مع قرب العيد كل عام وأنتم بخير، تلجأ كثير من الأسر إلى عمل كحك العيد في البيت بدلاً من شرائه، للحصول على طعم الكحك اللذيذ بمقادير مضبوطة وصحيحة. وفي هذا الموضوع على خمس خطوات نستعرض معكم مقادير الكحك وطريقة عمل كحك العيد بالتفصيل في البيت، احتفالاً بالعيد مع الأهل والأصدقاء، وكل عام وأنتم بخير وسعادة.
نبدأ أولاً بـ مقادير كحك العيد بالتفصيل
– 3 كوب دقيق منخول
– كوب وربع سمن ذائب (ويجب أن يكون من الأنواع الجيدة)
– ربع كوب لبن دافئ
– نصف ملعقة صغيرة خميرة فورية
– نصف ملعقة صغيرة بيكنج بودر
– ربع ملعقة صغيرة ملح
– ملعقة صغيرة رائحة كحك
– ملعقة كبيرة سكر
– ملعقة كبيرة سمسم
طريقة عمل الكحك
نبدأ معكم بطريقة عمل كحك العيد، حيث نقوم بخلط المكونات الجافة مع الدقيق، وهي (الملح والبيكنج بودر ورائحة الكحك والسكر والسمسم).
– نقوم بتقليب مكونات عجينة كحك العيد جيداً، ثم نضع ملعقة الخميرة في اللبن الدافئ ونقلب جيداً ثم نضيفهم إلى الدقيق وباقي المكونات.
– نستمر في التقليب ونضيف السمن الذائب مع الأخذ في الاعتبار ألا يكون السمن ساخناً، ونستمر في تقليب وعجن عجينة كحك العيد جيداً حتى يتشرب خليط الدقيق السمن، وتتكون لدينا عجينة كحك متماسكة لا تلتصق باليد.
– إذا أردتِ عمل كحك سادة دون حشو، نبدأ بعمل كرات صغيرة الحجم من العجين ثم نفردها قليلاً على شكل كحك العيد المعروف، ثم نشكلها بقوالب تشكيل الكحك المتاحة أو بمنقاش الكحك أو بأي وسيلة أخرى حسب الرغبة.
– أما في حالة الرغبة في عمل كحك العيد المحشو، فيمكنك شراء الملبن والعجمية من محلات الحلوى لحشو كحك العيد، أو عمل عجمية كحك العيد في البيت.
– نقوم بعمل كرات من عجينة كحك العيد ثم نصنع بها حفرة صغيرة لوضع حشوة العجمية ثم نغلق عليها جيداً ونشكلها بمنقاش الكحك أو بأي وسيلة أخرى كما أوضحنا، ونفس الطريقة إذا كان كحك العيد بحشوة الملبن.
– نترك كحك العيد في الصاج أو الصواني حتى يختمر حوالي ساعة إلى ساعتين.
– وتبقى الخطوة الأخيرة من خطوات عمل كحك العيد وهي إدخال الكحك إلى الفرن، حيث نقوم برص الكحك في صاج أو صينية مدهونة بقليل من السمن حسب الكمية التي ستقومين بعملها، مع ترك مسافة بين كل كحكة وأخرى، ثم نضعه في الفرن المسخّن مسبقاً على درجة 180 مئوية لمدة 15 دقيقة إلى نصف ساعة حتى ينضج الكحك ويكتسب لونه البني الذهبي الجميل.
مقادير حشو الكحك
حسب الرغبة يمكنك حشو كحك العيد بالملبن أو العجمية أو المكسرات أو خليط منها، بحيث يتم تقسيم كحك العيد إلى سادة وبالحشو حسب رغبتك وتفضيلك، ويمكنك الحصول على الملبن أو العجمية من محلات الحلويات، أو عمل العجمية في البيت.
مقادير العجمية
– 2 ملعقة كبيرة دقيق، 2 ملعقة كبيرة سمنة، كوب عسل نحل، ملعقة صغيرة سمسم، ومكسرات مفرومة (جوز – لوز – فول سوداني حسب الرغبة).
طريقة عمل العجمية لحشو كحك العيد
– نضع السمنة في كسرولة على النار ثم نضيف الدقيق ونقلب حتى يأخذ الدقيق اللون الأصفر الفاتح.
– ثم نخفف النار ونضيف عسل النحل مع التقليب السريع، وعندما يبدأ في الغليان نضيف المكسرات والسمسم ونقلب قليلاً ثم نطفئ النار. نترك العجمية تبرد ونشكلها إلى كرات صغيرة جداً لاستخدامها لاحقاً في حشو الكحك.
وأخيراً استخدمي سكر البودرة لتزيين الكحك بعد أن يبرد تماماً، كما يمكنك استخدام مسحوق المكسرات للتزيين. يُقدَّم بالهنا والشفاء وكل عام وأنتم بخير.
بعض الملاحظات السريعة لعمل عجينة كحك العيد مضبوطة
– يمكنك إضافة قليل من دقيق السيمولينا (حوالي 50 جراماً) لإضافة قوام مميز للكحك وطعم أكثر لذة.
– في حالة أصبحت العجينة جافة جداً أضيفي المزيد من اللبن، وفي حالة زيادة نعومة العجينة أضيفي القليل من الدقيق.
– يُفضّل البعض إضافة روائح مخصصة للكحك من العطار كرائحة الكعك أو رائحة الورد أو البرتقال، يمكنك الحصول عليها من محلات العطارة أو الحلوى.
– يُنصح بترك العجينة ترتاح في الثلاجة ساعة قبل التشكيل للحصول على كحك أكثر تماسكاً ولا يتكسر أثناء الخبز.
تعرفي أيضاً على:-
طريقة عمل بسكويت العيد بأكثر من نكهة وطعم زي محلات الحلويات
وفي الصفحة التالية هنا: يمكنك معرفة طريقة عمل البيتي فور
وشاهدي:- طريقة عمل الغريبة للعيد بالتفصيل
موقع خمس خطوات يقدم معلومات بسيطة فى شرح سهل من خمسة خطوات للأحداث الجارية وكافة مناحي الحياة المتنوعة لإثراء محتوي اللغة العربية على الإنترنت.
شكرا عاى اهتمامك بلاردوود بتعليقات
العفو شكرا لكي على مشاركتك معانا وكل عام وانتي بخير وسعادة
انا بعمل الكعك والسمنه بتكون سخنه جدا وبيطلع حلو جدا
جميل جداااااااااااا
هعمله واجب
ان شاء الله تعمليه احلي طعم وكل سنة وانتي طيبة وبخير
أنا بحب البسكويت
هااااى ممكن نضيف زبادى بدلا من اللبن
اهلا بيكي ، اه ممكن الزبادي والكمية تبقي بدل ربع كوب لبن يبقي نصف كوب زبادي ، وممكن نزود الزبادي او ماء لو العجينة ناشفة او صلبة زيادة عن اللازم
تسلم ايديك والله الوصفات كلها حلوه
ربنا يخليكي وبالهنا والشفا 🙂
شكرا
شكرا جامدا اوى thank you
هل يمكن استخدام الزبدة فى الكعك
اه ممكن بس بدل كوب وربع يبقي كوب فقط وتبقي زبدة سيحه “نقدح الزبد علي النار” قبل اضافتها للمقادير
انا بيطلع دايما ناشف
-حاولي تضبطي المقادير بحيث تقللي الدقيق يعني لكل كوبين دقيق يبقي كوب سمنة او زي ما قلنا نزود السمن شوية يبقي كوب وربع واخلطي المكونات مع بعد كويس لان السمن من الحاجات اللي بتخلي العجينة طرية
-وممكن تزودي اللبن شوية برضو بيفيد في ان العجينة تبقي طريقة
– وبالنسبة للتسوية في الفرن اتاكدي من انها مضبوطة زي ما وضحنا في الموضوع ومتسبيش الكحك لمدة طويلة مجرد تسويته ويكتسب لونه ، وان شاء الله يطلع معاكي مضبوط المرة الجايه وكل عام وانتي بخير
هوممكن احط فانيليابديل لرائحه الكحك
اه ممكن هي من الاضافات مش اساسية ، او ضيفي اي طعم اخر تفضليه
اهلا
اهلا بيكي وكل عام وانتي بخير 🙂
ميرسي كتير علي الوصفة دي بس عندي سوال لو هعمل حشو الكحك بالعجوة فى حاجة بجبها تاني ولا عجوه بس لوحدها
العفو وكل عام وانتي بخير
بالنسبة لحشو الكحك بالعجوة بنجيب نص كيلو عجوة بالنسبة للمقادير اللي في الموضوع ، او نزود حسب الكمية اللي عايزنها ونعجن العجوة كويس مع ملعقة سمنة كبيرة او زبدة بحيث تكون العجوة طريقة علي قد ما نقدر وبس كدا نحشي بيها الكحك وبالهنا والشفا
لكن انا معرفتش اعملها
طب قوللنا ايه اللي وقف معاكي ؟؟ ولا العجينة طلعت ازاي ؟
5ك مقادىر اه بلضبط
عامة علشان الناس اللي بتسال عن مقادير كيلو الكحك ، شوفو لكل كيلو دقيق علية نصف كيلو سمن ، وهتلاقو باقي المقادير في الموضوع بنضاعفها لكل كيلو وهكذا
اما مقادير خمسة كيلو كحك فهي كالتالي
– خمسة كيلو دقيق —– ممكن نزود الدقيق لو العجينة طلعت طرية زيادة عن اللزوم او مش متماسكة
– 2 ونص كيلو سمن
– كوب ونصف لبن دافىء —- بنزود اللبن لو العجينة طلعت ناشفة
– 2 معلقة صغيرة خميرة فورية
– 2 معلقة صغيرة بيكنج بودر
– 2 معلقة صغيرة ملح
– 4 معلقة صغيرة ريحة كحك
– 9 معلقة كبيرة سكر
– 9 معلقة كبيرة سمسم
وباقي خطوات عمل عجينة الكحك وتجهزيه في الموضوع بالهنا والشفا 🙂
اهلا انا عندي مشكلة الفرن بيحرق الحاجة هل في حل للمشكله ياريت الرد يكون سريع انا اعدة مستنية الرد
اهلا بيكي معلش في التاخير علي الرد
شوفي لو كان قعر او اسفل الصينية هو اللي بيحترق ضعي الصينية في الرف العلوي او علي شبكة الفرن لو فيه ، او ممكن تستخدمي ورق فويل ” ورق القصدير ” تحت الصينية بينها وبين رف الفرن او مثلا صاج تحت الصينية ، المهم يكون فيه فاصل يعني
اما لو كان جوانب الصينية هو اللي بتتحرق استخدمي ورق الفويل اكتر من لفه عند الجوانب بحيث تقلل السخونة
ومع التجربة هتعرفي درجة الحرارة المضبوطة للفرن اللي متزوديش عليها
طيب لو حبيت اعمل 2 كيلو المقادير هتبقى ايه بالظبط
بالنسبة لكمية 2 كيلو كحك هتبقي كالتالي
2 كيلو دقيق مع كيلو سمن
وباقي المقادير كوب لبن دافىء
– معلقة صغيرة خميرة فورية
– معلقة صغيرة بيكنج بودر
– معلقة صغيرة ملح
– 2 معلقة صغيرة ريحة كحك
– 4 معلقة كبيرة سكر
– 4 معلقة كبيرة سمسم
هجربوا
ان شاء الله يطلع معاكي مضبوط واحلي طعم وكل سنة وانتي طيبة وبخير ديما
الطعم جميل
كل سنه وانتم طيبين
بالهنا والشفا وكل سنة وانتي طيبة وبخير وبكل سعادة :))
جميلة جدااااااااااااااااا
ميرسي ليكي 🙂 وكل سنة وانتي طيبة وبخير ديما
هروح اجرب واقول لكم
وكل عام وانتم بخير
ان شاء الله يطلع معاكي احلي طعم 🙂 وانتي طيبة وبخير ديما :))
معرفتش اعمل
ليه بس ؟ قوللنا ايه اللي وقف معاكي ؟
شكرا
العفو وكل عام وانت بخير والي الله اقرب :))
يلهوىىىىىىىىىىىىىىىىىىىىىى
خير ايه اللي حصل :))
الحقيقه الوصفه مظبوطه جدا جربت وصفة الزلابيا كانت رائعه
بالهنا والشفا مقدما وسعداء ان الزلابيا عجبتك :))
يعني اي يحط الكحك علي ١٨٠ لمده ١٥ ساعه ثم نص ساعه مش فهمه الحته دي
فين الكلام دا الظاهر الارقام ملخبطة :)) ؟
المكتوب نضعه فى الفرن مسخن مسبقا على درجة 180 لمدة 15 دقيقة الي نصف ساعة
يعني درجة حرارة الفرن تبقي 180 درجة مئوية
ولمدة خمسة عشر دقيقة الي نص ساعة حسب نوع الفرن ولحد ما الكحك يحصل علي لونه المعروف وكل عام وانتي بخير :))