أصدر بنك مصر شهادة استثمار جديدة بنسبة فائدة 20 % سنويا لاول مرة في تاريخ مصر ، حيث ستكون شهادة طلعت حرب من بنك مصر الاعلي في نسبة العائد السنوي ، علي ان يتم صرف العائد موزع كل 3 شهور و مدة الشهادة الجديدة سنة ونصف.
تفاصيل شهادة طلعب حرب من بنك مصر بسعر فائدة 20 %
وحسبما اعلن بنك مصر اليوم و بعد تعويم الجنيه امام الدولار رسميا ، سيتم اصدار شهادة ادخار جديدة تحمل اسم شهادة طلعت حرب بسعر فائدة 20 % سنويا و مدة الشهادة 18 شهر ، ويصرف العائد موزع علي العام كل 3 أشهر ويتم احتساب مدة الشهادة اعتبارا من يوم العمل التالي للشراء، وتبدأ فئات الشهادة من 1000 جنيه ومضاعفاتها وتصدر للأفراد الطبيعيين أو القصر.
يمكن الاقتراض بضمان الشهادة بالإضافة إلى إمكانية إصدار بطاقات ائتمانية بضمان الشهادة، ويمكن استرداد الشهادة بعد مضى 3 أشهر اعتبارًا من يوم العمل التالي لتاريخ الشراء (تاريخ الإصدار).
ويسمح البنك بطلب قرض بضمان الشهادة الجديدة طلعت حرب ، ذات عائد 20% ، علي ان يكون القرض فى حدود 75% من قيمتها الاستيرادية بعائد 4% فوق عائد الشهادات، وهى غير قابلة للاسترداد قبل مرور 3 أشهر.
كما طرح البنك الاهلي المصري و بنك القاهرة شهادة مماثلة بنفس نسبة العائد السنوي 20 % وبنفس المدة سنة ونصف.
زيادة عائد الشهادة البلاتينية وشهادة القمة الي 16 % بدلا من 12 %
كما قام البنك الاهلي المصري و بنك مصر برفع العائد على “شهادة القمة” ليصل سعر الفائدة إلى 16 % سنويًا ويصرف العائد شهريًا، حيث يتم احتساب العائد اعتبارًا من تاريخ يوم العمل التالي لتاريخ شراء الشهادة وتبدأ فئات الشهادة من 1000 جنيه مصري ومضاعفاتها وتصدر للأفراد الطبيعيين أو القصر ، و مدة الشهادة 3 سنوات.
تصل حدود الاقتراض بضمان الشهادت بعائد 16% حتى 90%، مقابل 75% فيما قبل، ولا يمكن استردادها قبل مرور 6 أشهر.
ويمكن الاقتراض بضمان الشهادة بالإضافة إلى إمكانية إصدار بطاقات ائتمانية متنوعة، فضلا على إمكانية استرداد قيمة الشهادة بعد مضى 6 شهور اعتبارًا من يوم العمل التالي ليوم الشراء (تاريخ الإصدار).
طريقة حساب عائد الشهادة البلاتينية وشهادة القمة من بنك مصر
موعد شراء شهادة طلعت حرب من بنك مصر بعائد 20 %
يمكن شراء الشهادات من أي فرع من فروع البنك التي يصل عددها إلى أكثر من 570 فرعا منتشرا بجميع أنحاء الجمهورية، بالإضافة إلى أن الفروع تعمل 7 أيام في الأسبوع إلى الساعة التاسعة مساءً وذلك لخدمة استبدال العملة وصرف الحوالات ، حيث تم مد ايام عمل البنوك 7 ايام طوال الاسبوع في جميع الفروع و حتي الساعة 9 مساء .
شاهد من هنا ايضا
تفاصيل مواعيد البنوك في مصر بعد تعويم الجنيه
موقع خمس خطوات يقدم معلومات بسيطة فى شرح سهل من خمسة خطوات للأحداث الجارية وكافة مناحي الحياة المتنوعة لإثراء محتوي اللغة العربية على الإنترنت وتقدم العديد من مقالات الصحة والحياة وشغل المنزل والوصفات الطبيعية.
اه الشهادات المشتراه قبل الالغاء مستمرة زي ما هي بالمدة والفائدة المسجلة عليها لحد انتهائها وبعد انتهائها مبلغ الشهادة بينزل في الحساب او تجدد حسب رغبتك وحسب الفائدة في وقت التجديد
هل افهم من كلام حضرتك او تجدد حسب رغبتك=- ان الشهادات القديمة يمكن تجديدها علي نفس الفائدة ال20%؟؟؟؟؟ مش فاهم يعني اية — وحسب الفائدة وقت التجديد؟؟؟؟؟؟؟باعتذر لحضرتك لكثرة الأسئلة وباشكرك لتحملك لي وردودكم =انا باسال لان عندي شهادة ب 20الف ستنتهي اخر الشهر القادم يونيو اشكر حضراتكم
اهلا بحضرتك واحنا سعداء بمشاركتك معانا في الموضوع
لا بيبقي التجديد حسب سعر الفائدة في وقت تجديد الشهادة
حتي الان بالنسبة للشهادات ال 20 % البنك محدد خيارين عند انتهاء مدتها ، اما المبلغ ينزل في الحساب ، او يتم التجديد لشهادة ال 15.25 % اللي هي 3 سنوات و عائد ربع سنوي
اخر سؤال : ماذا عن الشهادات ذ ات العائد 17 % التي اعلنتم عنها منذ فترة قصيرة هل تم الغاؤها و مستمرة ولو مستمرة – ما مدتها وكيف تصرف فائدتها هل كل شهر ام كل 3اشهر ام ماذا؟؟؟؟؟؟
تم ايقاف شرائها في شهر ابريل الحالي بعد تخفيض البنك المركزي لسعر الفائدة كان في منها كل شهر و كل 3 شهور ، فيه حاليا شهادة متغيرة العائد ب 17 % بس هي شهادة متغيرة يعني الفائدة بتتغير شهريا حسب سعر الفائدة في البنك المركزي
اما اعلى شهادة حاليا في البنك الاهلي هي البلاتينية ال 15.25 %
باشكر حضراتكم لسرعة الرد — لكن لي سؤال اخر وهو هل ال15%تصرف كل شهر او كل 3شهور او ماذا؟؟؟؟
علي فكرة انا اشتريت شهادات ال20% ب 40000 أربعين الف جنية لكن باسم واحد قربي قبل الالغاءبفترات طويلة
العفو واهلا بحضرتك
في الشهادة البلاتينية الحالية ال 15 % فائدة سنوية ، بصرف مقسمة كل 3 شهور
اه الشهادات المشتراه قبل الالغاء مستمرة زي ما هي بالمدة والفائدة المسجلة عليها لحد انتهائها وبعد انتهائها مبلغ الشهادة بينزل في الحساب او تجدد حسب رغبتك وحسب الفائدة في وقت التجديد
هل شهادات طلعت حرب ذات الفائدة%20 تم الغاؤها؟؟ وما مصير الشهادات المشتراة قبلا — وما هو اعلي فائدة حاليا بتفاصيلها؟؟؟؟؟
اه شهادة ال 20 تم ايقاف شرائها ، الشهادات المشتراه قبل كدا مستمرة زي ما هي بالفائدة المكتوبة عليها لحد انتهاء مدتها
اعلى شهادة بعائد ثابت هي البلاتينية ال 15 % 3 سنين وشرائها مستمر على الاقل لحد نهاية شهر مايو
طيب انا روحت البنك و سألت قالولي اخر 80% لاكن في ناس قالولي زي كلام حضرتك انها 90% ف انا مش عارفه اعمل ايه ..
و معلش لو انا موظفه و مش عايزه احط المبلغ اللي يغطي باقي الأقساط و ادفع قسط كل شهر هينفع ولا لا ؟ و البطاقه مكتوب فيها الوظيفه
ارجو الرد و شكرا لحضرتك
اهلا بحضرتك ،، القيمة النهائية بيحددها نظام البنك حسب قيمة الشهادة وتاريخ اصدارها وعدد من البيانات الاخري
مبلغ القسط نفسه ممكن تدفعه خلال الشهر لو موجود مبلغ في الحساب يساوي أول أقل من المطلوب هيتم خصمه لو اقل من قيمة القسط هيكون الرصيد بالسالب حتي ايداع باقي المبلغ
اه لو هتفتح حساب جديد لازم البطاقة يكون مكتوب فيها الوظيفة
لو سمحت هوا انا لو عملت شهاده 16% ب 120 الف .. اسحب عليها قرض كام ؟ و هل هدفع قسط للقرض كل شهر ولا هوا بيسد نفسه من العائد ؟ و لو دفعت قسط هدفع كام ..
ممكن عمل قرض لحد 90 % من قيمة مبلغ الشهادة يعني حتي 108 الف جنيه
فائدة القرض اعلى من فائدة الشهادة ب 2 % يعني لازم يكون فيه مبلغ في الحساب يغطي باقي قسط القرض
مبلغ القسط نفسه هيتحدد مع الموظف حسب مدة سداد القرض
لو سمحت عندي حساب في البنك وانا خارج مصر وزوجتي معاها مبلغ ممكن زوجتي تشتري باسمي شهادات وتضفها في الحساب ولا لازم توكيل
لازم توكيل طلما باسمك علشان شراء الشهادة بيحتاج توقيعك
السلام عليكم انا من عملاء بنك مصر ولكن حاليا خارج الدوله هستفسر عن حاجتين بعد اذن خضرتك ليا حساب ف البنك وموجود فيه مبلغ بسيط كيف اقدر اتابعه من بره الدوله ثانيا انا عايز اعمل شهادة استثمار عائد 20%اقدر اسحب كام مبلغ قرض بضمانها وهل يوجد فائده تناقصيه ولا الفايده بتتحسب كامله ع السنه كلها شاكرا لحضرتك
وعليكم السلام ورحمه الله وبركاته اهلا بحضرتك
ممكن الاتصال برقم تليفون بنك مصر من الخارج 0020219888 لمعرفة تفاصيل الحساب وآخر سحب أو ايداع ، وممكن من خلال نفس الرقم تكلم موظف خدمة العملاء
وفيه خدمة بنك مصر اونلاين على الانترنت هتلاقي هنا طريقة الاشتراك فيها
http://www.banquemisr.com/ar/bm-online
بالنسبة لقرض شهادات الاستثمار هو بيكون لحد 90 % من قيمة الشهادة والفائدة بتكون 2 % زيادة عن فائدة الشهادة يعني 22 % سنويا فائدة عادية على السنة كلها ومش تناقصية
لو سمحتو شهاده طلعت حرب دي شغاله للاطفال
اه ممكن عمل حساب وشراء شهادة للطفل بشهادة الميلاد ويكون الأب او ولى الأمر الوصي علي الحساب
هل الشهادات طلعت حرب موجودة حتى تاريخه ٢٤ / ١٢/ ٢٠١٧
اه مستمرة الفترة القادمة حتي انخفاض نسبة التضخم
احنا قصر عايزين نعمل شهادة قمة احنا 3 مجموع فلوسنا ١٨١ الف يعمله فوائد كام شهريا
ولي الامر ممكن يفتح لكم حسابات باسمائكم بشهادات الميلاد ويعمل الشهادات
شهادة القمة ب 16 % في السنة لمبلغ 181 الف هتعمل عائد 28960 في السنة ، وعائد الشهادة بتصرف مقسم كل 3 شهور هيكون العائد 7240 جنيه
انا في الخارج لوبعت فلوس علي الحساب بتاعي يتحسب ليه فوايد ولا تب بدون فوايد
حسب نوع حسابك لو حساب توفير بيبقي له فوائد سواء شهرية او ربع سنوية او سنوية
لكن لو نوع الحساب حساب جاري فدا ملهوش فوائد
انا سالت على الشهادة دى قالى الفايدة 20% على سنه ونص مش 20% على السنه هل الكلام دة صحيح
لا مش ، شوف ال 20 % هي في السنة الواحدة ، لو في مدة الشهادة كلها السنة ونصف يبقي 30 % ، عبارة عن 20 في السنة و 10 % في ال 6 شهور الباقيين
وعامة الفائدة في البنوك بتتحسب سنويا ولو الموظف قالك 20 % في السنة ونصف علي بعضها اشتكيه لمديره لانه كدا هو مش فاهم شغله
لو تم تخفيض الفائدة علي شهاده طلعت حرب هل سوف يتم على الشهادات القديمه ام المستخرج حديثا فقط وشكرا
الشهادات القديمة مستمرة زي ما هي نفس الفائدة
اما خفض الفائدة هيكون علي الشهادات الجديدة المستخرجة
لو سمحت هل شهادة 20% لسه شغاله لحد دلوقتي 7/11/2017 وهل يمكن شرائها من غير فتح حساب في البنك وهل يجوز ان تكون الام هيا الوصيه علي القصر في وجود الاب
اه الشهادة مستمرة ، لازم فتح حساب في البنك لشراء الشهادة لان الارباح بتنزل في الحساب بعد كدا ، وممكن الام تكون الوصية وعامة بيتم فتح الحساب للقصر بشهادة الميلاد
في حالة عدم سحب الفوائد ،، هل بيكون عليها فوائد تضاف علي الحساب
حسب نوع حسابك في البنك لو حساب توفير بيكون فيه فائدة سنوية او ربع سنوية علي المبلغ الموجود في الحساب
تمام كلام حضرتك
و هذا ما حاولت مناقشته معها و لكنها أصرت على كلامها!!! بل و كتبت لى فى نهاية حديثى معها ورقة تشرح فيها ما قالت من أن فائدة الشهادتين معاً سيكونا 36% و بعد خصم فائدة القرض سيكون عائد نقودى 25% !!!
أنا شاكر ذوق سيادتك و ردك السريع على أستفسارى…
خالص تحياتى 🙂
العفو وشكرا لمشاركة حضرتك معانا
وعامة وبدون الدخول في موضوع القروض ، الاختيار بين ال 16 % او 20 % حسب المدة يعني ال 16 % مفيدة علي المدي الطويل لان الفائدة هتبدأ تنزل مع بداية السنة الجديدة ,, اما ال 20 % فهي لو هتحتاج المبلغ في وقت قريب علي اعتبار أن مدتها سنة ونصف
نصحتنى موظفة بنك مصر اليوم بأنى أعمل شهادات بـ 16% و ليس بـ 20%، على أن أقترض بعدها بضمان الشهادة ذات الـ 16% و أضع القرض مرة أخرى فى شهادة بـ 20% و قالت لى و بإصرار أن فؤائد الشهادتين معاً سيكونا 36% و أن القرض سيكون بفائدة فقط 11%، و بالتالى و على حد قولها سيكون مكسلى هو 25%!!!
سيدى الفاضل هل هذا كلام صحيح؟!!! لانى بالفعل ناقشتها بالمنطق أنه يستحيل أن يكون ما تقوله صحيح و لكنها أصرت!!
برجاء التوضيح و شكراً لك
د/ مصطفى
أستاذ بالجامعة و من عملاء بنك مصر
هل الموظفة قدمت مستند او اى دليل علي كلمها ؟ لان اول شئ القرض نفسه بيكون لحد اقصي 90 % من قيمة الشهادة ، بجانب ان فائدة قرض الشهادات بتكون اعلى من قيمة فائدة الشهادة نفسها مش اقل
انا عاوز اعرف الشهادة لسه موجودة ولاخلاص
اه مستمرة حتي الأن
هل لو عملت قرض بقيمه الشهادة ، مش باخد عائد منها لغاية ما اسدد القرض ولا الغائد بيفضل شغال رغم وجود قرض؟
العائد نفسه بينزل في الحساب عادي ، لكن لو هيتم خصم قسط القرض الشهري من الحساب هيتم خصم العائد مع باقي قيمة القسط المطلوبة
لو اخدت قرض 100000جنيه بضمان شهادة طلعت حرب كيف يمكن سدادة وكم الفائدة
قيمة الاقساط الشهرية بتحدد حسب مبلغ القرض وبيتم السداد من خلال حسابك في البنك لو المبلغ المطلوب كل شهر موجود في الحساب او التوجه للبنك والدفع هناك
اما نسبة الفائدة في الوقت الحالي فهي بتكون نسبة فائدة الشهادة + 4 % يعني 24 % سنويا
لو انا محتاج مبلغ من المال ..الأفضل اخذ قرض بضمان الشهادة ام سحب الشهادة نفسها
حسب قيمة القرض اللي هتطلبه يعني لو مبلغ اقل بكتير عن مبلغ الشهادة يبقي الافضل طلب قرض ، مع العلم ان نسبة فائدة القرض مرتفعة حاليا
كارت الحولات ينفع احول بيه فلوس من برا مصر
ممكن تستلم عليه الحولات اه ، بعدما بيتم ارسال الحوال هيوصلك رسالة علي الموبايل ان الحوالة وصلت وبعد كدا ممكن تصرفها بالكارت مباشرة
لوسمحت انا اشتريت شهاده وطلع ليا كرتين واحد فيزا واحد حوالات الفايده تنزل في واحد
في كارت الفيزا
هو الشهادة لو مر عليها اكتر من 3 سنين بتجدد تلقائي و لا لازم انا أجددها
و ف حاله عدم تحديدها تلقائي بتحسبلي الفايده
الشهادة بتتجدد تلقائي وبينزل العائد بينزل في الحساب ، بس التجديد بيبقي حسب اسعار الفائدة في وقت التجديد
هل مازالت شهادة طلعت حرب سارية حتي الآن
اه الشهادة مستمرة ويمكن شرائها عادي
لو اشتريت شهاده وانا في الخارج تجدد نفسه ولا لزم اكون موجود
اه تجديد الشهادة بيبقي تلقائي
الشهاده مستمره
اه مستمرة
هو انا اقدر اشتري الشهادة دي لو ماكنتش مصري ولا مقيم حتى ؟
اه ممكن بس لازم الاول فتح حساب في البنك سواء جاري او توفير وتقديم الباسبور للموظف للاطلاع ولاخذ صورة منه وبعد كدا بيتم عمل الشهادة
وبالنسبه لشهادة طلعت حرب بنك مصر :
مدة الشهاده سنه و نصف و تتجدد بعدها تلقائي ؟
مسموحلي اسحب من الشهاده بعد اد ايه وللا ليها رسوم للسحب ؟
اه التجديد تلقائي بس نسبة ال 20 % فيه كلام انه ممكن ايقافها او خفضها السنة اللي جايه
الشهادة ممكن سحبها بعد 3 شهور من اصدارها ، اه هيبقي فيه خصم من قيمة ارباح الشهادة حسب المدة اللي باقية منها
لو سمحت لو انا اودعت 100 الف وفتحت شعاده ادخار طلعت حرب 20% على ال 18 شهر اقدر اسحب العائد بتاعهم مقدم ولا ماينفعش .. ولو ينفع عليها فلوس بتدفع او نسبه البنك بياخدها ولا ايه برجاء الرد
لا الودائع او الشهادات ذات العائد المدفوع مقدما مش موجودة في بنك مصر
الودائع من النوع دا موجودة في بنك اسكندرية و البنوك العربية والاجنبية في مصر زي بنك الكويت الوطني والمصرف المتحد وبنك باركليز
هو العائد لازم يتصرف كل 3شهور ولا ممكن بعد انتهاء مده الشهاده
العائد بيفضل في الحساب لو مصرفتوش بس الافضل تصرفه او تعمل شهادة اخري ، لان فائدة حساب التوفير اقل من فائدة الشهادة
ان شاء الله دائما بنك مصر فى المقدمة
مستمر هذا العرض
اه شهادات ال 16 وال 20 % مستمرة
لو سمحت .
هو انا لو ممكن استرجع فلوسي من شهادات قناه السويس دلوقتي ولا لازم استني فتره معينه وهل لو هسحبها دلوقتي هيخصموا مني حاجه ؟
وشكرا
ممكن تسترد شهادة قناة السويس بس هيكون فيه خصم من قيمة العائد اللي تم صرفه خلال الفترة اللي فاتت حسب جدول استرداد شهادات قناة السويس بيتم خصم 5% من أصل قيمة الشهادة لو تم سحبها فى السنة الثانية او 4% فى السنة الثالثة او 3.5% لو تم سحبها فى السنة الرابعة
عرض ال 20 لسه سارى ولا ايه
اه الشهادات لسه مستمرة
معني كده ان الفايده علي ال١٠٠٠٠٠ في السنه ونص ٣٠٠٠٠ جنيه ولا في السنه ونص عشرين
اه 30 الف في السنة ونص
20 الف في السنة و باقي ال 6 شهور 10 الاف
بعد استنفاد مدة شهادة طلعت حرب هل لابد من استرداد المبلغ ولا اوتوماتيكي بتنزل لشهادة اخري بفائدة اقل. بسأل لأني عايش في الخارج و شكراً
البنك مش موضح النقطة دي لكن عادة زي باقي شهادات الاستثمار بيتم تجديدها تلقائيا وبتكون علي حسب نسبة الفائدة في وقت التجديد
وعامة ممكن انت او وكيل لك تترك للبنك تعليمات في خدمة العملاء انك تسترد مبلغ الشهادة بعد نهايتها لحسابك
طب بعد اذن حضرتك انا عاوز اعرف هل يمكن تجديد الشهادة بعد سنة ونص والا ايه الموضوع ولو انا حطيت مبلغ 25000 الف مثلا وبعد مرور ال3 شهور ينفع ارفع قيمة المبلغ الانا حطيتة
– ممكن التجديد لكن هيبقي علي سعر الفائدة في الوقت دا ، لان فائدة ال 20 % مش هتستمر علطول هي مرتبطة بنسبة التضخم العالية حاليا
– مبلغ الشهادة نفسه بيبقي ثابت ، لكن ممكن تعمل شهادة تانية بالمبلغ الجديد
مساء الخير شباب لو تكرمتم الشهادة موجودة الحين .. يعنى متوفرة اقدر اشتريها ..شكرا
مساء النور ، اه الشهادة لسه مستمرة بنفس الفائدة
ممكن توضيح
لو اشتركت بشهادة طلعت حرب 20 % بقيمة 100 ألف جنيه ممكن اعرف قيمة المبلغ الفايدة كل 3 شهور اللي هتنزل في الحساب .
العائد في السنة 20 الف جنيه ، وكل 3 شهور هينزل في الحساب 5000 جنيه
عرض شهاده طلعت حرب مستمر لحد امتى
مفيش وقت محدد لكن هي مرتبطة بنسبة التضخم لطما لسه عالية الشهادة بنسبتها الحالية مستمرة
لو انا شاري شهاده طلعت حرب ب 100000 الف
هل يمكنني سحب 75000 قرض علي ضمان الشهاده ؟
اه ممكن الحصول علي قرض حتي نسبة 75 % من قيمة الشهادة
هل شهادة طلعت حرب مستمر شرائها حتي نهاية هذا العام ( حتي شهر نوفمبر القادم 2017) اللي العائد بتعها 20% سنويا ومدها عام ونصف
صعب يستمر شرئها حتي نهاية السنة لانها مرتبطة بنسبة التضخم لو مرتفعة هتفضل الشهادة ، لكن كلام البنك المركزي ان التضخم هيبتدي ينزل بعد شهر يوليو القادم
معايه شهادة هتخلص يوم 5-5 ومش عايز اجدد اروح امته البنك اخد فلوسى بسرعه قبل مايجدد من تلقاء نفسه
هو التجديد التلقائي بيحصل مباشرة لكن انت عادي ممكن تصرف مبلغ الشهادة كامل مش هيقولك حاجة طلما خلصت مدتها 5-5 يوم جمعة فممكن انت تروح اي يوم بعديه
لو سمحت لو هعمل شهادة القمة ب 100.000 جنيه ينفع اخد قرض بضمان الشهادة كام بالظبط وينفع افك الشهادة بعد قد ايه و هاخد ف الشهر كام بالظبط … شكرا لحضرتك
ممكن طلب قرض بضمان الشهادة لحد 90 % من قيمتها يعني بالنسبة ل 100 الف ممكن قرض لحد 90 الف
الشهادة ال 20 % ممكن فكها بعد 3 شهور و ال 16 % بعد 6 شهور من اصدارها
بس لو هتعملي قرض بضمان الشهادة مش هينفع استردادها الا بعد سداد قيمة القرض
هل الفائده 20% ثابته خلال ال1.50سنه مدة الشهاده ولا هتتغير خلال مدة الشهاده علينا يعنى عائها عليه هيتغير بعد الشراء ولا نعتبر ده عقد بينا سوال مهم جدا
اه النسبة ثابتة طول مدة الشهادة ومسجلة في ورقة الشهادة نفسها اللي هي بمثابة عقد او اتفاق بينك وبين البنك
من فضلك لو عملت شهادة طلعت حرب فى شهر فبراير واضطريت افكها الْيَوْمَ الخميس اخسر إد ايه لان يلقى تقريبا شهر على مرور اول ٣شهور لتفعيلها
لازم يكون مر 3 شهور من تاريخ اصدار الشهادة احنا لسه في ابريل فكدا يبقي مر شهرين بس
وعامة الخصم لو فكيتي الشهادة بعد ال 3 شهور مباشرة بيكون حوالي 90 % من قيمة العائد خلال ال 3 شهور دول ، بيتم خصمهم من قيمة الشهادة
هل شهاده طلعت حرب موجوده لو معاها 30الف تبقه الفيده كام كل 3شهور
اه الشهادة مستمرة
العائد لمبلغ 30 الف هيبقي 6000 جنيه في السنة ، و العائد كل 3 شهور هيبقي 1500 جنيه في السنة
هل شهادات طلعت حرب 20% مستمرة حتى الآن ( اﻷربعاء 2017/4/5 )
اه مستمرة
هل تم تحديد تاريخ لتوقف شراء شهادة طلعت حرب
لا لسه مستمرة لان نسبة التضخم لسه مرتفعة ، عامة هيتم مناقشة اسعار الفائدة يوم الخميس اللي جي اخر الشهر
هل شهادة القمة اللي سعر الفائدة بتعها 16% سنويا ح تظل موجودة حتي شهر ننوفمبر القادم لهذا العام 2017.
صعب تستمر لحد نوفمبر ، عامة هي حسب سعر الدولار وحالة الاقتصاد وقتها ومعظم الكلام ان الدولار هيبدأ ينزل من شهر يوليو اللي جي فعلي الاقل الفائدة الحالية مستمرة لحد شهر يونيو
هل ممكن لشخص واحد شراء أكثر من شهاده
اه مسموح بشراء اي عدد من الشهادات باي مبلغ
فى حاله شراء شهاده القمه ب ١٧٠٠٠ جنيه وحبيت ارجع الشهاده واسترداد المبلغ ممكن
اه ممكن بالنسبة لشهادة ال 20 % الاسترجاع ممكن بعد 3 شهور و بالنسبة لل 16 % الاسترجاع ممكن بعد 6 شهور من شراء الشهادة
مع العلم انه بيتم خصم نسبه من الارباح من قيمة الشهادة لو تم استرجاعها قبل انتهاء مدتها وقيمة الخصم حسب المدة اللي مرت من الشهادة
الشهادة مددة 18 شهر وبعد 18 شهر هل تجدد مرة ثانية مدة ثانية
حتي الان البنك مش موضح هو عامة البنك بيجدد الشهادات المنتهية تلقائيا طلما لم يتم صرفها
لكن النسبة الجديدة هتبقي كام وقتها لسه في علم الغيب
خصوصا زي ما احنا شايفين الدولار نازل وطالع ونسبة التضخم بتزيد مش بتقل
الشهادة موجودة حتى الان؟
اه موجودة
السلام عليكم / شهادة طلعت حرب موجودة حتي الان اليوم 13 مارس ولا لا
اه مستمرة حتي الان
هل يستطير الاردني شراء هذه الشهادات وبيحتاج اوراق ايه عشان يفتح حساب
ويشتري
اه ممكن فتح حساب في البنك وشراء الشهادات ، الاوراق المطلوبة بتبقي الباسبور و اي مستند اخر دال علي الاقامة او العمل في مصر
ماذا لو رفع المركزى الفائدة هل سترتفع عائد شهادات 16 و20% حيث أن التضخم 30%
صعب تزيد عن الوضع الحالي لو حصل هيزودا فائدة حسابات التوفير فقط اللي هي حتي الان 11.25 %
و هو فعلا التضخم 30 % و احتمال يزيد ل 35 % الشهر اللي جي بس البنك المركزي حسب اخر تقرير عن التضخم بيقول انه تأثير وقتي بسبب تعويم الجنيه ، عامة كلها يومين وهنشوق هيقرروا ايه
هي نسبة التضخم وصلت 40% سنويا؟؟؟؟
هو اخر تقرير رسمي من البنك المركزي و جهاز الاحصاء قال ان نسبة التضخم لشهر يناير 29.6 %
لكن فعليا في السوق والمحلات النسبة ممكن تزيد عن كدا بكتير لان كل تاجر بقي يحط السعر اللي عايزة
بس هنعمل ايه ربنا معانا والايام دي تعدي علي خير
هل االشهاده موجوده حتي الان و لا هيه لحد امتي
اه موجودة هي مستمرة علي الاقل لحد 16 فبراير دا وقت ميعاد مناقشة اسعار الفائدة في البنك المركزي اللي علي اساسه هيقرر تستمر فترة تانيه ام لا
بمعنى أن الفائده كل 3 شهورتتحسب بكام
الفائدة في السنة هي 20 % يعني كل 3 شهور الفائدة 5 %
كل 6 شهور وليس كل 3 شهور لأن الشهادة مدتها سنة ونصف
لا ، فائدة الشهادات بتتحسب سنويا يعني ال 20 % دي في السنة الواحدة
اما باقي مدة الشهادة اللي هي نصف سنة يعني نصف ال 20 % هتبقي 10 %
يعني فائدة الشهادة كلها علي بعضها في السنة ونصف هتساوي 30 %
عندي مبلغ باليورو استلمته باليد وليس مع مايثبت مصدرهم عايزة احوله مصري واشتري بيه شهادات طلعت حرب هل البنك يسالني عن مصدرهم
اه ممكن
بيتم تغيير العملات سواء دولار او يورو او غيره في البنك عادي ، الموظف بيصور البطاقة و بيسجل البيانات في وصل الاستلام وبس كدا من غير اثباتات تانية
هل شهاده ٢٠℅ ساريه الي الان ام لا
اه سارية حتي اليوم
شهادة ال٢٠٪ ممكن تفضل لحد ١٥ فبراير
هو الاكيد انها مستمرة حتي نهاية شهر يناير
لكن بعد كدا حسب ما يقرر البنك المركزي والبنك الاهلي
لو سمحت لو انا اشتريت الشهادة دى و هودع مثلا 100،000 ج يبقى اخد فايدة كل 3 شهور 2000 ج و فى السنة تبقى 130،000ج ؟
لا العائد كل 3 شهور علي مبلغ 100 الف هيكون 5000 جنيه
في السنة هيبقي العائد 20 الف جنيه ، اما في السنة ونص كلها اللي هي مدة الشهادة العائد هيكون 30 الف جنيه
ال 130 الف دي المبلغ بالكامل في نهاية مدة الشهادة شامل قيمة الشهادة نفسها ال 100 و قيمة العائد كله اللي هو 30
لو عملت شهاده العشرين يوم 19مثﻻ فى الشهر … هل بتحسب من اليوم التالى يوم 20 وﻻ من اول الشهر
من اليوم التالي لشراء الشهادة يعني من يوم 20 اه و اول جزء من العائد ينزل يوم 20 بعد 3 شهور
شهاده ال 20 تعمل الْيَوْمَ 15 /1
اه مستمرة ، ولسه مفيش ميعاد محدد لايقافها
شهادة 20% مستمره حتى الان
اه مستمرة
ما هي الاوراق المطلوبه للشراء الشهاده البلاتينيه ذات العائد ٢٠٪
بطاقة الرقم القومي تكون سارية ومكتوب فيها الوظيفة
هل الشهادات التي عائدها 20% مازالت متاحه
اه متاحة
لوسمحت لو حد عامل شهادة بلاتينيه بعائد 20% لمدة عام يقدر يفكها امتى
بعد 3 شهور من اصدارها
معلش يافندم سؤال هل الشهادات العائد 20% مستمره لحد دلوقتي وهل متاح افتح حساب ليا واعمل الشهادات في نفس اليوم
– الشهادات مستمرة علي الاقل خلال اول اسبوعين من يناير لان البنك المركزي ثبت اسعار الفائدة امبارح
– اه من خلال خدمة العملاء بتفتح الحساب وبعد كدا بتعمل ايداع وتشتري الشهادات مباشرة
يعنى لو 100000بعد 18شهر هيكونو 130000
اه تمام ، و متاح لك انك تصرف مبلغ العائد بينزل موزع كل 3 شهور في الحساب ، مش لازم تستني لنهاية مدة الشهادة
معلشى سؤال لو سمحت بالنسبة لشهادة العائد 20%
لو هودع 100000 جنية لما اجى احسبهم
100000*20/100 = 20000
20000 دول فى السنه ولا فى 18 شهر ؟
اه في السنة
نسبة الشهادات عامة بتبقي سنويا ، اما المبلغ نفسه بيتم صرفه مقسم كل 3 شهور
هوا ينفع حد يعملي شهادة طلعت حرب باسمي ولحسابي ولا لازم انا شخصيا
لازم انت بنفسك علشان البنك بيفتح حساب و بيحتاج توقيعك قبل شراء الشهادة
أوﻻ .. اخر ميعاد لشهادة ال 20 %
ثانيا .. هل يمكن عمل اكتر من شهادة بمبالغ مختلفة ؟
يعني مثلا شهادة ب 50 الف واخرى ب20 الف
– مفيش ميعاد محدد لسه فهي علي الاقل مستمرة لحد اخر ديسمبر
– اه حسب رغبتك اي عدد من الشهادات باي مبلغ من مضاعفات ال 1000 جنيه
بعتذر ولكن ارجو الايضاح تقصد لشهر يناير
اى نهاية شهر يناير ولا نهاية شهر ديسمبر 2016 ؟؟؟
لاننى خارج مصر حاليا ؟؟؟؟
لنهاية شهر ديسمبر اه دا اكيد
اما شهر يناير نفسه حسب ما يقرر البنك المركزي فيه اجتماع يوم 29 ديسمبر لمناقشة اسعار الفائدة ، لو نسب التضخم والاسعار لسه مرتفعة وهي غالبا هتفضل مرتفعة يبقي هستمر الشهادة فترة كمان ، واهلا بيكي في اي استفسار
ممكن اعرف ازاي احسبها يعني لو انا اشتريت شهاده ب5000ج بعد 18شهر بعائد 20% يكون العائد كدا كام
مبلغ الشهادة * الفائدة \ 100 = العائد في السنة
يعني 5000 * 100\20 =1000 جنيه في السنة
و باقي ال 6 شهور العائد هيكون 500 جنيه ، يعني مجموع العائد في ال 18 شهر هيكون 1500 جنيه
هو بعد 18 شهر الفايده بتنشال ولا ايه اللي بيحصل باسحب للفلوس ولا بجددها تاني الشهاده ولا ايه ( توضيح لو سمحت موضوع 18 شهر ده )
عامة بالنسبة لشهادات البلاتينية انت بعد انتهاء مدة الشهادة ممكن تسحبها عادي او تجددها حسب اختيارك
ولو مرحتش البنك ، هو البنك بيجددها تلقائيا بعد انتهائها ، بس علي سعر الفائدة في وقت التجديد ، هيكون سعر الفائدة كام بعد 18 شهر ؟ لسه محدش يعرف بس هيكون اقل من ال 20 % لان دلوقتي مرتبطة بوقت تعويم الجنيه ونسبة التضخم
وديعتى تنتهى بالبنك يوم 1/ 3/ 2017
هل وديعة طلعت حرب ذو الفائدة 20% ستسمتر الى هذا التاريخ ؟؟؟؟؟
الشهادة مستمر شرائها علي الاقل لحد شهر يناير ، لكن بعد كدا حسب ما البنك المركزي يقرر سعر الفائدة بجانب ان البنوك عايزة توقفها علشان نسبتها العالية
هل شهادة ٢٠٪ ليسة صارى العمل بها حتى الاحد ١٨-١٢ الرجاء الافادة
اه شهادات ال 20 % مستمرة
هل الشهاده التى فائدتها16./.تصدر حتى اليوم 13/12
اه مستمرة علي الاقل لحد شهر 1
اللي احتمال تقف اللي هي شهادة ال 20 % بس لسه محددوش امتي بالضبط هي برضو مستمرة حتي الان
ممكن اعرف احسابها ازاى 10000 على السنة ونص بفائدة 20%
المبلغ 10000 * النسبة 10020 = 2000 جنيه دي في السنة
و باقي مدة الشهادة اللي هم 6 شهور يبقي نصف المبلغ دا = 1000 جنيه
يعني عائد الشهادة كله علي بعضه في السنة ونصف = 2000 جنيه في السنة الاولي + 1000 جنيه في ال6 شهور الباقيين = 3000 جنيه
اسعار شهادت القمة المشتراة من عام
لو قصدك الفائدة هي كانت ب 12.5 %
سؤال تانى لو سمحت انا فى بطاقه مكتوب حاصل على دبلوم تجاره
هل ينفع اشترى الشهاده ؟؟
لازم الوظيفة نفسها تكون مكتوبة في البطاقة
طيب انا مش موظف حكومى لكن شغلى خاص هل يمكن عمل الشهاده
اه ممكن بس لازم البطاقة تكون موضحة الوظيفة ايه
أخر ميعاد الإيداع في شهاده 20 %
لسه مفيش ميعاد محدد لايقاف شرائها ، هي مستمرة علي الاقل لحد الاسبوع اللي جي
معي مبلغ 147الف جنيه وعايز اعمل بيهم شهادة استثمار 20 في المائة كم العائد وسالت اليوم في البنك قالي لو عايز عائد على العائد العشرين في المائة لا تسحب المبلغ الا بعد 18شهر وحسب حسبه مش عارف ايه هي بالظبط عايز 7000 جنيه كمان على المبلغ ده قسطتين ممكن رد من حضرتكم
مبلغ 147 يبقي العائد في ال 18 شهر كله علي بعض هو 44100 جنيه ، هو تلاقي الموظف قصده ان العائد دا بيتم صرفه موزع كل 3 شهور ينزل جزء من المبلغ في الحساب وهو 7350 جنيه
والشهادة دي ممكن تسحب المبلغ بعد 3 شهور مش لازم بعد ال 18 شهر بس زي باقي الشهادات لو سحبتها قبل ميعادها هيكون فيه خصم من مبلغها حسب المدة اللي باقية
اخر موعد لشراء هذه الشهاده
البنوك حاليا بتدرس تخفض فائدة شهادات ال 20 % خلال الاسبوع اللي جي بس لسه مفيش قرار رسمي
ايه الاوراق المطلوبه لعمل الشهاده البلاتينيه
لو معندكش حساب في البنك بيتم عمل حساب ولازم احضار بطاقة الرقم القومي وتكون سارية ومكتوب فيها الوظيفة
اولا هي حلال ولا حرام ثانيا بو حطيت مبلغ معين ممكن اسحب المبلغ ده قبل فترة سنه ونص
هو النقطة دي عليها جدل كتير بس حسب دار الافتاء في اكتر من فتوي عن شهادات الاستثمار بشكل عام هي حلال وجائزة علي اساس اننا بنتعامل مع الدولة وليس افراد وان الشهادة تمثل عقد بينا وبين الحكومة او البنك وممكن تراجع موقع دار الافتاء لمزيد من الدراسة
اه ممكن تسحب المبلغ بس لازم مرور 3 شهور علي الشهادة و بيتم خصم نسبة من العائد خلال الفترة الماضية من الشهادة
اخر ميعاد لايداع فى شهاده 20%
مفيش ميعاد محدد حتي الان غالبا هتستمر شهرين كمان
لو سمحت انا معاية١٠٠ الف وعندي حساب في بنك مصر في تقريبا ١٠٠٠ الف ممكن أضم الاتنين لتصبح شهادة واحدة وهي طلعت حرب وكم الفائدة عليهم وشكرا
اه ممكن تودع المبلغ في الحساب و من خلال خدمة العملاء تعمل الشهادة بالمبلغ كله ، الفائدة 20 % في السنة ، لو مبلغ كله 200 الف يبقي العائد في السنة 40000 جنيه يعني كل 3 شهور العائد هيكون 10000 جنيه
هل يمكن عمل شهادة 20 % باسم الابن ويقوم الاب او الام بدور الوصاية على الابن وذلك لعدم وصول الابن للسن القانونى
اه بتاخد معاك شهادة الميلاد الابن و بطاقة الوصي تكون سارية ومسجل فيها الوظيفة ، بيتم فتح حساب للابن في البنك من خلال خدمة العملاء و الاب او الام بيكون الوصي علي الحساب ويقدر يعمل اي تعاملات سواء ايداع او سحب او شراء شهادات عادي
بالنسبه للشهادات القديمة ١٢.٥ هيبقى وضعها ايه وهتزيد فايدتها زى بتاع قناة السويس ولاً. هتفضل زى ماهيه
لا الشهادات القديمة زي ما هي بفائدتها
هم زودو فائدة شهادات قناة السويس علشان هي تابعة لوزارة المالية مباشرة ومش عايزين الناس تسحبها قبل انتهائها
لوسمحت اخر ميعاد لايداع فى شهادة 16%
مستمرة علي الاقل شهرين كمان
معلش بس عايز اعرف اية الورق المطلوب علشان اعمل شهادة طلعت حرب
بطاقة الرقم القومي تكون سارية ومكتوب فيها الوظيفة ، و في البنك من خلال خدمة العملاء بتفتح حساب جديد ثم بتشتري الشهادة
ما الأفضل أنا معي 100000 أحطهم في شهادهالقمه ولاطلعت حرب وما نسبه الفائده
علي حسب انت عايز المبلغ في وقت قريب يبقي شهادة طلعت حرب اللي ب 20 % ومدتها سنة ونصف
اما لو هتقدر تسيب المبلغ في البنك ال 3 سنين يبقي شهادة القمة
محتاااج اعرف الفرق بين ال 2
20% و 16%
ال 20 % مدتها سنة و نصف فقط و العائد بيتم صرفه مقسم كل 3 شهور
ال 16 % مدتها 3 سنين والعائد بيتم صرفه مقسم كل شهر
معايا 60 الف العائد كل ثلاث شهور 3 الف اوك لمدة سنه ونصف طب قابلة للتجديد بعد نهاية سنه ونصف ولا ممكن يصدر تعليمات اخرى
حتي الان الشهادة غير قابلة للتجديد ، هيتم استردادها للحساب ، وعامة هيبقي حسب اسعار الفائدة وقتها لو لسه مرتفعة يبقي هتجدد او يتم عمل شهادة بنسبة مقاربة بحيث تكون بديل ليها
لو سمحت الشهادة ذات العائد 20%اخر ميعاد للشراء
مفيش ميعاد محدد علي الاقل هي مستمرة شهرين او 3 حسب نسبة التضخم و هدوء موجة ارتفاع الاسعار
طيب لو حابب اضيف مبلغ علي ال موجود هل اضيف ولا افتح ودينه جديده
لا بيتم شراء شهادة جديدة
طيب لو 10000 تالف اخد فائده عليهم قد ايه من الشهادة طلعت حرب كل 3 شهور
500 جنيه كل 3 شهور يعني 2000 جنيه في السنة
في نهاية مدة السنة ونص
هل سوف احصل ع المبلغ كامل
وﻻ هيتخصم منه رسوم
فيه مصاريف 120 جنيه في السنة مصاريف الحساب نفسه ، فيما عدا ذلك بتحصل علي الفوائد والمبلغ كامل اه
الافضل شهادة الاسثمار
وﻻ الحساب الجاري
حسب انت محتاج المبلغ الفترة اللي جايه ولا لاه ، لو محتاجة يبقي اعمل حساب توفير بحيث تقدر تسحب منه وقت ما تحب لو مش محتاجه يبقي اعمل بيه شهادة ، وممكن حل وسط تقسم المبلغ بين الاتنين عامة الفائدة علي حساب التوفير حاليا هي 8.25 % في السنة
هل يمكن استرداد جزء من قيمة الشهادة
وﻻ الاسترداد بيكون للشهادة كاملة
لا ، الاسترداد بيكون للشهادة كلها
هل هذة الشهاادات لها مدة معينة للشراء ام مفتوحة
مستمرة علي الاقل الشهرين اللي جيين دول هو حسب ما نسبة التضخم تقل وهي حاليا لسه مرتفعة بسبب تعويم الجنيه
ايه الخطوات لعمل شهادة ام 20 فى الميه وايه مميزانها
لو معندكش حساب في البنك بتتوجه لخدمة العملاء و تعمل حساب وبيتم شراء الشهادة ، بس لازم البطاقة تكون سارية ومكتوب فيها الوظيفة ، وهتلاقي مميزات الشهادة بالتفصيل في الموضوع
ننلو سمحت الفائدة بالنسبى الى 18 شهر بتتحسب سنة لو حدها وست شهور لوحدها ولا السنة تشمل 18 شهر……يعنى لو هعمل شهادة 500000 فى سنة ونص اخد 150000 ولا 100000
ال 20 % في السنة ، و باقي ال 6 شهور هيبقي 10 % يعني المجموع كله 30 % في السنة ونصف
لو مبلغ 500000 يبقي مجموع العائد في السنة ونصف 150000
هو مده الشهادات دى كام ف البنوك
ال 16 % مدتها 3 سنين و ال 20 % سنة ونصف
لماذا القرض افضل علي الشهاده البلاتينيه
قصدي علي اساس ان القرض حتي 90 % من قيمة الشهادة و الفائدة هتبقي اقل عكس الشهادة ال 20 % القرض حتي 75 % من الشهادة و الفائدة علي القرض اكبر
لو سمحت ينفع احول شهادتي القديمه بعائد12 الي الشهاده طلعت حرب مع العلم ان الشهاده القديمه عدي عليها سنه واحده فقط
اه ممكن بس هيتم خصم نسبة من قيمة الشهادة
بالنسبة لمبلغ القرض بيكون 75% من قيمة الشهادة 20% معنى كدة ان انا مستفيد من القرض وفوائده بتتخصم من الشهادة وكمان هاخد أصل مبلغ الشهادة لعد سنة ونصف؟
نسبة فائدة القرض علي الشهادة دي 24 % في السنة ، وزي اي قرض بتسدد قيمته هي حسبة طويلة فلو هتعمل قرض يبقي الافضل علي البلاتينية ال 16 مش ال 20
فائدة القرض كام على الشهادة 20 % ؟ هل هى 4% أم أم 24% ؟
24 %
ولو حبيت افك الشهاده قبل مدتها متخلص هيحصل ايه ؟
بيتم خصم نسبة من العائد اللي تم صرفه ، حسب مدة الشهادة اللي باقيه قد ايه
هل هذه الشهادات لعملاء البنك فقط أم لجميع المصريين
للجميع لو معندكش حساب في البنك بتفتح حساب عادي و بتشتري الشهادة
ايه الفرق بين 20 فى الميه وشهادات 16 فى الميه
الفرق في المدة وميعاد صرف العائد
يعني شهادات ال 16 % مدتها 3 سنين والعائد بيتم صرفه شهريا
ال 20 % مدتها سنة ونصف والعائد بيصرف كل 3 شهور
انت حسب محتاج فلوس الشهادة امتي بعد سنة ونص ولا 3 ، وهل محتاج عائد سريع ولا عائد متوسط علي مدة اطول
هل يوجد قتره معينه للشراء الشهاده طلعت حرب ولا الموضوع مفتوح
حتي الان مفتوح علي الاقل ل 3 شهور ، علي اساس ان الاسعار في ارتفاع ونسبة التضخم عالية مش هتقل الا بعد وقت بالتالي الفائدة دي مستمرة حتي اشعار اخر
لو عندى شهادات قديمة ب 12.5% ومجمده عشان واخد عليهم قرض- هل ممكن احولهم الى الشهادات الجديدة ب 20%مع استمرار تجميدهم حتى ينتهى القرض
لا لو فيه قرض مش هينفع تفك الشهادة لازم سداد القرض الاول
يعنى الى معاة دهب يبيعة ويشترى شهادة طلعت حرب والى الدهب ممكن يزيد فى السعر ياريت حد يفدنى
محدش عارف بالضبط ايه اللي جي لكن عامة زي ما بيقولو الدهب قيمته فيه ، فلو مش محتاج الفلوس دلوقتي يبقي خليه ، مثلا خلال الاسبوع الحالي الجرام زاد 50 جنيه ولسه احتمال يزيد اكتر كل ما الدولار يعلي
عايز اعرف بالنسبه لشهادات بنك قناة السويس سعر الفائده كان ١٢٪ عايز اعرف هل هيزيد لوحده او بمعنى اخر هيعلوهاههو.
اه شهادات قناة السويس الفائدة زادت ل 15.5 % و البنك هيزودها لوحدة مش محتاج تاخد اجراء بالنسبة للشهادات دي
سؤال بعد اذنك .. هل الجنيه هيستمر في الانهيار كده ؟؟؟ يعني لو عندي عمله خليجيه .. استبدل بمصري .. ولا ممكن ينهار اكتر من كده ؟؟؟ وشكرا
للاسف اه هيفضل في النازل لمدة اسبوع او اسبوعين لحد ما يوصل لمستوي السوق السوداء السابق 18 جنيه او اكتر شوية ، بحيث يخلي اللي اشترو الدولار بالغالي يتنازلو عنه و يكون تم الاتفاق علي قرض صندوق النقد فالدنيا تهدي شوية
الدولار والعملات العربية والاجنبية دلوقتي استثمار في حد ذاته فمتحولش للمصري الا في حالة الضرورة او لو هتشتري شقة او دهب او اي استثمار اخر
بعد انتهاء ال 18 شهر.،..ماهو موقف الشهاده؟هل ستتحول مباشرة إلى فائدة ال16
لا لان الشهادة ال 16 % شهرية يعني نوع اخر ، غالبا اما هتنتهي المدة هينزل المبلغ في الحساب ، الا في حالة البنك قرر تستمر الشهادة سواء بزيادة الفائدة او نقصنها
هي الفايدة بتاعة الشهادة دي في السنة ولا على السنة ونص كلهم بمعنى اني لو اشتريت شهادات بقيمة عشرين الف مثلا الفايدة بتاعتهم تبقى قد ايه بعد السنة ونص
ال 20 % بتتحسب في السنة ، يعني بالنسبة لل 6 شهور الباقيين هيبقي نص الفائدة دي يعني 10 %
المجموع كله في السنة ونص يبقي العائد هيكون 30% يعني بالنسبة لل 20 الف ، العائد في نهاية المدة هيكون 6000 جنيه
هوان ممكن استرد فلوس الشهاده بعد3شهور من عمل الشهاده
اه ممكن بس هيتم خصم جزء من العائد اللي صدر خلال ال 3 شهور
شهادة القمة كانت 12.5 هل زادت مثل قناه السويس
لا اللي زاد تلقائيا شهادات قناة السويس فقط ، غير كدا الشهادات القديمة الاخري زي ما هي لازم نستردها ونعمل شهادة جديدة للحصول علي الفائدة الجديدة
لو سمحت هو لازم يكون فى حساب لشراء هذه الشهادات ؟؟ واذا لم يوجد حساب فما هو الحل ؟؟
اه لازم عمل حساب لشراء الشهادة ، وبيتم عمله في نفس اليوم من خلال خدمة العملاء مش بياخد وقت مجرد ملئ البيانات
ممكن زياده مده شهاده من 18 شهر الى 6 سنوات
لا صعب لان الشهادة دي نازلة استثناء بعد تعويم الجنيه وارتفاع الاسعار و لم الدنيا اتحسين شوية هيوقفو شرائها و الاساسي هتبقي البلاتينية الشهرية اللي هي 16 % و مدتها 3 سنين
عندي شهادة التميزهل يمكني تغيرها بشهادة طلعت حرب
لو مر عليها اكتر من 6 شهور اه ممكن استردادها وعمل شهادة جديد بس هيكون فيه خصم حسب مدة الشهادة اللي باقية
الشهاده ممكن باسم اىطفال شهاده طلعت جرب
سوهاج
اه بتروح بالبطاقة بتاعه ولي الامر وشهادة ميلاد الطفل بيتم فتح حساب له وعمل الشهادات ولي الامر بيكون الوصي علي الحساب
انا اصلا عامل شهاده بلاتينيه الفايده هتزيد ولا لازم وغيرها بنفسى من البنك ؟؟
دا اللى انا مش فاهمه
الشهادات القديمة زي ما هي مش بتتغير لوحدها ، لازم تروحي البنك تسترديها وتعمل الشهادة الجديدة
السلام عليكم عندي سؤال هل زياده الارباح علي الودائع يشمل الودائع القديمه ام الجديده فقط
وشكرا
الجديدة فقط
بالنسبه لشهادة قناة السويس هيتغير العائد بتاعها ولا اي
لا شهادات قناة السويس زي ما هي الفائدة عليها ثابتة
يمكن شراء هذة الشهادة حتى شهر كام حيث انى خارج البلاد ام انها سوف يتم إصدرها دئما
مفيش وقت محدد من البنك حتي الان ، فهي مستمرة علي الاقل الشهرين اللي جيين دول
علي الاقل حتي انخفاض نسبة التضخم وهدوء زيادة الاسعار بعد تعويم الجنيه