اعلن البنك الاهلي خفض سعر الفائدة علي الشهادة البلاتينية الي 11% سنويا ، لتصبح شهادة الاستثمار البلاتينية صاحبة اعلي عائد سنوي في مصر ، من البنك الاهلي وبنك مصر علي ان تكون مدة الشهادة البلاتينية 3 سنوات وصرف العائد شهريا بدلا من كل 3 شهور ، حيث تم إلغاء الشهادة الثلاثية 3 سنوات ذات العائد الربع سنوي.
البنك الأهلي المصري يعلن خفض سعر فائدة الشهادة البلاتينية إلى 11% بدلا من 12.25 %
ومع استقرار معدلات التضخم في مصر وتثبيت البنك المركزي لسعر الفائدة في نهاية عام 2020 ، اعلن البنك الاهلي المصري خفض سعر الشهادة البلاتينية إلي 11 % رسميا بدلا من 12.5 % ذات العائد الشهري علي ان يتم تطبيق القرار علي الشهادات البلاتينية الجديدة بداية من يوم الأحد 27 ديسمبر 2011 ، مع إلغاء اصدار الشهادات الذات العائد الربع سنوي.
بنك مصر يخفض سعر عائد الشهادة الثلانية إلى 11 %
وعلى الجانب الآخر قرر بنك مصر خفض الفائدة على شهادات الادخار الثلاثية ذات الفترة ثلاث سنوات لتصبح الفائدة السنوية 11% بدلا من 12% ذات العائد الشهري، مع إلغاء الشهادات الثلاثية ذات العائد ربع سنوي في ظل اقبال المواطنين على شراء الشهادات ذات العائد الشهري بدلا من الربع سنوي .
تفاصيل الشهادة البلاتينية في البنك الاهلي … مدتها وهل يمكن الاقتراض بضمانها ؟
– نسبة الفائدة في الشهادة البلاتينية 11 % .
-مدة الشهادة 3 سنوات.
– يمكنك شراء الشهادة ب 1000 جنيه ومضاعفاتها وبدون حد أقصى ويتم إصدارها للعملاء من الأشخاص الطبيعيين من خلال جميع فروع البنك الاهلي المصري.
– ويمكن استرداد قيمة الشهادات فى أى وقت بعد مرور ستة أشهر من تاريخ الشراء وفقًا لجداول الاستردادية المعلنة الخاصة بشهادات الاستثمار في البنوك.
-يمكن لعملاء الشهادات البلاتينية الاقتراض بضمانها فى حدود 90% من قيمتها.
-ويتمتع أصحاب الشهادة البلاتينية من البنك الاهليبكافة المزايا الأخرى التى يتيحها البنك لعملائه والتى من بينها الحصول على بطاقة صراف آلى ATM تمكنهم من صرف قيمة العائد فى يوم استحقاقة من كافة آلات الصراف الآلى المنتشرة فى كافة أرجاء الجمهورية دون تكبد عناء التردد على الفروع.
-كما يمكنهم استخدام هذه البطاقات فى شراء احتياجاتهم من السلع والخدمات مما يقلل من التداول النقدى المباشر للنقود ويحد من مخاطر حملها ويزيد من وعى العملاء بأفضلية الاعتماد على التكنولوجيا للحصول على الخدمات المصرفية بما يحقق الشمول المالى الذى يعد هدفا يسعى الجميع لتحقيقه.
– الشهادة البلاتينية هي اعلي وعاء ادخاري واعلي شهادة استثمار يصدرها البنك الاهلي في مصر حاليا.
موعد تنفيذ قرار البنك الاهلي المصري بخفض سعر الفائدة في شهادة الاستثمار الي 11 %
واعلن البنك الاهلي المصري انه سيبدأ من الاحد 27 ديسمبر 2020 بتقديم وعمل شهادة الاستثمار الشهادة البلاتينية بسعر الفائدة الجديد 11 % ، مع العلم أن الشهادات الصادرة سابقا مستمرة كما هي حسب مدتها ، وأعلن البنك الأهلي المصري أنه سيتم تطوير خدمات الأهلي النت مع بداية العام الجديد 2021 ولتلبيه احتياجات عملائه الإدخارية بتقديم الخدمات المصرفية المتطورة بأسعار عائد مميزة وفي ظل اجراءات مكافحة انتشار فيروس كورونا في مصر ، وتشهد فروع البنك الاهلي المصري اقبال من المواطنين مؤخرا مع تطبيق الاجراءات الاحترازية وقياس درجة الحرارة وارتداء الكمامة قبل دخول البنك.
البنك الاهلي يوضح موعد انتهاء شراء الشهادة البلاتينية بالفائدة الجديدة
اعلن البنك الاهلي انه لا يوجد فترة محددة للاكتتاب وشراء الشهادة البلاتينية وانما يتحدد ذلك حسب ظروف ودراسات سوق المال في مصر ، وان الهدف الرئيسي في تقديم البنك الاهلي أعلى سعر فائدة فى السوق المصرفية شهادة استثمار البلاتينية ب 11 % هو جذب المزيد من رأس المال الي التعاملات الرسمية وخفض قاعدة المتعاملين مع القطاع المصرفى، يذكر ان حصيلة بيع شهادات الاستثمار ذات عائد ال 12 % بلغت خلال الشهر الماضي حوالي 8 مليار جنيه .
وفي هذا الموضوع :-
أعلى فائدة لشهادات الاستثمار في البنوك المصرية 2021
تفاصيل خفض الفائدة علي شهادة استثمار المجموعة أ و شهادة استثمار المجموعة ب الي 9.75 %
في موقع خمس خطوات ، نقدم لكم متابعة جيدة للشأن المصري والعربي والعالمي ، والاخبار السياسية والاقتصادية والبنوك في مصر والوطن العربي اهم النصائح والارشادات ومتابعة جيدة للتطورات الجارية.
هل الفائده على الشهاده من 6شهور سترتفع ام على قديمه
لا الشهادات القديمة بتفضل زي ما هي لو فيه زيادة بيتم تطبيقها علي الشهادات الجديدة
انا عاوز توضيح اكتر للشهادة بعد اذنك
هتلاقي هنـــــا طريقة حساب عائد الشهادة البلاتينية وخصائها بالتفصيل
ولو فيه اي سؤال اخر اهلا بيك
انا عندى دفتر توفير بتاريخ 2008/8 عايزه اعرف هل ما زال يعمل أم لا شكرا
اه لو فيه مبلغ يبقي شغال وعامة ممكن تتاكد من خدمة العملا سواء بالتليفون او في البنك
انا نفسى اعرف حاجة لو انا عملت شهادة بلاتينية ب100000مثلافى اول شهر 10مثلا هل هينفع اسحب العائد الشهرى فى شهر 11ولا بعد مدة معينة
اه العائد الشهري بيكون مباشرة بعد مرور شهر من اليوم التالي لاصدار الشهادة يعني لو مثلا عملتها 17-10 يبقي العائد هينزل في الحساب يوم 18 -11
ممكن اعرف في حالة كسر الشهادة بيتخصم كام بالمئه من العائد المصروف
حسب الفترة اللي عدت من مدة الشهادة بمعني لو بعد 6 شهور مباشرة بيتم خصم 90 % من العائد اما لو بعد سنة بيتم خصم 75 %
بعد 3 سنوات مده الشهاده المبلغ هو ولا بينقص وشكرا
بعد انتهاء مدة الشهادة بيتم استرداد المبلغ كامل
ممكن اشتريها الان
و الفيزا تطلع امتي (يعني هتاخد مده اد ايه )
اه ممكن ، الفيزا بتاخد 10 ايام لاسبوعين
أنا عندى شهادة بلاتينية بمليون جنية
هل ممكن اعمل فيزا كازد دولية وكيف وشكرا
اه طلما عندك حساب في البنك ممكن تقدم علي فيزا سواء مرتبطة بالحساب يعني مسبقة الدفع ، او بطاقات الكريديت كارد
بتتوجه لخدمة العملا في البنك وبتطلب عمل الفيزا وهو هيعرض عليك عدة اختيارات وانواع وانت تختار اللي يناسب وممكن تشوف انواع الفيزا بالتفصيل اكتر علي موقع البنك الاهلي
تم شراء الشهادة بتاريخ ٢١/٧/٢٠١٦ ولم اقوم باستلام اى مستحقات ولم يصدر كارت الفيزا …هل يمكن سحب المبلغ وارجاع الشهادة
مش هينفع تستردها الا بعد مرور 6 شهور من تاريخ اصدار الشهادة حسب شروط الشهادة
انا محتاجه افهم بوضوح معلومات عنها ..مثلا لو انا معايا 30الف جنيه مصرى وعايزه الشهادة البلاتينية بالمبلغ فى فايده شهرية عليهم ولا آيه ..ومسموحلى اسحب من المبلغ اللى انا اشتريت بيه وهو ال30الف ولا ماينفعش اللى بعد مده بيحددها البنك وياترى اد ايه .. ومتى استرد المبلغ بتاعى اذا حبيت الغي الشهادة
بيتم شراء الشهادة بالمبلغ دا والعائد بالنسبة للشهادة البلاتينية 12.5 % سنويا لكن العائد بيتم ايداعه في الحساب مقسم شهريا
مش هتقدري تسحبي من المبلغ اول 6 شهور ، بعد ال 6 شهور ممكن كسر الشهادة واسترداد المبلغ اي وقت ، لكن بيتم خصم نسبة معينة من العائد المصروف في الفترة اللي فاتت من الشهادة
عايز اشترى شهادة بﻻتنية الآن فهل أستطيع الان؟
اه مستمرة حتي الان بنفس الفائدة
لوسمحت اناغامل شهادة بﻻتنية 12.50 زو العائد الشهري ينطبق عليه زيادة الفائدة 1ف المائة
لا حاليا مفيش زيادة علي الشهادات البلاتينية ، بجانب ان الشهادة نفسها نسبتها ثابتة طول مدة الشهادة
لو في زياده على الشهادة البلاتينية هل استفيد بيها حالياً ولا في حالة تجديد الشهادة
وشكرا
لسه مفيش زيادة حاليا البنك هيحدد خلال الاسبوع الحالي ان شاء الله
والاستفادة من الزيادة بتكون علي الشهادات الجديدة او عند تجديد الشهادة ، الشهادات القديمة بتستمر بنفس الفائدة حتي استردادها او تجديدها
كان عند الشهادة اللاتينية وجددتها بالفائدة الجديدة 12.5% وتم عمل المقاصة بالمبلغ الجديد ونزل قيمة الكوبون الشعر الماضي بالقيمة الجديدة ولكن الشهر ده لم تنزل حتى يوم 3 في الشهر-لماذا؟
شوف يوم تاريخ عمل الشهادة العائد هينزل في الحساب اليوم التالي ليوم عمل الشهادة
لو اتاخر او منزلش العائد استعلم من خدمة العملاء في البنك بحيث يكون بيانات الحساب قدام الموظف ويحددلك السبب بالضبط
انا معي مبلغ ربع مليون جنيه مصري العائدكام اليوم1/6/2016 ارجو الرد جزاكم الله خير
العائد السنوي هيكون 31250 جنيه ، وفي الشهر هيبقي 2604 جنيه
أنا موظف بسيط في القطاع الخاص ياتري لو جيت أفتح حساب أو أشتري شهادات إستثمار بمليون جنيه البنك هيسألني عن مصدر المال وياتري مافيش بنك تاني ما يسئلش ؟
بالنسبة لفتح الحساب نفسه مفيش مشكلة لو مبلغ الشهادة قليل او متوسط ، المشكل حاليا علشان تعليمات البنك المركزي كل البنوك بقت تدقق في الحسابات ومصدر الاموال
انا لسة عملة حساب توفير بربع مليون جنية وعايزة احولة شهادة بلاتينية هينفع والفايدة كل شهر قد ية
طلما الفلوس في الحساب مش في شكل شهاداة او ودائع ممكن تشتري بالمبلغ شهادة بلاتينية شهرية ، الفائدة زي ما هي حاليا 12.5 % في الشهر
لو سمحت انا معايا 100 الف جنيه هاخد كل شهر اد ايه
شهادة بلاتينية ب 100 الف بنسبة 12.5 % هتجيب عائد 1041 جنيه شهريا.
انا معايا 200000و عاوز اشترى الشهاده البلاتينيه اشترى احسن قبل شهر مايو ما يبدأ عشان استفيد بالفايده و الا الفايده باليوم
يوم الخميس القادم البنك المركزي هيناقش اسعار الفائدة الكلام انه اما هيثبتها او هتزيد يعني مش هتقل ، وعامة البنك بيناقش اسعار الفائدة اخر يوم خميس من كل شهر
انت حسب احتياجك لو تقدر تستني للشهر اللي جي بحيث لو حصل تثبيت للفائدة يبقي مش هتفرق لو حصل زيادة يبقي استفدت
الله يجزاك خير واكيد راح اخذ خطاب من العمل بالمبلغ واذا في عندك اي فكرة تانية تكون افضل اكون ممنون لك عسي ربي يوفقك
علي فكرة انا صاحب الرسالة بتاعت النصف مليون
ربنا يكرمك و ان شاء الله بالتوفيق ، زي ما قلتلك في الوقت الحالي هي الشهادة البلاتينية اعلي نسبة 12.5 % ، لو مش مستعجل ممكن تنتظر الاسبوع الحالي ، علشان البنك المركزي هيناقش الفائدة يوم الخميس وفيه احتمال الفائدة تزيد صحيح مش بنسبة كبيرة بس كله ممكن خصوصا مع ازمة الدولار
لو معايا 500000 نصف مليون تنصحوني باي فئة وافضل بنك وعلشان ,مابعرفش بس عايزك توضحي يطلع لي كم في الشهر ده اذا تكرمت
والف الف شكر ليكم
اعلي شهادة حاليا هي البلاتينية الشهرية من البنك الاهلي بنسبة 12.5 %
بس مع العلم ان لو مش عندك حساب لازم البطاقة تكون سارية وفيها الوظيفة ، واحتمال البنك يطلب ورق عن مصدر المبلغ
شهادة بلاتينية بنصف مليون جنيه حسب النسبة الحالية هتجيب في الشهر 5208 جنيه
ازاي انا هشترى مثلا ب 15000 هيقلى هات خطاب من العمل
بيبقي حسب المبلغ او لو عندك حساب قبل كدا مش بيطلب منك اثباتات فمش ديما البنك بيطلب خطاب او مفردات دخل علشان عمل الشهادة
مع العلم ان لو هتفتح حساب جديد لازم البطاقة تكون سارية وفيها الوظيفة وليس حاصل علي مؤهل كذا
هو الالف جنيه عليه كام فى الشهر بالشهاده البلاتنيه
الالف جنيه بتجيب 10.41 جنيه في الشهر
عندى خمسبن الف جنيه فى البوسته وعايزه اشترى ببها شهاد البلاتنيه ينفع البوسته تحول المبلغ للبنك
لا مش هينفع ، لازم تتوجه بنفسك ، بجانب ان لشراء الشهادات البلاتينية بيتم فتح حساب في البنك الاول
لو سمحت ايه الشروط المطلوبه مني عشان اشتري شهاده استثمار شهريه دي انا عندي ١٨ سنه ومعايا بطاقه لو حطيت مبلغ عشره الاف هايجيلي كام كل شهر ولو ماينفعش اعملها بطاقتي ينفع اعملها ببطاقه والدتي ؟
وشكرا مقدما
بتروح البنك وبيتم عمل حساب عادي بالبطاقة ، لو 10 الاف جنيه عادي بس لو المبلغ كبير ممكن يسالك عن مصدر الاموال ايه
شهادة بلاتينية ب 10000 جنيه هتجيب 1250 في السنة و 104 جنيه في الشهر
هل الشهادة البلاتينية الجديدة العائد بتاعها بيجي كل شهر؟!
اه البلاتينية الشهرية العائد بيكون 12.5 % موزع علي ال 12 شهر
هل لسة الفايدة 12.5 للان
اه مستمرة لسه زي ما هي 12.5% شهر ابريل 2016
السلام عليكم
فى شروط للشخص عندشراؤه الشهادة
ولوعايزة اعمل شهادة لبنتى الرضيعه فى مشكلة
لان بنك القاهرة قالى لازم الاب مينفعشي الام ومش فاهمة ايه السبب
وعليكم السلام ورحمه الله وبركاته
البنك بيطلب الوصي القانون لانه هيتم فتح حساب وعمل الشهادة وهو هيكون الوصي علي الحساب
بعد السلام عليكم ورحمه الله وبركاته انا لدى شهادات ب ١٠ سنوات هل ستزيد سعر الفائده عليها ام لا علما بانها ستنتهى فى عام ٢٠١٧ مع جزيل الشكر
وعليكم السلام ورحمه الله وبركاته
الشهادة القديمة مستمرة بسعر الفائدة المكتوب عليها مفيش تغير حتي انتهائها
لو شايف ان فرق الفائدة كبير ممكن تستردها وتعمل شهادة الفائدة الجديدة مع العلم ان عند الاسترداد بيتم خصم مبلغ من قيمة الشهادة حسب تاريخ استردادها بس طلما السنة الجيه المبلغ المخصوم مش هيبقي كبير
السلام عليكم انا عندي شهادة بلاتينية بعائد 10 هل ستترتفع نسبة الفائدة تلقائيا ل12 ونصف ولا لازم اراجع البنك بنفسي
لا لازم الذهاب للبنك بالشهادة واسترداد قيمتها وعمل شهادة بلاتينية شهرية ب 12.5 %
لان البلاتينية القديمة هي ربع سنوية وحاليا عائدها لسه 10 %
البنك المركزى قام بزياده الفائده منذ ايام . هل تم زياده فوائد شهادات الاستثمار أم سوف تستمر على نسبتها ؟
لسه لم يتم اعلان اي زيادة لكن منتظر ان شاء الله خلال الاسبوع الحالي يتم الاعلان عن زيادة الفايدة في البنوك
خصوصا ان قرار البنك المركزي كان يوم الخميس بليل والنهاردا الحد لسه اول الاسبوع
اناعندي شهاده بلاتينيه هل ستزيد نسبتها
لو شهادة بلاتينية قديمة اللي هي ربع سنوية لا هي زي ما هي 10 % ، اما الجديدة فهي شهادة بلاتينية شهرية ب 12.5 % ممكن تروح البنك وتطلب التغيير للشهادة الجديدة
مع العلم ان فيه كلام حاليا ان الفائدة هتزيد الايام اللي جايه حسب ما يقرر البنك المركزي
انا عندي شهادة قديمة ذات عائد ربع سنوي بقيمة ١٢.٥٪بالبنك وستنتهي خلال هذا العام هل تتجدد تلقائيابنفس قيمة الفائد
لا لازم تروح البنك وتطلب عمل شهادة بلاتينية شهرية دي اللي هي 12.5 %
ما البلاتينية القديمة فهي شهادة ربع سنوية والفائدة عليها 10 %
انا مقيم في الخليج واعطيت تعليمات على حسابي البنك بأن المبالغ التي أقوم بتحويلها يتم شراء شهادات بلاتينية ذات العائد الربع سنوى هل بعد رفع الفائدة ستحسب لى الشهادات الجديدة بالفائدة الجديدة وشكرا
لا لان سعر الفائدة الحالي دا علي الشهادة البلاتينية الشهرية وليست ذات العائد الربع سنوي حاول تتواصل مع البنك لتغيير التعليمات
انا اعمل في الكويت ممكن زوجتي تشتري لي شهادات باسمي بموجب توكيل عام صادر من السفاره المصريه بلكويت
اه ممكن ، او انت ممكن تشتري بنفسك من خلال مكاتب البنك الاهلي في الكويت
لو سمحت انا سحبت مبلغ من الصراف اكتر من الفايده هل يكون من فلوس الشهاده
لا مبلغ الشهادة مش بيظهر في الحساب في حالة استرداد الشهادة ، اعمل كشف حساب من الصراف الالي ولو شاكك روح خدمة العملا يقولك المبلغ دا بتاع ايه بالضبط
طب حضرتك مفيش امل ولو الحساب اشتغل ايه مصير العائد اتوقف برضو ولا ايه
زي ما قلتلك عن طريق ولي الامر ممكن يكون هو الوصي علي الحساب او تقديم اي ورقة عن مصدر للاموال سواء ورث او غيره
هو طلما تم تجميد الحساب في الفترة دي العائد بيقف هو كمان فانت حاول في اقرب وقت تتفاهم مع البنك وتمشي في الاجراءات وحاول تقابل المدير هناك
السلام عليكم
هل الشهادات مازالت تباع ام تم ايقافها بتاريخ معين انا موجود لدي حساب بالبنك الاهلي واريد عمل عدد شهادات هل مازل 12.5 % لسه شغال .
وشاكر ومقدر تعاونكم
اه الشهادات البلاتينية مستمرة زي ما هي بفائدة 12.5 %
ومفيش تاريخ معين لوقف او لتقليل الفائدة حتي الان خصوصا ان نسبة التضخم في مصر بتزيد مش بتقل
السلام عليكم ورحمه الله وبركاته اولا حضرتك ممكن ترد عليا ضروري انا كنت سالت حضرتك قبل كده عن الشهاده البلاتينيه الشهريه روحت عملته بمبلغ 52000 وبعدين روحت بعد شهر عشان اكملها مائه الف يعني اعمل شهاده تانيه بباقي المبلغ فروحت البنك لاقيتهم بيقوللي ان الحساب واقف لا ينفع سحب ولا ايداع بحكم ان الواحد موصلش سن 21 وعشرين سنه قلت طب والعمل قال مع العلم ان انا 20 سنه قال لازم نعرف مصدرالفلوس دي سوال هو البنك ماله بالموضوع ده يعني هولازم يلف ورا العملاء عشان يعرف مصادر الاموال بتاعتهم انا دلوقتي لا عارف الغي الشهاده ولا اعمل واحده بباقي المبلغ ايه العمل ارجو الرد لو سمحت
وشكرا
وعليكم السلام ورحمه الله وبركاته
هو فعلا دي تعليمات من البنك المركزي للبنوك لازم يكون فيه وظيفة مثبتة في بطاقة الرقم القومي او معرفة مصدر الاموال لمنع غسيل الاموال ، وفيه ناس كتير البنك رفض يفتح لهم حساب من الاساس علشان النقطة دي
موظف البنك غلط اصلا انه عملك الشهادة من غير ما يتاكد من البيانات ، مفيش قدامك غير ان تروحلهم مع الوالد او الوصي عليك بحيث انه يكون وصي علي حسابك ، وحاول معاهم لحد ما يوافقوا واطلب مقابلة المدير لان زي ما قلت الموضوع من الاول غلط منهم هناك انه يعملك شهادة بدون تاكيد البيانات
ممكن بعد إذنك توضيح لشهادة بلادي الدولارية فئة 5سنين يعني لو اشتريت ب الف دولار كم الفائدة السنوية والشهرية وشكرا
هتلاقي شرح طريقة حساب فائدة وعائد شهادة بلادي بالدولار هنا بالتفصيل
وعامة لو 1000 دولار الفائدة في شهادة بلادي ذات المدة 5 سنين هي 5.5 % سنويا يعني لكل 1000 دولار العائد في السنة 55 دولار ويصرف هذا العائد مقسم كل 6 شهور ، ويتم حساب عائد شهادة بلادي اعتباراً من يوم العمل التالي ليوم شراء الشهادة
يعني بالنسبة لعائد شهادة بلادي ب 1000 دولار هتلافي في الحساب 27.5 دولار كل 6 شهور
لو سمحت الشهادات تنتهى يوم26 /2 /2016 هيوافق يوم الجمعه اروح امتى
ممكن تروح يوم الحد او الاتنين 28 او 29 عادي
لو سمحت عايز رد سريع ﻻن الشهادات هتخلص يوم26/2/2016لو مرحتش بعد الانتهاء سوف تجدد على فائده كام مع العلم ان القديم كان على12.5
هتجدد علي 10 % لان نوع الشهادات الجديدة البلاتينية هي مختلفة عن القديم اللي هي ربع سنوية ، الجديدة هي بفائدة 12.5 % شهادة شهرية ، الافضل تروح للبنك وتطلب تغيرها الي شهادة بلاتينية شهرية
بعد اذن حضرتك استفسار ..
انا عملت الشهاده البلاتينيه بمبلغ 20000 جنيه و العائد السنوى 12.5% ثابت.
ممكن بعد كده العائد يقل لو نزلو سعر الفائده او العكس ؟
العائد ثابت طول مدة الشهادة اللي هي 3 سنين
حتي لو زادت الفائدة او قلت بيتم تطبيقها علي الشهادات الجديدة فقط وليس باثر رجعي
انا من شهرين عاملة الشهادة بالفايدة الجديدة وكان المبلغ 9000 وبعد شهرين رحت استعلم عن المبلغ بالفيزا لاقيت المبلغ ناقص 1000 جنية ارجو الافادة فى فرق المبلغ مع العلم ان العلم الشهادة ب اسمى صح اما الفيزا لما طلعت طلعت باسم مختلف من على الفيزا من برا وقمت بسوال مدير البنك وقال لى هزا الامر عادى طالما الاسم مسجل صحيح ارجو الافادة
حضرتك احنا مجرد موقع اخبار ومعلومات مش تبع البنك دي مشكلة لازم تروحي البنك هناك في خدمة العملاء تعرفي ايه وضع ال 1000 جنيه دي
وبرضو لازم تتاكدي ان بطاقة الفيزا دي مربوطة بحسابك هناك
هل مازالت الفائده البنكيه لشهر فبراير 2016 12.5% كما هي وشكرا
اه 12.5 % والفائدة مستمرة علي الاقل لحد شهر مارس 2016 ، لان البنك المركزي ثبت اسعار الفائدة في اخر اجتماع له نهاية شهر يناير
ممكن استفسر على شهادة بلاتينية 45000الف قدمها 10شهور على الانتهاء وعاوزة احولها بالفاءدة الجديدة هخسر اية
حسب سعر الفائدة اللي مكتوب علي الشهادة مثلا لو 10 % هتخسر حوالي 5000 جنيه
دلوقتي لو عملت شهاده ب الف هاخد فايده عليها 125 كل سنه؟؟
اه مضبوط والعائد مقسم ويصرف شهريا
لو. سمحت ايه افضل حاجه استثمر فيها العمله الاجنبيه اليورو اعلي عائد من فضلك رد عليا
اعلي شهادة استثمار باليورو في البنك الاهلي هي ” الشهادة ذات العائد المقدم 5 سنوات” سعر الفائدة 2.1 % سنويا ، واسال برضو عن “شهادة أهل مصر” هي 7 سنوات لو المدة مناسبة لك
بص بقي بالله عليك ترد عليا انا عملت شهاده بلاتينيه يوم 13 1 2016 ولسه مصرفتش حاجه ولا اخدت الفيزا بس اكتشفت بعد كده ان فيه حاجه افضل من ال12 ونص اسمها شهاده مجموعه حاجه زي كده المهم انها بتتصرف كل ثلاث شهور مش كل شهر زي اللي انا عاملها انا بقي عايز الغي اللي انا عملتها او ابدلها بالمجموعه اعمل ايه مع العلم ان انا لسه مصرفتش حاجه خالص ارجو الرد بعد اذنك وشكرا انا عملها بمبلغ 52000 الف جنيه ممكن تقولي عائد المجموعه دي كام للمبلغ ده هيالبلاتينيه هاصرف منها 540 جنيه صح ولا ايه وشكرا
انا رديت علي حضرتك بالنسبة للفرق بين الشهادة التراكمية والبلاتينية هتلاقي الشرح بالتفصيل هنـــا
اما بالنسبة لسؤالك الشهادة اللي بتتكلم عليها فهي ” شهادة استثمار مجموعة ب ” والفائدة بتاعتها هي 12.75 % سنويا ، وفعلا زي ما قلت بتصرف العائد كل 3 شهور
الفرق بينها وبين البلاتينية مش كبير يعني البلاتينية هتجبلك في السنة 6500 جنيه او زي ما قلت 540 جنيه في الشهر ، اما شهادة مجموعة ب هتجبلك في السنة 6630 جنيه والعائد دا بيكون متوزع تصرفه كل 3 شهور 1657.5 جنيه
الفارق الاساسي حاليا هو مدة الشهادة البلاتينية 3 سنين ، اما مجموعة ب فهي 5 سنين
صعب تغير الشهادة البلاتينية او تصرفها لان حسب شروطها لازم مرور 6 شهور بعد شهر اصدارها ، لكن ممكن تجرب وتحاول معاهم في البنك طلما لسه مصرفتش حاجة ، واهلا بيك في خمس خطوات
لو سمحت انه عايز اسحب قرض علي شهاده بلاتينيه
بتروح البنك ومعاك البطاقة والشهادة وفي خدمة العملاء بيتم عمل الاجراءات
هل الفائده كما هي الان 12/5%
اه زي ماهي ومستمرة حتي نهاية شهر يناير علي الاقل
متوقع ان تستمر طوال شهر يناير ولا ايه
اه خصوصا بعد ما البنك المركزي رفع اسعار الفائدة امبارح ، صعب البنوك تنزل الفايدة عن النسبة الحالية
عند تجديد الشهاده تلقائيا بعد مرور ثلاث سنوات تجدد بمبلغ الشهاده فقط ولا مضافه لها الارباح التى لم تصرف يعنى مثلا قيمة الشهاده10000 والارباح 3600 ولم اصرفهم تجددب10000 ولا 13600
الشهادة بتجدد تلقائيا بقيمة الشهادة بس ، لكن الارباح بتبقي موجودة في حسابك ، فعلي المثال اللي ذكرته هتجدد ب 10000 وهتلاقي 3600 موجودين في حسابك تقدر تصرفهم ، او لو عايز ممكن تروح البنك وتطلب يتعمل بيهم شهادة
اقرب فرع لمنطقة السيوف الاسكندريه
وممكن بتاريخ ٥/١/٢٠١٦ شراؤها
فيه فرع البنك الاهلي المصري في السيوف مبنى السوق التجارى، شارع أديب معقد, السيوف شماعة
التليفون: 035262974
اه الشهادة مستمرة في شهر يناير حتي الان البنك الاهلي محددش موعد نهائي لشرا الشهادات البلاتينية فهي مستمرة
انا مشترك فى الشهادات البلاتينة الربع سنوية ينفع اغير للشهادات الشهرية بدون اى خصم
لو قصدك تغيير الشهادات البلاتينية الربع سنوية الي الشهادات الشهرية الجديدة ، هيبقي فيه خصم طلما الشهادات لسه فيها مدة باقية
لا يوجد حساب لدى فى البنك الاهلى يتم الذهاب بمبلغ 10000 جنية والبطاقة فقط وشراء الشهادة ام يوجد خطوات اخرى
اه لا يوجد خطوات اخري بس المهم تكون البطاقة سارية
بتاخد المبلغ والبطاقة وبتروح تحجز رقم دور خدمة العملاء ورقم للسحب والايداع ، ومن خلال خدمة العملاء بياخد بياناتك ويفتح الحساب ثم تقوم بوضع المبلغ في حسابك الجديد وتعمل الشهادة
ياجماعه انا اشتريت شهاده 10000جنيه السنه اللى فاتت وعايز استردها واشترى الشهاده الجديده هخسر كتير ولا هتعوضنى عن القديمه وعايز اعرف اخر ميعاد الشراء امتى ولا مش محدوده فى اى وقت
هتخسر نصف النسبة اللي مكتوبة علي الشهادة بمعني احسب صرفت عائد قد ايه خلال الفترة دي من الشهادة ، هيتم خصم نصفه ، وبرضو راجع مع خدمة العملاء هناك علشان تعرف المبلغ بالضبط
شهادة البلاتينية مستمرة مفيش ميعاد نهائي ، بس لو البنك المركزي غير اسعار الفائدة ممكن البنك الاهلي يغير فايدة البلاتينية
انا اشتريت شهاده 10000جنيه بقالها سه بالظبط حد يعرف لو استردتها علشان اشترى الجديده هيخصمو كام بالتقريب كده والخصم ممكن يوصل للنص الفايده ولا ايه مش عارف
اه لو من السنة اللي فاتت هيخصم نص الفائدة اللي مكتوبة علي الشهادة
هل يوجد فرع او وكيل للبنك الاهلي المصري في الكويت؟
او هل توجد بنوك بالكويت يمكنني شراء الشهاداة منها
شكرا
اه يوجد مندوبين للبنك الاهلي المصري في البنوك دي ممكن تروح اي فرع رئيسي وتسال عن مندوب البنك الاهلي ومن خلاله بتعمل الاجراءات المطلوبة
AL AHLI BANK OF KUWAIT
COMMERCIAL BANK OF KUWAIT
BURGAN BANK
GULF BANK
NATIONAL BANK OF KUWAIT
هل ممكن ان اشترى الشهادة يوم 16/12/2015 لانى عندى ظروف بكرة هل سالحق ارجوا الرد وجزاكم الله خيرا
اه هتلحق ان شاء الله الشهادات مستمرة مفيش كلام لسه عن الموعد النهائي
هلى يوجداى فرع للبنك الاهلى بالامارات او كيف يتم التواصل مع البنك من الخارج
اه ممكن تروح الفرع الرئيسي لاحد هذه البنوك في الامارات حسب الاقرب لك
MASHREQ BANK
NATIONAL BANK OF ABU DHABI
EMIRATES NBD BANK PJSC
ABU DHABI COMMERCIAL BANK
COMMERCIAL BANK OF DUBAI
وتسال عن مندوب البنك الاهلي المصري هناك وتعمل من خلاله الاجراءات اللي عايزها
او لو قريب من مكتب تمثيل البنك الاهلي المصري في الامارات في دبي ممكن تروح او تتصل بيهم
دبي – طريق الشيخ زايد – برج بارك بالاس الدور ال 14 الوحدة رقم 1401
Address :EL Sheikh Zayed Road, Park Place Tower 14th Floor , Unit No. 1401, Dubai
تليفون رقم
+97143266266هل يعقل ان الفائده علي الشهادات ذات العائد السنوي اقل من ذات العائد الشهري
فعليا العائد في الشهادات كله سنوي
الفكرة في موعد صرف العائد نفسه اما يصرف شهريا زي الشهادة البلاتينية الحالية ، او يصرف كل 3 شهور زي شهادة استثمار مجموعة ب
وزي ما قلنا ان موضوع زيادة الفائدة دا استثناء بالاتفاق مع البنك المركزي لتقليل التضخم ومواجه ازمة الدولار
لدى شهادات بمبلغ 100000 جنية اشتريتها فى 31/12/2014 متى يمكننى استبدالها بالشهادات التى فائدتها 12.5 % ؟ وذلك لاحصل على فائدتها السنوية وهذه الشهادات بلاتينية .
هي الشهادات اللي معاك تاريخ استردادها هيكون لسه في 1-1-2018 ، انت ممكن تستردها دلوقتي لكن هيبقي فيه خصم علشان قبل ميعادها
انت تشوف مع البنك الخصم قد ايه وتقرر اذا كنت تستردها حاليا ام لا
عند انتهاء شهادة مثلا بفائدة ٩,٥٪ هل تجددعلي نفس الفائدة القديمة ام علي سعر الفائدة الحالي ١٢,٧٥٪
ولكم جزيل الشكر
لا لان الشهادة البلاتينية اللي ب 9.5 كانت شهادة ربع سنوية ، اما البلاتينية اللي ب 12.5 فهي نوع تاني يصرف العائد شهريا
بمعني لازم تروح البنك وتسترد القديمة عند انتهائها وتطلب عمل الشهادة البلاتينية اللي ب 12.5 %
هل العائد الشهرى 12.5 فى المائة كل شهر يصرف يعنى مثلا انا لو اشتريت شهادة ب 1000 جنيه اخد كل شهر 125 جنية ارجو الرد ….
لا ، 12.5 % دا عائد سنوي ، مقسم شهريا يعني يصرف علي 12 شهر
مثلا يعني ال 1000 جنيه العائد هيكون 125 في السنة تصرف 10.4 كل شهر
هل ممكن شراء الشهادة البلاتنية الجديدة لابنى
اه ممكن تفتح له حساب وتكون انت وصي عليه بشهادة الميلاد وتشتري باسمه الشهادة البلاتينية
انا عملت الشهادة البلاتينية وكتبت عنوان المراسلة علي مكاني الحالي لكن انا بعد ثلاث شهور مش هكون متواجدة فيه لاني هكون نقلت في مكان اخر وفي البنك قالولي انهم هيراسلوني كل ثلاثة أشهر على العنوان
انا عايزة اضيف عنوان اخر ومعنديش وقت اروح البنك ممكن تقولي طريقة سهلة
هو مفيش طريقة غير انك تتوجهي للبنك مباشرة لان العنوان من البيانات الاساسية وصعب يتغير الا بتواجدك في البنك ، عموما ممكن تجربي الاتصال بخدمة العملاء في البنك الاهلي 19623 وتتابعي معاهم
عايز اعرف لو الشهادة خلص اتاريخ بتعها هل بتتغير على الفائدة الجديدة وعايز اعرف اخر ميعات للشراء الشهادة الشهرية الى 12 ونصف وعايز اعرف اى شهادة اعلى فائدة ولك جزيل الشكر
اه بيتم تجديدها علي الفائدة الجديدة
مفيش ميعاد محدد حتي الان الشهادة البلاتنية بالفائدة دي مستمرة علي الاقل لحد لما البنك المركزي يجتمع علشان تحديد اسعار الفائدة منتصف ديسمبر
اعلي فائدة من البنك الاهلي او البنوك الحكومية الان هي شهادة استثمار مجموعة ب وهي 12.75 % بس هي لمدة 5 سنوات والعائد بيصرف كل 3 شهور
هل يممكن رفع الشهاده القديمه بليزز ممكن الرد
لو قصدك استرداد الشهادة القديمة وعمل شهادة بالنسبة الجديدة او ممكن لكن لازم يكون مر علي الشهادة اكتر من 6 شهور مع العلم ان هيتم خصم مبلغ معين حسب نسبة الشهادة القديمة وتاريخ اصدارها
كم يكون الخصم على الشهادة البلاتينية عند سحبها بعد عام من تاريخ الاصدار ؟ و لكم جزيل الشكر
زي ما قلت للاخوة قبل كدا الافضل السؤال في البنك مباشرة ، لان الخصم بيتغير حسب تاريخ الاصدار والفايدة
هل الشراء متاح غدا 17/11 ولا خلاص
شراء الشهادت البلاتينية مستمر ومفيش وقت محدد او مبلغ معين هقفلوا عندوا
هل يوجد ميعاد محدد انتهاء اصدار الشهادات البلاتينية
حتي الان لا ، علي الاقل الشهادات مستمرة لحد شهر ديسمبر واجتماع البنك المركزي لبحث سعر الفائدة
طب اللي مسافر برة ومعاه شهادات بلاتينية عائد ربع سنوي ومعندهوش فرصة انه يغير الي عائد شهرى فهل هذا يعقل ان الشهادات ذات العائد الشهري اعلي من العائد ربع سنوي
حضرتك ممكن تشوف فرع البنك الاهلي في البلد المتواجد فيها وتغير الشهادات من هناك او تعمل توكيل لحد في مصر ويغيرها
هو كلامك مضبوط الشهادة البلاتينية الشهرية طول عمرها اقل من الربع سنوية ، لكن عملوا استثناء المرة دي علشان الشهادة تبقي بشكل جديد تجذب عدد اكبر من الناس بجانب حل جزء من ازمه الدولار
يوجد شهادة بلاتينيه ربع سنويه منذ أربع سنوات كانت الفائده 11% ثم انتهت ولم تسترد فجددها البنك تلقائياً ب 10% منذ سنه .. السؤال فی حاله طلب استردادها من البنك لعمل شهاده بلاتينيه جديده بعائد 12.5%فهل فی هذه الحاله يخصم البنك مبلغ من قيمة الشهادة مقابل استردادها بمعنى ينطبق عليها جدول الاسترداد
البنك بيجدد تلقائها لان الفلوس عندهم لسه موجودة عندهم لكن طلما لسه معاك الشهادة الاصلية ، بتتوجه بيها وبيتم تجديد الشهادة علي اساس الفائدة الحالية ولا يتم خصم شئ
هل من الممكن ان اشتري الشهادة البلاتينية من خلال جواز السفر، انا حامل الجنسية اللبنانية
ممكن الشراء بجواز السفر لكن يجب تكون حامل للجنسية المصرية
بالنسبة للعرب والاجانب ممكن الشراء لكن البنك بيضع بعض الشروك مثل ان الأجانب يكونوا مقيمين لمدة خمس سنوات متصلة في مصر أو حاصلين على تصريح إقامة خاص ، حاول تراجع الموضوع مع خدمة العملاء بالبنك الاهلي للاستفسار اكتر
او سمحت بنك مصر في شهاده القمه ممكن اسحب الفائده من اول شهر لكن البلاتنيه بعد 3 شهور هل مع تغير سعر الفايده اليومين دول ممكن نصرف العائد من الشهر التالي لشراء الشهاده
الشهادة البلاتينية اللي بفائدة 12.5 حاليا هي كمان شهرية بالضبط زي شهادة القمة ويصرف العائد بتاعها من الشهر التالي اه ، دي غير الشهادة اللي كل 3 شهور السابقة
قيمه استرداد الشهاده البلاتنيه عاءد 1\4 سنوى بعد 6 شهور
دا بيتحدد حسب تاريخ استرداد الشهادة والعائد التي تم استلامه في الفترة الماضية ، الافضل السوال في البنك مباشرة
اناممكن ابعت اي حد يشترلي الشهادة ذات العاد ١٢.٥٪، ممكن اعمل فيز لسحب العائد الشهرى ولالزم يكون لى حساب فى البنك
لازم يكون فيه توكيل علشان يعمل الشهادة باسمك
في البنك وقت عمل الشهادة لو مفيش حساب بيفتح حساب ومن خلاله تقدر تطلب كارت فيزا لسحب العائد
لو سمحت اختي عمله الشهاده البلاتينيه جديده من شهر 9 /2015تقريبا ولمده 3 سنين ولسه مصرفتش فوايدها خالص لانها ربع سنويه ينفع تغيرها للشهاده البلاتينيه ذات العائد الشهري
صعب صرفها الان حسب تعليمات البنك الاهلي لازم يمر 6 شهور علي الاقل ، عموما حاول تجرب مع البنك وشوف الوضع ايه
انا مقيم خارج مصر وعندي حساب توفير بنك مصر ، هل استطيع شراء شهادة القمة من فرع البنك الموجود في الخارج خصما من حساب التوفير
اه ممكن تشتري الشهادة عادي طلما فيه مبلغ في الحساب يسمح بالشراء
انا مقيم بالخارج ولي شهادان بلاتينيه بالبنك الأهلي بسعر فائدة 10% اريد تغييرها بالشهادات الجديده زات العائد 12.5% ما هو الاسلوب المناسب لتغيير الشادات دون السغر لمصر وشكرا جزيلا
لو فيه توكيل لاي فرد من افراد العائلة يقدر يروح ويغير الشهادات عادي
او شوف حسب مكان تواجدك حاليا فروع البنك الاهلي المصري بالخارج وتروح بنفسك
متى يتم غلق باب الشهادات ذات العائد 12.5%
حتي الان مفيش وقت محدد ، فهي علي الاقل مستمرة لحد شهر ديسمبر لما البنك المركزي يراجع سعر الفائدة
لو سمحت هو انا لو حاطت مبلغ فالبوستة وحبيت اسحبهم عمل الشهادة البلاتينية دي هل فايدة البوستة حتروح عليا اللي هي من شهر 7 اللي فات. لحد الان 5 شهور تقريبا وشكرا يافندم
هو اللي اعرفه بالنسبة للبريد بيبقي ليهم حسبة كدا لكل شهر بتضاف الارباح للدفتر التوفير ، انا شخصيا مش فاهم الحسبة دي لحد دلوقتي :)) حاول تسال في مكتب البريد، اعتقد انها هتضاف عادي لانه بيتم إحتساب شهر السحب من شهور الإيداع ويضيف الارباح علي الاساسا دا لكن الافضل تتاكد منهم مباشرة
السلامو عليكم انا اسف هل حضرتك الموضوع ده ممكن يستمر لشهر 12 ولا حيكون في اكتتاب قبل كده وشكرا
وعليكم السلام ورحمه الله وبركاته اهلا بيك
هو زي ما قلت للاخوه في التعليقات مفيش وقت محدد حتي الان ، الشهادات بالفايدة دي مستمرة لحد 17 ديسمبر علي الاقل علشان دا ميعاد مناقشة سعر الفائدة من البنك المركزي
أريد فتح حساب بالبنك الأهلي وبياناتي بالبطاقه مهندس مدني فقط الموظف رفض ايه الحل
انا مش فاهم سبب الرفض قالك ليه بالضبط ؟
هو عادة بيرفضوا لو البطاقة منتهية غير كدا مفيش سبب مقنع يقولك لا حتي لو بياناتك مختلفة عن عملك الحالي مش كل الناس هتغير بطاقتها كل ما تشتغل شغل جديد
عموما حاول تقابل مدير الموظف دا او مدير البنك هم خدمة العملا دول بيحبوا يعقدو الامور
ما هى الاوراق المطلوبة لعمل الشهادة
انت بتروح ومعاك بطاقة الرقم القومي ولو معندكش حساب في البنك الاهلي بتعمل حساب
انا مشعارفه هل شهادات الاستثمار دي فيها ربا زي ما بيقولو ولا هي حلال وهل اقدر استرد فلوسي وقت مناعايزة ؟؟؟؟
شوفي حضرتك نقطة الفوائد والارباح دي مسألة خلافية من فترة طويلة ، لكن الازهر ودار الافتاء سبق وقالو عن شهادات قناة السويس في فتوة رسمية انها جائزة شرعا ولا ربا فيها ، لانها وثيقة بين الدولة والفرد وليست تعامل بين افراد ،بجانب انه لا يوجد بها ضرر او غرر -خطر- ، وانها تمثل عقد واتفاق محدد ، فانتي استفتي قلبك واللي فيه الخير اعمليه
استرداد الشهادة ممكن بس لازم يكون مر عليها 6 شهور علي الاقل ، وبيخصمو مبلغ حسب جدول عندهم بالنسبة حسب العوائد اللي اتصرفت قبل كدا وميعاد انتهاء الشهادة
ما هو آخر ميعاد للتقدم للحصول علي هذه الشهادة وهل يمكن التحويل من الشهادة البلاتينية السابقة نظام الثلاث سنوات إلي الشهادة الجديدة بسهولة واللا لازم سحب الفلوس أولاً وبعد كده إصدار الشهادة الجديدة
مفيش ميعاد محدد لان حسب تصريح رئيس البنك الاهلي هم مش حاطين سقف او مبلغ معين مستهدف ، فهي مستمرة علي الاقل شهر نوفمبر لحد ما البنك المركزي يراجع الفائدة في شهر ديسمبر القادم
لو ميعاد استردادها لسه مجاش يبقي لازم تسترد الشهادة القديمة وتعمل واحدة جديدة من خلال البنك بترجع الشهادة البلاتينية السابقة بس بيبقي فيه خصم مبلغ حسب تاريخ استرداد الشهادة المكتوب عليها الموظف ممكن يشوفلك المبلغ اللي هيخصم كام بالضبط وانت تقارن في الفرق في العائد بين القديمة والجديدة
شكرا جداا لحضرتك يعني معني كده ممكن اصرف العائد بتاعها كل 3 شهور
العفو ، اه زي ما قلت لحضرتك العائد في السنة 12.5 % متقسم علي 12 شهر لو هنحسبها يعني كل شهر هتصرف 1.0416 % عائد علي مبلغ الشهادة يعني مثلا لو 10 الاف كل شهر هتصرف 104 جنيه وفي السنة 1250 جنيه
وعامة هو بيضاف الي حسابك في البنك تقدر تصرفهم شهريا او كل 3 شهور حسب رغبتك
بعد اذن حضرتك يا فندم عندي كذا سؤال هو انا لو حبيت اشتري مثلا بمبلغ 3 الف جنية او اقل هل فيما بعد اقدر ازود اي قيمة عليهم واافايدة تزيد عليهم ولا ماينفعش وسؤال تاني ااقدر اسحب العائد بتاع المبلغ ده فخلال قد ايه 3 شهور مثلا وسؤال اخير هو اافايدة فالبوستة كام من فضلك وشكررررا
اهلا بيك في اي استفسار ، حضرتك تقدر تشتري بمبلغ 1000 جنيه ومضاعفتها بس الشهادة نفسها ثابتة والفايدة اللي مكتوبة عليها ثابتة برضو يعني بتشتري مثلا شهادة ب 3 الاف جنيه ولو عايز تشتري بعدين شهادة تانية ممكن عادي لكن ال 3000 الاف والفايدة اللي مكتوبة علي الشهادة نفسها ثابتة
الشهادة البلاتينية دي شهرية بمعني انك بتصرف العائد ال 12.5% مقسم علي 12 شهر ، وبتصرف مباشرة من الشهر التالي لميعاد شراء الشهادة هتبدي تصرف العائد ، اللي في 3 شهور دي شهادة اخري ربع سنوية
الفايدة في البريد ودفاتر التوفير حوالي 8 % ، لكن احتمال تزيد لان كل البنوك الحكومية عملت الشهادة اللي ب 12.5 %
عندي شهادات بلاتينية بنك الاهلي مدة 3 سنوات فايدة 12.5% تنتهي في 29/2/2016 هل ممكن استبدلهم اواجددهم الان لمدة 3 سنوات بالفائدة الجديدة
اه ممكن تسترد الشهادات القديمة وتعمل شهادة بالفائدة الجديدة ، لكن بيتم خصم مبلغ حسب جدول استرداد الشهادات بيتحدد حسب تاريخ الشهادة لكن طلما الشهادة قربت تخلص بيكون الخصم مبلغ قليل
مرحبا انا عندي شهادة من ثلاث أشهر هل سيتم احتساب الفائدة الجديدة ولا لزم تغير الرجاء الإفادة وشكرا لكم
الشهادات السابقة مستمرة بنفس الفايدة اللي اتعملت بيها حتي لو قبل الفايدة الجديدة بيوم فلازم تغيرها
عموما ممكن تحاول تجرب مع البنك وتشوف امكانية استرداد الشهادة وعمل شهادة جديدة
هل لدى البنك اى نية فيما بعد عن اصدار شهادات اخرى ذات عائد اكبر من 12.5% ارجو الافادة والرد المباشر وشكرا
في الوقت الحالي لا صعب تبقي ازيد من كدا
لان اصلا دي زيادة استثنائية علشان سعر الدولار والتضخم بينما سعر الشهادة البلاتينية حسب البنك المركزي والاهلي الشهور الماضية هي 10%
عموما لو تقدر تنتظر لحد اجتماع البنك المركزي لتحديد سعر الفائدة في 17 ديسمبر
او تشتري بجزء من المبلغ دلوقتي وبعدين تحدد لانهم مش قايلين عن موعد نهائي لشراء الشهادة البلاتينية بالفايدة دي فهي مستمرة علي الاقل الشهر الحالي