اعلنت وزارة الاسكان والمرافق والمجتمعات العمرانية عن طرح شقق جديدة للحجز في الاسكان الاجتماعي المليون وحدة بداية من يوم الخميس 4 يونيو 2015 ، حيث أعلن الدكتور مصطفى مدبولى، وزير الإسكان والمرافق والمجتمعات العمرانية، عن طرح الإعلان الخامس لمشروع الإسكان الاجتماعى” المليون وحدة” فى 8 مدن جديدة من بينها القاهرة الجديدة وعدد من المدن الاخري ….
اماكن وحدات الاعلان الخامس للاسكان الاجتماعي المليون وحدة في المدن الجديدة
وذلك بـ 15 ألف وحدة، على أن يبدأ حجز الوحدات عقب إجازة عيد الفطر مباشرة، وأضاف الدكتور مصطفى مدبولى، فى تصريحات صحفية حصل عليها موقع خمس خطوات اليوم ، أن المدن التى تم طرحها، فى الإعلان الخامس، هى القاهرة الجديدة وبدر، بالنسبة لأبناء والعاملين والقاطنين بمحافظة القاهرة، والسادات (محافظة المنوفية)، وبرج العرب الجديدة (الإسكندرية)، سوهاج الجديدة (محافظة سوهاج)، بنى سويف الجديدة (محافظة بنى سويف)، قنا الجديدة (محافظة قنا)، طيبة الجديدة (الأقصر)، أسوان الجديدة (أسوان).
وأضاف الوزير: “سيتم فتح باب الحجز من يوم 26 يوليو وحتى 16 أغسطس المقبلين”، مشيرا إلى أن تأجيل الحجز حتى إنتهاء إجازة عيد الفطر المبارك، يأتى رغبة من الوزارة للتخفيف عن كاهل المواطن المصرى. وأشار المهندس صلاح حسن، المدير التنفيذى لمشروع الإسكان الاجتماعى،
شروط التقديم لحجز وحدات الاسكان الاجتماعي المليون وحدة
تتمثل فى ألا يقل سن المتقدم عن 21 سنة ولا يزيد عن 50 عاما، فى بداية مدة الحجز، وأن يكون المتقدم من محدودى الدخل، وألا يتجاوز دخل الأسرة 3 آلاف جنيه شهريا، والفرد عن 2250 جنيها.
وأوضح حسن أن مقدم الحجز بقيمة 5 آلاف جنيه، بجانب 100 جنيه مصاريف استعلام، ويتم سداده فى أى مكتب بريد مميكن بكافة محافظات الجمهورية، وذلك على الحساب الذهبى (0135013000234818) لحساب بنك التعمير والإسكان، مشيرا إلى أنه سيتم مراعاة تخصيص 5% من الوحدات لذوى الإعاقة والاحتياجات الخاصة بشرط انطباق الشروط عليهم، وتقديم المستند الدال على درجة الإعاقة.
طريقة التقديم لحجز شقق الاسكان الاجتماعي 2015
وأعلن حسن فروع بنك التعمير والإسكان بالمحافظات، التى سيتم إرسال إليها المستندات واستمارة الحجز بخطاب بعلم الوصول، وهى فرع القطامية (التجمع الثالث أمام قسم القطامية) بالنسبة للراغبين فى الحجز لوحدات القاهرة الجديدة وبدر، وفرع مدينة السادات (المنطقة الأولى) لمدينة السادات، وفرع مدينة برج العرب الجديدة للمتقدمين لوحدات برج العرب، وفرع سوهاج (طريق أسيوط– سوهاج) للمتقدمين لوحدات سوهاج الجديدة، وفرع مدينة بنى سويف الجديدة (مساكن البنك عمارة 1هـ) للمتقدمين لوحدات بنى سويف الجديدة، وفرع قنا (ميدان مديرية الأمن) للمتقدمين لمدينة قنا الجديدة، وفرع الأقصر (شارع المحطة) للمتقدمين لمدينة طيبة الجديدة، وفرع أسوان ( 9 شارع الكورنيش) للمتقدمين لمدينة أسوان الجديدة…
تحديث 30 يوليو 2015 شاهد بالفيديو وزير الاسكان يوضح ثمن الشقة كاملة وكيفية حساب المقدم
استمارة حجز وحدات الاسكان الاجتماعي المليون وحدة يونيو 2015
لتحميل الاستمارة من هنا http://i.imgur.com/vEprRLr.jpg
وايضا تعرف من هنا :- علي عناوين فروع بنك التعمير والاسكان بالتفصيل وارقام التليفونات للاستفسار
في موقع خمس خطوات ، نقدم لكم متابعة جيدة للشأن المصري والعربي والعالمي ، والاخبار السياسية والاقتصادية والبنوك في مصر والوطن العربي اهم النصائح والارشادات ومتابعة جيدة للتطورات الجارية.
لو سمحت أنا شغال فى شركه باليوم به ومش متامن عليا أعمل ايه لو سمحت الرد بسرعه
بتجيب شهادة او ورقة من الشركة بمفردات المرتب في الشهر او المتوسط كام وبتكون مختومة وموضح بها تاريخ بداية عملك بالشركة
بالنسبة للتامينات ممكن تعمل تامين شخصي بنفسك في مكتب التامين
محتاج شقق..احنا خمسه اخوات وقعدين فى بيت عائله فى اوطه واحد والحمام مشترك ..والحمد لله على كل حال
هيتم الاعلان عن شقق جديدة في الاسكان الاجتماعي خلال شهر قدم وان شاء الله خير
هنامطلقة وعندي بنتين باخد معاش الضمان وساكنة ايجار حديث ومش عرفة اعيش نفسي في شقة قبل ما اموت
ربنا يكون في عونك ، قدمي في الاعلان الجديد ان شاء الله خلال ايام هيتم نشره رسميا وبالتوفيق
لو سمحتم انا مطلقه عندى ٣٦ سنه مش عارفه هل المفروض اقدم الاستمارة دى فى بنك التعمير و اروح فين بالضبط عشان اقدر اقدم على شقه وامشى فى الاجراءات وانا باخد معاش والدى هل ممكن اخد شقه
التقديم في الاعلان دا انتهي ، حاليا مفيش اعلان جديد للتقديم لشقق الاسكان الاجتماعي
ان شاء الله هيكون في اعلان في شهر يناير او فبراير وهيتم عمل استمارة جديدة وشرح خطوات التقديم
ممكن اعرف لو سمحت التقديم في السنة الجديدة امتي ولو سمحت انا كنت ببحث عن الاستمار علشان اقدم مافيش هوة المفروض كل حاجة تكون في البريد انا رحت البريد وهوة مش فاهم حاجة ورحت بنك لاسكان والتعمير في سوهاج مافيش معلومه عندة غير خش علي موقع بنك لاسكان والتعمير وانت عرف انا مش فاهم حاجة من كل دة انا عايز اقدم المفروض اعمل اية رف من فين اني في تقديم
التقديم في شقق الاسكان الاجتماعي بيبقي كل فترة مش مفتوح علطول ، وزارة الاسكان بتعلن عن اعلان لعدد محدد من الشقق ، حاليا مفيش اعلان فعلشان كدا مش هتلاقي استمارة ، ان شاء الله خلال شهر يناير او فبراير هيتم الاعلان عن شقق جديدة في الاسكان الاجتماعي
بعد اذن حضرتك هو فيه مراحل تانيه ممكن اقدم ليها ولو فيه اعرف ميعادها ازاي
حاليا لا مفيش مراحل جديدة من الاسكان الاجتماعي للتقديم فيها ، ان شاء الله هتبقي مع السنة الجديدة في شهر يناير او فبراير 2016 ، وقتها هيتم الاعلان في الجرايد الرسمية ، وممكن تتابع موقع وزارة الاسكان ، والتقديم بيكون من خلال مكاتب البريد وبنك التعميير والاسكان
ممكن اعرف قسط شهري كام انا موظف في حكومه مرتبي 1000الف جنيه
قيمة القسط بتتحد مع بنك التعمير والاسكان بيبقي فيه اكتر من نظام ومدة سداد ومتوسط القسط حوالي 480 جنيه
السلام عليكم
حضرتك انا مسافر خارج مصر ومراتي موظفه والدخل بتاعه تقريبا 1200 جنيه ينفع اقدم بالمرتب فى ناس بتقول لزم الدخل يكون فى حدود 1500 جنيه
وعليكم السلام ورحمه الله وبركاته بالنسبة للاسكان الاجتماعي مفيش حد ادني للمرتب ، فيه حد اقصي فقط اللي هو 3000 جنيه للاسرة فهي تقدر تقدم عادي طلما باقي الشروط متوافرة
طيب هو لسه كتير على الاعلان ولو تم تحديد اليوم 7يناير زي محضرتك كتبت في التعليقات
لا انا قصدي الاعلان رقم 7 السابع هتبقي القرعة في شهر يناير ، مش يوم 7 يناير
عموما هو فرز المتقدمين حسب اخر تصريح للوزارة ينتهي في شهر يناير فان شاء الله القرعة تكون في يناير برضو
لكن زي ما قلنا رسميا مفيش يوم او ميعاد محدد بالضبط لسه
من فضلك هو هيتم الاعلان عن اسماء الفائزين كلهم ولا على حسب الوحدات يعني كل وحده بميعاد….وهل تم تسليم إي شقق لان سمعت ان الوزير كان بيسلم شقق…رجاء الرد
القرعة بتبقي شاملة المرحلة كلها وبيتم اعلان الاسماء علي موقع وزارة الاسكان وفي مواقع الاخبار والصحف
تسليم الشقق نفسه حسب ما الشقق والبناء ينتهي لان مثلا في مدن الوحدات كانت جاهزة من وقت الاعلان زي 6 اكتوبر ، وفيه مدن لسه البناء مستمر
انا دلوقتي مش متزوج ولسه في جامعة ينفع اقدم عل شقق ولا لازم المتجوزين بس
ينفع العازب يقدم بس لازم يكون فيه وظيفة وتامينات ، ممكن الوالد او الوالدة يقدموا لو الشروط تنطبق عليهم
ايه هو نظام التخصيص؟
كم عدد الوحدات المتاحة فى القاهرة الجديدة
انا باتصل بفرع بنك الاسكان والتعمير فى القطامية الموظف بيقولى مفيش قرعة اذن الاختيار بيتم على اساس ايه
مفيش قرعة ازاي ؟ اذا كان اعلانات الاسكان الاجتماعي السابقة كلها بالقرعة ، ممكن يكون الموظف فهم غلط علي الاراضي مثلا هي اللي بيبقي فيها تخصيص حسب اعداد المتقدمين وقتها
عايز اعرف مقدم الاستلام كام علشان سمعت ممكن يكون 30000الف جنيه ولك جزير الشكر
لا هو مقدم الاستلام هيكون في حدود 12 الف جنيه ، ممكن تشوف تصريحات وزير الاسكان في الموضوع هنـــا حولين ثمن الشقة بالكامل والمقدم
هو لسه مفيش اخبار عن القرعه واسماء الفايزين
بالنسبة لشقق اكتوبر اخر خبر ان الفرز هينتهي في يناير 2016 وبالتالي نفس الوضع للاعلان رقم 7 القرعة هتكون في شهر يناير
لو سمحت عايز اعرف امتا استلا الوحدات انا مقدم من9 8 2015 ومش عارف معاد النتيجة
لسه لم يتم تحديد ميعاد للاستلام لان لسه مفيش قرعة ان شاء الله خلال شهر او شهرين بالكتير
هو ميعاد القرعة والتسليم امتى
لسه مفيش اخبار من وزارة الاسكان غالبا القرعة خلال شهر او شهرين هم في انتظار انتهاء فرز اوراق المتقدمين
هوا موعد القرعه ايمتي بالضبط
لم يتم الاعلان عن ميعاد محدد ، لكن غالبا خلال شهر او شهرين بالكتير
هل يجوز اناترك مقدم الحجز في حالة عدم الفوز في القرعة ودخولي في القرعة الجديدة
لا بتروح تستلم المقدم وتقدم من جديد ، لكن كنت قريت من فترة وقت الاعلان اللي فات انهم هيحلوا المشكلة دي في الاعلانات اللي جايه فحاول تتابع مع بنك التعمير والاسكان ، عموما لسه لم يتم اعلان تفاصيل او ميعاد القرعة الخاصة بالاعلان دا
انا قوات مسلحه ممكن اقدم ولا مش هينفع لان فى واحدات عندى ف البلد….طوخ القليوبيه ومش عارف حاجه عنها …او اقدم فين
التقديم انتهي في الاعلان دا ، ان شاء الله في اعلانات قادمة ممكن تقدم عادي طلما الشروط متوافرة
الشقق دي ممكن تتملك بعد استلامها في خلال سنتتين ثلاثه والا لازم بعد عشرين سنه ضروري سرعة الرد
لو قصدك تمليك التصرف فيها والبيع يعني ، لا لازم دفع الاقساط الاول ، المدة حسب المرتب واختيار المتقدم فيه مدد من 7 ل 20 سنة
اقل دخل للمتزوج كام علشان ينفع يقدم
مفيش اقل دخل طلما فيه شغل ومرتب ممكن تقدم ، فيه حد اقصي لدخل الاسرة هو 3000 جنيه ، لكن ملاحظة التقديم في اعلان وزارة الاسكان دا انتهي خلاص ان شاء الله فرصة اخري في الاعلان القادم
لوسمحت ارجو الرد للاهميه زوجي وظيفته في البطاقه صاحب مكتب شحن وتخليص جمركي مع العلم هو يعمل بمفرده ولا يوجد معه موظفين والتامينات كذللك. والدخل الشهري لايتعدي 2500جنيه فهل يحق له التقديم على شقه ولاسيرفض الطلب لانه صاحب مكتب
لو عمل حر بيجيب روقة من محاسب قانوني بالدخل ، و البطاقة الضربية والسجل التجاري لو موجود ، وهو عامة الشرط الاساسي ان دخل الاسرة لا يتعدي 3000 جنيه شهريا
انا بشتغل في شركه حكوميه فرع الجيزه ومقيم في الجيزه ايجار جديد وعنواني في البطاقه القاهره اقدم فين القاهره ولا الجيزه
دي او دي قدم في اللي يناسب هو عامة التقديم متاح علي اساس عنوان السكن او العمل
لوسمحت كنت عايزه اعرف هي التقديمات بتنزل كل اد ايه عشان اتابع لو مالحقتش اقدم الفتره الحاليه… ولوقدمت دلوقتي ازاي اتابع نتيجه القرعه مع البنك عشان اعرف لو ماتوفقتش اقدم تاني امتي يعني بعد مده اد ايه اعرف النتيجه وشكرا
هو علي حسب وزارة الاسكان ، تقريبا كل 4 ل 6 شهور بينزل اعلان جديد ، القرعة بتكون علنيه وبتنشرها مواقع الاخبار وممكن تتابعي مع فرع بنك التعمير والاسكان
ممكن اعرف تاني امتي
خلال 3 او 4 شهور ، وعامة تابع اعلانات وزارة الاسكان ممكن يبقي فيه اعلان قريب ان شاء الله
انا مطلقة وفى حضانتى طفلتين ومقيمة مع والدى واعمل محامية حره وليس لى تأمينات فكيف اثبت دخلى وايضا عملى بالقاهرة وعنوانى بالجيزة واريد الحجز فى التجمع فهذا ينفع وكيف اثبت دخلى ( ارجو الرد)
ممكن من خلال محاسب قانوني ، الحجز يااما حسب عنوان السكن او العمل بس تقدمي ما يثبت عنوان السكن او العمل بالضبط
انا أرملة زوجة توفى منذ أسبوعين ولم يتم عمل المعاش حيث أنه كان يعمل عملا حر مأمن على نفسه ممكن يطلع لنا 500 جنيه ومعاش والدى حوالى 1000جنية وأنا لا اعمل والمعاشات تأخذ شهور حتى تستحق وأريد حجز شقة ماذا أقدم وباقى 3ايام وينتهى تقديم الشقق ماذا أفعل بالله عليك
البقاء لله ، حضرتك ممكن تقدمي عادي بالمعاش اللي بتحصلي عليه حاليا وباقي الاوراق عادي طلما لسه لم تحصلي علي معاش زوجك
ممكن اقدم علي الشقه باسمي وانا ربه منزل مع العلم ان الاوراق باسم زوجي والتامينات ومفردات المرتب باسم زوجي. وهو علي علم بذلك وهل عند استلام الشقه تكون باسمي ولا باسم زوجي ارجو التوضيح وشكرا
ممكن تقدمي كاسرة ، باسمك عادي والشقة تكون باسمك
لو سمحت كنت عاوز اعرف اذا كان ممكن التقديم لشخص يعمل بالخارج….ام لا
وهل من الممكن ان تقدم الزوجة بدلا منه،او باسمها مع العلم انها داخل البلاد
ممكن تقدم بتوكيل منه
او ممكن زوجته تقدم باسمها كأسرة وتقدم الاوراق المطلوبة المذكورة في الموضوع
لو سمحتو فيه في محافظه الجيزه ولا لا ؟؟؟
فيه وحدات 6 اكتوبر تبع محافظة الجيزة ، ممكن تقراي المزيد من هنا
ممكن اعرف صورة الحالة الاجتماعية من فين .
قصدهم اعزب ام متزوج ، لو اعزب بيبقي مذكور في البطاقة ، لو متزوج بتقدم شهادة قيد عائلي وشهادات ميلاد الاولاد
طب الاختيار بالنسبة للشقق هيكون بنظام ايه
بنظام القرعة العلنية
لو انا واخد قرض من بنك ينفع اقدم علي الشقق
لو القرض بضمان مرتبك او مرتبك متحول للبنك هيقي صعب يقبولك ، لان الضمان في شقق الاسكان الاجتماعي هو المرتب
انا موظفة و زوجى لا يعمل حسث انه استقال من عمله منذ اكثر من 5 سنوات هل ينفع اقدم
و اعمل ايه فى مفردات مرتب زوجى و هو ليس له دخل شهر يشتغل و شهرين لا
و انا دخلى 2400 جنيه
ممكن تقدمي باسم حضرتك كأسرة وشهادات ميلاد الاولاد و بالنسبة لبيانات الزوج سواء ورقة من التامينات او يذكر ان مفيش وظيفة حاليا ، و الحد الاقصي لدخل الاسرة للتقديم هو 3000 جنيه
هل ممكن اقدم على شقة بس زوجى شغال فى الخارج بس راتبه مش كبير وانا معنديش شقة ولا نمتلك اى شقة وقاعدة مع ماما وعندى اطفال الرجاء الرد
ممكن حضرتك تقدمي لكن يبقي فيه اثبات للدخل او مفردات المرتب او لو زوجك له تامينات في مصر
انا مطلقه واعمل بالتربيه والتعليبم ومرتبى محول على بنك الاسكان والتعمير والاداره التعليميه ترفض اعطائي مفردات مرتب
كك وطلبت الحصول علىورقه من البنك تفيد بتحويل المرتب هل تصلح هذه الورقه للتقدم للشقق
وهل يجوز لانى الغير قاصر بالتقدم للشقق بضمان والده او اى احد من اقاربه لانه لا يعمل ومازال فى الدراسه
هو الافضل السؤال في البنك نفسه حول نقطة تحويل المرتب وعموما ممكن ورقة من التامينات بيبقي مذكور المرتب والتامينات
بالنسبة للنقطة التانية اقل سن ممكن يقدم 21 سنة ، ممكن حد تاني من الاسرة يقدم بس هيبقي باسمه هو
هو ينفع التقديم للبنات الموظفين ولا لازم شباب فقط
الاتنين الشباب والبنات ممكن يقدمو كأفراد طلما باقي الشروط متوفرة
يعنى مقدم٣٠.٠٠٠ ولا ٤٠.٠٠٠ وده يبقى لمحدودى الدخل حراااااااام الاستخفاف وعدم تقدير للشعب المحدود الدخل نقول بقى للشعب الميسورالحال انا لو معايا مبلغ زى ده اخد فى اى حته وقسط كمان أين الرئيس السيسى من ذلك
حسبى الله ونعم الوكيل
فيه تصريح من وزير الاسكان الاسبوع الماضي قال هم 17 الف بس و ثمن الشقة كله 135 الف جنيه ، ممكن تشوفي الموضوع والفيديو هنا
لو سمحتي هو المكان ال باخد فيه الشقه بيتحدد بناً على مكان سكني الحالي ولا ازاي
اه حسب المحافظة اللي انت ساكن فيها او بتشتغل فيها
انا كنت بشتغل وتركت العمل 30/4 بس متامن عليه من 20 سنه ولم اغلق تامينات لان ابحث عن عمل جديد
وعايزه اقدم على سكن فى القاهرة الجديده
عمرى 40 سنه
ايه المطلوب منى للتقدم للحصول على شقه وازى اقدم على شقه
وشكرا كتير لكم
هو من الشروط ان يكون فيه وظيفة علشان يبقي المرتب هو الضمان ، عموما حاولي تقدمي باقي الاوراق علي ان حضرتك ربه منزل او ممكن اي حد تاني من افراد الاسرة يقدم
انا مقدم فى شقق المحافظه عام 2010 ومخدش شقه حتى الان ينفع اقدم على شقه فى الاسكان الاجتماعى
طلما محصلتش علي شقة قبل كدا يبقي ينفع تقدم عادي
فى حالة الارملة كيف يتم حساب دخلها الواجب عدم تعديه ل 3000 شهريا ؟؟
راتبها + معاش زوجها المتوفي و بذلك تتعدى الحد المسموح و مينفعش تقدم
ام راتبها فقط الذى لم تتعدى به للحد المسموح للحجز و تستطيع التقديم ؟؟؟
حسب المذكور في الشروط ان دخل الاسرة لا يتعدي 3000 ، لكن الوزارة كانت قالت ان فيه وحدات هتخصص للمرأة المعيلة والارامل و 5 % معاقين ، فقدم كل الاوراق لانهم كدا كدا بيراجعو الورق مع التامينات
كم يكون ثمن الشقة . هل هو يتعدي ا ل١٠٠ الف جنيه
ام ماذا ؟
وزارة الاسكان لم تعلن بالضبط ، والسعر بيتغير حسب المدينة ومكان الشقة نفسها ، عموما في احد الاعلانات السابقة وصل المقدم اللي هو 15 % الي 30 – 40 الف
ممكن اعرف لو انا جاتلى الشقة المفروض ادفع كام تانى غير ال 5000 الاف جنيه .انا سمعت 15 فى المية من ثمن الوحدة ولو فعلا كدا فى حدود كام يعنى .ارجو الرد
وزارة الاسكان محددتش في الاعلان كام بالضبط ، احنا هنحاول ندور ولو عرفنا معلومة جديدة هننشرها
اعمل بسوهاج واقامتي بالبطاقة القاهرة ومعي ايصال مرافق بسوهاج والقاهرة وارغب في حجز شقة بالقاهرة الجديدة هل ارسل مع الاوراق ايصال مرافق سوهاج ام القاهرة
ارسل ايصال المرافق للمكان اللي انت مقيم فيه حاليا
طيب بعد ازنك ممكن اعرف لاصحاب المعاشات ينفع تقدم
للاسف محددين السن في الشروط ب 50 سنة
بالنسبة للمحامى الحر اية الاوراق المطلوب تقديمها
نفس الاوراق المذكورة في الموضوع
ممكن اعرف هي الشقق كام اوضه و مساحات الداخليه ايه .. و هل فيه صوررللشقق ..ارجو الرد بسرعه من فضلكم
الشقة بمساحة 90 متر 3 غرف وصالة ، الصور والمساحات بالتفصيل هتلاقيها علي موقع وزارة الاسكان
احنا حاولنا ننقل الصور هنا في موقع خمس خطوات لكنها كبيرة الحجم
لوسمحت انا جوزي معار في الخارج وخلاص هيرجع شغله تاني بس بعد كام شهر ينفع اقدم اخر صرفيه لي من شغله اللي هيرجعله لمايخلص الاعاره
ينفع يقدم طلما يقدر يجيب شهادة التامينات ومفردات المرتب وباقي الاوراق
طب سؤال بعد اذنك
لو انا بشتغل شغل حر ومليش تأمينات
ايه موضوع اني اخد قرض بضمان الشقة ممكن تفهمني اكتر معلش
وشكرا لحضرتك
لا حضرتك هي الاستاذه كانت بتسال ان عندها شقة ملك لكن مأجراها ، فانا قلتلها طريق تاني ان لو فيه شقة او ارض او غيره من الاملاك ممكن تقدم للبنك مباشرة وتاخد قرض بضمان الشقة او الارض وتشتري شقة جديدة
انا لما هقدم الورق المطلوب هتعامل مع البوسطه أم البنك برجاء الرد
الفلوس بتتبعت لحساب بنك الاسكان والتعمير ال 5000 + 100 جنيه من خلال البوسطة
بعدين الاوراق + وصل ارسال الفلوس تعبته علي فرع بنك التعميير والاسكان
هتلاقي التفاصيل في الموضوع دا اكتر من هنا
عايزه اعرف الشرقيه ضمن المحافظات اللى زكرت ف الاعلان
لا مفيش الشرقية
أماكن الشقق فين بالظبط
هم محددين المحافظات والمدن زي ما وضحنا في الموضوع ، الاماكن بالضبط لسه وزارة الاسكان الاجتماعي مقلتش
الإعلان ده للأسر فقط
أم الشباب المقبل ع الزواج أيضا
برجاء الرد
للاتنين سواء فرد او اسرة
طب اللي مش مئمن عليه وملوش مفردات مرتب دي ، انا شغال قطاع خاص من غير اوراق في شركة صغيرة ، مفروض الحكومة تطلب اوراق بديلة او حتي اهلي يضمنوني
انا عندي محل ا جار بس معندوش ورقةضريب ولا سجل تجاري ولا مأمن عليه منتظر الرد فورا لو سمحت
الكلام الرسمي طالبين شرط اساسي من اصحاب المهن الحرة السجل التجاري والبطاقة الضريبية
لكن حاول تتواصل مع بنك التعميير وتشوف اذا كان يمكن تقدم اوراق تانية زي عقد الايجار او غيره
هو لازم ايصال المرافق يبقى بنفس اسم اللى هيقدم
المفروض اه ، لكن مثلا لو ساكن في بيت او مع الاهل فممكن تقدم وصل المرافق الموجود باسم اخر
بالنسبة للشباب اللى شغالين فى نادى مثلا ومالهمش تأمين يحجزوا ازاى ولو مهندسين لسه ماشتغلوش ومشتركين فى النقابة هل يكونوا بذلك لهم تأمين ولا يقدمو لحجز الشقق ازاى
هم طالبين شهادة التامينات من ضمن الاوراق ، لكن حاول تتواصل مع بنك التعمير انك تبعت اوراق تانية ، انا نفسي حاولت ادور علي حل لكن مش لاقي اجابه واضحه اكتبها في الموضوع عن حكاية التامينات دي لان فعلا ناس كتير شغاله لكن مش مؤمن عليها
هو لازم اكون من سكان المدينة المراد الحجز فيها ؟ بما فيهم مدينة ٦ اكتوبر ؟ طيب انا لو من مدينة المنصورة مثلا وعايزه احجز فى القاهرة الجيدة او اسكندرية او ٦ اكتوبر اعمل ايه ؟ رجاء الرد السريع وشكرا
الحجز اما حسب مكان سكنك او حسب مكان العمل
انا مش بشتغل بس عندى دخل شهري من شقة مؤجرة بتاعتى اعمل ايه او اقدم ايه
هم طالبين شرط اللي مقدم يكون شغال ويقدم اوراق التامينات ، ممكن حضرتك حد تاني في الاسرة يقدم ، او فيه طريق تاني من خلال بنك التعميير والاسكان برضو انك تاخدي قرض بضمان الشقة دي
لو سمحت انا موظف ومعايا مفردات مرتب لشهر 8 2014 ينفع اقدم بيها
لازم تكون الاوراق حديثة علشان ميرفضوهاش ان عارف شغل الحكومة
اين العاملين بقطاع السياحه ليس لهم نصيب ولا فى بلادهم إلى تركوها عشان العمل فى السياحه ولا فى المدن الى مقيمين فيها لظروف العمل ما مصيرهم
لو سمحت بالنسبة لشهاده التامينات الاجتماعيه انا موظف في شركة خاصه بس مش متآمن عليا ومعايا مفردات مرتب وباقي الشروط متوفره فهل اقدر اقدم ولا لازم يكون ليا تآمين اجتماعي ?!!!
هو للاسف طالبين التامينات شرط سواء قطاع عام او خاص ، عموما حاول تاكد مع بنك التعميير والاسكان دا الرقم الساخن بتاعهم 19995 وشوف هيقولو ايه قبل ما تبعت
اتقى الله يا وزير الاسكان هى محافظة المنيا اسقطت من الخريطة ولا ايه
انا معنديش تأمينات ولا إيصال مرافق لانى فى ايجار جديد اعمل ايه وانا فى أشد الحاجه إلى شقه
لو مهن حرة او قطاع خاص حاول تقدم باقي الاوراق اللي تفيد انك شغال هناك ، بالنسبة للمرافق حاول تجيب اي ورقة سواء من شركة الكهربا او الميا
اين محافظة المنيا يا سيادة وزير الاسكان اعتقد انها لا تنتمى لخريطة مصر الايجار قطم ظهرنا احنا محافظة مهملة من قبل الدولة
لو سمحت هو انا عشان اقدر اقدم لازم يكون ليا تآمينات اجتماعيه ولا نقطه شهاده التامينات دي بالنسبه لموظفين الحكومه بس !! انا موظف في شركه خاصه ومعايا مفردات مرتب بدخلي
شهادة التامينات الاجتماعية مطلوبة من الاتنين حكومة وخاص
انا معنديش ايصال مرافق باسمى الايصالات باسم اللى كان مؤجر الشقه قبلى اعمل ايه
حاولي حضرتك تغيري الاسم سواء في الغاز او الكهربا هم الاسرع ، لو مش هتلحقي يبقي تتواصلي مع بنك التعميير والاسكان لتحديد اي اوراق تانية غير المرافق
هل يجوز التعامل بالتوكيل عن شخص تنطبق عليه الشروط؟
لو مسافر خارج مصر او فيه ظروف تمنع تعاملة المباشر ممكن تقدم بالتوكيل ، واكد مع بنك التعمير والاسكان
معلش حاجة تانى احنا قعدين فى شقه ايجار جديد والعداد كارت ولسه مخلص علشان نشحن ويكون فى وصل نور ومفيش غاز والمياه بتيجى على عداد العماره
ينفع وصل المياه ده الى يكون وصل المرافق
انا مش متاكد من حكاية وصل الميا للعمارة كلها ينفع ام لا ، لكن ممكن حضرتك تجيبي وصل او ورقة رسمية من شركة الكهربا التابعة ليها بالاستهلاك او اي ورقة تانية يكون مذكور فيها العنوان
لو سمحت هو تحويل الفلوس من يوم 26 ولا ممكن من دلوقتى والورق هو الى يتبعت من يوم 26
واروح اى مكتب بريد وابعت الورق على رقم الحساب الى مكتوب
حضرتك عارفة شغل الحكومة ممكن يقولو بعتي في غير الميعاد ، الافضل التحويل والارسال مع بداية فتح باب التقديم
مكان شقق القاهرة الجديدة هتبقى فين بالظبط
المكان نفسه مش مذكور في الاعلان ، لكن ممكن السؤال في جهاز مدينة القاهرة الجديدة
مكان الشقق دى هتبقى فين بالظبط و نجيب الطلب دة منين لو سمحت
اعلان وزارة الاسكان محدد المحافظات والمدن فقط مقالوش بالتفصيل فين ، التقديم من خلال فروع بنك التعمير والاسكان
هو لازم موظف اللي يقدم عليها؟ ولو انا متغربة ينفع ماما تقدم بالنيابة عني علماً بأن هي عندها 55 سنة- وبعدين ليه حتة السن 50 سنة دي ماهي عندها 55 وعندها معاش ومالهاش سكن خاص
هو ممكن تعمليلها توكيل وتقدم الاوراق باسمك
بالنسبة لنقطة السن دي فعلا مشكلة لناس كتير ولسه من كام شهر كانت 45 سنة وعدلوها بقت 50 ، ياريت الحكومة تخليها 55 او 60 ناس كتير عايزة تقدم لاولدها سواء اللى ملهمش شغل ثابت او متواجدين خارج مصر
انا لم استفيد من قبل باي شقه ممكن اخذ شقة
ممكن طلما باقي الشروط متوافرة قدم وان شاء الله ربنا يوفقك في القرعة ممكن تقرا الشروط والاوراق بالتفاصيل من هنا
انا عندى 43 سنه وغير متزوجه وكنت عايزه احجز شقة فهل ينفع انى اقدم وايه الاوراق المطلوبه
ممكن طلما باقي الشروط متوافرة في حضرتك ، والاوراق موضحة اكتر في الموضوع دا
، اوراق وشروط الاسكان الاجتماعي ، وهنا اخر تعديلات علي المقدم
انا شفلى مش ثابت ومليش تامينات ممكن اقدم باسم الزوجة لانها شغالة فى حكومة ولوينفع ايه الاوراق اللى ممكن نجهزها
ممكن تقدم باسمها ، والاوراق موضحة اكتر في الموضوع دا
، ممكن تشوف باقي الشروط هنا ، وهنا اخر تعديلات علي المقدم
زوجى يملك شقة بالقطامية اريد شقة اكبر ممكن يعمل بدل مع البنك اقساط الشقة منتهية مع بنك الاسكان نريد شقة لو باسمى تشطيبها احسن علما بان شقة القطامية ١١٢متر زوجى عمرة ٥٤ وانا عمرى ٤٣ ارجوا الرد هل فيه حل
هو عامة ممكن حضرتك تقدمي وتعملي الاجراءات باسمك عادي ، اما بالنسبة بنقطة البدل الافضل السؤال في البنك لانهم مش موضحين النقطة دي
شكراً سيادة الوزير على الاهتمام بالمواطن المصري وخصوصا
الشباب ونشكر أيضا سيادة رئيس الجمهورية عبد الفتاح السيسي
على التقدم بمصرنا الحبيبه
هو ممكن يكون اعزب ولا لازم يكون متزوج؟
ممكن اعزب او متزوج ، بس فيه حد اقصي للمرتب للتقديم سواء عازب او متزوج ، راجع موقع وزارة الاسكان علشان كان اتحدث الحد الاقصي
هل ينفع للمحامي تحت التدريب التقديم
ينفع طلما تقدر تجيب شهادة معتمدة من جهة العمل تتضمن جميع البيانات الأساسية وإجمالي الدخل الشهري، أو أي مستندات أخرى يراها العميل توضح دخله وتعزز أو تضيف للدخل ، ممكن تشوف باقي الشروط هنا ، وهنا اخر تعديلات علي المقدم
هو فيه شقق تبع المشروع ده في مدينة 6 أكتوبر, أصل أنا مش شايفها مكتوبة فوق
لا يافندم مفيش 6 اكتوبر في المرحلة دي في مدينة القاهرة الجديدة ومدينة بدر
انا عمل زرعي هل من الممكن التقديم ونا هنا في السعوديه
ممكن او لو فرد بالغ في الاسرة يقدر يقدم برضو
طب هو ينفع ان الزوجه تحجز الشقه باسمها ولا لازم باسم الزوج مع العلم دي رغبه الزوج
ممكن طلما فرد واحد من الاسرة هو اللي هيقدم
تفاصيل الدفع الاقساط للشقق لسكان الاجتماعي لي 2015
اسف علي التاخير في الرد ممكن حضرتك تقرا الموضوع دا هنا عن اخر تعديلات نظام الدفع وحدات الاسكان الاجتماعي ، وحاول تتاكد من الوزارة لان الكلام دا كان ابريل الماضي ومستنين هل هي نفس التفاصيل ام يتم تعديلها مرة أخري