اعلن البنك الاهلي المصري زيادة فائدة شهادة استثمار محموعة ب الي 12.75 % وايضا رفع فائدة شهادة مجموعة أ الي 12.75 % لتصبح اعلي سعر فائدة في البنوك المصرية حاليا ، ويأتي ذلك بعد زيادة فائدة الشهادة البلاتينية الي 12.5 % ….
وقام بنك الاستثمار القومي المسئول عن اصدار وضمان شهادات الاستثمار مجموعة أ و ب ، قام بزيادة سعر الفائدة على الشهادة الادخارية التي تطرح عبر البنك الأهلي المصرى فالنسبة لفئة (أ) ارتفعت من 9.75% إلى 10.75%، وعلى شهادات استثمار الفئة (ب) من 10.25 % إلى 12.75%، وهو أعلى معدل فائدة بين البنوك حاليا.
يذكر ان مدة شهادات الاستثمار مجموعة أ هي 10 سنوات اما عن مدة شهادة الاستثمار مجموعة ب هي خمسة سنوات ، وتتمتع جميعها بالمميزات التالية، الشهادات اسمية ولا يجوز التصرف فيها فهي غير قابلة للتحويل أو التداول أو التنازل أو الرهن أو التصرف بأي شكل من الاشكال ، وقيمتها وعوائدها وجوائزها معفاة من جميع انواع الضرائب ورسوم الدمغة، وتباع الشهادات بدون حد أقصى بفروع ومكاتب البنك الأهلي المصري المنتشرة في جميع انحاء جمهورية مصر العربية.
ولا يجوز الحجز على الشهادات وما تغله من عوائد أو جوائز الا فيما يجاوز 5000 جنيه مصري، ويتم استخراج بدل فاقد للشهادة في حالة تعرضها للسرقة أو الفقد أو التلف.
ويسمح للهيئات الاعتبارية العامة والخاصة بما فيها صندوق التأمين الاجتماعي للعاملين بالقطاع الحكومي وقطاع الأعمال العام والخاص وكذا شركات التأمين واعادة التأمين بشراء وتجديد شهادات الاستثمار ( أ، ب ) وفقا للشروط المتبعة.
وينفرد البنك الأهلي المصري منذ منتصف الستينات بإصدار وتسويق شهادات الاستثمار لصالح الحكومة المصرية، وتصدر شهادات استثمار البنك الأهلي المصري في ثلاث مجموعات مختلفة تناسب احتياجات كافة المدخرين.
تفاصيل شهادة الاستثمار المجموعة “أ” ذات العائد المجمع الممنوح
تصدر بالفئات التالية: (100000، 50000، 10000، 5000، 1000، 500، 100) جنيه.
مدة الشهادة عشر سنوات ويتم تجديدها بقيمتها الاستردادية تلقائيا (للأفراد الطبيعيين فقط) في تاريخ استحقاقها، وذلك للشهادات المباعة في يونيو 1998 وما بعدها ويمكن شراؤها للأشخاص الطبيعيين والهيئات الاعتبارية يقتصر بيعها على المصريين والأجانب المقيمين أو الحاصلين على تصريح إقامة خاص، مدة الشهادة عشرة سنوات متصلة.
يجوز استرداد قيمتها بعد مضى ستة أشهر من تاريخ إصدارها، وتحدد القيمة الاستردادية وفقا لجداول محسوبة إكتواريا طبقا لمدد الاحتفاظ بالشهادات.
سعر الفائدة الحالي 10.75% سنويا ، وتمت تطبيق نسبة زيادة شهادة استثمار مجموعة أ بداية من الاحد 15 نوفمبر 2015 وبقيمة استرداديه في تاريخ استحقاق الشهادة تبلغ 285% من قيمة الشهادة ، ويحسب العائد عن الشهر بأكمله حتى لو تم الشراء في آخر يوم من الشهر، وذلك للشهادات المشتراة قبل 1/ 11/ 2014، يحسب العائد اعتبارا من اليوم التالي لتاريخ الشراء وذلك للشهادات المشتراة اعتبارا من 1/ 11/ 2014.
يمكن الاقتراض بضمانها من البنك الأهلي حتى 90% من قيمتها الاستردادية بالشروط والأحكام التي يقررها البنك، يمكن إصدار الشهادات على سبيل الهبة أو التبرع وفقا والشروط التي يتعين التوقيع عليها في هذا الشأن.
تفاصيل شهادة استثمار المجموعة “ب” ذات العائد الدوري الممنوح
تصدر بالفئات التالية: (500،1000،5000،10000،50000،100000) جنيه مصري
مدة الشهادة خمس سنوات
يتم تجديدها بقيمتها الاسمية تلقائيا ( للأفراد الطبيعيين فقط ) في تاريخ استحقاقها وذلك للشهادات المباعة في أبريل 1997، وما بعدها، يمكن شراؤها للأشخاص الطبيعيين والهيئات الاعتبارية.
يقتصر بيعها على المصريين والأجانب المقيمين لمدة خمس سنوات متصلة أو الحاصلين على تصريح إقامة خاص
• العائد السنوي يصرف بصورة دورية كل ثلاثة اشهر بقيمة ثابتة على أساس أن مالك الشهادة سوف يحتفظ بها لمدة خمس سنوات
يجوز استرداد قيمتها بعد مضى ستة أشهر من تاريخ إصدارها، وفى حالة الاسترداد يخصم فرق العائد السابق منحه
سعر الفائدة الحالي 12.75% سنويا.
يتم صرف العائد من خلال ماكينات الصرف الآلى المنتشرة في جميع أنحاء الجمهورية خلال أيام الأسبوع وعلى مدى 24 ساعة.
يمكن الاقتراض بضمانها من البنك الأهلي حتى 90% من قيمتها الاستردادية بالشروط والأحكام التي يقررها البنك ويمكن إصدار الشهادات على سبيل الهبة أو التبرع وفقا والشروط التي يتعين التوقيع عليها في هذا الشأن.
تحديث نوفمبر 2016 بعد تعويم الجنيه تعرف علي
تفاصيل زيادة فائدة شهادة مجموعة ب الي 16.25 %
في موقع خمس خطوات ، نقدم لكم متابعة جيدة للشأن المصري والعربي والعالمي ، والاخبار السياسية والاقتصادية والبنوك في مصر والوطن العربي اهم النصائح والارشادات ومتابعة جيدة للتطورات الجارية.
هل سعر الفائده الجديد يسري على علي شهادات الإستثمار المجموعه ب التي تم إصدارها قبل زيادة سعر الفايده
لا الشهادات القديمة ثابتة زي ما هي
هل الشهادات ا و ب بتدخل في سحب الجوائز زي ج .. لأن ده مش مذكور في موقع البنك .. ولو في ايه هي الجوائز الممنوحة… وشكر
لا لكن الحساب نفسه زي المدخر الصغير او حسابات التوفير بيبقي عليها سحبوات وجوائز مالية
بالنسبه للشهادة البلاتينية ممكن اسحب القيمه كلها بعد 6 شهور وايه البيتم في الحاله ده
ممكن لكن بيتم خصم نسبة 90 % من العائد اللي تم صرفه في ال 6 شهور
يعنى لو عملت شهاده بلاتينيه ب ٥٠٠٠ الفايده هتضاف ٦٣٧.٥ جنيه فى السنه ولا الشهر ؟؟؟
بالنسبة للشهادة البلاتينية الشهرية الفائدة السنوية حاليا 12.5 % يعني العائد في السنة 625 جنيه و في الشهر هيبقي 52 جنيه
طب انا عاوزه اعمل شهاده استثمار لابني بس سعر الفايده لشهاده ب اعلي وفي نفس الوقت انا مش عاوزه اخد الفايده عوزاها تتضاف علي الشهاده
يبقي ممكن تعملي شهادة مجموعة أ لان هي اللي العائد بيضاف علي الشهادة سنويا
ايهما افضل
حسب انت هتقدر تسيب الفلوس في البنك طول مدة الشهادة اللي هي مجموعة أ
ولا عايز عائد كل 3 شهور تسحبه من الحساب و مدة الشهادة اقل 5 سنين اللي هي مجموعة ب
لو معايا مبلغ وانا مش عندى اصلا كارت سحب وعاوزه اشترى شهاده بعائد يتم سحبه من الماكينه تنصح بانى شهادات
حاليا اعلي فائدة علي الشهادات هي 12.75 % علي شهادة مجموعة ب والعائد بيصرف كل 3 شهور ومدة الشهادة 5 سنين
اما لو عايزة شهادة شهرية فيه الشهادة البلاتينية والعائد عليها 12.5 % سنويا والعائد بيصرف كل شهر ومدة الشهادة 3 سنين
هو ايه الفرق بين شهاده بعائد تراكمى وعائد ممنوح وهى شهادات مجموعه أ داخل من ضمنها شهادات الجوائز ولو انتهت مدتها بسترد مبلغها بالفائده ولا زى ما هو لو مكسبتش فيها
شهادة مجموعة أ مش بتسحبي العائد ، بيتم اضافته تلقائيا علي مبلغ الشهادة سنويا و يتراكم العائد طوال مدة الشهادة ال 5 سنين
اما مجموعة ب العائد بيصرف كل 3 شهور وبينزل في الحساب عادي
اما بالنسبة لشهادات الجوائز اللي هي “مجموعة ج” بيبقي عليها فائدة حسب نوع كل واحدة وعند استردادها في نهاية المدة بيكون مبلغ الشهادة والفائدة عليها
الفائده للشهادات المجموغه ب دلوقت كام؟
شهر يوليو 2016 لسه زي ما هي 12.75 %
ارجو معرفه نوع الفائدة للشهادة ب هل هي ثابته ام متغيرة
نسبة الفائدة ثابتة طول مدة الشهادة ال 5 سنين
لوشهادة مجموعة ا من يوليو 2006 ماقيمتها الاسترداديه في يوليو 2016 وتختلف القيمه لو استردت اول الشهر عن لو استردت آخر الشهر؟؟
لا مفيش فرق طلما تاريخ الشهادة مضبوط ، بس بعض الموظفين بيعقدو الموضوع ويقولو تعالي اصرفها بعد تاريخ انتهائها بيوم او الشهر التالي لها
شهادة المجموعة ا العائد 285%بعد عشر سنوات . يعنى لو مبلغ 10000جنية هيبقى قيمه الاستردادية 38500.ارجو التوضيح.
نسبة ال 285 % هي قيمة استردادية مش عائد ، بمعني ان المبلغ اللي هتحصل عليه في الاخر شامل قيمة الشهادة والعائد هو 285 % يعني بالنسبة لل 10 الاف هتحصل علي 28500 الف جنيه
عملت شهادة المجموعه ب فى 13/5/2016مينفعش استرد المبلغ بتاعها وارجع الشهاده حتى لو فى خساره مش مشكله
مش هينفع حسب شروط الشهادة لازم مرور 6 شهور بعد اصدار الشهادة لاستردادها ، عامة ممكن تحاول مع البنك وشوف الوضع ايه
انتو قولتوا إن فائدة شهادات المجموعة أ 12.75% وبعدين قولتوا أن فائدتها 10.75 % ، برجاء التوضيح
اه فعلا دا كان وقتها حسب بيان البنك الاهلي ثم بعد كدا زي ما وضحنا في الموضوع تم التصحيح و النسبة الحالية هي 10.75 سنويا
هل صحيح اذا انا عملت شهادة استثمار باسم بنتي صغيرة فلا استطيع ردها وادخل بموضوع النيابة الحسبية
وما هو الافضل بنك مصر او الاهلي المصري
ساعات بتبقي حسب فرع البنك نفسة في المنطقة ، اما عامة البنك الاهلي اكبر واسهل في التعامل
ده معناه ان الشهادات القديمه سيصرف عائدها كل 6 شهور كما هى؟
اه الشهادات القديمة مستمرة زي ما هي بنفس النظام والعائد مفيش تغيير ، لحد اما تنتهي مدتها او يتم استردادها وعمل شهادة جديدة
هل يطبق نظام صرف العائد كل 3 شهور على شهادات مجموعه ب اللى اشترناها كلها اى القديمه؟ او اللى اشترناها حديثا فقط
لا الشهادات القديمة زي ما هي بنسبتها ونظامها القديم كل 6 شهور
اما النسبة الجديدة بتكون مطبقة علي الشهادات الجديدة عند شرائها
كنت عاوزة اعرف سعر فائدة الشهادة البلاتينية ايه الآن وكمان شهادات مجموعة ب
الشهادة البلاتينية الشهرية الفائدة زي ما هي 12.5 %
مجموعة ب الفائدة 12.75 %
لو سمحت عاوزه شهاده استثمار بعائد شهري تنصح اي مجموعه اخد واقدر اسحب فلوسها امتي
لو عائد شهري يبقي الشهادة البلاتينية الشهرية هي ب 12.5 % والعائد بيكون الشهر التالي لشهر عمل الشهادة ومدة الشهادة 3 سنين
اما بالنسبة لشهادة استثمار مجموعة ب هي بنسبة 12.75 % والعائد بيكون كل 3 شهور ومدة الشهادة 5 سنين
لو هتقدري تسيبي الفلوس في البنك مدة ال 5 سنين يبقي شهادة مجموعة ب افضل ، اما لو محتاجة عائد شهري ومدة 3 سنين بس يبقي البلاتينية افضل
لوسمحت انا كنت عاوزه اعمل شهاده ب 100000جنيه وكنت عاوزه اعرف العائد كل 3شهور كام ولو كل شهر هيبقا كام بس عاوز اعلي شهاده ممكن تعطيني اعلي عائد
بالنسبة لاعلي عائد حاليا كل 3 شهور هي شهادة مجموعة ب 12.75 % ، بالنسبة لمبلغ 100 الف جنيه العائد كل 3 شهور هيبقي 3187.5 جنيه
اما اعلي عائد شهري فهي شهادة البلاتينية الشهرية ونسبة الفائدة 12.5 % بالنسبة لمبلغ 100 الف جنيه العائد كل شهر هيبقي 1041 جنيه
الفرق بين الاتنين مش كبير لكن شوف حسب انت هتسيب الفلوس في البنك قد ايه 5 سنين بالنسبة لمجموعة ب ولا 3 سنين بالنسبة للبلاتينية
الثلاثين الف عليهم كام
شهادة بلاتينية ب 30 الف هتجيب 312.5 جنيه في الشهر
انا معايا شهاده بمبلغ 75000 بفايده 10.5% ربع سنوي معادها شهر 10الي جاي . عايز اعرف لو اتفكت دلوقتي قبل المعاد هيتخصم كام ؟؟ وعايز اعملها شهاده بلاتينيه 12،5% واخد عليها قرض هل ينفع ؟؟ وكام القرض والقسط ازاي وطريقت سداده ؟؟ … شكراا …
هيتم خصم حوالي 50 % من العائد في الفترة الماضية من قيمة الشهادة ، ممكن تعمل الشهادة عادي وتحصل علي قرض بضمان الشهادة لحد 90 % من قيمة الشهادة الفائدة بتكون 2 % زيادة عن فائدة الشهادة ، السداد بيكون من خلال حسابك في البنك بالنسبة لقيمة القسط الشهري ومدة التقسيط بتحدده مع موظف البنك
انا كنت مشتري شهادة 35000 في سنه 2010 بعائد 9.75
واتجددت سنه 2015 تلقائيا علشان مروحتش .
انهارده روحت علشان احولها 12.5 قالوا هيتخصم من قيمه الشهادة 1400
ممكن اعرف دي الأرباح اللي نزلت من سنه 2015 ل 2016 ولا رسوم
وشكرا
لا مفيش رسوم بالمبلغ دا
دي الارباح خلال الفترة الماضية من وقت تجديد الشهادة طلما هتصرفها قبل ميعادها بيتم خصم من الارباح ولانهم بيعتبرو الارباح اتصرفت حتي لو الحساب فبيخصموا من اصل الشهادة
نسبة الخصم بتكون حوالي 75 او 80 % من الارباح في الوقت الماضي حسب تاريخ اصدار الشهادة ، وممكن تتاكد من العائد في حسابك سواء بعمل كشف حساب من ماكينة الصرف او من خلال الموظف
لو سمحت .. انا عندى شهادات بلاتينيه بقيمة ١٠٠٠٠٠ وعايزة اعمل قرض بضمان هذه الشهادات كنت عايزة اعرف اعلى قيمة للقرض ممكن احصل عليها وهل فوايد هذا القرض اقل لانه بضمان هذه الشهادات وقيمه الفوايد كام
وسؤال اخير هل فى مده محدده لازم تمر من بدايه شراء الشهادات علشان اعمل القرض ولا فى اى وقت …واسفة على الاطاله
ممكن الحصول علي قرض بضمان الشهادات حتي 90 % من قيمتها
نسبة فائدة القرض بتكون 2% زيادة علي نسبة فائدة الشهادة الضامنة
ممكن التقديم علي القرض في اي وقت طلما تم الشراء وبقت سارية ، مع العلم ان قيمة القرض وفترة السداد بتحدد مع البنك وهتكون مرتبطة مع تاريخ انتهاء الشهادات
لدي شهادات بلاتينية مختلفة الاصدار اود استبدالها بشهادات ب , كيف احسب قيمة الخسارة. وما هو الجدول الاكتواري ,وكيف احصل عليه. مع وافر شكري
بيتم حساب الخسارة او الخصم في الشهادات البلاتينية عند استردادها قبل معادها علي حسب تاريخ الاسترداد ، بحيث يتم خصم نسبة من العائد خلال الفترة الماضية من الشهادة
الجدول الاكتواري او نسبة الخصم بتبقي متغيره حسب تاريخ اصدار الشهادات عموما دا الجدول المتاح حاليا بس اكد مع موظف البنك قبل الاسترداد.
في حالة الاسترداد خلال الفترة بعد 6 إلى 12 شهر من تاريخ بدء سريان الشهادة (قبل اضافة الكوبون الثاني) فيتم خصم 90 % من قيمة العوائد المنصرفة .
في حالة الاسترداد خلال الفترة بعد 12 إلى 24 شهر من تاريخ بدء سريان الشهادة (قبل اضافة الكوبون الرابع) فيتم خصم 75 % من قيمة العوائد المنصرفة .
في حالة الاسترداد خلال الفترة بعد 24 إلى 36 شهر من تاريخ بدء سريان الشهادة (بعد اضافة الكوبون الرابع) فيتم خصم 50 % من قيمة العوائد المنصرفة .
لوسمحت انا عايزه اشترى الشهاده البلاتينيه انا بشتريها بكام وهى زي البورصه ولا ايه سعرها بيطلع وبينزل يعنى ايه تفضل ساريه بعد الايداع مش فاهمه ممكن توضيح لوسمحت
احنا كاتبين موضوع كامل هنـــا عن تفاصيل الشهادة البلاتينية وطريقة حساب الفائدة
لو هتشتري الشهادة البلاتينية الشهرية مثلا ب 1000 جنيه نسبة العائد السنوي الحالية ب 12.5 % والنسبة دي بتفضل مستمرة طول مدة الشهادة اللي هي 3 سنين ، قيمة الشهادة نفسها اللي هي مثلا 1000 جنيه مستمرة زي ما هي وبتسترد في نهاية ال 3 سنيين ، مش زي البورصة المبلغ نفسه مش بينقص.
ما معني ولا يجوز الحجز على الشهادات وما تغله من عوائد أو جوائز الا فيما يجاوز 5000 جنيه وشكرآ
يعني البنك او اي جهة اخري متقدرش تحجز او تجمد الشهادات او العوائد الا فيما يتجاوز ال 5 الاف جنيه
هل يمكن شراء شهادات فئة (ب) باسم اولادى 17 سنة ، 15 سنة
اه ممكن عن طريق فتح حسابات ليهم باسمائهم بشهادة الميلاد وبتكون وصي علي الحسابات لحد ما يكملو 18 سنة
السلام عليكم ورحمة الله وبركاته
لو سمحت ممكن توضيح
يعني انا حشتري شهادة بمبلغ 100 الف بفايده 12.75 سنويا والفائدة تصرف كل 3 شهور
وبعد انتهاء الخمس سنوات ايه اللي بيحصل برجاء التوضيح
وعليكم السلام ورحمه الله وبركاته
بعد انتهاء مدة الشهادة ممكن تسترد قيمتها ، او تجدد الشهادة بس التجديد بيكون علي اساس الفائدة وقت التجديد
انا عندي شهادات تاريخ النتهاء بعد ٥اشهر هل ممكن اغير ها الان الي فائده الجديده والا اخصر فيها ولازم استني لما تنتهي شكرا
لازم الانتظار لنهاية مدة الشهادة لو مش عايزة تخسري فيها
عموما الخصم هيكون في حدود 40 % من قيمة العائد في الفترة الماضية ، هيتم خصمه من قيمة الشهادة عند استردادها
شعبان مارس 29
عندى شهادات بلاتينيه لمدة ثلاث سنوات ستنتهى شهر 11 هذا العام ذو عائد كل ثلاثة اشهر لو أردت تغييرها لفئة 5 ر12 هل سيخصم مبالغ من قيمة هذه الشهادات وفى حالة وجود خصم ما نسبتـــــــــه او سيتم تغييرها بقيمتها للفئه الجديده كما هى بدون خصم .
لو قمت باسترداد الشهادات قبل ميعادها هيتم خصم حوالي 50 % من العائدة بتاع كل شهادة في الفترة الماضية خصوصا ان الشهادات باقي عليها 8 شهور بس
ممكن بعد استرداد الشهادات تشوف المبلغ كام وتعمل بيه الشهادة البلاتينية الشهرية او تكمل عليه حسب المبلغ
ازاى اقدر اشترى الشهادة وبعد كام سنة اقدر اسحب الفلوس
من خلال اقرب فرع بنك اهلي ، لو معندكش حساب بيتم فتح حساب جديد ، مع العلم ان لازم البطاقة تكون سارية
بعد عمل الحساب بتعمل ايداع للمبلغ وبتشتري الشهادة ، بالنسبة لشهادة استثمار مجموعة أ مدتها هي 10 سنين ومجموعة ب هي 5 سنين وهتلاقي باقي التفاصيل في الموضوع
بعد اذنك
كنت عاوز اعرف فيه زياده لعائد شهاده أ قريب
عشان لو فيه زياده استني واجددها مره واحده
وشكرا للاهتمام
مقدرش احدد بالضبط لانه البنك حاليا ثبت الفائدة علي الرغم ان البنك المركزي رفع اسعار الفائدة في شهر مارس ، والكلام حاليا ان البنك الاهلي ثبت الفائدة علي الجنيه علشان الناس تشتري شهادات الدولار الجديدة
عموما لو تقدر تنتظر لبداية شهر ابريل يمكن يكون فيه زيادة
هل يمكن اخذ قرض بضمان الشهادات على العلم انها شهادات بأسم ابنى القاصر وانا والدته الوصية عليها
اه ممكن التقديم علي قرض بضمان الشهادات حتي 90 % من قيمتها
انا عندي شهاده أ
لو اردت اعمل شهاده بلاتنيه
لازم وظيفه في البطاقه
ولا ممكن اسحب الحساب من أ واعمله بلاتيني
دون الحاجه للوظيفه في البطاقه
لو عندك حساب في البنك الاهلي ممكن تعمل الشهادة مباشرة ومش هيركزو في البطاقة طلما سارية
لكن لو معندكش حساب وهتعمل جديد يبقي لازم تكون الوظيفة مذكورة في البطاقة
سلام عليكم
انا عامل شهاده أ بتاريخ ١/١٠/٢٠١٥
بعائد ٩.٧٥
هل تم تجديد العائد الي١٠.٧٥
ام لازم الغي القديمه واعمل واحده جديده
وهل الشهاده البلاتنيه مازالت موجوده
وعليكم السلام ورحمه الله وبركاته
لا بالنسبة للشهادات القديمة هي مستمرة بالفائدة المكتوبة عليها حتي نهاية مدتها سواء كانت مجموعة أ او ب او بلاتينية
للحصول علي الفائدة الجديدة لازم تسترد الشهادة وتعمل شهادة جديدة حسب رغبتك ، والبلاتينية الشهرية مستمر شرائها اه بنسبة 12.5 %
هل يمكن الاستعانة ببطاقة والدتى وهى بالمعاش لتيسيير استخراج شهادات حيث انى لا اعمل وزوجى لا يعمل ووالدى متوفى
ممكن فتح حساب باسمها وعمل الشهادات بس لازم هي تكون موجودة في البنك والبطاقة تكون سارية ومكتوب فيها انها علي المعاش
ماذا يعنى ان اقتراض ٩٠٪ من القيمه الاسترداديه للشهاده أ
٢٨٥٠٠٠ *٩٠٪=٢٥٦٠٠٠
اه 90 من قيمة الشهادة نفسها يعني لو الشهادة ب 1000 ممكن تحصل علي قرض حتي 900
هل يمكننى الاستعانة ببطاقةوالدتى وهى بالمعاش لتسييراستخراج شهادات مجموعة ب حيث انى لا اعمل وزوجى لا يعمل ووالدى متوفى
ممكن فتح حساب باسمها لكن يجب حضورها في البنك مش البطاقة بس ، وفي نفس الوقت تعملك توكيل بنكي من خلاله تقدري تديري الحساب سواء ايداع اموال او عمل الشهادات
لدى شهادات البلاتينيه بسعر فائده 9% و9.5% …نرجوا نشر القيم الاسترداديه عن كل مده من الشهاده
حسب المدة الباقية من مدة الشهادة
حالة الاسترداد خلال الفترة بعد 6 إلى 12 شهر من تاريخ بدء سريان الشهادة (قبل اضافة الكوبون الثاني) فيتم خصم 90 % من قيمة العوائد المنصرفة .
في حالة الاسترداد خلال الفترة بعد 12 إلى 24 شهر من تاريخ بدء سريان الشهادة (قبل اضافة الكوبون الرابع) فيتم خصم 75 % من قيمة العوائد المنصرفة .
في حالة الاسترداد خلال الفترة بعد 24 إلى 36 شهر من تاريخ بدء سريان الشهادة (بعد اضافة الكوبون الرابع) فيتم خصم 50 % من قيمة العوائد المنصرفة
مع العلم ان بالنسبة للشهادات القديمة ممكن تكون قيمة الخصم مختلفة شوية احنا نشرنا اخر قيم متاحة من البنك الاهلي حاليا
ممكن الإجابة لو سمحتم بالنسبة للمغتربين في ايطاليا في ميلانو مفيش لهم نصيب من الشهادات دي
بالنسبة للمصريين في الخارج ممكن فتح حساب في البنك الاهلي وشراء الشهادات عادي
وممكن شراء شهادة بلادي بالدولار او باليورو عبر الانترنت او من خلال مندوبي البنك الاهلي المصري في ايطاليا وهتلاقيهم في فروع البنوك الرئيسية دي
UNICREDITO SPA
INTESA SANPAOLO SPA
BENCA MONTE DEI PASCHI DI SIENA SPA
BANCA NAZIONALE DEL LAVORO SPA
BANCA POPOLARE DELL’EMILIA ROMAGNA
BANCA POPOLARE DI MILANO
BANCA POPOLARE SOC. COOP
لدي شهادات بلاتينية وشهادات مجموعة ا واريد عمل قرض عليها… قيمة الشهادات مجموعة ا تصل الي 950000 ج فماهو المطلوب للحصول على قرض قيمته 250000 ج والأرض مدته ستة أشهر
بتروح البنك ومعاك الشهادات ومن خلال خدمة العملاء بتحدد معاه قيمة القرض والاقساط وبيقولك الفائدة السنوية كام بالضبط وعامة انت تقدر تحصل علي قرض حتي 90 % من قيمة الشهادة
مامصير شهادات المجموعة ب المشتراة قبل رفع العئد الجديد
الشهادات القديمة مستمرة بالفائدة كما هي حتي انتهائها
لو الفائدة 9 او 9.5 الافضل تروح وتستردها وتعمل شهادة بالنسبة الجديدة وحتي لو فيه خصم من قيمة الشهادة هيتعوض خلال مدة سنة او سنتين من العائد بالنسبة الجديدة
سؤال الفائدة علي الشهاده الدولاريه شهري ولاسنوي ولو شهرى يعني 5 بالميه تقسم علي مدار السنه
الفائدة سنوية و هي طبعا اقل من الفائدة علي الجنيه لان الدولار اغلي من الجنيه
العائد نفسه بيقسم في السنة تصرف جزء كل 3 شهور او حسب نوع الشهادة ممكن تلاقي تفاصيل شهادات البنك الاهلي بالدولار هنــا وشرح نسب كل شهادة حسب المدة
يعني حضرتك بالنسبة للشهادات &ب لون أنا واخد ب 10000 جنيه شهادات الفائدة السنوية تكون كام على المبلغ
شهادة مجموعة ب سعر الفائدة 12.75 % العائد في السنة بالنسبة لمبلغ 10000 جنيه هيكون 1275 جنيه
السؤال بالنسبة لشهادة استثمار المجموعة ا يعنى ايه سعر الفائدة 10.75 سنويا بقيمة استردادية 285
يعنى انا لو اشتريت شهادة بمبلغ 10000 بعد 10 سنوات استردها كام ارجو الرد
سعر الفائدة 10.75 في السنة ، مع العلم ان شهادة مجموعة أ مش بتسحب العائد السنوي لكن بيتم اضافته لمبلغ الشهادة وحساب العائد علي المجموع وهكذ لمدة 10 سنوات في النهاية عند استرداد الشهادة بيبقي المبلغ النهائي 285 % من قيمة الشهادة الاصلية
شهادة مجموعة أ بمبلغ 10000 جنيه بعد 10 سنين هستردهم 28500 جنيه
هل نسبه الفاءدة للشهادة ب ثابته ام متغيرة
ثابتة طول مدة الشهادة
ماهو سعر الفائدة فى شهادات 3 سنوات فى حالة كل 6شهور او سنوى او اخر المدة
شهادة استثمارة البلاتينية الشهرية هي اللي مدتها 3 سنوات والفائدة 12.5 %
اما شهادة مجموعة ب فهي 5 سنوات والفائدة 12.75 % سنويا تصرف مقسمة كل 6 شهور
السلام عليكم
اريد ان اسأل عن شهادات إستثمار لمدة 3 سنوات باليورو أو وديعة باليورو اريد معرفة الفائدة الشهرية فى الحالى على شهادات الاستثمار والودائع باليورو
وشكرا لك مقدما
وعليكم السلام ورحمه الله وبركاته
اعلي عائد بالنسبة لشهادة استثمار باليورو هي الشهادة الذهبية الجديدة 3 سنوات حاليا الفائدة 2 % سنويا ، حسب المبلغ اللي هيتم ايداعه بتحسب الفائدة السنوية 2 % وتقسم علي 12 لمعرفة العائد الشهري
بعد ادنك بالنسبه للشهادة ب هل يتم احتساب العائد من اليوم التالى للشراء ام على الشهر كله حتى لو تم الشراء فى اخر يوم من الشهر مع الشكر
بداية من اليوم التالي لتاريخ الشراء بتعد 3 شهور من التاريخ ودا بيكون يوم الصرف لان شهادة استثمار مجموعة ب العائد ربع سنوي
السلام عليكم
هل الفائدة على الشهادة ب خمس سنوات فى اليوم التالى من شهر الاستحقاق يعنى لو الفايدة شهر مارس تصرف 2 مارس ولا اليوم التالى من تاريخ اصدار الشهادة 16 ديسمبر يبقى 17 مارس
مع العلم ان لدى شهادتين مجموعه ب تصرف يوم 2 من شهر الاستحقاق
شكرا
وعليكم السلام ورحمه الله وبركاته
شهادة استثمار مجموعة ب العائد يصرف كل 3 شهور ، والعائد هتلاقيه اليوم التالي لتاريخ شراء الشهادة علي المثال اللي قلته يبقي 17مارس
بالنسبة للشهادات مجموعة ب القديمة كان العائد فعلا بيصرف اول الشهر ، لكن حاليا الشهادات الجديدة سواء بلاتينية او ب تصرف في اليوم التالي لتاريخ الاصدار
هل يوجد دفتر توفير كوعاء ادخارى فى البنك الاهلى وما نسبة الفائدة
فيه حسابات التوفير في البنك الاهلي حوالي 4 انواع ممكن تشوف شرحها علي موقع البنك الاهلي لان تفاصيلها كتيرة مش هقدر اوضحها لك هنا
عموما نسبة الفائدة عي دفاتر التوفير في البنك الاهلي بتتراوح من 5.65 % حتي 6.25 % سنويا ، ميزتها الاساسية انها زي البريد تقدر تسحب الفلوس اي وقت دون خسارة ، لكن النسبة نفسها قليلة مقارنة بعائد شهادات الاستثمار
بالنسيه لشهادة مجموعه أ يعنى ايه يتم تجديدها بقيمتها اللاسترداديه تلقاتيا .. يعنى لو معايا شهادة ب 10000 وعدى عليها عشر سنوات وتركت قيمتها الاسترداديه الى هى 28500 عشر سنوات تانيين كيف يتم محاسبتى .
انت بتقدر تسحب الشهادة اي وقت بقيمتها وقيمة العائد بعد ال 10 سنين ، البنك بيجددها علشان الفلوس بتبقي لسه داخل النظام هناك
لو سبتها هيتم التجديد علي اساس سعر الفائدة وقتها
لو سمحت نسبه الفائدة على شهادة الاستثمارشهريه ولاسنويه
الفائدة نفسها سنوية ، لكن العائد يصرف مقسم كل 3 شهور في شهادة استثمار مجموعة ب
اما في شهادة استثمار البلاتينية فيصرف العائد شهريا
السلام عليكم
انا عندي شهادة بلاتينية بالفايدة القديمه 10% وعايز افكها وباقي على ممرور الست شهور الالى لفكها شهرين.
السئوال:-
الوديعه بـ 330000 ثلاثمائة وثلاثون الف عند فك الويعه بعد 6 شهور من بدايتها كام تخسر من اصل مبلغ الوديعه وشكرا جزيلاً
وعليكم السلام ورحمه الله وبركاته
عند استرداد الشهادة البلاتينية بعد ال 6 شهور هتخسر الفائدة خلال الشهور الماضية من الشهادة
هل نسبة 12.75 لشهادة الاستثمار المجموعة ب و البلاتينية
12.5مستمرة على طول ولا لها فترة وممكن تتغير وما مدى
شرعية الشهادة هل حلال ام حرام
ولك تحياتى
سعر الفائدة مستمر طول مدة الشهادة ، اما لو قصدك شراء شهادة جديدة الفترة القادمة فسعر الفائدة مستمر علي الاقل لحد 17 مارس موعد مناقشة اسعار الفائدة في البنك المركزي وغالبا هيتم تثبت النسبة زي ماهي لان زي مانت شايف سعر الدولار في العالي المفروض يزودوها :))
موضوع حلال ولا حرام فيه كلام كتير مع وضد عموما دار الافتاء اجازت موضوع شهادات الاستثمار وممكن تلاقي الفتاوي اللي تشرح الموضوع دا احسن مني واهلا بيك في اي سؤال اخر
كم اسعار الفائدة على الشهادات الدولارية بالبنك الاهلي؟ وشهادة كنزي الدولارية وشهادة اهل مصر مالفرق بينهم
شهادة كنزي الدولارية هي لمدة 5 سنوات وسعر الفائدة عليها الان هو 3.75 % ، دورية صرف العائد : نصف سنوى.
o يحتسب من الشهر التالي للشراء و يستحق بنفس عملة الشهادةى ، الحد الادنى لشراء الشهادة: 1000 دولار.
o الاقتراض :في حدود 90 % من القيمة الاستردادية للشهادة وبسعر عائد 2% فوق سعر العائد على الشهادة الضامنة.
o تتمتع بعائد تصاعدي ، و يمكن إصدار الشهادة بالنسبة للأشخاص الاعتبارية.
اما بالنسبة لشهادة اهل مصر فهي اطول مدة واعلي سعر فائدة لكن سعر الفائدة ثابت
مدة الشهادة: 7 سنوات ، الحد الأدنى لشراء الشهادة: 1000 دولار أمريكي ومضاعفاتها.
عائد ثابت طول مدة الشهادة ، ونسبة الفائدة علي شهادة اهل مصر الان هي 4.25 %
دورية صرف العائد عائد سنوي يصرف كل 3 شهور اعتباراً من يوم العمل التالي ليوم الشراء.
استرداد الشهادة: لا يجوز استرداد قيمة الشهادة قبل مضي 6 شهور اعتبارا من يوم العمل التالي ليوم الشراء.
تصدر هذه الشهادة الأفراد الطبيعيين و الاشخاص الاعتبارية.
يمكن الاقتراض بضمان الشهادة و بنفس العملة وحتى 90 % من القيمة الاستردادية للشهادة ، و يمكن استرداد الشهادة قبل تاريخ استحقاقها وفقا والقيم الاستردادية المقررة.
السلام عليكم
الشهادة مجموعة أ لو اشتريتها و بعد عشر سنوات تم تجددها بيتم تجددها تلقائى على سعر الفائدة التى تم بيها شراء الشهادة الذى هو 12.5 %
ام حسب سعر الفائدة فى وقتها وشكرآ
وعليكم السلام ورحمه الله وبركاته
التجديد التلقائي للشهادة بيتم علي سعر الشهادة وقت التجديد
عايز اشترى شهادة 35000 مجموعة ا على عشر سنوات العائد يكون كام فى نهاية المدة
السوال التانى دفتر التوفير العائد بيكون كام فى السنة النسبة المئوية
العائد في نهاية مدة الشهادة هو الشهادة 35000 + 64750 جنيه هيساوي 99750 جنيه
بالنسبة لدفتر التوفير حسب نوع الدفتر مثلا العائد علي حساب توفير المدخر الصغير ذو الجوائز هو او دفتر توفير سنوي او معاش النسبة هي 6.25 % ، وطبعا الافضل استخدام الفلوس دي او عمل شهادة لان النسبة قليلة مقارنة بنسبة باقي الشهادات
لو حضرتك حطت مبلغ 40000 عائد شهري لمدة 3 سنوات كم يجي شهري
3 سنوات يبقي قصدك الشهادة البلاتينية ب 12.5 % ، شهادة ب 40000 العائد في السنة الواحدة 5000 جنيه وفي الشهر 416 جنيه
هل مطلوب مني إبلاغ البنك بنيتي في عدم تجديد الشهادة ب حتى لا يتم تجديدها تلقائيا
وإلا متى يتوجب علي طلب تحصيل قيمة الشهادة بحيث لا يتم خصم مبلغ أو التجديد تلقائيا؟؟
ممكن تطلب من البنك عدم التجديد ، وعامة حتي لو تم التجديد التلقائي لكن لسه معاك الشهادة نفسها بتقدر تسترد المبلغ دون خصومات
هل يجوز شراء شهادات اى نوع للحفيدة من البنت على ان اكون الوصى عليها
ممكن يتم شراء الشهادة لها اما بالنسبة للوصي فلازم يكون الوصي القانوني يعني احد الوالدين او حضرتك لو وصي عليها قانونيا
هل سعر العائد ثابت خلال ال3سنوات ام متغير بالنسية للمجموعة ب
سعر العائد ثابت ، لكن مدة شهادة استثمار مجموعة ب هي 5 سنوات مش 3 سنوات ، اللي 3 سنوات هي البلاتينية
لو سمحت ممكن اعرف عائد مبلغ 40 الف فى الشهاده مجموعه ب وايه مميزتها وايه عيوبها معلش انا معنديش خبره وهل ممكن يحصل مشكله فى صرف الفلوس او العائد منها
العائد ل 40 الف جنيه شهادة استثمار مجموعة ب في السنة هتجيب 5100 جنيه والعائد دا بيصرف مقسم علي 4 مرات في السنة كل 3 شهور هتلاقي في الحساب 1275 جنيه
مميزاتها شرحناها في الموضوع من حيث نسبتها 12.75 % او انك تقدر تعمل قرض بضمان الشهادة لحد 90 % من قيمتها
اما عيوب شهادة استثمار مجموعة ب فمثلا بعض الناس بتلاقي ان مدة ال 5 سنين مدة طويلة انك تسيب الفلوس في البنك ، او ان عند الحاجة للفلوس واسترداد الشهادة قبل وقتها بيتم خصم مبلغ من الشهادة حسب وقت الاسترداد
مفيش مشاكل في صرف العائد انت ممكن تسيبه في الحساب بتاعك في البنك او تعمل كارت فيزا وتصرفه من ماكينات الصرف ، بس طبعا لازم تراجع حسابك كل فترة
السلام عليكم ممكن اعرف لو اشتريت شهادات ب٣٥٠٠٠الف بمجموعه ب حيكون الفايده كام كل شهر
وعليكم السلام ورحمه الله وبركاته
فائدة شهادة استثمار مجموعة ب هي ربع سنوية يعني تصرف كل 3 شهور ، مش كل شهر
35 الف هتجيب 4462.5 جنيه في السنة والعائد كل 3 شهور هيبقي 1115 جنيه
ما هو اكبر مبلغ يمكن وضعه في شهادة واحدة و هل يسمح بشراء نوعين من الشهادة و ما هي الأوراق المطلوبة لغير المصري
مفيش حد اقصي ممكن تشتري بالمبلغ اللي انت تحدده ، وفي البنك وقت شراء الشهادة لو معندكش حساب بتفتح حساب ومن خلاله تقدر تعمل اي نوع من الشهادات
الاوراق المطلوبة من الاجانب هي الباسبور ولو فيه اقامة او بيعمل داخل مصر بيقدم ما يثبت ذلك
لو عندي شهادة مجموعة أ بعشر آلاف من 2008 وحبيت افكها حاليا تقريبا المبلغ حيكون كام بليز
حسب نسبة الفائدة المكتوبة علي الشهادة كام ؟ عموما هتبقي في حدود 20000 جنيه
لو سمحت سؤالي عن شهادة مجموعة ب ! العائد بيتم حسابه من اليوم التالي للشراء ولا من بداية الشهر التالي لشهر الشراء!!
شكرا علي التوضيح مقدما
من اليوم التالي لشراء الشهادة ، حاليا شهادة استثمار مجموعة ب بقت ربع سنوية بمعني هتلاقي العائد في الحساب كل 3 شهور في اليوم التالي لشراء الشهادة يعني لو اشتريت يوم 20 هتلاقي العائد مضاف يوم 21 كل 3 شهور
هل من الممكن استرداد الشهاده من اي فرع ام من نفس فرع الشراء
من نفس فرع شراء الشهادة
لو عندى شهادات م ب بتاريخ ٢٠١١ مده ١٠سنين هل يطبق عليها النظام الحديد
لا ، الشهادة مستمرة بقيمة الفائدة المكتوبة عليها حتي انتهائها في 2021
لكن ممكن تسترد الشهادة وتعمل شهادة مجموعة ب بالفائدة الجديدة ، مع العلم ان هيتم خصم مبلغ عند استرداد الشهادة قبل الميعاد
لوسمحت حضرتك لو مثلا انا حطيت 300 الف وعايز اعلى نسبه فايده اعملها المجموعه ب ولا اعملها شهاده بلاتينيه؟
انت ف رايك ايه الاحسن؟
حاليا الفرق بينهم في النسبة مش كبير ، الاعلي هي مجموعة ب نسبة الفائدة اعلي زيادة 0.25 % عن الشهادة البلاتينية اللي هي 12.5 % حاليا
لكن الفرق الاساسي المدة ، انت شوف المدة نفسها لو هتقدر تسيب الفلوس في البنك 3 سنين ولا 5 سنين ، لو 5 يبقي اشتري شهادة استثمار مجموعة ب
لوسمحت يا باشا ازاى حسبت الفائدة التراكميه ل100000 بعد عشر سنوات 258000 المبلغ كاملا مش المفروض يحصل بعد عشر سنوات على 285000 +قيمة الشهادة ال100000
لا ماهو المبلغ نفسة ضمن الحساب بمعني انك بتضرب قيمة المبلغ في النسبة اللي هي 285 % ، مش بتفصل قيمة الشهادة لوحدها لانه مش بيحسب العائد التراكمي بداية من الصفر لكنه بداية من مبلغ الشهادة نفسه
السلام عليكم
كم الفائده التراكميه لشهاده استثمار ب بمبلغ 10000 بعد خمس سنوال
وعليكم السلام ورحمه الله وبركاته
شهادة استثمار مجموعة ب العائد بيصرف كل 3 شهور مش تراكمي بمعني ان العائد هيكون في حسابك لو حبيت تصرفه اي وقت ،
هي مختلفة عن شهادة استثمار مجموعة أ ، دي اللي هي تراكمية لا تستطيع صرف العائد الا بعد 10 سنين و طريقة حساب العائد التراكمي والمبلغ كاملا في نهاية المدة انك تضرب مبلغ الشهادة في 2.85 يعني 10000 * 2.85 بعد العشرة سنين تحصل علي 28500 جنيه
اما شهادة استثمار ب 10000 بنسبة 12.75 % في السنة يكون العائد 1275 جنيه ، كل 3 شهور هتلاقي في حسابك 318.75 جنيه مضافين
لو تركت العائد في حسابك دون صرفه لمدة 5 سنين هيبقي 1275 في 5 = 6375 جنيه + قيمه الشهادة 10000 يبقي المبلغ في النهاية 16375 جنيه ، مع العلم ان البنك بيخصم مصاريف سنوية من الحساب
بس الافضل طبعا انك تصرف العائد دوريا وتستغله او تعمل بيه شهادة جديدة
طيب ممكن اعرف المصاريف السنويه التى تخصم من الحساب
وهل تخصم من العائد الشهرى ام من المبلغ الموجود بشهاده الاستثمار وهل لو تم صرف العائد دوريا لم يتم اول باول لم يتم خصم مصاريف سنويه
المصاريف حوالي 120 جنيه سنويا حسب اخر تعديل من البنك
بيتم خصمها من المبلغ اللي موجود في الحساب سواء كان العائد او غيره حتي لو صرفت العائد دوريا هيتم خصم المصاريف دي
السلام عليكم كم الفائدة التراكمية ل100000 بعد عشر سنوات
وعليكم السلام ورحمه الله وبركاته شهادة استثمار مجموعة أ بـ 100000 جنيه الفائدة التراكمية هي 285 % يبقي بعد عشر سنوات هتستلم المبلغ كله 285000 جنيه
السلام عليكم
لوسمحت عايز عائد شهري لمبلغ 500000 جنيه نصف مليون
يعني كده ممكن يبقى العائد 5000 جنيه شهري؟
شكرا
وعليكم السلام ورحمه الله وبركاته
هو شهادات استثمار مجموعة ب بتصرف كل 3 شهور والعائد بالنسبة لمبلغ نصف مليون هيكون 63750 جنيه في السنة حوالي 15937.5 جنيه كل 3 شهور
اما لو كان قصدك علي الشهادة البلاتينية الشهرية اللي هي نسبها 12.5 % العائد السنوي هيكون 62500 و في الشهر الواحد هيكون العائد 5208.3 جنيه
لو كنت مثلآ عامل خمس شهادات استثمار قيمة الشهاده الواحده ١٠٠٠ جنيه ممكن اعرف عائد الخمس شهادات شهريآ كام …برجاء الرد بسرعه وشكرآ
شهادات بلاتينية ب 5000 جنيه بنسبة 12.5 % العائد 625 جنيه في السنة ، و 52 جنيه في الشهر
هل سعر الفائدة البلاتينية الان 12.5 كما هى ولا نزلت 10 ارجو الرد بسرعة
سعر الفائدة زي ماهو 12.5 %
انا مقيمه بالامارات ولي حساب بالبنك الاهلي المصري
كيف اشتري شهادات من هنا
ممكن تشتري من فرع البنك الاهلي المصري في دبي رقم تليفون
+97143266266