لازالت امتحانات المقابلات الشفوية الخاصة بمسابقة هيئة التأمين الاجتماعي مستمرة خلال شهر ديسمبر ويناير المقبل وذلك لاختبار قرابة ال320 الف متقدم لوظائف في الهيئة القومية للتأمين الاجتماعي ونواصل مع حضراتكم تقديم بعض المعلومات الهامة بخصوص الامتحان الشفوي والمسابقة وبعض التعليقات التي وردت لموقع خمس خطوات بخصوص الامتحانات فى كافة المحافظات بتاريخ 29 نوفمبر 2014
تحديث شهر يناير 2015 :- اخر اخبار مسابقة التأمينات وموعد النتيجة
شكل وطريقة امتحان مسابقة هيئة التأمين الاجتماعي
الامتحان عبارة عن اسئلة شفوية امام لجنه مكونة من اثنين او اكثر حسب كل محافظة ومكان المقابلة ، ولحضور الامتحان يجب ان يكون معك الجواب او الورقة التي تم ارسالها بميعاد امتحان هيئة التأمين بجانب احضار بطاقة الرقم القومي -هم كاتبنها بطاقة الحالة المدنية- ، والحضور بالنسبة للشباب يفضل بالبدلة نظرا لانها امتحان شفوي وليس تحريري بالتالي المظهر عليه درجات ونفس الكلام للفتيات ايضا يجب عدم المغالاة فى الملابس وعدم وضع مكياج زائد، وللجميع يجب التكلم بثقة والاجابة علي اسئلة الممتحنين بثبات والنظر اليهم وعدم الانشغال بشئ اخر اثناء الاجابة ، والسؤال الذي تصعب اجابته يمكنك التفكير في اي اجابة او اذا لم تستطيع يمكنك طلب سوال اخر بهدوء، وفي تعليق ارسلنا استاذ محترم من التأمينات قال ان الامتحان عبارة عن 10% اسئلة اما الباقي فهو طريقة كلامك ورد وتفاعلك في الامتحان الشفوي.
شكل اسئلة امتحان التأمينات الاجتماعية
كما ذكرنا في الموضوعين السابقين هنا : اسئلة امتحانات مسابقة هيئة التأمينات الاجتماعية 2014
وايضا من هنا بعض المعلومات و بعض تعليقات السادة الذين انهو امتحانهم : جديد عن امتحانات التأمينات الاجتماعية
الاسئلة شفوية عبارة عن
– سؤال عرف نفسك : الاسم والمؤهل والتقدير وسنه التخرج – ثم اذا كنت تعمل او اشتغلت بمكان سابق
– بعض الناس اتسألت اسئلة عامة مثل اسماء الوزاراء خاصة وزيرة التضامن الاجتماعي “الدكتورة غادة والى” – وزيرة وزيرة القوي العاملة والهجرة الدكتورة ناهد عشرى ، واسماء الوزراء عامة ، واسئلة عن اسماء عواصم دول عربية واسماء رؤساء في بعض المحافظات الناس اتسألت عن اسم المحافظ ، او مين اللى وقع الجواب اللى وصلك ، من هو شيخ الازهر ماهي اكبر دولة مساحة في افريقيا وهكذا اسئلة عامة عن البلد والمنطقة .
بالنسبة لاسئلة محاسب ثالث فى مسابقة الهيئة القومية للتأمين الاجتماعي:
سوف نبدأ باسئلة محاسب ثالث حيث انها الاكثر عددا : تم سؤال المتقدمين عن قوانين التأمينات واسئلة محاسبة ونقدم لكم بعض الامثلة وبعض الاجابات مع لاحظة انني لم اقم بالاجابة عن بعض الاسئلة فيمكنكم البحث في جوجل للحصول على اجابة سليمة -بدل ما افتي انا 🙂 –
– اسئلة عن التأمينات في مصر -ملحوظة : الاسئلة دي جت لكثير من التخصصات الاخري
-ما هي التأمينات وماهو دورها في مصر ؟ وماهي قوانين مظلة التأمينات – مين اللى يجب التأمين عليه ؟
– من هم المستحق او المستحقين للمعاش بعد وفاة الأب ؟ – الام في حالة وجودها او الابناء في حالة عدم الزواج.
-هل التأمين علي العمال اجباري ولا اختياري ؟ -اجباري ويعاقب صاحب المنشأة في حالة وجود عمال غير مأمن عليهم.
– من هم المستفيدين من قانون التأمينات في مصر – من اتم 18 عاما ويعمل في منشأه ويتقضي اجر يصبح تحت مظلة قانون التأمينات
– ما هو سن المعاش ؟ – 60 عاما للعاملين في القطاع العام والخاص ، 65 لاصحاب الأعمال و55 سنه للأعمال الخطرة .
– الفرق بين العجز الكلى والجزى؟
اما عن اسئلة تخصص المحاسبة فامثلها لها
– ماهو الفرق بين الموازنة والميزانية ؟
– الفرق بين المستند والشيك والكمبياله ؟
– الفرق بين الخدمة والسلعة ؟
-ماهي الاصول غير الملموسة ؟
-ماهو تعريف العقد الاداري؟ وماهو السجل البنكي؟
– ماهي اسماء\انواع الصناديق؟ – صندوق الزمالة وصندوق الادخار وصندوق الاستثمار والصناديق العلاجية
بالنسبة مراجع ثالث نفس الامثلة لاسئلة المحاسبة والتأمينات اعلي.
اخصائى تعويضات ومعاشات
هو مختص باعمال تعويضات اصابات العمل وغيرها من التعويضات مثل الاجازات ، واعمال المعاشات وتنظيمها وفقا للقانون ، ومثل ما ذكرنا اعلي اهتم بأسلئة التأمينات وتعريفتها ومتي يستحق العامل التعويض ؟ ومن هم المستحقين للمعاشات وقم بمراجعة قوانين المعاشات وتحديثتها.
بالنسبة لوظيفة فراز رابع
تخصص وظيفة فراز رابع هو المخازن وعملية ارشفة اوراق التأمينات وفرزها واحد الاخوة وقال مايلي بخصوص وظيفة فراز رابع ” ركز علي الاسئله العامه اوي علشان هم بيلعبو علي لموضوع ده ركزوا اكتر على العمليات الحسابيه والمعاهد الفنية والدبلومات الفنية الاتنين جالهم نفس الوظيفة (فراز رابع) وبالتالى يعتبر مفيش اسئلة لا فى تأمينات ولا غيرة الموضوع كلةعاوزين يشوفو الخط وسرعة الكتابة ودا بأنهم يقولولك اكتب اسمك وبعدين واحد تانى يمليك مسألة حسابية فيها كسور ويقولك حل يعنى مثلا ٥٤٤٤٣٢١,٧٥+٨٧٥٤٢,٥٦ وتحلها بسرعه،والله اعلم انا لسه امتحانى الاسبوع الجاي بس ده اللي انا عرفته” .
وظيفة محصل رابع
مهام الوظيفة هي تحصل التأمينات من المنشأت واصحاب الاعمال ، حيث تقوم باخطار العميل -صاحب العمل – عن وصل التأمين للدفع والتحصيل منه وفي حالة رفض السداد تقوم بابلاغ المستشار القانوني الخاص بالتأمينات ، والاسئلة كما ذكرنا خاصة بالتأمينات يمكنك مراجعتها اعلي
بالنسبة لاخصائى وثائق وملفات
هو المختص بوثائق وملفات المؤمن عليهم وتنظيمها وتكون الملفات مرتبة ابجديا لسهولة الوصول اليها وبالنسبة للاسئلة عليك بمذاكرة قوانين التأمينات ومراجعة بعض المعلومات العامة واسماء الوزاراء.
وعامة لباقي التخصصات كما قلنا ذاكرو اسئلة وقوانين التأمينات ، وبالنسبة لتخصصات غير المحاسبة والحقوق ذاكر السطور والعناوين العامة الخاصة بتخصصك ، الاعداد كبير فهو هيبقي عايز يخلص ويعرف انك فاهم تخصصك ولا لاه ، وان شاء الله فور توافر المزيد من المعلومات والاسئلة سوف نقوم بنشرها وبالتوفيق والنجاح للجميع ان شاء الله.
ويسعدنا تعليقكم في موقع خمس خطوات او تابعونا علي الفيسبوك :
https://www.facebook.com/5khtawat
موقع خمس خطوات يقدم معلومات بسيطة فى شرح سهل من خمسة خطوات للأحداث الجارية وكافة مناحي الحياة المتنوعة لإثراء محتوي اللغة العربية على الإنترنت.
انا امتحنت يوم 6/11في بورسعيد اخصائي وثائق وملفات اتسالت عن نسبة صاحب العمل في التامين الصحي وانا جاوبت 10في الميه بصراحه ما كنتش عارفه الاجابه وقلتها كده هل اللي يجاوب غلط يعتبر مرفوض
طريقة التقييم نفسها مش معروفة بالضط لانهم هيحددوا عن طريق التقدير وسنه التخرج حسب القانون ما بيلزمهم ، طلما جاوت وعملت اللي عليك سيبها علي ربنا وبالتوفيق
جزاك الله خيراً
الله يخليك ، وان شاء الله بالتوفيق والنجاج
جزاكم الله خيراً على الأفادة
بس لى أستفسار أن شاء الله أختبارى غداً لشغل وظيفة محصل رابع والميعادى فى الجواب للحضور هو الواحدة ظهراً هل أذهب فى الموعد المحدد ولا قبل كده
وجزاكم الله خيراً
لو تقدر حضرتك الذهاب قبل الميعاد شويه ، انا بشوف زحمه كتير عند التامينات في الالفي لو امتحانك هناك روح بدري شويه علشان عبقال اما تدخل وكدا ، بالتوفيق
عايز اعرف امتحان محصل رابع بعد ازنكم الميعاد يوم 28/12
ذاكر اسئلة التامينات وبعض اسئلة المحاسبة الخاصة بالتخصص ، بالتوفيق
متى سيكون النتائج المقبولين ع الوظيفة
ان شاء الله خلال شهر فبراير او مارس لان فيه امتحانات لسه في شهر يناير ، ان شاء الله بالتوفيق والنجاح
طب لو انا روحت اخدت الميعاد بس الجواب ما وصلنيش
الافضل تسال في مكان الامتحان او التامينات اللى في المحافظة ، لانهم في وقت الامتحان بيطلبو الجواب للدخول فانت ممكن تروح قبليها وتطلب ورقة او حاجه منهم كاثبات ، بالتوفيق
لو سمحت هو هيكون في امتحان تاني للناس اللي هتنجح
لا اللى هينجحو ان شاء الله هيستلموا الشغل ، بالتوفيق
لو سمحتو بالنسبة لوظيفة مندوب تنفيذ اداري رابع حد يعرف ايه الاسئلة المخصصة ليها بالله عليكو حد يرد عليا
معنديش معلومة عن الوظيفة نفسها لكن ممكن تراجعي اسئلة التأمينات ولو تخصص محاسبة ممكن تراجعي اسئلة المحاسبة ، بالتوفيق
بالنسبة لوظيفة مندوب تنفيذ اداري رابع ايه الاسئلة بتاعتها لو سمحتو حد يرد عليا
معنديش معلومة عن الوظيفة نفسها لكن ممكن تراجعي اسئلة التأمينات ولو تخصص محاسبة ممكن تراجعي اسئلة المحاسبة ، بالتوفيق
هل اامتحان شفوي ام تحريري بليز
الامتحان شفوي مع موظف او اكثر من التخصص اللي حضرتك مقدمة عليه ، بالتوفيق
ما وظيفة مندوب تما وظيفة مندوب تنفيذ ادارى رابعنفيذ ادارى رابع ??????????
لو سمحت انا فراز رابع هو لو انا مش عرفت المساله الحسابيه حلها بسرعه هضيع الشغلانه ولا لاء ويكون معانا اله حاسبه ولا ايه وجزاك الله كل خير انا اسف على الازعاج
اعمل ايه ساعدونى انا فى السعوديه انزل ولا العمليه كوسه .وامتحانى يوم3/1..
يافندم حضرتك اللى تحدد اني الاحسن ليك مش انا :)) بالنسبة للكوسة دي موجوده في كل حاجه بس عموما ربنا معاك ولو شايف ان المؤهل التقدير عالي و تقدر تنافس في الوظيفة يبقي انزل ولو حصل كوسة هيبقى فيه قضايا وحاجات كتير ، عموما احسبها تاني واحسب التكلفة والمكسب وحدد بنفسك ، ان شاء الله بالتوفيق
بالنسبه لوظيفه اخصائي تحليل نظم ممكن اعرف اسئلتها
انا امتحانى يوم 22-12 و مش عارفه اعمل ايهفى وظيفة فراز رابع
انا امتحانى يوم 25-12 ومش عارفه اعمل ايه والوظيفه محصل رابع هل امتحانتها سهله ولا
انا جالي الجواب وامتحنت بس عايزه اعرف هما فعلا
فعلا ايه ؟ )) لو قصدك المسابقة بجد اه بس الاختيار ازاي دا عندهم بقه الله اعلم
انا عندي امتحان يوم السبت اللي جاي 13\12 مفتش ثالث منشأت اللي يعرف حاجة يقولهالي
اللى اعرفه انه هو بيبقى مسئول عن مراجعة التأمينات في منشاة زي مصنع او شركة مع صاحب الشركة ومراجعة التامينات علي العمال والموظفين ، فراجع قوانين التامينات وحالاتها زي الاسئلة الموجودة في الموضوع ، وان شاء الله بالتوفيق والنجاح
انا امتحانى فى طنطا بكرة جالى فراز والواحد قلقان لاانهم بيقولوا اسئلة عامة ومش فاهمة اى حاجة ياريت حد يفدنى
اى حد رايح طنطا ياريت يعرفنى الاسئلة سهلة ولا صعبة وياريت نكون اخوه من بعض
انا جاتلى وظيفةمندوب تنفيذ ادارى رابع ممكن اعرف عنة معلومات وطريقة الاسئلة
اذا سمحت لو فى معلومات جديده عن وظيفة فراز رابع ياريت تقولها وبالتحديد فى المنيا
انا جاتلى وظيفه فراز رابع فى 11يناير ممكن اعرف الاختبار هيبقى عباره عن ايه شفهى ولا تحريرى
واختبارى فى طنطا ممكن اعرف هيبقى فين فى طنطا غير الشارع
الاختبار شفهي زي ما قلنا في الموضوع اسئلة عن التامينات ومعلومات عامة وبعض الاسئلة عن التخصص ، انا معنديش معلومة عن طنطا بالضبط ياريت لو حد من الشباب من هناك يعرف ممكن يبقي يرد علي حضرتك ، ان شاء الله بالتوفيق والنجاح
ما وظيفة مندوب تنفيذ ادارى رابع
وبالنسبة لوظيفة مفتش منشات ثالث
هو مسئول عن مراجعة التأمينات للمنشات من شركات واماكن عمل ، و هل كل العاملين مأمن عليهم ولا لاه ومراجعة اوراقهم مع صاحب العمل وانه بيسدد التأمينات عن كل العمال طبقا للقانون ، ذاكر قوانين التامينات زي ما قلنا ولو تخصص حضرتك حقوق يبقى راجع بعض الاحكام والقواعد الخاصة بالتأمينات والقانون المدني زي ما قلنا في الموضوع ، دا اللى اعرفه ان شاء الله لو عرفت حاجة تانية هبقى انشرها ، بالتوفيق
حضرتك انا سئلتك اكتر من مره علي اسئله اخصائي ثالت تحليل نظم واي هيا طبيعه الامتحان ومحدش رد عليا …. ارجو الرد بعد اذنكم وشكرااا
اسف يافندم للاسف معنديش معلومة علشان كدا مردتش بس نشرت التعليق علشان لو فيه حد يعرف من الشباب يرد ، كل اللى اعرفه انه بيبقى مختص بقواعد البيانات وتصميمها لتسجيل بيانات المؤمن عليهم والمعاشات ، ان شاء الله هحاول اسأل ولو عرفت حاجة هرد علي حضرتك ، بالتوفيق
انا معاق وواخد دبلوم تجارة اية اخبار نسبة ال5فى المئة بتاعة الاعاقة فى الوظيفة دى
مفيش معلومة عن الموضوع دا يافندم لكن هسال ان شاء الله لو عرفت حاجة هرد عليك
انا امتحانى فى سوهاج يوم 23\12 فراز رابع لو حد امتحان يقولى الامتحان ازاى
انا امتحانى يوم 6/1 ممكن تعرفنى عملت ايه بعد امتحانك وبالتوفيق انشاء الله
انا مش في المسابقة انا بكتب من اللى قالوه الناس هتلاقيه هنا جديد مسابقة التامينات ان شاء الله بالتوفيق والنجاح