في اول رد فعل من رضوي جلال المتهمة بسرقة اكثر من 15 مليون جنيه والهروب الي قطر ، اعلنت رضوي جلال زوجة الشاب أحمد الجبيلي رحمة الله انها هربت الي خارج مصر خوفا علي ابنها وحياتها ، قائلا انها ستعمل علي تسديد الاموال والديون التي عليها في اقرب وقت …

وكانت رضوي جلال زوجه الشاب احمد الجبيلي قد اشتهرت خاصة بعد وفاة زوجها في سن صغيرة ، بجانب عملها في مجال الملابس والموضة باسم شركة مليكة ، الا ان الاسبوع الماضي شهد هروب رضوي جلال الي قطر وسط اتهامات بالسرقة والنصب وصلت الي 15 مليون جنيه من اشخاص قاموا باستثمار اموالهم مع رضوي جلال ، حيث تم تحرير العديد من المحاضر ضد رضوي جلال ، وسط صمت لفترة طويلة من مصممة الأزياء الشهيرة رضوى جلال، الا انها عادت ونشرت علي صفحتها الخاصة علي الفيس بوك بيانا مطولا تدافع فيه رضوي جلال عن نفسها وسط الاتهامات الموجهة لها.

وجاءت كلمات رضوى جلال زوجة الراحل احمد الجبيلي ، علي حسابها الرسمي بالفيسبوك”، أن سبب اختفاءها وسكوتها الايام الماضية هو سرقة حسابها الشخصي وصفحة “مليكة”، ما آخرها عن الرد على الاتهامات، قائلة: “خلال ما كنت بحاول ارجعهم، لقيت الموضوع كبر قوي، قعدت بس شوية أخد نفسي وارتب أفكاري، وهحاول كده بالراحة أوضح إيه اللي حصل، بحيث اللي عاوز الحقيقة يبقى سمع مني قبل ما يحكم، وهحاول بإذن الله أعرض بعض الحلول في الآخر للخروج من الأزمة”.

ثم اكملت رضوى جلال مدافعة عن نفسها قائلة : “كلمة نصابة دي أنا أعترض عليها فعلًا، الشخص النصاب هو اللي هدفه إنه ياخد حاجة مش حقه عن طريق التلاعب بالناس، لكن أنا أُشهد الله إني دايمًا كان هدفي إني أعمل بيزنس محترم، اتفقت أو اختلفت مع أفكار مشروعاتي مش دي القضية هنا، وعمري وأنا باخد فلوس من حد ما كان في نيتي إني هضحك عليه فيها ومش هرجعها”.

وحول شركة او مشروع مليكة لازياء المحجبات أضافت صاحبة مشروع “مليكة” لأزياء المحجبات: “واضح إن خبرتي كانت أقل بكتير من تحمل العمل في مشاريع بالفلوس الكتير دي، الموضوع سوء إدارة وقلة خبرة مش نصب، وده مش تبرير أبدا للي حصل، هو مجرد وضع الأمور في مكانها الصحيح.. والله على ما أقول شهيد”.

اما عن اتهامات النصب الموجة لرضوي جلال وسرقة 15 مليون ، قالت: “حجم ديوني المستحقة دلوقتي لا يصل للرقم الي بيتقال، عشان بس المبالغات اللي وصلت المبلغ لـ15 مليون و20 مليون جنيه، ده كلام غير صحيح بالمرة، مجرد زيطة إعلامية كله عمال ينفخ فيها ويحط من عنده أي كلام”، مضيفة: “أي بيزنس معرض للخسارة، والناس اللي استثمرت فلوسها كانوا عارفين إنهم ممكن يكسبوا أو يخسروا، الكلام ده للمستثمرين مش أصحاب الديون”.

وتضيف: “لو هنتكلم عن النصب، فأنا فعلًا اللي اتنصب عليا، وفكر بس في واحدة بنت لوحدها في سوق يحكمه النهب والنصب والكذب والخداع، تاني أنا مش ببرر، أنا كان مفروض مدخلش حاجة أنا مش فاهمة فيها كويس، بس طالما كله اتكلم فأنا بس بوضح تاني الجزء ده، وإن شاء الله ربنا مش هيضيع حقي، سواء هنا أو يوم القيامة هقتص من كل اللي ظلمني وظلم ابني، سواء بالسرقة أو بالكلام”.

وقالت رضوى: “لحد آخر لحظة كنت بحاول انقذ الشركة، وحاولت اعمل شركة تانية بحيث يشيلوا بعض، بس للأسف لقلة خبرتي اتضحك عليا برضه في كثير من الأمور، والموضوع ابتدى يسوء أكتر، والديون ابتدت تزيد جدًا، وأصحاب الديون ابتدوا يطالبوا بالسداد وتعذر الوصول معهم لأي اتفاق لتأجيل السداد مثلًا لحد بس ما نبيع كولكشن الشتا حتى، لكن كله قرر إنه عاوز فلوسه مرة واحدة، والبعض حتى كان عاوزها بفوائدها مش مجرد نرجعهاله، وكله ابتدى يهدد إنه عاوز فلوسه فورًا”.

وأكدت صاحبة مشروع “مليكة”، أنها موجودة حاليًا خارج مصر، متابعة: “كان عندي حل من اتنين، يا إما هفضل قاعدة في مصر وهتسجن أو حد يعتدي عليا أنا وابني زي ما كان حصل قبل كده، يا إما أسيب البلد وأطلع أعيد حساباتي وأحاول تاني، وفي رقبتي الديون اللي عليا إني لازم أسددها إن شاء الله، في أقرب وقت ممكن، وهشتغل في سبيل تحقيق ده بكل قوتي بإذن الله، حتى يقضي الله أمرا كان مفعولا”.

يذكر ان والده المرحوم احمد الجبيلي قد صرحت رافضه ربط اسم احمد الجبيلي بحادثة النصب المتهمة بها ارملته رضوي جلال ، موضحة ان علاقتها بها قد انقطعت بعد وفاة الجبيلي مباشرةً، فهي لا تعلم أي تفاصيل عن عملها او شركتها مليكة مطالبة باستبعاد وعدم ألزج باسم أبنها أحمد الجبيلي في هذه القضية ألاتهامات المُشينة، وذلك لأنه متوفي في رحمة الله تعالى ويجب أعتباره في ذمة الله ولا يجوز علية إلا الدعاء له بالرحمة.

وكانت اتهامات قد وجهت الي مصممة الازياء رضوي جلال انها استغلت وفاة زوجها احمد الجبيلي في زيادة حجم مشروعها لازياء المحجبات مليكة ، مستغلة تعاطف الكثير من المصريين معها لوفاة زوجها في سن صغيرة ، الا ان والدة المرحوم احمد الجبيلي نفت علاقة احمد بشركة مليكة تماما ، ولازالت مباحث الاموال العامة تحقق في قضية رضوي جلال ، خاصة وانها هربت الي قطر ولا توجد اتفاقية لتسليم المتهمين بين مصر وقطر.

خطوات سعيدة

موقع خمس خطوات يقدم معلومات بسيطة فى شرح سهل من خمسة خطوات للأحداث الجارية وكافة مناحي الحياة المتنوعة لإثراء محتوي اللغة العربية على الإنترنت وتقدم العديد من مقالات الصحة والحياة وشغل المنزل والوصفات الطبيعية.