تفتح وزارة الاسكان باب التقديم في مشروع شقق الاسكان الاجتماعي شهر فبراير 2016 وحتي مارس الاعلان الرابع ضمن مشروع الاسكان الاجتماعي في 18 محافظة جديدة لحوالي 20 الف وحدة سكنية واليكم تفاصيل اعلان وزارة الاسكان الجديد واهم الشروط وطريقة التقديم ….
تحديث شهر ابريل هام اقرا هنـــــــا عن :-
تم تحديد موعد حجز شقق الاسكان الاجتماعي في شهر ابريل 2016 واماكن شقق الاسكان الاجتماعي في جميع المحافظات
مواصفات شقق الاسكان الاجتماعي المليون وحدة
واعلنت وزارة الاسكان والمرافق والمجتمعات العمرانية، عن توافر 20 الف وحدة سكنية جديدة في 18 محافظة ضمن مشروع المليون وحدة سكنية مشروع الاسكان الاجتماعي ، حيث سيتم الاعلان عن شقق الاسكان الاجتماعي 2016 وفتح باب التقديم والحجز فيها بداية من فبراير وحتى مارس 2016 ، وأضاف وزارة الاسكان ان مواصفات شقق الاسكان الاجتماعي المليون وحدة اعلان شهر فبراير – مارس 2016 عبارة عن 90 مترا ( 3 غرف وصالة ) كاملة التشطيب، بنظام التمليك ، يتم دفع مقدم 9000 جنيه ثم تسديد باقي ثمن الشقة حوالي 154 الف جنيه علي اقساط سنوية مدعومة من بنك التعمير والاسكان.
اماكن شقق الاسكان الاجتماعي اعلان فبراير 2016
اما بالنسبة لاماكن شقق الاسكان الاجتماعي ومحافظات الاسكان الاجتماعي اعلان شهر فبراير 2016 اوضح المهندس صلاح حسن، المدير التنفيذى لبرنامج الإسكان الاجتماعي، إلى أن المحافظات المطروحة وفروع بنك التعمير والإسكان، هى كالتالي حيث :-
اعلنت وزارة الاسكان بالتعاون مع بنك التعمير والاسكان وصندوق التمويل العقاري اعلان الاسكان الاجتماعي 2016 شهر فبراير ومارس 2016 حيث سيتم طرح حجز 25 ألف وحدة سكنية فى 55 مركزا ومدينة بـ17 محافظة ،3 غرف وصالة، وألف وحدة غرفتان وصالة، وكلها تشطيب كامل، ومتوافر بها المرافق والخدمات ، وعن اماكن شقق الاسكان الاجتماعي ومحافظات الاسكان الاجتماعي 2016 فهي كالتالي :-
شقق الاسكان الاجتماعي 2016 في محافظة القاهرة (مدينة الشروق و15 مايو) ، محافظة الاسكندرية وحدات الاسكان الاجتماعي ستكون في (مدينة برج العرب) ، محافظة الفيوم (طاميه وهوارة المقطع ومدينة الفيوم) .
في محافظة محافظة الشرقية ( فاقوس) ، في محافظة الغربية (كفر الزيات وزفتي والمطور) ، في محافظة الوادي الجديد (باريس وبلاط والفرافرة) ، الاسكان الاجتماعي 2016 في محافظة البحر الأحمر (القصير ، رأس غارب وسفاجا) ، جنوب سيناء (أبوراديس وأبوزينمه وطور سيناء ورأس سدر) ، شمال سيناء (العريش ، نخل والحسنه) .
شقق الاسكان الاجتماعي المتوافر في محافظة أسيوط ستكون في مراكز ومدن (ديروط ، أبنوب ، ساحل سليم ، بداري، أبو تيجن ـ أسيوط، الفتح ، أسيوط الجديدة) ، محافظة سوهاج (طهطا والمنشأة والعسيرات وجهينة والكوثر ومدينة سوهاج الجديدة).
محافظة دمياط (عزبة البرج ، شطا ، الركابية ، كفر سعيد أرض الخيال ومؤسسة اللحوم، قرية العمارة) ، محافظة الدقهلية (بني عبيد ، ميت غمر) محافظة المنيا ( المنيا الجديدة) ، محافظة بني سويف (مدينة بني سويف الجديدة ) ، محافظة البحيرة (الدلنجات والنوبارية الجديدة).
اهم شروط شقق الاسكان الاجتماعي 2016 اعلان شهر فبراير
اما شروط التقديم في شقق الاسكان الاجتماعي 2016 فهي ان لا يقل سن المتقدم عن 21 سنة ولا يزيد عن 50 سنة في بداية مدة الحجز.
– يحظر على المتقدم شراء الوحدات نقدا ويلتزم بالسداد بنظام التمويل العقارى.
– يجب الا يقل مجموع دخل او مرتب المتقدم في الاسكان الاجتماعي عن 1000 جنيه ولا يزيد عن 3500 جنيه ويمكن حساب مجموع دخل الاسرة معا.
– مع ملاحظة انه بالنسبة للاعزب يكون الحد الادني للمرتب 1000 ولا يزيد عن 2500 جنيه
– أن يكون المتقدم من محدودي الدخل وألا يزيد دخله السنوي طبقا لقانون التمويل العقاري رقم 148 لسنة 2001 وتعديلاته ولائحته التنفيذية.
– أن يكون المتقدم للحجز من أبناء المحافظة والمرتبط بها عملا وإقامة أو من المقيمين أو من العاملين بها أو إحدى المدن الجديدة التابعة لها.
– ويقر المتقدم بصحة البيانات والمستندات المقدمة منه عند الحجز، وفى حال المخالفة يكون مسئولا جنائيا ومدنيا، ويعاقب طبقا لأحكام قانون الإسكان الاجتماعي.
– ويحق للجهة المالكة للوحدات إلغاء التخصيص واسترداد الوحدة دون إنذار أو حكم قضائي، واتخاذ كافة الإجراءات القانونية لحفظ حقها مع تطبيق قانون التمويل العقاري وتعديلاته.
– لا يحق للمتقدم أو الأسرة ( الزوج / الزوجة / الولاد القصر) التقدم لحجز أكثر من وحدة سكنية فى المدن الجديدة والمحافظات، وعدم إمتلاك ( الزوج / الزوجة / الولاد القصر) أى وحدة سكنية، وألا يكونوا قد سبق لهم الحصول على وحدة سكنية أو قرض تعاونى أو قطعة أرض سواء كانت فى حوزته أو تنازل عنها للغير أو بالشراكة مع آخرين أو آلت للمتقدم أو الأسرة بالتنازل من الغير.
الاوراق المطلوبة للتقديم في شقق الاسكان الاجتماعي 2016
وعن المستندات المطلوبة للتقديم في الاعلان الرابع وحدات الاسكان الاجتماعي اعلان شهر فبراير فهي تقديم صورة من بطاقة الرقم القومي، للمتقدم وزوجه ”سارية”.
– وشهادة التأمينات الاجتماعية، مع تقديم شهادة معتمدة من جهة العمل تتضمن جميع البيانات الأساسية واجمالى الدخل الشهري أو أي مستندات أخرى يراها العميل توضح دخله وتعزز أو تضيف للدخل .
– وبالنسبة لأصحاب المهن الحرة ، فيتم تقديم شهادة من محاسب قانونى تبين صافى الدخل الشهرى أو السنوي.
– وصورة من السجل التجارى والبطاقة الضريبية، لأصحاب المشروعات الصغيرة (محل – ورشة …..).
– وتقديم صور الشهادات الرسمية المثبتة للحالة الاجتماعية، وعدد أفراد الأسرة ( صورة من وثيقة الزواج أو الطلاق أو الوفاة وشهادات ميلاد الابناء (رقم قومي مميكنة).
– وإيصال مرافق حديث لمحل السكن الحالي.
طريقة التقديم في شقق الاسكان الاجتماعي الاعلان الرابع شهر فبراير – مارس 2016
اما عن طريقة التقديم في وحدات الاسكان الاجتماعي 2016 يتم من خلال سداد مقدم الحجز بمبلغ 9000 جنيه ( يرد فى حالة عدم التخصيص ) ، بجانب 100 جنيه (مصاريف استعلام لا ترد) ويتم سداده في أى مكتب بريد مميكن بكافة محافظات الجمهورية.
شاهد من هنـــا اعلان الاسكان الاجتماعي 2016 استمارة التقديم في مشروع الاسكان الاجتماعي الاعلان الثامن شهر فبراير – مارس 2016
ثم ملء نموذج التقديم في شقق الاسكان الاجتماعي الذي سينشر في الجرائد الرسمية وعلي موقع وزارة الاسكان الرسمي ، بخط واضح ويرسل مع المستندات المطلوبة وصورة ايصال السداد الخاص بمقدم حجز الشقة ال 9000 الف جنيه + 100 جنيه ، داخل مظروف مغلق يكتب عليه المحافظة والمدينة أو المركز المراد الحجز بها، وذلك بخطاب مسجل بعلم الوصول إلى فرع بنك التعمير والإسكان، بالمحافظة المراد الحجز بها والموضح بعاليه ، وسيتم إخطار المستحقين لاستكمال سداد 15% من ثمن الوحدة ، و حال عدم قيام المستحقين بالسداد فى خلال شهر من تاريخ الاخطار يتم إلغاء الحجز .
ويتم التخصيص طبقا لعدد الوحدات المتاحة، وسيتم مراعاة تخصيص 5% من الوحدات لذوى الإعاقة والإحيتاجات الخاصة بشرط انطباق الشروط عليهم، وتقديم المستند الدال على درجة الإعاقة.
تفاصيل دفع اقساط شقق الاسكان الاجتماعي 2016 اعلان شهر فبراير -مارس
وحسبما اوضحت وزارة الاسكان فان القسط الشهري يبدأ من 350 جنيها (كحد أدنى ) بزيادة سنوية 7% كحد أقصى لمدة 15 عاما، يتم حسابه طبقا لتكلفة الوحدة ودخل المواطن.
علي ان يقدم صندوق التمويل العقاري دعما نقديا يتراوح بين 5 إلى 25 ألف جنيه طبقا للدخل، ويقدم البنك المركزي من خلال البنوك المشاركة تمويلا للوحدة بأسعار عائد مخفضة (تحسب على أساس متناقص) وتبلغ 7% ولا يتم تغيرها طوال فترة التمويل.
موعد باقي اعلانات شقق الاسكان الاجتماعي سنة 2016
اما عن باقي اعلانات شقق الاسكان الاجتماعي في 2016 فسوف يتم الاعلان مستقبلا عن باقي الشقق التي يتم الانتهاء منها في باقي محافظات مصر حسبما صرح الدكتور مصطفى مدبولي، وزارة الإسكان والمرافق والمجتمعات العمرانية، قائلا إن الإعلان عن حجز وحدات الإعلان الرابع، تأتي ضمن طرح وحدات المشروع الجاهزة، في إعلانات شهرية تباعا، مؤكدا أن الوزارة تطرح الوحدات الجاهزة فقط، سواء إنشائيا أو خدميا، لتكون جاهزة للسكن فورا ، بحيث يتم الاسراع في اجراءات تخصيص شقق الاسكان الاجتماعي في سنة 2016.
للاستعلام والتواصل مع بنك التعمير والاسكان يمكنك من هنا معرفة ارقام تليفون فروح بنك التعمير والاسكان
موقع خمس خطوات يقدم معلومات بسيطة فى شرح سهل من خمسة خطوات للأحداث الجارية وكافة مناحي الحياة المتنوعة لإثراء محتوي اللغة العربية على الإنترنت وتقدم العديد من مقالات الصحة والحياة وشغل المنزل والوصفات الطبيعية.
فى تقديمات شقق تانى
اه ان شاء الله في شهر ديسمبر
نعمة ناشد وطلبي شقة لابني والشروط الاسكان الاجتماعي منطبقة علية ماعدا الحد الاقصي حيث ان مرتبةاكثر من 2500فأرجوكم مراعاة ذلك وخصوصا تعتبر مشكلة عدد كبير جدا مم الشباب
ان شاء الله المرحلة القادم هيتم تخصيص شقق للناس اللي مرتبها اعلي من الحد الاقصي وحتي 5000 جنيه
وياترى اقدم الورق دة فين لانه في واحدة صاحبتي نفس المشكلة ومش عارفة تقدم الورق الناقص فين
الورق بيتم تقديمه في البريد ودفع المقدم في البريد
اما لو فيه ورق ناقص لم يتم ارساله بيتم التواصل مع بنك التعمير والاسكان او صندوق التمويل العقاري لاستكمال الورق
المقدم هيكون كام بعد استلام الشقق كام ألف يعنى
المقدم بيبدأ من 23 الف بس بيزيد حسب مرتب وسن المتقدم
انا عايز اسال بس لو سمحتم في تقديم تاني ولا لا كده خلاص يعني ولا ايه يعني في تقديم ف شهر 6 او 7 او8
التقديم في الاعلان الحالي حتي 15 يونيو 2016
بالنسبة للاعلانات اللي جايه اما اخر السنة دي او ان شاء الله السنة اللي جايه
لو سمحت احنا لسه مقدمين فى الاعلان الثامن بس احنا هنبدا دفع الاقساط من ٩/١ من غير ما نعرف احنا موقفنا ايه سواء بالرفض او القبول وبعدين نلف علشان نسترد اللى دفعناه ولا كل واحد هيعرف النتيجة قبل ميعاد سداد الاقساط
ان شاء الله قبلها هيكون تم اعلان تخصيص الشقق قبل بداية دفع اقساط مقدم الشقة ، لانه اكيد هيبقي فيه ناس مقدمه مش منطبق عليها الشروط مش هيخلوهم يدفعوا وخلاص
طب ممكن اعرف هو الاستعلام ده امتي وبيستعلمو عن ايه وايه اسباب الرفض اللي ممكن الرفض بسببها ولو قرض بضمان وديعه يتم الرفض وصحيح لقيت ف الكراسه اقرار بان مفيش حساب توفير ولا ودائع طب واللي معاه وديعه يعمل ايه والوديعه دي اصلا هتتفك لدفع المقدمه اذا حصل نصيب افيدوني الله يبارك فيكم
بيتم الاستعلام من جهة العمل عن المرتب وباقي البيانات المتقدم ثم الاستعلام عن مكان السكن ، حسب كراسة الشروط لازم ذكر اي بيانات متعلقة بالحسابات البنكية ، بجانب ان لو فيه اي قرض البنك هيطلب تسديد القرض اولا ثم استكمال باقي اجراءات تخصيص الشقة
هل تم مد الحجز الى 15 يونيو
اه وزارة الاسكان قررت التمديد لحد 15-6
السلام عليكم لو سمحت انا اختي قدمت ممكن نعرف النتيجه قبلت ولا لا
وعليكم السلام ورحمه الله وبركاته
لو لسه مقدمين في الاعلان الحالي ، النتيجة مش هتبان الا بعد 4 شهور او اكتر حسب كل محافظة
هو انا لو عايزه اعرف تفاصيل الشروط اكتر ينفع اروح فرع برج البنيان اسال..انا من القاهره وعايزه اقدم لاخويا بس هو بيشتغل في السعوديه فهل ينفع
ممكن اه في بنك التعمير والاسكان و فيه ارقام للاستعلام من صندوق التمويل العقاري هو المسئول عن الاسكان الاجتماعي
ممكن المغترب خارج مصر يقدم بس لازم الشروط تكون متوافرة ، ولو هتقدمي باسمه لازم يكون فيه توكيل
يارب
ياجماعه انا مواليد القاهره واعمل فى الغربيه ومحل الاقامه فى البطاقه الغربيه ينفع اقدم على القاهره
ممكن اه طلما من ابناء المحافظة ومثبت في شهادة الميلاد والبطاقة
جزاكم الله كل خير 5khtawat على مجهوداتكم
الله يكرمك ويوفقك ويوفق الجميع يارب
السلام عليكم اخى العزيز او اختى العزيزة انا ليا رجاء من حضرتك لو حضرتك مسؤل او لك اى علاقة بمسؤل المفروض تكون الاولوية للكبر سنا علشان الاصغر سنا هيكون له قدامو مستقبل يقدم تانى وتالت انما الاكبر سنا ده هو والى زيو لما خلاص بالنسبة ليهم مش هينفع يقدمو دول هيبسببو عبىء دى حاجة وسيبك من الى بيقولوه ده انو خلاص الاكبر سنا استقر ماديا وكل شىء طيب لما هو استقر ماديا وكل شىء ليه بيحتاج الشقة يسكن فيها وهون ساكن بالايجار من 17سنة لغاية دلوقتى من البيت ده للبيت ده .دى نقطة النقطة التانية ياريت بنك الاسكان الى هو تابع لوزارة الاسكان ولازم ننوه على النقطة دى ينظر بعين الرحمة للى محتاجين الشقة مش بعين هو هيسدد منين اى نعم هو لازم يضمن حقو بس لو ملاقاش من المحتاجين الشقة انهم قادرين يسددو يسحب منهم الشقة وبس ولازم ناخد الناس بالاولوية مش بالاصغر سننا هو ده كلام يا ناس ارجوك انا مقدم من اكتر من عشر سنين ومحصلتش على اى شقة وبقى عندى اربيعن سنة رجاءا رجاءا توصل صوتى لاى حد مسؤل جزاك الله خير ولو تعرف اى حد مسؤال ياريت ارجوك توصلنى بيه ولو انت عارف تحللى اى موضوع من انا الى انا قلتهم دول يبقى كتر خير ربنا يبارك فيكم يارب واتمنى انك تردعليا الى زينا يعمل ايه وشكرا
وعليكم السلام ورحمه الله وبركاته
شكرا لمشاركتك معانا احنا هنا شباب في موقع خمس خطوات مش جهة رسمية او نعرف مسئولين ، لكن هننشر تعليقك ونحاول نوصله ياريت فعلا يغيرو ترتيب الاولوية لان دا المنطقي والعقل بيقول كدا مش عارف ليه هم مطبقين العكس ومديين الاولوية للاصغر سنا ، عموما ان شاء الله خير وحسب التصريحات الاخيرة ان كل اللي الشروط تنطبق عليه هيحصل علي شقة
جزاك الله كل خير انا عمري 53 سنه ولي 8 سنوات وانا بقدم وللاسف لم احصل علي اي وحده يعني هنفضل الي اخر العمر نتنقل من شقه الي شقه بالايجار نتمنى ان احد المسؤلين ينظرو للامر بجديه ويرحمو كبار السن وشكرا للسيسي علي هذه الانجازات العظيمه وتحيا مصر ام الدنيا
لو سمحت انا انسه وموظفه ينفع اقدم ليها علي العلم انني مخطوبه وحستخدمها للسكن
ممكن التقديم باسمك عادي طلما الشروط متوافرة
هواتلغي موضوع التامينات
اه بالنسبة لاصحاب المهن الحرة والحرف والمحلات ، لسه ازير الاسكان مصرح بكدا النهاردا الخميس هنـــــا
من فضلك انا اعزب وعايز اقدم بس انا من محافظه المنيا مكان العمل اكتوبر عايز اعرف الاوراق المطلوبه بالظبط وعايز اقدم علي شقه في اكتوبر
شهادة مفردات الدخل يكون موضح فيها عنوان الشركة في اكتوبر ، او اي شهادة او ورقة اخري تثبت مقر العمل في اكتوبر
هو انا ممكن اقدم الاوراق المطلوبة في الوقت الحالي وبنسبة الفلوس هيدفعو مع الاستمارة
اه قدامك لحد 31 مايو ، الاول بتدفع الفلوس ال 9000 جنيه ثم ترفق الوصل و الاستمارة والاقرار مع الاوراق و وصل شراء الكراسة في مظروف وتبعته من خلال البريد
طيب انا زوجتى مش بتعمل وانا الى بعمل وانا جبت شهادة من المحاسب اما بالنسبة للتامينات هجيب ليها شهادة الزاى وهى مش بتعمل ويا ترى الاقرار الى هنمضى عليه ده هو الجواب الى انا بقلك عليه من التعاونيات والله الدولة المفروض تعمل برنامج على اى قناة يفهمو فيها الناس كويس او على الاقل اعلان فى اى احد القنوات المحلية
لو ربه منزل مش مطلوب منها التامينات كل المطلوب صورة البطاقة سارية
مفيش جوابات مطلوبة ، اللي بيتقدم استمارة التقديم مع الاقرار وباقي الاوراق ، بتمضي علي الاقرار انت والزوجة هم كذا نقطة لو فيه حاجة مش واضحة ممكن تتصل بصندوق التمويل العقاري ، او اكتبلنا هنا في خمس خطوات بنحاول نساعد علي قد ما نقدر وربنا يوفق الجميع
السؤال هل يلزم توقيع الزوجة فى الاقرار الموجود بكراسة الشروط اذا كان الزوج هو المتقدم بالطلب وماذا يتم اذا ارسلت الكراسة والمستندات من اسبوع دون توقيع الزوجة سهوا علما جميع الشروط مستوفاه برجاء سرعة الرد للاهمية والتكرم بالافادة بما يتبع وشكرا
لازم الزوجين يمضوا علي الاقرار وفيه مكان للامضاء في نهاية الاقرار ، لو فيه ورق ناقص او غيره بنك التعمير والاسكان هتواصل معاك لاستكمال الورق او ممكن تتوجه لفرع البنك في المحافظة
طب لوسمحت عايزه اعرف المطلقات ليهم حق بس للعلم انا معنديش ولاد وكمان مش متأمن عليا ينفع اجيب شهاده بالدخل من محاسب واقدم
اه المطلقات لهم اولوية في الاسكان الاجتماعي ، لو مهن حرة بتجيبي شهادة دخل من محاسب قانوني مع باقي الاوراق
السؤال بالنسبة لجواب بيجى من حتة اسمها التعاونيات ده بيقولو فيه اننا محصلتش على شقة قبل كده يا ترى الجواب ده لاز م ولا لا مع ان فيه فى الكراسة اقرار يبقى لزمة الجواب ايه منا مش عايز يكون فيه اى ورقة نقصانى والله انا تعتبت
حسب كراسة الشروط مفيش جوابات مطلوبة من التعاونيات
لو سمحت انا شغال في السعودية ممكن اقدم على شقق الاسكان واي الاجراء ابمطلوب مني بالتحديد. بالنسبة للراتب
بالنسبة للعاملين خارج جمهورية مصر العربية ممكن تقدم عادي بدل مفردات المرتب بتجيب شهادة دخل من جهة العمل بالخارج معتمدة من القنصلية المصرية بالدولة التى يعملون بها مصدقاً على توقيعاتها من الخارجية المصرية.
هتلاقي خطوات التقديم في الاسكان الاجتماعي والاوراق المطلوبة بالتفصيل هنــــا
من فضلك انا متجوزه وساكنه ف شقه ايجار
ومن ضمن الأوراق عايزين إيصال مرافق أقدمه وهو مش باسم زوجي عادي ولا ايه وكمان شهاده التأمينات الاجتماعيه
انا مش موظفه ومش بشتغل زوجي هو اللي موظف
انا مطلوب مني شهاده التأمينات دي
وشكرا لحضرتك
اه اي ايصال مرافق لمكان السكن الحالي حتي لو مش باسم الزوج
لو ربة منزل مش مطلوب تامينات منك اللي مطلوب منك صورة البطاقة وتكون سارية فقط
لو سمحت حضرتك انا ليا كم سؤال اتمنى من حضرتك انك تتحملنى وتجاوبنى عليهم جزاك الله خير وترد عليا باقصى سرعة نظرا لضيق الوقت انا من محافظة الدقهلية مدينة المطرية وكنت مقدم فى اسكان المحافظة من زمان حوالى عشر سنين وجت القرعة السنة الى فاتت وكان قرعة على باقى الشقق السنة دى ومحصلش انى اخدت ولا كان ليا نصيب وطبعا مش هفضل استنى عشر سنين كمان ومازال الاوراق بتاعتى موجودة فى مجلش المدينةوايضا الخمس الاف جنيه وبردو سحبت كراسة الشروط علشان اقدم وانا والحمد لله والله من المستحقين وطبع مش انا الى اقول دلوقتى انشاد مين علشان يكون لينا الاحقية والاولوية فى الاسكان ده مع العلم انى هسدد بردو المقدم وهعمل الى عليا بس لو المشروع ده مطلعش ليا شقة فيه يبقى باقى العمر مش هيكون ليا علشان مفيش اماكن تانية اتمنى من حضرتك تفيدنى وده اول سؤال
انا مش لاقي السؤال فين ؟؟ بس علي حسب ما فهمت قصدك ممكن تقدم عادي طلما محصلتش علي شقة من الاسكان قبل كدا ، و لو الشروط متوافرة هتحصل ان شاء الله علي شقة في الاسكان الاجتماعي وحسب الاولوية لو مكنش في الاعلان الحالي بقي الاعلان القادم
من فضلك تقدم ابني للحصول علي وحدة العام الماضيولكان مستوفي الشروط ولكن لم يصبه الدور وذعبنا واستكمل المبلغ ووزعوه علي بدر كي يتم تعديل رغبة وعندما سالنا في مكان التمويل بجهاز مايو ردت الموظفة المسؤلة بانه لن يحصل علي وحدة لانه ليس موظف وبالتالي قمنا بسحب المبلغ وعلمنا بعد ذلك انه يحق له ان ياخذ وحدة ماذا نفعل هل يحق له التقدم مرة اخري
سواء موظف او او بيشتغل قطاع خاص او مهن حرة طلما الشروط متوافرة ممكن يحصل علي شقة ، هو الظاهر الموظفة دي كانت بتفتي او بتطفش الناس
طلما هو محصلش علي وحدة والشروط لسه متوافرة ممكن يقدم تاني عادي وربنا يوفقه
من فضلك اود التقدم لحجز وحدة انا موظفة وعايزة اعرف ايه المطلوب علما بان زوجي سائق وله تامينلت ماهي الاوراق المطلوبه لسيادتكم جزيل الشكر
هتلاقي خطوات التقديم في الاسكان الاجتماعي من اول شراء الكراسة لحد التقديم والاوراق المطلوبة بالتفصيل هنــــا
هل ممكن اتنازل بالشقة لاحد
مش هينفع الا بعد مرور 7 سنين من استلام الشقة والانتظام في دفع اقساطها
اخر معاد للتقديم
وممكن اقدم شهادة ميلاد لزوجتى بدلا الرقم القومى
اخر ميعاد لشراء كراسة الشروط الاثنين 23 مايو و اخر ميعاد للتقديم 31 مايو ، لازم صورة الرقم القومي وتكون سارية
انا بنت عندي 22 سنه ينفع اقدم ولا التقديم للشباب فقط ومش متمان عليا كمان ..شكرا
ممكن التقديم للبنات طلما الشروط متوافرة ، وممكن عمل تامين بنفسك في مكتب التامينات
معي اخت مطلقة ومعاشها 350 جنيه هل لها الحق في ذلك
لازم مصدر الدخل الشهري يكون 1000 جنيه او اكتر لان دا الحد الادني للتقديم
زوجى يمتلك شقة نعيش فيها فهل يمكن ان اتقدم للحصول على شقة من الاسكان اللاجتماعى باسمى غلما بأننى موظفة
من الشروط للتقديم في الاسكان الاجتماعي عدم امتلاك احد الزوجين لشقة
انا شاب اعزب وابلغ من العمر 30 سنه دخلي معاش عن ابي مدي الحياه وذلك لظروف مرضي ~ سؤال اخر امي تعيش معي ومحتاج الشقه هل لي الحق في التقديم علي السكن ام لا
ممكن تقدم بالمعاش طلما هو اكتر من او يساوي 1000 جنيه وبتجيب ورقة من التامينات بقيمة المعاش مع باقي الاوراق
لوسمحت انا مطلق ومطلوب في البيانات معلومات عن الزوجه في الحاله دي اكتب ايه يعني مطلوب اسم الزوجه ودخلها وبيانتها ومعلش سؤال كمان انا معايا بنتين بس هما في حضانة امهم اققدم بردو شهادات ميلادهم واكتب اسميهم في خانة الابناء والشهادات كلها كمبيوتر اققدم اصل ولا صور وشكرا
لو مطلق مش بتسجل بيانات الزوجة وعامة هتقدم صورة اثبات الحالة الاجتماعية اللي هي الطلاق ضمن الاوراق ، المطلوب صور الشهادات
هو ينفع ايصال نور او تليفون بيت؟؟
اه اي ايصال مرافق
حضرتك . شهاده المجالس الطبيه ممكن تعدى شهر على استخراج الشهاده
طب انا عندى شهاده بتاريخ قديم ممكن تنفع
ممكن تقدم الشهادة القديمة ، في كراسة الشروط مذكورش انها تكون حديثة
انا عندى اعاقه جبت شهاده من مستشفى شلل الاطفال فى امبابه مكتوب فيها شلل مزمن فى الساق اليمنى بس مش مكتوب فيها نسبه الاعاقه الورقه دى تنفع
لازم الشهادة تكون من المجالس الطبية المتخصصة وموضح بها نسبة العجز او الاعاقة
انا قدمت في شقق اللي تحت التشطيب اللي هتتسلم بعد ست شهور لو ما اختش شقه ممكن اخلي فلوس اامقدم من غير ما اسحبها واستلم في المرحله االي بعد سنه وﻻ ﻻزم اسحب المقدم
اه طلما الشروط متوافرة لو محصلتش علي الشقة في المرحلة دي بيكون لك اولوية في المرحلة القادمة
انا مطلقه واقيم مع والدي هل من الضروري تقديم عقد ايجار ام استطيع الاكتفاء بايصالات النور علي سكن الوالد
المطلوب هو اي ايصال مرافق حديث لمكان السكن الحالي
عقد الايجار مش مطلوب ضمن الاوراق اللي هتتقدم بس يكون موجود في حالة سؤال الموظف عند الاستعلام الميداني
انا وزوجتى نعمل فى قطاع خاص وسيتم التقديم باسم الزوجه هل من ضمن الاوراق اثبات دخلى ولا دخلها هى فقط؟
طلما متزوجين لازم تقديم بيانات الزوجين واثباتات الدخل لهم
انا عمرى 46 سنة ينفع اقدم فى مشروع الاسكان لانه فى مواقع مكتوب فيها المتقدم لازم يكون سنه لحد 45 سنة
ممكن تقدم ، السن من 21 سنة ل 50 سنة
45 سنة دا كان في الاعلانات القديمة
هل لو الاساسى 800+300 جنية ينفع
اه طلما المرتب الشامل كله اكتر من او يساوي 1000 جنيه
بالنسبة لبطاقة الرقم القومي لازم تكون (سارية) يعني شرط رئيسي ، لان بطاقتي انتهت من سنه اما بطاقة الزوجة سارية ومكتوب فيها اسم الزوج والحجز هيكون باسمها
لازم البطاقة تكون سارية سواء الزوج او الزوجة ، لسه في فترة لحد 31 مايو يعني ممكن تلحق تجدد البطاقة
انا من المنيا بس شغلي في القاهرة ينفع اكدم بمكان العمل موظف في الشركة في القاهرة ونفسى في شقه بس الايد بسيره ارجو الرد
اه ممكن التقديم في محافظة العمل
اعمل مدرس لغه إنجليزيه بمدرسة لغات وصافى الراتب الشهري 800 جنيها
الحد الادني للتقديم في الاسكان الاجتماعي هو 1000 جنيه ، حاول مع المدرسة تزود المرتب بحيث يوصل ل 1000 او تسجل اي مصدر دخل شهري اضافي
هل يجوز للمتقدم ان يحجز في محافظة غير التي يقيم فيها
لازم محافظة السكن او محافظة العمل
انا معايا سجل تجاري وبطاقه ضريبيه وعقد ايجار وايصال مرافق وبطاقه رقم قومي مكتوب فيها الوظيفه اللي في السجل والبطاقه الضريبه ومتامن عليا تامينات اجتماعيه لازم برضوا شهاده من المحاسب وفي حاله القبول متي يتم الاستلام تاريخ الاستلام
اه طلما مهن حرة او صاحب عمل لازم تقدم شهادة دخل من محاسب قانوني
بالنسبة للاستلام فترة فحص الاوراق والاستعلام بتاخد 4 شهور او حسب الاعداد ، بعدها بيتم اجراءات تخصيص الشقق بس ان شاء الله السنادي يعني 2016 ، مع العلم ان بالنسبة لشقق ال 400 الف شقة هيتم التخصيص السنادي لكن التسليم نفسه السنة اللي جايه 2017
متى اخر موعد للتقديم
اخر موعد لشراء كراسة الشروط 23 مايو ، واخر موعد للتقديم وحجز الشقة هو 31 مايو 2016
بالنسبة لطريقة دفع القسط الشهري اللى هو مدته 20سنه هيبقى عن طريق الخصم المباشر من الفيزامباشره ولا ايه وهل ينفع أسافر للخارج فى خلال العشرين سنة ولا دا هيبقى عقبه بالنسبة لى فى السفر للخارج انا شغاله حكومى
اه بعد تحويل المرتب بيتم خصم القسط الشهري
الشقة مش مانع للسفر في حد ذاتها لكن لازم الالتزام في سداد الاقساط لمدة 7 سنين بعد استلامها يااما هيتم سحب الشقة
انا غير مؤمن عليا وجبت ورقة من التامينات اثبتت ذالك هل لازم ان يكون الشخص مؤمن علية عند التقديم ام لا
المطلوب عمل تامينات مش مجرد الرقم التاميني ، ممكن تعمل تامين شخصي بنفسك
طب لوسمحت امى هتقدم بأسمها علي الشقه هل الاجراءات تلزم ان يتعرفوا علي مرتب بابا لان بابا سنه اكبر من السن المطلوب لتقديم علي الشقه
فاللي عايزة اعرفه هل مرتب بابا ممكن يوقف عائق في التقديم
طلما متزوجين لازم ذكر بيانات الزوج والزوجة ، الزوجة ممكن تقدم باسمها طلما الشروط متوافرة ، اما المرتب فحسب مجموع دخل الاتنين طلما اقل من او يساوي 3500 جنيه ممكن تقدموا
اللي مبيشتغل وماعنده راتب ولا تامين يعمل ايه
لو مهن حرة بتعمل شهادة مفردات دخل سنوي من محاسب قانوني ، وممكن تامن علي نفسك في مكتب التامينات مع تقديم باقي الاوراق
اين سيتم دفع 9000
في مكاتب البريد وهتلاقي رقم حساب بنك التعمير والاسكان اللي هتبعت عليه في كراسة الشروط وممكن نشوف خطوات التقديم في الاسكان الاجتماعي والاوراق المطلوبة بالتفصيل هنــــا
أين سيتم دفع الاقساط الشهرية
من خلال بنك التعمير والاسكان بيتم تحويل المرتب وخصم الاقساط الشهرية منه
غير مومن علية والدخل الشهرى 2000 هل اتقدم ام لا
ممكن تعمل تامين شخصي بنفسك في مكتب التامينات
لو سمحت عايزه اعرف انا بدفع ال 9000 دول امتى لما بقدم ولا لما بيرسي الشقه عليا و كراسه الشروط بيدفعلها كام وبالنسبه اني خرجوا قريب يقدر خطيب يستعملها بسرعه لأننا محتاجها ولا بنستنا
الاول بتشتري كراسة الشروط ب 50 جنيه من مكتب البريد هتلافي فيها استمارة التقديم واقرار بتمليهم
بداية من يوم 3 مايو هيتم فتح باب التقديم في شقق الاسكان الاجتماعي وهتلاقي هنا بالتفصيل خطوات التقديم
خطوات التقديم في الاسكان الاجتماعي والاوراق المطلوبة هنــــا
لو بطاقة الزوجة منتهية ما العمل
لازم البطاقة تكون سارية ، مفيش قدامك غير تجديدها خلال الايام اللي جايه وعموما التقديم مستمر حتي 31 مايو 2016
بالنسبة للزوجة ما هى الاوراق المطلوبة للتقدم للحجز علما بانها لا تعمل
لو الزوجة ربة منزل او لا تعمل مش مطلوب منها ولا مفردات المرتب ولا التامينات ، مطلوب منها فقط صورة بطاقة الرقم القومي تكون سارية
الي الشركه الي شغال فيها مبتديش اي مفرداد مرتب واني متامن عليي بتامين بسيط اعمل ايه
لازم مفردات المرتب باي شكل حاول معاهم علشان دي اساسية للتقديم
هل بعد دفع ٩الاف هندفع مبالغ كبيره تاني وعند الاستلام هندفع كام
اه فيه نسبة 15 % من سعر الشقة بيتم دفعها عند تخصيص الشقة
اخر ميعاد لتقديم لحجز الشقق
اخر يوم للحجز 31 مايو 2016
خلو واحد متزوج ودخلة الشهري 1100 فقط وسنه 28 سنه هيدفع كام بعد ال9000 مقدم يعني ال15%هتطلع كام
حوالي 23 الف جنيه لان دي اقل نسبة لاقل مرتب اللي هو 1000 جنيه
ما هو الحد الاقصى للمرتب عشان أقدم
الحد الاقصي لمرتب الاعزب 2500 جنيه و الحد الاقصي لدخل الاسرة 3500 جنيه
ماهوالمبلغ الكلى للدفع
يعنى ال9000+ال0/015
كم يساوى
نسبة ال 15 % حوالي 23 الف بس ممكن النسبة تزيد حسب مرتب المتقدم وسنه
هو سحب الكراسات من اي مكتب بريد ولا لازم من داخل المحافظه
لازم من داخل المحافظة او في المحافظة اللي هتقدم فيها لان الشراء بيكون بصورة البطاقة
ما هو اخر موعد للتقديم في هذه المرحله
اخر ميعاد لشراء كراسة الشروط 23 مايو اما اخر ميعاد للتقديم 31 مايو 2016
طيب بالنسبة للناس الذين يعمالون فى القطاع الخاص وﻻ عندهم تامينات وﻻ سجل وﻻ حاجة دا يعمل اه؟؟
لو في شركة قطاع خاص ومفيش تامينات ممكن تعمل تامين شخصي
اما لو انت صاحب عمل او مهن حرة مفيش قدامك غير انك تكمل الورق المطلوب
لو سمحت سحب الكراسات لحد امته
سحب كراسة الشروط مستمر لحد 23 مايو واحتمال تمتد حتي نهاية شهر مايو 2016
هى نسبة 15% نظام السداد بتاعها ازاى يعنى ينفع تتقسط
بالنسبة لل 100 الف شقة بيتم دفعها دفعة واحدة
بالنسبة لل 400 الف شقة بيتم التقسيط 4 الاف جنيه كل 3 شهور
ماشاء الله وزارة الاسكان ضامنة حقها في الشروط بس للاسف مش ضامنه حق المواطنين يعني اللي يستحق لازم يدفع ال15% خلال شهر والا يتلغي التخصيص طب اللي زي دفعت ال15% وفضلو في البنك 10 شهور ولم يتم التعاقد وفي الاخر تم تاجيل الاولوية طب ياوزارة دفعتيني الفلوس ليه لما في حد يستحق اكتر مني وعملتي ايه بفلوسي 10 شهور وسحبتها من غير ولا مليم زيادة عليها بالعكس نقصت حق فتح الحساب اللي طلبتوه مني قال ايه عشان ادفع فيه قسط الشقة بالمناسبة انا كنت مقدمة في الاعلان الثالث مدينة السلام وشكرا ياوزارة الاسكان وشكرا ياحكومة علي ضياع حقي
لو سمحت هو في تخصيص 5 % للاحتياجات الخاصه وهل يوجد شقق في القاهره
وشكرً .
اه هيتم تخصيص نسبة ال 5 % من الشقق في كل مدينة ، في محافظة القاهرة المدن اللي نازله هي مدينة بدر ، ومدينة 15 مايو وحلوان
انا مدرسة وأريد التقديم باسمي وأوراقي جميعها مستوفاة فما الأوراق المطلوبة من زوجي
نفس الاوراق مطلوبة من الزوج مفردات المرتب وشهادت التامينات وهتلاقي هنا شرح خطوات التقديم في الاسكان الاجتماعي والاوراق المطلوبة بالتفصيل هنــــا
طب محافظه المنوفيه هتنزل امتى ولا نزلت قبل كدا من فضلكوا حد يجاوبنى
هتلاقي هنــــــا اخر تحديث لاماكن شقق الاسكان الاجتماعي شهر ابريل 2016
السلام عليكم
انا من الإسكندرية و اعمل فى الغردقة
ممكن احصول على وحدة سكنية فى الغردقة
وعليكم السلام ورحمه الله وبركاته
اه ممكن التقديم في محافظة العمل طلما الاوراق المقدمة مثبت فيها عنوان العمل
لو سمحتوا انا مطلقه ومعايا بنت وموظفه حكوميه مرتبي 1150 ينفع ااقدم وياريت امتي مواعيد التقديم
اه ممكن التقديم طلما المرتب اكتر من 1000 جنيه ، كراسة الشروط نزلت من النهاردا السبت 23 ابريل في مكاتب البريد ، والتقديم ان شاء الله 3 مايو 2016 لحد اخر الشهر
طب هو مثلا ال 23 الف لما هيتدفعوا هيتكملوا عال 9 وﻻا ال 9 حاجه وال 23 حاجه
الاتنين ضمن ثمن الشقة اللي هوي 154 الف جنيه الفرق ان ال 9 الاف مسمينه مقدم جدية حجز ، اما نسبة ال 15 % فهي مقدم الشقة عند تخصيصها وتسليمها للمتقدم
فيه فى العاشرمن رمضان وهل فيه كراسة شروط بنشتريها
اه فيه كراسة شروط ب 50 جنيه هتنزل من بكرا السبت 23 ابريل في مكاتب البريد ، الاماكن فين بالضبط في المدن وزارة الاسكان لسه مقالتش لكن هيتم الاعلان خلال الايام القادمة
لوسمحت هى الاستمار ممكن اشتريه من اى محافظه واقدمها فى محافظه بتاعتى بمعنا الاستمار واحده فى جميع الجمهوريه
الاستمارة هتبقي داخل كراسة الشروط ب 50 جنيه من مكاتب البريد
الافضل الشراء من المحافظة اللي هتقدم فيها او تشوف هي تبع ال 100 الف وحدة ولا ال 400 الف وحدة لان هيبقي فيه نوعين من كراسة الشروط ، الحمراء اللون للوحدات التى سيتم الانتهاء من تشطيبها العام الجارى 2016 ، وعددها 100 ألف وحدة فى 24 مدينة
اما كراسة الشروط ذات اللون الأزرق فهي لشقق ال 400 ألف وحدة.
انا اعزب سنى 28 سنه ومرتبي 1100 جنيه ولم يتم التامين عليّ هل يحق التقدم للحجز في الاسكان الاجتماعى
وما الاماكن التى متوفر بها شقق بالقاهرة
ممكن تعمل تامين شخصي بنفسك في مكتب التامينات
الشقق المتاحة في القاهرة في مدينة بدر و مدينة 15 مايو ومدينة حلوان
لو انا فى دمياط ايه الاماكن المتاحة للتقديم لو كان لى فى دمياط الجديدة ينفع التقديم فى الاماكن الاخرى فى دمياط
بالنسبة لمحافظة دمياط فيه ضمن ال 100 الف شقة مناطق: عزبة البرج، شطا، الزرقا، الركابية، كفرالبطيخ، كفرسعد.
اما بالنسبة لل 400 الف شقة اللي هيتم تسليمهم في 2017 في محافظة دمياط مناطق مدينة دمياط الجديدة، عزبة البرج، شطا، الزرقا، كفرسعد
كم سعر الوحدة كاملا ، وكم يدفع منه عند الحجز بعد 9000 جنيه الأولي، وما هو القسط الشهري لمرتب 2800جنيه
سعر الوحدة كاملا 154 الف جنيه
عند قبول الاوراق و تخصيص الشقة لك بتدفع 15 % من ثمن الشقة حوالي 23 الف جنيه وبتزيد حسب دخل المتقدم وسنه ، البنك هو اللي هيحدد بالضبط وقتها علشان مقولش حاجة وتلاقي تغيير وقتها
لو سمحت زوجي بالخارج طبعا مرتبه عند حساب فرق العمله هيعدي 3500 يبقي كده مينفعش التقديم
لا مش هينفع ، الحد الاقصي مطبق علي الجميع ، لو المرتب يسمح ممكن التقديم في الاسكان المتوسط او طلب قرض شقة من البنوك
طب اجيب منين الاستمارة بتاعت الحجز وشهادة التامنيات الاجتماعيه
ان شاء الله من اول يوم السبت اللي جي 23 ابريل كراسة الشروط هتنزل في مكاتب البريد
شهادة التامينات من مكتب التامينات سواء في المربع السكني او المحافظة
اللى فشغل خاص ومعندوش تأمينات ينفع يقدم
ممكن تعملي تامين شخصي في مكتب التامينات
اني سينى33سنه ينفع احجز
اه ممكن ، عامة سن التقديم في الاسكان الاجتماعي من 21 لحد 50 سنة
لو سمحت انا من ذوي الاحتياجات طالب في الجامعه اعزب هل يحق لي الحصول علي وحده سكنيه
لازم باقي الشروط تكون متوافرة للتقديم في الاسكان الاجتماعي بداية من السن و وجود وظيفة وتامينات
لازم سن الـــ 21 سنة كحد أدنى و 50 كحد أقصى ومتزوج وتقدم صورتى بطاقتى الرقم القومي للزوجين ومش لازم تأمينات اجتماعية ممكن تحديد المرتب المطلوب عن طريق محاسب قانونى لأصحاب المهن الحرة يعنى لو واحد بائع متجول عمله حر يجيب الشهادة من المحاسب بالمرتب المطلوب فى الآخر فيه التزام من الطرفين من الدولة بالتسليم للمستحق ومن المستفيد بسداد الأقساط هذا ما فهمته من الإعلان .
كلامك مضبوط بس تعديل بسيط مش لازم المتقدم يكون متزوج ، الاعزب ممكن يقدم في الاسكان الاجتماعي
وشهادة التامينات الاجتماعية ضمن الاوراق المطلوبة للتقديم
لو سمحتو هي محافظه القليوبيه متاح ليها الخدمه دي برجاء الرد ضروري
اه فيه شقق في مدينة العبور هتنزل في الاعلان تبع محافظة القليوبية
لو سمحت بندفع كم بعد ال 9000
عند تخصيص الشقة لك واستلامها بتدفع 15 % من ثمن الشقة حوالي 23 الف بس النسبة دي ممكن تزيد حسب مرتبك وسنك
انا متزوج وسني 52 سنة يحق لزوجتي التقديم باسمها
اه لو الشروط متوافرة ممكن التقديم باسم الزوجة
ياريت يكون 9000 وبس علشان ظروفنا صعبة
لو سمحت انا مجوز وعندى طفل وقاعد عند والدى وشغال فى محل ينفع اقدم ولا اية
ينفع طلما الشروط متوافرة وهتلاقي الاوراق المطلوبة في الموضوع بالتفصيل
انا ارملة وباخذ معاش الضمان الاجتماعى ممكن انا اتقدم لطلب شقة وانا عايشة بالايجار
لو المعاش 1000 جنيه او اكتر او فيه مصدر دخل اخر بحيث يكون مجموع الدخل 1000 جنيه ممكن التقديم
لو انا بالخارج ينفع الوالد يقدم ليا ولا لازم توكيل ثانيا مفيش تأمين ليا هل شرط التأمين كي يتم التقديم
ممكن التقديم بالتوكيل ، بس شهادة التامينات مطلوبة من الجميع ، ممكن تعمل تامين شخصي بنفسك من مكتب التامينات ، بس مش متاكد اذا كانوا يبقلو تتعمل بالتوكيل ام لا
هو بعد ال9000 بندفع مبلغ تانى احناا كده مش هنقدر والمر بيكون صعب علينااا ؟
لو سمحت في شقق فى محافظه الدقهليه
اه شقق الاسكان الاجتماعي في جميع المحافظات هتلاقي اخر تحديث لاماكن شقق الاسكان الاجتماعي شهر ابريل 2016 هنــــــا
من فضلك عايز اقدم على ارض فى مدينة بدر مساحة 209 متر وعايز اعرف هل مطلوب منى اثبات دخل انا موظف بشركة خاصة وكمان عايز اعرف المساحة المسموح بالبناء عليها
بالنسبة لاراضي الاسكان الاجتماعي هتلاقي هنا الاوراق المطلوبة بالتفصيل مطلوب شهادة تامينات لكن لا مش مطلوب شهادة دخل ، فيه مخطط البناء وباقي التفاصيل الهندسية هتلاقيها في كراسة الشروط وعلي موقع هيئة المجتمعات العمرانية
انا مدرس ودخلى من المدرسة 1050 ومتزوج وعندى بنت وقاعد عند والدى ممكن اقدم خصوصا ان شغلى فى المعادى ممكن اقدم فى مدينة 15 مايو لانها الاقرب لعملى
هل يحق لي التقديم وانا قدمت من سابق وتم التخصيص لي ولم اقوم باستكمال باقي الااراق للاستلام برجاء الافاده
لو مفيش شقة باسمك او تمليك او محصلتش فعليا علي الشقة ممكن تقدم طلما الشروط متوافرة
طيب لو سمحتم انا من العامريه وكنت عاوز اعرف امتي هيفتحوا باب التقديم في محافظه الإسكندرية
هو نفس الميعاد لكل المحافظات ، الاول بيتم شراء كراسة الشروط السبت اللي جي 23 ابريل من مكاتب البريد وفيها هيكون استمارة التقديم ، اما ميعاد التقديم نفسه هيبقي طول شهر مايو 2016 من خلال مكاتب البريد
محافظه كفر الشيخ ملهاش
اه شقق الاسكان الاجتماعي في جميع المحافظات هتلاقي اخر تحديث لاماكن شقق الاسكان الاجتماعي شهر ابريل 2016 هنــــــا
ماهو موعد تقديم الشقق الإسكان الاجتماعي في مدينة العاشر من رمضان
يوم السبت القادم 23 ابريل شراء كراسة الشروط ، والتقديم طوال شهر مايو 2016
لو سمحت الوحداد السكانيه ممكن للاعزب
ولا للمتزوجين فقط
الاعزب ممكن يقدم في الاسكان الاجتماعي طلما الشروط متوافر ، بس فرصته اقل في الحصول علي الشقة مقارنه بالمتزوجين
لو سمحت انا من حلوان وشغال نقاش يعنى دخلى ممكن يوصل لحد 2000 ج وانا سمعت ان فى مشروع فى حلوان ممكن اعرف تفصيل عشان بجد انا تعبت من الإيجار
اه فيه شقق في حلوان في اعلان الاسكان الاجتماعي اللي هيبدأ التقديم فيه في شهر مايو ، هتلاقي شروط وخطوات التقديم في الاسكان الاجتماعي هنا بالتفصيل
لو سمحتم انا بشتغل عاوزه اعرف مرتب الزوج بس هو اللي ميزدش عن 3500 ولا مجموع دخل الزوج والزوجة ميزدش عن 3500 ارجو الرد
مجموع دخل الزوج والزوجة مع بعض ميزدتش عن 3500 جنيه في الشهر
لو سمحت انا منطبق عليا كل الشروط انا واسرتي
بس كنت واخد قرض من بنك مصر قرض عادي
هل دا يؤثر علينا
لو مفيش تحويل مرتب والتزمت في سداد القرض في المواعيد ممكن تقدم في الاسكان الاجتماعي
من فضلك انا الى بحدد عدد الغرف الى محتاجها ولا التحديد بيكون من خلالهم هما طبقا والمتوفر
عدد الغرف والتصميم ثابت في الاسكان الاجتماعي الشقة 90 متر متقسمة 3 غرف وصالة
انا ضابط احتياطى فى الجيش وخاطب ينفع احجز شقة
لو فيه مرتب وتامينات ممكن تقدم لو مفيش تامين ممكن تعمل تامين شخصي
بس هتقدم عازب طلما مفيش قسيمة زواج لسه
انا مطلقة واعمل فى عيادة طيب هل ينفع مع العلم انى مستعدة لدفع اى رسوم
ممكن التقديم طلما باقي الشروط متوافرة ، مع العلم ان شهادة التامينات مطلوبة ، لو مش متامن عليكي ممكن تعملي تامين شخصي في مكتب التامينات
ممكن توضحلنا الاماكن الي ممكن نحجز فيها في القاهرة
لان قالوا اكتر من مكان
وهل لو انا اخترت مكان معين وكان خلص الحجز فيه ينفع يحجزولي في مكان تاني ولا خلاص كدة
المدن المتاحة في الاسكان الاجتماعي في محافظة القاهرة حسب اخر تحديث :- مدينة 15 مايو ، مدينة حلوان ، مدينة بدر
بيتم ترتيب الناس حسب الاولوية والاكثر احتياجا ، لو عدد الشقق اكتر من اللي منطبق عليهم الشروط ، هيتم توفير شقق لهم في المرحلة القادمة
هو شقق المنوفية هتتطرح امتى
طرح كراسة الشروط الاسبوع اللي جي 23 ابريل 2016 ، وبداية التقديم طوال شهر مايو حتي 31 مايو 2016
لو سمحت انا مقيمه مع ابي في الشرقيه ورقمي القومي مسجل بالشرقية وزوجي يعمل بالقاهرة برقم قومي تابع للقاهره هل يجوز أن أقدم باسمي
طلما الشروط متوافرة ممكن التقديم
لو قاعد ببيت ولدي بس عداد المياه والكهربا باسمي ينفع اقدم باسم مراتي
لو الشقة باسمك او ساكن في الشقة لوحدة ممكن يتم الرفض لان من الشروط ان المتقدم ميكونش عنده شقة تمليك
الي عندو غاز باسمه في شقه ايجار
مفيش مشكلة ، المهم الشقة نفسها ايجار مش تمليك باسمك او اسم الزوجة
طيب انا من الشرقية وعايز اخد شقة في مكان اخر
لو بتشتغل في المحافظة او ساكن فيها ممكن تقدم غير كدا مش هينفع تقدم في اي مكان اخر
من فضلك هو. 15% ده ما بعادل كام فلوس وهما ال15%دول هايتخصم منهم 9000 ولا لاء
حوالي 23 الف جنيه مع العلم ان دا اقل مبلغ ، ممكن المبلغ يزيد حسب مرتب المتقدم
حسب اخر تصريح من صندوق التمويل العقاري ال 15 % دول منفصلين عن ال 9 الاف ، لكن عامة كله ضمن ال 154 الف جنيه ثمن الشقة
انا نفسي أفهم إجمالي المقدم كام منذو بدايه الحجز حتى الاستلام
الاول فيه 9000 جنيه عن التقديم في الاسكان الاجتماعي
ان شاء الله عند الفوز وتخصيص الشقة بيتم طلب مقدم 15 % من ثمن الشقة حوالي 23 الف جنيه مع العلم ان نسبة المبلغ دا بيزيد حسب مرتب المتقدم
هو350هيزيد بسبعة بس ولا على حسب الدخل
القسط الشهري البنك بيتحدده حسب الدخل اه ، 350 جنيه اقل قسط شهري
اما نسبة ال 7 % الزيادة دي بتطبق علي الجميع سنويا
لو سمحت انا من اسوان وعايزة فى اسوان الجديدة ولا البنك اللى هيحدد المكان داخل اسوان
في استمارة التقديم بيتم ذكر اسم المحافظة واسم المدنية اللي هتقدمي فيها يعني انتي اللي بتحددي اسم المدينة
طب بعد الاستلام هدفع كام
والاجار هيكون كام
عند استلام الشقة بيتم دفع 15 % من ثمن الشقة والنسبة ممكن تزيد حسب مرتب المتقدم
مفيش ايجار ، دا تقسيط شهري يبدأ من 350 جنيه وبيزيد سنويا 7 % .
هو ليه المقدم غلي من 5000 الي 9000 ويعني ايه للتخصيص
حسب تصريح وزارة الاسكان السبب هو لضمان جديه المتقدمين ، بس طبعا هو الغرض انهم يلموا فلوس اكتر
بعد فحص الاوراق وترتيب المتقدمين بتبدأ مرحلة التخصيص يعني توزيع الشقق علي الفائزين وبداية اجراءات تملكها.
لو سمحت انا عسكري مجند في الجيش وخاطب ينفع اقدم عادي
لو لسه في التجنيد مش هينفع تقدم لازم يكون فيه وظيفة ومرتب للتقديم في الاسكان الاجتماعي
لو سمحت هو الشقق السكنية في محافظة القليوبية تحت التشطيب في منطقة ايه وكام غرفه اثنين ولا ثلاثة
في محافظة القليوبية الشقق في مدينة العبور و الخانكة و بهتيم
الشقة مساحتها 90 متر مربع ، عبارة عن 3 غرف وصالة.
اختى حباه تقدم فى شقق الاسكان باسمهااا هل ينفع مع العلم ان زوجها يعمل فى محل اجرته من المحل يوميااا كيف تقدم مفرادات المراتب
من خلال صاحب العمل بيتم تحديد المرتب الشهري او متوسط المرتب المهم تكون الورقة موضح بها تاريخ بداية العمل ومفردات المرتب وصاحب العمل يمضي او لو فيه ختم لمكان العمل
طيب اذا كان عازب ويعمل محامى ملوش فى الشقق ده ولا ايه
ليه في الاسكان الاجتماعي طلما الشروط متوافرة بالنسبة للورق لو شغال في مكتب محاماة بيقدم مفردات المرتب والتامينات ، لو شغال خاص بيقدم السجل التجاري والبطاقة الضريبية وشهادة دخل سنوي من محاسب قانوني
لو سمحت انا جوزى مسافر فى الكويت و معندناش شقه و انا شغاله هنا فى قطاع خاص و بمرتب 1350 ينفع اقدم ولا ايه …..
الحد الاقصي لدخل الاسرة 3500 جنيه فشوفي لو اقل من الحد دا ممكن تقدموا عادي
ممكن اقسط مقدم الشقه لو لم اتمن من سداد نسبة ال 15% من ثمن الشقه
بالنسبة لل 400 الف شقة هيتم تقسيط المقدم ال 15 % بحيث يتم دفع 4000 الاف جنيه كل 3 شهور حتي وقت التسليم في 2017
حضرتك انا شغال ف كافتيريا عملت شهاده الدخل عند محاسب قانوني ومعايا شهاده الزواج وشهاده ميلاد ابني وقيد عائلي وشهاده من وجبت شهاده من التامينات الاجتماعيه انا وزوجتي ان احنا غير مؤمن علينا هل فيه حاجه ناقصه تاني
هو الظاهر ان فيه حد فهمك الورق المطلوب غلط ،
بص المطلوب من اللي شغالين في القطاع الخاص شهادة مفردات المرتب من مكان العمل + شهادة التامينات يعني يكون متامن عليك ولو مش متامن عليك ممكن تعمل تامين شخصي بنفسك
لكن شهادة الدخل من محاسب قانوني دي لو انت صاحب المكان او شغال مهنة حرة
وهتلاقي الاوراق المطلوبة في الاسكان الاجتماعي بالتفصيل هنـــا
هل ممكن اقدم باسم الام الارمله فى غير محل الاقامه فى دمياط حيث انى اعمل فى دمياط واحنا من اسكندريه ايه الاوراق المطلوبه فى هذه الحاله …وشكرا
ممكن التقديم في محافظة العمل اه طلما الاوراق تثبت ذلك سواء في شهادة مفردات المرتب او شهادة التامينات وهتلاقي باقي الاوراق المطلوبة من الارملة للتقديم في الاسكان الاجتماعي هنــــا
هل في تقديم لدمياط الجديدة وانا مدرسة
اه فيه شقق في محافظة دمياط هتلاقي اخر تحديث لاماكن شقق الاسكان الاجتماعي شهر ابريل 2016 بالتفصيل هنـــــا
لوسمحت انا مش فاهمه 15% يعنى كام بدفع اد ايه عندالتخصيص
حوالي 23 الف جنيه ، بس الرقم دا ممكن يزيد حسب المرتب والسن
لو سمحت هو برنت التامينات يكو حديث ومفردات المرتب تكون فى نفس شهر التقديم
لو نفس البيانات متغيرتش ممكن التقديم بس ميكونش قديم من السنة اللي فاتت يعني
المقدم على دفعات ولا مره واحده
ال 9 الاف جنيه دفعة واحدة
باقي المقدم عند الاستلام بالنسبة ل 400 الف وحدة بيبقي علي دفعات لان تسليم الشقق هيبقي في 2017
لو سمحتم عايز اعرف طريقة دفع ال 9000 ازاى وامتى وهدفع فين
هتلاقي في الموضوع هنـــــا بالتفصيل الخطوات من اول شراء كراسة الشروط لحد دفع المقدم و ارسال الاوراق بالبريد
يعنى انشاء الله التقديم بداية من 22 أبريل يهتم سحب كراسات الشروط من أى مكتب بريد أو من اى فرع للبنك
شراء كراسة الشروط يوم 23 ابريل مش 22 حسب اخر تعديل من وزارة الاسكان ، من اي مكتب بريد اه وبيتم دفع المقدم ثم ارسال الاوراق عن طريق البريد برضو
و هتلاقي في الموضوع هنـــــا بالتفصيل الخطوات من اول شراء كراسة الشروط لحد دفع المقدم و ارسال الاوراق بالبريد
انا مسافر في السعودية ممكن اقدم فيها ؟
لو الشروط متوافرة ممكن تقدم
لوسمحت انامش موظف بس عندى سيارة نقل ومتامن عليه واسمى نزل وقالولى روح بنك القاهرةتخلص اجراءات الشقة روحت قالولى لازم يكون متامن عليك دى شروط البنك هو لازم الواحد يكون متامن عليه
اه التامينات الاجتماعية من شروط الاسكان الاجتماعي ، لو مش متامن عليك ممكن تحاول تعمل تامين شخصي من مكتب التامينات
انا اعمل خارج مصر ومتزوج وراتبى 5000 جنية ينفع اتقدم للحجز
ارجو الرد
الحد الاقصي لدخل الاسرة هو 3500 جنيه
لو سمحت انا بطاقتى جنوب سيناء واعمل فى القاهرة لو تقدمت فى جنوب سيناء تكون مفردات المرتب من جنوب سيناء ام يجوز القاهرة وماذا افعل ارجو الرد وشكرا لتعبك ومحبتك
ممكن تقدم سواء في محافظة السكن او محافظة العمل حسب اختيارك
يعني لو الاقامة في جنوب سيناء والبطاقة مكتوب فيها كدا يبقي مش هتفرق مفردات المرتب منين
لو سمحت زوجى محامى هعمل مفردات مرتب ازى عايزة اعرف الاوراق المطلوبة
لو شغال في مكتب ملكه او يعني مش شغل خاص مش في مكتب ، بيقدم السجل التجاري والبطاقة الضريبية وشهادة من محاسب قانوني بالدخل السنوي
لو شغال محامي في مكتب محاماة بيقدم مفردات المرتب مختومة من المكتب موضح فيها تاريخ بداية العمل والمرتب وبياناته
لو سمحت انا من بورسعيد ومن مواليد بورسعيد وابنى من مواليد بورسعيد وجوزى شغال هنابس مش من هنا هو من الدقهليه هل لينا شقه ارجو الرد ضرووووووورى
التقديم في الاسكان الاجتماعي في محافظة السكن او محافظة العمل ، يعني ممكن تقدموا في بورسعيد عادي
ازاى الاولويه لاصغر سنا واحد اعزب وسنه كبير وعايز يجوز وبيترفض عشان معندهوش شقه فرصته ضعيفه طاب وفر ليه تربه وادفنوه احسن لوسمحت الاولوبه للسن الكبير مش معقوله واحد عنده ٢١ سنه له اولويه عن واحد عنده ٣٠ سنه حرام حرام
طب اختي عايزه تجيب لابنها شقه بس جوزها شغال قي قطاع خاص ينفع تقدم
لو الشروط منطبقة عليهم ممكن يقدمو من حيث السن والمرتب
طب انا جوزي مش موظف ينفع يقدم شغال اعمال حره ٢٠٠٠ ينفع يقدم ونبي الرد بسرعه
ممكن التقديم بس لازم تقديم صور السجل التجاري والبطاقة الضريبية والتامينات وتقديم شهادة من محاسب قانوني بالدخل السنوي
لو سمحت انا عاملة قرض بدفع ليه 550جنيه ودخلي انا 1450جنيه وزوجي مش موظف بس بيشتغل أعمال حرة ودخله 1500جنيه ينفع أقدم بالله عليك ارجو الرد لأن الشقة اللي انا فيه ايجار ووالسقف بتاعها ناشح مياه مجاري وفرحت لما قرأت الاعلان وقولت يارب تجعل لينا نصيب في المشروع ده وعدد أسرتي 3ابناء وانا وباباهم ارجو الافادة لو سمحت انا كتبت اسم زوجي ارجو بالله عليكم الرد
هو نقطة القرض ممكن يكون فيها مشكلة عند استكمال باقي الاجراءات لو عاملة تحويل المرتب للبنك ، لكن طلما الشروط متوافرة قدمي وان شاء الله خير
لو سمحت انا جوزي مش موظف بس انا موظفة ينفع أقدم انا مفرادات مرتبي وانا مرتبي 1450جنيه والتقديم هيبدا امتى لوسمحت
اه ينفع التقديم باسمك بس عامة طلما متزوجة هيتم ذكر بيانات الزوج والاولاد لو فيه
شراء كراسة الشروط يوم 23 ابريل ، والتقديم طوال شهر مايو 2016
الفلوس والورق مع بعض
اه بس الفلوس الاول بتدفع في مكتب البريد اه ، وبعدين الاوراق بيتم ارسالها لفرع بنك التعمير والاسكان التابع له
انا دلوقتى عاوز اعرف الفلوس هتندفع مع استماره التقديم فى شهر مايو
اه بيتم تحويل الفلوس من خلال مكتب البريد وارسال الاوراق برضو من مكتب البريد
لو سمحت انا عايش في بيت والدي بس عاوز اقدم على شقه والبعض قالي ان في التحريات بيستبعده ال ساكن في بيت والده هل ده صح ؟
هو الشرط ان ميكونش عندك شقة تمليك يعني الشقة متكونش باسمك لو مفيش حاجة باسمك سواء الشقة او ايصالات المرافق يبقي قدم
انا موظف و مراتي موظفة يعني الدخل بيعدي 3500 بس انا هقدم باسمي انا و انا مرتبي مش بيعدي 3500 و ساكن في ايجار جديد ينفع اقدم
طلما اسرة لازم هيتم ذكر بيانات الزوج والزوجة وهيتم الاستعلام عندكم لو الشروط مش متوافر هيتم الرفض
طيب انا مطلقه وعندي بنتين وبشتغل ف محل ملابس ينفع اقدم ولا لا
اه ممكن التقديم المطلوب بالنسبة لاصحاب المحلات ، السجل التجاري والبطاقة الضريبية وشهادة من محاسب قانوني بالدخل السنوي
ممكن لو سمحت اعرف مكان واحد لتقديم الاوراق و الفلوس مع بعض ؟
من مكتب البريد ، بتعمل تحويل المبلغ لصالح لرقم حساب بنك التعمير والاسكان هيكون في كراسة الشروط ومكاتب البريد عرفاه ، وبرضو من خلال مكتب البريد بترسل الاوراق علي فرع بنك التعمير والاسكان حسب المدينة او المحافظة اللي هتقدم فيها
لوسمحت هي التتقديم هيكون ب9الاف ولا5الاف والتقديم يوم كام لواسمي ن هدفع مقدم تاني
اخر كلام المقدم بقي 9 آلاف جنيه
شراء كراسة الشروط وفيها استمارة التقديم بداية من يوم 23 ابريل
موعد بداية التقديم طوال شهر مايو 2016
عند استلام الشقة هتدفع مقدم 15 % من قيمة الشقة وممكن تدفعه علي اقساط
انا موظف وعامل قرض من بنك مصر وعلى وشك الانتهاء هل يجوز لى حجز شقة علما بان المرتب يسمح بالقسط ارجو الرد
ممكن التقديم طلما المرتب يسمح وملتزم بالسداد ، مع العلم انه لاحقا في حالة القبول بيطلبو منك تحويل المرتب للبنك اللي هيكون قرض الشقة والتعامل من خلاله حسب ما يحدد صندوق التمويل العقاري
انا وجوزى مفيش وظيفة ولا قطاع خاص بس فية خساب ف البريد مممكن بدخلنا دخل شهري كويس هل دة كقاية للتقديم واية المطلوب
حسب الشروط لازم وظيفة سواء قطاع عام او خاص او اعمال حرة مفيش ضمانات اخري متاحة للتقديم بيها
امتي التقديم. وهل في فلوس تندفع تاني غير ال 9000 واقساط شهرية
كراسة الشروط 23 ابريل والتقديم طول شهر مايو 2016
قبل استلام الشقة بيتم مقدم 15 % من سعر الشقة وممكن يزيد حسب مرتب المتقدم وسنه ، وممكن تقسيط المقدم دا علي دفعات
لو سمحت هي الشقق اللي في المنيا الجديده هتبقي مكانها فين ؟ والاستلام هيبقي بعدها بقد ايه ؟ وهي هيبقي واصل هناك صرف وكهرباء وكده ولا لاء
الاماكن بالضبط لسه منزلتش هتبقي في كراسة الشروط اللي هتنزل يوم 23 ابريل
الاستلام بعد فحص الاوراق والاستعلام عن المتقدمين خلال 3 ل 4 شهور
الشقة بتبقي متشطبة وكاملة المرافق مياة وكهربا
طيب انا من 5%اروح اقدم فين انا اعزب
شراء كراسة الشروط من مكاتب البريد يوم 23 ابريل ، و فتح باب التقديم في شهر مايو ، والتقديم هيبقي في مكاتب البريد
طيب لو سمحت انا جوزي موظف جديد ومرتبه لسه صغير وانا مش موظفه بس معايا معاش السيسي ينفع نقدم ولا لا
لو مجموع دخل الاسرة 1000 جنيه في الشهر او اكتر ممكن التقديم عادي
طيب لو سمحت انا اعزب ومرتبى 1500 جنيه بس ليسه مدخلتش تأمينات ينفع اقدم بورقه من العمل بمفردات المرتب ولا لازم تأمين
التامينات الاجتماعية ضمن الاوراق المطلوبة ، ممكن تعمل تامين شخصي لو جهة العمل مش بتعمل تامينات وعموما لسه بدري حوالي 20 يوم علي فتح باب التقديم
يعني تقديم الاوراق المطلوبة امتي بالظبط وفين
دفع المقدم في مكاتب البريد ثم ارسال الاوراق لفرع بنك التعمير والاسكان في المحافظة او المدينة اللي هتقدم فيها وارسال الاوراق هيكون في مكاتب البريد برضو
انا عايزة أسال طب لو دخلى انا وجوزى يعدى 3.500 بس انا هقدم باسم جوزى وددخلة لا يتعدى ال3500 ينفع ولا لاء
طلما متزوج لازم هيتم ذكر بيانات الزوجة وهيتم الاستعلام عن البيانات لو لقوا شئ مخالف للورق بيتم الرفض
لو سمحتى انا عندى سجل تجارى وبطاقه ضريبيه (صاحب شركه مقاولات نقل )وبقيت جميع الشروط مطابقه
هلى يحق لى التقديم ؟
اه طلما الدخل اقل من الحد الاقصي وباقي الشروط متوافرة قدم وبالتوفيق
وبالنسبة للناس اللي مش متوظفين ولا حكومة ولا قطاع خاص يعني ارزقية ينفع يقدمو ويجيبو ازاي مفردات المرتب ؟
متهيألي في شروط بتظلم ناس كتير من فئة محدودي الدخل
انا مصاب شرطه بوزاره الدخليه وعلى (المعاش (1500) دخلي هل يحق التقديم
لو السن اقل من 50 سنة ممكن تقدم
26 سنه
ومتى الاستلام الشقق
بعد تقديم الاوراق بيتم فحص البيانات والاستعلام عن المتقدمين في خلال 3 او 4 شهور بعدها بيتم تسليم الشقق دا بالنسبة ل 100 الف وحدة
اما بالنسبة ل 400 الف وحدة لسه بيتم بنائهم وهيخلصوا في خلال سنة يعني 2017
انا شغال في مطعم وليا تامينات اجتماعيه ودخلي 1240ممكن اخذ شقه ولا مينفعش
اه ممكن تقدم ، عامة الحد الاقصي لدخل الاعزب هو 2500 جنيه
انا موظف ومرتبي 1466 وحصلت علي قرض من بنك القاهره بس مرتبي الصافي اكثر من قيمه القسط بكثير
لو سمحت انا مش موظفه ايه هو مصدر الدخل الطلوب يعني ايه المستندات اللي تثبت مصدر الدخل شهادات في البنك مثلا او ضمان من موظف حكومي يضمني يعني.. ارجو الرد
لازم وجود وظيفة وتامينات للتقديم في الاسكان الاجتماعي ، باقي الضمانات مش متاحه للتقديم
يعنى الشقق ده من الاخر مش ل الشباب بدام عايز تامينات و سجل تجارى
للجميع من سن 21 ل 50 سنة بس هم عايزين يكون فيه وظيفة بحيث يتم سداد اقساط الشقة من المرتب او المعاش بعد كدا خلال مدة السداد ال 20 سنة
انا عندي محل كوافير ومش هلحق اعمل سجل تجاري وبطاقه ضريبيه أعمل أيه
التقديم مستمر لحد 31 مايو ممكن خلال الايام دي تعملي الورق
ما شروط تقديم الزوجه وما الضمانات المطلوبه
نفس الشروط اللي وضحناها في الموضوع ، المهم تقديم مصدر للدخل للاسرة حتي لو التقديم باسمك لازم ذكر بيانات الزوج
مافيش شقق فى 6 اكتوبر انا من الجيزة
فيه في 6 اكتوبر وباقي المدن اللي تبع محافظة الجيزة ، هتلاقي هنا اماكن الشقق بالتفصيل حسب تحديث شهر ابريل 2016
من فضلك انا غير عامله هل ممكن اقدم بردوا ولا لأ ؟! وكمان ممكن اعرف ال 15 ٪ دول اللي هوما ال 9000 جنيه ولا مبلغ تاني؟!
وشكرا…
لازم وجود مصدر دخل علشان هو هيكون الضمان ومن خلاله هيتم دفع الاقساط الشهرية
فيه باقي المقدم بيتدفع عن استلام الوحدة هتحددة وزارة الاسكان بالضبط ، ودا غير ال 9000 جنيه اللي في الاول
ممكن استفسار اكتر عن طريق رقم تلفون
هتلاقي هنا طرق الاستعلام من صندوق التمويل العقاري بالتفصيل
هل اذاكان الزوج مقدم في شقق لمتوسط الدخل مشروع دار مصر وانا اريد ان اقدم شقق الاسكان الاجتماعي بزمتي المالية الخاصة بي
هو مينفعش الاتنين مع بعض ، لكن لو لسه محصلش علي الشقة ممكن تقدمي ، مع العلم انه طلما متزوجة لازم هيتم ذكر بيانات الزوج حتي لو التقديم باسمك
انا تقدمت فى الشقث 90متر وفى بنك قال لى اورائق مر فوضه وبنك قال لى الاوراق مقبوله انا مشعارف اعمل ايه ارجو الرد
تواصل مع صندوق التمويل العقاري عن طريق الارقام او الموقع في الموضوع دا هنــــا ، بحيث تعرف موقفك النهائي وسبب الرفض ايه وممكن تعمل تظلم واعادة استعلام
هل يحق لمواليد 10/9/1995 الالتحاق بالتقديم
اقل سن للتقديم في الاسكان الاجتماعي هو 21 سنة وقت بداية حجز الشقق
لو سمحت الاسكان الاجتماعى غير شقق السيسي ولا هى والسويس مش مكتوبه مع المحافظات اللى هاتقدم الشهر ده
معلش الموضوع هنا غير محدث زي ما كاتبين كان شهر فبراير ولما نزل الاعلان الاخير للاسكان الاجتماعي لشهر ابريل 2016 عملنا موضوع جديد له هتلاقي التفاصيل هنـــا و شقق السيسي اللي هم ال 400 الف وحدة هتلاقيهم في الموضوع حسب كل محافظة وفيه في محافظة السويس
انا من الاسكندريه وعايش في النوباريه وشغلي في النوباريه وخاطر شقه وعايش فيها انا واسرتي ومستقر فيها تقدم في النوباريه ولا اسكندريه
حسب رغبتك ممكن تقدم في مكان السكن او العمل ، كلام وزارة الاسكان أن يكون المتقدم للحجز من أبناء المحافظة والمرتبط بها عملا وإقامة أو من المقيمين أو من العاملين بها أو احدى المدن الجديدة التابعة لها .
انا من مواليد الوادى الجديد وعايش بالقاهره وعندى شقه ايجار ومتزوج وسنى ٣٠ سنه وعاوز اقدم على شقه فى الاسكان
طلما الشروط متوافرة قدم وبالتوفيق
ميعاد طرح كراسة الشروط للشراء يوم 23 ابريل والتقديم هيبدا في شهر مايو
انا عندى شقه ايجار وانا من القاهره وعوز اقدم على شقه من الاسكان اعمل ايه
طرح كراسة الشروط هيكون يوم 23 ابريل من اي مكتب بريد ب 50 جنيه هتلاقي استمارة البيانات المطلوبة بتملاها
وبداية من شهر مايو 2016 في مكتب البريد بيتم دفع المقدم اللي هو 9000 جنيه ، ثم ارسال الاوراق مع استمارة التقديم
هل ال 9000 المقدم محسوبين من ضمن ال 15% عند الاخطار باستلام الوحدة ولا الخمستاشر دول اضافيين غير المقدم
لا دول اضافيين لكن عموما كله ضمن ثمن الشقة اللي هو 154 الف جنيه
انا من الجيزة هل يوجد شقق
اه شقق الاسكان الاجتماعي في الجيزة هتكون في بمناطق: مدينة 6 أكتوبر، حي الوراق، منشية البكاري، مركز كرداسة، مركز الواحات البحرية، مركز أبوالنمرس، مركز الصف، والباويطي.
لو سمحت انا معايه توك توك ممكن اقدم
لازم تقديم السجل التجاري وبطاقة ضريبية وشهادة التامينات
انا من مواليد المنصورة وعندى شقه ايجار هناك بس عايشه فى السويس للشغل ينفع اقدم هناك ولا استنى هنا فى السويس
فيه شقق الاسكان الاجتماعي في محافظة الدقهلية ومحافظة السويس ، فحسب رغبتك لان التقديم بيبقي اما في محافظة السكن او محافظة العمل
ممكن اعرف هو موعد الاعلان امتة ؟!
موعد طرح كراسة الشروط واستمارة التقديم 22 ابريل 2016
موعد التقديم في الاسكان الاجتماعي طوال شهر مايو 2016
انامرتبى حوالى 3900جنيه هل تنطبق عليه الشروط
لا الحد الاقصي لمرتب الفرد 2500 او لو متزوج الحد الاقصي لدخل الاسرة 3500 جنيه
أنا أعمل سائق قيادة درجة ثالثة بالغردقة كيف اثبت دخلى لأتقدم للحصول على شقةوانا حاصل على شهادات الدراسة الثلاثة من الغردقة واقيم بها واعمل باليومية كسائق
بالنسبة للسائقين ولاصحاب التاكسى : الاوراق المطلوبة شهادة من مكتب محاسب قانونى بالدخل الشهري عن آخر ثلاث سنوات طبقا للإقرارات الضريبية المقدمة لمصلحة الضرائب والمستندات المقدمة للمحاسب – صورة من البطاقة الضريبية – برنت من التامينات – صورة الرخصة – شهادة بعدم صدور أحكام تأديبية ضد المحاسب.
هل مسموح ببيع أو تأجير الوحده السكنية في حاله عدم الحاجه اليها
طب لو مش محتاجها هتقدم ليه ؟
عموما متقدرتش تتصرف في الشقة غير بعد سداد الاقساط والا البنك هيحجز عليها ويعيد تخصيصها
انا موظف فى شركه كهرباء وزوج ربه منزل مش عرف شهادة تامينات دى اة
بتجيب الشهادة من مكتب التامينات التابع له
ممكن حضرتك استعلم عن اقل شريحة تامينات قطاع خاص ممكن اقدم بيها ولا عادي القيمه المهم في تامينات
مش مهم القيمة المهم وجود تامينات اجتماعية ثم معاش في المستقبل ، علي اساس ان سداد ثمن الشقة ممتد 20 سنة
انا مقيمه في محافظة القاهرة وعايزه اقدم في مدينه العبور تابعه لمحافظه القليوبيه ينفع
التقديم اما في محافظة السكن او محافظة العمل لو فيه ورق يثبت دا في القليوبية ممكن تقدم
أنا معاق بنظرى و عايز أعرف الأورق المرده و ثمن الشقه و هدفع كام كل شهر و التقديم كام للمعقين؟
نفس الاوراق المطلوبة بس بترفق الشهادات او الورق اللي يثبت وجود اعاقة ، المقدم 9000 جنيه واقل قسط شهري 350 جنيه
انا دلوقتى مش موظف فى المدينة المقيم فيها ينفع اقدم
عادي ممكن التقديم في محافظة السكن او محافظة العمل حسب اختيارك
عادي ممكن التقديم في محافظة السكن او محافظة العمل حسب اختيارك طلما الشروط متوافرة
مراتى لا تعمل وانا ا عمل وهقدم بسمى انا ينفع اقدم
اه عمل الزوجة مش شرط هو بس لو بتعمل لازم ذكر المرتب ، لكن لو ربه منزل بتكتب البيانات عادي وبيانات الاولاد لو فيه
انا شغال في قطاع خاص ومعنديش تأمينات .هو لازم تامين
اه التامينات ضمن الاوراق المطلوبة ، لو مش متامن عليك ممكن تعمل تامين شخصي
اختي مطلقه وعندها ثلاث اولاد ومعندهاش اي دخل ياتري ليها فرصه واي الاوراق المطلوبه بالنسبه ليها جزاك الله خير
لازم اثبات اي مصدر دخل سواء معاش او نفقة او غيره علشان من خلال بيتم حساب ودفع الاقساط ، وعموما الارامل والمطلقات لهم الاولوية في شقق الاسكان الاجتماعي
انا دخلي الشهري انا وزوجتي حوالي ٢٥٠٠ جنيه وسني ٤٦ سنه وعندي ثلاثة ابناء ومقيم بدمنهور محافظة البحيرة ،،، ولي تامينات اجتماعية انا وزوجتي،، لو سمحت عاوز اعرف اقدم ازاي واخر ميعاد امتى ،،وشكرا،،
الاول بيتم شراء كراسة الشروط من مكاتب البريد يوم 22 ابريل وهتلاقي استمارة البيانات المطلوبة والاوراق
التقديم هيبدا من اول شهر مايو وحتي 31 مايو 2016 ، هتلاقي الخطوات في الموضوع من دفع المقدم 9000 جنيه في البريد وارسال الاوراق المطلوبة
اعمل فى قطاع خاص واسكن شقه باسم ابى وادفع ايجار وزوجتى موظغه وعندى بنتان ما فرصتى فى الحصول على الشقه وما اﻻوراق المطلوبه بالضبط
ولكم جزيل الشكر
طلما الشروط متوافرة يبقي ان شاء الله لك فرصة ، الاولوية بالنسبة للاسر بتبقي عالية بس في النهاية علي حسبب اعداد المتقدمين في الشقق ، لكن عموما وزير الاسكان صرح ان كل من تتوافر فيه الشروط هيحصل علي شقة
مطلوب إيصال مرافق حديث لمحل السكن الحالى (الإيصال عباره عن ايه) انا عندى بطاقه ضريبيه وسجل تجارى أجيب شهاده من محاسب قانونى تبين صافى الدخل ولا مشى لازم
ايصال مرافق يعني ايصال مياه او كهرباء او غاز او تليفون ، حتي لو مش موجود باسمك حاليا قدمه طلما مقيم في السكن
لازم شهادة صافي الدخل او الدخل السنوي علشان هي اللي بيحددو علي اساسها اذا كنت موافق لشروط الحد الاقصي للدخل الشهري ولا لاه
انا دلوقتي فى الجيش بقضى خدمة وساكن مع اسرتى فى بيت بالايجار ايه الأوراق المطلوبة منى بالظبط لو سمحت
لازم وجود وظيفة وتامينات اجتماعية للتقديم في الاسكان الاجتماعي
لو سمحتم عايزه اعرف عند سحب كراسة الشروط من مكتب البريد بيدفع فلوس وكام
سعر كراسة شروط الاسكان الاجتماعي 50 جنيه من اي مكتب بريد او فروع بنك التعمير والاسكان
أنا عندى شقة ملك فى بيت قديم وصادر له قرار إزالة لى الحق فى التقديم
لو الشقة مثبتة باسمك مش هينفع لان احد الشروط ان المتقدم ميكونش يمتلك شقة
ماهو اجمالى المبلغ المدفوع حتى استلام الشقة وهل ثمن الشقة 135 ام 157 و كيف يحصل المواطن على الدعم المزكور
سعر الشقة بالكامل هو 154 الف + 5 % وديع صيانة يتم دفعها ضمن الاقساط الشهرية
لو سمحتوا عايز اعرف الغردقة منطقة القرى السياحية ضمن هذا الاعلان ولا ايه لو سمحتوا ردو على
الاسكان الاجتماعي في محافظة البحر الأحمر، بمناطق: الغردقة، القصير، رأس غارب، سفاجا، ومرسى علم.
المنطقة بالضبط او العنوان ممكن تستعلم عنه من موقع هيئة المجتمعات العمرانية الجديدة
وبانسبه الي في الخارج اوفي عمل حر
بالنسبة للاعمال الحرة المطلوب شهادة دخل من محاسب قانوني
بالنسبة للعاملين خارج جمهورية مصر العربية ممكن تقدم عادي او لو الزوجة في مصر تقدم الاوراق المطلوبة بس بدل مفردات المرتب بتجيب شهادة دخل من جهة العمل بالخارج معتمدة من القنصلية المصرية بالدولة التى يعملون بها مصدقاً على توقيعاتها من الخارجية المصرية.
انا مش معايا تامينات و بشتغل شغل حر و احنا خمس أفراد سكنين فى شقة 36 متر ارجو التوضيح ايه فرصتى فى الشقق
عامة الاسرة لها اولوية في الاسكان الاجتماعي ، وحسب كلام وزير الاسكان النهاردا كل اللي الشروط تنطبق عليه هيحصل علي شقة
انا ربه منزل وجوزى مسافر بره وعندنا بنت وساكنين فى شقه ايجار هل يحق لنا التقدم للشقق الإسكان وايه هى الأوراق المطلوبة
اه طلما باقي الشروط متوافرة من حيث المرتب والسن ممكن التقديم
هتلاقي الاوراق المطلوبة في الموضوع مع الفارق بالنسبة للعاملين بالخارج الاوراق المطلوبة بس بدل مفردات المرتب بتجيب شهادة دخل من جهة العمل بالخارج معتمدة من القنصلية المصرية بالدولة التى يعملون بها مصدقاً على توقيعاتها من الخارجية المصرية.
انا رافعة قضية خلع واعول 3 بنات وواخدة حكم نفقة علي طليقى ولم يسدد النفقة هى ده ظروفي وانا ربة منزل هل ليا الامكانية بالتقدم وكام القسط الشهرى للشقة وما هى مساحتها
ممكن التقديم مع تقديم اي اثبات للدخل او النفقة
مساحة الشقة 90 متر و اقل قسط شهر هو 350 جنيه
طيب ممكن اعرف من حضرتك أوراق ايه المطلوبه مني علشان ابعتها
1. صورة بطاقة الرقم القومى سارية للأعزب أو للزوج والزوجة.
2. صورة من قسيمة الزواج (للمتزوج) – أو شهادة الوفاه (للأرمل/ة) – أو قسيمة الطلاق أو حكم محكمة نهائي بالطلاق (للمطلق/ة).
3. صورة من شهادات الميلاد للأبناء (إن وجد)
4. شهادة بإثبات صافى الدخل السنوى أو الشهري للأعزب أو الزوج والزوجة (إن كانت تعمل) على أن تكون معتمدة ومختومة ومؤرخة من جهة العمل
5. ايصال مرافق حديث لمحل السكن الحالي (كهرباء – مياه – غاز). ولا يشترط أن يكون باسم المستأجر
6. توريد مبلغ 100 جنيه مصاريف استعلام (لاترد).
طبعا لو اعزب مش هتقدم رقم 2 و 3 مع العلم ان فتح باب التقديم بداية من شهر مايو القادم ، ممكن الاطلاع علي كراسة الشروط بالتفصيل بداية من يوم 22 ابريل 2016
السلام عليكم لو سمحت انا والدى الله يرحمه كتب شقة باسمى انا ووالدتى وتم بيع الشقة هل فيها ضرر عليا
وعليكم السلام ورحمه الله وبركاته
مفيش ضرر طلما الشقة مش ملكك حاليا ، ممكن تقدم عادي
السلام عليكم
انا اعزب والكن انا مسافر بشتغل في السعوديه هل من الممكن ان أتقدم ولا لاذم أكون في مصر
وعليكم السلام ورحمه الله وبركاته
ممكن حد في مصر يقدم باسمك سواء دفع المقدم في البريد وارسال الاوراق
لو سمحتو هو لسه متوفر شقق للاسكان فى محافظة البحيرة ولا خلاص بما ان شهر 3 انتهى الشقق انتهت واتحجزت ؟؟
ياريت لو لسه فيه شقق اسكان تعرفونى لانى من ابناء محافظة البحيره ونفسى يكون ليا شقه تبع مشاريع الاسكان للشباب مع العلم انى اعزب واعمل فى القطاع الخاص
هو اصلا الاعلان زي ما وضحنا تم تأجيله ل 22 ابريل بحيث يكون اعلان مجمع كل محافظات مصر وطرح 500 الف وحدة اسكان اجتماعي
وهتلاقي هنا بالتفصيل اماكن الشقق في المحافظات وموعد التقديم
السلام عليكم، ،انا مش متزوجة ينفع أقدم علي شقه. وايه هي شروط
وعليكم السلام ورحمه الله وبركاته
الاعزب ممكن يقدم عادي في شقق الاسكان الاجتماعي
الحد الادني للمرتب 1000 جنيه والحد الاقصي للمرتب للاعزب 2500 جنيه ولا يقل السن عن 21 ولا يزيد عن 50 سنة مع تقديم الاوراق اللي اوضحناها في الموضوع وهتلاقي المزيد من التفاصيل هنا
لو سمحت بقالي شهرين متابع معاكم علي امل ان اعرف ميعاد التقديم بس شكله مافيش امل
يارجل خلي عندك امل انت مش عارف نظام الحكومة عندنا ولا ايه 🙂 الصبر مفتاح الفرج
لسه النهاردا وزارة الاسكان اعلنت رسميا الميعاد 22 ابريل 2016 موعد طرح كراسات الشروط لشقق الاسكان ، و فتح باب التقديم يوم 1 مايو 2016
وسبب التاخير ان الوزارة قررت تعمل اعلان مجمع لاكتر من 500 الف شقة في الاعلان دا ، ان شاء الله بالتوفيق
انا من مدينة السادات ونفسي احجز وحدة سكنيه مش عارفه اوصل بروح البنك او البريد محدش بيفيدني بمعلومة ويقولولي لسه مفيش حاجة عن الشقق وعايزه اعرف ميعاد الحجز لو سمحتوا حد يفيدني
زي ما قالوا بالضبط محدش عارف الميعاد بالضبط لسه
لان وزارة الاسكان بتاجل في ميعاد الاسكان الاجتماعي من شهر فبراير الماضي اخر اخبار انه هيكون في شهر ابريل
وعموما اول لما الاعلان هينزل هيتم نشره في جميع الجرايد والمواقع والتقديم هيبقي عبر البريد زي ما وضحنا في الموضوع
بعد ازنك انا مرتبي علشان يكمل ممكن يضاف مرتب الزوجه والحد الادنا كام
الحد الادني 950 جنيه ، الحد الاقصي لدخل الاسرة للتقديم في الاسكان الاجتماعي 3500 جنيه
انا متزوجة وربة منزل هل يجوز التقديم
لو فيه مصدر دخل للاسرة يمكن اثباته قدمي عادي ، وعموما متزوجة لازم ذكر بيانات الزوج والاطفال لو فيه حتي لو هتقدمي باسمك
انا اخويا رسيت عليه شقه واستكمل واتعاقد مع البنك ممكن اعرف استلام الشقه امتى ومتاح يسكن فيها امتى وهل متاح يبعها حاليا او لما يستلمها وشكرا
ممكن الاستعلام عن موعد الاستلام من خلال صندوق التمويل العقاري هتلاقي التفاصيل هنـــا
صباح الخير وإذا كان المتقدم ليس متزوج اعزب من حقه التقدم وإذا قدم المستندات المطلوبه فهناك احتمال أن يدخل قرعه الحجز ولا بيبقى في أولويات بيحصل فرز وله الكل بيبقى في فرز واحد وشكر ا اتمنا الاجابه على سؤالي وشكرا
صباح النور ، الاعزب من حقه التقديم في الاسكان الاجتماعي عادي ، الفرق بس في الحد الاقصي للمرتب هو 2500 جنيه للاعزب
مفيش قرعة في الاسكان الاجتماعي حاليا بقي نظام ترتيب المتقديم حسب الاولوية ، فرصة الاعزب قليلة نسبيا لكن فيه فرصة انه يحصل علي الشقة
أنامعوق حركيا وموظف حكومى ودخلى الشهرى 1657 جنيه ومقيم بسكن ادارى تابع لجهة عملى وجميع المرافق باسمى هل لى الحق فى الحصول على شقه فى الاسكان الاجتماعى مع العلم أننى مقييم فى نفس المدينه الموجود بها شقق الاسكان الاجتماع ** وشكرا **
اه ممكن التقديم طلما باقي الشروط متوافرة
السلام عليكم ? انا مطلقة وكنت عايشة مع الزوج فى الشروق وكنا واخدين الشقة تبع الإسكان والتعمير وكانت الشقة انا النصف والزوج النصف الآخر لكن بعد الطلاق تركت الشقة وأنا الآن في منزل والدي أنا واولادي ،،، ولدين 22 سنة ،،، و20 سنة ،،، وحصلت على معاش والدي ،،، هل من الممكن أن أقدم على شقة بأسمى أو بإسم أولادي ،،، وعلي فكرة المعاش عن والدي 1450 جنيه ،،،،
ولكم جزيل الشكر والتقدير ،،،،، ???
وعليكم السلام ورحمه الله وبركاته
لو الشقة كانت تبع وزارة الاسكان او بنظام التمويل العقاري صعب يقبلوا التقديم مرة اخري عموما طلما الشروط متوافرة ويمكن اثبات مصدر الدخل من التامينات قدمي وان شاء الله خير
فين الغردقة ونصيبها من الشقق
هل يوجد نقديم على شقق محدود الدخل فى البحر الاحمر الغردقه طيب لو انا محل الاقامه المنيا وانا اعمل فى الغردقه منذ عشر سنين موامن عليا هل ينفع اقدم فى الغردقه
التقديم ممكن في محافظة مكان العمل طلما تقدر تثبته في مفردات المرتب او التامينات
في نص الاعلان مكنتش فيه الغردقة او البحر الاحمر لكن احنا في انتظار اعلان وزارة الاسكان النهائي في شهر ابريل وفتح باب التقديم ان شاء الله ممكن يكون فيه شقق هناك
شكر لحضرتك على اهتمامك
العفو وان شاء الله بالتوفيق
انا اعزب ودخلي الشهري 1700 هل من الممكن الالتحاق ؟
اه طلما باقي الشروط متوافرة ، والحد الاقصي للمرتب بالنسبة للاعزب في الاسكان الاجتماعي هو 2500 جنيه
ممكن سؤال بعد اذنك انا موظف بالازهر وحاليا بالخارج ومستوفي جميع الشروط هل من الممكن ان يتولي احد التقديم لي باسمي ولكم وافر الاحترام
ممكن بس لازم احضار شهادة مفردات المرتب من جهة العمل مختومة من السفارة المصرية في البلد ضمن الاوراق المطلوبة
السلام عليكم-انا محولة معاشى لبنك ناصر علشان كنت ناوية اخد قرض منه بس الحمد لله لم اخد منة قرض بس معاشى متحول فقط و بقبض المعاش فقط من بنك ناصر ممكن اخد شقة الاسكان الاجتماعى
ممكن التقديم عادي طلما الشروط متوافرة ، مع العلم ان لاحقا في حالة القبول ان شاء الله هيتم طلب منك تحويل المعاش البنك اللي هيتم التعامل معاه بالنسبة لقرض شقة الاسكان الاجتماعي
انا ارملة ومعاشى 1700 جنية ومعايا طفل واحد
ممكن التقديم وبالنسبة للارامل بيبقي ليهم اولوية ، وضمن الاوراق المطلوبة بيتم تقديم شهادة من التامينات بقيمة المعاش او اي مصدر دخل اخر ممكن اثبانه لو موجود
طيب بالنسبه المغتربين خارج مصر طريقة التقدير ازاي
بالنسبة للعاملين خارج جمهورية مصر العربية ممكن تقدم عادي او لو الزوجة في مصر تقدم الاوراق المطلوبة بس بدل مفردات المرتب بتجيب شهادة دخل من جهة العمل بالخارج معتمدة من القنصلية المصرية بالدولة التى يعملون بها مصدقاً على توقيعاتها من الخارجية المصرية.
انا جوزى شغال قطاع خاص مرتبه 1500 وانا مش بشتغل وعندنا ولد وبنت ينفع نقدم احنا قاعدين فالمنوفيه لكن شغله فمصر فمدينه الرحاب
ممكن تقولنا التقديم انت ومعندناش وصل كهربا باسمنا كله باسم حمايا وينفع نقدم ولا لاءه ولك جزيل الشكر
لسه محدش عارف الوزارة بتاجل كل شوية غالبا في شهر ابريل اخر كلام بس مفيش ميعاد محدد ، لو مفيش وصل مرافق باسمكم ممكن تقدموا اي وصل المرافق للمكان اللي ساكنين فيه حاليا
ممكن التقديم سواء محافظة السكن او في محافظة العمل طلما مكان العمل يقدر يثبته في شهادة مفردات المرتب
القرعه بتاعه الاسكان الاجتماعي المفروض تتعمل كام مره ف السنه؟
حاليا مبقاش فيه قرعة في الاسكان الاجتماعي المتقدمين بيتم ترتيبهم حسب الاشد حاجة والاولوية بيستلمو الشقق
السنادي هيبقي فيه مرتين للتقديم ، بس اصلا الوزارة بقلها شهرين بتأجل في المرة الاول ولحد الان لسه مبتدتش
انا قولتلك اني شغال ف محل موبايلات ..لو صاحب الشغل خليتوا يأمن عليا ..يبقي وقتها اجيب من التأمينات ورقه بمفردات المرتب.واقدمها ؟
بتجيب مفردات المرتب من الشغل بختم مكان العمل بيكون فيها تاريخ بداية العمل ومفردات المرتب وعنوان جهه العمل
اما التامينات بتجيب ورقة منهم انك مأمن عليك وتاريخ بداية التامين
لو انا غير موظفة واحضرت شهادة من محاسب قانوني بدخل شهري لي وزوجي موظف لازم ارفق بيانات دخل جوزي كمان ولا يكفي شهادة المحاسب القانوني علما بان الشقة سوف تكون باسمي لانه حسب السن
شهادة الدخل من محاسب قانوني مطلوبة من اصحاب المهن الحرة او المحلات ، انما لو موظفين يكتفي شهادة مفرادات المرتب من جهة العمل و ورقة من التامينات
طلما متزوجة لازم بيانات الاسرة بالكامل حتي لو التقديم باسمك
لوسمحت انا متزوج واعمل فى القاهره وعندى طفله وانا لست من القاهره انامغترب ودخلى انا والزوجه 3200 جنيه ومحتاج اقدم على شقه فهل ارسل ايصال فهل يجوز لى التقديم وارسال ايصال مرافق للسكن الحالى
ممكن التقديم طلما مكان العمل تقدر تثبته في شهادة مفردات المرتب ، بالنسبة لايصال المرافق بتقدم الايصال للسكن المقيم فيه حاليا
بعد ازن سيادتكم / أنا كنت مجند ف الجيش وحاليا معاش قوات مسلحة (مصاب عمليات حربية بسيناء) وعند نسبة عجز 10%__ وباخد مرتب 1885 جنية ___ وعامل قرض من سنة من بنك ناصر وبيخصمو . 1000 جنية وباخد باقي المرتب 850 جنية : هل تنطبق عليا الشروط أم لا ? / ارجوا من سيادتكم رد ! شكرا
لو المرتب مش متحول كله للبنك ممكن تقدم طلما باقي الشروط متوافرة
هو لازم يكون الشخص متجوز طب جيبو الشقه بعدين نتجوز فيها
الاعزب ممكن يقدم عادي في الاسكان الاجتماعي ، بس الحد الاقصي للمرتب للاعزب هو 2500 جنيه
انا راجل مش بشتغل لا حكومة ولا قطاع خاص وجالس بالبيت والان بشتغل على الله وبوفر جزء من المال بعد احتياحات البيت وجالس فى بيت العيلة والعداد باسمى هل ينطبق عليا الشروط ومازا افعل ….. ولكم منا وافر الاحترام والتقدير
لازم تقديم اي شهادة او ورقة بالدخل ممكن من خلال محاسب قانوني ، البنك عايز اثبات مصدر دخل بحيث انك تقدر تدفع اقساط الشقة
لو انا مغير محل اقامة البحر الاحمر من ثلاث سنوات بس شغال و معاي تأمينات اكثر من خمس سنين..
هينفع اقدم
لو مكان اقامتك او المكان اللي عايز تقدم فيه مثبت في البطاقة او مثبت كمحل عمل ممكن تقدم ، المهم يكون فيه ورق بكدا
شكراً علي الاهتمام والرد 🙂
العفو واهلا بيك :))
انا ماجر شقه من ولدتى ومدخل فيها المياه والكهرباء بأسمى يجوز ليا التقديم
لو ساكن في ايجار مش تمليك ممكن تقدم طلما باقي الشروط متوافرة
مفيش ايصال مرافق باسمى ولا اى حد تبعى
قدم اي ايصال المرافق للمكان الساكن فيه حاليا حتي لو مش باسمك هم غرضهم في النهاية يتاكدو انك متواجد في المكان دا
السلام عليكم انا ومراتى مرتبنا 4000 جنيه وهى وخدة قرض من بنك القاهرة ينفع اقدم
وعليكم السلام ورحمه الله وبركاته
الحد الاقصي لدخل الاسرة 3500 جنيه للتقديم في الاسكان الاجتماعي
طيب أنا مطلقة ومعنديش دخل رسمي ينفع أقدم ولا لا
لازم اثبات اي دخل للتقديم في الاسكان الاجتماعي بحيث تقدري تدفعي منه اقساط الشقة
انا ساكن والفواتير للكهربء والمياة مش باسمى ولكن الاقامة فى البطاقة فى نفس العنوان ينفع اقدمهم ولا لاء
ممكن اي وصل مرافق اخر سواء تليفون او كهربا او غاز ، او لو كلهم مش باسهم يبقي قدم الوصل طلما العنوان مثبت في البطاقة هم في النهاية عايزين اثبات انك مقيم في المكان دا
انا ورقي مستوفي بس مش معايا ايصال كهربا بس معايا فاتورة تليفون وايصال غاز ينفع
اه ينفع اي ايصال مرافق سواء تليفون او عاز او ميه
انا من محافظه الفيوم واعمل فى فرع الشركه بالبحر اﻻحمر لكن مقر الشركه بالقاهره والتامينات بالقاهره منذ 17 سنه ينفع اقدم فى الشروق او التجمع وهل اﻻولويه لساكن القاهره ام الذى يعمل بها وهل عد سنين العمل يكون فى صالحى
المهم تجيب ورقة سواء من جهة العمل او التامينات يكون فيها ان مكان عملك في القاهرة
الاولوية في شقق الاسكان الاجتماعي للاكثر احتياجا للشقة بعد ما بيتم عمل فحص الحالة بيتم عمل ترتيب للمتقدمين
لكن سواء ساكن او يعمل في المحافظة الاتنين لهم نفس الاولوية
بالنسبة انا معايا وصل بطاقة المدام هستلم البطاقة اول شهر ابريل ينفع اقدم بالوصل بدل صورة البطاقة
عامة حتي الان لسه لم يفتح باب التقدم حتي اليوم شكلها كدا هتبقي في شهر ابريل ، عموما حتي لو فتحوا التقديم في مارس هيستمر لمدة شهر يعني هيبقي متاح تقدم في ابريل
اوراقى كلها جاهزه ما عدا بطاقه الزوجه اصدار 2007 يعنى عدى عليها 9 سنين ينفع اقدم وفتح باب الحجز امتى
لازم البطاقة تكون سارية ، حتي الان مفيش ميعاد محدد لفتح باب الحجز
انا موظف قطاع عام وواخد قرض شخصى من بنك مصر فاضل على انتهاء القرض حوالى سنتين هل يجوز لى حجز شقة علما بان باقى المرتب يغطى القسط
ممكن تقدم بس المشكلة في ان لو مرتبك متحول علي بنك مصر هيرفضوا
لان في حالة في نصيب في الشقة هيطلبو تحويل المرتب حسب البنك اللي هيكون مسئول عن التمويل العقاري
انا مش عارف موعد التقديم امتي بالضبط رغم أن الوحدات جاهزه في كل المحافظات ليه التاخير
الحد الأدنى والأقصى للمرتب للمتوزج كااااااااااااااااااام
وامتى هينزل التقديم وشكر ليكم
الحد الادني لمجموع دخل الاسرة 950 جنيه ، والحد الاقصي لدخل الاسرة هو 3500 جنيه ، لسه مفيش ميعاد محدد
انا عيز اعرف من فضلك التقديم هيكون يوم كام بل ظبت عشان انا مش عارف
واحنا كمان مش عارفين للاسف وزارة الاسكان كل اسبوع بتاجل الاعلان ، كان المفروض هينزل اول مارس 2016 لكن تم تاجيله عموما ان شاء الله خير واول لما ينزل الاعلان رسمي هيتم نشره في كل الجرايد والمواقع
شكرا لحضرتك هل ممكن بكون التقديم فى شهر ابريل وشكر
العفو واهلا بيك
المفروض خلال شهر مارس الحالي بس شكلها كدا فعلا ممكن يبقي في شهر ابريل حسب وزارة الاسكان عموما احنا منتظرين اي خبر جديد هننشره وان شاء الله خير
انا بشتغل فى قطاغ عام شهاده التامينات هتبقى من الشغل والل من مصلحه التامينات والتقديم هيبدأ امتى
شهادة التامينات من مكتب التامينات التابع له
اما من الشغل بتجيب مفردات المرتب الشهري او السنوي
انا مش شغال بس زوجتى شغاله فماذا افعل
طلما باقي الشروط متوافرة ممكن تقدموا عادي باسم الزوجة وفي بيانات الزوج تذكر انه لا يعمل
ممكن اعرف انا محامي اعمل ايه بالظبط وانا اعزب معلش انا اسف بس اصلي بسمع كلام كتير وانا بصراحه تعبت من كتر الكلام واكبر حلم ليا انا ووالدتي يكون لينا شقه تعبنا بجد
ممكن حضرتك تحدد ليا الاوراق المطلوبه مني
الاوراق زي ما ذكرنا في الموضوع ، الفارق بالنسبة لك كشغل خاص او كمحامي لو شغال في مكتب بتجيب منهم مفردات المرتب ، لو شغال شغل خاص بتجيب شهادة من محاسب قانوني بالدخل السنوي
انا قدمت في شهر ٨ و كان الرفض اني انا مش من محدود الدخل علي الرغم اني مرتب جوزي ١٤٠٠ انا ٨٠٠ انا عايزة اعرف مين محدود الدخل
الحد الاقصي لدخل الاسرة حاليا بعد التعديل 3500 جنيه ، حاولو تقدموا تاني او علي الاقل تستفسرو ايه السبب بالضبط من صندوق التمويل العقاري لان مرتبكم اقل بكتير من الحد الاقصي
انا عندى 46 سنة وسويت معاش مبكر وشغال قطاع خاص بالنسبة للتامين اعمل اية
ممكن ورقة من التامينات بالمعاشات
موعد نزول الشقق الاسكان الاجتماعى
اخر تصريح من وزارة الاسكان امبارح الخميس قال انه خلال شهر مارس 2016 والتاخير بسبب انه هيكون اكبر اعلان شقق اسكان اجتماعي حوالي 50 الف شقة
من فضلك انا مسافر خارج مصر للعمل ف. دولة عربية ليه حق التقديم ومتوفر ليه كل الشروط
لو الشروط متوافرة ممكن تقدم عادي
السلام عليكم هل من الممكن لاصحاب الاعاقة وعازبا اي غير متزوج التقدم وما الاوراق المطلوبة شكرا
وعليكم السلام ورحمه الله وبركاته اه ممكن التقديم عادي لكن بالنسبة للعازب الحد الاقصي للمرتب 2500 جنيه
لو سمحت انا جو زى شغال فى أعمال حرة وليه تأمين بس مفردات المرتب يعملها ا زاى والتقديم هي فتح امتى
بيقدم السجل التجاري والبطاقة الضريبية وشهادة من محاسب قانوني بالدخل السنوي
شهادة التأمين الاجتماعي للموظف بس ولا لغير الموظفين برضه
التأمين الاجتماعي مطلوب من جميع المتقدمين
ايوه يعني اروح لصاحب المحل بكتب تاريخ بدايه العمل والمرتب الشهري والسنوي وخلاص ؟ وورقه التأمينات اجيبها منين ومعندناش حاجه اسمها تأمينات ف الشغل ومفيش حد متأمن عليه ؟ ومكتوب فوق اروح لمحاسب قانوني يكتبلي مفردات المرتب
.ازاي؟ واجيب ورق التقديم منين ؟
اه وتكون طبعا مختومة بختم المحل ومضية من صاحب العمل
ممكن تتصل بصندوق التمويل العقاري وتاكد منه علي حكاية التامينات بس انا بقولك اللي حصل مع الناس في الاعلانات السابقة
بالنسبة لشهادة محاسب قانوني دي لو انت صاحب حرفة او انت صاحب الشغل نفسه ومعاك سجل تجاري بمعني لو شغال شغل خاص لنفسك لكن انت تعتبر موظف قطاع خاص
استمارة التقديم والتقديم بيبقي عن طريق البريد ، لكن حاليا وزارة الاسكان لسه مفتحتش باب التقديم حتي اليوم ان شاء الله لو في جديد من الوزارة هننشره ، بالتوفيق
من فضلك انا ملحقتش المرحله دي المرحله التانيه امتي انشاء الله وبيبقي في امل اني فعلا استلم شقه انا شغال قطاع خاص في شركه ودخلي اقل من 3000 ومتزوج وعندي طفلين وممتلكش اي حاجه
التقديم لسه متفتحتش في المرحلة دي تم تاجيله من شهر فبراير وحتي الان لسه مبتدأش
انا مش متجوز 22سنه واعيز شقه على شان اتجوز
العازب ممكن يقدم طلما الشروط متوافرة
انا روحت أقدم قالولي مافيش شقق والكلام اللي على النت كدب
زي ما قلنا في التعليقات السابقة ان وزارة الاسكان اجلت الاعلان الحالي بسب عدم انتهاء الاجراءات ، بمعني الاعلان ان شاء الله هينزل بس زي العادة لازم يعزبوا الناس ويعطلوهم شوية في الاجراءات ، ان شاء الله خير
طب انا شغال ف القطاع الخاص
.ف محل موبايلات ..ينفع اقدم ؟ واجيب مفردات المرتب منين ؟ وانا مش متأمن عليا ؟
مفردات المرتب بالنسبة للقطاع الخاص بتتجاب من صاحب العمل وبيكون مكتوب فيها تاريخ بداية العمل والوظيفة ومفردات المرتب سواء الشهري او السنوي ،
ورقة التامينات اساسية للتقديم في شقق الاسكان الاجتماعي
انا قدمت فى الاعلان الخامس مدينة القاهرة الجديدة فى ىشهر يوليو الماضى ولم يحالفنى التوفيق لماذا لا اعلم المهم الفلوس لسة فى البنك ممكن احول الى مدينة الشروق وشكرا
ممكن تحول لكن الاول استفسر عن سبب الرفض وهل لك ترتيب اولويه ام لا من خلال صندوق التمويل العقاري هتلاقي طرق الاستعلام هنـــــا
لو سمحت انا مش موظف وبشتغل ف عمل حر شهادة التأمينات دي لازم اعملها ولا للموظف بس..شكرا
التامينات مطلوبة من جميع المتقدمين للاسكان الاجتماعي
مفردات مرتبي في التامينات 180 جنيه مع العلم اني امتلك ميكروباص هل ينفع اقدم ولا لا
اقل قسط شهري هو 480 جنيه لازم يكون مرتبك الشهري ازيد من القسط لو تقدر تقدم اي اوراق اخري تثبت الدخل الشهري او السنوي قدمها
انا موظفة وزوجى موظف وعندى طفلين وعايزة اقدم باسمى كفرد ايه المطلوب منى وايه الفرق فى الشقق بين التقديم كفرد والتقديم كاسرة
لو متزوج او متزوجة لازم يقدم كأسرة مش هينفع يقدم كفرد لانك بتقدمي البطاقة ومكتوب فيها سواء عازبة او متزوجة ، لكن عامة ممكن تقدمي الاوراق باسمك بس لازم هيتم بيانات الزوج وشهادات ميلاد الاطفال
فرصة الاسرة في الحصول علي الشقة افضل من الفرد
وفيه فارق تاني في ان الحد الاقصي لدخل الاسرة هو 3500 جنيه اما الفرد العازب فالحد الاقصي للدخل هو 2500 جنيه
انا موظفه فى مجلس المدينه بزفتى وزوجى سائق ممكن انا ادفع المقدم ولو كان لى نصيب فى الشقه يخصم منى الأقساط
ممكن التقديم باسمك ، لكن طلما هيتم التقديم كاسرة لازم مفردات المرتب للزوج والزوجة وباقي الاوراق المطلوبة
لو سمحت ينفع التقديم باسم الزوجه لان سن الزوج 54 سنه وموظف
اه ممكن باسم الزوجة طلما باقي الشروط متوافرة
انا باخد معاش والدى وعيش مع اخويه وعندى مفرادات المعاش باسمى ومبلغ المعاش ازيد من 2500 ممكن لى الحصول على وحدة سكنيه
لو هتقدمي كفرد لازم المرتب او الدخل يبقي اقل من 2500 جنيه ، لو ازيد بنسبة كبير ممكن تقدمي في شقق الاسكان المتوسط دار مصر
يعنى انا بدفع5000 جنيه وفى خلال شهر ادفع 15% من تمن الشقه
لا ال 15 % عند استلام الشقة ودي بتاخد وقت علي الاقل 6 او 8 شهور من تقديم الاوراق حسب اللي حصل مع الناس في الاعلان السابق
ممتاز
اجيب منين بيان بالدخل ونا مش شغال فى مكان ينفع ييحي منه بيان اعمال حره
لوسمحت ممكن اعمل كل الاوراق بس ممكن اجيب عقد عمل ﻻن هو مسافر بدل مفردات مرتب ﻻن هو عامل حر
لازم مفردات المرتب او اي ورقة رسمية من جهة العمل تثبت الدخل الشهري او السنوي وتاريخ بداية العمل ، لو عقد العمل موضح فيه الكلام دا ممكن تقدمه
انا مطلقة و معى بنتين هل تكون لى فرصة فى الحصول على احدى هذه الوحدات السكنية وكم يساوى مبلغ 15% من ثمن الوحدة فى حاله الحصول عليها
اه الارامل والمطلقات ليهم فرصة ونسبة من الشقق ، 15 % حوالي 20 الف جنيه ثمن الشقة كاملا 135 الف جنيه
التقديم هيبدأ امتى
ان شاء الله خلال شهر مارس 2016
امتى باقى المحافاظات زى القليوبيه وفي الاماكن
مفيش ميعاد محدد لكن الوزارة قالت كل ما يتم الانتهاء من وحدات هيتم الاعلان عنها والمفروض خلال 2016 يتم بناء 200 الف شقة
لو سمحتم هو التقديم هيبقي باسم جوزي بس انا بطاقتي مش ساريه ينفع اقدم بيها مؤقتا لانها هتطلع بعد 15 يوم
التقديم لسه مفتحش ، لازم البطاقة تكون سارية ، عموما التقديم في الاسكان الاجتماعي هيبقي مستمر لمدة شهر
الاوراق المطلوبة ايه يالظبط للقطاع الخاص
مفردات مرتب وشهادة من التامين وصورة بطاقة للزوج والزوجة وبس ولا فى حاجة تانى
اه مع باقي الاوراق اللي اوضحناها في الموضوع :- صورة من وثيقة الزواج ولو فيه اولاد بتقدم شهادات الميلاد ، وصل المرافق
انا من محافظة القليوبية وعايش في القاهرة ومكتوب تكون البطاقة والاوراق تابعة للمحافظة ينفع اقدم ولا
ممكن تقدم حسب مكان سكنك في البطاقة او مكان عملك
ممكن اعرف لو دخلى ودخل زوجتى اكتر من الحد الاقصى مع العلم انها تعمل نصف اجر لظروفها الصحيه بس يطلع لها مفردات مرتب كامل ونسكن بالايجار لنا الحق ام لا
لازم يكون دخل الاسرة اقل من الحد الاقصي لو ازيد ممكن تقدم في الاسكان المتوسط وبتحصل علي قرض من صندوق التمويل العقاري
وعموما تم زيادة الحد الاقصي للاسرة حتي ٣٥٠٠ جنيه شهريا ممكن تقرا المزيد من التفاصيل هنــــا
احنا قدمنا قبل كدا ومجتش وخايفه اقدم تانى
لو الشروط متوافرة اسالي في صندوق التمويل العقاري هنــــا ، عن سبب الاستبعاد ايه بحيث تشوفي تقدمي مرة تانية ولا لا
انا اريد الحجز في مدينه العبور هل اقدم في شهر مارس مع العلم انه لم يتم ذكر العبور في الاعلان حاجه تانيه انا اعمل في القطاع الخاص ولي مفردات راتب ولكن لم يؤمن علي مع العلم ان معي صوره سجل تجاري والبطاقه الضريبية للشركة التي اعمل بها. ارجو الرد
بالنسبة للقاهرة في الاعلان دا هتبقي الشروق و 15 مايو ، ممكن تقدم فيهم وتضمن علي الاقل فرصة ، بالنسبة للتامينات هي مطلوبة من الاوراق الاساسية لكن طلما باقي الشروط متوافرة قدم
بالتوفيق
لو سمحتوا كنت عايز اعرف منكم الاعلان نزل ولا لسا
لسه حتي اليوم لم يتم الاعلان عنه رسميا لكن ان شاء الله خلال شهر مارس
السلام عليكم
لو سمحت انا مقدم في شقق الاسكان الاجتماعي في طنطا محافظه الغربيه شهر فبراير2014 وحتي الان لم يظهر اي شئ علما باني ذهبت الي بنك التعمير والاسكان بكفر الشيخ ونتج عنه ان كل اوراقي سليمه وهو الان في صندوق التمويل العقاري فاريد معرفه ميعاد الاسماء ستظهر متي؟
ولكم جزيل الشكر
وعليكم السلام ورحمه الله وبركاته
ممكن تعرف موقفك بالضبط في الاسكان الاجتماعي وترتيبك في الاولوية للحصول علي الشقة من خلال الاتصال ب صندوق التمويل العقاري هتلاقي طرق التواصل معاهم من هنــــا
لو سمحت التقديمات امته بالضبط
كان المفروض خلال شهر فبراير لكن تم التاجيل وزارة الاسكان ان شاء الله هيتم تحديد ميعاد محدد الاسبوع القادم وعموما التقديم هيبقي طوال شهر مارس 2016
هل القسط المذكور 480جنيه هو اجمال ما سوف يدفع خلال الشهر شامل فائدة البنك ؟؟
دا اقل قسط ممكن الناس تدفعه ، لكن تحديد قيمه القسط نفسه بتبقي حسب مرتبك وبعدها بيتم حساب الفائدة السنوية
هل شقق مدينتى الرحاب ومدينتى لسه موجودة الى الان 25-2-2016
اه بالنسبة لموضوع شقق الرحاب ومدينتي لسه الاعلان عنه كام امبارح 24 فبراير هتلاقي المزيد من التفاصيل هنــــا
لو سمحت باب التقديم فتح ولا لسه ؟؟
لسه لكن ان شاء الله خلال ايام حسب اخر تصريح من وزير الاسكان النهاردا ، وعموما التقديم هيبقي مستمر طوال شهر مارس 2016
بصراحه الشقه بالسعر ده غاليه ياريت يخفضوا القسط الشهرى
انا اعمل الان خارج مصر ومتزوج هل فى الامكان الحجز .وكيف اتمكن من ذلك وانا خارج مصر .شكرا
لو الشروط متوافرة ، ممكن احد الاقارب تعمله توكيل ويقدم الاوراق ويدفع المقدم باسمك
دخل الاسره لا يزيد عن 3 الاف باساسي المرتب فقط؟؟؟؟ولا بالبدلات والحوافر!؟؟
شامل دخل الاسرة كله ، عموما بتقدمي ورقة مفردات المرتب من جهة العمل بيبقي موضوح فيها المرتب كامل
بس ليه دخل ثابت مش يقدم طيب كده حرم انا مش عندي شيق وعوز اقدم ازي وانا مش عندي دخل
انا عندى 20سنة وانا ارملة وعندى طفلة لا يوجد لدى سكن انا ساكنة مع اهلى هل استحق ان اقدم فى المشروع ام لا
ممكن التقديم لكن لازم يكون فيه مصدر دخل يتم ذكره ، لسداد اقساط الشقة
انا متقدم من شهر فبراير2015 المنشاة سوهاج ولم يتم الرد إلي الان مع أن الوحدات تم تشطيبات نهاءيا
ممكن تعرف موقفك من خلال الاتصال ب صندوق التمويل العقاري هتلاقي طرق التواصل معاهم من هنــــا
هل سيتم فتح باب الحجزلقطع أراضى أووحدات سكنية فى العاشرمن رمضان قريبا
ان شاء الله خلال شهر مارس 2016 ممكن تقرا المزيد عن الموضوع هنا هيتم الاعلان عن اكبر قرعة اراضي اسكان اجتماعي ومميز
لو سمحت عاوز اعرف هو التقديم ف اعلان فبراير 2016 بدا ولا لسه ؟؟
لا لسه تم التاجيل للشهر القادم
السلام عليكم
دلوقتي انا طالبة جامعية وعاوزة اقدم علي شقة في اسكندرية المطلوب مني اعمل ايه بالظبط؟
وعليكم السلام ورحمه الله وبركاته
سن المتقدم في شقق الاسكان الاجتماعي لازم يكون 21 سنة وله وظيفة وتامينات
ممكن احد الوالدين يقدم طلما تنطبق عليهم الشروط
يعنى واحد فى حالتى يسكن بالايجار وعامل عادى ومعه اولاد فى كليات ودبلومات واعدادى من فين ياتى ب5000 جنيه و10فى الميه علشان يحصل على سكن ياويه واولاده من العدل ان يكون هناك بعض الرحمه
انا اعمل بشركه مياه الشرب واخذت قرض وساكن مع والدي بمنذل الاسره ويوجد عداد كهرباء ومياه باسمي نظرا لان والدي علي المعاش وانا الذي اقوم بهذه الاجراءات فيحق لي التقديم اما ان اسدد القرض اولا وشكرا
اه ممكن تقدم طلما باقي الشروط متوافر المهم ميكونش عندك شقة تمليك باسمك
يعني نقدم اورقنا ولا نستنا ولو هنقدم نقدم في البوسطة ولا البنك رجاء الرد
لسه حاليا مفيش تقديم في شقق الاسكان الاجتماعي زي ما الناس قالت في التعليقات سالوا في البوسطة قالوا مفيش استمارات ولا تعليمات جتلهم ، ان شاء الله خلال شهر مارس هيتم فتح باب التقديم ، اما بالنسبة لاراضي وزارة الاسكان ان شاء الله هي الاسبوع الل جي
سلام عليكم لو سمحت عايزه اعرف امتى هينزل منشور محافظه القاهره وايه الاماكن اللى هتبقي في محاظه القاهره علشان انا بشتغل في العاشر من رمضان
بالنسبة لمحافظة القاهرة ان شاء الله خلال شهر مارس او ابريل
وشقق الاسكان الاجتماعي في القاهرة بتكون في مدينة السلام او مدينة بدر
انني امتلك سيارة ميكروباص بشبين الكوم ولا اعرف ماهي الاوراق التي تثبت مرتبي لوسمحت الافادة
بالنسبة لأصحاب المهن الحرة ، يتم تقديم شهادة من محاسب قانونى تبين صافى الدخل الشهرى أو السنوي ، مع باقي الاوراق اللي ذكرناها في الموضوع
اصبحنا فى منتصف الشهر ولم يظهر اى اعلان بهذا الكلام امال التقديم امتى ؟؟؟؟
وهل سيكون هناك اعلانات عن المحافظات التى لم يكون فيها تقديم بهذا الاعلان مثل الجيزة والقاهرة فى وقت لاحق ؟؟؟
الوزارة اجلت اعلان شقق الاسكان الاجتماعي وقالت النهاردا ان الاعلان هيبقي خلال شهر
وسبب التأجيل ان الاسبوع القادم هيتم طرح عدد اراضي اسكان كبير في الاسكان الاجتماعي والمميز بنظام القرعة فتكون الوزارة وبنك التعميير مشغلوين فيهم
عموما الاعلان اكيد لكن التوقيت زي ما قالو خلال شهر
لو سمحتم فى ف اعلان فبراير ٢٠١٦ مساكن ف مدينه النوباريه ف البحيره ولا لا؟ ولو موجوده اجيب استماره التقديم منين ؟؟
ان شاء الله هيبقي فيه في محافظة البحيرة (وادى النطرون – بدر) ، الاعلان نفسه لسه منزلش رسميا وزارة الاسكان قالت خلال شهر ، علشان فيه الاسبوع اللي جي اعلان اراضي للاسكان الاجتماعي والمتميز
انا انسه وموظفه فى الحكومه بينفع اقدم ولا لا . ولو بينفع مفيش ايصال ايجار باسمى انا ساكنه مع والدى .وهل فى وحدات بمحافظه الجيزة ولا لا
ممكن تقدمي عادي طلما المرتب اقل من 2250 جنيه ، بتقدمي وصل المرافق حتي لو مش باسمك هم غرضهم الاستعلام عن مكان السكن الحالي
حاليا مفيش في محافظة الجيزة لكن ان شاء الله الاعلان اللي جي في شهر مارس او ابريل
ياريت تنزلوا استمارة التقديم الخاصه بحجز شقق الاسكان الاجتماعى
ان شاء الله اول لما الوزارة تفتح باب التقديم رسميا هتنشر الاستمارة في الجرايد وعلي النت
انا من الجيزه وبشتغل في القاهره ممكن التقدم في القاهره
اه ممكن تقدم في محافظة عملك
1- لو انامقيم فى مدينة 15 مايو والتقديم فتح فى مدينة السلام او بدر هل ينفع اقدم ؟
2- انا ساكن فى وحدة سكنية تابعة لشركة الصرف الصحى ( سكن ادارى ) هل تبقى عقبة فى التقديم ؟
1- اه ممكن تقدم لان مدينة 15 مايو تتبع محافظة القاهرة
2- من الشروط ان المتقدم ميكونش عنده شقة تمليك ، فطلما هي سكن اداري مش تمليك بعقد يبقي ممكن تقدم عادي
السلام عليكم
لو سمحت شرط السن ده اساسي عشان اقدم علي شق.في المشروع ولا لا ?
هل ميعاد فتح باب التقديم في مشروع الاسكان الاجتماعي كل سنة ثابت ولا بيتغير (1فبراير – 3 مارس)?
وعليكم السلام ورحمه الله وبركاته ، لا مش ميعاد ثابت ، حسب ما بيتم الانتهاء من الوحدات والاجراءات ، حاليا لسه لم يتم الاعلان رسميا عن اعلان فبراير 2016 ان شاء الله خلال ايام
امتى هيتفتح فى محافظة دمياط باب التقديم ؟ وهل ينفع انى اقدم فى دمياط الجديدة وانا اسكن فى دمياط القديمة؟
ان شاء الله قريب خلال ايام ، ممكن تقدم اه دمياط الجديدة ضمن الاعلان دا
أنا من أسيوط ولكن ساكن في القاهره ف مدينه حلوان مع ابويا وبطاقتي علي أسيوط وعايز أقدم ف شقق الإسكان الإجتماعي بس بطاقه ابويا علي أسيوط برضه ينفع أحول بطاقتي لحلوان ولا لازم أبويا بنفسه مع العلم إني طالب بجامعه الأزهر مدينه نصر
الوالد يقدر يقدم لو باقي الشروط متوافرة حسب مكان سكنه او مكان عمله
لكن بالنسبة لك متقدرش تقدم طلما لسه بتدرس ومفيش وظيفة
طيب حضرتك فى مكتبات بتبيع اوراق تخص شركه المياه والكهرباء والضرائب العقاريه اشتريتو ولفيت بيه على جميع المصالح المذكوره علشان اثبت ان مفيش اى عداد مياه او كهرباء او عقار بأسمى او اسم زوجتى وقالولى ان الورق دا فعلا تبع التقديمات دى ومنتظر استماره مديريه الاسكان فهل دا صحيح ولا لآ ارجو الافاده فضلا
مفيش الكلام دا حسب الاعلان الرسمي من وزارة الاسكان انت مجرد بتقدم ضمن الاوراق اللي ذكرناها وصل مرافق ، وعن فحص الاوراق ومراجعة البيانات ممكن يطلبوا منك الاوراق دي او غيرها ، لكن عادة البنك بيتاكد بنفسه من الجهات دي
وهل لو انا بشتغل بائع فى محل تجارى اعمل مفردات مرتب فقط مع باقى الاوراق وهل يوجد اوراق اخرى
لازم التامينات مطلوبة من القطاع العام والخاص
انا من القاهرة هل ممكن اعرف اماكن المشروعات السكنية فى القاهرة فى اى اماكن بالظبط
اعلان شهر فبراير مفيش القاهرة والجيزة ، لكن ان شاء الله الاعلان القادم هيبقي فيه ، وعادة اماكن شقق الاسكان الاجتماعي تبع محافظة القاهرة بتبقي في مدينة السلام وبدر والقاهرة الجديدة
الملاحظ ضمن الورق المقدم بطاقة الزوجة وشهادات الأبناء.ممكن الأعزب يقدم خاصة أننى من أبناء المحافظة وموظف. وللا الأعزب مالوش فى الشقق دى؟
الاعزب ممكن يقدم في شقق الاسكان الاجتماعي وبيقدم الاوراق المطلوبة عادي ، احنا ذاكرين البيانات المطلوبة عامة
انا عايز اسال عن مده الاقامه ف البحر الاحمر علشان احجز انا اقامتي من 2010 وانا عندي 21 سنه وكام شهر يحق لي حجز وحده ولا لا ارجو الرد
التقديم في المحافظة بيبقي حسب العنوان المتسجل في البطاقة ، او مكان العمل وتقدم المستند اللي يثبت ذلك
لو سمحتوا انا كل ما أسأل عن التقديم فى المشروع سواء فى البنك او البوسطة بيكون الرد ما فيش حاجه من الكلام ده صح ده مجرد كلام بيضحكوا بيه على الناس
عايزه اعرف فى وحدات مطروحه بالفعل ولا لأ ؟؟؟
اعلان الاسكان الاجتماعي شهر فبراير 2016 لسه لم يتم الاعلان عنه رسميا
ان شاء الله خلال الاسبوعين اللي جيين دول هتنزل الاستمارة في الجرايد وعلي النت ويتفتح التقديم رسميا
انى دايخ على النموذج بتاع التقديم عشان نقدم مفيش حد بيدلناعلى على حاجه أرجو منكم تعرفونا نروح فين انى من طلخا دقهلية روحت البوسطى وروحت المحافظه ومافى فايده
النموذج او الاعلان الرسمي لسه منزلش ان شاء الله متوقع يتنشر في الجرايد وعلي النت الاسبوع اللي جي
انا مش لاقي النموذج بتاع التقديم كيف احصل عليه