اعلن البنك الاهلي المصري اليوم رفع سعر الفائدة ليصل الي 15 % عن طريق شهادة ادخار جديدة باسم شهادة الجنيه المصري بسعر فائدة 15% سنويا ثابت لمدة 3 سنوات ، حيث اوضح هشام عكاشة رئيس البنك الاهلي ان شهادة الجنيه المصري الجديدة ستكون متاح شرائها لمدة 60 يوم فقط بداية من اليوم الاثنين.
فائدة شهادة الجنيه المصري الجديدة تصل الي 15 %
وحسبما اوضح هشام عكاشة رئيس مجلس إدارة البنك الأهلى المصرى، انه سيتم اصدار شهادة ادخار جديدة بالجنيه المصري ، تحت اسم “شهادة الجنيه المصرى” بفائدة 15% سنويًا ويصرف عائد شهادة الجنيه المصري كل 3 أشهر، علي ان تكون مدة شهادة الجنيه المصري 3 سنوات.
ويتم اصدار شهادة الادخار الجديدة بنسبة فائدة 15 % سنويا وذلك للعملاء الأفراد، علي ان يتم فتح باب الشراء من اليوم الاثنين لمدة 60 يومًا فقط. يذكر ان هذه هي اعلي نسبة فائدة علي شهادات الاستثمار في مصر منذ سنوات وتأتي في ظل ارتفاع سعر الدولار في مصر رسميا ليصل الي 8.95 جنيه
شرط شراء شهادة الجنيه المصري من البنك الاهلي
وأعلن عكاشة أن شرط شراء شهادة ادخار الجنيه المصري بفائدة 15 % هو التنازل عن العملة الأجنبية -الدولار او اليورو او غيرها من العملات الاجنبية – في مقابل شراء الشهادة الجديدة بسعر الفائدة المرتفع 15 % موضحًا أن شراء شهادة بفائدة 15 % سوف يقتصر على التنازل عن العملات الأجنبية ليتم شراء الشهادة بنفس قيمة المبلغ بالجنيه المصرى ليتم شراء الشهادة بالجنيه ويكون العائد بالجنيه المصري ، ويستطيع المواطنون المصريون شراء شهادة الادخار الجديدة من البنك الاهلي عن طريق فروع البنك الاهلي مباشرة.
بنك مصر يعلن عن شهادة ادخار جديدة بفائدة 15 %
وعلي الجانب الاخر اكد محمد الإتربى، رئيس بنك مصر، ان بنك مصر ايضا سوف يصدر يصدر شهادة ادخار جديدة بفائدة 15% سنويًا علي ان يصرف العائد كل 3 أشهر، ومدة الشهادة 3 سنوات ، مؤكدا ان شراء الشهادة سوف يقتصر على التنازل على العملات الأجنبية والشراء بنفس قيمة المبلغ بالجنيه المصرى تلك الشهادة، علي ان يكون عائد الشهادة بالجنيه وقيمة استرداد الشهادة بالجنيه المصري ايضا والعرض بالفائدة الجديدة سارى لمدة شهرين فقط.
يذكر ان اعلي شهادة من البنك الاهلي المصري حاليا
هي الشهادة البلاتينية الشهرية بقيمة فائدة 16 % سنويا اقرا المزيد هنا عن الشهادة البلاتينية
موقع خمس خطوات يقدم معلومات بسيطة فى شرح سهل من خمسة خطوات للأحداث الجارية وكافة مناحي الحياة المتنوعة لإثراء محتوي اللغة العربية على الإنترنت وتقدم العديد من مقالات الصحة والحياة وشغل المنزل والوصفات الطبيعية.
هل يمكن لغير المصريين شراء الشهادات وما هي الشروط
اه ممكن ، بيتم فتح حساب في البنك بالباسبور طلما فيه اقامة او عمل في مصر ، ثم بعد ذلك شراء الشهادات
الاستفسار عن اريد وضع مبلغ الي قاصر من حقة الحصول علي فتح حساب لاضافه الارباح الشهريه وسحبها عن طريق الماكينه
اه ممكن تفتح حساب للقاصر بشهادة الميلاد وتكون وصي علي الحساب وتعمل شهادات باسمه وتصرف العائد بالكارت عادي
لو كان المودع غير مصري على الشهادة البلاتينية شو الشروط المطلوبة ؟
بيتم فتح حساب في البنك الاول و الاورراق المطلوبة هي الباسبور و اي اوراق اخري متعلقة بالاقامة او العمل في مصر
مساء الخير انا عايزه اشتري شهاده استثمار بس قالولي بدفع تمن الشهاده فقط ومبحطش اي مبلغ تاني واقول بياناتي للبنك والرقم القومي وكل فتره اسأل عليها هل الشهاده دي موجوده ارجو الرد
دلوقتي لازم فتح حساب الاول وبعد كدا بيتم شراء الشهادة
هل نسبه الفايده على البنك بالنسبة للقروض على الشهادات وصلت كام فى الميه
علم بانى مقدمه شهادات بفائدة 10 %
فائدة القرض بضمان شهادات الاستثمار عامة بيبقي 2% زيادة فوق سعر فائدة الشهادة سنويا +عمولة 0.75 % شھريا
لو سمحت ممكن سؤال لو عايز اعمل وديعه بالدولار مثلا ب 10 اللاف ايه أفضل وديعه وهتكون كام العائد سواء شهري أو ربع سنوي
بالنسبة لشهادات الاستثمار بالدولار اعلي عائد دلوقتي هو شهادة اهل مصر ب 5.75 % في السنة ومدتها 7 سنوات والعائد بيصرف ربع سنوي
فيه شهادات اخري مدتها 3 سنين او 5 ، لكن العائد عليها اقل بيبقي 4 %
الشهادات الاستسمار الحالية فى البنك مازالت موجودة ولا اتوقفت زات العائد الشهرى او حتوقف متى
اه لسه موجودة ، مفيش ميعاد محدد غالبا مستمرة لحد اخر ديسمبر وقت مناقشة البنك المركزي لاسعار الفائدة
الشهادات الاستسمار الحالية فى البنك نسبتها كام الان
اعلي شهادة هي البلاتينية بفائدة 20 % ومدتها سنة ونص والعائد بيصرف موزع كل 3 شهور
اللي بعديها هي البلاتينية بفائدة 16 % و مدتها 3 سنين والعائد بيصرف موزع كل شهر
السلام عليكم
انا عايز افتح حساب في البنك الاهلي بمبلغ 100 آلاف السؤال عايز اعرف كام الفايده في الشهر من غير شراء أي شهادات إيداع فقط
وعليكم السلام ورحمه الله وبركاته
فائدة حساب التوفير هي 8.25 % سنويا علي المبلغ اللي في الحساب
شكرا
ميت الف يعملو كام في الشهر في الشهاده البلاتينيه
الشهادة البلاتينية حتي الان هي بنسبة 12.5 % و 100 الف يعملو عائد 1041 جنيه في الشهر
السلام عليكم
اريد ان استفسر عن الفرق بين الشهاده بالجنيه او شهاده بالدولار وما عو الافضل من ناحية الفائده بشكل عام . وشكرا
وعليكم السلام ورحمة الله وبركاته
حاليا الاستثمار بالدولار افضل طبعا لان قيمة الجنيه في انخفاض مستمر مهما زادت فائدة شهادات الجنيه المصري لانه هينخفض اكتر مع تعويم الجنيه المتوقع الايام اللي جايه لو معاك دولار ومش محتاج تحوله جنيه يبقي اعمل شهادة بالدولار افضل
يعني عشان اعمل الشهاده لازم اكون موظف ولا ايه ؟
بالنسبة لفتح حساب في البنك دلوقتي لازم تكون فيه وظيفة او مصدر للدخل مثبت
لو سمحت انا معايا مبلغ 100000 جنيه مصري
وأنا مش موظف ومحتاج دخل شهري ايه أفضل نظام بنكي يديني أرباح شهريه وشكرا لحضرتك
حاليا اعلي شهادة استثمار شهرية هي الشهادة البلاتينية الشهرية بعائد سنوي 12.5 % ومدة الشهادة 3 سنين
انا حاولت اعمل شهادة 12.5 قالو لازم مهنة فى البطاقة حتى لو انت شغال وبتكسب ومكتوب فى البطاقة شهادة التعليم او كلمة بدون عمل عاطل زى ملايين الشباب مش بيعملوا الشهادة استحالة
دا بالنسبة لعمل الحساب البنكي نفسه اه لازم الوظيفة تكون مكتوبة في البطاقة ، البنك المركزي مطبق الشرط دا علي كل البنوك مؤخر وفيه موظفين وكله سليم بيطلبوا منهم مفردات مرتب
عَل هناك عقد مع البنك الأهلي يفيد انه في حالة استرداد قيمة الشهادة قبل ثلاث سنوات. يتم خصم ٦٥في الماءة. انا لم أوقع علي ذلك. كيف يخصم بون اخباري عند شراء الشادات. شكر. دكتور علي شيكاغو
اسف علي التاخير في الرد
نسبة الخصم متغيره بتحدد حسب المدة اللي عدت من الشهادة يعني مثلا لو سحبتها من بعد 6 شهور مباشرة هتبقي نسبة الخصم 90 % من قيمة العائد خلال ال 6 شهور دول
ضمن استمارة شراء الشهادة بيكون مذكور انه في حالة استرداد الشهادة قبل مدة انتهائها بيكون وفقاً للقواعد المتبعة في هذا الشأن ، او اللي الموظفين بيقولو عليه الجدول الاستردادي
امتى اخر ميعاد للتقديم على الشهادات دى ؟
هو فيه كلام انه هيتم ايقافها بعد اجازة عيد الفطر بس حتي الان الشهادة مستمرة و البنك الاهلي بيعلن عنها علي موقعه الرسمي
هل الشهادات دي لسة موجودة بنفس قيمة الفايدة ولا انتهت
اه مستمرة بنفس الفائدة والمدة
يعنى شهاده الفايدتها 15%موجوده دلوقتى ولا
اه هي كانت وقفت وتم اعادة اصدارها مرة اخري بنفس المواصفات والشروط
بلح
لو معايا 600 ريال ينفع اعمل شهادة ذات العائد 15%
اه ممكن وعامة الشهادة بتبدأ باي مبلغ من العملات العربية والاجنبية يساوي 1000 بالجنيه المصري ومضاعفاته
طب لو معايا شهاده بقالها6شهور مجموعه ب 12.75% ينفع استرد الشهاده ولا هاخسر
اه ممكن تستردها بس هيتم خصم حوالي 90 % من العائد في ال 6 شهور الماضيين
هل يتم تجديدها بعد ال٣ سنوات
ولا لازم استردادها
ممكن تجديدها بعد ال 3 سنين بس هتكون نسبة فائدة مختلفة حسب ما يحدد البنك وقتها
يعنى ينفع ولو ب 100 دولار فقط ولا لازم يكون اكتر من كدا يعنى 1000 ومضاعفاتها
اه الحد الأدنى لشراء الشهادة هو 100 دولار و مضاعفاتها يعني حسب ما انت عايز 100 او 200 ….
طيب هل هناك حد على لسعر شراء الشهاده ؟
لا مفيش حد اقصي لمبلغ الشهادة و ممكن برضو المبلغ نفسه تقسمه علي اكتر من شهادة
شروط استرداد الشهادة مبهمة هل تعرف عنها حاجة واعتقد انها فخ
مش فخ ولا حاجة هم موضحين من البداية ان قيمة الشهادة والاسترداد هيكون بالجنيه المصري مش بالدولار يعني هيتم التنازل علي الدولار او العملة الاجنبية لشراء الشهادة
وعامة زي باقي شهادات الاستثمار متقدرتش تستردها الا بعد مرور 6 اشهر من تاريخ شرائها وبيتم خصم مبلغ من العائد لو تم استردادها قبل ميعاد انتهائها
يعني لو معايا دينارات هل ممكن اعمل بيها شهادة الجنيه المصري ذات 15%
اه ممكن شراء شهادة الجنيه المصري سواء بالعملات العربية او الاجنبية
أنا لو معاي فلوس مصرية كيفية عمل شهادة ب ١٥ ٪
لا الشهادة دي لازم عملة اجنبية دولار او يورو او غيره ، والتحويل بيتم في البنك
لكن اعلي شهادة بفلوس مصرية حاليا هي الشهادة البلاتينية ب 12.5 %