تطرح وزارة الاسكان كراسة شروط شقق الاسكان الاجتماعي 2018 الاعلان العاشر في مكاتب البريد ، حيث نوضح لكم خطوات التقديم وحجز شقق الاسكان الاجتماعي والاوراق المطلوبة ، حيث يبدأ التقديم في شهر أكتوبر 2018 ، كما نستعرض معكم اماكن دفع مقدم شقق الاسكان الاجتماعي وطريقة السداد.
سعر كراسة شروط الاسكان الاجتماعي 2018 و استمارة التقديم و اماكن شرائها في المحافظات
يبدأ طرح كراسة شروط شقق الاسكان الاجتماعي ابريل 2018 للتقديم في الـ500 ألف وحدة سكنية بالإسكان الاجتماعى في المدن الجديدة في عدد من المحافظات ، حيث سيكون سعر شراء كراسة شروط شقق الاسكان الاجتماعي 2018 ب 100 جنيه ويتم شراء كراسات الشروط من مكاتب البريد ، علي ان يكون مرفق بها استمارة التقديم في شقق الاسكان الاجتماعي موضحة الاوراق المطلوبة للتقديم في وحدات الاسكان الاجتماعي بالتفصيل.
مواصفات شقة الاسكان الاجتماعي بالتفصيل
اما عن مواصفات شقة الاسكان الاجتماعي 2018 فهي ستكون عبارة عن شقة 90 متر مربع مكونة من 3 غرف وصالة ، متشطبة شاملة المرافقة ، سعر الشقة الاجمالي هو 220 الف جنيه و 230 الف جنيه في بعض المدن ، فترات تقسيط ممتدة تصل إلى 20 عاما، هذا بخلاف الدعم النقدي الذي لا يرد، الذي توفره الدولة للمستفيدين، والذى يصل إلى 25 ألف جنيه.
خطوات التقديم في الاسكان الاجتماعي لحجز الشقق الجديدة مايو 2018
ويبدأ التقديم في الاسكان الاجتماعي 2018 خلال شهر اكتوبر 2018 عبر مكاتب البريد بداية من شراء كراسة الشروط والاطلاع علي كافة الشروط والاوراق المطلوبة من المتقدم لحجز شقق الاسكان الاجتماعي نستعرض معكم خطوات حجز شقق الاسكان الاجتماعي والتقديم.
– الخطوة الاولي يتم ملء نموذج التقديم في الاسكان الاجتماعي المرفق والإقرار بخط واضح بكراسة الشروط التي يتم الحصول عليها من مكاتب البريد في جميع المحافظات ثم نقوم بدفع مقدم شقة الاسكان الاجتماعي عبر مكاتب البريد قبل ارسال الاوراق المطلوبة كالتالي.
مقدم شقة الاسكان الاجتماعي 2018
وعن قيمة مقدم شقة الاسكان الاجتماعي حسب اخر تحديث من مى عبدالحميد، رئيس صندوق التمويل العقارى، حيث اوضحت ان أسلوب سداد ثمن الوحدات السكنية بمشروع الإسكانالاجتماعى، سيكون كالتالي اولا يتم سداد مقدم الحجز وقيمته 15 ألف جنيه، ويرد فى حالة عدم التخصيص.
وسداد مبلغ 125 جنيهاً مصاريف استعلام لا ترد، ويتم سداد المبلغين في اي مكتب بريد مميكن بكافة محافظات الجمهورية لحساب بنك التعمير والإسكان، وذلك على الحساب الذهبى رقم (0135013000234818) مع الاحتفاظ باصل ايصال ارسال المقدم ومبلغ الاستعلام حيث سيتم ارسالهم مع الاوراق المطلوبة في الخطوة التالية.
ارسال الاوراق المطلوبة في الاسكان الاجتماعي لفرع بنك التعمير والاسكان
اما عن الخطوة الثالثة في لحجز شقة الاسكان الاجتماعي يتم ارسال استمارة التقديم ، مع الاوراق والمستندات المطلوبة في الاسكان الاجتماعي 2018 ، بجانب أصل إيصال السداد ، وذلك في صورة ملف PDF يتم ارساله علي موقع صندوق التمويل العقاري بعد عمل حساب برقم القومي.
ويمكنكم هنــــــــــــــا :- معرفة خطوات التسجيل في موقع صندوق التمويل العقاري وارسال الاوراق المطوب
ما هي الاوراق المطلوبة للتقديم في شقق الاسكان الاجتماعي 2018
المستندات المطلوب ارسالها للتقديم في الاسكان الاجتماعي 2018 كما هو موضح في كراسة شروط شقق الاسكان الاجتماعي هي كالتالي
– صورة بطاقة الرقم القومى للمتقدم وزوجته، على أن تكون البطاقة سارية.
– بيان بالدخل الشهرى “مفردات المرتب “، وبالنسبة للعاملين بالجهات الحكومية وقطاع الأعمال عليهم تقديم شهادة معتمدة من جهة العمل تتضمن جميع البيانات الأساسية بصافى الدخل الشهرى، على أن تقدم جميع شهادات الدخل للزوج والزوجة فى حالة عمل الطرفين.
– أما بالنسبة للعاملين بالشركات وجهات القطاع الخاص عليهم تقديم شهادة معتمدة من جهة العمل تتضمن جميع البيانات الأساسية بصافى الدخل الشهرى، وموضح بها الرقم التأمينى.
– بالنسبة لأصحاب المهن والأعمال الحرة والأنشطة التجارية والحرفية عليهم تقديم شهادة من محاسب قانونى معتمد تبين صافى الدخل الشهرى، وصورة من السجل التجارى أو البطاقة الضريبية لأصحاب المهن والأنشطة.
-شهادة التأمينات الاجتماعية موضح بها المهنة والأجر التأمينى، أو صورة من البطاقة النقابية أو اشتراك النقابة.
– صور الشهادات الرسمية المثبتة للحالة الاجتماعية للمتزوج او المطلقة\ المطلقة ، الارمل \ الارملة ، وعدد أفراد الأسرة حيث يمكن تقديم ( صورة من وثيقة الزواج أو الطلاق أو الوفاة وشهادات ميلاد الأبناء رقم قومى مميكنة).
– إيصال مرافق ( كهرباء – مياة – غاز – تليفون ) حديث لمحل السكن الحالى حتي واذا لم يكن باسم المتقدم.
– بالنسبة لذوى الإعاقة والاحتياجات الخاصة، سيتم التخصيص طبقاً لعدد الوحدات المتاحة، وسيتم مراعاة تخصيص 5 % من الوحدات لذوى الإعاقة والاحتياجات الخاصة بشرط انطباق الشروط عليهم وتقديم المستند الدال على درجة الإعاقة من المجالس الطبية المتخصصة.
سعر شقة الاسكان الاجتماعي 2018 تفاصيل المقدم عن استلام الشقة و القسط الشهري المطلوب دفعه
سعر الوحدة كاملة التشطيب في شقق الاسكان الاجتماعي 220 ألف جنيه ، في حالة فوز المتقدم بالشقة ، يتم سداد باقى مقدم ثمن الوحدة ويبدأ من 15 % من قيمتها خلال أسبوعين على الأكثر من تاريخ إخطار المتقدم بتخصيص وحدة له، مع العلم ان مقدم شقة الاسكان الاجتماعي قد يزيد حسب مرتب المتقدم وسنه ، وفى حالة عدم قيام المستحقين بالسداد فى المدة المحددة من الإخطار يعتبر ذلك عدولاً عن حجز الوحدة ويتم إلغاء الحجز.
كما يمكن تقسيط مقدم الشقق التى سيتم الانتهاء منها في عام 2019 – 2020، حيث يتم سداد مقدم الحجز للوحدات على أقساط ربع سنوية وتستكمل قيمة المقدم خلال أسبوعين من تاريخ الإخطار بالتخصيص.
حساب قسط شقة الاسكان الاجتماعي 2018 ونسبة الفائدة السنوية
انا بالنسبة لقيمة القسط الشهري في الاسكان الاجتماعي حسب اخر تحديث 2018 ، فان اقل قيمة للقسط الشهرى تبدأ بـ350 جنيها كحد أدنى، بزيادة سنوية 7 % لمدة تصل إلى 20 عاماً كحد أقصى، ويتم حساب قسط شقة الاسكان الاجتماعي حسب تكلفة الوحدة ودخل المواطن او دخل الاسرة ، كما يتم سداد 5% من قيمة الوحدة وديعة صيانة يتم سدادها نقداً عند التعاقد أو تقسيطها ضمن التمويل الممنوح للعميل، مشيرة إلى أن صندوق التمويل العقارى يقدم دعماً نقدياً للمستفيد يصل إلى 25 ألف جنيه مصرى طبقاً للدخل، ويقدم البنك المركزى المصرى من خلال البنوك المشاركة تمويلاً للوحدة بأسعار عائد مخفضة تحسب على أساس متناقص تتراوح من 5% إلى 7% طبقاً لمستوى الدخل، ولا يتم تغييرها طوال فترة التمويل.
اجراءات الاستعلام عن المتقدمين في شقق الاسكان الاجتماعي 2018
وحول الضوابط العامة الخاصة بحجز وحدات الإسكان الاجتماعى، قال المهندس صلاح حسن، نائب المدير التنفيذى لصندوق تمويل الإسكان الاجتماعى: يلتزم المتقدم بمراجعة وزارة الإسكان وجهات التمويل وصندوق التمويل العقارى فى خلال سنة من تاريخ الحجز للتأكد من التخصيص من عدمه، وفى حال عدم المراجعة فى هذه الفترة يعتبر ذلك عدولاً منه عن الحجز، ويتم إلغاؤه ولا يحق له الرجوع على الوزارة أو أى من قطاعاتها بأى التزامات، ويعتبر الإعلان وكراسة الشروط وقانون الإسكان الاجتماعى وقانون التمويل العقارى ولائحته التنفيذية وقانون البناء الموحد وشروط الحجز المعتمدة من مجلس الوزراء جزء لا يتجزأ من شروط الحصول على وحدة سكنية بالمشروع، موضحاً أنه سيتم الاستعلام الميدانى على المستحقين طبقاً لأولوياتهم، مع ضرورة تأكد العميل من شخصية مندوب الاستعلام، وعدم سداد أية مبالغ له تحت أى مسمى، مؤكداً أنه لن يلتفت الى أية مستندات ترد غير مستوفاة أو عن غير طريق البريد، أو بعد موعد التقديم.
اقرارات التقديم في الاسكان الاجتماعي حسب اخر تحديث شهر أكتوبر 2018
وأضاف المهندس صلاح حسن أن كراسة الشروط بها إقرار يتضمن بعض البنود التى يوافق عليها المتقدم ويلتزم بها، وهذه البنود هى: الاطلاع والالتزام بالشروط الأساسية للتمويل العقاري وفقا لأحكام القانون رقم 148 لسنة 2001 ولائحته التنفيذية وتعديلاته، وبأحكام قانون الإسكان الإجتماعى رقم 33 لسنة 2014، وكذا الإقرار بأن جميع المستندات المرفقة بالطلب المقدم من العميل صحيحة وتحت مسئوليته وكذا جميع البيانات المحررة بالطلب مدونة بمعرفته وصحيحة وتحت مسئوليته، وفي حالة المخالفة يكون مسئولاً جنائياً ومدنياً ويعاقب طبقاً لأحكام المادة رقم 215 وغيرها من مواد قانون العقوبات، ويحق للجهة المالكة للوحدات إلغاء التخصيص واسترداد الوحدة دون إنذار أو حكم قضائي واتخاذ كافة الإجراءات القانونية اللازمة لحفظ حقوقها، وتتضمن أيضاً الإقرار بأنه لم يسبق له الحصول على أى دعم من صندوق ضمان ودعم نشاط التمويل العقارى أو أى دعم إسكانى حكومى آخر، كما أن المتقدم لم يتمتع هو أو زوجه / أو زوجته أو أولاده القصر من قبل بالحصول على أى قرض تعاونى إسكانى من أى جهة كانت. كما لم يتم تخصيص أى وحدة سكنية لأى منهم سواء من أى جهة حكومية أو تعاونية أو خلافه ولا يمتلك / يمتلكون أى وحدة سكنية.
ويتضمن الإقرار أيضاً أن جميع البيانات الخاصة بالدخل المدونة بالطلب هى صافى الدخل السنوى/الشهري الخاص به من جميع مصادر الدخل سواء أساسى أو إضافى، ويقر بأنه لا يمتلك أى أملاك تدر عليه دخلا إضافيا مثل الأملاك الزراعية أو العقارات أو الأراضى أو خلافه، كما يقر بأنه لا يمتلك أى محلات تجارية ولا يعمل بأى مهن تجارية أو غير تجارية أو أية أعمال حرة أو خلافه، وليس له أى مصادر أخرى تدر عليه دخلا إضافيا بخلاف الموضح بالطلب المقدم منه، وأنه لا يمتلك أى سندات أو أسهم أو ودائع أو أى أوعية إدخارية بأى من فروع البنوك العاملة فى جمهورية مصر العربية أو حسابات التوفير أو أى أوراق مالية تدر عليه دخلا إضافيا لم يذكرها بطلبه.
ويتضمن الإقرار كذلك تفويض المتقدم لصندوق ضمان ودعم نشاط التمويل العقارى بالإطلاع بنفسه أو بواسطة جهة التمويل على جميع الودائع والأرصدة النقدية الخاصة بالعميل والمودعة لدى البنوك، وتفويضه فى الإطلاع على جميع حسابات العميل بجميع البنوك العاملة فى مصر وعلى أية بيانات أو معلومات تخص أرصدته، ويقر بأن عنوان المراسلات الموضح بهذا الطلب هو محله المختار، وأية مراسلات أو إعلانات ترسل له على هذا العنوان تعتبر صحيحة ومنتجة لجميع آثارها القانونية، وأنه يوافق على قيام الصندوق بالاستعلام بنفسه أو بواسطة جهة استعلام متخصصة عن صحة كافة البيانات والمستندات المقدمة منه للصندوق، ويوافق على قيام الصندوق بتحويل مبلغ الدعم لجهة التمويل، كما يقر بأنه على علم ودراية بأن تخصيص أماكن الوحدات السكنية بالصندوق يتم إلكترونياً عن طريق الحاسب الآلى، ويتعهد بقبول آلية التخصيص ونتيجته، وأنه لا يحق له الاعتراض على الوحدة المخصصة.
ماذا يحدث عند الاخلال باقرار الاسكان الاجتماعي
وقال المهندس صلاح حسن: يتضمن الإقرار أيضا أنه فى حالة إخلاله بأى مما سبق أو استعمال الوحدة السكنية المخصصة له فى غير غرض السكنى، أو فى حالة ثبوت وجود مصدر من مصادر الدخل لم يذكرها عند تقديم طلب الحصول على دعم الصندوق، أو في حالة عدم الإبلاغ عن أى تغييرات إيجابية تطرأ على دخله خلال أسبوع من حدوث تلك التغييرات قبل الحصول على قيمة الدعم، أو في حالة عدم صحة البيانات المقدمة منه والتى ترتب عليها حصوله على دعم غير مستحق، يقر بالتزامه برد قيمة الدعم وتكلفته والتعويضات المناسبة، وتحمل المسئولية الجنائية والمدنية المترتبة على الإخلال بأى مما سبق ذكره، وللصندوق الحق فى اتخاذ الإجراءات القانونية التى يراها مناسبة لضمان حقوقه بما فيها حق كل من الصندوق أو جهة التمويل في إسترداد الوحدة المدعومة، حتى ولو كان قد تم تسليمها له.
اجراءات بيع شقة الاسكان الاجتماعي
حسب اقرار التقديم في الاسكان الاجتماعي فان المتقدم يقر بالتزامه بالإنتفاع بالوحدة السكنية التى سيتم تخصيصها له وأن يقوم بشغلها على نحو منتظم ودائم خلال سبع سنوات من تاريخ إستلامه لها، وفى حالة مخالفته لذلك فإنه يكون مسئولاً عن رد الوحدة السكنية والدعم السابق منحه له.
كما أنه ملتزم بإخطار الصندوق خلال سبع سنوات من تاريخ حصوله على الدعم فى حالة قيامه بأى تصرفات فى الوحدة المدعومة من الصندوق سواء بالبيع أو الهبة أو غير ذلك من التصرفات، أو ترتيب أى حق عينى على الوحدة أو تأجيرها أو تمكين الغير من الإنفراد بشغلها، أو فى حالة رغبته فى السداد المعجل بباقى الأقساط.
بمعني انه لا يمكن بيع شقة الاسكان الاجتماعي قبل 7 سنوات وعند بيع شقة الاسكان الاجتماعي سيتم ذلك عن طريق صندوق التمويل العقاري وبالسعر الاستثماري للشقة.
ويمكنكم من هنــــا الاطلاع علي
اماكن شقق الاسكان الاجتماعي 2018 في المحافظات حسب اخر تحديث
موقع خمس خطوات يقدم معلومات بسيطة فى شرح سهل من خمسة خطوات للأحداث الجارية وكافة مناحي الحياة المتنوعة لإثراء محتوي اللغة العربية على الإنترنت وتقدم العديد من مقالات الصحة والحياة وشغل المنزل والوصفات الطبيعية.
لنا واخذ شقة ايجار لو فيه عداد بأسمى لايحق لى
لو ايجار مفيش مشكلة عادي
هو الشرط ان ميكونش فيه شقة تمليك باسمك او اسم الزوجة
هو التقديم بدأ في 2017 ولا لسه وهل كراسات الشروط متاحة ولا لسه ارجو الرد
اللي موجود حاليا شقق الاسكان غير المدعومة للناس اللي مرتبها اعلي من 3500 جنيه التقديم مستمر لحد اخر يناير
اما شقق الاسكان الاجتماعي العادية لسه مفيش اعلانات جديدة ان شاء الله في شهر فبراير او مارس 2017
لو سمحتم ممكن اعرف الحد الادني لصافي دخل المحامين كام؟
هو الحد الادني لجميع المتقدمين بيكون 1000 جنيه
بعد اذنك عايز اعرف في شقق هتفتح تاني ولا ايه ياريت ترد عليا
اعلان الاسكان الاجتماعي اللي جي هيبقي في بداية سنة 2017 يعني يناير او فبراير ، اما الاعلان اللي جي مباشرة هيكون في ديسمبر بس هيبقي مخصص للناس اللي مرتبتها اعلي من 2500 جنيه
هو لسه في فرصة للحصول علي كراسة الشروط ولا خلص ميعاد التقدم للشقق الجديدة وشكرا
حاليا اللي معلن عنه اما شقق الايجار او شقق تبع النقابات المهنية ، لكن مفيش اعلان من وزارة الاسكان مباشرة دلوقتي ، ان شاء الله هيبقي مع بداية السنة الجديدة
السلام عليكم ورحمة الله وبركاته . ممكن أقدم دلوقتي ولا خالص
وعليكم السلام ورحمه الله وبركاته
مفيش تقديم حاليا ، لكن ان شاء الله متوقع فتح باب التقديم مرة اخري في شهر اغسطس
طيب هو ممكن اسحب استمارة من بنك الاسكان والتعمير ولا متاح بس ف مكاتب البريد
من مكاتب البريد فقط وحاليا صعب تلاقي الكراسة لان التقديم هينتهي يوم الخميس لكن ممكن تشوف في مكاتب البريد الرئيسية
ممكن سحب الكراسة والتقديم يوم الاحد القادم وشكرا
التقديم للناس اللي معاها الكراسة مستمر لحد يوم الخميس ، لكن سحب الكراسة حاليا غير متاح ممكن تجرب واسال في مكتب بريد العتبه لو انت في القاهرة او اي مكتب رئيسي في المحافظة
النهاردة سألت على كراسة الشروط في الجيزة قالي الموظف غير متوفرة. ممكن الاقيها في أي مكتب بريد تاني والتقديم لحد يوم كام
هو بيع كراسة الشروط انتهي امبارح لكن التقديم مستمر لحد الخميس اللي جي ، عامة ممكن تشوف في مكتب بريد العتبة الرئيسي
انا قدمت وعاوزة اعرف النتيجة امتى .. واعرف ازاى انى قبلت
لسه فحص الاوراق والاستعلام هياخد فترة ، ان شاء الله بعد 4 شهور او حسب كل محافظة والاعداد اللي مقدمه
هو المهن الحرة بيجبو شهادة التأمينات الاجتماعية
حسب اخر تعديل للشروط تم الغاء تقديم شهادة التامينات للمهن الحرة والحرف واصحاب الاعمال
لو سمحت .. هى الشقق دى موجود منها فى أكتوبر ؟
ولو لأ ..وأنا من سكان أكتوبر ..ايه أقرب منطقه ؟وأنا اللى بحددها ولا بتتحدد على أى اساس؟
اه موجود في المرحلة الثانية محافظة الجيزة مدينة 6 اكتوبر ضمن ال 400 الف شقة
انت اللي بتحدد المدينة اللي عايز تقدم فيها المهم تكون في نفس محافظة السكن او العمل
لو ليه رصيد في البنك بس انا موظف ممكن اقدم ولا لا وايه اللي ممكن يحصل بعد كده
ممكن تقدم عادي بس بتذكر بيانات الحساب في استمارة التقديم ولو فيه عائد شهري منه زي ما موضح الاقرار
انا اقدمت ودفعت 9الاف جنيه بعد كده ايه المطلوب واعمل ايه
بعد كدا بتيجي رسالة علي الموبايل برقم الطلب تحتفظ بيها للاستعلام بعد كدا عن موقف الطلب
عامة فترة فحص الاوراق والاستعلام بتاخد 4 شهور
لو سمحت يافندم انا اشتريت الكراسه ومعايا شهاده من محاسب انى فنى كومبيوتر مهنه حره يعنى ومرتبى 1700 جنيه دلوقتى انا مش فاهم ايه التاميانات الاجتماعيه والاجر التامينى ديه معلش مش فاهم الاوراق التانيه ومعايا بطاقه رقم قومى منتهيه 2015 لازم اطلع غيرها شكرا؟؟
المهن الحرة تم الغاء شرط تقديم شهادة التامينات
اما البطاقة فلازم تكون سارية ، وعامة لسه التقديم مستمر لحد 15 يونيو
اناعاوز أقدم في شقق الإسكان والتعمير ومش عارف فيه وقت لسه والنهارده 31 من مايو 2016
تم تمديد فترة التقديم في شقق الاسكان الاجتماعي لحد 15 يونيو يعني ان شاء الله هتلحق ، بالتوفيق
انا من ذو الاحتياجات الخاصه معاقين ومعايه جواب من القمسيون الطبى باحقيتى بسيارة معاقين اقدمه فى الاوراق المطلوبه
المطلوب تقديمة مع الاوراق بالنسبة لل 5 % هو شهادة من المجالس الطبية المتخصصة بنسبة الاعاقة
انا قدمت في الأوقاف في2009 ومطلعليش ممكن أقدم في الشقق دي والمقدم كله كام عند الاستلام
اه ممكن تقدم طلما الشروط متوافرة ومحصلتش علي شقة قبل كدا ، المقدم عند الاستلام 15 % من ثمن الشقة وممكن النسبة دي تزيد حسب المرتب والسن عامة هي بتبدأ من 23 الف جنيه
انا سبق وقدمت في شقق المحافظه في2008 ولحد دلوقتي مطلعليش شقه ممكن أقدم في الشقق دي
استعلمي عن موقفك الاول من خلال صندوق التمويل العقاري بحيث تعرفي هل تم القبول او الرفض وايه السبب بحيث يتم حله والتقديم في الاعلان الحالي
انا دخلى 2600 ممكن أقدم
لو عازبه الحد الاقصي للمرتب للتقديم هو 2500 جنيه ، اما الحد الاقصي لمجموع دخل الاسرة 3500 جنيه
بسأل عن شرط شهادة المجالس الطبية المتخصصة بالنسبة لذوي الاحتياجات الخاصة السؤال هما هل يوجد فروع بالمحافظات للمجالس ، والسؤال الثاني معي شهادات صادرة عن وزارة الشئون الاجتماعية تثبت اعاقتي فهل هي كافية .
فيه في كل محافظة وممكن تعرف عنوان المجلس الاقرب لك من علي موقع وزارة الصحة
حسب كراسة الشروط المطلوب هو شهادة بدرجة الاعاقة من المجالس الطبية المتخصصة
بالنسبه للمهن الحره كيفيفه استخراج شهاده الدخل ولو عيشين فى بيت ابو جوزى ينفع نقدم ولو جوزى سافر ممكن للزوجه دفع الاقساط
شهادة الدخل بتتعمل من محاسب قانوني
ممكن تقدموا طلما مفيش شقة بتمليك باسم الزوج او الزوجة ، بالنسبة للاقساط ممكن الاتفاق مع البنك وقتها علي كيفية دفع الاقساط في حالة السفر
زوجي لم يتم التامين عليه ويعمل عمل حر ، وانا اعمل في القطاع الحكومي وساقدم باسمي هل لابد من شي يثبت عدم التامين عليه وانه يعمل عمل حر وكيف
تم الغاء شرط تقديم شهادة التامينات بالنسبة للاعمال الحرة والحرفيين
لو سمحتم اجيب من فين شهادت التامينات انا موظفه حكومي واعمل في الجامعه ولا اعلم مالمقصود بشهادة التامينات ؟!!
حسب كراسة الشروط مش مطلوب شهادة التامينات من موظفي الحكومة
لو سمحت انا حاليا محل العمل فى مدينة السادس من اكتوبر
وساكن فى شقق الشركة هناك ولكن الاسرة مقيمة فى محافظة الدقهلية السؤال ايصال المرافق خاص باى شقة فى الدقهلية ولا فى اكتوبر مع العلم بان هناك ايصال كهرباء باسمى فى الدقهلية بعقد ايجار من الوالد
قدم ايصال المرافق في عنوان السكن اللي هتكون متواجد فيه بحيث عند الاستعلام عندك الموظف يلاقيك
انا ذهبت اليوم مكتب اسنا الكراسات قد نفذت وميعاد سحبها تنتهى يوم الاثنين فكيف انهى واليعاد معلن اخر الشهر .
هو فعلا كان اخر يوم 23 مايو لكن تم تحديث الميعاد امبارح بحيث اخر ميعاد لسحب كراسة الشروط هو اخر الشهر 31 مايو
لو ملقتش الكراسة في المنطقة شوف اي مكتب بريد كبير في المحافظة نفسها
بالنسبة للاعزب ويعمل بجهة حكومية ايه الاوراق المطلوبة علما بأنه يقيم فى منزل والده ويريد الشقة ليسكن بها
نفس الاوراق اللي وضحناها في الموضوع من حيث صورة البطاقة وشهادت مفردات المرتب من جهة العمل الي اخره من الاوراق
تقدمت العام الماضى (اعلان وحدات بالسلام) وبسؤال موظف بنك التعمير والاسكان فرع العبور افاد بأنى مستوفى الشروط ويمكنك انتظار نتيجة الاستعلام وبعد ظهور النتيجة لم اجد اسمى وبسؤال نفس البنك افاد بأنى غير مستوفى (ايصال المرفقات غير سارى) ولم يوضح معنى ذلك اى مرفقات او اى اوراق التى لم تصلح؟
المهم انى لم اسحب مبلغ 5000 حتى الان فهل استطيع تعديل الرغبات للاعلان الحالى ام يجب على شراء كراسة شروط من البداية؟ وهل يمكن ارسال مرفقات حديثة مثل ايصال الكهرباء او ماشابه؟
ممكن تستكمل المبلغ وتدخل في الاعلان الحالي ، بس الاول استعلم من البنك مرة اخري او صندوق التمويل العقاري ايه السبب بالضبط او الورق اللي ناقص علشان مايترفضش الورق مرة تانية
ازاى يتم مراجعه صندوق التمويل العقارى
لو قصدك التواصل مع الصندوق هتلاقي هنا طرق الاستعلام سواء عن طريق الموقع او ارقام التليفون
سؤال آخر من فضلك انا ساكنه فى شبرا الخيمه وعاوزه آخد الشقه فى مدينة 6 أكتوبر هل هينفع ولا لأ مع العلم ان زوجى محل عمله فى 6 أكتوبر
اه ممكن التقديم تبع محافظة السكن او محافظة العمل
لو سمحت انا اقيم بمحافظة المنوفية هل من الممكن التقديم على الشقق بمدينة برج العرب الجديدة ام يجب تغيير محل اقامة
التقديم اما في محافظة السكن او محافظة العمل ، فلو مفيش علاقة بالمحافظة مش هينفع تقدم فيها
بالنسبه للحجز فى المرحلة التانيه…..دفع المقدم بالتقسيط 1/9
يعنى مندفعش مقدم دلوقتى؟
ندفع بس استعلام 125 ج؟
ياريت حد يفهمنى النقطة دى ضرورى
كل المتقدمين هيدفعوا 9125 جنيه سواء شقق ال 100 الف او ال 400 الف
المقدم اللي في شهر سبتمبر دا نسبة ال 15 % من ثمن الشقة وعلشان ال 400 الف شقة لسه هيتسلموا السنة اللي جايه 2017 فهيتم تقسيط المبلغ دا بالنسبة لهم
انا شغال فى عمل خأص ومفيش مفردات مرتب او تامينات اقدم ازاى
ارجو الافاده
لو مهن حرة او حرف مش مطلوب تامينات ، بالنسبة لشهادة الدخل بتعملها من محاسب قانوني
السلام عليكم عفد الايجار بأسم زوجتى لكن للأسف التليفون والكهرباء والغاز بأسم صاحب العقار وشكرا
وعليكم السلام ورحمه الله وبركاته
ممكن تقدم الوصل عادي حتي لو مش باسمك طلما فيه عقد ايجار
لو سمحت جوزي مرتبة3000ج واخد قرض من الشركة إلى شغال فيها 500ج وانا مرتبي 1000ج وبعمل نصف الوقت بيكون مرتبي آخر الشهر 500ج تنطبق علينا الشروط
اه طلما مجموع دخل الزوج والزوجة لا يزيد عن 3500 جنيه يبقي ممكن تقدموا
لو حد عامل توكيل وتنازل عن شقه ملهاش دعوه بصندوق التمويل ينفع اقدم انا موظفه حكوكيه
المهم ميكونش فيه شقة تمليك باسمك وقت التقديم والاستعلام
انا شغالة بشركة خاصة للعقارات وعملت برنت من التامينات مكتوب فيه الرقم التاميني والرقم الضريبي للشركة والمرتب. مطلوب ورق تاني معاه ولا كدا بس
اه تمام كدا مع باقي الاوراق المطلوبة حسب كراسة الشروط
انا قدمت ف الشقق ٢٠١٦ وعوزة اعرف امتى هتظهر النتيجه وهعرفها ازاى
ان شاء الله خلال 4 شهور او حسب الاعداد المقدمة في كل محافظة ، وهيتم التواصل عن طريق الموبايل وممكن معرفة النتيجة من موقع صندوق التمويل العقاري
انا ارمله وعايشه في بيت عائله زوجي وبعد وفاته انتقلت الشقه لي ولأولدي بالوراثه فهل يحق لي ان اتقدم في شقق الاسكان
لو فيه شقة تمليك مش هيتم قبول الاوراق في الاسكان الاجتماعي
انا شغال شركه خاصه وقدمت مفردات وموضح فيها الرقم التامينى ومقدمتش شهاده التامينات هينفع
اه حسب كراسة الشروط دا المطلوب ، مش مطلوب شهادة التامينات من القطاع الخاص
انا سائق ماهو الورق المطلوب
بالنسبة لأصحاب المهن والأعمال الحرة والأنشطة التجارية والحرفية عليهم تقديم شهادة من محاسب قانونى معتمد تبين صافى الدخل الشهرى، وصورة من السجل التجارى أو البطاقة الضريبية لأصحاب المهن والأنشطة.
هو في مرحله تانيه غير دي ولا كده خلاص
ان شاء الله فيه مرحلة قادمة بس غالبا هتكون اخر السنة دي او السنة اللي جايه
لو سمحت انا شغال فى محل كمبيوتر وعملت ورقة من صاحب المحل بصافى راتبى وختمتها من عنده , بس عندى حساب بنكى وحساب توفير بريد وفيهم مبالغ مش كبيرة وكمان انا والدى متوفى وواصى على اخواتى القصر لانى اكبرهم وباخد معاش ضمن التامينات الاجتماعية اعانه باسمى 180 جنيه هل اذكر الحاجات دى فى ورق التقديم ؟
ولو ذكرتهم ايه الصيغه اللى اكتب بيها لانى معرفش اكتب الكلام دا ازاى ياريت مساعدة من فضلكم
وارجو فى اسرع وقت عشان الحق اقدم
شكرا
اه لو فيه اي مصدر للدخل سواء معاش او حساب توفير بتذكره في استمارة التقديم ، يعني تكتب معاش من جهة كذا وقيمة المبلغ او حساب توفير رقم كذا وبيدخل في الشهر او السنة مبلغ كذا
بالنسبة للشقق اللى هتنتهى فى 2017 هتكون كاملة المرافق والتشطيبات
اه هتتسلم متشطبة سوبر لوكس بالمرافق زي الشقق اللي سلمها السيسي الاسبوع اللي فات في بدر
مدينة ميت غمر بالدقهليه منشور علي النت في مواقع كتير ان فيها شقق بس مش موجودة في كراسة الشروط فهل ينفع أقدم فيها
هو فعلا الاعلان المبدئي اللي كان في بيان وزارة الاسكان كان فيه ميت غمر بس في كراسة الشروط منزلتش ، فمش هينفع تقدم فيها لان الكلام النهائي والتقديم حسب كراسة الشروط
وصل الكهرباء باسمى لانى مؤجر الشقة 59 سنة ينفع اقدم ولا ترفض الطلب
ممكن تقدم عادي طلما الشقة نفسها ايجار
طيب لو قاعد عند اختي ودا لاني سايب الشقه الايجار الجديد ولسه هانقل لشقه تانيه بس ادبر حالي الاول مطلوب مني اجيب ايه عن المكان الي انا فيه
ضمن الاوراق اللي هتقدمها ايصال مرافق ، ويكون عقد الايجار معاك وقت الاستعلام علشان الموظف هيطلب يطلع عليه
انا قدمت ودفعت مقدم الحجز الاعلان الثامن واتبعتلي رسالة علي الموبايل ان رقم طلبك في مشروع الاسكان للاستعلام به هو كذا …. هل انا اللي بروح استعلم ولا بتبعتلي رسالة بالتخصيص من عدمه
من خلال موقع صندوق التمويل العقاري هيتم الاستعلام سواء برقم الطلب دا او بالرقم القومي ، بس حاليا لسه بيتم تسجيل البيانات وفحص الاوراق هياخد فترة
معايا شهادة دخل من محاسب قانوني تفيد بصافي الدخل الخاص بي هل هذا كافي حيث انني اعمل في مجال التسويق الالكتروني بدون محل عمل او سجل تجاري او بطاقه ضريبيه او تأمينات
ممكن تعمل تامين شخصي او تقديم صورة كارنية نقابة ساري ، وهتحتاج تقدم صورة السجل التجاري او البطاقة الضريبية
انا شغاله تبع القطاع الخاص . وعملت مفردات مرتب تبع الشركة و موضح بها الرقم التأميني
لازم أجيب ورقه كمان من التأمينات ولا لأ
وبالنسبه ل وصل الكهرباء أقدمه لوحده ولا معاه صوره من عقد الشقه الإيجار؟
حسب كراسة الشروط لا مش لازم التامينات ، بتقدمي وصل الكهرباء بس لكن يبقي معاكي عقد الايجار علشان وقت الاستعلام الموظف هيطلب يشوفه
لو اناقدمت للحجز فى الشقق التى سيتم التخصيص لها بعد ثلاث شهور ولم يتم الفوز ولم اقوم باسترداد المبلغ 9000 جنية يترى ممكن يتم دخولى فى السحب للوحدات اللى سيتم التخصيص لها بعد سنة الرجاء التوضيح
اه بيتم ترتيب المتقدمين حسب الاولوية وعدد الشقق لو مفيش فرصة في الاعلان الحالي بيكون فيه اولوية في الاعلان القادم
لو ادمت ومنكنتش من الفائزين هاخد 9 تلاف امتا
خلال 4 شهور او بعد اعلامك بالقبول او الرفض وبتقوم باسترداد المقدم من بنك التعمير والاسكان
ايه موضوع ال٤٠٠٠ جنيه اللى بتدفع ابتداء من شهر سبتمبر القادم هل دة معناه اننا هنعرف المقبولين قبل الميعاد دة رجاء التوضيح
اه ان شاء الله اعلان تخصيص الشقق هيكون خلال 4 شهور او حسب الاعداد اللي مقدمة في كل محافظة وبعدها هتبدي اجراءات تخصيص الشقة ودفع المقدم
طب انا أعزب ومش موظف ولسة هتخرج من الكلية الشهر الجاي ينفع أقدموالدي موظف ينفع ضامن ليا
لازم وظيفة او مصدر دخل شهري للمتقدم نفسه
انا اختي مش متزوجه وسحبت الكراسه وعايزا تقدم ومعاها المقدم ومفردات مرتب 1325جنيه ومعها شهاده من التأمينات ينفع تقدم
اه طلما الشروط متوافرة ، العازب او العازبة ممكن يقدم عادي
لو سمحت ضرورى الافادة الله يباركلكم
انا معاى شغال على توك توك للاسف دا عملى الوحيد وعازب وعندى 26 سنة هل اقدر اقدم على شقة ؟ وبالنسبة ب15% اللى بتدفع بعد الفوز بالشقة هل اقدر اقسطها ؟ ولا فهمت غلط !
بانتظار ردكم ضرورى عشان احنا 15 فى الشهر
ممكن تعمل سجل تجاري او بطاقة ضريبية وتامين شخصي وتقدم باقي الاوراق زي ما وضحنا في الموضوع
بالنسبة لل 15 % في ال 100 الف شقة بيتم دفعهم مباشرة عند التخصيص اما في ال 400 الف شقة بيتم تقسيطهم لان الشقق دي هيتم تسليمها في 2017
ينفع لشاب مش متزوج
اه ممكن تقدم والحد الادني للمرتب الشهري 2500 جنيه
طب لو مقدم الحجز مش جاهز معايا دلوقتى هيبقى بعد شهرين من معاد الانتهاء جاهز وانا سحبت الكرسة أقدر أجل الدفع او الحجز
حاول تشوف طريقة علشان اخر ميعاد للتقديم هو 31 مايو ، لو مش هتلحق المرة دي يبقي ان شاء الله في الاعلان القادم
سحب كراسات الشروط من اى مكتب بريد ام شرط مكتب البريد التابع للمنطقة المراد الحجز بها
من اي مكتب بريد في المحافظة نفسها
البطاقة بتاعتى منتهية ينفع اتقدم بها
لازم تكون سارية ممكن تلحق تجددها التقديم لسه لحد 31 مايو
هل ممكن الحجز لاصحاب معاشات حكومية سنهم اقل من 40 سنة
اه ممكن طلما المعاش 1000 جنيه او اكتر
ماذا افعل باقرار كراسة الشروط
بتسجل تاريخ التقديم وتمضيه ولو فيه زوجة او زوج بيمضي في مكان الامضاء في نهاية الاقرار ، ثم ترفق استمارة التقديم والاقرار مع الاوراق في ظرف وهتلاقي باقي خطوات التقديم في الموضوع
هل يتم تسلم الشقة بعد انتهاء الاقساط ام استلم ومن بعدها اقسط
بتستلم الشقة والاقساط بتكون حتي 20 سنة
انا اللي مقدمة للشقة وهكتب حساب التوفير بتاعي لكن لازم اكتب حساب زوجي البنكي ولا لا عشان انا مش عارفاه وهو ازي اكتب حسابي التوفيري ولازم اكتب رقم الحساب لو عرفت حساب زوجي ولازم اكتب كام الفلوس بتعته. وانا بشتغل في خدمة البيوت وجوزي بواب ممكن اجيب الشهادة التأمنية بس ولا لازم اجيب معاها ورقه من محاسب قانوني ارجو لرد حيث انابنتي هي التي تقوم بعمل هذه لاورق وهي الان لديها امتحانات ثانوية عامة وعايزة اخلص الورق بسرعة عشان تذاكر وارجو مساعدتي جزاك الله كل خير
لو فيه اي مصادر للدخل يجب ذكرها سواء حساب توفير او حساب بنكي ، ممكن الحصول علي رقم الحساب من مكتب البريد او البنك او جوابات البنك ، في خانه بيان الدخل الشهر توضح ان حساب رقم كذ بيدخل دخل شهري او سنوي كذا
لازم ورقة من محاسب قانوني طلما مهنة حرة ، وربنا مع بنتك ويوفقها باذن الله وكل ولادنا في الثانوية العامة
لو سمحت انا عندي وديعه بنكيه ودفتر توفير.. هل اكتب في الاستماره في خانه بيان الزخل الشهري حجم الوديعه والمبلغ بالدفتر.
اه بيتم ذكرها في خانه بيانات الدخل
هو مفيش وحدات بمقدم 5000 ؟؟؟؟
حاليا لا لانه تم زيادة المقدم عامة من 5 الاف الي 9 الاف
هل ينفع اقدم جميع الأوراق وشراء كراسة الشروط من بنك الإسكان والتعمير
لازم عن طريق البريد حسب الطريقة الموضحة في كراسة الشروط
انا محاسب فى شركة قطاع خاص ودخلت التأمينات الاجتماعيه منذ شهرين فقط ( منذ فبراير 2016) …هل مطلوب منى شهاده من التأمينات (برنت) ؟؟؟ ولا شهاده معتمده من جهة العمل (اللى هى الشركه اللى بشتغل فيها ) موضح فيها صافى الخل الشهرى والرقم التأمينى فقط ؟؟
برنت من التامينات بيبقي فيه بياناتك وبيانات جهة العمل والوظيفة والاجر التاميني
السلام عليكم
انا بدي اعرف الشقق بتطرحها كل كام وزارة الاسكان علشان بدي اقدم المره القادمة
وعليكم السلام ورحمه الله وبركاته
مفيش ميعاد محدد حسب ما بيتم توفير شقق بيتم الاعلان يعني المرة اللي فاتت كان في شهر يوليو – اغسطس 2015 المرة دي في شهر مايو 2016، والتقديم في المرة الحالية ممتد لحد 31 مايو يعني لو بتخلص ورق او حاجة ممكن تقدم في الاعلان الحالي
انا اعمل في صيدلية كمساعد صيدلي هل مطلوب اني اعمل شهادة دخل من محاسب قانوني ولا مدير الصيدلية يعمل ورقه بختم الصيدلية فيها قيمة المرتب؟ مع العلم أنه مش متأمن عليا من الصيدلية وبالتالي هعمل تأمينات شخصية بنفسي
بتقدم مفردات المرتب من صاحب او مدير الصيدلية مختومة اه ، محاسب قانوني دي لو انت مهن حرة او صاحب عمل ، التامينات عادي لو مفيش تامين ممكن تعمل تامين شخصي بنفسك باي مبلغ
انا مشترك بنقابه المحامين ولدى كارنيه اشتراك سارى لكن اعمل موظف شئون قانونيه باحدى الشركات الخاصه ومؤمن عليا بها فى هذه الحاله اقدم الاوراق الخاصه باصحاب المهن الحره او العاملين بالقطاع الخاص
هتقدم كموظف قطاع خاص ، مهن حرة دي لو انت شغال لحسابك
وموعد اعلان القرعة للكراسة الحمرااء وطريقة دفع القسط فى حاله الفوز بالوحدة
مفيش قرعة في الاسكان الاجتماعي ، بعد فحص الاوراق بيتم ترتيب الناس حسب الاولوية والاكثر احتياجا للشقة ، الكلام دا بياخد حوالي 4 شهور او اكتر حسب عدد المتقدمين
طريقة دفع القسط الشهري بيتم تحويلك للبنك اللي هيكون التمويل من خلاله وبتحول المرتب عليه وبيتم خصم القسط من المرتب
الدخل الاعلى الافضل ام الاقل فى حظوظ الوحدة علما بأنه بين الحد الادني والاقصى المذكور
الدخل نفسه مش من ضمن نقاط الاولوية في الحصول علي الشقة لكن بيتم تحديد القسط الشهري علي اساس المرتب
هتلاقي هنـــا طريقة الترتيب في الاسكان الاجتماعي وحساب الاولوية بالتفصيل
ممكن اشتراك نقابة بدل من شهادة التامينات
اه ممكن زي ما مكتوب في كراسة الشروط صورة اشتراك النقابة او صورة الكارنية الساري
وفى حاله سفر الزوج بالخارج اجيب وثيقه دخله ازاى
الزوج هو اللي بيعملها من مكان عمله ، ويوثقها من السفارة المصرية هناك
هل يمكن استبدال مفردات المرتب والتأمين بحساب بنكي لة اكثر من 6شهور كدليل علي قدرة علي السداد.
لازم يكون فيه دخل شهري مثبت للتقديم في الاسكان الاجتماعي ، بالنسبة للتامينات لو مفيش انت ممكن تعمل تامينات بنفسك باي مبلغ
ما معنى محاسب قانونى معتمد
المحاسب القانوني هو محاسب مرخص له بمزاولة مهنة المحاسبة بصفة مستقلة يعني عنده مكتب محاسبة مرخص لا يعمل لشركة معينة ، ومسموح له بعمل الميزانيات ومراجعة الضرائب للافراض والشركات
مش كل محاسب يبقي محاسب قانوني وعند طلب شهادة دخل سنوي منه لازم تتاكد من بياناته والتراخيص
سألت عن التقدم يكون طبقاً للعمل ام للإقامه الحاليه مع الاسره ارجو الرد
حسب رغبتك عامة التقديم في الاسكان الاجتماعي اما في محافظة السكن او محافظة العمل
اعمل بالمنزل في الزراير والحلي . وامر علي بعض المحلات لبيعها . وليس لدي تامين ولا بيان بالمرتب . ومستوفي جميع الشروط ماذا افعل بخصوص الدخل والتامين . وهل يمكن التقديم في محافظه الميلاد او الاقامه .
بتقدم شهادة دخل سنوي من محاسب قانون مع صور سجل تجاري او بطاقة ضريبية اما التامينات ممكن تعمل تامين شخصي حتي لو ب 10 جنيه في مكتب التامينات
اه ممكن التقديم اما في محافظة الميلاد او الاقامة او العمل
طيب دلوقتى مش المفروض الاستعلام بمبلغ 125ح
ولا هى بكام
اه 125 جنيه بيتم دفعهم مع ال 9000 جنيه قبل تقديم الاوراق
انا مطلقة ومعاى طفلتين وعندى شقة باسمى وعندى محل كوافير صغير هل استطيع التقدم بطلب شقة فى برج العرب ولى ايضا حساب جارى به مبلغ ثلاثين الف هل يمكننى الحصول على شقة مع العلم انى لا اخذ اى نفقة من زوجى
ممكن التقديم طلما باقي الشروط متوافرة من حيث الدخل والسن وهتلاقي الاوراق المطلوبة من المهن الحرة في الموضوع
انا شغال فني نقاشة وديكور مليش تأمينات ولا مفردات مرتب ينفع اقدم بشهادة اثبات دخل من اي مكتب محاسبة علما بأني حاصل على مؤهل عالي ومكتوب في البطاقة حاصل على ؟
مش من اي محاسب لازم يكون محاسب قانوني
التامينات ممكن تعمل تامين شخصي باسمك في مكتب التامينات
انا معاقه ومنفصله ومعى ولد واسكن عند امى هل ينفع اقدم؟!
ممكن التقديم طلما الشروط متوافرة بس لازم مصدر للدخل سواء مرتب شهري او معاش او نفقة
سلام عليكم ورحمه الله وبركاته
انا مهندس ميكانيكا وشغال مع والدى فى محل وعندى كارنيه نقابة المهندسين .
السؤال . اجيب مفردات مرتب من محاسب قانونى ولا من والدى مع العلم البطاقة الضريبية والسجل التجارى باسم والدى ؟
بالنسبة لكارنيه نقابة المهندسين يغنى عن التامينات ؟
وعليكم السلام ورحمه الله وبركاته
شهادة مفردات مرتب من الوالد طلما هو صاحب العمل
حسب اللي جه في كراسة الشروط ممكن تقدم التامينات او كارنية نقابة ساري
انا من الجيزة ينفع اقدم فى حلوان اومايو او الشروق ولا لازم اكتوبر
التقديم في الاسكان الاجتماعي اما في محافظة السكن او محافظة العمل بالتالي لو سكنك وشغلك في الجيزة مش هينفع تقدم في المدن اللي تبع القاهرة
هل الرقم التأميني يحرمني من التقديم للوظائف الحكوميه
مين قال كدا ؟ اصلا كل واحد بعد سن 18 سنة له رقم تاميني وممكن تعرفه بالتليفون
لو قصدك علي التامينات الشهرية نفسها لا كان زمان بعض الوظائف الحكومية تشترط عدم العمل مسبقا “حديثي التخرج ” لكن حاليا المسابقات بتبقي للجميع حديثي التخرج او خبرة
انا موظف قطاع خاص وعملت كل الاوراق المطلوبة تمام مفردات مرتب ممضيه ومختومه من جهة العمل وبرنت من التامينات بعدد السنين التامينات الخاصة بى وكله تمام لكن فيه حاجة فى كراسة الشروط عايز استفسر عليها انا معايا مبلغ واضع فى مكتب بريد فى دفتر توفير هل يعتبر دا دخل اضافى ويبطل الاوراق ارجو التوضيح لانى من ساعة ما قرات هذا البند فى الاقرار وانا قلقان
لا النقطة دي قصدهم انك تذكر اي مصدر دخل اضافي سواء حساب بنكي او بريد في استمارة التقديم ، اما لو مذكرتهوش فهو دا اللي يبطل الاوراق
لان هتلاقي من ضمن نقط الاقرار انهم هيطلعوا علي الحسابات البنكية للمتقدم
يارب
انا شغال في محافظة القاهرة واسكن مع اهلي في الجيزة ممكن اقدم فب اكتوبر لانها اقرب مكان لي
اه ممكن تقدم في اكتوبر هي تبع محافظة الجيزة وعامة التقديم في الاسكان الاجتماعي اما في محافظة السكن او ومحافظة العمل
حضرتك انا بشتغل في قطاع خاص ورافض يديني مفردات مرتب ومش متأمن عليا ينفع اقدم شهادة اثبات دخل من محاسب قانوني ولا هتترفض ؟؟
شهادة الدخل السنوي دي مطلوبة من اصحاب المهن الحرة مش القطاع الخاص ، حاول مع جهة العمل ووضح لهم انها للتقديم في شقق الاسكان مش مستند عليهم او حاجه
طيب انا جوزي شغال دليفري في مطعم ومش متامن عليه ومش عنده سجل تجاري ممكن نقدم ولا لا
ممكن يقدم بيجيب شهادة مفردات دخل من مكات العمل ، والتامينات ممكن يعمل تامين شخصي بنفسه في مكتب التامينات
اعمل في شركة في اكتوبر منذ 10 سنوات ومتامن عليا وتم تركي للشركة لفترة وتم خروجي من التامنات ورجعت الشركة تاني وتم التامين عليا مرة اخري بس بتاريخ حيث هل يحق لي التقدم للشقق
طلما شغال حاليا ومثبت بالاوراق والتامين ساري ممكن تقدم عادي
انا سحبت كراسة الشروط وحضرت الاوراق بس عايزة افهم حاجة هدفع ٩٠٠٠ جنيه فى شهر مايو ولو كسبت الشقة هدفع 15%من ثمنها كمان
اه تمام مع العلم ان نسبة ال 15 % دي اقل نسبة ، وممكن تزيد حسب المرتب وسن المتقدم
زوجى ضابط وانا محامية ولا اعمل هل من حقنا التقديم ام الضابط لا يجوز
طلما الشروط متوافرة فيه من حيث السن والمرتب ممكن يقدم عادي
انا عندى 23 سنة ومش بشتغل بس باخد معاش 1000 ممكن اقدم فيها مع العلم ان المعاش هيتقطع بعد سنة عشان هتجوز هل متاح ليا اقدم ولا لا
ممكن التقديم بالمعاش هو بيتعاملو علي الاوراق و الوضع الحالي ايه طلما المعاش 1000 جنيه او اكتر ممكن التقديم ، مع العلم ان فرصة المتزوجين اكتر من فرصة العازب في الفوز بشقة الاسكان الاجتماعي حسب نظام الاولوية
انا اعمل بالمهن الحرة وعملت شهادة بالدخل من محاسب قانونى هل اعمل سهادة تأمينات وﻻ شهادة الدخل هتغنى عن شهادة التأمينات وفى حاجة تانية تتعمل وﻻ خﻻص كدة
لازم شهادة التامينات ممكن تعمل تامين شخصي بنفسك ، او لو مشترك في نقابة ممكن تقدم صورة اشتراك النقابة او كارنية ساري
باقي الاوراق المطلوبة هتلاقيها في الموضوع بالتفصيل
لم يذكر فى كراسه الشروط ماهى الاوراق المطلوبه .ممكن اعرفها ….ومن اين شهاده التأمينات الاجتماعيه ….وانا موظف قطاع اعمال
موجود في كراسة الشروط الاوراق المطلوبة بالتفصيل هتلاقيها في الصفحة رقم 7 وعنوان الصفحة “اسلوب الحجز و تحديد المقبولين”
وعموما احنا شرحنا هنـــــــا الأوراق المطلوبة في الاسكان الاجتماعي 2016 بالتفصيل
شهادة التامينات بتحصل عليها من مكتب التامينات
انا زوجة وانا اللى بشتغل ف وظيفه حكومية وجوزى لا ينفع أقدم باسمى ولا لازم زوجى
ممكن التقديم باسمك طلما الشروط متوافرة ، وعامة طلما متزوجين هيتم ذكر بيانات الزوج والاولاد لو فيه
انا محل الاقامة والعمل ب سفاجا وانا عإيز اقدم في الغردقة
الاتنين تبع محافظة البحر الاحمر ، في استمارة التقديم انت بتختار المدينة اللي عايز تقدم فيها
انا مفردات مرتبى ب 800 ج بس شركه خاصه ومتامن عليه فيها من سكان القاهرة 27 سنه
اللزى حلاتى شباب كتير يعملوا ايه مع انى بقبض مرتبى على مرتين اساسى واضافى بس الشركه مش بترضى تكتب غير الاساسى بس إللى هو 800 لأن الاضافى متغير المفروض يبقى لينا احنا الأولوية لأن الإيجارات غاليه على إللى زى حالتنا وشكرا
وزارة الاسكان قالت هتنزل شقق بالايجار لاصحاب المرتبات اقل من 1000 جنيه بس لسه مقالوش امتي بالضبط
لو ليا مبلغ ف البريد اثبته ازاي
والمفروض يكون المبلغ ده ف الدفتر كم
مش متاكد بالضبط اذا كان بيعملو كشف حساب ولا ايه الورقة هناك ، الافضل تسال في البريد مباشرة ، المهم اي ورقة او كشف حساب او وصل توضح المبلغ دا
مفيش تحديد لقيمة المبالغ في كراسة الشروط ، بس ميكونش مبلغ كبير اوي يعني لان الشقق دي لمحدودي الدخل
لو انا مسافر بشتغل بالسعوديه ومحصلتش ع شقه من الحكومه ينفع اقدم وﻻ انا مرفوض اساسآ ومقدمش فيها
طلما الشروط متوافرة ممكن تقدم عادي بس بالنسبة لمفردات المرتب بتجيب شهادة دخل من جهة العمل بالخارج معتمدة من القنصلية المصرية بالدولة التى يعملون بها مصدقاً على توقيعاتها من الخارجية المصرية.
بالنسبه للمرحله خلال عام بعد دفع 9000ج سيتم اخطار بقبول التقديم وبعد كده ندفع كل 3شهور 4000ج ولا نفضل ندفع حتى 2017
اه بالنسبة لل 400 الف شقة بعد الاخطار بتبتدي تقسيط مبلغ المقدم اللي هو 15 % من ثمن الشقة او حسب مرتبك النسبة بتزيد ، ييتم دفع كل 3 شهور 4000 جنيه لحد استلام الشقة
فى مكتب البريد قالو أن المظروف الاخضر خاص بالقاهرة و المظروف الاحمر خاص بالمحافظات الاخرى. هل يمكن تقديم المظروف الاحمر للحجز فى مدينة العاشر من رمضان
مدينة العاشر من رمضان او محافظة الشرقية نازله في الاتنين كراسة الشروط الحمراء وكراسة الشروط الزرقاء ، الفارق ان كراسة الشروط الحمراء لل 100 وحدة اللي هيتسلمو السنادي 2016 ، اما كراسة الشروط الزرقاء الشقق هيتم تسليمها السنة اللي جايه 2017 ، يعني ممكن تقدم في دي او دي حسب رغبتك
هو بس تلافيه في البريد افتكرك عايز القاهرة لان فعلا القاهرة موجودة في كراسة الشروط الزرقا بس
انا معى شهاده قناه السويس هل ينصم مع الاوراق وتحسب النسبه الشهرية ليها مع العلم انها باقى ثلاث سنوات وتنتهى
هو مطلوب ان لو فيه مصادر دخل اخري توضحها عند التقديم وبنك بيحدد اذا كانت هتدخل ضمن الحسبة ام لا ، بس عادة بيتم التعامل مع المرتب خاصة ان مدة التقسيط 20 سنة
وموضوع ال 25 الف بتاعت صندوق الدعم بتتخصم من تمن الشقه ولا الشخص اللى حاجز بياخدهم
المبلغ من 5 ل 25 الف ، بيتخصم من ثمن الشقة ، المبلغ نفسه بيتحدد حسب مرتب المتقدم يعني لو المرتب قليل بيكون مستحق دعم اكبر
هو ببعت أصل الأصول ولا صوره ده حاجه وتانى حاجه انا سائق اجيب افرادات مرات من محاسب قانونى
اللي مطلوب صور الاوراق اما بالنسبة لمفردات المرتب والتامينات بتقدم الشهادات نفسها
اه بالنسبة للسائقين بتقدم شهادة دخل سنوي من محاسب قانوني مع صور السجل التجاري او صورة البطاقة الضريبية
اولا .يمكن اختيار اي محافظة لاختيار الوحدة السكنية ولا بيشترط نفس المحافظة التابع ليها بطاقة الرقم القومي
ثانيا . في حالة عدم التخصيص متى يرد مبلغ 9000 جنية
لازم التقديم في نفس محافظة السكن او محافظة العمل او زي ما قالت كراسة الشروط نصا ، من ابناء المحافظة او المقمين او العاملين بها
بعد الاستعلام واعلان النتيجة سواء بالقبول او الرفض ممكن تسترد المبلغ ، عادة بتاخد فترة 4 شهور بس حسب اعداد المتقدمين لان الاعلان دا اكبر اعلان نزل من سنين
انا روحت كذا فرع مكتب بريد ملقتش كراسة اللون الاحمر هو ف مشكلة ممكن اعرف القيها فين. ممكن الرد
حاول تروح مكتب البريد الرئيسي في المحافظة ، هو فعلا الكراسة الحمراء ال 100 الف وحدة عليها ضغط اكبر عموما شراء الكراسة مستمر لحد 23 مايو
هو المبلغ اللي بيدفع مع كراسة الشروط 5000ولا9000
9000 جنيه مع 125 جنيه مصاريف استعلام بيتم دفعهم قبل ارسال الاوراق علشان هترفق الوصل مع الاوراق واستمارة التقديم
طب هل في طريقة أعرف بيها موقع الوحدات فين بالظبط في المدينة اللي هقدم فيها ؟
المفروض الخرائط هتنزل علي موقع هيئة المجتمعات العمرانية بس انا دورت ملقتش اماكن الوحدات الجديدة بالضبط ، بس ممكن تلاقي اماكن الوحدات الحالية علي اساس انها هتبقي مجاورة او في نفس نطاق المدينة
انا محل الاقامة فى القاهرة وعملى فى القليوبية وعايز اقدم فى العبور
ممكن طلما محل العمل في القليوبية لان العبور نازلة تبقع محافظة القليوبية
انا من دسوق كفر الشيخ ممكن اقدم فى مدينه السادات انا شغال فى السادات وتاميناتى هناك
ممكن طلما مكان العمل في السادات
لو سمحت هو لية مكاتب بريد السويس مفيهاش استمارات وبجد اني في شقق فعلا ولة دة كلام وهتاخده الفلوس تشغلوها وبعد كدة هتتشتغلونا
حاول تروح مكتب البريد الرئيسي في السويس اللي هو في شارع هدى شعراوى ، او مكاتب البريد المميكنة ، هو علشان لسه في البداية الكميات قليلة مع الاسبوع اللي جي هيتم توفيرها اكتر
انا محل اقامتى وعملى فى القاهرة وعايز اقدم على شقة فى العبور
مش هينفع لان مدينة العبور تبع محافظة القليوبية
هل ينفع اقدم وانا شغال شغل حر وممكن اجيب مفردات مرتب من عند محاسب بس معنديش تامين
لو مهن حرة بتقدم شهادة من محاسب قانوني بالدخل السنوي مع السجل التجاري والبطاقة الضريبية والتامينات ، بالنسبة للتامينات ممكن تعمل تامين شخصي بنفسك
لو سمحتوا لو حد عندة حساب توفير فى بنك ييتكتب فى استمارة التقديم ولا مينفعش يكون فى حساب توفير خالص
لو فيه دفتر توفير او اي شهادات استثمار او غيرة بتجيب مصدر دخل اضافي لازم تذكرها في استمارة التقديم ، لان من ضمن الاقرارات اللي بتمضي عليها انك ذكرت كل مصادر الدخل سواء البنكية او اسهم او سندات او غيره
هل يمكن حجز شقه باسم ابنتي ىهي تبلغ من العمر 21 عام
لو باقي الشروط متوافرة ممكن التقديم
انا عايز اعرف انا هدفع كام لو كسبت في القرعة وهفضل ادفع لحد امتى وكام كل شهر .ممكن بالتفاصيل
فيه نسبة 15 % من ثمن الشقة بيتم دفعها عند تخصيص الشقة ، بالنسبة للقسط الشهري بيتم تحديدة من البنك حسب المرتب الشهري ، واقل قسط هو 350 جنيه
هل يمكن التقديم واستكمال الاوراق بدون شراء كراسة الشروط
لازم شراء كراسة الشروط علشان فيها استمارة التقديم اللي لازم تقدمها مع الاوراق
*انا من سكان الجيزة لو قدمت وجالي منطقة زي كرداسة ولا الصف ولا ابو النمرس ممكن ابدل ب6اكتوبر ولا لأ?
*لما اقدم الاوراق والمستندات كاملة بعد دفع ال9000باخد حاجة من البنك تثبت اني وصلت الظرف ولا لأ ?
انت بتحدد المدينة او المركز اللي عايز تقدم فيه بتذكرة في استمارة التقديم ، مفيش تبديل الا لو الاعداد المتقدمة كتيرة مثلا في كرداسة و فيه وحدات خالية في 6 اكتوبر وقتها وزارة الاسكان بتفتح باب التحويل
هو طريقة التقديم بعد الدفع انه بترفق وصل ال 9 الاف مع استمارة التقديم والاوراق في ظرف وتبعته عن طريق البريد بعلم الوصول ، مفروض يوصلك ورقة من البريد ان الظرف وصل ومين اللي مضي بالاستلام بس عادة مكاتب البريد بطتنش – الحمد الله انهم بيوصول الجوابات اصلا :))
انا عندى مشكله من جهة مفردات المرتب انا بشتغل عامل ب اجر يومي 100 جنيه بس مش تبع اي شركه او اي مكان معتمد عشان اقدر اجيب منه مفردات مرتب في حل تانى اتمنى الرد وشكرا
لو مهن حرة بتقدم شهادة من محاسب قانوني بالدخل السنوي مع السجل التجاري والبطاقة الضريبية والتامينات
السلام عليكم من فضلك انا ساكنه فى شقه قانون جديدلكن وصل الكهرباء باسمى ووصل الغاز والمياه باسم صاحبه الشقه لما أقدم على الشقق السكنية لمحدودى الدخل ايهم ارفق مع الاوراق من الوصلات الى باسمى ولا صاحبه الشقه وشكرا
مش هتفرق المهم وصل مرافق لمكان السكن الحالي ، بس طلما فيه وصل باسمك قدميه
يعني ينفع تاجير الشقة قبل ال 7 سنوات ولا هيبقا مخالف علما ان ايجار الشقة سيساعد علي سداد الاقساط
قانونيا حسب شروط وزارة الاسكان ، مش هينفع التصرف في الشقة باي شكل الا بعد ال 7 سنوات
هل يحق للاعزب التقديم ولا لازم يكون متروج
يحق للاعزب التقديم طلما باقي الشروط متوافر والحد الاقصي لدخل الاعزب هو 2500 شهريا.
لو سمحت لو انا طالب فى اخر سنة فى الكليه هل ممكن اقدم مع العلم انى اكيد مش هبقى بشتغل
مع العلم انى معدى ال21 سنة
و هل ممكن والدى او والدتى مثلا يضمنونى او حاجه زى كده ؟!
لازم وظيفة ومرتب علشان المرتب هو الضامن المتاح في شقق الاسكان الاجتماعي
ما انا هعمل مفردات مرتب عند محاسب قانوني معتمد بدخلي انا شغال في محل
لو انت صاحب المحل اه تمام بتجيب شهادة من محاسب قانوني
اما لو شغال في المحل مش ملكك انت كدا موظف قطاع خاص يعني مطلوب مفردات دخل باسمك من صاحب المحل
السلام عليكم دلوقتى انا سمعت ان فيه نوعين من الاستما رات طيب الزوع الاول الشقق الى تحت التشطيب والنوع التانى الشقق الى بعد سنه طيب لو ما حصلش نصيب ليه فى الشقق الى بعد شهرين هيدونى فرصه للى بعد سنه ولا هيكون ايه فيدونى ولو ما حصلش نصيب الفلوس التقديم امتى هستردهم وشكرا .
وعليكم السلام ورحمه الله وبركاته
حسب تصريح وزير الاسكان كل اللي مستحق وتتوافر فيه شروط الاسكان الاجتماعي هيحصل علي شقة سواء الاعلان الحالي او لو العدد مكفاش يبقي الاعلان القادم
لو مفيش نصيب بتستردي المقدم ال 9 الاف من بنك التعمير والاسكان ، مباشرة بعد ما تعرفي موقفك سواء بالقبول او رفض الورق ، وفحص والورق والاستعلام هياخد حوالي 4 شهور من بعد التقديم
لو سمحت انا سمعت امبارح من الوزير على التلفزيون ان كراسة الشروط هتبقة نوعين نوع للمرحله الى تحت التشطيب ولون للمرحله التانيه الى بعد سنه طب فى حالة عدم التخصيص فى المرحله الاولى او الععد ما كملش المتقدمين طب هيبقى لينا فرصة المرحله التانية تحت الانتظار ارجو الافادة .
الفرق بين كراسة الشروط الحمراء اللون وكراسة الشروط الخضراء في الاسكان الاجتماعي اوضحت وزارة الاسكان ، ان اللون الأحمر للوحدات التى سيتم الانتهاء من تشطيبها العام الجارى 2016 ، وعددها 100 ألف وحدة فى 24 مدينة، اما كراسة الشروط ذات اللون الأزرق فهي لشقق ال 400 ألف وحدة التى سيتم الانتهاء منها العام القادم 2016
الوزير قال عامة لو المتقدم اوراقة سليمة ومستحق لشقة هيحصل علي شقة سواء في المرحلة الحالية او القادمة ، وممكن تقرا تفاصيل كراسة شروط الاسكان الاجتماعي 2016 هنـــــا
متحدد سن معين يعني فيه حد ادني وحد اقصي للسن ؟
اه الحد الادني للسن في الاسكان الاجتماعي 21 سنة والحد الاقصي 50 سنة في تاريخ التقديم
السلام عليكم . المهنة في الرقم القومي : بكالوريوس هندسه مدنيه ومشترك بنقابة المهندسين , انا لا اعمل لا بالقطاع العام ولا الخاص ولا أي جهه , ولا يوجد لدي سجل تجاري ولا بطاقه ضربيبه ,ولا تأمين , وطبيعة عملي : بعمل للناس في الارياف الرسمة الهندسيه لقطع الارض وبشرف على بنائها مقابل نظير مالي , فكيف احصل على شهادة الدخل , وهل يحل كارنيه النقابه الساري محل شهادة التأمينات الاجتماعيه
وعليكم السلام ورحمه الله وبركاته
لو شغال اعمال حرة لازم سجل تجارة وبطاقة ضريبية و شهادة من محاسب قانوني بالدخل السنوي
ممكن كارنية النقابة الساري بدل التامينات
هى الشروق نازله من ضمن مدن القاهره علشان سمعت انهم وافقوا على اللى لم يحالفه الحظ فى القاهره الجديده بالنقل الى الشروق فهل يحق لى كمتقدم جديد انى اقدم فى الشروق
في اخر تحديث للاعلان لا مفيش مدينة الشروق ، لكن كلامك صح النهاردا فتحوا باب التحويل للمتقدمين في القاهرة الجديدة لباقي المدن اللي تبع القاهرة زي بدر والشروق و 15 مايو ، لو انت كنت من المتقدمين في القاهرة الجديدة ممكن تعمل التحويل
اما لو قصدك التقديم الجديد فحتي الان مدينة الشروق مش نازله ، عموما كلها 4 ايام وتنزل كراسة الشروط ونتأكد
انا بشتغل ومش متامن عليا اعمل ايه
ممكن تعمل تامين شخصي باسمك في التامينات
هل يمكن ان اقدم وانا اعزب
اه طلما الشروط متوافرة ممكن تقدم ، مش شرط الزواج
فى حاله الزوج والزوجه موظفين حكومة ودخل الاثنين معدى 3500 وكل الاوراق جيدا ياخدو شقة ولا لا ولانقدم مفردات .احد بس
لو مجموع دخل الاسرة اكبر من 3500 جنيه يبقي مش هيتقبل الورق
هل ممكن اقدم وانا اعزب باشتغل فى محل دخلى ٢٠٠٠شهريا وممكن اعرف الورق مطلوب لو عندى حساب فى بنك ينفع اقدم بيه ولا لا
ممكن تقدم عادي طلما المرتب اقل من 2500 جنيه المطلوب مفردات المرتب من صاحب العمل و شهادة التامينات وهتلاقي باقي الاوراق المطلوبة في الموضوع بالتفصيل
بالنسبة للحساب البنكي لا ، مفيش ضمانات اخري للتقديم غير المرتب والتامينات
انا مقيم فى مدينه 6 اكتوبر ب الايجار الجديد ومحل سكنى فى البطاقه السيده زينب القاهر ومحل اقامه زوجتى اكتوبر وعايز احصل على شقه فى اكتوبر اقدم باسم زوجتى ولا ب اسمى مع العلم انى اعمل سواق تاكسى وعندى بطاقه ضريبيه للتاكسى وتامينات لى اما لى زوجتى ليس لها تامينات رجاء الافاده رحمكم الله
ممكن تقدم في محافظة السكن او محافظة العمل ، طلما فيه ورق بالعنوان سواء لك او للزوجة ممكن تقدم في 6 اكتوبر
هو المفروض الزوجه والزوج بيقدموا مفردات المرتب والمفروض ميزدش مجموع دخلهم عن 3500 ولا الزوج بس ؟!
مجموع دخل الزوج والزوجة مع بعض
السلام عليكم اختى يوجد خلاف بينها وبين زوجها وهى تعمل فى محل 1200 جنيه فى الشهر وعندها طفلين هل ينطبق عليها الشروط ولا فى مشكله علما بان زوجها تاركها وهى غير مطلقة وطبعا لازم شهادة زواجها ايه الاوراق المطلوبه وهى عايشة عند والدها ولا تملك سكنا فهل ينطبق عليها الشروط .
هي طلما فيه وظيفة ومرتب ممكن تقدم ، بس مطلوب شهادة او ورقة توضح الحالة الاجتماعية ضمن الاوراق المطلوبة ، الافضل سؤال محامي او قانوني في النقطة دي بحيث يتم تقديم اي ورقة تثبت الحالة الاجتماعية الحالية