الباستا فلورا او تارت المربي من الحلويات المشهورة السهل عملها في وقت سريع وبطريقة سهله ، ومقادير الباستا فلورا متوافرة ويمكن عمل تارت المربي باكثر من طريقة وخلال خمس خطوات هنقدم لكم طريقة سهلة لعملها وتقديمها ونبدأ بالمقادير.
مقادير الباستا فلورا او تارت المربي
- 3 كوب دقيق
- كوب سكر بودرة
- تلاتة ارباع كوب زبدة لينة او سمنة
- 3 بيضات
- فانليا
- 1 ونص معلقة صغيرة بيكنج بودر
- ربع معلقة صغيرة ملح
- مقدار مناسب من مربى الفراولة او التين او المشمش حسب المتاح والرغبة .
طريقة عمل الباستا فلورا
– هنضرب السكر مع الزبدة بواسطة المضرب الكهربائى او مضرب سلك وبعدين نضيف ليهم البيض والفانليا ( وفى حالة عدم توفر المضرب ممكن نستخدم الخلاط ) .
– ثم نضيف الدقيق المنخول المضاف اليه البيكنج بودر والملح بالتدريج ( ونعجن بايدنا او بواسطة العجان) ولكن لا نستمر فى العجن لفترة طويلة يعنى بمجرد ان يتم خلط المكونات كويس ونحصل على عجينة لينة متلزقش فى اليد نتوقف عن العجن.
– نضع العجينة فى وعاء او كيس بلاستيك ونتركها تستريح شوبة فى التلاجة حوالى نص ساعة حتى يسهل فرد عجينة الباستا فلورا بعد ذلك.
– بعد حوالي نص ساعة نطلع عجينة الباستا فلورا من التلاجة هنحضر صينة التارت او صينة عادية حسب المتاح لدينا.
– هنشيل جزء صغير من عجينة الباستا حوالى تلتها علي جنب ، وباقى العجينة إفرديها فى صينية بحيث يكون ارتفاعها في الصينية بارتفاع حوالى سم واحد.
– وأضيفى على الوجه مربى المشمش او الفراولة او التين حسب رغبتك ، مع ملاحظة و مراعاة الا تصل المربى للاطراف حتى لا تحترق.
– بالنسبة لثلث العجينة الباقى نقسمه كور صغيرة ونبرمهاعلى رخامة المطبخ ونزين بها الباستا فلورا بخطوط بالطول والعرض ، وممكن تعملى اشكال صغيرة للتزين حسب رغبتك.
– ثم ندخل الصينة الفرن فى الرف الاوسط لمدة 25 الى 30 دقيقة حتى تمام النضج .
تزين الباستا فلورا :-
و بعد ان يتم تسويتها في الفرن نتركها تبرد ، وبعد ذلك يمكن تزين الباستا فلورا بجوز الهند او رشة سكر بودرة بسيطة او المكسرات او قطع الفواطة الطازجة حسب المتاح عندك وحسب الحاجة وبعدين يتم تقطيع الباستا فلورا وتقديمها مع الشاى او اي مشروب ساخن وبالهنا والشفا.
شاهدي من هنـــــــــــــــــــا أيضا
طريقة عمل كيكة الفراولة بالتفصيل
موقع خمس خطوات يقدم معلومات بسيطة فى شرح سهل من خمسة خطوات للأحداث الجارية وكافة مناحي الحياة المتنوعة لإثراء محتوي اللغة العربية على الإنترنت.
تسلمى جمييييله جدااا ربنا يبارك يا رب
شكرا جميلة جدااااااااااااااااااااااااااااااا
اهلا بيك وبالهنا والشفا 🙂
شكرا حلوة جدا
شكرا احلى وصفه باستا على المواقع
العفو وبالهنا والشفا 🙂
فري فري فري فري نااايس
ثانك يوووو فري ماتش :)) وبالهنا والشفا
كانت روعه و لذيذة
بالهنا والشفا وسعداء انها عجبتك :))
شكرا على احلى باستا فلورا
العفو وبالهنا والشفا :))
حلوة اوي وصفات هايلة??
ميرسي ليكي وبالهنا والشفا :))
شكرا
العفو وبالهنا والشفا :))
شكرا ليكى
العفو ربنا يخليكي وبالهنا والشفا 🙂
حلو خالص
ميرسي وبالهنا والشفا
كيتير حلوة
شكرا لمشاركتك و بالهنا والشفا :))