نستعرض معكم في خمس خطوات قيمة علاوة شهر يوليو 2015 لموظفي الحكومة المصرية وايضا قيمة علاوة شهر يوليو لاصحاب المعاشات 2015 ، حيث تم تثبيت نسبه علاوة شهر يوليو السنوية في قانون الخدمة المدنية الجديد تحت اسم العلاوة الدورية حسب ما نص قانون الخدمة المدنية الجديد بنسبة 5% ، حيث يستحق موظفو الحكومة علاوة دورية سنوية فى الأول من يوليو وذلك بعد قضائهم سنة من تاريخ شغل الوظيفة أو سنة من تاريخ استحقاق العلاوة الدورية السابقة….
تحديث :- 27 يونيو 2015 رسميا تم تحديد علاوة المعاشات ب 10 % من المعاش الشامل بدون حد ادني او حد اقصي علي ان يتم صرفها مع معاشات شهر يوليو 2015 اقرا المزيد
من هنا السيسي يقر علاوة شهر يوليو للمعاشات ب 10 %
اولا ماهي نسبة علاوة يوليو 2015
وحسب ما نص قانون الخدمة المدنية فان علاوة شهر يوليو هي ثابتة بنسبة 5% من الأجر الوظيفى، بمعني ان 5 % هي من كامل ما يتقاضاه الموظف وليس من الاجر الاساسي كما كان في السنوات الماضية ، حيث سوف يتم تطبيق العلاوة السنوية علاوة شهر يوليو بداية من يوليو 2015 ، وذلك بحسب ما نص عليه قانون الخدمة المدنية الجديد الذى أصدره رئيس الجمهورية عبد الفتاح السيسى نهاية شهر فبراير الماضى لتنظيم عمل موظفى الحكومة.
قيمة علاوة يوليو 2015 للمعاشات
اما عن قيمة علاوة شهر يوليو 2015 لاصحاب المعاشات فقد اوضح الاستاذ سعيد الصباغ رئيس النقابة العامة لأصحاب المعاشات، أن الحد الأدنى للعلاوة الاجتماعية 2015 والتي ستصرف مع معاش شهر يوليو المقبل يبلغ 75 جنيها ، ويستفيد منها جميع اصحاب المعاشات التأمينية، بجانب انه يوجد مفاوضات مع السيدة غادة والي وزير التضامن الاجتماعي بوضح حد ادني للعلاوة الاجتماعية شهر يوليو 2015 بقيمة 100 جنيه ، وأشار إلي أنه تم الاتفاق علي رفع جميع المعاشات الأقل من 500 جنيه لتصل إلي 500 بالفعل.
تحديث 13 يونيو 2015 بالنسبة لعلاوة يوليو لاصحاب المعاشات يمكنك قراءة المزيد هنا حول اجتماع:-
تحديث :- 17 يونيو 2015 بالنسبة للمعاشات نفت الدكتورة غادة والى وزيرة التضامن الاجتماعى، شائعة الغاء علاوة شهر يوليو للمعاشات ، واعلنت ان موعد صرف علاوة شهر يوليو للمعاشات فى أول يوليو 2015 ، لأكثر من 9 ملايين مستفيد ينتمون لأصحاب المعاشات ولا نية لإلغائها، وذلك لمساعدتهم على مواجهة أعباء المعيشة ، لكن عن نسبة علاوة شهر يوليو 2015 فقدمت وزارة التضامن 5 مقترحات لوزارة المالية حتي تقرر وتحدد نسبة علاوة شهر يوليو 2015 للمعاشات بالضبط وذلك خلال الاسبوع المقبل.
تحديث 20 يونيو 2015 :- تم رفع قانون علاوة شهر يوليو 2015 للرئيس عبدالفتاح السيسي ليتم اصداره خلال الاسبوع الحالي …. يمكنك قراءة المزيد هنا عن قانون علاوة يوليو للمعاشات 2015
اما بالنسبة للموظفين في الحكومة المصرية فان العلاوة السنوية حسب ما نص عليه قانون الخدمة المدنية الجديد 2015
وحسب ما جاء في جدول الأجور الوظيفية المرفق مع قانون الخدمة المدنية 2015 ، فان عملية احتساب العلاوة على الأجر الوظيفى بنسب 5% سوف تكون كالتالي :-
1- الموظف في الدرجة الممتازة يحصل على أجر وظيفى 2065 جنيه شهريا وتحسب علاوة يوليو بقيمة 5% منه لتصبح 103.25 جنيه
2- الموظف في الدرجة العالية يحصل على راتب 1415 جنيها وعلاوة يوليو 70.75 جنيه.
3-المدير العام يتقاضى راتب 1335 جنيها وعلاوة يوليو 66.75 جنيه.
4- علاوة الوظف في الدرجة الأولى أقدمية أكثر من سنة 1195 جنيها وعلاوة 59.75 جنيه والدرجة الأولى حتى سنة 1175 جنيها وعلاوة 58.75 جنيه.
5- اما الموظف في الدرجة الثانية أقدمية أكثر من 3 سنوات على 1035 جنيها وعلاوة 51.75 جنيه.
6- اما الموظف في الدرجة الثانية أقدمية حتى 3 سنوات 1020 جنيها وعلاوة 51 جنيها.
7- الموظف في الدرجة الثالثة أقدمية حتى 6 سنوات 910 جنيهات وعلاوة 45.5 جنيه، الثالثة أقدمية أكثر من 3 حتى 6 سنوات 895 جنيها وعلاوة 44.75 جنيه، الثالثة أقدمية حتى 3 سنوات 880 جنيها وعلاوة 44 جنيها، الثالثة أقدمية أكثر من 6 سنوات 910 جنيهات و45.5 جنيه.
8- الموظف في الدرجة الرابعة أقدمية أكثر من سنتين على 850 جنيها وعلاوة يوليو 2015 هي 42.5 ، والرابعة أقدمية حتى سنتين على 845 جنيها وعلاوة يوليو 42.25 جنيه والثانية أقدمية أكثر من 3 سنوات 1035 جنيها وعلاوة 51.75 جنيه والثانية أقدمية حتى 3 سنوات 1020 جنيها و51 جنيها
9- الموظف في الدرجة الخامسة أقدمية أكثر من سنتين 843 جنيها وعلاوة يوليو 2015، هي 42.15 والخامسة أقدمية حتى سنتين 840 جنيها وعلاوة 42 جنيها.
وكما استعرضنا معكم علي خمس خطوات من قبل ان قانون الخدمة المدنية سوف يتم تطبيقه بداية من يوليو 2015 ، حيث كان الرئيس عبد الفتاح السيسي قد اقره في نهاية شهر فبراير الماضي ، ويتم الان الانتهاء من اللائحة التنفيذية للقانون ليكون جاهز بالعمل به خلال شهر يوليو القادم ، شاهد اسفل جدول درجات موظفي الحكومة المصرية و الاجر الوظيفي و العلاوة الدورية او العلاوة السنوية يوليو 2015 بقيمة 5 %
واقرا ايضا تفاصيل اكثر حول الاجر الوظيفي و المزيد عن درجات واجور موظفي الحكومة في قانون الخدمة المدنية الجديد 2015 هنا
في موقع خمس خطوات ، نقدم لكم متابعة جيدة للشأن المصري والعربي والعالمي ، والاخبار السياسية والاقتصادية والبنوك في مصر والوطن العربي اهم النصائح والارشادات ومتابعة جيدة للتطورات الجارية.
تفتكرو ان ده عدل يعنى انا ولدى الله يرحمه توفى يوم 13/8/2015 وعندو سبع اولاد قال لى قبل الوفاه يا ايهاب خد بالك من اخواتك واحنا عائله بسيطه جدا قال لى ( لما اتوفى الى رحمة الله انت واخواتك هتاخده مبلغ محترم حاوله تحفظه عليه لان هو ده المبلغ اللى هيخليكم متحتجوش لحد واعتبر ان المبلغ ده هو بداية الحياه الوسطه وفى الاخر اروح اسال على المبلغ المحترم القيه 9 او 10 الاف جنيه يعنى كمان خارج من حالة الوفاه بديون بصراحه انا مش عارف اقول ايه تانى انا عارف ان الكلام مالوش لازمه بس حد يرد علية وقولولى اعمل ايه
يعنى انا دلوقتى هسال سؤال ليه اللى بيطلع على المعاش بياخد مستحقاته كامله والمبلغ ممكن يعدى ال 100 الف وانت طالع ودلوقتى الواحد بيطلع على المعاش المبلغ بتاعه مش بيحصل ال 10 الاف جنيه ازاى
هذا ليس منطق
انا ساخرج على المعاش فى شهر يناير 2016 هل استفيد من القانون الجديد
اه حاليا القانون مطبق وخلال اسابيع هيتم تطبيق اللائحة التنفيذية لقانون الخدمة المدنية الجديد
يبدو ان من قام بعمل القانون قد جانبه الصواب فى بعض النقاط المهمة والجوهرية يفضل ان يوجل تطبيق القانون لحين الانتهاء من عمل قانون جديد يراعى العداله الاجتماعيية او تقريب التفاوت بين المرتبات وان يراعى ان عدد العاملين بالدولة اكثر من 10 ملايين موظف وعامل لا 6 ونصف مليون عامل وان يتم وضع استراتيجية من خبراء التنمية البشرية لاستغلال طاقة الثروة البشرية الهائلة داخل الجهاز الادارى انها حقا ثروة لم تستغل حفظ الله كل من ساهم فى رفه بلادنا تحيا جمهورية مصر العربية
صدر قانون الخدمه المدنيه الجديد مارس 2015 خرجت للمعاش مايو 2015 قبل صدور اللايحه التنفيذيه للقانون يونيو2015 هل ينطبق على حالتى القانون واستفيد من زياده فى المعاش ام لا ينطبق وهل احتاج الى رفع قضيه لاخذ حقى بالقانون فى انتظار الرد شكرا
طلما حضرتك خرجت علي المعاش قبل بدء تنفيذ القانون وبدأت في اوراق المعاش يبقي هتمشي الاجراءات تبع القانون القديم علشان نص القانون انه ينفذ بداية من 1 يوليو 2015 بالتالي لا يطبق علي حضرك لكن ممكن تستشير محامي في حكاية القضية دي و بالتوفيق
خرجت المعاش شهر مايو 2015 بعد صدور قانون للخدمه المدنية الجديد و قبل صدور اللائحة التنفيذيه للقانون هل ينطبق القانون على حالتي ويتم حساب المعاش على الوضع الجديد أم لا
طلما حضرتك خرجت علي المعاش قبل بدء تنفيذ القانون وبدأت في اوراق المعاش يبقي هتمشي اجراءات تبع القانون القديم
الاستاذابراهيم أبوالعطا. تحية طيبة انا وجيه بناه المنصورة لو سمحت عايز اعرف فرق علاوة٢٠٠٨.ولك الشكر
اين القطاع الخاص وقطاع الاعمال من هذة العلاوة وانت تعلم مشكلة العام الماضى
ان كانت الحكومه جادة بتحسين حاله المواطن المحال للمعاش فلماذا لم ينم تطبيق قانون الحد الأدنى للمعاش حيث يتناسب قيمته مع المستفيدين بالمعاش الجديد ؟وأين مظله حمايه المواطن من غلاء الأسعار ومعاشه لا يكفى لقوته فقط فما بال اسرته
thanks
العفو واهلا بحضرتك
لازم يكون فى حل لاصحاب المعاشات حل يكون واقعى يتناسب مع ظروفهم خصوصا المحال للمعاش بيكون ضعيف ومحتاج راعية
انا سمعت ان علاوة المعاشات 10 % هل الكلام دا صحيح ؟؟
لسه لم يتم تحديدها حتي اليوم فيه مقترحات من وزارة التضامن ب 10 % لكنهم تركوا الامر لوزارة المالية هي اللى تحدد ، ان شاء الله الاسبوع الحالي يتم الاعلان عن نسبة علاوة يوليو بالضبط
حسب الله فيكى لم ولن حتعملى اى شئى لاصحاب المعاشات احنا دفعنا 36 سنه من عمرنا وبتسوينا التضامن الاجتماعى الناس ديه عندها اراضى زراعيه واحنا لاحول ولاقوه الا بالله يوم فرحى لما يشلوكى من الوزاره
د غاده لم ولن تعمل اى شئى لاصحاب المعاشات وهمها التضامن الا جتماعى ونسىت ان احنا دفعنا 36سنه اشتراك
الله يكون فى العون يااستاذ ايهاب ويشفيك وينور بصيرة المسؤلين وينظرون لظروفك انت ومن مثلك مما يعانون من مشاكل صحية شفاك الله واكرمك انت واسرتك الكريمة
ارى ان هناك حلول ومقترحات للمسؤلين لزيادة المعاشات بدلا من الدخول قى حسبة برمة ولاتكلفهم المزيد من الاعباء ومنها مثلا ان تكون الزيادة 30فى المائة لمن تقل معاشاتهم عن الف جنيه 20 فى المائة لمن تقل معاشاتهم عن 2000 جنيه و10 فى المائة لمن تقل معاشاتهم عن 3000 و5 فى المائة لمن تزيد معاشاتهم عن 3000 وبهذا تضيق الهوة العميقة بين الناس اللى فوق والناس اللى تحت ونحقق اشياء فى طريق العدالة الاجتماعية التى طالما حلمنا بها والله ولى التوفيق
هى فلوس المعاشات فين اللى اتخصمت منى انا شخصيا منذ 40 سنة خدمة فى التربية والتعليم انا عوز فلوسى وخلاص اللى اتخصمت منى ومش عاوز حاجه منكم بس على شرط تكون بالفوئد اللى انتم بتحسبوها على القروض
والله راضين باالقليل من زمان والحمد لله وصبرين من زمان بس نفسى ان ترضا بنفسك وسيب الملك للمالك ارجوك سلمة لله لان يااستاذ عادل الزنكلونى سعاتك مش حاسس باالناس وشكرأ
الرضا بالقليل
اشكركم على الرد والاهتمام بى نفسى ان الدولة اللى احنا اتربنا بها وعيشنا فبها وبنخلص لها وها نخلص لها حتى لما اموت نفسى ان الدولة تنظر لنا وتهتم بنا وترعى جميع الناس المحتاجة زى مابيهتم بى الكرسى لايروح منه مافيش حاجة بدوم(تحيا مصر تحيا مصر تحيا مصر)
البلد فيها خير وناس ممكن تغير الوضع بس يتواجه الفساد صح والمسئولين يهتموا بالناس مش رجال الاعمال بس ، ان شاء الله الحال يتصلح قريب
الله يكون فى العون يااستاذ ابو العلا ويفشى لك زوجتك ويوفق اولادك المشكلة اللى بنعانى منها كمصريين ان المسئولين لهم رؤيتهم الخاصة عند النظر الى معاشتنا وهم يرون انك تستطيع ان تحيا واسرتك حياة كريمة بل وتدخر مبلغا كبيرا كل شهر من معاشك الكبير جدا جدا وحسبى الله ونعم الوكيل
والله اننى اطالب الدوله بان اعيش حياه كريمه انا وافراض اسرتى اننى معاش منذ سنتين ومتزوج واعول لاثلاثة ابناء وخرجت معاش مرضى حيث اننى قد تم لى اجراء عمليتين فى القدم اليمنى واليسرى وخرجت بنسبة عجز75 % ومعاشى اصبح 774 جنيه نرجو من سيادتكم معاش استثنائى للعيش قباقى البنادمين حياه كريمه وداخل علينا شهر زمضان الكريم اعاده الله علينا وعليكم بالخير واليمن والبركه
معاشى 620 جنية بعد خدمة 24 سنة وعندى ولد وبنت الولد فى الصف الثانى الثانوى وطلع ثلاثة ثانوى عام والبنت فى الصف الثالث الاعدادى ونجحت وهاندخل اول ثانوى عام زى اخوة وزجتى مريضة من اربع سنوات باجلطة فى المخ شوفم مصروفات الاولاد كم وعلاج زوجتى باكم شوفم الكهرباء+ المياة+الغاز +ايجار الشقة والله لايوجد دخل غير 620 جنية قولى بالله عليكم نااكل بكم دة لو بنااكل اصلأ (تحيا مصر تحيامصر تحيا مصر)
ربنا يكون في عونك ياستاذ ابوالعلا ، كفاية ثانوية عامة و مصاريفها تهد جبل ، ياريت حد من المسئولين يحس ويسمع لاصحاب المعاشات
معلش يااستاذ ممدوح من الواضح انهم عاوزين يقولوا لنا ان العدالة الاجتماعية اللى بتحلموا بيها شئ مستحيل ولكن بشروا ولاتنفروا والله المستعان
بالنسبة لتعليق السيدة الفاضلة امنة اقول لها انا اتقاضى معاش مبكر واحمد الله عليه كثيرا ولكن اصحاب المعاشات لايطلبون الكثير وكل المطلوب حد ادنى ناهيك عن الارتفاع الجنونى فى الاسعار الذى قاب قوسين اوادنى بان يغصف بالبيوت المصرية وربنا يهدينا جميعا الى الخير
اتفق معك يااستاذ محمود خليل وبالمناسبة هناك دعاوى قضائية رفعها السيد الفاضل البدرى فرغلى واتمنى من القضاء ان ينصفنا وللعلم هرب ثطرس غالى ومعه 162 مليار من اموال التامينات وبنك الاستثمار ومدينة الفسق كما تقول والخزانة العامة للدولة ترليون جنيه المجرمين حسبى الله ونعم الوكيل
حسبى الله ونعم الوكيل ..لما الواحد يطلع معاش قبل أصدار القانون الجديد بشهر ولم يستفاد منه ..سؤال واحد للحكومه ؟ أين العداله الأجتماعيه ؟ المفروض يتم التطبيق ليشمل الكل وكلا حسب راتبه ..لابد من اعادة النظر فى ظل غلاء المعيشه ..ليت السيدة\غادة والى وزيرة التضامن اعادة النظر ويشمل القانون الجديد الكل
فقط وبدون مقدمات لا بد من حصول اصحاب المعاشات على ما يكفيهم للحياة الكريمة فى آخر ايامهم وخاصة انهم لم يعملوا فى ظل قانون الوظائف المدنية الجديد ولابد من انصافهم وحصولهم على ما اموالهم التى إستولت عليها الحكومات السابقة وخاصة انهم سوف لا يعيشون إلا سنوات معدودات بعد إفناءهم شبابهم فى خدمة هذا البلد الذى يعتبرهم خونة لأنهم لم يعملوا فى الجيش وعليه يعتبرهم العسكر لا يستحقون الحياة أليس كذلك يا عسكر ؟؟ اجيبونا أن إستطعتم !!!
هى الناس دى مش بتحمد ربنا ابدا امال اللى مش موظف ولا بياخد معاش ومعاه سبع تمن بنات يعمل ايه
اتقوا الله فى شعب مصر ياظلمة مدينة انتاج اعلامى للفسق والفجور بأموال اصحاب المعاشات … الخ من الملذات وكلة من اموال اصحاب المعاشات .
ماشى شكرا جزيلا لك واسف للازعاج
يافندم اهلا بيك مفيش ازعاج بالعكس كلام حضرتك في الصميم بس فين المسئولين اللي يفهموا ويحسوا بالناس
اين تعليقاتى التى نشرتها اليوم 5 يونية
تم نشر كل تعليقات حضرتك يافندم لو مش ظاهرة اعمل رفرش للصفحة ، وهتلاقي التعليقات الحديثة في نهايى الصفحة ، واهلا بيك معانا وشكرا علي مشاركتك واتفق معاك تماما ، بس هنقول ايه ربنا معانا وميسرها تتعدل
انا شايف ياجماعة ان المشكلة الرئيسية هى مش فى قيمة العلاوة احنا امام مشكلة رئيسية وكبيرة الا وهى الارتفاع الجنونى فى الاسعار انا عمرى 49 سنة واتقاضى معاش مبكر 495 عمرى ماشفت ارتفاع فى الاسعار زى اللى حاصل الان يعن حاجة بصراحة تزهل العقل لكن ربنا يعينا جميعا على الحياة الصعبة
انا نفسى القضاء المصرى يوقع اشد العقوبات على كل من سولت له نفسه وتلاعب فى اموال التامينات لانها ان عادت لتبدل الحال وقد ينعم بها اصحاب المعاشات الغلابة واانا واحد منهم وان متاكد طول مالينا رب كريم نتوجه اليه جميعا بالدعاء هيرجع لينا حقوقنا المسلوبة
انا شايف بصراحة ان زيادة المعاشات اللى المقررة دى لاتتناسب بالمرة مع نسبة التضخم والارتفاع الجنونى فى الاسعار لان القوة الشرائية للجنيه بقت فى الحضيض ومن الاخر اللى نفسه فى اللحمة ياريت يلحق يشترى عظم والله المستعان وقادر يبدل حال من حال وحسبى الله ونعم الوكيل فى اى حد يظلم اى انسان غلبان
ماشاء الله المرتبات بتزيد والمستفيد منها البقال والجزار الخ … والايجارات بتزيد بنسبه اكبر من العلاوه .. عاوزين نحس اننا نستفيد بشىء فعلى .. وياريت نرجع للجنيه قيمته التى تراجعت الى القرش .. فبدلا من وضع جداول للمرتبات اعملوا جداول للانسان
فعلا ياستاذ احمد اتفق معاك ، الواحد بقي ينزل ب 100 جنيه يجيب طلبات بسيطة بتروح ال 100 جنيه وساعات مش بتقضي ، من سنوات قليله كانت ال 100 جنيه دى تكفي اسبوع ، يالا ربنا معانا
يارب اعط كل انسان على قدر عمله وافضح الظالمين واحبط عملهم وخلصنا منهم ىا رب العالمين بحق اﻻيام المفترجة اللهم امين
يتقاضى الراقص او الراقصه او الممثل او الممثله او المذيع او المذيعه فى العمل الواحد مايعادل دخلى الشهرى فى القطاع الخاص لمده ربعمائه وسته عشر عاما يارب ارنا فى الظالمين عجائب قدرتك واهلك الظالمين بالظامين واخرجنا من بينهم سالمين اميين التوقيع مدير مالى خبره ثلاتون عاما
حسبنا الله ونعم الوكيل فى كل المسؤولين لكى الله يامصر
سيبها لله واعمل الطيب
الله يكون فى عونك ياسيسى
خايهم150 نعرف نشترى بهم لحمة للاولاد
75 جنيه حد ادنى ؟!! خليهم 150 تمن كيلو لحمة !!!!
نفس غباء الحكومات السابقة نفس الأخطاء مش حاسين بالناس ياريت كابتن السيسي يعيش ب 370 جنيه حسبنا الله ونعم الوكيل فيكو ياظلمه مصيركم فى مزبلة التاريخ
حسبي الله ونعم الوكيل
في كل من لم يراع حق الله مع أصحاب المعاشات. نظراً للمعاناة التى يتصدون لها مع الأمراض وقلة الدخل
حسبي الله ونعم الوكيل فيكو يا ظالمه العدل فين يا ناس
معاشي 700 جنيه وخرجت في 2007 بعد خدمه 20 سنه وفقد عيني اليمني وبكره تشوفوا ………. اصحاب المعاشات وهما بيتسولوا في الشوارع وسلم لي علي مصر
انا اسم احمد ربيع محمد حسب الله الوكيل في كل ظالم فوضت امري الي الله
هنجيب بيها بطيخ فى رمضان بيحسسونا انهم بيحسبوها بضمير الشعب فاهم كل حاجه بس هم بيصتعبطوا حسبى الله ونعم الوكيل بياكلوا سيمون فيليه والناس الغلابه بتاكل زلط ويصدقوا نفسهم انهم ملائكه مفيش نار هتقبلهم بأذن الله سبحانه وتعالى
نرجوالنظر بعين الرأفة علي أصحاب المعاشات الغلابة
حسب الله ونعم الوكيل في كل ظالم فوضت امرى الله الله