اعلنت وزارة الداخلية اليوم الجمعة من خلال جريدة الأهرام عن اعلان وظيفة معاون أمن وشمل تفاصيل وظيفة معاون أمن التي اقراها الرئيس السيسي هذا الاسبوع، حيث اوضح الاعلان شروط ومواعيد الواجب توافرها في المتقدم لوظيفة معاون أمن، ويأتي هذا طبقا لتعديل قانون الشرطة بموجب قرار رئيس الجمهورية عبد الفتاح السيسى، حيث تم تعديل القانون باستحداث فئة شرطية جديدة تسمى “معاونو الأمن”، وذلك بعد بتعديل قانون هيئة الشرطة الصادر بالقانون رقم 109 لسنة 1971، واليكم تفاصيل ما أعلنت عنه اليوم وزارة الداخلية في جرنال الأهرام يوم الجمعة …
وزارة الداخلية قطاع الافراد تعلين الإدارة العامة لشئون الأفراد عن قبول طلبات دارسين بالمعاهد الشرطية للتعيين في وظيفة معاون أمن:-
والشروط العامة المطلوبة للتقدم لوظيفة معاون أمن:-
– أن يكون المتقدم مصري الجنسية.
-يشترط على المتقدم الحصول على شهادة الإعدادية أو ما يعادلها.
-أن يكون السن من 19 عاما ولا يزيد عن 25 عاما.
-أن لا يكون للمتقدم سابقة في الحكم عليه في أي قضية.
-أن يكون المتقدم طوله 170 سم، وعرض الصدر يكون 85 سم.
-لابد أن لا يكون المتقدم مجندا بالقوات المسلحة عند تقدمه.
-لا يكون المتقدم متزوج.
-يلزم على المتقدم اجتياز الدراسة بالمعهد التي تعقد لمدة 18 أشهر بنجاح.
-أن يكون المتقدم حسن السير والسلوك وسمعته طيبة.
-أن تتوافر في المتقدمين الشروط الخاصة باللياقة الصحية والبدنية.
-أن يجتاز المتقدم اختبارات السمات التي تتطلبها الوزارة لشغل الوظيفة.
-لا يكون قد سبق فصله من الخدمة الحكومية أو القطاع العام أو قطاع الأعمال العام.
مدة الدراسة لوظيفة معاون أمن هي:-
18 شهرا بمعهد تابع لوزارة الداخلية
ثانيا المؤهل للتقدم لوظيفة معاون أمن:-
ان يكون المتقدم للوظيفة من الحاصلين علي شهادة الإعدادية او ما يعادلها.
ما هي المزايا الخاصة بوظيفة معاون أمن؟
المميزات التي سوف يحصل عليها معاونو الأمن هي كالتالي:-
-سيكون لهم مزايا افراد الشرطة ولهم الحق في الترقي.
-سيحصل علي مكافأة شهرية اثناء دراسته في احدي معاهد الشرطة.
-سيحصل على مرتبات مجزية ومكافأة شهرية.
-إمكانية الإيفاد في مأموريات الحج والعمرة التابعة للشرطة.
-سيكون لهم حق الضبطية القضائية.
-صرف الملابس الأميرية مجاناً .
-سيستفاد من مميزات صندوق الزمالة.
-سيستفاد من النظام العلاجي المجاني والخدمات الاجتماعية للفرد وأسرته.
اما عن طريقة التقديم في وظيفة معاون الأمن:-
يجب علي المتقدم الي وظيفة معاون أمن ان تنطبق الشروط عليه كما ذكرنا اعلي ومن ثم علي المتقدم لطلب كراسة التقدم لوظيفة معاون الأمن، من أحدى مقر معاهد التدريب الشرطية.
عناوين معاهد التدريب الشرطية لطلب كراسة التقدم لوظيفة معاون الأمن:-
-معاهد تأهيل ضباط الصف وجنود الشرطة بالقاهرة الكائنة بشارع جسر السويس.
-معهد مندوبي الشرطة بعين شمس.
-معهد التدريب الراقي بزهراء المعادي.
-معهد تأهيل ضباط الصف وجنود الشرطة بسوهاج.
-معهد مندوبي الشرطة بوادي النطرون بالبحيرة.
ميعاد التقدم لوظيفة معاون أمن:-
– تسحب كراسات الالتحاق من مقار معاهد التدريب الشرطية التي ذكرناها اعلي بداية من السبت الموافق 27 ديسمبر 2014 وحتي يوم السبت الموافق 17 يناير من العام الجديد 2015.
ملحوظة :- المتقدم لا يجب ان يكون مجندا بالقوات المسلحة عند تقدمه، وألا يكون متزوجا عند تقدمه للوظيفة، ويلزم عليه اجتياز الدراسة بالمعهد التي تعقد لمدة 18 أشهر بنجاح.
وندعو لكم بالتوفيق والنجاح وسوف نوافكيم بالجديد في حالة توافر معلومات جديدة عن وظيفة معاون أمن ونرحب بتعليقاتكم واستفسارتكم في التعليقات علي موقع خمس خطوات بالتوفيق للجميع .
موقع خمس خطوات يقدم معلومات بسيطة فى شرح سهل من خمسة خطوات للأحداث الجارية وكافة مناحي الحياة المتنوعة لإثراء محتوي اللغة العربية على الإنترنت.
يجماعة انا عايز اقدم وانا المواصفات موجود وانا مكاني بعيد وبكرة اخر يوم اعمل اية يجاعة
شوف اقرب معهد من اللى مذكورين في العنوان وقدم هناك
معد التقديم
انا تاريخ ميلادي 20-4-1996 ينفع اتقدم
طلما لسه مش 19 سنه مينفعش ان شاء الله في الدفعه اللى جايه
مليش موقف من التجنيد هل اقبل مواليد 1994
طلما الشروط متوافرة قدم وبالتوفيق
انا معايا شهاده الجيش غير لائق ممكن اقبل ولا لاء
ارجو الرد
علي حسب الكشف الطبي في المعهد نفسه مقدرش اقولك 100 % ، عموما لو الطول والوزن وباقي الشروط متوافره قدم وبالتوفيق
طب اذا كتبت الاسم في اول صفحه ينفع اشغبت عليه اوامسحه بموزيل
لا دي الافضل تسال في المعهد نفسه لانهم ممكن ميوافقوش علي حكاية الشطب او الشخبطة
انامواليد4\12\1995ومجاش معادى للجيش ايه الورق المطلوب
الاساسي بطاقة الرقم القومي وشهادة الميلاد وشهادة الاعدادية وباقي الورق هتلاقيه مذكور في كراسة التقديم علشان ترفقه مع الكراسة وقت التقدم
انا جايب كراسه وجسمي غيرمناسب وابن اختي مناسب ينفع يقدم بيها
لو لسه مكتبنش اسمك وبياناتك في الكراسة ينفع
انا موليد4/12/1995 هل لي تقديم
طلما كملت 19 سنه ينفع ، عموما اتاكد من المعهد قبل شرا كراسه التقديم ، بالتوفيق
انا اسمي احمد ارجو المساعده منكم انا وحيد والدي 22 سنه والدي رقيب اول شرطه
قدم و بالتوفيق
انا عندي ٢٥ سنه هينفع اقدم
لا السن لحد 23 سنه
لما اتخرج من المعهد ليا ترقية ولا لاء
فيه ترقية من معاون امن ثالث حتي معاون امن ممتاز
هو الوزن مشكله ارجو الرد
حسب الكشف الطبي في المعهد، لكن في الشروط المذكورة في الاعلان لم يذكر الوزن
طب افرد نجح واتقبل وفى الامتحانات خلال 18 شهر سقط اية ال هيحصل
ارجو الرد
علي حسب المعهد ممكن يدخله في الدفعة اللى بعديها او يقوله بالسلامة ، بس اللى اعرفه ان مفيش حد بيسقط في معاهد الشرطة هناك الا لو بقي بايع القضية وعايز يضيع نفسه
لو الطول 169 ينفع
حسب الشكف في المعهد ممكن يبقوا متمسكين ب 170 ، لكن عموما قدم وبالتوفيق
لو سمحت انا وحيد وطولى 162 وعندى 19 سنه ينفع اقدم ولا لاء
الطول مشكلة لانهم محددين 170 سم
ينفع اسحب ل اخويا 22 سنة عمرة
لحد ما يجى يقدم بنفسة قبل الميعاد المحدد؟
حسب المعهد نفسه والزحمة ، ممكن يقبلو تسحبله اه والتقديم مفتوح لحد 17 يناير ، بالتوفيق
انا مواليد 1/7/1996 ينفع أقدم في وظيفة معاون شرطه ولاإيه
ينفع طلما هتكون 19 سنه وقت التقديم
لو سمحت انا مخلص الجيش بس الشهادة رديئه
هم مش محددين شهادة الجيش تبقي طالبين فقط انك تكون ملكش جيش وقت التقديم ، لكن اتاكد من المعهد قبل شرا الكراسة
طب لو النظر ضعيف ينفع اقدم ولا لازم النظر 6 على 6
مش محددين النظر في الشروط فهيبقي حسب الاختبارات الطبية في المعهد ممكن يسمحو بنسبة بسيطة القل من 66 عموما طلما باقي الشروط متوافر قدم وبالتوفيق
طيب الى مقدم فى العسكرى الدرجة اولى هتتلغى وهيبقى بس المعاون شرطة ولاالى مقدم فى الدرجة اولى زى ما هوه
لا معندش معلومة عن العسكري الدرجة اولي ، ممكن تسال في المعهد وعموما لو اتقبلت في جاحة هتكمل فيها
شكرا اوي لحضرتك
العفو ، وبالتوفيق والنجاح
طيب هو الموضوع دا اكيد ميه الميه ولا زي التربيه والتعليم علشان منضيعش وقت علي الفاضي
موضوع معاون امن دا مفهوش مسابقة ، هتقدم وهيراجعو الورق ويعملو اختبارات بسيطة زي بتاعه امناء وضباط صف الشرطة و يقولو مين المقبول ، طلما الشروط متوافر يبقي قدم وبالتوفيق
على فكره انتم محددين من سن 19الى سن 23 سنه والسن ده معظم الشباب إلا بيخلص فى ورق الجيش والباقين فى الجيش طيب على الأقل خل السن من 19لغاية25سنه
اتفق معاك ويارب يعدلوا السن لان انا شايف فيه شباب كتير بيسال هنا من سن 24 ل 25 فعلا ، ربنا معاكو وان شاء الله خير
وانا ف المعهد العالي للعلوم الاداريه هل ينفع اقدم ف معاون الامن ولا لا بردو
طلما الشروط متوافرة ممكن تقدم ، لكن استمرار الدراسة في الاتنين في نفس الوقت دي حسب ما يحدد معهد الشرطة
طيب لو سمحت هي الكراسه دي بكام وممكن اجيبها من اي من المعاهد الموجوده ف الاعلان ده
مقالوش كام بالضبط ، وايوه ممكن تجبها من اي معهد
بالنسبه للترقيات بتوصل لرتبه أيه
بتبدأ من معاون امن ثالث اعلي رتبه معاون امن ممتاز ، وممكن تكمل تعليمك وتترقي لترب اعلي زي باقي وظائف الشرطة
وكراسة التقديم عاملة قد اية لو ينفع اجيبها اجيبها من مدرية الامن الى انا تابع ليها
مش عارف بالضبط لانه لسه التقديم هيبدا من بكرا ، لكن الكراسة بتتجاب من المعاهد المتحددة في اعلان الوزارة هتلاقيها في الموضوع
انا حاليا حاصل على الثانوية العامة
وبدرس فى كلية التجارة تعليم عالى
هل ممكن اقدم ولا مش هينفع ولا لو ينفع اعمل اية
ينفع تقدم طلما الشروط متوافر ، لو قصدك علي استمرار الدراسة في الكلية ومعهد معاون الامن هم هيحددو دا في المعهد ،
شوف اقرب معهد ليك من اللى في الاعلان وقدم هناك
اشمعنا ميكونش متزوج
مش عارف ، هو فعلا شرط غريب
انا كنت مقدم وظيفة عسكرى درجة اولى من شهر 2\2013 وعايز اعرف مصيرى ايه بعد وظيفة معاون امن والسن 30 سنة
ممكن حضرتك تستعلم من الجهه اللى قدمت فيها او وزارة الداخلية ، بالنسبة لوظيفة معاون امن هي من سن 19 ل 23 سنه ، بالتوفيق
انا في المعهد العالي للخدمه الاجتماعيه ممكن اقدم علي المعاون واكمل عادي في الدراسه
علي حسب المعهد هو اللى يحدد لانكم هتبقو اول دفعة فالقواعد دي لسه ماعلنوش عنها ، ممكن تسال في المعهد ، بالتوفيق
انا في كليه ينفع اقدم واكمل عادي
ممكن تخلص المعهد وترجع تكمل في الكلية وانت شغال، لكن تمشي في الاتنين في نفس الوقت معندش معلومة الافضل تسال في المعهد هناك ، بالتوفيق
ف سن ٢٥ ما افدتكم
في الاعلان محددين من 19 ل 23 ، عموما ممكن تتاكد اكتر من المعهد وقت التقديم ، بالتوفيق
انا سمعت ان السن بقى من 18 الى 23
مفيش حاجة رسمي ، ممكن تسال في المعهد وقت التقديم ، بالتوفيق
انا كشفت خدمة فى الجيش وهخش يوم 19/1 ينفع اقدم فى المعهد معاون الامن ياريت يا فندم تيفيدونى هل ينفع اقدم ولا ايه بالظبط ارجو الرد
قصدك لسه عندك تجنيد ؟ لو كدا يبقى لا لازم تكون مخلص تجنيد او معاك اعفي علشان تقدم لمعاون اون
انا قدمت درجه اولى ونجحت ومتوقف ع كشف الهيئه ياريت يا فندم تيفيدونى هل ينفع اقدم ولا ايه بالظبط
ينفع تقدم و اتاكد من المعهد هناك اكتر وعادي زي باقي التخصصات ممكن تقدم لاكتر من وظيفة بالتوفيق
هو الطةل كان بالظبط لان بعض المواقع بتقول ١٧٩
وكمان عايز اعرف الرتبة زي الامين وﻻ
في اعلان جرنال الاهرام اللى انا ناقل منه بيقول 170 ، تلاقيها خطا مطبعي من المواقع التانية وبعدين 179 ليه هو حرس جمهوري
بالنسبة للرتبة هي زي مندوب وعساكر الشرطة وليهم نظام ترقيات من معاون امن ثالث لحد معاون امن ممتاز
طب يعنى المعاون ده زى السيكيورتى
زي مندوب الشرطة والعسكري ، هتبقي تابع لوزارة الداخلية مش شركة