انتشر خبر علي مواقع التواصل الاجتماعي حول الغاء جمارك السيارات للمصريين العاملين بالخارج ، حيث انتشرت عدة مطالبات من المصريين العاملين خاصة في الخليج والدول العربية بمنحهم اعفاءَ من الجمارك والضرائب ، الا ان مصدرا بالجمارك المصرية نفي صحة هذا الخبر موضحا ان الجمارك مرتبطة باتفاقيات اقتصادية دولية….
وكان عدد كبير من المصريين العاملين في الخارج ، خاصة في السعودية ودول الخليج ، قد طالبو وزارة المالية والرئيس عبدالفتاح السيسي باعفاء المصريين العاملين بالخارج من جمارك السيارات ، حيث يعاني المصريين خاصة في الخليج من ارتفاع سعر السيارات المستوردة من الخليج عند محاولة ادخال السيارة الي مصر ويتم حساب جمارك ورسوم مرتفعة.
الا ان الجمارك المصرية ، نفت خبر اعفاء سيارات المصريين العاملين بالخارج من الجمارك والضرائب ، حيث اوضحت الجمارك المصرية ان قانون الجمارك والاتفاقيات الدولية التي تشارك فيها مصر، تمنع اتخاذ مثل هذا القرار ، وان ما حدث مع السيارات الاوروبية الصنع هو ضمن اتفاقية مصرية اوروبية تقضي بالغاء جمارك السيارات الاوروبية تدريجيا حتي عام 2020 لتصبح بدون جمارك او رسوم.
وعلي الجانب الاخر دشن عدد كبير من المصريين العاملين في الخارج ، حملة توقيعات إلكترونية لمطالبة الرئيس عبدالفتاح السيسي باصدار قرار جمهوري باعفاء سياراة المصريين العاملين بالخارج من الجمارك ، ويمكنكم المشاركة سواء علي الفيسبوك او المواقع الالكترونية في حملة “من حقنا سيارة بدون جمارك أو ضرائب” .
وتعرف من هنا عن تفاصيل اعفاء السيارات الاوروبية من الجمارك لتصبح صفر % عام 2020
في موقع خمس خطوات ، نقدم لكم متابعة جيدة للشأن المصري والعربي والعالمي ، والاخبار السياسية والاقتصادية والبنوك في مصر والوطن العربي اهم النصائح والارشادات ومتابعة جيدة للتطورات الجارية.
الاخوه الافاضل / انتم وانا وغيرنا من المغتربين
كالمؤذن فى مالطا .. قالوها زمان ما فيش فايده الله ينتقم منهم فهم بس هما يتدلعو ويركبو عربيات أخر موديل حسبي الله ونعم الوكيل ….
انا لي 15 سنه في الخليج ونفسي أنزل بسياره لي بس تكون جمارك معقوله مره واحده في العمر مثل أي دوله في العالم
بصراحه يكفي الترخيص السنوي والضرائب داخل بلدنا والغرامات كل دة وانا ماشي علي أرض بلدي صنعو عربيات بمواصفات الخارج بصدق يكفينا لقينا شغل خارج بلدنا
ياعم احنا على استعداد نفيد الدولة واحنا كمان نستفيد يعنى مثلا ندفع رسوم على كل سيارة 3000 دولار انا واحد من الناس بقالى 31 سنه فى الخليج وطوال هذه الفترة لم انقطعن التحويل لاهلى يبقى خسارة فيا انزل بسيارة وادفع رسوم معينة تفرضها الدولة تكون معقولة
لم يجد الشعب المصري من يحنو عليه ؟؟؟؟
ولما الحكومة تتعامل مع المواطن بتتعامل بمنتهى القسوة والجشع ،، ياريت يا حكومة زي ما تفتكري المصري المغترب وقت اشتداد الازمات وتمجدوا في المغترب عشان التحويلات وتصفونا بالأشاوس والأبطال ،، ياريت الأبطال دول اللي كان ليهم فضل كبير من بعد ربنا انهم وقفوا وحلوا أزمات كتيرة بسبب التحويلات من الخارج ،، ياريت تفتكروهم في شيئ مفيد غير التحويلات ،، خصوصا أنهم تركوا حفهم في المياه منذ سنين وتركوا حقهم في الوظائف وتركوا حقهم في العيش تركوا كل ذلك واستفاد به أشخاص غيرهم ،، دلوأتي أحنا متغربين عن مصر في غربة ؟؟ ولما بننزل مصر بنعيش في غربة كبيرة لأننا ملناش حاجة في مصر لا اهتمام حكومي ولا أي شيئ ،، دا الموظف الحكومي لما بيشتغل ويطلع معاش الحكومة بتديله معاش وتراعية وأحنا والله زينا زي الموظف أشتغلنا في الغربة وكنا بنساعد مصر زينا زي الموظف اللي جوه مصر لكن للأسف هو خد حقه لما طلع معاش ، وأحنا لما نكبر في السن وننزل مصر مبنخدش حقنا ولا نلاقي أي اهتمام حكومي وكأنها راحت عليها في مصر وفي الغربة ،
ياريت الرئيس السيسي يفرح المغتربين بقرار لكل مغترب عن بلده مصر الحق بالنزول بسيارته بدون جمارك ولا اي رسوم يعني سيارة ملكه تم شراءها من عدة سنوات مش عارف ينزل ويعيش بها في بلده ومش قادر علي دفع جنيه واحد للجمارك ولوباعها بيخسر كتير نظرة للمصريين بالخارج من فضلكم
هما مابيفتكروناش غير فى زنقة الدولار ويصرخو على التحويلات من العاملين بالخارج والاعلام يعتبرونا ابطال ووطنيين
من حقي سيارة معفيه من الجمارك بعد غربه ١٨ سنة
السلام عليكم سؤال مش اكتر ليه مش من حقنا الدخول بسيارتنا إلا بلادنا انا مش فاهم إلبلد الي مش عارفين نشتغل فيها ولا نعيش فيه ولما نتغرب ونتعب ونبعد عن ولأدنا علشان نعمل الي معرفناش نعملو في بلادنا ولما نوصل لحلمنا اول ناس تحربك بلدك يفرض عليك ضرائب هو احنا لما خرجنا ندور على اكل العيش الي معرفتوش توفرهولنا مبقناش مصرين ولا احنا مش ولادكم هيا السياره دي مش حاجه شخصيه المفروض الف بيها العالم كله دي من حقي انا الي طلع عين أهلي في تمنها كتير علينا نركب سياره علشان اركبها في بلدي مصر لازم أكون حرامي أو مرتشي أو نصاب أو وزير أو أمضي على دفترين وصلات أمانه والآخر اتحبس بيهم أو اموت وانا لسه بسدد بجد شعب مسكين وحكومة ظلما شعبها الظاهر بلدنا مش لينا حرام بجد مفيش كدا في العالم مش عارف الوطن بلا شعب ولا احنا شعب بلا وطن حد يفهمني شكرا يا مصر بجد شكرا
وعليكم السلام ورحمه الله وبركاته ، عندك حق يا استاذ محمود ، المشكلة في عقول الناس سواء الوزراء او اللي تحتيهم متمسكين بقرارات واجراءات عقيمة حتي لو كانت ضد مصلحة الناس والبلد
نأمل فعلا باعطائنا الحق في اعفائنا من جمرك السيارة عند النزول بها من الدولة التي عمل بها المصري وتكون سيارة للمتعاقد خلال فترة غربته خارج بلاده
لكي تصبح هذه السيارة نظير تعويض للمغترب والعمل خارج بلاده وتركه لاهله
حكومه ظالمة
لابد من رفع الجمارك عن السيارات للعاملين بالخارج فبعد عمل 20 عاما بالخارج هل من العدل أن لانستطيع شراء سيارة والنزول بها أين العدل
والله فعلا حرام حكومة ظالمة لا بل حرامية وبتكرهنا فى بلدنا