بعد انتهاء فترة تقديم الاوراق المطلوبة ومقدم شقق الاسكان الاجتماعي 2016 اعلنت وزارة الاسكان خطوات الاستعلام عن المتقدمين في شقق الاسكان الاجتماعي وموعد اعلان تخصيص شقق الاسكان الجديدة ، وما هي المراحل التالية حتي تخصيص شقة الاسكان في المدن الجديدة.
اعداد المتقدمين في شقق الاسكان الاجتماعي 2016
وحسبما اعلنت وزارة الاسكان الاجتماعي ان عدد المتقدمين لشقق الاسكان اعلان مايو – يونيو 2016 بلغ 360 الف مواطن في مقابل 500 الف شقة مطروحة في الاعلان بالمدن الجديدة في 24 محافظة حيث يتم غلق باب الحجز رسميا يوم 23 يونيو 2016 علي ان يتم اعلان اعداد المتقدمين في كل مدينة جديدة واعداد الشقق المتاحة بالتفصيل لاحقا بعد حصر جميع اعداد الحاجزين في الاسكان الاجتماعي 2016..
كيفية الاستعلام عن المتقدمين في شقق الاسكان الاجتماعي 2016
1- تبدأ اولي خطوات فرز المتقدمين لحجز شقق الاسكان الاجتماعي في فرز الأوراق المقدمة حيث يتم استبعاد من لا تنطبق عليه شروط الاسكان الاجتماعي المعلنة ، علي ان تقوم وزارة الإسكان بارسال أسماء المتقدمين وبياناتاهم إلي شركات الاستعلام المتخصصة التي تم التعاقد معها للاستعلام عنهم.
2- تقوم شركات الاستعلام بالتأكد من صحة البيانات التي تقدم بها المواطنين واستبعاد أصحاب البيانات الخاطئة ، حيث يشمل الاستعلام عن بيانات المرتب من جهة العمل وبيانات السكن والتأكد من مطابقة شروط الحد الادني والاقصي للدخل في الاسكان الاجتماعي وايضا عدم امتلاك المتقدم او زوجته شقة تمليك باسمه.
3- إرسال الملفات الخاصة بالمواطنين المقبولين إلي البنوك التي تم الاتفاق معها وفقا لعده مبادرات مع الوزارة.
4- يتم اعلان المقبولين عن طريق رقم التليفون المسجل في استمارة التقديم في الاسكان الاجتماعي و التوجه الي فرع البنك لاستكمال باقي الاجراءات بداية من دفع المقدم وتخصيص الشقة وتحويل المرتب وحتي استلام الشقة وبداية دفع قسط الشقة الشهري.
5- يتم التواصل مع المقبولين في شقق الاسكان الاجتماعي 2016 حيث يتم دفع نسبة 15 % من ثمن الشقة خلال اسبوعين من اعلان المتقدم بتخصيص الشقة له ، اما المتقدمين لـ 400 ألف وحدة سيتم دفع مبلغ 16 ألف جنيه علي 4 دفعات خلال العام كل ثلاثة أشهر 4 آلاف جنيه).دورة ملفك من اول البريد حتى الاستلام
خطوات الاستعلام والدورة المستندية لطلب الاسكان الاجتماعي
1- بعد تقديم المواطنين المستندات المطلوبه وارسالها بريديا الى الجهه المدونه بالاعلان (بنك التعمير والاسكان).
2- يتم فرز الطلبات المقدمة بواسطة لجنة من بنك التعمير والاسكان واعداد ملف به بيانات للعملاء المستوفين وارسال الملف الى الوزارة لتحديد اولوية العملاء اذا كان عدد المستوفين اكبر من عدد الوحدات.
3- يتم تسليم الملفات المستوفاه لصندوق التمويل العقارى لبدء العمل عليها وادخلها على النظام الخاص به ويتم ذلك فى معهد التعبئة والاحصاء.
4- يتم استيفاء المستندات ضوئيا وارسالها الى شركات الاستعلام عبر النظام الالى للصندوق للاستعلام الميدانى عن جهات العمل ومحلات الاقامه الخاصة بالعملاء.
5- يتم مراجعة تقارير الاستعلام الوارده من شركات الاستعلام وارسال المقبول منهم الى جهات التمويل لبدء العمل ودارسة العملاء ائتمانيا.
6- يتم ارسال المقبولين ائتمانيا من جهات التمويل الى الصندوق على النظام الخاص به للتخصيص لهم (تخصيص الاسكان الاجتماعى يكون عن طريق الوزارة).
7- يتم ارسال العملاء التى تم التخصيص لهم الى البنوك لانهاء اجراءات التمويل واستيفاء العقود الثلاثية حيث يتم توقيع العميل كطرف ثانى مستثمر وجهة التمويل كطرف ثالث ممول.
8- يتم ارسال العقود الثلاثية الموقعه من طرفين الى الصندوق على النظام لمراجعة القيم الماليه بها واعداد مذكرات الدعم.
9- يتم صرف شيكات الدعم باسم جهات التمويل ولصالح المواطنين خصما من ثمن الوحده حاليا لحين بدء العمل بالنظام الجديد (باسم صندوق الاسكان الاجتماعى).
10-تقوم جهات التمويل باعداد شيك كامل بثمن الوحدة (مقدم العميل المدفوع طرفهم + التمويل الممنوح + الدعم المقدم من الصندوق) وارسال نسخ العقود وحوالات الحق بالشيكات الخاصه بهم الى جهاز المدينة او المحافظات للتوقيع على العقود كطرف اول بائع مفوضا من المالك .
11-بعد استلام جهات التمويل للعقود والحوالات موقعه من اجهزة المدن او المحافظات تقوم جهات التمويل (البنوك) بالاتصال بالعملاء لاستلام نسخة العقد والحواله الخاصه بهم للتوجهة بها لاجهزة المدن او المحافظات لاستلام وحداتهم .
موعد اعلان نتيجة تخصيص شقق الاسكان الاجتماعي 2016
اما عن موعد اعلان نتيجة شقق الاسكان الاجتماعي 2016 اوضحت مي عبد الحميد رئيس صندوق التمويل العقاري ومشروع الإسكان الاجتماعي، انه من أجل تقليل الوقت المستغرق في الاستعلامات عن المواطنين المتقدمين للحصول علي وحدات سكنية من المشروع، أنه يتم البدء فى تسجيل بيانات المتقدمين لحجز الـ 500 ألف شقة بالتزامن مع تقدم المواطنين للحجز فى مكاتب البريد ، وكان وزير الإسكان قد صرح أن أي مواطن سيتقدم للحصول علي وحدة سكنية في مشروع الإسكان الاجتماعي في هذه المرحلة سيحصل علي وحدة سكنية أيا كانت الأعداد ، حيث من المتوقع ان يتم اعلان نتيجة تخصيص شقق الاسكان الاجتماعي في المدن الجديدة بداية من شهر سبتمبر القادم او حسب الاعداد المتقدمة في كل محافظة.
طرق التواصل مع صندوق التمويل العقاري للاستعلام عن تخصيص شقق الاسكان الاجتماعي 2016
في موقع خمس خطوات ، نقدم لكم متابعة جيدة للشأن المصري والعربي والعالمي ، والاخبار السياسية والاقتصادية والبنوك في مصر والوطن العربي اهم النصائح والارشادات ومتابعة جيدة للتطورات الجارية.
حضرتكم ان مقدم من 2016 وجالي الرد من شهر بعد استكمال كل شي لدي اني مرفوض اولويه بعد 3 سنين في الانتظار
الشقة جات في الدور الاول وعايز اغيرها اعمل اية ادفع الفلوس ولا اعمل اية الرجاء الرد
ممكن من خلال صندوق التمويل العقاري تقديم طلب للتبديل مع احد الحاجزين الاخرين
كم من الوقت تستغرق الاجراءات بعد الاستعلام عن العميل إلى أن يتم تحويلة.للبنك الممول في حالة القبول الرجاء الافاده وشكرا
حسب انت مقدم في اني اعلان ؟ لكن عامة بتكون المدة خلال مدة شهر او اقل
انا مقدم من ٨ سنوات في مجلس مدينه اشمون ثم تم تحويلنا الي بنك الاسكان بالسادات ومعظم زميلي استلمو وانا كل ما استعلم يقولو لي لا توجد بيانات باسمك او رقم بطاقتك ماذا افعل.
عايز اعرف انا عندي بطاقة البنك الاهلي الذهبي مشتريات
و لم استخدمها من فترة طويلة و لكن شغاله و ليس عليا اي اقساط تخصها هل في مشكلة
لا مفيش مشكلة طلما مفيش عليك اقساط غير مدفوعة او مشاكل سابقة مع البنك في الائتمان او القروض
عايز اعرف لو اتكتب في شهادة الدخل مرتب أعلي من مرتبي الحقيقي وعايز اصححه اعمل ايه. علما بأن المحاسب مش كاتب رقم السجل التجاري ولا الضريبي وشكرا
ممكن من خلال الاتصال بخدمة عملاء صندوق التمويل العقاري بحيث هيوضحلك اذا كنت ترسل شهادة الدخل الجديدة علي الايميل او ترسلها بالبريد
كنت عاوز اعرف بناء علي اي اساس يتم اختيار الوحده الخاصه بي .. يعني اقصد … الدور الاول او التاني او التالت … وهكذا ولو الدور معجبنيش هل يحق لي اني اغيره او ادفع مبلغ اعلي واغير وحدتي من الدور الارضي او الاول للدور الثاني او الثالث ارجو الافاده رجااااااااء
توزيع الشقق واماكنها في العمارة بيبقي عشوائي لكن ممكن طلب بتغيير مكانها خصوصا لو فيه كبار السن او حالات مرضية
هل ممكن للمسافر بالخارج ان يقدم علما بانه لايملك اي شقة بمصر
اه ممكن طلما باقي الشروط تنطبق عليه
كنت عاوز اعرف بناء علي اي اساس يتم اختيار الوحده الخاصه بي .. يعني اقصد … الدور الاول او التاني او التالت … وهكذا ولو الدور معجبنيش هل يحق لي اني اغيره4 او ادفع مبلغ اعلي واغير وحدتي من الدور الارضي او الاول للدور الثاني او الثالث ارجو الافاده رجااااااااء
توزيع الشقق واماكنها في العمارة بيبقي عشوائي لكن ممكن طلب بتغيير مكانها خصوصا لو فيه كبار السن او حالات مرضية
لو سمحت انا عندى بطاقه ائتمان واخد منها مبلغ بسيط اسد المبلغ ده امتى عشان متاثرش على استلامى للشقه علما بانى دفعت اول قسط من شقق الاسكان
مفيش مشكلة الا لو باقلك مدة مش بتسدد والبنك وقف البطاقة
ازي اقدم مش عارفه
بيتم شراء كراسة الشروط من اي مكتب بريد وملئ الاستمارة وارفاقها بالاوراق في ظرف ثم التوجه لمكتب البريد مرة تانية لدفع المقدم وارسال الاوراق
الدخل فى الكراسه الحمراء 1500 ينطبق عليه الشروط ام لا ينطبق
اه ينطبق
هل العاملين بالخارج من حق الزوجة العاملة بمصر التفدم ام لا
اه طلما الشروط متوافرة ممكن تقدم عادي
انا ورقي كان ناقص شهادات الميلاد ايه المطلوب
ممكن تتواصل مع صندوق التمويل العقاري بحيث ترسلها في ايميل علي النت
او من هنا هتلاقي طريقة ارسال الاوراق الناقصة بالبريد علي بنك الاسكان
انا واخد قرض ومنتظم فى السداد هل فى شرط انى اكون مش واخد قرض؟ يعنى مشكلة لمجرد انى واخد قرض ولا مدام منتظم فى السداد يبقى مفيش مشكلة ؟
البنك هيطلب منك سداد القرض قبل اتمام باقي الاجراءات خصوصا لو كان ضمان القرض دا المرتب ، لان البنك بيطلب تحويل المرتب له من ضمن اجراءات تخصيص الشقة
مقدم الكراسه الزرقاء استعلمت وعدم الموافقه علشان الدخل ممكن اقدم ورق يفيد بدخل اكبر
اه ممكن تتواصل مع صندوق التمويل العقاري زي ما وضحنا او بداية من شهر ديسمبر ممكن تبعت الورق اللي ناقص او لو فيه تغير بيانات لبنك التعمير هتلاقي هنا التفاصيل والطريقة بالضبط
انا مقدم فى الكراسة الزرقاء والحمد لله اتقبلت وجالى رقم فورى بس عايز اعرف هدفع كام
القسط 4 الاف جنيه كل 3 شهور
انا دلوقتي دفعت 4000 عايز اعرف الشقه بتاعتي هستلمها فين
لو انت الكراسة الزرقاء لسه البنك هيحدد ان شاء الله منتصف السنة اللي جايه ، اما لو انت من المحولين ومش ظاهرلك المدينة ايه في الموقع ممكن تتصل بخدمة العملاء
ممكن اعرف الخطوات القادمة بعد البداء في دفع/4000
حتي استلام الشقة
ان شاء الله
البنك هيبدا الاستعلام الائتماني عن المقبولين اللي هو الاستعلام عن الحسابات وهل فيه قروض او مشاكل ائتمانية سابقة ام لا
بعد كدا خلال منتصف 2017 هتبدا البنوك تتواصل مع الناس لاتمام خطوات التقاعد و دفع باقي المقدم وتسليم الشقق
بالنسبه للاستعلام في البنوك و الحد الائتماني بيتحسب ازاي عندي فيزا مشتريات و منتظم في السداد بيكون الحساب على اساس المبلغ المستخدم و لا على مبلغ السداد الشهري للفيزا.برجاء شرح الموضوع ده عشان عامل لخبطه جامده جدا.
شكرا
الاستعلام بيبقي عن القروض او فيه مشاكل او عدم سداد للفيزا ، لكن طلما منتظم في السداد سواء كانت فيزا مشتريات او كريدت كارد او غيره مفيش مشكلة
هو تسليم الشقق هيكون على اقصى تقدير امتى ؟ لاصحاب الكراسه الزرقاء 4000الف كل 3 اشهر
الكراسة الزرقاء تسليم الشقق هيبدا من شهر يوليو 2017
لو سمحت عايزه اعرف الاعزب هل من حقه استلام الشقه اذا نزل اسمه ولا لازم يكتب كتابه عشان يستلمها.. وهل اذا كتب كتابه علي شخص مش من نفس البلد فيه مشكله ولا النظام هيبقي ايه
لا عادي بيستلم الشقة مش شرط يكون متزوج طلما مستحق والشروط منطبقة بيستلمها
مفيش مشكلة بعد الزواج واثباته رسميا بيتم تحديث البيانات في البنك
انا جاللى التخصيص مدينة بدر
فى طريقة او سماحية انقل مدينة اكتوبر
اه هو كان فيه قرار صدر من مجلس الوزراء باتاحة التحويل للمدن والمحافظات المجاورة بس مش عارف تم تفعيله ولا لسه ، عموما جرب من خلال صندوق التمويل العقاري
لوسمحتم انا جاتلي رساله برقمي الي انا اروح ادفع 4000 آلاف خلال منافذ شركة فوري يبقي كده انا اسمي اتقبل في مشروع الاسكان الإجتماعي
اه يبقي مطابق للشروط وهيتم تخصيص الشقة لك
ل وسمحت الدراسه الزرقاء بالدقهلية تظهر امته
لسه مفيش يوم محدد لكن هانت ان شاء الله خلال الاسبوع دا وقبل بداية نوفمبر علشان دا موعد بداية دفع قسط ال 4000 جنيه
انا مقدم في الكراسة الزرقاء و الى الان لم ياتي اي افادة وقمت بالبحث على موقع صندوق التمويل العقاري بالرقم القومي افاد ان الرقم غير مسجل . كيف اعرف موقفي من التخصيص او اي افادة عن وضعي جزاكم الله خيراً
نتيجة الكراسة الزرقاء لسه مظهرتش اخر تصريح من الصندوق قالو خلال ايام وقبل بداية شهر نوفمبر علشان دفع اول قسط من المقدم ، ان شاء الله خير
لو سمحت انا جه جنب اسمى الاوارق غير مستوفاه
معنى كده انه اترفض
اه معناه ان فيه شروط مش منطبقة عليكي ممكن تتصلي بصندوق التمويل العقاري وتعرفي السبب بالضبط ممكن يكون بسيط وتقدمي ورق تاني حسب ما يطلبوا ان شاء الله خير
وممكن الشغل ال اتخصصله شقه يسيب شغله بعد كدا لاى سبب من الاسباب او ينتقل لشغل تانى هيكون ازى تحويل المرتب
وانا اعرف ناس هما ال بيروحوا يسددوا مش محولين مرتب ولا حاجه
بيتم الرجوع للبنك في حلة تغير الشغل او غيره
فعلا بنك مصر مثلا بيطلب عمل وديعة بدل تحويل المرتب ، بس الاساسي لمعظم البنوك المشاركة في الاسكان الاجتماعي هي تحويل المرتب
عوز اسحب الفلوس ازاي وامتي
كنت مقدم في مشروع تاني
ونزل اسمي فيه
برجاء الرد
من خلال فروع بنك التعمير والاسكان ، بس لسه البنك محددش ميعاد لسحب المقدم
لو سمحت انا اسمى جه جنبه المراحل التاليه دا معناه اى اترفض كدا ملفى ولا اى
معناه ان لو عدد الشقق المتاح حاليا مش هيكفي عدد المتقدمين هتيم اتاحة فرصة لك في المرحلة التالية
لو انا اخد قرض شخصى ده ممكن يمنعنى من الحصول على شقة مع العلم انى اسمى من الفايزين بالشقة
لو القرض بضمان المرتب البنك هيطلب منك سداد القرض اولا ، لان من ضمن اجراءت تخصيص الشقة تحويل المرتب علي البنك
بعد وصول الملف الخاصة بى الى البنك معنى كدة انى خلاص كدة انا بقى شقة ولا لس فى استعلامات اخر من البنك عن المتقدمه
بنسبة 90 % كدا خلاص ان شاء الله هيتم تخصيص الشقة لك
اللي بيحصل هو استعلام من البنك عن الحالة الائتمانية يعني هل في تعثر في تسديد قروض او مشاكل بنكية سابقة ، وبعد كدا بيتم استكمال الاجراءات من التعاقد ودفع المقدم و تحويل المرتب علي البنك
طيب انا مش فكرة قدمت ف الكراسي الحمراء ولا الزرقاء .ودورت ف أسماء المستوفين وغير المستوفين مالاقيتش اسمي اعرف منين انا فين
طب ممكن تقولي كنتي مقدمة في مدينة ايه ؟؟ واحنا نقولك اني كراسة
او ممكن زي ما وضحنا استعلمي من موقع صندوق التمويل العقاري او ارقام التليفونات
لو سمحت انا شفت اسمى مستوفى وجالى رسالة على الموبيل تم تحويل الملف الى بنك الاسكان والتعمير ماذا بعد ذالك
البنك هيتواصل معاك و ممكن تتوجه مباشرة لفرع بنك التعمير والاسكان لاستكمال باقي اجراءات تخصيص الشقة
دلوقتي حضرتك انا اسمي نزل في كشوف المقبولين الكراسه الحمراء ومكتوب قصاد الاسم *سحب مقدم الحجز * دي معتاها ايه ؟؟؟؟ كمان اتا مرتبي 1100 المفروض انا هادفع كام بقي بعد ال 9 الاف اللي دفعتهم الاول والقسط بعد كده هايكون كام ؟؟؟؟
دا الاختيار اللي كان في الاستمارة لو عدد الشقق اكبر من عدد المتقدمين ما بين “سحب مقدم الحجز” و “المراحل التالية” ، لسه ترتيب الاولوية و الاماكن المتوافرة هيتم اعلانه عامة ممكن من خلال صندوق التمويل العقاري تعدل الرغبة دي وتنتظر للمرحلة التالية
طيب لو سمحت طريقة السداد ازاى؟ فمثلا انا مرتبى 1600 مفروض يبقى القسط كام وادفع كام كمقدم؟
بيتم تحويل المرتب علي البنك اللي اجراءات الشقة هتكون من خلاله ، وكل شهر بيتم خصم القسط من المرتب و بتصرف الباقي ، نسبة القسط الشهري من المرتب في حدود 35 %
المقدم بيكون 15 % من سعر الشقة والبنك هو اللي بيحدد عادة بيكون ما بين 25 ل 35 الف ، مع العلم انك لو كراسة زرقاء بداية من شهر نوفمبر اللي جي هيتم دفع المبلغ دا علي اقساط ربع سنوية كل مرة 4 الاف جنيه لحين استلام الشقة
لو سمحتم الاسماء فين وازاى وبلاش موضوع التليفون لان فضلت 8 دقائق على التليفون وجميع الخطوط مشغولة
تم تحديث الموضوع هنا هتلاقي لينكات فيلات pdf لاسماء المقبولين في شقق الاسكان الاجتماعي 2016 الكراسة الحمراء
لو سمحت انا قدمت فى الاعلان الثامن بتاع وزارة الاسكان الكراسة الزرقاء ولسه مش عارفة قبلونى ولا لاء
وانا عاوزة اعرف هو ايه الفرق بين لما يقولو مستوفى الشروط ده معناه انه مقبول وليه شقة ولا ايه
بالنسبة للكراسة الزرقاء الاسماء ان شاء الله خلال الاسبوع اللي جي
اه مستوفي الشروط يعني هيتم تخصيص شقة له ، الاجراء التالي انهم بيحولوا المتقدم للبنك اللي الاجراءات هتكون من خلاله
عندى شقه تمليك باسمى حجرتين فقط يعنى لا يجوز لى حجز شقه.وشقق دار مصر غاليه قوى علينا فى نظام المقدم والاقساط.مفيش حاجه وسط تكون اعلى من الاسكان الاجتماعى واقل من دار مصر تعملها الوزاره لمتوسطى المرتبات.
بعد اذنكوا عايز اعرف هو في سحب استمارات لشقق دلوقتي ؟ ولو في اماكن الشقق هتبقي فين ؟ ارجو الرد ..
فيه شقق الايجار و فيه شقق تبع النقابات هتلاقي هنا بالتفصيل اكتر طريقة التقديم في شقق الايجار اكتوبر 2016
لو سمحتو انا قدمت على الشقة وعملو الاستعلام خلاص بس مش عارف اتابع مع مين علشان اعرف الرد والقبول او الرفض امته
ان شاء الله الاسماء كاملة هتنزل علي موقع صندوق التمويل العقاري في شهر اكتوبر ، وممكن تستعلم عن موقفك دلوقتي من خلال ارقام التليفونات
السلام عليكم
كنت مقدم علي شقة في الاعلان الخامس سئلت بالجهاز قالو لك شقة بس استعلم من صندوق التمويل العقاري كل اما اتصل عليهم قولو جاري تحديث البيانات ومش عارف اعمل اية
وعليكم السلام ورحمه الله وبركاته
ان شاء الله النتيجة النهائية والاسماء خلال اسبوعين و قبل نهاية شهر اكتوبر
اما موقع صندوق التمويل العقاري لسه عطلان
يا استاذ بالله عليك انا مافيش رابط مباشر يفتح معايا عشان احط رقم البون عشان اعرف اني فزت بالقرعة ولا لا
كل رابط يبعتني للتاني وماحدش اتصل علي تليفوني
حاليا مفيش غير ارقام التليفونات اما موقع صندوق التمويل العقاري مش شغال دلوقتي
ينفع بنت تقدم عندي 22 سنه وعندي وظيفه والدي متوفي وامي بالمعاش لايتجاوز 1300 ارجو الرد شكرا
اه ممكن تقدمي باسمك عادي طلما الشروط متوافرة وفيه وظيفة
أنا لسة طالب هل ينفع أقدم لو سمحت أفدني ولو في تقديم تاني علي شقق هيبقي امته مع العلم أني من سكان القاهرة
لازم السن يكون 21 و فيه وظيفة او مصدر دخل شهري علشان تقدم ممكن لو احد الوالدين الشروط تنطبق عليه يقدم باسمه ، بالنسبة للتقديم في القاهرة فيه حاليا شقق الاسكان تبع النقابات و فيه ان شاء الله في شهر ديسمبر او بداية السنة هيبقي فيه اعلان تاني بشكل عام
لو اترفضت علشان بياناتي ناقصه وكملتها تاني وبعتها ممكن تستعلموا تاني ويمكن اخد شقه
اه طلما البيانات نفسها مش غلط او مفهاش مشكلة بيتم استكمال الاوراق
الو واحد كان متعسر في الدفع من احد البنوك ودخل قوائم سلبيه وتم سداد مستحقات البنك هل هذا له تسيرا اود الرد الإلكترونية
علي حسب الحالة وقت الاستعلام لو لسه مسجل في القوائم السلبية هيبق صعب لكن ممكن تقدم اعادة فحص طلما تم السداد
انشاء الله يكون لنا نصيب
يارب يكون ليا نصيب فيها علشان ربنا اعلم اني محتاجها اج ايه يارب ميكنشي فيها رشاوي يارب احفظ مصر
نسبة 15%هتبقا كام تقريبا
المتوسط بيكون 35 الف جنيه ، عامة البنك هو اللي بيحدد حسب المرتب وسن المتقدم
حوالى 20 الف
هل الذى اخذ قرض من بنك يستحق الشقة
لو تم سداد القرض مفيش مشكلة ، لو القرض لسه مستمر اقساطه ، البنك هيطلب منك تسديد القرض اولا قبل تخصيص الشقة
هل يجوز التقديم للزوجات
اه ممكن التقديم باسم الزوجة بس لازم هيتم ذكر بيانات الزوج ومرتبه
المشكلة فى دفع 15 % هندفعها منين يا ناس لازم الحكومة تسهل شوية ما حدش راضى يسلفنى اعمل اية فدونى ارجزكم انا فى امس الحاجة للشقة
انا كراسة زرقا دخلى الشهرى 2500
لسه ماجالناش استعلام وكل ماابعت رقمي القومى يقولي غير مسجل على النظام وخلصت الاربع اقساط
امتى الاستعلام؟و
وكام المقدم دخلى 2500 وعمري 40