اعلنت وزارة الاسكان طريقة معرفة الأولوية في شقق الاسكان الاجتماعي 2016 وترتيب المتقدمين والاجراءات بعد الفوز بالشقة في مشروع الاسكان الاجتماعي اعلان شهر ابريل 2016 في أكبر طرح لوحدات سكنية لمحدودى الدخل فى تاريخ مصر يصل الي 500 الف شقة بداية من 22 ابريل 2016.
طريقة ترتيب المتقدمين في شقق الاسكان الاجتماعي و معرفة الأولوية للمتزوج والعازب
وتقوم وزارة الاسكان بعمل ترتيب للمتقدمين لحجز شقق الاسكان الاجتماعي ممن تتوافر فيهم شروط الاسكان الاجتماعي ، وفي حالة زيادة عدد المتقدمين عن عدد الشقق المتاحة في اعلان وزارة الاسكان للاسكان الاجتماعي 2016 تكون الأولوية في الاسكان الاجتماعي طبقاً للآتى:
المتزوج – المتزوجة ، ويعول، ويشمل المرأة الأرملة وتعول.
ثم المطلقة وتعول “الأولوية للأصغر سناً في شقق الاسكان الاجتماعي وفى حالة تساوى السن يكون ترتيب الأولوية شقق الاسكان الاجتماعي للأسرة الأكبر عدداً”.
ثم المتزوج بدون اولاد “الأولوية للأصغر سناً”، ثم الأعزب “الأولوية للأعزب الأصغر سناً”.
يذكر ان وزير الاسكان قد اكدت علي أن كل من سيتقدم وتنطبق عليه الشروط سيتم تسليمه شقة ، حتى لو تجاوز العدد ما هو مطروح من وحدات سكنية حاليا ، مشيرا الي نية الوزارة طرح وحدات سكنية جديدة للمواطنين قريبًا، وأنها لن تقف عند طرح الـ500 ألف شقة ضمن مشروع الإسكان الاجتماعي.
طرق الاستعلام عن الترتيب و معرفة الأولوية في شقق الاسكان الاجتماعي 2016 او تقديم التظلمات
اعلنت وزارة الاسكان بالتعاون مع صندوق التمويل العقاري عن طرق الاستعلام عن الأولوية وترتيب المتقدمين في الاسكان الاجتماعي ، ومعرفة اسماء الفائزين بشقق الاسكان الاجتماعي 2016 او تقديم تظلم في الاسكان الاجتماعي ، وكيفية معرفة موقف وحدات الاسكان الاجتماعي والاستعلام عن كافة تفاصيل مشروع شقق الاسكان الاجتماعي ويمكنكم معرفة عن طرق الاستعلام من خلال اللينك التالي هنـا :-
طرق الاستعلام عن اسماء الفائزين بشقق الاسكان الاجتماعي 2016 او تقديم التظلمات
الأوراق المطلوبة للتقديم في الاسكان الاجتماعي 2016 بالتفصيل
صورة البطاقة. – شهادة بالدخل الشهرى للزوج وللزوجة. – صورة من قسيمة الزواج. – شهادة تأمينات للزوج والزوجة. – صور من شهادات ميلاد الأبناء إن وجد أبناء.
يذكر ان الحد الأدنى للدخل الشهرى للمتقدم لحجز شقق الاسكان الاجتماعي ألف جنيه، والحد الأقصى 3500 جنيه شهرياً للأسرة، و2500 جنيه شهرياً للأعزب، ويبدأ القسط الشهرى من 350 جنيها شهرياً كحد أدنى، ويحدد القسط الشهري طبقاً لضوابط التمويل العقارى بحيث لا يتجاوز 600 جنيه.
ما هي الاجراءات بعد الفوز بشقة الاسكان الاجتماعي 2016
بالنسبة لفائزين بال 100 الف وحدة سيتم استكمال مقدم حجز الشقة للفائزين في الاسكان الاجتماعي خلال أسبوعين من تاريخ إخطار المتقدم برسالة نصية على رقم الموبايل الخاص به والمسجل في البيانات.
بالنسبة للوحدات التى سيتم الانتهاء من تنفيذها خلال عام، فسيتم سداد مقدم الحجز على أقساط قبل الاستلام سيتم تقسيط ثمن الوحدة على 20 عاما بنظام التمويل العقارى ، بحد ادني 350 جنيه شهريا وتتم زيادة القسط حسب دخل المتقدم.
توفير دعم نقدى لا يرد من الدولة لكل مستفيد بالمشروع، يتراوح بين 5 آلاف و25 ألف جنيه، حسب دخل المواطن.
موقع خمس خطوات يقدم معلومات بسيطة فى شرح سهل من خمسة خطوات للأحداث الجارية وكافة مناحي الحياة المتنوعة لإثراء محتوي اللغة العربية على الإنترنت وتقدم العديد من مقالات الصحة والحياة وشغل المنزل والوصفات الطبيعية.
ممكن اعرف انا لما قدمت كان مرتبى 2000 ج وتم قبولى والان غيرت مكان شغلى وزاد مرتبى هل ده هيفرق ؟؟ مع العلم انا محتاجه الشقه للزواج
طلما المرتب اقل من الحد الاقصي مفيش مشكلة هو هيفرق بس في قيمة القسط الشهري علشان هو بيتحدد حسب المرتب
ممكن اعرف الاسماء الى تم قبولها لانى دورت كتير ومش لاقيت .. مع العلم ان تم الاتصال بيا عشان يوم المعاينه لكن ماحدش جه
ممكن تستعلم من موقع صندوق التمويل العقاري هنا مباشرة بالرقم القومي ، مع العلم ان حتي اليوم الجمعة لسه اسماء الكراسة الزرقاء منزلتش
طيب امتي موعد استلام الشقق اصحاب الكراسه الحمرا
خلال الشهرين اللي جايين ، هو اللي هيحصل دلوقتي بعد اعلان الاسماء التواصل معاكم من البنك اللي اجراءات تخصيص الشقة هتكون من خلاله لدفع باقي المقدم و امضاء العقد
ان شاء الله هيكون فيه حجز تاني في 2016 والا هيكون في 2017 وفي اي شهر ارجوا الافادة
لسه وزارة الاسكان محددتش لك غالبا في نهاية 2016 او بداية السنة الجديدة ، هو علي حسب ما ينتهو من اجراءت الاعلان السابق لان كدا كدا فيه شقق كتير باقية من ال 500 الف شقة
لازم تحويل مرتب كضمان للشقة
انا عرفت ان لازم مايبقاش عندى دفتر توفير او شهادات استثمار رغم ان فيهم مبلغ قليل وانا مقدمه فى الاعلان التامن فهل ده حقيقى والموقف ده بيستبعدوه فى الاستعلام
الشرط هو انه لو فيه شهادات او دفتر توفير يتم ذكره عند التقديم ، وعامة اثناء الاستعلام بيتم فحص الحسابات البنكية للمتقدمين
الاستبعاد بيتم في حالة لو فيه قرض او تعثر في سداد مبالغ سابقة او مشاكل في الحساب مع البنك
ممكن اعرف هو قسط شهر 9 يهتم تأجيله
اه تم التأجيل لشهر نوفمبر 2016 لحين اعلان اسماء المقبولين
بالنسبه للاستعلام ايه المقصود به بالضبط
الحاله الاجتماعيه والدخل
علشان امكانية السداد. . ولا ايه
بيتم الاستعلام عن مكان السكن وان مفيش شقة تمليك باسمك و العمل بيتم التاكيد مع جهة العمل علي قيمة المرتب
هي الاسماء المقبولين نزلت ولا لسه
بالنسبة للناس اللي قدمت في يونيو لسه الاستعلام عنهم حاليا
لو سمحت انا حجزت ودفعت 9000 الاف لو شاء ربنا وفزت طريقه السداد هتبقي 15% من تمن الوحده ولا كل 3شهور 4الاف
حسب انت مقدم في ال 100 الف شقة اللي هي الكراسة الحمرا دي الدفع مباشرة 15 % مفيش تقسيط ، اما بالنسبة للكراسة الزرقة هيتم التقسيط كل 3 شهور 4 الاف جنيه
هو المرتب هيتحول علي بنك إيه طاب لو أنا عامل قرض ومرتبي متحول أصلأ
بيبقي بنك التعمير والاسكان او احد البنوك الحكومية الاهلي و مصر والقاهرة حسب كل محافظة ، عامة ان شاء الله هيتم اعلامك باسم البنك والفرع اللي تتوجه له
بالنسبة للقرض هيطلبو منك سداد القرض اولا قبل بداية اجراءت تخصيص الشقة
ممكن الإفادة انا مطلقة واعول هما بيبعتو الرسالة امتي انا قدمت ودفعت المقدم
ان شاء الله خلال فترة 4 شهور من التقديم حسب الاعداد في كل محافظة
السلام عليكم اسفه للتطفل ممكن اعرف دخل حضرتك كام عشان انا ارمله وبعول ودخلى 1110 واترفض من البنك واسفه مرة تانيه على تطفلى
لازم الدخل مايقلش عن 1000استاذة Sara salah
الشقق المطروحه حاليا ال 40000 الف وحدة بنظام مقدم ال5000 جنيه ما هى شروطها .. هل لو معاشى 550 جنيه اقدر اقدم فيها لان هما قالو قسطها من 200 الى 300 جنية فقط
دي لسه منزلتش رسمي لكن متوقع ان شاء الله في شهر اغسطس او سبتمبر
واحنا كتبنا عنها هنا هتلاقي الشروط والتفاصيل شقق الايجار التمليكي
ان مش فاهم يعني دعم نقدي من الدوله من 5-25 الف حسب الدخل?
اه يعني كل ما يكون المرتب قليل كل ما يزيد الدعم دا ، وعامة بيتم حسابه وخصمه بعد التخصيص ضمن باقي الاجراءات مع البنك
احب اشكر كل القائمين علي الموقع لان فعلا افادوا الناس في مواضيع كتير. بالتوفيق للجميع..
شكرا لذوقك انا سعيد بمشاركتك معانا ، وربنا يسهل ونقدر نفيد ونساعد الناس ديما
عايزه اعرف فى تقديم حاليا ولا لاء على الشقق ولو مافيش الميعاد الجاى امته
لا مفيش حاليا لكن ان شاء الله في اخر يوليو او في شهر اغسطس هيتم الاعلان عن شقق جديدة
هل نسبة ال5% اعاقه لها الأسبقية فى الفوز بالشقه
اه هيتم تخصيص نسبة 5 % من الشقق لهم
ميعاد معرفة الفائزين بالشقق
مفيش ميعاد محدد لكن اجراءت فرز الاوراق والاستعلام بتاخد حوالي 4 شهور او حسب الاعداد في كل محافظة
اخي حجز ضمن مشروع الاسكان الاخير وهو من زوي الاحتياجات الخاصة الذهنيه وغير متزوج وله معاش عجز مدي الحياه هل تنطبق عليه الشروط وله اولويه ضمن ال5% ؟
اه طلما قدم شهادة تفيد بنسبة العجز وباقي الاوراق سليمة ان شاء الله هيتم تخصيص شقة له
حجزت فى شهر 5/2016 ودفعت ال 9000 جنيه , وقتها كانت الحالة العائلية ( متزوج )، منذ 10 ايام رزقت بطفل واصبحت حالتى ( متزوج ويعول ) . كيف لي ان اعدل بياناتى حتى تصبح لي الاولوية ؟
ممكن تتواصل مع صندوق التمويل العقاري لتعديل البيانات هتلاقي هنا طرق التواصل
انا حجزت في بني سويف من 7سنوات
وكنت دافعت 5000
اعمل ايه عشان اكمل الحجز وتحول القاهره
استعلمي في صندوق التمويل العقاري علشان تعرفي موقفك هل تم قبول التقدم ام لا وهتلاقي هنا بالتفصيل طرق الاستعلام
عايز اعرف بعد 7 سنوات يمكن التصرف بالشقة ولا إللى ممكن يحصل لو تم مثلا أجرها بعد 8سنوات وشكراااا
اه بعد 7 سنوات من تخصيص الشقة ممكن التصرف فيها من حيث البيع او التاجير مع العلم ان الاجراءت لازم تتم من خلال البنك
دخل الاسره لا يقل عن 1000 جنيه ام دخل المتقدم مع العلم ان دخل الزوج والزوجه 3000
مجموع دخل الزوج والزجة يكون اكبر من 1000 جنيه واقل من 3500 جنيه يعني ممكن تقدموا عادي
هل في ظل تقديم 360 الف فقط علي شقق الاسكان
يبقى كل واحد قدم هياخد شقه
هو فعلا العدد اقل من الشقق المطروحة لكن احنا في انتظار الاعداد اللي قدمت في كل مدنية وعدد الشقق هناك لكن عامة وزير الاسكان قال كل اللي ينطبق عليه الشروط هيحل علي شقة سواء المرحلة الحالية او المرحلة القادمة ان شاء الله
لو سمحت انا تامينى فى محافظه واقامتى فى محافظه تانيه لان المهنه ساءق دا ممكن يسبب مشكله
مفيش مشكلة ناس كتير بتشتغل في محافظة وساكنة في محافظة تانية بجانب انه مسموح لك تقدم في محافظة السكن او العمل ، بالتوفيق
انا قدمت فى مشروع دهشور اللى فات قالولى ما تسحبيش و ادفعى 4 الاف جنية و حولى للمرحلة الجديدة اخر وقت ان ادفع ال4 الاف امته من فضلكم
اخر ميعاد للدفع بالنسبة لتحويلات دهشور او القاهرة الجديدة هو 30 يونيو
انا جوزي قدم الكراسه ودفع ٩الاف ممكن نعرف النتيجه هتظهر امتي
ان شاء الله خلال 3 او 4 شهور حسب الانتهاء من فحص الاوراق وترتيب المتقدمين
اصحاب سبارات الاجره لهم شقق
اه ممكن تقدم عادي طلما باقي الشروط متوفرة وهتلاقي خطوات التقديم في الاسكان الاجتماعي والاوراق المطلوبة بالتفصيل هنــــا
انا هاتم 21سنه شهر 8الجاي ينفع اقدم ولا لا وكمان شغال شغل حر عامل في بازار في الحسين
حاليا لا لازم تكون 21 وقت التقديم ان شاء الله ممكن تقدم في الاعلان اللي جي
لو سمحت انا قدمت كراسه الشروط وكل الاوراق المطلوبه ودفعت 9000 وكل الشروط تنطبق عليا . انا عايزه اعرف في فلوس تندفع تاني.دلوقتي ولا بعد التخصيص وهيبقي اد ايه المبلغ في حاله التخصيص في المرحله الاولي
مفيش فلوس تاني دلوقتي ، ان شاء الله بعد تخصيص الشقة هيتم دفع نسبة 15 % من ثمن الشقة وممكن تزيد النسبة حسب مرتب وسن المتقدم وقتها البنك هو اللي بيحدد كام بالضبط
لو سمحت انا عايز اقدم أخر معاد امتى
اخر ميعاد 15 يونيو 2016
اصحاب سيارات الاجره لهم الحق فى الشقق
اه ممكن التقديم وهتلاقي وطلما باقي الشروط متوافر هتلاقي خطوات التقديم في الاسكان الاجتماعي والاوراق المطلوبة بالتفصيل هنــــا
انا كنت مقدمة العام الماضى فى شقق الاسكان الاجتماعى فى القاهرة الجديدةوللأسف لسة سحبة ال5000ج/ من اسبوعين وقالوا لى انى كان ممكن ادفع 4000ج/كمان وأقدم فى الإعلان الجديد بنفس الاوراق السابقة فىهل من الممكن ذلك الان
بالنسبة للمقدمين في القاهرة الجديدة تم تحويلهم لمدن اخري في القاهرة زي بدر ، وبيتم استكمال ال 4000 جنيه ، بس بالنسبة لك استفسري من البنك لان استكمال المقدم كان للناس اللي مسحبتش المبلغ
او عامة ممكن تقدمي في الاعلان الحالي ، بس هيبقي التقديم من اول وجديد
طب انت حضرتك حولت ودفعت 5000وعملت الرغبه بتاعتي
بس بعمل بحث برقم القومي عشان اعرف النتيجه
لقيته بيقولي الرقم غير صحيح مع العلم اني مستوفي الشروط ولما اتصلت بالخط الساخن واديته الرقم القومي قالي تمام انته مستوفي الشروط بس لسه
…..من الافاده
لو لسه عامل التحويل مش هيظهر حاجة دلوقتي ان عارف شغل الحكومة يومهم بسنة ، تابع معاهم خلال الفترة اللي جايه وان شاء الله خير
انا اقيم بالقاهره وكل الشروط تنطبق على وقدمت على شقه بمحافظة القليوبيه مدينة العبور او مدينة بهتيم لقربهم من محل عملى فهل لى الحق فى الحصول على شقه بهذه المدن ام لا وماذا افعل بعد ان سلمت كراسة الشروط
لو مكان عملك في محافظة القليوبية تمام مفيش مشكلة
عايزه اعرف امتا يتم الرد علينا في تخصيص شقه او لا ولقدر الله لولم يتم التخصيص امتا نرد ٩الالف جنيه
ان شاء الله بعد 4 شهور او حسب كل محافظة والاعداد اللي مقدمة
بعدها في حالة عدم التخصيص لا قدر الله بيتم استرداد المبلغ من فرع بنك التعمير والاسكان
انا مطلقة واعول طفل وتقدمت واتمنى يكون لي نصيب فى هذة الشقق بس عاوزة اعرف نسبة قبولى ضعيفة والا لا
زي ما وضحنا في ترتيب الاولوية المطلقات والاراهم لهم اولوية في شقق الاسكان الاجتماعي طلما الشروط منطبقة
انا عضو في نقابه العمال واعمل مساعد نقاش وقمت بالتقدم امس هل لي فرصه بالفوز بشقه مع العلم اني متزوج واعول اسرتي
اه طلما الشروط متوافرة وقدمت الورق سليم ان شاء الله خير وزي ما وضحنا المتزوج ومعاه اولاد له اولوية
كيف يمكنني متابعه ملفي قبل الاعلان عن الفائزين وكيف احصل علي الدعم المذكور
عن طريق التواصل مع صندوق التمويل العقاري او بنك التعمير والاسكان ، بالنسبة للدعم لسه مش هيتم تحديده الا بعد تخصيص الشقة
لو انسه وقدمت قبل كده ف مشروع الاسكان لسنة 2014 بمقدم 5000 الاف ولم يصيبها الاولويه واستردت المبلغ ولا تعرف سبب لعدم حصولها ع شقه ع الرغم ان دخلها مناسب للشروط هل تعيد المحاوله علما بشرائها كراسة الشروط وبها الاولويه للمتزوجين وما شابه وهل مفردات المرتب كافيه ام ترفق شهادة التامينات وشكرا
ممكن معرفة سبب الرفض من صندوق التمويل العقاري
لو موظفة حكومة مفردات المرتب كافية ، لو قطاع خاص لازم يتم ذكر الرقم التاميني في مفردات المرتب
الاولوية للمتزوجين اه بس مفيش ما يمنع من تقديم العازب ، وطلما الشروط متوافرة المتقدم هيحصل علي الشقة سواء الاعلان الحالي او يبقي له اولوية في الاعلان القادم
الدخل الشهرى 3750ج يمكننى الحصول علي شقة
الحد الاقصي للتقديم 3500 جنيه حاول في جهة العمل تضبيط شهادة مفردات المرتب بحيث تكون 3500
مرتبي 2750 وزوجتي متقدمة باسمها ودخلها الشهري 750ج هل تحصل على شقه
اه ممكن تقدموا عامة الحد الاقصي لمجموع دخل الاسرة 3500 جنيه في الشهر
انا صاحب شركة وليس لى تامينات فهل ينفع التقديم بدون وثيقة تامين
اه ممكن تقدم تم الغاء شرط تقديم شهادة التامينات بالنسبة للمهن الحرة والحرف واصحاب الاعمال
أنا قدمت النهاردة لكن فوجئت بالدخل الشهري
عندى يزيد عن الحدالأقص المحدد فى شروط التقديم ما هو الحل وكيف أسترد المبلغ المقدم
فى حال عدم حصول على الوحدة أرجو الرد
وهل سأنتظر حتى ميعاد القرعة المحدد شهر سبتمبر حتى استرد مبلغ المقدم
استرداد المبلغ بيتم بعد اعلان تخصيص الشقة ام لا ، اه غالبا هيكون في شهر سبتمبر او حسب الانتهاء من فحص الاوراق
هل أخر ميعاد التقديم 31/مايو
اه يوم الثلاثاء القادم
هو ينفع ان الزوجة هي اللي تقدم الطلب , لان الزوج عمله حر وصعب اثبات دخله الشهري
لو الشروط متوافرة ممكن تقدم الزوجه باسمها ، بس برضو لازم اثبات مصدر دخل الزوج لو بيعمل ، لو اعمال حرة بيجيب شهادة اثبات دخل شهري من محاسب قانوني
أمتلك صيدلية هل لى الحق فى التقديم للحصول على شقة
اه الشرط هو عدم امتلاك شقة تمليك باسمك او اسم الزوجة ، اما بالنسبة للعمل او الاعمال الحرة بشكل عام ممكن تقدم عادي
هل يتم تحويل المرتب علي بنك التمويل العقاري؟
حسب كل محافظة او مدينة بيتم التحويل علي احد فروع بنك التعمير والاسكان او البنوك الحكومية
هو لازم تحويل المرتب ولا ممكن ادفع في البنك مباشرةً
حسب قواعد التمويل العقاري لازم هيتم تحويل المرتب للبنك
انا موظف و واخد اجازه بدون مرتب لظروف عائليه ينفع اقدم عادي ولا لازم أكون في العمل. انا عندي مقدره ادفع القسط عادي
لازم يكون فيه وظيفة ومرتب او مصدر دخل شهري مثبت للتقديم في الاسكان الاجتماعي فلو فيه مقدره للدفع عن طريق مصدر دخل شهري اخر لازم توضحه في استمارة التقديم ويكون مثبت بورق
المطلقه والارمله يقدموا صوره بطاقه الزوج ام لا؟؟؟
ولوالزوج المتوفي كان حاصل علي دعم او الزوج المطلق حاصل علس
ي دعم يحق الزوجه المطلقه والارمله ىالتقدم لوحده سكنيه
لو مطلقة بيتم تقديم صورة وثيقة الطلاق ، لو متوفي بيتم تقديم صورة شهادة الوفاة
بالنسبة للدعم هل الشقة انتقلت للزوجة والاولاد بعد الوفاة او الطلاق يعني فيه شقة تمليك باسمك حاليا ام لا ، لو مفيش يبقي ممكن تقدمي عادي
انا قدمت ودفعت خمس الاف ولم يصبني الدور ورحت اكمل التسع الاف قالولي مالاكش اي بيانات علي الكمبيوتر عايزه اعرف سبب الرفض
هل انت كان لك رقم اولوية قبل كدا ولا مكنتش لسه عرفت القبول او الرفض ؟ عموما استعلم من صندوق التمويل العقاري بحيث تعرف السبب بالضبط ايه
انا من محافظة القاهرة هل يجوز حجز فى مدينة 6 اكتوبر محافظة الجيزة
التقديم لازم يكون تبع محافظة السكن او محافظة العمل
انا من جنوب سينا وعندى 4 اولاد وعايز اقدم فى طورسينا اقامة 10 سنوات ولكن اولادى مواليد طنطا
المهم انت بياناتك سواء السكن او مكان العمل لو في جنوب سينا ممكن تقدم عادي
في تقديم تاني غير هذا يكون في الشروق الرجاء الرد
حتي الان لا لكن احتمال كبير السنة اللي جايه او حسب توافر الوحدات الجديدة
كام هو المقدم للفائزين بالشقه واقصي قسط هيكون كام المبلغ .وانا بالخارج ينفع نقدم باسم زوجتي
المقدم يبدأ من نسبة 15 % من سعر الشقة وبيزيد حسب سن ومرتب المتقدم
القسط الشهري بيكون 35 % من المرتب وبرضو بيزيد حسب المرتب والسن
ممكن تقدم باسم الزوجة طلما الشروط متوافرة
متي سوف يتم الاعلان عن الفائزين في المرحلتين
ان شاء الله بعد 4 شهور من الان او حسب كل محافظة وعدد المتقدمين
لو الزوج عدا سن الخمسين هل ينفع ان تقدم الزوجة باسمها وهي سن 40عام مع العلم انها مش موظفة وانها عملت بيانات الدخل من محاسب قانوني وانها تعمل بمهنة صخياطة عادية بالمنزل وكمان قسيمة الزواج الكمبيوتر يوجد خطاء في تاريخ ميلاد الزوجة ومعها شهادة الميلاد والبطاقة تاريخ الميلاد فيها سليم
طلما الشروط متوافرة ممكن الزوجة تقدم باسمها عادي
مش لازم تصورها ممكن ذكر رقم الحساب او الشهادات والعائد الشهري او السنوي منها في استمارة التقديم
هو ايه شروط اللي مش بيشتغل شغل حكومي او رسمي يعني فالتسويق ع النت والكلام ده ايه الورق المطلوب منه غير شهاده من محاسب وكارنيه النقابه
لو مهن حرة بتقدمي شهادة مفردات دخل من محاسب قانوني ، مع بطاقة ضريبية او سجل تجاري وهتلاقي خطوات التقديم في الاسكان الاجتماعي والاوراق المطلوبة بالتفصيل هنــــا
طيب ما ف الحوار مع وزير الاسكان قال ان شهاده من محسابه قانوني وصوره كارنيه النقابه او الاشتراك فيه بس كده مقلش بطاقه ضريبيه او سجل تجاري
احنا بنقول علي اساس المطلوب في كراسة الشروط او البيانات الرسمية من الوزارة
اقل دخل للمتزوج ويعول
1000 جنيه شهريا هو اقل دخل للتقديم في الاسكان الاجتماعي
انا عندى اولاد وفى قضايا طلاق بقالها سنه بينى وبين زوجى وحاليا اقامتى فى منزل اهلى هل يحق لى التقديم وانا لا املك وثيقة طلاق ارجو الرد
ممكن التقديم طلما فيه مصدر دخل شهري ، بالنسبة للحالة الاجتماعية بتقدمي اي ورقة من المحكمة تفيد ان فيه قضية طلاق لحد الحصول علي وثيقة الطلاق
فيه مواقع بتقول انه عادى حسب البنك بنوك بتوافق وبنوك لا يعنى اكيد مش هينفع اجازه
طريقه سداد الاقساط هل بالخصم من المرتب اما ادفعها بنفسى للبنك يعنى يجوز اخد اجازه بدون مرتب اما لا ارجو الرد وشكرا
بيتم تحويل المرتب للبنك وخصم القسط الشهري ، مش هينفع اجازة بدون مرتب لان دا هيعتبر توقف عن سداد الاقساط
ادفع الفلوس فى بنك الاسكان والتعمير ..ولا فين …وفين اماكن تسلم كراسة تسليم الشروط
شراء كراسة الشروط ودفع المقدم في مكاتب البريد هتلاقي خطوات التقديم في الاسكان الاجتماعي والاوراق المطلوبة بالتفصيل هنــــا
أنا أعزب وعندى 37 سنه وأعمل بدخل 1100 هل ينفع اقدم فى مشروع الاسكان الاجتماعى
اه ممكن التقديم
لو سمحت انا مطلقة وعندى طفل وبشتغل مندوبة ادوية فى شركة ادوية ازاى اجيب شهادة بالدخل الشهرى ارجو الرد سريعا
من جهة العمل بتطلبي منهم شهادة مفردات الدخل الشهري
وكمان بالنسبه لصوره كارنيه النقابه اوًالبطاقه النقابيه انا عامله الكارنيه بس لسه مطلعش ينفع اجيب افاده من النقابه اني مقيده هناك وتكون كفايه ولا مش هتنفع
لو مفيش كارنيه لسه ممكن تقديم صورة اشتراك النقابة او اي ورقة اخري تفيد بذلك
هو بالنسبه طيب للخانه اللي مكتوب فيها بيان الدخل الشهري للاسره وانا مش متجوزه دي اكتب فيها انا بس ودخلي ولا اكتب اخواتي ولا اسبها وينفع اشطب او امسح ب كركتور ارجو الرد
دخلك انتي بس طلما مش متزوجة ، اشطبي بسيط وبلاش كركتور
ولا لزم أكون متجوز
الاعزب ممكن يقدم عادي في الاسكان الاجتماعي
طب انا عندي ٢١ سنه شغال شغل خاص مرتبي ١٤٠٠ في الشهر ينفع اقدم علي شقه
اه ممكن تقدم طلما الشروط متوافرة وهتلاقي خطوات التقديم في الاسكان الاجتماعي والاوراق المطلوبة بالتفصيل هنــــا
امتى موعد اعلان نتيجة التخصيص ومواعيد الاستلام للمدن المخصصة لمحافظة القاهرة
اعلان التخصيص ان شاء الله بعد 4 شهور ، مواعيد استلام الشقق في محافظة القاهرة السنة اللي جايه 2017 زي دلوقتي شهر مايو او حسب ما تنتهي الشقق
القسط الشهري في زياده سنويه ولا ثابت
زيادة بنسبة 7 % والنسبة سنوية متناقصة
لوارمله وتعول ثلاث اطفال وموظفه ولكن لديها شقه تمليك في منزل ابيها هل ينفع تقدم
لو فيه شقة تمليك مش هينم القبول في الاسكان الاجتماعي
1-بالنسبة لشهادة التأمينات ده للعاملين بالقطاع الخاص فقط؟
2-هو لازم كتابة الاسم علي المظروف من بره عشان بعد ما قدمت لقيت ناس كاتبة البيانات علي الظرف من بره مع العلم مغيش خانة علي المظروف لكده؟
1-اه حسب المطلوب في كراسة الشروط
2- هو زيادة تاكيد علشا تبقي البيانات واضحة لكن المطلوب الاساسي هو كتابة المحافظة والمدينة المقدم فيها علي المظروف ، وعامة طلما مسجل بعلم الوصول الظرف بياخد رقم وبيتسجل في البريد لحد ما يوصل
بالنسية لذوى الاعاقة هل لهم نسبة 5 % والاوراق المطلوبة
اه فيه نسبة 5 % ونفس الاوراق المطلوبة مع تقديم شهادة من المجالس الطبية المتخصصة بنسبة الاعاقة
السلام عليكم ورحمة الله وبركاته
كنت عايز اسأل سؤال بعد ازنكم
هى شقق الاسكان لمحدودى الدخل يتم تسليمها بقرعة ولا ايه ؟
علشان انا متزوج بقالى 9 سنين وعندى ولد و وبنت وليس لدى شقة اسكن فيها بس انا مقيم فى منزل العائلة مع ابى وامى.
لا مفيش قرعة في شقق الاسكان الاجتماعي ، التخصيص بيكون علي اساس توافر الشروط والاولوية زي ما وضحنا في الموضوع
اناجبت ورقة مفرادات وبرنت تاميني وزوجتي ربة منزل غيرعامله وغيرمتامن عليها هل لازم الرقم التاميني
بالنسبة للزوجه لو ربة منزل مش مطلوب منها غير صورة البطاقة
اقصي سن للمتقدم
50 سنة
حضرتك انا من الغربية وشغال بالقاهرة والبطاقة غربية ينفع اقدم في القاهرة
اه ممكن تقدم في محافظة العمل
انا عندى 41 سنة بطاقتي القاهرة وشغل في المنوفية دخل 2000 جنيه ممكن أقدم فين في القاهرة أم المنوفية
متاح تقدمي في محافظة السكن او العمل حسب رغبتك
انا متزوجه من سنتين ولدي طفل وليس اعمل .وزوجي يعمل بصنعه الحلاقه ينفع اقدم في مشروع الاسكان ؟وما هي الاوراق المطلوبه
طلما باقي الشروط متوافر ممكن تقدمو وهتلاقي خطوات التقديم في الاسكان الاجتماعي والاوراق المطلوبة من اصحاب المهن الحرة بالتفصيل هنــــا
بتأكد ..هل ينفع مطلقه تقدم سنها 35 سنه لا تعول تعمل فى بنك قطاع خاص ولها تأمين وتسكن فى ايجار جديد مع اسرتها اخ واخت وام او الام هى التى تقدم بأسمها عمر الام 55 سنه وهى ارمله لها معاش حكومى ؟ من التى تقدم الام ام الابنه المطلقه التى تعمل فى القطاع الخاص ؟؟
الابنه هي اللي تقدر تقدم لان الشروط متوافرة ، اما الام مش هينفع تقدم باسمها لان الحد الاقصي للسن هو 50 سنة
انا اعمل في صيدلية مساعد صيدلي ومفيش تأمين فيها وروحت التأمينات عشان اعمل تأمين شخصي قالي مفيش حاجه اسمها تأمين شخصي طالما انا مش نجار او سباك او حاجه زي المهن الحرة دي ولازم الصيدلية تأمن عليك،
ايه الحل في كده؟ مع العلم ان الصيدليه معندهاش مانع تعمللي عقد عمل مابينا كده بس مش راضي يعمل تأمينات
لو مش هتقدر تقدم التامينات ممكن تقدم صورة اشتراك او صورة كارنيه نقابة ساري
ال 9 الاف اللي بندفعهم في مكتب البريد ايه المستند اللي يدل من المكتب اننا مقدمين على شقق الاسكان هل صورة الايداع فقط
اه صورة الايصال ، بجانب انه عند ارسال الظرف بعلم الوصول بتحصل علي وصل كمان
انا انسة 25 سنة ليا حق ف التقديم
اه طلما باقي الشروط متوافرة ممكن تقدمي
عايزه اتاكد ان الموضوع مش نصب
قصدك نصب من ناحية اي ؟ اصل الشقق تبع الحكومة والتعامل مع صندوق التمويل العقاري و البنوك الحكومية مفيش افراد يعني
عايزه اعرف السن المطلوب للتقديم
من 21 سنة وحتي 50 سنة
انا مطلقه هل يجب اكمال بيانات الزوج في الاستمارة؟؟
لا ، بيتم تقديم صورة شهادة الحالة الاجتماعية سواء ورقة الطلاق او لو فيه قضية بيتم تقديم مستند من المحكمة
انا جندي في القوات المسلحه هل تنطبق علي الشروط وايه الاوراق المطلوبه علما اني مهندس ولا اعمل حتي الان
لو انت لسه في التجنيد لا ، لان لازم وجود وظيفة او دخل شهري وتامينات للتقديم في الاسكان الاجتماعي
انا طالب جامعي ينفع اقدم ف شقق الاسكان للشباب وايه الاوراق المطلوبه مني بالظبط
لازم تكون مكمل 21 سنة و يكون فيه وظيفة ومصدر دخل شهري
انا عندى شهادات ادخار فى البنك بمبلغ مش كبير إللى سحبهم لوإتقبلت فى الشقق اهل يوجد مشكلة فى التقديم على الشقق
مفيش مشكلة في التقديم ، بس حسب الاقرار اللي مع استمارة التقديم لازم ذكر اي حسابات بنكية او شهادات ضمن مصادر الدخل في الاستمارة
ما هو الفرق بين كراسة الشروط الزرقا وكراسة الشروط الحمرا ؟؟ ونظام الدفع والاستلام في 400 ألف و 100 ألف وحدة؟؟؟ ومواعيد الاستلام ؟؟ وشكرا
هتلاقي هنـــــا بالتفصيل الفرق بين كراسة الشروط الحمراء والزرقاء
انا عندي دفتر توفير وووديعه.. كيف يتم اثباتهم في اوراق الدخل هل ارفقصوره شهاده الوديعه؟ وماذا عن الدفتر ام اكتب رقمه
لو حساب بنكي او بريد ممكن عمل كشف حساب ، لو وديعة بس قدمي صورة من الشهادة مع ذكر انها بتدر دخل شهري او سنوي كذا
السلام عليكم في الكراسة الحمرا ترسل الأوراق لبنك التعمير والزرقاء ترسل الأوراق لمكتب الأعداد والإحصاء هو ايه الصح كمان مكتوب مقدم الحجز في الوحدات بعد عام بيتقسط كل 3شهور يعني مش شرط ادفع9000 ولازم تندفع كمان لو عندي حساب بنكي هل لازم أقوله ولو المبلغ فيه كبير هيرفض الورق ولو مقلتش عليه فيه مشكلة وايه المهن اللي ببكتفى فيها بشهادة محاسب قانوني وشكرا لحضرتك
وعليكم السلام ورحمه الله وبركاته
الاتنين صح هو وزارة الاسكان حددت الجهتين دول حسب كل كراسة لارسال الاوراق
بالنسبة لمقدم الحجز دا غير ال 9000 جنيه ، دا مقدم بيكون عند تخصيص الشقة لك بيكون بنسبة 15 % من ثمن الشقة وفي ال 400 الف شقة علشان لسه التسليم في 2017 فهيتم تقسيط المبلغ ، هتلاقي تفاصيل النقطة دي في الصحفة رقم 5 في كراسة الشروط
انا موظف فى فندق سياحى يعنى قطاع خاص ومرتبى 1800 ج ومؤمن عليا بمبلغ بسيط وبسأل هل ممكن اقدم وانا موظف ق.خ واعزب والسن 31 سنه فى الشقق اللى هتتسلم فى 2017 وادفع مقدم الحجز على اقساط ولا ايه
ممكن طلما الشروط متوافرة وانت بتختار المدينة اللي عايز تقدم فيها وفي مكتب البريد قله كراسة الشروط لل 400 الف شقة علشان هي مختلفة عن ال 100 الف
كنت عاوزة اسال : * هل معنى ان اخترت البديل ( المرحلة القادمة ) يبقى مايطلعليش شقة المرحلة الحالية؟ لان فيه موظف قال الكلام ده ؟
* هل الشهادة التامينية او الرقم التاميني مطلوب للموظف الحكومي؟ لان ده مش مذكور في كراسة الشروط غير لاصحاب الاعمال الحرة .
* هل اذا اخترت البديل ( المرحلة القادمة ) اني اسيب ال9000 ج يحق ليا اني اسحبهم اذا حبيت رغم الاختيار ده؟
البديل يعني لو الاعداد او الاولوية لك مجتش المرحلة دي يبقي المرحلة التالية
شهادة التامينات مطلوبة من الجميع حسب الشروط اللي كانت نازله علي موقع الوزارة بس مش عارف في كراسة الشروط هم فعلا حاطينها مع المهن الحرة
بالنسبة لل 9000 جنيه ممكن سحبهم بعد اعلان النتيجة سواء بالقبول او الرفض
انت جوزي محامي ومشترك بالنقابه ويعمل بمحل ملابس بياع وملوش تامين
ممكن نقدم فالشقق مرتبه ٢٠٠٠ ج ونسكن باليجار وكتير اوي زي ممكن نقدم
ولا احنا ملناش حق فالاسكن زي الموظفين
طلما الشروط متوافرة ممكن يقدم بيجيب شهادة مفردات المرتب الشهري من صاحب المحل مع باقي الاوراق
انا اعمل فى قطاع خاص محل متامن عليا .. مبلغ التامين 160 حنيه .. وانا الراتب 1500 حنيه .. اجيب مفردات مراتب من محاسب قانوني واقدمها .. ولا لازم من صاحب العمل .. وهل يكتب اجمالي الراتب 1500حنيه فقط دون شرح مفردات المرتب ..
وبكدا هتكون ورقه التامينات بي مبلغ 160حنيه.. والمفردات بمبلغ تاني ..1500حنيه
يعنى هل يوثر ان مبلغ التامين اقل جدااا من المفردات واقدم اي مفردات من محاسب قانوني ولا لازم صاحب العمل
طلما موظف قطاع خاص يبقي شهادة مفردات المرتب من صاحب العمل ، لو المرتب فيه اضافات او خصومات بتسجلها في مفردات المرتب
مفردات المرتب من محاسب قانوني مطلوبة لو انت صاحب عمل او مهن حرة
لسه فيه كراسات شروط ولا انتهت
اه سحب كراسة الشروط مستمر لحد 23 مايو 2016
ايه الفرق بين 400 الف وحدة و 100 الف و لو مش معايا مقدم 25 ممكن ادفع على اقساط
ال 100 الف وحدة خلاص بيتشطبو وهيتسلموا السنادي
اما ال 400 الف وحدة لسه بيتم البناء فيهم وهيتسلموا في 2017 ، بجانب ان فيه بعض المحافظات او المدن موجده هنا ومش موجوده في ال 100 الف وحده
بالنسبة للمبلغ حسب كراسة الشروط لازم خلال اسبوعين من تخصيص الشقة
توجد مشكلة بينى وبين زوجى
ومن المحتمل ان يتم الطلاق وانا عندى ابنة وانا الان اعيش مع اهلى
فهل يجوز ان اقدم بإسمى
وهل زوجى يجوز ان يقدم بدونى
لطلما اسرة ازم بيانات الزوج والزوجة للتقديم في الاسكان الاجتماعي ، بجانب انه لازم تقديم شهادة بالحالة الاجتماعية الحالية سواء قسيمة زواج او طلاق
لو مطلقة ولا تعول ليها الحق فى التقديم ولا لازم تكون بتعول بس
طلما الشروط متوافرة ممكن تقدمي بغض النظر عن الجالة الاجتماعية ، اما في ترتيب الاولوية المطلقة وتعول لها اولوية عن المطلقة بدون اولاد
مكتوب فى الاعلان منحه لا ترد من ٥ الى٢٥ الف كيف ومتى يحصل عليها صاحب الشقه
عند تخصيص واستلام الشقة بيتم تحديد المبلغ حسب مرتب المتقدم وبيتخصم من سعر الشقة
لو عند أبى بيت يمتلكه يؤثر على إمتلاكى لشقة الإسكان الإجتماعى
لا طلما انت مفيش حاجة باسمك
اخر يوم لشرا كراسة الشروط امتي؟ وهل لو عندي سفة باسمي بس مش من الوزارة ولا البنك العقاري ينفع اقدم
اخر يوم 23 مايو 2016 ، لو فيه شقة تمليك مش هيتقبل الورق في الاسكان الاجتماعي حسب كراسة الشروط “الا يكون المتقدم او الاسرة مالكا لمسكن”
هل ممكن لوواحد عندو ٢٤سنة وخاطب يبقا لية الاولوية ولا لازم يكتب الكتاب ويكون في القسيمة علشان يكون من الاولويات
لازم ورقة رسمية يعني قسيمة الزواج
لو قام زوجين مقبلين على الزواج بالتقدم وحصل طلاق هل يستفيد الزوج من التقديم ويستفيد بالوحدة فى حاله الحصول عليها ولا يشترط أن يكون الزواج قائم
هو يا اما عازب يا اما متزوج مفيش في التقديم مخطوبين يعني لازم قسيمة الزواج عند التقديم ، الاعزب ممكن يقدم عادي ، بس زي ما قلنا الاولوية للمتزوج
لو عندى حساب بنكى هل اذكرة عند التقدبم؟ وهل شهادة التأمينات مطلوبة للموظفين؟
اه لان من ضمن نقاط الاقرار اللي بيتم الامضاء عليه مع استمارة التقديم انك ذكرت كل مصادر الدخل بما فيها الحسابات البنكية والودائع والشهادات
التامينات مطلوبة من الجميع قطاع عام وخاص
طيب دلوقتى هما كراستين واحدة حمراء وواحدة زرقاء ايه الفرق
وهل لو محصلش ومجتشى الشقة وسبت الفلوس اللى هما ٩٠٠٠ممكن تجينى ف مرحلة تانية ولا كده خلاص
الكراسة الحمراء مخصصة لل 100 الف شقة ، اما الكراسة الزرقاء هي لل 400 الف شقة
لو الشروط متوافرة وملحقتش شقق المرحلة دي مش هتحتاج تقدم في المرحلة اللي جايه هيكون لك اولوية فيها
ممكن اخد أرض بعد ما اشتريت الكراسه الخاصه بالشقق بس مخلصتش الاجراءات
طلما لسه محصلتش علي شقة مش باسمك يعني من الاسكان ، ممكن تقدم علي الارض عادي
يابيه مين قال كدا ربنا يديك طوله العمر ، الحد الاقصي للسن 50 سنة يعني ممكن تقدم عادي
متي سيرد قيمة المبلغ في حالة عدم الحصول علي شقه
بعد فحص الاوراق والاستعلام بتاخد حوالي 4 شهور وممكن اكتر حسب الاعداد المتقدمه ، ثم بيتم الاعلان سواء بالقبول او الرفض و بعدها ممكن استرداد ال 9 الاف جنيه من فروع بنك التعمير والاسكان
متي يتم دفع المبلغ 9125 جنيه مع تقديم البيانات ام بعد الخطار بالموافقه
قبل ارسال الاوراق المطلوبة في البريد بيتم دفع المبلغ ثم ارفاق الوصل مع الاوراق وارسالها بعلم الوصول لفرع بنك التعمير والاسكان
في حالة اذا قدمت على وحدة سكنية فى مركزي ولم يدرج اسمى منهم هل يتم ادراج اسمك فى مركز اخر فى نفس المحافظة
حسب الاعداد المتقدمة وتوافر الشقق وزارة الاسكان بتفتح باب التحويل بين المراكز او المدن ، وعامة لو الاعداد اكتر من الشقق بيكون لهم اولوية في المرحلة التالية
هل يجوز لى اختيار مكان الشقه فى محافظتى وهل الاولويه للمتزوج فى الاصغر سن
ممكن تختار المدينة داخل المحافظة ، اما مكان الشقة نفسها داخل المدينة فبيتم توزيع الشقق عشوائي بالكمبيوتر
اه الاولوية للمتزوج الاصغر في السن
الذي حصل علي شقه من مشروع اجتماعي سابق ويريد التقديم في هذا المشروع وتنطبق عليه كافه الشروط هل ذللك يعوقه في الفوز بالشق الجيدة
من اول الشروط ان المتقدم ميكونش عنده شقة تمليك او حصل علي شقة من وزارة الاسكان قبل كدا
لو ان لي حساب صغير في احد البنوك انا او زوجتي يكون مانع من الحصول علي شقه
لا مفيش مانع بس لو فيه فائدة او عائد لازم ذكره ضمن مصادر الدخل حسب الاقرار اللي في كراسة الشروط
انا متزوجه ينفع اقدم باسمى انا مش اسم زوجى
ممكن التقديم باسمك طلما الشروط متوافرة
متي يجب تسديد ال 9000
جنيه
عند التقديم لحجز شقق الاسكان بيتم دفعها في مكتب البريد قبل ارسال الاوراق
يتم دفعها عند تسليم الكراسة 9125 جنيهاً ويستكمل المبلغ بعد الفوز بالقرعة إلى 15% + 5% وديعة صيانة
إجمالى حوالى 29 ألف
وفي حالة عدم الفوز بالشقة يسترد 9000
انا مش مستوعب فكرة ان الافضليه للأصغر سنا …. يعني لو محدود دخل و سنه كبر وصل 40 سنه مثلا و مش لاقي شقه و عازب ونفسه يتجوز … تقوم الدوله تفضل عليه نفس المواصفات بس لسه 20 سنه .. طاب ازاي … يعني قصدكوا ان اللي كبر في السن ده خلاص المفروض يفقد الامل في الزواج و انه يلاقي شقه …
هل يوجد اولوية للفوز بالشقق لذوى الاحتياجات الخاصة وهل يوجد خصم لهم وهل يجوز للبنت الغير متزوجة في التقديم للشقق ولها اعاقة ارجو الرد للاهمية البنت ليس قاصر ر
فيه نسبة 5 % هتخصص لذوي الاحتياجات الخاصة ، بس لازم شروط التقديم تكون متوافرة للتقديم من حيث وجود وظيفة او مصدر دخل شهري ، وممكن التقديم سواء عازبة او متزوجة
متي يتم دفع مقدم الشقة بالنسبة لكراسة الشروط الزرقاء ارجو معرفه تاريخ سداد
بداية من شهر سبتمبر القادم
لازم يكون الشخص موظف ؟؟
لازم وظيفة سواء قطاع عام او خاص او مهنة حرة المهم مرتب او دخل شهري للتقديم في الاسكان الاجتماعي ودفع الاقساط
انا قدمت فى شهر 8/ 2015 لحجز شقة فى منطقة القاهرة الجديدة و لم يصيبنى الدور مع العلم اننى مستوفى جميع الشروط و لم اسحب مبلغ ال5000 جنية حتى الان ما هى الاجراءات المطلوبة منى فى الاعلان الجديد .
بالنسبة للقاهرة الجديدة تم فتح باب التحويل للمدن الاخري في القاهرة زي بدر والشروق و 15 مايو ، يعني ممكن تحول التقديم للمدن دي بدل ما تقدم من البداية تاني
هتلاقي هنـــــا بالتفصيل خطوات التحويل والاوراق المطلوبة للتحويل من القاهرة الجديد
لو سمحت هو افراد القوات المسلحة ممكن يقدموا فى الشقق دى واللا لا؟
ممكن طلما فيه مرتب شهري وتامينات وباقي الشروط متوفرة
عايز اعرف ازاي القسط الشهري بايزيد حسب المرتبات وعددالعشرون عام ثابت
متي سيعلن نتيجه المطابقين للشروط
من 3 ل 4 شهور بعد انتهاء التقديم في اخر مايو
من فضلك بعد دفع ال٩٠٠٠ ج مقدم ايه المطلوب دفعه عند تخصيص الشقة ان شاء الله.. وهل هيكون فيه دفعات قبل الأستلام ..ولو فيه هتكون كام و شهريا ولا علي دفعات كل ٣شهور..
فيه دفعة 15 % من سعر الشقة بيتم دفعها عند التخصيص وممكن النسبة دي تزيد حسب مرتب وسن المتقدم ، وهي دي الدفعة قبل الاستلام يعني لان الاستلام عادة بيكون بعد التخصيص مباشرة الا لو فيه تاخير من جهاز المدينة
بالنسبة لشقق ال 400 الف وحدة هي علشان لسه هتتبني فعند وقت التخصيص مش هيتم التسليم الا في سنة 2017 بالتالي مسموح بالتقسيط 4000 جنيه كل 3 شهور
ومتي الإسكان المتوسط
مفروض هيتم الاعلان عن المرحلة التالتة في يوليو او اغسطس مفيش ميعاد محدد لسه
ما المقصود بدعم من خمسة آلاف إلى خمس و عشرون الف ؟
بيتم خصم مبلغ 5 الاف حتي 25 الف من ثمن الشقة ، بتحدد حسب مرتب المتقدم يعني كل ما يكون المرتب قليل هيزيد الدعم
اذا كان اعزب ايه الاوراق المطلوبه
من هنــــا خطوات التقديم في الاسكان الاجتماعي والاوراق المطلوبة بالتفصيل
لو الدخل الشهرى للزوج والزوجة يتخطى ألخمسه آلاف شهريا مع العلم أن على زوجى قروض كبيرة وهوا يعمل بالقوات المسلحة هل أقدم أم لا
الحد الاقصي لدخل الاسرة للتقديم في الاسكان الاجتماعي 3500 جنيه ، ازيد من كدا مش هيتقبل الورق
لو اكتر من كدا ممكن تقدموا في الاسكان المتوسط ، او طلب قرض شقة بضمان المرتب من البنك
هل المطلقة بدون اولاد يحق لها التفدم في الإسكان الإجتماعي ؟ وماهى الشروط الخاصة بالمطلقة
ممكن التقديم والمطلقات من ضمن الاولوية في الاسكان الاجتماعي ، بس لازم وجود وظيفة او مصدر للدخل للتقديم ، وباقي الاوراق هتلاقي خطوات التقديم في الاسكان الاجتماعي والاوراق المطلوبة بالتفصيل هنــــا
أنا معاق حركياً ومتزوج هل يوجد أولوية للمعاقين
فيه نسبة 5 % من شقق الاسكان الاجتماعي هتخصص لذوي الاحتياجات الخاصة
هل يجوز ان اقدم ورق الشقة باسم الزوجة وليس الزوج وفي هذةالحالة ما هي الاوراق المطلوبة
ممكن طلما الشروط متوافرة ، والاوراق المطلوبة مفيش اختلاف سواء مين المتقدم لازم هيتم تقدمين بيانات الزوجين هتلاقي خطوات التقديم في الاسكان الاجتماعي والاوراق المطلوبة بالتفصيل هنــــا
هل الرقم التامينى لموظفى الحكومة او الذى يعمل بشركة
المطلوب مش الرقم التاميني بس
المطلوب هو شهادة التامينات مبلغ التامين وبيانات جهة العمل وبيانات المتقدم والشهادة مطلوبة من الجميع
في حاله عدم وجود وظيفه ماهي الشروط
لازم وظيفة او مصدر دخل شهري زي معاش او مهنة حرة ، لان في الاسكان الاجتماعي المرتب او الدخل هو الضامن
في حاله عدم وجود وظيفه حكوميه ولكن في شفل حر بيسمح بالدخل المطلوب هل ينطبق عليه الشروط مع العلم باننا نستاجر شقه
اه نفس الشروط ، الفرق انك بتقدم السجل التجاري والبطاقة الضريبية وشهادة دخل سنوي من محاسب قانوني
ازاى يطلع شهادة التامينات
من مكتب التامينات التابع له سواء في المربع السكني او في المحافظة
ابنى اعزب ممكن يقدم لان الشروط اولوية للمتزوجين او مطلق ارجو التوضيح
الاعزب ممكن يقدم في الاسكان الاجتماعي لكن حسب الاولوية بتبقي للمتزجين اولا
عموما هي بتبقي حسب اعداد المتقدمين في المدينة نفسها ، وحسب كلام وزير الاسكان طلما منطبق عليه الشروط هيحصل علي شقة سواء المرحلة الحالية او اللي جايه
المقدم ٩٠٠٠جنيه كاش كلهم
اه المقدم كاش ويتم دفعة في مكتب البريد
انا اعزب والسن 22 سنة عايز أعرف الاوراق اللى هتكون مطلوبه منى
وعايز اعرف هل يمكن التقدم في مركز اخر في نفس المحافظة مع العلم ان لا يوجد المركز اللى انا ساكن فيه
ارجو الرد وشكرا لكم
هتلاقي خطوات التقديم في الاسكان الاجتماعي والاوراق المطلوبة بالتفصيل هنــــا
ممكن التقديم في اي مدينة او مركز طلما هي داخل نفس محافظة السكن او العمل
موظفة حكومية ومطلقة وأعول وعمري 57 فهل أتقدم سمعت برنامج (هوي مصر) خالد صلاح أنه سيمد السن
أرجو الرد
حسب كراسة الشروط حتي الان ، السن الحد الاقصي 50 سنة فقط
القسط الشهري ثابت علي العشرين سنة
فيه نسبة فائدة متناقصة سنوية 7 %
من اين يتم اساخراج شهادة التأمينات
بالنسبة للزوجة التي لا تعمل كيف يستخرج شهادة تأمينات لها
من مكتب التامينات في المربع السكني او في المحافظة ، بس لو الزوجة لا تعمل مش مطلوب منها ولا مفردات مرتب ولا تامينات
شهادة الراتب بالنسبة لموظفي الحكومة كيف يحصلوا عليها
من جهة العمل في شئون العاملين
انا عنوان بطاقتي القاهرة ولكن محل السكن والعمل بالعاشر من رمضان والتأمين الذي انا تابع له المهندسين لأن الادارة هناك هل ممكن الحجز بالعاشر
ممكن تقدم في محافظة السكن او العمل ، طلما الورق اللي هتقدمه مثبت فيه مكان العمل بالعاشر من رمضان ممكن تقدم هناك
انا باعمل فى القطاع الخاص وغير مؤمن على اجتماعيا هل لى فرصة فى هذة الشقق
ممكن تعمل تامين اجتماعي بنفسك في مكتب التامينات ، لان شهادة التامينات اساسية ضمن الاوراق المطلوبة
الاستلام امتى ؟؟
لاني اعرف ناس من 2007 مستلموش
فيه بعض المناطق الاستلام بيتاخر فيها حسب ما بينتهي البناء واجراءات البنك ، بس مش لدرجة 2007 اكيد في مشكلة في ورق الناس دي او مع البنك
بالنسبة لل 100 الف شقة هم بيتشطبوا وهيتم تسليمهم فور انتهاء فحص الاوراق و الاستعلام واجراءات البنك يعني خلال 3 ل 4 شهور
بالنسبة لل 400 الف شقة هم لسه بيتم بنائهم هيخلصوا السنة اللي جيه 2017
لو سمحتم انا كنت مقدم فى شهر ٨ / ٢٠١٥ فى محافظة القاهرة القاهرة الجديدة القطاميه. وبعد كام شهر قالو ان بدر فيها شقق اكتر فكان فى تحويل فحولت . هو انا دلوقتى ممكن اسحب الفلوس واروح اقدم فى المرحلة الجديدة ولا اخليني زى منا ارجو الافادة
انت شوف الاولوية بتاعتك وعدد الوحدات المتاحة حاليا حسب ما يقول جهاز المدينة
لان لو قدمت مرة تانية في نفس المدينة كل اللي هيحصل اعادة الاجراءات وممكن الاولوية في التقديم الجديد تتاخر خصوصا ان فيه ناس هتقدم تاني
بد طرح الاسكان الاقتصادي امتا مساحة اكبر من 90 متر لمحافظة القاهرة
كراسة الشروط هتنزل السبت اللي جي 23 ابريل في مكاتب البريد والتقديم طوال شهر مايو 2016
لو سمحت انا من سكان القاهرة وغير متزوجة ومرتبى1200 جنية فى الحكومة وعايزة احصل على شقة من شقق الاسكان الاجتماعى ,وهل محافظة القاهرة ليها تقديم فى شهر مايو 2016
اه ممكن التقديم ، محافظة القاهرة المدن اللي نازله في مدينة بدر و 15 مايو وحلوان والتقديم ان شاء الله في شهر مايو 2016
انا مقدم في مشروع الاسكان الاجتماعي وتم رفض طلبي وعملت تظلم وحتي الان لم مش عارف حاخد ولا لا ينفع اقدم في هذا المشروع
طب هل قالولك ايه سبب الرفض ؟ علي اساس انك تصلح السبب وبالتالي تحدد علي اساسه تقدم تاني ام لا
حضرتك زوجتي لا تعمل وانا موظف حكوني وداخلي 1400 انا جبت مفردات مرتب ليا زوجتي مطلوب ليها ورق
لو الزوجة ربة منزل او لا تعمل مش مطلوب منها غير صورة بطاقة الرقم القومي سارية
انا مرتبي٧٥٠جنية وزوجتي١١٠٠ينفع اقدم باسمي
طلما مجموع دخل الاسرة اكتر من 1000 جنيه واقل من 3500 ممكن تقدم عادي
بالنسبة لمتحدي الإعاقة هل حيكون لينا نصيب وهل الدولة حتفكرنا في اﻻسكان اﻻجتماعي .ماهي الشروط المطلوبة للمعوقين أرجو منكم الرد ولكم جزيل الشكر والتقدير
فيه 5 % من الشقق في الاسكان الاجتماعي لمتحدي الاعاقة في المدن الجديدة ، الشروط هي هي شروط الاسكان الاجتماعي لازم تكون منطبقة عليهم
زوجي يعمل مبيض محارة ومعندهوش تأمين اجتماعي ما هي الأوراق المطلوبة له انا موظفة
ممكن عمل تامين شخصي بنفسه في مكتب التامينات ، باقي الاوراق شهادة مفردات دخل من محاسب قانوني ، سجل تجاري وبطاقة ضريبية ، اما بالنسبة لك مطلوب مفردات المرتب وشهادة التامينات وباقي الاوراق المطلوبة هتلاقيها في الموضوع هنـــــا
اقيم بشقة باحد المدن الجديدة وهى تابعة لاسكان الشباب لكنها دور ارضي ولم استطيع الاقامة بها الا اوقات بسبطة واقوم بسداد اقساطها وهي صغيرة وغير مناسبة 63م باقى السروط تنطبق فهل يتم قبول الطلب اذا تقدمت؟
لو حصلت علي شقة قبل كدا من الاسكان مش هينفع تقدم في الاسكان الاجتماعي
اولا : اتوجه بالشكر الخالص للقائمين على هذا العمل وعلى الجهد الرائع الذى تقدموه لنا .
ثانيا : هناك استفسار بسيط جدا , هل مفردات المرتب لموظف حكومى تغنى عن شهادة التأمينات الاجتماعية ام من الضرورى احضار الثانية .!! ولكم جزيل الشكر
لا شكر علي واجب اهلا بيك ، بالنسبة للاوراق المطلوبة لازم الاتنين شهادة مفردات المرتب و التامينات
تقدمة عدة مرات والاوراق مستوفية الشروط ولم احصل على شقة حتى الان وأبحث عن شقة ضرورى جدا لانى متزوج
طب هل عرفت رقم الاولوية ؟ او سبب الرفض المرات السابقة ايه؟
هل ممكن الحصول على شقة في المحافظة مكان عمله وهو يعمل أكثر من 13 سنة ومتزوج ولدية أولاد من نفس مواليد المحافظة عمله حيث ان المتقدم حصل شقه تمويل عقاري من بنك التعمير والاسكان في محافظة أخرى محل ميلاده أى محافظة اخرى
هل ممكن الحصول على شقة التي تنطبق علي الشروط ؟
لو حاصل علي شقة او تمويل عقاري قبل كدا يبقي مش هيتقبل الورق في الاسكان الاجتماعي حتي لو باقي الشروط متوافرة
هل يشترط الوظيفة مفيش بديل عن الشرط ده
للاسف مفيش بديل او ضمان اخر
انا من تعليقات الناس شايف ان مفروض يبقي فيه ضمانات تانية خصوصا ان معظم الناس قطاع خاص ومفيش تامينات
انا من محافظة القاهرة ينفع اقدم ضمن محافظة القلييوبية
لو ساكن في القليوبية او شغلك هناك ممكن تقدم فيها غير كدا مش هينفع
انا ليس لدي وظيفة ومعنديش شقة واعزب ممكن ناقدم في الاسكان فيه حاجة غير ضمان الوظيفة
لازم وجود وظيفة للتقديم في الاسكان الاجتماعي مفيش ضمان اخر
طب مطلقة وتعول ينفع تقدم
اه ممكن والمطلقات والارامل ليهم اولويه ، المهم تقديم مصدر للدخل سواء وظيفة او نفقة او معاش
انا كنت مقدم فى محدودى الدخل وتم رفض طلبى
لان مرتبى 4100جنية هل لو قدمت فى اسكان اجتماعى ايرفضو برضو طلبى ولا اية
الحد الاقصي لدخل الفرد في الاسكان الاجتماعي هو 2500 جنيه فقط فعلشان كدا تم الرفض
لو بتدور علي حل اخر ممكن تقدم في الاسكان المتوسط اللي هو دار مصر ، او تقدم علي طلب قرض من البنك الاهلي او بنك مصر لشراء شقة
ماهو المبلغ المطلوب بعد ٩٠٠٠جنيه لاستلام الشقه
عند استلام الشقة هيتم دفع 15 % من ثمن الشقة يعني حوالي 23 الف جنيه ، بس النسبة دي ممكن تزيد حسب مرتب المتقدم وسنه فيه ناس وصل معاهم المبلغ المطلوب ل 40 الف جنيه
هل ﻻبد من احضار عقد ايجار الشقه التى اسكن بها اﻻن ام ليست ضروريه ..شكرا
لا عقد الايجار مش من ضمن الاوراق المطلوبة ، المطلوب تقديم ايصال مرافق لمكان السكن ، وان المتقدم ميكونش عنده شقة تمليك
حضرتك أنا كنت مقدم من 2011 و مفيش حاجة اتعملت عندنا انا من مركز بيلا هل انا هاخد فى الشقق دى و لا لأ و التقديم كان بإسم والدتى و والدتى إتوفت و للعلم ( كنت دافع 5 تلاف ) مقدم و ما سحبتهومش و أنا مش موظف بس بآخد معاش 650 جنيه
اتصل ب صندوق التمويل العقاري علشان تعرف موقفك بالضبط وهل لك اولويه ولا لاه
هل يشترط زواج البنات للتقديم
العازب او العازبة ممكن يقدموا بس ترتيبهم او الاولوية بتبقي اقل مقارنة بالمتزوجين ، عموما لو الشروط متوافرة قدم وبالتوفيق
لو طالب اعذب و مش بيشتغل
له الحق انه يقدم
عامة لو اكبر من 21 سنة ممكن تقدم بس لازم وجود وظيفة ومرتب لانه بيبقي هو الضامن وبيتم سداد الاقساط من خلاله
ولو شغال صنيعى فى ورشه اجيب شهادة محدود الدخل منين
بتعمل شهادة مفردات المرتب من صاحب الورشة يوضح فيها تاريخ بداية العمل والمرتب الشهري ويختمها او يمضيها
لو مش متامن عليك في التامينات الاجتماعية ، ممكن تعمل تامين شخصي ، لان من ضمن الاوراق المطلوبة شهادة التامينات
ابني معاق لايسمع اعزب ومرتبه الشهري حوالي ثلاث الاف ومأتين جنيها مصريا هل يحق له التقديم وهل المعاقين لهم مميزات ولأن ابني متفوق ومميز في عمله بمرتبه هل يحرم من الحصول علي شقه
لو عازب مش هينفع لان الحد الاقصل للعازب هو 2500 الف جنيه
المعاقين لهم اولوية في الشقق لكن باقي الشروط والتقديم مطبقة علي الجميع
لو الزوج سائق اعمل مفردات مرتب من فين
هتلاقي هنـــــا بالتفصيل الاوراق المطلوبة من السائقين للتقديم في الاسكان الاجتماعي
لو الزوج موظف حكومي مطلوب مفردات المرتب وشهاده التامينات الاثنين ولا مفردات المرتب تكفي
الاتنين مطلوبين
لو الزوجه مش بتعمل أطبع برنت تامينى برده
لو الزوجة مش بتعمل او ربه منزل مش مطلوب منها لا مفردات المرتب ولا التامينات
نداء الي السيد رئيس الجمهوريه. عبد الفتاح السيسى…..اخبار الناس اللي قدمت من عام 2010 و دفعت 5000 جنبه في كفر الشيخ.. الناس دي مصيرها ايه…افيدوني..فين الاولويه….6 سنوات محدش معبرنا… والشقق اسعارها فوق النصف مليون جنيه.
يعنى دلوقتى شقق مايو وحلوان التقديم هيبدأ امته بالظبط انا اعمل محاسب فى مكتب محاسبه اجيب شهاده من المكتب ولا برينت من التامينات
التقديم من اول شهر مايو بس 1 و 2 اجازة يعني من اول 3 مايو لحد 31 مايو 2016
لو موظف قطاع خاص يبقي مطلوب منك شهادة مفردات مرتب من جهة العمل و شهادة التامينات يعني مطلوب الاتنين
انا خارج مصر ممكن اقدم
اه هتلاقي الاوراق المطلوبة في الموضوع ، و بالنسبة للعاملين خارج جمهورية مصر العربية : تقديم شهادة دخل من جهة العمل بالخارج معتمدة من القنصلية المصرية بالدولة التى يعملون بها مصدقاً على توقيعاتها من الخارجية المصرية.
زوجة له عمل حر وليس أي تامينات
ممكن يعمل تامين شخصي من مكتب التامينات التابع له