اعلنت وزارة التربية والتعليم عن جدول المرحلة السادسة لاختبارات المتقدمين لمسابقة ال 30 ألف وظيفة معلم، حيث من المقرر أن تبدأ المرحلة السادسة يوم السبت المقبل 20 من ديسمبر الجارى وتستمر المرحلة حتى الخميس 25 من نفس الشهر واليكم تفاصيل المرحلة السادسة من مسابقة وزارة التربية والتعليم ومعلومات عن امتحان التخصص الاسبوع القادم…
ملحوظة تمت اضافة اسماء امتحانات التخصص ومواعيد واماكن امتحان مادة التخصص علي نفس الرابط
طريقة الاستعلام عن المرحلة السادسة من مسابقة وزارة التربية والتعليم لاختيار ال 30 الف معلم عن طريق ادخال الرقم القومي في موقع الوزارة الرسمي :-
http://30job.moe.gov.eg
لينك للاستعلام عن نتيجة فحص التظلمات :-
http://30job.moe.gov.eg/old
تفاصيل المرحلة السابعة من هنا:- المرحلة السابعة لمسابقة وزارة التربية والتعليم
حيث ان من المقرر ان يكون جدول اختبارات المرحلة السادسة من يوم السبت الموافق 20-12-2014 وحتى يوم الخميس الموافق 25-12-2014 (وسوف يتم الإعلان عن باقي المراحل تباعاً).
بالنسبة لمن تخلف عن الامتحان أو واجه مشكلة في امتحان مسابقة ال 30 الف معلم
في حالة التخلف عن الامتحان في المراحل السابقة من المسابقة او في حالة واجهتك مشكلة ، اوضحت وزارة التربية والتعليم أنه سيتم عقد لجان الاختبارات بالنسبة للذين لم يتمكنوا من إتمام أحد الاختبارات العامة التربوي والانجليزية والحاسب الالي أو جميعها بسبب انقطاع الإنترنت أو خطأ في الرقم السري او غلق اللجنه او أى سبب فنى أو خارجى آخر حدث خلال الامتحانات، وايضا بالإضافة إلى التظلمات للذين لم يتم اختبارهم من قبل، سوف يتم عمل امتحان مسابقة المواد العامة لمسابقة ال 30 الف معلم خلال أيام السبت والأحد والاثنين من الأسبوع المقبل 20 و 21 و22 ديسمبر ومن الممكن مدها للاسبوع كاملا في حالة زيادة اعداد المتظلمين والمتخلفين عن الامتحان.
ملحوظة:- في حالة اذا لم يظهر اسمك او ظهرت عبارة غير مدرج بالمرحلة الحالة انظر نهاية المقالة عن كيفية التظلم
بالنسبة للسادة المغتربين خارج مصر عن مسابقة ال 30 الف معلم
وأضافت وزارة التربية والتعليم فى بيان لها صدر منذ قليل، أنه بالنسبة للسادة العاملين بالخارج والمجندين الذين لم يستطيعوا التواجد لاداء الامتحان فسيتم تحديد موعد لاحق لهم بعد نهاية الامتحانات، موضحين انه لا يوجد امتحان خارج مصر.
ويذكر انه حتي الان قامت وزارة التربية والتربية باختبار ما يقرب من 500 ألف متقدم خلال الخمسة مراحل السابقة بنهاية هذه الاسبوع والتى بدأت المرحلة الأولى منها 10 من نوفمبر الماضى وانتهت الخامسة اليوم الخميس 18 ديسمبر.
كان الدكتور محمود أبو النصر وزير التربية والتعليم قد صرح فى وقت سابق بأن الأحد 21 ديسمبر القادم سوف تبدأ امتحانات التخصص للمتقدمين لمسابقة التربية والتعليم ال 30 الف معلم وهذا ما سوف نستعرضه في النقطة التالية…
موعد امتحان التخصص في مسابقة التربية والتعليم ال 30 الف معلم
وقد أكدت مصادر في وزارة التربية والتعليم أنه تم تحديد يوم الأحد القادم 21 ديسمبر بحيث يتم عمل اختبارات التخصص في مسابقة التربية والتعليم لاختيار ال 30 الف معلم ،حيث من المقرر ان تكون علي عدة مراحل ايضا وسوف تبدأ في خمس محافظات مثل القاهرة والجيزة والاسكندرية ومحافظتين اخرتين، وذلك حسب الانتهاء فعليا من أداء الاختبارات العامة.
وسيتم الاعلان بالتفاصيل اكثر خلال ساعات حيث سوف يتم اعلام السادة المتقدمين للمسابقة من خلال موقع وزارة التربية والتعليم الرسمي ومن خلال الايميل او الموبايل،حيث كما ذكرنا سوف يتم تقسيم الاسبوع والاماكن بين امتحانات التظلمات والتخلفات وامتحان التخصص ، وشدد وزير التربية والتعليم على أن الوزارة لن تضيع حق او فرصة من يصح تظلمه او حدوث مشكلة له في مسابقة اختيار التربية والتعليم لاختيار ال 30 الف معلم.
بالنسبة للمصادر امتحان التخصص في مسابقة وزارة التربية والتعليم
اما عن امتحان التخصص فقط اعلنت وزارة التربية والتعليم ان الامتحان سوف يكون عليه 60 % من درجة امتحان مسابقة ال 30 الف معلم وان كل من امتحن امتحان المواد العامة (تربوي- انجليزية -حاسب الي) سوف يدخل امتحان التخصص بغض النظر عن درجات امتحانه حيث ان امتحان المسابقة هو للتقييم وترتيب المتقدمين وليس نجاح وسقوط ، وان الامتحان عبارة عن اسئلة اختيارية وصح وغلط مثل امتحان المواد العامة.
اما عن مصادر امتحان التخصص فهي من المناهج الدراسية حسب كل تخصص ، ويمكنك حل امتحانات كادر المعلم المتواجدة علي الانترنت من اكثر من مصدر حسب التخصص المقدم عليه ، اما بالنسبة للمواد الفنية والموسيقية والتربية الرياضية فلهم امتحان نظريا اولا وعملي سوف يتم الاعلان عنه لاحقا وامتحانهم النظري من خلال المناهج الدراسية الخاصة بالتخصص، ولا توجد فعليا نسخة من امتحان التخصص لانه لم يبدأ بعد ! وانما النسخ الموجودة هي لامتحانات المعلمين والازهر وغيرها من الامثلة المتاحة حاليا حتي يبدأ امتحان التخصص ان شاء الله.
و في حالة حدوث مشكلة او وجود تظلم في مسابقة اختيار ال 30 الف معلم:-
في حالة وجود اي مشكلة او عدم ظهور اسمك بعد الكشف باستخدام الرقم القومي وظهور عبارة غير مدرج بالمرحلة الحالية او عبارة” الرقم القومي الذي أدخلته غير مدرج في المرحلة الحالية، برجاء المتابعة حيث يتم تحديث البيانات بصفة دورية. “امامك احدي الخيارات التالية :-
– الاتصال بالخط الساخن لوزارة التربية والتعليم 19126
– او ارسال فاكس بالتظلم والبيانات والاوراق الخاصة سواء المؤهل التربوي او دبلومة التربية الي فاكس :- 27963734
– او بريد الكترونى c.service@moe.gov.eg
– يمكنك التواصل مع مديرية التربية والتعليم في المحافظة الا ان بعض الشباب قال لنا في التعليقات ان مديريات التربية بتقولهم ملناش دعوة روحو وزارة التربية في القاهرة !
وفي حالة عدم الوصول لحل وفي حالة استطاعتك التوجه الي ديوان عام وزارة التربية والتعليم في القاهرة يمكنك تقديم تظلم بالورق هناك
عنوان ديوان عام وزارة التربية هو 12 شارع الفلكي في باب اللوق -القاهرة.
-ممكن تركب اي حاجه لباب اللوق وبعدين تروح شارع الفلكي.
او لو هتركب المترو انزل محطة سعد زغلول هتلاقي الوزارة هناك.
لينك للاستعلام عن نتيجة فحص التظلمات :-
http://30job.moe.gov.eg/old
وفي حالة توافر معلومات جديدة سوف نقوم بنشرها ان شاء الله في خمس خطوات ونتمني التوفيق والنجاح لكم .
موقع خمس خطوات يقدم معلومات بسيطة فى شرح سهل من خمسة خطوات للأحداث الجارية وكافة مناحي الحياة المتنوعة لإثراء محتوي اللغة العربية على الإنترنت.
انا اختبرت جميع المواد العامة +التخصص يعني انتهيت من الاختبارات ولكن اليوم بعد البحث على رابط الوزارة ظهر موعد اختبار بتاريخ 11/1/2015
هل الموعد صحيح ولي اختبار اخر هل اذهب لاداء الاختبار
ام هذا خطا بالنظام ارجو الرد مع الشكر
دا خطا من سيرفر الوزارة الاسماء اتكررت مره تانية لامتحان التخصص طلما مضيت علي درجاتك يبقي خلاص ، عموما ممكن تتاكد من اللجنه اللى ظهرتلك بالتليفون او التوجه للجنه
انا قدمت لغه عربيه ابتدائى وجاتلى امتحانات ثانوى
ممكن تغيريي التخصص من ديوان عام وزارة التربية والتعليم
دلوقتى الخط الساخن بتاع الوزارة مش بيرد خالص وانا اسمى لسه مش ظهر فى المرحلة السادسة والسابعة الحل ايه
ممكن تقدم شكوي سواء بالايميل او الفاكس
هل شرط اساسى الذهاب فى اليوم المدد او خلال المرحلة
الافضل الذهاب في اليوم المحدد لان اللجنه ممكن متكنش شغاله طوال الاسبوع
السلام عليكم ورحمة الله وبركاته
الحمدلله امتحنت التربوى والحاسب الالى والانجليزى ولكن اسمى لم يدرج فى المرحله السابعه لاختبار التخصص خدمه اجتماعيه فهل سينزل ام اتصل على الخط الساخن19126اىارسل فاكس به صورة المؤهل والتربوى والرقم القومى
تابعي موقع الوزارة النهاردا لو مفيش جديد يبقي اتصلي وابعتي فاكس ، بالتوفيق
لو سمحت اسمي نزل في المرحلة الرابعة ومروحتش ينفع امتحن في التخلفات ولا لاء .. ولو ينفع امتي مواعيد التخلفات ؟
قدم طلب في صفحة الشكاوي في وزارة التربية سواء بالايميل او الفاكس ، ولو تقدر تروح ديوان عام وزارة التربية في القاهرة وتقدم طلب بالاوراق هناك ، هو فيه مرحلة سابعة الاسبوع اللى جي وفي نهاية امتحانات التخصص فيه امتحان للتخلفات بس دا لسه محددوش ميعادة ، بالتوفيق
يا قندم ولدتي كان امتحانها اول امبارح ومعرفناش غير دلوقتي امتحان التخصص وكان اخر معاد للمرحلة دي النهاردة… ايه العمل الوقتي؟
للاسف بيحدثو قاعدة البيانات في موقع وزارة التربية والتعليم فبتظهر متاخر فعلا، عموما حاول حضرتك تتواصلوا مع اللجنه اذا كانو شغالين الاسبوع اللى جي ام لا ، و ممكن تقدم تظلم في صحفة شكاوي الوزارة وعموما فيه امتحان تخلفات بس لسه مقالوش معادة امتي ، بالتوفيق
لم ادخل امتحان التخصص اليوم هل يمكن ادخله بكره
حاولي بكرا الصبح تتصلي او تروحي اللجنه علشان ممكن يكونو شغالين بكرا او لا ، لو مش شغالين يبقى قدم تظلم او طلب للامتحان مع امتحان التخلفات
انا خريج كلية تعليم صناعى تقدير جيد جدا – دفعة 2009- تخصص تكنولوجيا الكترونيات ولم يتم ادراج اسمى فى اى مرحلة من المراحل السته هل ابعت الاوراق الخاصة بى بالفكس ولا اروح الوزارة – انا من محافظة الشرقية
لو تقدر تروح الوزارة يبقي افضل علشان تاخد كلمه محدده منهم لان الفاكس ممكن يوصل وممكن لا ، بالتوفيق
انا تخصصي فلسفة وامتحان التخصص غدا لكن جالي تخصص اخر(اخصائي اجتماعي )اعمل اية مش عارفة هامتحن ازاي
ممكن تقدم تظلم في صفحة شكاوي وزارة التربية والتعليم او تظلم في ديوان عام وزارة التربية والتعليم في القاهرة لتصحيح او تغيير التخصص ، بالتوفيق
انا كان امتحانى النهارده ولسه عارفه بالصدفة اعمل ايه
حاول بكرا الصبح تتصل او تروح اللجنه لان الامتحانات الاربع والخميس فممكن يكونو مستمرين بكرا ، لو مش شغالين يبقى قدم تظلم او طلب للامتحان مع التخلفات ، بالتوفيق
عايز اعرف الأولوية فى التعيين
الاعلي في المؤهل يعني ماجستير ودكتوراه ثم درجات الامتحان الاعلي وعند التساوي يبقي درجات المؤهل ثم سنه التخرج ثم الاكبر في السن ، بالتوفيق
ليه كل ماببحث عن النتايج يقول هذا الاسم غير مدرج مع انى يتصف فيه كل الشروط ودى خر مرحله
هل حضرتك قدمتي تظلم قبل كدا ؟ لو مظهرش اسم حضرتك النهاردا قدمي تظلم سواء من خلال صفحة الشكاوي للوزارة علي النت او لو تقدري التوجه لديوان عام الوزارة في القاهرة ، بالتوفيق
انا روحت الوزارة وقالولي اسمي موجود ومنزلش لحد الان ما الحل
ما هو المفروض بتروح تقدم تظلم بالاوراق هناك في ديوان عام الوزارة
عايز اعرف همتحن التخصص امتي خريج بكالريوس تربيه رياضيه المنيا
تابع موقع الوزارة ان شاء الله بينزل تحديثات كل يوم ، بالتوفيق
كيف يمكن معرفة الناجحين في المسابقة بعد التخصص
المفروض بعد ما يخلصو كله الناس هينزلو ترتيب بالدرجات والترتيب العام للناس سواء حسب المؤهل وسنه التخرج بس لسه الامتحانات مستمرة لشهر 1 ، بالتوفيق
امتحنت التخصص وهناك اسئلة سهلة واسئلة متوسطة وصعبة مثل اى امتحان لكن واجهتنى مشكلة وقت الامتحان كان مفتوح تقريبا ساعة ونصف جميع من دخل معى خرج قبلى وعندما لفت نظر المراقب لذلك ان وقتى مش مظبوط قال لى الوقت مالوش دعوة لما تخلصى يبقى عرفينى فقلت اهى فرصة احل براحتى محدش هيقومنى اتفاجا بعد كدة ان درجة الامتحان صفر من اربعين وان هنالك خطا لانى متاكدة من اجابات بعض الاسئلة فكيف تكون الدرجة صفر ارجو افادتى بذلك والرد على فى الايميل الخاص بى
دا كدا يبقى خطا من سيرفر الوزارة وممكن تقدمي شكوي سواء من خلال رقم الساخن لوزارة التربية والتعليم 19126 او إرسال بريد الكترونى بالشكوي الي c.service@moe.gov.eg ودا رقم الفاكس بتاعهم : 27963734 ، لو تقدري تروحي القاهرة ممكن تقدم تظلم بالاوراق في ديوان عام وزارة التربية نفسها ، بالتوفيق وان شاء الله تلاقي حل
اسمي لم يدرج في المرحلة السادسة وانا ذهبت الي الوزارة وقالو ان اسمك موجود وسوف يدرج في المرحلة السادسة وحتي الان ام يدرج ماذا افعل
تابع موقع الوزارة لان بيبقي فيه تحديثات يوميا لو مفيش جديد يبقى روح ديوان الوزارة مرة اخري ، ان شاء الله تلاقى حل
ارجو افادتى حيث انة اثناء امتحان مادة اللغة الانجليزية (تربوى تم وقوع السيرفر ) وظهرت النتيجة بعد 10 دقائق من بداية الامتحان مما ادى لظهور نتيجة مسجلة ظالمة وسيئة جدا وتم كتابة ذلك فى تقرير اللجنة فما العمل هل رسبت ولن ادخل امتحان التخصص وما الحل ارجو الافادة
اولا مفيش نجاح ورسوب في امتحان المسابقة هو للتقييم وترتيب الناس وان شاء الله طلما امتحت المواد العامة هتدخل امتحان التخصص ،
اما عن مشكلة السيرفر فممكن تتصل بالرقم الساخن لوزارة التربية والتعليم 19126 او إرسال بريد الكترونى بالشكوي الي c.service@moe.gov.eg
ودا رقم الفاكس بتاعهم : 27963734 ، لو تقدر تروح القاهرة ممكن تقدم تظلم بالاوراق في وزارة التربية نفسها ، بالتوفيق
اناكان امتحاني تخصص النهارده بس مقدرتش اروح امتحن ممكن امتحن يوم الخميس على أساس إني في نفس المرحله
ممكن تتصل باللجنه او مديرية التربية التابع ليها علي اساس تشوف اذا كانو شغالين يوم الخميس او مواعيدهم ايه ، ولو مفيش يبقى اسال عن ميعاد امتحان التخلفات ، بالتوفيق
لم يدرج اسمى حتى الان
ممكن حضرتك تتصل بالرقم ساخن للاتصال بالوزارة 19126 او إرسال بريد الكترونى بالشكوي الي c.service@moe.gov.eg
ودا رقم الفاكس بتاعهم : 27963734 ، لو من القاهرة ممكن تروح وزارة التربية نفسها وتقدم الشكوي بنفسك ، بالتوفيق
انا اسمي لم يدرج حتي المرحلة السادسة
ممكن حضرتك تتصل بالرقم ساخن للاتصال بالوزارة 19126 او إرسال بريد الكترونى بالشكوي الي c.service@moe.gov.eg
ودا رقم الفاكس بتاعهم : 27963734 ، لو من القاهرة ممكن تروح وزارة التربية نفسها وتقدم الشكوي بنفسك ، بالتوفيق
انا اسمى لم يظهر فى اى مرحلة من المراحل الستة السابقة لمسابقة التربية والتعليم 30 الف معلم و لا استطيع التوجه لمديرية التربية و التعليم فى القاهرة .فكيف استطيع التقدم بتظلم وما هى الاجراءات التى يجب اتخاذها
فيه رقم ساخن للاتصال بالوزارة 19126 او إرسال بريد الكترونى c.service@moe.gov.eg
ودا رقم الفاكس بتاعهم : 27963734 ممكن تبعت عليه ،
اسف علي التأخير في الرد وبالتوفيق
ارجوكم ارجوكم تفيدوني انا امتحنت المواد العامة وباقي لي التخصص بس للاسف حصل عندي ظرف طارئ وسافرت الخليج ومش هقدر انزل من هناك قبل اسبوعين طيب اعمل ايه هل سوف يكون هناك امتحانات للمتخلفين…. وشكرا
فيه امتحان تخلفات ان شاء الله بعد لما يخلصوا امتحان التخصص، وعموما امتحان التخصص لسه هيبدا الاسبوع دا وهيكون مراحل برضو فممكن عبقال لما يجي دورك تكون في مصر ، بالتوفيق وان شاء الله خير
ارجوكم ساعدوني عايزه اعرف اسمي نزل في المرحلة السادسة
يافندم الاستعلام من خلال موقع الوزارة الرسمي ،هتلاقي اللينك في بداية الموضوع بالتوفيق
تم احتساب درجه اختبار الحاسب الالي خطاء وتعممت هذه الدرجه علي جميع الموجودين في الاختبار في مدرسة كفر ا العبايده المشتركه بالجابريه محافظة الغربيه بالاضافه لتعطل السرفر اثناء التربوي ،،، وكل ذلك يوم 18/12الخميس فما العمل لكل المتضررين من عدم الحصول علي درجة النجاح؟ وانا منهم فكيف احصل علي حقي…؟…
زي ما الموضوع موضح حضرتك ممكن تتصل بالرقم الساخن لوزارة التربية والتعليم او تبعتلهم شكوي بالفاكس لو مش هتقدر تروحلهم القاهرة، وطلما الشكوي جماعية يبقى ان شاء الله هيحلوها ، بالتوفيق
أرجو معرفة هل أسماء اللي هيمتحنوا التخصص نزل اسماءهم ولا لسة وارجو توصيل صوتنا للوزير وابلاغه أن الرقم الساخن بتاع الوزارة بيردوا بأسلوب مش كويس علينا ويغلقوا الخط في وجوهنا
للاسف موظفين ملهمش لزمه والاسم بيقبضو مرتب من الحكومة كل شهر حسبنا الله ونعم الوكيل ، بالنسبة لامتحان التخصص اول مرحلة هتبقي الاسبوع الحالي من يوم الثلاثاء ومفرض ان الوزارة هتنزل موقع او لينك علشان تدور بالرقم القومي برضو ، ان شاء الله بالتوفيق والنجاح