اعلن صندوق التمويل العقاري تخصيص رقم واتس اب للاستعلام عن طلب شقق الاسكان الاجتماعي 2024 بعد التقديم ، وتحديد موعد تسديد باقي المقدم كما يمكن للمواطنين الاستعلام من خلال ارقام الخط الساخن لصندوق التمويل العقاري وايضا موقع الصندوق الرسمي.
طرق الاستعلام عن شقق الاسكان الاجتماعي 2024 بعد التقديم
واعلنت مي عبد الحميد المدير التنفيذى لصندوق الإسكان الاجتماعى، ورئيس صندوق التمويل العقاري انه يمكن للمواطنين الذين قدموا في شقق الاسكان الاجتماعي متابعة الطلب المقدم ، والاستعلام عن شقق الاسكان الاجتماعي 2024 وحالة الطلب عن طريق الموقع الرسمي لصندوق التمويل العقاري التالي
حيث يمكنكم الاستعلام بالرقم القومي حيث ستجدون خانة متابعـــة الطلـــب أدخل الرقم القومي في يمين الموقع ثم الضغط علي ادخل.
ارقام الاستعلام عن شقق الاسكان الاجتماعي 2024 وحالة طلب الشقة
كما يمكنكم الاتصال عبر ارقام تليفونات صندوق التمويل العقاري من خلال الخط الساخن لصندوق التمويل العقاري عن طريق الاتصال برقم 5777 – 5999 – 1188 – (من 9 صباحا – إلى 9 مساء) أو رقم صندوق التمويل العقاري علي التليفون الارضي 090071117 .
تخصيص رقم واتس اب للاستعلام عن حالة طلب شقق الاسكان الاجتماعي مايو 2024
كما سيتم خلال اسابيع قليلة إطلاق خدمة واتس آب من الصندوق العقاري والاسكان الاجتماعي بحيث يتم تخصيص رقم تليفون محمول، وذلك لاستعلام المواطنين المتقدمين للوحدات السكنية، بدلاً من الاتصال بارقام التليفونات اعلي.
حيث سيتم استقبال اسم المواطن والرقم القومى الخاص به واسم المدينة فى رسالة يتم إرسالها على رقم الـ”واتس آب” المخصص، وسيتم الرد عليه برسالة أخرى تبين له حالة طلبه، بمعنى أن الرسالة ستوضح للمواطن حالة طلبة، هل هو فى شركات الاستعلام أم فى البنك أو معلق لسبب وخلافه.
موعد بداية تسديد مقدم شقق الاسكان الاجتماعي 2024
اما عن موعد بداية فتح باب دفع مقدمات الحجز شقق الاسكان الاجتماعي 2022- 2023 المقرر تسليمها العام المقبل 2024 ، سيكون الموعد بداية من اول سبتمبر 2024 لدفع مقدم حجز شقق الاسكان الاجتماعي .
يذكر أن إجمالى مبالغ جدية حجز الـ500 ألف شقة ما بين 12 و 15 الف جنيه الجارى تلقى الطلبات لها الآن ستصل لنحو 4.5 مليار جنيه. وأوضحت المصادر، علي ان يتم الاستفادة من هذه المبالغ فى استكمال الوحدات السكنية الجارى تنفيذها ، ومع غلق باب التقديم في شقق الاسكان الاجتماعي مايو 2024 سوف يبدأ الاستعلام عن المواطنين المتقدمين لحجز شقق الـ500 ألف وحدة سكنية فى 21 مدينة جديدة و27 محافظة علي ان يتم اعلان نتيجة الاستعلام وبداية تخصيص شقق الاسكان الاجتماعي خلال 4 او 5 شهور حسب الاعداد المقدمة في كل محافظة ومدينة جديدة.
مشوار طلب شقة الاسكان الاجتماعي من اول التقديم وحتي تخصيص الشقة ودفع اول قسط
في موقع خمس خطوات ، نقدم لكم متابعة جيدة للشأن المصري والعربي والعالمي ، والاخبار السياسية والاقتصادية والبنوك في مصر والوطن العربي اهم النصائح والارشادات ومتابعة جيدة للتطورات الجارية.
انا عايز اسعلم عن تقديم لشقة بالعبور الحديدة
انا دفعت كل الاقساط شقق النقابات وحتى الان لن يرسل لى
بعت رساله بيقولو تم استفدت الاوراق وجارى الدراسه الاتمنيا من أحد البنوك
عاوز اعرف انا اتوافق عليه في مشروع الإسكان الاجتماعي ينفع أخد الشقه كاش طالما في موافقة من وزاره الإسكان ولو ينفع ما هي الخطوات اللوامع للحصول علي الشقة كاش
حاليا مفيش شقق كاش في الاسكان الاجتماعي والاجراءات بتكون من خلال قرض البنك وتحويل المرتب عليه
انا حاجز فى الكراسة الزرقاء وتم دفع جميع المقدمات المطلوبة ولم يتم اخطاري بأى شى حتى الان
حسبى الله ونعم الوكيل علشان مش موظفين مارينا
والناس اللى مش محتاج هو اللى هياخد
حسبى الله ونعم الوكيل
والله ياريت يبقى ليه شقه فى مدينه زى اجا كدة لان محتاج لها
انا مالك لوحده سكنيه خاصه باسمى بس صغيره
عايز شقه اكبر ليه مانعين اللى عنده شقه تمليك انه يقدم ويكون ليه فرصه.وخصوصاً لم يأخذ اى شقه من الاسكان او الدوله قبل ذلك.ليه الشرط ده….ممكن يتم تخصيص وحدات لينا بسعر اغلى شويه او بنظام مختلف بس ما تحرمناش نهائياً.
تم رفض تعليق طلبكم معنها ايه مفيش امل
ممكن تقدم تظلم او لو السبب اوراق ناقصة ممكن ترسلها مرة اخري ، تواصل مع خدمة العملاء وان شاء الله خير
متى سوف يتم البدء فى انشاء الشقق ؟
بالنسبة للاعلانات السابقة فيه شقق خلاص هتتسلم اللي هي شقق الكراسة الحمراء ، اما شقق الكراسة الزرقاء فهي هتنتهي وتتسلم بداية من يوليو 2017
انا استعلمت ودخلت الرقم القومي بتاعي وظهرلي النتيجة بالاسم ومكتوب النتيجه مقبول .. كدة انا ورقي اتقبل وهيتم تخصيص وحدة سكنيه ليا … وايه الاجراءت اللي المفروض اعمله بعد كدة … ارجو الرد
لو انت تبع شقق الكراسة الحمراء البنك هيتواصل معاك قريب لاستكمال باقي الاوراق وممكن تتصل بصندوق التمويل العقاري لمعرفة اني فرع بنك
لو تبع شقق كراسة الزرقاء هتلاقي هنا تفاصيل دفع الاقساط الربع سنوية اللي هي 4000 جنيه كل 3 شهور لحين استكمال باقي الاجراءات وتسلم الشقة
انا تم رفض الطلب لان الاوراق غير مستوفاه هو كده الرفض نهائي وإلا ممكن استوفي باقي الاوراق
اه ممكن تستوفي باقي الاوراق سواء بالتواصل مع صندوق التمويل العقاري وارسالها علي النت
او من هنــــا طريقة اخري عن طريق ارسالها بالبريد لبنك التعمير
انا جالى فالرساله ..تم رفض / تعليق طلبكم ..كنت بسال عن طريقة استرداد الفلوس ..؟!لو سمحتم
من خلال فرع بنك التعمير والاسكان في المحافظة التابع لها
انا استعلمت الرد هو انت موقوف ائتمانيا مش عارف ليه مع اني معليش مديونيه لاى بنك وعمال اتصل بصندوق العقاري مفيش حد بيرد
حاول تتواصل معاهم علي التليفون او من خلال الموقع ، ممكن يكون السبب تعاملات بنكية او فيزا سابقة
متي يتم التخصيص
انا عايز استعلم اعمل ايه؟
من خلال لينك صندوق التمويل العقاري هنـــــــــــــا استعلم بالرقم القومي
هو لازم الاستلام يكون من نفس الشخص صاحب الطلب
اه لازم الشخص نفسه ، لو قصدك عمل توكيل لشخص اخر ، فبعض فروع البنوك بتقبل ان يكون فيه توكيل علي حسب الموظف يعني
هو بعد ما تجيلنا الرسالة .. وندفع الأقساط أية بقى اللى بيحصل ؟ لأن موظف البنك قالى ان الناس اللى قبلت هتدفع اقساط بدون تخصيص وحدة ودى المعلومة اللى عنده ؟؟؟؟؟؟؟؟ ممكن حد يفهمنا الناس اللى اتقبلت وهتدفع الأقساط هتستلم وحدة ولا لاء ؟.؟؟؟؟
هم علشان لسه تسليم الشقق هيبقي بعد منتصف 2017 فواخدين راحتهم في الاجراءات دي ، و هو غالبا قصده علي الناس اللي ليها مشاكل مع البنك او عليها قروض لان دول اللي بيرفضهم البنك حتي لو صندوق التمويل قبلهم
اما بالنسبة للشروط او الورق نفسه طلما اسمك نزل يبقي تمام ، اللي هيتم بعد كدا اجراءات التخصيص من البنك خلال السنة اللي جيه وحتي ميعاد التسليم
اناكنت محولة من القاهرة الجديدة الى الشروق وبدر ومايو
ارجو الرد لانى مش عارفة اعمل حاجة
الاول استعلمي هنا من صندوق التمويل العقاري بالرقم القومي بحيث تعرفي مقبولة ام لا ثم من هنـــا اعرفي ميعاد دفع القسط الاول حسب اقرب فرع بنك التعمير والاسكان
ازاي اجيب الخانه اللي بدخل فيها الرقم القومي
هو فعلا الصفحة تصميمها غبي ، حاول من لوحة المفاتيح تدوس “ctrl مع – ” بحيث تصغر حجم الصفحة ويظهرك الخانة ، او حاول تفتح الصفحة في متصفح تاني زي فايرفوكس او اوبرا
الى محول من القاهرة الجديدة الى مايو هيستلم امتى
خلال ال 3 شهور اللي جايه او حسب انتهاء اجراءات تخصيص الشقة من البنك
انا ممكن اعرف بالنسبه للاسكان انا مقدم في المرحله مش دي المرحله ال بعد سنه بس نزل علي النت بالنسبه للكرستين بادخال الرقم القومي رحت مدخل الرقم بالقومي بتاعي قالولي هذا الرقم القومي غير موجود بالنظام عاي اعرف بس معني الكلام دا ايه
الكراسة الزرقاء اللي هي التسليم السنة اللي جايه في 2017 لسه الاسامي كلها مظهرتش قالو علي الاسبوع اللي جي و قبل بداية شهر نوفمبر
انا روحت بنك الاسكان والتعمير وعملت استعلام عن الطلب فقالي الورق مستوفي والتسليم بعد سنة كدة خالص ولا في حاجة تانية ارجو الرد شكرا
هيتم التواصل معاك من البنك علشان تدفع قسط مقدم الشقة اللي هو 4000 جنيه بداية من شهر نوفمبر اللي جي و كل 3 شهور حتي موعد استلام الشقة
اين سيتم دفع اقساط شقق الاسكان الاجتماعى ” كراسة زرقاء ” اذا تم التخصيص لى
فروع بنك التعمير والاسكان ان شاء الله بداية من نوفمبر هيتم ارسال رسالة لك علي الموبايل بمكان الفرع للتوجه ودفع القسط
اسال عن ورقة مفردات المرتب وهى ليس بتعمل وليس لها مرتب فكيف نحضر مفردات مرتب؟
وكل اتلشوط منطبقة عليها ومطلقة
لو مطلقة ولا تعمل بتقدم اي اوراق متاحة لاي مصدر دخل زي معاش او نفقة او اي مصدر دخل اخر ، لانه هو اللي بيبقي ضمان لسداد ثمن الشقة
هل من حق المسافر شقه من شقق الاسكان الاجتماعى مع العلم ان ليس لديه اى شقه فى مصر وهو متزوج ويعول
اه طلما الشروط منطبقة عليه ممكن يقدم عادي
موعد نشر اسماء المقبولين فى الكراسة الزرقاء
لسه مفيش يوم محدد لكن خلال الاسبوع الحالي دا ان شاء الله وقبل بداية نوفمبر ، بالتوفيق
السلام عليكم
انا طلبى معلق بسبب عدم وجود شهادة الدخل وكلمتهم على الرقم الساخن قالوا احجز ميعاد لتقديم الورقة الكترونيا
هل بعد تقديمى الورقة ادخل ضمن المستوفين للشروط علما بانى من ذوى الاحتياجات
اه ان شاء الله بعد تقديم الشهادة و التاكد من صحتها هيتم القبول طلما هي دي بس اللي ناقصة
لو سمحت يعني ايه الدخل غير مطابق للشروط
سواء اقل من 1000 جنيه او زيادة عن الحد الاقصي 2500 للفرد او 3500 للاسرة
انا نفسي اعرف انا قبلت ولا لا غلبت اتصالات مفيش حد يفيدني ارجوركم ردو عليا
هتلاقي هنا ملف اسماء المقبولين في الكراسة الحمراء
اما الكراسة الزرقاء لسه الاسماء هتنزل الاسبوع اللي جي
انا محدش اتصل عليا ولا جالي رسايل خالص ده معناه ايه لو تكرمت
لو مقدمة في الكراسة الحمراء اسماء المقبولين والمستبعدين نزلت هنــــا
اما لو كراسة زرقاء لسه النتيجة الاسبوع اللي جي
لو سمحت ايه معنى الاوراق غير مستوفاه رغم ان الاسم نزل فى المستوفين
تواصل مع صندوق التمويل العقاري هو اللي هيحدد الورق اللي طالبينه ايه بالضبط بس حسب الحالات اللي قبل كدا غالبا بيطلبوا شهادة مفردات المرتب تاني
انا أسمى ظهر فى كشوف المقبولين بمدينه ببرج العرب الجديدة
متى سيتم بدأ الاستعلام الميدانى وهل سيتم إبلاغى قبلها ؟
وهل له مده محدده ؟
ماهى الخطوات بعد الاستعلام الميدانى ؟
وبعد انتهاء الاجراءات هل يوجد تاريخ معين يتم تسليم الشقه خلاله؟
كدا يبقي تم الاستعلام عنك وتم القبول ، المرحلة التالية هي صندوق التمويل العقاري هيرسل ملفك الي البنك اللي هيكون اجراءات تخصيص الشقة من خلاله ، المدة خلال ايام هيتم التواصل معاك باسم البنك للتوجه له
استلام الشقق هيبدأ خلال شهرين يعني ان شاء الله قبل اخر السنة
انا قدمت في البريد و كانت الكراسة لونها ازرق فهل النتيجه ظهرت و لا لسه و دفعت 9 الاف جنيه
اسماء المقبولين في الكراسة الزرقاء ان شاء الله الاسبوع اللي جي
ليه اسماء ما بتنزلش علي الموقع ومواعيد التعاقد حتي نتلاشي الزحام والتيسير علي المواطن والموظف
انا بضم صوتي لك ، اللي نزل حاليا اسماء المقبولين في الكراسة الحمراء هو ملف pdf مجمع لكل الاسماء هنـــا ، وناس كتير بلاقي صعوبة في البحث خلاله
انا كنت مقدم وجالي المراحل التاليه هل هقدم من جديد ولا ممكن اغير الي مكان اخر لا ن المنيا الجديده شقق كتيره وانا كنت كاتب. ملوي ممكن ابدل واغير المكان
ان شاء الله هيبقي فيه مراحل قادمة ، بجانب انه هيتم فتح باب التحويل في المدن والمحافظات المجاورة لو فيها اماكن متوافرة
مفيش طريقة نستعلم بيها غير الرقم اليبيخصم فلوس على الفاضى الدقيقة بجنيه ومحدش بيرد ديمآ الخطوط مشغوله
بالنسبة للمتقدمين في الكراسة الحمراء الاسماء نزلت هنا هتلاقي ملفين pdf اسماء المستوفين للشروط واسماء غير المستوفيين
اناساءلت في بنك الاسكان التابع لة http://mff.gov.eg/wps/wcm/connect/3b78f7f0-f7bf-4379-8374-41886ced851b/8.pdf?MOD=AJPERES&CONVERT_TO=url&CACHEID=3b78f7f0-f7bf-4379-8374-41886ced851bقالول طلبك أتقبل فبالله عليكم عاوز اعرف هل أتخصص لي انا واسرتي شقه ام لا لأنى والله تعبت وخايف على اسرتي
طلما اسمك موجود في ملف مستوفيين الشروط يبقي اتقبلت اللي جي بعد كدا هيتم التواصل معاك وتوجيهك لفرع البنك اللي باقي الاجراءات هتكون من خلاله ، بالتوفيق
كراسة الشروط الزرقاء سيتم اعلان الاسماء امتى
ان شاء الله الاسبوع اللي جي
لو سمحت فى اسماء موجوده اسماء محافظة المنيا مالقيت اسماء تقريبا هل دى للكراسة الحمرا والزرقاء ولا الحمراء بس ارجو الرد وعايز استعلم عن الاسم كيف غير الموقع اللى مش بيفتح وشكرة
اللي نزل حتي اليوم هو اسماء المتقدمين في الكراسة الحمراء
الكراسة الزرقاء لسه الاسبوع اللي جي ان شاء الله
مفيش طريقة تانية حاليا غير انك تدور علي اسمك لو انت تبع الكراسة الحمراء في الملفين اللي نزلو او تتصل علي ارقام التليفون
يعنى ايه ذنب واحد محتاج شقه وكان عامل قرض لظروف قهريه وبعدين انتو مااعلنتوش اى شرط عن القروض فى كراسة الشروط …حسبى الله ونعم والوكيل
هل سيتم الإعلان عن وحدات جديدة فى الإسكان الاجتماعي أو باقي 500وحدة قريبا وشكرا.
ان شاء الله في السنة الجديدة بحيث يكونو انتهوا من اجراءات الاعلان السابق
لو سمحت انا وصلى رقم الاستعلام مش عارف استعلم به فى اى موقع يرجى الرد فى اسرع وقت
الاستعلام علي موقع صندوق التمويل العقاري http://www.mff.gov.eg بس هو دلوقتي واقف بسبب الضغط عليه ممكن تجرب في وقت تاني
متي يتم استلام الشقة
بالنسبة لل كراسة الحمراء ان شاء الله بداية من شهر نوفمبر 2016 وقبل اخر السنة
اما الكراسة الزرقاء الاستلام بداية من يوليو 2017
الموقع مش بيفتح وبيقولي تحت الانشاء
هو فتح دلوقتي بس برضو مش شغال اوي وزارة الاسكان قالت في بيان النهاردا هيتم اتاحة الاستعلام مساء اليوم واحنا منتظرين ربنا يسهل
متى يمكن استرداد المبلغ 9000 فى حالة عدم التوفيق بالفوز
النتيجة ان شاء الله خلال الشهر الحالي و استرداد المبلغ هيتحددله ميعاد غالبا في بداية شهر نوفمبر
في المشمش
لماذا قلتم ان اول قسط سيكون اول سبتمبر ونحن الان في منتصف أكتوبر؟
حسب كراسة الشروط فعلا كان في شهر سبتمبر ، لكن وزارة الاسكان عدلت موعد دفع اول قسط لشهر نوفمبر 2016 لان لسه مخلصوش فرز المتقدمين والاسماء
لو سمحت اسماء الفائزين حتنزل امتى وهل ستكون على هذا الموقع وشكرا
ان شاء الله اسماء الفائزين هيتم اعلانها خلال الاسبوعين اللي جيين
هي هتبقي علي موقع صندوق التمويل العقاري وممكن تتابع معانا هنا في موقع خمس خطوات اول لما يبقي فيه جديد هننشره و ان شاء الله بالتوفيق
لوسمحت هل لازالت هناك فرصه للحصول على شقه
بالنسبة للاعلان السابقة اه ان شاء الله الاسماء هيتم اعلانها خلال شهر اكتوبر الحالي
لو قصدك الاعلانات اللي جايه ان شاء الله لسه فيه شقق متوافرة لان عدد الشقق في الاعلان كان 500 الف واللي قدموا 375 الف ، بالتوفيق
بالنسبة للكراسة الزرقاء مايو2016 متى سيكون التخصيص او إعلان الفائزين
خلال الاسبوعين اللي جيين دول و قبل 1 نوفمبر هيتم اعلان الاسماء
اخر ميعاد للنتجه من فضلك انا محدش كلمنى لحد دلوقتى ولا استفسار
ان شاء الله النتيجة والاسماء هتنزل علي النت خلال الاسبوعين اللي جيين لان فيه لسه ناس بيتم الاستعلام عنهم ، بالتوفيق
السلام عليكم ورحمة الله وبركاته انا مقدم وعايز اعرف انا قبلت ولا لا والاستلام امته
وعليكم السلام ورحمه الله وبركاته ان شاء الله النتيجة الاسبوع اللي جي والاسماء هتنزل علي النت ، اما الاستلام حسب كل مدينة وهل تم الانتهاء من اجراءات البنك ام لا
السلام عليكم ..كنت عايز اعرف منين انى انا جاتلى الشقه
ان شاء الله الاسماء هتنزل الاسبوع اللي جي علي النت
السلام عليكم لو سمحت بالنسبه للاطباء اللى موظفين فى الحكومه ومعاهم عيادات حديثه هل بيتم فقط تقديم مفردات مرتب من المستشفى ولا محتاجين ايضا شهاده من محاسب قانونى
وعليكم السلام ورحمه الله وبركاته
عامة بيتم تقديم كافة مصادر الدخل وبالتالي بتقدم شهادة من محاسب قانوني
مع العلم انه حاليا فيه شقق الاسكان الاجتماعي نزلت تبع نقابة الاطباء للتقديم هناك مباشرة
ممكن حضر تك اعرف بالنسبه للي مقدم على شقه وموجود خارج مصر بيشتغل يسافر ويرجع الاستعلام عنه ازاي وهل للمغترب حق في شقه لو مقدم عليها لانه بر ده محدود الدخل ومن زوي الاحتياجات الخاصه هل بتنطبق الشر.ط عليه وله الحق ؟
اه المغترب ممكن يقدم عادي طلما الورق سليم و حسب شروط الاسكان الاجتماعي يبقي ان شاء الله هتقبل و الاستعلام حسب الطرق اللي وضحناها في الموضوع ، بالتوفيق
سلام عليكم
انا طبيب وكانت النقابة العامة اعلنت انها التقديم للشقق بتاعت الاسكان هيكون عن طريقها بدل ما اننا نشتري من البريد وندفع المقدم
بالنقابة هتاخد المستندات وتقدم ف الوزارة
المشكلة دلوقتي اني عايز استعلم واشوف طلبي اتقبل ولا لا
استعلم فين
وعليكم السلام ورحمه الله وبركاته
بالنسبة لشقق نقابة الاطباء التابعة للاسكان الاجتماعي الاستعلام في النقابة العامة
حسب اخر تصريح منهم انه بعد حصر ومراجعة اوراق المتقدمين هتقوم النقابة العامة للأطباء بتسليم الطلبات مرفقة بمستنداتها إلى وزير الإسكان لتوجيه إلى المختصين طرفه بدراسة أحوال المتقدمين وموافاتنا بعدد وأسماء المقبولين كما يتم إخطار المقبولين للقيام بسداد مقدم الحجز والرسوم
السلام عليكم ورحمة اللة حضرتك انا مقدمه فى ال100الف شقه يعنى الكراسه الحمراء ولم يصيبنى الدور هل يتم ترحيلى الى المرحله التاليه
طلما الشروط متوافرة هيتم تخصيص شقة لك في المرحلة التالية ان شاء الله
لو سمحت حضرتك عرفت منين انه لم يصيبك الدور؟
لو القرعة جاتلى بعد اد ايه ادفع الفلوس المقدم وينفع ادفعها عل اقساط
بالنسبة للكراسة الحمراء الدفع بعد الاخطار بالتخصيص مباشرة
اما بالنسبة للكراسة الزرقاء بداية من شهر نوفمبر 2016 هيتم دفع الاقساط 4 الاف جنيه كل 3 شهور
السلامو عليكم لوسمحت انا موظف حکومی الشروط تمام بس انا جیب قرض من بنك الأهلي
وعليكم السلام ورحمه الله وبركاته
البنك هيطلب منك سداد القرض اولا قبل بداية اجراءات تخصيص الشقة
هل يوجد مدارس ومستشفيات عامة وخدمات عامة مثل المواصلات عند تسليم الشقق
اه حسب كل مدينة فيه مناطق موجود بالفعل وفيه بتتبني مع المباني ، وممكن تتاكد في جهاز المدينة بحيث تعرف اقرب مستشفي ومدرسة للشقق
لو سمحت ال 15% دول هيبقو حوالي 23 الف طيب انا لم اجي ادفع هيتخصم من المبلغ ده ال تسعه بتوع المقدم يعني هدفع حوالي 14 الف ولا هدفع كله … واي ال 5% وديعه الصيانه دي هدفع فلوس كمان ولا اي وشكرا
لا بيبقي مبلغ منفصل عن ال 9 الاف جنيه والبنك هو اللي بيحده زي ما وضحنا ان اقل مبلغ هو 23 ممكن يبقي اكتر حسب المرتب وسن المتقدم
ال 5 % بيتم اضافتها وتحصيلها ضمن اقساط الشقة الشهرية
يعني حضرتك 23 ألف بعد التاسعه ليه دي لم محدود الدخل والا المستثمرين
طب انا جوزى قدم بس هو شغلة حر بس قدم مفردات مرتب جابهاا من محاسب قانونى كدة ه نحصل على الشقة ولا لازم يكون شغال فى شركة عشان يتوافق على الطلب
لا مش لازم الاعمال الحرة ممكن تقدم عادي وطلما باقي الشروط متوافرة يبقي ان شاء الله خير
حضرتك انا مقدم علي ال 100 ألف شقة يعني بالكراسة الحمراء
ممكن افهم هنستلم الشقة امتي
حاليا بيتم الاستعلام عن المتقدمين وخلال فترة 3 ل 4 شهور هيتم اعلان المستحقين للشقق وتسليمهم ان شاء الله ، بس مفيش ميعاد محدد من صندوق التمويل العقاري حتي الان
هل سيتم الاستعلام عن جميع المتقدمين والمستوفين للشروط؟ ام الاستعلام للذين سيتم التخصيص لهم فقط؟
الاول بيتم مراجعة الورق لو مستوي الشروط الاساسية بيتم الاستعلام سواء عن مكان السكن والعمل من حيث الوظيفة والمرتب ، وفي الحالتين بيتم التواصل معاك علي رقم التليفون المسجل لمعرفة القبول او الرفض
لو سمحتم هو كده خلاص مفيش تقديم تانى للشقق اللى هتتسلم السنه اللى جايه 2017 ان شاء الله
فيه ان شاء الله خصوصا ان الشقق اللي كانت نازلة 500 الف واللي قدموا 370 الف بس ، متوقع ان يتم فتح باب التقديم مرة تانية في شهر اغسطس او سبتمبر القادم باذن الله
أمال أنا حعرف أزاي أنا أخدت شقه
ان شاء الله عند بداية الاستعلام هتيم التواصل معاك وبعد كدا عند تخصيص الشقة هيتم ابلاغك علي الموبايل وممكن تتابع زي ما وضحنا علي موقع صندوق التمويل العقاري ، لكن بالنسبة لبيانات الناس اللي قدمت في الاعلان الاخير لسه شوية حسب كل محافظة والاعداد اللي قدمت
السؤال هنا هوه ليه لازم يطلب من الشركه تحويل المرتب؟؟ وهوه كله غير موجود بقاعده البيانات… يعني محدش دخل وقال انهم افادوه بحاجه.. ارجوا الافاده وشكرا
هو البنوك عاملة الاجراء دا لانه المرتب هو الضامن لسداد ثمن الشقة وبيتم خصم مبلغ القسط الشهري منه ، وبعض الاحيان لو موظف قطاع خاص بيتم طلب اما ضامن موظف حكومة او عمل وديعه في البنك بمبلغ معين
الناس اللي لسه مقدمة اعلان 2016 طبيعي مش هيظهرلهم حاجة لسه زي ما قلنا لسه فحص الاوراق والاستعلام ، اما اللي موجود علي قاعدة البيانات دلوقتي هم الناس اللي قدمت يوليو واغسطس 2015 ، عموما المرة دي الاجراءات اسرع من السنة اللي فاتت وان شاء الله قريب هتظهر النتيجة ، بالتوفيق
الناس التى لا تنطبق عليهم الشروط متى يتم سحب المقدم
بعد ما يتم اعلامك علي الموبايل سواء بالقبول او الرفض بيكون في مقدورك سحب المقدم
من فضلكم ممكن اعرف في شقق هتتعرض تاني تبع الاسكان الاجتماعي ولا كدا خلاص
ان شاء الله في نهاية يوليو او في شهر اغسطس فيه مرحلة تانية بس لسه بيتم عمل الاجراءات ليها خصوصا ان فيه حوالي 100 الف شقة من الاعلان دا محدش اتقدملهم
يتم حساب مرتب الزوج فقط ولا الزوج والزوجة
مجموع مرتب الزوج والزوجة
ياجماعه انا مقدم علي الشقق السريعه اللي التسليم بتاعها خلال ٣ اشهر بحاول استعلم بدخل الرقم القومي بيقولي هذا الرقم غير موجود بقاعده البيانات
اعمل ايه مش عارف ارجو الرد
لسه حاليا بيتم فرز وفحص اوراق المتقدمين وتسجيل البيانات فمش هتلاقي حاجة علي الموقع دلوقتي ، ان شاء الله خلال فترة 4 شهور هتظهر النتيجة ويبتدي تخصيص الشقق ، بالتوفيق
لو المرتب اعلي من 3500 ممكن ولا ايه
لا لازم يكون مجموع دخل الاسرة الزوج والزوجة 3500 او اقل ، عامة في الفترة اللي جايه هينزل اعلان شقق في الاسكان الاجتماعي جديدة للناس اللي مرتبتها اعلي من 3500 جنيه
متى تظهر نتيجة الفرز للمتقدمين
الفرز ابتدي حاليا وحسب كل محافظة والاعداد عامة عملية الفرز والاستعلام بتاخد فترة 4 شهور
المرتب اعلي من 3500 ممكن ولا ايه
طيب لو المرتب اعلي من 3500 ممكن ولا ايه
الحد الاقصي 3500 جنيه لمجموع دخل الاسرة الزوج والزوجة
كان فيه خبر النهاردا ان شاء الله المرحلة القادمة هيتم تخصيص شقق للناس اللي مرتبها اعلي من 3500 جنيه
فين ارقام الواتس اب للتواصل بين الفائزين والصندوق
دخنا ومش عارفين نوصلهم ولا لازززم ندب مشوار لحلوان/ مايو
وا
انا بادخل الرقم القومى على موقع الصندوق ويرد ان هذا الرقم لا يوجد لة قاعدة بيانات
لو لسه مقدم في الاعلان الحالي مش هيظهر حاجة لانهم لسه بيفرزو الطلبات وبيسجلو البيانات ، تابع ان شاء الله خلال الشهور القادمة وبالتوفيق
لو عليها قرض شخصي مينفعشي اقدم
عند تخصيص الشقة البنك هيطلب منك تسديد القرض اولا قبل الحصول علي الشقة
انا ساكن في بيت جدي المتوفي انا وكل اخواتي ووالدتي وجدتي وهو عبارة عن منزل ريفي.. هل يحق لي شقة من الاسكان الاجتماعي ام انها مقتصرة علي من يقطنون بالايجار فقط؟
بيبقي حسب تقدير الموظف وقت الاستعلام عامة طلما مفيش شقة باسمك او شقة بالكامل مخصصة لك يبقي ان شاء الله خير
طيب لو واحدة او واحد من اللي مقدمين عايش في البيت مع اهله يكون ليه الحق زيو زي غيره ولا بيقولو انت كده عندك مكان عيش فيه ولا ايه
بيبقي حسب تقدير موظف الاستعلام وقتها وهل فيه شقة بالكامل مخصصة لك ولا ساكن مع الاهل
أرجوا تخصيص رقم محمول علي واتس أب في أقرب وقت ممكن لتيسير الأمور علي المواطنين وسهولة معرفة الأخبار أول بأول ولكم جزيل الشكر والتقدير ويارب تكون الشقة من نصيبنا إن شاء الله تعالي
لوواحد عندة شقة قانون قديم فى بيت قديم ينفع يقدم ولا لأ
لو الشقة ايجار مش تمليك والبيت مش ملكك عادي مفيش مشكلة ممكن تقدم
ياريت ان يكون الرد عن طريق التليفون برسائل نصية أو اتصال
هو دا اللي بيحصل بس برضو تابع الموقع وان شاء الله خير
هوه فى تقديم إلى 100ألف وحدة وفى تقديم على 400ألف وحدة طيب أنا قدمت ودفعت لكن معرفش انا تبع ال 100 ولا 400
شوف لون كراسة الشروط ايه لو لونها احمر يبقي ضمن ال 100 الف شقة ، اما لو لونها ازرق يبقي ضمن ال 400 الف شقة
لو سمحت أنا مقدمه في الغردقه من يوم ٢٣/٥ ودخلت الرقم القومي قال غير موجوده بقاعدة البيانات أقدر أعرف النتيجه ازاي
لسه تسجيل البيانات وفحص الاوراق واعلان النتيجة هياخد فترة حوالي 4 شهور او حسب كل محافظة لكن تابعي نفس موقع التمويل العقاري ان شاء الله هيتم التواصل معاكي علي رقم الموبيل المسجل عند تخصيص الشقة
حضرتك النهاردة 12/6 ومعلافتش الموضوع ده غير امس اخر معاد امتي لو سمحت للنتقديم فالبريد
اخر ميعاد للتقديم يوم الاربعاء 15 يونيو ، ان شاء الله تلحق تقدم وبالتوفيق
انا مقدم في ال 400 الف وحدة .. ولسه مستني هل مطتلب مني ان اكون مداوم عالاستعلام ولا مش لازم … ولا بمجرد ما يتم ليا تخصيص هيتبعتلي رساله
مش لازم لكن تابع الاخبار عادي عامة فحص الاوراق هياخد فترة 4 شهور او اكتر حسب كل محافظة وعامة هيتم التواصل معاك سواء للاستعلام عن الشغل والسكن و مرة اخري عند تخصيص الشقة ان شاء الله
اولاشكرا للرد علي الاسئلة
ثانيا انا كنت واخد قرض من البنك القطري وتعثرت ده في مشكلة بالنسبالي مع الاسكان وشكرا
العفو ورمضان كريم :))
بالنسبة للقرض السابق علي حسب تم سداده ومفيش مشكلة حاليا ام لا لانه بيتم مراجعة البيانات البنكية و بيان i score للمتقدمين
هو المبلغ اللى هيدفع بعد ٩٠٠٠ الف …كم ؟؟
عند تخصيص الشقة هيتم دفع نسبة 15 % من ثمن الشقة وممكن النسبة تزيد حسب المرتب وسن المتقدم
بالنسبة لل 400 الف شقة لان التسليم لسه في 2017 فبداية من تخصيص الشقة غالبا هيكون في شهر سبتمبر 2016 هيتم دفع ال 15 % علي اقساط كل 3 شهور القسط 4000 جنيه
بالنسبه للي واخد قرض من بنك مصر ومحور مرتبة على بنك مصر ده في مشكلة
علي حسب البنك اللي هيكون التعامل معاه بعد تخصيص الشقة هيطلب منك سداد القرض اولا قبل البدء في اجراءات تخصيص الشقة
لو سمحت انا رحت النهاردة البريد عشان ادفع مقدم حجز الشقة
قالى التقديم خلص من يوم 31 .. فى حين انهم تم مد الحجز 15 يونيو
بريد الاسماعيلية .. اعمل ايه حضرتك عشان يقبلوا الورق
شكل الموظف في التراوه ، روح اي مكتب بريد تاني طلما في نفس المحافظة ممكن تقدم عادي
من فضلك انا مقدمه من اغسطس 2015 ف المرحله الاولى وتمت كل الاجراءات من قبل وازة التمويل العقارى ثم بنك القاهرة ووصلت لمرحله التخصيص من قبل وزارة الاسكان وجاتلى رسالة مؤخرا بتعليقى طلبى ادفع 4000 لضمان الحجز كمرحله تانية ولا اصبر للتخصيص ف المرحله الاولى
حاولي تراجعي الطلب مع بنك القاهرة وهل تم تخصيص ام لا ، لان الرسالة دي معنها ان تم تحويلك للمرحلة الحالية
عاوز اعرف ميعاد التسليم الشقق
لو قدمت في ال 100 الف شقة التسليم خلال السنادي بداية من شهر سبتمبر 2016
لو قدمت في ال 400 الف شقة التسليم السنة اللي جايه 2017
أنا قدمت فى التقديمات الموجودة حالياً فى الوحدات اللى هتسسلم بعد سنه سؤالى
هسدد 4 الاف جنية من 2016/9/1 وميكنش لسة الإستعلام خلص ولا لازم يخطرونى إن ليا شقة وبعدين ادفع
هيتم اخطارك بمطابقة الشروط ام لا ثم التخصيص وبعدها بتدأ دفع المبلغ
السلام عليكم انا قدمت فى الاعلان الخامس القاهره الجديده..ومفيش مندوب جالى ولا حد اتصل بيا ومش عارف اسمى اتقبل ولا لاء .وكتبت رقمى رد ليس موجود بقاعده البيانات ولسه المقدم لم ااخذه لو اسمى لم يقبل ازاى اعدل تعديل رغبه. وهل سيطلبون اوراق اخرى
وعليكم السلام ورحمه الله وبركاته
الاول استعلم من صندوق التمويل العقاري بالتليفون او من خلال فرع بنك التعمير والاسكان ، حاليا بيتم تحويل المتقدمين من القاهرة الجديدة للمدن الاخري زي بدر والشروق ، بس لازم اسمك يكون متسجل عندهم بحيث تستكمل المقدم
انا من محافظة القاهرة بس اختارت الوحدة السكنية بمدينة 6 أكتوبر بس انا عايش في فيصل جيزة واشتغل أيضا هناك
تمام ممكن التقديم يبقي في محافظة السكن او محافظة العمل زي ما موضح في كراسة الشروط
لو سمحتم احنا كل مانحاول نستعلم برقم البطاقة عن رقم الاولوية يجى رسالة بتقول هذا الرقم غير موجود بقاعدة البيانات واحناق.مناودفعناا المبلغ المطلوب البى هو٩٠٠٠جنيه ف المرحلة الأولى اللى التسليم هيكون فيها بعدشهور ٣شهورتقرييا وجالنا رسالةمن البريد بتقول (رقم طلبك لمشروت الإسكان هوEEHO٠٢٤٦٢٥٤ للإستعلام به…واخر مرةاحاول لستعلم فيها دلوقتى حالاوبرده نفس الكلام ….أرجو الرد وشكراً
لسه بيتم تسجيل البيانات وفحص الاوراق والاستعلام مش هيظهر حاجة دلوقتي الا بعد 3 او 4 شهور من التقديم ، احتفظ بالرقم وان شاء الله اول لما يعلن صندوق التمويل العقاري اي جديد هننشره
من فضلك انا كنت مقدم فى المرحلة الاولى التجمع الخامس ولم يصبنى الدور والحمد لله وكمان مسحبتش مبلغ ال5 الالاف جنيه وبعدها قدمت فى المرحلة التانية ودفعت المبلغ كامل 9 الالاف جنيه ده فى اى مشكلة
مفيش مشكلة بس كنت تعرف سبب عدم القبول في المرحلة السابقة علشان تتفاداه في المرحلة دي
لو حد واخد قرض من بنك HSBC بفائده 10% “يعنى مش قرض تعاونى”. هل لازم يسد القرض ده قبل التعاقد على استلام اشقه أم لا ؟
اه البنك اللي هيكون التعامل معاه في الاسكان الاجتماعي سواء بنك التعمير والاسكان او غيره هيطلب منك تسديد القرض اولا ، بجانب انه لازم هتحول المرتب لبنك دا
السلام عليكم
انا عبدالفتاح بشتغل فو مستشفى دار الفؤاد وساكن فى المنوفية وبسافر كل يوم اكثر من 4 ساعات ومقدم على شقة فى مدينة 6 أكتوبر فى الأعلان بتاع شهر مايو اعرف الزاى انى مقبول ولأ.
وعليكم السلام ورحمه الله وبركاته
فحص الاوراق والاستعلام بياخد فترة حوالي 4 شهور بعدها هيتم التواصل معاه علي الموبايل بالقبول او الرفض ، وممكن الاستعلام من موقع صندوق التمويل العقاري زي ما وضحنا
معايا الفيزا بتاع الشغل اللى بقبض بيها المرتب من البنك وسايب فيها مبلغ من المال قمت بتحويشه هل يجب ذكر ذلك فى كراسة استمارات التقديم او الاقرار مع العلم ان الفيزا حساب جارى وليس توفير وهل يجب ذكر رقم حساب الفيزا
اه لو فيه حساب بنكي بتذكره في استمارة التقديم حسب كراسة الشروط ، بتذكر رقم الحساب نفسه لانه هو الثابت
لو انا شغال ف شركة خاصة فى أكتوبر ومتأمن عليا فيها بس من فترة صغيرة والمفروض البرنت التأميني بيطلع بعدها بشهر فمش هلحق مواعيد التقديم كده،،
بس بقيت ورقى كامل والعنوان بتاعى ف البطاقة على شقة أخويا يبقى كده ورقى تمام ولا لا ؟؟
أرجو الإفادة
بيتم ذكر الرقم التاميني في شهادة مفردات الدخل وتقدر تقدم عادي
لو سمحت انا دخلت الرقم القومى وقالى عفوا تاكد من الرقم ده معناه ايه ممكن الرد
له لسه مقدمة في الاعلان الحالي للاسكان الاجتماعي مايو 2016 ، هم لسه هيبدأ استلام وفحص الاوراق هتاخد فترة عبقال لما يسجلو البيانات ويعلنو النتيجة حوالي 4 شهور
اما لو مقدمة في الاعلانات السابقة اتاكدي انك كاتبة الرقم صح 14 رقم ، لو برضو نفس الوضح اتصلي بيهم او توجهي لفرع بنك التعمير والاسكان لمعرفة وضع الطلب ايه
لو انا ساكنه مع والد زوجى فى منزله وقدمت اوراقى وعنوان حمايه هل هيعتبروا اننا نمتلك المنزل ومايخصصوش لينا شقة مع العلم ان الشقة صغيرة ويعيش بها حماتى وحمايه وولدهم الصغير غير انا وزوجى
علي حسب الشقة باسم مين بجانب ان شاء الله وقت الاستعلام الميداني الموظف هياكد من باقي افراد الاسرة وطلما مفيش حاجة باسم الزوج او باسمك يبقي ممكن تقدموا عادي
مساء الخير
انا قدمت صوره البطاقه
و وصل كهرباء
و ورقه المحاسب القانونى
و ورقه من المكان اللى بشتغل فيه
كده الاوراق تمام
مساء النور
اه لو انت عازب يبقي تمام الاوراق ، بالتوفيق
لو سمحت انا عنوان الاستعلام اللى كتبته فى الاستمارة انا غير موجود فيه الان وانتقلت لمكان اخر علما با الايصال المرفق خاص بالعنوان المكتوب فهل يوجد طريقه لتحديث البيانات ااو اى حل اخر
ممكن تحدث البيانات من خلال صندوق التمويل العقاري او بنك التعمير والاسكان
هل اجراء القرعة واحدة لكراستى الشروط مع العلم اننى تم تسديد مقدم الحجز 9000 جنيه بالرغم من انى متقدم فى للشقق التى بعد عام وذلك حسب تعليمات مكتب البريد الذى اتبعه
اه الاتنين نفس الاجراءات و معرفة تخصيص الشقة في المرحلتين هيكون ان شاء الله السنادي ، الفرق بس في موعد استلام الشقق وهتلاقي اسلوب الدفع وباقي الشروط موضحة في كراسة الشروط بالتفصيل
هل ممكن اقدم صورة شهاده ميلاد بنتي مش كمبيوتر عاديه لانها مولوده من كام يوم و الكمبيوتر هتطلع بعد فترة ؟؟؟؟؟
هو المطلوب حسب كراسة الشروط شهادة ميلاد الكمبيوتر فلو مش هتطلع قبل 31 مايو قدم اللي موجوده
السلام عليكم ورحمة الله وبركاته
ارجوا افادتى حيث اننى اعمل بشركة قطاع خاص وخطاب مفردات المرتب به الراتب 1800 جنيه واننى متزوج فهل فيها كده اى مشكله
وعليكم السلام ورحمة الله وبركاته
مفيش مشكلة الحد الادني للتقديم هو 1000 جنيه والحد الاقصي بالنسبة للاسرة 3500 جنيه يعني تقدر تقدم عادي
انا بطاقتي الرقم القومي علي محافظه القاهره شبرا مصر هل يحق لي التقدم بطلب وحده في مدينه العبور علي الرغم انها في كراسه الشروط تتبع محافظه القليوبيه ?
انا سمعت انه ممكتن علي اساس انها ضمن محافظات القاهره الكبري ( القاهره-الجيزه-القليوبيه )
هل ممكن فعلا ?
علي حسب كراسة الشروط علشان تقدم لازم اما تكون من ابناء المحافظة او ساكن في المحافظة او تعمل بها
انا دفعت ال٩٠٠٠ بقالي ٥ ايام وما جتش ليا رساله تفيد ببحث الطلب بتاعي
حاول تروح مكتب البريد بوصل ارسال الظرف بعمل الوصول وتتاكد منهم
هل مفردات المرتب المقدمه لازم تكون 1000ج او أكتر؟ و لو اقل هل مش هعرف اقدم خالص؟
اه اكتر من 1000 جنيه واقل من 2500 جنيه لو عازب او 3500 لمجموع دخل الاسرة لو متزوج
لو اقل من 1000 جنيه مش هيتقبل الورق
انا معنديش شغل ثابت ومحتاج اقدم علي الشقة وقدر ادفع ٩ الف جنية وأقدر ادفع القسط وانتوا نزل خبر انهاردة ان حتي الا بدون عمل لان كنت شغال شيف وجالي فيرس Bومن يومها وانا بتعالج ومش عارف اشتغل ممكن اقدم
الف سلامة وربنا يديك الصحة ، حاول تعمل شهادة دخل من محاسب قانوني وتقدم بيها مع تقديم باقي الاوراق المطلوبة
انا مقدمه فى الشقق اللى بعد سنه 2017 هدفع الربع سنوى قبل ما هيجى اخطار ولا هيجى اخطار الاول ارجو الافاده
ان شاء الله تخصيص الشقق هيبقي بعد 4 شهور او حسب الاعداد المقدمة في كل محافظة و بعدها هيبدأ دفع اقساط المقدم الربع سنوية
هو لازم المدينه اللي أنا هكتبها تكون مكتوبة داخل كراسة الشروط
اه لان دي المدن اللي فيها الشقق المتاحة
بأحاول أستعلم بالرقم القومي بتطلع رسالة بتقولي هذا الرقم غير موجود بقاعدة البيانات مع أني قدمت ودفعت ال٩٠٠٠ بالمرحلة اللي بعد عام والبريد أرسل لي رقم الطلب EEHL0044574EG
بالنسبة للناس اللي قدمت الاعلان الحالي لسه هيتم تسجيل البيانات ومراجعة الاوراق يعني مش هتظهر نتيجة الاستعلام علطول انت عارف شغل الحكومة ، المهم احتفظ بالرقم وتابع موقع صندوق التمويل الاجتماعي ، بالتوفيق
لو سمحتم انا عاوز استرجع المبلغ الى دفعته ازاى استرجعه ومن اى مكان ارجو الرد
استرداد مبلغ مقدم شقق الاسكان الاجتماعي بيكون من خلال فروع بنك التعمير والاسكان