مع الحاجة الي تحويل الاموال و ارسالها بغرض الاعمال او للاهل من بلد لاخر ، نوضح لكم اسهل طرق تحويل الاموال داخل مصر و خارج مصر و ماهي طريقة استلام المبالغ المالية بالدولار و العملات الاخري ، و طرق ارسال الاموال لمصر من السعودية والدول العربية.
ارسال الاموال من خارج مصر عن طريق الحوالة البنكية لاحد البنوك المصرية
تعد هذه الطريقة هي الاشهر في مصر و ان كانت تتميز بالبطئ الي حد ما ، الا انها الآمن والاسهل حيث تتيح ميزة ارسال الاموال عن طريق الحوالة البنكية ارسال الاموال لاى شخص فى اى مكان دون ان يكون له حساب بنكى فى نفس البنك المرسل منه او اليه ، وتختلف رسوم تحويل المبلغ حسب كل بنك و حجم المبلغ وعادة ما تبدأ من 5 دولار من اجمالى المبلغ.
اما عن طريقة الاستلام فهي تكون ببطاقة الرقم القومي علي البنك المرسل اليه المبلغ ، وحاليا تعرض البنوك تسليم المبلغ بالجنيه بسبب نقص الدولار والعملات الاخري الا انه يمكن للمستلم الاصرار علي استلام الحوالة البنكية بالدولار او بالعملة المرسل بها المبلغ.
تحويل الاموال عن طريق الايداع البنكي
اما عن طريقة الايداع البنكي فهي ارسال مبلغ من المال من حساب في البنك الي حساب اخر سواء داخل مصر او خارج مصر ، وبالتأكيد فانك تحتاج الي حساب بنكي لاجراء هذا التحويل او الايداع ، وتتميز هذه الطريقة بانها مجانية في معظم البنوك ويمكنك التأكد من وصول المبلغ الي الحساب الاخر.
والطرف الاخر سيجد المبلغ في حسابه خلال نفس اليوم اذا كان التحويل داخل مصر ، اما من خارج مصر فقد يأخد التحويل يوم الي يومين عمل ، وهنا يجب التذكر بالاحتفاظ بايصال الايداع و ايصال السحب من البنك .
ارسال المرتب عن طريق التحويل البريدى او الحوالة البريدية
وهي من اقدم الطرق المعروفة لارسال الاموال و المبالغ المالية الصغيرة والمتوسط داخل مصر و عبر المحافظات حيث يتم الاستلام في نفس اليوم من مكاتب البريد المختلفة في المحافظات ببطاقة الرقم القومي ، اما عن رسوم الحوالة البريدية فهي 1 % من قيمة المبلغ المرسل.
خدمة البنك الاهلي لارسال الاموال عن طريق الموبايل ” الموبيل بانكينج Mobile Banking “
وفي خدمة جديدة من البنك الاهلي المصري ، يمكنكم ارسال الاموال عن طريق الموبايل وتحويلها من خارج مصر الي داخل مصر عن طريق عمل حساب في البنك الاهلي ومن خلال استخدام اكواد سرية عبر الهاتف الشخصي و اجراء العمليات البنكية المختلفة ، الا ان هذه الخدمة متاحة بالجنيه المصري فقط حتي الان ، اما عن ميزتها الاساسية فهي العمل طوال ايام الاسبوع وفي الاعياد والاجازات ايضا .
كما تتوافر نفس الخدمة في باقي البنوك الحكومية في مصر وهي بنك مصر وبنك القاهرة بنفس المميزات والشروط وباختلاف بسيط في الرسوم على التحويلات.
ارسال الاموال عن طريق فودافون كاش و اورانج ماني و اتصالات فلوس
اما عن امكانية ارسال المبالغ المالية عبر شبكات المحمول في مصر ، فنجد ان كل شبكة تتيح ارسال الاموال من خلال خدمة معينة فنجد شبكة فودافون خدمة فودافون كاش ، وكذلك اورانج ماني و اتصالات فلوس ، ويتم الاشتراك بهذه الخدمات عن طريقة التوجه الي اقرب فرع للشركة ومعك خط الشركة مسجل باسمك و بطاقة الرقم القومي سارية ، ومن خلال الخدمة يمكنك تحويل المبالغ المالية الي الاخرين حتي وان لم يكونوا مشتركين في خدمة فودافون كاش او غيرها حيث يتم استلام المبلغ ببطاقة الرقم القومي من اقرب فرع ، و رسوم التحويل تبدأ من 2 % من اجمالى اى مبلغ تقوم بتحويله ، مع العلم ان هذه الخدمة تعمل داخل مصر فقط.
نقل الاموال و المبالغ الكبيرة عن طريق شركات نقل الاموال الخاصة
اما اذا كنت تريد نقل مبلغ مالي كبير من محافظة الي اخري داخل مصر فيمكنك التعاقد مع احدي شركات نقل الاموال الخاصة والتي تنقل المبلغ المالي في سيارة مصفحة و مع حراسة مسلحة ، و هذه الخدمة بالطبع لنقل المبالغ المالية الكبيرة التي يصعب نقلها بالطرق العادية وايضا صالحة لاصحاب الشركات والمصانع ورجال الاعمال وغيرهم ممن يجدون صعوبة في التنقل بمبالغ مالية كبيرة بين المحافظات.
ارسال الاموال عن طريق ويسترن يونيون من خارج مصر وطريقة استلامها
تعتبر شركة ويسترن يونيون “Western Union” هي احد اكبر شركات نقل الاموال في العالم عبر الدول ، خاصة في منطقة الخليج ومصر والشرق الاوسط ، وتتميز بسرعتها حيث يمكن استلام المبلغ فور ارساله بدقائق وبنفس العملة المرسل بها المبلغ او بالدولار ، الا ان عيوب شركة ويسترن يونيون هي الرسوم المرتفعة خاصة للمبالغ الصغيرة والمتوسطة اذ تصلح الخدمة اكثر للمبالغ الكبيرة او من يريد استلام المبلغ في اسرع وقت.
اما عن طريقة الاستلام فيجب ان يكون الاسم في بطاقة الرقم القومي مطابق تماما لاسم المرسل اليه ، كذلك ان تكون البطاقة سارية ، و التأكيد علي رقم الحوالة او رقم MTCN وحاليا تعمل معظم فروع ويسترن يونيون طوال الاسبوع في مصر.
وشاهد من هنـــــــــــــــــــــا قيمة
المبلغ المسموح السفر به من وإلى مصر وكذلك كمية الذهب والمجوهرات المسموح حملها
في موقع خمس خطوات ، نقدم لكم متابعة جيدة للشأن المصري والعربي والعالمي ، والاخبار السياسية والاقتصادية والبنوك في مصر والوطن العربي اهم النصائح والارشادات ومتابعة جيدة للتطورات الجارية.
جايلى حواله من الخارج على بنك مصر ممكن استلمها من اى فرع من فروع البنك من اى محافظه فى مصر
اه ممكن من اي فرع للبنك
واحد حاول يعملي تحويل بنكي بمبلغ من فرنسا علي كارت ميزة البنك الأهلي بس قالي ان الفيزا لا تقبل التحويل ؟؟
بالنسبة للتحويل على بطاقة ميزة من الخارج بتزود ارقام على رقم على الكارت بتبقي مثلا 3 اصفار قبل رقم الكارت نفسه ، بحيث تكون رقم حساب بنكي ، ممكن تتصل بخدمة عملاء البنك لكن الرقم مختلف من بنك لاخر
انا لو بقدم خدمات اونلاين ازاي استقبل اموالي من العملاء
معايا ماستر كارد البنك الاهلي
ادبعتله رقم بطاقة الماستر (الرقم الطويل )ده وهوا يبعت عليه ولا ازاي؟؟
فيه كذا طريقة للموضوع دا لو البنك بتاع العميل بيسمح ممكن يحول على رقم الماستر كارت مباشرة اه
اما بشكل عام ممكن يحولك المبلغ على حساب في البنك الاهلي بتديله رقم الحساب والسويفت كود بتاعك فرع البنك
وممكن عن طريق الباي بال بتعمل حساب والعملاء يحولو الفلوس عليه وبعد كدا انت تسحب الفلوس من الباي بال على الكارد بس بتبقي بتكلفة ازيد من التحويل البنكي مباشرة
هو فى رسوم تحويل فلوس من حساب فى بنك القاهرة لحساب فى البنك الاهلى ؟
رسوم التحويل بين فروع البنوك المختلفة داخل مصر بتكون في حدود 0.2% من المبلغ الحد الأدنى 20 جنيه والحد الأقصى 250 جنيه على المبلغ كله
اسرع طريقة لتحويل فلوس من الكويت لمصر وافضل بنوك للتعامل ولازم الطرفين يكون معاهم فيزا ولا؟
اسرع طريقة حاليا عبر فروع ويسترن يونيون بس فيها رسوم عالية مقارنة بالبنوك زي البنك الاهلي مثلا
هم بيتم الارسال بالباسبور والاستقبال في مصر خلال نصف ساعة ، وفي مصر يفضل الذهاب لفروع ويسترن في فروع البنك الافريقي العربي او بنك اسكندرية للامان وسهولة التحويل للجنيه المصري داخل البنك والاستلام بالبطاقة او الباسبور ومش لازم فيزا لاي طرف لا
ازاي احول من حسابي في البنك الاهلي لحساب ببنك في انجلترا ؟
من خلال الشباك عادي بس لازم يكون معاك رقم الحساب اللى هتحوله ورقم السويفت كود swift code بتاع البنك اللى هتحول له ، وراجع شروط البنك اللى هتحوله بحيث يكون بيقبل العملة اللى هتحول بيها
اسرع طريقه لتحويل مبلغ من المغرب الي مصر
اسرع طريقة هي ويستيرن يونيون بس في نفس الوقت هي اغلى في التكلفة
انا أُرسل لي مبلغ من مصر للمغرب عن طريق الحوالة البنكية لكن تم التعامل مع ويسترن يونيون فكيف سأستلم الفلوس و أين؟ هل يستلزم كود MTCN او فقط البطاقة الشخصية
من فضلك
لازم الاثنين الكود والبطاقة الشخصية وتذهبي لاقرب فرع ويسترن يونيون او في فروع بنك اسكندرية او الافريقي العربي المتواجد بها خدمة ويسترن
لو حد باعت حواله ليه من السعوديه علي بنك مصر اعرف انه وصلت ازاي
ممكن من البنك المرسل منه الاستعلام هل تم استلامها ام لا ، او الاستعلام في مصر بالتليفون من خدمة عملاء بنك مصر أو الفرع مباشرة
انا روحت البنك الأهلي قابلني موظف قولتله عايز أحول ٢٢٥٠ فلوس تذكره طيران يالهوووي حسسني اني عايز اطلع مليون دولار خارج البلد ويقولي فاتوره وصوره التذكره وهنعمل استعلام والفلوس لازم تودعها في الحساب بنفس العمله اللي هتوصل هناك (الريال السعودي) وانا اقوله ده انا هديك دولار تقولي لا لازم ريال ويقولي احنا نمشي على النظام والاجراء المتبع
بصراحه موظف ضايع وفكرت اخش لمديره بس قولت حرام لاني عميل بلاتنيوم في البنك الأهلي المصري فعلا هيخربوها
لو سمحت لو حد هيشحنلى مبلغ كبير عن طريق شركة شحن فيه مشكله وايه موضوع الجمارك على الاموال وكيفية دفع الجمارك واماكن الدفع وكيفية حساب الجمارك
مفيش جمارك على الاموال في حد ذاتها لكن ممكن الجمرك يرفض دخول الطرد او يحرزه لحين معرفة مصدر الاموال
وهل الشركة متخصصة في الموضوع دا ؟؟ لان معظم شركات الشحن بترفض شحن طرد فيه مبلغ أو شيكات
اسهل واسرع طريقة احول مبلغ لشخص باسماعيلية انا بالقاهرة وانا اتصالات وهو فودافون ايه الحل
حوالة بريدية ممكن يستلمها من مكتب البريد بالبطاقة في نفس اليوم
لو بالموبايل يبقي لازم واحد فيكم يشتري خط تبع نفس الشركة
عايز احول من مصر الي لبنان اسهل طريقه ازاي
حوالة بنكية ومعظم البنوك الخاصة في مصر ليها فروع في لبنان زي
اما من حيث سرعة الارسال فممكن عبر ويستيرن يونيون بس التكلفة بتكون اعلى
انا بعت حواله بنكيه من الامارات لمصر لشخص لم اعرف عنه سوا اسمه ورقم موبايلي بغرض شراء شى ما وقام بالنصب عليه كيف اعرف بياناته
لو لسه مستلمهاش ممكن تلغي الحواله في البنك
اما لو خلاص استلامها مفيش غير الحلول القانونية تعمل محضر اثبات حالة في الامارت واي حد بتوكيل في مصر يقدملك بلاغ ضده وخصوصا انه عند الاستلام لازم البنك بياخد صورة من بطاقته وبياناته بالكامل النيابة هتحصل عليها
لو عايزه احول لشخص فى السعوديه حواله مااسهل طريقه
ممكن تحوله من خلال البنوك المصرية سواء البنك الاهلي أو بنك مصر أو بنك فيصل الاسلامي في مصر ويستلم هو من بنك الراجحي في السعودية
أو ممكن ويسترن يونيون من مصر للسعودية بس بيبقي غالي عن تحويلات البنوك
عاوز احول فلوس لحد فى المغرب مش مصرى وغير ويستر يونيون
بيتم عمل تحويل بنكي من خلال البنك الاهلي او بنك مصر .. او البنوك الخاصة بس برسوم اعلى
لو عنده حساب في احد البنوك المغربية قم باخذ البيانات والسويفت كود الخاص به للارسال عليه ، في حالة عدم وجود حساب بيتم الاستلام برقم الهوية او الباسبور
لو حد هيبعتلي حواله ب100الف دولار ع البنك الاهلي عادي ولا فيها مشاكل وكده ولا لازم اقل من كده ارجو الرد
عادي طلما البيانات صحيحة ، هو بس هيبقي في اجراءات استعلام ، ولو لك حساب في البنك وتعاملات عليه مش هتطول الاجراءات دي
هل هناك امكانية لتحويل الاموال الى المغرب
ممكن التحويل من مصر للمغرب سواء من خلال حواله بنكية أو عبر ويسترن يونيون ، لو حواله بنكية للمغرب يفضل تكون على رقم حساب بنكي هناك وتكون معاك بياناته ، لو بويسترن يونيون بيكون ببيانات بطاقة الهوية او الباسبور
لو حد هيبعتلي فلوس من أوربا باليورو لوز استلمهم في مصر باايور ازاي وأي شركة
ممكن من خلال حوالة بنكية على البنك الاهلي المصري بالبطاقة او اي بنك تاني لك حساب فيه ، وممكن من خلال فروع شركة ويستيرن يونيون بس التحويل والاستلام هيبقي بالدولار
لو انا بعت فلوس من بنك مصر ل بنك برا مصر واكتشفت انى بعت على رقم حساب غلط
ممكن ايقاف او تعديل التحويل من البنك اللى ارسلت منه