مع قرار تعويم الجنيه امام الدولار رسميا في البنوك اعلن البنك الاهلي المصري رفع سعر فائدة الشهادة البلاتينية الي 16 % بجانب اصدار شهادة استثمار جديدة بفائدة 20 % و مدة الشهادة سنة و نصف.
تفاصيل رفع سعر فائدة الشهادة البلاتينية ل 16 % في البنك الاهلي المصري
اعلن البنك الاهلي المصري اليوم الخميس رفع سعر فائدة الشهادة البلاتينية ل 16 % رسميا للشهادات الجديدة علي ان تكون مدة الشهادة البلاتينية 3 سنوات ، ويحسب العائد من اليوم التالي لتاريخ اصدار الشهادة و يمكن شرائها من فروع البنك الاهلي في جميع المحافظات.
يذكر ان سعر عائد الشهادة البلاتينية الشهرية السابق كان 12.5 % و عن سبب رفع عائد شهادات الاستثمار فهو تعويم الجنيه و محاولة البنك المركزي السيطرة علي التضخم الناتج عن ارتفاع سعر الدولار في مصر رسميا.
ويمكنكم من هنا
معرفة طريقة حساب عائد الشهادة البلاتينية و اهم شروطها وهل يمكن الاقتراض بضمانها
اصدار شهادة استثمار جديدة في البنك الاهلي بفائدة 20 %
ولاول مرة اعلن البنك الاهلي المصري عن شهادة استثمار بنسبة 20 % علي ان تكون مدة الشهادة 18 شهر ، و سيكون موعد صرف العائد كل 3 شهور ، و تعد هذه الشهادة هي الاعلي في تاريخ البنوك المصرية ومن المتوقع البدء في اصدار الشهادات رسميا بالعائد الجديد اليوم الخميس 3 نوفمبر وايضا بداية من عمل البنوك يوم الاحد القادم.
تفاصيل زيادة فائدة شهادة مجموعة ب الي 16.25 % بعد تعويم الجنيه
في موقع خمس خطوات ، نقدم لكم متابعة جيدة للشأن المصري والعربي والعالمي ، والاخبار السياسية والاقتصادية والبنوك في مصر والوطن العربي اهم النصائح والارشادات ومتابعة جيدة للتطورات الجارية.
هل شهاده طلعت حرب ال 20لسه مستمره حتى ام انتهت.وشكرا
مستمرة حتي الأن اه ، لكن فيه توقعات هيتم ايقافها شهر ديسمبر لسه مفيش تأكيد من البنك
بعد تعويم الجنيه ايه اخبار الشهاده ال بتاخدها ٣ اضعاف قيمتها بعد ١٠ سنين وممكن تشتري من بنوك ايه؟
شهادة مجموعة أ التراكمية لسه موجودة اه والعائد بعد ال 10 سنين 185 % + قيمة الشهادة وهي موجودة في البنك الاهلي المصري
هل بعد انتهاء مدة الشهادة ولم يتم سحب المبلغ يتم تجديدها تلقائيا من البنك ام لا ؟
اه بيتم تجديد الشهادة تلقائيا بس النسبة بتكون مختلفة حسب ما يحدد البنك وقتها ، لكن بتقدر تستردها بعد كدا في اي وقت
فائدة 16% لو عملت شهادة ب15000 مبلغ كام كل شهر
العائد في السنة لمبلغ 15 الف هيبقي 2400 جنيه ، والعائد كل شهر هيبقي 200 جنيه
بالنسبة للفائدة 20%لوعملت شهاده ب1000 جنيه كم المبلغ كل ثلاثه شهور
بالنسبة ل 1000 العائد هيكون 50 جنيه كل 3 شهور
هل مازالت الشهادة ال 20./’ موجودة حتى الأن ومواعيد بنك مصر ايه هى
اه مستمرة و مواعيد العمل في بنك مصر من الحد للخميس من الساعة 8 ونص صباحا حتي 2 ظهرا
هل لا تزال الفائدة موجودة 20% حتى الان
اه موجودة
ماهو المبلغ الذي تبدا به شهادة الاستثمار
اقل مبلغ 1000 جنيه
لو انا عملت شهادة استثمار ال 20% لسنه و نصف اخد فائدة كام كل ثلاثة أشهر
الفائدة 20 % في السنة الواحدة ، يعني كل 3 شهور العائد هيبقي 5%
يا تري الشهادات للان ممكن اشتري وﻻ اتوففت الاصدار
الشهادات مستمرة حتي الان
عايز اعمل قرض علي شهاده ايه الإجراءات
بتتوجه لخدمة العملاء في البنك بالبطاقة و الشهادة ، وبتحدد قيمة القرض و الموظف هيوضحلك الفائدة و اقساط سداد القرض بالتفصيل
هل العائد يصرف كل شهر او ثلاثه اشهر علي شهاده السنه والنصف
كل 3 شهور في شهادات السنة ونصف
وكل شهر في شهادات ال 16 % اللي هي 3 سنين
هل مازالت مستمره شهادات ال 20
100000 عليهم فايده كام بعد السنه ونصف
اه الشهادات مستمرة
الفائدة علي 100 الف بعد السنة ونص هتبقي 30 الف
في. في بنك. مصر شهادات عشرين في الميه
اه اسمها هناك “شهادة طلعت حرب “
ممكن افتح الشهاده يوم الاثنين 12\12
مستمره لحد الاثنين الشهاده ام 20 في المئه يرجوا الرد عليا
اه مستمرة الاسبوع دا ، لسه مصدرش قرار ايقافها
هل العائد السنوي مازال موجود ولا نسبة الفائدة رجعت زي الاول
اه لسه موجود مفيش تغيير حتي الان في شهادات ال 16 و ال20
ممكن اعرف ال 10000 عليهم فايدة اد ايه اللى هيا سنة ونص و20%فايدة ينزل كام كل 3شهور وكام مرة
مجموع العائد علي 10 الاف جنيه بالنسبة للشهادة ال 20 % بعد السنة والنص هو 3000 جنيه
كل 3 شهور هينزل في الحساب 500 جنيه * 6 مرات
موظف البنك كان بيقولى 500 على اربع مرات
اه قصده 4 مرات في السنة
وهيبقي لسه فاضل في مدة الشهادة 6 شهور يعني مرتين تانيين كل مرة 500
السلام عليكم
انا كنت عايز اشترى الشهاده ال عليها الفائده 20%
اسمها ايه الشهاده دى وماهى الاوراق المطلوبه عشان اشتريها ؟؟؟
وعليكم السلام ورحمه الله وبركاته
الشهادة اسمها الشهادة البلاتينية بفائدة 20 %
المطلوب هو بطاقة الرقم القومي تكون محدثة و سارية و 1000 جنيه لفتح الحساب لو معندكش حساب في البنك
هل ينفع عمل اكثر من شهادة ادخار في بنك واحد بنفس الاسم وهل شهادة ٢٠٪ لسه شغالة في البنك الاهلي المصري
اه ممكن اي عدد من الشهادات مفيش حد اقصي ، وحتي اليوم شهادة ال 20 لسه مستمرة
لو عندى شهادة وعايزة اغيرها لبلاتينية 16 اعمل ايه
بتتوجه لخدمة العملاء في البنك ومعاك الشهادة والبطاقة تكون سارية ، بتسترد الشهادة القديمة بس خلي الموظف يقولك المبلغ كام الاول علشان تبقي عارف الخصم او الخسارة قد ايه وبعد كدا بتطلب منه عمل شهادة البلاتينية بفائدة 16 %
لو عندي ٤٠٠٠٠ جنيه وحبيت اشتري ببهم شهادات بأهلي عائد بماذا تنصحني
اعلي شهادة حاليا هي البلاتينية ب 20 % سنويا ومدتها سنة ونص و دي افضل لو هتحتاجي الفلوس في وقت قريب
لو هتقدري تسيبي الفلوس فترة اطول يبقي اشتري شهادة البلاتينية اللي ب 16 % هي مدتها 3 سنين
لماذا لم يتم رفع الفوائد على شهادات ال12.5 تلقائيا أسوة بشهادة قناةالسويس ؟
الاستاذ الفاضل اللي بيرد لو سمحت انا مسافر برا وكنت شاري في الصيف اللي فات شهادات بلاتينيه من اللي قيمتة الواحدة 1000 جنيه.. فدي موقفها ايه ؟ وليه هما ميزودوش الفائظة تلقائي عليها..وهل لازم انزل مصر بنفسي عشان اغيرها ؟ ولا ينفع اون لين ولا ايه. شكرا
لو فيه توكيل لحد في مصر ممكن يغيرها ، غير كدا لازم حضورك علشان البنك بيحتاج توقيعك علي استرداد الشهادات او عمل شهادات جديدة
واتفق معاك ياريت فعلا البنك يغير الشهادات تلقائي بدلا التعب والانتظار في البنك
الشهادة البلاتينية اللى كانت ب 12.5 % سيتم رفع فائدتها الى 16 % فى وجودى بنفسى بالبنك ام يتم الغائها و عمل شهادات جديدة ب 16 %
و فى حالة انه سيتم رفع الفائدة من 12.5 % الى 16 % متى سيكون تاريخ انتهائها – هل سيكون تاريخ الانتهاء القديم ام سيتم حساب تاريخ بداية الشهادة من تاريخ التعديل الى 16 %
الشهادات القديمة بتفضل بفائدتها زي ما هي فلو عايز تغيرها للنسبة الجديدة لازم تروح للبنك وتستردها وتعمل شهادة جديدة و بيكون تاريخ الشهادة الجديدة حسب اليوم اللي هتعملها فيه و مدة الشهادة 3 سنين
ما وضع الشهادات القديمه اللي عائدها 10%
زي ما هي فالافضل طبعا تروح البنك وتغيرها علشان تستفاد بزيادة النسبة سواء 16 او 20 %
هل إصدار الشهادة ذات ال 20% مستمر ام لها وقت محدود؟
شرائها مستمر علي الاقل 3 شهور لحد ما الاسعار تهدي ونسبة التضخم تقل
مفيش خبر عن رفع الفائده علي الشهاده البلاتينيه التي كانت بحوالي 12.5% دون الحاجه لالغائها و شراء شهاده جديده بفايده 16% او 20%
لا للاسف مفيش جديد لازم نروح البنك ونغيرها بنفسنا
شهاده ب لاتينيه مر عليها شهر فقط وميعاد الشهر الثاني يوم عشرين كم المبلغ الذي يتم خصمه من الشهاده وهل أنتظرلبعد يوم عشرين وأخذ المبلغ ام اغيرها اليوم
من شروط استرداد الشهادة انه يمر 6 شهور علي شرائها ، عموما حاول في البنك وشوف الوضع ايه
وهى مش غريبه شويه ارتفاع الفائده بالشكل ده وياترى الفائده الشهريه للبنوك بقت كام يعنى ال ٣٠٠٠ يجيبو فايده اد ايه ف الشهر
مصر بقي فيها اشياء غريبة كل يوم 🙂
شوف هو بعد تعويم الجنيه التضخم بيرتفع والاسعار بتزيد علشان يقلل نسبة التضخم لازم يرفع نسبة الفائدة علي الجنيه
لو شهادة بلاتينية شهرية ب3 الاف و بفائدة 16 % يبقي العائد 40 جنيه في الشهر ، اما البلاتينية بفائدة 20 % هي ربع سنوية وعائد بيصرف كل 3 شهور يعني شهادة ب 3 الاف هتجيب كل شهور 150 جنيه
يعنى لو الاسعار نزلت ال عمل الشهاده الجديده طلعت حرب هينزلو فائدتها ولا ايه
الفائدة علي الشهادة نفسها ثابتة طول مدة الشهادة
اما الشهادات الجديدة فدي حسب كل شهر البنك المركزي بيحدد يرفع ولا يثبت ولا يخفض الفائدة ، علي الاقل ال 3 شهور اللي جيين هتثبت علي كدا واحتمال تزيد لو سعر الدولار كسر ال 20 جنيه في البنوك
لو معي مبلغ وعايز احطه في الشهاده بتاع الفائد أم%20ايه شروط القبول
الشهادة نفسها معلهاش شروط ، لكن علشان تعملها لازم تفتح حساب في البنك و البطاقة تكون سارية وموضح بها الوظيفة
كيف نحسب الفائدة الشهرية لشهادة قيمتها 4000 جنيه …بلاتينية 18 شهر .ذات الفائدة بنسبة 20%…ماذا تعطى شهريا ال 4000 جنيه لو سمحتم. شكرا مقدما
الفائدة 20 % سنوية فهنضرب المبلغ 4000 * سعر الفائدة 20100 = 800 جنيه في السنة
والعائد في الشهادة البلاتينية اللي ب 20 % بيتم صرفه مقسم كل 3 شهور هينزل في الحساب 200 جنيه
هل يمكن تحويل شهادات القمه القديمه الي الشهادات ذات عايد 16 او 20 %
اه ممكن طلما مر عليها 6 شهور من تاريخ شرائها بس هيتم خصم نسبة من العائد حسب المدة اللي مرت من الشهادة
شهاده بلاتينيه منذ سنتين بعائد 10:50‰ كيف يمكن الإستفاده من العائد الجديد
استردها و اعمل الشهادة الجديدة ب 16 % اللي هي مدتها 3 سنوات او ال 20 % اللي مدتها سنة ونص حسب الوقت اللي انت محتاج فيه الفلوس
وبالنسبة للخسارة وقت استرداد الشهادة هتتعوض خلال سنة من مدة الشهادات الجديدة
هل شهادات البلاتينية ١٢.٥ ارتفعت الى ١٦ تلقائيا ولا تستردها و نشتري ب١٦ من جديد ارجو الرد
لا مفيش زيادة تلقائيه غير في شهادات قناة السويس زادت ل 15.5 %
غير كدا لازم نروح البنك ونغيرها
شهادة بلاتينية بقيمة 35000 من خمس شهور كم خصم علشان استفيد من لفائدة الجديدة وشكرا جزيلا
لازم مرور 6 شهور علي الشهادة علشان تقدر تستردها ، وبيتم خصم حوالي 90 % من العائد في حالة استردادها مباشرة بعد ال 6 شهور
الشهادات القديمه لاتتغير
طب الشهادات اللى نسبه فايديتها 20% متاحه لامتى
مفيش وقت محدد هي معمولة علشان آثار تعويم الجنيه و التضخم غالبا هتقعد 3 شهور علي الاقل ويمكن اكثر خصوصا لو الدولار عدي ال 18 جنيه
شهادة بلاتينية قيمتها 340000 ذات عائد 12.5 في المائة انقضي من مدتها ثمان شهور وباقي سنتين و4شهور ما هو قيمة استردادها الان
بيتم خصم حوالي 90 % من العائد خلال الشهور الماضية من الشهادة ، يعني لو 8 شهور بالضبط هيتم خصم 25500 جنيه من قيمة الشهادة
طيب انا عندي شهادات البلاتينية او القمة القدبمة بسعر 12.5%.. فهل سيتغير عايدها اتوماتيكيا ويضاف لحسابي ام يجب بيعها وشراء الجديدة؟
واذا كان مضي علي شراء الشهادة القديمة حوالي سنة .. فهل بيعها الان يمكن ان يخسرني نقود ام لا .. وفي حالة الخسارة فما هو مقدارها.. شكرا لكم.
لازم تسترد الشهادات القديمة وتعمل شهادات جديدة علشان يطبق عليها الفائدة
لو مرة عليها سنة بيتم خصم حوالي 75 % من العائد اللي تم صرفة خلال السنة دي
والعرض دة مدتة أد اية تقريبا
مفيش مدة محددة حتي الان ، علي الاقل لمدة 3 شهور ويمكن اكتر حتي زوال اثار التضخم وارتفاع الاسعار نتيجة التعويم
لو عملت الشهاده ب ممكن أستردها بعد 6 شهور زي البلاتينيه
اه نفس الشروط والمميزات ، الفرق بس في المدة والفائدة
لو سمحت ممكن مثال للشهادة البلاتينيه 16 % يعني لو 1000 يبقئ كام فالشهر
شهادة بلاتينية شهرية ب 1000 وفائدة 16 % في السنة هتجيب 160 جنيه و العائد بينزل في الحسب مقسم شهريا يعني في الشهر هيبقي 13.3 جنيه
50 الف في شهادة ال 16% بتطلع كام كل شهر والسنة واشكرك جداا
العائد السنوي هيبقي 8000 جنيه و في الشهر هيبقي 666.67 جنيه
لو سمحت لو في شهاده بلاتينيه في بنك مصر قيمتها 100000 جنيه انقضى من مدتها سنه ونصف عند اسردادها تكون قيمتها كام
حوالي 60 % من قيمة العائد اللي تم صرفه خلال مدة الشهادة
هل يمكن استرداد قيمة الشهادة البلاتينية القديمة قبل ٦ شهور من شرائها
لا لازم مرور 6 شهور من تاريخ شراء الشهادة حسب شروط البنك
من فضلك ال20 % لمده سنه ونصف كامله
ولا علي السنه بس
نسبة ال 20 % علي السنة ، و ال 6 شهور الباقيين من الشهادة يتم صرف العائد مرتين كل مرة 5 % علي اساس ان عائد الشهادة بيصرف ربع سنوي ، 4 مرات في السنة
لو سمحت الشهاده 20% سنه ونصف فقط ام تجدد نفسها عند الانتهاء و شكر
هي مدتها سنة ونصف فقط ، اما عند التجديد فحسب البنك ما يحدد وقتها خصوصا انها نسبة مرتفعة وسببها تعويم الجنيه والتضخم اللي هيحصل
حتي الان مفيش كلام انها هتجدد ، خصوصا انها جديدة من نوعها و هتبقي لفترة محددة
هو القيمة الاستردادية لشهادات مجموعة ب البنك الاهلي تحسب بنفس طريقة حساب البلاتينية
بنفس الطريقة بس فروق بسيطة علشان مدة شهادة مجموعة ب 5 سنوات
لو سمحت ممكن توضيح حساب فاءدة الشهادة اللى بقيمة ٢٠℅
مثلا الشهادة ب 1000 جنيه العائد السنوي هو 20 % يعني هيكون 200 جنيه في السنة ، بيتم صرف العائد دا موزع و مقسم بطريقة ربع سنوية كل 3 شهور هينزل في الحساب 50 جنيه
او لو حساب العائد مجمع طول فترة الشهادة اللي هي سنة ونصف العائد كله هيكون 300 جنيه لكل الف جنيه
هل تسرى الفائدة 16% او 20% على شهادات استثمار قناة السويس أيضا ؟
لا للاسف الشهادات القديمة سواء قناة السويس او البلاتينية القديمة زي ما هي
الفائدة الجديدة علي الشهادات الجديدة بس ، وعامة فرق النسبة الكبير هيعوض الخصم اللي هيحصل عند استرداد الشهادات القديمة
شكرا
لو سمحت ليه نصحت ب شهادات ال ١٦ ٪ مش ال ٢٠٪ ؟؟؟ وايه عيوب شهادات ال ٢٠٪
علي اساس ان شهادة ال 16 % مدتها اطول 3 سنين ، بينما ال 20 % مدتها سنة ونصف فقط ، عامة الاتنين نفس الخصائص الفرق في المدة بس وكل واحد حسب ظروفه يعني لو هتحتاجي المبلغ في وقت قريب يبقي ال 20 % افضل طبعا
هل الشهاده الجديده عائد 20% سنه و نصف فقط ولا تجدد نفسها عند الانتهاء و شكرا
إذا كانت الشهادة ١٢.٥ ولم يتم سحب اى عائد منها فى حالة استردادها كم فى المائة يكون الخصم
علي حسب المدة الباقية من الشهادة قد ايه؟
عامة هم بيخصموا من مبلغ الشهادة نفسه كدا كدا سواء سحبت مبلغ العائد من الحساب ام لا
طيب لو سمحتم موقف من قام بشراء شهادة بلاتينية بفائدة 12.5 قبل شهر يحاسب على 12.5 ولا 16
زيادة الفائدة علي الشهادات الجديدة بس ، عامة حاول تجرب في البنك وشوف الوضع ايه طلما لسه مسحبتش العائد
انا عندي شهادة بلاتينية 10 ،/` ثلاث سنوات عدى سنة وفاضل سنتين عايز ابدلها ب 16،/`
الخسارة بتتحسب ازاي
بتتحسب علي حسب المدة الباقية من الشهادة لو لسه سنتين يبقي هيتم خصم 75 % من قيمة العائد في الفترة الماضية من الشهادة ، يعني شوف العائد اللي صرفته كام خلال السنة دي ، هيتم خصم 75 % منه و الخصم بيتم من مبلغ الشهادة
لو شهادة بلاتيينيه 100 الف جنيه تمت سنه في حالة سحبها كيف تحسب
من خلال خدمة العملا في البنك ، هيتم خصم نسبة 75 % من قيمة العائد اللي صدر في السنة دي من الشهادة
انا معايا مبلغ عاوز اشتري شهادات بفايدة 20% يرجي التفاصيل اكتر
بتتوجه للبنك من خلال خدمة العملا هناك لو معندش حساب بيتم فتح حساب جديد وايداع المبلغ ثم شراء الشهادة
لو سمحتم سعر الفائدة دا هيطبق علي الشهادات البلاتينية القديمة ولا ايه ؟؟
ومتي موعد تطبيق القرارات دي ؟؟ وشكرا
لا الزيادة في الفائدة علي الشهادات الجديدة فقط ، و عامة الشهادات القديمة اللي ب 10.5 الافضل تسحبها وتعمل شهادة جديدة 16 % و الخسارة وقت السحب هتتعوض في فرق النسبة