اعلن صندوق التأمين الاجتماعي للعاملين بقطاع الأعمال العام والخاص تفاصيل جديد بخصوص الحصول علي المعاش المبكر، وصندوق التأمينات هو المسئول عن التأمينات في مصر وتنظيم وتقدم المعاشات لملايين المواطنين ، واعلنت أمال عبد الوهاب، رئيس صندوق التأمين الاجتماعي للعاملين بقطاع الأعمال العام والخاص التابع للهيئة القومية للتأمين الاجتماعي، قرار وزيرة التضامن الاجتماعي غادة والي وهو قانون رقم 126 الصادر في 28/12/2014 في المادة 111 منه ، ويتم تنفيذه من العام الجديد وحدد القانون شروط الحصول علي المعاش المبكر…
تحديث 15-5-2015 :- تعرف هنا علي مواد المعاش المبكر في قانون الخدمة المدنية الجديد 2015
روحدد قرار وزيرة التضامن الاجتماعي والذي سوف يطبق من العام الحالي ، حيث حدد على وجه الحصر الشروط الواجب الخاصة بالمعاش المبكر والتي يجب توافرها لحصول المؤمن عليه على المعاش المبكر كالتالي
– أن يتقدم المؤمن عليه الراغب فى الحصول على هذا المعاش بإستيفاء الطلب المعد للحصول علي المعاش المبكر من التأمينات.
– أن يتوافر لدي المواطن الذي يطلب المعاش المبكر مدة إشتراك في التأمينات الاجتماعية مقدارها 20 سنه فعلية كاملة على الأقل بمعني ان يكون موظف ومؤمن عليه لمدة 20 عاما كاملة علي الاقل.
-كما حددت أحكام القانون الخاصة بالمادة 111 كما ذكرنا ، ان المقصود بمدة الاشتراك الفعلية وهى مدد الاشتراك الفعلية التي تم دفع الاشتراكات عنها شهرياً وكذلك مدة الإجازات الخاصة بدون أجر التي تم أداء الاشتراكات عنها والاعارات الخارجية بدون أجر ومدة التجنيد الإلزامي والاستبقاء والاستدعاء بالقوات المسلحة والتي تحسب ضمن مدة الاشتراك في التأمين.
– أن لا يكون المؤمن عليه خاضعًا لتأمين الشيخوخة والعجز والوفاة في تاريخ تقديم طلب صرف المعاش المبكر .
يذكر أن هذا القرار يأتي بعد موافقة الحكومة المصرية قد وافقت العام الماضي على مقترح وزارة التضامن لمشروع قانون بتعديل بعض نصوص قانون التأمين الاجتماعي لحل مشكلة ومعاناة أصحاب المعاش المبكر ، حيث سيتم تعديل المادة 165 وهي الخاصة بمنح الزيادة المقررة بهذه المادة لحالات المعاش المبكر مع وضع الضوابط التي تمنع التحايل، والتي كما ذكرناها اعلي واهم هذه الشروط التي يجب توافرها ان تكون مدة اشتراك فعلي في التأمينات لا تقل عن عشرين عامًا.
ولمزيد من التفصيل والحصول علي طلب المعاش المبكر يرجي زيارة شئون العاملين في مكان العمل او مكتب التأمينات التابع له .
موقع خمس خطوات يقدم معلومات بسيطة فى شرح سهل من خمسة خطوات للأحداث الجارية وكافة مناحي الحياة المتنوعة لإثراء محتوي اللغة العربية على الإنترنت.
هل مدة التجنيد تحسب من مدة الخدمة
اه داخلة ضمن مدد الاشتراك الفعلية
انا 38 سنه وممكن اكون تحاوزت 20سنه وانا عامل تامينات في اعمال مختلفه واللي اعرفه ان كل شغل جديد بيضيف التامين القديم علي الجديد طيب انا ممكن اشتري بقيه السنين دي واطلع معاش مبكر
اه مضبوط طلما متامن عليك في الشغل الجديد المدة بتضاف للقديم ، وعامة لو مكمل 20 سنة تامينات ممكن تقدم علي المعاش المبكر ، بس راجع المدة بالكامل مع مكتب التأمينات علشان لو فيه مدة مش مثبته
انا عاوزة اعمل تامين اجتماعى انا خريجة تربية بس مش بشتغل ينفع اشترك فى التامينات وادفعها انا
لازم وجود وظيفة او مهنة حرة علشان تقدري تعملي تأمين شخصي
مدة تاميني 18سنة تامين وعايز اعمل معاش مبكر مع العلم انا اديت الخدمة العسكرية 25شهر. ممكن. اسوي. معاش مبكر. واكمل. سنتين. الخدمه العسكريه
اه ممكن طلما المدة كاملة مع الخدمة العسكرية تساوي 20 سنة اشتراك في التأمينات
انا عندى مده 20 سنه بس فيهم 4 سنوات كانوا عليا دفعتهم و 3 سنوات مده سفر دفعتهم ينفع اعمل معاش مبكر انا عمرى 42 سنه
طلما مكمل 20 سنة تأمينات ممكن تقدم معاش مبكر ، لكن للتأكيد راجع مع مكتب التامينات التابع له لتحديد المدة بالضبط
المشكلة انك مش هتاخد مكافات نهاية الخدمة والنقابة وصندوق الزماله الا لما تكمل 60 سنة وتفضل تدفع الزماله والنقابة لغاية ما تكمل 60 سنه يعني طلعت معاش وبتدفع برضه طيب ده كلام
متي يطبق هذا القانون
هو مطبق بالفعل من بداية العام الحالي
اعمل بالقطاع الخاص مدة عشرين سنة لكن الشركةلم تسدد اشتراك سنة واربعة اشهر وخرجت من الشركة هل ينفع معاش مبكر علاوة انى كنت ضابط احتياط هل يمكن اضافة مدة الحدمة
اه ممكن اضافة سنوات الخدمة في الجيش ، راجع حضرتك مع مكتب التامينات علشان تعرف المدة بالضبط كام ، لو مكمل 20 سنة يبقي تقدر تعمل معاش مبكر
انا ولدي شغال في هية الكتاب من عام 1997وجاله فشل كلوي وعيز يطلع معاش مبكر هال سيخؤذ مستحقاته كامله ام لا
علي حسب سنه ومدة التأمينات ، الافضل المراجعة مع مكتب التامينات لمعرفة المدة كاملة ، و بالنسبة لقانون الخدمة المدنية الجديد لو هو 55 سنة ممكن يحصل علي مستحقاته كاملة
المعاش المبكر رغم انى مؤمن على نفسى من 34 سنه ولدى ابناء فى مراحل التعليم الثانوى ومقدار المعاش بعد الزياه 550 ج
انا عندى فتره تامنيه 20 سنه بس فيه 4سنين مسددهم للتامينات 3مده سفر ومسدد مده السفر و13سنه كتت فى قطاع عام هل ممكن خروج معاش مبكر وانا عمرى 41سنه
طلما 20 سنة يبقي ممكن تقدم بس راجع مع مكتب التامينات التابع له علشان تتاكد ان كل المدد دي مسجلة ومحسوبة
على حد علمى اللى اشترى سنوات تحسب له كمدة ولكن حتى يتسنى له الخروج على المعاش المبكر لابد من عشرين سنة اشتراكات فعلية اى ان من قام بالشراء ليغض السنوات مسبقا تضاف اليه فى رصيده ولكن لاتحسب له كمدة فعلية تؤهلة للخروج على المبكر لان الشراء للمبكر الغى من شهر اكتوبر 2014
انا اعمل منز 25عاما فى احدى شركات القطاع العام هل يجوز لى معاش مبكر علما بانى ابلغ 45سنة
طلما مكمل 20 سنة تامينات يبقي ينفع ، لكن الافضل حضرتك تنتظر الشهر اللي جي علشان حكاية قانون الخدمة المدنية ولائحته التنفيذية الجديدة لكن عامة ممكن تقدم علي معاش مبكر طلما مكمل 20 سنة تامينات
أنا عملت فى الوظيفة من سنة 1990 وحتى سنة 2014
(24 سنة) وسنى 50 سنة
هل استحق معاش مبكر بكامل مستحقاته مع القانون الجديد
بالنسبة للتأمينات طلما كملت 20 سنة يبقي تقدر تحصل علي معاش مبكر
بالنسبة لقانون الخدمة المدنية الجديد اللي هيطبق بداية من يوليو 2015 ، لو مكمل 55 سنة بيدي الحق انك تحصل علي معاش كامل اكنك اكملت 60 سنة ، فحضرتك شوف اني الافضل لك ، وبرضو راجع مع مكتب التأمينات التابع له
هل قانون الاحالة للمعاش المبكر عند سن 55 سينطبق على شركات القطاع الخاص والاستثماريه والشركات الاجنبية فى مصر
قانون الخدمة المدنية دا ونقطة ال 55 سنة للناس اللي شغالة في الحكومة والقطاع العام ،
اما بالنسبة لقانون التأمينات ممكن تقدم علي معاش مبكر لو مدة اشتراك التأمينات حضرتك بلغت 20 سنة ، وراجع مع مكتب التأمينات التابع له لمعرفة التفاصيل
هل المعاش مرتبط بسن
اه في قانون الخدمة المدنية الجديد من شهر يوليو 2015 ، ممكن تطلع معاش مبكر من سن 55 سنة كانك 60 سنة بكامل مستحقاتك ، و بالنسبة للتامينات لازم تكون مدة التامينات 20 سنة علي الاقل
انا عندي ٤١ سنه وكملت ٢٠ سنه تامين ممكن احصل علي المعاش المبكر
تمام طلما المدة 20 سنة ممكن تقدم علي المعاش المبكر
قضيت 18سنه في القطاع الخاص واشتريت سنتين كنت في السعوديه هل استحق معاش مبكر
ايوه يافندم طلما كله يمكن 20 سنة تأمينات يبقي تمام ، ولو سن حضرتك 55 سنة او اكبر استني لحد شهر يوليو علشان هيطبق قانون الخدمة المدنية الجديد وممكن تاخد معاش مبكر كامل كانك 60 سنة ممكن تقرا المزيد هنا
انا مشترك في التأمينات الاجتماعية من 1987 بدفع لنفسي تأمينات مقولات ومنذ 2004 إلى الآن الشركة بدفع الاشتراك التامينى فهل ينفع أن أتقدم بطلب معاش مبكر مع العلم أن عمرى48 ما هو المعاش الذى احصل عليه
حضرتك لو كل المدة تكمل 20 سنة يبقي ينفع تقدم علي معاش مبكر ، وراجع مع مكتب التأمينات التابع له لتحديد الاجراءات بالضبط وقيمة المعاش
انااعمل فى القطاع الخاص حوالى 18 سنة ونصف ودخلت الجيش 2سنة هل لما امشى من الشغل ينفع اعمل معاش مبكر وعمرى اكتر من 42 سنة برجاء الرد وشكرا فارس
حسب القانون لازم 20 مدة إشتراك في التأمينات ، لكن حاول حضرتك تراجع مع مكتب التأمينات التابع له ممكن تكون فيه شروط مختلفة بالنسبة للقطاع الخاص ، بالتوفيق
انا ممرضه بس ماكملتش 20سنه شغل ينفع اعمل معاش مبكر
لا من الشروط لازم يكون 20 سنة ، عموما اسال في مكتب التأمينات التابع له اذا كان ممكن تشتري مدة وتكمل ال 20 سنة
good
انا مهندس خريج 1995 ,انهيت سنة تجنيد الزامي ثم تعينت في الكهرباء في شهر يوليو 1997 وفي عام 2010 اخذت اجازة بدون مرتب حتي الان , متي استطيع اخذ معاش مبكر, علما بان طول فترة خدمتي كانت في منطقة نائية (السنة تحسب بسنة وربع) فهل هذا يفيد في حساب سنوات الخدمة؟
ممكن حضرتك تسال في مكتب التامينات التابع له بحيث تعرف مدة التامين عليك منهم كام سنه بالضبط ، لو مكمل 20 سنه او اكتر يبقي تمام ممكن تقدم طلب معاش مبكرا ، بالتوفيق
انا موظف واشغلت وتم التأمين على 1999/2/1 وقمت بشراء 4 سنوات عام 2009 هل القانون الجديد ينطبق على لو قمت بتقديم طلب للمعاش المبكر وهل المدة المشتراه داخلة ضمن المدة الفعلية
ارجو الرد
طلما مسدد اشتراك المدة وانت في الخدمة يبقي تدخل اه ، بس زي ما الشروط قايله ان كله يبقي 20 سنه وعموما اتاكد حضرتك من مكتب التأمين التابع له وشئون العاملين ، بالتوفيق
انا خريجه تكنولوجيا تعليم ٩/١٩٩٦ اشتغلت لمده عامين وسافره مرافقه زوج ثم اجازه رعاه طفل ٦سنوات ثم مرافقه زوج مره ثانيه واسدد جميع التأمينات والمعاشات بالكامل حتي يومنا هذا فهل أستطيع عمل معاش مبكّر وشكرا
لو حضرتك مكملة مدة اشتراك في التأمينات الاجتماعية لمدة 20 سنة كاملة يبقي ينفع ، وممكن تستفسري من شئون العاملين في الشغل او مكتب التأمينات للتاكد من المدة
انا موظفى بكلية التجارة مند عام 1982 اى اكتر من 33 عاما وعمرى الان 57 عاما واريد تطبيق المعاش المبكر فهل استطيع ان احصل على كل مستحقاتى المالية من الكلية ام لا ارجو التوضيح
اه طلما حضرتك مؤمن عليكي في التأمينات لمدة 20 عام او اكتر يبقي تمام مستحقة المعاش المبكر ، لكن التفاصيل نفسها اكدي حضرتك شئون العاملين و مع مكتب التأمينات