اعلنت وزارة الاسكان عن اضخم اعلان شقق الاسكان الاجتماعي 2016 حيث سيتم طرح كراسة الشروط في 22 ابريل و موعد فتح باب الحجز في شقق الاسكان الاجتماعي 1 مايو 2016 التي يبلغ عددها اكثر من 500 الف شقة سكنية في جميع محافظات مصر.
تحديث :- تم تغيير يوم طرح كراسة الشروط للسبت 23 ابريل بدلا من الجمعة 22 ابريل ، وموعد حجز الشقق بداية من الثلاثاء 3 مايو حيث ان 1 و 2 مايو اجازة رسمية.
تفاصيل اعلان شقق الاسكان الاجتماعي شهر ابريل 2016 وفتح باب الحجز في اول مايو 2016
وحسبما اعلن وزير الاسكان اليوم انه سيتم طرح كراسة شروط شقق الاسكان الاجتماعي و استمارة التقديم في شقق الاسكان الاجتماعي يوم 23 ابريل 2016 علي ان يتم شراء كراسة الشروط واستمارة التقديم من مكاتب البريد في المحافظات وايضا من خلال فروع بنك التعمير والاسكان ، ولاول مرة في تاريخ مصر سيتم طرح اكثر من 500 الف شقة سكنية ضمن مشروع الاسكان الاجتماعي ، بحيث يكون موعد فتح باب التقديم في شقق الاسكان الاجتماعي لمدة شهر ، بداية من 1 مايو 2016 وحتي 31 مايو 2016.
طريقة التقديم في شقق الاسكان الاجتماعي ابريل – مايو 2016
وعن كيفية حجز شقق الاسكان الاجتماعي يمكنكم التوجه لأى مكتب بريد، وسداد مبلغ 9 آلاف جنيه مقدم حجز شقق الاسكان الاجتماعي 2016 ، وذلك لحساب بنك التعمير والإسكان على الحساب الذهبى رقم 0135013000234818 .
– الحد الأدنى للدخل الشهرى او المرتب للمتقدم لحجز شقق الاسكان الاجتماعي هو ألف جنيه.
– الحد الأقصى للمرتب 3500 جنيه شهرياً للأسرة مجموع دخل الزوج والزوجة.
– والحد الاقصي لمرتب الاعزب للتقديم في الاسكان الاجتماعي 2500 جنيه شهرياً .
– القسط الشهرى في الاسكان الاجتماعي يبدأ بـ 350 جنيها شهرياً كحد أدنى ويحدد حسب دخل المتقدم.
الأوراق المطلوبة لحجز شقق الاسكان الاجتماعي اعلان شهر ابريل 2016
– صورة البطاقة.
– شهادة بالدخل الشهرى للزوج وللزوجة.
– صورة من قسيمة الزواج.
– شهادة تأمينات للزوج والزوجة.
– صور من شهادات ميلاد الأبناء إن وجد أبناء.
– بالنسبة للاصحاب الاعمال الحرة يتم تقديم شهادة الدخل من محاسب قانوني ، اما بالنسبة للعاملين خارج جمهورية مصر العربية يتم تقديم شهادة دخل من جهة العمل بالخارج معتمدة من القنصلية المصرية بالدولة التى يعملون بها مصدقاً على توقيعاتها من الخارجية المصرية.
اماكن شقق الاسكان الاجتماعي 2016 في المحافظات حسب اعلان وزارة الاسكان الجديد
وعن تفاصيل أماكن الوحدات السكنية المعلن عنها في اعلان الاسكان الاجتماعي شهر ابريل 2016 حيث سيتم طرح أكثر من 100 ألف وحدة” في مراحل التشطيب بالمحافظات، قال المهندس صلاح حسن رئيس الجهاز التنفيذي لمشروع الإسكان الاجتماعي: إن الوحدات المطروحة في 24 محافظة، حسب المواصفات التالي وهي مساحة شقة الاسكان الاجتماعي 90 متر مربع كاملة التشطيب، نظام ثلاث غرف وصالة ، واماكن شقق الاسكان الاجتماعي الجديدة كالتالي
الاسكان الاجتماعي في محافظة الإسكندرية، بمدينة برج العرب.
شقق الاسكان الاجتماعي 2016 في محافظة الشرقية بمناطق العاشر من رمضان، صان الحجر، أولاد صقر، مشتول السوق، كفر صقر، القرين، فاقوس.
اماكن شقق الاسكان في محافظة القليوبية بالخانكة، وحي شرق شبرا الخيمة “مسطرد عزبة الصفيح”.
في محافظة الدقهلية بمناطق: جمصة، بني عبيد، المطرية، وميت غمر.
في محافظة المنوفية بمناطق مدينة السادات، مركز السادات، أشمون، الباجور، تلا، بركة السبع، والشهداء.
في محافظة دمياط بمناطق: عزبة البرج، شطا، الزرقا، الركابية، كفرالبطيخ، كفرسعد.
في محافظة كفر الشيخ، بمناطق: كفرالشيخ، بيلا، بلطيم، مطوبس، فوه، قلين، الحامول، دسوق، برج البرلس، سيدي سالم، والرياض.
اماكن شقق الاسكان الاجتماعي الجديدة 2016 في محافظ الغربية، بمناطق: كفرالزيات، قطور، بسيون، والمحلة الكبرى.
في محافظة البحيرة بمناطق: مدينة النوبارية الجديدة، الدلنجات، وادي النطرون، الرحمانية، المحمودية، كفرالدوار، أبوالمطامير، أبوحمص، وبدر.
في محافظة الإسماعيلية، بمناطق: أبوعطوة، القنطرة شرق، فايد قرية عبدالناصر، القصاصين أم عزام، التل الكبير، وقرية العهدة.
في محافظة الجيزة، بمنطقة جرزا القطوري بالعياط.
في محافظة الفيوم بمناطق: مدينة الفيوم الجديدة، هوارة المقطع، طامية، شدموه، دمشقين، وسنورس.
في محافظة بني سويف، بمناطق: مدينة بني سويف الجديدة، بني سويف، والواسطى.
في محافظة المنيا، بمناطق: مدينة المنيا الجديدة، سمالوط، مطاي، بني مزار، ملوي، ومركز المنيا بالمنيا الجديدة.
في محافظة أسيوط، بمناطق: مدينة أسيوط الجديدة، ديروط، أبنوب، الفتح، البداري، أسيوط، أبوتيج، ساحل سليم، منقباد، منفلوط، وصدفا.
في محافظة سوهاج، بمناطق: مدينة سوهاج الجديدة، طهطا، الكوثر، المنشأة العيساوية، جهينة، والمراغة.
في محافظة الأقصر، بمناطق: مدينة طيبة الجديدة، الدير، الشغب، المدامود، أرمنت، إسنا، الطود، والقرنة.
في محافظة قنا، بمناطق: مدينة قنا الجديدة، نجع حمادي، قنا، قوص، أبوتشت، الوقف، ونقادة.
في محافظة أسوان، بمناطق: مدينة أسوان الجديدة، كوم أمبو، وإدفو.
في محافظة البحر الأحمر، بمناطق: الغردقة، القصير، رأس غارب، سفاجا، ومرسى علم.
في محافظة الوادي الجديد، بمناطق: باريس، بلاط، والفرافرة.
في محافظة مطروح، بمناطق: الحمام، العلمين، سيدي عبدالرحمن، وسيوة.
في محافظة شمال سيناء، بمناطق: العريش، نخل، والحسنة.
في محافظة جنوب سيناء، بمناطق: أبوزنيمة، طور سيناء، دهب، رأس سدر، نويبع، سانت كاترين، وأبورديس.
اماكن شقق الاسكان الاجتماعي ال 400 الف وحدة في جميع محافظات مصر 2016 التي سيتم تسليمها العام القادم
وبشأن تفاصيل أماكن الوحدات السكنية التي سيتم الانتهاء من تنفيذها خلال عام 2017 بالمحافظات، “400 ألف وحدة سكنية”، كلف بها الرئيس، قال المهندس صلاح حسن رئيس الجهاز التنفيذي لمشروع الإسكان الاجتماعي: الوحدات المطروحة بـ27 محافظة، وهي كالتالي:
اماكن شقق الاسكان الاجتماعي الجديدة في محافظة القاهرة، بمناطق: مدينة 15 مايو، حلوان، ومدينة بدر.
شقق الاسكان الاجتماعي الجديدة 2016 في محافظة الجيزة، بمناطق: مدينة 6 أكتوبر، حي الوراق، منشية البكاري، مركز كرداسة، مركز الواحات البحرية، مركز أبوالنمرس، مركز الصف، والباويطي.
في محافظة الإسكندرية، بمناطق: مدينة برج العرب الجديدة، ومرغم قبلي حي العامرية أول.
في محافظة القليوبية، بمناطق: مدينة العبور، الخانكة، وبهتيم.
في محافظة الدقهلية، بمناطق: نبروه، الجمالية، الكردي، السنبلاوين، المطرية، طلخا، وجمصة.
في محافظة المنوفية بمدينة السادات.
في محافظة دمياط، بمناطق: مدينة دمياط الجديدة، شطا، الزرقا، كفرسعد، وعزبة البرج.
في محافظة كفرالشيخ، بمناطق: كفرالشيخ أرض مصنع القمامة، بيلا، الحامول، وسيدي سالم.
في محافظة الغربية، بمناطق: المحلة، وسمنود “ميت بدر حلاوة”.
في محافظة الشرقية، بمناطق: مدينة العاشر من رمضان، كفرصقر، القرين، فاقوس، أبوكبير، ههيا، الحسنية، بلبيس، ومركز الزقازيق.
في محافظة البحيرة، بمناطق: مدينة النوبارية الجديدة، كفرالدوار، دمنهور، وإدكو.
في محافظة الفيوم، بمناطق: مدينة الفيوم الجديدة، مركز الفيوم، طامية، ويوسف الصديق.
في محافظة بني سويف، بمناطق: الواسطى، ناصر، أهناسيا، وسدس.
في محافظة المنيا، بمناطق: مدينة المنيا الجديدة، مغاغة، والمنيا.
في محافظة أسيوط، بمناطق: مدينة أسيوط الجديدة، أبوتيج، ومركز الغنايم.
في محافظة سوهاج، بمناطق: مدينة أخميم الجديدة، حي الكوثر، جهينة، والمراغة.
في محافظة الأقصر، بمنطقة أرمنت “أبو قليعي” و”الريانية”.
في محافظة قنا، بمناطق: مدينة قنا الجديدة، قنا، أبوتشت، ونجع حمادي.
في محافظة أسوان، بمناطق: دراو، ونصر النوبة.
في محافظة بورسعيد، بمناطق: مدينة شرق بورسعيد، وجنوب بورسعيد.
في محافظة الإسماعيلية، بمناطق: جلبانة، البياضة، الرياح، وأبوخليفة.
في محافظة السويس بحي عتاقة.
في محافظة البحر الأحمر بمناطق: الغردقة، رأس غارب، سفاجا، القصير، ومرسى علم.
في محافظة الوادي الجديد، بمناطق: الخارجة، والداخلة.
في محافظة مطروح، بمناطق: مدينة العلمين الجديدة، ومرسى مطروح.
في محافظة شمال سيناء بالعريش.
في محافظة جنوب سيناء، بمناطق: أبو زنيمة، طور سيناء، دهب، رأس سدر، نويبع، وأبورديس.
سعر شقة الاسكان الاجتماعي بالكامل حسب اخر تحديث من وزارة الاسكان شهر ابريل 2016
يذكر ان وزارة الاسكان حددت سعر شقة الاسكان الاجتماعي الجديدة 154 الف جنيه بجانب 5 % من سعر الوحدة كوديعة صيانة تقسيطها مع ثمن الوحدة، ويبلغ مقدم الحجز 9 آلاف جنيه، ويرد فى حالة عدم التخصيص ، سيتم تقسيط ثمن الوحدة على 20 عاما بنظام التمويل العقارى ، القسط الشهرى يبدأبـ 350 جنيها شهرياً كحد أدنى علي ان يكون الحد الادني لمرتب المتقدم هو 1000 جنيه.
واشارت وزارة الاسكان انه بالنسبة للمواطنين المستوفين لشروط الاسكان الاجتماعي بمدينة دهشور ولم يقوموا بسحب مقدمات الحجز، لا يحق لهم التقدم مرة أخرى فى هذا الإعلان، حيث سيتم توفير وحدات سكنية لهم بمدينة 6 أكتوبر، بالضوابط الجديدة دون الحاجة للتقديم مرة آخري.
شاهد من هنا ايضا :-
خطوات التقديم وحجز شقق الاسكان الاجتماعي مايو 2016 بالتفصيل
و تعرف علي
طريقة حساب الأولوية في شقق الاسكان الاجتماعي 2016
شاهد من هنا ايضا
سعر شقة الاسكان الاجتماعي 2016 حسب اخر تحديث وقيمة القسط الشهري والفائدة السنوية
موقع خمس خطوات يقدم معلومات بسيطة فى شرح سهل من خمسة خطوات للأحداث الجارية وكافة مناحي الحياة المتنوعة لإثراء محتوي اللغة العربية على الإنترنت وتقدم العديد من مقالات الصحة والحياة وشغل المنزل والوصفات الطبيعية.
ازاي اعرف الشروط الازمة للارامل ممكن
الشروط الاساسية ان يكون فيه مصدر للدخل الشهري 1000 جنيه او اكتر حتي 3500 جنيه ، و الحد الاقصي للسن 50 سنة ، وعدم وجود شقة تمليك
في اولوية للارامل
اه لو باقي الشروط متوافرة بيبقي فيه اولوية للارامل
الاعلان الى جاى هيكون امته
ان شاء الله شهر فبراير 2017
فيه تقديم الايام دي ع شقه
طيب اتابع الاعلان ده ازاى او اسال مين عشان لما ينزل اقدم
الاعلان هيكون يوم 7 ديسمبر في الجرايد وفي نفس اليوم كراسة الشروط هتنزل في مكاتب البريد ، والتقديم هيبدا من 14 ديسمبر في مكاتب البريد برضو ، وحاولي تروحي مكتب بريد رئيسي
انا شوفت الاعلان بس ده للاسف فى 19 محافظه بس وانا عايشه فى محافظه الدقهليه ومحتاجه حاجه تكون فى الدقهليه او فى القاهره
استنى اعلان الى جاى ولا اعمل ايه
اه ان شاء الله الاعلان اللي جي هيبقي فيه شقق في القاهرة والجيزة
لو سمحت هو التقديم هيتفتح تانى امته
ولو انا وجوزى مرتبنا 3600 المفروض ان احنا كدا ملناش نقدم ولا ايه
في شهر ديسمبر ان شاء الله في اعلان جديد لشقق الاسكان الاجتماعي للناس اللي مرتبتها عالي من 3500 جنيه
طيب فيزا المشتريات بتاعت جوزى 3000 جنيه ومش معاه مشاكل بالبنك الاهلى المصرى لانه بيدفع اقساطه فى مواعيدها
وانا اللى مقدمه ف الشقق باسمى
كده هيبقى فيه مشكله ولا إيه ؟!
اه تمام طلما بيسدد الاقساط مفيش مشكلة
انا كان قصدي مثلا اللي عليهم قروض مش مسددة او فيزا فيها متاخرات من مدة
حالي رساله اليوم ورحت دفعت مبلغ 4000جنيه في بنك الإتمان الزراعي برقم فوري بس كنت عايز اعرف انا كدة خلاص من ضمن المستحقين وعايز اعرف هي فين في دمنهور المكان بالظبط هتكون فين
اه كدا ان شاء الله بنسبة 90 % مقبول اللي باقي اجراءات البنك بيستعلموا هل فيه قروض حالية او مشاكل سابقة مع البنك ام لا وبعد كدا بيتم تخصيص الشقة
انا أسمى أترفض لأن الدخل غير مستوفى الشروط مش عارف ازاى مكتوب فى مفردات المرتب كل حاجه والله انا زهقت ممكن اعرف اسحب الفلوس بتاعتى ازاى من البريد ولا البنك
شرط المرتب انه يكون اقل من 3500 جنيه لو متزوج او 2500 لو اعزب و الحد الادني 1000 جنيه ، فلو مفردات المرتب اللي مقدمها سليمة قدم تظلم في صندوق التمويل العقاري او اتصل بيهم وممكن تقدم شهادة مفردات مرتب تاني ، معلش هو شغل الحكومة كدا لازم يبقي النفس طويل معاهم وتصبر علي قد ما تقدر ، وعموما سحب المبلغ بيكون من فروع بنك التعمير والاسكان
بعد ظهور الاسم
هل لا يوجد عقد للشقه و ممكن ايضاح اى من البنوك تقبل دفع القسط هل بنك التعمير والاسكان فقط ام اى من البنوك الاخرى يتم الايداع فيها
باقي الاجراءات و امضاء عقد الشقة ان شاء الله الشهور اللي جايه هيتم التواصل معاك من البنك لتحديد الميعاد
بالنسبة للكراسة الزرقاء الاقساط بتدفع من خلال منافذ فوري بتتوجهي ومعاكي البيانات اللي في الرسالة
اما لو قسط بشكل عام البنوك اللي هيتم التعامل معها في دفع الاقساط الشهرية فهي البنوك الحكومية البنك الاهلي وبنك مصر وبنك القاهرة بجانب بنك التعمير والاسكان
عايزة ارف هل ال 4000ج الدفعه اللي بتدفع بعد اعلان الاسماء عل بيتم دفعها مرة واحدة ولا كل 3 شهور ولو بيتدفع كل 3 شهور بيتكون بدل الاقساط الشهارية لا ايه و شكرا
دا بالنسبة للمتقدمين في الكراسة الزرقاء اللي هيستلمو الشقق بعد سنة ، هيتم دفع 4 الاف جنيه كل 3 شهور حتي ميعاد استلام الشقة يعني مش مرة واحدة ، ودا هيبقي جزء من مقدم الشقة اللي بيكون من 25 ل 35 الف عند استلام الشقة
اما اقساط الشقة نفسها الشهرية هي بتبدأ من 350 جنيه او اكتر حسب المرتب و بيتم دفعها شهريا بعد مضي العقد واستلام الشقة
انا مقدم فى شقق الاسكان الاجتماعى من 2014 لحد الوقتى مفيش حاجه ظهر
استعلم من صندوق التمويل العقاري او بنك التعمير والاسكان ، معظم النتائج السابقة ظهرت ماعدا المحولين لمدن تانية
طب واللي طلع اسمه ف الكراسه الحمراء ديه هيدفع كام الاول قبل القسط بيقوله انهم هيدفعو ١٨الف هل ده صحيح
المبلغ هو مقدم الشقة بيحددو البنك بيكون بنسبة 15 % من ثمن الشقة ما بين 25 ل 35 الف جنيه ، اما القسط الشهري نفسه بيكون بنسبة في حدود 35 % من المرتب الشهري
هل يوجد تقديم في الوقت الحالي اوقريب
فيه شقق الايجار في بعض المحافظات و فيه شقق تبع النقابات المهنية ، اما الاعلان القادم لشقق تبع وزارة الاسكان هيكون في السنة الجديدة
هل لها معاد محدد ولا فى اول السنة
حتي الان مفيش ميعاد محدد حسب ما ينتهوا من اجراءات الاعلان السابق و دا متوقع انه يكون اول السنة ان شاء الله خصوصا انه في يناير هيتم افتتاح مدن زي الاسماعلية الجديدة وغيرها
طيب عاوز اعرف انا أقبلت ولا لا لأن مفيش أي استعلام جالي لحد دلوقتي
اللي ظهرت نتيجته النهاردا هم ال 100 الف شقة الكراسة الحمراء ، لو مجلكش استعلام يبقي قدم تظلم في صندوق التمويل العقاري
اما لو ضمن ال 400 الف شقة الكراسة الزرقاء لسه شويه خلال الاسبوعين اللي جيين دول
ممكن اسأل ميعاد الاعلان عن الفائزين في الاسكان الإجنماعي ؟؟؟؟
مفيش ميعاد محدد لكن خلال الاسابيع اللي جايه ان شاء الله اول ما بيتم تحويل الورق للبنك بيتم التواصل معاك لاستكمال باقي الاجراءات ، بالتوفيق
ولو اتقبلت وعاوزة اسحب فلوسى ينفع؟؟
اه ممكن سحب المبلغ من خلال بنك التعمير والاسكان ، بس حاليا لسه مفيش ميعاد محدد لسحب المقدم
بالنسبه لدفع الاقساط بعد اسماء المستحقين ولا في الميعاد
تم تأجيل دفع الاقساط لشهر نوفمبر بدلا من سبتمبر بحيث يكون الدفع بعد اعلان اسماء المستحقين
انا جوزي راح سال في بنك التعمير والاسكان ومحدش هناك يعرف اي حاجه عن حوار الشقق لدرجه انه دخل لمديره البنك فابتقولو انشاء الله هايردو عليك بعد 3 شهور ولو مافيش نصيب هاتاخد فلوسك علي دفعات . السوال بقي اذي والكراسه مكتوب فيها ان الاستعلام هيبقي في شهر 8 الا احنا فيه ده وبيخلص خلاص ولو في نصيب هاندفع ال4 الف جنيه في اول شهر 9 ولو مافيش نصيب هاناخد فلوسنا علي طول . ارجو الرد علشان انا بعت اكثر من مره محدش بيرد عليه خااالص
معلش لو فيه تاخير في الرد كان عندنا مشكلة في التعليقات
حاليا الاستعلام عن الناس شغال بس ممكن يبقي فيه تاخير حسب الاعداد في كل محافظة ، وغريبة انهم في البنك ميعرفوش حاجة كدا مع انهم البنك الاساسي المسئول عن الاسكان الاجتماعي
عموما بالنسبة لدفع القسط الاول ال 4000 جنيه تم تاجيله من شهر 9 لشهر 11 بحيث يكون الناس عرفت انها اتقبلت ولا لا ، ولو مفيش نصيب هيتم استرداد المبلغ من فرع بنك التعمير والاسكان ، بس طلما الشروط متوافرة والورق سليم يبقي ان شاء الله هيتم تخصيص الشقة سواء المرحلة الحالية او القادمة
لو سمحت هو السنه الجايه 2017 هيكون في فرصه للتقديم يعني مثلا حد مستني يتم السنه الجايه 21 سنه هيكون في شقق يقدم عادي ولا هيكون باب الحجز اتقفل نهائي ومش هيبقي في تقديم تاني ولو تنفع هيبقي تقريبا امتي وهل تنفع لاعزب
اه ان شاء الله السنة اللي جايه هيبقي فيه اعلانات شقق اسكان اجتماعي لان عدد كبير من الوحدات لسه هيتبني ضمن خطة 2016-2017 حوالي 600 الف شقة واللي تم حجزه في الاعلان السابق 370 الف بس
بالنسبة للاعزب ممكن يقدم عادي طلما الشروط متوافرة
ولو حضرتك في حد مختار محافظة غير محافظة سكنه وشغله ممكن يوافقوا عليها ولا لازم كان يختار محافظته او مكان عمله؟
لازم محافظة السكن او العمل
لو سمحت انا قاعد عند امى فى شقتها وعندى 3 اولاد واعمل معلم اول ا ودخلى الشهرى 2100 جنيه ومحتاج الشقة ضرورى هل سيكون لى نصيب ان شاء الله
ان شاء الله طلما الشروط متوافرة وقدمت الورق سليم يبقي هتحصل علي الشقة
لو سمحت انا عايز اعرف امتي الاعلان عن الشقق
ان شاء الله في شهر اغسطس – سبتمبر هيتم الاعلان عن شقق جديدة في الاسكان الاجتماعي بس حتي الان مفيش ميعاد محدد بالضبط
انا قدمت ثم اكتشفت أن لازم مايكون لدى دفتر توفير .أو شهادة استثمار.مع العلم أنها بمبالغ صغيرة .أقل من مقدم الشقة.هل هذا يتعارض مع شروط الشقة
في كراسة الشروط مكتوب الشرط بس انك تذكر ان فيه دفتر توفير او دخل كذا من شهادات الاستثمار ، لكنه مش شرط مانع
طيب لو في مشكله مع حد من المتقدمين مع احد البنوك في قرض شخصي فيها مشكله ولا مالهاش علاقه
لو المشكلة اتحلت ومفيش قرض عليك حاليا ، او بمعني مفيش في تقرير ال i score بتاع الائتمان الشخصي مشكلة عادي ان شاء الله هتقبل
امتى الاعلان القادم
في شهر اغسطس او سبتمبر حسب ما يتم الانتهاء من اجراءات وتحديد عدد الشقق الجديدة
انا ارمله واعول وعندي ثلاث اولاد عوزه اقدمعلي شقه لى هل لى الحق في اان تكون لي شقه وانتم حطين شرط عل السن انا سني 44 سنه انا من مواليد دمياط وتزوجت في الدقهليه وعندما اصبحت ارمله جلسه مع اخواتي في دمياط وعوزه شقه لي في دمياط الجديده ممكن
شرط السن هو لحد 50 سنة
بس حاليا التقديم انتهي في الاعلان دا ، ممكن تقدمي في الاعلان القادم ان شاء الله
لو سمحت انا قدمت وقلقانة اني ما يحصلش نصيب احنا في شقة ملك حماتي ومفيش حاجة فيها باسمنا عندنا 4 اطفال ودخلنا 3000 تفتكر ممكن يكون في نصيب لنا فيها
ان شاء الله خير طلما الشروط متوافرة متقلقيش بجانب ان المتزوجين لهم اولوية في شقق الاسكان
يعني كده ان شاء الله كل قدم في الشقه هتجيله
اه ان شاء الله حتي لو في بعض المدن اللي فيها الاعداد كبيرة لو ملحقوش المرحلة دي هيبقي لهم اولوية في المرحلة القادمة
انا قدمت بالكراسه الزرقاء بس كنت حابه اعرف ميعاد الرد امتي بالقبول او الرفض وفي حاله الرفض هعرف ازاي
مفيش ميعاد محدد لكن بعد حوالي 4 شهور من التقديم هتبدي النتيجة تظهر ويهتم التواصل علي الرقم المسجل واعلامك بالقبول او الرفض وفي حالة القبول بيتم ارسال اسم البنك اللي الاجراءت هتكون من خلاله
انا عايزة أقدم فيها أمتي هتفتح تاني
مفيش ميعاد محدد بس غالبا اخر السنادي علي حسب ما يتم الانتهاء من المتقدمين في المرحلة دي
ممكن اعرف هانعرف ازاى اللى قدم ازاى هايعرف ان الشقه فاز بالشقه وبالظبط هاتظهر النتيجه
الفترة الحالية بيتم فحص الاوراق ، بعد كدا هيتم الاستعلام عن المتقدمين والتواصل معاهم سواء للاستعلام عن المسكن او العمل ، بعدها بيتم التواصل مرة اخري علي الموبايل واخبار المتقدم بالقبول او الرفض ، بالنسبة للكراسة الحمراء دا بيتم حاليا اما بالنسبة للمتقدمين في الكراسة الزرقا لسه شويه كام شهر علي اساس ان التسليم بالنسبلهم في 2017
يارب تجي لأني محتاجه جدا
متي يتم ال‘لان عن أسماء الفائزين بتلل الشقق
وكيف يتم معرفة الأسماء
ان شاء الله خلال 4 شهور ، هتلاقي هنا بالتفصيل خطوات الاستعلام عن الفائزين في شقق الاسكان الاجتماعي
متي المرحله القادمه
ان شاء الله اخر السنة دي او بداية السنة اللي جايه ، حسب ما يتم الانتهاء من فرز المتقدمين في المرحلة دي
هل ممكن تمدوا فتره التقديم تاني
حاليا لا لانه تم مد التقديم 3 مرات ، لكن لان عدد المتقدمين اقل من عدد الشقق ممكن يتم فتح باب التقديم مرة اخري اخر السنة دي
هل في تقديم تاني؟
التقديم انتهي النهاردا ، ان شاء الله ممكن تقدم المرحلة القادمة
ممكن لوسمحتم مد فتره التقديم لشقق اسوان الجديده حتي اخر الشهر بمقدم 9الاف
وهو اصلا المفروض النتيجة تعلن أمته بعد غلق باب التقديم
حسب الاعلانات السابقة فحص الاوراق والاستعلام بياخد فترة 4 شهور او اكتر حسب كل محافظة واعداد المتقدمين
لو انا قدمت ودفعت ازاى اعرف انى اتقبلت مثلا لأن فيه مهله أسبوعين فقط للدفع بعد الترشيح والمفروض أبلغ رسمى بس ازاى
بيتم التواصل معاك علي رقم الموبايل المسجل ، وعامة طلما الاوراق سليمة ابتدي اعمل حسابك في المبلغ من دلوقتي
هل هتعلنو عن الاسماء المستحقة على النت ولاهتتصلو بنا
الاتنين بيتم الاتصال بالفائزين بالشقق و بيتم اتاحة الاستعلام بالرقم القومي علي موقع صندوق التمويل العقاري
التقديم هل تم مد فتره التقديم ليوم ٢٣/٦
اه لحد يوم الخميس 23-6
هل يتم دفع المقدم بمجرد ظهور النتيجة
بالنسبة لل 100 الف وحدة اه دفع المقدم خلال اسبوعين من اعلان تخصيص الشقة
اما بالنسبة لل 400 شقة لان التسليم لسه السنة اللي جايه فهيتم تقسيط المقدم دفع 4 الاف جنيه كل 3 شهور
أن مقيم في شقه في منزل والدي وهي ليست ملكي بل هي ملك أبي لحين وجود سكن آخر فهل عند الاستعلام ومعرفه انه منزل أبي هتلغوا حجزي بالرغم ان أنا منطبق علي جميع الشروط ولا أملك أي شيء
بيبقي حسب تقدير الموظف اللي هيستعلم وقتها عموما طلما مفيش حاجة باسمك انت ان شاء الله مفيش مشكلة لان التعامل و الشروط عليك انت بس
يا جماعة بالنسبة للناس معدوم الدخل زى كده….. يعني الراتب بتاعى انا ومراتى واطفالي 1500 جنيه وبشتغل فى محل من القطاع الخاص …… مافيش تامينات ولا حاجة زى دى كده…. ونفسه فى شقة من دى يعمل ايه……. مش انا برردو ابن البلد دى والحكومة سيبانى فريسة للقطاع الخاص من غير ماتحمينا من جشعهم ويقولولنا لو مش عاجبك سيب الشغل……. مش المفرض البلد دى تعمل حاجة للزيى خصوصا انى في امس الحاجة لشقة بدل ما اكون قاعد عند حماتىى شوية وفى مفروش شويىه
لو سمحت هو متواجد الان كراسة شروط ينفع نشتريها
حاليا تم ايقاف بيعها لكن ممكن تجرب تسال في مكاتب البريد الرئيسية او لو من القاهرة اسال في مكتب بريد العتبة الرئيسي
هل فى تقديم تانى
التقديم مستمر ليوم 23 يونيو للناس اللي اشترت كراسة الشروط
اما موعد الاعلان القادم هيكون اخر السنة او بداية عام 2017
ما هي مكاتب البريد المتوفره بها كراسات الشروط القاهرة و الجيزه
حاليا تم ايقاف بيع الكراسة لكن جرب واسال لو انت في القاهرة اسال في مكتب بريد العبتة الرئيسي
ماهو آخر تقديم هل هو 15 أم 16 يونيو وهل يمكن التقديم يوم 16 يونيو لظروف عائلية
اخر يوم هو بكرا الاربعاء 15 يونيو ، حاول تلحق تقدم لان مفيش تمديد للتقديم بعد كدا
السلام عليكم ورحمه الله وبركاته كنت عايز اسال لو عدد الشقق ف المحافظه اللي مقدم فيها مكفتش العدد ايه اللي هيتم انا مقدم ف الخانكه والبديل العبور لو مكفوش الناس ايه اللي هيتم وشكرا
وعليكم السلام ورحمه الله وبركاته ، بيتم التحويل للمرحلة التالية وبيكون فيه اولوية لهم
لو سمحت لسه في حجز
وهل هي قرعه؟
اه الحجز مستمر لحد الاربعاء 15 يونيو
مفيش قرعة في الاسكان الاجتماعي ، بيتم تخصيص الشقة حسب ترتيب الاولوية والاكثر احتياجا للشقة بمعني طلما الشروط متوافرة ان شاء الله هيتم تخصيص شقة لك
ان شاء الله ربنا يسهل
أنا قدمت وعايز اعرف ميعاد النتيجة
لسه مفيش ميعاد محدد لكن ان شاء الله بعد 3 او 4 شهور من الان
هل باقي ال١٥ في الميه هيتحسب علي اساس مرتب الزوج والزوجه .
اه مجموع دخل الزوج والزوجة
السلام عليكم معاد انتهاء تقديم الشقق متى
وعليكم السلام ورحمه الله وبركاته
التقديم لحد 15 يونيو 2016
ممكن أعرف اسم الموقع اللى بااعرف منه النتيجه اذا اذنتلى ؟
هتلاقي هنــــا طرق الاستعلام عن شقق الاسكان الاجتماعي الموقع وارقام التليفونات بالتفصيل
انا بأخذ معاش والدى ويزيد عن 1000ج وانا أنسه هل ممكن أقدم ولا لأ
اه ممكن التقديم بالمعاش ، بتجيبي ورقة من التامينات بقيمة المعاش وتقدمها مع باقي الاوراق المطلوبة
لو سمحت انا قدمت الورق وكل شيء والكراسه الزرقا وانا من كفر الشيخ امتى اعرف ان انا اتقبلت واتحجز لى شقه ولا لا هل فى وقت معين لاظهار نتيجه اللى تم اختيارهم ولا ايه التفاصيل وشكرا
مفيش وقت محدد لاعلان النتيجة لكن ان شاء الله بعد3 او 4 شهور حسب الانتهاء من فحص الاوراق وترتيب المتقدمين ، وهيتم ارسال رسال علي رقم الموبايل تفيد بتخصيص الشقة وقتها وممكن تستعلم من صندوق التمويل العقاري سواء علي موقعهم او بالتليفون ان شاء الله خير وربنا يوفقك
السلام عليكم
سؤال الأول تم مد التقدم إلى مواعد 15 يونيو ليه عشان عدد المتقدمين غير كافيه عدد الوحدات 500 الف وحدة
سؤال تاني ان شاء الله إذا جاءت الشقق لية أنا مش فاهم هدفع فى شهر ستبمبر 4000 الف جنية وانتو مش قولتوا هنأخذ قرض من الدولة من 5000 الف جنية إلى 25000 الف جنية على حسب الداخل
سؤال ثالث إمتي هيكون الفرز ويبقا ازاى
ولكم مني جزيل الشكر والتقديد،،،
وعليكم السلام ورحمه الله وبركاته اهلا بيك
السؤال الاولاني اه انت جاوبت نفسك :)) تم مد فترة التقديم لان عدد اللي قدموا لحد 31 مايو كانو حوالي 300 بس بينما عدد الشقق 500 الف ، عامة المتوقع ان عدد الشقق هيكفي عدد المتقدمين ان شاء الله
بالنسبة للمقدم انت اللي بتدفعوا ، اما الدعم المالي بيتم خصمه من ثمن الشقة
الفرز وتخصيص الشقق ان شاء الله بعد 4 شهور ، حاليا بيتم مراجعة الاوراق المقدمة وتسجيل البيانات والاستعلام عنهم ، ثم ترتيب المتقدمين حسب الاولوية في الاسكان الاجتماعي ثم التخصيص وربنا يوفقك وكل عام وانت بخير
لسة التقديم فاتح ولو قفل مافيش استثناء للتقديم الان
تم مد التقديم لحد 15 يونيو تقدر تقدم عادي بالتوفيق
عايزة اعرف اماكن الوحدات السكنية فى كفر الدوار وعلى اساس يتم تحديد المكان للمتقدم
الاماكن بالضبط لسه لم يتم الاعلان عنها من وزارة الاسكان
اما مكان الشقة فبيتم تخصيص الشقة عشوائي بالكمبيوتر
انا اسكن فى مصر الجديده مع والدتى واريد التقديم فى منطقة العبور هل ينفع ولا لا
التقديم اما في محافظة السكن او محافظة العمل و مدينة العبور تبع محافظة القليوبية
انا كنت عايزه استفسر عن الاوراق المطلوبة للارمله واذا كنت اتقاضى معاش عن زوجى ووالدى هل يجب احضار طابعه ببيانات كلا المعاشين
اه بتقدمي شهادة الوفاة وبيتم تقديم قيمة المعاشين الاتنين واي مصادر دخل اخري لو فيه مع باقي الاوراق ، مع العلم ان الحد الاقصي للدخل للتقديم هو 3500 جنيه
وهتلاقي خطوات التقديم في الاسكان الاجتماعي والاوراق المطلوبة بالتفصيل هنــــا
تحويل الطلبات لبنك التعمير والإسكان عشان يقسطو المبلغ وياخدوا فوايد تصل ل5و7فى المئة ده خراب بيوت على ناس زى محدودين الدخل.
انا كنت سالت علي موضوع ال4000 جنيه الاكل تلات شهور من شهر 9 وحضرتك ردات عليه وقولت علي حسب انتي مقدمه في ال 100الف وحده ولا ال 400الف وحده .السوال بقي انا اعرف منين انا مقدمه في انهي وحده منهم .لاني اشتريت الكراسه عادي وملتها وعملتالاجراءات العاديه ومش فهمه النقطه دي .وشكرا لحضرتك
اهلا بحضرتك ، لو الكراسة لسه معاكي او فاكرة لونها ايه ، هتلاقي مكتوب علي الكراسة في مراحل التشطيب ولون الكراسة احمر يبقي ضمن ال 100 الف وحدة
اما لو لون الكراسة ازرق ومكتوب عليها “التي تنتهي خلال عام” دي ال 400 الف وحدة وهي دي اللي هيتم دفع المقدم ال 4000 جنيه بداية من شهر سبتمبر اللي جي ، وعامة ان شاء الله قبل بداية الدفع هيتم اعلامك علي الموبايل بتخصيص الشقة وباقي الاجراءات المطلوبة منك
انا قدمت في مدينه العبور حسب كراسه الشروط بس لقيت علي الموقع غير مذكوره مدينه العبور رجاء التوضرح
مدينة العبور موجودة هتلاقيها ضمن ال 400 الف وحدة اللي هم هيتسلمو السنة اللي جاية 2017
هو لازم اقدم ف شقق المحافظة اللى تابعة ليها البطاقة الشخصية ولا ف اى محافظة؟
ممكن تقدم في محافظة السكن او محافظة العمل
كراسه الشروط متاحه الاخر الشهر والفع المقدم لغابه امتي هل في مراحل تانيه لمحدودي الدخل
كراسة الشروط والتقديم في الاسكان الاجتماعي لحد 15 يونيو 2016
هل يوجد مرحلة تانية فى الشقق لعدم امكانيتنا فى الحجز فى المرحلة الاولى للظروف المادية الصعبة فى الوقت الحالى ارجو الرد ضرورى
ان شاء الله في مرحلة قادمة بس غالبا حتكون اخر السنادي او السنة اللي جايه
ارجو التوضيح بخصوص الاربع الاف جنيه كل تلات شهور
دول بيدفعوا امتى بالظبط وازاي محدود الدخل وعنده اولاد والمفروض انه عايش في مفروش وازاي يحوش كل تلات شهور اربع الاف جنيه
بيتم دفعهم عند تخصيص الشقة علي اساس ان التسليم في شقق ال 400 الف وحدة لسه السنة اللي جايه 2017
ربنا يكون في عونك عامة علي الاقل التقسيط احسن من دفع المبلغ كله دفعه واحدة زي شقق ال 100 الف وحدة
لو سمحت انا مش فهمه موضوع اني ادفع من بدايه 9/1 ال 4000 جنيه عايزه افهم ان الا هايدفعهم ده هو الشخص الا جاله جواب بكده او رساله ولا كل الا قدم وايه موضوع ان احنا هانستكمل المبلغ من بعد الاخطار بالتخصيص باسبوعين
الاول بيتم تخصيص الشقة بعد كدا بالنسبة للناس اللي قدمت في ال 100 الف شقة هيتم دفع المقدم ال 15 % خلال اسبوعين بعد الاعلام بتخصيص الشقة
اما بالنسبة للناس اللي قدمت في ال 400 الف شقة لان الشقق لسه هتتسلم في 2017 فهم بعد تخصيص الشقة اللي هيتعرف خلال شهور السنادي 2016 ان شاء الله هيبداو في شهر سبتمبر دفع المقدم لكن علي اقساط عبارة عن 4000 جنيه كل 3 شهور
النظام الايجار التمليكي متاح للجميع
لا هيبقي للناس اللي مرتباتها اقل من 1000 جنيه و في محافظات معينة
لو سمحت انا شغال عامل مساعد نقاش وزوجتي تعمل خياطة قدمت مفردات مرتب لي وزوجتي من مكتب محاسب قانوني ب2050جنيه شهريا هل لي فرصه فوز بشقه
اه ان شاء الله طلما الشروط متوافرة وعامة الحد الاقصي لمجموع دخل الاسرة 3500 جنيه
امتي هيكون الفرز وبيبقا ازاي
الاول بيتم فحص الاوراق المقدمة بداية من شهر يونيو الحالي ، وبعد كدا بيتم الاستعلام من جهة العمل عن صحة البيانات والدخل الشهري ، والاستعلام عن مكان السكن
وفي حالة مطابقة الشروط وحسب ترتيب الاولوية في الاسكان الاجتماعي كل واحد منطبقة عليه الشروط بيحصل علي رقم اولوية ثم بيبدأ تخصيص الشقة علي اساسه
هو أنا بدفع ال 9125 كمقدم، وبالنسبة لل 15% دي ايه و بيتم سدادها ازاي.. ارجو الرد
ال 9125 مقدم حجز ، نسبة ال 15 % مقدم الشقة ، بيتم سدادها قبل استلام الشقة في البنك اللي التعامل ودفع الاقساط هيكون من خلاله ، وهيتم اعلامك بفرع البنك عند تخصيص الشقة
السلام عليكم .. هل تم تمديد مدة التقدم لمدة 15 يوم بعد 31 _5 يعني لغاية 15 _6 ام التقديم خلاص مدته انتهت ؟
لاني لم اعلم بهذه العروض الا امس .. وشكرا مقدما ولكم مني جزيل الشكر والتقدير ..
وعليكم السلام ورحمه الله وبركاته
اه بالفعل تم تمديد فترة التقديم اسبوعين لحد 15 يونيو وتقدر تجيب كراسة الشروط وتقدم طلما الشروط متوافرة ، بالتوفيق
انا قدمت ووصلنى رساله ع الموبيل منهم اليوم ممكن اعرف ده معناه ايه ؟؟؟؟؟؟
دي رسالة انه تم ارسال واستلام ظرف الاوراق المقدم ، والرقم اللي في الرسالة رقم الطب ، احتفظ به للاستعلام بعد انتهاء فحص الاوراق
ارجو الرد بشان مد فتره شراء كراسه الشروط
حاولي تروحي مكتب بريد رئيسي في المحافظة
انا مقدم في 400الف وحده اللي هتتسلم خلال العام القادم في حاله تخصيص شقه ليا هيتم دفع القسط الشهري عند تخصيص الشقه ولا عند استلام الشقه.
قسط المقدم بالنسبة لل 400 وحدة بداية مع تخصيص الشقة في شهر سبتمبر 2016
اما اقساط الشقة نفسها بداية من استلام الشقة في 2017
أنا عايز أعرف هو ممكن يتم قبول الشباب غير المتزوجين
العازب ممكن يقدم عادي ، صحيح ملوش اولوية بس فيه فرصة طلما الشروط متوافرة للحصول علي شقة سواء المرحلة الحالية او المرحلة القادمة
حضرتك ليه ينفع أقدم ولا كان اخر يوم النهارده ولو معايا الدراسه هينفع ولا مبقاش ينفع اتمني الرد
تم فترة التقديم في شقق الاسكان اسبوعين لحد 15 يونيو 2016
لوسمحت عاوزه اعرف اه هو نظام الايجار التمليكي
هو نظام هتيم اتاحته قريب ان شاء الله في شهر يوليو او اغسطس 2016 ، هيكون مخصص للناس اللي مرتبتها اقل من 1000 جنيه بحيث بدلا من دفع اقساط كبيرة هيتم دفع مبلغ 300 جنيه فقط شهريا ، بحيث يكون دا ايجار شهري ، وبعد مده معينة هتحددها وزارة الاسكان الشقة هتبقي تمليك باسم المتقدم
كراسه الشروط خلاص قفلت ولا مدوها لبعد ٣١/٥ لاني عايز اجيب كراسه لكن الوقت عدي ومش عارف هما قدموها فتره شراء الكراسه ولا لا ارجو الرد
مدوها مع التقديم متاحة لحد 15 يونيو 2016 وهتلاقي كراسات الشروط في مكاتب البريد
عندى سجل تجارى وبطاقه ضريبيه ومش مؤمن على وبطاقه الزوجه منتهيه هل شرط تقديم برنت التامين وبطاقه الزوجه
تم الغاء شرط تقديم شهادة التامينات بالنسبة للمهن والاعمال الحرة
اما بالنسبة للبطاقة لازم تكون سارية ، عموما لسه ممكن تلحق تجددها وتقدم اخر يوم بقي 15 يونيو
تقدمت بسداد مقدم الحجز5100عام 2014وتقدمت لبنك التعمير بالعبور سددت 4000 وغيرت الرغبه بمدينة بدر لمدينة الشروق فقط هل يوجد مصاريف اكثر وهل تحديد مدينة الشروق فقط يعنى بان اذا انتهى تسليم جميع الوحدات بالشروق ولم يصبن الدور ماذا الفعل
مفيش مصاريف تانية لحد ما يتم تخصيص الشقة ان شاء الله
حتي الان مفيش حصر معلن للاعداد لكن طلما فتحوا باب التحويل يبقي فيه عدد كافي سواء المرحلة الحالية او لو العدد ازيد من الشقق يبقي في المراحل القادمة هيكون لك اولوية
وهتلاقي هنا موضوع التحويل وباقي التفاصيل
لو سمحت انا عايز اعرف اللي مثلا مرتبة الف جنيه هيدفع 9000 مع كراسه الشروط +سبعه الاف الصيانه +23الف مقدم حجز
ولو ده صح ازاي ده اسكان اجتماعي
هو صح بالنسبة لل 9000 + 125 جنيه مصاريف استعلام عن الحجز قبل ارسال الاوراق و مبلغ المقدم اه وممكن اكتر حسب سن المتقدم
اما بالنسبة لل مبلغ الصيانة بيتم تقسيطه ضمن ثمن الشقة
اتفق معاك وخلال المشاركات هنا قبلت ناس كتير مبلغ 9000 مش في مقدرتهم ياريت يرجعو يبقي 5000 زي ما كان ، او الوزارة تطبيق نظام شقق الايجار التمليكي اللي قالوا عليه من مده
هل هناك خطاء فى إرسال الكراسة كما هى و بها النموذج و الإقرار مستشفيات ام و هل هناك حاجة اليها؟
مفيش مشكلة طلما مليت الاستمارة ومضيت علي الاقرار
الرد على المتقدمين امتا
بعد 3 او 4 شهور حسب الاعداد في كل محافظة
لو سمحتو هو خبر مد فترة الحجز الي ١٥يونيو للاسكان صحيح .
اه صحيح لسه وزارة الاسكان منزلة القرار النهاردا
لوسمحتوا انا عايزة اعرف كيف اعرف انى من اللى كسبوا الشقة
بيتم التواصل معاكي علي رقم الموبايل المسجل في التقديم ، بس لسه حاليا هيتم فحص الاوراق والاستعلام بتاخد فترة 4 شهور او اكتر حسب كل محافظة
هل دهشور من ضمن هذه الوحدات
مفيش مدينة دهشور في الاعلان الحالي ، وتم فتح باب التحويل في الاعلان السابق من دهشور لمدينة 6 اكتوبر
هل اخر يوم للتقديم يوم 31 ام هناك تمديد للموعد
اه 31 مايو ، حتي الان مفيش اي اخبار عن تمديد الميعاد
هل يلزم تقديم صوره قسيمة الزواج وصور شهادات الميلاد ﻻوﻻد
اه لازم زي ما موضح في كراسة الشروط
السلام عليكم شكرا لمجهودكم الرائع
هل يشترط برنت تأمين للموظف وهل من الممكن مد الفترة بعد 30.5.2016.
ومن يرغب في المرحلة الثانية كمدينة العبور هل له امكانية الاختيار لان المرحلة الاولى لا تناسبني علما بانني من مخافظة القليوبية وارغب في شقة بمدينة العبور
وعليكم السلام ورحمه الله وبركاته ، العفو واهلا بيك
لو موظف حكومة لا مش مطلوب
اخر يوم تقديم هو 31 مايو ، فرصة مد التقديم ضعيفة لان مفيش كلام حتي الان من وزارة الاسكان
بالنسبة للتقديم في المرحلة انت اللي بتختار بمعني لو عايز تقدم في المرحلة الثانية في العبور بتشتري كراسة الشروط الزرقاء ، اما المرحلة الاولي تبقي الكراسة الحمراء
كم عدد النتقدمين االى الان
كانت وزارة الاسكان قالت الاسبوع الماضي حوالي 200 الف قدموا لكن العدد النهائي هيقولو يوم الاربعاء او الخميس ان شاء الله
انا عايز اعرف الأولوية لمين بالظبط ويارب يكون فيها شفافيه
هتلاقي شرح الاولوية في كراسة الشروط واحنا هنا وضحناها اكتر وطريقة حساب الاولوية بالتفصيل
كيفية معرفة ميعاد اعلان القرعة
مفيش قرعة في شقق الاسكان الاجتماعي ، النظام عبارة عن التخصيص حسب توافر الشروط والاولوية بحيث بيتم منح كل مواطن رقم اولوية في كل مدينة هتلاقي هنا طريقة تحديد الاولوية بالتفصيل
اما عن موعد تخصيص الشقة بتاخد فترة 4 شهور بعد التقديم بحيث يتم فحص الاوراق والاستعلام عن المتقدم
صباح الخير اختى قدمت كل الاوراق المطلوبه ما عدا
الورقه التامينات بتاعت زوجه فى مشكله
صباح النور
لو هي قطاع عام او قطاع خاص مش مطلوب شهادة التامينات ، بالنسبة للقطاع الخاص هو بس الرقم التاميني يكون في شهادة مفردات المرتب
متى سيتم إخطارى بالتخصيص وكيف
ان شاء الله بعد 3 او 4 شهور حسب الاعداد في كل محافظة ، وبيتم الاخطار عن طريق الموبايل
ممكن اسأل بعد اذنك لو ارمله مفيش دخل غير معاش زوجها
ممكن تقدم بالمعاش عادي بتجيب شهادة بقيمة المعاش من التامينات مع باقي الاوراق المطلوبة
السلام عليكم انا كنت مقدم فى الاعلان بتاع القاهره الجديده ونزل إسمى من ضمن المستحقين ولاكن رقمى 41000 النهرده جاتلى رساله انى اروح البنك وادفع 4000 الاف جنيه ثم التوجه لجهاز مدينة بدر لتعديل الرغبه انا مش فاهم حاجه من الرساله انا لو دفعت ال4 الاف جنيه وعدلت الرغبه فى جهاز بدر كده انا هستلم ولا لسه هايتبعتلى تانى ولو هاستلم يبقى بعد اد ايه من فضلكم حد يوضحلى
وعليكم السلام ورحمه الله وبركاته
حاليا علشان مفيش وحدات جديدة في مدينة القاهرة الجديدة وعلشان الاعداد اللي مقدمة هناك كبيرة فتحوا باب التحويل للمدن الاخري ، في مدينة بدر فيه عدد وحدات كافي ان شاء الله ، بس برضو هيبقي فيه اولوية ان شاء الله هيتم اعلان التفاصيل بعد انتهاء التحويلات وحصر الاعداد
وهتلاقي هنا تفاصيل التحويل من القاهرة الجديدة للمدن الاخري
السلام عليكم ممكن اعرف دى قرعه يعنى ولو قرعه وانا مش فزت بيها هرد المبلغ ازاى وامتى الا هو 9000 الاف وشكرا
وعليكم السلام ورحمه الله وبركاته ، لا مفيش قرعة في شقق الاسكان الاجتماعي النظام عبارة عن تخصيص الشقق بالاولوية والاكثر احتياجا بعد فحص الاوراق بيتم ترتيب المتقدمين في كل مدنية وهتلاقي هنا قواعد الاولوية في الاسكان الاجتماعي 2016
وبعد اعلان تخصيص الشقق او الرفض ممكن تسترد المبلغ من فرع بنك التعمير والاسكان
انا عندي دفتر توفير ومبعتش ما يفيد بكده ده يعملي مشكلة ولو قبلت هعرف امتى وميعاد الاعلان امتى.
شكرا على ذوقك
ممكن من خلال بنك التعمير والاسكان استكمال البيانات او الاوراق ، لان حسب الاقرار لازم تذكر اي حسابات او اوراق مالية ضمن مصادر الدخل
شكراجزيلاعلي الجواب وجزاكم الله كل خير وربنايوفقكم علي خدمة الناس
العفو واهلا بيك في خمس خطوات وان شاء الله بالتوفيق
متى سينتهى التقديم وهل ممكن أسحب الكراسة وادفع ال ٩ الآف جنية فى نفس الوقت … شكرا
اخر يوم هو الثلاثاء القادم 31 مايو 2016 ، اه ممكن في نفس اليوم بس اعمل حسابك هتحتاج وقت علشان لسه هتملي استمارة التقديم وتمضي الاقرار بعدين تدفع الاول ثم ترفق الوصل مع الاوراق في الظرف
السلام عليكم اريد ان اتقدم للشقق في العبور وعلمت انها في المرحلة الثانية علما بأنني لا ارغب ان اكون في المرحلة الاولى محافظة القليوبية
ماذا افعل. وهل من الممكن سحب الكراسة قبل اخر الشهر والتقديم بعدها
ارجو الافادة
وعليكم السلام ورحمه الله وبركاته
كراسة الشروط الخاصة بالمرحلة الثانية او -400 الف شقة – لونها ازرق من البريد برضو
اخر ميعاد لسحب كراسة الشروط والتقديم 31 مايو ، مش هينفع بعدها الا لو وزارة الاسكان مدت فترة التقديم ودي صعبة فالافضل التقديم الاسبوع اللي جي لسه قدامك لحد يوم التلات
لو سمحت انا ارمله وسني 31سنه وعندي بنت عمرها 10شهور وسكنه بايجار ومعنديش اي حاجه ملك باسمي ومعاشي عن زوجي ووالدي 1300 وقدمت وجاتلي رساله برقم الكراسه ومعايه وصل ايه الي هايحصل بعد كده وهي فعلا هاتيجي ليه ف الزقازيق انا مقدمه المرحله التانيه .ارجو الرد والافاده والا طمئنان من ذالك
احتفظي بالرقم ان شاء الله صندوق التمويل العقاري هيتيح وسيلة الاستعلام سواء بالرقم دا او بالرقم القومي لمعرفة موقف الطلب بس حاليا لسه مفيش وسيلة
المدينة اللي قدمتي فيها هي اللي هيتم التخصيص فيها ان شاء الله ، في حالات لو عدد المتقدمين في المدينة اكتر من الشقق بيتم فتح باب التحويل للمدن الاخري في نفس المحافظة
وفي سؤال كمان اعرف ازاي ان هاخد شقه ولا لا وكمان مش قدمت مع الورق أثبتت بالسكن اللي موجود فيه يعني نسيت أرفق عقد إيجار للسكن .لاكن موجود من الورق وصل نور حديث هل في مشكله كده ..ارجو الرد وشكرا جزيلا
هيتم التواصل معاك بعد الاستعلام وفحص الاوراق علي الموبايل عند تخصيص الشقة برسالة تفيد بالتخصيص والبنك اللي هيتم التعامل معاه
مش مطلوب تقديم عقد الايجار الا عند الاستعلام ، لكن بالنسبة للاوراق المطلوب تقديمه هو ايصال مرافق حديث بس
انا مش موظف وعملت بيانات بالدخل من عند محاسب قانوني معتمد .كده تمام ولا في مشكله ؟!
لو مهن حرة او حرف اه تمام بتجيب شهادة اثبات دخل من محاسب قانوني
لوسمحتم بطاقةزوجتي ليس مكتوب فيها ربة منزل ولاغيرعامله ولاكن مكتوب فيها متزوجه مني وليس مكتوب فيها شي اخر اسبت ازاي انها غير عامله وهل لازم اقدم ليها رقم برنت تاميني يسبت انها غير مومن عليه ارجو بعدالاجابه علي هزا السوال وضحولي ماهي الاوراق المطلوبه منها في الحاله علما بانها ليس لهاعمل واشكرحضرتكم علي مجهدكم وحسن تعاونكم علي هذا الموقع الجميل بجد.
يا استاذ عبده رديت عليك بنفس السؤال قبل كدا اكتر من مره ، زي ما قلتلك لو الزوجة لا تعمل مش مطلوب منها اي ورق غير صورة البطاقة ، مش مطلوب اثبات انها لا تعمل ولا شئ لان مفيش ورقة بتقول كدا اصلا
واهلا بيك لو فيه اي سؤال اخر
لو تفضلت كم عدد الوحدات المتاحة فى كل من العبور وجمصة وطلخا فى المرحلتين 100 ، 400
وهل يقوم مندوب الاستعلام بالاتصال مسبقا” بالعميل لتحديد موعد معه لأنه ممكن يروح ولا يجد أحد
شكرا” على مجهوداتكم الرائعة وموقعكم ..
العفو واهلا بيك معانا في خمس خطوات
-عدد الشقق في مدينة العبور في مرحلة ال 100 الف 380 شقة ، وفي مرحلة ال 400 الف 27216 شقة
بالنسبة لعدد الشقة في جمصة وطلخا مفيش لسه تصريح رسمي من وزارة الاسكان عنهم
اه بيتم التواصل معاك عند الاستعلام
انا لو دخلى 2800وانزل هل يجوز بالتقديم
لو انت عازب مش هينفع لان الحد الاقصي لمرتب العازب 2500 جنيه
لو متزوج مفيش مشكلة ممكن تقدم والحد الاقصي لدخل الاسرة 3500 جنيه
طيب بالنسبة لل كانوا مقدمين قبل كدة يسحبوا فلوسهم ويكملوا عليهم ولا ايه !!؟؟
ارجوا الرد …….
استعلم عن موقفك سواء بالقبول او الرفض من صندوق التمويل العقاري في بنك التعمير والاسكان بحيث تعرف هل فيه رقم اولوية ومتقدم ولا متاخر وبعدها قرر
لوسمحت انا فى المرحلة الثانية 2017 بعد ماادفع 9000 الف ويجى الرسالة على التليفون دة معناة اية اتئبلت ولا لا….وكمان المفروض هادفع كام تانى لوسمحت عرفنى وكمان فين مكانها فى طلخا
الرسالة بعد ارسال ظرف الاوراق معناها انه تم ارسال واستلام الظرف ، اما القبول لسه فيه فحص اوراق واستعلام بياخد وقت
عند تخصيص الشقة بيتم دفع نسبة 15 % من ثمن الشقة والنسبة دي بتزيد حسب مرتب المتقدم ، بالنسبة للمرحلة التانية هيتم دفع المبلغ دا علي اقساط كل 3 شهور بداية من شهر سبتمبر القادم ان شاء الله قبلها هيكون تم اعلان تخصيص الشقق
انتى قدمتى شهاده دخل
انا وزوجى اكبر من 55 سنة وابنى عنده سيارة شغال عليها سائق اوبر وخاطب ينفع نقدم على شقة له علما باننا موظفين ارجو الرد سريعا
لازم المتقدم يتوافر فيه الشروط وهو اللي يقدم باسمه بمعني مفيش ضامن عند التقديم
البطاقه تبع القاهره حلوان بطاقه الزوجه ومحل السكن ووصل النور الهرم واريد الحجز في اكتوبر هل في مشكله ومحل الشغل غير ثابت بين القاهره والجيزه متنقل في فروع محلات
عامة ممكن التقديم في محافظة السكن او محافظة العمل طلما محل السكن في الجيزة ممكن تقدم في مدينة 6 اكتوبر
طيب وانا من قنا عندي27سنه مش موظف معنديش دخل سابت أسكن في الشارع ولا فيه حل غير كدا @ رجاء الرد
لو اعمال حرة بتعمل شهادة دخل من محاسب قانوني وتستكمل باقي الاوراق وتقدم وان شاء الله خير
هل الاعمال الحره تم اعفائها من ورقه التأمينات
اه وزارة الاسكان اعلنت اعفاء اصحاب الاعمال الحرة والحرفيين من تقديم شهادة التامينات هتلاقي المزيد من التفاصيل هنــــا
لو سمحت انا اشتريت كراسة الشروط ومكنش فيها مدينة الشروق هل فيها تقديم ولا الاستمارة ملهاش لزمه ولو حبيت اقدم بالاستمارة فى المرحله الجيه لو مفيش الشروق هينفع اقدم بيها في المرحله اللى جيه ولا لاء ارجوا الافاده وشكرا
مفيش مدينة الشروق في الاعلان الحالي
بالنسبة للاعلانات القادمة هيبقي ليها كراسة شروط واستمارة جديدة
طيب الي مسافر برة مصر هتنزلوا كراسة شروط خاصة بية ولا هي نفس كراسة الشروط .!!
هي نفس الشروط بالنسبة للمصريين بالخارج
تم تقديم أوراقى يوم 23 مايو 2016 ولم ارسل شهادة التأمينات الاجتماعية وأنا موظفة ولم أرسل بيانات عن عمل زوجى لانة لايعمل وهو حاصل على بكالوريوس علوم والبريد قال لى إنة مش مهم أهم حاجة مفردات المرتب
لو موظفة حكومة مش مطلوب شهادة التامينات
لو سمحت كنت عايزه اعرف اقدر اتصرف ف الشقه امتي
في ناس بتقول معرفش أأجرها غير بعد 7 سنين
اه حسب كراسة الشروط والاقرار لازم مرور 7 سنين علشان تقدر تتصرف في الشقة سواء بالايجار او التنازل
السلام عليكم ..
بعد اذنك عايز اعرف دمياط الجديده ضمن ال 400 الف وحده ولا لا انا جبت الكراسه وملقتهاش مكتوبه ..
ارجو الافاده
وعليكم السلام ورحمه الله وبركاته
هي كانت نازله حسب بيان وزارة الاسكان ، لكن حسب كراسة الشروط والكلام النهائي مدينة دمياط الجديدة مش موجودة في الاعلان الحالي
هل يجب تقديم ايصال شراء الكراسة مع الاوراق المطلوبه
اه اصل ايصال كراسة الشروط ، و اصل ايصال المقدم ال 9125 جنيه ، ممكن تصورهم قبل التقديم وارسال الظرف
ماذا لو تم تخصيص وحدة سكنية لموظف حكومي .. ثم اخذ اجازة بدون مرتب للسفر او العمل باحدي شركات في مصر .. ماذا سيحدث
لازم التواصل مع البنك بحيث يتم تحديد تحويل المرتب من الوظيفة الجديدة للبنك ، او بحث وسيلة اخري لسداد اقساط الشقة ، اما في حالة الامتناع عن سداد اقساط الشقة لفترة بيتم سحبها
لو سمحت انا مرتبي الفين جنيه وجوزي مهندس كهرباء حر …هل ينفع اقدم انا باسمي .؟؟مع العلم اني عندي طفلين .. هل لازم اروح لمحاسب قانوني يعمل الدخل ام تكفي ورقة مفردات مرتبي
ممكن تقدمي باسمك عادي طلما الشروط متوافرة بس لازم هيتم ذكر بيانات الزوج والاولاد في استمارة التقديم
بالنسبة لك يكفي مفردات المرتب ، بالنسبة للزوج علشان اعمال حرة لازم شهادة مفردات دخل من محاسب قانوني
الحمد لله ربنا كرمني.وعرفت أقدم وجالي رسالت ؟؟؟؟ ازيه اتبع الموضوع اشوف الشقه جت ولا ولو مجاش المرحله الأول الحب المرحله التاني شكرن
من خلال صندوق التمويل العقاري وهتلاقي هنـــا موضوع طرق الاستعلام عن طلب حجز شقق الاسكان بالتفصيل
اريد معرفة كم عددشقق المتوفر فى العاشر من رمضان في المرحلتين كل على حد
عدد الشقق في العاشر من رمضان في اعلان مايو 2016 هو 13260 شقة في المرحلة الاولي والمرحلة الثانية 14440 شقة
هما 9الف جنيه .بيدفعو مع الاوراق .ولا فيه فترة بينهم .ارجو الرد
الاول بتدفع ال 9125 جنيه ثم بترفق اصل الايصال مع الاوراق في ظرف وتبتعها من خلال مكتب البريد
انا امنت علي نفسي يوم 23/5 عامل في محل والدي مع ان المحل علي قد حاله وبعدين روحت اجيب ورقه من محاسب قانوني بمفردات المرتب قالي لا
ال امن عليك هو ال يديلك مفردات المرتب الكلام ده صح ولا ايه
ايه حل المشكله دي
اه كلامة صح لان انت كدا تعتبر موظف قطاع خاص مش مهنة حرة طلما المحل نفسه مش باسمك ، يعني دلوقتي تجيب شهادة مفردات الدخل الشهري من صاحب العمل
لوسمحت انازوجتي غيرعامله واناكتبتها في البيانات ربة منزل وعلي العلم مكتوبه في البطاقه متزوجه مني اناومفيش حاجه في البطاقه مكتوبه تاني يعني ليست مكتوبه ربةمنزل كدالازم اجبلهابرنت تاميني يسبت انه غيرمومن عليهاولامش لازم ولاكانلازم تكون مكتوبه ربة منزل في البطاقه
لو الزوجة ربة منزل او مش بتعمل مش مطلوب منها تامينات كل المطلوب صورة البطاقة وتكون سارية
زوجتي اجنبيه وارغب في التقدم لاحصل علي سقه حيث انني لااملك شقه واسكن انا وزوجتي واولادي في ايجار يجدد لي كل سنتين علي حسب شروط صاحب العمارة هل ممكن اقدم اوراقي حيث اني اعمل موظف بوزارة الثقافه وعمري ٥٠ سنه في شهر سبتمبر القادم اذا كان لي عمر ان شاء الله
اه المهم لسه مش 50 سنة وقت التقديم الان ، وطلما باقي الشروط متوافرة قدم وان شاء الله بالتوفيق
لو سمحت ده الرقم اللي وصلني ازاي استعلم بيه وهل ده معناه ان اوراقي قبلت ولا لا…وممكن نعرف عدد المتقدمين للان….
دا رقم من البريد للطلب وقصدهم بيه ان الظرف وصل ، لكن لسه فحص الاوراق والاستعلام خلال الاسابيع القادمة ان شاء الله احتفظ بالرقم وعامة الاستعلام علي موقع صندوق التمويل العقاري هيكون بالرقم القومي
ممكن نعرف من حضرتك ععد المتقدمين الي الان …..وان لم يحلفنا التوفيق في المرحله الاولي ولم نسحب المقدم بيكون لينا الاولويه في المرحله التانيه واسفين علي الزعاج..
مع العلم اني متزوج وعندي 3اولاد ولا اعمل بالحكومه
هو عدد المتقدمين حتي اليوم ١٨٤ ألف مواطن اما عدد اللي اشترو كراسة الشروط ٥٣٧ ألف بس التوقعات ان شاء الله ان عدد المتقدمين هيبقي علي قد عدد الشقق او بزيادة بسيطة
اه لو مفيش نصيب في مرحلة ال 100 يبقي ان شاء الله في ال 400 الف شقة ، وعامة المتزوج وفيه اولاد له اولوية في الشقق عن الاعزب او المتزوج بدون اولاد ، مفيش ازعاج ولا حاجة اهلا بيك وان شاء الله بالتوفيق
انا قدمت جميع الاوراق بس مقدمتش اقرار ذمه ماليه لزوجتي ….هيا لا نعمل وليس مؤمن عليها ولا يوجد بند في كراسة الشروط بخصوصها
مين قال تقدم اقرار ذمة مالية ؟؟
حسب كراسة الشروط لو الزوجة ربة منزل كل اللي مطلوب تقدمه هو صورة البطاقة وتكون سارية
شكرا علي الرد
العفو وان شاء الله بالتوفيق
لو سمحت انا مرتبى675 بس ضفت مرتب الزوج والابن فمن الضروى يكون مرتبى 1000 جنيه للمتقدم وليا حسابات توفير ده يمنع
المهم الدخل الشهري يبقي 1000 جنيه واقل من 3500 جنيه
حسابات التوفير لا تمنع التقديم لكن لازم ذكرها في استمارة التقديم
انا اعمل فالقطاع الخاص ولسه متامنش عليا ااقدم مفردات من المصنع يفيد مرتبي فقط ولا لازم من محاسب قانوني
محاسب قانوني دي لو انت مهن حرة ، اما لو شغال في شركة او مصنع قطاع خاص بتقدم مفردات المرتب من جهة العمل
وهل فعلا سيتم غلق باب شراء الكراسات اليوم الاثنين 23/5/2016
وزارة الاسكان قالت النهاردا انه تم تمديد فترة شراء كراسة الشروط لاخر شهر مايو مع غلق باب التقديم يعني مستمرة لحد يوم 31 مايو
لو سمحت انا اعمل بشركة وتم اعطائى مفردات مرتب بمبلغ 850 جنيه ينفع اقدمه
حاول تعدل مفردات المرتب او ذكر اي مصدر دخل اخر بحيث يكون الدخل الشهري 1000 جنيه او اكتر لان دا الحد الادني للتقديم في الشقق
لوسمحت انازوجي بناء معمرى وملهوش تامين اعمل اي
وزارة الاسكان لغت شرط تقديم شهادة التامينات بالنسبة للمهن الحرة والحرف
لو سمحت انا اخويا قاعد فى الجيزه بس شغله فى حلوان وعايز يقعد فى حلوان ياترى هينفع
اه ينفع يقدم سواء في محافظة السكن او محافظة العمل
لو سمحت انا دلوقتي شغال في شركه خاصه ومش متأمن عليا بس اخدت منهم مفردات مرتب ورحت التأمين طلعت برنت رقم تاميني مكتوب في ورقه التأمين ديه هذا الشخص ليس له اي بيانات تامينيه لو انا قدمت بالورق ده كده يبقي في اي مشكله ولا لازم اأمن علي نفسي عشان يبقي ورقي سليم .
ثانيا .. هل سيتم دفع أقساط الشقه قبل التأكد من معرفتنا بأننا حصلنا علي الشقه وهذا في دفعه ( 400 وحده )
هو مطلوب التامين من موظفي القطاع الخاص بس حاليا علشان التامينات بترفض التامين الشخصي فوزارة الاسكان لغت تقديم التامينات بالنسبة للمهن الحرة ، وان شاء الله يكون فيه تساهل بالنسبة للقطاع الخاص او يطلبو منك استكمال الاوراق وقت الفحص والاستعلام
بالنسبة لدفع الاقساط ان شاء الله هيتم معرفة التخصيص ام لا خلال 4 شهور وبعدها هيتم دفع الاقساط
طب حضرتك لو انا مجتليش الشقه ينفع اسحب الفلوس ولا بعد سنه ابقا اخد فلوسي
بعد اعلان نتيجة الاستعلام سواء بالقبول وتخصيص الشقة او الرفض ممكن سحب الفلوس من فرع بنك التعمير والاسكان
السلام عليكم ورحمة الله وبركاته..
من فضلك أنا قدمت في الإعلان السابع وفي الفترة دي زوجتي كانت في أواخر شهور الحمل وإضطريت أقدم بدون ما اعمل مفردات مرتب ليها مع العلم إنها موظفة حكومية ويشترط علشان تعمل مفردات مرتب وجودها هي شخصياً..
فهل ينفع أعمل تحديث بيانات وأنا بدفع باقي المقدم وأضيف مفردات المرتب الخاص بيها وأضيف المولود كمان..
وشكراً مقدماً 🙂
وعليكم السلام ورحمه الله وبركاته
ممكن من خلال بنك التعمير والاسكان بتقوم بتحديث البيانات وتقدم الاوراق الناقصة
لو عندى شهادات ادخار فى البنك لازم ازكرها مع العلم ان الحساب البنكى فى 200 جنيه
اه لو قريت الاقرار اللي بعد استمارة التقديم محدد انك لازم تذكر اي حسابات بنكية او دفتر توفير او سندات
تبع محافظة الجيزة فيه مدن في المرحلتين مرحلة ال 100 الف وحدة في محافظة الجيزة، بمنطقة جرزا القطوري بالعياط.
و مرحلة ال 400 الف وحدة اللي هيتسلموا في 2017 هم مدينة 6 أكتوبر، حي الوراق، منشية البكاري، مركز كرداسة، مركز الواحات البحرية، مركز أبوالنمرس، مركز الصف، والباويطي.
ومسموح اختيار اي مدينة منهم طلما داخل محافظة السكن او العمل
انا شغال قطاع خاص بشركة فمدينة العبور محافظة القليوبية أثبت دة بالورق ازاى لانى عايز أقدم على شقة فى مكان عملى
سواء في شهادة مفردات الدخل يوضح مقر الشركة في العنوان كذا ، او لو الشركة عاملة تأمينات عليك
لو سمحت انا زوجي مسافر وملوش تأمين ينفع انا اعمله التأمين ولا لازم هو اللى يعمله هو عنده كارنيه نقابه بس منتهي مينفعش صح
لو مهن حرة او صاحب حرفة تم الغاء شرط تقديم شهادة التامينات
ازاى اعرف ان فلوسى وصلت البنك وورقى سليم
بيتم التاكيد برسالة علي الموبايل لو مفيش حاجة جاتلك ممكن تستعلم من البريد ومعاك ايصال ارسال الظرف بعلم الوصول
السلام عليكم ورحمة الله وبركاته
صديقتي ارملة وشقة السكن شركة بيها وبين حماها وحماتها فهل يمكنها التقديم.
في حالة رغبتها بعد الحصول علي الشقة (صديقتي الارملة) بأذن الله في إقامة مشروع سواء محل ايجار او ملك وترك العمل الخاص هل يتم سحب الشقة ، ام لا يتم سحبها اذا تم تغيير بيانات العمل وذكر انه تم ترك العمل الحالي وتم افتتاح مشروع خاص للاسترزاق.
وعليكم السلام ورحمة الله وبركاته
بالنسبة للسكن لو فيه شقة باسمها مش هيقبل الورق ، بالنسبة للشغل او المشروع لا مش بيتم سحب الشقة طلما وقت التقديم وفحص الاوراق الشروط متوافرة وقتها
انا من سوهاج ممكن اقدم فى محافظة اخرى ولو كنت مش اعمل بها
لازم محافظة السكن او محافظة العمل
السلام عليكم
لو سمحت أنا حماتى مقدمه فى شهر أكتوبر 2014 الإعلان الثالث وورقها فى صندوق التكويل العقارى دلوقتى .هل الشقة رسيت عليها ولا ايه النظام بالظبط .وشكرآ لحضراتكم
الأسم بالكامل/ نصرة محمد عبد الخالق-كفر الزيات
وعليكم السلام ورحمه الله وبركاته
ممكن الاستعلام مباشرة من موقع صندوق التمويل العقاري بالرقم القومي ، او الاتصال بالخط الساخن هتلاقي طرق الاتصال هنا بالتفصيل
بعد ازنك انا فى انتظار مولود هل فيه مشكله لو تقدمت اخر يوم الموافق 31 لتقديم شهاده ميلاده معنا
اه ممكن تقدم اخر يوم عادي ، والف مبروك مقدما
بعد اذنك….
لو عازب ؟
العازب ممكن يقدم عادي ، الفرق بس في الحد الاقصي للدخل الشهري هو 2500 جنيه للعازب
لو شقه ايجار ومفيش ايصال مرافق
حاول تقدم اي ايصال مرافق لمكان السكن حتي لو مش باسمك
لو معاية اخر كشف حسب من البنك مزكور فيه 200جنية ارفقه بالورق
هو المطلوب ذكر بيانات الحساب في استمارة التقديم لو عايز ترفق كشف الحساب بالمرة ارفقه
لو مفيش ايصال مرافق اعمل اى
حاول تقدم اي ايصال مرافق حتي لو مش باسمك
انا قدمت من غير ما اضيف الرفم التأمينى بس انا موظفة حكومى يعني معروف انى ليه رقم تأمينى
طلما شهادة مفردات المرتب موضح فيها البيانات مفيش مشكلة
لو المدام ست بيت اجبلها رقم تأمين منين
لو الزوجة ست بيت او لا تعمل مش مطلوب منها ورق غير صورة بطاقة رقم قومي سارية
لوحساب فى البنك فية 200 جنيه فقط مش بستخدمه خالص بردة لابد اكتبة انا عملت بيان الدخل الشهرى وماكتبتهوش فى البيان اية الحل انا حقدم يوم السبت ارجوا الرد
ممكن تذكرة في استمارة التقديم ، حساب رقم كذا فيه مبلغ كذا او بيدخل عائد كذا
هل الشقق فى بدر والعاشر بس
الشقق في اكتر من مدينة في القاهرة او الشرقية وفي كل المحافظات هتلاقي الاماكن في الموضوع
العفو وان شاء الله بالتوفيق
في حالة وجود حساب بالبنك هل يمكن التقديم
اه ممكن التقديم بس لازم ذكر الحساب ضمن البيانات في استمارة التقديم
ممكن استفسار : أنا أعول أطفال ولدى مرتب حكومى ثابت واسكن مع اخى ولكن قسيمة الطلاق لم استطيع التحصل عليها ولم تحكم بها المحكمة حتى الان اما اذا قدمت قسيمة الزواج فيكون مرتب الزوج والزوجة مخالف للشروط فماذا افعل؟
ممكن تقديم اي مستند من المحكمة يفيد ان فيه قضية حاليا
زوجتى مدرسه منين اجيب شهادة تامين ليها من المدرسة ولا التامينات
اخر كلام لو قطاع عام او خاص مش مطلوب منهم شهادة التامينات ، فقط شهادة مفردات المرتب يكون مكتوب فيها الرقم التاميني
لو سمحت هى مساحة الشقق اللى فى محافظة الدقهلية بس 90 متر ؟؟
كل شقق الاسكان الاجتماعي في كل المحافظات نفس المساحة 90 متر مربع والتقسيم 3 غرف وصالة
شكرآ
العفو وربنا يوفقك
هو لو سحبت الكراسة من مكان معين لازم ادفع الفلوس في نفس المكان ولا اي بوسطة عادي
لا عادي في اي مكتب بريد داخل المحافظة
ايه هي شهادة التامينات
لو انت موظف حكومة او قطاع خاص مش مطلوبة منك غير انه يتم ذكر الرقم التاميني في شهادة مفردات المرتب الشهري
اما لو مهن حرة مطلوبة تقديم شهادة التامينات من مكتب التامينات التابع له ، لو مفيش تامين ممكن تعمل تامين شخصي ، او لو فيه اشتراك نقابة بتقدم صورة الكارنية
لو البطاقة منتهية ومش هالحق اطلع بطاقة جديدة ينفع اقدم بالقديمة ولا اية النظام ؟
ينفع اسحب كراسة الشروط من مكان واقدم في مكان تاني .. انا مثلا من مواليد اسيوط بس شغال فالغردقة ممكن اسحب الكراسة من اسيوط واقدم علي شقة فالغردقة .. ؟؟ لو سمحتوا محتاج رد .. شكراااااااا
حاول تقدم عليها مستعجلة لان البطاقة لازم تكون سارية وقت التقديم
ممكن تقدم عادي عامة الكراسة مرتبطة ومسجلة بالرقم القومي في البريد
1- الزوج متوفي ولم يتم فتح ملف بالمعاش بعد ولذلك لا توجد شهادة ببيانات المعاش. وقد يأخذ الوقت 3 شهور.
2- اسكن مع والدي في شقة ايجار قديم بدون عقد أيجار ولكن يوجد وصل كهرباء ولا يوجد عقد أيجار….
فهل يمكن التقديم
البقاء الله ، لازم تقديم مصدر شهري للدخل لو مفيش وظيفة ممكن تقديم اي ورقة من التامينات تفيد بوجود معاش لحد الحصول عليه
بالنسبة لعقد الايجار مش مطلوب وقت التقديم اللي مطلوب هو اي وصل مرافق لمكان السكن
انا متزوج وعندي ولاد وساكن مع والدتي ومفيش حاجه باسمي وانا موظف انا والزوجه ممكن اقدم
اه طلما الشروط متوافرة قدم وبالتوفيق
شاكر لمعاليكم الافاده حسام ابو الفتوح
العفو واهلا بيك
انا من ساكنى القاهرة ينفع اكتب فى الرغبة اكتوبر
6 اكتوبر تبع محافظة الجيزة ، لازم يكون سكنك او عملك هناك في الجيزة للتقديم فيها
انا مرتبي الشامل 911 موظف حكومي وعايز اقدم في شقق الاسكان ينفع اقدم
حاول تذكر اي مصدر للدخل او غيره بحيث يكون 1000 جنيه لان دا اقل دخل شهري للتقديم في الاسكان الاجتماعي
السلام عليكم ورحمة الله وبركاته ممكن استفسار انا قدمت الاوراق كاملة وكتبت الاقرار والبيانات الموجودة فى الكراسة ووضعت الكراسة بالكامل فى المظروف فيه مشكلة ارجو التوضيح
وعليكم السلام ورحمه الله وبركاته مفيش مشكلة طلما بعت الاوراق كاملة
انا متزوج وعندي ولاد بس المشكلة ان انا عايش عند والدتي مؤقت ومفيش عقد ايجار ووصل الكهرباء باسم والدتي ويمينفعش عقد ايجار منها علشان الشقة في مساكن النهضة اعمل ايه
قدم وصل الكهرباء عادي حتي لو مش باسمك ، بالنسبة للشقة المهم الشقة متكونش تمليك باسم او باسم الزوجة
طيب عاوزه اعرف امتى استلام الشقق العام دا ولا اللى حى يارب يكتبها لينا يارب
بالنسبة لل 100 الف شقة الاستلام العام الحالي ، اما بالنسبة لل 400 الف شقة الاستلام في العام القادم 2017
ممكن استفسار
انا بعد اذنك عنوان البطاقة المنوفية ومستأجر شقة في الجيزة وشغال موظف في القاهرة ينفع اقدم تبع محافظة الجيزة ولا ايه
ممكن تقدم في محافظة السكن عادي طلما عقد الايجار و وايصالات المرافق موضحة العنوان في الجيزة
بس دلوقتي ايصالات المرافق باسم المستاجر ينفع اقدمها هي والعقد الايجار
اه طلما هي لمكان سكنك الحالي ، اما العقد نفسه مش مطلوبة تقديمه بس يبقي معاك وقت الاستعلام
السلام عليكم اللي مقدم وعايز يتابع على النت يعرف اذا كانت الشقة جتله ام لا فين الموقع اللي يبحث عنه وهل برقم البطاقة ام بالرقم اللي اتبعت في رسالة من وزارة الاسكان
وعليكم السلام ورحمه الله وبركاته
لسه حتي الان مفيش وسيلة للاستعلام بالنسبة للي قدموا في الاعلان الحالي لانه لسه هيتم تسجيل البيانات وفحص الاوراق وباقي الاجراءات يعني مش هتظهر النتيجة الا بعد 3 ل 4 شهور ، والاستعلام في السابق كان بالرقم القومي لكن احتفظ بالرقم اللي وصلك لان دا رقم التقديم نفسه وهتحتاجه لاحقا
عامة هتلاقي هنـــــا طرق الاستعلام عن الفائزين في شقق الاسكان الاجتماعي وطرق الاتصال و موقع صندوق التمويل العقاري بالتفصيل
ما مسير الحاجزين بمشروع مبارك
حاول تتواصل مع صندوق التمويل العقاري او وزارة الاسكان
طيب الورق ده اقدمو فين
في مكتب البريد ، بيتم الاول دفع المقدم ال 9000 جنيه ثم ارفاق الوصل مع الاوراق وارسالها عن طريق البريد بعلم الوصول
الناس اللي بتشتغل أعمال حره لازم تقدم مفرادات مرتب ؟
ومعناها ازاي ؟
لو اعمال حرة بتعمل شهادة دخل من محاسب قانوني ، وبتقدم صورة سجل تجاري او بطاقة ضريبية مع شهادة من التامينات او صورة كارنية نقابة ساري
هل يتم استبعاد المواطنين لو لهم أوعيه ادخارية بالبنوك؟
لا بس لازم ذكر الحسابات والاوعية الادخارية دي في مصادر الدخل في استمارة التقديم حسب ما بيقول الاقرار والا هيتم رفض الطلب علي اساس اخفاء معلومات
سلام عليكم
شكرا جزيلا على الرد فوق …. عندى استفسار اخير لو سمحتلى فيه فى الكراسه مكتوب ان اامقدم بيتم دفعو على دفعات ربع سنويه .. للعلم انا معايا كراسة الوحدات اللى بعد سنه مش ٣ شهور … انا قارنت بين نفس البند فى الكراستين ولقيت ان بتاع السنه فيه ان ممكن اقسط المقدم عشان كده حابب اتاكد المقصود ايه
وشكرا
وعليكم السلام ورحمه الله وبركاته
اه في ال 400 الف وحدة لان تسليم الشقق لسه في 2017 ، بعد اعلان تخصيص الشقة السنادي وبداية من شهر سبتمبر 2016 هيتم سداد مقدم الشقة علي دفعات كل 3 شهور 4 الاف جنيه
فى شقق فى مدينة قها قليوبية غرفتين وصالة فهل هى في إعلان ابريل ولا فى إعلان قادم
لا مفيش في مدينة قها ، اماكن شقق الاسكان في محافظة القليوبية بالخانكة، وحي شرق شبرا الخيمة “مسطرد عزبة الصفيح”. و بالنسبة لل 400 الف شقة بمناطق: مدينة العبور، الخانكة، وبهتيم.
سلام عليكم
عايز اعرف ال ٩٠٠٠ بتوع الوحدات اللى هتتسلم بعد سنه هل ممكن يتقسطوا … ولا لازم يتقدموا مره واحده. ارجو الرد
وعليكم السلام ورحمه الله وبركاته
ال 9 الاف بيتم دفعهم دفعة واحدة
الناس اللي عايشه في جنوب سيناء تقدم في هذه الشقق ولا أيه
اه ممكن تقدم الشقق في محافظة جنوب سيناء، بمناطق: أبوزنيمة، طور سيناء، دهب، رأس سدر، نويبع، سانت كاترين، وأبورديس.
مفيش وحدات سكنيه فى مدينة طنطا غربيه
لا ، اماكن شقق الاسكان الاجتماعي الجديدة 2016 في محافظ الغربية، بمناطق: كفرالزيات، قطور، بسيون، والمحلة الكبرى. ، وضمن ال 400 الف شقة في في محافظة الغربية، بمناطق: المحلة، وسمنود “ميت بدر حلاوة”.
عنوان البطاقه غير عنوان السكن والعمل في مشكله عملي وسكني في الجيز لكن البطاقه في حلوان واريد الحجز في اكتوبر
لو عنوان العمل مثبت في الاوراق في الجيزة ممكن تقدم في 6 اكتوبر
يعنى الشقق اللى موعد تسليمها العام القادم يتقدم لها من دلوقتى ويندفع لها المقدم ولا ﻻ واخر موعد للتقديم امتى لو سمحت
اه التقديم فيها شغال حاليا حتي 31 مايو ، المقدم ال 9 الاف جنيه بيتقدم حاليا ، اما المقدم اللي عند تخصيص الشقة هيتم تقسيطه لحد استلام الشقة السنة اللي جايه
برجاء من سيادتكم الرد على الاتى
1/انا موظف فى جهة حكومية هل اجيب مفردات المرتب فقط ام شهادة التامينات ايضا
2/ زوجتى حاصلة على دبلوم ولكن لاتعمل هل اضع بالمظروف صورة البطاقة فقط ام شهادة التامينات واجبهلها منين
3/الشقة التى اسكن بها شقة والدى فى الاساس وتم زواجى معة ولكن وصل الكهرباء والغاز باسمى هل يوجد مشاكل فى هذا ولكنها شقة ورثة الان
4/دفعة التعاقد يجب دفعها كاش ام يمكن التقسيط
5/انا حاصل على قرض شخصى هل ينفع الحجز ام يوجد مشكلة تعوق
6/كراسة الشروط ووصلها +وصل مبلغ (9000)الاف يجب وضع صور منها ام يجب الاحتفاظ بهم فقط وارجو من سيادتكم شرح ما الاوراق التى يجب وضعها بالمظروف تفصيليا حتى لانضع ورق ناقص وشاكرين لحسن تعاونكم معنا وكل عام وحضراتكم بالف خير
اهلا بيك وانت بالصحة والسلامة وربنا يوفقك
-المطلوب من موظفي الحكومة حسب كراسة الشروط مفردات المرتب فقط
-لو الزوجة لا تعمل كل المطلوب منها صورة بطاقة سارية
-النقطة دي حسب تقدير الموظف اللي هيستعلم ويراجع البيانات ، حسب التجارب السابقة فيه ناس عدت وفيه ناس اعتبروها لهم شقة تمليك وبالتالي تم الرفض
-ال 9000 جنيه كاش كذلك دفعة المقدم بعد التخصيص بالنسبة لل 100 الف شقة ، اما بالنسبة لل 400 الف شقة هيتم التقسيط كل 3 شهور 4 الاف جنيه لان استلام الشقق دي في 2017
-نفس الوضع بالنسبة للقرض حسب تقدير وما يقرر صندوق التمويل العقاري لو ملتزم بسداد القرض ومفيش اي عقوبات عليك ان شاء الله مفيش مشكلة
-اللي بترسله هو استمارة التقديم+ الاقرار بعد ملئ البيانات + وصل الكراسة + وصل ال 9 الاف جنيه + الاوراق ، ممكن تصور الوصولات احتياطي وتحتفظ بالصور
-هتلاقي خطوات التقديم في الاسكان الاجتماعي والاوراق المطلوبة بالتفصيل هنــــا
واهلا بيك لو فيه اي سؤال اخر وبالتوفيق
لو سمحت انا اعمل ف شركه خاصه وغير مؤمن عليا هل اقدر اقدم صوره كارنيه النقابه بدل التامين
اه ممكن تقدم صورة كارنية النقابة
هو ينفع أكون في محافظة وأقدم في محافظة اخري
لازم محافظة السكن او محافظة الشغل
الشقق اللى نازله فى القاهره موجوده فى مدن ايه؟
مدينة بدر و مدينة 15 مايو وحلوان
شكرا جدا جدا
العفو وبالتوفيق
هوه لو قدمت في الشقق اللي تحت التشطيب و لم يتم التخصيص لي في القرعة هل استرد المبلغ ولا بيتم ترحيلي للمراحل اللي خلال عام
بيتم التخصيص في المرحلة القادمة حسب الاولوية
لازم اكون من نفس المركز
ولا عادى المهم اكون من المحافظه ال هقدم فيها
اه المهم تكون من المحافظة او تعمل فيها
هو لازم الشهاده من جهه العمل يكون فيها الرقم التأميني ؟
اه لو مفيش تامينات ممكن تعمل تامين شخصي او تقدم صورة كارنية نقابة
بالنسبه للقاهرة ملهاش شقق ف 2016
لا في القاهرة الشقق المتاحة ضمن ال 400 الف شقة اللي هيتسلمو السنة اللي جايه ، عامة التقديم والتخصيص ان شاء الله هيكون السنادي ، لكن الاستلام بس هو اللي هيتاخر بالنسبة لل 400 الف شقة
دلوقتى انا ورقى جاهز وكل حاجة وهقدم باسمى بس بطاقة مراتى منتهية وبجددها وهستلم الجديدة 27/5وخايف لاتاخر فى التقديم هل ممكن اقدم بالقديمة لحد ما استلم الجديدة☝
التقديم متاح لحد 31 مايو يعني ان شاء الله هتلحق ، والافضل تقديم الورق كامل
اعمل بطاقة مستعجل
لوسامحت انازوجتى مش بتشتغل لازم بردوه اعمله رقم تامينى وله بصور بطاقتها بس وحطها مع الااوراق
لو الزوجة مش بتشتغل او ربة منزل مش مطلوبة منها ورق غير صورة بطاقة سارية
هو انا الي هاقدم لازم اجيب مفرادات مرتب الزوج وهو نش متامن عليه في الشغل
لازم اثبات مصدر دخل الزوجين طلما يعمل بيقدم ، بالنسبة للتامينات ممكن يعمل تامين شخصي او يقدم صورة اشتراك نقابة
علي حسب هو الزوج موقفه التاميني اي
عايزه اقدم في اكتوبر بشتغل في مكتب محامي اجيب مفرادات مرتب ازاي
شهادة او ورقة يعني من صاحب المكتب بها مفردات الدخل وبياناتك والوظيفة وبيانات المكتب وختمه
لو سمحت انا عندي 22 وبابا وماما متوفين وانا عايزه اقدم علي شقه وعندي معاش انا واخواتي من بابا
عايزه اعرف اجيب نسبت المعاش كلها والا نسبتي انا بس
المطلوب اثبات الدخل الخاص بك فقدم نسبتك انت من المعاش
لو سمحت مساحة الشقه أد إيه؟
90 متر مربع مقسمة 3 غرف وصالة والشقة بتبقي متشطبة
بالنسبة للدخل هل يتم ارفاق مفردات الدخل الشهرى ام السنوى واذا كان الدخل الشهرى للعازب او المتزوج ازيد بقليل من الحد الاقصى المعلن هل يجوز التقديم
شهادة الدخل الشهري لو ازيد من الحد الاقصي مش بيتم القبول
لازم يكون بطاقة البحر الاحمر ولا ممكن حامل بطاقة اخري لكن يسكن في محافظة الغردقة
سواء البطاقة او مكان العمل يكون في المحافظة اللي هتقدم فيها
طب ميعاد التسليم والاعلان عن الاسماء اللى هتاخد الشقق امتى
ان شاء الله خلال فترة 4 شهور او حسب الاعداد المتقدمة هيتم فحص الاوراق والاستعلام وبعدها اعلان تخصيص الشقق
لو سمحت عايزة اعرف يعنى ابه تامين شخصة يعنى لما اروح التامينات اقولهم عابزة ايه عشان انا صاحبة مهنة حرة ارجو الافادة
قولهم انك مهنة حرة كذا وعايز تعمل تامينات او تشترك في التامينات وتحصل علي الشهادة او برنت التامينات
* اعلن ان ثمن الشقة ١٥٤ الف جنيه .لكن بالحساب لنسبة الزيادة ٧٪ سنويا نجد ان ثمن الشقة بعد اقساط ٢٠ سنة هو حوالي ٢٠٠ الف جنيه.
* في اماكن مثل ابوحمص البحيرة تقدم اكثر من ٥٠٠٠ الاف فرد . ونجد ان عدد الوحدات لا يتعدي ال٤٠٠ وحدة او اقل .. ما مصير الذي تنطبق عليه الشروط ولم يحصل علي وحدة .هل سيوجه الي مدن اخري او ماذا سيحدث
لو الشروط متوافرة بيكون له الاولوية في شقق المرحلة القادمة او لو حسب المحافظة فيها مدن اخري بها شقق متاحة بيتم فتح باب التحويل
ما هو اخر موعد لحجز الشقق بالغردقة لعام 2016
اخر ميعاد لشراء كراسة الشروط 23 مايو واخر ميعاد للتقديم 31 مايو
لو سمحت انا لا اعمل ومطلقه وليا معاش من بابا من القوات المسلحه ايه الاوراق المطلوبه ولا مينفعش اقدم؟؟؟ ضرورى الرد عان انا جبت كراسه الشروط
بتقدمي اثبات او شهادة بقيمة المعاش مع صورة اثبات الحالة الاجتماعية ، وهتلاقي باقي الاوراق المطلوبة هنا خطوات التقديم في الاسكان الاجتماعي والاوراق المطلوبة بالتفصيل هنــــا
هل من الممكن الحجز فى
الشروق باعتبارها من المدن الجديدة للقاهرة ام تقتصر على مايو وبدر وحلوان
لا مدينة الشروق مش نازلة في الاعلان الحالي
ممكن السلام عليكم
اولا شكرا على المجهود الرائع فى تبسيط كافة التفاصيل وخاصة المبهم منها بالكراسة
ثانيا ممكن استفسر عن بعض التفاصيل:
– انا ساكنة فى القاهرة ولكن اريد الحجز ف شقق بمحافظة الجيزة ( مدينة 6 اكتوبر ) هل ممكن ولا لأ؟
– هل من الممكن انى اقدم فى مكان وبعد اعلان التخصص يكون جالى شقة بمكان تانى ولازم اقبل بيه؟؟
– ازاى اقدر استفاد من موضوع الدعم النقدى من صندوق التمويل العقارى؟
-الشهادة المعتمدة المطلوبة من جهة العمل هل هى مفردات المرتب بس ولا ايه
وهل ارفق معاها ورقه من التأمينات بتوضح مدة التأمين الاجتماعى اد ايه ولا اكتب ف مفردات المرتب الرقم التأمينى فقط؟؟
اسفة على الإطالة بكن محتاجه اعرف التفاصيل دى ضرورى وبأسرع وقت من فضلك
وشكرا جزيلا
وعليكم السلام ورحمه الله وبركاته
-العفو واهلا بيكي ، التقديم لازم في محافظة السكن او محافظة العمل فلو العمل في الجيزة ممكن التقديم هناك
-التخصيص بيكون في المدينة اللي اخترتيها في المحافظة ، لو قصدك مكان الشقة نفسها في العمارة فدا بيكون عشوائي بالكمبيوتر
– نقطة الدعم بيتم تحديده مع البنك بعد التخصيص لانه بيتغير حسب مرتب كل متقدم
-اه مفردات المرتب موضح فيها المرتب الشهري وبياناتك من حيث الاسم والوظيفة وبيانات الشركة
-لو قطاع عام حكومية يعني بتقدم مفردات المرتب بس ، لو قطاع خاص بتقدمي شهادة التامينات اللي بيتم الحصول عليها من مكتب التامينات ، اهلا بيكي واسفه لو فيه تاخير في الرد
شكرا جزيلاً لحضرتك
ومعلش ممكن اعرف حاجه تانى :
– انا سمعت ان فى شقق تابع لمشروع الاسكان بالقاهرة الجديدة ممكن اعرف تفاصيل عنها
– بالنسبة للاعلان الحالى اذا تم القبول بالتخصيص هل مسموح لى بالتقديم بشقة فى اعلان اخر تابع لمشروع الإسكان الاجتماعى
– انا حاليا بعمل فى شركة وفى خلال شهرين هنقل الملف بتاعى لشركة اخرى بتاريخ 1 اغسطس بداية العمل
المندوب الى هيتأكد من بياناتى هيلاقى بياناتى غير صحيحة .. الحل؟؟
– اخيرا انا المسمى الوظيفى المسجل بالتأمينات غير المسمى الوظيفى المسجل بالشركة .. هل هيأثر على القبول بالتخصص ؟
شكرا جزيلا
العفو واهلا بيكي
-لا مفيش القاهرة الجديدة في الاعلان الحالي بالعكس هم فتحو باب التحويل منها للمدن الاخري علشان الاعداد اللي قدمت هناك اكتر من الشقق
– هي شقة واحدة في الاسكان الاجتماعي للاسرة الزوج والزوجة
– وقت لما يتم الاستعلام ممكن تحديث البيانات مع المندوب
اخر نقطة مش متاكد منها هل قصدك وظيفة تانية خالص ؟ ولا مجرد اختلاف تسمية ، عموما بالنسبة للقطاع الخاص هم في الاساس بيتاكدو ان فيه تامينات ورقم تاميني
حضرتك ازاي اتواصل بعد سداد مقدم الحجز لكي يتم التعرف علي التخصيص من عدمه ولكم جزيل الشكر
ان شاء الله بعد فحص الاوراق بيتم التواصل معاك عن طريق ارقام التليفون والموبايل المسجل في استمارة التقديم ، خلال 4 شهور او اكتر حسب الاعداد اللي مقدمة
هل محدد سن معين للتقديم ولا اى سن عادى
من 21 سنة وحتي 50 سنة
ينفع اقدم فى الاراضى والشقق
نظريا اه بس في الاخر مش هتحصل غير علي حاجة واحدة مينفعش تحصل علي الاتنين مع بعض ، بجانب ان الاراضي بالقرعة اما الشقق بالتخصيص حسب الاولوية
هل هناك شقق في محافظة القاهرة؟
اه ضمن ال 400 الف شقة في مدينة 15 مايو و حلوان ومدينة بدر
لو سمحت ينفع اخد كراسه الشروط من حد اشتراها والشروط مش مطايقه عليه ولا لازم اجيبها بصورة البطاقه ضروررررى
لازم تجبها بصورة البطاقة لانه بيتم تسجيل كراسة الشروط بالكود بار مرتبط بالرقم القومي
اي موضوع الدعم النقدي
أين ستسدد الاقساط الشهريه
الدعم النقدي يعني الحكومة بتدفع مبلغ من ثمن الشقة
تسديد الاقساط الشهرية بيكون حسب البنك اللي هيتم توجيهك له عادة بيكون بنك التعمير والاسكان او احد البنوك الحكومية حسب المحافظة
موعد التخصيص الشقق فى 15مايو وحلوان وبدر 2016
اه ان شاء الله اجراءات التخصيص هتكون في 2016 لكن الاستلام نفسه هيكون في 2017
هل هناك اماكن بالقاهره الجديده
حاليا لا بجانب انه تم تحويل ناس كتير من القاهرة الجديدة للمدن الاخري بسبب الاعداد الكبيرة
ساكنه فى شقه ايجار جديد ولمادخلناالغازخلوناعملنا العداد باسمنا ووصل الغاز والكهرباء باسماءنا أقدم ولامش هينفع محتاره افيدوني بالله عليكم
طلما الشقة نفسها مش تمليك او مفيش شقة باسم الزوج او الزوجة ممكن التقديم
لازم صورة عقد الإيجار ولى لأ
في الاوراق المطلوبة لا بس تجهزة عند الاستعلام الميداني ، المطلوب ايصال مرافق حديث
انا اخذت شقة فى الاسكان من قبل ممكن اقدم لابنى عندة 21 سنة لسة فى الجامعة هل يقبلو بمفردات مرتبى انا
ممكن يقدم باسمه بس لازم الشروط تتوافر فيه هو مش هينفع بمرتبك انت
هل اضع كراسة الشروط مع باقى الاوراق فى الظرف ام اخر ورقتين فقط ؟
بتقدم في الظرف مع الاوراق ” الاستمارة و الاقرار ، اصل ايصال شراء الكراسة ” ، وباقي الكراسة بتحتفظ بيه
انا مطلق وعدي طفل بس مش موظفه وعندي حساب فى البنك ينفع اقدم في الشقق
ممكن التقديم طلما باقي الشروط متوافرة مع ذكر اي حساب بريد او حساب بنك في استمارة التقديم
هيتم تخصيص نسبة ال 5 % في المدن المعلن عنها في الاعلان ، لكن الاماكن بالضبط لسه لم يتم الاعلان بالتفصيل
هل شركة الاولى للتعمير والتمويل العقارى بالاسكندرية تابعة لهذة المنظومة
لا الشركة دي تمويل عقاري حسب لقانون التمويل العقاري مش تبع شقق الاسكان الاجتماعي ، هي بتقدم تمويل عقاري حسب شروط معينة للعايز قرض شقة
اما مشروع الاسكان الاجتماعي هو يتبع وزارة الاسكان بالتعاون مع بنك التعمير والاسكان والبنوك الحكومية
كيف اضمن اننى سوف استرد اموالى اذا لم احصل على الشقه ومتى وكيف يمكننى استردادها
ان شاء الله بعد 4 شهور او حسب الاعداد المقدمة وفترة الاستعلام بعدها بيتم اعلان النتيجة بالقبول او الرفض و لو بالرفض ممكن تسترد الفلوس من بنك التعمير والاسكان بالبطاقة
امتي هيتم الاعلان عن الفائزين بالشقق
بعد فترة فحص الاوراق و الاستعلام عادة بتاخد 4 شهور او حسب الاعداد المقدمة
شاهدنا عدد كبير جدا من المتقدمين حيث انني اعمل بالبريد . فماذا لو توافرت الشروط في عدد اكبر من العدد المطلوب من المتقدمين .. هل سيتم وضعهم في الانتظار ام ماذا سيحدث؟
اه فعلا لحد النهاردا بس اللي قدم 370 الف
وزي ما مكتوب في كراسة الشروط الصفحة رقم 6 حول اولوية المتقدمين ، يعني هيتم الترتيب حسب الاولوية وكل واحد هيبقي له رقم ، و العدد الزائد عن الشقق هيكون في امكانه اما استرداد المقدم او الانتظار للمرحلة التالية ، و وزير الاسكان كان صرح ان طلما الشروط متوافرة المتقدم هيحصل علي شقة سواء المرحلة دي او التالية
لو انا من محافظة وعايزه شقه فى نفس المحافظه بس فى مدينه غير التى اسكن فيها
اه ممكن انتي بتختاري اسم المدينة وبتسجليها في استمارة التقديم بنفسك طلما المدينة دي داخل المحافظة
أنا مرتبي 965 باﻷضافة الي400 بدلات ينفع أقدم. ارجو الافادة
اه قدم طلما شامل المرتب او اللي بتقبضوا في ايدك في النهاية 1000 جنيه او اكتر ممكن تقدم
السلام عليكم اشكركم علي سعة صدركم في الرد علي كم الرسائل والاستفسارات. التي ساذيدها بسؤالي. انا اعمل بالمنزل في الاكسسورات. والزرارير واعرضها علي المحال وابيعها . واريد التقديم. وليس لدي تامين. ولا اثبات مرتب ماذا افعل . وسؤال اخير انا من مواليد الجيزه واقامه القليوبيه. هل يمكن التقديم في اي منهم. ولكم جزيل الشكر
وعليكم السلام ورحمه الله وبركاته اهلا بيك
المهن الحرة بتقدم شهادة دخل سنوي من محاسب قانون مع صور سجل تجاري او بطاقة ضريبية اما التامينات ممكن تعمل تامين شخصي حتي لو ب 10 جنيه في مكتب التامينات
بالنسبة لمحافظة التقديم كراسة الشروط قالت التالي ان يكون المتقدم للحجز من ابناء المحافظة او من المقيمين فيها او العاملين بها
يعني ممكن تقدم في الجيزة او القليوبية
يعنى ايه الاوراق المطلوبه منى لاثبات الدخل وانا اعمل شيال مليش مكان ثابت لعملى وانا مامن على نفسى عامل حر
لو مهنة حرة بتقدم شهادة دخل سنوي من محاسب قانوني مع باقي الاوراق
التامين الشخصي معترف بيه زيه زي التامين الشغل
اه طلما مثبت من مكتب التامينات والمبلغ نفسه مش مهم كام
كيف اسدد ال 9125 ج هل ارسلهم الى بنك التعمير ثم اضع الاصل مع المظروف
اه بيتم دفع المبلغ الاول في البريد الي حساب بنك التعمير والاسكان ثم تضع اصل الايصال مع الاوراق في المظروف ويتم ارساله عن طريق البريد برضو مسجل بعمل الوصول
انا اعمل بائع فى محل وهذا المحل لا يملك بطاقه ضريبيه ولا تامين وانا راتبى 1500 ج ومؤمن عليا حر فهل لى الحق فى التقديم وما الاوراق المطلوبه لاثبات الدخل
انت تعتبر موظف قطاع خاص يعني تجيب شهادة مفردات دخل من صاحب المحل موضح بيها بياناتك وبيانات المرتب و المحل وختم المحل او الامضاء
طيب انا من الشرقيه ومحتاج احجز شقه في الاسماعليه ينفع ولا لازم بطاقتي تكون من اسماعليه
لازم يكون السكن او مكان العمل في المحافظة اللي هتقدم فيها
انانفسى فى شقة زى الناس فى مكان كويس الشارع اللى اناساكن فى كل شويه المجارى تضرب فى وخلاص تعبت
قدم وان شاء الله خير
انا عنوانى مديننه نصر الحى العاشر وموظف حكومه وتنطبق علىالشروط المكان المتاح ليه ايه وانا ارغب فى التجمع الخامس او المقطم
هو محافظة القاهرة المدن اللي نازله هي مدينة بدر ومدينة 15 مايو و حلوان مفيش التجمع الخامس ولا المقطم
ابنى يعمل عمل حر لحساب نفسه وغير مؤمن عليه وليس عندة سجل تجارى او بطاقه ضريبيه فماذا يعمل للتقديم في هذة الشقق
المهن الحرة لازم تقديم سجل تجاري او بطاقة ضريبية ، ويعمل شهادة دخل سنوي من محاسب قانوني ، اما التامينات يعمل تامين شخصي بنفسه في مكتب التامينات باي مبلغ
المشروع ممتاز ربنا معاكو ورد دايما عي طول بالتوفيق
صاحب المحل الحلواني مش مامن عليه لكن انا هاعمل تامين خاص يعني صاحب المحل يديني ورقه مختوم عليها ختم المحل يمفرادات المرتب بس وهل في اوراق لازمه تاني ارجو التفسير
اه مطلوب مفردات المرتب من صاحب العمل مع ذكر البيانات الاساسية زي الاسم وتاريخ بداية العمل واسم مكان العمل وعنوانه ومفردات المرتب ، والتامينات وبس كدا من جهة العمل اما باقي الاوراق زي صورة البطاقة وايصال مرافق و صورة الحالة الاجتماعية لو متزوج وشهادات ميلاد الاولاد لو فيه وهتلاقي خطوات التقديم في الاسكان الاجتماعي والاوراق المطلوبة بالتفصيل هنــــا
انا انسة . والدي ووالدتي متوفيين . اعمل في الحكومة وعندي معاش من والدي المتوفي ويبلغ مجمل الدخل اكبر من 2500 جنية . مع العلم انه في حين زيادة مرتبي من الحكومة عند حد معين لا استحق معاش والدي من التامينات فهل لدي فرصة في التقديم للحصول على وحدة سكنية
الحد الاقصي للدخل الشهري للاعزب هو 2500 جنيه ، اكتر من كدا مش هيقبلو الورق
طب التامين وهاعمل تامين شخصي خاص وهاجيب شهاده من محاسب لكن بطاقه ضريبيه علي اه انا معنديش مشروع انا بشتغل شيف في محل حلواني وهي لازم البطاقه الضريبيه
حسب كراسة الشروط قالو سجل تجاري او بطاقة ضريبية
مع العلم ان الاوراق دي لو انت شغال حر ، اما لو شغال في محل مش ملكك تبقي موظف قطاع خاص يعني محتاج مفردات مرتب من صاحب الشغل مش شهادة دخل من محاسب قانوني
لو سمحت هو من حقي اختار مكان الشقة ولا ده على حسب مكان سكني ولا عشوائي.
لا مكان الشقة او توزيع الشقق بيتم عشوائي بالكمبيوتر
طيب بالنسبة للرافعة قضية طلاق بس المحكمة لسه ما حكمتشى لحد الان ومعاها 3 اطفال تعمل ايه
حسب كراسة الشروط هم عايزين صورة شهادة الحالة الاجتماعية الحالية ممكن تشوفي مع المحامي بحيث تقدمي اي ورقة رسمية من المحكمة تفيد ان فيه قضية حالية
السلام عليكم
ممكن استفسار عن انا موظف بمحكمة النقض وعنواني في المنوفية ممكن اختار شقة في الجيزة ولا ايه ارجو الرد
وعليكم السلام ورحمه الله وبركاته
التقديم لازم يكون في محافظة السكن او محافظة العمل
صافي المرتب بعد الاستقطاعات 2473 جنيه هل ممكن احجز
اه عامة الجد الادني لمرتب الاعزب 2500 جنيه والاسرة 3500 جنيه
هو بالنسبة للناس اللى مرتبهم 6000 جنية يروحو فين؟؟ مفيش مشروعات تخصهم؟؟؟
فيه مشروع الاسكان المتوسط دار مصر ، بس حاليا مفيش مرحلة جديدة ان شاء الله المرحلة التالتة تكون في شهر 7 او 8
وبالمناسبة ممكن تقدم علي قرض شراء شقة من بنك التعمير والاسكان او البنوك الحكومية بضمان المرتب بنفس نظام التمويل العقاري
هو رد كويس صح الكلام بس ده بردو محتاج مرتبك كله قسط شهري لمدة اربع سنين ان ماكنش اكتر حسب المقدم والمساحه اللي عاوزها اما التمويل العقاري في اي بنك خراب بيوت بالمستعجل فايده 8% لكل سنه لمده من15-20سنه يعني في الاخر تلاقيك دافع تمن الشقة مرتين بمعني ارتفاع الاسعار للمعمار تبقي حضرتك دفعته في الفايده .
هو انا قلتله المتاح :))
بس ياريت فعلا يكون فيه اسكان متوسط بنفس شروط الاسكان الاجتماعي او شروط معقولة ، انا شفت حسب تعليقات الناس هنا فيه اسر كتير عندها اولاد ومدارس و 3500 جنيه متقديش شهر معاهم مع الاسعار هي اللي بتزيد
انا تقدمة فى اﻻسكان اﻻجتماعى المرحلة الثانية وتقبلة فى الشروط عايز اعرف القسط الربع سنوى هيفضل على طول وﻻ عند مبلغ معين بعد كده هتفع قسط شهرى اللى هو تقريبن400 جنية
الفترة حسب مبلغ المقدم اللي هيحدده البنك هو بيبدأ من 15 % من ثمن الشقة وبيزيد حسب مرتب وسن المتقدم
اما بالنسبة لاقساط شقة الاسكان الاجتماعي نفسها فهي بتبدأ من 350 جنيه ومستمرة حتي 20 سنة بزيادة متناقصة سنوية 7 %
اذا لم احصل على شقه متى استرد المقدم
بيتم معرفة القبول او الرفض في شقق الاسكان الاجتماعي خلال 4 شهور او حسب الاعداد المتقدمة ، وبعدها تقدر تسترد المقدم من فروع بنك التعمير والاسكان
الحساب بالنسبه للحد الاقصى لمرتب الزوج بس ولا الزوجين
مجموع مرتب الاتنين الزوج والزوجة
هل يجوز. لي. ان- أتقدم للمسابقة بكراسه شروط اشتراها غيري بصوره بطاقته والوصل يحمل اسمه وليس اسمي انا
لازم بنفس الاسم اللي اشتري ، لان كراسة الشروط مرتبطة في قاعدة بيانات البريد والاسكان ببطاقة الرقم القومي
انا مطلقة وعندى اولاد قصر ولا اعمل وباخد معاش والدى وسكنة ايجار جديد فى مدينة نصر وعنوان مدينة نصر ممكن احجز فى العبور او 6اكتوبر
العبور و 6 اكتوبر مش تبع محافظة القاهرة ، المدن اللي نازلة تبع محافظة القاهرة هي 15 مايو و مدينة بدر و حلوان
ينفع أقدم وانا عندي شقة ايجار قانون قديم
اه ينفع طلما باقي الشروط منطبقة ، المهم مفيش شقة تمليك باسمك او اسم الزوجة
صافى المراتب بعد الخصومات=3724ممكن التقدم في مرحلة 400ألف شقه القادمة أرجوا الرد وشكرا
الحد الاقصي للتقديم في شقق الاسكان الاجتماعي هو 3500 جنيه
لو سمحت انا انسة ووالدى متوفى ووالدتى مسنه وبتاخد معاش عن والدى . وانا موظفة . لازم ارفق صورة شهادة وفاة والدى مع الاوراق ؟ وهل لازم ارفق بيانات معاش والدتى علما بانها فى السبعين من عمرها؟
انتي هتقدمي باسمك انتي ، يعني مش لازم اوراق او بيانات الام و الاب
مرتبي قبل الخصومات=4400وبعد الخصومات=3724.6من حقي التقدم أم لا أرجو الرد وشكرا
الحد الاقصي للمرتب للتقديم في الاسكان الاجتماعي 2500 جنيه للعازب او 3500 جنيه لمجموع دخل الاسرة
يارب كل واحد ياخذ حقه من غير وسائط
انا اعزب وعندى 23سنه وبعمل في. محل أجهزة كهربائيه بمبلغ مادي 1300جنيه شهريا من الدقهليه
هل يحق لي التقدم بطلب أم لا ؟
وهل أستطيع أن أحصل علي وحده سكنيه ؟
اه ممكن تقدم في الاسكان الاجتماعي وهتلاقي خطوات التقديم في الاسكان الاجتماعي والاوراق المطلوبة بالتفصيل هنــــا
السلام عليكم ممكن استفسار عن مفردات المراتب الشهري انا شغال في السياحة ومفردات الراتب بتعمل 700 جنيه بس في اضافي 12% نسبة ارباح شهرية بس المشكله اني غير مسبوته كام بالظبط المسبوت 12% بس
وعليكم السلام ورحمه الله وبركاته حاول مع الشركة بحيث المبلغ كله يوصل ل 1000 جنيه لان دا الحد الادني للتقديم ، او الشركة توضح متوسط ال 12 % دي كام فلوس او مثلا السنين الماضية كان المتوسط كام
انا علي المعاش وسني41ومعاشي650وبشتغل في القطاع الخاص ومرتبي1000 ومعلا ثلاث أولاد وعوز اقدم في الشقة ماذا افعل
طلما باقي الشروط متوافر ممكن تقدم مع ذكر بيانات الدخل سواء المعاش بتجيب ورقة من التامينات او المرتب بتجيب مفردات المرتب من الشكرة وهتلاقي خطوات التقديم في الاسكان الاجتماعي والاوراق المطلوبة بالتفصيل هنــــا
لو سمحت كراسات الشروط متوفرة لامتى
شراء كراسة الشروط متاح لحد يوم 23 مايو 2016
الحد الاقصي للسن ايه ولو الزوجه 55 سنه ينفع التقديم بالطلب
الحد الاقصي للسن في الاسكان الاجتماعي 50 سنة لو احد الزوجين تتوافر فيه الشروط ممكن التقديم باسمه
انا بعمل في محل ادوات منزلية وفي نفس الوقت بدرس بجامعة الازهر هل ينطبق عل الشروط ومن اين احصل علي اثبات الراتب
لو المحل ملكك بتقدمي شهادة دخل من محاسب قانوني مع السجل التجاري او البطاقة الضريبية مع باقي الاوراق ، لو بشتغلي هناك يبقي موظفة قطاع خاص يعني تجيبي مفردات المرتب من صاحب العمل موضح بها تاريخ بداية العمل والمرتب الشهري وامضاء صاحب العمل او ختم المحل
ما الفرق بين الكراسه الزرقاء والكراسه الحمراء هل بتفرق ف الاماكن ؟؟
الفرق بين كراسة الشروط الحمراء اللون وكراسة الشروط الزرقاء في الاسكان الاجتماعي كالتالي
ان اللون الأحمر للوحدات التى سيتم الانتهاء من تشطيبها العام الجارى 2016 ، وعددها 100 ألف وحدة فى 24 مدينة
اما كراسة الشروط ذات اللون الأزرق او الاخضر فهي لشقق ال 400 ألف وحدة التى سيتم الانتهاء منها العام القادم 2017.
وهتلاقي المحافظات والاماكن في الموضوع
انا منفصلة عن زوجي الثاني لعدم الانجاب بس لسه مااخدتش حكم بالطلاق ومعي طفله من زوجي الأول وموظفه بمرتب 1200 جنيه ينفع اقدم
اه طلما باقي الشروط متوفرة ممكن التقديم ، مع تقديم الاوراق اللي تفيد بالحالة الاجتماعية الحالية
طيب بالنسبه للمصريين اللى شغالين خارج مصر يحق ليهم التقديم فى الاسكان الاجتماعى
اه طلما الشروط متوافرة ممكن التقديم
عايزن شقق معدوم الدخل
انا ارمله واعول تلات عيال بنسبه التقديم ايه
نفس الاوراق المذكورة مع تقديم شهادة من التامينات بالمعاش او اي مصدر اخر للدخل الشهري
نفس الاوراق المذكورة مع تقديم شهادة الوفاة وشهادة من التامينات بالمعاش او اي مصدر اخر للدخل الشهري
لو سمحت احنا لو قدمنا انشاء الله التسليم بيكون بعد اد اي وهل ممكن نختار المكان اللي ناخد في الشقه… ارجو الرد
استلام الشقة حسب الانتهاء من تشطيبها في ال 100 الف وحدة وبعد فحص الاوراق والاستعلام بعد 4 شهور او حسب الاعداد المقدمة
اما بالنسبة لل 400 الف شقة فلسه بيتم بنائها والاستلام هيكون في 2017
انا حاصل علي مؤهل عالي وغير مؤمن عليه بالتأمينات ومشترك بالنقابه ماهو المستند الواجب تقديمه مع المستندات لتفيد قبمة الاجر
حسب عملك لو قطاع عام او خاص بتقدم شهادة مفردات الدخل من جهة العمل
لو مهن حرة بتقدم شهادة من محاسب قانوني بالدخل السنوي ، والسجل التجاري او البطاقة الضريبية ، بالنسبة للتامينات ممكن تقدم صورة اشتراك او كارنية نقابة ساري بدل التامينات
انا محاميه حره في البطاقه ولا اعمل هل هايكونو عايزين اوراق للدخل علي اساس اني محاميه في البطاقه وجوزي هو الي هايقدم
لو الزوجة لا تعمل مش مطلوب اثبات الدخل او التامينات منها
انا لسه فاضل شهر ونصف عشان اتم 21 سنه ينفع اقدم
لازم 21 سنة وقت التقديم
لو سمحت انا منفصلة واشتريت كراسة الشروط وكتبت البيانات اللي عرفتها وعندي ولد معاق أنا وهو بنصرف معاش أنا مطلقات وهو معاش عجز البيانات الخاصه بالدخل الشهري اكتب فيها ايه بعد اذنك وأنا مش بشتغل
بتجيبي شهادة من التامينات بقيمة المعاش وفي بيانات الدخل بتسجلي مجموع الدخل وان المصدر معاش
لو سمحت انا اعمال حرة ومعى شهادة اثبات الدخل بس مفيش شهادة تاءمينات
ممكن تقدم اشتراك او صورة كارنية نقابة ساري او تعمل تامين شخصي في مكتب التامينات بنفسك
انا اخذت شقة في الاسكان الاجتماعي قبل كدة وسددت قيمتها ممكن اقدم لبنتي وهي مخطوبة ولا تعمل وعندها 21 سنة بضمان والدها وهو موظف ويقوم بدفع الاقساط
لازم الشروط تكون متوفرة في المتقدم نفسه
طب هو ف شقق هتنزل تاني بعد دي وهتكون امتي
اه فيه شقق اسكان اجتماعي تاني بس هتبقي اخر السنادي ، علي حسب ما ينتهوا من اجراءات الاعلان الحالي
طب بالنسبه للشباب اللي مش متجوزين ايه موقفهم ينفع نقدم
اه الاعزب ممكن يقدم في الاسكان الاجتماعي والحد الاقصي للمرتب له هو 2500 جنيه
انا من القاهرة ولم اتقدم قبل ذلك ينفع اقدم في شقق محافظه القليوبيه وانا موظفه حكومه وينطبق الحدالادني عليه ولكن زوجي مهنه حرة ولا يعمل حاليا
التقديم في الاسكان الاجتماعي اما في محافظة السكن او محافظة العمل ، ممكن تقدمي باسمك طلما الشروط منطبقة
متى ينتهى ميعاد التقديم ؟؟
اخر ميعاد لشراء كراسة الشروط 23 مايو اما اخر ميعاد للتقديم 31 مايو 2016
لو سمحت انا موظفة وزوجي لا يعمل ينفع أقدم مفردات مرتبي انا بس
طلما الشروط تنطبق عليكي ممكن التقديم باسمك
انا مجبتش الكراسة عاوز اعرف اخر ميعاد لسحب الكراسه
اخر ميعاد لشراء كراسة الشروط 23 مايو 2016
لو سمحت انا جبت كراسه الشروط استنا لما حد يتصل بيا علشان اروح ادفع الفلوس ولا ايه والمبلغ اللي هيندفع فالبدايه كام 9 ولا 4 الف جنيه ارجو الرد
التقديم هيبدأ 3 مايو ، بتملا الاستمارة والاقرار اللي في كراسة الشروط
وبتروح البريد تدفع ال 9000 جنيه + 125 جنيه مصاريف استعلام
ثم ترفق ايصال الدفع مع استمارة التقديم والاوراق المطلوبة في ظروف وترسله بعلم الوصول عن طريق البريد برضو لفرع بنك التعمير والاسكان
وهتلاقي خطوات التقديم في الاسكان الاجتماعي والاوراق المطلوبة بالتفصيل هنــــا
الراتب الاساسى ولا البدلات كمان
المرتب الشامل كله اللي بتقبضه في ايدك بعد الاضافات والخصومات
هل عشان اقدم على شقه من ضمن 400 الف شقه استنى السنه اللى جايه للتقديم ولشراء كراسه الشروط ؟
مين قال كدا ؟؟ التقديم في ال 100 الف او 400 الف شقة هيبدأ 3 مايو الحالي 2016 ، وهتلاقي كراسة الشروط في مكاتب البريد لونها ازرق بالنسبة لل 400 الف شقة ب 50 جنيه
استلام الشقق هو اللي في 2017
ممكن اعرف عدد الشقق المطروحة في مدينة السنبلاوين. ومدى احتمالية أن كل المقدمين هيتوفرلهم شقق
لسه عدد الشقق بالضبظ في كل مدينة لم يتم اعلانه رسميا ، ممكن تسال في جهاز المدينة وعموما مش هيبان بالضبط الا بعد انتهاء التقديم ومعرفة اعداد المتقدمين كام
بالنسبه للمغتربين هما اكيد راتبهم اكبر من 2500 جنيه الحد الاقصى للدخل ده هل هترفض شروطهم ﻻ تنطبق عليهم وﻻ ايه ؟
في كراسة الشروط مفرقش بين داخل مصر او المغتربين يعني الشرط مطبق علي الجميع
لو سمحتم انا منفصله عن زوجى بس لسه متمش باوراق رسميه . وعايزة اقدم فى الشقق وهقدم مفردات مرتبى انا . لازم اقدم مفردات مرتب زوجى ؟
لازم اي مستند دال علي الحالة الاجتماعي الحالية ، لو مثلا فيه قضية او غيره ممكن تقديم ما يثبت ذلك بالتالي مش لازم تقديم مفردات الزوج
يا جماعه 9000 الف جنيه مقدم شقه غالى اوووووووووووووى على الشباب وانتو عارفين كده و4000 الف جنيه كل 3 شهور هنجيب منين هنسرق يعنى لو كل يوم 50جنيه لمدة 3شهور هنجمع 4500 جنيه وهنعيش منين لو سمحتوا شوف حل مينفعش كده حبيبو الشباب فيكوا علشان خير البلد مبيروحش لى اولادها ويارت تخيفوا المقدم علشان حرم كده يعنى هنقضى بقى العمر فى مفروش ولا ننتحر احسن
معلهش انا مش فاهم يعنى الى ليه حساب توفير فى البنك ملهش
الحق فى التقديم الشقق ارجو التوضيح ولو الحساب صغير اومقفول هيقدم ارجو الايفاده
يقدم عادي هو بس حسب كراسة الشروط فيه اقرار في النهاية انه لازم ذكر جميع مصادر الدخل بما فيها ودائع او دفتر توفير ، يعني بتسجليها في استمارة التقديم
لو سمحتوا عايز اعرف شقق مدينة 15 هتكون فين في مايوا وهل يحق للمتقدم اختيار الشقة او المكان
العناويين بالضبط لسه وزارة الاسكان منزلتهاش ، اما بالنسبة لتوزيع الشقق بيكون عشوائي بالكمبيوتر
اية بالتفصيل جميع المستندات المطلوبة
هتلاقي هنا خطوات التقديم في الاسكان الاجتمـــــاعـي والاوراق المطلوبــة بالتفصيل
لو سمحت انا عاوز اعرف دفع ال 4 الاف جنيه كل 3 شهور لمدة كام قسط
حسب قيمة المقدم اللي هيحدده البنك هو بيبدأ من 15 % من ثمن الشقة وبيزيد حسب مرتب المتقدم
لو تكرمتم سيادتكم انا من ابناء المحلة الكبرى واشترينا الكراسة الزرقاء عاوزين نعرف ممكن نستلم فى المحلة ولا على حسب اختيار الحاسب وما هى الاماكن الموجودة فى المحلة التفاصيل يعنى فين فى المحلة ارجو من سيادتكم الرد
المدينة نفسها انت بتكتبها في استمارة التقديم حسب اختيارك ، اوا لو قصدك مكان الشقة داخل المدينة فبيكون التوزيع عشوائي بالكمبيوتر
لو سمحت انا عايز اقدم علي الشقق انشالله المعلنة في شهر مايو 2016 وانا كاتب كتابي وعايز شقة بس في حاجة انا شغلي في مدينة 6 اكتوبر والعياط المكتوبة في الكلام اللي هي في محافظة الجيزة دي هتبقي بعيدة اووووي عن شغلي فافي حل للمشكلة دي ولة مفيش ارجو الرد بعد ازنكم ضروري
مدينة 6 اكتوبر موجودة بس ضمن ال 400 الف شقة اللي هيتم تسليمهم السنة اللي جاية 2017 ومتاح لك تقدم اما في ال 100 الف او ال 400 الف شقة
لو فى حالة تم اخطارى بشقه ولم اسدد الباقى فهل يضيع عليا ما دفعته ام استرده ؟
بيتم استرداد المبلغ من بنك التعمير والاسكان
هو لازم يكون الاجر التامينى كام او لا يقل عن كام عشان استحق الشقه ؟
في كراسة الشروط مفيش تحديد لقيمة الاجر التامينات المطلوب يكون فيه مرتب ب 1000 جنيه علي الاقل و تامينات او اشتراك نقابة ساري
طب انا شغال بس مش متأمن عليا ودخلى اكتر من 1000 واقل من 3500 ايه الحل
ممكن تعمل تامين شخصي او لو فيه اشتراك نقابة ساري
الموضوع حلو اوي وكويس بس في مشكله ازاي مرتبه يكون ١٠٠٠ ويدفع كل اربع شهور ٤٠٠٠ طب ماهو واخد ٩٠٠٠ في الاول لو يخلوها كل اربع سنين تسدد دفعه هتبقي حلوه
وكمان عايزه اعرف لو انا من القاهره واخترت مدينة بدر هتيجي وله هيبقي في اي مكان من الاماكن المقدمه تبع المحافظه ارجو الافاده وشكرا
ياريت فعلا يعملو كدا ويراعو ان فيه ناس مش هتقدر تسدد المبلغ كله في الوقت القصير دا
في استمارة التقديم انتي بتكتبي وبتحددي المدينة اللي عايزة تقدمي فيها طلما داخل المحافظة
لو سمحت هو بيكون في اي رسوم غير التسع الاف عند الاستلام وبيكون كام
ولو انا من القاهره واخترت مدينة بدر هتيجي وله هتكون في مكان تاني من الاماكن المتاحه لمدينة القاهره
بيتم دفع 15 % من ثمن الشقة عن تخصيصها لك
انت بتذكر اسم المدينة وبتكتبه في استمارة التقديم طلما المدينة داخل المحافظة اللي انت تبعها
ممكن افهم هندفع اقساط ربع سنويه لحين التخصيص يعنى بعد سنه هنكون دفعنا ال9 الاف و16 الف يعنى 25 الف بدون ما نعرف اتخصص او لا واذا اتخصص بعد كده بنكمل الباقى نقدى فى خلال اسبوعين . وهل ينفع اكتب فى المدينه المراد السكن بها دمياط الجديده وهى مش مكتوبه اساسا فى كراسة الشروط واكتب البديل عزبة البرج ارجو الافاده ولكم جزيل الشكر
المقدم ال 15 % بيتم دفعهم بعد تخصيص الشقة مش مباشرة علطول مع ال 9000 جنيه
اصل التخصيص او معرفة الفوز بالشقة ام لا هيتم اعلانه السنادي بعد 4 شهور او 5 شهور حسب الاعداد اللي مقدمها والاستعلام عنهم ، بعديها بيتم دفع مقدم الشقة ال 15 % من ثم الشقة ، وبما ان ال 400 الف شقة لسه هيتسلمو السنة الجاية مش السنادي فبيتم تقسيط المبلغ.
اه انتي بتقومي بكتابة اسم المدينة اللي عايزة تقدمي فيها في استمارة التقديم طلما ضمن المحافظة ، بالنسبة لدمياط الجديدة كانت في بيان الوزارة لكن منزلتش في كراسة الشروط فالافضل الالتزام بكراسة الشروط
على فكره يا فندم انا اشتريت الكراسه الزرقاء اللى المفروض التسليم بعد سنه ومفيش فيها مدينة دمياط الجديده ولا حتى موجوده فى الكراسه الحمراء واضح ان وزارة الاسكان والمجتمعات العمرانيه بطلع اخبار كاذبه انا حبيت ابلغكم باللى حصل عشان سيادتك قلت ان الفيصل فى تصديق الخبر او تكذيبه هى كراسة الشروط ولكم جزيل وفائق الاحترام .
هو فعلا غريبة جدا اللي حصل ونفس الوضع حصل مع مدينة ميت غمر في محافظة الدقهلية كانت في بيان الوزارة و مش موجودة في كراسة الشروط اللي نزلت محدش عارف ليه ، وكلمناهم بيقولو ملتزمين باللي في كراسة الشروط
طيب انا متزوجه بس عايزه اقدم باسمي بس ينفع ولا لازم أسره هي الشروط منطبقه عليا لوحدي
ممكن التقديم باسمك طلما الشروط متوافرة بس طلما متزوجة لازم هيتم ذكر بيانات الزوج والاولاد لو فيه
لو مرتبى 2500 ج بس مفيش حاجه تثبت الكلام دا أوشهادة تأمينات إيه الحل
حاول باي طريقة قانونية ممكنة تثبت الكلام دا ، مثلا لو مهنة حرة بتجيب شهادة دخل سنوي من محاسب قانوني
بالنسبة لشهادة التامينات ممكن تعمل تأمين شخصي بنفسك في مكتب التامينات
صديقتى والدها متوفى ومعاشها 1600 هيه بنت مش متزوجه عندها 21 سنه ينفع تقدم ولا ايه
لو الشروط متوافرة ممكن تقدم عادي ، وهتلاقي خطوات التقديم في الاسكان الاجتماعي والاوراق المطلوبة بالتفصيل هنــــا
ازاي اقدم في محافظه القاهره وانا البطاقه تبع محافظه الحيزه لكن مكان سكني انا وجوزي في حلوان وبطاقه زوجي في حلوان ةهل مرضي الزئبه الحمراء ضمن ٥٪
ممكن التقديم حسب محافظة السكن او محافظة العمل طلما مكان السكن في حلوان ممكن تقدمو في القاهرة
مش متاكد من نقطة ضمن ال 5 % ولا لاه ، الافضل سؤال دكتور مختص او في وزارة الصحة هم اللي بيحدوو علشان بتجيب شهادة طبية تفيد بالاعاقة ضمن الاوراق المقدمة
انا اختى مطلقه وتحصل على معاش شهرى قيمته تسعمائه وثلاثون جنيها”وأيضا”لها ولد وتحصل على نفقه له بمبلغ ثلاثمائه وخمسون جنيها من بنك ناصر الاجتماعى هل يطبق عليها شروط التقديم لهذه الشقق
اه ممكن التقديم طلما مجموع الدخل اكتر من 1000 جنيه واقل من 3500 جنيه
انا من محافظه الغربيه وعايز شقه فى القاهره لأن عملى فى القاهره هل ينفع
طلما عنوان العمل مثبت في الاوراق اللي هتقدمها ممكن تقدم في محافظة العمل
لو انا لا اعمل وليس لي رقم تامني اه المطلوب مني دلوقتي وهل هناك سحب لكرسات التقديم الان
لازم وظيفة ومرتب شهري للتقديم في الاسكان الاجتماعي ، لان المرتب او المعاش بيبقي هو الضامن لسداد الاقساط
سحب كراسة الشروط مستمر لحد 23 مايو 2016
عمليه التوزيع بتكون حسب المكان الذي تقيم فيه… مثلا انا من محافظه المنوفيه مركز اشمون الشقه بتكون في نفس المركز الي انتي فيه ولا بيكون التوزيع ازاي ارجوووو الافاده
عامة لو المحافظة فيها اكتر من مدينة او مركز في الاسكان الاجتماعي انت بتختار المدينة اللي عايز تقدم فيها وبتكتبها في استمارة التقديم
اما توزيع الشقق داخل المدينة نفسها فبيكون عشوائي بالكمبيوتر
سعيد فتحى عبد الحميد 27 سنة اعمل نجار غير متزوج هل لى الحق فى شقة ومستعد لدفع كل الفلوس المطلوبة
طلما الشروط متوافرة ، اشتري كراسة الشروط من مكتب البريد وقدم
انا مقيم بمركز ابو قرقاص هل لي الحق في التقديم علي شقة 90 متر بالمنيا الجديدة
اه طلما داخل محافظة المنيا ممكن تقدم في شقق الاسكان الاجتماعي بالمنيا الجديدة
هل مطلوب من الموظف شهادة من التأمينات
اه شهادة التامينات مطلوبة من جميع المتقدمين
هل الموظف لازم يجيب شهادة من التأمينات وبالنسبة للشقق اللي هتسلم في 2017 هندفع ال15% بعد التخصيص ولا دول بدفعهم علي اقساط لحين تسليم الشقة
اه شهادة التامينات مطلوبة من جميع المتقدمين في الاسكان الاجتماعي
بالنسبة لل 400 الف شقة هيبقي علي اقساط اه ، بعد اعلان التخصيص وحتي استلام الشقة في 2017 هيتم تقسيط ال 15 % كل 3 شهور 4000 جنيه
لو سمجت التى لا تعمل ومطلقة ولكن تاخذ معاش ومعاها مايثبت ذلك ولكن المشكلة في شهادة التامينات ما الحل ؟
قدم شهادة التامينات بالمعاش اللي بتتقاضاه
ايه المطلوب بالنسبه لسن والمواصفات المطلوبه
السن من 21 سنة ل 50 سنة ، وجود وظيفة سواء قطاع عام او خاص او مهن حرة بحيث يكون فيه دخل شهري وباقي الشروط هتلاقيها في الموضوع
دلوقتى اختى مطلقة وهى لا تعمل وبتاخد معاش ومعاها بنت وولد …… هتجيب شهادة تامين منين وهى لا تعمل .ارجو الافادة ضروري؟
لو بتحصل علي معاش يبقي تقدم شهادة من التامينات بقيمة المعاش
بنسبة لينا احنا صف ضباط الجيش ينفع نقدم في الاسكان الاجتماعي
اه ينفع طلما باقي الشروط من حيث السن ودخل الاسرة من 1000 جنيه وحتي 3500 جنيه ممكن تقدم
هل ميت غمر فيها يا ريت يكون فيها
اه يوجد شقق في محافظة الدقهلية بمناطق: جمصة، بني عبيد، المطرية، وميت غمر.
هل ينفع اقدم وانا لى تليفون ارضى باسمى
وهل فى شقق فى دمياط الجديدة
اه ينفع طلما مفيش شقة تمليك باسمك او اسم الزوجة
فيه شقق في دمياط الجديدة ضمن ال 400 الف وحدة
مش واضح اية الوحدات الساكنية المتوفرة في القاهرة
الوحدات في محافظة القاهرة ضمن ال 400 الف وحدة اللي هيتسلموا في 2017 والمدن هي مدينة بدر ومدينة 15 مايو و حلوان
السلام عليكم
لو تم التقديم فى الكراسة الحمرا الخاصة بـ 3شهور
ال100الف وحدة ولم يتم اتخصيص
هل يحق تحويل المبلغ للحجز على الكراسة الرزرقاء خلال سنة الخاصة ب 400 الف وحدة
رجاء الرد لأهمية
وعليكم السلام ورحمه الله وبركاته ، لو في نفس المدينة مش هتحتاج للتحويل ، هيتم ترتيب الناس وحسب الاولوية هتحصل علي الشقة لو مكانش المرحلة دي يبقي القادمة
اما لو قصدك التحويل من مدينة لاخري داخل المحافظة ، ممكن اه ، بس وزارة الاسكان هي اللي بتحدد حسب الشقق والاعداد المتاحة مثلا لسه عاملينها في القاهرة الجديدة فتحوا التحويل للمدن الاخري في القاهرة
هل يجوز التقديم فى الااضى ووحدات الشقق على امل اقبل فى اى واحدة افيدونا لوسمحتو
ممكن لكن في النهاية مسموح لك بواحدة فقط
انا ساكنة فى وسط البلد مع جدتى
هل يحق لى التقديم فى 6اكتوبر
وما هو اخر ميعاد لسحب كراسة الشروط والتقديم
6 اكتوبر تبع محافظة الجيزة ، لو مكان الشغل او السكن في الجيزة ممكن التقديم هناك غير كدا مش هينفع
اخر ميعاد لسحب كراسة الشروط حتي 23 مايو ، اما التقديم اخر ميعاد 31 مايو 2016
زوجتى موظفه بالحكومة وانا اعمل فى اعمال حره وليس مؤمن عليا هل يحق لها التقديم
ثانيا فى حاله ان احنا دفعنا المقدم ٩٠٠٠ جنيه ولم يخالقنا التوفيق فيكف تسترد المبلغ
ثالثا انا من المنوفيه وعايز الشقه هنا تكون قريبه منى علشان ظروف عملى انا وزوجتى فكيف احصل عليها
وشكرا
اه ممكن تقدم باسمها الشروط متوافرة
استرداد المقدم ال 9000 جنيه بيتم من خلال بنك التعمير والاسكان
مناطق التقديم في محافظة المنوفية بمناطق مدينة السادات، مركز السادات، أشمون، الباجور، تلا، بركة السبع، والشهداء ، انت بتحدد المدينة اللي عايز تقدم فيها في استمارة التقديم ، طلما المدينة داخل محافظة السكن او محافظة العمل
هو في تقديم في مدينة 6 اكتوبر دلوقتي
اه كراسة الشروط نزلت من النهاردا والتقديم 3 مايو 2016
هو ممكن اروح اسحب كراسة الشروط تانى او ثالث يوم تكون خلصت
اه ممكن ، شراء كراسة الشروط مستمر لحد انتهاء ميعاد التقديم في نهاية شهر مايو يعني لسه شهر ممكن اي يوم ، بس طبعا حاول تروح بدري علشان الضغط علي مكاتب البريد هيبقي كبير
السلام عليكم
انا احمد وساكن بالهرم واعمل احدي شركات سامسونايت وشغلي في ٦اكتوبر ومتأمن عليا
اولا. ما هو المطلوب بالكامل وكيف اقدم بالشقق المطروحه
ثانيا. لو حابب اخد شقه في اكتوبر مع العلم اني ساكن في الهرم هل متاح التقديم ام لا
وعليكم السلام ورحمه الله وبركاته
كراسة الشروط واستمارة التقديم معها نزلت من النهاردا في مكاتب البريد اما خطوات التقديم والاوراق بالتفصيل هتلاقيها في الموضوع التالي خطوات التقديم في الاسكان الاجتماعي والاوراق المطلوبة بالتفصيل هنــــا
اه مدينة 6 اكتوبر تبع محافظة الجيزة طلما ساكن او بتعمل في المحافظة ممكن تقدم
بعد اذنكم انا انسة ومعايا الرقم التأميني بتاعي ادهولي اثناء تقديمي للشغل فورقة مكتوبة بخط الايد الاسم والرقم فقط يكفي اجيبها ولا لازم شهادة رسمية؟
المطلوب شهادة من التامينات بالتامين وبياناتك وبيانات جهة التامين ، مش مجرد الرقم التاميني بس
الزوجه ممكن تقدم باسمها وممكن لو هى من محافظة القليوبيه ممكن تقدم فى المنوفيه
ممكن تقدم طلما الشروط متوافرة ، التقديم في الاسكان الاجتماعي اما في محافظة السكن او محافظة العمل
حضرتك زوجتي ربة منزل الدخل الشهرى بتاعى 2500 هل ينفع التقديم حضرتك
اه طلما دخل الاسرة اكتر من 1000 جنيه و اقل من او يساوي 3500 جنيه ممكن التقديم في الاسكان الاجتماعي
او تكرمتم كم قيمة نسبة ال 15% قبل استيلام الوحده السكنيه ( كمبلغ مالى ) وهل سوف يتم دفعهم نقدا ومقدما ؟ ولكم جزيل الشكر .
النسبة 15 % حوالي 23 بس دي اقل نسبة يعني ممكن تزيد حسب مرتب المتقدم وسنه ، بالنسبة لل 100 الف شقة هيتم دفعهم كاش نقدا عند تخصيص الشقة ، اما بالنسبة لل 400 الف شقة اللي هيتم تسليمهم السنة اللي جاية 2017 هيتم تقسيط المقدم كل 3 شهور 4000 جنيه حتي موعد استلام الشقق
من فضلك
لي سؤال 21 / ابريل ولم اجده
57 سنة وأعول موظفة حكومية وجميع الشروط موافقة ماعدا السن
ومسئول في الإسكان وعد الإعلامي خالد صلاح ع الهواء بمد السن
هل أتقدم
جاوبت علي حضرتك ان حتي الان الشروط زي ما هي الحد الاقصي للسن 50 سنة
بس فعلا ناس كتير بتطالب بالغاء شرط السن في الاسكان الاجتماعي لانه غير عادل
طب ولومش متامن عليا ينفع ولالا
ممكن تعمل تامين في مكتب التامينات بنفسك
انا سائق رخصه تانيه السن 28 متزوج شقه ايجار واعول يعني محدود دخل اجيب شهاده اثبات دخل من فين وعندي تامينات ارجوووو الرد
بالنسبة للسائقين بتجيب شهادة دخل سنوي من محاسب قانوني مع باقي الاوراق المذكورة في الموضوع
انا من محافظة قنا ومقيم في القاهرة ممكن اقدم علي شقة في القاهرة شكرا
لو ثبات مكان السكن في الاوراق اللي هتقدمها ممكن تقدم في القاهرة
لو سمحت البطاقه عندى مكتوب فيها المهنه سائق عايز اعرف الاوراق المطلوبه
هتلاقي خطوات التقديم في الاسكان الاجتماعي والاوراق المطلوبة بالتفصيل هنــــا
لو سمحت انا اعمل مدرس وزوجتى لا تعمل …يبقى لازم لها شهاده تامين..
لو الزوجة ربة منزل او لا تعمل مش مطلوب منها لا مفردات المرتب ولا التامينات ، المطلوب من الزوجة ربة المنزل صورة البطاقة تكون سارية
انا شغال في شركة خاصه شركة رايه هل ممكن اقدم ولا لزم شغل حكومه وايه هي صيغه مفردات مرتب مجرد اتش ار ليتر بالانجليزي للمرتب ولا لزم صيغه من الشغل معينه وانا من القاهره ممكن اقدم في وحده اي محافظه ولا اماكن معينه
سواء قطاع عام او خاص او مهن حرة ممكن يقدم في الاسكان الاجتماعي المهم يكون فيه وظيفة ومرتب وتامينات
المهم يكون واضح في في مفردات المرتب قيمة المرتب الشهري و بياناتك وبيانات الشركة
انت بتختار المدينة وبتكتبها في استمارة التقديم طلما داخل محافظة السكن او العمل
انا عندي 29 سنه واعزب من سوهاج وشغال في مزرعه قطاع خاص في محافظه البحيره ومرتبي 1500 يا تري اقدر اقدم في البحيره محل العمل ولا في سوهاج محل الميلاد والسكن ارجو الرد
حسب رغبتك لانه متاح في الاسكان الاجتماعي التقديم اما في محافظة السكن او محافظة العمل ، طلما الاوراق المقدمة موضحة المحافظة سواء العمل او السكن
انا مش شغله عندي معاش والدي انا وماما وعوزه شقه في أكتوبر انا عندي 41 سنة واخويا وعياله معنا بالشقه غرفتين حمام ومطبخ بس محتاجة شقه
لو المعاش اكتر من 1000 جنيه وباقي الشروط متوافرة ممكن التقديم بالمعاش و المطلوب بدل مفردات المرتب بتجيبي شهادة من التامينات بقيمة المعاش
طيب انا مرتب الاسرة 4000 ولا اجنا محصلين اسكان متوسط ولا محدود الدخل ، اقدم فين بقى ولا اعمل ايه ؟
ممكن تقدم في الاسكان المتوسط ، او تقدم علي قرض لشراء شقة من البنك بضمان المرتب
لو سمحت هو لازم اقدم مفرادات مرتب زوجتى لان زوجتى ماليا مستقلة عن الاسرة ورفضا وانا مفرادات مرتبى فوق الحد. الادنى وانا ساكن ومعنديش وصولات مرافق كله باسم صاحب البيت لو سمحت ينفع اقدم
طلما متزوجين والزوجة تعمل لازم هيتم تقديم بياناتها سواء مفردات المرتب او التامينات لانه هيتم الاستعلام عن البيانات دي ، حتي لو المرافق مش باسمك قدم الوصل هم عايزين اي اثبات انك عايش في المكان دا
انا ساكن في شقه ايجار قديم وعايز أقدم في الشقق هل في شروط لمنع من الحجز
مفيش مانع لا، طلما معندكش شقة تمليك
الاوراق المطلوبة لصاحب العمل الحر وهل يوجد الان تقديم بمدينة العبور وشكرا
بالنسبة للاعمال الحرة مطلوب بطاقة ضريبية وسجل تجارة وشهادة بالدخل السنوي من محاسب قانوني ، خطوات التقديم في الاسكان الاجتماعي والاوراق المطلوبة بالتفصيل هنــــا
اه فيه شقق نازله في مدينة العبور
انا اعزب وما زلت طالب هل يمكن ان اقدم وما الشروط لذلك
ممكن الاعزب يقدم ونفس الشروط هتلاقيها في الموضوع ، بالنسبة للحد الاقصي للمرتب للاعزب هو 2500 جنيه في الشهر
التأمينات الخاصة إللى انا عاملها في شركات التأمينات الخاصةمقبولة وإلا لازم تأمينات حكومية أو تأمينات شركات خاصة
اللي مطلوب هو التامينات الاجتماعية اللي ان شاء الله بعد كدا هتقبض المعاش علي اساسها
السلام عليككم طب بالنسبة للدخله اكتر من 4000ج يقدم
الحد الاقصي للمرتب في الاسكان الاجتماعي 3500 جنيه
ازيد من كدا ممكن تقدم في الاسكان المتوسط او طلب قرض شقة بضمان المرتب
السلام عليكم – أن استلمت شقة فى مشروع اسكان الشباب 2008 شقة مساحتها 64 م . هل يحق لى التقدم فى مشروع الإسكان الإجتماعى 90 م
طلما استلمت شقة او فيه شقة تمليك باسمك مش هيتقبل الورق
انا جوزي عندو شقه ينفع اقدم باسمي وانا شغاله في الحكومه
لو فيه شقة تمليك باسم الزوج او الزوجة مش هيتقبل الورق
هل سيتم تخصيص نسبة ال5بالمية من هذه الشقق لذوي الإحتياجات الخاصة والمعاقين وهل هناك شروط إستثنائية تنطبق عليهم
اه فيه نسبة ال 5 % بس بالنسبة لشروط التقديم هي مطبقة علي جميع المتقدمين
قمت بالتقديم في الإعلان السابع بمدينة 6 أكتوبر – دهشور-و اسمي من المستوفيين للشروط .ولم أسحب مقدم الحجز هل يجب سحب المقدم والتقدم مرة أخرى .و شكرا
انه بالنسبة للمواطنين المستوفين لشروط الاسكان الاجتماعي بمدينة دهشور ولم يقوموا بسحب مقدمات الحجز، مش لازم تقدم مرة اخري هيتم توفير شقق لكم في مدينة 6 اكتوبر بالشروط والقواعد الجديدة ، وممكن تستعلم من جهاز مدينة 6 اكتوبر عن تحويل التقديم هناك بالتفصيل
هى ايه شهاده الفيتامينات دي
ههههه لا مش فيتامينات ولا ادوية خالص
شهادة التأمينات الاجتماعية بتجبها من مكتب التامينات التابع له بيكون فيها بياناتك ومبلغ التامين وجهة التامين ، لو مش متأمن عليك ممكن تعمل تأمين شخصي بنفسك
بإجماعهم فى حد قدم قبل كده وأخد فلوس الحجز تعنى ولا هيضحكوا عليناااا
انا عملي في الفيوم وساكن في الهرم ما هو المكان الذي يحق لي في التقدم مع العلم انني اريد التقديم في مدينه 6اكتوير اتمني الرد شكرا للاهتمام
ممكن تقدم في محافظة العمل او محافظة السكن حسب رغبتك ، اما المدينة نفسها في المحافظة انت بتحددها في استمارة التقديم
انا شغلى فى شيراتون ممكن تجيلى فى حلوان مثلا ؟. وانا اكون مقدم انى عاوز فى مدينه بدر
لو فيه اكتر من مدينة متاحة في المحافظة انت بتحدد المدينة اللي عايز تقدم فيها في استمارة التقديم
احنا ساكنين 6 أكتوبر بولاق الدكرور لو قدمنا في شهر مايو ممكن ناخد وحده ف 6 أكتوير ولا هتيجي العياط مع العلم ان مكان عمل جوزي ف 6 أكتوبر
انتي بتحددي في استمارة التقديم المدينة اللي عايزين تقدموا فيها طلما في نفس محافظة السكن او العمل
بالنسبة للمتقدمين سابقا بالقاهرة الجديدة ولم يحصلو ا على شقق ولم يسترد مقدم الحجز حتى الان كيفية الحجز ارجو الافادة
بالنسبة للمتقدمين في القاهرة الجديدة النهاردا 19 ابريل 2016 تم فتح باب نقلهم للمدن الاخري الموجود فيها شقق زي مدينة بدر والشروق و 5 مايو طلما لسه مستردتش المقدم والشروط متوافرة ، يعني مش محتاج تقدم تاني مجرد بتعمل تحويل للتقديم فى جهاز المدينة اللي هتحولها بس هتدفع الاول الـ4 آلاف جنيه بحيث يكمل المقدم 9 الاف حسب مبلغ المقدم الحالي ، وهتلاقي بكرا الاربعاء 20 ابريل إقرار التحويل هتملاه وتسدد المبلغ وتروح لجهاز المدينة اللي عايز تحول لها
مكتوب فى الاعلان عن ال 400 الف وحده اللى راح تتسلم بعد سنه من ضمنهم دمياط الجديده فى محافظة دمياط . ياريت تتأكدو من الخبر قبل ما تنزلوه لاننا اتأكدنا من الجهاز نفسه فى المدينه قالوا ان الخبر ده كذب
دا بيان وزارة الاسكان نصا من موقع الوزارة مش خبر ولا تأليف ، وايضا اتاكدنا من موقع هيئة المجتمعات العمرانية التابعة لوزارة الاسكان والمسئولة عن مشروع الاسكان الاجتماعي كله ، جهاز المدينة بيكذب وزارة الاسكان ؟
عموما كلها 4 ايام وكراسة الشروط تنزل ونشوف مين الصح
بالنسبة السنبلاوين دقهليه موجوده ف 400 الف وحده اللى هيتم تسليمهم في 2017 هل هنقدم عليها ف مايو ولا ف وقت اخر
كل الشقق اللي في الاعلان ، التقديم فيها شهر مايو 2016 باذن الله.
انا متزوج وعندى ثلاثة اولاد وساكن بلاجار لكن عندى وصل نور ومياة باسمى لشقة امى ممكن ناخذ شقة
هو الشرط ان ميكونش عندك شقة تمليك باسمك او اسم الزوجة
انا بطاقتى القاهرة وارغب فى وحدة فى
مدينة 6 اكتوبر ممكن ام لازم اقدم فى وحدات القاهرة
لو مكان سكنك او عملك في 6 اكتوبر ممكن تقدم هنا اما لو كله في القاهرة يبقي مش هينفع ، لان 6 اكتوبر تبع محافظة الجيزة
بالنسبة لابوحمص البحيرة ..ناس في الاسكان بتقول ان في ناس لم تاخد في الاسكان قبل كده . فياخدوا الناس دي اولوية .وبعد كده ياخدوا من المتقدمينن الجددد لو فيه لهم اصلا
الشرط الاساسي ان المتقدم ميكونش عنده شقة تمليك او حصل علي شقة او ارض من الاسكان
اما بالنسبة لترتيب المتقدمين الاولوية للمتزوجين والارامل ثم العزاب وهتلاقي هنا بالتفصيل طريقة ترتيب المتقدمين
انامتزوج وعندى ثلاثة اطفال و ساكن مع والدى بشقة ايجار لازم اقدم وصل كهرباء بأسم والدى مع الورقا لمطلوب للشقق مع العلم انى مستوفى الشروط
اي وصل مرافق للمكان المقيم فيه حاليا حتي لو مش باسمك قدمه ، لانه هيتم الاستعلام عن المكان هل انت مقيم هناك ولا لاه
يعنى التقديم بتاع اول مايو مفهوش القاهره الجديده ولا مايو امال فين الاماكن اللى فى القاهره
مفيش القاهرة الجديدة
لكن فيه 15 مايو و مدينة بدر و حلوان ، دول المدن اللي تبع محافظة القاهرة المتاحة في الاسكان الاجتماعي ابريل 2016
انا طالب وصنيعي وداخلي أكثر من 3 الف جنيه اه المطلوب
الحد الاقصي للتقديم للعازب هو 2500 جنيه
لو سمحتوا انا عندي بطاقة ضريبية هل تكفي ام احتاج شهادة من محاسب قانوني
لازم الاتنين مع السجل التجاري
واللي معاشه اكتر من 3500 جنية وخدم القوات المسلحة اكتر من 20 سنة ولم يتم تخصيص وحدة سكنية له سواء من صندوق الإسكان أو المحليات يعمل ايه يعيش طول عمره من غير شقة عشان معاشه اكتر 3500 جنية
انا الدخل بتاعي للاسرة بيتجاوز الحد الاقصي والسن ٤٩ سنه و١٠ شهور بس انا معايا شهاده اني ضمن ال٥؛٪ممكن اقدم بيها
لازم يكون الدخل اقل او يساوي الحد الاقصي اللي هوي 3500 لو اكتر من كدا مش هيقبل الورق حتي لو ضمن ال 5 %
ذكر في اعلان سابق – عندما كان طرح الشقق سيكون في شهر مارس – أن الشقق المطروحة في القاهرة ستكون في 15 مايو و الشروق و عند تحديث الإعلان بالموعد الجديد أختفت الشروق و حلت محلها مدينة بدر … متى سيتم طرح شقق بمدينة الشروق ؟
فعلا كان فيه الشروق والقاهرة الجديدة بس مش معروف السبب ليه اتشالو في اخر تحديث للاعلان ، مفيش ميعاد محدد للاعلان القادم لكن غالبا هيكون في اخر السنادي
انا لسه هتجوز ف شهر سبعه لازم اكتب كتابى عشان التقديم ع الشقه والاولويه للمتزوجين ولا عادى
الاعزب ممكن يقدم في الاسكان الاجتماعي طلما الشروط متوافرة ، لكن الاولوية للمتزوجين والارامل والاعزب في اخر الترتيب
انا من اسيوط وشغلى ومدارس الاولاد فى اسيوط المحافظة
وانتوا كاتبين ان الشقق موجودة فى اسيوط واسيوط الجديدة والفتح
فلو اخد شقة هتحددوا المكان ازاى
او بمعنى اخر هتدوا الشقق لاقرب مكان للشخص
ولا الواحد وحظة
مكان الشقة بتحدد عشوائي بالكمبيوتر مفيش توزيع حسب الرغبة
انا ارملة من محافظة البحيرة وبتحصل على معاش ارامل اييية موقفى بالنسبة للتقديمات
لو المعاش او مجموع الدخل يساوي او اكبر من 1000 جنيه ممكن التقديم طلما باقي الشروط متوافرة
يا وزارة الاسكان انا وزوجى واولادى وجميع عائلتى من الاسماعيلية يعنى مواليد الاسماعيلية ولم احصل على شقة ولم احصل على وظيفة لا انا ولا زوجى وساكنة ايجار جديد واناشدكم اريد الحصول على وحدة فى مدينة الاسماعيلية الجديدة شرق القناة وليس فى ال
ضواحى ولكم جزيل الشكر
لوسمحت شقق العبور هيتم التقديم عليها امتى بالظبط ؟
كل الشقق التقديم عليها في نفس الوقت طوال شهر مايو ، لكن الاول بيتم شراء كراسة الشروط بداية من الاسبوع اللي جي 23 ابريل عبشان الكراسة فيها استمارة التقديم
طيب المعاق مالوش ان يقدم ع شقه
فيه 5 % من الشقق لذوي الاحتياجات الخاصة ، بس لازم توافر الشروط الاساسية للتقديم في الاسكان الاجتماعي
وليه المقدم المرة دي 9الاف جنيه مش 5 ايه الفرق بين الاتنين طالما نفس المساحه 90متر
وزارة الاسكان بتقول علشان ضمان جدية المتقدمين ، بس طبعا السبب الحقيقي انهم يجمعوا فلوس اكتر ، عموما هو مقدم من ثمن الشقة يعني هيدفع كدا كدا ، وفي حالة عدم التوفيق ممكن استرداده من البنك
السلام عليكم ورحمة الله
هل لازم اكون متزوج علشان اقدر اقدم ولا مش شرط
وعليكم السلام ورحمه الله وبركاته
الاعزب ممكن يقدم عادي طلما الشروط متوافرة ، بس الفرق بالنسبة للحد الاقصي للمرتب للاعزب هو 2500 جنيه اما الاسرة 3500 جنيه في الشهر
مواليد 1987 وحاصله على بكالريوس تجاره ولا أعمل حالياً ولكن لى رقم تأمينى حيث إنى كنت موظفه بالقطاع الخاص وتركت العمل إستعداداًللسفر خارج مصر(منحه دراسيه)….. ماذا افعل ولكم الشكر الدائم
لازم وجود وظيفة حالية ومرتب لانه هو بيبقي الضمان ومن خلال بيتم سداد اقساط الشقة ، بجانب ان شهادة التامينات المطلوبة بتبقي فيها مبلغ التامين وجهة التامين ، مش الرقم التاميني فقط
السلام عليكم ورحمه الله
عايز استفسر بخصوص العاملين بالخارج والراتب يتعدى الحد الاقصي ومتزوج ولا امتلك اى شقق عايز اعرف هل سيحق لي التقدم وهل سيتم قبول طلبي ام لا
ولكم جزيل الشكر …
وعليكم السلام ورحمه الله وبركاته
الحد الاقصي في الاسكان الاجتماعي مطبق علي الجميع سواء داخل مصر او العاملين بالخارج فلو المرتب ازيد من 3500 جنيه مش هينفع
ممكن تقدم في الاسكان المتوسط ، او تقدم علي قرض لشراء شقة من صندوق التمويل العقاري او البنوك بضمان المرتب
ممكن اعرف اماكن الشقق فى كفر الدوار فين بالضبط
لسه وزارة الاسكان لم تعلن العناوين بالضبط فين ان شاء الله مع طرح كراسة الشروط هيتم التوضيح
لو مطلقه ومعا معاش والده ايه الاوراق المطلوبه
شهادة من التامينات بقيمة المعاش وهتلاقي باقي الاوراق المطلوبة في الموضوع بالتفصيل
لو سمحت انا مش مقيم فى محلىالاقامه اللى فى البطاقه انا مأجر شقه فى مكان تانى فى نفس المحافظه لازم وصل المرافق من محل الاقامه اللى فى البطاقه ولا من المكان اللى انا ماجر فيه
وصل المرافق للمكان اللي مقيم فيه حاليا ، هم عايزين اثبات انك مقيم في المكان دا وبتدفع المرافق
لو سمحت موعد اعلان الفائزين بالقرعة هيكون امتى
مفيش قرعة في الاسكان الاجتماعي حاليا ، بيتم تخصيص الشقق بعد فحص وترتيب المتقدمين حسب الاولوية والاكثر احتياجا ، وفحص الاوراق بيستمر حوالي 3 ل 4 شهور
انا عندى شقة بمحافظة اخرى ولكنى نقلت عملى للقاهرة فهل يمكن ان اقدم فى محافظة القاهرة حيث اننى مستأجر وهل مقدم الحجز يتم دفعة اولا مع تقديم الاوراق ام بعد التخصيص
لو فيه شقة تمليك باسمك الورق مش هيقبل ، لان من ضمن الاقرارات اللي بتمضي عليها انك لا تمتلك شقة
مبلغ ال 9 الاف جنيه المقدم بيتم دفعة اولا قبل ارسال الاوراق ، وعند تخصيص الشقة فيه مقدم تاني 15 % من ثمن الشقة
لو دخلى انا وزوجتى يتجاوز الحد الاقصى بالف جنيه ينفع ان انا اقدم على شقه
لا ، طلما متزوج لازم هيتم ذكر بيانات الزوجة ودخلها لانه هيتم الاستعلام من مكان العمل عن المرتب
حضرتك انا مهني ومش عندي تأمين ايه الحل
ممكن تعمل تامين شخصي من مكتب التامينات بنفسك
طب انا يشتغل حر ومعنديش اثبات لقيمة الدخل الشهري
اعمل ايه ؟
المهن الحرة بتقدم سجل تجاري وبطاقة ضريبية وشهادة الدخل السنوي من محاسب قانوني مع باقي الاوراق المطلوبة هتلاقيها في الموضوع
من فضلكم انا من مدينة 15 مايو هل ينفع اقدم ام لاوبعدين انا مقيمة ايجار ولايوجد عندى شقة وزوجى لسه عامل حادث سيارة وهو موظف حكومى ممكن اقدم تقارير نتيجة الحادث مع الاوراق لان زوجى لايقدر على الحركة ولا البهدلة فى الايجار ارجو الرد
طلما الشروط متوافرة ممكن تقدموا و مدينة 15 مايو نازلة في الاعلان ان شاء الله
الف سلامة عليه ، لو فيه اعاقة او اصبح غير قادر علي العمل ممكن تقديم الشهادات اللي تثبت دا بحيث انه يدخل في نسبة ال 5 % لذوي الاحتياجات الخاصة
ازاي اثبت جهة العمل في التامين وانا بائع متجول
بالنسبة لك بتعمل تامين شخصي بنفسك في مكتب التامينات
انا زوجى من اسماعلية وانا من بورسعيد وولدت واحدة فى بورسعيد والثانية فى اسماعلية ينفع اقدم فى مشاريع بورشعيد ولا مينفعش
لو من سكان المحافظة او من العاملين فيها ممكن التقديم هناك عادي
انا مش شغال خالص ولا انا ولا زوجتى
والدى هو الالى بيصرف علينا وهو موظف بالكهرباء ممكن اقدم
لو الشروط بتنطبق علي الوالد ممكن التقديم باسمه
لكن بالنسبة لك لازم وجود وظيفة للتقديم في الاسكان الاجتماعي
لو سمحت انا عايز اقدم علي الشقق انشالله المعلنة في شهر مايو 2016 وانا كاتب كتابي وعايز شقة بس في حاجة انا شغلي في مدينة 6 اكتوبر والعياط المكتوبة في الكلام اللي هي في محافظة الجيزة دي هتبقي بعيدة اوووووي عن شغلي فا في حل للمشكلة دي ولة مفيش ارجو الرد بعد ازنكم
محافظة الجيزة فيه ضمن ال 400 الف شقة هتلاقي مناطق مدينة 6 أكتوبر، حي الوراق، منشية البكاري، مركز كرداسة، مركز الواحات البحرية، مركز أبوالنمرس، مركز الصف، والباويطي.
ممكن تقدم فيها لان ال 100 الف شقة وال 400 الف شقة في نفس الاعلان ، بس الفرق ان ال 400 شقة هيتم تسليمهم السنة اللي جاية 2017
لوسمحت هو كراسه الشروط موحده على مستوي الجمهوريه ولا كل محافظه لها كراسه خاصه بل شروط بتاعتها
كراسة الشروط موحدة و شروط الاسكان الاجتماعي المعلنة هي هي في جميع المحافظات
شكر لحضرتك هو ال 15/ تعادل كام بالظبط
العفو واهلا بيك ، ال 15 % حوالي 23 ، مع العلم ان المبلغ دا ممكن يزيد حسب مرتب المتقدم
آخر ميعاد للتقديم امتى
اخر ميعاد للتقديم في الاسكان الاجتماعي 31 مايو 2016
انا موظفه مدنى بالقوات المسلحه لازم اجيب ورقه من التأمينات ولا ممكن اكتفى بورقه معتمده م جهة العمل فيها جميع بياناتى والرقم التأمينى واجمالى الدخل ولا لازم مفردات مرتب
لازم شهادة من التامينات علشان بيقي مكتوب فيها قيمة التامين والرقم التاميني
هم عايزين اجمالي الدخل للفرد او الاسرة في الشهر ، يعني لو فيه فرق بين شهادة اجمالي الدخل ومفردات المرتب قدمي الاكبر طلما اقل من الحد الاقصي
لو الواحد قدم ودفع ال 9 الاف جنية ومجتلهوش الشقة
بيسترد الفلوس منين وبعد فترة قد ايه ؟؟
وهل لو حد عنده شقة بإسمه بس مش تبع الحكومه ممكن يقدم ولا لا ؟
استرداد مقدم شقة الاسكان الاجتماعي بيكون من خلال بنك التعمير والاسكان
ميعاد الاسترداد بيبقي بعد اعلان المقبولين و غير المقبولين في الاسكان الاجتماعي بتبقي خلال فترة 3 ل 4 شهور
لو فيه شقة تمليك يبقي لا مش هيتقبل في الاسكان الاجتماعي
لو سمحت مفيش قرعه للاسكان الاجتماعى للجميع ولا مفيش قرعه للمعوقين فقط ؟ وشكرا جزيلا .
عامة مفيش قرعة في الاسكان الاجتماعي حاليا ، اللي بيحصل انهم بيرتبوا المتقدمين حسب الاكثر احتياجا والاولوية للمتزوجين والارامل والمطلقات ، بالنسبة للذوي الاحتياجات الخاصة لهم نسبة 5 % وبيتم برضو ترتيبهم حسب الاولوية.
ماهي شهادة التأمينات وأنا موظف حكومى
شهادة التامينات الاجتماعية بتتجاب من التامينات بيكون موضح فيها بيانات المتقدم والرقم التاميني وقيمة التامين وبيانات جهة العمل
اعمل في مجال السياح ودخلي لا يتجاوز ال500
حاول تشوف مصدر دخل اخر تقدر تثبته لان الحد الادني للتقديم 1000 جنيه بحيث يتم دفع اقل مبلغ للقسط الشهري اللي هو 350 جنيه
انا مطلقه موظفه ومعي ولد ومرتبي2300
ممكن التقديم طلما باقي الشروط متوافرة
لوسمحت انا شغال خاص ومش متامن عليا اعمل اية
ممكن تعمل تامين شخصي بنفسك في مكتب التامينات
طب مينفعش لشباب خاطبين لازم متزوجين
التقديم في الاسكان الاجتماعي يا اما اعزب يا اما متزوج ، لان مفيش خاطب في القانون ، مع العلم ان فرص المتزوج اعلي من فرصة العازب في الحصول علي الشقة
السلام عليكم.. ممكن اعرف الأوراق المطلوبه بالنسبه للأعزب ايه؟؟ لأن الأوراق المكتوبه فوق كلها خاصة بالمتزوجين
نفس الاوراق اللي مطلوبة اللي هي هي صورة البطاقة وشهادة مفردات المرتب من جهة العمل والتامينات ، وصل مرافق
وهتلاقي الاوراق المطلوبة في الاسكان الاجتماعي بالتفصيل هنـــا
والدتي خدت شقه باسمها ف اواخر التسعينات تبع اسكان شباب ايام مبارك ..ولسه بتدفع قسطها حتي الان ..فهل يحق لي التقدم بأسمي والشروط كلها متوافره فيا ؟
طلما مفيش حاجة باسمك انت او باسم الزوجة لو متزوج ممكن تقدم عادي
انا اسكن في الجيزة
وعايز احصل عي شقة في اكتوبر اي تبع مرحلة 2017 لل 400 الف وحدة
هل ينفع من البداية احدد المكان اللي احصل علي وحده فيه
ولا بقدم وزي ما تيجي لي سواء كنت في المرحلة الاولي في العياط او المرحلة الثانية
يعني مينفعش احدد المنطقة اللي عايزها
لو قصدك تحديد المدينة اللي هتقدم فيها ، بيتم ذكر اسم المدينة في استمارة التقديم ضمن البيانات المطلوبة
لو سمحت انا شغال فى مطار القاهرة واقرب مدينة ليا العبور وهى تبع القليوبية عاوز اعرف هينفع اقدم فيها ولا لا
انا مش متاكد اداريا مطار القاهرة تبع اني محافظة القاهرة ولا الجيزة ولا القليوبية ، ممكن تتاكد من جهة العمل او مكتب التامينات ولو تبع القليوبية او داخل ضمن حدود المحافظة قدم في العبور
شكرا و جزاك الله خيرا
العفو وان شاء الله بالتوفيق
انا مقدم فى مشروع السلام وتم رفضى من قبل بنك مصر بسب نقص المرتب علما بانى اعمل بجامعة عين شمس مثبت علما بان المبلغ المكمل هو 171جنيها ارجوا الرد وانا رب اسرة مكونة من اربع افراد فهل يصح ماتفعله القرارات معنا
هو للاسف وضعوا شرط الحد الادني للمرتب 1000 جنيه دا علشان يرضو البنوك وضمان سداد اقساط الشقة
شوف لو المرتب الكلي 1000 جنيه او تقدر مع شئون العاملين في الشغل تغير مفردات المرتب او تقدم اي اثبات اخر للدخل ، بحيث تطلب اعادة استعلام او تقدم مرة اخري في الاعلان الجديد
لو سمحت هل فى أولويه للمعوقين من أبناء المركز الموجود به شقق الاسكان الاجتماعى فى عمل القرعه للمعوقين تحديدا . وشكرا جزيلا .
اه هيتم تخصيص 5 % من وحدات الاسكان الاجتماعي للمعوقين حسب كل مدينة و مفيش قرعة في الاسكان الاجتماعي حاليا بيتم توزيع الشقق حسب الاولوية والاكثر احتياجا بعد فحص وترتيب المتقدمين
لو تم حصولى على الشقة مبلغ التخصيص كام
المقدم عند استلام الشقة 15 % من سعر الشقة ، والنسبة بتزيد حسب مرتب المتقدم وسنه
طب لوسمحت مينفعش يكون فى ضامن لان مفيش دخل ثابت ولو هقدم باسمى لازم تكون بطاقتى تبع المحافظة اللى انا عايزة احجز فيها
لا مفيش طريقة اخري لضمان المتقدم لازم وظيفة ، لو شغل خاص او الدخل مش ثابت بيتم تقديم شهادة من محاسب قانوني بالدخل السنوي
التقديم اما في محافظة السكن او محافظة العمل
انا موظف حكومي و زوجتي اللي هتقدم.. نظرا انها من سكان محافظة فيها شقق في الاعلان.. هل كافي مفردات مرتبي انا مع العلم بطاقتي مش عنوان نفس المحافظة.. زوجتي لا تعمل
ممكن تقدم باسمها وعموما طلما اسرة بيتم ذكر بيانات الزوج والاولاد لو فيه
انا كنت مقدم ف شهر 8 / 2015ورحت ف شهر مارس استفسر قالي انت رقمك 40900 ولسة شغالين في رقم 6000 وقالي يستحسن تسحب فلوسك قولي اعمل ايه
هو عامة اخر تصريح من الوزير قال كل اللي منطبق عليه الشروط هيحصل علي شقة بس هو فعلا المشكلة في الاعداد الكتيرة اللي مقدمه ، عموما انت شوف لو المدينة اللي مقدم فيها فيها وحدات جديدة في الاعلان اللي جي دا ولا ايه ، لو مش محتاج الفلوس حاليا ممكن تسيبها لو محتاجها اسحبها وطلما منطبق عليك الشروط ممكن تبقي تقدم مرة تانية في الاعلانات اللي جاية
هل سوف يتم مراعاة واعطاء الأولويه المعاقين وخصوصا لو كانو مقيمين بنفس المركز الموجود به شقق الاسكان الاجتماعى وشكرا
ان شاء الله هيتم تخصيص 5 % من شقق الاسكان الاجتماعي في كل محافظة لذوي الاحتياجات الخاصة ، بس لازم تنطبق عليهم الشروط المعلنة
الى معندوش تامين يعمل اى
ممكن تعمل تامين شخصي بنفسك من مكتب التامينات الاجتماعية التابع له
السلام عليكم
انا من ديروط هل يمكن التقدم بمحافظة اسيوط
مع العلم ان جميع المناطق في ديروط لا يوجد بها شاغر ملك للدوله وكم سيكون سعر الشقه لو تواجدت الامكان ملك للدوله هل سيكون السعر زي القاهره وباقي الاماكن ؟؟؟
علي سبيل المثال لو ١٥٤ الف جنيه في ديروط طبعا يكون السعر غالي جداااااااااااااااااااااااااااااااااا .
والاستفسار الاخر
اخويا بيعمل في دوله الكويت راتبه بمعدل ٦٠٠٠ الف جنيه
هل يستطيع التقديم؟؟؟
ارجوا الافادة والرد
تحياتي لحضرتكم
وعليكم السلام ورحمه الله وبركاته
سعر شقة الاسكان الاجتماعي ثابت في كل المحافظات 154 جنيه ، بالنسبة للاماكن وزارة الاسكان هتوضحها بالتفصيل ، وسعر الشقة ثابت لانها مدعومة و موجه لمحدودي الدخل
بالنسبة للاستفسار الاخر الحد الاقصي للتقديم في الاسكان الاجتماعي 3500 جنيه ، ممكن يقدم في الاسكان المتوسط ، او يطلب قرض بضمان المرتب لشراء شقة.
هل مطلوب ف الشروط سن معين لتقديم يعنى مسموح لحد سن كام ف التقديم
من 21 سنة وحتي 50 سنة
هل القاهره الجديده نازله في اعلان شهرابريل 2016
لا مفيش في القاهرة الجديدة
محافظة القاهرة اللي نازل في الاعلان مدينة بدر ومدينة 15 مايو ومدينة حلوان
هل مفردات الراتب تكون بشهر واحد ولا 3شهور وهل الاجمالي 3 شهور يكون 3000 جية يعني لو في شهر اقل من كدة 1000 جنية مش ايبفع
مفردات المرتب يعني بتقبض كام في الشهر ، لو الدخل متغير يبقي قدم الدخل السنوي او لو معاك ال 3 شهور قدمها المهم في الاخر ان الدخل بالنسبة للفرد العازب يكون اكتر من 1000 جنيه واقل من 2500 جنيه
لوسمحتي انا الراتب الشهري 1341 وذوجي 2400 ينفع اقدم ولا
الحد الاقصي للدخل الاسرة 3500
ممكن تقدموا في الاسكان المتوسط ، او تقدموا علي قرض من صندوق التمويل العقاري
شهاده تامين يعني ايه من فضلكم
هل المقصود بيها ورقه بالرقم التأميني
لا هي شهادة من مكتب التامينات فيها اسم جهة العمل و قيمة التامين وباقي بيانات المتقدم
شكرا جزيلا
العفو وبالتوفيق
التقديم في شقق اسكان الوراق مرحله 2017 متى
التقديم في الاعلان دا شامل كل الشقق والمدن اللي وضحناها في الموضوع ، كراسة الشروط هتنزل يوم 23 ابريل والتقديم هيبدا في شهر مايو 2016
انا جوزي عايش بره مصر وعايشه وبنتي مع امي ممكن اقدم باسمي انا وممكن مفردات مرتب ليه من بلد خارج مصر
ممكن التقديم باسمك بس طلما متزوجه هيتم ذكر بيانات الزوج ، الاوراق المطلوبة هتلاقيها في الموضوع بجانب ان بالنسبة للعاملين خارج مصر مطلوب شهادة دخل من جهة العمل بالخارج معتمدة من القنصلية المصرية بالدولة التى يعملون بها مصدقاً على توقيعاتها من الخارجية المصرية.
هو الاستلام بعد اد ايه من دفع المقدم
وانا زوجي ببشتغل ف محل ينفع اقدم باسمي شكرا
بالنسبة ل 100 الف وحدة الاستلام خلال 3 ل 4 شهور حسب ما يتم الانتهاء من فحص المتقدمين وترتيبهم
بالنسبة لل 400 الف وحدة الاستلام السنة اللي جايه 2017 لان دول لسه مبتدي البناء فيهم من اسابيع قليلة
لو سمحت انا اخر 3 شهور في المفردات المرتاب مش عامله 1000 جنية انا شغال في مجال السياحة وبسبب تريح الشغل الراتب ماوصلش للمبلغ دة ممكن اعمل اية او ممكن اقدم باقل من كدة ولا ممكن اجيب من سنة مفردات الراتب ممكن ولا مفردات المرتاب بتتجمع 3 شهور علي عض ويكونو عاملين 3 الاف
لو الدخل الشهري متغير ممكن تقدم الدخل السنوي ، في النهاية هم عايزين ورقة تثبت ان مرتبك اكبر من 1000 جنيه واقل من 2500 جنيه من جهة العمل
انا ابني اعزب وبيشتغل عمل حر مطلوب منه شهاده تامينات وشهاده دخل من محاسب قانوني ولا ايه ولو انا كنت وضعه له في بنك الاسكان مبلغ اسيبه موضوع حتي لو اكتر من المقدم
المهن الحرة مطلوب سجل تجاري وبطاقة ضريبية بجانب التامينات وشهادة الدخل من محاسب قانوني
لو قصدك انك قدمت قبل كدا ممكن تتواصل مع البنك او صندوق التمويل العقاري علشان تعرف الاولوية وهل هتلحق في المرحلة دي ولا ايه حسب المدنية
هوة المفردات الالراتب زم تكون اخر 3شهور ولا ممكن تكون من سنة
الافضل تقديم مفردات مرتب حديثة لانه بيتم الاستعلام علي اساسها ومراجعتها مع جهة العمل
هل هناك مراعاه للمعوقين حركيا وألويه لأبناء المركز الذى أسكن به وموجود به شقق الاسكان الاجتماعى حيث أننى أسكن ما يقرب من 15 عاما بنفس المركز الموجود به شقق الاسكان الاجتماعى . وشكرا جزيلا حيث أن لم يصلنى الرد اطلاقا حتى الأن .
وزارة الاسكان بتخصص نسبة معينة هتيم تحديدها من شقق الاسكان الاجتماعي لذوي الاحتياجات الخاصة ، فطلما الشروط متوافرة قدم وبالتوفيق
ماهو المبلغ المراد دفعه عند الاستلام
15 % من ثمن الشقة وبتزيد النسبة كلما زاد مرتب المتقدم ، وممكن تقسيط المبلغ علي دفعات
انا لسه ماشي في اجراءات التامين .هل مطلوب تقديم الاوراق كامله في شهر مايو.شكرا
اه هو التقديم هيبدا في شهر مايو ومستمر حتي 31 مايو ممكن تقدم اي يوم في الشهر
انا موظفة وزوجي مش موظف وشغله حر مالوش تأمينات … ينفع أقدم بإسمي؟
وازي أجيب شهادة لزوجي بمرتبه علما ان مرتبه 1500
وبعد دفع المقدم ال 9 آلاف فيه دفع تاني ولا خلاص كدة والقسط الشهري بس
ارجو الرد والايضاح
ممكن التقديم باسمك بس طلما متزوجة لازم هيتم ذكر بيانات الزوج
الاعمال الحرة بيجيب شهادة من محاسب قانوني بالدخل السنوي مع تقديم السجل التجاري والبطاقة الضريبية
عند استلام الشقة بيتم دفع مقدم 15 % من ثمن الشقة وبتزيد النسبة حسب المرتب والسن ، وممكن دفع المقدم دا علي اقساط
لو سمحت انا عندى محل ادوات صحيه صغير ينفع اقدم
اه ممكن تقدم ضمن الاوراق المطلوبة السجل التجاري والبطاقة الضريبية وشهادة دخل سنوي من محاسب قانوني
هو لازم ال9 الف يدفعوا مرة واحدة لانى قريت انه ممكن يتقسطوا
مفيش كلام رسمي حتي الان عن تقسيط ال 9 الاف جنيه
لكن اللي ممكن تقسيطه هو المقدم عند استلام الشقة
ارجو الاهتمام والرد انا اعمل بوزاره العدل وزوجتى لاتعمل ازاى هل شهاده التامينات للزوجه وشهاده الدخل ومنين اجيبهم اذا كانوا مطلوبين بالنسبه للزوجه
لو مش بتعمل يبقي مش مطلوب مفردات المرتب ولا التامينات
مطلوبين في حالة لو الزوجة تعمل
ازاى يتم تحديد المدينه الى انا عاوزه تجيلى لان كل محافظه فيها اكتر من مدينه كمان البنات الى مش متجوزه عادى ليهم التقديم . والتقديم مره واحده للمرحلتين ولا كل مرحله بقدم فيها لوحدها
في استمارة التقديم بتحددي المدينة اللي عايزة تقدمي فيها في المحافظة حسب رغبتك
العازب او العازبة ممكن يقدموا عادي طلما متوافر فيهم الشروط الفرق بس الحد الاقصي للدخل هو 2500 جنيه للعازب
التقديم في الاسكان الاجتماعي مرة واحدة لو مفيش نصيب ممكن تسيبي المقدم في البنك وفي الاعلان التالي بيبقي لك اولويه
يارب يرزقنا ويوسع علينا وعلى المسلمين اجمعين ……. اللهم آمين
ربنا يبارك .. إن شاء الله
ربنا يعين الحكومة على كل دة وعلى تقديم ما هو انفع واصلح اللهم آمين
الاخ الفاضل
الزوجه لاتعمل — والزوج تخطى الخمسين ويعمل موظف حكومى — هل ممكن التقديم باسم الزوجه ( التى لاتعمل ) بضمان راتب الزوج –
مع تحياتى
ممكن التقديم باسم الزوجة عادي ، وعامة بيتم ذكر بيانات الزوج والزوجة عند التقديم
لازم يكون متامن على الراجل وزجته
لو الزوجة ربه منزل او لا تعمل مش مطلوب منها ولا مفردات مرتب ولا تامينات
بالنسبة لمدينة العبور نفس الشروط وتاريخ التقدم للحجز 1/5/2016
وشكرا
اه نفس الشروط وميعاد التقديم
هل الشقق كامله التشطيب ولا لا
اه كاملة التشطيب والمرافق
يعني حضرتك احنا دخل لاسره كلها 3900 غير مناسب كده ..مع العلم اننا مأجرين شقه ب1300 جنيه
الحد الاقصي 3500 جنيه
ممكن تقدم في الاسكان المتوسط دار مصر ، او ممكن تقدم علي قرض شراء شقة من البنوك عن طريق التمويل العقاري
انا باشتغل فى مهنة حرة لكن مش عامل تأمين فهل ينفع استخراج شهادة تأمينات
ممكن في مكتب التامينات بتعمل تامين شخصي بنفسك
انا مش شغال بس زوجتى موظفة ولها تأمينات ينفع أقدم باسمها
ممكن التقديم باسمها عادي بس هيتم ذكر بياناتك وبيانات الاولاد لو فيه
العامل بالخارج المستند الدخل يكون الحد الاقصى والادنى كام من فضلكم الرد وشكرا
لو اعزب الحد الاقصي 2500 جنيه
لو متزوج الحد الاقصي للمرتب الزوج والزوجة معا 3500 جنيه
انا والدتي حصلت علي شقه ف اواخر التسعينات من مشروع اسكان الشباب ايام مبارك ..وهيا الشقه بأسمها ..ولسه بتدفع قسطها لحد دلوقتي
فهل ينفع اقدم انا ف المسابقه دي والشروط متوافره فيا ..ولا مش هينفع ..لان من الشروط ميكونش ف حد من الاسره اتخصصلوا اي وحده من الدوله قبل كده ؟
هو نص الشرط ألا يكون قد سبق التخصيص للمتقدم أو الأسرة ( الزوج / الزوجة / الأولاد القصر)
لكن لم يذكر الوالدين في الشرط ، فممكن تقدم عادي طلما مفيش حاجة باسمك انت
وهتلاقي اخر تحديث لشروط الاسكان الاجتماعي ابريل 2016 بالتفصيل هنا
ارجو الرد
انا معلم مساعد وبياناتي في شهادة التأمينات غير مؤمن عليه كده معناه غير مطابق للشروط ولاايه ؟
استفسار اخر من ضمن الشروط الاولوية للمتزوج ويعول—-الخ
طيب انا اعزب كده انا في اخر الشروط مش هلاقى شقة مع اني اولى من اي حد لاني اعزب ومحتاج شقه ؟
ارجو الرد
ممكن تعمل تامين شخصي
الاعزب ممكن يقدم عادي صحيح ملهوش اولوية لكن حسب كلام وزير الاسكان كل اللي متوافر فيه الشروط هيحصل علي شقة حتي لو مش المرحلة دي يبقي المرحلة اللي جاية حسب اعداد الشقق والمتقدمين في كل مدينة
عندالاستلام كم سيكون المبلغ المدفوع
اقل نسبة هي 15 % من ثمن الشقة ، وبتزيد حسب مرتب المتقدم وسنه
لو سمحت هو المرتب 2500 ده المتغير و الاساسي معاً و لا الاساسى فقط و هل يشترط مفردات مراتب شهر معين يعني يتفع اقدم مفردات مرتب شهر فبراير و ايضاًً انا فى محافظه القاهره ينفع اقدم في اكتوبر ؟شكراً
مفردات المرتب شامل كله علي بعضه ، ممكن تقديم مفردات مرتب شهر معين طلما باقي الشهور في المتوسط زيه
محافظة القاهرة المدن المتاحة هي 15 مايو ومدينة حلوان ومدينة بدر
مدينة 6 اكتوبر تبع محافظة الجيزة ، لو العمل او السكن في الجيزة ممكن التقديم فيها
السلام عليكم ورحمة الله وبركاته
نرجو توضيح ماهو الحدالادنى والحد الاقصى للعاملين بالخارج بالعملة وكيف يقارن مع مثيله هنا
وعليكم السلام ورحمه الله وبركاته
نفس الحد الادني 100 جنيه والحد الاقصي 2500 للعازب و 3500 للاسرة مطبق علي الجميع ممكن تحسب فرق العملة وقت التقديم
الزوج يعمل بالخارج والزوجة مرافق معه ايه الاوراق المطلوبة للتقديم وشهادة الدخل للزوج والزوجه فهل هناك حد ادنى واقصى كيف يقدر بالعمله وباقى المستندات المطلوبة
نفس الاوراق المذكورة ، الفرق بالنسبة للعاملين خارج جمهورية مصر العربية : شهادة دخل من جهة العمل بالخارج معتمدة من القنصلية المصرية بالدولة التى يعملون بها مصدقاً على توقيعاتها من الخارجية المصرية.
والحد الادني هو 1000 جنيه والحد الاقصي لدخل الاسرة هو 3500 جنيه في الشهر
وهتلاقي باقي الاوراق في الموضوع
يعنى لو الدخل الشهرى لزوجى ٣٢٠٠ معنى كده ان القسط هيكون اكتر من ٣٥٠ جينه
القسط الشهري هيتم تحديده لاحقا حسب مجموع دخل الاسرة ، اقل قسط هو 350 جنيه
هل شقق مدينه العبور مطروحه ضمن ال 400 الف وحده
والاستلام بعد سنه و بتكون متشطبه
اه مدينة العبور تبع محافظة القليوبية ضمن ال 400 وحدة والاستلام في 2017 والشقق بتبقي متشطبه
هل المساحة 90 متر صافي ام شامله المرافق؟
و ماهو نوع التشطيب (علي المحارة و البلاط ام بدون تشطيب أم …… برجاء التحديد )؟
و ما هو ثمن الشقة الاجمالي؟ و هل لو تم سداد المبلغ كامل سيتم خفض السعر؟
صافي مساحة شقة الاسكان الاجتماعي هو 75 مترا مربعا من الداخل ، التشطيب سوبر لوكس
ثمن الشقة الاجمالي هو 154 الف جنيه ، والطريقة المتاحة هي سداد الثمن عن طريق التمويل البنكي والاقساط الشهرية
ماهى شهاذة التأمينات
شهادة التامينات الاجتماعية بيتم الحصول عليها من مكتب التامينات التابع له ، بيبقي فيها الرقم التاميني وجهة العمل وقيمة التامين وباقي بياناتك
هل يتم توزيع المتقدمين بشكل عشوائي على المناطق الموجودة في محافظة الجيزة ام يحق للمتقدم اختيار المنطقة التى تناسبه داخل المحافظة ؟
انت بتحدد المدينة اللي عايز تقدم فيها داخل المحافظة في استمارة التقديم
طيب أنا شغال في قطاع خاص ومرتبي 1500 بس مش متأمن عليا
ينفع اعمل شهادة تأمين ان مش متأمن عليا مع مفردات المرتب وخلاص
ولا لازم يكون متامن عليا
لازم التامين ، ممكن تعمل تامين شخصي في التامينات
لماذا تحدد سن المتقدم للحصول علي شقة بخمسن سنة حكد اقصي اذا ا كان لم يحصل علي شقة من اي جهة حكومية اومن اي مشروع اليس من حقه الحصول علي شقة وخاصة اذا تجاوز سنه الخمسين واصبح غير قادر علي دفع ايجار المفروش ؟
وايضا المرأة المطلقة والتي تجاوز سنها الخمسين لماذا .لاتخصص نسبة من هذه الوحدات للحالات الخاصة ممن فوق السن ، ولماذا
لاتدخل محافظة بورسعيد ضمن المحافظات المعلن عن فتح باب التقديم فيها للاسكان الاجتماعي
وانا تقدمت من عام ٢٠١٣ في مشروع الاسكان الاجتماعي ببورسعيد ودفعت المقدم المطلوب وهو ثلاثة الاف جنيه ولم تنطبق علي الشروط لاني فوق السن وتقدمت بتظلم لاني لم اعد املك ايجار المفروش فاين اذهب وقد احيلت الي المعاش وبالتالي نقص المرتب ولذلك لم اعد اقدر علي دفع ايجار شقة مفروشة
هل مدينة 15 مايو بالقاهرة يشملها الاعلان ام خارج هذا الاعلان
اه موجودة ضمن الاعلان هتلاقي اسماء المدن الجديدة في القاهرة ضمن ال 400 الف شقة وهم مدينة 15 مايو، حلوان، ومدينة بدر.
طب ازاي هو اعزب 2500 شهريا
ومش موجود في الاوراق المطلوبه اعزب ليه
يعني لازم يكوم المتزوج هو اللي يقدم بس
ولا الاعزب مالوش يعني . ارجو الرد ؟
الاعزب بيقدم عادي والاوراق هي هي المطلوبة سواء البطاقة ومفردات المرتب والتامينات وباقي الورق
الفارق ان الحد الاقصي لدخل الاعزب هو 2500 جنيه
انا من اسوان وبطاقتي اسوان كوم امبو وشغال في الواحات البحريه الجيزه حسب ما اختار ولا مينفعش
اه ممكن التقديم في محافظة السكن او محافظة العمل
ينفع أقدم براتبي بس مع العلم أنه يوجد قضايا مع زوجي
ممكن تقدمي طلما باقي الشروط متوافرة
اللي بالخارج وليس موظف وعايز يقدم يعمل ايه
بالنسبة للعاملين خارج جمهورية مصر العربية بتقدم الاوراق المطلوبة بس بدل مفردات المرتب بتجيب شهادة دخل من جهة العمل بالخارج معتمدة من القنصلية المصرية بالدولة التى يعملون بها مصدقاً على توقيعاتها من الخارجية المصرية.
انا عايزه اتاكد دمياط الجديده تبع 400الف ولا ايه
اه مدينة دمياط الجديدة موجود في اعلان شهر ابريل تبع ال 400 الف وحدة
ما هي مساحة الشقة في هذا المشروع
90 متر متقسمة 3 غرف وصالة
لو سمحت انا محل الاقامه المنيا وانا اعمل وامن عليا فى الغردقه ينفع اقدم فى الغردقه ارجو الاستفاده
اه ممكن التقديم في محافظة العمل
لو مجموع راتبى انا و زوجى 4370 جنية هل ينفع اقدم ؟؟
و سنى 43 و زوجى 46 و لم يسبق لنا اخذ شقة او ارض ممولة من البنك العقارى و نسكن فى منزل والد زوجى
الحد الاقصي لدخل الاسرة للتقديم في الاسكان الاجتماعي هو 3500 جنيه
ممكن تقدموا في الاسكان المتوسط دار مصر ، او تقدم طلب قرض من صندوق التمويل العقاري
ايه شروط 5%والسن كام عشان ابنى من الصم وعايزه انى أقدم ليه
نفس الشروط من حيث السن 21 سنة ل 50 سنة ونفس الاوراق مع تقديم شهادة تفيد بالاعاقة
اين توجد شقق الوراق الموجودة فى الاعلان
وزارة الاسكان محددتش عناوين الاماكن بالضبط فين ان شاء الله لما تنزل كراسة الشروط يوم 23 ابريل هيتم التوضيح اكتر
اين نسبة 5% معاقين من شقق الاسكان الاجتماعى ؟
بيتم تخصيص نسبة ال 5 % في كل مدينة حسب عدد الوحدات وان شاء الله الوزارة هتحددها لاحقا
هو مقدم الحجز لازم يدفع كله الاول 9000 جنيه ولا ممكن الحجز باي مبلغ دلوقتي
فيه دفعة تانية من المقدم عن الاستلام هتحددها وزارة الاسكان
انا اجمالى مرتبى 4200 ينفع اقدم فى اى مرحلة و
وهل مرتبى ينطبق علية الشرووط
لا الحد الاقصي في الاسكان الاجتماعي بالنسبة لمرتب العازب هو 2500 جنيه
اما الحد الاقصي لدخل الاسرة هو 3500 جنيه
ممكن تقدم في الاسكان المتوسط اللي هو دار مصر ، او تقدم في اي بنك طلب قرض تمويل عقاري لشراء شقة
انا شغلى رافض اعطاء مفردات مرتب لى
انا مؤمن عليا ينفع اجيب ورقة من التإمينات بما يفد بدخلى شكرا
لازم مفردات المرتب والتامينات ، طب جهة العمل قالت السبب ايه ؟
اصل بعد كدا عند قبول الاوراق والفوز بالشقة ان شاء الله هيطلبوا منك تحويل المرتب للبنك اللي هيكون التمويل العقاري من خلاله
لو سمحت انا متزوج ولدي ثلاث اطفال ومقيم في منزل والدتي وجميع مرافق المنزل باسم والدتي وطبيعة عملي حرفية فني كهرباء بمعني يوم اعمل وآخر لأ كيف يمكنني الحصول على شقة وماهي المستندات المطلوب مني تقديمها وليس لدي تأمينات ارجو الرد شكرا
بالنسبة للاعمال الحرفية بتقدم صور السجل تجاري والبطاقة ضريبية و شهادة دخل من محاسب قانوني ، بالنسبة للتامينات ممكن تعمل تامين شخصي في مكتب التامينات التابع له ، وممكن تقدم اي وصل مرافق المهم يكون مثبت به العنوان
لو سمحت عوزه اعرف لو كنت حصلت على شقه انا وزوجى وحصل طﻻق وبعنا الشقه ودلوقتى انا ساكنه فى ايجار ومعايه اﻻوﻻد هل ممكن اقدم وانا مطلقه
ممكن التقديم اه بس لازم ذكر اثبات مصدر للدخل او النفقة
لقد قدم زوجى سابقاً فى شقق دهشور – اكتوبر وكنا ننتظر الاستعلامات ، وعلمت من بنك الاسكان ان الحد الاقصى لدخل الاسرة اصبح 2400 وليس 3000 كما تم الاعلان سابقا ارجو التأكيد هل هذا صحيح؟ واذا كان دخلى اكبر هل يعنى ذلك انه ليس لى الحق فى شقة ام انه فقط سوف يتأخر التخصيص لى لان هناك اولوية لذوى الدخل الاقل.
في السابق كان الحد الاقصي لدخل الاسرة 3000 جنيه لكن تمت زيادة الحد الاقصي لدخل الاسرة حاليا ل 3500 جنيه
مفيش 2400 دا حاليا الحد الاقصي لدخل الفرد الاعزب هو 2500 جنيه ، حاولو تاكدوا مع البنك تاني او من خلال صندوق التمويل العقاري
مع العلم ان وزارة الاسكان نبهت ان المستوفين لشروط الاسكان الاجتماعي بمدينة دهشور ولم يقوموا بسحب مقدمات الحجز، لا يحق لهم التقدم مرة أخرى فى الإعلان الجديد ، حيث سيتم توفير وحدات سكنية لهم بمدينة 6 أكتوبر، بالضوابط الجديدة دون الحاجة للتقديم مرة آخري
التقديم في 400الف وحدة امتي؟
بداية من شهر مايو
زوجتى موظفة وتريد التقدم للحجز ولكن البطاقة مكتوب فيها أنسة هل يجوز التقدم برجاء الرد
لازم البيانات تكون محدثة لانه هيتم فحص الاوراق والحالة لو لاقو شئ غير اللي مكتوب بيتم الرفض
انا مش متزوج هل ينفع اقدم انا محتاجها جدا
العازب ممكن يقدم عادي في الاسكان الاجتماعي ، بس الحد الادني للمرتب للفرد العازب هو 2500 جنيه وباقي الشروط والاوراق المطلوبة هي هي
ما هي شهادة التامين
شهادة من مكتب التامينات الاجتماعية التابع له انك متامن عليك من جهة العمل وبيكون مكتوب فيها بياناتك وبيانات جهه العمل
لو مش متامن عليك ممكن تعمل تامين شخصي
وبالنسبه للمقيمين في شرم الشيخ؟
في اي خطط ليهم؟
شقق الاسكان الاجتماعي في محافظة جنوب سيناء هتكون في مناطق أبو زنيمة، طور سيناء، دهب، رأس سدر، نويبع، وأبورديس
هم ضمن ال 400 الف وحدة اللي هتخلص خلال سنة ، بس التقديم فيهم ضمن الاعلان دا
بالنسبة للمهن الحرة بتقدم صور السجل التجاري والبطاقة الضريبية و شهادة من محاسب قانوني بالدخل السنوي
انا ارملة ومعايا طفل 4 سنوات وبناخد معاش بس ساكنة بالايجار وكل ما اجدد بيزودو علينا الايجار يارب يكون لينا نصيب فى الشقق انا عندى 42 سنة من محافظة المنوفية هما بيقولو ان الارامل والمطلقات ليهم الاولوية اية الورق المطلوب بالنسبة ليا
نفس الاوراق اللي وضحناها في الموضوع ، لو مفيش شغل ممكن تقدي اي اثبات لمصدر دخل زي المعاش او غيره
ما هى الجهة المختصة لتقديم طلبات الحجز انا من محافظة المنوفية او المسؤل عن الرد لاى استفسار؟
التقديم بيكون من خلال مكاتب البريد
لو فيه استفسار او سؤال عن طريق صندوق التمويل العقاري ، او فروع بنك التعمير والاسكان
ممكن احجز فى دمياط وانا من المنصوره لكى احصل على شقه فى دمياط
لازم الحجز يكون في محافظة السكن او محافظة العمل
هل يوجد في هذه المرحلة مدينة 6 أكتوبر ومتي التسليم الرجاء الرد
فيه شقق في مدينة 6 اكتوبر ضمن ال 400 الف شقة اللي هيتسلموا خلال سنة من الان
بالنسبة لل 5% ليهم ف الاعلان ده
اه ليهم نسبة من الشقق هتحددها وزارة الاسكان
لو سمحت ممكن اعرف لو المتقدم واخد قرض شخصى من أحد البنوك ومنتظم فى السداد والمرتب يغطى القسطين ومنطبق عليه الشروط فهل له نصيب ولا يصرف نظر
لو المرتب كله متحول للبنك صعب يقبلوا خصوصا ان ضمن الاجراءات هيطلبو منك تحويل المرتب حسب البنك اللي هيقدم قرض تمويل الشقة ، عموما لو الشروط متوافرة قدم وبالتوفيق
لو سمحت انا جوزي كان بيعمل في عمر افندي ب500 ج وواخد اجازة بدون مرتب وبيعمل حاليا موزع مواد غذائيه بعربية اخوه وبيعمل في كافيه بليل بيصل مرتبه في الاتنين ل1600 ايه موقفه ويقدم شهاده بمرتبه ازاي
وينفع انا كمان اقدم معاه
ممكن يقدم شهادة مفردات مرتب من مكان العمل يكون فيها المرتب وتاريخ بداية العمل ومختومة من مكان العمل
طلما متزوج لازم هيتم ذكر بيانات الزوجة والاولاد لو فيه
لو سمحت انا جوزى معاه حقوق وشغال مع والده ف محلهم يعنى مفيش شغل حكومى او خاص وﻻ انا بشتغل ينفع نقدم وﻻﻻ ارجو الرد
واحنا عايزين تبع الشقق اللى بتتشطب ايه اللى نعمله
لو المحل او الورق باسمه ممكن يقدم السجل التجاري والبطاقة وشهادة دخل سنوي من اي محاسب قانوني
لو الشروط متوافرة فيكي ممكن تقدمي باسمك
الشقق اللي قربت تخلص هي ال 100 الف شقة اللي وضحناهم في البداية لو تبع المحافظات دي قدمي وبالتوفيق
لو سمحت انا جوزي ترك عمله وحاليا لا يعمل لكن انا شغاله هل يجوز التقديم علي مرتبيي انا
ممكن التقديم باسمك عادي
طيب بالنسبه لاوراق الزوج من شهادة التاميات ومفردات المرتب لازم تتقدم مع العلم انه لا يعمل والزوجه هي التي تعمل ومعاها اوراقها وهتقدم ياسمها
لو مفيش عمل بيتم ذكر بيانات الزوج لكن مش لازم تقديم التامينات ومفردات المرتب
وفى حالة ان الزوجه لا تعمل ( ربة منزل ) لازم احصل على شهاده من التامينات برضه ولا مفيش داعى
عمل الزوجة مش شرط للتقديم طلما الزوج يعمل بالتالي مش مطلوب منها مفردات مرتب او تامينات
لو سمحت هو لازم يكون التقديم فى نفس محافظة الاقامه ولا ينفع اقدم فى مكان العمل مثلا وازاى احصل على شهادة تامينات الاجتماعيه
التقديم في الاسكان الاجتماعي بيبقي اما محافظة السكن او محافظة العمل
شهادة التامينات بتجبها من مكتب التامينات التابع له
طب انا اعمل في السعودية والقنصليه بعيده جدا ممكن زوجتي تقدم باسمها والدفعه اللي بعد التخصيص كام المبلغ بلضبط
ممكن الزوجة تقدم باسمها لو الشروط متوافرة بس لازم هيتم ذكر بيانات الزوج والاطفال لو فيه
بالنسبة للدفعة بعد الخصيص الوزارة لسه محددتش بالضبط لكن هيكون موضح في كراسة الشروط
طب أنا من الشرقيه و خطيبي من بورسعيد لازم القسيمه تكون من بورسعيد ولا الشرقيه عادي
عنوان او مصدر القسيمة مش مهم المهم عنوان السكن اللي هيتم ذكره يعني شوفوا انتو عايزين هتقدموا تبع مدينة الشرقية ولا بورسعيد ، وممكن التقديم حسب عنوان العمل
السﻻم عليكم …….
حضرتك بتقول لواحد سال عن العبور … وحضرتك رديت انه ممكن يقدم فى اﻻعلان ده وهيستلم السنه الجايه فى 400 الف وحده…مع العلم انا لسه سالك على القاهره ولم تذكر اﻻ 15 مايو .حلوان .بدر. ….. ممكن توضح وحدات القاهره فين بالظبط فى الاعلان ده وايه موجود فى المرحله دى وايه موجود فى المرحله القادمه وشكرا
وعليكم السلام ورحمه الله وبركاته
فيه مدينة العبور بس هي محافظة القليوبية مش تبع محافظة القاهرة حسب بيان الوزارة اللي نزل
انت كنت بتسال عن محافظة القاهرة وانا جاوبت عليك علي الاساس دا ان المدن اللي تبع محافظة القاهرة اللي نازله في الاعلان دا هي مدينة 15 مايو، حلوان، ومدينة بدر
مافيش فى العبور انا مستنيها من بدرى اوى
فيه مدينة العبور في ال 400 الف شقة اللي هيتم تسليمهم 2017 وممكن التقديم فيهم في الاعلاد الحالي دا
زوجتى اردنيه يجوز التقديم فى الاسكان الاجتماعى
اه ممكن التقديم
السلام عليكم انا موظف تابع لقطاع الاعمال العام ومتزوج ولى اولاد كل ماذكر من شروط واوراق مطلوبه موجوده ان شاء الله بس فيه استفسار شهادة التأمينات للزوجه وشهاده بالدخل الشهرى للزوجه مش موجودين لآنها ربت منزل ما هو الحل لو سمحت
مفيش مشكلة لو الزوجة لا تعمل ، المهم يكون فيه مصدر دخل للاسرة
انا عايزه اعرف رفعتوا مقدم الحجز من5000الي 9000 ليه ايه الفرق بصراحة كتير اوى
الوزارة قالت علشان يضمنوا جدية المتقدمين ، وعموما المبلغ مقدم يعني ضمن ثمن الشقة ولو لا قدر الله مفيش نصيب ممكن سحب المبلغ من بنك التعمير والاسكان
طب لو الحد الاقصي 4000 ينفع اقدم والا لا والا اقدم وممكن يكون فيه نصيب
لا الحد الاقصي لدخل الاسرة هو 3500 جنيه
لو الشروط متوافرة ممكن تقدم علي قرض تمويل عقاري من البنك الاهلي او بنك مصر ، او انتظار الاعلان القادم من مشروع دار مصر للاسكان المتوسط
ما هو الحد الادني والاعلي للسن
اقل سن للتقديم 21 سنة و الحد الاقصي للسن هو 50 سنة
انا موظف موقت واورقي في التنظيم والاداره للتثبيت ينفع اقدم انا متزوج من عشر سنين وعندي اولاد والزوجه مبشتغلش
طلما الشروط متوافرة من حيث السن والحد الادني للمرتب ممكن تقدم
من فضلك لم يذكر أى شىء عن شقق مدينة الشروق أو شقق مدينة التجمع الخامس أو شقق مدينة 6 أكتوبر أرجو الإفادة جزاكم الله خيرا .
هو فعلا مفيش مدينة الشروق او مدينة التجمع الخامس في الاعلان دا حسب بيان وزارة الاسكان لكن فيه في باقي المدن الجديدة اللي تبع القاهرة والجيزة
شقق الاسكان الاجتماعي في محافظة القاهرة هتكون في مدينة 15 مايو، حلوان، ومدينة بدر.
اما شقق الاسكان الاجتماعي الجديدة 2016 في محافظة الجيزة، بمناطق: مدينة 6 أكتوبر، حي الوراق، منشية البكاري، مركز كرداسة، مركز الواحات البحرية، مركز أبوالنمرس، مركز الصف، والباويطي.
انا لا اعمل ولكن عندي شهادة بلاتينية بالبنك بتعمل 1500 شهري هل يجوز تقديمها كمصدر للدخل ولو مينفعش ايه البديل
لازم وظيفة وتامينات حسب شروط الاسكان الاجتماعي
لو مبلغ الشهادة كبير ممكن تاخد بضمانه قرض من البنك اللي اصدر الشهادة
أنا كنت شغال برة ولسة راجع ولا اعمل حاليا ازاي اقدم شهادة بالدخل او الراتب وازاي اعمل شهادة التأمينات الاجتماعية مع العلم أني مطلق وعندي طفل 5سنين ولحضرتك جزيل الشكر
لازم وجود وظيفة للتقديم في الاسكان الاجتماعي ، اي وظيفة وممكن بعد كدا تعمل تامين شخصي في التامينات مش لازم من جهه العمل لو مش بيعملو
هوه شرط ميكنش اخد من المحافظه قبل كده شقه ولا ده مشروع استثماري
اه شرط انه ميكونش اخد شقة او عنده شقة تمليك باسمه او اسم الزوجة
وهو مشروع اسكان اجتماعي لمحدودي الدخل ، فيه مشروع تاني استثماري باسعار واقساط اعلي اسمه بيت الوطن للاسكان المتوسط
رجاء تحديد الشروط بالتفصيل للمغترب
نفس الشروط اللي وضحناها في الموضوع
الفرق بالنسبة للعاملين خارج مصر او المغتربين تقديم شهادة دخل من جهة العمل بالخارج معتمدة من القنصلية المصرية بالدولة التى يعملون بها مصدقاً على توقيعاتها من الخارجية المصرية.
هو حضرتك ما هو الحد الأقصي للمغترب وما هيا التأمينات بالنسبه له
نفس الحد الاقصي اللي هوي 2500 جنيه للاعزب و 3500 جنيه للاسرة
وشهادة التامينات مطلوبة من الجميع
انا عندي ٤ اولاد وفي بيت امي وزوجي بالسعوديه لكن مرتبه ضعيف ممكن اقدم بتامين ليا ومفردات مرتبي احنا من محدودي الدخل
طلما اسرة لازم هيتم ذكر بيانات الزوج والزوجة حتي لو التقديم باسمك
السلام عليكم ……………….
ممكن سؤال تانى ………………….
الشروق والتجمع الخامس مش نازلين فى وحدات القاهره ليه وهل هينزلو فى المراحل اللى جايه ……. اﻻعلان مش موضح حاجه ارجو من حضرتك التوضيح وشكرا لذوقك
وعليكم السلام ورحمه الله وبركاته
فيه وحدات في القاهرة والجيزة بس ضمن ال 400 الف وحدة اللي هيتسلمو السنة اللي جايه 2017 ، معلش تنسيق الموضوع في الضياع شوية
شقق الاسكان الاجتماعي ال 400 الف وحدة محافظة القاهرة، بمناطق: مدينة 15 مايو، حلوان، ومدينة بدر.
شقق الاسكان الاجتماعي الجديدة 2016 في محافظة الجيزة، بمناطق: مدينة 6 أكتوبر، حي الوراق، منشية البكاري، مركز كرداسة، مركز الواحات البحرية، مركز أبوالنمرس، مركز الصف، والباويطي.
مفيش سبب محدد ليه الشروق والتجمع الخامس منزلوش الاعلان دا علي الرغم من ان الوزارة سبق وقالت هيبقي فيه وحدات هناك ، عموما الوزير قال انهم مش هيوقفوا لحد كدا وهيبقي فيه وحدات جديدة تاني بس محددش ميعاد
ينفع واحد اعزب دفع تمن الوحده بالكامل في بدايه التقديم
لا النظام في الاسكان الاجتماعي هو دفع المقدم و التقسيط علي 20 سنة زي ما وضحنا في الموضوع
انا محامى تحت التدريب من القاهره ما هي الاوراق المطلوبه ومتي التقديم ومتى الاستلام
الاوراق زي ما وضحنا في الموضوع الفرق بالنسبة لك او القطاع الخاص عامة بتجيب مفردات المرتب من جهة العمل موضح بها تاريخ بداية العمل والمرتب وتكون مختومة
موعد شراء كراسة شروط الاسكان الاجتماعي 22 ابريل ، موعد بداية التقديم بداية من شهر مايو 2016
الاستلام حسب مكان الشقة لو ضمن ال 100 الف الاستلام هيتم مباشرة بعد الاستعلام وترتيب المتقدمين السنادي 2016
اما لو ضمن ال 400 الف وحدة ، الاستلام السنة اللي جيه علشان لسه هيتم بنائها خلال عام من الان
انا معيش شهادة تامين اجتماعى اعمل اية وهل يرفضو الطلب عشان حاجة زى كدة ؟؟؟؟؟؟؟؟؟؟؟؟
اه لازم التامينات من الاوراق المطلوبة ، ممكن تعمل تامين شخصي في مكتب التامينات التابع له
انا طالب لا اعمل هل يجوز لي التقدم
لازم وظيفة ، لان الوظيفة او المرتب يعتبر هو الضمان لسداد الاقساط
انا مدرسه ومطلقه ومعى طفله وبسافر بعيد يوميا بقالى 8 سنين وإعلان نازل بمكان شغلى
ينفع اقدم
اه عامة التقديم في الاسكان الاجتماعي حسب محافظة السكن او محافظة العمل
لازم يكون متزوج هو لو متزوج اكيد عنده شقه اللى بيكون نفسه هو اللى محتاج
التقديم في الاسكان الاجتماعي للعازب والمتزوج ، الاولوية حسب ما حددت وزارة الاسكان للمتزوجين
هو كلامك صح مفروض الاولوية للعزاب اللي داخلين علي جواز بس في نفس الوقت فيه ناس كتير متزوجة بس ساكنين في ظروف صعبة او مع اهلهم ، عموما زي ما قال وزير الاسكان النهاردا كل اللي هينطبق عليهم الشروط هيحصلوا علي شقق
ممكن توضح اماكن الوحدات بالقاهره علشان اﻻعﻻن اللى فات بتاع شهر مارس كان مكتوب فيه الشروق و15 مايو لكن اﻻعﻻن الوه دى مش كاتب اى حاجه عن القاهره………….وهل لسه فيه مراحل تانيه غير شهر ابر يل.
وهل فيه وحدات تانيه هيتم طرحها قريبا فى القاهره
حسب اعلان شهر ابريل ودا هيبقي الاعلان الرسمي الوحدات في محافظة القاهرة هتكون في مدينة 15 مايو، حلوان، ومدينة بدر.
ان شاء الله هيبقي فيه وحدات تانية بس مش قبل نهاية السنادي
هو التقديم بدا ولا لسه
شراء كراسة الشروط واستمارة التقديم يوم 22 ابريل والتقديم بداية من اول مايو 2016
حماتى عايزة تقدم ينفع
لو الشروط تنطبق عليها حسب ما وضحنا في الموضوع ممكن تقدم
وماذا عن القاهرة الجديدة
لم يتم ذكر اي وحدات بها خلال العام الحالي او العام القادم
ليه المره دي خليتوا مقدم الحجز ٩ الاف جنيه ولو عايزه الشقه في ٦ اكتوبر هي مش نازله في تقديم ١٠٠ وحده المره دي اقدم ولا مش هتيجي ومرتبي ١٣٠٠ جنيه وانتوا بتقولوا الحد الادني ١٠٠٠ جنيه ارجوا الافاده مع العلم اني مطلقه واعول ولد عنده ١٢ سنه
فيه في الاعلان شقق اسكان اجتماعي في محافظة الجيزة، بمناطق: مدينة 6 أكتوبر، حي الوراق، منشية البكاري، مركز كرداسة، مركز الواحات البحرية، مركز أبوالنمرس، مركز الصف، والباويطي.
دي هتخلص السنة اللي جايه ، بس التقديم فيها في الاعلان دا برضو
اه الحد الادني 1000 والحد الاقصي للاسرة 3500 جنيه ، يعني ممكن تقدمي عادي وحسب اخر كلام من وزير الاسكان النهارده طلما المتقدم الشروط متوافرة فيه هيحصل علي شقه
يعني انا من القاهره معني كده هقدم ف مايو الجاي واستني ل ٢٠١٧ ؟
اه ممكن تقدم عادي لان الاعلان دا شامل ل 100 الف وحدة اللي هتخلص قريب وال 400 الف وحدة الجديدة اللي هتخلص خلال سنة من الان
انا مدرسة هل يجوز التقديم باسمي وزوجي حرفي وماهي الأوراق المطلوبة من زوجي في حال التقديم باسمي
اه ممكن التقديم لكن لازم تقديم مفردات المرتب للزوج والزوجة لو كانت بتعمل
الاوراق المطلوبة صور البطاقة وقسيمة الزواج وشهادات ميلاد الاولاد لو فيه ومفردات مرتب الزوج والزوجة وشهادة التامينات الاجتماعية