نستعرض معكم شروط حجز شقق الاسكان الاجتماعي شهر فبراير 2016 حيث افتتح الرئيس عبدالفتاح السيسي اليوم عدد من وحدات الاسكان الاجتماعي لمحدودي الدخل في مدينة 6 اكتوبر ضمن مشروع المليون وحدة
وخلال زيارة الرئيس عبدالفتاح السيسي مدينة 6 اكتوبر اليوم وافتتاحه عدد من المشروعات الهامة بجانب تقديم شقق الاسكان الاجتماعي في مدينة 6 اكتوبر لعدد من الفائزين ، حيث اوضح المهندس مصطفى مدبولى وزير الإسكان والمرافق والمجتمعات العمرانية الجديدة ، ان وزارة الاسكان ستعلن خلال ايام قليلة اعلان شقق الاسكان الاجتماعي شهر فبراير 2016 في عدد من المدن الجديدة بمختلف محافظات مصر ضمن مشروع المليون وحدة لمحدودي الدخل ، واوضح شروط الحصول علي شقق الاسكان الاجتماعي من وزارة الاسكان وبنك التعمير والاسكان كما يلي.
شروط حجز شقق الاسكان الاجتماعي اعلان فبراير 2016
– ألا يقل سن المتقدم عن 21 سنة ولا يزيد على 50 عاما، في بداية مدة حجز شقق الاسكان الاجتماعي 2016.
– أن يكون المتقدم لحجز وحدات الاسكان الاجتماعي في وزارة الاسكان بالمدن الجديدة ، من محدودي الدخل.
– بالنسبة للحد الاقصي لمرتب الاسرة للتقديم في شقق الاسكان الاجتماعي يجب ألا يتجاوز مجموع دخل الأسرة 3 آلاف جنيه شهريا، والحد الاقصي لمرتب الفرد عن 2250 جنيها.
-تقديم شهادة تأمينات اجتماعية، شريطة أن تكون التأمينات سارية، ومبين بها بداية التأمين.
-شهادة معتمدة من جهة العمل تتضمن جميع البيانات الأساسية بصافى الدخل الشهري، أو السنوي للزوج والزوجة، مع أي مستندات أخرى يراها المتقدم توضح دخله وتعزز أو تضيف للدخل، بشرط عدم تجاوز الحد الأقصى المسموح به
– بالنسبة لأصحاب المهن الحرة، فيتم تقديم شهادة من محاسب قانوني تبين صافى الدخل الشهري، مع تقديم صورة من السجل التجاري أو البطاقة الضريبية لأصحاب المشروعات الصغيرة مثل محل أو ورشة.
– تقديم صور الشهادات الرسمية المثبتة للحالة الاجتماعية بالنسبة للاسرة كذلك عدد أفراد الأسرة (صورة من وثيقة الزواج أو الطلاق أو الوفاة وشهادات ميلاد الأبناء، وتكون رقم قومي مميكنة).
– تقديم إيصال مرافق حديث لمحل السكن الحالى.
وعن طريقة التقديم في شقق الاسكان الاجتماعي يتم اولاد دفع مقدم حجز شقق الاسكان الاجتماعي وهو 5 آلاف جنيه ، علي ان يرد مقدم شقق الاسكان الاجتماعي في حال عدم التخصيص
بجانب دفع 100 جنيه مصاريف استعلام البنك عن المتقدمين ، ويتم سداد المبلغ (5000 المقدم + 100 جنيه ) في أي مكتب بريد ممكن بكافة محافظات الجمهورية، وذلك على الحساب الذهبي (0135013000234818) لحساب بنك التعمير والإسكان ، علي ان يتم ملئ استمارة التقديم في شقق الاسكان الاجتماعي فبراير 2016 والتي ستكون متاحة خلال اسبوع او اسبوعين علي حد اقصي.
ويمكنكم هنـــا
موقع خمس خطوات يقدم معلومات بسيطة فى شرح سهل من خمسة خطوات للأحداث الجارية وكافة مناحي الحياة المتنوعة لإثراء محتوي اللغة العربية على الإنترنت وتقدم العديد من مقالات الصحة والحياة وشغل المنزل والوصفات الطبيعية.
شقق ابريل 2016_ متضمنه محافظه المنوفيه ولا لأ وعاوزه اعرف العنوان اللى نوجه المستندات ليه .بالتفصيل.
اه شقق الاسكان الاجتماعي في جميع المحافظات هتلاقي اخر تحديث لاماكن شقق الاسكان الاجتماعي شهر ابريل 2016 هنــــــا
اما هنــــا هتلاقي بالنسبة لتعناويين فروع بنك التعمير والاسكان اللي هيتم ارسال الاوراق عليها عن طريق البريد
الشرقيه ملهاش
محافظة الشرقية شقق الاسكان الاجتماعي حسب اخر تحديث في مناطق العاشر من رمضان، صان الحجر، أولاد صقر، مشتول السوق، كفر صقر، القرين، فاقوس.
و بالنسبة لل 400 الف شقة بمناطق: مدينة العاشر من رمضان، كفرصقر، القرين، فاقوس، أبوكبير، ههيا، الحسنية، بلبيس، ومركز الزقازيق.
اناعايز اعرف احبيب منين كراسة الشروط
من اي مكتب بريد مميكن وسعر الكراسة 50 جنيه
السلام غليكم
من فضلك اريد توضيح كامل بعلاقة البنك بهذه الوحدات وهل يشتريها شراءا كاملا لنفسه ثم يبيعها للمواطنين بالتقسيط ام انه يدفع ثمنها للمواطن ثم يحصله منه بعد ذلك بفائدة ام انه يكون فقط وكيلا عن الدولة فى تحصيل الاقساط ام ماذا بالضبط وما هو بالتفصيل نظام التمويل العقارى
وما السبب الحقيقى وراء زيادة سعر الوحدة
جزاكم الله خيرا
وعليكم السلام ورحمه الله وبركاته
البنك بيدفع ثمن الشقق للحكومة اللي بتبني شقق الاسكان الاجتماعي مع باقي شركات القطاع الخاص ، وبعدين المواطن بيدفع ثمن الشقة بالتقسيط للبنك ، دور الدولة بيبقي في دعم الشقق دي بحيث يتم تخفيض سعرها عن سعر السوق
سبب زيادة سعر الوحدات هو زيادة اسعار مواد البناء خاصة الحديد هتلاقيه ظاهر في اسعار شقق القطاع الخاص ، اما زيادة المقدم نفسه من 5000 ل 9000 جنيه ملوش تفسير واضح غير انهم حبوا يلموا فلوس زيادة
انا عندى 54 سنة من العريش وعايز احجز لابنى شقة باسمى عشان هو مش موظف ولسه فى كلية ومرتبى 2150 ج مش هيكون ليا نصيب عشان السن ؟!!!
السن من 21 ل 50 سنة حسب شروط وزارة الاسكان
ممكن تشوف صندوق التمويل العقاري او احد البنوك الحكومية ممكن تحصل علي قرض شقة بضمان المرتب او المعاش
انا من قريه جمب ميت غمر هل فى شقق فى ميت غمر
والوظيفة : اعمال حره ومفيش ولا تامين ولا سجل ولا بطاقة ضربية
اعمل اية
اه في شقق في ميت غمر وعامة محافظة الدقهلية مناطق شقق الاسكان الاجتماعي هي : جمصة، بني عبيد، المطرية، وميت غمر.
بالنسبة للاعمال الحرة لازم تقديم السجل التجاري وبطاقة ضريبية وتامينات وشهادة دخل سنوي من محاسب قانوني
هل يوجد شقق فى دمياط الجديدة لمحدودى الدخل
اه مدينة دمياط الجديدة ضمن المدن اللي في اعلان شقق الاسكان الاجتماعي ابريل 2016 وكراسة الشروط هتنزل بكرا السبت 23 ابريل
مينفعش نقسط المقدم احنا موظفين غلابه هنجيب منبن خمس الف جنيه
انا قدمت كتير مش بيجلي حتي قدمت في صنوق تمويل وقدمت سلعة الثورة وكنت مقدم في شهر 2015/8 ولسه مبلغ خمسة الاف جنيهات في ينك مسحبتهمش ممكن اقدم تاني انا عايز شقه انا عندي ولد سنه ١٣عام برجاء الافاده بعد اذنكم انا موظف والحمدا لله مرتب معقول حاليا ….
حاول تتواصل مع صندوق التمويل العقاري بحيث تعرف موقفك وهل تم قبول الورق ام لا والاولوية في المدينة
هل لى حق ان ابيع الشقة بعد التملك
لازم مرور 7 سنوات من استلام الشقة
لو سمحتم محافظة القليوبية ملهاش شقق واللا ايه
محافظة القليوبية في شقق في مدينة العبور
هتلاقي هنا اخر تحديث لاماكن شقق الاسكان الاجتماعي شهر ابريل 2016 جميع المحافظات هنــــــا
احنا فالعريش وعاايزا اعرف امتا اقدم ومعياد تسليم الشقة هل بسرعة ولا فالتسليم بتتاخر ارجوو الرد ضرورى
بالنسبة لشقق شمال سيناء هي جاهزة للتسليم ، لكن لسه عبقال لما ينتهي تقديم الاوراق ومراجعتها والاستعلام عن المتقدمين حوالي 3 ل 4 شهور
هما بيحولو المرتب لبنك الاسكان والتعمير لضمان سداد الاقساط ولا لاء
هو المرتب عامة بيتم تحويله للبنك في الاسكان الاجتماعي اه ، اما البنك نفسه فصندوق التمويل العقاري بيتعامل مع اكتر من بنك من البنوك الحكومية حسب كل محافظة فيه ناس بيتم تحويلها للبنك الاهلي او بنك القاهرة او بنك مصر بجانب بنك التعمير
طب لو دخل الاسرة الزوج والزوجة عدى مبلغ ال٤٠٠٠ واحنا عندنا مصاريف دروس وايجار وكهرباء لية مش من حقنا نحصل على شقة تمليك زب البشر واحنا لو كان معانا تمن شقة
تمليك مكناش نفكر فى الاسكان الاجتماعي
واللي عاوز يسترد ال٥٠٠٠جنيه لان الشقة ما عجبتهوش يعمل ايه
استرداد المقدم بيبقي من خلال فروع بنك التعمير والاسكان
مع العلم ان المقدم حسب تحديث شهر ابريل 2016 بقي 9000 جنيه مش 5000 جنيه
لو ساكن في شقه ايجار قديم مع حماتي بس ايصال الكهرباء و الغاز باسم زوجتي يبقي من حقي شقه وله لا
المهم انت والزوجة مفيش شقة تمليك باسمائكم ، بالنسبة لوصل المرافق هم فقط عايزين من خلاله اثبات انكم مقيمين في المكان دا مش مهم الوصل باسم مين
لو امتلك شقه ميراث لي الحق في التقديم
لا طلما يوجد شقة باسمك يبقي مش هيتقبل الاوراق
ما هى شروط التقديم للعاملين فى الخارج
نفس الشروط مطبقة علي الجميع ، بس الاختلاف في الاوراق ، مطلوب من العاملين بالخارج مفردات المرتب انك تجيب شهادة دخل من جهة العمل بالخارج معتمدة من القنصلية المصرية بالدولة التى تعمل بها مصدقاً على توقيعاتها من الخارجية المصرية.
لو سمحت ممكن اعرف لي اختي مطلقة وبتاخد معاش الضمان الاجتماعي هل يجوز انها تقدم علي الشقة وما هو الورق المطلوب لها
لو المعاش او مجموع الدخل الشهري لها اكبر من 1000 واقل من 2500 جنيه ممكن تقدم
هتلاقي هنــــا شرح الاوراق المطلوبة بالتفصيل في الاسكان الاجتماعي
بدأ التقديم في محافظة سوهاج ولا لسه ؟
لسه ان شاء الله طرح كراسة الشروط في مكاتب البريد يوم 23 ابريل 2016 ، و موعد بداية التقديم وحجز الشقق طوال شهر مايو 2016
الشباب لهم نصيب؟
اه من سن 21 سنة ، بس لازم تتوافر الشروط اللي وضحناها مع وجود وظيفة
مساء الخير اقل سن للمتقدم بحجز الشقق كام سنه
ارجوو الرد
21 سنة والحد الاقصي للسن 50 سنة
مسا الخير انا ساكنة بمحافظة الجيزة ينفع اقدم بمحافظتي دمياط واقدم الشقة باسمي ياريت الرد
مساء النور ، التقديم في الاسكان الاجتماعي بيبقي حسب محافظة السكن او محافظة العمل ، لو الشروط متوافرة ممكن تقدمي باسمك عادي بس لو متزوجة بيتم ذكر بيانات الزوج والاولاد لو فيه
طب لو خاطب اه الشروط وعايز شقة فى التقديم الجديد ال ب9000ج وقسط 350ج ومسافر حاليا
الخاطب ممكن يقدم في الاسكان الاجتماعي عادي بس بيتهم معاملته علي انه عازب طلما لسه مفيش عقد زواج يتم تقدميه
هوالمقصود بانه لايمتلك وحده. من الاسكان قبل كده و لا اي وحده بشكل عام حتي لو خاصه نررجو الرد
لان في بعض البرامج التلفيزيونيه قال اسكان اجتماعي
وونشكركم
هو انا كنت شفت البرنامج وقال كدا فعلا
لكن علي موقع صندوق التمويل العقاري الشرط قايل بالضبط … عدم إمتلاك الزوج أو الزوجة أو الأبناء القصرأي وحدة سكنية أو إرثها وأن لا يكونوا قد سبق لهم الحصول على دعم أو قرض تعاوني إسكاني. مع العلم بأن الزوجين ذمة مالية واحدة وفقد احدهما لأحد الشروط يتسبب في رفض الآخر.
السلام عليكم
انا كنت لسه بالوزارة من يومين وقالوا مفيش تقديم علي شقق يمكن في نص ابريل .ويدينا ويديكم طولة العمر
ﻻ حول وﻻ قوة اﻻ بالله
وعليكم السلام ورحمه الله وبركاته
فعلا كلامك مضبوط بس محدش عارف السبب خصوصا ان فيه وحدات جاهزة او قربت ينتهي بنائها ، فيه ناس قالولنا التاجيل علشان هيتم اضافة عدد كبير من الشقق الاعلان دا ، عموما ان شاء الله خير
ممكن اعمل الخطوات ديه من عن طريق النت او بنك او بريد..ومروحش ورزارة الاسكان والتعمير ؟؟
اه التقديم عن طريق البريد سواء دفع المقدم ال 5000 او ارسال الاوراق ، لكن حاليا لسه الاعلان منزلش رسميا حتي اليوم غالبا هيكون في شهر ابريل حسب اخر تصريح من وزارة الاسكان
طيب اللي قدم قبل كده ومكسبش ممكن ليه اولوية ? ولا زيه زي اللي بيقدم اول مرة انا خدو مني ١٢٠جنيه زيادة علي ٥٠٠٠ومشوفتش ولا شقة ولا يحزنون ومرجعوشلما رجعت الوصل
نفسي يكون عندي شقة واعيش فيها حرام بجد
ممكن تتواصل مع صندوق التمويل العقاري هنــــا بحيث تعرف رقم ترتيبك او الاولوية وهل لك فرصة في الشقق اللي هتنزل قريب حسب الاعداد المتاحة ام لا
لو سمحت ازاى نعرف موعد التقديم ونهايته التقديم
مفيش حتي الان موعد بيوم محدد ، لكن اخر تصريح لوزارة الاسكان قالو خلال شهر مارس الحالي وعموما التقديم بيستمر شهر
يارب نفسى أكسب حاجة امتى الزمان يسمح يا جميل
فين وازاي نقدم علي هذه الشقق في البنك والا مكتب البريد علما بأن بنك التعمير بيقولوا مفيش أي أخبار عن أي شقق ومكتب البريد نفس الشئ هي دي خدعه والا ايه !!!!!!
لسه ان شاء الله التقديم هيبدأ في شهر مارس 2016 ، الميعاد بالضبط امتي لسه متحددش من وزارة الاسكان الوزارة قالت في شهر فبراير بعدين اجلو الموضوع
التقديم بيكون عن طريق البريد بيتم تحويل المقدم 5000 جنيه علي فرع بنك التعمير والاسكان التابع له ثم ارسال الاوراق بالبريد زي ما وضحنا في الموضوع
واصحاب المعاشات الساكنين ولا يملكون شقق اليس لهم نصيب في الاسكان الاجتماعي واين يذهبون بعد ازالة المسكن المقيمون به اكثر من اربعون سنة وهل يشتتون في اواخر العمر / نرجو الافادة