ف البنك
لسه موجودة بنفس الفائدة 12.5 %
طلما فيه حساب وانت الوصي علي حسابه بتروح ومعاك البطاقة وتكون سارية
وخد مغاك شهادة ميلاده احتياطي لو طلبوها
ممكن طريقة حساب القيمه الاستردادية للشهادة بعد 6 شهور البنك الاهلي المصري( قيمة المبلغ الذي سوف يخصم في حالة استردادها بعد 6 شهور ) ولو تقريبيا حتى ولكم جزيل الشكر
في حالة استرداد الشهادة مباشرة بعد ال 6 شهور ، بيتم خصم 90 % من قيمة عائد الشهادة خلال ال 6 شهور دول ، بمعني انك هتحصل علي مبلغ الشهادة – 90% من العائد خلال ال6 شهور
انا أقيم خارج مصر وارسلت لاختى مبلغ من المال لعمل الشهاده هل يمكن ان لما انزل اغيرها لاسمى
لا يمكن نقل او تغيير اسم مالك الشهادة ، لو عندك حساب في البنك الاهلي او بنك مصر ممكن تتواصل مع البنك بحيث انك تحول المبلغ لحسابك وتشتري الشهادة باسمك مباشرة
هو انا لازم عشان اشترى شهاده اكون موظفه
لازم البطاقة يكون مكتوب فيها الوظيفة او توضيح مصدر المبلغ
معلش هتعب حضرتك معايا فى استشاره خاصه بعائد ثابت
لو عايز عائد ثابت كل شهر 1000ونص هضع مبلغ أد ايه فى البنك وايه نوع الشهاده
مفيش تعب ولا حاجة اهلا بيك
حاليا اعلي شهادة في البنك الاهلي بالجنيه المصري هي البلاتينية ب 12.5 % ولو العائد اللي عايزه 1500 جنيه يبقي مبلغ الشهادة بالضبط 144 الف جنيه او لو زودتهم الي 150 الف جنيه هيدي عائد شهري 1562 جنيه بالضبط
مع العلم ان لو المبلغ اللي معاك بالدولار فيه شهادة جديدة اسمها الجنيه المصري ، بتودي الدولار للبنك والشهادة تبقي بالجنيه والعائد بتاعها 15 %
شكرا لك يافندم وتحياتى لحضرتك ، لكن يبقى سؤال ماهى الشروط الواجب توافرها لشراء الشهاده البلاتينية .
العفو واهلا بحضرتك ، لو عندك حساب في البنك ممكن تشتريها علطول ، لو معندكش حساب من خلال خدمة العملاء في البنك حسب الفرع الاقربلك بتفتح حساب وبعد كدا بتودع الفلوس ويتم شراء الشهادة
فيه شرط بس ان البطاقة يكون متكوب فيها وظيفة وليس حاصل علي مؤهل كذا ، دي اكتر حاجة بتقف مع الناس عند فتح الحساب او شراء الشهادات
اناعندى شهادة ثلاثية بلاتنيه انتهاة فى18-3-2016 هتجدى ازاى
الشهادة البلاتينية القديمة هي ربع سنوية لو هتتجدد هتبقي زي ما هي والفائدة عليها حاليا 10 %
اما الشهادة البلاتينية الجديدة اللي هي شهرية بنسبة فائدة 12.5 % ، فانت روح البنك ومعاك اصل الشهادة ومن خلال خدمة العملاء بتسترد قيمة الشهادة البلاتينية وتقوله عايز الشهادة البلاتينية الشهرية جديدة او حسب رغبتك
يعنى مافيش امل فى زياده الشهادات البلاتينة اﻻن
حاليا لا ، لكن فيه احتمال الشهادة البلاتينية تزيد بس مش احتمال كبير خصوصا انهم عايزين يخلو الناس تشتري شهادة الجنيه المصري اللي بالدولار
هل يمكن نقل ملكيه الشهاده البلاتينيه من شخص لاخر؟
لا هي شهادة اسمية باسم صاحبها فقط
هل البنوك اقرت الزيادة الجديدة اللى اقرها البنك المركزى يوم الخميس ولا لسة؟؟
لا للاسف البنوك خالفت التوقعات وقررت تثبيت الفائدة علي الشهادات حاليا ، بسبب شهادة الجنيه المصري في البنك الاهلي اللي هي ب 15 % علشان يلموا بيها الدولارت
هل يحق لغير المصريين شراء هذه الشهادات ؟ واذا كان الجواب نعم . فماهى الاجراءات ؟ وهل ادا تقدمت لشراء شهاده وقدمت للبنك عمله بالجنيه سأسل عن كيف ادخلتها الى مصر ؟ ارجوا الافاده ولكم الشكر
ممكن للاجانب شراء شهادات الاستثمار اه ، وبتتقدم عادي في البنك بالباسبور ، لازم اثبات الاقامة او العمل في مصر بحيث يتاكدو من مصدر الاموال ، مش هيسالو بالتفصيل جبتها منين لكن بيكتفوا بالتاكد من الوظيفة او الاقامة في مصر
انا اشتريت شهاده القمه من بنك مصر ما هي عموله الاسترداد المبكر بعد مضي 6 شهور وازاي تحتسب في حال سحب المبلغ بعد مضي 6 شهور
بيتم خصم حوالي 90 % من العائد في ال 6 شهور ، من مبلغ الشهادة عند استرداها
هو البنك عامل جداول استردادية للشهادات حسب وقت الاسترداد و النسبة بتقل كل ما ميعاد الاسترداد النهائي ال 3 سنين يقرب
أشتريت شهادات بلاتينية وأخدت عليها 12.5 % فائدة منذ سنتين ونصف ومنذ 5 شهور اشتريت شهادات بلاتينه أخري ولكني فوجئت بأن نسبة الفائدة هي 10% فقط وبعد شهرين تقريبا تم رفع سعر الفائدة من البنك الأهلي من 10% إلي 12.5 % السؤال هنا هل سيتم تعديل سعر الفائدة من 10 إلي 12.5 % علي ما اشتريتة مؤخراً من شهادات ؟؟ الرجاء الرد علي الإيميل إن أمكن
لا للاسف الشهادات القديمة نسبة الفائدة لا تتغير زي ما هو مكتوب عليها بستمر طول مدتها
ممكن تروح البنك تغير الشهادات القديمة وتعمل شهادات بلاتينية جديدة لكن طبعا هيتم خصم مبلغ من الشهادات دي في حالة استردادها قبل الميعاد
مع العلم ان البنك الاهلي خلال الايام اللي جايه هيزود سعر الفائدة علي الشهادات بعد ما البنك المركزي زود الفائدة الاسبوع الماضي
قمنا بارسال الرد علي الايميل واهلا بيك في خمس خطوات
البنك المركزى زود الفائدة لكام فى المية ؟
وامتى ان شاءاللة البنوك هتقر الزيادة دى ؟
انا كنت هشترك غدا الاحد…..فهل الافضل انتظر شوية
البنك المركزي زود الفائدة علي الايداع والاقتراض بقيمة 1.5 % هتلاقي موضوع زيادة الفائدة في البنك المركزي بالتفصيل اكتر هنـــا
لكن سعر الفائدة في البنوك بعض الاحيان بيزيد اكتر من فائدة البنك المركزي يعني هي مثلا دلوقتي 12.5 % ممكن توصل ل 14 او 15 % ، والمفروض الكلام دا يطبق الاسبوع اللي جي
الافضل طبعا الانتظار علي الاقل لمنتصف او نهاية الاسبوع حسب ما البنك الاهلي يعلن الفائدة الجديدة ، خصوصا ان البنك المركزي لسه قايل اسعار الفائدة يوم الخميس بليل
ماذا عن الشهادة البلاتينية مدة ثلاث سنوات ليس لها زيادة 12.5% مثل الشهرى
لا الشهادة البلاتينية الربع سنوية الفائدة زي ما هي 10 % فقط
مع العلم ان البلاتنية الشهرية مدتها 3 سنوات برضو
في زيادة في شهادات اﻻستثمار شكراا
اه لان البنك المركزي اعلن زيادة الفائدة امبارح الخميس ، بالتالي المفروض البنوك تزود الفائدة خلال الاسبوع اللي جي ان شاء الله
لو سمحت انا رحت اشترى شهادة القمه فوجئت انى لازم اكون بشتغل علشان اقدرى اشتريها غير كده مش من حقى بالرغم انى جامعيه
ارجو الافاده
للاسف دا احد الاجراءات الجديدة في البنوك عامة وناس كتيرة اشتكت منها مش بنك مصر فقط ، لازم اثبات الوظيفة في البطاقة وليس المؤهل فقط ، حاولي اما تغيري البطاقة او تتواصلي مع البنك مرة اخري بحيث يتم تقديم اوراق اخري او فتح حساب مشترك مع احد افراد الاسرة تكون بطاقة مناسبة
أنا مقيم بالخارج ولى حساب بالبنك الاهلى المصرى – كيف لى أن أشترى هذه الشهادات وإيداع الارباح فى نفس الحساب؟
ممكن شراء الشهادة البلاتينية عبر مندوب البنك الاهلي المصري حسب الدولة هتلاقي مكاتب وفروع البنك الاهلي في الموقع الرسمي للبنك ، او لو فيه توكيل لحد في مصر ممكن يشتري لك الشهادات باسمك
والارباح بيتم اضافتها للحساب شهريا عادي
هل شهادة القمة من بنك مصر متاحة الاسبوع القادم…..واية اخر ميعاد للاشتراك فيها….شكرا
اه متاحة بس الافضل الانتظار الايام الحالية لان الفائدة ممكن تزيد ، حسب ما يقرر البنك المركزي النهاردا ، عموما هي موجودة حاليا بنسبة فائدة 12.5 % وممكن شرائها اي وقت مفيش ميعاد محدد
هل ما زالت الشهادات موجودة الان
اه مستمرة بفائدة 12.5 % زي ما هي
وفيه شهادة جديدة من البنك الاهلي “شهادة الجنيه المصري ” بفائدة 15% اقرا المزيد هنــــا
لو سمحت لو انا اشتريت شهاده بﻻتينيه بقيمة 50000 الف جنيه في شهر ده مثلا 3/2016 المفروض اقبض اول شهر من الارباح في 4/2016 وﻻ ﻻزم يعدي عليها سنه ماليه عشان تبدأ اخد ارباح؟
بالنسبة للشهادة البلاتينية الارباح شهرية يعني لو عملت الشهادة شهر 3 تقبض الشهر اللي جي 4
انا لي شهادة باسمي بس من ولدي الله يرحمه
هو الا عمله من فتره كبير وكنت نفسي استفسر عليه
الله يرحمه ، ممكن تستفسر من الفرع اللي عمل فيه الشهادة ، بتاخد الشهادة معاك والبطاقة وبتسال في خدمة العملاء
لو عايزة اخد قرض بضمان شهدات ب 90 الف البلاتينية كام القرض و كام ادفع كل شهر للقرض
ممكن تحصلي علي القرض بضمان الشهادات حتي 90 % من قيمة الشهادة يعني حتي 81000 الف جنيه ، قيمة الاقساط والمدة بتحدديها مع موظف البنك
تجديد الشهادة تلقائيا بنفس فائدتها ولا الفائدة المعمول بها حاليا ؟
بالفائدة اللي معمول بها في وقتها ، مع العلم ان شهادات البلاتينية القديمة كانت نوع اخر ربع سنوية مش البلاتينية الشهرية الجديدة
لو شهادة ميعادها خلص فى شهر 3 وانا مش موجود فى هذا الشهر ما العمل هل يتم تجديدها تلاقى أو توضع فى حساب عادى لحد ما اجى أجدها
بيتم تجديدها تلقائيا طلما الفلوس لسه في البنك ، لكن ممكن تسترد قيمتها عادي بعد كدا
انا عامل شهادة 3 سنين مر عليها 6 أشهر وعايز الغيها ماذا يخصم
بيتم خصم 90 % من قيمة الارباح خلال ال 6 شهور الماضية من قيمة الشهادة عند استردادها بعد ال 6 شهور
انا عوزه اعرف الى يسحب افلوس بعد 6 اشهر من الوديعه نسبت الخصم كام فى الميه
بيتم خصم حوالي 90 % من العائد في ال 6 شهور الماضية من قيمة الشهادة
الشهادة بكم اليوم9-3-2016البلاتنية الثلاثه سنوات
الشهادة البلاتينية الشهرية نفس النسبة متغيرتش 12.5 %
لو سمحت عايزه افهم فكرة القرض على الشهادة وهيتسدد على كام
يعنى لو معايا شهادة بقيمه ١٥ الف قرضها ١٣٥٠٠ كدا انا هدفع ٢ ف الميه زياده واخلص القرض امتى وفلوس الشهاده يبقي الباقى اللى هو ١٥٠٠ ولا ال١٥ الف
مدة سداد القرض بتحدديها مع البنك حسب رغبتك بتبقي اكتر من مدة ، نسبة 2 % دي مضافة علي سعر الفائدة يعني لو 12.5 هتبقي 14.5 %
الشهادة نفسها بتبقي ضمان يعني مش بيتم سحب الفلوس منها الا في حالة عدم السداد يعني طلما بيتم سداد اقساط القرض الشهادة هتفضل زي ما هي
عندى شهادة بلاتنيه ربع سنويه تنتهى يوم الجمعه و طبعا البنك قافل جمعه و سبت و لا اريد تجديدها ما هو اللى ممكن افعله
عادي بتروح اول يوم عمل او خلال الاسبوع ، التجديد بيتم لان الفلوس بتبقي لسه في البنك ، لكن اول ما تروح سواء تسحب الفلوس او تجدد الشهادة مش هيقولك حاجة
هو المفروض الفائده 12.50يعنى لو مبلغ 20000فى سعر الفائده يبقى الناتج 250بس عل حسابكم 208 ازاى ياريت نعرف
هو الفائدة 12.5 % يعني هنضرب في 0.125 يعني نضرب في 12.50\100
بالنسبة ل 20000 الف يبقي 20000 *0.125=2500 جنيه في السنة وبعدين نقسم علي 12 يبقي 208 في الشهر
فممكن تقولنا جت منين ال 250 دي ؟
انا مغتربة ينفع اشتري شهادة بلادي بالدولار باسم بنتي مع العلم اني فاتحة حساب بالدولار
اه ممكن شراء شهادة بلادي بالدولار من خارج مصر عبر البنك الاهلي او بنك مصر ويمكن شراء الشهادة اونلاين علي موقع البنك الاهلي هتلاقي المزيد من التفاصيل هنــــا
عايزه اكسر شهاده بقالها شهرين ينفع؟ ارجوا الرد سريعا لو سمحتو
لا لازم يكون مر علي الشهادة 6 شهور
والدي كان شاري شهاده بلاتينيوم ب٢٠٠الف جنيه بتاريخ ٢٩\٩\٢٠١٥ وتوفي ماهي اجراءات سحب مبلغ الشهاده وتاريخ سحبه والمبلغ الذي سيتم خصمه من اصل الشهاده وهل لها فواءد قبل سحب مبلغ الشهاده
البقاء الله وربنا يصبركم ، حضرتك بتروح ومعاك اعلام الوراثة والورثة او توكيل منهم و معاك اصل الشهادة ، بيتم خصم الارباح حسب النسبة المكتوبة علي الشهادة ، عادة بتم خصم نصف الفائدة من مبلغ الشهادة اما الفائدة في الشهور السابقة هتلاقيها في الحساب الخاص بالوالد
هل الشهادة مستمرة لشهر 4
هي مستمرة لحد شهر 3 ، لكن في نهايه الشهر هيجتمع البنك المركزي علشان يحدد اسعار الفائدة لو تم تثبتها يبقي الشهادة مستمرة في شهر 4
ممكن اعرف ان الربح دة حلا ام ربا وهل فية اي شي متعلق بالمشروعات الي بيدخل الفلوس دي فيها
فيه شيوخ بتقول حلال لاننا بنتعامل مع الدولة وبنظام اقتصادي معين مش تعاملمع افراد
وفيه شيوخ بتقول ربا علي اساس ان فيه نسبة فائدة ثابتة مش متغيره
عموما هي مسالة خلافية مثلا بالنسبة لشهادة قناة السويس الناس اختلفو عليها علي الرغم من انها كانت لمشروع محدد ، عموما الافضل تسال احد الشيوخ بنفسك حتي يطمئن قلبك
بالنسبة للمشروعات اللي بتدخل فيها البنوك في الوقت الحالي عادة مشروعات اسكان ، بجانب الاستثمار في سندات بتطرحها وزارة المالية
لو عاوز احط مبلغ 100000 جنيه واخد ارباحهم شهريا احب اعرف ايه النظام الافضل والفايده هتبقى كام بالظبط
اجو الافاده سريعا
الشهادة البلاتينية بفائدة 12.5 % سنويا وبتقدر تصرف العائد شهريا مبلغ 100000 جنيه الشهادة هتجيب في السنة 12500 وفي الشهر 1041 جنيه
اشتريت شهادات في شهر ٨ بلاتينية الفايدة هتكون برده ١٠
اه وعموما هتلاقي نسبة الفائدة مكتوبة علي الشهادة
هل الشهاده البﻻتينيه الجديده فى منها كل ثلآث شهور وبنفس الفايده .
لا البلاتينية اللي كل 3 شهور بفائدة 10 % فقط
فيه شهادة استثمار مجموعة ب بفائدة 12.75 % وبقت كل 3 شهور بدل كل 6 شهور ومدتها 5 سنين
عايزه اعرف لسه العرض مستمر
اه الفائدة ب 12.5 % لسه مستمرة
عايزه اكسر شهاده بقالها سنه بمبلغ 10000 وهيتخصم قد ايه مني
علي حسب نسبة الفائدة المكتوبة عليها ، عموما الحسبة بتكون خصم نصف الفائدة خلال السنة اللي فاتت دي من قيمة الشهادة
لتحويل الشهادات القديمة للجديدة الخصم بيبقى قد ايه؟
هل الشهادات القديمة احسن والا الجديدة؟
الخصم بيبقي حسب نسبة الفائدة علي الشهادة وتاريخ انتهائها
الجديدة احسن لانها اعلي في نسبة الفائدة ، عموما من خلال البنك بتشوف الخصم اد ايه بالضبط وتشوف اذا كان مناسب لك ولا لاه
هل الشهاده لازم تكون ف الفرع اللي انا فاتح فيه حساب من الاول ولا اي فرع للبنك الاهلي
من الفرع اللي فاتح فيه الحساب او اللي تبعه حسب العنوان في البطاقة
العائد كام على 60000 بعائد 10،5
و النسبة 10.5 عائد هيساوي 6300 في السنة
بس حاليا النسبة 12.5 %
طب انا كنت شاريه شهادة بلاتينيه فى شهر 27 /9/ 2015على العائد القديم انا عايزة اعرف العاءد زاد 12.5 ولا زى ماهو 10،5 وشاريه قبلها شهادة فى 2013 نسبة العائد زادت ولا زى ماهيا
الشهادة البلاتينية اللي هي العائد بتاعها كل 3 شهور زي ماهي 10.5 %
الجديد انهم خلو الشهادة البلاتينية اللي العائد بتاعها يصرف شهريا النسبة بقت 12.5 %
بمعني ان فيه نوعين من الشهادة البلاتينية حاليا واللي 12.5 هو البلاتينية الشهرية ، ومن خلال خدمة العملا ممكن تشتري الشهادة دي او تحولي الشهادات القديمة للشهادة الجديدة بس هيبقي فيه خصم لو الشهادة لسه مستمرة
لو سمحت اخر ميعاد للشهادة امتي
مفيش ميعاد محدد ، لكن علي الاقل هي مستمرة لحد الشهر القادم وقت مناقشة البنك المركزي لاسعار الفائدة في شهر مارس
معلش هو سوال بعيد عن الشهاده البلاتينيه انا عاوزه استرد قيمه شهاده قناه السويس وعمل شهاده بلاتينيه بس للاسف الشهاده اتحرقت مع حريق فى منزلى هل يمكن فكها بدون شهاده
اه ممكن من خلال البنك عادي لانها بتبقي مثبتة وموجودة في حسابك اللي اتعمل وقت عمل الشهادة
لو سمحت بعد انتهاء مدة الشهادة تجدد بنفس الفائدة 50. 12
التجديد بيبقي حسب الفائدة في وقتها ممكن تتغير مثلا كانت قبل كدا 10.5
انا معايا فيزا عشان الشهاده البلاتينيه ممكن اقدر اسحب من ماكينه مكتوب عليها atm ولا هيتخصم مبلغ معين
الافضل الصرف من ماكينات البنك اللي الفيزا تبعه سواء البنك الاهلي او بنك مصر ، لان لو صرفت من ماكينة بنك اخر بيتم خصم مبلغ حوالي ما بين 3 جنيه ل 10 جنيه في المرة الواحدة حسب البنك خصوصا لو ماكينة بنك اجنبي
هل يتم اضافه الفوايدعلى حسابي ونوعه توفير كل شهر
اه هيتم اضافة الفوائد شهريا
انا اشتريت شهادات بلاتينية ب 50000 يوم 22/12/2015 ونزل العائد بتاعهم 514 بدل 520 و اشتريت شهادات بلاتينية يوم 27/12/2015 ب 85000 و نزل عائد 525 بدل 885 و اشتريت شهادات بلاتينية اخرى يوم 29/12/2015 ب 80000 و مش عارف هينزل العائد كام… حد يفهمنا تفسير اللخبطة دي
هو فعلا فيه لخبطه الافضل تتوجه لخدمة العملاء في البنك مباشرة لان ممكن يكون اكتر من سبب سواء فيه خصومات سابقة او مصاريف الحساب او كارت فيزا او غيره
هناك الموظف هيبقي حسابك ظاهر قدامه ويقدر يقولك التفاصيل بالضبط
هل يمكن لاى قريب لي يشتري شهادات بأسمى لانى متواجد فى الخارج…………..مع العلم ليس معه توكيل لى
لا لازم توكيل
ممكن يشتري عادي بدون توكيل بس لو هيبيع لازم توكيل
اخى الكريم عندى شهاده بمائه الف ة انتهت اخر 2014 و جددت تلقائيا و شهاده ب خمس و عشرون الف و انتهت فى سبتمبر الماضى و نزل منها اول ارباح فى ديسمبر الماضى عاوز اعرف هخسر اد ايه لو فكيتهم الحين و عملتهم بالفايده الجديده
لو لسه معاك الشهادات القديمة الورق نفسه تقدر تستردهم عادي من غير خساره
اما لو اتجددت واستلمت الشهادات الجديدة مش هتقدر تستردها غير بعد مرور 6 اشهر من الشهر التالي لاصدار الشهادة
السلام عليكم ورحمة الله وبركاته : – أخي الكريم بالنسبة لمبلغ 300000 اذا أودعتهم شهادات استثمار في البنك الاهلي شهادات بلاتينيه كم المبلغ الذي يتم اخذه شهريا مع الشكر
وعليكم السلام ورحمه الله وبركاته اهلا بيك ، 300 الف شهادات بلاتينية بفائدة 12.5 % سنويا هتجيب 37500 جنيه و في الشهر المبلغ هيكون 3125 جنيه
سيدى الفاضل تحدثت معك على اننى أودعت مبلغ 100000بنظام الشهادة الاتينية منذ 3 سنوات ومازالت الشهادات سارية حتى الان بالنظام القديم قبل رفع العائد على الشهادات الاتينية . السؤال الان هل البنك سوف يرفع لى تلقائيا سعر العائد على السعر الجديد وهو 12.5 % . وهل ممكن أطلب من البنك حركة المبلغ منذ ايداعه وحتى الان وأعنى بذلك قيمة العائد منذ ايداعى للمبلغ وكذلك حركة السحب التى تمت وتواريخها ( شكراً )
اهلا بيك ، الافضل تتوجه لخدمة العملاء في البنك لطلب استرداد مبلغ الشهادة القديمة وعمل الشهادة الجديدة
لان الشهادة البلاتينية القديمة هي ربع سنوية لو هتتجدد تلقائيا هتبقي علي نوعها القديم ، اما الشهادة البلاتينية الحالية اللي ب 12.5 % هي شهادة شهرية
اه ممكن تطلب كشف حساب من البنك عن الفترة الماضية وبيكون مسجل فيها المبلغ والتاريخ والمكان سواء من ماكينة صرف او البنك ، او ممكن تستعلم عن اخر 6 شهور لو معاك كارت الفيزا مباشرة من اي ماكينة سحب الي ، ولو عندك مشكلة او حاجة في شهر معين بتقول للموظف وهو بيطلعه عنده عطول
طيب ممكن اعرف الفيدي دية كل شهر ولا علي السنه كلها
الفائدة 12.5 % هي سنوية ، طريقة صرفها انها بتتقسم علي 12 شهر بحيث تصرفها شهريا
ضايع مني شهادة من سنة 1987 تبع البنك الأهلى المصرى ممكن اعرف ارجعها تاني
من خلال فرع البنك اللي اشتريت منه الشهادة ، وحاول تشوف اي ورق اخر عندك سواء شهادة اخري او غيره
اوضعت مبلغ بقيمة 100000 منذ 3 سنوات بنظام الشهادة البلاتينية وبعد عام من شراء الشهادة البلاتينية لم اجد العائد المرجو من الشهادة حيث فوجئت بان المبلغ فى الفيزا زيادة ب 5000 عن قيمة الشهادة المقدرة ب 100000 فما هو السبب فى ذلك ؟
ممكن يكون اكثر من سبب مش هقدر افيد حضرتك اوي هنا ، الافضل تراجع مع خدمة العملاء في البنك مباشرة بحيث يكون بياناتك والحساب متوافر وتعرف الوضع بالضبط
هل يمكن ان نشتري البطاقة بعملة الدولار الامريكي وعند مضي ستة اشهر هل يمكن استرداد المبلغ بعملة الدولار الامريكي
الشهادات دي بالجنيه المصري فقط ، يوجد شهادات اخري بالدولار لكن بنسبة فائدة اقل
اعلي شهادة في البنك الاهلي بالدولار حاليا هي شهادة أهل مصر 7 سنوات ذات عائد يصفر ربع سنوي ، والفائدة في السنة 4.25 %
انا عندي حساب في البنك الأهلي ينفع حد يشتري الشهاده البلاتينية اخويا مثلا
علشان من مسافر السعودية
لا لازم صاحب الحساب او يكون فيه توكيل
لو سمحت بعد اذنك ترد عليا انا معايا 52000 ممكن اعرف يعني ايه شهاده تراكميه وايه نسبه العائد علي المبلغ ده او الشهاده البلاتينيه وايهما افضل ارجو الرد
الشهادة التراكمية في البنك الاهلي هي شهادة مجموعة أ بسعر فائدة 12.75 % وتراكمية بمعني انك مش بتصرف العائد ، لكنه بيفضل في البنك ويتراكم لحد بعد انتهاء مدة الشهادة اللي هي 10 سنين ، هتصرف المبلغ كله علي بعضه 285 % من المبلغ الاصلي ، بمعني ال 52000 ، هتصرف في نهاية ال 10 سنين 148200 جنيه
اما الشهادة البلاتينية فسعر الفائدة الحالي 12.5 % في السنة ،ومدة الشهادة 3 سنين ، والعائد بتصرفه شهريا وممكن تسيب العائد في حسابك في البنك لكن الفائدة عليه هتبقي قليله حوالي 7 % ، لو عملت شهادة بلاتينية ب 52000 العائد الشهري هيكون 541 جنيه
انت تختار حسب راحتك لو تقدر تسيب الفلوس في البنك لمدة ال 10 سنين يبقي الافضل شهادة استثمار مجموعة أ ، لكن لو هتحتاج الفلوس والعائد تصرفه يبقي الافضل الشهادة البلاتينية
بعد اذنك لو عايز اشتري شهاده ب100000الف كام الفائده وشكرا
شهادة بلاتينية بـ 100 الف وسعر الفائدة 12.5 % هيكون العائد في السنة 12500 جنيه ، والعائد الشهري هيكون 1041 جنيه
هل ممكن عمل قرض بضمان الشهاده البلاتينيه قبل ان يعدى عليه سته اشهر والمبلغ كام
الشهاده عمله ب 30 الف جنيه ارجو الرد
اه ممكن ، ممكن تحصل علي قرض بضمان الشهادة البلاتينية حتي 90 % من قيمتها يعني بالنسبة لل 30 الف جنيه ممكن تحصل علي قرض ب 27 الف جنيه
لو بحول حساب قصر ف بنك مصر لشهادة استثمار القمه و المحكمه هتدينى قرار الموافقه يوم ٣١ الشهر ده هالحق ؟! ولا فى اجراءات أسجل بيها قبل المعاد ؟!
الشهادة بالفائدة الحالية مستمرة مفيش ميعاد محدد لتغيير الفائدة ان شاء الله هتلحقي
انا عندي حساب فالبنك الاهلي بس انا فالكويت في فرع للبنك الاهلي هنا فالكويت وله لا
لا مفيش فرع للبنك الاهلي المصري في الكويت ، لكن ممكن التواصل مع مندوب البنك الاهلي المصري في احد فروع البنوك الرئيسية التالية
AL AHLI BANK OF KUWAIT
COMMERCIAL BANK OF KUWAIT
BURGAN BANK
GULF BANK
NATIONAL BANK OF KUWAIT
فيه فروع لبنك مصر بالسعوديه اقدر اسحب من حسابي في مصر واشتري الشهاده البلاتينيه او شهادة القمه بدلا من العوده لمصر حاليا
فيه مندوبين لبنك مصر في فروع البنوك الرئيسية في السعودية من خلالهم تقدر تعمل الاجراءات سواء بسحب المبلغ او عمل الشهادات
AL RAJHI BANKING & INVESTMENT
RIYAD BANK
ARAB NATIONAL BANK
Banque Saudi Fransi
حضرتك انا مسافر بالخارج وعندي حساب جاري بسال عن اخر فرصه لشراء شهادة القمه من بنك مصر او الشهاده البلاتينيه من البنك الاهلي . يعني ينتهي شراء الشهادات بتاريخ كم حتي ارجع لمصر في اقرب فرصه لاقوم بالشراء
الشهاداة بالسعر الحالي 12.5 % مستمرة علي الاقل لحد نهاية يناير 2016 لحد ما البنك المركزي يراجع اسعار الفائدة وغالبا هيتم تثبيت الفائدة وتستمر في شهر فبراير ايضا
انا كان عندى شهادة فى البنك الاهلى المصرى من 30 سنة وضاعت وعايزة اسال عليها
اه تقدر تسال وتستردها من خلال البنك في خدمة العملاء بس حاول تروح فرع البنك الاهلي اللي اشتريت منه ، ويبقي معاك البطاقة وحاول تدور علي اي ورقة مفيده عندك قبل ماتروح
موجود دلوقتي الشهاده اللي عائدها ١٢،٥ ولو موجوده اسمها ايه
و١٢٠٠٠ تبقي عائدها كام
وشكرا
موجودة اه ، اسمها الشهادة البلاتينية من البنك الاهلي بتقومي بفتح حساب ثم عمل الشهادة
12000 هتجيب 1500 جنيه في السنة وحوالي 125 جنيه في الشهر
هل الشهادات بواقع ١٢.٥٪ سارى حتى الان
اه مستمرة حتي شهر فبراير 2016 ويمكن لبعدين كدا ان شاء الله
انا عوزة اشترى الشهادة البيلاتينة بكم للعلم انا لن اتعامل مع اى بنك ارجو الافادة
عليكي التوجه لاقرب فرع بنك اهلي والمستندات المطلوبة بطاقة رقم قومي سارية ويكون مثبت فيها الوظيفة ، وباقي الخطوات هتلاقيها في الموضوع
انا كنت حساب ادخار وبعدين عملت الشهاده بالمبلغ الل ف الحساب فهل سيتم الغاء العائد السنوي الخاص بحساب الادخار
العائد بتحسب علي المبلع اللي موجود في الحساب فلو مفيش فلوس في الحساب بالتالي مش هيبقي فيه عائد
اللي معاه شهادات بلاتينيه ب 10 % هيطبق عليها الزياده في الفائده الجديده وهي 12.5 % … لو الاجابه لا …
فكيف يمكن تحويلهم للفائده الجديده
لو الشهادة لسه باقي في مدتها يبقي لا ، لازم تسترد قيمتها وتعمل شهادة جديدة
ودا بيتم من خلال خدمة العملاء في البنك ، مع العلم انك هتخسر من مبلغ الشهادة ، حوالي نصف العائد اللي صرفته في مدة الشهادة الماضية
انا اشتريت الشهاده يوم 31 \12\2015 كيف يتم سحب العائد منها فى الشهر المقبل يعنى بنفس التاريخ اللى اشتريت منه ولا ازاى
هو العائد بيبتدي يتحسب من اليوم التالي لشراء الشهادة يعني هتلاقي العائد بداية من 1 فبراير واول كل شهر بعد كدا
هوه انا لو حاطه فلوسي في شهاده استثمار قناه السويس ينفع احولها للشهاده اللي ارباحها ١٢،٥
ولو ينفع ينقص حاجه من المبلغ بتاعي الاصلي
ينفع بس هيتم خصم مبلغ عند استرداد شهادة قناة السويس هتلاقي نسبة الخصم في ضهر الشهادة حسب كل سنة
السلام عليكم
لو سمحت انا مقيمه بره مصر و كنت عوزه اخد شهادات بلاتينيه بقيمه 62000 جنيه تطلع فايده كام ؟ و هل الفوائد بتطلع كل شهر و لا كل 6 شهور؟ و هل ينفع اسحبها ة لا حخسر فيهم لو سحبت الفوائد؟؟
شكرا
وعليكم السلام ورحمه الله وبركاته
الشهادة البلاتينية بفائدة 12.5 % سنويا ، يعني 62000 جنيه هتجيب 7750 في السنة والفائدة بتصرف شهريا يعني كل شهر هيكون في الحساب 645 جنيه
الفوائد بتتسحب عادي من الحساب مباشرة او باستخدام كارت فيزا
اما لو كان قصدك سحب فلوس الشهادة نفسها ال 62000 جنيه مينفعش سحب الفلوس الا بعد مرور 6 شهور و بيتم خصم حوالي نص الفائدة اللي هي 12.5 من المبلغ
624
من فضلك تم سؤال البنك الوطني الكويتي والبنك الاهلي المتحد في الكويت لشراء الشهاده البلاتنية عن طريقهم افادوا انهم لا يبيعونها عن طريقكم لذا يرجي الافاده عن كيفيه شراؤها للمصريين المقيمن في دوله الكويت
مش البنك نفسه اللي بيعمل الشهادة لانها شهادة مصرية
حضرتك اسالي عن مندوب البنك الاهلي المصري هناك في البنوك دي اللي ذكرناها هو اللي بيعمل الاجراءات سواء في البنك الوطني الكويتي او CBK او GULF BANK
هل يمكن استرداد قيمة شهادات استثمار مشتراه 2007 بفائدة 10% سنويا تصرف كل 6شهور ( يعنى مشتراة من حوالى 9سنوات ) بقيمة 50 الف جنيه. وقيمة الاسترداد حاليا .
لو كل 6 شهور تبقي شهادة استثمار مجموعة ب ودي مدتها 10 سنين ، ممكن تستردها عادي بس قيمة الاسترداد ، انا معنديش فكرة طريقة حساب مجموعة ب ازاي حاليا لانهم غيروها بقت 5 سنوات عموما طلما باقي ليها سنة واخدة مش هتخسر كتير لو علي الطريقة القديمة هيتم خصم الفائدة التي تم صرفها العام السابق يعني 10 % من قيمة ال 50 الف جنيه هتصرف 45000
أنا عاوز اعمل شهادة بلاتينية بمائة ألف جنيه ثم أخذ قرض كيف يتم حسابها
شهادة بلاتينية بـ 100,000 جنيه يبقي العائد السنوي 12500 جنيه ، والعائد في الشهر 1041 جنيه
اما بالنسبة للقرض بضمان الشهادة بيبقي حتي 90 % من قيمة الشهادة يعني ممكن تاخد قرض ب 90 الف جنيه ، الفائدة علي القرض بضمان شهادة الاستثمار البلاتينية بتكون 2% فوق سعر العائد الدائن المعلن للوعاء +عمولة 0.75 % شھريا ( ثلاثة أرباع فى الألف شھريا) عمولة أعلى رصيد مدين.
بس راجع فائدة القرض نفسه مع البنك لان تم تغيير اسعار الفائدة حسب البنك المركزي بداية من شهر يناير
حضرتك انا في البطاقة حاصل على دبلوم ينفع ولا لازم اغيرها عامل عادى وهل ينفع باسم الزوجه حاصلة على موهل عالى بدون توظيف
واستفسار هيا الشهادات دى بتطلع شهر كام كل سنه حتى لو ملحقتش العرض دة ممكن انتظر لحد امتى .وشكرا جزيلا لحضرتك
علي حسب تجربة الناس زي ما قالوا في التعليقات لازم الوظيفة تكون مكتوبة في البطاقة ، عموما جرب مع موظف البنك هناك وشوف هيقول ايه ، وممكن يقبلوا بطاقة الزوجة علي اعتبار انها ربة منزل عادي
بالنسبة لـ شهادات استثمار البنك الاهلي هي مستمرة طوال السنة هم بيغيرو الفائدة او العائد يعني كل فترة ، النسبة الحالية 12.5% مستمرة علي الاقل شهرين كمان وحتي لو نزلت الفائدة هيبقي نص او 1 % ، واهلا بيك في اي سؤال
شكرا جدا لذوق حضرتك العالي ربنا يبارك فيك وميرسي جدا على التوضيح ?
العفو واهلا بيك معانا وكل عام وانت بخير :))
انا عايز اعرف ازى الفائدة 12 ونصف على الشهادة البلاتينة وان عامل شهادة 10 الاف رحت اجيب الفائدة اكتشفت الفائدة 100 جنية يعنى الفائدة 10 فى المائة حد يفهمنى الكلام دة
نسبة الفائدة 12.5 % دي نسبة فائدة سنوية ، بتصرف مقسمة علي 12 شهر يعني بالنسبة لشهادة البلاتينية ب 10000 جنيه هتجيب في السنة 1250 جنيه ،
مقسمة علي 12 شهر هيكون العائد الشهري 104 جنيه ، يعني كل شهر هتلاقي 104 جنيه لو لقيت اقل من الكلام دا عليك الرجوع للبنك ومراجعة حسابك
لو سمحت انا عملت الشهاده بتاريخ 16/11/2015..
ف كنت عاوز استفسر عن صرف العائد هيكون عن طريق شباك البنك ولا عن طريق فيزا كارت بيكون البنك مجهزها للاستلام مع الشهادة…لاني لسه مش استلمت الشهادة بسبب السفر ..شكرا للاهتمام
متاح انك تستلم العائد اما عن طريق الشباك او عن طريق الفيزا كارد ، بس طبعا باستخدام الفيزا اسهل بدل انتظار الشباك ، عامة اتاكد من خدمة العملاء ان الكارت اتعمل وميعاد استلامه ممكن تتصل بيهم ودا الرقم المختصر 19623 ، او من خارج مصر
+202-19623 ---- +202-25760777هل عائد الشهاد البلاتينية موجود سنة 2016
اه فائدة الشهادة البلاتينية مستمرة في يناير 2016 ب 12.5 %
لو سمحت لو المهنة فى البطاقة عامل عادى ليها تاثير على شراء هذة الشهادات .
ولكم منا جزيل الشكر
لا عادي المهم يكون فيه مهنة مثبتة في البطاقة
هم بيرفضوا لو حد كاتب “حاصل علي مؤهل كذا ” علشان تعليمات البنك المركزي
لو سمحت كنت عايز اعرف لو اشتريت شهادة ب 100.000 جنية بصرف كل شهر الفوايد بتاعتها ولا ينفع اضيف فوايدها على المبلغ اللى هو 100.000 واخد فوايد زيادة وهل لو انا مش سحبت من الفوايد دى فترة طويلة باخد عليها بردة فوايد ولا لا وال 100000 بيعملوا كام فى الشهر وجزاك اللة خير
شهادة بلاتينية ب 100,000 جنيه تعمل 12500 جنيه في السنة والعائد الشهري هيكون 1041.6 جنيه
الشهادة اول لما تتعمل بتبقي بقيمة معينة مينفعش تزيد او تنقص لحد ما تستردها بنفسك ، اما العائد بيتم وضعه في حسابك ممكن تصرفه او تعمل بيه شهادة جديدة ، لو سيبتهم في الحساب بيكون فيه فوايد لكن النسبة قليلة حوالي 7 % سنويا
فالافضل لو عايز تستفاد من الفلوس وناوي تسيب الفلوس فترة طويلة يبقي تعمل شهادة جديدة
في حالة الوفاة بعد عمل اعلان الوراثة هل يتم توريث الشهادة البلاتينية الشهرية في حال عدم رغبة الورثة في عدم استردادها وكيفية استلام الارباح لكل وريث
بيتم توريث الشهادة وتستمر حتي نهاية مدتها ، وبيتم توزيع العائد حسب القانون والمسجلين في اعلان الوراثة ، وممكن توزيع العائد علي حسابات الورثة مباشرة لو ليهم حسابات في البنك الاهلي
طيب انا اشتريت شهاده من سنه ومش عايز استردها علشان مضيعش الفايده ينفع اشترى شهاده غيرها الجديده والقديمه بردو زى ماهى
اه عادي ممكن تشتري اي عدد من الشهادات مش لازم تسترد القديمة ، عامة الشهادات السابقة مستمرة طلما انت مروحتش البنك واستردتها بنفسك
انا عندي شهادة بلاتينية بعائد 12.5% تاريخ استحقاقها 30/6/2016 عايزة اعرف لو كسرتها دلوقتي اخسر قد ايه من قيمتها؟و كيف يتم حساب قيمة استرداد الشهادةفي غير ميعادها؟
هتخسري نصف قيمة الفائدة في الفترة الماضية من الشهادة ، يعني هيتم خصم المبلغ دا من قيمة الشهادة نفسها ، لكن حاولي تاكدي مع البنك لان حساب قيمة استرداد الشهادة بيكون من خلال جدول استردادي بيتغير حسب نسبة الفائدة وتاريخ اصدار الشهادة
عند تجديد الشهاده تلقائي بعد3سنوات تجدد بالمبلغ الأصلى لها ولا بالمبلغ الأصلى والأرباح علما بأنى لن اسحب الارباح
التجديد التلقائي بيحدث للشهادة بقيمتها فقط ولا يتم اضافة الارباح الي قيمة مبلغ الشهادة عند التجديد التلقائي
الارباح بتظل في حسابك بالبنك ، لو عايز انها تضاف الي قيمة الشهادة عند تجديدها لازم تتوجه للبنك ومن خلال الموظف هناك بتعمل شهادة جديدة بالمبلغ كله شامل الارباح
سؤال
الي متي ستشمر مدة إصدار هذه الشهادات
يعني فيه مدة محددة و بعدين يتوقف إصدارها
مفيش مدة محددة من البنك ، هي مستمرة علي الاقل لشهر يناير
هل تاريخ استحقاق الشهادة البلاتينية لازم يكون فى نفس الشهر ام فى نفس السنة
مش فاهم قصدك اوي ، لكن عامة تاريخ الاستحقاق بيبقي بالشهر يعني مثلا لو 22-12-2015 تستردها في 23-12-2018
السلام عليكم انا موجود بالكويت ولي حساب ببنك مصر واريد شراء شهاده القمه فكيف يمكن لي ان اشتريها وهل يجوز لوالدي ان يشتريها باسمي وفائدتها تنزل بحسابي
ممكن تشتري الشهادة من خلال مندوب بنك مصر في احد البنوك الكويتية التالية بتعمل من خلاله الاجراءت
بنك الكويت الوطني و البنك الأهلي المتحد او
BURGAN BANK
COMMERCIAL BANK OF KUWAIT
NATIONAL BANK OF KUWAIT
THE BANK OF KUWAIT & THE M.E
اما داخل مصر لازم صاحب الحساب او لو فيه توكيل منه لحد في مصر ممكن يشتري باسمه
ممكن تغير النسبة الى فى شهاده 12.50تقل ممكن تتغير الى 10
لا ، نسبة الفائدة اللي مكتوبة علي الشهادة مستمرة لحد انتهائها بعد 3 سنين بدون تغيير
هل يطبق العائد 12.5% للشهادة البلاتينيه علي العملاء القدام اصحاب شهادة بلاتينه قبل رفع العائد
لا الشهادات القديمة مستمرة بالفايدة بتاعتها لحد ما تنتهي حسب التاريخ اللي عليها
لازم عمل شهادة بلاتينية جديدة بسعر الفائدة الجديد ، خصوصا ان الشهادات الجديدة ذات الفايدة 12.5 % العائد يصرف شهريا مش ربع سنوي زي قبل كدا
اشتريت شهادات استثمار من البنك الاهلي بتاريخ 1-12- 2015 بقيمة 50000 واريد استرداد تمنها – هل يمكن ذلك – وهل يتم خصم اموال من قيمة الشهادة
حسب شروط الشهادة صعب استردادها بعد ايام من اصدارها لانهم قايلين لازم مرور 6 شهور من الشهر التالي لاصدار الشهادة
حاول تروح البنك وتجرب ، وعموما ممكن تقدم علي قرض بضمان الشهادة بيصل لنسبة 90 % من قيمة الشهادة
لو اشتريت الشهادات باسم الاطفال القصر سوء البلاتنيه الشهري او الربع سنوى كيف يتم صرف الفايده لهم وفي حاله الاسترداد كيف يتم صرف المبلغ لهم في حاله وفاه الواصى وهل يجب للاطفال واصى او فتح حساب له للصرف
في البنك بشهادات الميلاد بتفتح لهم حساب وبعدين يتم عمل الشهادات ، والعائد بيكون في الحساب ممكن تصرفه شهريا او حسب رغبتك وممكن الصرف من خلال كارت فيزا
الوصي هو اللي بيتعامل مع البنك لحد ما الاطفال تبلغ 18 سنة بعد كدا هم يتعاملوا
في حالة الوفاه حسب الوصي علي الاطفال ، حسب الوصي اللي هيبقي في الوقت دا هو برضو اللي هيبقي يتعامل مع البنك ويصرف المبلغ لو الاطفال لسه تحت سن 18
اه لازم حد بالغ يكون وصي علي الاطفال للتعامل مع البنك ، صحيح الحساب بيكون باسم الطفل لكن قانوينا اللي بيتعامل مع البنك هو ولي الامر او الوصي
عند شراء الشهاده هل احدد وأكتب من المستفيد فى حالة الوفاه ؟ ام سيكون تلقائى الورثه الشرعيين بموجب اعلام الوراثه
الشهادة باسم صاحبها ومش بيتم تحديد اسم المستفيد لكن بيبقي من خلال اعلام الوراثة بحيث انها ممكن تورث او يتم استردادها لهم
مع العلم ان بالنسبة للاولاد القصر ممكن تشتري الشهادة باسمائهم بشهادة الميلاد عادي او ممكن تعمل الشهادة علي سبيل الهبه للاطفال او الكبار
متى ينتهى الاكتتاب فى هذه الشهادات ؟
هي مستمرة دون ميعاد محدد من البنوك حتي الان
لكن التوقعات غالبا لحد الخميس 16 ديسمبر 2015 علشان البنك المركزي هيناقش الفايدة لو فيه تغيير في الفائدة ممكن البنوك هي كمان تقلل الفايدة
طب من خلال مناقشة البنك المركزى لسعر الفايدة هل ممكن يتم خفض الفايدة بعدها او وقف بيع شهادات الاستثمار دى ؟؟؟؟
اه احتمال كبير لان البنوك عاملة الشهادات دي استثناء ونسبة الفائدة اللي كانت شغاله قبل كدا كانت 10 % فقط
لكن حتي الان الكلام الرسمي الشهادات دي مستمرة ، لان مثلا شهادة استثمار مجموعة ب لسه مكملتش شهر فصعب يوقفوها فجاة
انا مقيمة بالخارح حاليا ولن اتمكن من تغير الشهادة البلاتنية والتي سيتم تجددها ولا يوجد من يقوم بتجددها نيابة عني فماذا سيتم مع الشهادة التي من المفترض انه تجدد تلقايا
الاول حضرتك اتاكدي ان الشهادة اللي معاكي هي بلاتينية شهرية ولا بلاتينية ربع سنوية؟
الشهادة الحالية دي اللي ب 12.5 % هي شهادة بلاتينية شهرية ، بينما البلاتينية السابقة كانت ربع سنوية لو هتتجدد هتفضل ربع سنوية فايدها لسه 10 %
ممكن تشوفي فرع البنك الاهلي في مكان حضرتك ، او لو فيه توكيل لحد داخل مصر ممكن يغير الشهادة
انا عملت شهاده ب ١٠٠ الف لو عايز اسحب ١٠ الف منها في مشكله
مينفعش تسحب جزء لو هتسحب هيبقي استرداد كل الشهادة وتعمل شهادة جديدة بالباقي
مع العلم ان لا يمكن سحب الشهادة قبل مرور 6 شهور من تاريخ الشهر التالي لاصدارها
يعني ممكن تتغير الفائده لما تتعمل شهاده بالباقي ولا علي نفس الفائده القديمه وشكرا
طلما هتسحب وتعمل شهادة جديدة هتبقي بالفائدة الجديدة بس تاكد علي الموظف في البنك
انا عامله شهادة التميز ممكن اغيرها لتلك الشهاده من غير خساره؟؟
لا طلما هتستردي الشهادة قبل ميعادها هيبقي في خسارة ، ممكن تشوفي الخصم هيبقي قد ايه في الشهادة من خدمة العملا في البنك وتقرري بعديها
مدتها امتي او هتنتهي امتي
لو قصدك الشهادة مدتها قد ايه هي لمدة 3 سنين
اما لو قصدك اخر موعد لشراء الشهادة فالبنوك مش وضعه ميعاد معين ، فهي مستمرة علي الاقل لحد 17 ديسمبر وقت لما البنك المركزي هيناقش اسعار الفائدة
يعنى الفايده12، 5 دى باخدها كل شهر يعنى لو حطيت الف اخد عليه 12.5جنيه شهري
ياريت :))
لا الفائدة هي 12.5 % سنويا زي ما شرحنا في الموضوع ، ال 12.5 مقسمة علي السنة 12 شهر ، يعني في الشهر النسبة هي 1.04167
مثال لو شهادة بلاتينية 1000 جنيه النسبة في السنة 12.5 % هتجيب عائد 125 جنيه في السنة ، موزعة في كل شهر هتلاقي في الحساب 10.40 جنيه
ممكن ضرب مثال للخصومات عند سحب قيمة الشهادات بعد 6 شهور
صعب اقول مثال لان البنك بيغير من الجدول الاستردادي للشهادات حسب تاريخ اصدار الشهادة والنسبة اللي عليها واخر مرة اضافة العائد ، فالافضل السؤال في البنك مباشرة
انا ليه شهادات في البنك الأهلي لكني الان خارج مصر ممكن حد يودع الفلوس ويعمل الشهادة باسمي وأنا بره مصر ؟
ممكن حد يودع الفلوس في حسابك ، لكن عمل الشهادة محتاج تواجدك او عمل توكيل
دلوقتي لو اشتريت شهادة ب 1000ج وحبيت ازود القيمة بتاعتها بعدين يعني اضيف علي قيمة الشهادة مثلا 1000 كمان دا ينفع ولا لا .
سؤال هل كل مواطن له شهادة واحدة فقط ولا اكثر من شهادة
سؤال بعد ال 3 سنوات مدة الشهادة بنسترد القيمة كاملة اصل المبلغ والعائد ولا بتججد لوحدها تلقائيا
– الشهادة قيمتها وقيمة الفايدة عليها ثابتة يعني متقدرش تزود او تنقص من ال 1000 جنيه ، لكن ممكن تشتري شهادة تانية ب 1000
– ممكن تشتري اي عدد من الشهادات
-بعد ال 3 سنين بتسترد المبلغ ، والعائد نفسه انت ممكن تستمله شهريا او تخليه في الحساب تصرفه وقت ما انت عايز
الشهادة بتجدد تلقائيا اه علي اساس ان الفلوس لسه عندهم ، لكن انت لو روحت اي وقت بعد انتهاء مدتها بتستلم قيمتها عادي
شهادتي بلاتنية كل ٣ اشهر سوف يتم تجديدها اخر هذا الشهر فهل تجدد بنسبة ١٢.٥٪
لا لازم تروح البنك وتسترد الشهادة دي وتعمل شهادة جديدة ، لان الشهادة اللي ب 12.5 % دي بلاتينية شهرية
لو سمحت هي هتفضل لحد امتى ! ممكن خلاص الاسبوع ده وخلاص ولا هاكمل للاسابيع اللي جايه !
حتي الان مفيش ميعاد محدد ، فهي مستمرة علي الاقل حتي شهر ديسمبر واجتماع البنك المركزي يوم 17 لمناقشة اسعار الفايدة
أنا كنت اشتريت الشهادة البلاتينية من البنك الأهلى لما كان سعر الفائدة 8.5% ولما ارتفعت الى 10% رفعوا الفائدة تلقائيا وتم التجديد منذ 9 اشهر على الفائدة 10.5% فهل سيتم رفع الفائدة تلقائيا هذه المرة الى 12.5% ؟ وشكرا
لا التجديد التلقائي بيحدث فقط عند انتهاء مدة الشهادة اللي هي 3 سنين ، لو لسه معاك اصل الشهادة ممكن تروح البنك وتغيرها وتعمل الشهادة بالنسبة الجديدة
هل يمكن شراء الشهادات خارج مصر فى فروع البنوك بالخارج؟
اه ممكن الشراء من الخارج حسب مكان تواجد فروع البنك الاهلي المصري هتلاقي علي موقع البنك عنواين وارقام التليفونات
حضرتك انا عمري ما عملت اي شهادات اوحاجه ممكن تنصحني اعمل في البنك ام البريد وشكرا
هو حاليا شهادات البنك افضل من حيث العائد عن دفتر توفير البريد ، بس عيب شهادات الاستثمار ان الفلوس اللي هتشتري بيها الشهادة لو سحبتها قبل ميعاد انتهاء الشهادة بيتم خصم مبلغ منها ، فلو الفلوس هتقدر تستني عليها مدة ال 3 سنين يبقي البنك افضل لك ، لو عايز تبقي الفلوس متاحة لك اي وقت يبقي في البريد
شهادة البريمو هي نفسها البريمو ستار من بنك القاهره ولا ايه اصل انا روحت بنك القلهره النهارده وطلبت من الموظف عمل شهادة البريمو
هو كل شهادات بنك القاهرة اسمها بيبدأ بالبريمو كذا ، المهم تتاكد من ان النسبة 12.5 % بتبقي مسجلة علي الشهادة بجانب المدة 3 سنوات
عايز اعرف لية الشهادات القديمة البلاتينية متترفعش لية زى الجديدة لما الفائدة بتزيد على الكل وتقل على الكل رجاء النظر فى الموضوع
ياريت فعلا يتم تطبيق كلامك بس لا اعتقد الناس هتوافق علي ان النسبة تقل علي الكل ، الكلام دا مطبق في دفتر توفير البريد لكن للاسف بالنسبة للشهادات بيتم معاملتها علي انها ورقة مالية ثابتة غير قابلة للتغير سواء القيمة او النسبة علشان مكسب البنك ميقلش
هو الافضل يتم تقليل نسبة الخصومات عند سحب الشهادات قبل موعدها ساعتها التغير هيبقي اسهل
طيب انا لسه عامله مبقلهاش 3 شهور هيتخصم من المبلغ الاساسى حاجه
مش هتقدر تسحبها غير بعد مرور 6 شهور من الشهر التالي لشهر الشراء
طيب وبا النسبه الاسعار الشهادات القديمه هتتعدل الفائده بتعاتها والا هتفضل زاى ما هى 10%
لا هتفضل زي ماهي بالنسبة اللي مسجلة عليها
ممكن تروح البنك وتستردهم وتعمل شهادات جديدة بس هيتم خصم مبلغ حسب الجدول الاستردادي للشهادة ووقت اصدارها
هي ايه الاوراق المطلوبة وما هو الموعد النهائي للاكتتاب والموعد المحدد للانتهاء من هذه الشهادات وشكرا
بطاقة الرقم القومي وتكون سارية مش منتهية
مفيش ميعاد محدد حتي الان لشهادات الاستثمار بالفائدة دي، غالبا مستمرة حتي شهر ديسمبر علي الاقل لحد ما البنك المركزي يحدد هيرفع سعر الفايدة في مصر ولا هيثبتها
هو لازم يكون البطاقة فيها اثبات الوظيفة
اه فيه ناس البنك رفض يفتح لهم حساب علشان الوظيفة مش مثبته في البطاقة