تفتح وزارة الاسكان باب التقديم في شقق الاسكان الاجتماعي 2016 في شهر مارس حيث نستعرض معكم شروط شقق الاسكان الاجتماعي وطريقة التقديم في الاعلان الثامن ضمن مشروع الاسكان الاجتماعي المليون وحدة في 18 مدينة جديدة
تحديث شهر ابريل هام اقرا هنـــــــا عن :-
تم تحديد موعد حجز شقق الاسكان الاجتماعي في شهر ابريل 2016 واماكن شقق الاسكان الاجتماعي في جميع المحافظات
وحسبما اعلنت وزارة الاسكان والمرافق والمجتمعات العمرانية، فان الاعلان الثامن من مشروع الاسكان الاجتماعي يشمل 18 محافظة جديدة وعدد 20 الف وحدة سكنية ضمن مشروع الإسكان الاجتماعي ”المليون وحدة”، على أن يتم فتح باب الحجز في شقق الاسكان الاجتماعي 2016 بداية من مارس 2016 ، وعن مواصفات شقق الاسكان الاجتماعي فهي بمساحة 90 مترا مكونة من 3 غرف وصالة وهي كاملة التشطيب علي ان يكون نظام شقق الاسكان الاجتماعي بنظام التمليك.
شروط العامة للتقديم في شقق الاسكان الاجتماعي 2016 الاعلان الثامن شهر مارس
وحول الشروط العامة للتقديم في وحدات الاسكان الاجتماعي في المدن الجديدة اعلان شهر مارس 2015 يجب ان لا يكون المتقدم قد سبق له الحصول علي وحدة سكنية من وزارة الاسكان من قبل ، حيث لا يحق للمتقدم أو الأسرة ( الزوج / الزوجة / الولاد القصر) التقدم لحجز أكثر من وحدة سكنية فى المدن الجديدة والمحافظات.
– عدم إمتلاك ( الزوج / الزوجة / الولاد القصر) أى وحدة سكنية، وألا يكونوا قد سبق لهم الحصول على وحدة سكنية أو قرض تعاونى أو قطعة أرض سواء كانت فى حوزته أو تنازل عنها للغير أو بالشراكة مع آخرين أو آلت للمتقدم أو الأسرة بالتنازل من الغير.
– أن يكون المتقدم لحجز شقق الاسكان الاجتماعي 2016 من أبناء المحافظة والمرتبط بها عملا وإقامة أو من المقيمين أو من العاملين بها أو إحدى المدن الجديدة التابعة لها.
– ويقر المتقدم بصحة البيانات والمستندات المقدمة منه عند الحجز، وفى حال المخالفة يكون مسئولا جنائيا ومدنيا، ويعاقب طبقا لأحكام قانون الإسكان الاجتماعي، ويحق للجهة المالكة للوحدات إلغاء التخصيص واسترداد الوحدة دون إنذار أو حكم قضائي، واتخاذ كافة الإجراءات القانونية لحفظ حقها مع تطبيق قانون التمويل العقاري وتعديلاته” .
شروط التقديم في شقق الاسكان الاجتماعي 2016
– لا يقل سن المتقدم للحصول علي شقق الاسكان الاجتماعي الاعلان الثامن شهر مارس 2016 عن 21 سنة ولا يزيد عن 45 سنة في بداية مدة الحجز.
– ويحظر على المتقدم شراء الوحدات نقدا ويلتزم بالسداد بنظام التمويل العقارى.
– أن يكون المتقدم من محدودي الدخل وألا يزيد دخله السنوي طبقا لقانون التمويل العقاري رقم 148 لسنة 2001 وتعديلاته ولائحته التنفيذية.
المستندات المطلوبة للتقديم في شقق الاسكان الاجتماعي 2016 الاعلان الثامن
– تقديم صورة من بطاقة الرقم القومي، للمتقدم وزوجه ”سارية”
– شهادة التأمينات الاجتماعية
– تقديم شهادة معتمدة من جهة العمل تتضمن جميع البيانات الأساسية واجمالى الدخل الشهري أو أي مستندات أخرى يراها العميل، توضح دخله وتعزز أو تضيف للدخل.
– وبالنسبة لأصحاب المهن الحرة ، فيتم تقديم شهادة من محاسب قانونى تبين صافى الدخل الشهرى أو السنوي، وصورة من السجل التجارى والبطاقة الضريبية، لأصحاب المشروعات الصغيرة (محل – ورشة …..)،
– وللجميع تقديم صور الشهادات الرسمية المثبتة للحالة الاجتماعية ، وعدد أفراد الأسرة ( صورة من وثيقة الزواج أو الطلاق أو الوفاة وشهادات ميلاد الابناء (رقم قومي مميكنة).
– تقديم إيصال مرافق حديث لمحل السكن الحالي.
طريقة التقديم في شقق الاسكان الاجتماعي شهر مارس 2016 الاعلان الثامن في المدن الجديدة
– يتم سداد مقدم الحجز بمبلغ 9000 جنيه ( يرد فى حالة عدم التخصيص ) ، بالاضافة الي مبلغ 125 جنيه (مصاريف استعلام لا ترد) ويتم سداده في أى مكتب بريد مميكن بكافة محافظات الجمهورية ، لحساب بنك التعمير والإسكان.
– ثم يتم ملء النموذج التقديم في كراسة الشروط التي يتم شرائها من مكاتب البريد ب 50 جنيه بخط واضح وترسل الاستمارة والاقرارات وايصالات تسديد المقدم مع الاوراق المطلوبة داخل مظروف مغلق يكتب عليه المحافظة والمدينة أو المركز المراد الحجز بها وبيانات المتقدم عبر البريد الي فرع بنك التعمير والاسكان.
– يرسل المظروف بخطاب مسجل بعلم الوصول إلى فرع بنك التعمير والإسكان، بالمحافظة المراد الحجز بها والموضح بعاليه ، وسيتم إخطار المستحقين للشقق بعد فحص الاوراق والاستعلام عنهم في حالة الفوز بالشقة لاستكمال سداد 15% من ثمن الوحدة .
– وحال عدم قيام المستحقين بالسداد فى خلال شهر من تاريخ الاخطار يتم إلغاء الحجز.
– يتم التخصيص طبقا لعدد الوحدات المتاحة، وسيتم مراعاة تخصيص 5% من الوحدات لذوى الإعاقة والإحيتاجات الخاصة بشرط انطباق الشروط عليهم، وتقديم المستند الدال على درجة الإعاقة.
تفاصيل قسط شقة الاسكان الاجتماعي وطرق السداد والفائدة
وحسبما اوضحت وزارة الاسكان ان متوسط سعر شقة الاسكان الاجتماعي هو 154 الف جنيه علي ان يكون اقل قسط شهري يبدأ من 350 جنيها (كحد أدنى ) بزيادة سنوية 7% كحد أقصى لمدة 15 عاما.
– يتم حساب القسط حسب تكلفة الوحدة ودخل المواطن.
– يقدم صندوق التمويل العقاري دعما نقديا يتراوح بين 5 إلى 25 ألف جنيه طبقا للدخل، ويقدم البنك المركزي من خلال البنوك المشاركة تمويلا للوحدة بأسعار عائد مخفضة (تحسب على أساس متناقص) وتبلغ 7% ولا يتم تغيرها طوال فترة التمويل.
خطوات التقديم في الاسكان الاجتماعي شهر مايو 2016 بتفصيل اكثر
في موقع خمس خطوات ، نقدم لكم متابعة جيدة للشأن المصري والعربي والعالمي ، والاخبار السياسية والاقتصادية والبنوك في مصر والوطن العربي اهم النصائح والارشادات ومتابعة جيدة للتطورات الجارية.
لو سمحت انا كنت عيز اعرف امته موعد فتح باب التقديم
مفيش ميعاد محدد لسه ، لكن ان شاء الله خلال شهر اغسطس او سبتمبر
السلام عليكم اتصل بيا واحد علشان يقابلني ويستعلم وقابلني وقالي انه من شركه الاستعلام قابلني في بيت الوالد وكتب اني غير مقيم في العنوان اللي انا مقدمه في الاوراق ده معناه ان خلاص كده ولا اعمل ايه
وعليكم السلام ورحمه الله وبركاته
الاجراء التالي ان شركة الاستعلام بترد علي صندوق التمويل العقاري و بيتم تحديد القبول او الرفض وابلاغك علي الموبايل ان شاء الله قريب ، بالتوفيق
من فضلكم انا اعمل حر منين اجيب ورقه من محاسب قانونى
اي مكتب محاسبة معتمد او مسجل ممكن تطلب منه شهادة مفردات دخل
هل ينفع يقدم سكان القاهره و محل العمل القاهرة علي شقق 6 اكتوبر؟
لازم يكون السكن او العمل في الجيزة للتقديم هناك
انا من محافظة اسيوط واعمل في محافظة القاهرة في مدرسة حكومية ولم اقدم ورق يثبت اني اعمل في تلك المدرسة فيما عدا مفردات المرتب والبطاقه مكتوب عليها المهنة .
فهل يجوز قبولي مع العلم انى من اسيوط والمحافظة التي ارغب بها القاهرة ؟
طلما موضح في مفردات المرتب جهة العمل وانها في القاهرة مفيش مشكلة
هل يجوز التقدم بمدينة اكتوبر علما باني اعمل بها ولكن محل الاقامة محافظة الفيوم
اه ممكن التقديم في محافظة العمل
هل ينفع أقدم انا و اخويا علي شقتين مع بعض
اه عادي طلما انتو اكبر من 21 سنة والشروط الاخري متوافرة
هل هناك مانع من التقدم للشقق لامتلاك الفرد مبلغ من المال فى صورة وديعة بالبنك
لا مفيش مانع بس لازم ذكر اي حسابات بنكية او ودائع او غيره في استمارة التقديم زي ما الاقرار موضح
دخلي 1400 ودخل زوجتي 2500 ينفع اقدم
الحد الاقصي لمجموع دخل الاسرة للتقديم في الاسكان الاجتماعي هو 3500 جنيه
ظبطها من عندك فى الشغل .. اطلب منهم او خلى مراتك تطلب فى الشغل ان يطلعلها ورقة بتقول ان مرتبها 1400 زيك ودى سهله وبتتعمل
هل يجوز التقدم لحجز قطعة أرض بالاسكان الاجتماعى و وحدة سكنية فى نفس التوقيت
نظريا اه مفيش مانع في الشروط ، بس في النهاية مش هينفع تحصل علي الاتنين مع بعض ، مع العلم ان الشقق بالتخصيص يعني لو الشروط متوافرة هتحصل علي شقة ، اما اراضي الاسكان فهي بنظام القرعة العلنية
انا ساكن في المرج تبع محافظه القاهره وعاوز اقدم في مدينه العبور ينفع
لا العبور تبع محافظة القليوبية لو ساكن او بتعمل هناك ممكن تقدم
بالنسبة للمحامين هل يحتاجون لشهادة من التأمينات الاجتماعية موضح بها المهنة و الاجر التأميني و شهادة من نقابة المحامين موضح بها الدخل الشهر أم لا بالاضافة لشهادة من المحاسب القانوني
لو محامي حر بتقدم شهادة من محاسب قانوني مع صورة اشتراك النقابة وباقي الاوراق
انا من الاقصر بس شغلى وحياتى كلها فى الاسكندرية ممكن اقدم فى الاسكندرية
ممكن طلما عنوان الشغل مثبت في الاوراق المقدمة
هل من الضرورى تقديم مفردات مرتب زوجى مع العلم بأن المتقدم لطلب الشقه أنا مش زوجى
اه لازم طلما اسرة يبقي مطلوب للزوج والزوجة حتي لو التقديم باسمك لانهم بيحسبو بعد كدا الاقساط علي اساس دخل الاسرة الشهري
انا لسه موظف في شركة الشهر ده واتامن عليا هينفع أقدم شهادة التأمينات الاجتماعية وهي يعتبر تاريخ بدايتها الشهر ده شهر مايو
اه ممكن تقدم الشهادة عادي
يعني لو طالب ووالدته ليها معاش ممكن يقدم
لازم الشروط تتوافر في اللي هيقدم من حيث السن والدخل الشهري
لو سمحت انا عندي شقة كان والدي الله يرحمه كاتبها باسمي قبل وفاته فهل يحق لي التقدم للحصول علي شقة في مشروع الاسكان الاجتماعي؟
لا لو فيه شقة تمليك باسمك مش هينفع تقدم في الاسكان الاجتماعي
انا جوزي شغال في شركة وانا ساكنة فى دار السلام والبطاقة علي البساتين ينفع أقدم علي شقة بس الراتب مش كبير وهو عنده 46 سنة
ممكن التقديم طلما المرتب اكتر من او يساوي 1000 جنيه
هل شرط أن يكون مؤمن عليا أم شهاده الدخل تكفي
لازم التامينات او صورة كارنية نقابة ساري
لو سمحت انا فاتح محل داخل فندث فى شرم الشيخ بس للاسف مفيش سجل تجارى ولا بطاقة ضربية ولا يوجد تامين انا متزوج وعندى 3 اطفال اكبرهم 18 سنة وانا عمرى 47 سنة وساكن فى شقة بالايجار فى شرم الشيخ وبيجى الايصال الهرباء باسم صاحب الشقة الا ساكن فيها هل ينفع اقدم ولو ينفع اية الاوراق المطلوبة منى علشان اقدم بليز ارد من فضلك
بالنسبة للاعمال الحرة واصحاب المحلات لازم سجل تجاري او بطاقة ضريبية ، مع شهادة اثبات دخل من محاسب قانوني
وهتلاقي خطوات التقديم في الاسكان الاجتماعي والاوراق المطلوبة بالتفصيل هنــــا
حضرتك ممكن تكتب نشاط اخر
قصدك ايه بنشاط اخر ما هو يا اما قطاع عام او خاص او مهن حرة
لوشخص قدم تبع المحافظه الساكن فيها وبعدين نقل مكان اقامته محافظه نائيه مثلا ممكن يحول تقديم الشقه تبع المحافظه اللي راح سكن فيه ونقل فيها شغله
,
طلما الورق المقدم موضح فيه عناوين الشغل والسكن ومثبت في الاوراق ممكن تقدم
بالنسبة للرجل المطلق ما مواقفة من تقديمات الشقق
ممكن تقدم عادي وبتقدم صورة شهادة الطلاق او اي مستند دال علي الحالة الاجتماعية الحالية
السلام عليكم
لو سمحتم انا ارملة وتقريبا كل الاوراق جاهزة
بس بالنسبة لمبلغ المعاش انا عاملة كشف حساب من البنك فهل هينفع اقدم بية ولا لاء
ارجو الرد ضرورى للاهمية
وعليكم السلام ورحمه الله وبركاته
الافضل تقديم شهادة من التامينات بقيمة المعاش لانها هي المصدرة لبيانات المعاشات
انا اعمل وزوجى لا يعمل ممكن اقدم
ممكن تقدمي باسمك عادي
لو حد احد فرض عادى مش خاص بالتعمي والاسكان وكان مادفعش فترة واتعمل له اى سى كيو ينفع يقدم عادى مالوش دعوة بالموضوع ده
لازم يكون مسدد القروض السابقة و اي سكور بتاعه مضبطوط لانه من وسائل الاستعلام عن الاشخاص هيراجعو جميع الحسابات والقروض البنكية لو فيه
ممكن حد يقولى بيانات الدخل الشهرى للاسره نكتب فيها ايه
مرتب الزوج والزوجة و اي مصادر دخل اخري سواء حساب بنكي او دفتر توفير
طيب وبالنسبه للشخص العاطل ينفع يقدم ولا مش ينفع او اللي شغال بردو مثلا في محل عادي وكده الشهر بشهر يجيب ازاي ورقه دخل
العاطل لا مش هينفع لازم اثبات دخل
بالنسبة للي شغال في محل بتجيب شهادة من صاحب المحل بمفردات المرتب الشهري فيها بياناتك وبيانات المحل ، مع باقي الاوراق
لو مبلغ التأمين المؤمن علي الشخص اقل من 1000 جنيه 800مثلا ينفع
في كراسة الشروط مفيش تحديد لمبلغ التامين
انا مشترك لسه ف نقابه المحاميين كنت عايز اعرف انا كده متامن عليا ولا لا وهل ينفع اقدم بكارنيه النقابه مع العلم انا شغال ف شركه خاصه يعني اعمل مفردات مرتب منها والتامينات اجبها منين انا مرضتيش الشركه تامن عليا علشان النقابه اعمل ايه افيدوني
لو مشترك في نقابة ممكن تقدم صورة كارنية النقابة او صورة الاشتراك بدل التامينات
كنت عايز اعرف صور المرافق دي باسم صاحب الشقه الي انا متجرها عاديد كده
لو كله باسمه خلاص قدم المهم تكون ساكن هناك ومثبت بعقد الايجار
انا سكنى وشغلى فى القاهرة ينفع اقدم على شقة فى العبور اصل دى قريبة ليا انما بدر بعيدة
هو نظام التقديم في المحافظة التابع لها او اللي بتعمل فيها ، والعبور نازله تبع القليوبية
هو ينفع نقدمةف العبور دلوقتى 2016
اه في محافظة القليوبية ضمن ال 400 الف شقة
انا عندي محل بقالة قانون جديد وفاتح ملف ضريبي ولست مشترك في التأمينات الاجتماعية وعايز اقدم في شقق ومحدودى الدخل
طلما باقي الشروط متوافرة ممكن تقدم ، بالنسبة للتامينات بتعمل تامين بنفسك في مكتب التامينات
الشقة باسم اخو الزوجه وعملها توكيل عام باسمها موثق في ش العقاري هل يجوز التقديم باسمي/الزوج / ولاايه؟
المهم الشقة نفسها باسم الزوجة ولا لاه ؟ لان الشرط هو عدم وجود شقة تمليك باسم الزوج او الزوجة
انا اسكن بشبرا الخيمه ( تعتبر قليوبيه ) و اعمل بشارع جامعه الدول العربيه ( الجيزه )
سؤالي هو في اي المحافظات يتم التقديم للحجز
و شكرا
حسب رغبتك ، عامة التقديم في الاسكان الاجتماعي اما محافظة السكن او محافظة العمل
واخر سؤال لو اللی هیقدم متزوج والاتنین شغلین یکون اجمال دخلهم کام فی الشهر
الحد الاقصي لمجموع دخل الاسرة للتقديم في الاسكان الاجتماعي هو 3500 جنيه
وضع المغترب من التقدم لهذه الوحدات وما هى الاوراق الخاصة به
تفس الاوراق المطلوبة لكن الفارق بالنسبة للعاملين خارج مصر هو تقديم شهادة دخل من جهة العمل بالخارج معتمدة من القنصلية المصرية بالدولة التى يعملون بها مصدقاً على توقيعاتها من الخارجية المصرية.
ممكن اعرف لو واحد شغال فى محل مثلا يجيب اثبات دخل ازاى
بتقدم شهادة مفردات المرتب الشهري من صاحب العمل لانك تعتبر موظف قطاع خاص
انا منفصل عن الزوجة بغير طلاق هل يمكن ان اقدم كاعزب ‘ او دون تقديم مفردات مرتبها والاوراق الخاصة بها كالبطاقة ووثيقة الزواج .
لازم تقديم مستند يفيد بالحالة الاجتماعية الحالية بمعني لو انت في البطاقة والاوراق متزوج او مطلق لازم تقدم قسيمة الزواج او الطلاق
انا أعمل حر بدون تأمينات و دخلي الحمد لله طيب و ليس لدي أوراق تثبت الدخل هل ينفع التقدم بكارنيه النقابة
ممكن تقدم شهادة الدخل من محاسب قانوني و سجل تجاري او بطاقة ضريبية ، بالنسبة للتامينات ممكن تقدم كارنيه النقابة
انا مواليد 1/7/1995 ينفع اقدم ولا لا
لازم تكون مكمل 21 سنة في شهر التقديم اللي هو مايو 2016 بجانب توافر باقي الشروط ، وعموما ان شاء الله هيبقي فيه اعلانات قادمة
ابنى ظابط بالقوات المسلحله ينفع يقدم على شقه الاسكان الاجتماعي
اه ممكن يقدم طلما الشروط متوافرة من حيث السن والمرتب
هل يمكن ان للزوجه التقدم لحجز الشقه باسمها
لو الشروط متوافرة ممكن التقديم باسم الزوجة اه
انا معاق وشغال فى القطاع الخاص روحت اامن على نفسى رفضو علشان انا معاق مش عارف اعمل اية
لو مش هتقدم تقدم تامينات ممكن لو فيه اشتراك نقابة او كارنيه نقابة ساري تقدم صورته
هل يجوز ايجارها او بيعها
لازم مرور 7 سنين علي استلام الشقة علشان تقدر تتصرف فيها
السلام عليكم انا حضرتك موظف مؤقت والمرتب 939 وزوجتي مرتبها 1400 ينطبق علينا الشروط ارجو الرد للأهمية
وعليكم السلام ورحمه الله وبركاته
طلما مجموع المرتب اكبر من 1000 واقل من 3500 جنيه ممكن التقديم
ممكن لشاب اعزب التقديم ولا لازم يبقي متزوج
ممكن الاعزب يقدم في الاسكان الاجتماعي طلما تنطبق عليه الشروط
فى محافظة المنيا مدينة مطاى يوجد بمكتب البريد نوعين من الكراسات احمر وازرق ولا نعرف م هو لون الكراسة المطلوبة لاسكان محدودى الدخل او الاجتماعى ولا يوجد من يعطينا اى معلومة مفيدة وايضا المبلغ الموجود للتقديم هو 9000 جنية مصرى وليس 5000 نرجوا الافادة والتوضيح
شكرا جزيلا
هتلاقي هنا بالتفصيل الفرق بين كراسة الشروط الحمراء و كراسة الشروط الزرقاء حسب ما انت هتقدم في اني مدينة
وفعلا المبلغ المطلوب 9000 جنيه ، الموضوع زي ما انت شايف من شهر يناير غير محدث لكن هنقوم بتحديثه ، حيث ان فيه كمان 125 جنيه بيتم دفعهم مصاريف استعلام
انا أمتلك شقة بأسمي وعايز أقدم علشان والدى ووالدتى وسنهم فوق ال 50 .. ينفع أقدم لهم بأسمي ؟
طلما هتقدم باسمك لازم الشروط تبقي متوافرة ، ومن ضمن الشروط ان ميكونش فيه شقة تمليك
التقديم هينتهي امته واماكن التقديم فين في القاهره واسكندرية ؟!
انا من اسكندرية بس مقيم ف القاهرة اقدم في اي محافظة؟!
التقديم في اي مكتب بريد مميكن ، فيه كمبيوتر يعني
هتلاقي خطوات التقديم في الاسكان الاجتماعي والاوراق المطلوبة بالتفصيل هنــــا
بالنسبة لمحافظة التقديم ممكن تقدم اما في محافظة السكن او محافظة العمل طلما الورق اللي هتقدمو موضوح فيه العناويين
انا من الاقصر واعمل بالغردقه وليس لي اي عقار باسمي هل ممكن اقدم اوراقي في الغردقه مكان عملي علما بان بطاقتي الشخصيه من الاقصر ؟
ماذا افعل؟
ممكن تقدم في محافظة العمل طلما الاوراق اللي هتقدمها موضح بها عنوان جهة العمل
أريد شقة أنا أعزب ساكن والدتي مطلقة وتعيش عند جدي وأنا ساكن لوحدي وأبي متزوج في سكن ومعه أولاده الآخرين.
(أنا أخ لأخي الأصغر وأختي الأكبر متزوجة )
طلما تنطبق عليك شروط التقديم ومفيش شقة تمليك باسمك قدم وبالتوفيق
انا اسمى محمد ابراهيم لو انا كنت متقدم فى الاراضى للشباب ايام مبارك وما بنتش حاجه وتم سحب الارض هل ممكن اتقدم للشقق الشباب
انا مش مامن علية ينفع اقدم
لازم شهادة التامينات للتقديم في الاسكان الاجتماعي
ممكن تعمل تامين شخصي بنفسك في مكتب التامينات
هل اللي بيعمل عمل حر شرط وجود ضامن حكومي والضامن يظل مدة ٢٠ سنة في عمله بدون اجازات
ياباشا مين قال الكلام دا ؟
اولا مفيش ضامن في شقق الاسكان الاجتماعي ، الضامن هو مرتب المتقدم ومعاشه بعد كدا خلال مدة القسط ال 20 سنة
بالنسبة للعمل الحر بتقدم السجل التجاري والبطاقة الضريبية وشهادة من محاسب قانوني بالدخل السنوي
طيب انا مش باشتغل بس جوزي شغال بره مصر وهقدم باسمي انا المفروض اقدم ورق ايه بخصوص مرتبه
بالنسبة للعاملين بالخارج بيتم تقديم شهادة دخل من جهة العمل بالخارج معتمدة من القنصلية المصرية بالدولة التى يعملون بها مصدقاً على توقيعاتها من الخارجية المصرية.
سوال اخر ….لوسمحت…..لى زميل طلع معاش مبكر.ومعاشه 650 حنيه. يعمل ايه.مع العلم السن متاسب ومتزوج وله دخل تانى(يوميه).فهل ينفع له تقديم.بضمان المعاش واﻻ ايه.؟. نرجو سيادتكم اﻻفادة.وشكرا
لو يقدر يثبت الدخل التاني او اي مصدر دخل بحيث يكون مجموع الدخل الشهري له او لاسرته (الزوج والزوجة) 1000 جنيه ، ممكن يقدم لان دا الحد الادني للتقديم في الاسكان الاجتماعي
انامن زوي الاعاقه الاوراق المطلوبه والشروط التي تناسبني اوريد الافاده الاكثر فهما لحالتي اقيم بشبر الخيمه
اصحاب الاحتياجات الخاصة هيتم تخصيص لهم 5 % من الشقق ، بس لازم شروط الاسكان الاجتماعي تنطبق عليهم للتقديم
انا متعاقد بالتربية والتعليم.ينفع اقدم
لو الحد الادني للمرتب اكتر من 1000 جنيه وباقي الشروط متوافرة ممكن تقدم
انا مطلقة ولا اعمل ينفع اقدم واتقاضى معاش والى الله يرحمة
لو المعاش اكتر من 1000 جنيه واقل من 2500 ممكن التقديم طلما باقي الشروط متوافرة
انا موظف سنى 48 سنة هل ينفع ام لا
اه ممكن التقديم ، اقصي حد للسن هو 50 سنة
انا شغال نقاش ازاى اعمل مفردات مرتب وكمان انا ساكن فى بيت والدى بس الشقة غرفة وصالة وإيصال النور بأسمى ينفع أقدم وباب التقديم هيفتح امتى
بتقدم سجل تجاري وبطاقة ضريبية وشهادة دخل سنوي من محاسب قانوني
ممكن تقدم عادي هم عايزين وصل مرافق للمكان اللي ساكن فيه حاليا
موعد طرح كراسة الشروط واستمارة التقديم 23 ابريل 2016 ، وفتح باب التقديم طول شهر مايو بداية من 3 مايو لان 1 و 2 اجازة رسمي
اسيوط موجوده !!
اه موجودة ، و هتلاقي هنــــا اخر تحديث للاماكن شقق الاسكان الاجتماعي ابريل 2016
الحمد لله انا مطابق لهذا الشروط انا عايز اعرف امتى وقت التقديم
لسه مفيش ميعاد محدد من وزارة الاسكان لكن ان شاء الله خلال شهر ابريل
خصوصا ان اراضي الاسكان الاجتماعي كراسة الشروط هتنزل في 17 ابريل
ممكن تقولي حضرتك المرتب اقصي حاجه ليه يكون كام
لو فرد اعزب الحد الاقصي 2500 جنيه
اما الحد الاقصي لمجموع دخل الاسرة الزوج والزوجة 3500 جنيه
ماهى الاوارق المطلوبة للمغتربين او مسافرين خارج مصر الرجاء التواضيح
نفس الاوراق المذكورة ، الفارق بالنسبة للمصريين العاملين خارج جمهورية مصر العربية انك بتجيب شهادة دخل من جهة العمل بالخارج معتمدة من القنصلية المصرية بالدولة التى يعملون بها مصدقاً على توقيعاتها من الخارجية المصرية.
انا بطاقتى على القاهره ومتجوزه من قريب ف المنوفيه وأعمل حاليا ف المنوفيه ولكن هنقل شغلى القاهره شهر سته هل ينفع أقدم بأسمى على شقه فى القاهره
التقديم في شقق الاسكان الاجتماعي حسب محافظة السكن او محافظة العمل ، طالما تقدري تثبتي في الورق المقدم عنوان الشغل بالقاهرة قدمي ، بس مع العلم انه طلما متزوجة بيتم ذكر بيانات الزوج والاولاد حتي لو التقديم باسمك
سبق وتركت راستفسار بتاريخ 23/03 ولم يصلني الرد
رديت علي حضرتك يافندم وقلتلك المرتب بالنسبة للفرد في الاسكان الاجتماعي حتي 2500 جنيه اما بالنسبة للحد الاقصي للسن هو 50 سنة ، لو السن اكبر من كدا ممكن تقدم في البنك علي طلب قرض لشراء شقة بضمان المعاش
لو سمحت انا عندي طفلة ومطلقة ممكن التقديم تبع المحافظة اللي بطاقتي مسجلة بيها دمياط ولا محل اقامتي حاليا الدقهليه … مفيش دخل ثابت حاليا يتم اثباته
هل من الممكن النفقة تكون اثبات بالنسبة للنقطة دي كمصدر دخل ؟
حسب العنوان المسجل في البطاقة ، طلما ممكن اثبات مبلغ النفقة ممكن تقدمه كمصدر للدخل
طيب انا مش موظف ولا عندى ورشه ولا اى حاجه غير رخصه قياده اعمل ايه علشان احصل على شقه
بالنسبة للمهن الحرة او السائقين بتجيب شهادة دخل سنوي من محاسب قانوني
والضامن الحكومي شروطه ايه
مفيش ضامن في شقق الاسكان الاجتماعي ، الضمان هو مرتب المتقدم ، سواء كان يعمل قطاع عام او خاص
لو سمحت انا بطاقتى على القاهرة متزوجه واعمل براتب 1500 ج بدون تامينات ولكن زوجى موظف بالشرقية ممكن اقدم باسمى على القاهرة ومفردات راتب لى ومفرادات راتب زوجى وتأميناتها علماً بأن مكان عمل الزوج وشهادات ميلاد الاولاد الشرقية ارجو الافادة ولكم جزيل الشكر
ممكن التقديم سواء في محافظة السكن او محافظة العمل ، ممكن تقدمي باسمك عادي بس لازم يتم ذكر بيانات الزوج والزوجة والاولاد
لو سمحت ينفع احجز باسمي علي مرتبي انا متزوجة وعندي طفلين وتنطبق علي الشروط وهل هيضيفوا مرتب زوجي علي مرتبي عند الحجز ولا هيعاملوني كفرد
لا طلما متزوجة يبقي لازم ذكر بينات الزوج والاطفال لو فيه حتي لو هتقدمي باسمك
أنا ربة منزل هل من حقى اقدم في هذه الشقق اللي تابعة لوزارة الإسكان
ممكن التقديم لو فيه دخل ثابت او معاش ممكن اثباته
الحد الادنى للقسط كام
480 جنيه ، عامة البنك بيحدد القسط حسب المرتب
الشروط والمواصفات للمرحله المقبله امته
لسه مفيش كلام عن الميعاد لان المرحلة دي تم تاجيلها بحيث يكون الاعلان مجمع لاكبر عدد من الشقق والمحافظات ، احتمال كبير ينزل الاعلان في شهر ابريل 2016
طب معلش سؤال تانى هو ينفع انا كمستحق لمعاش عن والدى بس هو انا نصيبى فيه مش 950 والمعاش نفسه 2500 ينفع اقدم ولا ايه
الحد الادي 950 جنيه ممكن تقدم طلما باقي الشروط متوافرة
الحمد لله اقدر اقول اني مطابق الشروط …سؤالي التقديم والاستلام أمتي بيكون ؟
التقديم لسه وزارة الاسكان محددتش موعد محدد شكلها كدا في تاجيل تاني لحد شهر ابريل لكن عموما هي قريب ان شاء الله
بالنسبة للتسليم بيكون خلال 4 ل 6 حسب الاستعلام من البنك عن المتقدمين والوحدات تم الانتهاء منها ام لا
ممكن ابنى المهندس عمرو يقدم للحصول على شقة فى هذا الموضوع مع العلم انه يعمل فى شركة هندسية بمرتب 1500 ج و و انا والده يمتللك قطعة ارض اسكان عائلى فى ابو الهول و لكنى متعثر فى البناء لكثرة التكلفة
تحياتى
اه طلما هو مش حاصل علي شقة او ارض ممكن يقدم عادي
طيب هواخر ميعاد للتقديم امتا
لسه التقديم مبتداش حتي الان ، وعامة لما يتم فتح باب التقديم بيستمر لمدة شهر
انا حاصل على قرض حاليا من بنك القاهره هل هذا يمنعنى من التقدم للحصول على شقه
لو الضمان هو المرتب او المرتب متحول لبنك القاهرة يبقي لا مش هينفع
هل يتم رفض المسافر بالخارج عند تقديمه على وحده سكنيه
ممكن يقدم في الاسكان الاجتماعي طلما باقي الشروط متوافرة
كيفية اثبات دخل للمسافرين بالخارج مع العلم انه مستوفي لجميع شروط التقديم
شهادة مفردات المرتب او الدخل السنوي من الشركة او مكان العمل مثبت بها تاريخ بداية العمل
انا من الفيوم واعمل بشركه مقرها بالقاهره ينفع اقدم فى الشروق او التجمع الخامس او العاشر
اه ممكن التقديم حسب السكن المثبت في البطاقة ، او حسب مكان العمل
مقر الشركه بالقاهره مصر الجديده وعملى غير ثابت فى مواقع الشركه ودائم التنقل بحكم الوظيفه بمواقع الشركه داخل وخارج القاهره لكن مقر الشركه ثابت بالقاهره بشيراتون المطار فهل ينفع اقدم فى الشروق او التجمع الخامس او العبور
طلما مقر سكنك في القاهرة او مقر الشركة الثابت في القاهرة ممكن تقدم عادي سواء في الشروق او 15 مايو ، مفيش وحدات في العبور او التجمع الخامس حاليا
هل اﻻولويه لساكن المحافظه ام الذى يعمل بها ام اﻻثنين سواء مع العلم انى اعمل بالشركه. حوالى 17 سنه والتامينات تثبت ذلك من 1999
سواء الساكن او مكان العمل ، الاولوية بتبقي للاسرة والاكثر احتياجا للشقة والمرتب
انا حاليا في الجيش ومش مامن عليه ولا ليه داخل معين لاني كاتت بدرس قبل الجيش اي موقفي
لازم وظيفة ومصدر دخل ثابت لانه هو بيكون الضمان بالنسبة للبنك
طيب انا كونت مشترى شقة وكنت كاتبها بي أسمى فى بنك التعمير والإسكان ولكن اتنزلت عنه لشخص آخر وحالين معنديش شقة بسمى مع العلم انى مستفتش بي اى تمويل من الدولة
لو فيه ورق يثبت الموضوع دا قدم وبالتوفيق
انامدرسة وعاملة إجازة سنوية تخلص شهر 9 القادم ينفع أقدم باسمي ؟ ومش فاهمة شهادةالتامينات دي أجيبها ازايو هل مطلوب أوراق توضح دخل الزوج ضمن الأوراق مع العلم هو صاحب حرفة
ممكن تقدمي عادي
لكن طلما متزوجة لازم ذكر بيانات الزوج وذكر اجمالي دخل الاسرة وما يثبت ذلك
بالنسبة لشهادة التامينات بتتجاب عادي من مكتب التامينات التابعة له
والله والله بنك الاسكان بالشروق ماعنده فكرة نهاءيا وشكل الموصوع بمب
صادق من غير حلفان :)) هو الوزارة فعلا اجلت الاعلان لشهر مارس اللي جي لانهم اتاخرو في الاجراءات ، لكن الاعلان اكيد هو بس موعده بالضبط لسه ، انت عارف شغل الحكومة بقي
انا عندى 49 سنة ولم احصل على اى شقق او ارض من الاسكان الاجتماعى هل يحق لى التقدم للحصول على شقة ولا سنى يكون عائق للحصول على شقة اما باقى الشروط مستوفاه
السن حتي 50 سنة يعني ممكن تقدم في الاعلان دا عادي طلما باقي الشروط مستوفاه
ممكن اعرف اخر ميعاد للتقديم لمدينه الدلنجات بحيره وهل التقديم مرتبط بمواعيد
التقديم لسه متفتحش رسميا لكن عموما هو هيبقي لمدة شهر ، يعني طوال شهر مارس
ينفع واحده مش متزوجه تقدم باسم والدها وهى تضمنه وتبقى المسئوله امام الجهاز بالسداد
العازب او العازبة ممكن يقدم باسمه عادي في الاسكان الاجتماعي طلما الشروط متوافرة ، لكن مفيش ضامن في المشروع ، لازم اللي متقدم يكون الشروط متوافرة فيه
طيب ينفع اعمل طلب تحويل حجز الشقه من مدينه القاهره الجديده الي مدينه العبور عشان اقدر استفيد من اسبقيه الحجز وعدم سحب المقدم
ممكن لكن العملية حسب الوحدات المتاحة في العبور ، ممكن تسال في جهاز المدينة هناك
لو سمحت احنا كنا مقدمين في شهر٨ واتصلت بالبنك قالو نروح نسال في الفرع الرءيسى لو الاوراق مستوفاه ولا لا ولقناها مستوفاه وقالو في شخص هايجي يستعلم عننا اللي عايزه اعرفه احنا كده هناخد شقه ولا لا مع العلم انه عرفنا ان الوزير سلم شقق للاواءل في المرحله دي..ارجوك تفهمني ….
ممكن تستعلم عن موقفك بالضبط من خلال صندوق التمويل العقاري من هنـــــا
لو سمحت انا كنت مقدم في اعلان الاقاهره الجديده اللي فات وتم قبول اوراقي ووضعي ف الاولويات وعاوز اقدم ف الاعلان الجديد اللي نازل في مدينه العبور هل اقوم بسحب اوراقي والتقدم من جديد ولا اقدم طلب تحويل لمدينه العبور وهل لو حولت للعبور هيبقي ليا اولويه في الحصول ع الشقه لعدم سحب المقدم
حاول تتواصل مع صندوق التمويل العقاري و تستعلم عن موقفك بالضبط
ولو شايف فرصتك في مدينة العبور افضل يبقي اسحب المقدم وقدم في الاعلان الجديد
مع العلم ان الاولوية ممكن تختلف حسب اعداد المتقدمين بمعني مش هتبقي نفس الترتيب ممكن في ترتيب احسن او اسوا حسب الاعداد في العبور
هل شقق الاسكان الاجتماعي ذات سعر ثابت في كل المدن ولا سعر الشقه يتغير بتغير المدينه
المساحة 90 متر والسعر ثابت في كل المدن حسب اخر تصريح من وزارة الاسكان اجمالي سعر شقة الاسكان الاجتماعي هو 135 الف جنيه
هل يحق للزوجه التقدم بطلب شقه بضمان وظيفه الزوج مع العلم بان الاسره لم تتملك وحده من قبل والزوجه غير عامله
ممكن تقدم باسمها لكن لازم هيتم ذكر دخل الاسرة سواء الزوج او الزوجة ضمن الاوراق المطلوبة
طيب هل لازم اعمل تامين للزوجه ولا تامين الزوج ووظيفته يكفي مع التاكيد بان الزوجه ربه منزل غير عامله
لا يكفي وظيفة ومرتب الزوج ، طلما الزوجة ربة منزل
حضرتك هو لسه مكتبناش الكتاب ينفع يقدم والشغل ف شركه خاصه وغير مؤمن عليه ينفع نقدم ولا اي
عامة المتزوجين ليهم افضليه في شقق الاسكان الاجتماعي اكثر من غير المتزوجين او الافراد
لازم تامينات او علي الاقل تقديم مفردات المرتب من الشركة ، وممكن يعمل تامينات لاحقا
لو سمحت دلوقتي انا رحت بنك الاسكان والتعمير قالي معندناش اي معلومات عن ابمشروه والتقديم عن طريق مكتب البريد وبرضه مكتب البريد قالي انه معندوش اي معلومات اجب اعرف بقي مين يفيدني والتقديم فين
هو رسميا لسه مفيش اعلان نزل في الجرايد حتي اليوم ، لكن ان شاء الله خلال ايام هيتم نشر الاعلان وعموما التقديم هيتم طوال شهر مارس 2016
بالنسبة للمعلومات هتلاقي الشروط وطريقة التقديم ولو في سؤال ممكن الاستفسار من وزارة الاسكان او موقع صندوق التمويل العقاري
اشمعنا انا مش بترده على استفساراتي بعتلكم كذا مر وما بتردوش عليا
يا استاذ يوحنا حضرتك ارسلت تعليقين في موضوع دا هنا ” تفاصيل اعلان شقق الاسكان الاجتماعي فبراير 2016 الشروط وطريقة التقديم ” وتم الرد عليهم احنا بنرد علي كل التعليقات اللي بتجيلنا واهلا بيك ديما في خمس خطوات
انا بسافر بره ومش عندي تامين اعمل ايه
ممكن تأمن علي نفسك وتجيب شهادة من محاسب قانوني بمرتبك
السلام عليكم ورحمة الله وبركاتوا
انا مقيم فى المملكة العربية السعودية وتقدمت زوجتي بالتقديم فى الاسكان وتم قبول اوراقها وطلب منها الجهاز اثبات دخل الزوج او شهادة دخل فهل ارسل لها خطاب تعريف راتب مصدق ام ماذا نقعل
اه او اي وثيقة مختومة من مكان عملك المهم يكون موضح فيها صافي المرتب وتاريخ بداية عملك في مكان العمل
بالنسبه لو شاب غير متزوج يسمح له بالتقديم وبنفس الشروط ومن فضلك هل العاشر من رمضان من ضمن المحافظات من فضلك الرد وشكرا
اه ممكن العازب يقدم في الاسكان الاجتماعي الفرق في الحد الاقصي للمرتب للفرد يكون 2250 ، لكن باقي الشروط كما هي ، وان شاء الله هيبقي في وحدات في العاشر من رمضان ومحافظة الشرقية
ممكن استفسار
اهلا بيك اكتب لنا الاستفسار هنا او راسلنا علي الفيس بوك
https://www.facebook.com/5khtawat
انا بشتغل حر ومش متأمن على وقدمت شهادة من محاسب وبعد سنة من التقديم بنك الاسكان قالى لازم تأمين هل ده صحيح ارجو الافادة
اه التامينات من الاوراق المطلوبة للتقديم
لو سمحت مقصود من التامين. ياعنى ينفع تامين شخصى فى حلاة العمل مش مامن على جوزى ارجو الرد .شكرا مقدما
لو هو بيدفع لنفسه ممكن يجيب ورقة من التامينات عادي ويقدمها
انا كنت كاتب انى عندى شقة مساكن قديمة شاريها مش مخصصة ليا هل يجوز اقدم ولا لاء
سواء باسمى او اسم مراتى
وشكرا جزيلا
لو عندك شقة تمليك مش هينفع تحصل علي شقة اسكان اجتماعي
انا شغال فى السعودية اقدر اقدم فيها
اه ممكن طلما باقي الشروط متوافرة
انا موظف بمرتب حوالي 2500 وزوجتي نفس الكلام ينفع اقدم ولا لا
وامتي الاعلان تقريبا وشكرا
من شروط الاسكان الاجتماعي ان مجموع مرتب الاسرة لا يزيد عن 3000 جنيه
الاعلان مفروض خلال ايام في شهر فبراير الحالي حسب تصريحات وزير الاسكان
واستلم فلوسى ازاى لو الشقة ماجتش وبعد اد ايةاقصى فترة للقرعة
بتستلم الفلوس من بنك التعمير والاسكان ، وحاليا في الاسكان الاجتماعي بيتم التخصيص حسب الترتيب الاشد في الحاجة للشقة بدون قرعة
انا شغال شغلتين واحدة متآمن عليا فيها والتانية خاصة واللى متامن عليا فيها مرتبها ٧٠٠ج فقط
هو انا لو قدمت بمفردات مرتب وحدة ممكن يستقلوا ال٧٠٠ جنية ويرفضوا يدهانى عشان ماقدرش ادفع القسط ولا مافيش حد ادنى للمرتب علشان يعزز موقفى
ثانيا هو انا لو اخدت الشقة ماينفعش اخد بعد كدة قرض من الصندوق الاجتماعى ؟
وشكرا جزيلا
ممكن تقدم عادي وتذكر ان فيه مصدر دخل تاني وهم عموما بعملو فحص حالة وبيراجعو البيانات مع الشغل
لا لان الضمان في الحالة دي هو المرتب وبالتالي مينفعش تاخد قرض تاني عليه
طب العاشر من رمضان فيها شقق مع المشروع ده
الوزارة محددتش العاشر من رمضان في الاعلان فبراير ، لكن عامة فيه شقق في محافظة الشرقية ضمن الاعلان الحالي
مفيش أي حاجه بكفرالشيخ ينوبكوا ثواب
لا مفيش في اعلان فبراير ، لكن ان شاء الله باقي المحافظات هيكون ليها نصيب في الاعلان اللي جي في شهر ابرايل او مايو 2016
هو فى اى شئ تانى هندفعه بعد ال5100 ج بخلاف القسط الشهرى ؟ من ضمن اللى قريته انى فى استكمال للمبلغ 15% فهل ده صحيح ولا ايه ارجو التوضيح ولو صحيح ال15% دول يطلعو بكام ؟
اه فيه مقدم عند استلام الشقة ، لكن بالنسبة للاعلان الجديد لسه مفيش تفاصيل
عموما ممكن تشوف تصريحات وزير الاسكان عن الاعلان السابق بيشرح ثمن واقساط شقق الاسكان الاجتماعي هنـــا
عايز اعرف ميعاد التقديم بتاع شهر فبراير الحالى يوم كام بالظبط ؟ وايه شهادة التامينات الاجتماعيه تخص ايه يعنى ؟
مفيش ميعاد محدد من الوزارة لكن ان شاء الله خلال اسبوعين
بتجيب شهادة من التامينات انك متأمين عليك مع ذكر تاريخ بداية التامين
بس انا مش متأمن عليا خالص
اعمل ايه بدل التامينات ؟
للاسف مفيش بديل هو الورقة من المستندات المطلوبة للتقديم
حد اقصي المرتب كام وحد ادني كام
مفيش حد ادني ، لكن الحد الاقصي لمرتب الاسرة هو 3000 جنيه
هو ليه مفيش اعلان نزل فى الجرائد الحكومية بخصوص الشقق
لسه وزارة الاسكان وبنك الاسكان منتهتشوش من الاجراءات ان شاء الله خلال الاسبوعين اللي جيين هيتم نشر الاعلان واستمارة التقديم
هل يحق للزوجه الموظفة التقديم باسمها لخجز الشقة
اه ممكن الزوجة تقدم باسمها عادي
انا روحت سالت فى بنك التعمير والاسكان قالى مفيش حجز حاليا
لسه الاعلان رسميا منزلش زي ما قلنا في الموضوع خلال ايام قليلة هتنزل استمارة التقديم في الجرايد والنت ويتم فتح باب التقديم
انا عنوان عملي العبور قليوبية وبطاقتي القاهرة ينفع اقدم وساكن في شقة ايجار بس عندي فاتورة تليفون بأسمي علي العنوان اقدم ازاي ايصال مرافق وهو مش بأسمي والمرتب يكون كامفي مفردات المرتب
تقدر تقدم في المحافظة حسب عنوان سكنك او عنوان العمل بس تقدم ما يثبت العنوان ، بالنسبة لايصال المرافق ممكن تقدم الايصال المتوافر ومعاه فاتورة تليفون ، هم عايزين ما يثبت انك ساكن في العنوان اللي هتكتبه
انى معايه كليه تجاره بس شغال في السعودية كهربائي ودخلى كويس جدا وخاطب ومعنديش شقة وعاوز أقدم بس مشعارفين نروح فين
التقديم زي ماوضحنا في الموضوع في نقطة طريقة التقديم في شقق الاسكان الاجتماعي ، اما استمارة النقديم نفسها ان شاء الله هتنزل الاسبوع القادم وهتبقي في الجرايد وعلي النت
شكرا على سرعه الرد وجزاك الله خيرا
العفو اهلا بيك وان شاء الله بالتوفيق
انا سمعت ان اعلان فبراير لن يكون به القاهره ولو هذا صحيح هل لى فرصه اخرى لان سنى سوف يكون اكثر من 45 عاما وانا معى شهاده من محاسب قانونى بصافى الدخل ولكن ليس عندى تامينات اجتماعيه فهل استطيع التقديم ام لا وشكرا للمتابعه
اه لم يتم ذكر محافظة القاهرة او الجيزة في اعلان شهر فبراير
عموما بعد شهور قليلة هيتم الاعلان عن اعلان اخر للقاهرة والجيزة حسب ما يتم الانتهاء من الوحدات ممكن تقدم فيها عادي طلما السن 45 في 2016 ، او ممكن حد من افراد الاسرة يقدم باسمه
انا سوف اتم 45 عاما فى 8 3 2016 واعمل عمل حر ومعى شهاده من محاسب قانونى بالدخل ومتزوج واعول ومن القاهره هل لى فرصه ارجو الرد
اه ان شاء الله تقدر تقدم في الاعلان اللي جي في شهر فبراير الحالي
هل من حقى بعد ما أستلم الشقة انى ابيعها أو أؤجرها و لا لازم أستنى 15 سن لحد ما القسط يخلص
لا لازم تكون مسدد الاقساط الاول ، او بيتم التنازل عن الشقة لصالح البنك
لو سمحت – هل من حقى بعد ما أنجح فى القرعة و استلم الشقة أنى أبعها أو أءجرها و لا لازم أستنى 15 سنة لحد ما الأقساط تندفع كاملة
لا لازم تكون مسدد الاقساط ، او بيتم التنازل عن الشقة لصالح البنك
ولو هتنازل عن الشقة لصالح البنك
كده هبعها زى اى حد ابيعله الشقة ولا هاخد الفلوس اللى دفعتها
هتسترد الفلوس اللي دفعتها حتي وقت التنازل ، متقدر تتصرف في الشقة طلما لسه عليها اقساط للبنك