نستعرض معكم خطوات فتح حساب في البنك الاهلي المصري والحد الادني لفتح الحساب وماهي تكاليف انشاء الحساب البنكي في البنك القاهرة ، وطريقة اصدار بطاقة فيزا البنك الاهلي وهل يمكن انشاء حساب بالدولار والعملات الاجنبية الاخري ؟
خطوات فتح حساب بنكي في البنك الاهلي المصري
– يجب ان تكون بطاقة الرقم القومي لصاحب الحساب سارية.
– الذهاب الي اقرب فرع من فروع البنك الاهلي المنتشرة في جميع محافظات مصر ، والتوجه الي خدمة العملاء.
– الحد الادني لفتح حساب في البنك الاهلي هو 1000 جنيه للأفراد ، يجب ايداعها في الحساب اول مرة وممكن صرفها لاحقا ، و الحد الادني لفتح حساب شركات 5000 جنيه للشركات، أما فتح حساب بالدولار في البنك الاهلي فحد الادني هو 100 دولار وما يعادل المبلغ من باقي العملات الأجنبية.
– مصاريف فتح حساب التوفير 85 جنيه.
-مصاريف كشف الحساب السنوية هي 120 جنيه ، يتم خصمها من الحساب علي 4 مرات في السنة كل 3 شهور 30 جنيه.
– يتم فتح حساب البنك الاهلي في نفس اليوم وتستطيع التعامل بالايداع والسحب مباشرة.
– يمكنك طلب بطاقة الخصم المباشرة ، “بطاقة الفيزا ” المتربطة بحساب البنك الاهلي لسحب وايداع الاموال من خلال ماكينات السحب الالي ، كما يمكنك طلب دفتر شيكات للتعامل في حساب البنك الاهلي
– تستطيع طلب فتح حساب مشترك (باسم أكثر من شخص) مع تقديم بطاقات الرقم القومي المحدثة والسارية.
– فائدة حساب التوفير وحساب توفير المدخر الصغير حاليا 2017 هي 12.5 % سنويا.
– تستطيع من خلال حساب البنك الاهلي عمل شهادات الاستثمار مثل شهادة استثمار البلاتينية او شهادة استثمار مجموعة أ و مجموعة ب ، حيث تقوم بوضع المبلغ في حسابك وتتوجه الي خدمة العملاء لطلب شراء شهادة الاستثمار مباشرة .
– يحق للاجنبي في مصر فتح حساب في البنوك المصرية وايضا فتح حساب في البنك الاهلي مع احضار اصل جواز السفر للبنك للاطلاع عليه ، كما يستطيع المواطن العربي والاجنبي شراء شهادات استثمار من البنك الاهلي المصري.
– بالنسبة لفتح حساب بنكي لقاصر ، عليك بتقديم شهادات الميلاد للاطفال القصر حتي تستطيع فتح حساب بنكي لهم بحيث يكون الحساب تحت وصاية احد الوالدين ، وايضا يمكنك فتح حساب للاطفال عن طريق تقديم قرار الواصية للقصر ان وجد.
– يراعي تسجيل بيانات الرقم القومي والبيانات الشخصية بدقة عند فتح الحساب البنكي في البنك الاهلي المصري حيث يستخدم رقم التليفون والعنوان للتواصل مع صاحب الحساب وايضا لارسال كشف الحساب الخاص به.
شاهد من هنــــــــــــــــــــا أيضا
طريقة حساب عائد شهادات الاستثمار بالتفصيل
موقع خمس خطوات يقدم معلومات بسيطة فى شرح سهل من خمسة خطوات للأحداث الجارية وكافة مناحي الحياة المتنوعة لإثراء محتوي اللغة العربية على الإنترنت وتقدم العديد من مقالات الصحة والحياة وشغل المنزل والوصفات الطبيعية.
سني 20 سنة عايز افتح حساب ف البنك الاهلي + ان كرت الفيزا يكون متوفر فية اني اشتري اونلاين ينفع ولا لا ولو ينفع اي الخطوات المطلوبة مني
ممكن فتح حساب ببطاقة الرقم القومي وايصال كهرباء أو غاز وبيتم عمل فيزا مرتبطة الحساب صالحة للاستخدام على النت
عايز حساب في البنك الاهلي يكون بفايده شهرية ممكن قبضها في اي وقت
عايز اعمل بطاقه فيزا سحب وايداع عن طريق الانترنت
لو فتحت حساب بالف جنيه وعاوزة فيزا استلمها بعد قد ايه وقت
بعد اسبوعين
لو سمحت خالي أخدت بطاقتي وخلص الإجراء ت وجلالي الفيزا وسافر وناس الرقم السري وانا ماعرفهوش اعمل ايه
ممكن من خلال الاتصال برقم خدمة عملاء البنك هيراجعوا معاكي البيانات وهيتم عمل رقم سري جديد للكارت
جميع المراسلات كشف الحساب لم يصلني مباشرة بل احيانا يصلني عن طريق اخرين متاخر جدا وعنواني معروف وواضح هذا يدل علي استهتار موزع الخطابات رجاء التحقيق في هذا الشأن وافادتي الرسوم التي تخصم سنوية هي بسبب كشف الحساب
انا بسحب وبحط فلوس كذا مره في الشهر ازاي احسب الفوايد وﻻ كده بتروح عليا
كنت عاوز اعرف اجراءات فتح الحساب للاجانب
نفس الاجراءات بيتم تقديم الباسبور واخد صورة منه مع تقديم المستندات الدالة على الاقامة او العمل في مصر
انا متزوجه وبطاقتي حاصله ع مؤهل هل ينفع اعمل حساب بشهاده تأمينات زوجي بها مفردات المرتب والمكان اللي شغال فيه مع العلم ان بطاقته حاصل ع مؤهل
ممكن فتح حساب باسمه ويكون مشترك ما بينكم
انا مصري اقيم بالكويت هل من الممكن عمل حساب بنكي آمن لتحويل عليه اموال من الانترنت مثلا …بعمله الدولار؟
واذا كان ؟ .. ما هي الاجراءات والخطواط ؟ …شكرا لحضراتكم مقدما 🙂
ممكن تفتح حساب بالدولار سواء حساب توفير او حساب جاري حسب رغبتك ، وبيتم التحويل له تحويل بنكي عادي وممكن عمل بطاقة فيزا مرتبطة بالحساب ، وبيتم فتح الحساب بالبطاقة أو الباسبور حسب الاجراءات اللى وضحناها في الموضوع
هل يمكن فتح حساب في البنك الأهلي وانا عندي حساب ف بنك مصر
اه ممكن فتح اكثر من حساب عادي
انا طالبه ف جامعه وعايزة افتح حساب جاري هل هيطلبو برضه ورق من مكان العمل او الاهل
روحت البنك افتح حساب بيقول لازم دخل ثابت وانا بطاقتى مكتوب فيها دبلوم صناعى اللى وانا شغال صنايعى
لو فيه حد يعرف يفدنى شكراً
انا سواق ينفع فتح حساب
اه طلما مثبت في البطاقة الوظيفة
انا عايز اعرف هو بعد كل ايداع بيتم خصم رسوم ولا لا وهل المصاريف الاداريه غير مصاريف كشف الحساب
المصاريف الادارية بتبقي عند فتح الحساب ، اما المصاريف السنوية للحساب اللي هي مصاريف كشف الحساب ال 120 جنيه بيتم خصمها موزعة على السنة كل 3 شهور 30 جنيه
اما الايداع والسحب اي مبلغ مفيش مصاريف لا طلما من فروع البنك أو من الماكينات التابعة له
لو سمحت انا مهندس زراعي ودا موجود بالبطاقة
السؤال بقى اي الورقة المطلوبة من شغلي لفتح حساب والحصول على الفيزا
ثانياً هل ممكن الإيداع من خلال الفيزا
– شهادة مفردات المرتب أو الدخل السنوي وبيتم فتح الحساب في نفس اليوم والفيزا بتستلمها من البنك بعد اسبوعين
– اه ممكن عمل ايداع في ماكينات الصراف الألى اللي فيها منفذ ايداع وعادة بتكون دي موجودة في فروع البنك
ممكن أسحب فلوس من شهادة اﻷدخار بجواز سفري الساري
لو لسه بتدرس ممكن أه لكن لو بتشتغل لازم اثبات الوظيفة في البطاقة
اه ممكن الايداع والتحويل لحساب التوفير من اي حساب اخر
ممكن افتح حساب بس البطاقه مكتوب فيها بدون عامل
البطاقه عامل عادي ينفع اعمل حساب
اه ممكن طلما الوظيفة مثبتة في البطاقة
لازم افتح حساب في محافظتي وهل مكتوب في البطاقه المهنه عامل عادى تنفع افتح حساب وهل شهايد ٢٠ في الميه موجوده
لازم الفرع اللي تبع مقر السكن لكن لو مقر العمل في محافظة آخري ممكن
اه مفيش مشكلة المهم الوظيفة تكون مثبتة في البطاقة
شهادة ال 20 % مستمرة حتي اليوم 16 نوفمبر 2017 فيه كلام عن ايقافها بس دا الشهر اللي جي او اول السنة
شكرا لمجهودكم في توضيح كل الاستفسارات.
مذكور في بطاقة الرقم القومي وجواز السفر ” حاصل على بكالوريوس تجارة” اشتغلت في الخارج لمدة 27 سنة وحاليا رجعت مصر وبدون عمل ( وانا عضو في نقابة التجاريين)
كيف احول بطاقتي من حاصل على … الى وظيفة عشان اقدر افتح حساب بالبنك ؟
العفو واهلا بحضرتك
اثبات الوظيفة عند تجديد البطاقة بيكون من جهة العمل ،،، ممكن في النقابة تختم استمارة البطاقة وتحاول مع موظف السجل المدني
ما الحل في مشكلة المهنة عند فتح الحساب بالبنك الأهلي او بنك مصر
لو شغال اعمال حرة او شغل خاص ممكن تقدم اي مستند آخر زي السجل التجاري او البطاقة الضريبية
لو سمحت عاوز اعمل شهاده ادخارية ٢٠٪فايده سنويا وتكون الفايده بتصرف شهريا ده بينطبق علي اي شهاده من فضلك
اسمها الشهادة البلاتينية 20 % و مدتها سنة ونصف
ما السن المطلوب لفتح حساب توفير
الحد الادني 18 سنة ، لو اقل من 18 سنة بيتم فتح الحساب بشهادة الميلاد و لازم ولي الامر يكون موجود وبيكون الوصي علي الحساب
هل يمكن عمل فيزا في حساب التوفير
اه ممكن طلب عمل فيزا مرتبطة بالحساب من خلال خدمة العملاء
فتحت حساب وعملت شهاده 20 % وعندما ذهب للسحب من الحساب الموظف قالي الحساب مغلق ولم أعرف السبب والسن 21 عام ؟
ممكن تستعلم من خلال خدمة العملاء في البنك علشان هيسالك عن البيانات
عامة ممكن يكون خطأ من موظف في استكمال اجراءات فتح الحساب
دلوقت ايه لزمة الحساب الجاري مدام م عليه فائدة اكيد بنحط الفلوس ف البنك عشان العائد ولو سمحت ممكن توضيح ف الفرق بينه وبين حساب التوفير
الحساب الجاري هو اختيار افضل للناس اللي بتتعامل بشيكات وتحويلات بنكية كتير ، و بتقدر تعمل دفتر شيكات واسهل في التحويلات البنكية اليومية
اما حساب التوفير فهو افضل زي ما قلت علشان الفائدة السنوية وهو مناسب للاستخدامات العادية من ايداع وسحب
ممكن اعرف الفرق بين الحساب الجاري وحساب التوفير والفيزا بتطلع لغير الموظف ارجو الرد
حساب التوفير بيبقي فيه فائدة علي المبلغ المودع في الحساب خلال السنة ،، الحساب الجاري مش بيبقي عليه فائدة و يمكن اصدار دفتر شيكات وهو اسهل في التعامل بالنسبة لاصحاب الاعمال والشركات اللي شغلهم فيه شيكات وتحويلات بنكية
كارت الفيزا بتطلبه عادي بعد عمل الحساب وبتستلمه بعد اسبوعين
السلام عليكم… انا أجنبية زوجة مصري هل اقدر افتح حساب وتعمل شهادة بلاتينية باصل جواز السفر
وعليكم السلام ورحمه الله وبركاته
اه ممكن فتح الحساب بجواز السفر الموظف بيطلع عليه وبياخد نسخة وممكن بعدها شراء الشهادة
لو انا هعمل حساب جاري المفروض انه مش عليه فايدة هيخصموا بردو مصاريف كشف حساب 120 ؟
اه لان كشف الحساب بيتعمل لكن انواع الحسابات
لو عايزة اعمل الشهادة البلاتينية بعائد 20% وليس لي حساب في البنك اعمل ايه والحساب اللي عايزة اعمله يكون حساب توفير مش حساب جاري يتفتح بكام
لازم فتح حساب لعمل الشهادة وممكن فتح حساب توفير عادي و الاوراق االمطلوبة بطاقة الرقم القومي تكون سارية
وزي ما الاخوة وضحوا في التعليقات الحد الادني لفتح الحساب بيكون 1000 جنيه بتبقي موجودة في الحساب ، و مصاريف فتح الحساب 85 جنيه
وبيتم خصم 120 جنيه سنويا مصاريف كشف الحساب بتتخصم كل 3 شهور 30 جنيه ، وفائدة حساب التوفير 12.5 فى المية سنويا
are there visa and mastercard ?
الكارد اللي بيصدر مع حساب التوفير او الجاري بيكون فيزا
اما لو قصدك الكريديت كارد فبيكون من اختيارك انت سواء فيزا او ماستر كارد
يعني كل سنه الفلوس الموجوده في الحساب الشخصي بتزيد 12.5 %
اه مع العلم ان الفائدة ممكن تقل عن 12.5 % خلال السنة اللي جايه حسب تحسن الاقتصاد وقرارات البنك المركزي
دلوقتى فتح الحساب حد ادنى 1000 جنيه ومصاريف 85 جنيه وبيخصموا 30 جنيه كل 3 شهور وفايدة 12.5 فى المية سنويا من خلال تجربتى بتاريخ 30 يوليو
بابا عملي الحساب و انا صغيرة و هو طبعا اللي كان بيسحب و يودع.. ودلوقتي انا كبرت و معايا بطاقة و عايزة انا اسحب و اودع.. هل هحتاجه ف اي اجراء من الاجراءات دي
لا ، بالنسبة للايداع في الحساب ممكن انتي او اي حد من الاسرة يعمل ايداع في حسابك ، بالنسبة للسحب ممكن السحب باستخدام كارت الفيزا بنفسك عادي
او لو من الشباك الموظف هيطلب منك عمل تحديث بيانات في خدمة العملاء في البنك مجرد هيسجلو بيانات البطاقة عندهم
وال120 جنيه التكلفة السنويه بتبقي علي ال1000 جنيه ولا علي أي مبلغ وهل ممكن اخلي الفائده شهريه ولو ممكن بتبقي قد ايه
ال 120 ثابته علي اي مبلغ دي مصاريف سنوية لكشف الحساب
ممكن طلب تغيير نوع حساب التوفير او عمل حساب اخر بفائدة شهرية هي حاليا 11.4 % و الفائدة السنوية 12 %
انا عندي حساب ف البنك الاهلي
ف هل يمكن فتح حساب آخر ف نفسك البنك ؟
اه ممكن فتح حساب اخر
ماهو العائد السنوي
الفائدة علي حسابات التوفير والمدخر الصغير 11.25 % سنويا
هل من الممكن ان افتح حساب باسم شخص اخر
لازم الشخص يكون موجود او يكون فيه توكيل رسمي لان البنك بيحتاج توقيع صاحب الحساب
لو سمحت عاوز افتح حساب فى اابنك الاهلى وعاوز اعرف بيفتح بكام
مصاريف فتح الحساب 54 جنيه و لازم ايداع 1000 جنيه اول مرة وبتكون في الحساب ممكن سحبها بعد كدا
بجانب مصاريف سنوية 120 جنيه بيتم خصمها علي 4 مرات في السنة كل 3 شهور
هل يشترط وجود وظيفه مثبته على البطاقه؟
اه لازم تكون مثبتة في البطاقة والبطاقة تكون سارية
يمكن فتح حساب واناغير موظف بالحكومه
ارجو الرد
لو قطاع خاص هيطلبوا منك شهادة مفردات المرتب من الشركة
لو اعمال حرة بتقدم السجل التجاري او البطاقة الضريبية
الحد الادنى حاليا للافراد 1000 جنيه ومصارف الفتح 54 جنيه ومصاريف سنويه 124 جنيه ولايتم حساب اى ارباح على كسر الالف جنيه….اخر تحديث
ممكن افتح حساب بالدولار وكيف يتم السحب بالدولار من الصرافه
اه ممكن تفتح حساب بالدولار في البنك وتعمل ايداع وسحب او تحول الدولار للجنيه عادي من خلال فروع البنك
كيف يكون الحساب توفيري ويكون هنالك رسوم شهرية على العميل ؟
يافندم الفوايد كام من البنك عشان لسه عامل حساب جديد فى البنك عندكم و هل هو شهرى ام سنوى
فيه حسابات توفير شهرية وربع سنوية وسنوية ممكن تراجع مع البنك او من خلال خدمة العملاء بحيث تعرف نوع حسابك ايه
وعامة لو عامل حساب توفير سنوي الفائدة حاليا 11.25 % سنويا ، اما لو كان شهري الفائدة 10.65 %
أخي الكريم هل فيه رسوم شهرية أو سنوية بتقتطع من الحساب التوفيري
اه رسوم الحساب السنوية هي 120 جنيه ، بيتم خصمهم علي 4 مرات في السنة كل 3 شهور 30 جنيه
سعودى وعايز يفتح حساب بالبنك هل المطلوب فقط صورة الجواز والاصل للاطلاع عليه وفقط ام انه هناك شروط اخرى وهل يتم الفتح فى نفس اليوم
اه دا المطلوب بجانب اي اوراق اخري متوافرة عن الاقامة او العمل في مصر ، اه الحساب بيتم فتحه في نفس اليوم و بيتم الحصول علي كارد الفيزا للحساب خلال اسبوعين
اى الفرق بين الحساب الجارى وحساب التوفير
مفيش فارق كبير بين الاتنين في الخصائص والدفع والسحب ، لكن حساب التوفير افضل في نقطة انه بيبقي فيه عائد علي المبلغ اللي في الحساب سنويا والفائدة عليه دلوقتي 11.25 %
عندى تعليق صغير علشان تفتح حساب جارى فى اى ببنك لازم تثتبت انك موظف او صاحب عمل اما لو اعمال حرة يعنى مش مكتوب الوظيفة فى البطاقة بيحتاجوا بطاقة ضريبية غير كده مش هاتقدر تفتح حساب
طب هي حضرتك هنفتح حساب مثلا ب500 جنية هتاخد كارت الفيزا باسم الطفل صح
اه فتح الحساب في نفس اليوم لكن الفيزا الاستلام خلال اسبوعين
لو سمحت لو فتحت حساب لاولادى لو عايزة اسحب منو ينفع
اه ممكن فتح حساب للاولاد بشهادة الميلاد ويكون الاب او الام الوصي علي الحساب ويتعامل من خلاله عادي
لو سمحت انا ممكن افتح حساب او دفتر توفير لابني وهو قصر وزوجي مش موجود
اه ممكن بشهادة ميلاد الطفل و بطاقتك بحيث تكوني انتي الوصي علي الحساب
ممكن افتح حساب بالريال السعودي
اه ممكن الحد الادني ما يساوي 100 دولار حوالي 375 ريال سعودي
فى اى فرع ولا لا
اه فتح الحساب بالعملات العربية والاجنبية متاح في كل الفروع
اخوي لو شخص جاي زياره لمصر للعلاج او دراسه فيه شروط لفتح الحساب للخليجي علما ان مبلغ الايداع تقريبا 5000دولار
اهلا بيك اخي الكريم في بلدك
هي نفس شروط فتح الحساب سواء حساب جاري او توفير ، بتتجه لخدمة العملاء في البنك و بتقدم الباسبور للموظف بيصوره صوره ضوئية ، ولو معاك اقامة او اي اوراق اخري بتحضرها احتياطي في حالة طلب الموظف الاطلاع عليها
والحد الادني لفتح الحساب بالدولار هو 100 دولار وبعد كدا تقدر تعمل سحب وايداع بشكل عادي
لو سمحت انا كنت عايز اسال على لو اني معايا مبلغ وعايز احطه في البنك وافتح حساب جاري بس معنديش وظيفة هاينفع ولا لا . انا روحت للبنك اعمل حساب وقالي مينفعش . هل ده في كل البنوك ؟ وانا لو شغال حر اقدر اقدم ده واثبته في ورق ولا لازم وظيفة فعلية ؟
اه دي تعليمات من البنك المركزي لكل البنوك
هو المهم بالنسبة للموظف الورق اه و ان يكون فيه وظيفة في البطاقة مش “حاصل علي كذا” بس ، وممكن تثبت الوظيفة في البطاقة سواء بسجل تجاري او من خلال نقابة
لو سمحت كام فائدة دفتر التوفير في البنك في السنة ة
11.25 % في السنة
لو سمحت ايه الفرق بين حساب التوفير والحساب الجاري وما هو الحساب اللي اقدر احول عليه من الخارج
الاتنين تقدر تحول عليهم من الخارج عادي و ممكن تفتح الحساب بالجنيه او بعملة تانية
الفرق بس في ان الحساب الجاري بتقدر تعمل دفتر شيكات بس المبلغ اللي في الحساب مش بيكون عليه فائدة
اما حساب التوفير بيكون عليه فائدة سواء نصف سنوية او سنوية
لو سمحتم لو معايا فيزا مرتبات من البنك الاهلي المصري ممكن افتح حساب جاري في نفس البنك واطلب فيزا ولا لا
والفائده كام وسنويه ولا كل سته اشهر ؟….
وشكرا
اه ممكن تفتح حساب جاري او حساب توفير و تضم فيزا المرتب بحيث ينزل المرتب في الحساب
الفائدة علي الحساب حسب نوعه انت بتختاره مع الموظف سواء حساب توفير ربع او نصف سنوية او سنوية
انا اشتريت شهادة بلاتينيه .الموظف عملى حساب جديد . هل اقدر استفيد من الحساب دة من خلال السحب والايداع واقدر احول عليه فلوس من الخارج وهل هو حساب توفير ام لا
اه هو حساب توفير الا اذ انت طلبت عمل حساب جاري فقط
ومن خلال حساب التوفير تقدر تعمل سحب وايداع و تحول عليه عادي و تعمل بطاقة فيزا للتعامل من خلال ماكينات السحب
لو ان بعت حضريتك حواله لحد فى مصر وعاوز ارجعها تانى ومش يخودها يعنى مثلا انا بعت لى حضريتك حواله واتخقنا معا بعض وانت لسه مش استلمت خواله ينفع انا ارجعها بقى ولا مش ينفع
علي حسب البنك اللي ارسلتها منه فيه بنوك بتقبل ايقاف الحوالة خصوصا لو لسه مرسلة من وقت قليل
وطلما الطرف التاني لسه مستلمش حاول مع البنك وان شاء الله خير
في اية اوراق علشان افتح حساب زي مفردات مرتب عقد شقة ما يذبت جهة الفلوس شروط غير البطاقة والفلوس
معظم الاحيان مش بيطلب غير البطاقة و انها تكون سارية ، و الوظيفة تكون مثبتة في البطاقة ، ساعات الموظف بيطلب شهادة مفردات مرتب من جهة العمل او الاطلاع علي ما يثبت مصدر الاموال بس دا في حالات نادرة ولو مهن حرة
عند شراء الشهادة من البنك الاهلى يتم فتح حساب للشخص هل اذا قمت بايداع مبالغ فى هذا الحساب يحتسب عائد عليها
اه في حالة فتح حساب توفير العائد حاليا 11.25 % سنويا
لو سمحتم عندي سوال انا عايزها افتح حساب عند حضرتكم بس البطاقه اتسرقت ومعايه صوره منها بس وش واحد هل في مشكله وانا مش عايزه اصبر بعد 15 يوم
احنا هنا موقع خمس خطوات مش البنك
لازم البطاقة نفسها وتكون سارية ، لان الموظف بيطلع علي بيانات الوظيفة و موعد انتهاء البطاقة
حضرتك انا ليه صديقه عايزه تبعتلي فلوس من تونس وانا معنديش حساب في البنك عايز اعرف بس هيا اذاي تحولي الفلوس دي
ممكن عن طريق حوالة بنكية و انت تستلمها بالبطاقة من البنك
او تحويل من خلال ويسترن يونيون دا اسرع حاجة بس بيبقي فيه عمولة علي التحويل بيدفعها الراسل
مصاريف السنوية لحساب التوفير كام
120 جنيه بتتخصم علي 4 مرات في السنة كل مرة 30 جنيه
اشتريت شهادة طلعت حرب من بنك مصر ينفع اشترى شهادات طلعت حرب من البنك الأهلى بردوه
ولو لية مرتب محول على البنك الأهلى وعاملة فيزا مشتريات يبقى لما أجى اشترى الشهادات لازم افتح حساب ولا من غير حساب عشان القبض وفيزا المشتريات اللى عندكم والحد الأدنى لفتح حساب لشراء الشهادة كام
اه ممكن عادي تفتح حسابات في اكتر من بنك وتشتري اي عدد من الشهادات مفيش حد اقصي وعلشان تعمل الشهادات لازم حساب جاري او توفير ، وهتلاقي تفاصيل فتح الحساب في الموضوع بالتفصيل
والشهادة اللي زي طلعت حرب في البنك الاهلي اسمها الشهادة البلاتينية بفائدة 20 %
نسبه الفائده كام ف الميه علي الحساب الشخصي
ياريت الرد
8.25 %
هو لازم الوظيفة فى البطاقة يعنى الى مش مذكورة الوظيفة فى البطاقة مينفعش يفتح حساب ايه الاجراءت التعسفية دية
دلوقتى روحت افتح حساب فى البنك قالى لازم اكون موظف يعنى لو مش موظف مينفعش افتح حساب مع ان كان الاول بفتح حساب بالبطاقة
دي تعليمات البنك المركزي لكل البنوك لازم البطاقة تكون سارية ومكتوب فيها الوظيفة سواء قطاع عام او خاص او اعمال حرة المهم الوظيفة تكون مثبتة في البطاقة
هو انا مينفعش افتح حساب او دفتر توفير او اي حاجة اقدر استلم عليها اي حوالة من اي دولة
الحوالة ممكن تستلمها بالبطاقة عادي ، و ممكن تفتح حساب توفير في البنك وتستلم عليه باي عملة
انا اشتريت شهاده قناه السويس في بدايه حفر القناه ب ٤٠٠٠ جنيه من البنك الاهلي هل ده يعتبر مفتوح حساب ولو عايز افتح حساب بوضع مبلغ هل يضاف ولا ده حاجه وده حاجه
اه تم فتح حساب لك وقت عمل الشهادة ومبلغ الشهادة نفسه مش بيتغير محجوز حتي وقت رغبتك في استرداد الشهادة او انتهائها ، بالنسبة للحساب ممكن تعمل ايداع وسحب عادي لو مش عارف رقم الحساب من خلال الشباك بتديله البطاقة وهو بيدور ويقولك الرقم
انا معنديش مهنه فى البطاقه ممكن افتح حساب توفير
لازم الوظيفة تكون مسجلة في البطاقة علشان يتم فتح الحساب
لازم افتح حساب في البنك علشان اعمل شهاده البلاتينيه
اه لازم
من فضلك انا عندي حساب توفير في بنك مصر وعاوز احوله لحساب جاري ياتري ينفع ولا لاء?وشكرا جزيلا ليكم
اه ممكن تعمل حساب جاري طلما معاك البطاقة محدثة و مذكور فيها الوظيفة ، بيتم عمل الحساب ونقل المبلغ اللي في حساب التوفير للحساب الجديد
لو سمحت انا ليا حساب في البنك بالجنيه المصري و ان شاء الله هاسافر ايطاليا.. فهل في طريقة اني احول الحساب من الجنيه لليورو بحيث انه ينفع اصرف منه برة..ولو ينفع يبقي ازاي؟!
ممكن تفتح حساب جديد عادي سواء بالدولار او اليورو ويكون التعامل من خلاله
لكن تحويل الحساب اللي بالجنيه او تحويل الرصيد نفسه لليورو مباشرة لا
انا علي المعاش ممكن افتح حساب في البنك
اه ممكن بس لازم البطاقة تكون موضح بها انك علي المعاش
السلام عليكم لوسمحت ما الفرق بين حساب توفير وحساب توفير ربع سنوي أرجو التوضيح
وعليكم السلام ورحمه الله وبركاته
حساب توفير الربع سنوي ، بيتم حساب الفائدة اللي هي 7.85 % حاليا ، بيتم حسابها علي المبلغ اللي في الحساب مقسمة علي 4 مرات في السنة ، لكن نسبة حساب التوفير السنوي هي 8.25 % وبيتم حسابها سنويا
السلام عليكم انا مقيم في بريطانيا وعاوز أضع رصيدي في مصر ما هي المطالبات هل في صعوبه في ذلك
وعليكم السلام ورحمه الله وبركاته
ممكن تفتح حساب في البنك الاهلي و تحول المبلغ عليه ، فيه فرع البنك الاهلي في لندن ودي بياناته و الموقع الرسمي
Address: Trafalgar House, 11 waterloo Place, London SW1Y 4AU.
Tel : +4420 7389 1200/280
Fax : +4420 79308882
Swift : NBEGGB2L
E-mail : Enquiries@nbeuk.com
a.maksoud@nbeuk.com
Home Page : http://www.nbeuk.com
السلام عليكم ورحمه الله وبركاته …لو سمحت لو عاوز اعرف بخصوص انى محتاج اجيب عربيه سمعت ان البنك ممكن يدينى قرض سيارة فمحتاج اعرف ايه الشروط والمبلغ كام وطريق السداد ازاى وعلى كام سنه والفوائد كام وشكرا…..
وعليكم السلام ورحمه الله وبركاتههتلاق هنــــا بالتفصيل قرض السيارة من البنك الاهلي الشروط والفائدة وباقي التفاصيل
سؤال هو انا دلوقتي بشتغل في قطاع خاص بس مش متامن عليا عندهم وعايزة افتح حساب في البنك ينفع افتح حساب ولا لا
طلما الوظيفة مكتوبة في البطاقة وتقدر تجيب اي ورقة تثبت شغلك في الشركة دي ممكن تفتح الحساب
السلام عليكم اولا انا متابع موقعكم من زمان حاجه مفخره شرح مبسط مفيد لاى واحد محتاج يستفسر ويلاقى الجواب بشكل مبسط وسريع .
ثانيا : انا اول مره اسال ويمكن الموضوع قديم شويه .
لو انا عندى حساب بره فى الامارات بالدرهم .
وعندى حساب بمصر بالجنيه عادى . بنفع احول من بره على حسابى فى مصر؟؟ وهلى حيكون التحويل بنفس العمله.
اى بالدرهم ولا ححول بالدرهم وحيخدوه ويحولوه مصرى .
وحتحاسب بسعر صرف كام. والتحويل حيحصل فى قد ايه ..
وشكر موصول لسيادتكم.
وعليكم السلام ورحمه الله وبركاته ، اهلا بيك وسعيد بمشاركتك معانا وكلامك الرائع
ومعلش لو في تاخير في الرد 🙂
ممكن التحويلات من الخارج بالعملات الاخري عادي و في البنك في مصر بيخيرك ما بين الاستلام بالعملة دي الدرهم يعني او بالجنيه المصري ، و سعر صرف الدرهم في مصر دلوقتي 2.4122 جنيه
مدة التحويل عادة بتبقي خلال 3-4 ايام عمل ، او حسب البنك اللي هيرسل ممكن تبقي اسرع او ابطئ
بس برضو اكد مع خدمة عملا البنك الاهلي ان نوع حسابك يسمح باستقبال التحويلات قبل ما ترسل ، واهلا بيك في اي سؤال واتمني لك التوفيق والنجاح باذن الله
شكرا جزيلا على الرد .. وفيش مشكله من التاخير
هو بس فيه مشكله يعنى ان حسابى هو حساب توفير المستقبل ذو العائد الربع سنوع ومتقوليش ايه الاسم الطويل ده لانه اسمه كده على موقع البنك هههههه
ثانيا يا اخى انا بقالى قرابه يومين بحاول اتواصل معاهم حاطينى على الهولد الله يسامهم .. اضطريت ابحث بنفسى يعنى ولقيت ان الحساب ده مش متوافر عنه معلومات بتقول انه بيدعم التحويل ..
فى بقى حاجه فى رد حضرتك محتاج استوضح منها ..
هو اصلا انا ححول بالسويفت كود اتوماتيك على حسابى فى مصر تمام الحساب اصلا عملته مصريه ازاى لو البنك خيرنى بين الدرهم والجنيه وانا اخترت مثلا الدرهم تمام وده من راى انه افضل اختيار مش عارف حضرتك حتايدنى ولا لا ؟؟ ازاى بقى حيحتولى الدرهم على الجنيه الحساب حيبقى مختلط تقريبا مينفعش ؟؟ ولا لازم افتح حساب جديد بنفس العمله ؟؟؟ عشان احتفظ بفرق السعر لو الدرهم زاد ابيع ؟؟
واخيرا ايه راى حضرتك فى الويسترن يونيونيون من حيث الخدمه بتاخد قد ايه وقت فى التحويل ؟؟ والعموله بتبقى كام ؟؟ وهل ينفع احول وانا فى الامارات من فرع ويسترن يونيون على حسابى فى مصر على طوول بالسويفت كود مثلا ولا الخدمه ديه من فرع لفرع اى بين مرسل ومستقبل ؟؟
انا عارف انى طولت على حضرتكم بس اعمل ايه العشم كبير فيكم وانتو ديما عند حسن الظن ..وكل سنه وانتو بالف صحه ..والسلام عليكم
يا باشا العفو واهلا بيك ديما وسعيد بمتابعتك ومشاركتك معانا ربنا يوفقك في كل خير
ما هو علشان كدا قلتلك تاكد مع البنك :)) لان فيه حسابات عندهم بتقبل التحويل والاستلام بنفس العملة لكن للاسف مش منزلين التفاصيل دي علي النت ، فانت حاول معاهم مرة تانية وان شاء الله تلاقي معلومة مفيدة
بالنسبة لويسترن يونيون بترسل من اي فرع هناك و هنا اللي ارسلته بيستقبل من اي فرع في مصر ، العمولة حسب المبلغ اللي هترسله هي 25 درهم لارسال 1000 درهم وبتزيد تقريبا 5 درهم لكل الف تانية ، والاستقبال في نفس اليوم لو ارسلت بدري او في تاني يوم عمل و لو المبلغ كبير هيتقسم علي دفعتين او اكتر
والخدمة بتكون مرسل لمستقبل ، في مصر الخدمة كويسه بس بيدققوا اوي في اسم المستقبل ولازم تكون بطاقته سارية مش منتهية والاسم ثلاثي مضبوط ، بعد الارسال بتاخد رقم وترسله مع قيمه المبلغ وبيانات الراسل
يارب اكون قدرت افيدك في حاجة معلش حكاية الحساب دي انا هحاول اسال فيها برضو ولو وصلك لحاجة هقولك هنا وعلي الايميل وربنا يوفقك
انا مش بشتغل وعايزه افتح حساب بنكي ومش نافع اعمل ايه
حاليا في البنك لازم وظيفة وساعات بيطلبو مفردات مرتب من جهة العمل
ممكن فتح حساب مشترك او باسم حد في الاسرة ويعملك توكيل بنكي بحيث تقدري تتصرفي في الحساب
للاسف دي الشروط الجديدة حسب البنك المركزي لفتح حساب بنكي جديد لازم اما قطاع عام او قطاع خاص او لو مهن حرة بتقدم السجل التجاري او البطاقة الضريبية ، وبعض الوظائف بيطلبو شهادة مفردات مرتب من جهة العمل
انا رحت افتح حساب فى فرع السيوف الموظف لقى البطاقة مكتوب فيها مهندس زراعى قالى لازم تجيب جواب من جهة العمل ايه لزوم الجواب ولا هو روتين وخلاص
الوديعة ممكن تكون سنه فقط
اه ممكن عمل وديعه لمدة سنة او سنتين ونسبة الفائدة عليها 7.25 % ، ونفس الفائدة متاحة لحساب التوفير السنوي
هل ما زال حد السحب من الخارج 2000 دولار حتي الان
اه مفيش تغيير
عايزه افتح احساب بس عايزه اعرف فيها فوايد كل شهر وفلوسي زاي م هي ولا
ممكن فتح حساب توفير والفائدة هي 6.5 %
القاصر تحت سن ال ٢١ ولا ال ١٨ و هل يسطتيع القاصر استخراج فيزا لنفسه ولا لا
بالنسبة للحسابات في البنك تحت 18 سنة ، اه وحتي لو فيه وصي علي الحساب ممكن يستخرج بطاقة فيزا مرتبطة بالحساب عادي
هل يوجد انترنت بنكى
فيه خدمة الاهلي نت Ahlynet بس لازم التسجيل الاول في البنك بحيث يعطيك اسم الدخول وكلمة السر للحساب
هوه المبلغ الى بيتفتح بى الحساب ده بيبقى رسوم الفيزا ومابيتسحبش بعد مابفعل الفيزا ولا ده مجرد مبلغ بفتح بى الحساب وبعدين بسحبه فى اى وقت
دا مبلغ فتح الحساب ، اما تكلفة الفيزا فحسب نوعها بتدا من 25 جنيه
هل شرط عند فتح حساب في البنك ان يكون صاحب الحساب يعمل بالحكومه
او شرط وجود ضامن يكون يعمل بالحكومه اذا كان صاحب الحساب لا يعمل
لا مش شرط سواء موظف حكومة او قطاع خاص او مهن حرة ، المهم تكون الوظيفة مسجلة في البطاقة ، وبعض الفروع بتطلب شهادة مفردات مرتب من جهة العمل عند فتح الحساب ، او سجل تجاري بالنسبة للمهن الحرة
انا فاتح حساب فى البنك وجيت احول علية قلولى رقم الحساب غلط
ممكن تتصل بالبنك الاهلي بحيث تعرف رقم الحساب كامل ولو انت خارج مصر بتطلب منهم السويفت كود
رقم البنك الاهلي من داخل مصر 19623
او لو انت خارج مصر دا رقم البنك الاهلي المصري من خارج مصر
+20225760777لو سمحت كنت عايز اعرف مسموحلى بسحب مبلغ قد ايه و انا مسافر بره مصر من خلال ATM خارج مصر ؟
الحد الاقصي للسحب بالفيزا خارج مصر حاليا هو 2000 دولار ، وهتلاقي المزيد من التفاصيل عن الحد الاقصي هنــــا
أنا فاتح حساب في البنك الأهلي المصري بالدولار هل السحب يكون من أي فرع للبنك الأهلي المصري في جميع المحافظات أم من الفرع نفسه؟
الايداع والسحب من اي فرع بنك اهلي في مصر
لو سمحت الشهاده البلاتينيه عليها مصاريف اداريه ولو انا فاتح حسااب توفير ممكن اشتري بيه شهاده حبخدو مني مصاريف اداريه تاني ؟
وهل لو حسابي مفيهوش فلوس فتره وجيت حطيت فلوس حيخصمو ال120 جنيه السنويه عن المده اللي فاتت
الشهادة نفسها مش عليها مصاريف بتشتريها عادي ، الحساب هو اللي عليه مصاريف ادارية 120 جنيه في السنة
اه بيتم خصم المبلغ اول لما تعملي ايداع
بعد اذن حضرتك انا عندى حساب جارى فى البنك الاهلى ..وبقالى فتره طويله تعدى سنه واكتر لم اتعامل به ..هل الحساب ما زال موجود ام تعطل ..ولو حد بعت من الخارج مبالغ نقديه على رقم الحساب هتوصل ولا لا ..واجراءات تفعيله ايه ..شكرا جزيلا
طلما الحساب مفهوش مشاكل هيفضل شغال عادي وممكن تتصل بخدمة عملاء البنك الاهلي 19623 للتاكيد قبل ما يتم ارسال اموال عليه
الشهاده البلاتينيه لو صرفت قيمتها بعد شهر ممكن اعرف هيتخصم كام من قيمتها ولا مينفعش افكها
مش هينفع بعد شهر ، لازم مرور 6 شهور و وقتها هيتم خصم حوالي 90 % من قيمة العائد خلال ال 6 شهور دول
طيب دلوقت انا عاوز افتح حساب
توفير أو جاري انا متزوج والبطاقه مكتوب فيها
حاصل علي دبلوم بس مش مكتوب فيها وظيفة
هل ينفع
لازم البطاقة يكون مكتوب فيها الوظيفة بقي شرط مطبق في كل البنوك دلوقتي
سؤال .. انا روحت البنك الأهلى عشان افتح حساب بالدولار رفض وقالى لازم تجيب اقامة بره فهل ده صحيح؟
انا محتاج افتح حساب بالدولار لأنى بتعامل مع مواقع انترنت بقدم لهم خدمات ولى حساب ممكن اسحبها الى حساب فى بنك مصرى فما الحل
هو ممكن يكون فهم منك انك عايز شهادة دولارية ؟ علشان دي هي اللي محتاجة اقامة برا لكن الحساب نفسه لا
هو فيه كلام ان البنك المركزي نزل اجراءات جديدة بس دا لو صحيح يبقي اجراء غريب جدا ، عموما حاول تتاكد تاني حتي لو من خدمة العملاء وفهمه انك عايز حساب فقط مش شهادة
هوانالواشتريت شهاده بلاتنيه وسحبت فوائدهاكل شهر بعدمده 3سنوات الاقي المبلغ زي ماهوه ان شاءالله
اه مبلغ الشهادة نفسه بيفضل زي ما هو وممكن استرداده كاملا بعد انتهاء مدة الشهادة
هل يمكن اعمل ايداع ف حسابى وانا ف السعوديه ؟؟
ممكن من خلال مندوبي البنك الاهلي ، او عن طريق تحويل بنكي
وهل انا لو عملت الشهادة البلاتينيه ينفع اضيف للمبلغ
لا مبلغ الشهادة والفائدة بيفضل ثابت طوال مدة الشهادة
ممكن اعرف لو تركت الفوايد دون سحب هل يحسب لها فايدة وكام—————ممكن اعرف البنك بيخصم كام فى السنة وهل يوجد بنك اقل فى الخصم مصاريف ادارية وشكراااااااااااا
حسب نوع الحساب ، لو حساب توفير حاليا النسبة عليه 6.5 % في السنة
البنك بيخصم 120 جنيه في السنة مصاريف حساب وكشف حساب موزعة كل 3 شهور 30 جنيه ، انا معرفش بالنسبة لباقي البنوك كام باضبط بس للاسف كل البنوك بقو يعملو حكاية المصاريف السنوية دي
عاوزه اعرف لو عملت حساب ب مبلغ ٣٠ الف يطلعلي فائده كم كل شهر
علي حسب نوع الحساب توفير ولا هتعملي شهادات استثمار بالمبلغ ؟
عموما اعلي فائدة حاليا هي شهادة استثمار البلاتينية ب 12.5 % و مبلغ 30 الف هيكون العائد الشهري 312.5 جنيه
انا رحت البنك الاهلي ف الدقهليه فرع المحافظه
علشان اعمل حساب جاري الموظف قال لازم اكون موظف مع ان مش قاصر ايه علاقة الحساب بان تكون عندي وظيفه
للاسف حسب تعليمات البنك المركزي الجديدة لازم يكون البطاقة مكتوب فيها وظيفة مش حاصل علي مؤهل كذا
انا عندى حساب قديم عندكم . وبقالى يمكن 10 سنين معملتش بية ولا سحب ولا إيداع . وعايز استعمله دلوقتى ياترى ينفع ولا زمانه اتقفل.
حسب نوع الحساب لكن عامة الحساب بيفضل موجود بس هيطلبو منك تحديث بيانات وبطاقة رقم قومي تكون سارية
لو سمحت, بالنسبة للاجنبي, ايش مطلوب لفتح حساب بالدولار غير جواز السفر و ال100 دولار؟؟؟؟؟
بعض الاحيان لو هيتم ايداع مبلغ كبير او غيره البنك بيطلب مفردات المرتب او ورقة من جهة العمل في مصر
انا عاوزه افتح حساب بمبلغ يبدأ ب 20000 جنيه ممكن اعرف العائد الشهري هيكون كام بالجنيه
حسب نوع الشهادة اللي هتعمليها مثلا لو شهادة بلاتينية بفائدة 12.5 % ، العائد الشهري هيكون 208 جنيه
والفيزا بتطلع علطول ولا بتاخد وقت
في خلال اسبوعين
يعنى بطلقه شخصيه بس والمبلغ وبكده اعرف افتح حساب ولا لازم مفرادت مرتب وكده فى ناس قالو كده هل ده صح ولا غلط مع العلم انى اصلا مش بشتغل
البطاقة لازم تكون سارية ومكتوب فيها الوظيفة
بعض الفروع بتطلب مفردات المرتب اه خصوصا لو هيتم ايداع مبلغ كبير
عند شراء شهاده الاستثمار فى توقيت معين بسعر الفائده المعلن من البنك والمسجل على شهاده الاستثمار هل فى حاله تغير سعر الفائده باموجب او بالسالب هل يتغير قيمه العائد على شهاده الاستثمار
لا ، قيمة الفائدة المسجلة علي الشهادة ثابتة طول مدة الشهادة
التغيير بيتم تطبيقه علي شهادات الاستثمار الجديدة فقط
لو سمحت انا طالبة فى الجامعة و عندى ٢٠ سنة و عاوزة افتح حساب هل لازم وصاية احد الوادين ؟ و لو كان لازم افتحو بوصاية هل بعد ما اوصل ٢١ بتفضل الوصاية موجودة ؟
طلما اكبر من 18 سنة وعاملة بطاقة ممكن فتح الحساب باسمك مباشرة بدون وصي
ماهى الزياده الجديده على الودائع بالتفصيل لو سمحت وكذا الشهادات حتى يمكن اتخاذ القرار المناسب وشكرا لحضرتك
هتلاقي موضوع الزيادة علي الودائع وحسابات التوفير تحديث شهر مارس 2016 هنا بالتفصيل
اما بالنسبة لشهادات الاستثمار محصلش فيها زيادة حاليا واعلي نسبة هي الشهادة البلاتينية ب 12.5 % ، او لو معاك بالدولار فيه شهادة الجنيه المصري نسبة الفائدة 15 % بس الشهادة نفسها بتبقي بالجنيه
هل ممكن شراءالدولار من البك بالجنيه المصرى بالسعر السائد وفتح به حساب الشهاده الجديده للحصول على الفائده ال 15 %
ممكن بس حاليا صعب تحصل علي الدولار من البنوك الا في حالات معينة زي السفر او التحويلات من الخارج ودا بسبب ازمة نقص الدولار ، لكن ممكن تحاول اه وشهادة الجنيه المصري اللي ب 15 % متاحة للجميع حتي شهر مايو 2016
هل ممكن فتح حساب في مصر بالجنيه وعمل فيزا والسفر والسحب منها من اي مكان بالعالم وما هو سعر صرف العملات خارج مصر .؟
اه ممكن فتح الحساب وبطاقة الفيزا تقبل الاستخدام في اي بلد ، لكن مؤخرا البنك المركزي وضح حدود علي السحب الشهري من الماكينات بالدولار حوالي 2000 دولار ، لكن فيه بطاقات ائتمان ماستر كارد ممكن بيبقي الحد الاقصي للسحب اكبر
لو سمحت انا طالبة بس عندي 22 ينفع افتح حساب
ممكن بس البنك احتمال يطلب معرفة مصدر الاموال ايه لو المبلغ كبير
هو انا ممكن افتح حساب ببطاقة الوالد عشان عايز دفتر شيكات عشان قسط شقة
اه ممكن تفتح حساب ببطاقة الوالد طلما البطاقة سارية ومسجل بها الوظيفة
ينفع افتح حساب وانا في السعودية؟ وهل يتم فتحه بالجنية ام بالريال
ممكن من خلال مندوبي البنك الاهلي المصري في البنوك الرئيسية في السعودية ، وفتح الحساب بيكون بالجنيه المصري او الدولار او اليورو
لو سمحت انا عمري 18 عام وعاوز افتح حساب في البنك ومعايا بطاقتي القوميه انا طالب ثانويه ايه الاوراق المطلوبه وهل ساحتاج الي واصي علي لاني قاصر ام لا ارجو الرد
السلام عليكم انا في زيارة وعايز احول كاش لحساب في البنك ممكن اعرف الاجراءات والاوراق المطلوبة
وعليكم السلام ورحمه الله وبركاته
لو قصد حضرتك تفتح حساب في البنك وتحول عليه هتلاقي الخطوات في الموضوع وكل اللي مطلوب من الاوراق هو بطاقة رقم قومي سارية او الباسبور
اما لو قصدك هتحول كاش لحساب موجود بالفعل انت بتروح بالمبلغ ورقم الحساب وبتعمل ايداع ، بعض الاحيان بيطلب منك تسجيل سبب الايداع او صلتك بصاحب الحساب لو المبلغ كبير
فتح حساب توفير لازم يكون في اقرب فرع لمحل الاقامة او العمل المثبت بالبطاقة ام ممكن فتح الحساب في اي فرع..وهل مصاريف فتح الحساب 500 جنية؟؟طب والمصاريف السنوية؟؟واية الفرق او المميزات بين لو طلبت debit card عادية او prepaid card وشكرا
فتح حساب التوفير بيكون في اقرب فرع لمحل الاقامة
المصاريف السنوية 120 جنيه مقسمة علي 4 مرات في السنة كل مرة 30 جنيه
الفرق بين كارد ال debit و prepaid ، ان الكارد prepaid هو مرتبط بالحساب ومسبق الدفع يعني بيتم خصم المبلغ من الحساب مباشرة ، ودا افضل نسبيا debit card
اما بالنسبة لكارد ال debit card لما بتسحب منه بيكون دين عليك للبنك وفيه طبعا فائدة عليه عند التاخير في السداد ، لكن بعض الناس بتفضله علشان بيبقي معاه عروض تقسيط وتسهيلات دفع من الشركات والمحلات
لو سمحت في مندوب لكم بالكويت وأين
هتلاقي مندوبي البنك الاهلي المصري في احد الفروع الرئيسية للبنوك الكويتية التالية
AL AHLI BANK OF KUWAIT
COMMERCIAL BANK OF KUWAIT
BURGAN BANK
GULF BANK
NATIONAL BANK OF KUWAIT
عاوزه افتح حساب بإسم جوزي ومعي بطاقته بس هو مسافر ينفع ولا لازم يكون موجود
لازم حضوره علشان البنك بيحصل علي توقيعه
انا عاوز اعمل افتح حساب بأسمى بس عندى 19 سنه هيفرق السن فى فتح الحساب ولا لا وايه والبنود والشروط وتكاليف فتح الحساب ( البنك الأهلي )
ممكن تفتح الحساب عادي زي ما وضحنا في الموضوع عادي ، الفرق بس هيبقي فيه وصي علي الحساب وهو احد الوالدين
علشان أفتح الحساب
البطاقة ممكن تكون محاسب عام فقط
ولا لازم تكون محاسب فى شركة كذا كذا
؟؟
طلما مثبت الوظيفة نفسها ايه ممكن تفتح الحساب العادي ، هم بس بيرفضوا لو مكتوب حاصل علي مؤهل كذا
السلام عليكم
ينفع افتح حساب جديد من الكويت
او ينفع ارسل على حساب الزوجه شهادات بلادي
وعليكم السلام ورحمه الله وبركاته ، ممكن التواصل مع مندوبي البنك الاهلي في الكويت لفتح الحساب وعمل شهادة بلادي
وممكن شراء شهادة من علي الانترنت وهتلاقي باقي التفاصيل في الموضوع هنا عن شراء شهادة بلادي
1 …مكتوب فى البطاقه حاصل على بكالريوس تجاره ممكن اعمل حساب
2… الفيز اللى بقدر اسحب بيها من ماكينات الصراف الالى بطلعها فى اد ايه
3 … فيه حساب جارى اسلامى ولا لا
لا للاسف حاليا لازم البطاقة يكون مكتوب فيها الوظيفة وليس المؤهل
الفيزا بيتم استخراجها خلال اسبوع او اسبوعين حسب فرع البنك
فيه حساب اسلامي ومعاملات اسلامية اه ممكن تعرف تفاصيلها اكتر علي موقع البنك
هل لازم تتواجد زوجتي معي عند فتح حساب مشترك؟ام يكتفي بتواجد البطاقة؟
لازم تواجد الزوجة لان البنك بيحصل علي توقيعها ويسجله عنده لاستخدامات الحساب بعد كدا
ممكن حساب شهادة بلادى احول عليه عادى ولازم عامل حساب احول عليه عمله اجنبية
ممكن تعمل حساب من خلال مندوب او مكتب البنك الاهلي او بنك مصر في مكان اقامتك
او ممكن شراء شهادة بلادي اولاين من خلال التحويل البنكي او الكريدت كارد عن طريق لينكات البنوك اللي وضحناها في الموضوع
لو سمحت هو فيه فلوس بتتخصم كرسوم او مصاريف ادارية من الفلوس اللي في الحساب الجاري
اه مصاريف كشف الحساب السنوية 120 بيتم خصمها علي 4 مرات في السنة كل مرة 30 جنيه
حضرتك انا عايز افتح حساب بس البطاقه مش مكتوب فيها وظيفه ينفع افتح الحساب ولا فيه مشكله
لا حاليا لازم يكون مثبت الوظيفة في البطاقة علشان تفتح حساب بنكي
ممكن اعرف الرصيد عن طريق النت
اه عن طريق الاشتراك في خدمة الاهلي نت اسال عنها في خدمة العملا في البنك للتسجيل
هل من الممكن ان تقوم زوجتى بشراء عدد من الشهادات باسمى لانى موجود اعمل خارج مصر ارجو الافاده
لازم توكيل او ممكن حسب مكان تواجدك تعمل الشهادات مع مندب البنك الاهلي هناك
ينفع اعمل حساب بالدولار مشترك مع زوجتى
اه ممكن عمل حساب مشترك بين الزوجين
انا طالب ٢٢ سنه ومش شغال ممكن اعمل فيزا ولا لازم لما اشتغل
فيه فيزا كارد للطلبة ممكن تعملها عادي مش لازم وظيفة ، او ممكن تعمل حساب في البنك الاهلي واصدار كارت فيزا مسبق الدفع مرتبط بالحساب
هل هناك فروع للبنك الأهلي المصري تقدم خدمات مصرفية إسلامية؟ و هل إجراءات فتح حساب توفير إسلامي تختلف عن إجراءات فتح حساب عادي؟
اه في فرع البنك الاهلي المصري للتعاملات الاسلامية في فرع التحرير للمعاملات الإسلامية في 92-شارع التحرير – الدقي
مفيش اختلاف في اجراءات فتح الحساب نفسها
انا عندي 19 سنه وعايز افتح حساب ب اسمي واطلع له فيزا كارد هل هينفع ولا ايه ؟؟؟ وايه الاوراق المطلوبه مني
ممكن تفتح حساب لكن هيكون بوصاية الوالد لحد ما تبلغ 21 سنة
اما بالنسبة لعمل كارد فيزا ممكن تعمله مباشرة من غير وصاية ، الاوراق المطلوبة البطاقة و بطاقة الوالد وشهادة الميلاد
هل شهادات الأستثمار البلاتنيه الجديده بالبنك الأهلى المصرى متوفره الأن ، وهل ساري وجودها لمده شهرين قادمين
اه الشهادات البلاتينية بفائدة 12.5 % لسه مستمرة لحد شهر مارس 2016 لكن استمرارها في شهر ابريل حسب ما البنك المركزي يقرر هيثبت سعر الفائدة ولا لا
لو سمحت انا اخويا بيبعتلي دولار من بره مصر وعاوزه افتح حساب بدولار سحب وايداع مع فواد طبعا ويكون عندي فيزا اعمل ايه واقول للموظف ابه
بتفتح حساب بالدولار عادي في البنك وفيه كذا شهادة استثمار بالدولار ممكن الموظف يشرحهم لك وتختار المناسب ، وعامة الشهادة الاعلي بالدولار حاليا في البنك الاهلي هي شهادة أهل مصر 7 سنوات ذات عائد ربع سنوي والفائدة السنوية بتاعتها 4.25 %
هل ينفع اني أسحب من حسابي بالبسبور بدلا من البطاقه و ده لان البطاقه بتجدد
اه ممكن عادي طلما الباسبور ساري والبيانات سليمة زي اللي مسجلة في البنك
أنا عايزه افتح حساب في البنك الأهلي المصري لكن مش عايزه يبعتولي كشف بالحساب او اي اوراق خاصة بالبنك على عنوان البيت لأن العنوان اللي في البطاقة مش هو اللي مقيمة فيه حاليا …هل ده ينفع ؟؟؟؟؟
ممكن من خلال خدمة العملا هناك يااما بتغيري عنوان المراسلة او بيتم الاحتفاظ بكشوفات الحساب في البنك
عايزه افتح حساب بالدولار، هل بيتم استخراج فيزا معاه وكنت عايزه افتحه بالباسبور الجديد اللي بيكون فيه رقم بطاقة الرقم القومي – ودا لسبب ان اسم العائلة في الباسبور مكتمل اما البطاقه لا ودي يهمني جدا لاوراق رسميه اخري هل ممكن ولا هيطالبو بالبطاقه وشكرا
ممكن طلب عمل الفيزا بعد فتح الحساب وبتاخد حوالي اسبوعين
طلما الباسبور محدث وكامل البيانات ممكن تستخدميه عادي
بستفسر عن إذا كان تاريخ إصدار البطاقه 7/2008 وغير مسجل عليها تاريخ الإنتهاء .. ينفع أفتح حساب؟؟
لا لاه الموظف بيشوف السنة لو مر عليها 7 سنين تبقي منتهية وهيقولك لازم تجددها
لو البطاقة مكتوب فيها حاصل على كذا
وجبت ورقة مفرادات مراتب من الشغل
ممكن افتح حساب جارى
صعب لانهم بيعتمدو علي البطاقة كمستند رسمي هيقولك اعمل بطاقة جديدة
عموما حاول تروح وتجرب مع خدمة العملا هناك
انا مهندسة كهربا وعندي 27 سنه بس مش بشتغل ينفع افتح حساب واشتري الشهاده البلاتينيه ببطاقتي بس ولا لازم بطاقة والدي كمان ؟
لو البطاقة مثبت بها مهندسة كهربا ممكن تفتحي الحساب عادي اه ، هم بس بيرفضو لو البطاقة مش مكتوب فيها الوظيفة او مكتوب “حاصل علي مؤهل كذا “
انا كنت عاوز افتح حساب جاري عندكم
بس فوجئت ان لازم المسمي الوظيفي في البطاقه او يكون فيه ورقه من المكان اللي انا شغال فيه بتوضح وظيفتي
وانا لا هاقدر اجيب ورقه بمكان شغلي ولا اسجله في البطاقة
اعمل ايه
للاسف دي تعليمات البنك المركزي الجديدة ، حاول تثبت الوظيفة سواء عن طريقة الشغل او النقابة ، او لو محتاج الحساب نفسه ممكن تخلي اي فرد في الاسرة بطاقته مناسبة يفتح هو حساب باسمه
وهل يعامل الاجنبى بنفس المبدأ؟هل يطلب منه اثبات عمل او مكان عمل او مرتب او نقابة او غيرة؟؟
هم بيطلبو الباسبور واثباتات الاقامة او العمل في مصر اه ، بس طبعا كالعادة بيبقي فيه تسهيلات ليهم اجانب بقي
انا نفسي أشترك بس انا أول مرة في حياتي اجرب
الاجراءات سهلة ومش بتاخد وقت طويل
بعد ٣ سنوات لو الشهادة ب١٠٠٠حنية اسحبوهم كام
لو قصدك علي الشهادة البلاتينية الشهرية بفائدة 12.5 % ، العائد ممكن يتسحب شهريا مش لازم تستني ال 3 سنين
عموما في نهاية المدة مبلغ الشهادة 1000 جنيه + العائد في ال 3 سنين = 375 جنيه يعني كله 1375 جنيه
هل يمكن تحويل مبلغ من حسابى فى البنك فى مصر إلى حساب اخر وانا هنا فى السعودية
اه ممكن التحويل او عمل اي اجراءات من خلال مندوب البنك الاهلي المصري في احد فروع البنوك الرئيسية التالية
RIYAD BANK
AL RAJHI BANK
NATIONAL COMMERCIAL BANK
ARAB NATIONAL BANK
SAMBA FINANCIAL GROUP
BANK AL BILAD
انا عايزة اشترى شهادة الاستثمار البلاتينية بس مش فاتحة حساب فى البنك لازم افتح الحساب وبعدين اشترى الشهادات صح طب لو فتحت حساب بمبلغ اللى اشترى بى الشهادات ولا لازم الشهادات تكون بمبلغ تانى غير اللى فتحت بى الحساب
اه لازم فتح الحساب الاول مصاريف فتح الحساب بتبقي 500 جنيه وبعد كدا بتقومي بايداع مبلغ الشهادة نفسه لعمل الشهادة
طيب انا عايزة اعمل شهادة لبنتى 7شهور اية المطلوب وانا اللى هبقا واصية عليها والفائدة هسحبها ازاى يعنى من الفيزا بتعتى ولا هى بيتعملها فيزا لوحدها
انتي بتروحي ومعاكي البطاقة عادي وشهادة الميلاد الخاصة بيها وبيتم فتح حساب جديد ليها باسمها وانتي بتكوني الوصي علي الحساب ، ولو عندك حساب ممكن ربط الحسابين ببعض بحيث يتم صرف العائد بنفس كارت الفيزا ، او ممكن يتعمل كارت فيزا باسمها هي منفصل ، بمعني انه بيكون حساب مستقل عادي لكن الوصي هو المتحكم فيه
وفروعكم بايطاليا اين اوجدها
بالنسبة للبنك الاهلي في ايطاليا ممكن تتوجه الي احد الفروع الرئيسية للبنوك دي حسب الاقرب لك
UNICREDITO SPA
INTESA SANPAOLO SPA
BENCA MONTE DEI PASCHI DI SIENA SPA
BANCA NAZIONALE DEL LAVORO SPA
BANCA POPOLARE DELL’EMILIA ROMAGNA
BANCA POPOLARE DI MILANO
BANCA POPOLARE SOC. COOP
وتسال عن مندوب البنك الاهلي المصري ومن خلاله تقدر تفتح حساب وتعمل اي اجراءات مطلوبة
انالااعمل هل يمكن فتح حساب باسمى دون زوجى او ابى لشراء الشهادة
ممكن فتح حساب باسمك عادي بس تكون البطاقة سارية ومحدث فيها البيانات
انا مقيم في السعودية كيف لي بفتح حساب لديكم واستلام البطاقة واكمال البيانات والتوقيع افيدوني
ولكم الشكر
بتروح الفرع الرئيسي لـ بنك الراجحي او الرياض بنك ، في المدينة اللي متواجد فيها مثلا في الرياض او جدة وبتقول عايز افتح حساب في البنك الاهلي المصري وفيه مندوب للبنك هناك هيفتحلك الحساب ويكمل الاجراءات