مع قرب العيد كل عام وانتم بخير تلجأ العديد من الاسر الي عمل كحك العيد في البيت بدلا من شراءه ، للحصول علي طعم كحك اللذيذ و عمل الكحك بمقادير مضبوطة وصحيحة ، وفي هذا الموضع علي خمس خطوات نستعرض معكم مقادير الكحك وطريقة عمل كحك العيد بالتفصيل في البيت ، احتفالا بالعيد مع الاهل والاصدقاء وكل عام وانت بخير وسعادة ….
نبدأ اولا بـ مقادير كحك العيد بالتفصيل
– 3 كوب دقيق منخول
– كوب وربع سمن سايح ( ويجب ان يكون من انواع السمنة الجيدة )
– ربع كوب لبن دافىء
– نص معلقة صغيرة خميرة فورية
– نص معلقة صغيرة بيكنج بودر
– ربع معلقة صغيرة ملح
– معلقة صغيرة ريحة كحك
– معلقة كبيرة سكر
– معلقة كبيرة سمسم
طريقة عمل الكحك
نبدأ معكم بطريقة عمل كحك العيد ، حيث نقوم بخلط المكونات الجافة للدقيق معا ، وهي ( الملح والبيكنج بودر وريحة الكحك والسكر والسمسم)
– نقوم بتقليب مكونات عجينة كحك العيد جيدا ، ثم نقوم بوضع ملعقة الخميرة في اللبن الدافىء ونقلب جيدا ثم نضيفهم للدقيق وباقي المكونات ،
– ونستمر في التقليب ونضيف السمن السايح مع الاخذ في الاعتبار الا يكون السمن ساخن، ونستمر في تقليب وعجن عجينة كحك العيد جيدا حتى يتشرب خليط الدقيق السمن وتتكون لدينا عجينة كحك العيد متماسكة ولا تلتصق باليد.
– اذا اردتي عمل كحك سادة دون حشو ، نبدا بعمل كور صغيرة الحجم من العجين لعمل كحك العيد ثم نفردها قليلا علي شكل كحك العيد المعروف للجميع ، ثم نشكلها بقوالب تشكيل الكحك المتاحة او بمنقاش الكحك او باستخدام اي وسيلة اخري حسب الرغبة.
– اما في حالة الرغبة بعمل كحك العيد المحشو ، فيمكنك شراء الملبن والعجمية من محلات الحلوي لحشو كحك العيد ، او عمل عجمية كحك العيد في البيت .
– حيث نقوم بعمل كور من عجينة كحك العيد ثم نصنع بها حفرة صغيرة لوضع حشوة العجمية ثم نغلق عليها جيدا ونشكلها بمنقاش الكحك او باي وسيلة اخري كما اوضحنا ، ونفس الطريقة اذا كن كحك العيد بحشوة الملبن سوف نذكر مكونات الحشو لاحقا.
– نترك الكحك العيد في الصاج او الصواني حتي يختمر حوالي ساعة الي ساعتين
– وتبقي الخطوة الاخيرة من خطوات عمل كحك العيد وهي ادخال كحك العيد الي الفرن ، حيث نقوم برص الكحك فى صاج او صينية مدهونة بقليل من السمن ، حسب الكمية التي سوف تقوم بعملها من عجينة الكحك ، علي ان نقوم بترك بين كل كحكة واخرى مسافة ثم نضعه فى الفرن مسخن مسبقا على درجة 180 لمدة 15 دقيقة الي نصف ساعة ، حتي ينضج الكحك ويكتسب لونه الجميل المعروف.
مقادير حشو الكحك
حسب الرغبة يمكنك حشو كحك العيد بالملبن او العجمية او المكسرات او خليط بينهم ، بحيث يتم تقسيم كحك العيد الي سادة و بالحشو حسب رغبتك و تفضيلك ، ويمكنكي الحصول علي الملبن او العجمية من محلات الحلويات ، او عمل العجمية في البيت…
مقادير العجمية
– 2 معلقة كبيرة دقيق ، 2 معلقة كبيرة سمنة و كوب عسل نحل ، و معلقة صغيرة سمسم ، و مكسرات مفرومة ( عين جمل- لوز-سودانى حسب رغبتك )
اما عن طريقة عمل العجمية لحشو كحك العيد
– نقوم بوضع السمنة فى كسرولة على النار ثم نضيف الدقيق ونقلب حتى يحصل الدقيق على اللون الاصفر الفاتح
– ثم نهدا النار ونضيف عسل النحل مع التقليب السريع وعندما يبدا فى الغليان نضيف المكسرات والسمسم ونقلب قليلا ثم نطفى النار ، نترك العجمية تبرد ، ونشكلها لكور صغيرة جدا ، لاستخدامها لاحقا في حشو الكحك.
واخيرا استخدمي سكر البودرة لتزيين الكحك بعد ان يبرد ، كما يمكنكي استخدام مبشور المكسرات لتزيين الكحك ويقدم بالهنا والشفا وكل عام وانتم بخير….
بعض الملحوظات السريعة لعمل عجينة كحك العيد مضبوط
– يمكنك اضافة قليل من دقيق سيمولينا حوالي 50 جرام لعمل جرشه للكعك واضافة طعم مميز.
– في حالة ان العجينة اصبحت ناشفة قومي بوضع المزيد من اللبن ، وفي حالة زيادة نعومة العجينة ضيفي القليل من الماء.
– البعض يفضل اضافة روائح من عند العطار مخصصة للكحك مثل رائحة الكعك او رائحة الورد او البرتقال وغيره يمكنك الحصول عليها من العطار او محلات الحلوي.
تعرفي ايضا علي:-
طريقة عمل بسكويت العيد باكثر من نكهة وطعم زي محلات الحلويات
و في الصفحة التالية هنا :– يمكنكي معرفة طريقة عمل البيتي فور
وشاهدي:- طريقة عمل الغريبة للعيد بالتفصيل
موقع خمس خطوات يقدم معلومات بسيطة فى شرح سهل من خمسة خطوات للأحداث الجارية وكافة مناحي الحياة المتنوعة لإثراء محتوي اللغة العربية على الإنترنت.
شكرا عاى اهتمامك بلاردوود بتعليقات
العفو شكرا لكي على مشاركتك معانا وكل عام وانتي بخير وسعادة
انا بعمل الكعك والسمنه بتكون سخنه جدا وبيطلع حلو جدا
جميل جداااااااااااا
هعمله واجب
ان شاء الله تعمليه احلي طعم وكل سنة وانتي طيبة وبخير
أنا بحب البسكويت
هااااى ممكن نضيف زبادى بدلا من اللبن
اهلا بيكي ، اه ممكن الزبادي والكمية تبقي بدل ربع كوب لبن يبقي نصف كوب زبادي ، وممكن نزود الزبادي او ماء لو العجينة ناشفة او صلبة زيادة عن اللازم
تسلم ايديك والله الوصفات كلها حلوه
ربنا يخليكي وبالهنا والشفا 🙂
شكرا
شكرا جامدا اوى thank you
هل يمكن استخدام الزبدة فى الكعك
اه ممكن بس بدل كوب وربع يبقي كوب فقط وتبقي زبدة سيحه “نقدح الزبد علي النار” قبل اضافتها للمقادير
انا بيطلع دايما ناشف
-حاولي تضبطي المقادير بحيث تقللي الدقيق يعني لكل كوبين دقيق يبقي كوب سمنة او زي ما قلنا نزود السمن شوية يبقي كوب وربع واخلطي المكونات مع بعد كويس لان السمن من الحاجات اللي بتخلي العجينة طرية
-وممكن تزودي اللبن شوية برضو بيفيد في ان العجينة تبقي طريقة
– وبالنسبة للتسوية في الفرن اتاكدي من انها مضبوطة زي ما وضحنا في الموضوع ومتسبيش الكحك لمدة طويلة مجرد تسويته ويكتسب لونه ، وان شاء الله يطلع معاكي مضبوط المرة الجايه وكل عام وانتي بخير
هوممكن احط فانيليابديل لرائحه الكحك
اه ممكن هي من الاضافات مش اساسية ، او ضيفي اي طعم اخر تفضليه
اهلا
اهلا بيكي وكل عام وانتي بخير 🙂
ميرسي كتير علي الوصفة دي بس عندي سوال لو هعمل حشو الكحك بالعجوة فى حاجة بجبها تاني ولا عجوه بس لوحدها
العفو وكل عام وانتي بخير
بالنسبة لحشو الكحك بالعجوة بنجيب نص كيلو عجوة بالنسبة للمقادير اللي في الموضوع ، او نزود حسب الكمية اللي عايزنها ونعجن العجوة كويس مع ملعقة سمنة كبيرة او زبدة بحيث تكون العجوة طريقة علي قد ما نقدر وبس كدا نحشي بيها الكحك وبالهنا والشفا
لكن انا معرفتش اعملها
طب قوللنا ايه اللي وقف معاكي ؟؟ ولا العجينة طلعت ازاي ؟
5ك مقادىر اه بلضبط
عامة علشان الناس اللي بتسال عن مقادير كيلو الكحك ، شوفو لكل كيلو دقيق علية نصف كيلو سمن ، وهتلاقو باقي المقادير في الموضوع بنضاعفها لكل كيلو وهكذا
اما مقادير خمسة كيلو كحك فهي كالتالي
– خمسة كيلو دقيق —– ممكن نزود الدقيق لو العجينة طلعت طرية زيادة عن اللزوم او مش متماسكة
– 2 ونص كيلو سمن
– كوب ونصف لبن دافىء —- بنزود اللبن لو العجينة طلعت ناشفة
– 2 معلقة صغيرة خميرة فورية
– 2 معلقة صغيرة بيكنج بودر
– 2 معلقة صغيرة ملح
– 4 معلقة صغيرة ريحة كحك
– 9 معلقة كبيرة سكر
– 9 معلقة كبيرة سمسم
وباقي خطوات عمل عجينة الكحك وتجهزيه في الموضوع بالهنا والشفا 🙂
اهلا انا عندي مشكلة الفرن بيحرق الحاجة هل في حل للمشكله ياريت الرد يكون سريع انا اعدة مستنية الرد
اهلا بيكي معلش في التاخير علي الرد
شوفي لو كان قعر او اسفل الصينية هو اللي بيحترق ضعي الصينية في الرف العلوي او علي شبكة الفرن لو فيه ، او ممكن تستخدمي ورق فويل ” ورق القصدير ” تحت الصينية بينها وبين رف الفرن او مثلا صاج تحت الصينية ، المهم يكون فيه فاصل يعني
اما لو كان جوانب الصينية هو اللي بتتحرق استخدمي ورق الفويل اكتر من لفه عند الجوانب بحيث تقلل السخونة
ومع التجربة هتعرفي درجة الحرارة المضبوطة للفرن اللي متزوديش عليها
طيب لو حبيت اعمل 2 كيلو المقادير هتبقى ايه بالظبط
بالنسبة لكمية 2 كيلو كحك هتبقي كالتالي
2 كيلو دقيق مع كيلو سمن
وباقي المقادير كوب لبن دافىء
– معلقة صغيرة خميرة فورية
– معلقة صغيرة بيكنج بودر
– معلقة صغيرة ملح
– 2 معلقة صغيرة ريحة كحك
– 4 معلقة كبيرة سكر
– 4 معلقة كبيرة سمسم
هجربوا
ان شاء الله يطلع معاكي مضبوط واحلي طعم وكل سنة وانتي طيبة وبخير ديما
الطعم جميل
كل سنه وانتم طيبين
بالهنا والشفا وكل سنة وانتي طيبة وبخير وبكل سعادة :))
جميلة جدااااااااااااااااا
ميرسي ليكي 🙂 وكل سنة وانتي طيبة وبخير ديما
هروح اجرب واقول لكم
وكل عام وانتم بخير
ان شاء الله يطلع معاكي احلي طعم 🙂 وانتي طيبة وبخير ديما :))
معرفتش اعمل
ليه بس ؟ قوللنا ايه اللي وقف معاكي ؟
شكرا
العفو وكل عام وانت بخير والي الله اقرب :))
يلهوىىىىىىىىىىىىىىىىىىىىىى
خير ايه اللي حصل :))
الحقيقه الوصفه مظبوطه جدا جربت وصفة الزلابيا كانت رائعه
بالهنا والشفا مقدما وسعداء ان الزلابيا عجبتك :))
يعني اي يحط الكحك علي ١٨٠ لمده ١٥ ساعه ثم نص ساعه مش فهمه الحته دي
فين الكلام دا الظاهر الارقام ملخبطة :)) ؟
المكتوب نضعه فى الفرن مسخن مسبقا على درجة 180 لمدة 15 دقيقة الي نصف ساعة
يعني درجة حرارة الفرن تبقي 180 درجة مئوية
ولمدة خمسة عشر دقيقة الي نص ساعة حسب نوع الفرن ولحد ما الكحك يحصل علي لونه المعروف وكل عام وانتي بخير :))