بعد تسريبات الثانوية العامة 2016 انتشرت اخبار تغيير نظام الثانوية العامة ، و تغيير نظام التنسيق والقبول في الجامعات المصرية العام القادمة ، حيث جاءت الانباء عن تغيير نظام الثانوية العامة ليتم اضافة اختبار قدرات يكون هو الاساسي في حسم دخول الكليات.
تغيير نظام الثانوية العامة وتغيير نظام التنسيق في الجامعات
وحسبما اعلن اليوم مجلس الوزراء اليوم أنه سيكون هناك نظام جديد للقبول بالجامعات خلال العام المقبل 2017 يعتمد على امتحان القدرات لدخول الكليات من أجل تحديد مستوى الطلاب قبل إلحاقهم بالكليات وتعتزم وزارة التعليم العالي، أن النظام الجديد يكون مختلفًا وهناك لجنة مشكلة حاليًا من المجلس الأعلى للجامعات لإصلاح المشكلات التي تعرض لها التنسيق خلال الفترة الماضية بحيث يتم تطوير نظام القبول بالتنسيق واللجنة أمام اجتماعين آخرين لحل الأزمة.
تفاصيل نظام تنسيق الجامعات الجديد المقترح لطلاب الثانوية العامة
وحسبما اعلنت وزارة التربية والتعليم و وزارة التعليم العالي أن مشروع نظام تنسيق الثانوية العامة الجديد ، سوف يشمل تغيير نظم القبول بالجامعات مقدم للحكومة منذ 3 سنوات، في عهد وزير التعليم العالي السابق الدكتور السيد عبد الخالق، وتم تقديم خطة لإنشاء المركز الوطنى للقياس والتقويم والاستفادة من خبرة مركز التقويم بجامعة كمبردج، ويقوم هذا المركز بعمل اختبارات القبول للجامعة، على أن تكون شهادة الثانوية العامة منتهية، لافتًا أن جزء من دخول الطالب للجامعة سيعتمد جزء منه على الثانوية العامة وجزء آخر على اختبار القبول.
امتحان قدرات في نظام تنسيق الثانوية العامة الجديد يشمل إختبار القبو عدة اسئلة من خلال الكمبيوتر يتم إجراءه يضم نحو 100 سؤال والإجابات تكون من خلال الاختيار المتعدد أو بجملة مختصرة، مشيرًا إلى أن الامتحان سيكون خالي من الحفظ.
مثال توضيحي لنظام التنسيق الجديد في الجامعات المصرية الطالب الذي حصل على مجموع ما بين 90% إلى 100% في الثانوية العامة سيكون له امتحانات محددة وقائمة كليات بعينها، والطالب الحاصل على مجموع بين 70 % إلى 80% له امتحان ومحدد له كليات أخرى، والطالب الحاصل على مجموع بين 60% و50% له اختبارات وكليات محددة، وانه في حال رسوب الطالب في هذه الاختبارات سيكون له فرصة ثانية، ومن بعدها لن يلتحق بالجامعة وسيكون له قائمة معاهد متاحه له.
لا تغيير في قواعد تنسيق الجامعات العام الحالي
ومن جانبه وبعد العديد من الاشاعات حول تغيير قواعد تنسيق الثانوية العامة 2016-2017 اعلن أمين المجلس الأعلى للجامعات الدكتور اشرف حاتم، أنه لا تغيير في قواعد تنسيق القبول بالجامعات خلال العام الجامعي المقبل، وذلك تعقيبا على ما إذاعة التليفزيون المصرى بشأن أن مجلس الوزراء قرر تغيير نظام القبول بالجامعات.
حيث أكد أمين المجلس الأعلى للجامعات أن تنسيق القبول بالجامعات للعام الدراسى القادم 2016-2017 لن يكون به أي تغيير عن الاعوام السابقة، وان ما قيل بخصوص تغيير نظم القبول بالجامعات سيتم خلال الاعوام القادمة وعلى عدة مراحل، كاشفا أن المجلس الاعلى للجامعات لا يزال يدرس العديد من المقترحات المزمع تطبيقها كشروط للالتحاق بالجامعات إلى جانب امتحان الثانوية العامة.
تفاصيل نظام الثانوية العامة الجديد 2017 وشكل الاسئلة المتوقعة
في موقع خمس خطوات ، نقدم لكم متابعة جيدة للشأن المصري والعربي والعالمي ، والاخبار السياسية والاقتصادية والبنوك في مصر والوطن العربي اهم النصائح والارشادات ومتابعة جيدة للتطورات الجارية.
ياريت يطبق النظام الجديد
هل ستطبق نظام القدرات العام القادم أم لا رجاء الرد
حتي الان لا هو نفس نظام التنسيق الحالي
هل سوف تتحول الثانويه العامه الي ترمين العام القادم !؟
ما هى بقت وسطة و رشوة الغو التعليم احسن ما انتم بتكرهونا فية ودخلو عيلكو دكترة ومهندسين واحنا كفاية كدة
لازم يتم دراسة اي قرار يتخذ بشأن تغيير نظم القبول والتنسيق بدقة مش مجرد فكرة خطرت على بال حد في الوزارة يقول يالا نجرب، وطبعا اولادنا هم الضحية نتيجة مثل هذه القرارات غير المحسوبة. طب ما تطبق القدرات بعد اعدادي ومن البداية لا يدخل ثانوي الا من يستحق ان يكمل، وكمان يكون الطالب ادرب بشكل كافي أيضا ضرورة وجود رقابة صارمة على مثل هذه الاختبارات حتى لا يتلاعب بها ويصبح افراد هم المتحكمون في قبول الطالب بالكلية
القرار ده هايتنفذ السنه الجايه ديه ولا الى بعدها لسنه2016/2017 ولا لسنه 2017/2018
حتي الان مفيش اي تغيير او تعديل في نظام الثانوية العامة 2016-2017 يعني الامتحانات والتنسيق هيبقي زي نظام السنة اللي فاتت
انت مش لقين حاجه تطبقوها علينا ما اتشترطوش لى على الامتحانات بتاعت السنه اللى فاتت اللى اتسربت وبرغم كدا نزلتو التنسيق سيبونا فى حالنا مش كفايه تعب الثانويه العامه نقصاكم انتو كمان وبلاش تقولو قرارات على حسابنا احنا مش موفقين على القرار دة وانا حرين
حسبى الله و نعم الوكيل
القرار ده ظالم احنا لازم نعمل مظاهره ضد الفساد ازاى بمجرد قرار يضيع مستقبل الطلاب وتعبهم كله يروح على الفاضى الصراحه انا لسه
القرار ده بجد فاشل هل انتم تريدون الفساد مرة اخرى كدة بالشكل ده لا احد هيدخل كليات عالية وهيبقا فيه رشوة وفساد هل انتم تريدون هذا هل تريدون ابن الدكتور يبقا دكتور وكل واحد يبقا زى ابوه هو ده بقا الفساد بعينه انتم لا تريدون ان يبقى ابن الفقير غنى ولا يدخل كليات عالية ولا يلقى شغل من الافضل ان تلغو هذا القرار ولا سوف تحدث مهزلة ولا بعيد تحدث وثورة انا بجد فيه كلام كتير عاوز اقوله من الظلم والفساد الى احنا فيه ولازم يتلغى انتم من تسربون الامتحانات لاولادكم واولاد الاغنياء لكى يدفعوا لكم الاموال ونروح احنا فيها ومن الافضل ان يلغى هذا النظام الفاشل.
على فكرة نظام القدرات نظام جميل جدا و نظام يعتمد على قدرة الشخص على الكلية لأن فى ناس حاصلة على 99 ودخلوا طب وفيهم اللى سقط سنتين و تلاته علشان دخلوا بمجموع ثانوية عامة مش اختبار قدرة بصراحه انا اتفق على نظام اختبارات القدرة علشان الناس اللى تستحق طب و متجبش مجموعها تبقى تجتاز فى اختبار القدره واللى بيسقط ليه فرصه تانيه بصراحه انا اتفق اتفق اتفق اتفق تماما على نظام إختبارات القدرة وبالتوفيق للجميع إن شاء الله تعالى
هو القرار ده خلاص هيتنفز السنه اللى جايه ولا اى
القرار ده بجد فاشل واحنا مش عايزين الظلم ده على حظنا وبس ارحمونا أهالينا مطمئنين طول السنه معانا البلد فيها فساد وعلشان نطبق القدرات هيبقى ولاد الدكاترة بتوع الجامعة هم المستفيدين وبقول لوزير التعليم حضر حاجتك علشان تمشى بعد نتيجة الثانوية العامة المبهرة ودور بقى على كليات تقبل العدد الكبير بتاع المتفوقين
القرار ده بجد ظالم وفاشل حرام عليكوا تضيعوا تعبنا عشان مش قادرين تسيطروا الفساد مش هيسيب البلد دي وهتفضل كدا هيفضل الفساد والرشوة والواسطة لازم يتلغي عشان هنعمل مظاهرات
القرار ده حرام وهيكون في مصلحت الغنياء صحبات السلطه ، علي الوزاره ان تطبق منع الغش وفرض عقوبه علي التوجيه الذي يسمح بلغش ، والتذويد من الاجهازه بي منع دخول المحمول من علي باب الجنه والتفتيش مره اخره في الجنه
حرام عليكو يا بشر هو احنا لعبة في ايديكو
انا السنه القادمه هبقي نظام قديم..يعني هدخل امتحان قدرات ولا لأ
زي ما وضحنا في الموضوع لم يتم الاستقرار علي نظام جديد وحتي لو فيه نظام جديد مش هيطبق مباشرة ، بمعني النظام الحالي مستمر علي الاقل لحد السنة اللي جايه
هو كدة السنه الجاية هيتطبق عليها امتحانات القدرات دى ولا من بعد كدة ..يعنى انا السنه الجاية هبقى ف تالتة همتحن قدرات؟؟؟ودى حاجة اكيدة ولا لأ؟؟؟
لا السنة اللي جايه الامتحانات والنظام زي ما هو ، نظام القدرات او اي نظام جديد لو هيتم تطبيقه هيبقي بعد السنة اللي جايه او حسب ما تحدد الحكومة
أنا أستاذ بكلية الطب و أدرك تماما أنه لا يوجد أفضل ولا أعدل من الاختبار النمطى بالثانوية العامة لاختبار كفاءة الطالب واحتمالية تطبيق نظام جديد للقدرات سيفتح أبواب الوساطة ويسد الطريق أمام الكفاءات وبدلا من الدعوة للمطالبة باختبار القدرات فى كليات القمة ادعو الى انهاء كشف الهيئة فى الدخول للكليات العسكرية والشرطة والهيئات القضائية والمعروف أن دخولها بالواسطة ……… حرام عليكم سيبوا حاجة كويسة فى البلد دى
شكرا لمشاركتك معانا يادكتور فيه انظمة كتير وماشية بيها دول كبيرة ، بس زي ما قلت حضرتك المشكلة في المحسوبية والواسطة ودي علاجها تطبيق القانون ولو مرة واحدة علي كل الناس
نظام القدرات نظام فاشل لدخول المحسوبيه وفتح باب اارشوة واظن احنا من واول الشعوب فى الحجتين دول واكبر دليل لجنه البدروى والغش فيها جماعى واكيد فيها محسوبيه ورشوة
قرار اختبار القدرات قرار ظالم وعنصرى يعنى ايه طالب يكون جايب مجموع طب ويتحرم من الدخول بسبب ضعفه فى القدرات العامة ومن جهة اخرى طالب فاشل يدخل كليات القمة بالمحسوبية مع ان الطلاب المتفوقين ده كل حلمهم حتى يتخلصوا من الفقر
ويعنى ايه طالب يكون بيذاكر طول السنه ,,,,ويجى شخص يسرب الامتحانات ويبقى الفاشل = المتفوق ف النتيجه
لو هتحسبها هتلاقي ان نظام القدرات افضل وأمن من الامتحانات ,,,لانها هتكون كمبيوتر
طيب بالنسبة للطالب اللى قاسم السنة أو الراسب يعنى اللى امتحن مواد ف النظام القديم2016 وباقى المواد ف النظام الجديد2017 دة هيبقى اية نظامه؟؟
مفيش كلام اكتر من اللي في الموضوع عن النظام الجديد ، لكن عامة هيتم التعامل زي ما عملو في النظام القديم اللي هو كان سنتين يعني هتكملوا عادي علي النظام بتاعكم ، اما بالنسبة للتنسيق نفسه اعتقد صعب ان النظام يتغير عن الوضع الحالي والا هيظلم ناس كتير
لو عايزين تغملوا تغيير بجد يبقي من اول المراحل الدراسية