اعلن بنك مصر اليوم عن طرح شهادة استثمارة جديدة باسم شهادة القمة باعلي فائدة في مصر تبلغ 12.5 % سنويا ، ومدة شهادة القمة هي 3 سنوات علي ان يتم صرف عائد شهادة القمة شهريا …
ملامح شهادة القمة من بنك مصر 2015
وقدم بنك مصر شهادة القمة الجديدة وهي شهادة استثمار من بنك مصر ثانى أكبر بنك حكومى مصري ،ويبلغ سعر فائدة شهادة القمة 12.5 سنويا ويصرف عائد شهادة القمة نفسه شهريا ، وتبلغ مدة شهادة القمة 3 سنوات ، ويتم احتساب العائد اعتبارًا من تاريخ اليوم التالي لشراء الشهادة، وتبدأ فئات الشهادة من ألف جنيه مصري ومضاعفاتها وتصدر للأفراد الطبيعيين.
مزايا الاقتراض بضمان شهادة القمة من بنك مصر
كما يتيح بنك مصر العديد من المزايا الاخري مع شهادة استثمار القمة وهي وجود إمكانية صرف العائد ببطاقات الخصم الفوري، كما يمكن الاقتراض بضمان الشهادة بشروط ميسرة فضلا على إمكانية استرداد قيمة الشهادة بعد مضى 6 شهور من تاريخ الشراء، وأخيرًا يمكن شراء الشهادة من أي فرع من فروع البنك والتي يصل عددها إلى أكثر من 500 فرع منتشرة بجميع أنحاء الجمهورية.
يذكر ان البنك الاهلي المصري اعلن ايضا عن رفع سعر فائدة الشهادة البلاتينية من 10 % الي 12.5 % وهي شهادة استثمار لمدة 3 سنوات ….
تعرف من هنا علي المزيد من المعلومات حول شهادة استثمار البلاتينية
وفي هذا الموضوع :-
طريقة حساب فائدة الشهادة البلاتينية وشهادة القمة واهم الاسئلة حول شهادات الاستثمار
في موقع خمس خطوات ، نقدم لكم متابعة جيدة للشأن المصري والعربي والعالمي ، والاخبار السياسية والاقتصادية والبنوك في مصر والوطن العربي اهم النصائح والارشادات ومتابعة جيدة للتطورات الجارية.
كنت عايز استفسر على انى حطيت فلوسى على الشهادة البلاتينية بفائدة 12.5% وحاليا بعد قرار الزيادة الى 16% الشهادة هتجدد تلقائيا ولا لازم اروح اجددها بنفسى ولو اجددها هل اخسر فى قيمة الفايدة بتاعتها
لازم تروح البنك تسترد الشهادة القديمة وتعمل واحدة جديدة ، نسبة الخصم علي حسب مر من الشهادة قد ايه ؟
لو اخذت شهادة ادخار بلاتينية 1000 جنية كم يبلغ قيمة القرض
القرض بيبقي قيمته حتي 90 % من قيمة الشهادة ، يعني بالنسبة لالف جنيه القرض هيبقي 900 جنيه
ايه هي أفضل شهاده في البنك الأهلي أو بنك مصر من حيث الفائدة والعائد المتوقع ؟؟ وهل تنصح بشراء الشهادات دلوقتي ولا الانتظار
اعلي شهادة شهرية هي البلاتينية في البنك الاهلي ب 12.5 % و زيها في بنك مصر اسمها شهادة القمة
بنك الاستثمار من خلال البنك الاهلي بيصدر شهادة ا و ب و الفائدة علي مجموعة ب هي 12.75 % ، اما مجموعة ا هي تراكمية يعني بتسحب مبلغ الشهادة و الفوائد في اخر مدة الشهادة والنسبة الكلية بتاعتها 285 %
كلام الحكومة و البنك المركزي ان فيه تخفيض او تعويم للجنيه جي خلال اسابيع فالافضل طبعا الانتظار ، لان لازم الفائدة هتزيد علشان يمتص التضخم اللي هيحصل ، انت علي حسب احتياجاتك لو تقدر تستني لحد 17 نوفمبر دا الميعاد اللي البنك المركزي هيعلن فيه اسعار الفائدة وهيبان الوضع وقتها اكتر هم هيقررو ايه الفترة اللي جايه
عندي شهادة عدي عليها سنة و عاوز اخد قرض…هل فايدة الشهادة اقدر اصرفها و انا واخد قرض بضمانها ولا يتم التحفظ علي الشهادة بالفائدة حتي سداد قيمة القرض؟؟
و هل عند تعويم الجنيه و زيادة الفايدة هتم علي الشهادات الجديدة و لا الشهادات القديمة و الجديدة معا ؟؟
هو الشهادة بتستمر عادي بس مش بتقدر تستردها غير بعد سداد القرض ، و بيتم خصم قسط القرض شهريا من الحساب نفسه يعني هتلاقي في كشف الحساب المبلغ نزل ثم اتخصم قيمة القسط
تطبيق زيادة الفائدة بيبقي علي الشهادات الجديدة بس
عا يز استفسر ممكن اشترى الشهادة بشرط فى حالة الوفاة تقول الشهادة لور يث احددة انا
في حالة الوفاة بيتم توريث الشهادات او المبلغ اللي في الحساب حسب القانون
لكن ممكن تعمل الشهادة باسم الشخص مباشرة او علي سبيل الهبة
هل شهادات القمة شغالة فى الوقت الحالى
اه موجودة بنفس الفائدة 12.5 %
بس لو تقدر تستني حتي وقت تعويم الجنيه الشهر الحالي او في نوفمبر لان وقتها لازم هيتم رفع فائدة الشهادات علي الاقل 2 %
عندى شهادة وكانت بمعدل فايدة 10.5 وسوف تنتهي آخر أكتوبر الحالي وأنا خارج البلاد هل ستجدد بالفائدة الجديدة 12.5 ولا سوف تظل علي 10.5
التجديد هتظل علي الفائدة ال 10.5 لان فائدة الشهادة البلاتينية العادية هي 10.5 زي ما هي ، انما اللي زادت هي اللي الشهادة البلاتينية الشهرية ، لازم تتواصل مع البنك او لو فيه حد معاك توكيل باسمك ومعاه الشهادة ممكن يغيرها ويعمل الشهادة الجديدة
انا سمعت عن زميل انه شارى شهادات بقيمه 100000 لفايدة 12.5 % وعاوز ياخذ قرض 70000 هيتخصم كام شهريا منه وهل فعلا نسبه الخصم فائدة القرض (9 %)اقل نت فائدة الشهادة 12.5 % يعنى انا كسبان معقول البنك هيخسر ويكسب العميل
عامة نسبة فائدة القرض بضمان الشهادة بتكون اعلي من قيمة الشهادة ب 2 %
و في الشهر الحالي ضافوا نقطة “ان الفائدة هتتحدد حسب اسعار العوائد في تاريخ الاقتراض” ، علشان في توقعات بارتفاع الفائدة علي الشهادات قريب
انا كنت عامل شهادة من 10شهور وحابب اعمل شهادات تانية ازاى اقدر اضفهم على اشهادات الاخرة ثانيا لو حولت سحبت المبلغ بعد الثلاث سنوات هل هيتخصم حاجة من المبلغ الاصلى
عادي من خلال خدمة العملاء بتعمل شهادة جديدة طلما فيه حساب وشهادة سابقة
الخصم بيحصل لو سحبت الشهادة قبل ميعاد انتهائها ، لكن لو 3 سنين مدة الشهادة خلصوا بتقدر تسحب المبلغ كامل
انا عامل شهادة بمبلغ 70000 بفائدة 12 وشهادة اخرة 35000 بفائدة 9.25 وعملة قرض سيارة 94الف وخمسمائه بفائدة 9 فى المائه ولمدة خمس سنوات وعوز افك الشهادة 35000 وجعلها بفائدة 12.50علما باننى دفعة من اجمالى القرض 42.160
لو الشهادة دي ضامنة للقرض مش هينفع تفكها غير بعد سداد القرض لكن لو ملهاش علاقة بالقرض بتفكها وتعمل الشهادة الجديدة عادي من خلال خدمة العملا في البنك
لو انا هاعمل فك جزئى من الشهاده يعنى لو الشهاده ب 100000 وانا هاسحب منها حوالى 20000 هايتخصم كام من فوائد المبلغ المسحوب يعنى هاخسر كام وهل متاح الك الجزئى ولا لاء ؟
مفيش اجراء فك جزئي ، الشهادة بتتفك كلها و حسب المدة الباقية في الشهادة قد ايه ؟؟ بتيم خصم نسبة معينة من قيمتها
ممكن تفك الشهادة وبعد الخصم و سحب المبلغ المراد ، تعمل شهادة جديدة بالمبلغ المتبقي
انا عمل شهادة 3سنين فى 21/10/2015 وبتحسب على شهادة عشرة فى 10% مش 12.50% انا عمل اية دلوقتى
مفيش غير انك تسترد الشهادة وتعمل شهادة جديدة وتاكد علي الموظف انك عايز البلاتينية الشهرية اللي ب 12.5 %
حررت شهادة استثمار القمه يوم١/٨/٢٠١٦ بنبلغ٢٠٠٠٠٠(ماءتين الف جنيه) متى يحق لي ارتجاع الشهادة او حتي نصف القيمه وهل سيؤدي ذلك الي خسارتي لشيء
علشان تصرف الشهادة لازم مرور 6 شهور من تاريخ اصدارها ، ممكن تحاول مع البنك دلوقتي بس هيبقي صعب يقبولو فكها قبل ميعادها
بالنسبة للخصم لو بعد ال 6 شهور مباشرة بيتم خصم نسبة 90 % من العائد اللي صرف خلال ال 6 شهور دول
ممكن اعرف كام الفائده علي قرض بضمان الشهاده البلاتينيه وبحد اقصي كام
القرض علي الشهادة البلاتينية بيكون 2 % زيادة عن نسبة الفائدة بتاعه الشهادة
هل ممكن صرف مبلغ لافراد محتاجين من الفواءد
الفوائد بتكون متاحة في الحساب تقدر تصرفها عادي طلما معاك البطاقة بتصرف من الشباك او لو عامل كارت فيزا بتصرف من ماكينات الصرف الالي
سؤال تانى لو انا كنت عامل كذا شهادة بكذا مبلغ هو ممكن افكهم وارجع اجمدهم تانى بنفس الوقت بشهاده واحده بس باجمالى المبلغ ولو نفع هل هيتخصم منى حاجة لانى بصراحة عرفت ان على كل بشهاده مصاريف تقريبا كل ست شهور وانا مش كنت عارف وعايز ادفع مصاريف لشهادة واحده بس علشان مصرفشى كتير لانى فعبا محتاجهم والف شكر
مفيش مصاريف علي الشهادات نفسها ، فيه مصاريف علي الحساب في البنك 120 جنيه في السنة بيخصموا 30 جنيه كل 3 شهور ، وحتي لو عندك شهادة واحدة المصاريف مستمرة علي الحساب طلما مفتوح
هو لسه شهادات بلاتينية متاحة
اه لسه موجودة بنفس الفائدة
كم الخصم عليه الى سحبت بعد 6شهور كم % خصم منالشهاده
بيتم خصم نسبة 90 % من العائد في ال 6 شهور ، بيتم خصم القيمة دي من الشهادة
بعد سداد القرض من عائد الشهاده تصبح قيمه الشهاده للعميل وﻻ ايه
اه الشهادة ضامن بالتالي بعد سداد القرض قيمة الشهادة تبتبقي زي ما هي
فيه شهاده بقيمه خمسن الف ولا ليها فئات محدده
مفيش قيمة محددة ، مضاعفات ال 1000 جنيه و بدون حد اقصي
هل شهاده القمه لسه متاحه علما بأني نازل مصر في شهر 10 الجي وكنت عاوز اعمل شهادات ادخار…انا عندي حساب في بنك مصر الحساب ده توفير دقتر ينفع اعمل بطاقه صراف علي الحساب ده عشان اقدر اسحب من عائد الشهادات من خلال ماكينه الصراف الالي وشكرا
اه الشهادة لسه موجودة بنفس قيمة الفائدة ، ومن خلال خدمة العملا بتعمل بطاقة فيزا للسحب من الحساب
هل مازالت نسبة ال 12.5% للشهادات البلاتينية موجوده أم انتهى العرض
اه الشهادة مستمر حتي الان زي ما هي 12.5 % شهر يوليو 2016
ممكن احول الحساب الجاري الي حساب توفير وازاي
من خلال خدمة العملاء في البنك بيتعمل عمل حساب توفير و نقل اللي في الحساب الجاري سواء اموال او شهادات او غيره الي حساب التوفير وغلق الحساب الجاري او ممكن يستمر الاتنين حسب رغبتك
لو انا تركت الفائده الشهريه ولم اسحب منها بيكون عليها فوايد تاني غير اﻻساسيه وبتكون كام في % وبتفرق لو استنت اكثر من ثﻻث اشهر يعني زي الربع سنوي والحاجات دي وﻻ بتكون هي نفسها مش بتزيد
حسب نوع الحساب لو حساب توفير اه بيكون فيه فائدة شهرية او ربع سنوية او سنوية حسب نوعه وبتكون علي المبلغ اللي في الحساب وحاليا هي 6.85 % لحساب التوفير ربع السنوي و 7.25 % سنويا
انا عامل شهادة قمه ٢٦٠٠٠٠الف جنيه العاد الشهري كام في المايه ولو البنك المركزي خفض الفايده هل التخفيض هايمشي علي الشهادات اللي معموله قبل التخفيض ولا الفايده بتفضل ثابته لمدة ثلاث سنوات حتي لو خفض البنك المركزي ولو خفض بتتخفض الفايده لكام في المايه
الشهادة بتفضل بالفائدة اللي مكتوبة عليها طول فترة الشهادة ال 3 سنين حتي لو البنك المركزي خفض الفائدة بيتم تطبيقها علي الشهادات الجديدة فقط
هل يسمح الأجنبي بشراء هذه الشهاده .أنا أردني الجنسيه .الرجاء الرد بأسرع وقت وشكرا .
اه ممكن شراء شهادات الاستثمار طلما معاك اقامة في مصر او ما يفيد بعملك في مصر
هل الشهادة ما زالت موجودة وبنفس الفائدة …ال مائة الف عائدهم الشهرى كام
اه بس استني الاسبوع الحالي لان فيه احتمال الفائدة تزيد بعد ما البنك المركزي زود الفائدة علي الايداع والاقراض يوم الخميس اللي فات 1 %
هي حتي اليوم السبت الفائدة لسه 12.5 % يعني بالنسبة لمبلغ 100 الف العائد الشهري هيبقي 1041 جنيه
كيف يقوم اخى بصرف العايد الشىهرى ،
هل يمكن عمل توكيل منى للبنك بصرف العايد شهريا
ممكن يعمل كارت فيزا لصرف العائد الشهري مباشرة من اي ماكينة صرف الي
اه ممكن يعلمك توكيل بنكي في البنك لصرف العائد
انا عاملت شهادة بمبلغ 40 الف كنت حاسبها علي ١٢.٥٠% يبقي 500 جنيه بس لما صرفتها شهريا بقت 416 فمش فاهمها
416 مضبوطة ، هو انت حسبتها 500 جنيه ازاي ؟
اصل هي ب 40000 * 0.125= 5000 في السنة بعدين تقسم علي 12 هيطلعلك ال 416 في الشهر
هل ممكن احول الحساب الجارى الى شهادة ادخار القمه وهل العائد يضاف على اصل المال ام لا
اه ممكن تشتري بالمبلغ اللي في الحساب الجاري شهادة القمة ، والعائد الشهري يضاف في الحساب كل شهر ، اما اصل المبلغ في الشهادة مش بيزيد ولا يقل طول مدة الشهادة
انا عامل حساب توفير ينفع احط فيه 50 الف واشترى بيهم شهادات استشمار البلاتينية وده أفضل والا فى حاجه احسن من كده
هي دي اعلي شهادة استثمار شهرية ، فيه شهادة استثمار “مجموعة ب ” سعر الفائدة 12.75 % بس هي ربع سنوية ولمدة 5 سنين مش 3
ممكن اشتري شهادات بلادي وانا في الكويت ومن أي بنك
ممكن الشراء مباشرة اونلاين عن طريق البنوك او في الكويت عن طريق مكاتب البنك الاهلي او بنك مصر هتلاقي التفاصيل والفروع في الكويت التعليقات في الموضوع هنـــــا عن شهادة بلادي بالدولار
لو معايا مبلغ 60000 وعايز اودعهم لمدة 3 سنين هسحبهم بعد 3 سنين كام ؟ وايه افضل مكان اعمل فيه وديعه
لو 3 سنين يبقي شهادة استثمار القمة من بنك مصر ، او شهادة البلاتينية الشهرية من البنك الاهلي والاتنين ب 12.5 % ، الشهادة هتجبلك في السنة 7500 جنيه والعائد مقسم شهريا هتلاقي في حسابك كل شهر 625 جنيه ، لو عايز تسيب العائد في حسابك ممكن
لكن الافضل تصرف العائد وتستفاد منه بدل ما تسيبه في البنك او ممكن تعمل بيه شهادات جديدة
لى حساب توفبر ببنك مصر ممكن اكتب طلب بشراء شهادات استثمار خصما من حسابى
اه ممكن
ممكن اصرف عائدالشهادات التى اشتريها مع مرتبى ببطاقة صرف المرتب اذاكانالعائد يستحق صرفه قبل يوم 20من كل شهر
لو كارت الفيزا تبع بتك مصر ممكن تصرف العائد علي نفس البطاقة اه وبيتم الربط من خلال خدمة العملاء في البنك
اما يوم الصرف فحسب اليوم التالي لتاريخ شراء الشهادة يعني مثلا لو اشتريت الشهادة يوم 19 هيبقي عائد الشهادة موجود في حسابك يوم 20 من كل شهر
الفايدة دي لحد امتا لو سمحت
مفيش مدة محددة الفايدة دي فهي مستمرة علي الاقل في شهر يناير وفبراير 2016 لحد ما البنك المركزي يقول غير ذلك
ممكن اعرف الفايدة دي لحد امتااااا يعني لسه 12.5 ولا رجعت تاني 10% ممكن بس اعرف لحد امتااا موجودة
لا لسه زي ما هي 12.5 % ومستمرة لحد ما البنك يزود او يخفض الفائدة ، علي الاقل مستمرة في يناير وفبراير 2016
لو انا اخدت قرض على شهادة القمه لمبلغ 500 00 الف جنيه يجوز ليا كام اطلب قرض
ممكن تطلب قرض بضمان الشهادة حتي 90 % من قيمتها ، يعني القرض هيبقي 450 الف جنيه
هل شهادت القمه مطروحه فى بنك مصر للمعاملات الاسلاميه
الشهادة نفسها لا ، لكن ممكن تشتريها من اي فرع بنك مصر
اما في بنك مصر للمعاملات الاسلامية فيه شهادات اسلامية تخضع للربح والخسارة بتكون ربع سنوية او شهرية
هل بنك مصر للمعاملات الاسلاميه يطرح شهادت القمه
لو قصدك الفروع اه ممكن تشتري الشهادة من اي فرع بنك مصر
اما لو قصدك شهادة بنك مصر للمعاملات الإسلامية فيه شهادة اسلامية ذات عائد شهري مدتها 5 سنوات وهي ذات عائد شهري تحت حساب الربح أو الخسارة ( لا قدر الله ) يتم تسويته كل 6 اشهر
بعد التحية
انا مقيم في الكويت هل يوجد وسيلة لشراء هذة الشهادات من الخارج وشكرا
اهلا بيك
اه ممكن تشتري الشهادات من خلال مندوب او مراسل بنك مصر في احد البنوك التالية بنك الكويت الوطني و البنك الأهلي المتحد او
BURGAN BANK
COMMERCIAL BANK OF KUWAIT
NATIONAL BANK OF KUWAIT
THE BANK OF KUWAIT & THE M.E
عندي شهاده قديمه لها اكثر من9 شهور تصرف ربع سنوي العايد بتاعها10% لو حبيت اغيرها لتصبح 12.5 % اسحب واعمل واحده جديده ولا بيتغير عليها العايد من غير ما اسحبها واعمل شهاده جديده ولو سحبتها يخصم منها كام وقيمتها 100 الف جنيه بعد 9 شهور ارجو الرد
لازم تسترد الشهادة لحسابك وبعدين تعمل شهادة جديدة بالفايدة ال 12.5 %
بيتم خصم العائد اللي تم صرفه خلال ال 9 شهور الماضية ، بس راجع مع البنك لان بيبقي في جدول استردادي حسب تاريخ وفايدة كل شهادة
لو سمحت انا مقيم في امريكا وكنت عايز اشتري الشهادات ديه وفي حد في مصر انا عامله توكيل بنوك وتوكيل عام. هل ممكن يشتري الشهدات ديه باسمي من البنك علما اني في الباسبور مكتوب وضيفه مدير تنفيذي بس البطاقه مكتوب فيها بدون عمل علشان لما جيت اعملها مكانش معايا ورق من شركتي في الخارج وشهادتي كمان مكنتش مترجمه او متوثقه بس انا عملت كل حاجه وكتبت الوظيفه في الباسبور ممكن اشتري بالبسبور الجديد؟
شكرا للاهتمام
ممكن تعمل الشهادات في امريكا من خلال فروع البنك الاهلي المصري او مندوبين البنك هناك حسب الولاية المتواجد فيها هتلاقي الفروع والمندوبين في موقع البنك الاهلي الرسمي
و طلما فيه توكيل بنوك لحد في مصر ممكن عادي يعملك الشهادات باسمك
بالنسبة للبطاقة والباسبور انت ممكن تقدم وتتعامل بالباسبور فقط ، وعامة لو ليك حساب وفيه تعامل عليه مش بيدققوا في حكاية الوظيفة اوي
لو سمحت عاوز اعرف علي 20000 اقدر احصل علي كام في الشهر وكمان ايه هي المميزات الي اقدر اخدها علي الشهادات
20000 هتجيب 2500 في السنة يعني 208 جنيه في الشهر
ممكن تعمل كروت فيزا للشرا والتسوق او تعمل قرض بضمان الشهادة لحد 90% من قيمتها
طب لو سمحتم ممكن اعرف على الالف كام كل شهر
ال 1000 جنيه بنسبة 12.5 % في السنة تجيب 125 جنيه
في الشهر الواحد ال 1000 جنيه العائد هيكون 10.40 جنيه
للاسف يا استاذ احمد ده ااروتين اللي ودانا فداهية وده اللي اخرنا عن باقي العالم المتقدم الغريب فالموضوع انهم بيرفضوا كل الناس ماعدا اللي شغال فالحكومة او عنده مفردات مرتب غير كده. ما يعتبرش من اهل البلد كانوا ويقولوا وبفا ويصنفوا ويعملوها لفئات معينة. ويقولك عشان غسيل الاموال انا مش فاهم والله طيي افتراضا لو اب ساب لابنه مبلغ يحطه الوضعوايه انا سئلت فالنقطة دي وقالولي بردو ماينفعش لازم. اثبات انه عنده تركة او ورث وعجبببببببببي
ازي حضرتك يا استاذ للاسف انا حزين جدااا عالروتين والتعنت الغير مفهوم فالبلد الغريبة دي انا اتصلت بخدمة العملا النهاردة وشرحتلهم حالتي وقولتلهم اني شغلي حر وماليش مكان محدد وماقدرش اطلع سجل تجاري او مفردات مرتب والمهنة حاصل علي مؤهل قالولي مش حينفع قلتلهم افرضوا حد المهنة لا يعمل قالول ماينفعش يدع اموال قولتلهم ليه يا جماعة قالولي عشان غسيل الاموال من اين لك هذا قولتلهم يعني سايبين الحرامية اللي ماليين البلد وبيسرقوا ويحطوا بالملايين وجاين علي شاب حيحط 100 الف ولا حاجة صغيرة يسندوه وتقولوا من اين لك هذا والله خرام الظلم اللي مااالي البلد دي
اهلا بيك يا استاذ اسلام ، مش عارف اقولك ايه بجد ربنا معانا علي شغل البنوك العجيبة دي امال لو احنا رايحين ناخد منهم فلوس هيعملو ايه ، وبعدين غسيل اموال ايه اللي بيقولوا عليه وزي ما قلت سايبين الحرامية وبالملايين يعملوا اللي عايزينه وممكن ياخدو قروض بالملايين ومن غير اي ورق او ضمانات
انا بعد تعليقك اللي فات بعت ايميل للبنك الاهلي والبنك المركزي خصوصا ان فيه ناس بعتتلنا نفس وضعك بالضبط برضو البنك رفض بسبب الوظيفة او ان البطاقة بياناتها مش محدثة لكن لسه مردوش علي الايميلات ، مش عارف اقولك ايه غير ربنا معاك ياريت في ادينا حاجة نغير تفكير صغار العقول دول
انا نفس وضع استاذ اسلام بالضبط واللي حصل معاه لكن انا شغال قطاع خاص لكن مش مأمن عليا والشركة مش بتختم ورق البطاقة ولا غيره طب يعني الحق عليا اني عايز استثمر في البلد بدل ما ادي الفلوس لشركة توظيف اموال ومستريح نعمل ايه بس رضينا بالهم والحكومة مش راضية بينا
والله مش عارف اعمل ابه الروتين بتاعنا ده مش فاهمه طيب هو خدمة العملا كام
الرقم الساخن هو 19888
او ابعتلهم علي الايميل bm19888@banquemisr.com
والله يا استاذ. مش عارف. ده اللي حصل. وقالولي انهم بيرفضوا اي حد. طالب او لسه فالدراسة قابلت كذا حد مش عارف ايه التعنت ده والله يا استاذ حاجة صعبة اوووي مش لاقي حل
شئ غريب فعلا اما لو هنروح ناخد منهم فلوس هيعملو ايه في الن
احنا هنا هنكتب عن الموضوع اكتر ونوصل صوت الناس يمكن حد يستجيب ولو فيه جديد او وصلت لحاجة هبعتلك علي الايميل وانت برضو زي ما قلتلك حاول تقابل المدير هناك او اتصل بخدمة العملا وقدم شكوي
بعد اذن حضرتك انا بعد ماجددت البطاقة وبقيت سارية البطاقة مكتوب فيها المهنة المؤهل بتاعي وانا شغال اعمال حرة مش تبع مؤسسة او حاجة معينة وماعنديش سجل تجاري ولما روحت لبنك مصر قالي مش حينفع افتحلك حساب جاري او توفير لان لازم المهنة تتغير مع العلم ان الدفتر التوفير بتاعي كنت عامله عندهم بس قالولي انتهي من زمان نش عارف اعمل ايه صراحة حسيت في تعنت
هو للاسف تعنت من البنوك حاليا اكتر من واحد قال علي الموضوع دا الموظفين علشان يمشوا الناس بيتلككو ، طب كنت تقوله مفيش مهنة اصلا حاليا وشوف هيرد يقول ايه او حاول تتصل بخدمة العملا علي التليفون واستفسر منهم ايه الوضع او حاول تقابل المدير في البنك علي الاقل توصل صوتك لان اكيد الموضوع دا هيتكرر مع الناس
السلام عليكم انا عندي استفسار يا فندم هل الموضوع ده حينتهي قريب ولا لسه مالوش جدول زمني وبعدين اناوسمعت ان اافلوس ماقدرش اخدها غير بعد وقت معين وهل لا قدر الله لو حصل اي شئ فالبلد اووالاقتصاد حصل في شئ ماقدرش اخد فلوسي فالفترة دي وشكرا
وعليكم السلام ورحمه الله وبركاته ، حتي الان مفيش ميعاد لفترة شراء الشهادات لانهم مش محددين مبلغ معين
بالنسبة لسحب فلوس الشهادة ممكن تسحبها لكن بعد مرور 6 شهور بعد الشهر التالي لاصدار الشهادة ، وبيتم خصم مبلغ معين حسب جداول استرداد الشهادات في البنك
وعامة مدة الشهادة 3 سنوات ممكن تسحب بعدها المبلغ ومحصلش في مصر قبل كدا انهم وقفوا او منعوا صرف الشهادات دي لانها مضمونة من البنك المركزي