وأضاف محمد السيد ان بعد هذه المشاجرة قام الشخص الذي تشاجر مع باحضار اصدقائه ،واكمل قائلا اتصل بناس تبعه وفجأة لقيت نحو 40 واحد معاهم سلاح أبيض وجاين يتخنقوا معايا، وأنا لوحدي فسبت الكلب يجري وراهم، وبالفعل جريوا من قدامه، وناديت عليه رجعلي تاني، وأول ما رجع الناس هجمت عليا فهو دافع عني وعض 8 منهم، واكمل صاحب كلب الهرم قائلا فوجئت تاني يوم إن الشخص دا وأصحابه قدموا بلاغ ضدي، وفضلت 4 شهور برا البيت عشان خايف البوليس يقبض عليا، وبعدها عملنا قاعدة عرفية وصالحت الراجل بس الناس اللي معاه اشترطوا عليا إني أسلم لهم الكلب عشان يقتلوه، مقابل إنهم يتنزلوا عن المحضر، حاولت إرضائهم بأي حاجة تانية رفضوا”.