اعلنت وزارة الاسكان بالتعاون مع صندوق التمويل العقاري عن طرق الاستعلام عن اسماء الفائزين بشقق الاسكان الاجتماعي 2016 او تقديم تظلم في الاسكان الاجتماعي ، وكيفية معرفة موقف وحدات الاسكان الاجتماعي والاستعلام عن كافة تفاصيل مشروع شقق الاسكان الاجتماعي ….
حيث اوضحت رئيس صندوق التمويل العقارى ، مى عبدالحميد، ، أن وزارة الاسكان بالتعاون مع صندوق التمويل العقاري تقوم حاليا بنشر بيان بأسماء المواطنين المقبولين في وحدات الاسكان الاجتماعي ، حيث يتم نشر اسماء من انطبقت عليهم الشروط مع تحديد اولوياتهم في مشروع الاسكان الاجتماعي وترتيبهم على موقع صندوق التمويل العقاري الرسمي هنا …
www.mff.gov.eg
تحديث هـــــــــام هنـــــا نتيجة اسماء المستوفين للشروط شقق الكراسة الحمراء 2016
طرق التواصل مع صندوق التمويل العقاري حول شقق الاسكان الاجتماعي
وعن الطرق الاخري للاستعلام عن شقق الاسكان الاجتماعي ومعرفة هل تم الفوز بشقة في الاسكان الاجتماعي ام لا وطريقة معرفة موقف شقق الاسكان الاجتماعي 2016 ، يستطيع المواطنين المتقدمين في مشروع الاسكان الاستفسار عن شقق الاسكان الاجتماعي دون التوجه لمقر الصندوق ، توفيراً للجهد والوقت وتيسيراً على العملاء ، وبالنسبة للمرفوضين فيمكنهم الاستفسار عن أسباب الرفض، والتظلم وتقديم الشكاوى ، وذلك من خلال الموقع الالكتروني الرسمي او من خلال ارقام تليفونات صندوق التمويل العقاري عبر مركز الاتصالات الخاص بالصندوق على
الأرقام 1188 من أى محمول ورقم 090071117 من أي خط تليفون أرضي.
– اما في حالة الرغبة في التعامل مباشرة مع احد موظفي خدمة العملاء في صندوق التمويل العقاري للاستفسار او التظلم في مشروع الاسكان الاجتماعي يمكنكم التوجه الي عنوان مركز خدمة عملاء مشروع الاسكان الاجتماعي فهو في جهاز مدينة 15 مايو.
وفي حالة رفض اوراق المتقدمين في مشروع شقق الاسكان الاجتماعي يمكنكم الاستفسار عن سبب الرفض في الاسكان الاجتماعي ومن جانبه يقوم صندوق التمويل العقاري بارسال رسائل نصية لكل من المقبولين والمرفوضين من الصندوق في وحدات الاسكان الاجتماعي علي ارقام الموبايل الخاصة بالمتقدمين ، لإبلاغهم بنتيجة الاستعلام في الاسكان الاجتماعي.
علي ان يتم التنبيه على المقبولين في الاسكان الاجتماعي برسالة موبايل من صندوق التمويل العقاري للتوجه لجهة التمويل التي سيتم التعامل معها وهي احد فروع البنوك، وذلك التي للبدء في إجراءات منح التمويل العقاري وإنهاء التعاقد على وحدة الاسكان الاجتماعي السكنية تمهيدا لاستلام الشقة الجديدة باذن الله.
مشوار طلب شقة الاسكان الاجتماعي من اول التقديم وحتي تخصيص الشقة ودفع اول قسط
في موقع خمس خطوات ، نقدم لكم متابعة جيدة للشأن المصري والعربي والعالمي ، والاخبار السياسية والاقتصادية والبنوك في مصر والوطن العربي اهم النصائح والارشادات ومتابعة جيدة للتطورات الجارية.
اخبار شقق الاسكان الاجتماعي بني سويف الاعلان الثامن
هتلاقي هنـــــــــــــــــــــــــا اخر الاخبار ومواعيد التسليم للاعلان الثامن ان شاء الله بالتوفيق
لو سمحت حضرتك أنا عايز اعرف فين مكان الشقه في القاهرة الجديدة وله في 15 مايو وامتا التسليم انا دفعت الاقساط الا4
لوسمحتي يا استازه مي ارحمي الناس من عدم الحصول علي ميعاد ع الميل كل يوم اتصال ومصاريف شحن بدون فائده كفايه كده قوي علي شركة التصاﻻت خلي التضامن مع الناس ولو مره ﻻن حقيقي تعبنا جزاكم الله خير
بعد ان دفعت القسط الاول بعت لى رساله ان الطلب رفض ومعلق ده معناه اىه هل استرد فلوسى ولااىه
ممكن تتصل بصندوق التمويل العقاري علشان تعرف سبب الرفض بحيث تقدم تظلم او تعيد ارسال الاوراق ، اما لو عايز تسترد المبلغ مباشرة فبتتوجه الي فرع بنك التعمير والاسكان
فى حاله غير مطابق لشروط
هل من الممكن التظلم
أم أتقدم لسحب المبلغ المقدم
اه ممكن تقدم تظلم واعادة فحص اتصل بخدمة العملاء او لو فيه ورق ناقص ممكن ترسله بالبريد هتلاقي التفاصيل هنا
السؤال هنا اللي مقدم في دار مصر يتم رفضه
مع العلم ان دار مصر ده استثماري
ومع العلم ايضا ان اللي مقدم في دار مصر ممكن يكون شيء مشترك بينه وبين اخواته كنوع من الاستثمار
لان للعلم ان في كتييير جدا مستفيد منكم في اللاسكان الاجتماعي والاراضي… وعندما توجهو للاشتراك في الموضوع الاستثماري… تم موافقتهم بدون مناقشه
اذن نصل هنا الي نقطه عدم العدل
ولو نظرا صح ونبحث صح هانلاقي ان في كتيير مش لازم يستفيدو… وان الموضوع في ظلم
فارجو من سيادتكم النظر مره اخري لحالات الرفض
وايضا مع العلم ان اللي مقدم في دار مصر ممكن ميقدرش يكمل الاقساط الباهظه
لان اغلبيه اللي كان مقدم في دار مصر كان فاكر الحياه وردي. او للاستثمار
وشكرا
عايز اعرف الشقق هتتسلم بعددفع الاقساط الاربعة ولا امتى
حسب ما يتم الانتهاء من البناء لسه مفيش ميعاد محدد لكن ان شاء الله بعد يوليو 2017
انا عايزة اعرف بعد ما بندفع الاربع اقساط بندفع تانى لما بنستلم الشقة ١٦ الف ولا ايه
اه مبلغ في المتوسط 16 الف او حسب ما يحدد البنك اللي هو باقي مقدم الشقة
جزاك الله خير. اخى ما معنى. سحب المبلغ وما معنى المراحل التاليه
دا كان اختيار في استمارة التقديم في حالة زيادة عدد المتقدمين عن عدد الشقق اما سحب المقدم او الانتظار للمرحلة اللي جايه وممكن تعدله عادي من صندوق التمويل العقاري
اناقدمت فى الاعلان الثامن وجالى رسالة انى ادفع اول دفعةال4000فى اقرب جهاز فورى هو لية ماوجهنيش للبنك مع انى موظف
علي حسب الاعداد في كل محافظة علشان ميبقاش في ضغط علي بنك التعمير خصوصا ان فيه تقديمات اخري دلوقتي
قدمت فى الاسكان الاجتماعى 6 / 6 2016 وعايزه اعرف متى يتم نشر الرسائل
لو في الكراسة الحمراء الاسماء ظهرت وهتلاقي لينك الاستعلام في الموضوع ، لو كراسة زرقاء الاسماء هتظهر خلال ايام
انا عايزه اعرف انا اتقبلت او لا اعرف ازاي
ممكن تستعلم من موقع صندوق التمويل العقاري هنا مباشرة بالرقم القومي ، مع العلم ان حتي اليوم الجمعة لسه اسماء الكراسة الزرقاء منزلتش
هذه ثانى مرة يتم رفض طلبى بتقدمى بحجز شقة بالاسكان الاجتماعي رغم أنني فى أشد الحاجة إليها حيث أننا أسرة من 4 أفراد ووالداى في منزل ريفى ولا أملك اى وحده سكنية ارجو الرد الرقم القومي
طب ايه سبب الرفض او الموظف قالك ايه ؟
تم رفضى بسبب دخلى3700 انا بنت 47 سنه غير متزوجه ولكن اعول اوﻻده اخى المتوفى ……هل يوجد سبيل لعمل استثناء. ….هل يعتبر هذا الدخل كثير فى ظل هذا الغﻻء…..هل هناك مسابقات اخرى مناسبه لهذا الدخل. ….أرجو الرد …ﻻنى من فتره اتواصل معكم وﻻ يوجد أجابه مطلقاً
هو للاسف بيطبقوا الشروط بشكل اعمي ، عامة ممكن تقدمي في شقق تبع وزارة الاسكان نازلة في النقابات هم مسموح لهم بدخل اكبر من 3500 وحتي 5000 الاف جنيه و احتمال كبير الاعلان اللي جي هيزودو الحد الاقصي للمرتب خصوصا ان فيه شقق كتير باقية من المرحلة اللي فاتت ، ياريت نقدر نفيدك بس احنا هنا موقع اخبار مش جهة مسئولة ، حاولي تتواصلي مع صندوق التمويل العقاري مرة تانية وان شاء الله خير
مرتبى 1772 وتم رفضى بسبب المرتب مكتوب 772 ماالحل محمود احمد ابوالوفا سوهاج ب
اتصل بصندوق التمويل العقارب بحيث يتم تحديد موعد لك لتقديم شهادة مفردات المرتب الصحيحة
يارب
يا رب
يارب
مش هقول غير يارب
يا جماعة هو اللى بيترفض فلوسه بتروح عليه؟
لا ممكن تسترديها من بنك التعمير والاسكان بس لسه محددوش ميعاد ، عامة الاول شوفي ايه سبب الاستبعاد ولو كدا ممكن تقدمي تظلم
لو سمحت عايز اعرف هل يوجد حد أدنى للدخل فى مشروع الاسكان الاجتماعى 2013
اه كان 1000 جنيه حد ادني للمرتب
كلمنى النوظف بتاع البنك اليوم وجاى لي بحث بكره كدى خالص
اه كدا يبقي ورقك عدي وناقص بس الاستعلام الميداني ، ان شاء الله بعد البحث الميداني تبقي خالص وتفوز بالشقة
يارب ارزق كل محتاج و لجاء اليك وارحم عبادك من عبادك المحترمين اوى يارب العالمين وارزقنا شفاعه الحبيب المصطفى صلى الله عليه وسلم تسليما كثرا ولا تحوجنا لااحد الا لك اللهم امين يا رب العالمين
انا اقدمت فى الاعلان السابع واترفضت بسبب الحد الادنى للدخل عايز اعرف هل فية تظلم ولو فية امتى وازاى
ممكن تقدم تظلم ل صندوق التمويل العقاري و يتم اعادة الفحص و تقديم الاوراق الدالة علي التظلم
يارب انت عالم بى حالى وان انا وعياللي ملناش مكان يقويهم يارب متحوجنيش لغيرك يارب
يارب يرزقك بيها
مش هنقول غير ياااااااااااااارب
انا قاعدين فى شقق ايجار جديد ويارب ارزقنى بشقه حتى لو ٨٠متر
ان كانت من نصبنا خير وان لم تكن خير
فكل خير ينبع بخير اجمل انتظره
يارب علشان تعبنا من بالكلام ده متفائل خير يارب أنا قدمت ثلاث مرات كل مره نترفض لعلا وعسي المره دي
لوسمحتو هو مفيش شقق تانيه نازله نقدم لها ولا كده خلاص ياريت الافاده من فضلكم
بالنسبة للاسكان الاجتماعي فيه لكن مش السنادي ان شاء الله السنة اللي جايه
و بالنسبة لشقق الاسكان الاجتماعي بالايجار التقديم والحجز في شهر اكتوبر 2016 هتلاقي التفاصيل كاملة هنـــــــا
وفيه برضو في شهر اكتوبر فيه شقق اسكان متوسط
يارب يا حنان يا كريم
يا رب وفقن في الدنيا
يارب تيجى الشقه
يارب
ربنا كريم
يارب أخذ مره وحده فى عمرى حاجه من البلد إللى بحها
يارب
يا رب يكو ن خير هد ى
انا متفائل خير والله
ربنا يكرم وتيجى الشقة
ربنا يوفقك وان شاء الله كل خير
ربنا عليك توكلنا // دى اول مره اقدم فى حاجه // وبعدها سيكون السن خارج المسموح به // وربنا يكتب لنا ولكل الناس الخير يارررررررررررب **انه ولى التوفيق
ان شاء الله كل خير
طيب لو حد قدم عي شقه وهو شغال في شركه وقدم افرادات مرتب من الشركه وبعدين ساب الشركه دي ايه الحل
عند الاستعلام عنك ممكن تحدث البيانات مع الموظف
مفردات مرتب 1200 هل يستحق وﻻ قليل
اه يستحق عامة الحد الادني هو 1000 جنيه
عند رفض الطلب كيف يتم استرداد مبلغ جدية الحجز 9000؟؟ و من اي جهة؟
من فرع بنك التعمير والاسكان في المحافظة
بالنسبه للمتقدمين من ٢٠٠٨ ومفيش جديد بالنسبه ليهم يعملو ايه
تابع مع صندوق التمويل العقاري بحيث تعرف موقفك هل تم القبول ولا الطلب معلق وايه السبب بحيث تقرر تكمل ولا تسحب وتقدم في الاعلان القادم
ممكن سؤال
بالنسبه للمتقدم المتزوج إذ يسكن ببيت الوالد المتوفي وهذا محل سكنه الحالي ولم يمتلك الشقه بأسمه هل ذلك يعارض الشروط وقت الإستعلامات امكانيته بإستلام شقه بمكان جديد بمحل عمله ?
رجاء الرد بالخصوص
علي حسب الموظف اللي هيعمل الاستعلام وقتها لان فيه ناس اعتبروهم ساكنين في تمليك بالتالي يبقي شرط الاسكان الاجتماعي مش متوافر
لو سمحتوا انا قدمت وجاتنى رسالة على الموبايل برقم الطلب وبعدين اتصل بيا شخص قال انه من صندوق التمويل العقارى واستعلم عن بعض البيانات وقالى انتظر مكالمة من البنك هل كده طلبى اتقبل وهيتم التخصيص ولا لسه ؟
فى موقع الصندوق لما بدخل الرقم القومى بيقولى هذا الرقم غير موجود بقاعدة البيانات
هيتم التواصل معاك بعد كدا للاستعلام سواء عن المسكن و العمل ، وفي حالة القبول ان شاء الله هيتم ابلاغك بفرع البنك اللي من خلاله هيتم اجراءات تخصيص الشقة
زي ما وضحنا للناس في التعليقات السابقة علي الموقع حاليا لسه منزلتش اسماء الناس اللي قدمت في الاعلان الاخير لانه لسه بيتم فحص اوراقهم والاستعلام
عامة طلما تواصلوا معاك يبقي تخصيص الشقة ان شاء الله قريب ، بالتوفيق
لو سمحت ..انا مقدم في اعلان يوليو 2016 .. لو عاوز اسال واتابع … اسال من دلوقتي ولا استني اربع شهور الفرز … عاوز رد من فضلكم
حاول تتابع الموقع كل فترة لان ال 4 شهور دا المتوسط ممكن قبل كدا او بعد كدا بيدأ الاستعلام والتواصل معاك من صندوق التمويل العقاري ، حسب الاعداد في كل محافظة
هل يتم الاستعلام عن كل الي قدموا ؟ وفي اي مرحلة تتم القرعة العشوائيه
مجاش رسالة من البريد ولكن تم الاستعلام ؟
اه الاستعلام سواء عن السكن او العمل علي جميع المتقدمين وحاليا بداو الاستعلام عن الناس اللي مقدمين في ال 100 الف شقة كراسة الشروط الحمراء
مفيش قرعة عشوائية ، بيتم ترتيب المتقدمين حسب الاولوية والاكثر احتياجا وان شاء الله طلما الشروط متوافرة هتبقي مستحق شقة سواء في المرحلة دي او يكون لك اولوية في المرحلة اللي جايه
لو سمحت انا حابب اعرف دلوقت الراجل بتاع شركتنا عملى المرتب 3000كإجمالى وانا راتبى اقل من كده بلشكل ده هتضيع عليا الشقه
الحد الاقصي للعازب هو 2500 جنيه والحد الاقصي للاسرة “مجموع دخل الزوج والزوجة معا” 3500 جنيه ، فحاول معاه بحيث تكون مفردات المرتب ميزدش عن الحد الاقصي
من فضلك انا قدمت في الشقق اللي تتسلم بعد سنه ولغاية دلوقتي ومفيش حاجه
لسه فترة فحص الورق والاستعلام هتاخد وقت مش اقل من 3 او 4 شهور ويمكن اكتر حسب الاعداد في كل محافظة ، عامة تابع موقع التمويل العقاري وان شاء الله خير
طب لو انا محصلتش على تخصيص هيرجعولى المقدم 9000جنيه
لو غير مطابق للشروط بتسترد المبلغ من بنك التعمير والاسكان
لو محصلتش علي الشقة بسبب عدم وجود شقق كفاية في المرحلة دي ، بيبقي متاح اما تسحب المبلغ او تنتظر للمرحلة القادمة
انا قدمت في 100 الف وحده كاملة التشطيب في حالة عدم توافر وحداتسكنيه في المركز التابع لي ماذا يحدث مع طلبي
لو فيه شقق جديدة في المركز المرحلة القادمة بيكون لك اولوية ، لو مفيش بيتم الاختيار اما الانتظار للمرحلة القادمة او التحويل لمركز او مدينة اخري فيها شقق خالية
جوزى قدم فى نصف شهر ٥ ولما استعلمت قال لايوجد بيانات
حاليا بيتم فرز اوراق المتقدمين والاستعلام هياخد فترة علي الاقل 4 شهور فمش هتلاقي حاجة علي الموقع بالنسبة للي لسه مقدمين
لو سمحت انا كنت مقدم كل اوراقى من اسبوعين وجاتلى رسالة على موبايلى برقم الطلب الخاص بيا ..هل ده معناه ان الطلب مقبول ان شاء الله ولا لسة متقبلش ..
دا رقم الطلب وانه وصل لجهة الاستلام ، لكن لسه فحص الاوراق والاستعلام هياخد فترة ، ان شاء الله خير وبالتوفيق
من فضلك انا قدمت فى البريد ودفعت مقدم 9 الاف جنيه سؤالى متى سيتم دفع 4 الاف كل ثلاث شهور لمده عام هل بعد التخصيص ام الان سؤال اخر اخويا مقدم لكنه بالخارج حاليا هل يجوز الاستلام نيابه عنه فى حاله التخصيص بموجب توكيل ام لا
بداية دفع اقساط المقدم ان شاء الله بعد تخصيص الشقة وهيتم التواصل علي رقم الموبايل المسجل قبليها
ممكن الاستعلام عن القبول او الرفض بالرقم القومي ، اما الاجراءات نفسها لازم يبقي موجود او حسب ما يقرر البنك وقتها ممكن يقبل التوكيل
السلام عليكم انا قدمت يوم 12/6 وبتابع الطلب على موقع الصندوق العقارى بالرقم القومى بيقولى لاتوجد بيانات عن هذا الرقم علما بانه تم ارسال لى على التليفون رقم الطلب بالبريد دى معناه ايه؟؟؟؟؟؟؟؟
حاليا لسه بيتم تسجيل بيانات الناس فلو لسه مقدم مش هتلاقي حاجة هناك ، فرز الاوراق والاستعلام هياخد 4 شهور او اكتر حسب الاعداد في كل محافظة
بالنسبة للرقم بتاع البريد دا رقم الطلب او الظرف انه وصل لجهة الاستلام ، عامة تابع موقع صندوق التمويل العقاري وان شاء الله خير
ميعاد الاستعلام الميداني للاعلان الثالث أبريل 2016 وانا لحد دلوقتي بعتولي رقم طلبي للمشروع الإسكان بس ياريت حد يرد عليا لو سمحتو
هم بداو حاليا في الاستعلام لكن مفيش ميعاد محدد حسب كل مدينة والاعداد المقدمة طلما كل الورق سليم ورقم الموبايل متسجل صح متقلش ان شاء الله هيتواصلو معاك قريب ، بالتوفيق
جوزي اقدم فيي الشقق بس عليه. قرض شخصي ممكن اترفض ولا ممكن تيجي ارجو الرد ضروري
البنت وقت تخصيص الشقة هيطلب منه تسديد القرض اولا قبل بدء اجراءات تخصيص الشقة
انا قدمت عن طريق البريد وتسديد مبلغ ٩٠٠٠ وقدمت مره اخري تبع نقابه الاطباء باعتباري طبيب بشري ومفيش تسديد لاي مبالغ وكانت المناطق التاحه غير الاماكن اللي تابعه للبريد مش عارف كده التقديم خطا ولا دي حاجه ودي حاجه تانيه
مفيش مشكلة لان الشقق المخصصة للاطباء او النقابات غير اللي متاحة في الاسكان الاجتماعي ، لكن في النهاية هيبقي مسموح لك بشقة واحدة بس
المشكلة ان السادة اللى بيردوا على ١١٨٨ مش فاهمين حاجة فى اى حاجة عبارة عن قارئين فقط وومش بيدو عقاد نافع واللى فالحين فيه اتصل بعد ١٥ يوم
ما معنى رسالة تم رفض تعليق طلبكم علما بأنى مرحلة اولى وطلبوا منى مبلغ السداد وسوف اقم بالسداد ولكن لم يتم التخصيص حتى الان
معني الرسالة دي ان الطلب كان معلق ثم اترفض بسبب نقص الاوراق او غيره ، اتصل بصندوق التمويل العقاري لمعرفة السبب ايه وان شاء الله خير
انا حابب اسال لية اتصلوا بالناس الى قدموا الكراسات الحمرا وناس لسة متصلوش بيهم هل هوا دور ولا الاسبقية ولا ترتيب ابجدى ولا مش هيتصلوا بينا هيستعلموا من برة برة .
عامة بيبقي حسب الاعداد المتقدمة في كل محافظة ومتقلقش طلما قدمت هيتم التواصل معاك وفحص الاوراق والاستعلام خصوصا ان الشقق هتتسلم السنادي ان شاء الله
انا عيزة أفهم اعرف ازى أن كان أسمى جى مش المفروض أن يكون في قائمة اسماء اسأل فين فى مكتب البريد
جهة الاستعلام زي ما وضحنا هتبقي صندوق التمويل العقاري ، حاليا لسه بيتم فحص الاوراق وتسجيل البيانات فالاستعلام متاح بس اللي مراحل السابقة اما المرحلة الحالية لسه شوية حوالي 3 او 4 شهور
معرفه اخر وقت لدفع الفلوس ٤ باقى ٩ الاف
بالنسبة للحاجزين قبل كدا وهيحولو اخر ميعاد يوم الخميس 30 – 6
انا قدمت في،المشروع،ودفعت الفلوس،انا اقيم في،مركز مغاغة بمحافظة المنيا عايذ اعرف الشقه هخدها في مركز مغاغه،و لا في،المنيا مع اني ابعد عن المحافظه بساعتين و شغلي في،مغاغه
ان شاء الله طلما محدد مغاغة في استمارة التقديم هتحصل علي شقة هناك ، التحويل لمدينة اخري بيتم في حالة زيادة عدد المتقدمين في المدينة عن عدد الشقة
انا ضمن ٥٪واحصل على معاش ضمان وزجتى تعمل بالحكومه ونسكن بالايجار ولدى ثلاثه اولاد
ودى تانى مرة اقدم ولم نحصل على اى دعم من الدوله وجاءتنى رساله من البريد فهل هذا هو الاستعلام
ارجو الرد
رسالة البريد هو رقم لمتابعة ظرف الاوراق وانه وصل جهة الاستلام
اما فحص الاوراق والاستعلام بياخد وقت ان شاء الله خلال 4 شهور وربنا يوفقك
متي الاستعلام عن الكراسه الحمرا
سواء الكراسة الحمراء او الزرقاء حاليا بيتم تسجيل البيانات وفحص الاوراق وبعدها يبدأ الاستعلام ، الاجراءات دي بتاخد فترة حوالي 4 شهور او حسب الاعداد في كل محافظة
انا تم ادراجي انى امتلك وحدة سكنية في حين انى مستأجر واريد ارسال صورة عقد الايجار ولا اعلم البريد الالكتروني الخاص بصندوق التمويل العقاري الذي يتم ارسال التظلمات عليه
ممكن تتصل بارقام التليفون او من خلال صفحة الشكاوي علي موقع صندوق التمويل العقاري هنا
انا متقدمة في مشروع الإسكان الخاص ببنك التعمير والإسكان وطلبي تم تعليقة بسبب رفض جهة عمل الزوج ياعطاه مفرضات مرتب او اي ورقة أثبت العمل في ذلك المكان فماذا اعمل
طب سبب رفض جهة العمل ايه ؟ اصل بعد كدا ضمن الاجراءات بيتم تحويل المرتب للبنك ، حاولو مع جهة العمل باي شكل تقديم مفردات المرتب
حضرتك انا مقدم فى مدينة السادات فكنت عايز أعرف من حضرتك هل الشقق المطروحه فى مدينة السادات كافيه للعدد اللى قدم هناك ولا لا؟؟؟
حتي الان اللي تم اعلان العدد الكلي للي قدموا ، لسه الاعداد بالضبط في كل مدينة هتنزل بعد قفل باب التقديم وان شاء الله خير
مقدم الاوراق بقالى شهر ومفيش حاجه لسه ظهرت كنت عايز اعرف بس اعلان النتائج امته
فحص الاوراق والاستعلام بياخد شهور بجانب ان التقديم لسه مستمر حتي يوم 23 يونيو ، النتيجة هتبدي تبان بعد 4 شهور او حسب الاعداد في كل محافظة
أنا قاعد في شبرًا وشغال في أكتوبر هل لي الحق استلم في أكتوبر
اه طلما مكان عملك مثبت في اكتوبر ممكن تقدم في اكتوبر
هو مدوآ باب الحجز تاني .. ويآ تري العدد وصل لكام دلوقتي
اه ليوم الخميس لان فيه ناس كتير اشترت الكراسة ومقدمتش العدد حتي الان اللي قدم حوالي 365 الف في مقابل عدد الشقق المطروحة 500 الف
لو سمحت انا كنت عايز اعرف كم وصل عدد المتقدمين حتي الان في المرحله الحاليه وطرق الاستعلام عن التخصيص ومتي يتم الاستعلام
لسه مفيش حصر للعدد النهائي بس اخر اعلان عن عدد المتقدمين كان في 31 مايو وصل ل 305 آلاف مواطن والتقديم مستمر لحد 15 يونيو وغالبا عدد المتقدمين هيكفي عدد الشقق المتاحة
الاستعلام هيبقي زي ما وضحنا في الموضوع سواء عن طريق موقع صندوق التمويل العقاري او ارقام التليفون اما عن موعد اعلان نتيجة شقق الاسكان الاجتماعي فلسه فترة حوالي 4 شهور او حسب الاعداد في كل محافظة
عندى شكوى ومش عارف اخذ حقى . تعرضت للظلم من صندوق التمويل العقارى
تقدم بالشكوي الي وزارة الاسكان وان شاء الله تلاقي حل
انا قدمت فى شقق الاسكان الاجتماعى
ودفعت المقدم 9 الف وقدمت فى كراسه الشروط شهاده 5% للمعوقين
وعايز اعرف هيكون ليه اولويه
ان شاء الله
اه ان شاء الله طلما الشروط متوافرة وعامة هيتم تخصيص نسبة 5 % من الشقق في كل مدينة لذوي الاحتياجات الخاصة
ادخلت الرقم القومي لأعرف هل تم قبول أوراقي بعد سداد 9000 جنية. ظهرت لي رسالة عفوا بعدم توافر معلومات عن ذلك الرقم
أريد أن أعرف هل تم قبول الطلب الخاص بي ام لا
الاستعلام دا عن اسماء الفائزين ، لكن اللي لسه مقدم مفيش حاجة هتظهر لان لسه فيه فحص اوراق ومراجعة بيانات بمعني لسه بيانات اللي قدموا متسجلتش علي الكمبيوتر ، ان شاء الله النتيجة خلال 3 او 4 شهور ، بالتوفيق
انا بشتغل موظف فى شركة هل لى ان اقدم رقم تأمينى عند التقديم لحجز الشقة وشكرا؟
لو قطاع خاص اه بيتم ذكر الرقم التاميني في شهادة مفردات المرتب الشهري من الشركة
كيف يتم الاستعلام عن طريقة الحصول علي شقه بعد التقديم جميع الاوراق والرسوم 9 الاف
هتلاقي طرق الاستعلام في الموضوع سواء عن طريق موقع صندوق التمويل العقاري او ارقام التليفون ، مع العلم ان فترة فحص الاوراق وترتيب المتقدمين هتاخد فترة 4 شهور
لو سماحت انا عيز اعرف التظلمات حتنزل امتا بتاعت السكان الجتماعى
بالنسبة للتظلمات مفيش ميعاد محدد بيبقي حسب كل حالة فتابع مع صندوق التمويل العقاري وان شاء الله خير
بالنسبه ل الاستعلام عن التخصيص او عدم التخصيص … انا كشخص متقدم منتظر .. هل مطالب مني اني اكون دائم الاستعلام بالاتصال علي 1188 ولا مش لازم .. ولا في حاله التخصيص هيتبعتلي رساله بالخبر بدون ما انا استعلم
عند تخصيص الشقة هيتم ارسال رسالة علي الموبايل المسجل ، وعامة ممكن تتابع علي الموقع بدل الاتصال خصوصا ان فترة فحص الاوراق والاستعلام هتاخد حوالي 4 شهور
عند تخصيص الشقة هيتم دفع مبلغ مقدم الشقة 15 % من ثمن الشقة وبيزيد حسب المرتب وعمر المتقدمين ، بيكون في المتوسط 30 الف جنيه
لو سمحت انا بدخل الرقم اليومى للاستعلام عن الشقة وبيقولو ان الرقم غير موجود فى قاعدة البيانات
لو مقدم في الاعلانات السابقة استعلم بالتليفون في في بنك التعمير والاسكان
لو لسه مقدم في الاعلان الحالي شهر مايو 2016 لسه مش هيظهر حاجة دلوقتي هتاخد فترة عبقال ما يتم فحص الاوراق وتسجيل البيانات حوالي 3 او 4 شهور
جتلي رساله برقم الاستعلام من البريد كده في امل للشقه
الرسالة معناها انه تم استلام الاوراق ، عامة ان شاء الله طلما الشروط متوافرة والاوراق سليمه هيتم تخصيص الشقة لك بس لسه الاجراءات وفحص الاوراق والاستعلام هياخد وقت ، بالتوفيق
يعنى انا قدمت فى الشقق اللى هتتسلم السنه دى معنى كده هستلم مفتاح شقتى امتى بميعاد والا تاجيل كالعاده
مفيش ميعاد محدد لسه لان فحص الاوراق والاستعلام بياخد وقت لكن غالبا بعد 4 شهور من الان هتبدأ اجراءات تخصيص الشقق ، بالتوفيق
اسمي مجاش في القديمه البيناتات معلقة وقدمت في الجديده بتاعت السيسي اعمل ايه فى القديمه
استعلمي عن موقفك من صندوق التمويل العقاري بحيث تعرفي هل تم القبول او الرفض والسبب ايه وبعد كدا ممكن تسحبي مبلغ التقديم
لو سمحتم انا مقدم باسمي وانا بقبض 1500ج قطاع خاص ومقدم كل الاوراق اللازمه ومفردات مرتبي وبرنت تاميني اني بشتغل في العاشر انشا االله ينطبق ام لا
طلما الشروط متوافرة وقدمت الورق سليم يبقي ان شاء الله خير ويتم تخصيص الشقة لك
بالنسبه لوحدات مدينة 15 مايو .. انا مسجل 15 مايو هل هتبقي مرحله اولي ولا مرحله تانيه … ولو مرحله تانيه هتاخد وقت اد ايه عقبال ما يتخصص ليا وحدة سكنيه
15 مايو تبع محافظة القاهرة في المرحلة الثانية ال 400 الف وحدة ، التخصيص ان شاء الله هيتم معرفته السنادي ، لكن استلاكم الشقة هيبقي في 2017
لو سمحتوا انا بقبض 930 جنيه وزوجي بيقبض 1140 جنية
وانا قدمت باسمي انا
كده الحد الادني غير منطبق عليا ولا ايه
يعني ممكن نأخد شقه ولا لا
بيتم الحساب علي اساس مجموع دخل الاسرة الزوج والزوجة مع بعض ، يعني مفيش مشكلة
لو سمحتوا لو انا مقدمة بأسمي ومرتبي الاصلي 1250 وبقبض من الحكومة 930 وزوجي مدرس وبيقبض 1140 ينفع تجيلنا ولا مرتبي اقل من 1000 جنيه
يبقا لا ينطبق الشرط علياا
لو متزوج او متزوجة بيتم الحساب علي اساس مجموع دخل الاسرة ، بالتالي اه تنطبق عليكي الشروط
السلام عليكم
انا قدمت وعايز اعرف هل فى اولويات للى طالع من الجيش رفت طبى ومليش وظيفه وقدمت صورة كارت المعاش وختمتها بختم الشعار من مركز الشرطه لان التامينات قالولى لازم تختمها من المكان الى بتصرف منه المعاش
وعليكم السلام ورحمه الله وبركاته
طلما الشروط متوافرة ان شاء الله هتحصل علي شقه سواء المرحلة الحالية او القادمة ، بالنسبة للاولوية هي عامة للمتزوج باولاد ثم المتزوج ثم الاعزب هتلاقي هنا بالتفصيل طريقة الترتيب والاولوية في الاسكان الاجتماعي ، بالتوفيق
اناجتلى الشقة فى بدر ورغبتى فى القاهرة الجديدة هل يمكن التظلم وتبديل الشقة ارجو الرد
ممكن تقدم تظلم بس نسبته ضعيفه لان حاليا مفيش شقق مطروحة في القاهرة الجديدة وبيتم تحويل الناس لمدينة بدر والشروق
لم يتم استخراخ قسيمة الطلاق بعد وباالتالى لم يتم تغير بطاقة الرقم القومى ولكن معايا صورة من حكم المحكمه استئناف عالى نهائى باالطلاق وتنطبق عليا كل الشروط تستكمل
هل ممكن اوراقى تتعرض للسبب ده؟
ولو قدمت يوم 15/6يعنى آخر يوم ورقى فى مكتب البريد كده الورق هيتقبل ولا لا؟
طلما باقي الشروط متوافرة مفيش مشكلة ممكن تقدمي صورة الحكم لحين صدور القسيمة وتغيير البطاقة
اه عادي التقديم مستمر لحد 15 يونيو ، مفيش اولوية او ترتيب في التقديم نفسه ، الاولوية والترتيب بتكون بعد فحص الاوراق
انا مقدم من سنة 7\2007 الاسكان الاجتماعي اسيوط منقباد لم تجيلي رسائل حتى الان ارجو الافادة ورحت بنك القاهرة لم اجد اسمي عرفوني اية السبب
استعلم زي ما وضحنا من صندوق التمويل العقاري لمعرفة موقفك بالضبط او تطلب اعادة استعلام
لو زوجتى مش بتعمل تقدم اوراق اي
كل المطلوب منها صورة البطاقة وتكون سارية
انا جم استعلمو عني من اسبوعين وروحت 15 مايو سالت قالي البنك هيتصل بيك كده يبقي ورقي اتقبل ولا لسه ؟؟
لسه عامة بيتم ارسال علي الموبايل بتخصيص الشقة والبنك اللي هيكون التعامل معاه ان شاء الله خير وبالتوفيق
لو سمحت انا عايزة اعرف هل فعلا العدد اللى قدم أقل من عدد الوحدات المطروحة .. ولو صح ممكن بنت غير متزوجة تجيلها الشقة ولا لا .. مع الشكر
اه حتي الان اللي قدم حوالي 300 الف وعد الشقق 500 الف بس تم مد فترة التقديم اسبوعين
لو الشروط منطبقة ان شاء الله تحصلي علي شقة ، لو مكنش في المرحلة الحالية هيبقي فيه اولوية في المرحلة القادمة
اين يتم دفع ال ٩الاف جنيه .هل في مكتب البريد ولا في بنك معين
اه في مكاتب البريد بيتم اولاد دفع مبلغ ال 9125 جنيه ثم ارسال الاوراق في ظرف مع وضع ايصال الدفع و ايصال شراء الكراسة زي ما موضح في كراسة الشروط
السلام عليكم ..قدمت الأوراق المذكورة بالكراسة و 9000 جنية وصلت لى رسالى من البريد ..السؤال اعرف ازاى تخصص لى وحدة ولا لأ قبل دفع الاقساط الربع سنوية
هيتم التواصل معاك علي الموبايل عند تخصيص الشقة ، وممكن تتابع علي موقع صندوق التمويل العقاري بيتم اعلان اخر الاخبار عامة فحص الاوراق والاستعلام هياخد 4 شهور
مساء الخير
اشتريت كراسه الشروط من اول مايو تقريبا 8 مايو بس قدمت متاخر جداااا تقريبا 26 مايو فعاوز اعرف بعد اذن حضراتكم اولويه التخصيص بتكون لاوائل الناس اللي قدموا ولا كل الطلبات المقدمه لها نفس الاولويه والجديه
سمعت ان اللي بيقدم في الاول ليه الاحقيه
تحياتي لحضراتكم
مساء النور
لا مفيش اسبقة حجز او تقديم ، بعد مطابقة الشروط الاولوية بتكون للمتزوج ومعاه اولاد ثم المتزوج ثم الاعزب وهتلاق هنا توضح طريقة حساب الاولوية في الاسكان الاجتماعي
كل الشكر والتقدير للعاملين بالموقع وكل عام وانتم بخير لى سؤال ؟ تقدمت عام 2014 وسددت مبلغ 5100وتم البدء بالمرحله الحاليه 5/2016 وقمت بسداد مبلغ 4000فى بنك التعمير بالعبور وتوجهت للجهاز ببدر لتغيير الرغبه وغيرت للشروق ماذا افعل بعد ذلك
شكرا لك وانت بالصحة والسلامة ونتمني لك كل التوفيق
مفيش اجراء تاني غير انك تتابع موقع صندوق التمويل العقاري وان شاء الله هيتم اعلان حصر الاعداد في بعد انتهاء فترة التحويل ، وتحديد موعد التخصيص وممكن تتواصل مع جهاز مدينة الشروق دا رقم التليفون 26870003
هو لازم تقديم شهادة تامينات للزوجة التي لا تعمل
لا مش مطلوب منها غير صورة البطاقة وتكون سارية
لو سمحت انا اختي سحبت كراسه الشروط ودفعت المقدم 9000 جنيه شهر ابريل اللي فات ومش عارفه نعمل ايه بعد كدا والمفروض هتدفع 15% من ثمن الوحده بعد المقدم ده ولا ايه ارجو الرد
هو سحب الكراسة كان في ابريل بس التقديم كان في شهر مايو مش ابريل
عموما الخطوة التالية ان البنك هيفحص الاوراق وهيتم الاستعلام عن المتقدم ، وبعدها بيتم الاخطار بالتخصيص علي رقم الموبايل المسجل في التقديم ، بتاخد فترة حوالي 4 شهور بعد التقديم
اعلنتوا اسماء المقبولين بشقق الاسكان والا لسه
حسب انت مقدم في اني اعلان ؟ لو الاعلانات السابقة اه تم اعلان الاسماء في معظم المحافظات وممكن الاستعلام زي ما وضحنا في الموضوع
اما بالنسبة للاعلان الحالي شهر مايو لسه حوالي 4 شهور لحد ما يتم فحص الاوراق والاستعلام
في حاله رفض الاوراق من المتقدمين هل لهم ان يحصلوا علي المقدم المدفوع ال 9000 جنيه
اه بيتم استرداد مبلغ ال 9000 جنيه من بنك التعمير والاسكان
انا جاتلي رسالة من البنك بسرعة التوجة لدفع مبلغ 4000 جنية لتعديل الرغبة من مدينة القاهرة الجديدة الي مدينة بدر هل الموضوع دة إجباري
لا حسب رغبتك بس حاليا مفيش شقق متاحة في القاهرة الجديدة خلال السنادي او السنة اللي جايه ، بجانب ان لو رقم الاولوية الخاص بيك متاخر يبقي الافضل التحويل
بكل الشكر والتقديرلكل العاملين في موقع خمس خطوات علي حسن التعاون معنا في توضيح كل ماهوهام لنا في مشروع الاسكان بجدافدونابكل ماهوجديد وسليم وبازن الله علي ايديكم هنوصل الي ماهومطلوب وبكل الحب والتقدير بعلم الغيب ادعو لكم بالنوفيق واهنيكم بقرب حلول شهر رمصان الكريم ولكم منافي الشهرالعظيم اجمل الدعاء وشكرا لحسن تعاونكم معنا .
الله يكرمك يا استاذ عبده انا سعيد بمشاركتك وتواصلك معانا وكل عام وانت بخير ونتمني لك ولكل الاسرة شهر رمضان مبارك وكل التوفيق باذن الله
وجيه شرف
خمس خطوات
لو سمحت انا نسيت احط صوره شهاده ميلاد ابنى ايه الحل
ممكن من خلال فرع بنك التعمير والاسكان استكمال الاوراق
هو لازم تقديم شهادة تامينات لللزوجة العاملة
لو موظفة حكومة لا ، لو قطاع خاص لازم يكون فيه تامينات وذكر الرقم التاميني في شهادة مفردات الدخل
السلام عليكم
لوسمحتوا ممكن اعرف ايه موقف اللي قدم من 2008 في مدينة المنيا الجديدة ولسه مأستلمش حتي الان علما باني دافع 5 الالاف جنيه وطلبوني لاعمل تحديث بيانات السنه الماضيه للاستلام وحتي الان لم استلم
كمان انا فتحت اللينك هنا عشان استعلم بالرقم القومي يقولوا لي عفوا
وعليكم السلام ورحمه الله وبركاته
لو اسمك مش ظاهر في الموقع يبقي اتصل بصندوق التمويل العقاري بحيث تعرف موقف طلب او توجه لفرع بنك التعمير والاسكان
انا مقدم كراسة الشروط الزرقا عايز اعرف انا هيبقي ليا شقه اولا هعرف امتي بعد سنه ولا هعرف علطول واستلم بعد سنه
ان شاء الله معرفة تخصيص الشقة هيكون السنادي بعد 4 شهور ، او حسب الاعداد اللي مقدمه في كل محافظة
لو سمحت في حاله وجود شهاده ادخار بعائد شهري باسم المتقدم.هل يجب وضعها في المستندات المطلوبه . وكيف يتم ذلك ؟ اي ماذ اطلب من البنك
لو في حساب في البنك بتذكر في استمارة التقديم حساب رقم كذ بيدخل عائد كذا في الشهر او السنة
لو مجرد شهادة واحدة بتذكر رقم او اسم الشهادة والعائد بتاعها
لاامتلك شقة أسكن بالإيجار ولكن لى إيصال كهرباء بأسمى وقمت برفقة مع الأوراق هل استحق شقة بالسكان الاجتماعى
اه طلما مفيش شقة تمليك باسمك وباقي الشروط متوافرة
السلام عليكم
انا قدمت فى الاعلان الخامس 7/2015 وتم قبول اوراقى ولكم لم يتم الاتصال بى علما بانى قمت بالاتصال بصندوق التمويل وافاد بان الطلب فى مرحلة التخصيص فهل سيتم التخصيص بالفعل
وعليكم السلام ورحمه الله وبركاته
ان شاء الله طلما ورقك سليم وعديت مرحلة الاستعلام اما هيتم اعطائك رقم اولوية او التخصيص ، وتابع صندوق التمويل سواء علي الموقع ممكن تستعلم هناك بالرقم القومي عن حالة الطلب ، او اتصل بيهم مرة اخري
واختيار المكان حضرتك طبقا لرغبة المتقدم ولا على اساس العنوان الموجود ببطاقة الرقم القومي للمتقدم
المحافظة اللي هتقدمي فيها بتبقي علي اساس محافظة السكن او محافظة العمل
اما المدينة داخل المحافظة نفسها بتبقي من اختيارك حسب رغبتك طلما داخل المحافظة
الاعلان محافظة اسيوط بمناطق (مدينة اسيوط الجديدة-ديروط-ابنوب-الفتح – البداري-اسيوط- ابوتيج-ساحل سليم- منقباد-منفلوط صدفا)سؤالي هو فعلا فيه من ضمن الاماكن اسيوط ولا يقصد بيها المراكز والقرى
اه هي دي المدن او المراكز اللي فيها شقق الاسكان الاجتماعي في محافظة اسيوط
لو سمحت أنا دخلت استعلم برقم بطاقتي دلوقتي وكان الرد عفوا هذا الرقم غير مسجل بقاعدة البيانات مع العلم انى ورقي مقبول وروحت دفعت ال 4000 جنية لجدية الحجز
لو مقدم من فترة اتصل بصندوق التمويل العقاري لمعرفة موقفك ، اما لو لسه مقدم حاليا لسه شوية عبقال ما بيتم تسجيل البيانات ان عارف شغل الحكومة بقي
ماذا افعل بالرقم الذى ارسل الى موبايلى فيه رقم ورموز للاستعلام عن الشقه وما هو المطلوب منى الان
احتفظي بالرقم ان شاء الله صندوق التمويل العقاري هيوفر وسيلة الاستعلام علي النت لاحقا بعد فحص الاوراق سواء بالرقم دا او بالرق القومي لمعرفة حالة الطلب والتخصيص
انا كنت بشتغل وحاليا لا لا كنت في السياحة ممكن اقدم هقدر ادفع المقدم والأقساط
لازم تقدم ما يثبت ان فيه مرتب او دخل شهري للتقديم سواء مفردات المرتب لو تبع شركة ، او شهادة دخل من محاسب قانوني
لوسمحت انا معاية صورة شهاده تفيد انى مسجل فى النقابة ومسدد الاشتراك السؤال لابد من صورة ولا اصل وهل تغنى عن صورة الكارنيه
ممكن تقديم الصورة وعامة حسب نص المطلوب في كراسة الشروط صورة من البطاقة النقابية او اشتراك النقابة
عنوان بطقاتي الشخصيه عين شمس القاهره وعنوان اقامتي الحالي المرج القاهره قانون جديدكتبت كل ذالك في البيانات المرسله ووضعت ايصال الكهربا والايصال باسم صاحب البيت وليس باسمي ووضعت صوره من عقدالايجاروهوعقدجديدغيرموثق وارسلت الكراسه هل كده فيه مشكله شكرا
هو عقد الايجار مش مطلوب ضمن الاوراق لكن مفيش مشكلة طلما الورق كامل وسليم
شكرا ردكم على التعليقات يفى بالغرض ويغنى عن السؤال
العفو وان شاء الله بالتوفيق
لو سمحت انا اتبعتلي من شويه رساله فيها رقم الطلب بتاعي المفروض بقي استعلم عنه منين
من خلال موقع صندوق التمويل العقاري زي ما وضحنا في الموضوع بس حاليا مش هتلاقي حاجة لانه لسه بيتم تسجيل البيانات احتفظ بالرقم وان شاء الله خلال الفترة القادمة هيتم اعلان المزيد من التفاصيل
انا جالى رساله من البريد المصرى your request delivered انا تم رفضى او قبولى 0
دي رسالة تفيد ان طلبك او ظرف الاوراق وصل ، احتفظ بالرسالة ورقم الطلب لان هتحتاجه للاستعلام لاحقا ، لكن دلوقتي لسه هيتم فحص الاوراق ومعرفة القبول او الرفض هتكون بعد 3 او 4 شهور
ارجو الرد انا ارسلت الاستمارة والاقرار بدون الكراسة عادي ولا لابد من ارسال الكراسة كاملة
ما هو دا المطلوب ترسل الاستمارة والاقرار مع الاوراق ، باقي ورق الكراسة بتحتفظ بيه دي مجرد معلومات وشروط الشقق
قام موظف الاستعلام بالحضور لمقر العمل وطلب مفردات المرتب ولعدم وجود المختص قرر العوده فى اليوم التالى لاستلام المفردات ولم يحضر ولم يرد على التليفون وبعد عدت ايام قرر انه ارسل الرد والاوراق يرفض الطلب
اتقو الله فى الناس الاستعلام بيد شباب لاتتقى الله ولا تعلم طبيعة المسئوليه الملاقاة على عاتقه
كيف يتم الاستعلام بالرقم الذي وصلني برسالة عن طريق البريد علما بانه عند الاستعلام يطلب مني الرقم القومي وعند ادخاله يكون الرد ان هذا الرقم غير موجود بقواعد البيانات
ان شاء الله صندوق التمويل العقاري هيوفر وسيلة للاستعلام علي الموقع الرسمي ، لكن حاليا لسه بيتم تسجيل البيانات والتقديم مفتوح مفيش وسيلة للاستعلام ، اللي بالرقم القومي دا للناس اللي قدمت في الاعلان السابق
لوانا قدمه وصل المرافق بتاع المحافظه التى فبها محل الاقامه
وانا قدمت على الشقه فى المحافظه التى اعمل بها مع العلم ان كل الاورق المطلوبه سليمه فى مشكله بل نسبه لوصل المرافق ارجو الافاده وشكر
مفيش مشكلة ممكن تقدم في محافظة السكن او محافظة العمل
نفس المشكله قدمت الكراسه كلها وخايفه لا يتم النظر بداخلها
لو سمحتم انا ارسلت الكراسه كلها كدا فى مشكله يعنى
عادي مفيش مشكلة المهم الاستمارة والاقرار يتقدموا
انا عايزه اعرف العنوان بالضبط فى 15 مايو انا جالى مندوب سأل عليه واخد بياناتى ومش عرفه باقى الخطوات ايه اروح 15 مايو أسأل ولا اسحب الفلوس وأقدم كن جديد
لو الاستعلام دا من مدة اتصلي بصندوق التمويل العقاري لمعرفة موقفك بالقبول او الرفض
ممكن اعرف اخر ميعاد لدفع الاربعة الاف جنية والتحويل لمدينة اخرى
اخر ميعاد للتحويل من القاهرة الجديدة يوم 30 يونيو وهتلاقي هنا اماكن الدفع في بنك التعمير والاسكان بالتفصيل اكثر
انا اعزب 22 سنه هل لو قدمت ممكن تيجي ولا هيستبعدوني وايه الشروط في حاله التقديم ارجو الرد وجزاكم الله خير
حسب اعداد المتقدمين في المدينة اللي هتقدم فيها ، صحيح الفرصة قليلة علشان اعزب بس طلما الشروط متوافرة قدم وبالتوفيق
انا محامى وأعمل فى مكتب محاماه ولا يجوز التأمين علينا لاننا مؤمن علينا فالنقابه فما معنى ورقه التأمينات
ثانيا الوحدات التى تسلم بعد عام هل يدفع لها ال 9 الاف المقدم ولا هيقسط ولا التقسيط ل ال 15% من مقدم الشقه
ممكن تقدم صورة اشتراك او كارنية النقابة
اللي هيتقسط بالنسبة لل 400 الف وحدة هو المقدم 15 %
انا قدمت فى القاهرة الجديدة واوراقى مستوفيه بس الرقم بتاعى بعيد
اعمل ايه دلوقتى اسحب المبلغ واقدم م الاول ولا اضيف المبلغ الزياده ليصل الى 9000 جنيه وهل ينفع انى ابدل الى العاشر من ؤمضان
بتدفع 400 جنيه هتلاقي هنـــــا خطوات التحويل من القاهرة الجديدة لباقي المدن بس لازم تبقي المدينة تبع مجافظة القاهرة
اتقدمت في شهر 8 -2015 بشقه في القاهره الجديده . وحتي الان لم مصيري في نتيجه القبول
تواصلي مع صندوق التمويل العقاري ، خصوصا ان فيه عدد كبير في مدينة القاهرة الجديدة وتم فتح باب التحويل لهم للمدن الاخري في القاهرة خلال شهر مايو الحالي
انا اتبعتلي رساله في الاول تم قبول طلبكم وروحت دفعت مقدم في البنك وفتحت حساب وبعديها ب 3 اسبايع جالي رساله تانيه مكتوب فيها تم رفض /تعليق طلبكم ممكن اعرف ده معناها اي وهعمل اي
غالبا خطا منهم طلما البنك قبلك ومشيت في الاجراءات ، عموما تواصل مع البنك الاول شوف هيقولك ايه لو كدا اتصل بصندوق التمويل العقاري
تقدمت بالمشروع إسكان اجتماعى أعزب فرد واحد ببورسعيد تم استبعادى لانى أعزب لا ينطبق على الشروط وكشف آخر أعزب ينطبق عليه الشروط ايه الموضوع هو فى أعزب خيار وأعرب فقوس ارحمونا من إسكان بورسعيد
انا زوجتى مش بتشتغل وغير مؤمن عليا يجوز التقديم
ممكن تعمل تامين شخصي بنفسك في التامينات ، وطلما فيه مصدر دخل شهري لك مش لازم ان الزوجة تكون بتعمل
مش مهم ممكن تروح تامن على نفسك وعلى زوجتك ولو ب10 جنيها فقط
هل لابد ان يكون العنوان فى ايصال الكهرباء نفس الذى فى البطاقة ام لا يشترط
المهم يكون نفس عنوان السكن الحالي لك
انا اعمل فى الحكومه واعمل بنظام جزء من الوقت واتقضا راتب مقابل الجزء من الوقت 700 جنيه مع العلم ان الاجمالي لوكنت اعمل الوقت كامل يعدى 1200 هل يجوز لى التقديم فى هذه الحاله وانا متزوج واعول واقيم مع والدى وكل الاوراق مستوفا هذه النقطه فقط اسال عنها افيد ونا بارك الله فيكم
لازم يكون الحد الادني لمفردات المرتب اللي هتقدمها 1000 جنيه اقل من كدا مش هيتقبل الورق
اذا لم ءاخذ المقدم ممكن ااخذ فى المرحله القادمه من غير مقدم تانى
اه لو مستحق شقة و عدد الشقق مكفاش اعداد المتقدمين هيبقي لك اولوية في المرحلة التالية من غير ما تقدم مرة تانية
فى حاله عدم التخصيص بعرف ازاى وبسترد المبلغ ازاى وامتى
بيتم ارسال رسالة بعد انتهاء الاستعلام وفحص الاوراق بالقبول او الرفض ، وممكن تستعلم من صندوق التمويل العقاري
استرداد المبلغ بيكون من خلال فروع بتك التعمير والاسكان بالبطاقة
استلام الشقه هيكون امتي ؟ وهل لو اعزب وسنه 22 سنه يبقي ليه الاولوية؟
بالنسبة لل 100 الف وحدة الاستلام بعد حوالي 4 شهور او حسب الاعداد وانتهاء فحص الاوراق والاستعلام
اما بالنسبة لل 400 الف وحدة الاستلام السنة اللي جايه 2017
بالنسبة للاولوية هي للمتزوجين والمطلقات والارامل ، العزاب في اخر الاولوية ، لكن طلما الشروط متوافر هيبقي مستحق للشقة سواء المرحلة دي او القادمة
انا اوراقي مستوفيه ولم يتم التخصيص مع اني متزوج واعول ممكن اعرف سبب الرفض
ممكن تعرف سبب الرفض من خلال الاتصال بصندوق التمويل العقاري زي ما وضحنا في الموضوع
هل يتم قطع الاقرار ونموزج التقديم من كراسة الشروط .ام ترسل الكراسه كامله.
المطلوب تقديمه نموذج التقديم والاقرار يتم ارفاقهم مع الاوراق ، زي ما مكتوب في الكراسة في اول الصحفة السابعة “يتم ملئ النموذج المرفق والاقرار بخط واضح ويرسل مع المستندات “
انا قدمت فى شقق محدود الدخل بشقق القاهرة الجديدة فى شهر 8/2015 وعايز احول لشقق الشروق ماذا افعل وهل لى اسبقية الحجز مع العلم ان سنى 48
هتلاقي هنــــــا بالتفصيل طريقة التحويل من مدينة القاهرة الجديدة لمدينة الشروق ، اه هيكون فيه اولوية بالنسبة للي قدموا في القاهرة الجديدة
بالنسبة للمقدم 25 الف يدفع كاش ولا على اقساط ربع سنوية
لو الشقة ضمن ال 100 الف وحدة يبقي المبلغ كاش
لو الشقة ضمن ال 400 الف وحدة يبقي المبلغ بالتقسيط حتي موعد استلام الشقة في 2017
انا مطلقه واعول ولكن بحكم محكمه ومعايا الحكم معتمد هل استطيع التقديم
اه المهم تقديم صورة ورقة رسمية تثبت الحالة الاجتماعية الحالية طلما لسه مفيش ورقة طلاق رسمية
هو لو أنا بطاقتي القاهرة وعايز أقدم على شقة ف أكتوبر عادي ولا لازم بطاقتي تكون الجيزة
لازم محافظة التقديم تكون نفس مكان السكن او مكان العمل
لو واحد مقدم في مشروع مبارك ٢٠٠٩ ولم يستلم. حتي الان ومفيش امل فيها ٠٠٠ هل يقدم ام لا
طلما مستلمتش او مفيش شقة باسمك ممكن تقدم في الاسكان الاجتماعي
بعد اذنكم انا محاسب بس سايب المهنة حاليا ومتامن عليه وعملت مفردات المرتب عند محاسب قانونى وشغال فني كهرباء ايه الورق الناقص تاني
هتلاقي خطوات التقديم في الاسكان الاجتماعي والاوراق المطلوبة بالتفصيل هنــــا
معى شهادة الخمسة بالمية ممكن تفدنى فى التقديم
اه بس اتاكد انها شهادة بدرجة الاعاقة من المجالس الطبية المتخصصة لان هي دي المطلوبة للدخول ضمن نسبة ال 5 %
ما معنى هذه الرسالة
تم رفض / تعليق طلبكم
مع العلم ان جميع أوراقى مستوفيه
ارجو الرد
يعني اما الشروط غير متوافرة او فيه ورق ناقص اتصل بصندوق التمويل العقاري لمعرفة موقفك بالضبط
لوسائق كيف نحسب له دخله او الاوراق المطلوبه لمعرفة دخله
بتجيب شهادة من محاسب قانوني بالدخل السنوي ، باقي الاوراق المطوبة خطوات التقديم في الاسكان الاجتماعي والاوراق المطلوبة بالتفصيل هنــــا
لو فى شخص منزلش اسمة يسترد الفلوس بعد قد اية الفترة الزمنية
بعد الاستعلام بيظهر الموقف سواء بالقبول او الرفض بتاخد فترة حوالي 4 شهور
بعد الاستعلام بيظهر الموقف سواء بالقبول او الرفض بتاخد فترة حوالي 4 شهور بعدها تقدر تسترد الفلوس من بنك التعمير والاسكان
اخوية بيشتغل فى مصنع الاسثتمار ومرتبة 1700ممكن يقدم وسنة26 سنةارجو الافادة
اه ممكن يقدم عامة الحد الادني 1000 جنيه والاقصي لمرتب للفرد الاعزب هو 2500 جنيه و 3500 للاسرة
بعدقد اي من ارسال الاوراق ممكن تظهر النتائج للمطابقين للمواصفات ممكن الافاده ضروري
حوالي 3 او 4 شهور بس ممكن المرة دي تطول لان الاعداد هتبقي كبيرة
دلوقتي انا سنس ٣٥ وجوزي شغال باليوميه بس الحمد لله الدخل ٢٠٠٠ جنيه وهكتب الشقه باسمي بس ملناش تامين اعمل ايه ومعانا ٤ اولاد انا
ممكن يعمل تامين شخصي باسمه في مكتب التامينات
لازم يكون المتقدم للشقق يعمل
لازم وظيفة او معاش
كراسات الشروط الخضراء غير متوفرة بمكاتب البريد على سبيل المثال شرم الشيخ موجود الكراسة الحمرء فقط لماذا
غالبا علشان اول يوم وفيه مناطق كتير الكراسة لسه موصلتش
هل بالإمكان اني اقدم في اي مدينة ولو هي مش محل سكني الحالي ..
ممكن التقدم في اي مدينة بس تكون داخل محافظة السكن ، او محافظة العمل
لو سمحت انا وزجي موظفين هل مطلوب مفردات مرتبنا احنا الاتنين ولا انا فقط
المطلوب مفردات المرتب للزوج والزوجة طلما الزوجة بتعمل علشان هم بيشوفو مجموع دخل الاسرة من ضمن الشروط انه ميزدتش عن 3500 جنيه في الشهر
ممكن اعرف طريقة الاستلام ازاي بعني الشقة هتكون في اي دور في حالة التخصيص وهل الدور الاخير والاول ارصي هيكون ذي باقي الادوار ام لا ويرت الرد سريعا
تخصيص الشقة سواء الدور او مكانها في المدينة بيكون بالكمبيوتر عشوائي
لو سمحتو متي ظهور الاسماء
ممكن تستعلم عن موقفك حسب ما اوضحنا في الموضوع ، وعامة لما بيتم تخصيص الشقة بيتم التواصل معاك عن طريق رسالة علي الموبايل موضح فيها اسم البنك اللي هتكون الاجراءات من خلاله
لوسمحت انازوجى سنه ٥٠ وان سنى مناسب يمكن اقدم باسمى و ولو سمحت احناساكنين ايجار حديد ازاي نقدم ازاى بنعمل بحث عشان نطمن
طلما باقي الشروط متوافر ممكن تقدمو وهتلاقي خطوات التقديم في الاسكان الاجتماعي والاوراق المطلوبة بالتفصيل هنــــا
هل لذوى الاحتباجات الخاصة اولويوية بالفوز بالشقه حتى ان كان اعرب
اه هم لهم 5 % بس بيتم ترتيب المتقدمين ذوي الاحتياجات الخاصة برضو بمعني المتزوج ذو الاحتياجات الخاصة له الاولوية عن العازب
ممعاييش غير المقدم وانتم كمان زودتوه من ٥٠٠٠ الى ٩٠٠٠ اجيب منين المقدم ١٥٪ انتم بتعجزونا علشان منقدمش ونتزل ونسكت صح؟
طيب انا لو معيش ال15 % عند التخصيص اعمل ايه ارجو الرد
بالنسبة لشقق ال 400 الف شقة بيتم سداد المقدم علي اقساط كل 3 شهور 4 الاف جنيه
بالنسبة ل 100 الف جنيه بيتم اعطاء مهلة سماح اسبوعين من يوم تخصيص الشقة لو مدفعتش بيتم سحبها ، عموما لسه قدامك كام شهر عبقال فحص الاوراق ان شاء الله تقدر تدبر المبلغ
عايز اقدم فى ال400 الف وحده اعمل ايه لان التقديم كله مع بعض
في كراسة الشروط هيبقي فيه استمارة التقديم بتحدد فيها المدينة اللي عايز تقدم فيها ، هتلاقي خطوات التقديم في الاسكان الاجتماعي بالتفصيل هنــــا
هو بالنسبة للشخص الأعزب العامل بالقطاع الخاص هل شرط أنه يقدم شهادة تامينات
شهادة التامينات الاجتماعية مطلوبة من الجميع
ميعاد تقديم بحوش عيسى او الدلنجات بحيرة
ميعاد التقديم في جميع الاماكن بداية من شهر مايو 2016
انا قدمت لشقه قي الاسكان الاجتماعي و قدمت جميع المستندات بطلب رقم٠٨٠٠٢
بتاريخ ١-١١-٢٠١٤ تحت رقم حساب ٠١٣٥٠١٣٠٠٠٢٣٤٨١٨
و لم يتم الرد سواء الرفض او القبول ولم يتم استلام حتي المبلغ المدفوع و قدره ٥١٠٠
حاولي تتواصلي مع صندوق التمويل العقاري زي ما وضحنا في الموضوع علشان تعرفي موقفك و رقم الاولوية
لو تم الرفض بيتم استرداد المقدم من بنك التعمير والاسكان
لو سمحت ماهو دخل المطلوب للعاملين بالخارج للحد الاقصى والادنى كم يكون بلضبط واىعمله
نفس الحد الادني في الاسكان الاجتماعي علي جميع المتقدمين ، 1000 جنيه و الحد الاقصي 3500 جنيه لدخل الاسرة
بعد ازن حضرتك هو الاستلام فورا ولا بعد قد ايه من دف القسط ارجوووك الرد فورا
علي حسب لو مقدم في ال 100 الف وحدة الاستلام بعد اربع شهور من التقديم ، بيتم التواصل معاك والتوجه للبنك اللي من خلال هيكون اجراءات قرض الشقة ودفع المقدم والاستلام بيكون في اسابيع قليلة بعدها.
اما لو في 400 الف وحدة لسه مخلصوش هيتم تسليمهم في 2017.
عاوزين نعرف معاد التقدم المقبل للحجز
ميعاد طرح كراسة الشروط واستمارة التقديم 23 ابريل
ميعاد التقديم طوال شهر مايو 2016
انا قدمت كرسة شروط حجز الوحدات السكنية
ولم تكتمل الاوراق
والان كملت الاورق المتبقية
وانا مش عارف اعمل ايه
او اروح فين