اعلنت وزارة الاسكان عن طرح ٢١٣٠٧ قطعة أراض سكنية للاسكان الاجتماعي والمميز 2016 ضمن اكبر قرعة علنية لقطع اراضي المدن الجديدة حيث نستعرض معكم اماكن قطع الاراضي واهم شروط حجز قطع اراضي وزارة الاسكان 2016 وطريقة سداد ثمن الارض …
اماكن قطع اراضي وزارة الاسكان 2016 التي سيتم طرحها في اكبر قرعة علنية
وحسبما اوضحت وزارة الاسكان اليوم فانها تستعد خلال الاسابيع القليلة القادمة طرح ٢١٣٠٧ قطعة ارض بنظام القرعة العلنية، بمساحات، تتراوح بين ٢٠٩- 276 م2، بإجمالى١٠٩٨١ قطعة للاسكان الاجتماعي موزعة كالتالى: ١٧٦٧ قطعة أرض بمدينة ٦ أكتوبر، و٢٨٧٦ قطعة بمدينة بدر، و٢٠٧٠ بالعاشر من رمضان، و٢٢٧٨ بالسادات، و٣٠٣ قطع بسوهاج الجديدة، و١٣٨ بطيبة الجديدة، و٢٠٠ قطعة في أسيوط الجديدة، و١١٣٨ في قنا الجديدة، و٢١١ قطعة أرض بالصالحية الجديدة.
اما بالنسبة لقطع اراضي الاسكان المتميز سيتم طرح ٧٥٥٩ قطعة أرض “إسكان متميز”، موزعة على المدن التالية: ٨٢٤ قطعة أرض بمدينة سوهاج الجديدة، و٩٩ قطعة بطيبة الجديدة، و٥٠٠ بالعاشر من رمضان، و٢٢٢٢ بالسادات، و٤٩٧ قطعة بأسيوط الجديدة، و٩٦٢ بمدينة بدر، و٣١٥ بـ٦ أكتوبر، و٨٤٢ بالمنيا الجديدة، و٤٥٣ ببرج العرب الجديدة، و٢٧٤ بأخميم الجديدة، و٩٦ بالفيوم الجديدة، و٢١٢ بالنوبارية الجديدة، و٧٧ قطعة أرض بأسوان الجديدة، و١٨٦ ببنى سويف الجديد
كما سيتم طرح ٢٧٦٧ قطعة أرض “إسكان أكثر تميزًا”، وستطرح بأعلى مقدم، في المدن التالية: ٤٨٤ قطعة أرض بمدينة ٦ أكتوبر، و١٨٢ قطعة بدمياط الجديدة، و٤٣ بالشروق، و٣٢ بالعبور، و١٤ قطعة أرض في ١٥ مايو، و١٧٩ قطعة في الشيخ زايد، إضافة إلى ١٨٣٣ قطعة أرض في مدينة القاهرة الجديدة.
طريقة حجز قطع اراضي وزارة الاسكان 2016 وكيفية سداد ثمن قطعة الارض علي اقساط
يتم سداد مقدم حجز قطعة الارض الاسكان الاجتماعي بقيمة ٢٥ ألف جنيه للدخول في القرعة العلنية لأراضي الإسكان الاجتماعى، في أي فرع من فروع بنك التعمير والإسكان، نقدا أو بشيك معتمد أو مصرفي، ويتم استكمال سداد الدفعة المقدمة، وهى ٢٥٪ من إجمالى قيمة الأرض، بجانب ١٪ لصالح صندوق تمويل الإسكان الاجتماعى، وذلك طبقا لمساحة قطعة الأرض المحجوزة، خلال فترة لا تزيد على شهر من تاريخ إجراء القرعة العلنية.
اما عن طريقة سداد ثمن قطعة الارض ضمن اراضي الاسكان الاجتماعي علي اقساط فانه سيتم سداد باقي ثمن الأرض وقدره ٧٥٪ من إجمالى الثمن، دون فوائد على ٣ أقساط سنوية متساوية، ويستحق سداد القسط الأول منها بعد عام من تاريخ استكمال سداد الدفعة المقدمة.
علي ان يتم تقديم ٣ شيكات آجلة بقيمة باقي الأقساط المستحقة دون فوائد، وحال التأخر عن سداد أي قسط في موعد استحقاقه، يتحمل الطرف الثاني فائدة تأخير تعادل سعر الفائدة المعلن من البنك المركزي، وقت السداد وتحسب من تاريخ الاستحقاق وحتى تاريخ السداد، مؤكدا أنه حال التأخر عن سداد قسطين متتاليين يتم إلغاء تخصيص قطعة الأرض دون حاجة إلى إخطار أو إنذار.
شروط حجز قطع اراضي وزارة الاسكان 2016
وعن شروط التقديم لحجز قطع اراضي وزارة الاسكان والدخول في القرعة العلنية لبيع اراضي الاساكن يجب ان يكون المتقدم شخص طبيعيا (مواطن مصري الجنسية)، وليس شخصا معنويا (شركة أو مؤسسة)، وألا يقل سنه عن ٢١ عاما في تاريخ بدء الحجز، وألا يكون قد سبق تخصيص قطعة أرض له أو لأحد أفراد أسرته (الزوج – الزوجة – الأبناء القصر)، بأي من المدن الجديدة سواء كانت في حيازته أو تنازل عنها للغير.
ومن جانبه أعلن وزير الاسكان والمرافق والمجتمعات العمرانية، الدكتور مصطفى مدبولى ، اليوم عن استعداد الوزارة لطرح أضخم قرعة أراضى إسكان اجتماعى ومُتميز، وأكثر تميزا، لتلبية طلبات المواطنين، وإحداث التنمية المطلوبة في المدن الجديدة ، علي ان يتم تقليل زمن اصدار تراخيص البناء علي قطع اراضي الاسكان في المدن الجديدة من خلال نماذج معمارية للفائزين بالقرعة، بجميع رسوماتها التنفيذية اللازمة لاستصدار التراخيص، بحيث يمكن للمواطن الحصول على تراخيص البناء مع استلام قطعة الأرض، في حال اختيار نموذج من هذه النماذج.
ويمكنكم هنـــا معرفة المزيد عن
الاوراق المطلوبة ومستندات التقديم في الاسكان الاجتماعي 2016 بالتفصيل واماكن التقديم
المزيد من التفاصيل حول اماكن قطع اراضي الاسكان 2016 وموعد طرحها رسميا
اسعار اراضي الاسكان 2016 في المدن الجديدة الاسكان الاجتماعي والتمتميز والاكثر تميزا
موقع خمس خطوات يقدم معلومات بسيطة فى شرح سهل من خمسة خطوات للأحداث الجارية وكافة مناحي الحياة المتنوعة لإثراء محتوي اللغة العربية على الإنترنت وتقدم العديد من مقالات الصحة والحياة وشغل المنزل والوصفات الطبيعية.
إعلان القرعة للأراضي امتى
هتلاقي هنا بالتفصيل
مواعيد قرعة اراضي الاسكان الاجتماعي
وهنا مواعيدق قرعة اراضي الاسكان المتميز
طب موعد شراء كراسه الشروط و التقديم خلص و لا لسه و لو خلص نقدم تانى امتى
خلال شهر يوليو الحالي ان شاء الله فيه اراضي جديدة هيتم الاعلان عنها لكن مفيش ميعاد محدد لسه
كل سنه وانتم بخير هى قرعة الشقق يونيو ٢٠١٦ هتظهر امته نتيجة القرعه
بالنسبة للشقق مفيش قرعة ، فيه ترتيب للناس حسب الاولوية هيتم تخصيص الشقق لهم ، ودا هيتم ان الشاء الله بعد 4 شهور او حسب الاعداد في كل محافظة
هل هناك. فرصه أخري للتقديم في الأراضي المميزه حيث أنني لم أتمكن من متابعه القرعه التي انتهت 2 يونيو 2016
التقديم في اراضي الاسكان حاليا انتهي ، ان شاء الله خلال السنادي او اول السنة اللي جايه هيبقي فيه قرعة جديدة
هل تمد فترة حجز الاراضي المميزه 2016 ببرج العرب الجديده
بالنسبة للاراضي الميعاد انتهي في يونيو
كل عام وانتم بخير ورمصان كريم على كل المصرين وعلى امة سيدنا محمد.. لو سمحت معاد اﻻعلان عن نتيجة القرعه امته ؟؟؟
كل عام وانت بالصحة والسلامة واحسن حال شكرا لمشاركتك معانا
ان شاء الله القرعة في شهر اغسطس او حسب الانتهاء من فحص الاوراق ، بالتوفيق
ارجو الافاده من سيادتكم عن ميعاد القرعه للاراضى الاسكان الاجتماعى 2016 هيكون امتى وشكرا لحضراتكم
لسه مفيش ميعاد محدد لكن ان شاء الله خلال شهرين او 3 شهور حسب الانتهاء من فرز الاوراق والبيانات
ليه إللى فوق ٥٠ سنه لا يقدم فى الشقق. مش من حقه يعيش
هو فعلا شرط ظالم لناس كتير ، المنطق بتاع الحكومة قالوا علشان يعني يلحق يسدد المقدم سواء من المرتب او المعاش بس مفروض يعرفوا ان الاعمار بيد الله يعني
لو البطاقة غير ساريه ممكن اقدم بيها ولا لا ارجو الافادة
حسب كراسة الشروط لازم البطاقة تكون سارية وقت التقديم
لكن ليس من ضمن الشروط أن يكون المتقدم قد حصل على شقة وهل هذا يعنى أن من حصل على شقة لا يجوز له أبدا الحصول على أى قطعة أرض مخصصة للاسكان وخاصة اذا كانت مساحتها 63 مترا أرجو النظر فى هذا الامر ومراجعة تلك الشروط
ممكن نعرف مكاتب البريد اللي نازل فيها كراسات الشروط
اي مكتب بريد مميكن ان شاء الله هتلاقي فيه كراسات الشروط ، الافضل التوجه لمكاتب التامين الرئيسية في المحافظة علشان الزحمة ، ولو في القاهرة روح مكتب بريد العبتة الرئيسي
انا حصلت على شقة فى مدينة السادس من اكتوبر هل من حقى التقدم لقطعة ارض فى هذه المحافطة
ارجو الافادة من فضلكم وما اخر يوم للتقدم لهذه الاراضى
لو الشقة من وزارة الاسكان او مدعومة من الدولة باي نوع مش هينفع تقدم في الاراضي ، اخر يوم لحجز اراضي الاسكان يوم 2 يونيو 2016
أنا عاوز اعرف معلومة ومش لاقي اي اجابة
ساكن محافظة الجيزة لهم أي المدن يمكن التقديم بها
محافظة الجيزة فيه مدن ضمن ال 100 الف شقة وهي بمنطقة جرزا القطوري بالعياط.
وفيه ضمن ال 400 الف شقة وهي مناطق: مدينة 6 أكتوبر، حي الوراق، منشية البكاري، مركز كرداسة، مركز الواحات البحرية، مركز أبوالنمرس، مركز الصف، والباويطي.
ممكن تقدم في اي من المدن دي ، مع العلم ان كراسة الشروط ال 100 الف غير ال 400 الف وممكن تستفسر في مكتب البريد حسب المدينة اللي عايز تقدم فيها
انا عايشه بالكويت ممكن تفيدوني ازاي اقدر احجز قطعه ارض وايه الاوارق المطلوبه والشروط
بالنسبة للاوراق و شروط واسعار اراضي الاسكان الاجتماعي 2016 هتلاقي تفاصيل كراسة الشروط هنـــا
الحجز لو خارج مصر ممكن تعملي توكيل لحد في مصر يدفع المقدم ويقدم الاوراق باسمك
هل الأكثر تميزا يشترط الوجود فى المحافظة ؟؟ أصل فى كراسيه الشروط مش مكتوب و بعدين الأكثر تميزا مش موجوده فى محافظتى
من الشروط العامة اللي قالتها وزارة الاسكان لازم محافظة الميلاد او الاقامة او العمل ، عموما ان شاء الله فيه اعلان اراضي اخر بعد القرعة دي
لو سمحت هى اراضى الاسكان المتميز مرتبطة برضه بالسكن او العمل او الميلاد بالمحافظة ولا الشرط ده خاص بالاسكان الاجتماعى فقط
الشرط دا مطبق علي كل الاراضي وهتلاقي هنا تفاصيل كراسة شروط اراضي الاسكان المتميز بالتفصيل اكتر
مع العلم ان شاء الله هتنزل اراضي في باقي المحافظات بعد انتهاء القرعة دي
ممكن وانا من محافظة أقدم فى محافظة ثانية اود الانتقال اليها
لازم تكون محافظة الميلاد او السكن او العمل ، لو ملكش علاقة حالية بالمحافظة مش هينفع تقدم فيها
مامعنى وجود شهاده من التامينات الاجتماعيه فى حجز قطع ارض
هل يمكن لمن بالخارج التقدم في هذه القرعة عن طريق توكيل عام محرر للوالد الموجود في مصر
اه ممكن التقديم في القرعة باسمك بتوكيل منك
وهتلاقي هنا تحديث الشروط وطريقة التقديم في اراضي الاسكان الاجتماعي 2016
هل ممكن اقدم فى شقق الاسكان الاجتماعى وفى اراضى الاسكان الاجتماعى القرعه و شكرا
هو نظريا ممكن تقدم في الاتنين بس في الاخر مسموح لك تحصل علي واحدة بس ، يعني لو عند فحص الاوراق لقوا انك حصلت علي الشقة مش هتحصل علي الارض او العكس
هل الفتاة البالغة التى بلغت سن الرشد وغير
متزوجة من حقها تدخل القرعة
اه ممكن طلما 21 سنة ممكن تقدم
انا نفسى اعرف كل القرعات مفيش اسكان اجتماعى لا سوان لية واللة حرام عليكم اسوان كلة ناس غلابة تروح تقسم الاراضى فوق الف متر هو فى اسوان حمل انىة ياخد ة مالة لو اتسمت من 200 الى 300 انتو لية يبتعملة كدة هو عشان ناس اسوان غلابة انا قدمت فى اخر قرعة فى اسوان كانت من 3 سنوات وكانت الاراض المطروحة 35
انا واخد شقه من الاسكان الاجتماعي هل يجوز اني اقدم علي قطع الارلضي المطروحه
لا من الشروط انك متكونش حصلت علي ارض او شقة من الاسكان قبل كدا
هل يوجد اوراق مطلوبة لسحب كراسة الشروط؟
لا بتشتريها عادي ، هو استمارة البيانات هتبقي داخل كراسة الشروط بتملها وبتقدمها مع الورق عند فتح باب التقديم وهتلاقي باقي التفاصيل هنــــا
ميعاد التقدم للحجز بالقرعة
التفديم لحجز اراضي الاسكان الاجتماعي من 3 مايو وحتي 2 يونيو 2016
كم سعر المتر في القاهرة الجديدة والمقدم كام الف
هتلاقي هنا بالتفصيل اسعار المتر في اراضي الاسكان الاجتماعي والمميز 2016
هل لأراضي الإسكان المتميز مده للبناء وشكرا
اه خلال 3 سنوات من استلام الارض
كام سعر المتر فى مدينه بدر لو سمحت
سعر المتر في مدينة بدر بالنسبة لاراضي الاسكان الاجتماعي يبدا من 720 جنيه ، ممكن الاطلاع علي تفاصيل اسعار اراضي الاسكان الاجتماعي 2016 هنـــــا
كم سعر المتر فى 6 أكتوبر القطعة 200 متر
بالنسبة لسعر المتر في اراضي الاسكان الاجتماعي في 6 اكتوبر تبدأ من 995 جنيه
بالنسبة لسعر المتر في اراضي الاسكان الاجتماعي في 6 اكتوبر تبدأ من 995 جنيه للمتر المربع
لو سمحت هو 25 الف دول عشان تسحب كراسه
لا ، ثمن الكراسة نفسها 100 جنيه والكراسة بيكون فيها استمارة التقديم والاوراق المطلوبة ، وبعد كدا هيتم فتح باب التقديم وباقي اجراءات الدفع والحجز
هل ينفع الواحد يقدم الارض والشقق
ولو صادف الحظ وطلعوا الاتنين ايه هيكون الموقف
هو انت وحسب وقت الاستعلام عن بياناتك سواء في الارض او الشقة ، لو لقوا ما يثبت حصولك علي الارض او الشقة هيوقفوا الطلب التاني
لوسمحت هو لازم ادفع المقدم ٢٥٠٠٠ج عند سحب كراسه الشروط بكرا انشاء الله
لا سعر كراسة الشروط 100 جنيه ، اما التقدم لسه الشهر اللي جي
لو سمحت عايزه اعرف نظام تقديم قطعه الارض المميزه وادفع كان مقدم وبعد المقدم كام
هتلاقي بالتفصيل هنا طرق سداد ثمن قطع اراضي وزارة الاسكان 2016
ممكن اعرف ققدر ازاي اشتري كراسة الشروط واروح فين
طرح كراسة الشروط لاراضي الاسكان هيكون يوم الحد القادم 17 ابريل ، وبيتم شراء كراسة الشروط من فروع بنك التعمير والاسكان في جميع المحافظات وممكن تعرفي اقرب فرع بنك الاسكان لك هنــــا
لو سمحت عاوزة اقدم على اراضي برج العرب ال تبع الاسكان امتة سحب كراسة الشروط
ان شاء الله يوم الاحد اللي جي 17 ابريل 2016
زوجى و اخي عاوز كل واحد منهم يقدم على قطعة ارض لازم كل واحد يشترى كراسة الشروط
لو هيشتروا مع بعض قطعة ارض واحدة يبقي كراسة شروط واحدة ، لو كل واحد قطعة ارض يبقي كل واحد كراسة شروط علشان استمارة التقديم
لو سمحت جوزي بطاقته الشرقية ينفع يقدم فى العاشر
اه ممكن ، مدينة العاشر من رمضان تبع محافظة الشرقية
هل هناك فرق في التقديم بين 100الف شقةو400الف التي سيتم تسليمها خلال سنة
لا مفيش فرق في التقديم او الشروط ، الفرق بس في ميعاد الاستلام ال 100 الف شقة شبه خلصانين وهيتسلمو السنادي
اما ال 400 الف شقة لسه بيتم البناء فيهم وهيخلصو في 2017
لو سمحت انا جوزي بطاقته اكتوبر واحنا حاليا متواجدين في الاسكندريه ممكن يقدم بفرع اسكندريه علي ارض في اكتوبر ولا لازم فرع اكتوبر
حسب مكان الاقامة او السكن او العمل المهم يكون فيه ورق يثبت ذلك عند التقديم
لو سمحت انا جوزى بطقتو على بنها و عايز يقدم فى 6 اكتوبر ينفع
بنها تبع محافظة القليوبية ، مدينة 6 اكتوبر تبع محافظة الجيزة ، لو هو مكان عمله في الجيزة او 6 اكتوبر ممكن يقدم هناك
ممكن التقديم في محافظة العمل او محافظة السكن فلو العنوان في البطاقة ، او مكان العمل في القاهرة ممكن تقدم في القاهرة ، لك لو الورق كله في اسيوط يبقي مش هينفع تقدم ، حسب الاوراق
هل ﻻزم ابنى أرض اﻻسكان الاجتماعى خلال 3 سنوات ما ينفعش براحتى
لازم خلال المدة اللي محددها وزارة الاسكان والا بيتم سحب الارض
ممكن اقدم وزوجة تقدم
لا يجوز ان يقوم اكثر من فرد فى نفس الاسرة بحجز اكثر من قطعة ارض واحدة
كم سعر المتر؟
لسه الاسعار منزلتش كلها في انتظار كراسة الشروط يوم 17 ابريل ، ممكن تشوف اسعار المتر في بعض المدن الجديدة هنــا
طيب لو في اربعة هشتركوا في قطعة ارض هل لازم في التقديم يكون الاربعة مقديمبن معا او ممكن واحد يقدم ولما ياخد الارض يدخل معاه الاربعة
لازم من البداية التقديم مع بعض
ميعاد التقدم احجز بالنظام الاجتماعى امته
بداية من شهر مايو 2016 حتي 31 مايو
لو سمحت هي نتائجه القرعه بتظهر امتي
عادة بيتم عمل القرعة خلال شهر او شهرين من غلق باب التقديم ، بس حسب ما تحدد وزارة الاسكان غالبا هتكون القرعة في شهر يونيو
طيب اللي مقدم علي شقة ينفع يقدم علي ارض
اه طلما لسه محصلتش علي الشقة ممكن تقدم عادي
ممكن اعرف هل الارض الاكثر تميزا في القاهرة الجديدة مرفقة و سيتم تسليمها فورا بعد انتهاء القرعة ام سيتم ترفيقها تباعا من مقدمات الحجز . وهل هناك اى معلومات عن مكان هذه الاراضى في اى حى ، برجاء الرد و شكرا .
تصريحات وزارة الاسكان ان كل الاراضي في القرعة هتبقي بالمرافق ، لكن احنا مستنين كراسة الشروط هي اللي هيبقي فيها الكلام المؤكد ، مفيش اخبار كتير نزلت غير بعض اسعار الاراضي اللي في القاهرة الجديدة والعبور في الموضوع التالي هنــا
ياجماعه السعر القاهره الجديده 5020ج معقوله اما سعر الارض الاجتماعي مش عارفين
فى اخبار عن سعر المتر فى الاسكان المميز وتحديدا فى مدينة برج العرب الجديدة؟
لا لسه مفيش ان شاء الله الاسعار هتنزل كاملة في 17 ابريل او ممكن قبل كدا حسب ما تقول الوزارة
وممكن تشوفي سعر المتر في الاسكان المميز في القاهرة الجديدة والعبور والشيخ زايد هنـــا
أرجو معرفة مكان سحب كراسة الشروط في محافظة الجيزة
ان شاء الله هيبقي من خلال فروع بنك التعمير والاسكان ممكن تشوف الفرع الاقرب لك ورقم تليفونه من هنــا
لا حسب الشروط طلما احد افراد الاسرة استلم ارض تبع وزارة الاسكان مش هينفع تقدم
بالنسبة لو عندى بيت فى ابنى بيتك ينفع احجز
من شروط التقديم في اراضي الاسكان ان المتقدم لا يكون قد سبق تخصيص قطعة أرض له أو لأحد أفراد أسرته (الزوج – الزوجة – الأبناء القصر)، بأي من المدن الجديدة سواء كانت في حيازته أو تنازل عنها للغير
هل الأرض المميزة يمكن دفع سعرها بالكامل واستلم قطعة الأرض وهل هي أرض عمارات ولا فلل وشكرا
نظام تخصيص الاراضي هيبقي بالقرعة العلنية وممكن دفع ثمن الارض بالكامل اه
نقطة عمارات ولا فلل لسه مش واضحة لكن غالبا الاراضي المطروحة من وزارة الاسكان كلها هتبقي عمارات مش فلل عموما هيبان التفاصيل في كراسة الشروط اللي هتنزل في 17 ابريل القادم
عاوزين أرض لضباط الشرطة بسعر معقول
السلام عليكم عاوزه اعرف هو ميعاد التقديم امتي وبيكون فين
تم تاجيل طرح كراسة شروط الاراضي ل 17 ابريل و شراء كراسة الشروط وكذلك التقديم بيبقي في فروع بنك التعمير والاسكان
السلام عليكم ورحمة الله وبركاته ممكن اعرف مقدم حجز القطع المميزة حوالى كام أو الأكثر تميزا
وعليكم السلام ورحمه الله وبركاته ، لسه حتي الان تفاصيل المقدم والاسعار لم يتم اعلانها ، عموما كراسة الشروط هيتم طرحها في 17 ابريل القادم
هل توجد مده معينه لبناء الأرض وبعدها يتم سحبهت
اه يجب الانتهاء من البناء خلال 3 سنوات من تاريخ استلام الارض
امتي تقديم عن الارض ودي بتكون في اي منطقه باكتوبر ياريت الرد وشكرا
هي الوزارة قالت الاسبوع الحالي دا لكن شكلها كدا ممكن تبقي الاسبوع اللي جي او في شهر ابريل ، المكان بالتفصيل هيكون في كراسة الشروط
السلام عليكم هو التقديم امتا للاراضي محدودي الدخل
وعليكم السلام ورحمه الله وبركاته
اخر تصريح من وزير الاسكان اليوم 19 مارس 2016 قال ان التقديم في اراضي الاسكان الاجتماعي ان شاء الله الاسبوع اللي جي
السلام عليكم هي وزارة الاسكان اعلنت عن اراضي القرعة ولا لسه
وعليكم السلام ورحمه الله وبركاته
لا لسه حتي اليوم لم يتم الاعلان عن ميعاد محدد لكن المفروض خلال شهر مارس ان شاء الله
لوسمحتو اراضى محدودى الدخل هتنزل امته وبلنسبه للمعاقين ايه ظروفهم
اخر كلام من وزارة الاسكان انه خلال ايام ان شاء الله في شهر مارس ، وبيبقي فيه نسبة معينة هتحددها الوزارة للمعاقين
العاملين بالخارج ليهم الاحقية في دخول القرعة دية ولا لأ
اه ممكن وفيه مشروع ارض الوطن ممكن تشترك فيه هو بالدولار
هل تم الاعلان عن الاراضي ام لا؟
لسه ، لكن تم الاعلان عن اعادة فتح اراضي مشروع بيت الوطن للمصريين بالخارج
my wife have egypzian nazionalty
shi can bey the erth or not
please answer mi
اه ممكن طلما باقي الشروط متوافرة حاليا لسه لم يتم طرح كراسة الشروط بالنسبة لهذا الاعلان
اما لو قصدك اراضي مشروع بيت الوطن اللي هي بالدولار فالتقديم مفتوح حاليا وممكن تقدم عبر موقع هيئة المجتمعات العمرانية
قسط الأرض كاام بالنسبه لمحدود الدخل وياترى دى بتكون أورعه والا بتيجى لكل اللى بيقدم
لسه لم يتم الاعلان عن الاسعار والاقساط ان شاء الله خلال شهر مارس ، والاراضي بتكون عن طريق القرعة العلنية
ما هو تاريخ التقديم لهذة القطع؟؟
لسه لم يتم تحديد ميعاد معين لكن ان شاء الله خلال شهر مارس 2016
السلام عليكم لو سمحت عايزه شروط الاراضى المتميزة والاسعار وميعاد التقديم والأكثر تميز ولسيادتكم جزيل الشكر
الشروط العامة في الموضوع وان شاء الله الاسبوع القادم او اول شهر مارس 2016 بالكتير هيتم الاعلان رسميا عن الاراضي وفتح باب التقديم وتنزل كراسة الشروط كاملة بتفصيل اكثر ومعاها الاسعار