اعلنت وزارة التربية والتعليم في بيان لها اليوم بخصوص امتحان التخصص لمسابقة اختيار 30 الف معلم عن بداية امتحانات التخصص في 15 محافظة هذا الاسبوع بداية من اليوم وحتي نهاية الاسبوع علي ان تبدأ باقي المحافظات في امتحان مادة التخصص خلال الاسبوع القادم واليكم التفاصيل…
بداية الامتحانات في القاهرة والجيزة و 15 محافظة من الاربعاء
اعلنت وزارة التربية والتعليم ان امتحان مادة التخصص سوف يبدأ يوم الأربعاء 24 ديسمبر في 15 محافظة من محافظات الجهمورية وهم محافظة القاهرة، ومحافظة الجيزة، ومحافظة الدقهلية، ومحافظة الشرقية، ومحافظة القليوبية و محافظة المنيا، ومحافظة الإسكندرية، ومحافظة أسيوط، ومحافظة البحيرة، ومحافظة سوهاج، ومحافظة مرسى مطروح، ومحافظة الغربية، ومحافظة المنوفية، ومحافظة بنى سويف، ومحافظة الوادى الجديد، حيث سيدخل الاختبارات 97 ألف و624 ممتحنا يتم اختبارهم غدا الأربعاء والخميس.
ويتم الاستعلام عن موعد ومكان لجنة امتحان التخصص بالرقم القومي على موقع الوزارة على الرابط التالي
http://30job.moe.gov.eg
وهو نفس رابط جدول اختبارات المرحلة السادسة.
و موقع وزارة التربية والتعليم الرسمي : http://moe.gov.eg
واما بالنسبة للسادة في المرحلة السادسة واختبارات المواد العامة التربوي واللغة الانجليزية والحاسب الالي ، أوضحت الوزارة أن اختبارات المواد العامة ستستمر للمتقدمين المتخلفين والمتظلمين بالاضافة للذين لم تدرج أسماؤهم حتى المرحلة السادسة، وفي حالة وجود مشكلة او ظهور عبارة غير مدرج في هذه المرحلة انظر اخر المقالة لكيفية عمل تظلم.
واوضح محسن عبد العزيز رئيس الإدارة المركزية لنظم وتكنولوجيا المعلومات، بوزارة التربية والتعليم في تصريحات صحفية اليوم، إن عدد الذين قاموا بأداء امتحانات التخصص يوم الثلاثاء في اختبارات مسابقة المعلمين على مستوى 11 محافظة وصل قرابة 20 ألف متقدم، بالاضافة لنحو 849 ممتحنا يؤدون اليوم الامتحانات العامة وهى التربوى واللغة الأجنبية والحاسب الآلى فى محافظتى القليوبية والدقهلية.
تفاصيل امتحان مادة التخصص في مسابقة وزارة التربية والتعليم
– سوف يتم عقد امتحان التخصص علي 6 فترات يوميا في اللجان بدلا من 3 فترات مثل ما حدث في امتحان المواد العام.
– امتحان مادة التخصص عليه 60 % من مجموع درجات امتحان مسابقة اختيار ال 30 الف معلم.
– الامتحان مستمر حتي تمام امتحان كافة المتقدمين والمقبولين ويجود فترة للمتخلفين عن الامتحان ومن واجه مشكلة اثناء امتحان المواد العامة.
– باقي المحافظات من المنتظر ان تدخل امتحان مادة التخصص من الاسبوع القادم ان شاء الله.
مصادر امتحان التخصص وكيفية الاستعداد له
مصادر امتحان التخصص في مسابقة وزارة التربية والتعليم هي مناهج التربية والتعليم حسب تخصص كل مدرس وبالنسبة لـ الاخصائي الاجتماعي او الاخصائي النفس امتحان التخصص من مواد التي درسها في الكلية والمتعلقة بالتربية والتعليم .
– ويمكن الاستعداد لامتحان التخصص عن طريق حل امتحانات كادر المعلم الخاصة بتخصص كل مدرس ويوجد لها امثله علي الانترنت وهي عبارة عن اسئلة اختيار من متعدد وصح وخطا مثل ما حدث في امتحان المواد العامة.
في حالة وجود مشكلة متعلقة بالامتحان او المواعيد
بالنسبة للشباب اللى بيواجه مشكلة في امتحان المواد العامة او في حالة وجود اي مشكلة او عدم ظهور اسمك بعد الكشف باستخدام الرقم القومي وظهور عبارة غير مدرج بالمرحلة الحالية او عبارة” الرقم القومي الذي أدخلته غير مدرج في المرحلة الحالية، برجاء المتابعة حيث يتم تحديث البيانات بصفة دورية. “امامك احدي الخيارات التالية :-
– الاتصال بالخط الساخن لوزارة التربية والتعليم 19126
– او ارسال فاكس بالتظلم والبيانات والاوراق الخاصة سواء المؤهل التربوي او دبلومة التربية الي فاكس :- 27963734
– او بريد الكترونى c.service@moe.gov.eg
– يمكنك التواصل مع مديرية التربية والتعليم في المحافظة الا ان بعض الشباب قال لنا في التعليقات ان مديريات التربية بتقولهم ملناش دعوة روحو وزارة التربية في القاهرة !
وفي حالة عدم الوصول لحل وفي حالة استطاعتك التوجه الي ديوان عام وزارة التربية والتعليم في القاهرة يمكنك تقديم تظلم بالورق هناك
عنوان ديوان عام وزارة التربية هو 12 شارع الفلكي في باب اللوق -القاهرة.
– ممكن تركب اي حاجه لباب اللوق وبعدين تروح شارع الفلكي.
او لو هتركب المترو انزل محطة سعد زغلول هتلاقي الوزارة هناك.
لينك للاستعلام عن ميعاد ومكان امتحان التخصص :-
http://30job.moe.gov.eg
لينك للاستعلام عن نتيجة فحص التظلمات :-
http://30job.moe.gov.eg/old
يرجي متابعة موقع وزارة التربية والتعليم كما ذكرنا لانهم بينزلو الاسماء يوميا وفيه تحديث للبيانات وباقي المحافظات كل يوم ، وندعو لكم بالتوفيق والنجاح.
موقع خمس خطوات يقدم معلومات بسيطة فى شرح سهل من خمسة خطوات للأحداث الجارية وكافة مناحي الحياة المتنوعة لإثراء محتوي اللغة العربية على الإنترنت.
انا حضرتك امتحنت التربوى وعرفت الدرجة والانجليزى ومعرفتش درجته لان النت فصل وعملت انا وزملائي محضر باللجنة وزملائي اسمهم نزل بعد كدا وكملوا الاختبارات بمسابقة وزارة التربية والتعليم وامتحان التخصص وانا اسمي منزلش اعمل اه
تابع موقع وزارة التربية والتعليم لو مفيش جديد قدم تظلم سواء في صفحة شكاوي الوزارة او في ديوان عام الوزارة في القاهرة
اوك … شكرا اوى للرد.. جزاكم الله خيرا
العفو يافندم وان شاء الله بالتوفيق والنجاح
انا امتحنت امتحانات التخصص لكن لاقيت اسمى نازل تانى فى الاختبارات يا ترى ده امتحان ايه بالظبط..مع العلم ان الميعاد المكتوب راح عليا !! ارجو الرد
طلما امتحنت ومضيت علي درجتك يبقي تمام ، هو كان فيه ناس نزل اسمائهم مرتين والوزارة قالت دا خطا من السيرفر ، عموما يوم السبت حاول تتصل بالمكان اللى ظهرلك تاني مرة وتتاكد منهم
يعنى انا كده مليش امتحانات تانى ولا ايه المفروض انى اعمله.. علشان الصراحه مش فاهم حاجه..؟؟ هل فى امتحان بعد امتحانات التخصص!!!؟؟
لا مفيش امتحانات بعد امتحان التخصص خلاص علي كدا
و هو زي ما قلت لحضرتك من كام يوم سيرفر الوزارة كرر اسماء ناس امتحنو التخصص ، انا بس بقولك اتصل باللجنة اللى ظهرتلك احتياطي للتاكيد مش اكتر
لم أتمكن من امتحان مادة التخصص ماذا افعل
تابعي موقع وزارة التعليم ممكن تقديي شكوي سواء في صفحة شكاوي موقع وزارة التربية والتعليم او التقدم بتظلم بالاوراق في ديوان عام الوزارة في القاهرة
كيف يمكن ارسال تظلم
من خلال صفحة شكاوي وزارة التربية والتعليم هتلاقي فيه رقم للخط الساخن و رقم فاكس الوزارة والايميل
تخلفت عن إمتحان التخصص وكان ميعاد الإمتحان اليوم 6 / 1 لظروف خارجة عن إرادتى ما مصيرى وما أفعل
تابعي موقع وزارة التربية والتعليم ، ويوم الخميس اتصلي باللجنه الصبح شوفي اذا كانو مستمرين بالعمل وتقدري تروحلهم ام لا ، وممكن تقدمي تظلم في صحفة شكاوي وزارة التربية والتعليم ، بالتوفيق
انا امتحنت الامتحانات العامه واستلمت الدرجات ومضيت عليها ودخلت على موقع الوزاره وادخلت الرقم القومى يظهر اسمك غير مدرج ارجو من سيادتكم الافاده ولكم جزيل الشكر
تابعي موقع الوزارة لو مفيش جديد قدمي تظلم في صفحة شكاوي الوزارة او في ديوان عام وزارة التربية والتعليم في القاهرة ، بالتوفيق
انا من محافظة البحيره ولم امتحن النخصص حتى الان كل ما استعلم يقولوا لسه الاسم لم يدرج علما بان الامتحانات بدات من يوم 24 ديسمبر ارجو الافادة
تابع موقع الوزارة لو مفيش جديد قدم تظلم في صفحة شكاوي الوزارة او في ديوان عام وزارة التربية والتعليم في القاهرة ، بالتوفيق
لو سمحت ما مصير من رسب في امتحان التخصص هل سيتم استبعاده في التصفية النهائية ولا ايه برجاء الرد
مفيش رسوب ونجاح دا امتحان للتقييم وترتيب الناس لو جبت درجات قليله ترتيبك هيقل ، بس لو تقديرك في الكلية كبير يبقي لسه فيه فرصة ، بالتوفيق
انا مدرسة رياض اطفال وامتحنت مادة التخصص ومع نزل اسمى مرة اخرى فى لجنة معرفش ليه وايه الامتحان اللى هامتحنه تانى
طلما حضرتك امتحنتي واستلمتي الدرجات ومضيتي عليها يبقي تمام ، هو شكل سيرفر الوزارة كرر اسمك ، لو فيه رقم ظاهرلك للجنه التانيه اتصلي بيهم للتاكيد
انا امتحنت الامتحانات العامة ولم يصلنى اختبار التخصص حتى الان وكل ما اكتب الرقم يقولى الاسم غير مدرج ارجو الرد
قدم تظلم من خلال صفحة الشكاوي في موقع وزارة التربية والتعليم او لو تقدر التوجه لديوان عام وزارة التربية والتعليم في القاهرة
هل اللى ما امتحنش التخصص فى ميعاده وعايز يمتحنه يوم 4 و 5 يناير يحتاج لتظلم ولا يروح لمكان لجنته على طول لانى مالحقتش اعمل تظلم ,ارجو الافاده بسرعة وشكرا
المفروض تقدمي تظلم ، نفس اللجنه ممكن متكنش شغاله لكن عامة لو تقدري تتصلي باللجنه او تروحي شوفي هيقولو لحضرتك ايه ، بالتوفيق
عايز اعرف امتحان الصحافة تخصص من كام؟
لو سمحت حضرتك انا جيت الوزاره وعدلت ماده التخصص من لغه انجليزيه للغه االعربيه ونزل لي ميعاد اختبار بالتخصص اللغه اﻻنجليزيه بعد التعديل ومدخلتش الاختبار اعمل ايه
تابعي موقع وزارة التربية لو مفيش تحديث جديد يبقي قدمي طلب وتظلم مرة اخري في الوزارة ، بالتوفيق
انا قريت على شاشه التليفزيون ان يوم 4و5 فى شهر يناير اى الآحد والاثنين القادم استكمال امتحانات مسابقه 30ألف معلم هذهى المعلومه صحيحه ام خاطئه ارجو الافاده
ايوه هيمتحنو التخلفات والتظلمات وباقي الناس اللى ممتحنتش، وفي استمارة للمتخلفين عن امتحانات المسابقة نزلت بليل اقرا المزيد هنا :- استمارة التخلفات في مسابقة ال 30 معلم
طيب انا دلوقتى من البحيرة مثلا وامتحنت الاختبارات العامة ونجحت الحمد لله وانا بقرأ على موقع الوزارة بالصدفة سياتك لقيت انهما منزلين اسم محافظة البحيرة تبع امتحان التخصص من ضمن 15 محافظة اخريين بتاريخ الاختبار ليومين فقط الاوهما الاربع والخميس بتاريخ 24\12 و25\12 بس واحنا النهارده 30\12 وانا مازلت بدخل الرقم القومى بتاعى للاستعلام عن اختبار التخصص وحتى الان انا ما امتحنتش تخصصى اعمل ايه ايه العمل حد يفهمنى ولا يرد عليه طيب
تابع موقع الوزارة لو مفيش جديد الايام دي ،قدم تظلم علشان في صحفة شكاوي الوزارة وممكن تمتحن مع امتحان التخلفات وفيه استمارة للتسجيل في التخلفات في موقع الوزارة
انا من محافظة الشرقية ورقمى القومى اريد معرفة موعد ومكان مادة التخصص بسرعة
الرقم القومي الذي أدخلته غير مدرج في المرحلة الحالية، برجاء المتابعة حيث يتم تحديث البيانات بصفة دورية.
تابع حضرتك موقع الوزارة ، لو مفيش جديد الاسبوع دا قدم تظلم في وزارة التربية والتعليم
انا امتحنت مادة التخصص بس حصل مشكله فى الجهاز ومظهرتش النتيجه قالولى همتحن تانى بس مش عارفه امتى وفين لانى كل مادخل على موقع الوزاره بيجيلى البيانات القديمه ومرة يقولى غير مدرج حد يفهمن ويقولى اعمل ايه لو سمحتوا
تابع موقع الوزارة في تحديث للبيانات كل يوم ، لو مفيش جديد يبقي قدم تظلم بالاوراق في ديوان عام وزارة التربية والتعليم
انا امتحنت الثلاث مواد العامه وحتى الان لم أمتحن التخصص وقلما أدخل على جدول المرحله السابعه يقال لى لم يدرج اسمك وباقى على المرحله يومان الاربعاء والخميس فما هو الحل هل هناك مرحله اخرى ولاهناك امتحانات الاسبوع القادم ايضا ارحو الافاده ولكم جزيل الشكر
تابع موقع الوزارة فيه تحديثات كل يوم ت لو مفيش جديد يبقي قدم تظلم في وزارة التربية والتعليم
عاوزة اعرف ميعاد امتحان مادة التخصص وانا تخصص انجليزى محافظة الدقهلية
من خلال موقع وزارة التربية والتعليم هم بيعملو تحديثات كل يوم واضافة اسماء جديده ، بالتوفيق
سؤال لحضرتك بعد الدخول في الاختبارات العامة والتخصص وغيره كيف نضمن أنه بعيد عن المحسوبية والوسطة ما في الآخر قالك للأعلى تقدير يعني لو واحد جايب امتياز وخريج السنه دى يتاخد طيب واللي زي اللي داخلين في أربعين سنه يعمل أية وكمان هتدخل اسامي الناس اللي ليها واسطة في النص للتعيين من غير تعب طيب والحل اية ربنا معانا بقي
اسف علي التاخير في الرد ، من ناحية المحسوبية والوسطة فهي مرض مستمر في مصر ربنا يخلصنا منه ، لكن عموما زي ما حضرتك قلت ربنا معانا الواحد يعمل اللى عليه ويسيب الباقي علي ربنا هو المطلع علي كل شئ ، وبالنسبة لترتيب الناس هيبقى حسب التقدير وعند التساوي هيبقي للاقدم في التخرج ، ان شاء الله خير ولو حصل وسطة وكوسة الناس مش هتسبهم هتلاقي قضايا بالالاف
زوجتى امتحنت الانجليزى والتربوى وفصل النت ولم تكمل الحاسب كان بتاريخ 18/11ورفعوا محضر واختبارت الحاسب يوم 20/12 ولسه باقى التخصص وسمعت انه الاربعاء والخميس والوقت المرحلة السابعة وكل مااخل يعطينى الرقم غير مدرج بالمرحلة ارجوا افادتى ﻻن انا خارج مصر وزوجتى واوﻻدى ﻻزم ترجعوا بعد اسبوع علشان الاقامة هتنتهى تحياتى لكم
فيه تحديث واضافة للبيانات كل يوم لو مظهرش الاسم ممكن
– الاتصال بالخط الساخن لوزارة التربية والتعليم 19126
– او ارسال فاكس بالتظلم والبيانات والاوراق الخاصة سواء المؤهل التربوي او دبلومة التربية الي فاكس :-
27963734
– او بريد الكترونى c.service@moe.gov.eg
ولو تقدر حضرتك او حد تبعكم يقدم لها طلب بالاوراق في ديوان عام وزارة التربية والتعليم في القاهرة
انا احصل على كلية دراسات اسلامىة قسم صحافة واعلام جامعة الازهر ورحت امتحن المواد العامة رجعوني لانى لا احصل على مؤهل التربوى والوزىر قال ان الدراسات الاسلامىة معفيه من التربوى فما الحل
تقديم تظلم من خلال صفحة الشكاوي لوزارة التربية والتعليم ، او تقديم تظلم بالاوراق في ديوان عام وزارة التربية في القاهرة
لو سمحتم انا امتحنت الامتحانات العامه ومامتحنتش التخصص وكنت بدخل كل يوم يقولو لم يدرج حتى الان وانا دالوقتى التخصصات امتحنت اعمل ايه برجاء الرد
تقديم تظلم من خلال صفحة الشكاوي لوزارة التربية والتعليم ، او تقديم تظلم بالاوراق في ديوان عام وزارة التربية في القاهرة
لو سمحتم هو فى حد امتحن مادة تخصص تكنولوجيا تعليم
لو سمحتم هو فى مرحلة تامنة ولا دى اخر مرحلة انا امتحنت الامتحانات العامة بس مش عارفه اسمى لسه مظهرش ف امتحان التخصص مش فاهمة هة كدة انا نجحت فالامتحان العام ولا منجحتش
بيظهرلى دلوقتى لم يتم ادراجك المرحلة الحاليه تابع معنا باستمرار
طلما امتحنتي امتحان المواد العامة يبقى هتمتحني التخصص ان شاء الله ، وزي ما بيقول الموقع تابعي معاهم لان فيه تحديث للبيانات كل يوم ، ولسه في ناس كتير ممتحنتش مادة التخصص ، بالتوفيق
أنأ اسمى لم يدرج في المراحل السابقة ولم امتحن المواد العامه والا وجدت ان اختباري غدا ولكن لم يحددوا لي مواد الاختبار فما معني هذا برجاء الرد
امتحان المواد العامة هي :- تربوي -لغة انجليزية – حاسب الي وممكن تلاقى امثلة كتيرة للامتحانات علي النت ، وبعد امتحان المواد العامة فيه امتحان تخصص هيتم تحديده بالتوفيق
دخلت على موقع الوزارة للاستفسار عن موعد ومكان امتحان التخصص فوجدت اسمى بمدرسة في العياط مع انى امتحنت الامتحان التربوى في المهندسين مالحل
ممكن تقدم طلب او تظلم من خلال الوسائل دي
– الاتصال بالخط الساخن لوزارة التربية والتعليم 19126
– او ارسال فاكس بالتظلم والبيانات والاوراق الخاصة سواء المؤهل التربوي او دبلومة التربية الي فاكس :- 27963734
– او بريد الكترونى c.service@moe.gov.eg
او لو حضرتك تقدر تتوجه الي ديوان عام وزارة التربية والتعليم وتقديم تظلم بالاوراق
انا كنت بمتحن إمبارح وبعد ماخلصنا الإمتحان النت فصل قبل ظهور النتيجة يعنى يعتبر ماإمتحنتش ومراقب اللجنة عملنا محضر بالحالة بس انا عايزة اعرف ايه اللى هايحصل بعد كده
تابعي مع اللجنه اذا كانو مستمرين في العمل الاسبوع دا ، وبرضو موقع الوزارة لو اسمك منزلش الايام اللي جايه دي ابعتي فاكس شكوي لوزارة التربية والتعليم بصورة المحضر لو معاكي
لوسمحتم امتحان التخصص كان معاده يوم الاربعاء وامتحنتش كان عند ظروف صحيه صعبه منعتنى من الحضور. هل يمكن امتحن يوم السبت ام لنا مرحله للمتخلفين ارجو الافاده والرد ضروري
مفروض الاسبوع اللى جي هو مرحلة للمتخلفين والتظلمات وهي مستمرة لنهاية الامتحانات فلو اسم حضرتك مظهرش النهاردا ، بكرا حاولي تستفسري من لجنه امتحانك قبل كدا اذا كانوا مستمرين ام لا ، لو لا يبقي قدمي طلب علشان تمتحني مع امتحانات التخلفات ، بالتوفيق
انا محافظتى بدات المرحلة السادسة وحتى الان فى المرحلة السابعة واسمى منزلش اعمل تظلم ولا ايه
تابعي موقع وزارة التربية لان فيه تحديث للبيانات يوميا ، لو اسمك مظهرش النهاردا وبكرا يبقي قدمي تظلم سواء في صحفة شكاوي الوزارة او في ديوان عام وزارة التربية في القاهرة
عايزة أعرف ميعاد امتحان التخصص
من خلال موقع وزارة التربية والتعليم ، هتلاقي اللينك في الموضوع ، بالتوفيق