نوضح لكم سعر شقة الاسكان الاجتماعي 2016 بعد تعديل اسعار شقق الاسكان الاجتماعي وزيادة مقدم وحدات الاسكان الجديدة علي ان يكون موعد التقديم في شقق الاسكان الاجتماعي في شهر مايو 2016 ضمن أكبر اعلان وحدات سكنية لمحدودى الدخل فى تاريخ وزارة الاسكان.
سعر شقة الاسكان الاجتماعي 2016 بالكامل وقيمة مقدم الشقة
واعلنت وزارة الاسكان الاجتماعي عن طرح اكثر من 500 الف شقة جديدة ضمن مشروع الاسكان الاجتماعي 2016 بحيث يكون سعر شقة الاسكان الاجتماعي بالكامل هو 154 ألف جنيه، بالإضافة إلى 5% من سعر الوحدة كوديعة صيانة يتم تقسيطها مع ثمن الوحدة التي ستكوم مساحتها 90 متر مربع كاملة التشطيب، وتقسيم شقة الاسكان الاجتماعي 2016 هو ثلاث غرف وصالة.
زيادة مقدم حجز شقق الاسكان الاجتماعي اعلان ابريل 2016
واعلنت وزارة الاسكان زيادة قيمة مقدم شقة الاسكان الاجتماعي حسب اعلان شهر ابريل 2016 من 5 آلاف جنيه ليكون مبلغ مقدم حجز شقق الاسكان الاجتماعي 9 آلاف جنيه، ويرد فى حالة عدم التخصيص من خلال فروع بنك التعمير والاسكان.
وعن طريقة دفع مقدم حجز شقق الاسكان الاجتماعي يتم سداده فى أى مكتب بريد مميكن بكافة محافظات الجمهورية، وذلك لحساب بنك التعمير والإسكان على الحساب الذهبى رقم 0135013000234818 .
على أن يتم سداد باقي مقدم حجز شقق الاسكان الاجتماعي في خلال أسبوعين من تاريخ إخطار المتقدم برسالة نصية على الموبايل المسجل في بيانات التقديم ، أما بالنسبة للوحدات التي سيتم الانتهاء من تنفيذها خلال عام فسيتم سداد مقدم الحجز على أقساط قبل الاستلام.
مبلغ المقدم عند استلام شقة الاسكان الاجتماعي الجديدة
اما عن مبلغ المقدم الذي سيتم دفعه عند استلام شقة الاسكان الاجتماعي 2016 حددت وزارة الاسكان نسبة 15 % من ثمن شقة الاسكان الاجتماعي ليتم دفعها كمقدم للشقة ، وتتم زيادة نسبة المقدم حسب المرتب و سن المتقدم في الاسكان الاجتماعي.
كما يمكن تقسيط مقدم شقة الاسكان الاجتماعي عند استلام الشقة علي دفعات ربع سنوية.
قيمة القسط الشهري في شقق الاسكان الاجتماعي 2016
وعن مبلغ القسط الشهري لسداد ثمن شقة الاسكان الاجتماعي ، اعلنت وزارة الاسكان ان الحد الادني لقيمة القسط الشهري لوحدات الاسكان الاجتماعي هي 350 بحد ادني لمرتب المتقدم 1000 جنيه ، ويتم زيادة قيمة القسط الشهري حسب مرتب او دخل المتقدم.
يتم تقسيط ثمن شقة الاسكان الاجتماعي على ٢٠ عامًا بنظام التمويل العقاري، ويتم توفير دعم نقدي لا يرد من الدولة لكل مستفيد بالمشروع، يتراوح بين ٥ آلاف و٢٥ ألف جنيه من قيمة سعر شقة الاسكان ، حسب دخل المواطن ومرتبه الشهري.
ما هو الحد الأدنى للمرتب الشهرى والحد الاقصي للتقديم في الاسكان الاجتماعي ؟
اما عن الحد الادني للتقديم في شقق الاسكان الاجتماعي يجب اني كون المتقدم يحصل علي مرتب شهري ثابت قيمته ألف جنيه بحد ادني.
– الحد الأقصى للتقديم في شقق الاسكان الاجتماعي بالنسبة للشخص الاعزب هو 2500 جنيه شهريا.
– الحد الاقصي لمرتب المتزوج او مجموع دخل الاسرة للتقديم في الاسكان الاجتماعي هو 3500 جنيه شهرياً.
الأوراق المطلوبة للتقديم في شقق الاسكان الاجتماعي الجديدة مايو 2016
– صورة البطاقة.
– شهادة بالدخل الشهرى للزوج وللزوجة.
– صورة من قسيمة الزواج.
– شهادة تأمينات للزوج والزوجة.
– صور من شهادات ميلاد الأبناء إن وجد أبناء.
– بالنسبة للاصحاب الاعمال الحرة يتم الحصول علي شهادة الدخل السنوي من محاسب قانوني.
– بالنسبة للعاملين خارج جمهورية مصر العربية : شهادة دخل من جهة العمل بالخارج معتمدة من القنصلية المصرية بالدولة التى يعملون بها مصدقاً على توقيعاتها من الخارجية المصرية.
– بالنسبة للأرامل او المطلقات للتقديم في شقق الاسكان الاجتماعي يتم تقديم اي مصدر لدخل ثابت او ورقة من التأمينات بقيمة المعاش الشهري.
موعد التقديم في شقق الاسكان الاجتماعي 2016
وحددت وزارة الاسكان موعد 23 ابريل 2016 لطرح كراسة شروط حجز شقق الاسكان الاجتماعي 2016 و الحصول علي استمارة التقديم في شقق الاسكان الاجتماعي علي ان يتم ذلك من خلال مكاتب البريد في جميع محافظات مصر ، وكما اوضحنا فان موعد فتح باب التقديم في شقق الاسكان الاجتماعي سيكون بداية من 1 مايو 2016 وحتي نهاية الشهر.
اماكن شقق الاسكان الاجتماعي اعلان شهر ابريل 2016 في جميع محافظات مصر
و تعرف علي
طريقة حساب الأولوية في شقق الاسكان الاجتماعي 2016
تحديث شروط حجز شقق الاسكان الاجتماعي ابريل 2016 وقيمة المقدم
في موقع خمس خطوات ، نقدم لكم متابعة جيدة للشأن المصري والعربي والعالمي ، والاخبار السياسية والاقتصادية والبنوك في مصر والوطن العربي اهم النصائح والارشادات ومتابعة جيدة للتطورات الجارية.
طيب انا عندى 60 سنه وشهور وعندى 4 اولاد وزوجتى
واسكن ايجار جديد اطمع فى كرم ربنا اولا وفى
سيادة وزير الاسكان ان يخصص لى شقه 3 غرف فى
الاسكان الاجتماعى بالعبور او بدر
انا كنت مقدم فى الوحدات اللى 5000 ج تقديم ولسه جايللى رد البنك ح تحاسب على سعر الوحده 135000 ولا 154000وانا اعزب والمفروض الحد الاقصى للمرتب فى الحاله دة يكون كام
انا دفعت آل 9 الاف جنية في شهر 5/2016 و دفعت الثلاث اقساط 4 آلاف جنية لكل قسط هل في اقساط تاني او أي مصاريف أرجو الافادة
وعايز اعرف ميعاد الاستلام الشقة
ممكن اقدم في اخر شهر6
مفيش ميعاد لسه للاعلان القادم في شقق الاسكان الاجتماعي ، لكن ان شاء الله هيكون في شهر 7 او 8 تابع معانا واول لما يبقي فيه جديد هننشره ، بالتوفيق
لو سمحت دفع القسط الثانى للكراسة الزرقاء متى
بدأت من الشهر الحالي فبراير ولحد شهر مارس
هتلاقي هنا تفاصيل دفع القسط الثاني لشقق الكراسة الزرقاء
انا بعتلي بنك مصر وطلب مني شهاده دخل وصوره بطاقه ووصل كهربا
معني كده ايه اني اخدت شقه ولا ايه وهيتم الرد عليا امتي
اه ان شاء الله كدا تم القبول واللي باقي اجراءات البنك وامضاء العقد
انا عاوز احجز شقه ومش لازم تكون من الإسكان الاجتماعي مع اني ينطبق عليا كل الشروط بس احجز علشان الجواز وانا عندي ٢٥ سنه
في حاليا اعلان لشقق الاسكان غير المدعومة لو مرتبك اعلي من 2500 جنيه
وان شاء الله في نهاية شهر يناير او بداية فبراير هيبقي فيه اعلان جديد لشقق الاسكان الاجتماعي المدعومة
يعنى لو انا وجوزى مرتباتنا اعلى من كدة ينفع احجز وحدة سكنية
ممكن تقدموا في شقق الاسكان غير المدعومة او شقق الاسكان المتوسط دار مصر
بس حاليا لسه مفيش اعلانات جديدة لشقق الاسكان ان شاء الله هيبقي من شهر مارس 2017
بعد اذنكم انا عايز اقدم على شقه امته التقديم
فيه اعلان حالي في شهر ديسمبر بالنسبة للناس اللي مرتبتها اعلي من 2500 جنيه
وان شاء الله في شهر يناير او بداية فبراير هيبقي فيه اعلان جديد لشقق الاسكان الاجتماعي
مواعيد دفع الاقساط الربع سنويه الربع سنويه
بداية من شهر نوفمبر وكل 3 شهور يعني شهر فبراير – مايو – اغسطس
ها كل اللي مقبول وبيدفع الاقساط له شقه؟
اه بنسبة 90 % اللي باقي بيبقي اجراءات البنك و الاستعلام عن قروض غير مسددة او مشاكل ائتمانية
هل ثمن الوحدة للمستوفين كما هو ولا هوه زاد بعد زيادة الدولار
الثمن زي ما هو بالنسبة لشقق للاعلانات السابقة ، لو فيه زيادة هيبقي في اعلانات الشقق اللي جايه
هو حضرتكم بعد منخلص الاقساط هندفع فلوس تاني
اه فيه باقي مبلغ مقدم الشقة البنك بيحدده
متي استلام الشقق بالتحديد للكراسه الزرقا
التسليم بعد عام من التقديم يعني ان شاء الله بداية من يوليو 2017
عند استلام الشقه بعد دفع 9000+4000+4000+4000+4000 تندفع عند الاستلام مبالغ ثانيه حرام عليكم اذ كان المرتب كله 1700 وربنا يعلم أن الألف من الاقساط سلفنهم لو سمحتوا لا تعطينا الأمل ثم تأخذه
يعني احنا كده هندفع 9000+4000+4000+4000+4000 وكمان 5 فالميه صيانه و15 فالميه من حق الشقه قبل الاستلام الكلام ده صحيح والا انا غلط
المقدم كله 15 % داخل فيه الاقساط الربع سنوية و عند استلام الشقة هيتم حساب اللي باقي من ال 15 %
اما ال 5 % صيانة دي بيتم تقسيطها مع قسط الشقة شهريا بعد الاستلام
هل سيتم الاعلان قريبا عن مرحلة ثانية من التقديمات
اه ان شاء الله الشهر اللي جي هينزل شقق ايجار و شقق لاصحاب المرتبات اكتر من 3500 جنيه
ياجماعة ازاى 15 % من ثمن الوحدة وعايزين الفلوس دى كلها .. انا بالفعل دافع 9000 .. وال 15 % من اجمالى الوحدة يعنى 23100 يعنى بعد ال 9000 اللى بالفعل ادفعت انتو عايزيين 14100 زى اللى مكتوب ف كراسة الشروط لية بقى كل دة .. ولية تغيرو ف الكلام .. بجد حرام يعنى واحد زيي بيدفع 900 جنية ايجار وكل راتبى 1800 اجيب منيين دة كلة عشان احقق حلم ان يكون لية شقة زى بقييت الناس . حرام تبديل الوعود
يعنى بعد ما ادفع ال ١٦ الف هدفع ١٦ كمان وهل ٥٪ صيانة وديعة هيدخلوا فى الاقساط ولا نظامهم اية
اه تقريبا بس المبلغ نفسه البنك بيحدده حسب كل واحد و سنة ومرتبة مش ثابت يعني هو الحد الادني 15 % من ثمن الشقة
اه نسبة ال 5 % صيانة هيتم اضافتها علي الاقساط الشهرية بعد استلام الشقة
بنسبا لي اعمال المهن الحرا هيكون ليهم الاستعلام عن المرتب ولا هيجيبو شهادا من محسب كنوني تاني زي الي قدمه في الطلب الاولاني ارجو الافادا وشكر
بنسبا لي اعمال المهن الحرا هيكون ليهم الاستعلام عن المرتب ولا هيجيبو شهادا من محسب كنوني تاني زي الي قدمه في الطلب الاولاني ارجو الافادا وشكر
اه شهاد من محاسب قانوني وسجل تجاري او بطاقة ضريبية ، وبيتم مراجعة الاوراق بعض الاحيان بيتم مراجعة المحاسب لكن قليل
نفسى افهم …. يعنى انا دافع ٩٠٠٠ تمام
ومطلب منى اية تاني بعد كدة
المفروض على حسب الكراسة اللى هى من الفروض عقد بينى وبين الاسكان أنى بعد التسعة الاف ادفع ١٢٠٠٠ على اربع اقساط … اية الكلام الجديد عشان مش نتوة منكم
بالنسبة للمتقدمين في الكراسة الزرقاء هتلاقي نقطة دفع المقدم علي اقساط ربع سنوية موضحة في الكراسة ، علي اساس ان موعد استلام الشقة لسه السنة اللي جايه ، هو تسهيل يعني بدل ما تدفع مبلغ المقدم دفعة واحدة زي شقق الكراسة الحمراء
لو سمحتو لما أدفع مبلغ 4000 كل ثلاثة شهور هايبقي كام دفعه وبعد ماادفعهم هايبقي فيه دفع تاني وشكرا مقدما
هو المقدم كله بيكون ما بين 25 ل 35 الف جنيه حسب مرتب ودخل المتقدم ، هيتم دفع الاقساط حتي بدء اجراءات تخصيص واستلام الشقة ثم يتم دفع باقي المقدم
هل يجوز دفع الدفعة 4000 في أي ماكنة فوري ولا لازم في المكان المحدد في الرسالة المرسلة لي الرجاء الافادة
في المكان المحدد لك حسب الرسالة
هل يوجد مبلغ اخر يتم دفعه عند استلام الوحده غير مبلغ التسعة الاف جنيها
اه بيتم دفع مبلغ مقدم الشقة بيكون 15 % من سعرها او حسب ما يحدد البنك بيكون في حدود 25 الف الي 35 الف جنيه
اريد معرفه كم المبلغ الذى يسد عند استلام الوحده السكنيه
مقدم الشقة اللي بيتم دفعة عند التخصيص هو ما بين 25 و 35 الف جنيه حسب ما يحدد البنك
انا شاب وفي الخارج ولسه ماقدمتش وعندي ٣٠سنه وعايز اققسط علي شقه مع اني معرفش اجيب مفردات مرتبي واعزب فارجو الرد
انا مقدم وسنى 49 سنه ومرتبى 1355 ممكن اقبل وكام المقدم والقسط تقريبا وايه موضوع 5% وديعة ومتى التخصيص مع العلم اننى مقدم بالكراسة الحمراء
ارجو الرد
اه تمام طلما الشروط متوافرة ان شاء الله هتتقبل ، المقدم بيكون بنسبة 15 % من ثمن الشقة وبيحدده البنك اما القسط بيبدأ من 350 جنيه ، بالنسبة لل 5 % وديعة دي للصيانة وبيتم تقسيطها مع ثمن الشقة
أنا حصل لى ظروف وعايز أسترد مبلغ 9000جنيه ولن أستطيع أن أكمل الأن ماذا أفعل ؟ أرجو الافادة
حاليا لسه مفتحوش باب استرداد المقدم بس ممكن تجرب وتسال في فرع بنك التعمير والاسكان وان شاء الله خير
لو حبيت ادفع الشقة كاش هتتحسب بكام لو سمحت
ضمن شروط الاسكان الاجتماعي مينفعش تدفع ثمن الشقة كاش لازم بالتقسيط ضمن مبادرة التمويل العقاري ، عامة سعر الشقة قبل الفائدة والتقسيط هو 154 الف جنيه
بعد سداد مبلغ ال الخمسة عشرة فى المائة هل يتم دفع مبلغ تانى للبنك الاعلان واضح وصريح ال خمسة عشر فى مائة من ضمنها تسعة الاف 0000 هل البنك يلزم محدودى الدخل بدفع مبلغ اخر يتعدى اربعين الف قبل توقيع العقد ازاى محدودى الدخل هيدفع هذا المبلغ ارجوكم افادونا بالحقيقة
نسبة ال 15 % بيحددها البنك علي اساس المرتب وسن المتقدم فبيحصل ان المبلغ المطلوب بيوصل ل 35 او 40 الف
انا دفعت ال 9000 في بدايه التقدم لشقق الإسكان ايه الخطوه الي بعد كده و… وهل المفروض اني اسدد فلوس تانيه مع العلم انا جاتلي رساله بتقول ان الورق اتسلم من خلال البريد.. شكرا
حاليا مفيش فلوس اخري غير عند التواصل معاك ان شاء الله بتخصيص الشقة
امتى يتم اعلان النتيجة ومتى يتم رد المبلغ فى خالة الرفض؟ وشكراا
ان شاء الله بعد 4 شهور او حسب الاعداد في كل محافظة ، وبعد اعلان النتيجة بيتم اتاحه سحب المبلغ من بنك التعمير والاسكان
للمفردات المرتب 3700
حاول مع جهة العمل تقليل مفردات المرتب لان الحد الاقصي هو 3500 جنيه اكتر من كدا مش هيقبل الورق
ازاى حضرتك بتقول حاول مع جهة العمل تقليل المرتب وهما طالبين رقم التأمين ولو استعملوا عن المرتب من رقم التأمين هيعرفوا المرتب الحقيقى
انا بقول علي اساس ان فيه ناس بتبقي ذاكره في شهادة مفردات المرتب مرتبها شامل اضافات ومتغيرات ممكن دي تتشال ويتقدم المرتب بس
عامة ان شاء الله في الاعلان القادم وزارة الاسكان هتنزل شقق للناس اللي مرتبتها اكتر من 3500 جنيه
ماذا يقصد انه في حاله عدم دفع باقى القسط يعتبر بمثابه عدول عن الحجز ويتم الغائه وعدم الاحقيه فى الرجوع على وزاره الاسكان باى التزامات ***********اذا ماذا يقصد بنوع هذه الالتزامات وهل يقصد بها عدم الاحقيه فى الحصول علىى القسط الاول 9000 برجاء الافاده وشكرا
دا في حالة انك مضيت العقد واستلمت الشقة وبدأت في دفع الاقساط ، وبعد كدا توقفت عن دفع باقي القسط
اما بالنسبة لل 9000 ممكن استردادهم طلما لسه ممضتش العقد ومستلمتش الشقة
فى حاله عدم استطاعه الفرد دفع باقى مقدم التخصيص بعد وقوع التخصيص لاى سبب يمكن استرداد القسط الاول الذى تم دفعه مبلغ 9000 ولا لا افيدونى بالله عليكم
اه بعد اعلان تخصيص الشقق تقدر تسترد المبلغ من فرع بنك التعمير والاسكان
انا عاوزه اقدم فى الشقوق دى وانا مش عارفه اجيب افردات مرتب زوجى ينفع اقدم بافردات مرتبى بس والتقديم فعلا امتدد ليوم 15_6 ولا كلام افيدونى
التقديم تم مده لحد 15 يونيو ، لازم تقديم مفردات دخل الزوج والزوجة ياما هيعتبر الورق ناقص
لو انا كتب كتابي بعد شهرين ان شاءالله وغير متوفر لينا شقةالسكن. ينفع اقدم؟
اه ممكن تقدم بس طلما لسه مفيش قسيمة زواج هتقدم عازب وليس متزوج
لو واحد مرتبه هو وزوجته 5000جنيه مينفعش يقدم في الاسكان الاجتماعي
الحد الاقصي للتقديم في الاسكان الاجتماعي لدخل الاسرة 3500 جنيه
ممكن تقدم في الاسكان المتوسط او طلب قرض شراء شقة بضمان المرتب
ممكن اعرف هو مقدمة شقق كام انل اتخصص لى شقة فى مدينة بدر ولم رحت البنك الاسكان فرع بدر قال ان المقدم المطلوب دفعه41400 علما انى حاصلة على نسبة الدعم الكامل كما قال مسئول البنك ونسبة فوايد 5% السوال فى الاعلان مكتوب ان المقدمة الشقة 15% من قيمة الوحدة اي ان المطلوب هومبلغ 24000 الف اضاف انى عمرى 38 سنة ارجو افادتى
المقدم بيبدأ من 15 % وبيزيد حسب مرتب المتقدم وسنة والبنك هو اللي بيحدد
عموما حاولي تقدمي طلب في البنك او صندوق التمويل العقاري لتخفيض المقدم او تقسطيه
من فضلك ايه الفروع بنك الاسكان اللى ممكن اكمل بها مبلغ ال9000 جم لانى سبق ودفعت مبلغ 5000 جم من قبل
حسب انت محافظة ايه او مقدم في مدينة ايه عموما هتلاقي فروع وتليفونات بنك التعمير والاسكان هنا بالتفصيل
بداية القسط امتي؟ بعد الاستلام ولا قبل الاستلام؟
حسب القواعد مفروض بعد استلام الشقة
بس فيه محافظات البنك ابتدي في الاجراءات من حيث تحويل المرتب وخصم القسط الشهري بعد امضاء العقود مباشرة وقبل تسليم الشقة
ارجو الرد على سؤالى بسرعه علما اننى محول رغبه من مدينة السلام الى مدينة بدر وطلبوا منى سداد 4000 جنيه لاستكمال المقدم اسددهم فين تبع مكتب البريد اللى سددت فيه الاول ولا اروح بك الاسكان والتعمير اللى في سوق العبور
وبعدين بع سداد 4000 جنيه اروح جهاز مدينة بدر ومعى الايصال وصورة البطاقه ولااعمل ايه جاوبوني
بالنسبة للحاجزين بمدينة السلام، بيتم تسديد مبلغ ال 4000 جنيه في فرع بنك التعمير والإسكان بسوق الجملة بالعبور – مجمع البنوك ك 25 طريق مصر الإسماعيلية الصحراوي.
اما باقي خطوات التحويل هتلاقيها هنــــا بالتفصيل
نسيت ارفق شهادات تامينات انا موظفه
لو حكومة حسب كراسة الشروط مش مطلوب شهادة التامينات
والله انا بسئال على الاعمال الحره فى الايام الهباب دي دلوقتي انا دخلي ميجبش الالفين جنيه والمدام ربت منزل وعندي الحمد لله بنتين اعمل ايه علشان ان شاء الله نخد سكن والمطلوب فى التقديم كام ومنين
بتجيب شهادة دخل شهري من محاسب قانوني مع باقي الاوراق ، مع العلم انه تم الغاء شرط تقديم شهادة التامينات بالنسبة للمهن الحرة ، مبلغ التقديم هو 9125 جنيه في مكتب البريد بس الاول بتشتري كراسة الشروط وتملي استمارة التقديم والاقرار
هتلاقي خطوات التقديم في الاسكان الاجتماعي والاوراق المطلوبة بالتفصيل هنــــا
هو أساساّ مفيش شقق هتتبني تاني بمنطقة القاهرة الجديدة .. يعني لو أنا كنت مقدمة بخمسة آلاف جنيه القاهرة الجديدة وكنت من ضمن المقبولين .. ومش عايزة أبدل بشقق ثانية لا في الشروق ولا في بدر ولا في 15 مايو .. إيه الحل باعتبار أن منطقة القاهرة الجديدة هي الانسب ليا .. فهل لو مبدلتش وانتظرت .. هيكون الوضع إيه بالظبط .. شكراّ
رسميا مفيش كلام غير انهم فتحوا باب التحويل للمدن الاخري ، في المرحلة الحالية مفيش شقق في القاهرة الجديدة فعلا لكن ممكن مستقبلا ان شاء الله
هو المشكلة الاساسية الاعداد الكبيرة اللي قدمت في القاهرة الجديدة ، انتي شوفي الاولوية كام وهل قريبة ولا رقم بعيد لو بعيد حولي لمدينة اخري
انا مراتى قاعده فى البيت انا مقدم باسمى لازم بردوه اعمل لمراتى برنت تامينات وله البرنت بتاعى بس هى مش بتشتغل
لو الزوجة مش بتشتغل مش محتاج لها اوراق غير صورة بطاقة شخصية سارية
ممكن شكل الايصال وارسل الاصل وله صوره
هل يجوز دفع مبلغ الشقه بالكامل عند الاستلام
لا لازم يبقي بنظام التمويل العقاري مع البنك
هو لازم اكون من نفس المدينة اللي عاوز الشقةفيها
نفس المحافظة سواء من ناحية السكن او العمل او الميلاد فيها
انا ابنى عنده ٢١ سنة و انا و وولده تخطينا الخمسين وولده موظف و ابنى بيشتغل ترزى مش متامن عليه ينفع نقدم باسم ابنى بضمان مرتب ولده لان والده موظف
لازم الشروط تكون متوافرة في المتقدم نفسه ، لو مهن حرة بيقدم شهادة دخل سنوي من محاسب قانوني وسجل تجاري او بطاقة ضريبية والتامينات بيعمل تامين شخصي بنفسه حتي لو ب 10 جنيه من مكتب التامينات وهتلاقي باقي الاوراق المطلوبة بالتفصيل هنــــــا
انا مرتبي١٢٢٢قبل لاستقطاع وبعده٩١١ جنيه ينفع ولا ايه مع العلم زوجتي مرتبها بعد الاستقطاع ١١٠٠ والسن في شهر ٨ القادم ٤٥ سنه
طلما مجموع دخل الاسرة اكبر من 1000 جنيه وباقي الشروط متوافرة يبقي تقدر تقدم والحد الاقصي للسن هو 50 سنة يعني ممكن تقدم عادي
احنا بنرفق اصل الايصال(9000) ولا صوره منه داخل المظروف
حسب اللي مذكور في كراسة الشروط عايزين اصل الايصال / واصل ايصال شراء الكراسة ، مع العلم ان فيه مبلغ 125 مصاريف استعلام يجب دفعهم مع ال 9000 جنيه
والله دي تجاره مش مشروع إسكان من الدوله
يعني إه ادفع15% يعني هدفع تاني غير التسع تلاف
اه مقدم الشقة عند التخصيص بتدفع نسبة 15 % من ثمن الشقة او اكتر حسب المرتب والسن
طب انا عاوز اعرف اقدم فين اصلا علي الشقق دي انا من المنصورة
الاول بتشتري كراسة الشروط من مكاتب البريد ب 50 جنيه هتلافي فيها استمارة التقديم و بداية من 3 مايو 2016 هيتفتح باب التقديم في مكاتب البريد بتدفع ال 9000 جنيه + 125 مصاريف استعلام وبترفق الوصل مع الاوراق في ظرف وتبعته من خلال البريد برضو الي فرع بنك التعمير والاسكان بعلم الوصول
انا مش فاهمه موضوع الدعم المالى من الدوله إلى مش هيرد يعني إيه
يعني بيتم دفع جزء من ثمن الشقة بواسطة الحكومة ، الوزارة قالت بيتم تحديد المبلغ مع البنك حسب مرتب المتقدم يعني لو المرتب قليل بيستحق دعم اكبر
هو فيه حاجة ان مش فاهمها هو سعر الشقة 154+5%=161700
نخصم 25000 لو المرتب الف جنية = 136000 الف سعر الشقة كدا تمام
اذن المقدم 9000+ 46650= 55650 الجمالي المدفوع من الشخص الطبيعي
طيب بالنسبة للقسط الشهري
350 السداد السنوي 4200
زيادة 7% 374.5 السداد 4494
زيادة 7 % 400.715 السداد 4808.58
وهكذا اجمالي الاقساط لمدة سبع سنوات 36345
اذن اجمالي ثمن الشقة 55650+36345= 91995
دا المفروض يندفع مش 136700 ولو فيه حد عنده افادة ودا كلة بالحساب
محتاجين عقد ايجار ولا لاء
ضمن الاوراق المطلوبة للتقديم لا ، لكن يبقي معاك علشان وقت الاستعلام عنك الموظف ممكن يطلب الاطلاع عليه
بالنسبة لمبلغ ال9الاف جنية هل سيردو للذى لم يسعدة الحظ فى الحصول على شقة مباشرة بعد ظهور النتيجة ام لم يحدد موعد لاستردادهم ومتى موعد ظهو النتيجة بالضبط
اه بيتم سحبهم من خلال بنك التعمير والاسكان لو مفيش توفيق ، مفيش ميعاد محدد لكن حسب الاعلانات السابقة بتاخد مدة 4 شهور او حسب اعداد المتقدمين
لو انا قدمت في ال ١٠٠ الف وحده واسمي مانزلش هل المرحله التاليه تعني هيرحلوا اسمي في ٤٠٠ الف وحده ولا خلاص
وزير الاسكان قال كل اللي متوفر فيه الشروط هيتم تخصيص له شقه لو مكنتش في المرحلة الحالية يبقي اللي جاية
بالنسبة لل 400 الف حسب الاعداد المقدمة في المدينة نفسها وهل هي فيها شقق ضمن ال 400 الف وحدة لان بعض المدن نازل ضمن ال 100 الف و مش نازله ضمن ال 400 الف شقة
انا بشتغل محصل غاز بمرتب ثابت 500 جنيه وبونص وصلات 1200 جنيه ياعني حوالي1700 في الشهر ينفع اقدم
طلما اجمالي المرتب او الدخل الشهري اكتر من 1000 جنيه ممكن تقدم
انا منفصله ومعايا ابن مش مؤمن عليه مش عارفه اعمل ايه مش حقي اقدم ولا ايه انا مش عندي شقه ومنفصله من 9 سنين
لو المرتب او النفقة او مصدر الدخل بشكل عام اكتر من 1000 جنيه ممكن تقدمي ، بالنسبة للتامينات ممكن تعمل تامين شخصي بنفسك في التامينات
يعني ال 9 الاف بيتدفعوا مع تقديم الورق خلال شهر مايو؟ودول مش من ال156 ثمن الشقة دول مبلغ اضافي؟؟
ال 9 الاف مقدم جدية حجز من ضمن سعر الشقة اللي هو 154 الف جنيه
السلام عليكم هو كده ثمن مقدم الشقه تقريبا حوالي 32الف جنيه صح كلامي كده ولا هو مجموع المقدم كله 23 الف جنيه ومن اين استخرج شهاده التامينات
وعليكم السلام ورحمه الله وبركاته
تقريبا بس خلي بالك ان النسبة دي ممكن تزيد حسب المرتب وسن المتقدم ، مش عايز احدد الرقم بالضبط علشان البنك ممكن يحدد رقم اخر وقت تخصيص الشقة
بالنسبة لشهادة التامينات من مكتب التامينات التابع له سواء في المربع السكني او في المحافظة
الشباب الا متخرج وبدون عمل مش من حقه يقدم على شقة يابلد
هل يمكن استرداد ال9000 حتى لو تم التخصيص
لو قصدك تم التخصيص بس انت مش هتستلم الشقة اه ممكن تستردهم
اما لو تم التخصيص واستلمت الشقة ال 9000 دول بقو جزء من ثمنها اللي هتدفعه ، بجانب ان فيه مقدم اخر عند استلام الشقة زي ما وضحنا بيبقي 15 % من ثمن الشقة
لو صاحب العمل ر ىفض اعطائى مفردات مرتب مع انى متامن علبة
شهادة مفردات المرتب اساسيه للتقديم ، طب ايه سبب الرفض طلما فيه تامينات ؟ مثلا مش عايز علشان ميقولش رقم المرتب بالضبط ؟ طب هو بيدفع تامينات علي اساس ايه
يعني فرضا لو الشقه جت غير ال9000 هندفع تاني فلوس
اد ايه
مع العلم مرتبي اصلا 1130جـ
ارجو الافاده وشكرا
اه فيه مقدم عند تخصيص الشقة لك ، 15 % من سعر الشقة بيكون حوالي 23 الف جنيه وممكن يزيد حسب مرتبك والسن ، البنك هيحدد المبلغ بالضبط عند تخصيص الشقة
لنا الله
يعني انا لو معايا 32 الف وعلي استعداد ادفعهم كمقدم شقه هعتبر نفسي من محدودي الدخل
كتير كدا يا ريت وزير الاسكان يعدل الكلام دا
أنا عايز اعرف لمدة اد ايه يتم دفع مبلغ ال4 آلاف جنية من بعد مقدم الحجز ال9 آلاف جنيه لو سمحتوا
المقدم اللي هو 15 % هيتم دفعه عن تخصيص الشقة وليس مباشرة بعد دفع ال 9 الاف جنيه ، ممكن تاخد من 3 ل 4 شهور او اكتر حسب ما يتم الاستعلام واجراءات التخصيص
اما بالنسبة لمدة اد ايه فدا حسب مبلغ المقدم ال 15 % لان النسبة دي ممكن تزيد حسب مرتبك ، وقتها البنك هيبلغك بقيمة المقدم المطلوب وهتعرف المدة بالضبط
ممكن اعرف مكان شقق العبور العام القادم فين و عايزه اعرف حاجه كمان لو سمحتم هندفع 9000 قسط ولا اجمالى المقدم كله هو الله فيك وجزاكم الله خير
المكان بالضبط لسه الوزارة هتنزل الخرائط والعناوين مع طرح كراسة الشروط
ال 9000 جنيه بتتدفع دفعة واحدة
اما بالنسبة لمقدم الشقة عند الاستلام اللي هوي 15 % من ثمن الشقة ممكن التقسيط بالنسبة لشقق ال 400 الف وحدة 4000 جنيه كل 3 شهور
بالنسبة للمسافرين بالخارج الدخل طبعا أعلى من 3500 جنيه إيه الوضع معاهم
يبقي غير مطابق للشروط ، لان الحد الاقصي للمرتب في الاسكان الاجتماعي 3500 جنيه مطبق علي الجميع
الحجز العام القادم مقدم 9000 هيخصم من المقدم 15% ولا لاء
حسب اخر تصريح من صندوق التمويل العقاري ال 15 % منفصلين غير ال 9000 ، لكن عامة المقدم كله هيخصم من ثمن الشقة اللي هو 154 الف جنيه
اللي هيحجز العام القادم
هيشتري كراسة الشروط فقط ويقدم الطلب والاوراق
ولو تم اختياره هيدفع اول قسط 4000 في 1/9/2016
هل صح في شئ اخر
المقدم ال 9000 جنيه مطلوب دفعهم قبل ارسال الاوراق وارفاق الوصل مع الاوراق
فيه مقدم تاني عند استلام الشقة بنسبة 15 % من ثمن الشقة ، بس بالنسبة لل 400 الف شقة هيتم دفع المقدم دا علي اقساط
اين بالتحديد شقق العام القادم بمركز الزقازيق
لسه وزارة الاسكان هتنزل الاماكن بالضبط وقت طرح كراسة الشروط
انا متزوج وراتبى 2300شهريا يجوز ان احجز
اه يجوز طلما دخل الاسرة اقل من 3500
انامعاشى 650جنيه وبعمل بورشة ملابس ومراتبي يصل الى 1500جنيه هل بامكانى التقدم
ممكن طلما اقل من الحد الاقصي اللي هو 2500 جنيه
انا عوز اعرف فين دعم الشباب
دانتم عملينو سبوبه
بالنسبة لاصحاب الاعمال الحرة مطلوب منه شهادة الدخل السنوى من محاسب قانوى ده غير شهادة تأمينات ولا الاتنين واحد حضرتك
الاتنين مطلوبين ، هتلاقي هنا تفاصيل الاوراق المطلوبة للتقديم في الاسكان الاجتماعي
السلام عليكم ورحمة الله وبركاته
انا كنت متقدم لشقق بدر ودفعت 5000 وحاليا ربنا كرمنى واشتريت شقة وعايز اسحب المبلغ ازاى اسحب المبلغ ومنين اسحبة من البنك ولا الجهاز ولا صندوق التمويل العقارى
ارجو الرد والافادة وشكرا جزيلا
وعليكم السلام ورحمه الله وبركاته
من بنك التعمير والاسكان ، ممكن تروح الفرع اللي قدمت تبعه وتسحب المقدم من هناك
فى حالة عدم حصولى على شقة ماذا عن 9000 جنيه الذى تم دفعهم مقدم
ممكن تسترد ال 9000 جنيه بعد كدا من بنك التعمير والاسكان
يعني انا دلوقتي لو رسيت عليا و انا دافعه 9000. و المرتب 1400 جنيه هيبقي المقدمه المطلوبه كام بالظبط و هل في امكانيه اني اقسط المقدمه دي و لا لا و لو ينفع اقسط هيبقي كام بالظبط لو سمحت
البنك وقتها هو اللي هيحدد مقدرش اقول بالضبط لان النسبة متغيره ، عموما اقل نسبة هي 15 % يعني حوالي 23 الف جنيه
وفيه امكانية لتقسيط المقدم علي دفعات
اريد ان اعرف الحد الاقصى للقسط فى حالة وصول الدخل الشهرى لــ 3500
ثانيا اريد ان اعرف كذلك المقدم الحد الاقصى
ثالثا كذلك موضوع دعم الدوله يتم باى صورة
رابعا اذ لم يصبنى الدور فى 100 الف وحدة هل يتم نقلى تلقى لل 400الف وحدة ام احتاج للتقدم مرة اخرى
الرجاء الاجابة على كل الاسئله
1-الحد الادني للقسط في الاسكان الاجتماعي 350 جنيه الحد الاقصي للقسط الشهري 600 جنيه مع العلم ان فيه زيادات سنوية
2-المقدم هيكون بنسبة 15 % من سعر الوحدة 154 الف جنيه يعني حوالي 23 الف جنيه مع امكانية تقسيطه علي دفعات
3-دعم الدولة هو تخفيض سعر شقة ، بجانب تسليمها مع المرافق ومتشطبة وتسهيلات بنكية
4-التقديم في الاسكان الاجتماعي مرة واحدة طلما مطابق للشروط ومسحبتش المقدم من البنك ، لو مفيش نصيب في الاعلان الحالي بيكون لك اولوية في شقق الاعلان القادم
بمقدم 9000وباقي مقدم الحجز كم اخي الكريم
بيتم دفع 15 % من ثمن الشقة ، مع امكانية التقسيط علي دفعات
انا من القاهرة هل ممكن أخذ في أكتوبر علشان مش نازل في القاهرة غير مدينة بدر و15 مايو والمناطق دي بعيده جدأ
مدينة 6 اكتوبر تبع محافظة الجيزة ، لو ساكن او بتشتغل في المحافظة او مكان قريب منها في المدن الجديدة هناك ممكن تقدم
السلام عليكم ورحمة الله وبركاته طيب انا بشتغل سائق ومعايا رخصه درجه تانيه ومتامن عليه فى مكتب رحلا ت بس ماليش دخل ثابت ومتزوج منذ 2002 وعندى ثلاث اولاد يعنى ايلى دفعته فى الايجارات كان يجبلى اكتر من شقه ياترى ليه فى الششقق دى ولا لاء ارجو الرد
وعليكم السلام ورحمه الله وبركاته
طلما الشروط متوافرة ممكن تقدم ، لو تبع شركة بتقدم مفردات المرتب من جهة العمل وشهادة التامينات ، وباقي الاوراق المطلوبة هتلاقيها في الموضوع دا هنا ، بالتوفيق
يا ريت لو سمحت بعد ما ادفع 9 الف مفدم عايز اعرف هو باقي مقدم الحجز هيبقي كم
حسب كلام وزارة الاسكان النهاردا قالت هيتم دفع 15 % من قيمة الشقة عند الاستلام ، وممن النسبة دي تزيد حسب المرتب وسن المتقدم
تقريبا باقى المقدم كام
بداية من 15 % من ثمن الشقة وبيتم زيادة حسب مرتب المتقدم وعمره
طيب والمقدم هيتدفع عند الاستلام والا الفتره اللى قبل الاستلام على اقساط زى ما قرات انا قرات كده ارجو الافاده يعنى للى هيستلم السنه اللى جايه
بالنسبة لل 100 شقة المقدم هيتدفع عن الاستلام
اما موضوع الاقساط دا بالنسبة للوحدات اللي لسه بيتم بنائها وهتخلص في 2017 اللي هم اسكان السيسي ال 400 الف وحدة
وسن المتقدم من 21 لحد قد ايه
لحد 50 سنة
انا عايزة اقدم في 400 وحدة اللي لسة هيتعملو اسحب الكراسة يوم 22 بردو وياريت حد يفهمني هدفع 9 الاف في الاول وكل شهر هدفع مبلغ مثلا 350 لحد 20 سنة ولا هدفع مبلغ كبير تاني
ميعاد سحب كراسة الشروط بقي يوم السبت 23 مش 22
ال 9 الاف هيدفعو مع بداية فتح باب حجز الشقق في بداية شهر مايو
فيه باقي المقدم وزارة الاسكان هتحددة هيتدفع لما يتم تسليم الشقة
والقسط الشهري بداية من 350 وبيزيد حسب مرتب كل واحد كام و لمدة 20 سنة
طب انا اعزب ومش متأمن عليا إيه العمل حد يفيدنا؟
ممكن تعمل تامين شخصي في مكتب التامينات
مقدم الحجز كان 5000 واصبح9000 طب ليه كده هوالمقدم بيزيد مع زيادة الدولار ولا مع زيادة الرز
هو حسب وزارة الاسكان سبب الزيادة هو ضمان جدية المتقدمين وقالوا ان المقدم جزء من ثمن الشقة يعني هتدفع هتدفع
وعلي رايك كله بيزيد دلوقتي دولار ورز وزيت احنا البني ادمين بس اللي متثبتين 😀
كان المقدم 5000 والنهاردةاصبح ب 9000 طب لما الحق احجز 3شقق للعيال قبل يبقى الحجز بالدولار
مش بعيد فعلا 😀 ، اصلا فيه كان الشهر اللي فات حجز لاراضي الاسكان بالدولار بس للمصريين بالخارج ، يالا ربنا معانا
لو الشخص اعزب لازم برضو اجيب شهادة تأمينات؟
اه التامينات مطلوبة من الجميع
اذا كان الزوج يعمل والزوجه لا تعمل شهادة التامينات للزوج فقط تكفى ارجو الافاده وشكر
اه لو مفيش مصدر دخل للزوجة بيتم تقديم مصدر الدخل للزوج والتامينات له فقط