وافق الرئيس عبدالفتاح السيسي علي زيادة المعاشات في مصر 2016 بنسبة 10 % وبحد ادني 125 جنيه بداية من معاش شهر يوليو 2016 ، علي ان يتم وضع حد ادني للمعاشات 500 جنيه شهريا لجميع اصحاب المعاشات.
تفاصيل زيادة المعاشات في مصر 2016 وقيمة الزيادة
وفي اجتماع مطول اليوم بين الرئيس عبد الفتاح السيسى والمهندس شريف إسماعيل رئيس مجلس الوزراء، وغادة والى وزيرة التضامن الاجتماعى، وعمرو الجارحى وزير المالية، والدكتور محمد مُعيط نائب وزير المالية لشئون الخزانة العامة ، وافق الرئيس عبدالفتاح السيسي بوضع حد ادني للمعاشات في مصر بقيمة 500 جنيه شهريا ، كذلك زيادة المعاشات بنسبة 10 % بدون حد اقصي.
حيث اوضح السفير علاء يوسف المتحدث الرسمى باِسم رئاسة الجمهورية، إنه تم خلال الاجتماع مراجعة سياسات الحماية الاجتماعية وبرامج حماية الفئات الأولى بالرعاية وأصحاب المعاشات التأمينية الأقل قيمة، حيث كان الرئيس قد وجه بتعظيم استفادة تلك الفئات والتركيز على تحسين أحوالهم المعيشية.
قيمة زيادة المعاشات وموعد تطبيقها بداية من معاش يوليو 2016
اما عن قيمة زيادة المعاشات التأمينية في مصر 2016 وافق الرئيس عبدالفتاح السيسي علي مقترح زيادة جميع المعاشات التأمينية التى يستفيد منها نحو 9 ملايين مواطن، وذلك بنسبة 10% اعتباراً من 1/7/2016 ، حيث سيتم تطبيق زيادة المعاش الشهري بنسبة 10 % بداية من معاش شهر يوليو 2016 و بحد ادني 125 جنيه.
ومن المتوقع ان يستفيد 2 مليون و624 ألف مواطن من الحد الادني من للمعاشات الذي تمت الموافقة عليه اليوم بقيمة 500 جنيه ، حيث ستتحمل الخزانة العامة للدولة تكلفة هذه الزيادة، والتى تبلغ حوالى 15 مليار جنيه.
وتأتي زيادة المعاشات خاصة مع ارتفاع الاسعار في مصر الي مستويات قياسية ومع حلول شهر رمضان المبارك وعيد الفطر المبارك الامر الذي زاد من اعباء وتكاليف الحياة علي الاسر المصرية خاصة اصحاب المعاشات في مصر.
تحديث هـــــام تعرف علي
نص قانون زيادة المعاشات 2016 بنسبة 10 % الحد الادني والاقصي للزيادة وموعد اضافتها للمعاش
في موقع خمس خطوات ، نقدم لكم متابعة جيدة للشأن المصري والعربي والعالمي ، والاخبار السياسية والاقتصادية والبنوك في مصر والوطن العربي اهم النصائح والارشادات ومتابعة جيدة للتطورات الجارية.
كلو كلام كذب فى كذب انا معاشى زى ما هوا360
انا معاشى 323ج تضامن اجتماعى ولسه ماأختش أى زياده
اللي زاد المعاشات التأمينية بس لكن التضامن الاجتماعي لسه زي ما هي
عايزة اعرف كيف تم حساب 10/: الزيادة فى حالة حصولى على معاش عن نفس ومعاش عنوالد
طلما المعاشين تبع التامينات بتطبق الزيادة عادي علي كل معاش بنسبة 10 % بحد ادني 125 جنيه و اقصي 323 جنيه
كلمة كذاب انا معاش ٤٠٠بعد الزياد ٤٣٥
لو سمحتم عايزة افهم الزيادة هتتطبق في اغسطس؟ اصل معاشي مزادش في يوليو انا معاشي عن والدي 1100 جنيه اقدر اعرف هيكون كام بعد الزيادة اذا تكرمتم
اه الزيادة تم تطبيقها بداية من معاش اغسطس الحالي
انا معاشي 3152 كم تكون الزياده
315.2 جنيه مع العلم ان زيادة معاش يوليو هتنزل الشهر دا علي معاش اغسطس
طب انا معاشى543ممكن اعرف حي زيد كام بعد معدل الزيادة الرجاء الافادة
الزيادة هتكون 125 جنيه ، و ان شاء الله معاش اغسطس هيبقي شامل زيادة شهر يوليو
طيب انا معاشي ٤٥٠جنيه يعني بيزيد كام ،امره يقولوا ١٢٥ جنيه و مره ٣٢٣ حد اقص ،و بعدين قولتوا ١٠٪،يعني انا بزيد اد ايه
المعاش نفسه هيبقي 500 جنيه لان دا الحد الادني للمعاشات كلها حسب التعديل الجديد
اما الزيادة نفسها هي 10 % لكن فيه حد ادني هيطبق هو 125 جنيه
يعني المعاش كله علي بعضه هيبقي 625 جنيه
اما الحد الاقصي اللي هو 323 جنيه دا الحد الاقصي لزيادة المعاشات ال 10 %
حضرتك يضاف إلى معاش 125جنية بالنسبة لك
انا المعاش بتاعي 3650 هيبقا معاشي بعد الزياده كام
الحد الاقصي للزيادة 323 جنيه يعني المعاش هيبقي 3973
مريد حقائق تنفذ لكن للأسف عمالين نسمع كلام في كلام
سيادة الوزيرة..رجاء رفع المعاشات الصغيرة20%
والمعاشات العالية 10%
حتي تتم العدالة الى حد ما..
لم ولن ينصلح احوال اصحاب الخبرة وعمر افناه فى خدمة وطنهابدا طول ما هى الحكومة تعتبر اصحاب المعاشات زى خيل الحكومة منكم لله
حسبى الله ونعم الوكيل…..فى كل من كان بيد اصلاح المعاشات بضمير حى ومساواة جميع الفئات…. وكل واحد عارف نفسة وربنا كمان عارفة….سيأكل فى بطنة نارا وسيصلون سعيرا …
المفروض عشان يبقى العدل تكون الزيادة بحدادنى وبحداقصى .. ويتم رفع حد ادنى الزيادة إلى ضعف حد اقصى الزيادة………ليتم تقريب شرائح المرتبات اكثر من ذلك……..ويعنى ايه حدادنى500 جنيه مين يقدر يعيش بيهم…وﻻ ده رد ا لجميل للناس الغﻻبة……يا مصر
انا سمعت انى الزياده مش ١٠٪ده ٧٪الكلام ده صح ولا غلط لان الواحد خلاص تعب من العيشه واللى عيشنها استغفر الله العظيم والرئيس بيقول انى الخزانه العامه هتتحمل امال فلوس اصحاب المعاشاات فين يا ريس والاعلام ساكت ليه واتخرس وفين الفرغلى اللى كان بيطلع فى الاعلام من فتره قريبه بيتكلم سكت ليه كده يبقى ولا اعلام مع الشعب ولا اللى عملين نفسهم بيدوره على حقوق بتوع المعاشات يبقى كله بيطبل للحكومه
وسلملى على البرلمان اللى انتخبتوا عرفته الشباب ليه ما نزل انتخب لان سايف وشها زى قفاها كله بيطبل لمصلحته
بالنسبة للمعاشات اه الزيادة 10 % وهتنزل ان شاء الله علي مرتب شهر اغسطس وهيتم اضافة زيادة يوليو لانها كان مفروض تنزل بس تم تاجيلها بعد ما البرلمان اتاخر في اصدار القانون
اما نسبة ال 7 % دي العلاوة للموظفين في الحكومة بتاعه قانون الخدمة المدنية
واتفق معاك البرلمان محتاج ماشئ بسرعة السلحفة والبلد بمقتش مستحملة
المعاشات التامينيه مزاديتش ولا انضاف عليها حاجه ياترى ده من ايه
هل الحكومة تهدأ المواطنين بمجرد وعود زائفه ام ماذا ؟؟
وزارة التضامن كان قالت ان مجلس النواب لسه موافقش علي الزيادة فهي هتنزل علي معاش شهر اغسطس
المفروض بصراحة الزيادة تبقي مقننة لحد مبلغ مثلا 1000 جنيها
تبقي 25 واكثر من ذلك 10 وبذلك كل شريحة لها زيادة لمدة سنتين او ثلاث سنوات حتى تصبح المعاشات الصغيرة متوسطة
ويقل الشحاذين ويجد الفقير لقمة العيش
كان من العدل زيادة المعاش 20% من 500حتي 2500 ﻻن هذه الفئه تحتاج الي ادويه وعﻻج ومأكل وغذاء صحيي حتي تتم العداله اﻻجتماعيه ﻻاما المعاشات من 3000 وطالع فهم يتمتعون بمستوي معيشي افضل مننا بكثير حيث مننا الذي منا تفاني في عمله مده 10سنوات والبعض 15سنه وغيرهم 20 سنه ومنهم الذي قضي ثﻻثون عام فمن الطبيعي ان يميز بعضهم علي بعض في الزيادة مش حنساوي ال اشتغل عشره سنوات مع ال اشتغل خمسه وعشرون سنه او ثﻻثون سنه وﻻ ومستوي وظيفي اعلي مع مستوي وظيفي ادني ولكن بالعقل نحكم اﻻمور المستوي اﻻدني يزيد بنسبه اعلي وليكن من 20% الي 25% لمواكبه الغﻻء والمعاش اﻻعلي يزيد بنسبه من 10% الي15% وهذه الزياده ﻻن مبلغهم كبير ﻻتتأثر ولكنها ستكون عاليه ﻻن معاشهم كببر وذلك يبقي العدل زهذه رؤيه ووجهة نظر وتكون عادله نوع ما وحسب ماترون والله الموفق والمستعان
هل من العدل أن توافق الحكومة على زيادة علاوة العاملين بالدولة من 5% إلى 7% .. ولا تهتم الحكومة بزيادة علاوة أصحاب المعاشات المظلومين من 10% إلى 15% أسوة بموظفى الحكومة .. حتى نخفف عنهم قسوة الإرتفاع الجنونى للأسعار وتكاليف العلاج والخدمات الآخرى من كهرباء ومياه وغاز وإيجار.. أرحموا أصحاب المعاشات يرحمكم الله … لنا الله .. لنا الله
نفسى عباقرة البلد يعرفونا اذاى يصرف على نفسة ال ٥٠٠جنية
بعد خدمه عشرين سنة وخروج معاشر مبكر من 96معاشي الان لن يصل 1000هل من العدل
زيادة المعاش يوليو 2016 انا راضى عنها كصاحب معاش نظرا للظروف الاقتصاديه العصيبه التى تعيشها مصرنا الغالية وغدا لناظره قريب وكل عام وانتم بخير 0 هذا راى شخصى
انامع التعليق رقم سته فكرة كويسه بس علشان الميزانيه لا تسمح اذا كانت الوزيره بتفكر بالعدل والعقل يبقا اخلي المعاشات المرتفعه الخمس الاف والاربع الاف تزيد خمسه في الميه والافين والثلاثه عشره في الميه والمدوميين 30 او 40 في الميه عزرا كان المفروض سيادة الريس كان عدل عليها علشان ينصف الناس اللي حاتموت عقبال لما تتحسن احوال البلد ياررب
١٠٪مش عدل انا راجل معوق وعندى ٣اولاد ومريض قلب وسكر هل الزياده دي عادله علاجي ما بجبهوش
يمكن أن نساعد صاحب المعاش والحكومة معا بدون ان نطلب من الحكومة زيادة كبيرة كى تواكب الزيادة الرهيبة فى الاسعار وأيضا نساعد صاحب المعاش بتقليل البنود الشهرية للصرف بأن نعفى كل أصحاب المعاشات من فواتير الكهرباء والغاز وبهذا ساعدنا فى تخفيف العبء الشهرى دون تحميل الحكومة دفع مبالغ أكبر وشكرا لسعة صدركم
فية معاشات اقل من 1000 ج و فية 2000 ج و فية 4000 ج
هل من العدل كلة يزيد 10%……. هل دة عدالة اجتماعية
كان المفروض حتى 1000 ج تزيد 50% و من 1500 تزيد 25% وفوق 2000 ج تزيد 10%
غادة والى لم تقوم بعملها اللى اقسمت علية وهو رعاية مصالح الشعب ولم تعطى الرئيس الصورة السليمة
اصحاب المعاشات اقل من 1000 ج مش عارفة تعيش
نريد معرفة مواعيد صرف معاشات شهر يوليو
حيث العيد يوم 6او7يوليو 2016
هو فيه كلام ان صرف المعاشات هيبقي من 1 يوليو للكل ، لكن مفيش لسه تأكيد رسمي من وزارة التضامن ان شاء الله اول لما يطلع القرار هننشره وكل عام وانت بخير