أعلنت وزارة الاسكان عن ان الاعلان الخامس للاسكان الاجتماعي ضمن المليون وحدة في المدن الجديدة سيكون بعد اجازة عيد الفطر المبارك من يوم الأحد 26 يوليو 2015 وحتى يوم الأحد الموافق 16 أغسطس 2015 ، حيث سوف يتم طرح 15 ألف وحدة ، ونستعرض معكم في خمس خطوات شروط التقدم للحصول علي شقة في الاسكان الاجتماعي وماهي الاوراق المطلوبة وماهي مبلغ الاقساط الشهرية لشقق الاسكان الاجتماعي يوليو 2015 ….
محافظات شقق الاسكان الاجتماعي المليون وحدة
وحسب ما اعلن الدكتور مصطفى مدبولى، فى تصريحات صحفية حصل عليها موقع خمس خطوات اليوم ، أن المدن التى سوف يتم طرح شقق الاسكان الاجتماعي فيها ، فى الإعلان الخامس، هى القاهرة و 7 محافظات مصرية اخري وهي، محافظة الإسكندرية، محافظة سوهاج، محافظة المنوفية، محافظة أسوان، محافظة قنا، محافظة الأقصر، محافظة بني سويف.
مواصفات شقق الاسكان الاجتماعي يوليو 2015
اما عن مساحة شقة الاسكان الاجتماعي حسب ما اعلنت وزارة الاسكان أن مساحة هذه الوحدة تبلغ 90 متر مقسمة على 3 غرف معيشة وصالة ومطبخ وحمام، وأشارت الوزارة أن الحجز يكون بنظام التمليك، ويتم سداد ثمن الشقة عن طريق الاقساط.
الشروط والأوراق المطلوبة لحجز شقق الاسكان الاجتماعي يوليو 2015
- أن يبلغ عمر المتقدم من 21 سنة وحتى 50 سنة.
- حجز الوحدات يتم بنظام التمويل العقاري.
- حجز الوحدات لمحدودي الدخل.
- صورة بطاقة الرقم القومي.
- صورة عن شهادة التأمين الإجتماعي.
- صورة عن السجل التجاري.
- إيصال مرافق لإيضاح مكان السكن.
- صورة عن البطاقة الضريبية.
- صورة عن الحالة الإجتماعية وعدد أفراد الأسرة.
- صورة عن وثيقة الزواج وشهادات الميلاد.
مواعيد حجز شقق الاسكان الاجتماعي يوليو 2015
واعلنت وزارة الاسكان والمجتمعات العمرانية أن حجز الوحدات سيكون ضمن مشروع الإسكان الإجتماعي، وسيتم البدء بإستقبال طلبات وذلك بدءاً من يوم الأحد الموافق 26 يوليو 2015 وحتى يوم الأحد الموافق 16 أغسطس المقبل، وأكدت الوزارة أنه لن يتم النظر في أى طلب مقدم غير مستوفي الشروط.
ما هو مبلغ مقدم حجز شقق الاسكان الاجتماعي 2015 و قيمة الاقساط الشهرية
ويبلغ القسط الشهري 480 جنيه شهرياً ولمدة 15 عام، ويكون التقدم لهذه الوحدات بمبلغ حجز 5000 جنيه بالإضافة إلى رسوم 100 جنيه، حيث يتم الإيداع في مكاتب البريد على حساب رقم: 0135013000234818 وذلك لحساب بنك التعمير والإسكان، مع ضرورة تعبئة نموذج الطلب وإرفاق الأوراق المطلوبة مع إيصال الحجز وإرسالها إلى فروع البنك مع إيضاح المحافظة المطلوبة….
تحديث 30 يوليو 2015 شاهد بالفيديو وزير الاسكان يوضح ثمن الشقة كاملة وكيفية حساب المقدم
ايضا من هنا يمكنكم قراءة المزيد
بالتفصيل عن احدث تعديلات شروط واقساط شقق الاسكان الاجتماعي 2015
كما يمكنكم من هنا تحميل
استمارة التقدم لحجز شقة الاسكان الاجتماعي 2015 ومعرفة اماكن الشقق في المدن الجديدة
وايضا تعرف من هنا :- علي عناوين فروع بنك التعمير والاسكان بالتفصيل وارقام التليفونات للاستفسار
موقع خمس خطوات يقدم معلومات بسيطة فى شرح سهل من خمسة خطوات للأحداث الجارية وكافة مناحي الحياة المتنوعة لإثراء محتوي اللغة العربية على الإنترنت وتقدم العديد من مقالات الصحة والحياة وشغل المنزل والوصفات الطبيعية.
أنا دفعت 29500 غير 5000 مقدم
وقسط 650 لمدة 20 سنة
–
فين الثقة في مسئولين البلد
حتى الأن لم يتم إبلاغى بالقرعة وانا قدمت الأوراق بتاريخ 16 / 8 / 2015
استعلم من صندوق التمويل العقاري هنــا سواء علي الموقع او بالتليفون
انا ساكن في شقة عقد قديم هل لي الحق في الحصول علي شقة في الاسكان الاجتماعي
اه ايجار قديم او جديد ممكن التقديم في الاسكان الاجتماعي عادي المهم ميكونش فيه شقة تمليك باسمك او اسم الزوجة
قد تقدمت عام 2015 بحجز وحده سكنية وبعد ما البنك قال اننى فوز بوحدة سكنية قال لى هذه الأيام اننى لم افوز بالرغم من انطباق الشروط كنت أريد معرفة السبب
ممكن التواصل مع البنك او صندوق التمويل العقاري لمعرفة السبب بالضبط هتلاقي هنـــــا طرق التواصل مع صندوق التمويل العقاري بالتفصيل
عمرى 52سنة و زوجتى 40سنة لدينا 2طفل قصر +2طفل غير قصر واحد بالجامعة والثانى فوق22 سنة ولا يعملان
انا اعمل بمرتب فعلى 2000ج ومرتبى بالتأمينات2750ج بسبب زيادات التأمينات السنوية ، مرتب زوجتى الفعلى 750ج ومؤمن عليها 250ج حديثا” ولدينا شقة ايجار قديم باسمى وايصالات المرافق باسمى وسأقوم بالتقديم باسم زوجتى لأن عمرى52سنة ، واعمل انا والزوجة فى شركة بمدينة العبور , الابناء الكبار يسكنون فى الشقة الايجار القديم وانا والزوجة نسكن فى شقة ايجار جديد بمدينة العبور للقرب من مكان العمل , هل يجوز التقديم حسب كل ما سبق ونحصلى على شقة فى العبور ..
طلما الشروط متوافرة في الزوجة ممكن تقدم باسمها و بالنسبة للتقديم في مدينة العبور طلما مكان الشغل هناك ممكن تقدم عادي
أنا عاوزة اعرف لازمته إيه عمل دخل عند محاسب قانوني وأنا قدمت الشقة بإسمي وعلمت بيان مفردات خاص بي أنا افيدوني أفادكم ألله
شهادة دخل عند محاسب قانوني دي لو انت اعمال حرة او صاحب عمل ، اما لو موظف قطاع عام او خاص بتقدم مفردات المرتب بس
اختي ترغب في التقدم علي الاراضي المتميزة وتعمل بالخارج هل يمكن التقدم للحصول علي قطعه ارض وكيفية الحصول علي شهاده التأمينات الاجتماعية
ممكن تعمل توكيل لحد في مصر ويقدم باسمها ، بالنسبة للتامينات بيتم الحصول عليها من مكتب التامينات لو مفيش تامين ممكن تعمل تامين شخصي باي مبلغ
لو سمحت، إذا كانت الشروط لا تنطبق علي، فهل أستطيع التقدم باسم شخص آخر تنطبق عليه الشروط
مش فاهم قصدك ايه بالضبط ؟ ما هو لو تنطبق عليه الشروط ممكن يقدم عادي ، لو قصدك بعد كدا هيسبلك الشقة ، قانونيا لا مش هينفع يتصرف في الشقة غير بعد 7 سنين
الثمن فوق قدرة محدودي الدخل
بالنسبه للمستفيدين من أراضي بيت الوطن لهم الحق ف التقدم
لا لو حصل علي شقة او ارض من وزارة الاسكان مش هيتقبل الورق في الاسكان الاجتماعي
بعد اذنكوا اللي مش مؤمن عليه بعمل ايه وساكن في ايجار وعايز يحجز يعمل ايه بالنسبة لشهادة التأمينات الاجتماعية دي ارجو الرد
ممكن تعمل تامين شخصي في مكتب التامينات التابع له
لو سمحتم يعنى ايه تأمين شخصى علشان انا سبت شغلى من فتره والتأمين وقف اكيد وواقع فى نفس المشكله
يعني انت اللي بتدفع مبلغ التامين بنفسك مش جهة العمل
انا تقدمت فئ الاعلان الثاني وسحبت المقدم هل يجوز التقدم مرة اخرة و في اي اعلان اسجل البيانات وهل اتقدم بورق مرة اخره وشكرا
ارجو الرد عليا
طلما مطابق للشروط ممكن تقدم عادي كراسة الشروط في 22 ابريل والتقديم هيكون في شهر مايو 2015
انا عنوان المسكن القاهرة واريد ان احجز شقة بالقاهرة الجديدة والان تم فتح باب الحجز بمدينة الشروق هل ممكن اقدم فى الشروق وعند فتح باب الحجز بالقاهرة الجديدة اقدم على القاهرة الجديدة
ممكن تقدم في الشروق وحسب الوحدات المتاحة ممكن تنقل الورق لمدينة القاهرة الجديدة ، بس غالبا هيبقي فيه وحدات في القاهرة الجديدة في الاعلان القادم
طيب انا كل دخل الاسرة3100 ج عشان زيادة مية جنية مليش الحق في الاسكان الاجتماعي!!! مش ده ظلم لينا
معلش الموضوع هنا قديم لسنة 2015 لكن اخر تحديث مارس 2016 الحد الاقصي لدخل الاسرة زاد بقي 3500 جنيه
حضرتك انا من سكان البحيرهوالعنوان البحيره لكن شغلي في القاهره وانا خاطب من القاهره ينفع اقدم علي شقه في العبور اوالسلام
ممكن تقدم في الاسكان الاجتماعي حسب مكان السكن او العمل
محافظة القاهرة الوحدات بتبقي في مدينة السلام ومدينة بدر والقاهرة الجديدة
لو سمحت انا مكتوب كتابي بقالي خمس سنين هل هيكون لي اولويه في المرحلة الاولي زوجي غير قادر علي مصاريف الايجار المرتفعه في بورسعيد
اه قدموا وان شاء الله خير وعامة الاسر ليها اولوية في شقق الاسكان الاجتماعي
بل نسبه لسكان القاهرة هيكون امتاميعاد التقديم افدونى وارحموني من جشع الملاك لوسمحتو
ان شاء الله قريب خلال شهر مارس او ابريل 2016
يا سعاده وزير السكان انتا قولت سعر الوحده 135 الف يتم دفع 15 في الميه من قيمه الوحده يعني 13 الف و500جنيه التمويل بيقول45 الفجنيه بزمه ده معقول احنه هنجيب فلوس منين يا ريس الحقنا
لو سمحت دلوقتي استعلموا عني في المنزل و العمل فهل سيوجد قرعة جديدة في البنك ام انتظر رد البنك لاعرف اني من الفائزين ام لا. ارجو الرد.
طلما تم الاستعلام عن بياناتك والبيانات سليمة بنسبة كبيرة ان شاء الله هتفوز بالشقة ، حاليا البنك اعلن ان مفيش قرعة في الاسكان الاجتماعي وهيتم تخصيص الشقق للاكثر احتياجا حسب الحالات والبيانات بعد فحصها
هل يوجد زيادة سنوية على قيمة القسط وكم مساحة الشقة
القسط والزيادة بتحدد حسب المرتب ويبدأ من 480 جنيه وعامة مش بتكون زيادة كبيرة حوالي 7 %
مساحة الشقة 90 متر عبارة عن 3 غرف وصالة
من فضلك لم يتم الاعلان عن قرعه يوليو 2015 وقد اعلن الان عن اعلان جديد الشهر القادم نريد ان نعرف النتيجه حتي يتسني لنا اعاده المحاوله
وشكرا جزيلا
بنك الاسكان والتعمير بيتصل بالناس اللي تم قبولهم لفحص الاوراق واستكمال الاجراءات ، لو البنك متصلش بيكي يبقي تواصلي مع فرع بنك الاسكان والتعمير التابع له لمعرفة موقفك
الشباب في الخارج ينفع يقدمو في الشقق دي وطريقة التقديم
اه ممكن وتقدر من هنا تشوف تفاصيل اعلان شقق الاسكان الاجتماعي شهر فبراير 2016
لو قدمت قبل كده فى اعلان حسب محل الاقامة و لم يتم الاعلان عن الفائزين
هل ممكن اقدم فى اعلان جديد حسب محل العمل؟
و خاصة ان الاولوية بالنسبة لى محل العمل
اه ممكن ، التقديم عامة في الاسكان المتوسط اما حسب محافظة السكن او محافظة العمل
عايز اعرف نتيجة القرعة هتطلع امتى
ولو طلعت هعرف ازاى ان انا كسبت الشقة
الرجاء الافادة
واتابع مين علشان اعرف النتيجة
هيتم اعلان موعد القرعة قريب ان شاء الله ، ونتيجة القرعة بتبقي علي موقع وزارة الاسكان ومواقع الاخبار
قيل ان بعض المحافظات التي تم التسليم فيها وصل نسبة ١٥٪الي ٤٢٠٠٠ جنيه في حين ان نسبة١٥٪ من ١٣٥الف اقل من ذلك بكثير فهل هذا صحيح ام مجرد اشاعات
هو فعلا كان فيه ناس قالت الكلام دا في الاعلانات الاولانية لمشروع الاسكان الاجتماعي ، لكن حسب كلام وزير الاسكان الاخير ان المقدم كله مش هيزيد عن 17 الف جنيه ، ممكن تشوف هنـــا فيديو كلام الوزير بالتفصيل
السلام عليكم اخى اريد التقديم على شقه بس انا من كفر الشيخ هل له تقديم ام لا لكن انا مرتبى 1500 جنيه ومش موظف ارجو الرد عليه والاستفسار لكى افهم ولكم الشكر واتنمنى الشرح بالافاده
وعليكم السلام ورحمه الله وبركاته ، حاليا مفيش اعلان من وزارة الاسكان لشقق الاسكان الاجتماعي ، ان شاء الله هيكون في السنة الجديدة شهر يناير او فبراير 2016
في الاعلان بيتم تحديد الشروط والتفاصيل والاماكن وان شاء الله يكون فيه شقق في محافظة كفر الشيخ ، لا يوجد حد ادني للمرتب لكن من الاوراق المطلوبة شهادة من التامينات بس فيه كلام ان موضوع التامينات دا مش هيطلب في الاعلان القادم لان معظم الشباب في القطاع الخاص مش مؤمن عليهم ، المقدم بيبقي 5 الاف جنيه بيتم دفعها لبنك التعمير والاسكان وارسال الاوراق بالبريد
ان شاء الله اول لما تعلن وزارة الاسكان عن مرحلة جديدة من شقق الاسكان الاجتماعي هنوضح التفاصيل اكتر
ما هي الشروط ومتي واين الحجز وارجو الرد
الشروط موجودة بالموضوع ، لكن حاليا لا يوجد اعلان من وزارة الاسكان للتقديم فيه ، ان شاء الله هيبقي في بداية 2016 شهر يناير او فبراير ، والتقديم حسب الاعلانات الماضي كان بيبقي عن طريق ارسال المقدم 5000 جنيه لبنك التعمير والاسكان ثم ارسال الاوراق المطلوبة
هل يجوز ل الارمله حجز شقه
اه طبعا يجوز للارملة التقديم وبيبقي للارامل تفضيل في قرعة شقق الاسكان الاجتماعي ، تابعي اعلانات وزارة الاسكان ان شاء الله هيكون في اعلان جديد لشقق الاسكان الاجتماعي في السنة الجديدة
ممكن نقدم في المشروع دلوقتي ولا انتهى ميعاد التقديم أرجو الرد
مفيش اعلان حاليا للتقديم فيه ، ان شاء الله في شهر فبراير 2016 هيتم الاعلان عن شقق جديدة في الاسكان الاجتماعي وفتح باب التقديم
من فضلك انا قدمت في الاسكان تبع طنطا عايز اسحب الفلوس ومفيش بنك اسكان وتدمير في طنطا ارجو الحل
شوف اقرب فرع ليك من فروع بنك التعمير والاسكان هنـــا وهتلاقي ارقام التليفونات ممكن تتصل بيهم قبل ماتروح
هل سألت ينفع أسحب من أى فرع لو سمحت
لوسمحت انا جوزي بيشتغل برا مصر وعايزين نقدم في شقق الاسكان وحماتي عامله معاش تأمينات وهي دلوقتي فوق الستين ممكن تضمنا في التقسيط والتقديم
ممكن زوج حضرتك يعملك توكيل وتقدمي باسمه او تقدمي باسمك لو مفيش شغل كربة منزل ، والحد الاقصي للسن هو 50 سنة
لوسمحت بالنسبه للمطلقه وعاوزه اقدم ع شقه اوراق المطلوبه والمبلغ كام واقدم امته
حاليا مفيش اعلانات في الاسكان الاجتماعي
عامة الاوراق مذكورة في الموضوع ، والمبلغ بيكون 5000 جنيه ، ان شاء الله يكون فيه اعلان قريب في 2016
متى سيكون موعد الإعلان القادم؟
ان شاء الله في يناير او فبراير 2016
امتي الاعلان عن اسماء الفائزين في الإسكان الاجتماعي الي كان آخره 16-8
لسه الفرز مستمر واخر الاخبار ان القرعة ان شاء الله في يناير 2016
لو سمحت هو الاعلان عن اسماء الفائزين في القرعه هيكون الأسبوع ده لان كده هيكون اكتمل 3شهور على التقديم…يا تري في أخبار ولو مفيش ارجو منك ان تعرفنا أول بأول عن اليوم اللي هيتم الاعلان فيه
لسه مفيش اخبار حول ميعاد القرعة بالضبط ، اخر خبر كان ان الفرز اوراق المتقدمين مستمر ومن المنتظر عمل القرعة قبل نهاية عام 2015
لو سمحت لو عايز اعرف ميعاد القرعة اللى كان اخرها ف ١٦ اغسطس ممكن اعرف ازاى وهل فيه رقم للاستفسار
لسه خلال شهر او شهرين ، شوف الموضوع دا فيه ارقام وعناوين فروع بنك التعمير والاسكان ممكن تتصل بيهم هنـــا ، بس رسميا لسه مفيش اخبار عن القرعة امتي بالضبط
لوسمحتم نتيجة قرعة الاسكان 6 اكتوبر اللي خلصت 16/8/2015 ظهرت ولا لأ
لا لسه مفيش اخبار عن ميعاد القرعة
أن شاء الله نتيجه القرعة 15يناير2016
طب حلو كدا ، شكرا ليك ، ياريت تقولنا مصدر الخبر بالمرة :))
انا تم استبعادي من الوحده بسب الوظيفه فانا ليس موظف ولكنه لم يتطلب هذه الشروط في بأدي الامر فما الحل ارجو الردمن فضلكم
من الشروط وجود وظيفة وتامينات لضمان سداد الاقساط للاسف دا شرط مطبق علي الجميع ، عموما حاول تقدم تظلم في بنك التعمير والاسكان
لو محصلتش علي شقه المره دي ليه ميبقاش لينا الاوليه في المرحله القادمه من طرح شقق جديده
لا ، بيتم التقديم مرة اخري من البداية
السﻻم عليكم هو لسه نتيجة شهر 7 مطلعتش و لﻵستفسار نعرف ازاى ولو في تليفون ممكن للتواصل مع بنك القطاميه
لسه فرز اوراق المتقدمين مستمر ، ممكن تتواصل مع بنك التعمير والاسكان هتلاقي ارقام وعناويين الفروع في الموضوع دا هنــا
استفسار عن ميعاد القرعة المخصصة لمرحلة السابعة التي كانت لغاية 16/ 8 / 2015 ( الف شكر )
لسه مفيش اخبار معينة عن ميعاد القرعة لكن فرز اوراق المتقدمين مستمر
هل يمكن سحب مبلغ الحجز الان.لا اريد الاستمرار
ممكن تتواصل مع بنك التعمير والاسكان هو اللي مختص بتسليم او سحب مبلغ الحجز لكن المعلن من وزارة الاسكان ان سحب المبلغ بعد الاعلان عن نتيجة القرعة
طب لو مش موظف ممكن يقدم عادي او سن فوق خمسين شويه
لازم يكون فيه تامينات والسن حتي 50 سنة فقط
طاب أنا أعزب و معنديش وظيفه .. ينفع أقدم في القرعه القادمه .. ؟؟
لازم وظيفة وتأمينات للتقديم ، هو فيه كلام ان يتم الغاء شرط التأمينات لكن لسه برضو محتاج وظيفة بحيث يتم ضمان تسديد الاقساط عن طريق المرتب
هو لازم اكون متزوجه ولا مش شرط لو انسه او اعزب مفيش مشكله ياريت الافاده
لا مش شرط ، ممكن الاعزب يقدم عادي لكن شرط المرتب بالنسبة للاعزب لا يزيد عن 1750 جنيه شهريا
هو الاستفسار ممكن ابدل وحدتي بالهناجر 57 متر ب90 متر وذلك لضيق الشقة علينا واننا اتظلمنا في هذا العرض ومن حقنا التبديل و
ذا كان موجود في الاعلان عند تقدمنا لهذه المساحة وار جو الرد .
هو بالنسبة للوحدات دي بتبقي بالقرعة مش بالتخصيص ، لكن حضرتك او احد افراد الاسرة ممكن يقدم في الاعلان اللي جي ان شاء الله
لو سمحت هي القرعه بعد 3شهور ولا6 وكمان هنعرف منين أنها رسيت علينا ولا لأ يعني في حد هيتصل يبلغنا لو كنا من اللي هيستلمو شقق ولا لأ ولا ولو اسمنا مكنش في القرعه ساعتها هناخد الفلوس ازاي وبعد اد ايه
– خلال 3 شهور لكن ممكن تتاخر حسب ما يخلصو فرز ومراجعة المتقدمين لان زي ما حضرتك عارفة شغل الحكومة ملوش مواعيد محددة
– القرعة ان شاء الله هتبقي علانية وهيتنشر موعدها في الجرايد وممكن للمتقدمين حضورها ، وهيتم ابلاغ الفائزين لدفع المقدم واستكمال باقي الاجراءات
– لو مش من الفائزين بالقرعة بعديها علطول يتم التوجه الي بنك التعميير والاسكان لاستلام الفلوس
ما تصدق لانى متقدم من شهر 8 / 2014 ومن المستحقين فى محافظة بنى سويف وكل ما اسأل فى بنك الاسكان يقولو لسه شويه وفى الاخر قالو روح أسأل فى صندوق التمويل العقاري ولما رحت وبحثو عنى قالو بنك الاسكان ما ارسل عنك أى بيانات انا نفسى اعرف فين المسؤلين كل شىء فاسد كدا كان نفسي محلب ينظفهم لكن يبدو الشعب المصري تعود على كدا
بعد اذن حضرتك كنت حابه اعرف هي الشقق بتنزل كل اد ايه وياريت لو لحضراتكم صفحه علي الفيس بوك لسهوله التواصل
دي صفحة وزارة الاسكان علي الفيسبوك https://www.facebook.com/EgyptianMinistyOfHousing
ودي صفحة موقعنا خمس خطوات https://www.facebook.com/5khtawat
اعلانات الاسكان الاجتماعي بتنزل كل 3 او 4 شهور
انا مالحقتش المرحلة دى ممكن اعرف المرحلة الجاية امتى ولا غير معروف
لسه مفيش ميعاد لكن خلال 3 او 4 شهور ان شاء الله
ممكن ينفع حضرتك اقدم الأوراق بكره الصبح وهو فعﻻ اخر ميعاد للحجز بكره
16 اغسطس اخر يوم اه ممكن تلحق وتقدم الصبح
نعرف امتى اننا اتقبلنا ف القرعة فى مكان معين نسال فية وبعد اد اية نسال من بعد يوم 16/8/2015 .. ولو فية موقع بينزل اسماء الناس اللى اتقبلت يا ريت تنزلوه عشان ابقة متابعه….. الرجاء الرد . شكرا
من خلال فروع بنك التعمير والاسكان ، والقرعة هتبقي ان شاء الله علانيه خلال 6 شهور
ممكن نقدم انا وجوزى بمفرادات مرتبنا
ع هو مرتبه لوحدة مايقضيش
طلما هتقدموا كأسرة يبقي هتقدموا مفردات مرتبكم انتو الاتنين
بيتردد كتيير في هذه الايام ان اجمالي ال15%بيوصل لي30و40 الف جنيه مع العلم ان الكلام الاي اتقال من المسئولين عن التمويل العقاري قالو حوالي من 12 الي 18الف جنيه هل هذا صحيح لان لو الكلام داه صحيح يبقه الواحد ميقدمشي
فعلا كان فيه كلام كدا ، لكن وزير الاسكان مؤخر اوضح ان ثمن الشقة كلها 135 الف جنيه و المقدم 20 % حوالي مبلغ 12 الف جنيه او 17 الف في حالة جمع ال 5000 المدفوعة مسبقا ، ممكن تشوف في الموضوع دا فيديو تصريحات وزير الاسكان بالتفصيل
انا مش لاقيه محافظه الجيزه من ضمن المحافظات ، فيه في الجيزه ولا لا
القاهرة موجود وحدات في القاهرة الجديدة ، الجيزة فيه وحدات 6 اكتوبر
انا وجوزى شغالين الحد الادنى للدخل كام
مفيش حد ادني ، فيه حد اقصي لدخل الاسرة هو 3000 جنيه
طيب انا مكان عملي الاصلي في اكتوبر و منتدبه للقاهره و بطاقتي و عنواني علي القاهره اقدم تبع القاهره و لا الجيزه..و هل ممكن اقدم في مكانين
التقديم في مكان واحد ، واللي يناسب سواء علي اساس العمل او علي السكن
انا مش موظف ومش عندي تأ مينات وتزوج وعند ابنين وسكان بالإيجار اعمل علشان يبنى الدور فى الشقق
هو ممكن يكون المتقدم اعزب ولا شرط يكون متزوج وممكن يكون من محافظه خارج ال 7 محافظات دول ولا عادى ارجو سرعة الرد وشكرا
ممكن يكون المتقدم اعزب بمرتب حد اقصي 2250 جنيه ، لو محافظة سكنك او عملك ممكن تقدم فيها
فى حالة عدم وجود فرصه الشقة المبلغ المدفوع يرجع لصاحبة تانى ولا آية النظام بالطبط
اه بيتم اعادة المبلغ واستلامه من خلال فروع بنك التعميير والاسكان
هل من الممكن شراء الشقه و عدم استخدامها بل غلقها و تركها لابني
لو الشروط متوافرة ودخل الاسرة اقل من 3000 ممكن تقدموا ، بالنسبة لاستخدام الشقة او غلقها عادي ، لكن لا يمكن بيعها حتي تسديد الاقساط
انا ربت منزل وزجي شغال شغل حر ليس لهو بطاقه ضريبيه والاتامينات والامفرضات مرتب بس هو الدخل الشهر كويس ينفع اقدم بشهدات ميلاد الاولاد وقصيمه الزواج
ممكن بس حاولي حضرتك تقدموا ما يثبت وجود دخل للاسرة مع الاوراق
طيب لو مش شغال هيبقي ايه الورق المطلوب ولازم اكون من محافظة القاهرة عشان اقدم مينفعش اكون من الجيزة
هتحتاج مصدر دخل علشان تسدد الاقساط ، فيه حاليا وحدات في 6 اكتوبر تبع الجيزة ممكن تقدم فيها شوف الموضوع من هنا
لو سمحت طيب انا كنت بشتغل محاسبه من 4سنين و حاليا ربه منزل اجيب ورقه من التأمينات و عقد الجواز و صوره البطاقه و شهاده ميلاد الاولاد
اه زي ما حضرتك ذكرتي الاوراق دي بجانب لو فيه مصدر دخل للاسرة وضحيه في الاوراق
انا ارملة وربة منزل واحصل على معاش جوزي
اجيب من التامينات ورقه بقيمة المعاش؟
وايه الحد الادنى للمعاش عشان اقدم؟
واقدم صورة شهادة وفاة جوزي وشهادات ميلاد اولادي؟
الحد الاقصي للدخل الشهري المذكور للتقديم كأسرة في الاسكان الاجتماعي هو 3000 الاف جنيه ومفيش حد ادني
حضرتك بتقدمي الاوراق الدالة علي المعاش من التامينات ، و علي الحالة الاجتماعي وطلما في اولاد بتقدمي شهادات الميلاد اه
اتا مدرس ولا املك بطاقة ضريبية وغير متزوج واسكن مع والدي وامي ولا سجل تجاري هل ينفع اقدم ولا مينفعش
البطاقة الضريبية والسجل التجاري لو عندك شغل خاص او مثلا فاتح مكتب او محل
اما بالنسبة لحضرتك لو مدرس يبقي بتقدم مفردات المرتب و شهادة التامينات وباقي الاوراق المذكورة
طيب هو ينفع اروح أقدم في البنك على طول بدل البريد
لا هم محددين الخطوات دي للتقديم للجميع
انا قدمت الورق كله وزوجتي مش بتشتغل لازم اقدم ما يثبت ان زوجتي مش بتشتغل
لا طلما مذكور في البطاقة انها ربة منزل او حاصلة علي مؤهل كذا ومش مسجل في التامينات انها بتشتغل يبقي تمام
ممكم اعرف هو فعلا تسليم الشقق بعد 14 اسبوع من تاريخ بداية التقديم وياتري هي قرعه ولا ايه وشكرا
اه هي بالقرعة ، موعد التسليم نفسه لسه حسب وزارة الاسكان ، علشان الاول بيعملو فرز للمتقدمين ثم قرعة ثم تسليم الشقق
انا آنسة 36 عاما وأعيش مع أخى و أحصل على معاش بعد وفاة والدى . هل مطلوب حالة اجتماعية أم تگفى صورة البطاقة وهل مطلوب شىء من التأمينات
طلما حضرتك هتقدم كفرد يبقي مش مطلوب الحالة الاجتماعية بيبقي مذكور في البطاقة اه ، بالنسبة للتامينات بتجيبي ورقة منهم بقيمة المعاش الشهري ام شهادة الضمان الاجتماعي
ما هو الثمن الي هيدفع عند الاستلام وما هو الاقساط وكيف تحدد
حوالي 20 % من تمن الشقة ، في حدود 12 – 17 الف جنيه
الاقساط حسب المرتب والحد الادني للقسط 480 جنيه ممكن تشوفي وزير الاسكان بيشرح تفاصيل الشقة والسعر كامل من هنا
انا مطلقة لكن مش مكتوبة في البطاقة وانا قدمت كل المستندات اللي مطلوية وقدمت شهادة طلاق وماكنتش اعرف ان القيد العائلي مطلوب
زي ما قلت لحضرتك الافضل تتواصلي مع بنك التعمير والاسكان مباشرة ، احنا هنا في خمس خطوات بنحاول نساعد علي قد المعلومات المتاحة لكن التفاصيل دي اللي يفيد فيها موظف هناك ، وان شاء الله خير
صباح الخير علي حضرتك ممكن اعرب هي هيبقي في قرعه
اسف علي التاخير في الرد ، مساء النور :)) ، ان نظام قرعة خلال 6 اشهر بعد ما يفحصوا الاوراق ، ممكن تشوفي فيديو الوزير بيتكلم عن التفاصيل اكتر من هنا
حضرتك رديت علي احد التعليقات وقلت نرسل الايصالاه يعني ال5000 جنيه وصل وال 100 وصل لكن في البريد اعطوني وصل واحد بمبلغ 5100 جنيه هل كده صح ولا في مشكلة
اه عادي، انا قلتله كدا لانه كان بيقول علي 5000 جنيه بس ففكرته ب 100 جنيه ، لكن هو المبلغ المطلوب دفعة كاملا 5100 جنيه
العفو يا افندم كلام حضرتك ثقه وعلشان مثقلش علي حضرتك اكتر من كده يعني القيد العائلي مش ضروري للمطلقة وبعدين انا مقمه شهادة الطلاق اللي بتوضح الحالة الاجتماعية
انا بقول حسب اعلان وزارة الاسكان والشروط اللي قالوها ان القيد العائلي دا للاسرة مش للفرد لكن طبعا الافضل حضرتك تتاكدي من بنك التعمير والاسكان نفسه زيادة ضمان ، لاننا احنا في الموقع هنا مواطنين زيكم مش مسئولين
انا متشكرة لحضرتك جدا بس انا عندي استعداد اجيب القيد العائلي ممكن اروح اقدمه لوحده
العفو يافندم ، هو صعب يقبلو ورق في البنك نفسه مباشرة من غير البريد دلوقتي ، لكن لو حضرتك حابه تتاكدي منهم مباشرة ممكن تسال في فرع بنك التعميير والاسكان او بالتليفون هتلاقي العناوين وارقام التليفونات في الموضوع دا هنا
لو سمحت انا قدمت كل المستندان المطلوبة ما عدا شهادة القيد العائلي بس انا ماكنت اعرف انها مطلوبة هل دي هتبقي مشكلة وفي حالة انها تبقي مشكلة اعمل ايه ارجوك انا مطلقة ومعايا ولد وبنت وفي اشد الحاجة للشقة دي
هو القيد العائلي مطلوب لو اللي مقدم اسرة ، لكن حضرتك بتقولي مطلقة وقدمتي شهادات الميلاد فيبقي كدا تمام وان شاء الله خير
طيب انا حضرتك قدمت مفردات مرتب وصورة بطاقتي وشهادة ميلاد اولادي وصورة ايصال نور للشقة اللي انا مقيمة فيها ايجار جديد وشهادة التامينات وشهادة من شغلي الحكومي اني مؤمن عليا وان شغلي في التجمع الخامس القاهرة الجديدة وشهادة طلاق مميكنه بس موضوع الحالة الاجتماعية وعدد افراد الاسرة ماكنتش موجودة في المستندات
هو كدا تمام هم بس قصدهم الحالة الاجتماعية اعزب ام متزوج فلو متزوج بيقدم القيد العائلي
أنا متزوجه وزوجي مش شغال ومكتوب في بطاقته لا يعمل وانا موظفه ومؤمن عليا هل ينفع أتقدم بالطلب باسمي ولا لازم بإسم الزوج ولو عندي قرض سيارة ينفع الطلب ولا يأثر على الطلب
ينفع تقدمي باسمك عادي بس تذكر طبعا بيانات الزوج وباقي الاوراق لو فيه اولاد ، بالنسبة لوجود قرض لا مياثرش
انا ارملة ومعايا بنت وعمرى 47 ومفيش معايا غير معاش عن زوجى وليا شهادات فى البنك.. ايه المطلوب منى لكى احصل على الشقة ارجو الافادة وشكرا
حضرتك ممكن تقدمي الاوراق المذكورة عادي مع ورقة من التامينات بقيمة المعاش بدل مفردات المرتب طلما مفيش شغل
الأوراق مستوفيه باسم الزوج ونريد أن يكون الطلب باسم الزوجه ده ممكن؟ أرجو الرد
ممكن الاوراق تقدم باسم الزوجة وعموما طلما اسرة يبقي هتذكرو بياناتكم
انا بشتغل شغل حر مش عندي مكان عمل ثابت ولا ليا دخل ثابت متزوج من غير مصريه وعندي طفله عمرها سنتين وغير مؤمن عليا وساكن في ايجار جديد في منطقه جديده وعداد الكهرباء عندي بكارت مسبق الدفع ومعنديش ايصال مرافق اعمل ايه عشان اقدر اتقدم ارجو الافااااده
هو التامينات ومفردات المرتب مطلوبة ضمن الاوراق لكن حاول انت تقدم الورق اللي تقدر عليه وتوضح ظروفك مع الاوراق اللي هتقدمها علي قد ما تقدر ، بالنسبة للكهربا ممكن تجيب ورقة من شركة الكهربا التابع لها بالاستهلاك
معلش انا اسفه هو معاه شهاده التأمين الاجتماعي بس مش معاه البطاقه الضريبة ولا صوره السجل التجاري محتاجه الرد فورا انا اسفه
ممكن يقدم شهادة التأمينات ، ومفردات المرتب او شهادة بالمرتب الشهري اللي بيحصل عليه ، بدل البطاقة الضريبة والسجل التجاري ، واهلا بيكي في اي سؤال
انا بابا شغال سواق وسنه 48 سنه وانا معرفه اه الورق المطلوب منه
الاوراق زي ما ذكرناها في الموضوع
صورة بطاقة الرقم القومي.
صورة عن شهادة التأمين الإجتماعي.
صورة عن السجل التجاري.
إيصال مرافق لإيضاح مكان السكن.
صورة عن البطاقة الضريبية.
صورة عن الحالة الإجتماعية وعدد أفراد الأسرة.
صورة عن وثيقة الزواج وشهادات الميلاد.
لو مش هيقدر يقدم تامينات او بطاقة ضريبية ، حاول تقدم اي اوراق اخري متعلقه بالوظيفة او المكان اللي شغاله فيه لو تبع شركة ، وهتلاقي استمارة التقديم و باقي التفاصيل في الموضوع دا
انا عندي 48 سنه شغال سواق بس انا مو عارف أقدم أوراق اه ومحتاج الرد فورا اا
الاوراق زي ما ذكرناها في الموضوع
صورة بطاقة الرقم القومي.
صورة عن شهادة التأمين الإجتماعي.
صورة عن السجل التجاري.
إيصال مرافق لإيضاح مكان السكن.
صورة عن البطاقة الضريبية.
صورة عن الحالة الإجتماعية وعدد أفراد الأسرة.
صورة عن وثيقة الزواج وشهادات الميلاد.
لو مش هتقدر تقدم تامينات او بطاقة ضريبية ، حاول تقدم اي اوراق اخري متعلقه بالوظيفة او المكان اللي شغاله فيه لو تبع شركة
بالنسبة للمحافظات المتوفره هيا ايه
هتلاقي المدن والمحافظات بالتفصيل من هنا
هل ممكن مفردات المرتب الزوج فقط علما بانى موظفة حكومة
طلما اسرة لازم تقدموا دخل الاسرة كله
عايز اعرف قسيمة الزواجلازم تكون مميكنة و لا صورة من القسيمة الاصلية .تنفع
المطلوب صورة عن وثيقة الزواج ، يبقي القسيمة الاصلية تنفع ، وعموما من الاوراق اللي هتقدمها شهادة القيد العائلي الممكينة اللي هي “صورة عن الحالة الإجتماعية وعدد أفراد الأسرة.”
لو سمحت شروط المعاقين ايه
نفس الشروط والاوراق لكن ترفق شهادات بوجود الاعاقة علشان تدخل ضمن ال 5 % المخصصة للمعاقين
يا جماعه لو انا مش متأمن عليا و شغلي خاص .. اغمل ايه .. ردوا عليا
التامينات مطلوبة من الكل
انا معاية سجل تجارى وبطاقة ضربية ومعيش تامينات ينفع اقدم بدون ورقة التامينات
التامينات مطلوبة من الكل
ممكن اعرف يعنى اى التمويل العقارى دة
بتاخد قرض من البنك لشراء شقة بضمان مرتبك ممكن تسال في بنك التعميير والاسكان او البنك الاهلي
انا لسة سيب الشغل لاكن كان متامن علية ممكن اجيب ورقة منالتمنات بكدة ولا لازم اكون فى شغل
لازم يبقي فيه شغل علشان تجيب مفردات المرتب وعلشان يعرفو انك تقدر تسدد الاقساط في المستقبل
هل للمراء ة حق التقدم في السكان الاجتماعي
اه سواء كانت غير متزوجه او متزوجة ممكن تقدم عادي طلما باقي الشروط متوافرة
شكرا لمعلومات حضرتك
العفو وان شاء الله بالتوفيق
أو كم يكون ثمن الوحدة لتحديد 15%
زي ماقلتلك ان الوزارة موضحتش ، انا راجعت الاعلانات السابقة الناس بتقول بتحدد حسب المدينة ، وحسب موقع الشقة ، وفي حدود 30 ل 40 الف جنيه وممكن تخفض المقدم حسب مرتبك ودخلك
هب يتم دفع أي مبالغ بعد سداد 5000ج؟
5000 جنيه بالإضافة إلى رسوم 100 جنيه ، وبس علي كدا حتي اعلان نتيجة القرعة ان شاء الله لو فائز بدفع مقدم الشقة
هل يتم دفع أي ميالة بعد 5000 ج ؟
متى يتم تسليم الوحدة ؟
متى يبدأ سداد الاقساط؟
يتم دفع 15 % من ثمن الشقة خلال اسبوعين على الاكثر من تاريخ اخطار المتقدم بتخصيص وحده له وفى حالة عدم قيام المستحقين بالسداد فى المدة المحددة من الاخطار يتم الغاء الحجز .
مفيش ميعاد محدد اتقال في الاعلان
تبدا الاقساد بعد تسلم الشقة ، ويتم حسابه حسب دخل المواطن بحد ادني قسط 480 جنيه
وان شاء الله فور ايضاح المزيد من وزارة الاسكان هننشرة
انا اعزب وغير مؤمن علية ولسة مخلص جيش وشغال في شركه خاصة وهقدم باسمي ومش معايه سجل تجاري ولا بطاقة ضريبيه لاني لا املك اي عقارات فممكن اقدم الورق الي هعرف استخرجو بس ولا كده هيكون ناقص..
هو بس هيكون ناقص التامينات ، اما السجل التجاري والبطاقة الضريبية دي لو كان عندك شغل خاص او محل ، فقدم اللى الاوراق واذكر انك لسه متعين او باقي التفاصيل اللي توضح سبب عدم وجود تامينات
منين اجيب شهادة الاجتماعية مع العلم اني عازب وموظف
الحالة الاجتماعية ، يعني اعزب او متزوج
لو اعزب مفيش ورق ليها انت بس بتذكر انك اعزب و اكيد مكتوبه في البطاقة
طيب فى حالة الارملة اللى بتشتغل و ليها مرتبها من شغلها + معاش زوجها المتوفي و لو اتحسب ان الاتنين من دخلها الاجمالى و طلع انه اكتر من الحد المسموح به لمرتب الاسرة لحجز الوحدات
هل تقدم مفردات مرتبها هى بس و يعتبر دخلها هو مرتبها بس ولا هيبقي مرتبها + المعاش و ف الحالة دى مينفعش تقدم ؟؟
هو الافضل تقدم كل الاوراق مضبوطه لانهم هيدور عن باقي مصادر الدخل عن فحص الاوراق
انا بابا عنده54 سنه وعنده معاش وعنده شغل وكل حاجه بس السن هل ينفع ان يقدم ف الشقق ولا لالاءارجو ارد
السن لحد 50 سنة زي ما قالو في الشروط ، لو حضرتك اكتر من 21 سنة ممكن تقدمي باسمك
انا بشتغل بدون تامينات ولا سجل ولا بطاقه ضربيه اعمل ايه
الكلام الرسمي لازم يبقي فيه تامينات وسجل تجاري ، عموما حاول تسال في بنك التعمير الاسكان نفسه ممكن تاخد قرض بضمان المكان او حسب وظيفتك
الشخص الاعزب
ممكن تقدم عادي طلما باقي الشروط متوافر
تعالو نحسبها يا فقراء لو مليون تقدمو × 5000جنيه=5000000000جنيه ثم يودعون فى البنوك لمدة سنه شوفو هيجيبو كام للحكومه و 100 جنيه لا ترد = 100000000 مليون جنيه فى 15 يوم على فكره ده لو مليون بس القدم للسكن كفايه ارف بقه شبعنه سرقه الله يخرب بيت ابوكو
عاوز اعرف شهادة التأمينات بتيجى منين وانا شغال فى الجامعة ومتزوج وزوجتى لا تعمل يبقى اثبت اذاى انهما ما بتشتغلشى
من مكتب التامينات التابع له او التامنيات عامة بتجيب شهادة انك مؤمن عليك
وبالنسبة لزوجة حضرتك اكيد مكتوب في البطاقة انها ربة منزل او حاصلة علي مؤهل كذا فبتقدم مع الاوراق بس صورة البطاقة الخاصة بها
حنسترد ال ٥٠٠٠ الاف ازاى والايصال ارفق مع الورق فى البريد والا حنبعت صورة ؟
ايصال ال 5000 وال 100 جنيه مع الاوراق ، الايصال نفسه ، واسترداد ال 5000 بيبقي من خلال بنك التعميير والاسكان و طبعا خلي معاك صور من الايصال احتياطي
طب ممكن حد يقولنا لو حجزنا دوقتى بارسال الورق و سداد مقدم الحجز هنعرف عن تخصيص الوحدات دى ازاى و امتى و رد الفلوس فى حالة عدم التخصيص عشان مفيش حاجة رسمية بتفيد بكده نطلع عليها لنتائج القرعة و كل حاجة مبهمة
من خلال بنك التعميير والاسكان ، بينزلو بيانات و القرعة بتكون علنية طبعا ومنشوره في مواقع الاخبار واحنا هنا في خمس خطوات هنتابعها ، و بالنسبة ل 5000 لا قدر الله لو مفيش نصيب ممكن تستردها فور انتهاء القرعة
زوجى هيقدم بأسمه هو وانا شغاله مدرسة قطاع خاص يقدم مفردات مرتبه هو بس ولا انا كمان اقدم مفرداتى علما بأنه هيقدم بأسمه
طلما متزوج وهيقدم ، يبقي لازم يذكر مرتب الاسرة كامل زي ما قيلين في الشروط
هل سيتم ارسال الورق فالبوسته وانا قاعد فالبيت مع الفلوس ولا انا اللي حاخد ايصال الحجز مع الورق واقدمو ففرع البنك
لا ، حضرتك بتقومي بارسال ال 5000 جنيه وال 100 جنيه عن طريقة البريد
وبعدين ترفقي الوصولات مع الاورق ثم ترسليها بالبريد الي فرع البنك حسب المحافظة
ممكن تقرا بالتفصيل في موضوع التقديم في شقق الاسكان الاجتماعي هنا
فيييييييييين أستمارة الأعلان دى ؟
في الموضوع هنا هتلاقي تفاصيل الاعلان والاستمارة
انا سكنه فى بيت باسم ابو زوجتى ممكن وصل الكهرباء يكون باسمه عادى
ممكن وتوضح في ورقة او حاجة ان السكن الحالي باسم والد الزوجة
طب هو المقدم المتوقع هايكون في حدود كام ؟
ولو انا دفعت ال 5000 ولاقيت المقدم اعلي من المتوقع ال 5000 بيروحوا عليا ولا بستردهم مرة تانية ؟
انا مش عايز افتي علشان الناس مترجعش تقول الكلام غلط فاحنا مستنين لما وزارة الاسكان تقول المقدم كام بالضبط
ال 5000 لا قدر الله لو مفيش نصيب او حصل اي حاجة بتقدر تسحبهم من بنك التعميير والاسكان عادي
من الوراق المطلوبة صورة من السجل التجاري و صورة من البطاقة الضريبية هي الشقق حتتملك لمين للتجار ولا للناس الغلابة محدودي الدخل وكمان السن لا يزيد عن 50 سنه حرام عليكم اتقوا الله في الناس الكبيرة لأنهم الأحق في الرعاية الاجتماعية و الطبية والصحية
كلامك صح بس للاسف هم عايزين يبقي البنك داخل في العملية فبيطلبو الاوراق دي للضمان وان المتقدم هيقدر يدفع من خلال مرتبه او شغله
ونقطة السن فعلا ناس كتير اشتكت منها مفروض تبقي مفتوحة في ناس كتير كبيرة في السن وظروفها صعبة ياريت يزودو السن زي ما عملو قبل كدا
مبلغ 15% كام
احنا برضو بدور علي المعلومة دي، وزارة الاسكان مش محددها بالضبط كام وهي اصلا بتختلف من مدينة للتانية ، عموما احنا متابعين الايام اللي جي اول لما تقول وزارة الاسكان هننشر كام بالضبط
هو انا لو ساكن فى القليوبية بس عملى تبع الجيزة فهل ينفع اقدم فى ما يخص اكتوبر .. بما ان عملى قى الجيزة واكتوبر تبع الحيزة ؟
ينفع اه هم بياخدو علي اساس مكان العمل او مكان السكن الحالي ، ووضح في الاوراق المقدمة مكان عملك
طب كده اوراق الاسره هتكون عباره عن ايه
نفس الاوراق المذكورة ، انا قصدي انكم هتقدموا اوراقكم انتم الاتنين، ومتنساش تقدم القيد العائلي والاوراق الخاصة بالمرتب والتامينات تبقي باسم حضرتك وتذكر الزوجة انها ربه منزل او في حالة وجود وظيفة لها تذكر الوظيفة والاوراق الخاصة بها
انا لى عداد كهرباء باسمى هل يحق لى التقديم على هذه الوحدات
ممكن هو مطلوب اي ايصال مرافق سواء كهربا او مياة او غاز
ينفع الزوج فوق السن يكون ضامن لزوجته بمفردات مرتبه او يضمن الابن اقل من السن وقا لمرتبه وتامينه
ممكن زوجه حضرتك تقدم باسمها وتقدموا مفردات مرتبك وباقي الاوراق كاسرة
انا مرتبى 1300 جنيها ينفع اقدم
ينفع طلما باقي الشروط متوفرة قدم وبالتوفيق
هل المطلوب المرتب للزوج والزوجة ( الاساسي فقط أم الاساسي والمتغير أم الاجمالي مع ملاحظة ان الاجمالي يتغير بحسب البدلات او المكافأت ) رجاء الافادة
مع الشكر ،،،
المطلوب هو مفردات المرتب لو مش هتعرف تجيب السنوي ، يبقي مفردات المرتب الشهري ، اللى بتقبضه في الشهر وبتجيب ورقه بما يثبت من الحسابات او مكان العمل
ageb mnen shahda el 7ala el agtm3ya w 3edd afrad el asra
قصدهم يعني الحالة الاجتماعية اعزب ولا متزوج ، اعزب طبعا يبقي مكتوبة في بطاقة الرقم القومي ، و بالنسبة لو متزوج يبقي القيد العائلي بيبقي واضح فيه عدد افراد الاسرة وممكن تقدم بالمرة شهادات الميلاد لو فيه اطفال هم طالبها برضو في النقطة اللى بعديها
انا متزوج واعول اثنين واخ معاق بشلل ويتيم وأعوله في بيت الوالد هل يحق لي التقديم
طلما باقي الشروط متوافرة في حضرتك من حيث المرتب والسن وغيره يبقي قدم وان شاء الله خير
انا مهندس بشتغل فى اعمال حرة مش معايا سجل تجارى_ شهادة تامين ايه الحل
هو للاسف طالبين لازم يبقي فيه مستند للمرتب او مكان العمل ، لو مش هتقدر تجيب ، حاول تتواصل مع بنك التعميير والاسكان وتشوف ايه الوضع احنا نشرنا البيان اللى قالوه، او ممكن اي حد في اسرتك تتوافر فيه الشروط يقدم بدلا منك
No comments..
انا معاش قوات مسلحة ووالدتى وصية على ومعاشى 700ينفع ان احصل على شقة
لو السن اقل من 21 ، ممكن والدتك تقدم باسمها بس شوف باقي الشروط اللي ذكرناها في الموضوع تنطبق عليكم ام لا
اللي مش متجوز يجوز له ولا لا يجوز
اه ينفع عادي طلما باقي الشروط متوافرة
ليه شرط البطاقه الضريبيه والسجل التجارى فى الشروط والي معندوش ازاى واحنا محدودى الدخل
دا للمهن الحرة ، وعملينه للاسف علشان يبقي ضمان ان الناس هتدفع باقي الاقساط ، زي ما طالبين مفردات المرتب من الحكومة والقطاع الخاص
انا مقدم فى شقق الاوقاف ام 1000ومش متجوز هل ينفع التقديم
لو لسه محصلتش علي شقة فعليا ، يبقي قدم عادي
انا 57 سنة ونصف ومحتاج للشقة يابلد ياللى عايزة السن دة يتضرب بالنار شرط غريب ومتخلف فى بلد اغرب بتريح السن الصغيرة وتأدب الانسان بمجرد مايكبر منكم للة ومن قلبى
لو هناك حارس عقار راتبه 700 ويريد الحجز هل ينفع
ينفع طلما باقي الشروط متوافرة