الشروط الكاملة التي يجب توافرها في المتقدم لحجز شقق الاسكان الاجتماعي اعلان شهر ابريل 2016 ال 500 الف شقة ، حسبما اعلنت وزارة الاسكان ، كما نوضح لكم قيمة مقدم شقق الاسكان الاجتماعي عند استلام الشقة وامكانية تأجير او بيع شقق الاسكان الاجتماعي.
شروط حجز شقق الاسكان الاجتماعي 2016 اعلان شهر ابريل – مايو
وحدد المهندس صلاح حسن، رئيس الجهاز التنفيذى لمشروع الإسكان الاجتماعي في مصر عدد من الشروط الواجب توافرها في المتقدم لحجز شقق الاسكان الاجتماعي 2016 حسب اعلان شهر ابريل 2016 والذي علي ان يتم فتح باب التقديم بشقق الاسكان الاجتماعي في شهر مايو 2016 واليكم شروط الاسكان الاجتماعي كاملة :-
– يجب ألا يقل سن المتقدم عن 21 سنة ولا يزيد عن 50 سنة فى تاريخ بدء الحجز.
– يحظر على المتقدم شراء الوحدات نقداً على أن يلتزم بالسداد بنظام التمويل العقارى.
– الحد الأدنى للمرتب الشهرى للتقديم في الاسكان الاجتماعي حسب نظام التمويل العقارى هو ألف جنيه طبقاً لإخطارات البنوك الممولة.
– أن يكون المتقدم من محدودى الدخل، وألا يزيد دخله السنوى طبقاً لقانون التمويل العقارى رقم 148 لسنة 2001 وتعديلاته ولائحتة التنفيذية (أى لا يتجاوز الدخل الصافى للأسرة عن 42 ألف جنيه سنوياً وللأعزب عن 30 ألف جنيه سنوياً) ، بمعني ان الحد الاقصي لدخل الفرد للتقديم في الاسكان الاجتماعي هو 2500 جنيه شهريا ، والحد الاقصي لدخل الاسرة (مرتب الزوج والزوجة معا ) هو 3500 جنيه.
– لا يحق للمتقدم أو الأسرة (الزوج / الزوجة) التقدم لحجز أكثر من وحدة سكنية في المدن الجديدة والمحافظات فى الإعلان الواحد، وألا يكون قد سبق التخصيص للمتقدم أو الأسرة ( الزوج / الزوجة / الأولاد القصر) قطعة أرض سكنية أياً كان نوعها بالمدن الجديدة أو المحافظات، سواء كانت في حوزته أو تنازل عنها للغير، أو بالشراكة مع آخرين أو آلت للمتقدم أو الأسرة بالتنازل من الغير.
– على أن يقر المتقدم أنه لم يسبق التخصيص له أو للأسرة (الزوج / الزوجة / الأولاد القصر) وحدة سكنية أياً كان نوعها سواء كانت في حوزته أو تنازل عنها للغير أو آلت للمتقدم بالتنازل من الغير.
– ألا يكون المتقدم أو الأسرة (الزوج / الزوجة / الأولاد القصر) مالكاً لمسكن، أو استفاد بقرض تعاونى، أو دعم من المشروع القومى للإسكان، أو أى جهة حكومية أخرى.
طريقة اختيار محافظة التقديم في الاسكان الاجتماعي والمدن الجديدة
وأضاف المهندس خالد عباس، حسب بيان وزارة الاسكان اليوم تتضمن الشروط أيضاً أن يكون المتقدم للحجز من أبناء المحافظة أو المقيمين أو العاملين بها أو إحدى المدن الجديدة التابعة لها ، بمعني انه يمكن للمتقدمين في الاسكان الاجتماعي حجز شقة في المحافظة التي يسكن بها او المحافظة التي يعمل بها ، علي ان توضح الاوراق المقدم ذلك سواء عنوان السكن او عنوان العمل.
اخر موعد التقديم في شقق الاسكان الاجتماعي 2016
وحسبما اوضح المهندس خالد عباس، مساعد وزير الإسكان للشروط الفنية، ان موعد طرح كراسة شروط الاسكان الاجتماعي سيكون يوم السبت 23 ابريل 2016 ، وسعر كراسة شروط الاسكان الاجتماعي هو 50 جنيه من خلال مكاتب البريد ، اما عن موعد بداية حجز شقق الـ500 ألف وحدة سكنية بالإسكان الاجتماعى بالمدن الجديدة والمحافظات، سيكون طوال شهر مايو وحتي 31 مايو 2016 علي ان يكون دفع المقدم وارسال الاوراق المطلوبة في الاسكان الاجتماعي عبر مكاتب البريد.
امكانية تأجير او بيع شقة الاسكان الاجتماعي
وحول الاجابة عن سؤال هل من الممكن بيع او تأجير شقق الاسكان الاجتماعي للآخرين ؟ ، اوضحت وزارة الاسكان أنه يلتزم من انتفع بوحدة سكنية من وحدات الإسكان الاجتماعى، باستعمالها للسكن له ولأسرته، ويحظر عليه التصرف فيها أو التعامل عليها بأى نوع من أنواع التصرفات أو التعاملات قبل مرور 7 سنوات من تاريخ الاستلام.
وفى حالة التصرف في شقة الاسكان الاجتماعي بعد مرور ال 7 سنوات يتم محاسبة المواطن بالسعر الحر الاستثمارى للشقة ، وتطبيق الإجراءات واللوائح المعمول بها في هذا الشأن، على أن يقر المتقدم بصحة البيانات والمستندات المقدمة منه عند الحجز، وفى حالة المخالفة يكون مسئولاً جنائياً ومدنياً.
ويحق للجهة المالكة للوحدات إلغاء التخصيص واسترداد الوحدة دون إنذار أوحكم قضائي، واتخاذ كافة الإجراءات القانونية لحفظ حقوقها، مع تطبيق بنود قانون الإسكان الاجتماعي وقانون التمويل العقاري وتعديلاته.
قيمة مقدم شقق الاسكان الاجتماعي 2016 شهر مايو
وعن مبلغ التقديم في شقق الاسكان الاجتماعي اوضحت وزارة الاسكان أنه يتم سداد 9 آلاف جنيه كمقدم حجز عند تقديم اوراق الاسكان الاجتماعي.
على أن يتم دفع باقي مقدم شقة الاسكان الاجتماعي عند استلام الشقة ويتم سداد المبلغ خلال اسبوعين من الاستلام ن وعن قيمة مقدم شقق الاسكان الاجتماعي عند الاستلام سيتم سداد 15% من ثمن الوحدة مع امكانية زيادة النسبة حسب مرتب وسن المتقدم، بعد انطباق الشروط على المتقدم، وقبل التعاقد على الوحدة رسميا.
– كما أنه يمكن سداد مقدم الحجز على دفعات ربع سنوية بمعدل 4 آلاف جنيه قبل استلام الوحدة.
تفاصيل اقساط شقق الاسكان الاجتماعي حسب آخر تحديث 2016
ويبدأ قسط شقة الاسكان الاجتماعي 2016 بـ350 جنيهاً في الشهر ، ويتم زيادة قيمة القسط الشهري حسب قيمة مرتب المتقدم او دخل الاسرة.
كما تتم زيادة قسط شقة الاسكان الاجتماعي بنسبة سنوية تصل الى 7% ، وعن مدة سداد ثمن الشقة الذي يبلغ 154 الف جنيه ، تصل مدة التقسيط إلى 20 عاماً كحد أقصى بنظام التمويل العقاري، ويتم حساب الاقساط طبقاً لتكلفة الوحدة ودخل المواطن وتلتزم الدولة بتوفير دعم لا يرد للمواطن.
معرفة الاولوية وترتيب المتقدمين في شقق الاسكان الاجتماعي
وفي حالة زيادة عدد المستحقين عن عدد الوحدات المتاحة في مدن الاسكان الاجتماعي 2016 حسب كل مرحلة تكون الأولوية طبقا للترتيب التالى: المتزوج ويعول ويشمل الأرملة وتعول، والمطلقة وتعول (الأولوية للأصغر سناً وفى حالة تساوى السن تكون الأولوية للأسرة الأكثر عدداً)، ثم المتزوج (الأولوية للأصغر سناً)، ثم الأعزب (الأولوية للأصغر سناً).
اماكن شقق الاسكان الاجتماعي اعلان شهر ابريل 2016 بالتفصيل
موقع خمس خطوات يقدم معلومات بسيطة فى شرح سهل من خمسة خطوات للأحداث الجارية وكافة مناحي الحياة المتنوعة لإثراء محتوي اللغة العربية على الإنترنت وتقدم العديد من مقالات الصحة والحياة وشغل المنزل والوصفات الطبيعية.
حضرتك لوطالب في جامعه وخااطب ليه الحق انه يقدم في المسااكن؟؟؟
اقل سن للتقديم هو 21 سنة ولازم يكون فيه وظيفة لان قسط الشقة هيتخصم من المرتب الشهري
هو فى تقديم دلوقتى ؟
فيه تقديم بالنسبة لشقق الاسكان غير المدعومة للناس اللي مرتبتها اعلي من 2500 جنيه
اما شقق الاسكان الاجتماعي العادية الاعلان اللي جي ان شاء الله في شهر فبراير
بالنسبه لو واحده مطلقه وتعول طفلين ولسه ماقدمتش اقدم امتي وازاي
ارجو الرد ضروري
ممكن تقدمي في شقق الايجار في اعلان حالي في 10 محافظات و التقديم بيكون من خلال مكاتب البريد
اما بالنسبة لشقق التمليك ان شاء الله الاعلان القادم هيكون في 7 ديسمبر و التقديم برضو من خلال مكتب البريد بيتم شراء كراسة الشروط وملئ الاستمارة ثم تقديمها مع الاوراق المطلوبة في ظرف و دفع المقدم المطلوب في مكتب البريد
لو سمحت لو المتقدم يوجد شقة تمليك مش تبع الإسكان الاجتماعى ينفع يقدم للحصول على شقة
لا لانه من الشروط الاساسية للاسكان الاجتماعي ان المتقدم لا يمتلك شقة تمليك
لسه فية تقديم دلوقتى
دلوقتي اللي موجود شقق بالايجار في بعض المحافظات و شقق تبع النقابات ، اما اعلان الاسكان الاجتماعي اللي جي هيبقي في بداية السنة الجديدة ان شاء الله
هولازم يكون مع المتقدم قسيمة جواز
الاعزب ممكن يقدم عادي ، اما لو متزوج لازم يقدم قسيمة الزواج وباقي الاوراق المطلوبة
لوسمحت انا روحت ولفت على الكراسي لكن قالو خلصت بس في ناس لقيتها بتاخدها وصدقونى الكلام دة انهاردة
وانا ورقى جاهز كامل
اعمل اية
هو الكلام الرسمي تم ايقاف بيع الكراسة الاسبوع اللي فات لكن ممكن تجربي تسالي في مكاتب البريد الرئيسية لو في القاهرة اسالي في مكتب بريد العتبة
هو لسه التقديم مفتوح ولا اتقفل
مفتوح بس للناس اللي معاها كراسة الشروط او لسه مدفعتش او ارسلت الورق
نفسى اعرف مين اللى كتب السروط دى بمعنى الاولوبة للاصغر طيب والكبير يعيش وبموت من غير ما يكون عنده بيت ليه ولعياله المفروض ان ده حق للجميع ولا لازم اتطلق علشان تكون ليه الاولوية
وبعدين متوسط دخل الاسرة لو زاد عن ال42 الف بخمة او ستة الاف مش هيكون متوسط ولا حاجة سعنى فقير برده لا يستطيع الحصول غلى شقة عادىة العدل واملى فى الله كبير
هو لسه باب التقديم مفتوح
اه لحد يوم الاربعاء 15 يونيو
هو لازم اعفاء من الجيش في الورق للشباب
شهادة التجنيد او الاعفاء مش مطلوبة ضمن الاوراق
لوسمحت هو لو حد عندوا ملكية خاصة بيت ينفع يقدم ولا لا وبالنسبة للجيش لازم يكون مخلص جيش علشان يقدم ولا مش مهم
لو فيه شقة تمليك باسم المتقدم مش هيقبل الورق
بالنسبة للجيش مش مطلوب ورق سواء التجنيد او اداء الخدمة
لو سمحت ايه حكاية ال 15% من ثمن الشقة ده ولو مكنش معايا المبلغ ده في وقتها هيلغوا التخصيص فعلا؟شكرا جزيلا
اه بالنسبة لل 100 الف شقة البنك بيدي مهلة اسبوعين وفي حالة عدم الدفع بيتم الغاء التخصيص
بالنسبة لل 400 الف شقة هيتم سداد المبلغ بالتقسيط بداية من شهر سبتمبر 2016 لان الشقق لسه هتتسلم في 2017
ينفع اقدم دلوقتي ولا التقديم خلص
التقديم مستمر لحد 15 يونيو
ممكن اعرف ميعاد التسليم يعني هيكون في شهر كام في 2016 والنتيجه هتطلع امتا انا قدمت في مايو2016
مفيش ميعاد محدد حتي الان ، لكن عامة التخصيص اجراءات تسليم الشقق هتبدأ من شهر سبتمبر 2016
هل ثمن الشقه كامل وشامل 154 الف بعد الفائدة المذكورة 7% ام يتم اضافه اى فوائد اخرى على ال 154 الف
فيه 5 % وديعة صيانة بيتم تقسيطها مع ثمن الشقة ، اما بالنسبة للفائدة السنوية 7 % بتزيد علي المبلغ 154 الف جنيه ، بس هي فائدة متناقصة مش متزايدة يعني كل سنة بتتحسب علي المبلغ المتبقي
هل الوحدات السكنية جاهزة للتسليم أم لا
ومتى ميعاد التسليم
بالنسبة لل 100 الف شقة اه في مراحل التشطيب وهتسلمو في 2016
اما بالنسبة لل 400 الف شقة لسه هيتم تسليمهم في 2017
يشترط ان اكون موظف علشان احصل على وحدة سكنية
يشترط وظيفة سواء حكومة او قطاع خاص او مهن حرة المهم وظيفة ومرتب شهري
انا قدمت و نفسى تجيلى لان انا بجد محتجالها انا ام ل 3 اطفال و مطلقة و ساكنه
ربنا يوفقك عامة الارامل والمطلقات لهم اولوية في الاسكان الاجتماعي طلما الشروط متوافرة
لو سمحت حضرتك كان ف شقق تبع الإسكان أتسلمت ف شهر فبراير تقريبا التقديمات دى تبعها و لا مرحلة غيرها
اللي اتسلم في شهر فبراير كان تبع اعلان الاسكان الاجتماعي في يوليو 2015
اما في العام الحالي 2016 التقديمات لسه شغاله في شهر مايو بالتالي مفيش حاجة اتسلمت
لو سمحت هوه الكراسه الزرقاء الي هيه الوحدات الي هتتعمل خلال سنه هل القرعه هتم بعد سنه بمعني ان مقدم التعاقد هيفضل في البريد لمده سنه ولعد سنه لو اسمي منزلش هقدر اخد مقدم التعاقد
ان شاء الله معرفة التخصيص هتكون السنادي خلال 4 شهور او اكتر حسب الاعداد اللي مقدمه في كل محافظة
اما استرداد المقدم ممكن بعد اعلان التخصيص او الرفض استرداد المبلغ وبيكون من فرع بنك التعمير والاسكان
طيب ممكن اعرف الاوراق المطلوبه وهل لو وصل النور مش باسمى ومش باسم والدى او والدتى اعمل ايه ؟
ممكن اي وصل مرافق كهربا ميا غاز ، وحتي لو مش موجود باسمك قدمه
وهتلاقي خطوات التقديم في الاسكان الاجتماعي والاوراق المطلوبة بالتفصيل هنــــا
انا عازب ومرتبى 3100 جنيه هاينفع اقدم والا لا ؟
اه ينفع تقدم وحاول علي بكرا او يوم الاتنين لان اخر يوم هو التلات 31 مايو
انا عندي مشاكل زوجيه وفي قضايا في المحكمه بس معنديش مسكن ومش شغاله بس ممكن ادفع وواصل في الاقساط
حاولي تقدمي اثبات مصدر للدخل الشهري سواء مرتب او معاش او نفقة ، بالنسبة للحالة الاجتماعية بتقدمي اي ورقة من المحكمة تفيد بوجود قضية طلاق
لوجوزي عنده شقه باسمه في طلخا وانا معنديش حاجه وعوزه اقدم في جمصه ينفع وﻻ ﻻه
لو احد الزوجين فيه شقة تمليك باسمه مش هينفع التقديم
لو سمحت انا عملت عند محاسب قانوني صافي الدخل مدرسة في حضانة خاصة وغير مؤمن عليا ينفع اقدم باسمي ولازم زوجي يعمل شهادة من المحاسب ولا لا علما بانه مهن حرة
لازم ذكر بيانات الزوج حسب ما موضح في كراسة الشروط تقديم بيانات الزوج والزوجة ، وهتلاقي في الاقرار مكان لامضاء الزوج حتي لو كان التقديم باسمك ، بالتالي لازم يعمل شهادة مفردات الدخل برضو
يعني ايه عند البيع يتم المحاسبة بالسعر الاستثماري الحر
يعني هيتم حساب سعر الشقة بسعرها في السوق وقتها ، مش سعرها المدعم 154 الف جنيه الحالي
انا انسه واتممت 21 سنه
ينفع اقدم باسمي ؟
اه ينفع طلما باقي الشروط متوافرة وفيه وظيفة او دخل شهري
لو سمحت ممكن اقدم باسمي ولا لازم والاولوية الزوج؟
طلما الشروط متوافرة ممكن التقديم باسمك عادي
طيب بالنسبة لمفرظات المرتب نقدم باسمي انا وزوجي مفردات ولا يكفي واحد فقط وجزاكم الله خيرا علي ردكم وجعله في ميزان حسناتكم
لو الزوج والزوجه بيعملو لازم كل واحد يقدم مفردات المرتب من جهة العمل زي ما موضح في كراسة الشروط
لو سمحت معنديش إيصال مرافق وخايف يتاخروا الشهر الحالى ويكون الميعاد انتهى يجوز استكمال الإيصال بعدها
اي ايصال مرافق باسمك لو مش باسمك قدم برضو سواء ايصال مرافق الشهر الحالي او السابق
لوسمحت ينفع اقدم باسمى بالرغم من جوزى مرتبه اكتر من 3500
لو دخل الاسرة – مجموع مرتب الزوج والزوجة – اكبر من 3500 جنيه مش هينفع
اناقدمت فى الاسكان تلاجتماعى بس انا ضامن لشخص فى بنك ناصر الجتماعي ممكن لاتتوفر لى فرصة الحصول على الشقة مع العلم انى موظف
المهم ان يكون مرتبك مش متحول لبنك او فيه اي قيود عليه غير كدا مفيش مشكلة
فاشل لما ادفع15×100من قيمه الوحده +7000صيانه=30000 مقدم و7×100زياده سنويا يبقى القسط هايوصل800جنيه او اكتر لما السقه فى فيصل والمنبيب ب90000 دى سرقه
اتا مخلص دبلوم من خمس سنوات وبعمل فى عمل حر هل ينطبق على الشروط ارجو الرد
طلما مكمل 21 سنة والدخل اكتر من 1000 جنيه شهريا تقدر تقدم ، بالنسبة للمهن الحرة بتجيب شهادة اثبات دخل شهري من محاسب قانون مع باقي الاوراق المطلوبة
لو أنا مقيمه فى شقه قانون قديم ينفع اقدم
اه ممكن التقديم ، الشرط هو عدم وجود شقة تمليك باسمك
انا مولود في المنوفيه وابنائي وزوجتي ايضا في المنوفيه بس بطاقتي انا وزوجتي محل الاقامه البحر الاحمر وعايز اقدم في المنوفيه مع العلم انه ليس لدي شقه تمليك
ممكن تقدم عادي ، حسب كراسة الشروط التقديم بيبقي لو من ابناء المحافظة او المقيمين او العاملين فيها
انا متزوجه منذ 10 سنين وساكنه بالايجار ينفع اتقدم للشقه باسمى وليس لى اولاد رغم ان كنت مقدمه للشقه منذ 2011 الرجاء الرد
اه ممكن تقدمي باسمك طلما الشروط متوافرة ، بالنسبة للتقديم السابق ممكن تستعلمي عن الطلب من صندوق التمويل العقاري
اه ممكن ملهاش علاقة بالتقديم ، المهم يكون فيه وظيفة ودخل شهري وباقي الشروط متوافرة
يوجد خط تليفون ارضى باسمى هل يبقي كدة فية مشكله فى الحجز ولا اية
لا مفيش مشكلة الشرط هو عدم وجود شقة تمليك باسمك
شكرا لحسن تعاونكم
العفو اهلا بيك وربنا يوفقك
إن جايب سيارة من بنك التمان الزراعي هل يجوز لي أن يكون لي شقه أو بعد سداد القصاط
وقت تخصيص الشقة لو فيه اي قروض البنك هيطلب منك سداد القرض اولا
انا متزوج مع والدى في شقة غرفتين ومعى طفلين وعمري34 سنة فاانا هيبقى لى الاولوية فى الحجز ولا هتمشى ازاى
اه المتزوج وفيه اولاد بتبقي له اولوية عن المتزوج فقط او الاعزب
لو الوالد يمتلك لشقتين باسمة ينفع اقدم
اه ينفع ، المهم شخص المتقدم نفسه لو مفيش شقة باسمه ممكن يقدم
لو انا شغال في شركة ومرتبي 1300 بس غير مأمن عليا وانا عملت تأمين علي نفسي بالتامينات اجيب مفرادات مرتب مع التامين اللي عملته ده واقدم كقطاع خاص ولا اقدم كأعمال حره واجيب شهادة من محاسب قانوني
طلما شغال في شركة يبقي قدم قطاع خاص ، محاسب قانوني دي لو انت اعمال حرة وفيه سجل تجاري
دخل الاسرة 1000 ولا المقدم يعنى لو الزوج 500 والزوجه 1200
مجموع دخل الزوج والزوجة مع بعض الحد الادني 1000 جنيه ، يعني تقدر تقدموا
هل يمكن سحب الكراسه باسم وعند التقديم نقدم باسم تانى
لازم نفس الشخص لان الكراسة بتكون مسجلة بالرقم القومي
انا زوجى فى وظيفة قطاع خاص ولسة متجوزين من 6 شهور اية الاوراق المطلوبة منة وبعد دفع 9 الاف هل فى دفع تانى بعد استلام الشقة ام الاقساط فقط
بالنسبة للاوراق هتلاقي خطوات التقديم في الاسكان الاجتماعي والاوراق المطلوبة بالتفصيل هنــــا
عند تخصيص الشقة بيتم دفع نسبة 15 % من ثمن الشقة وبتزيد حسب دخل المتقدم
الارمله بتحتاج شهادة وفاه ولابتقدم قسيمة زواج ولو عندها اولاده عملو بطاقه تكط صور بطاقاتهم ولاشهادات ميلاد
تقدم الاتنين قسيمة الزواج و شهادة الوفاة ، بالنسبة للاولاد المطلوب شهادات الميلاد
انا ارمله واعول ودخلى ٣٥٠٠ بس المشكله ان عندى شقه باسمي شرياها من اهالي ليس لها علاقه بالجهاز او بالبنك يجق لي شقه
حسب كراسة الشروط لو فيه شقة تمليك باسمك مش هيقبل الورق
لو تم تخصيص شقة فى مشروع الاسكان وسافرت للخارج كيف يتم تسديد الاقساط وهل يجوز لاخى الانتفاع بالشقة دون بيعها له وارجو توضيح كيفية بيعها بعد ٧سنوات
عامة لسداد اقساط شقق الاسكان الاجتماعي بيتم تحويل المرتب علي البنك ، فلو سافرت والمرتب توقف البنك بيدي فترة سماح وبعد كدا بيتم الحجز علي الشقة
مش هينفع اي شخص اخر غير اللي الشقة باسمه الانتفاع بها وهتلاقي النقطة دي موضحة في كراسة الشروط زي ما قلت للتصرف في الشقة لازم مرور 7 سنين
اجراءات التنازل او بيع الشقة بيكون من خلال صندوق التمويل العقاري والبنك المسئول سواء بنك التعمير والاسكان او احد البنوك الحكومية والاجراءات هتلاقيها علي موقع صندوق التمويل العقاري بالتفصيل
دخلي الشهري 450 عبارة عن معاش ضمان اجتماعي وارسلت المظروف فهل يحق لي شقة ام لا طاب واعمل ايه دلوقتي
الحد الادني للمرتب للتقديم في شقق الاسكان الاجتماعي هو 1000 جنيه لو اقل من كدا مش هيقبل الورق حاليا لسه مفيش وسيلة مباشرة لاستكمال الاوراق علي اساس انهم مبدأوش فحص الاوراق لسه ، عموما حجز ورقك لو فيه مصدر دخل بحيث تكمل 1000 جنيه ، وممكن تتصل ببنك التعمير والاسكان وتشوف وسيلة لارسال الاوراق الناقصة
أنا مدام مش عندي وظيفة وعندي ثلاث أولاد فما هي الاوراق المطلوبه
لازم وجود مصدر للدخل الشهري سواء وظيفة او معاش للتقديم في الاسكان الاجتماعي وهتلاقي خطوات التقديم في الاسكان الاجتماعي والاوراق المطلوبة بالتفصيل هنــــا
حلو
استاذي الفاضل بالنسبه للي شغالين فالقطاع الخاص وتحديدا ف احدي القري السياحيه ايه المطلوب منه تحديدا غير البطاقه والتامينات وعقد زواج وشهايد الميلاد للاولاد ???
بالنسبه للمرتب يتم اثباته ازاي??
شهادة مفردات المرتب من جهة العمل هو في شئون العاملين او الادارة بيكون عارفين محتواها بيتم ذكر بيانات الشركة او مكان العمل و بياناتك والرقم التاميني و قيمة المرتب الشهري
أنا ساكن مع والدتي فى السماد وورقة جاهز اجيب آيه الاثبات بذلك وهى مساكن اداريه
بتقدم اي ايصال مرافق لمكان السكن
لوسمحت لو مبشتغلش ينفع أقدم ع شقه
لازم مصدر للدخل الشهري سواء مرتب او معاش ، مش لازم وظيفة حكومة او قطاع خاص ، المهن الحرة ممكن يقدم عادي
لو سمحت لازم تكون بطاقة الزوجة سارية
اه حسب كراسة الشروط لازم تكون سارية
لو سمحتم عاوزة اعرف الشرط الخاص بالتأمينات الاجتماعية إتلغي؟؟؟؟
ده اكيد ؟ أرجو الرد
اه اتلغي بالنسبة للمهن الحرة والحرفيين واصحاب الاعمال الحرة ، والخبر اكيد لانه بيان رسمي من وزارة الاسكان
انا موظف و سني أكبر من 50 عاما و معي أولادي فى الجيش فى الخدمه العسكريه هل ممكن احجز شقه لأحدهم… أم لا أرجو الإفادة
لازم الشروط تكون متوافرة في المتقدم نفسه بمعني من ناحية السن و وجود وظيفة ودخل شهري
انا انسه هل يحق لي التقديم مع العلم انني حاتزوج بيها وما هو مبلغ الخمس عشر في المائه المزكوره
ممكن التقدم باسمك عادي طلما الشروط متوافرة ، نسبة ال 15 % حوالي 23 الف جنيه بس النسبة دي ممكن تزيد حسب المرتب وسن المتقدم
لو سمحت هو طالب الجامعة من حقه امتلاك شقة؟
و هل من الممكن ان تمنع املاك الأب الشقة عن الإبن إذا كان يحق له شقة؟
لازم تكون الشروط متوافرة من حيث السن و وجود مصدر دخل شهري وظيفة يعني
املاك الاب لا تمنع طلما مفيش حاجة باسم المتقدم نفسه
هل هناك بنوك اسلامية ممكن تمول الشقة والتعامل معها
وكيفية عمل ذلك
علي حسب معرفتي البنوك الحكومية هي اللي مشاركة في تمويل شقق الاسكان الاجتماعي و صندوق التمويل العقاري هو اللي بيحدد البنك مفيش اختيار يعني
اما لو قصدك تمويل عقاري من البنوك الاسلامية بشكل عام اه هتلاقي بنوك كتير مشاركة في مبادرة البنك المركزي للتمويل العقاري
انا كنت مقدم فى الإعلان السابق ومازال
ليا 5000 ج ببنك الإسكان ولم أقوم بسحبهم ومعايا الايصال ممكن ادفع 4000
فقط وأرسل الايصالين مع أوراق التقديم
ممكن من خلال بنك التعمير والاسكان ، بس الاول استعلم عن موقفك وهل تم قبولك وتحديد رقم اولوية ام لا
السلام عليكم
انا ساكن ايجار . والتليفون باسمى . بالنسبه لايصال المرافق. فاتوره التليفون كفايه ولا لازم ايصال نور او مياه باسم المالك
شكرا
وعليكم السلام ورحمه الله وبركاته
ممكن تقدم اي ايصال مرافق حديث لو باسمك يبقي افضل
السلام عليكم
انا بطاقتى السادات . وهقدم فى مدينه السادات
بالنسبه لعقد الايجار وايصال المرافق لازم ابعتهم ولا البطاقه كفايه ؟ انا خايفه مقدمهمش وورقي يترفض
ارجو الرد … شكرا
وعليكم السلام ورحمه الله وبركاته
المطلوب ايصال المرافق مش عقد الايجار حسب المذكور في كراسة الشروط
انا فى اجازه بدون مرتب و ستنتهى قريبا قبل تحويل المرتب و سداد الاقساط هل يجوز لى التقديم
ممكن تقدم طلما تقدر تجيب مفردات المرتب من جهة العمل وباقي الاوراق
اعرف ازاى انى من المقبولين لانى قدمت الاوراق شه 8/2015
استعلم في موقع صندوق التمويل العقاري بالرقم القومي او استعلم بالتليفون هتلاقي هنا بالتفصيل طرق الاستعلام
طب واللي مسافر بره ومرتبه كتير ضعيف من حقه وحده سكنيه ولا…أرجو الإفادة وشكرا
العاملين خارج مصر ممكن يقدموا في الاسكان الاجتماعي طلما الشروط متوافرة
هو لازم المشترى هيكون موظف
لازم وجود وظيفة ومرتب شهري سواء كان موظف حكومة او قطاع خاص او مهن حرة
هل ساكني الايجار القديم من حقه الحصول علي وحدة سكنية
اه طلما باقي الشروط متوفرة ممكن تقدم
لو مرتبى محول على بنك تانى غيربنك الاسكان ينفع اقدم فى الشقق
من ضمن الاجراءات بعد تخصيص الشقة هتحتاج تحويل المرتب للبنك اللي هيكون التعامل والتمويل معاه سواء بنك الاسكان او احد البنوك الحكومية
انا قرات الاقرار ان الى عنده حساب فى اى بنك مش ينفع يقدم مع انى موظف هل هذا صحيح ؟
النقطة اللي في الاقرار معناها انه لازم ذكر الحسابات في البريد او البنك او اي مصدر دخل من السندات والاسهم ، لازم ذكرها في استمارة التقديم
انا من المنوفيه و محل عملي الهيئة القومية للبريد بالقاهرة . ما هي المستندات التي يجب علي احضارها لكي أقدم علي شقة بالقاهرة المحافظة التي أعمل بها؟ أحضرت خطاب من إدارة الهيئة القوميه للبريد بأني موظف دائم بها و مذكور به عنوان عملي بالقاهرة بالتفصيل. هل هذا كافي أم مطلوب شيء أخر؟
طلما عنوان العمل موضح في الاوراق المقدمة سواء في مفردات المرتب او التامينات او غيره مش محتاج تقدم خطاب وهتلاقي خطوات التقديم في الاسكان الاجتماعي والاوراق المطلوبة بالتفصيل هنــــا
اخذت شقة من شخص بالتنازل في عمارات النقابات التابعة لشركة مصر للاسكان والتعمير فهل يحق لي التقدم لحجز وحدة سكنية في مشروع الاسكان الاجتماعي
لا مش هينفع لان حسب الشروط لازم المتقدم ميكونش عنده شقة تمليك او شقة آلت له بالتنازل من الغير
السلام عليكم . انا متزوجه وعندي 47 سنه وموظفه بالحكومه ومرتبي 1500 جنيه ؟ هل يجوز ليا التقدم . ولا لازم الارامل والمطلقات فقط ؟
وعليكم السلام ورحمه الله وبركاته
ممكن تقدمي باسمك عادي بس طلما متزوجة لازم هيتم ذكر بيانات الزوج من حيث مفردات المرتب وشهادات ميلاد الاولاد لو فيه
ان اتقاضى معاش ضمان اجتماعى فئه عجز وزوجتى تعمل بالحكومه ومرتبها ١٠٠٠ جنيه وتقدمت باسمى كى اكون من ضمن ٥٪ هل ممكن الحصول على الشقه
ارجو الرد
طلما الشروط متوافرة ان شاء الله ربنا يوفقك
والله انا بدعى لكل واحد بيساعد الناس ان شاء الله يوفقم وجزيكم خير
الله يخليك احنا بنحاول نعمل اللي نقدر عليه ونفيد الناس قد ما نقدر ، ربنا يكرمك وبالتوفيق ان شاء الله
هل امتلاك الشخص لشهادات ادخارية بالبنك تمنعه من الحصول على شقة فى الاسكان الاجتماعى
متمنعش بس لازم ذكرها ضمن مصادر الدخل في استمارة التقديم حسب ما بيقول الاقرار
الشروط جميله ومتوفرة معايا انا دخلى 1500 ج وموظف بديوان عام محافظة الاسكندريه ومتزوج مع والدتى فى شقه صغيرة مساحتها 35 م ايجار ومعى طفلين فى المرحله الابتدائيه وزوجتى لا تعمل ممكن اجمع التقديمة لكن مش ممكن اجمع الباقى ايه الحل
طلما الشروط متوافرة قدم وعبقال لما يجي وقت التخصيص يكون شوفت حل وربنا يوفقك
كيف دفع الاقساط الشهريه ؟؟؟ عن طريق البنك ام الدفع عن طريق البريد ام الخصم من المرتب من الشركه التى اعمل بها
بعد اعلان تخصيص الشقة هيتم تحويلك لبنك بحيث تكون الاجراءات من خلاله ، هيتم تحويل المرتب للبنك وخصم القسط الشهري منه
من فضلكم عندى قريبتي طالبه وفى آخر سنه فى كلية هندسه وتعمل بمكتب هندسي وفى طريقها إلى الزواج وغير مؤمن عليها .فهل من حقها التقدم للحجز ؟ أرجو الرد .
لازم التامينات او صورة كارنية النقابة
كم يحب ان يكون دخل الأسرة …الحد الأدنى والقاضي
الحد الادني لدحل الاسرة للتقديم هو 1000 جنيه اما الحد الاقصي هو 3500 جنيه في الشهر
كم المساحة الشقق
90 متر مقسمة الي 3 غرف وصالة
ممكن اعرف كيف سيتم البحث فى هذه الوحدات وﻻ هتكون من خﻻل الحاسب
لو قصدك التخصيص او مكان الشقة يعني اه بيتم بالكمبيوتر عشوائي
ابني جندي في الجيش لمدة سنه هل يتقدم؟
لو لسه في التجنيد مش هينفع ، لازم يكون فيه وظيفة سواء قطاع عام او خاص او مهن حرة
لو اخطأت فى الكتابه فى كراسة الشروط هل ممكن استخدام الكركتر او الشطب او ماذا افعل
عادي اشطب بسيط وبلاش كركتور
لو سمحتم عايز استفسر عن حاجه مهمه
هوا المتقدم لحجز شقه لاز يدفع مقدم 9 الاف جنيه ولا ممكن اقسط المقدم على مدار السنه
بيتم دفعهم دفعة واحدة في البريد قبل ارسال الاوراق
من فضلكم انا بشتغل ف مكان خاص و مرتبي 750 جنيه … ينفع و لا لازم الحد الادنى 1000؟
شكرا
الحد الادني 1000 جنيه ، لو فيه اي مصدر دخل اخر او اضافات للمرتب قدميها بحيث يكمل 1000 جنيه
السلام عليكم ورحمة الله
عندى سؤالين وارجو الرد عليهما ” اولا : انا موظف حكومى هل اقدم شهادة للتأمينات الاجتماعية ام لا؟؟
ثانيا هل من اللازم تقديم صورة من وثيقة الزواج مميكنة ام صورة عادية !!
وعليكم السلام ورحمه الله وبركاته
اخر كلام حسب كراسة الشروط لا مش مطلوب شهادة التامينات من موظفي الحكومة
في كراسة الشروط محددوش قديمة ولا مميكنة فالمتاح معاك قدمه
شغل جوزى فى القطامية ازاى احصل على شقة بجانب عملة مع العلم اننا من محافظة غير القاهرة واحنا عايزنها فى جانب عمله
مفيش وحدات في القاهرة الجديدة او في القطامية في الاعلان دا ، المدن المتاحة في القاهرة هي مدينة بدر و 15 مايو و حلوان ممكن تشوفوا الاقرب لكم وتقدموا او حسب المحافظة اللي انتو تابعها عامة التقديم اما في محافظة السكن او العمل
من فضلكم اختي شغاله بس مش متامن عليهاومتزوجه ايه الاوراق المطلوبه
ممكن تعمل تامين بنفسها في التامينات او لو فيه اشتراك نقابة بتقدم صورة الكارنية وهتلاقي خطوات التقديم في الاسكان الاجتماعي والاوراق المطلوبة بالتفصيل هنــــا
انا انسة 28 سنة انا عضوة فى نقابة المحاميين معايا كارنية جدول عام وماشية فى اجراءات كارنية بدل جدول عام محكمة ابتدائية بس لسه هستلم الكارنية والبطاقة الضريبية يوم 25 وانا عايزة اقدم بدرى بنفع اقدم بصورة كارنية جدول عام
ممكن تقدمي صورة الكارنية طلما ساري
أنا كيميائية فى التأمين الصحى بعقد فترات ليس له تأمينات ومشاركه فى نقابه العلمين
ممكن تقديم اشتراك او كارنيه النقابة بدل من التامينات
لو انسة لا تعمل و سنها ٢٨ عام و حاصلة على شهادة جامعية فما الاوراق المطلوبة
لازم وجود وظيفة او مصدر دخل شهري للتقديم
انا ضابط قوات مسلحة بالمعاش والدخل الشهري 6500 ولم احصل علي شقة من الجيش هل ينفع اتقدم علي شقة من نسبه العشره في ال 100 الخاصه القوات المسلحة ن
وجود شقة تمليك بيمنع التقديم في شقق الاسكان الاجتماعي بجانب ان الحد الاقصي لمجموع دخل الاسرة للتقديم هو 3500 جنيه
وفين قالو ان فيه 10 % للقوات المسلحة ؟ لاني اول مرة اسمع ان تم تخصيص نسبة لهم ، اللي تم تخصيص نسبة لهم هم ذوي الاحتياجات الخاصة ال 5 %
زوجي ٥٥ سنه وانا ٤٩وعشرة اشهر وباقي الشروط منطبقة فهل يجوز لي التقدم بإسمي للحجز أم لابد ان يكون الزوج هو المتقدم
طلما الشروط متوافرة ممكن التقديم باسمك عادي
لو سمحت أنا معنديش تأمينات بس عضو في نقابة المهن الاجتماعية وأنا متزوج وعندي ثلاث اولاد ينفع اقدم
ممكن تقدم صورة اشتراك او صورة كارنية النقابة
لو سمحت شهادة الميلاد الخاصة بي بمحافظة السويس أما شغلى وشهادات اولا دى محافظة ثانية وأنا أريد التقديم فى محافظة السويس لأن ننقل قريبا إليها يا ترى ينفع احب وهى بعد اذنكم
ممكن التقديم طلما من ابناء المحافظة
موعد الاستلام امتى من فضلكم
النتيجة ان شاء الله بعد 4 شهور او حسب الاعداد المقدمة والاستلام خلال السنادي لو ضمن ال 100 الف وحدة والسنة اللي جايه لو ضمن ال 400 الف وحدة
انا ارمله واعول وموظفه بالقطاع الحكومى ماهو اﻻوراق المطلوبه
بيتم تقديم مفردات المرتب وشهادة الوفاة وقيمة المعاش من التامينات لو فيه وهتلاقي خطوات التقديم في الاسكان الاجتماعي والاوراق المطلوبة بالتفصيل هنــــا
انا بعت لحضرتك انا شغالة فى شركة خاصة وليست اعمال حرة بس مش متأمن على ينفع بدل التأمين كارينة النقابة انا حاصلة على بكالريوس تجارة منتظرة الرد ضرورى
ممكن صورة الكارنية او صورة اشتراك النقابة بدل التامينات
بعد اذن حضراتكو انا دلوقتى مش موظف وشغاال فى محل عادى المهم طبعا ليا حساب فى البنك وانتو كاتبين فى الاقرار عدم حصول الشخص المتقدم على شقة لا يكون له اسهم او حساب فى البنك من فضلكم ضرورة الرد …. انا خلصت الورق المطلوب وعايز ادفع واقدم بس انا مستنى الاول ردكم
بالنسبة لعدم وجود شقة تمليك اه
لكن بالنسبة للاسهم او حساب في البنك هو الشرط دا في الاقرار معناه ان لو فيه اسهم او حساب او مصدر دخل اخر تذكرهم في استمارة التقديم ، يعني مش شرط مانع الا في حالة انك لم تذكرهم
لو سمحت هو ال مرتبوه معدي ال 2500 ال اعزب ماينفعش يقدم وهل هما بياخد علي المرتب الاساسي فقط
المرتب الشامل كله اللي بالاضافات والخصومات اللي بتقبضه في ايدك وبالنسبة للحد الاقصي هو 2500 جنيه للعازب
انا شغال فى القطاع الخاص وزوجيتى ايضا هقدم مفردات مرتبى انا بس ولااحنا الاثنىن
الزوج والزوجة طلما هي بتعمل
انا من الاقصر وطبيعة عملى تستدعى العمل ضمن نطاق محافظة اسوان وعندى من عملى ما يثبت العمل بنطاق محافظة اسوان ولكن بطاقتى تحمل اقامة الاقصر فهل لو تقدمت لشقق محافظة اسوان ومعى من محل عملى ما يثبت العمل داخل اسوان يتم قبول اوراقى وذلك لان طبيعة عملى تشمل محافظة اسوان والاقصر ام لا تقبل اوراقى
لو في الاوراق ما يفيد بعملك في محافظة اسوان ممكن تقدم ، عامة التقديم في الاسكان الاجتماعي في محافظة السكن او محافظة العمل
انا مطلقه وعندى اربع اولاد وساكنه ايجار جديد وعندى مهنه حره سياره اجره ايه الاوراق المطلوبه بالتفاصيل من فضلك
شهادة دخل سنوي من محاسب قانوني والتامينات ، صور السجل التجاري او البطاقة الضريبية ، صورة الشهادة الدالة علي الحالة الاجتماعية الحالية وهتلاقي خطوات التقديم في الاسكان الاجتماعي والاوراق المطلوبة بالتفصيل هنــــا
انا غير متزوجية وعندة معاش بابا ينفيع اقديم
اه طلما مبلغ المعاش اكبر من او يساوي 1000 جنيه وباقي الشروط متوافرة
انا لى اخت غير متزوجة ومعاقة من ناحية السمع وهى ووالدتى عايشين فى شقة ايجار ويستحقون معاش عن والدى المتوفى بالتساوى هل ينفع ااقدم ليها
ممكن تقدم بالمعاش طلما اكبر من او يساوي 1000 جنيه وشرط السن من 21 ل 50 سنة
ما هي الاوراق المطلوبة من الأرملة؟
بالنسبة للارملة تقدم صور شهادة الوفاة للزوج ، شهادة من التامينات بالمعاش لو فيه ، او اي مصدر دخل اخر ، وباقي الاوراق المطلوبة هتلاقيها هنا خطوات التقديم في الاسكان الاجتماعي والاوراق المطلوبة بالتفصيل هنــــا
أنا قاعد فى إيجار دايم قانون قديم هل يقبل أوراقى فى التقديم مع أنا متزوج وعندى أولاد وموظف
اه ممكن تقدم طلما الشقة ايجار مش تمليك باسمك
يوجد شباب لم يقومو بالعمل لافى الحكومة ولا فى الشركات وارزقية يوم بيوم هل من حقهم يقدمو فى الاسكان ولااى
المهن الحرة ممكن يقدموا طلما باقي الشروط متوافرة وهتلاقي خطوات التقديم في الاسكان الاجتماعي والاوراق المطلوبة بالتفصيل هنــــا
لو سمحتم بالنسبة لو أحد الزوجين يمتلك شقة باسمه متواضعة
حسب كراسة الشروط لو فيه شقة تمليك مش هيتقبل الورق
لو سمحت بالنسبه للشخص الذى يعمل بالخارج طبعا حضرتك عارف أن اكيد فيه فرق عمله بالنسبه للراتب بيحسبوها ازاى وهما مشترطين أن الراتب لا يتعدى 3500 جنيه طيب أنا راتبي مثلا 3500 ريال ايه الوضع
للاسف هو مفيش تمييز في كراسة الشروط بين داخل مصر والعاملين خارج مصر الحد الاقصي مطبق علي الجميع
ممكن تقدم في الاسكان المتوسط دار مصر بس حاليا لسه مفيش اعلان جديد ، او تقدم علي قرض من البنك لشراء شقة
سلام عليكم فيه واحد تم قبولها في الشقق هل ينفع يتنازل عن الوصل بدون مشاكل يعني يتنازل رسمي
وعليكم السلام ورحمه الله وبركاته
حسب كراسة الشروط لازم مرور 7 سنوات علي استلام الشقة علشان تقدر يتصرف فيها ، غير كدا لو اجرها او باعها بيتم مصادرة الشقة
هل يتم تقديم الارملة وتاخد معاش عن زوجها
اه ممكن الارملة تقدم بالمعاش طلما باقي الشروط متوافرة
لو لديه ملكا آخر هل يجوز الحجز على شقة مشروع الإسكان الاجتماعي….ارجو الرد بسرعة
لا مش هينفع التقديم في الاسكان الاجتماعي لو فيه شقة تمليك
طيب انا لو قدمت واسمي نزل في الشقق هل ينفع اغير راي واخد التسعه الاف اللي انا قدمتها وما اكملش ولا كده لازم اكمل والا هتضيع عليا التسعه الاف ارجو الافاده
سحب مبلغ ال 9 الاف بيكون من خلال بنك التعمير والاسكان وبيكون بعد الاستعلام ومعرفة موقفك بالقبول او الرفض
ايه حكايه 5 في الميه صيانه هل هندفع خمسه ف الميه صيانه من تمن الشقه وكمان التسعه الاف وكمان ال 15 في الميه من تمن الشقه يعني هل كده الواحد هيدفع حوالي 7 الاف صيانه + 9 الاف مقدم حجز + 23 الف ال15 في الميه = يعني تقريبا 39 الف قبل ما يستلم الشقه
هل ممكن اقدم فى محافظه بشتغل فيها ” وفى حالة عدم التخصيص ” ازاى استرد المقدم “وكمان هل لو قمت فى المرحله اللى الاستلام فيها بعد سنه ممكن الفرصه تبقى اكبر
اه ممكن التقديم في محافظة العمل ، استرداد المقدم بعد معرفة الفوز بالشقة ام لا بيكون الاسترداد من خلال بنك التعمير والاسكان
مقدرش اقولك بالضبط لان بيبقي علي حسب عدد الشقق وعدد المتقدمين في المدينة نفسها ، بس نظريا الفرصة اكبر اه علي اساس الناس هتروح للشقق الجاهزة للتسليم الاول
عوزين نعرف عدد الوحدات ال هتتبنى فى العبور
لسه عدد الشقق بالضبط في كل مدينة لم يتم الاعلان عنه لكن ممكن السؤال في جهاز مدينة العبور بيكون عندهم الاعداد الاولية
يا ريت يا جماعه حد يفهمني الشرطين دول معناهم ايه اللي انا فاهمه ان المرتب لا يقل عن ١٠٠٠ جنية ولا يزيد عن ٢٥٠٠ جنية ده صح ولا غلط
– الحد الأدنى للمرتب الشهرى للتقديم في الاسكان الاجتماعي حسب نظام التمويل العقارى هو ألف جنيه طبقاً لإخطارات البنوك الممولة.
– أن يكون المتقدم من محدودى الدخل، وألا يزيد دخله السنوى طبقاً لقانون التمويل العقارى رقم 148 لسنة 2001 وتعديلاته ولائحتة التنفيذية (أى لا يتجاوز الدخل الصافى للأسرة عن 42 ألف جنيه سنوياً وللأعزب عن 30 ألف جنيه سنوياً) ، بمعني ان الحد الاقصي لدخل الفرد للتقديم في الاسكان الاجتماعي هو 2500 جنيه شهريا ، والحد الاقصي لدخل الاسرة (مرتب الزوج والزوجة معا ) هو 3500 جنيه.
نفس المعني بس الجزء الاول حسب المرتب في الشهر والجزء الثاني حسب المرتب في السنة
الحد الادني للمرتب للتقديم في الاسكان الاجتماعي هو 1000 جنيه يعني دا اقل مرتب ممكن تقدم بيه
والحد الاقصي لمرتب الفرد الاعزب هو 2500 جنيه ، اما لو اسرة فالحد الاقصي لمجموع مرتب الزوج والزوجة هو 3500 جنيه
يجوز التقديم باسم الزوجه اذا كانت هى موظفه
طلما الشروط متوافرة ممكن التقديم باسمها
انا دخلى 1000 جنيه هيكون المقدم كله كام يعنى هيكون15% ولا ازيد
هيكون 15 % يعني حوالي 23 الف جنيه لان اقل مرتب للتقديم في الاسكان الاجتماعي 1000 جنيه
بالنسبه للمعاشات ممكن يقدم
الحد الاقصي للسن 50 سنة
طب بالنسبة: لأعزب دخله الصافي 2400 بعد الإستقطاعات (الضرائب، والتأمينات… إلخ) لكن قبل الخصم كان 3000
في الحالة دي، شرط ال2500 حد أقصى لمرتب الأعزب، ينطبق عليه؟؟ ولا لأ؟؟
وعلى فرض إنه ينفع:
فهل مفردات مرتب المطلوبة (من جهة العمل) على الشامل؟؟ ولا مجرد أساسي ومتغير؟؟
شهادة مفردات المرتب المفروض يكون واضح فيها كل الاضافات والخصومات بحيث يكون موضح فيها انت في النهاية بتقبض كام في ايدك ودا اللي هيتم الحساب علي اساسه
انا ضابط جيش متقاعد هل لي حق التقدم وكمان عندي ولدين واحد خلص دراسه لكن مشتغل وملوك تأمينات او نقابة اعمله ايه والتاني طالب بس عنده 20سنه ينفع تقدمه وهل ينفع لزوجته ربه المنزل وايه المطلوب من اي واحد فينا ولو حبيت ادفع تمن الوحده فوري لما اعمل ايه
الحد الادني للسن للتقديم في الاسكان الاجتماعي 21 سنة و الحد الاقصي 50 سنة
بالنسبة للتامينات ممكن يعمل تامينات بنفسه في مكتب التامينات ويقدم طلما الشروط متوافره
هتلاقي خطوات التقديم في الاسكان الاجتماعي والاوراق المطلوبة بالتفصيل هنــــا
مفيش نظام دفع فوري لشقق الاسكان الاجتماعي لازم بنظام التقسيط والتمويل العقاري
طب انا خريجة تجارة وشغاله محاسبة بس مش متأمن عليا ينفع اقدم بكارنية النقابة لو سارى ولو باخود معاش من القوات المسلحة بس معاش استثنائى وبيجى على البنك ينفع بردو ولا ايه
ممكن التقدم طلما باقي الشروط متوافرة ، لو فيه كارنية نقابة ساري ممكن بدل التامينات ، لو فيه اي مصادر دخل اخري يجب ذكرها في الاستمارة علشان هم بيستعلموا من كل الجهات سواء تامينات او بنوك وهتلاقي دا في الاقرار اللي مع استمارة التقديم
ما هوى مقدار القسط الواحد 400 الف وحدة اريد الافادة والرض
القسط الشهري بيبدأ من 350 جنيه وبيزيد حسب مرتب المتقدم
انا مهندس مدني حر وليس معي تامين اجتماعي لكن معي اشتراك النقابه ينفع اقدم في شقق الاسكان
ممكن التقديم لو فيه اشتراك نقابة ساري بدل التامينات
المبلغ المطلوب بعد ما اخد الشقه 22000 ولا اذيد من كدا ولو ماختش الشقه اخد ال 9000 امتي
النسبة 15 % عند تخصيص الشقة بس ممكن المبلغ يزيد حسب مرتب وسن المتقدم
بعد فحص الاوراق والاستعلام بيتم اعلان النتيجة سواء بالقبول او الرفض وسبب الرفض بعدها بتقدتر تسترد ال 9000 جنيه من فروع بنك التعمير والاسكان
انا عندي 21 لكن لم يحدد بعد موقفي من الجيش هل يمكن التقديم؟
الموقف من التجنيد مش من ضمن الشروط ، هتلاقي الشروط في الموضوع بالتفصيل
بنسبه لصف ضباط الجيش شهادة التأمينات دي هنجبه منين وبعدين هو المطلوب الراتب الاساسي ولا كامل بلبدلات
المطلوب المرتب او الدخل الشهري كامل
بالنسبة للتامينات الافضل تسال في جهة العمل لان الجيش له تامينات وادارة خاصة اسمها ادارة التأمين والمعاشات للقوات المسلحة
انا مش موظف اعمل ايه علشان اقدم فى الشقق دى اوراق ايه مطلوبة منى وازاى اثبت انى مش عندى دخل ثابت
هو المطلوب انك تثبت ان فيه دخل شهري او دخل سنوي لو مهنة حرة
لو مهنة حرة بتقدم بطاقة ضريبية وسجل تجاري و شهادة دخل سنوي من محاسب قانوني وهتلاقي وهتلاقي خطوات التقديم في الاسكان الاجتماعي والاوراق المطلوبة بالتفصيل هنــــا
امتلك منزل هل يحق لى التقدم
لا ، لو فيه بيت او شقة تمليك مش هينفع تقدم في الاسكان الاجتماعي
لو اساسى الدخل 3800 وبعد الحوافز 4000 لكن بيتم خصم ضرايب وتامينات ويصبح صافى الدخل 3300 ايحق لى التقدم وكل البيانات دى واضحه فى مفردات المرتب
اه المهم في الاخر الدخل الشهري اللي بتقبضيه في ايدك طلما اقل او يساوي 3500 جنيه ممكن التقديم
صافى مرتبى 2200 يكون المقدم كله كام
مرة تانية يا جماعة انا مش هقدر احدد رقم بالضبط لان اللي بيحدد هو البنك ، بدل ما اقول رقم ويطلع مخالف للي هيحدده البنك ، المعلن هو التالي اقل نسبة هي 15 % يعني 23 الف جنيه وبيزيد المبلغ دا حسب المرتب و سن المتقدم.
عملي في محافظه وانا من محافظه أخري وعندي شقه ايجار في محافظة الميلاد علما بأن وصل النور باسمي وعندي من الاولاد اربعه فهل استحق أن أقدم في محافظة عملي ولي 15 سنه تامين
اه عامة التقديم في الاسكان الاجتماعي اما في محافظة السكن او محافظة العمل
لو مرتب زوجي ٤٢٠٠ ولدينا أربع أولاد ينفع نقدم علي هذه الشقق
الحد الاقصي لدخل الاسرة للتقديم في الاسكان الاجتماعي 3500 جنيه
لو اعمل حداد فى ورشه عند شخص وليس لدى اى تامين
ممكن تعمل تامين شخصي بنفسك في مكتب البريد
ما هو موقف المواطنين الذين تم دفع مبلغ خمس الاف جنيها مقدم حجز لمدينه القاهره الجديده ولم يتم التخصيص لهم ولا يتم الاستعلام عنهم حتى الان وكان ذالك بتاريخ ١٥/٨/٢٠١٥ ولم يتم سحب مبلغ الحجز ماهو موقفهم بالنسبه لهذا المشروع ارجو الافاده
بالنسبة لموقفك تواصل مع صندوق التمويل العقاري علشان تعرف رقم اولويتك كام
لو الرقم متاخر ممكن التحويل من القاهرة الجديدة لباقي المدن في محافظة القاهرة زي بدر و 15 مايو وحلوان ، طلما منطبق عليك الشروط ومسحبتش المقدم ، هتلاقي التفاصيل عن التحويل من القاهرة الجديد هنـــــا
طب لودخل الزوج والزوجه اكثر من 6000
ينفع التقدم
لا ، الحد الاقصي 3500 جنيه
ممكن تقدم في الاسكان المتوسط ، او تقدم علي طلب قرض بضمان المرتب سواء من صندوق التمويل العقاري او البنوك الحكومية
السلام عليكم انا معاش مبكر 2014 وسني 44 عام متزوج واعول 4ابناء هل يكتفي بتقديم ورقه من التامينات تفيد بالمعاش +الاوراق المطلوبه وما الفرق بين كراسه الشروط الحمراء والزرقاء افيدونا ولكم جزييل الشكر
ممكن التقديم طلما قيمة المعاش 1000 جنيه او اكتر ، اه بتجيب ورقة من التامينات بقيمة المعاش مع باقي الاوراق
بالنسبة لكراسة الشروط الحمرا هي لل 100 الف وحدة اللي هيتسلمو في السنادي ، اما كراسة الشروط الزرقاء فهي لل 400 الف شقة اللي هيتسلمو السنة اللي جاية 2017 ، بمعني شوف انت هتقدم في اني مدينة وهي تبع ال 100 الف وحدة ولا ال 400 الف وحدة
هتلاقي اخر تحديث لاماكن شقق الاسكان الاجتماعي شهر ابريل 2016 في المدن الجديدة هنــــــا
لوسمحت بالنسبة 100 آلاف شقة عند الفوز يمكن تقسيط المقدم ارجو الإفادة
حتي الان حسب كلام الوزارة التقسيط بالنسبة لل 400 الف شقة فقط ، اما ال 100 بيتم الدفع خلال اسبوعين من تخصيص الشقة
اناعيزه اعرف التقديم به ٥٠٠٠ولا٩٠٠٠للمطلقه
اخر تحديث حسب كراسة الشروط الجديد التقديم ب 9 الاف جنيه
ممكن اعرف هو صف ضباط الجيش ليهم تقديم في الاسكان الاجتماعي ولو ليهم الاوراق هي هي ولا في اختلاف في الاوراق
اه ليهم طلما باقي الشروط متوافرة ، مفيش اختلاف في الاوراق
لوسمحت هى كراسه الشروط بيبقى يوم واحد يعني 23 فقط ولا لمده قد ايه اقدر اروح اسحبها
شراء كراسة الشروط للاسكان الاجتماعي مستمر لحد نهاية شهر مايو 2016 بنهاية التقديم ، اصلا النهاردا موصلتش مكاتب بريد كتير بس الوزارة قالت من بكرا هتبقي متاحة في كل مكاتب البريد
فى تقديم نسبة 5% وﻻ مافيش
فيه نسبة 5 % مخصصة من الشقق لذوي الاحتياجات الخاصة ، بس لازم شروط التقديم تكون متوفرة
ما هى اﻷوراق المطلوبة لشخص أعزب ويعمل فى محل غير مؤمن عليه من زو اﻷعاقة وعمرة 27 عام
شهادة مفردات المرتب من صاحب المحل موضح فيها تاريخ بداية العمل والمرتب الشهري ، التامينات ممكن تعمل تامين شخصي بنفسك ، شهادة طبية لنوع الاعاقة
باقي الاوراق صورة البطاقة و وصل مرافق لمكان السكن
مكان الشقق دى فين بالظبط والمساحة كام متر وشكرا
شقق الاسكان الاجتماعي في جميع المحافظات هتلاقي اخر تحديث لاماكن شقق الاسكان الاجتماعي شهر ابريل 2016 هنــــــا
اما لو قصدك الاماكن فين بالضبط داخل المدن ان شاء الله وزارة الاسكان هتنزل الخرايط قريب
مساحة شقة الاسكان الاجتماعي 90 متر مربع مقسمة 3 غرف وصالة
لو سمحت وبالنسبه للعاملين بالخارج ليهم فرصه بالتقديم ولا ايه نرجوا الافادة
طلما الشروط متوافرة ممكن تقدم بالنسبة لشهادة مفردات المرتب للعاملين بالخارج بتجيب شهادة دخل من جهة العمل بالخارج معتمدة من القنصلية المصرية بالدولة التى يعملون بها مصدقاً على توقيعاتها من الخارجية المصرية.
كيف تكون الأولوية للأصغر سنا أليس الأولى فى العزاب الأكبر سنا حتى لافوته قطار الزواج
دا المفروض والمنطق بيقول كدا
لوسمحت ممكن اقدم ف اقرب لبنك الاسكان وممكن اسحب الكراسه من البنك ولا هو لازم اسحب الكراسه من مكتب البريد واقدم فيه برضو
مش هتلاقي الكراسة في بنك الاسكان ، كراسة الشروط والتقديم هيكون في مكاتب البريد
لو سمحت احنا ساكنين فى شقه بتاعت حمايا هى باسمه وعندى ايصال تليفون بتاعى فى الشقه وانا وجوزى موظغين وتنطبق علينا كل الشروط بس احنا قاعدين فى شقة حمايا ساعة التقديم اقدم عقد ايجار من حمايا ولو وصل تليفون باسمى وهل في مشكله لو قدمت على الشقه باسم الزوجه ز
ممكن التقديم عادي طلما الشقة مش باسمك او باسم الزوجة ، بالنسبة لوصل المرافق مش منهم باسم مين المهم انه يكون للمكان المقيم فيه حاليا ، ووقت الاستعلام ممكن يطلب يشوف عقد الايجار لكن هو مش مطلوب ضمن اوراق التقديم
احد الزملاء معوق وتنطبق عليه باقى الشروط ولكن سنه 52 سنه ينفع يقدم ام لا ارجو الرد وشكرا
لا للاسف الحد الاقصي للسن 50 سنة ، لو متزوج والزوجة ينطبق عليها الشروط ممكن تقدم باسمها
احد الاقرباء يمتلك توكتك ويسكن بلايجار وعنده اولاد وهيكمل ال50 سنه فى 20 مايو ينفع يقدم وايه المطلوب منه ارجو الرد للاهميه وشكرا
ممكن يقدم طلما لسه مكملش 50 وقت التقديم ، بالنسبة للاوراق المطلوبة من المهن الحرة هتلاقي الاوراق بالتفصيل هنــــا
لوسمحت انا زوجى سنه غير مناسب ممكن اقدم باسمى وكمان ساكنين بالايجار ا فى مكان عمل زوجى ووعندنا اولاد واخو زوجى معاق معانا فى السكن و ولو سمحت احنا معندنا مرافق باسمنا لاننا ساكنين ينفع نقدم وطمننا هم ازاى بيستعلمو وبعرفو المستحقين من الورق المقدم ولا فى حاجة تانية
طلما الشروط متوافرة ممكن التقديم باسمك ، حتي لو وصل المرافق مش باسمك ارسليه مع الاوراق هم عايزين تاكيد انكم مقمين في المكان دا
الاول بيتم مراجعة الاوراق انها مطابقة للشروط ثم الاستعلام عن مكان السكن وان مفيش سكن او شقة تمليك باسماء الزوج او الزوجة ، بعد كدا بيتم ترتيب المتقدمين حسب الاولوية ، و ان شاء الله في النهاية بيتم تخصيص الشقة وارسال رساله علي الموبايل باسم البنك اللي هيتم التعامل معاه وانهاء باقي اجراءات الشقة
انا املك شقه فى بيت العائله هل يحق ان لى ان اتقدم بحجز شقه فى المشروع
لا من الشروط ان المتقدم لا يمتلك شقة تمليك
عندي استفسار اختي زوجها كانت له ارض من قرعه في محافظه اخرى غير محافظته فهل يمكن ان يقدم ع شقه في محافظته علما انه لا يمتلك شقه خاصه به
لو حصل علي ارض من الاسكان قبل كدا مش هينفع يقدم في شقق الاسكان الاجتماعي
انا وزجتى دخلنا تجاوز 3500 بمبلغ بسيط وهو300 هل يحق لنا التقدم
للاسف لا الحد الاقصي هو 3500 جنيه فقط
أرجوكم هل هناك أولويه للمعوقين وخصوصا اذا كانو من أبناء المركز المراد الحجز به ومقيمين به ما يقرب من 15 عاما اقامة وعملا . ولكم جزيل الشكر ..
اه المعوقين لهم اولوية في الاسكان الاجتماعي وهيتم تخصيص نسبة 5 % للمعاقيين من شقق كل مدينة حسب الاعداد المتاحة
انا متزوجة واعمل مدرسة وراتبي١٠٧٠جنية وزوجي لا يعمل وغير موءمن عليه وينطبق علينا الشروط ممكن التقديم باسمي وليس لدينا اولاد هل يحق لنا التقدم
اه ممكن التقدم باسمك طالما الشروط منطبقة
السلام عليكم ورحمة الله وبركاته انا حضرتك كنت مقدمه فى المرحله الاولى دهشور ودخل الطلب الخاص بى قائمة انتظار لان دخل الاسرة 2500 ما الوضع بالنسبه لى هل انا خد فى المرحله الاولى ولا الثانية وفى حالة دخولى المرحله الثانية كيف التعامل معى هدفع باقى مقدم الحجز 9000 واين المكان فى دهشور ولا لا وبعتذز الاطاله انا تياهه اعمل اه
بالنسبة للمواطنين المستوفين لشروط الاسكان الاجتماعي بمدينة دهشور ولم يقوموا بسحب مقدمات الحجز، لا يحق لهم التقدم مرة أخرى فى هذا الإعلان، حيث سيتم توفير وحدات سكنية لهم بمدينة 6 أكتوبر، بالضوابط الجديدة دون الحاجة للتقديم مرة آخري.
وممكن من هنا الاستعلام عن موقفك بالضبط من صندوق التمويل العقاري هنـــــا
لوسمحت لو واحد شغال باليوميه اجيب مفردات المرتب ازاى ارجو الرد
من مكان الشغل بتعمل شهادة مفردات المرتب الشهر حتي لو كان المتوسط يعني بحيث ميقلش عن 1000 جنيه ولا يزيد عن 2500 للفرد ، والمهم يكون موضح فيها تاريخ بداية العمل وتوقيع او ختم صاحب العمل
السلام عليكم انا رافعه قضيه طلاق ونفقه للضرر
وامنت علي نفسي علشان امي تاخد معاش ابي من المحل
ومكتوب في التامينات صاحبه عمل ومعايا شهادة تامينات
هل لازم من ضمن الشروط اني احضر مفرادت الزوج
علما ان الولايه التعليميه للاولاد معي ام ممكن شئ من المحكمه
ارجو الافاده ولكم جزيل الشكر علما اني لا اعمل
وعليكم السلام ورحمه الله وبركاته
لو منفصلين او فيه قضية ممكن تقدمي ما يثبت ذلك من المحكمة ان فيه قضية رقم كذا النقطة دي المحامي يقدر يفيد فيها اكتر مني ، المهم تقديم اي ورقة تثبت الوضع الحالي لحين الحصول علي ما يثبت الطلاق
السلام عليكم انا متزوج ومعي أولاد واعمل ترزي لدى اخويه ومن محافظه الاسماعيله
وعليكم السلام ورحمه الله وبركاته
لو شغال اعمال حرة بتقدم السجل التجاري والبطاقة الضريبية وشهادة الدخل من محاسب قانوني
اما لو شغال في مكان مش ملك وبتقبض مرتب ، بتقدم شهادة من مكان العمل بمفردات المرتب ، وشهادة التامينات الاجتماعية
وهتلاقي الاوراق المطلوبة في الاسكان الاجتماعي بالتفصيل هنـــا
لددى سياره نصف نقل ماهى الاوراق المطلوبه
هتلاقي هنا الاوراق المطلوبة من السائقين واصحاب السيارات بالتفصيل
انا إمرأة عاملة مرتبى 1700 جنية وزوجى مرتبة 1440 جنية وتنطبق علينا الشروط
هيتحسب باقى المقدم والقسط على أساس مرتب المتقدم فقط ولا على أساس دخلى أنا وزوجى
بالنسبة للاسرة بيتم التعامل علي اساس مجموع دخل الزوج والزوجة معا علشان كدا مطلوب مفردات المرتب والتامينات من الزوجة لو بتعمل
السلام عليكم
انا أملك مسكن فى محافظة سكنى
واعمل فى محافظة تبعد عن محافظة سكني
فهل يجوز التقدم فى محافظة عملى دون النظر لسكنى الزى املكه
من ضمن الشروط في الاسكان الاجتماعي ، ان المتقدم لا يمتلك شقة
لو سمحت الدخل الشهرى مرتب فقط ولا شامل المرتب والحوافز والمكافآت الشهرية
مش اساسي المرتب فقط ، شامل كله الدخل الشهري
طيب حضرتك كيف اعمل تامين شخصى على نفسى و هل الحق قبل ميعاد التقديم
من خلال مكتب التامينات الاجتماعية ، ممكن تعمليه الايام دي لان لسه فتح باب التقديم الشهر اللي جي
السلام عليلكم ورحمة الله وبركاته
بانسبه العاملين بالخارج ايه المطلوب شهادة الدخل الحد الاقصى والادنى كم بالعمله البلد وشهادة التامينات مع العلم انه لايعمل فى عمل حكومى فى مصر هو والزوجه مطلوب الرد
وعليكم السلام ورحمة الله وبركاته
نفس الحد الادني 1000 جنيه والحد الاقصي 3500 للاسرة ، شوف حسب عمله البلد المتواجد فيها واحسب كام ، بالنسبة للزوجة لو مش بتعمل مش مطلوب منها ولا مفردات المرتب ولا التامينات
طيب انا باعمل فى محل عادى و لقيت مكتب محاسب قانونى هيعمل لى بيان بالدخل بس مش هرفق لا سجل تجارى و لا ضريبى و تنطبق على الشروط تمام ممكن اترفض و لا اية لان المحل اللى فيه معندوش اى سجلات فا اية الحل
السجل التجاري والبطاقة دا لو انتي صاحبة المحل او اعمال حرة
لكن لو بتشتغلي في المحل تعتبري موظفة قطاع خاص ، اللي مطلوب منك هو شهادة الدخل من صاحب العمل يكون فيها تاريخ بداية العمل والمرتب الشهري او السنوي.
وشهادة تامينات لو مفيش تامينات ممكن تعملي تامين شخصي من مكتب التامينات
طيب انا ربة منزل و عمرى 39 سنة و عندى ابنة و زوجى يعمل فى السعودية و مؤمن عليه عاملين بالخارج هل ينفع ان اتقدم باسمى و ما الاوراق المطلوبة
ممكن التقديم باسمك بس لازم هيتم تقديم بيانات الزوج ومفردات المرتب للزوج والزوجة ، وهتلاقي هنا باقي الاوراق المطلوبة بالتفصيل
هو مبلغ 9 الاف جنيه هيدفع دفعه واحدة في البوسطه مع الاوراق
اه بيتم الاول شراء كراسة الشروط وملي استمارة التقديم ثم دفع المقدم وارفاق الاستمارة مع الاوراق وارسالها لفرع بنك التعمير والاسكان التابع في المحافظة
السلام عليكم انا مطلقة ومعايا طفلتين وتنطبق عليا الشروط لكني ابشتغل
داده في حضانه ومليش تأمينات اعمل ايه ودخلي 1300 جنية..وشكرا
وعليكم السلام ورحمه الله وبركاته اه تنطبق عليكي الشروط ، ممكن عمل تامين شخصي في مكتب التامينات
السلام عليكم
اريد معرفة بافى المبلغ المقدم بعد مبلغ 9000 جنية كم يبلغ مبلغ التقديم
وهل ممكن تقسيط مبلغ التقديم كيف
وعليكم السلام ورحمه الله وربكاته
باقي المقدم بيتم تحديدة عند وقت استلام الشقة حسب المرتب وسن المتقدم ، بيبدأ بنسبة 15 % من قيمة الشقة ، وممكن تقسيط المقدم علي دفعات كل 3 شهور
اية الحل فى شهادة التامينات على العلم انى لا اعمل وزوجى يعمل ولكن ليس مومن عليه
لو الزوجة ربة منزل او لا تعمل مش مطلوب منها تامينات ولا مفردات دخل ، اما بالنسبة للزوج ممكن عمل تامين شخصي بنفسه من مكتب التامينات
السلام عليكم ورجمة الله و بركاتة
انا تنطبق على الشروط و متزوجة و عمرى 39 سنة و اعمل حر فى محل عادى ب1500 جنية ممكن اجيب بيان من محاسب قانونى بس من غير سجل ضريبى و لا تجارى لان المحل اللى بشتغل فيه معندوش اى سجلات
و حاجة كمان امى بتقبض معاش كبير ممكن اجيب مفردات مرتبها كضمان لى ارجوا الافادة بعد اذنك
وعليكم السلام ورحمه الله وبركاته
طلما محل او مهن حرة السجل التجاري والبطاقة الضريبية مطلوببين ضمن الاوراق للتقديم
السلام عليكم انا زوجه واعول وعندى ثلاث اطفال وزوجى لا يعمل واعمل اعمال حرة عندى محل صغير للمنظفات ومتوسط دخلى من الف الى 1200 ولم يسبق لى التقدم بحجز وحدة من الاسكان علما انى سنى 39 هل ينطبق عليا الشروط وعزرا على الاطالة .
وعليكم السلام ورحمه الله وبركاته
اه ينطبق عليكي الشروط بس بالنسبة للمهن الحرة لازم تقديم السجل التجاري والبطاقة الضريبية وشهادة بالدخل سنوي لك من محاسب قانوني
السلام عليكم لوسمحت انا والحمدلله منطبقة عليا الشروط ولكن انا في اجازة بدون مرتب لمدة عام ومرتب الزوجة 1100 ومجوع الدخل للاسرة 3000 هلي اجازتي تؤثر بالسلب علي ضعف نسبة الحصول علي الشقة ولكم جزيل الشكر
هم هيراجعوا البيانات علي حسب مفردات المرتب اللي هتقدمها والتامينات فطلما هتقدم الاوراق دي يبقي مفيش مشكلة
انا الاساسى بتاعى ٧٠٠ بس احنا بناخد ١٢%بس الشغل مش هيكتبها فى مفرادات المرتب
حاول في الشغل باي طريقة توصل مجموع مفردات المرتب الشهري ل 1000 جنيه لان دا الحد الادني للتقديم في الاسكان الاجتماعي غير كدا مش هيقبلو الورق
لو لو فيه مصدر دخل اخر ممكن اثباته المهم علي الاقل يبقي الدخل الشهري 1000 جنيه