أطلقت شركة سامسونج هاتف سامسونج جلاكسي جراند برايم Samsung galaxy grand prime duos في شهر اكتوبر 2014 الماضي، حيث حقق نجاحا متوسط نظرا لسرعة المميز وحجم شاشة Samsung galaxy grand prime duos الكبيرة، وفي خمس خطوات سوف نستعرض معكم اهم مميزات سامسونج جلاكسي جراند برايم واهم عيوبه ومراجعة سريعة لموبايل سامسونج جلاكسي جراند برايم بشريحتين …
مميزات سامسونج جلاكسى جراند برايم ديوس Samsung galaxy grand prime duos | عيوب سامسونج جلاكسى جراند برايم ديوس Samsung galaxy grand prime duos |
| – شاشة كبيرة الحجم 5 بوصة ، بوضوح 540 x 960 TFT display with 220ppi | – الشاشة بوضوح متوسط و دقة قليلة 220ppi قد لا تعجب الكثيرون ، بجانب انه لا يوجد حماية علي شاشة samsung galaxy grand prime duos |
| – كاميرا samsung galaxy grand prime duos عالية الوضوح 8-megapixel فى التصوير والفيديو، مع احدث الامكانيات ومميزات التصوير المقدمة من شركة سامسونج. | – المساحة الداخلية المتاحة للمستخدم في حدود 4 جيجا فقط لكن يمكن زيادتها بكارت ميمورى، ونقل البرامج والالعاب الي كارت الميوري مع التحدثيات الجديدة. |
| – معالج سامسونج جلاكسى جراند برايم قوي Qualcomm MSM8916 Snapdragon 410 ، يعطي اداء متوازن وسلس بجانب رام 1 جيجا رام تعطى الهاتف ثبات بدون تهنج فى معظم التطبيقات ، الا انه لا يصلح للالعاب ذات الاحجام والجرافكس العالي ، ويأتي سامسونج جلاكسي جراند برايم بنسخة اندرويد v4.4.4 KitKat | – الحجم الكبير للموبايل samsung galaxy grand prime duos قد يكون غير مناسب للبعض نظرا لان الشاشة حجمها 5 ، بجانب حجم الموبايل نفسه قد لاتستطيع حمله في جيب البنطلون بسهولة. |
| – بطارية قوية قابلة للتغيير 2600 mAh تكفي لشغل متواصل ولمدة يوم الي يوم ونصف | – الرام 1 جيجا قد تكون غير مناسبة لتحديثات اندرويد في المستقبل |
| – Samsung Galaxy Grand Prime duos يعمل بشريحتين ميكرو سيم dual stand-by بشكل سلس وسهل الاستخدام، مع امكانية تشغيل شريحة للنت واخر للمكالمات. | – سعر samsung galaxy grand prime duos قد ينخفض في المستقبل فهي ميزة للمشتري الجديد وعيب في حالة اذا قررت بيعه في المستقبل لكنها العادة في منتجات وهواتف شركة سامسونج. |
مراجعة سامسونج جراند برايم Samsung Galaxy Grand Prime duos
وبعد مقارنة مميزات وعيوب موبايل سامسونج جلاكسي جراند برايم، نجد ان هاتف samsung galaxy grand prime duos مميز نظرا لسعره المعقول بالنسبة لإمكانياته حيث يبلغ متوسط سعره الان في السوق المصري حوالي 1700 جنيه مصري، ويبقي العيب الأساسي لسامسونج جلاكسي جراند برايم بشريحتين هو الشاشة وعدم دقتها العالية وعدم وجود منظم أتوماتيكي لإضاءة الشاشة، الا ان البعض قد لا يجد مشكلة في دقة شاشة Samsung Galaxy Grand Prime duos ، ولذلك في النهاية نقول عليك تجربه الموبايل بنفسك والنظر الي الشاشة والمقارنة بالهواتف الذكية الاخري أولا قبل الحكم.
موقع خمس خطوات يقدم معلومات بسيطة فى شرح سهل من خمسة خطوات للأحداث الجارية وكافة مناحي الحياة المتنوعة لإثراء محتوي اللغة العربية على الإنترنت ، ومتابع جيد لأخبار الرياضة وتكنولوجيا المعلومات في مصر والوطن العربي.
موبايل من ايام الزمن الجميل لسه متين وشغال
ياسلام علي برايم
هو بس شكلو جميل
هذا الجوال
انا اللي اكتبه قراند برايم بس
عنده مشكله يقعد عندك الجوال
سنه فهاذا انت من الصابرين
الجوال اعطيه ٤،١٠
لانه يقعد معي سنه بالكثير الجوال
يعلق ولايشحن سريع الجوال اذا
شحنك صفر وتبغاى تشحنه الا ١٠٠
يقعد ٥ساعات بالكثير اذا قعد معك
الجوال سنه بس اذا عادك
خذيته جديد لا بيكون الشحن سرييع
للأسف قرأت فى جريدة الأهرام أن سامسونج جلاكسى جراند برايم يدعم G4
وهذا غير حقيقى كما تم الذكر فى بعض المواقع إنه لايدعم
فهذا يعتبر غش وضحك على البسطاء
هو فعلا النسخة اللي كانت موجودة قبل جدا هي 3g فقط لكن فيه نسخة من الجهاز نزلت مؤخرا تدعم شبكة الجيل الرابع 4G
عامة للتاكيد عند الشراء هتلاقي علامة 4G lte علي علبة الموبايل و الموبايل نفسه
جوالي برايم فصل جوال بطل يشحن غيرت بطارية يشحن شوية ويفصل كل مره ممكن سبب
اتاكد الاول من سلك الشاحن وحاول تجرب تشحن عن طريق الكمبيوتر وشوف هل بيستمر الاتصال عن تحريك السلك ولا فيه مشكلة في السلك او سوكت اليو اس بي في الجهاز
لو مفيش مشكلة يبقي العيب في دائرة الشحن جوا الجهاز و وديه الصيانة
مبسمعش الي يكلمني
لو مفيش صوت خالص يبقي حاول تشوف التطبيقات اللي عندك المتعلقة بالمكالمات سواء ادارة المكالمات او تسجيل المكالمات وتوقفها
من عيوبه انت بيهنج كتبر بس سامسونج جالكسي ال 7 احلي بكتير
اه هو احسن بس طبعا اغلي في السعر عن جالاكسي برايم
من عيوب غراند برايم531 التي لم تذكروها هو أن صوته منخفض مقارنة بأجهزة الغرائز الأخرى
هل يوجد في جالاكسي ڨراند برايم طريقة الكتابة فيه مختلفة
ممكن تغير شكل الكتابة والفوت من الجهاز او باستخدام تطبيقات الخطوط
اولا انت تتحدس عن النسخه القديمه
الجراند برام يوجد منه معد اندورويد 5.1.1
لولي بوب مساحة تخزين 8 جيجابايت قابل للتحديث الي المارش ميلو
لو سمحت هو تلفون جراند برايم افضل ولا جراند نيو وياريت حجم تلفون انهى اكبر من التانى
جراند برايم افضل ، الاتنين نفس حجم الشاشة تقريبا ، بس جراند برايم افضل في وضوح الشاشة
يعنى ايه ان دقة الشاشه غير عاليه وتظهر ازاى معايا ف الاستخدام
يعني وضوح الشاشة سواء في الصور او الفيديو مش عالي مقارنة بالاجهزة الاخري فيه شاشات HD و FHD ، عموما هي هتبان في الالعاب الكبيرة او الفيديو عالي الوضوح HD اما الاستخدام المتوسط والنت مش هتحس بالنقطة دي ومش هتفرق معاك
ُهلُ نَسٌِخ الُاشِيَاء الٌُخاصّةِ بّيَ فَيَ بّطِاقًةِ الُزُاكِرَةِ الُيَ الُُهاتْفَ يَْعدِ مٌنَ ْعيَوَبّ جْلُاكِسِيَ بّرَايَمٌ
عيب من ناحية ايه بالضبط ؟ عادي ممكن تنسخ وتمسح من كارت الميموري لذاكرة الهاتف والعكس ، ولا انت قصدك ايه ؟
الجهاز رووووووعه شحن حجم نظام سرعه
شكرا لمشاركتك معانا
اجتماعه أنا كان معايا رند نيو والدتها بجرند بريم ودفعت فرق 300 جنيه عجبتنى شكلها والاندويدبتعها بس بتهانج فى التصفح على النت وصورتها خنيق وبوضوح الشاشه مش قد كده فتخنقت منها وبعتها بخسارة ورجعت للجرند النيو تانى بصراحه جهاز جامد لا يعلا على النيو
هل موبايل سامسونج جلاكسى جراند برايم SM-G531F بشريحتين وما هى انواعها وكيفية التركيب حيث لا اجد مكان الشريحة للخط التانى حيث يوجد فتحتان لكرت الذاكرة وتحت يوجد مكان لشريحة الخط.
سامسونج SM-G531F galaxy grand prime بشرحتين اه وممكن تتاكد من وجود كلمة DUOS علي الموبايل والعلبة
موبايل جراند برايم بيقبل شريحة micro sim وهتلاقي مكان الشريحتين جنب بعض ، مكان الشريحة اللي علي اليمين من تحت بتدخل الشريحة ومن فوق بيدخل كارت الذاكرة
وافضل من الكلام هتلاقي فيديوهات كتير علي اليويتوب بتوضح ازاي تدخل الشريحة وكارت الميمور في الموبايل بالتفصيل
اذاي اقدر افرق بين الشاحن الأصلي لموبايل جراند بريم من غير الأصلي وهل هناك علامه معينه أو إي شيء منه اعرف اذا كان ده شاحن جهازي ولا لأ في حالة تبديل الشاحن؟؟
هو التفرقة بين الشاحن الاصلي والمقلد في سامسونج صعب شوية هتلاقي فيديوهات علي يوتيوب كتير لشرح الموضوع افضل من الكلام
لكن عامة بيبان من خامة السلك ، ومدخل ال usb في الشاحن الاصلي بيبقي جزء واحد واحد مفهوش كسور او تركيب
وعند الشراء اتاكدي ان علبة الموبايل تكون مقفولة واول مرة تتفتح قدامك ومعاها ضمان وكيل سامسونج
لو سمحت فى تليفون تانى نزل بعد جلاكسى برايم شبيه ليه او الاحدث
فيه موبايل سامسونج Galaxy J5 هو امكانياته احدث من جراند برايم وسعره مقاربة له عامل حوالي 1700 جنيه بالضمان
انا بتعامل مع التليفون من 6 شهور والله جميل جداواجمل حاجةفية الكاميراوخاصة الامامية بس كثرة الالعاب بتقل الموبايل
كلامك سليم هو عامة الالعاب الكبير بتقل اي موبايل خصوصا لو الذاكرة مليان
الهاتف جميل جداً أنصحك لشراءه
شكرا لمشاركتك معانا
لو سمحت هو جراند برايم 530 نزله تحديث جديد
اخر تحديث لسامسونج جراند برايم هو اندرويد لوليبوب v5.1.1 ومفيش تحديث للموبايل بعد كدا
تليفون برايم فجأه الاناره باهته وجوانب الشاشة فيها ألوان الطيف ؟؟؟؟؟؟
هل اتخبط منك او حصل ضغط عل الشاشة ؟ حاول تطفيه وتعيد التشغيل وتغير من اضاءه الشاشة ، لو استمر الوضع كدا وديه الصيانة للفحص
الموبايل سريع في التصفح ولكن مشكلة دايما الشبكة تقع والموبايل يعمل ريسترت مع اني لسه شاري الموبايل
والنت والشبكة يفصله فجأة يرفع الضغط بصراحة لا انصح بشراءه
لو بيعمل ريستارت كتير يبقي في تطبيق او تطبيقات مش متوافقه مع النظام جرب تاخد نسخة من الحاجات المهمة وتعمل اعادة ضبط المصنع وشوف الوضع ايه
لوسمحت لو عاوز اشترى موبيل سامسونج جراند برايم افضل ولاOppo Neo7 من احسن فيهم وامكانياته اعلى
ارجو الرد سريعا
سامسونج جراند برايم افضل من Oppo Neo7 من حيث الدعم والصيانة وفي المستقبل لو حبيت تبيعه هيبقي اسهل من Oppo لانها لسه جديدة في السوق
بالنسبة للمواصفات الداخلية الاتنين نسخة من بعض ، عموما حاول تجرب الموبايلين وتحكم بنفسك قبل الشراء
ANA KAMAN “INDI GRAND PRIME AWAL MARA 3AJABNI OCHETARITE OFI LYOUM NAFSO HABIT A3emil mis ajour lama 3emilte sakar omahab yichetaghil lama dite sahb hawatif yeslho 9ali mrah yatsesalah ya3eni lhatif aw mobil grand plus mo jamil it is bad
هل هل قلك المشكلة كانت ايه بالضبط ؟ وهل الموبايل كان بالضمان ولا لاه ، عموما جربي تفحصي الموبايل في مكان اخر مفيش موبايل مش بيتصلح المشكلة بتبقي في التكلفة
لدي جهاز اجراند بريم اعطاني تحديث اندرويد ولم انتها طفي ولم يعد يعمل ابدن
ممكن توصله بالكمبيوتر وتعيد التشغيل ، او الضغط علي زر التشغيل مع زر الصوت لاعلي في نفس الوقت لمدة ثواني لحد ما يشتغل معاك
عندي مشكله ف الكاميرا ولما بعمل سوفت بتشتغل بعد السفت بيومين وتقعد شغاله معايا شهر وتفضل تاني موبايلي برايم..
اعمل ايه
ممكن تقولنا ايه الرسالة او الكلام اللي بيظهرلك لما الكاميرا تفصل ؟ وهل لو جربت تطبيق تاني للكاميرا بيحصل نفس المشكلة ؟
عموما حاول تشوف التطبيقات اللي عندك لو فيه تطبيق متعلق بالكاميرا غير محدث حدثه ، واتاكد ان فيه مكان في الميموري للصور والفيديو ، ومش لازم تعمل سوفت او اعادة ضبط المصنع لو فصلت الكاميرا تاني ممكن تمسح اعدادت الكاميرا نفسها فقط من خلال
الاعدادات —- التطبيقات — الكاميرا — مسح البيانات
كيفيه اعاده الصور المحزوفه بالخطاء من اجراند برايم
صعب استعادة جميع الصور لكن ممكن من خلال تطبيق علي الاندرويد اسمه Dumpster Image & Video Restore
عايز اعرف العمر الافتراضي للجراند برايم
علي حسب استخدامك ممكن يقعد معاك سنين او شهور :))
لكن عامة من ملاحظة الناس غالبا اجهزة سامسونج بتقعد سنتين او 3 سنين وممكن تطول المدة عن طريق تعمله اعادة ضبط المصنع بحيث تمسح اي تطبيقات او برامج ضارة
الجهاز يعيد التشغيل اثناء تشغيل مقاطع الفديو او مشهادتها فما هو الحل
شوف التطبيق اللي بيعمل المشكلة دي وامسح الاعدادات بتاعته من sittings —- apps — تطبيق الفيديو او اليوتيوب حسب ما بتستخدم
او حاول تجرب تطبيق فيديو اخر وشوف الوضع ايه
لا يدعم الفلاشه
ما يتعربش للغه العربيه
مفيش دعم للفلاشة او خاصية usb otg في موبايل سامسونج جالاكسي جراند برايم
بالنسبة لدعم اللغة العربية موجود ، لكن بعض الاجهزة اللي هي بضمان دولي ممكن متلاقيش اللغة العربية ، بتحتاج تعمل سوفت وير جديد من اي مركز صيانة
عفواً جهازي سامسونج لا يدعم اللغة الإنجليزية. شن السبب
هل الجهاز هو بضمان دولي ؟ عموما ممكن من اي مركزي صيانة تنزله سوفت وير يدعم اللغة العربية
عندي جاند برايم ساعات بتفصل الشبكة نهائي 7 او 8 مرات في اليوم ولمده دقيقة تقريبا… وعملت سوفت وير ولسه المشكلة موجودة ومع العلم لا يوجد فيه اي برامج الأ البرامج الى جايه معاه.
طلما عملت سوفت وير ومفيش تغيير يبقي المشكلة في الهارد وير وعليك التوجه للضمان لتصليحه او استبداله
هل من الممكن أن أفتح الشاشة بالضغط مرتين متتاليتين عليها وكيف. وهل يمكن أن التقط صورة للشاشة من خلال المسح عليها؟
لا الخاصية دي في موبايلات الويندوز مش موجودة في الاندرويد ، ممكن تعمل صورة للشاشة عن طريق الضغط علي زر التشغيل مع الزر الرئيسي
الجهاز سيء جدا وتقيل
لو لسه شاريه يبقي روح للضمان بحيث يصلحوه او يتم استبداله
لو من مدة شوف اني تطبيق او لعبة بيتقل معاها الموبايل وامسحها ونزله من جديد ، او خد نسخة من الحاجات المهمة واعمل اعادة ضبط المصنع
لما بصور فديو أثناء التصوير الصورة بتبقى ضبابية لمده تقريبا 5 ثواني وبعدين ترجع عادي وبعد شويه برضو الصورة بتبقى ضبابية وتظهر بعد تشغيل الفديو ايه الحل وديتو التوكيل وعملت سوفت برضو زي ماهو
هل جربت تطبيق اخر للكاميرا غير الاساسي ونفس المشكلة حصلت ؟ طب ال Focus في الصور العادية شغال سليم ولا الصورة بتبقي ضبابية برضو ؟
لو كدا يبقي عيب هارد وير في الكاميرا نفسها واطلب منهم في التوكيل التصليح او الاستبدال
تليفون سيئ جدا جدا ديما الشبكه تقع فيه وبيقفل لوحده بجد اتخنقت منه انا لسه جايبه وبيعمل كدا
حاولي تمسحي اي تطبيق غريب ، وجربي تعملي اعادة ضبط المصنع وشوف الوضع ايه
معنديش اي تطبيق غريب
وغير اني عملتله سوفت وبردو رجع يعمل كدا ولما بشغل رابط النت الشبكه تقع فتره طويله
هل سوفت وير رسمي ولا منين ؟ بالنسبة للشبكة امسحها وسجلها من جديد ، ولو مشكلة استمرت حاول ترجع للصيانة ومتستلمهوش منهم غير وهو شغال
بلاي ستور شنو هذا ومداعرف اسوي سكرين
هو متجر التطبيقات او Google play بالنسبة لعمل سكرين شوت من خلال الضغط علي الزر الرئيسي مع زر التشغيل معا
هو متجر التطبيقات او Google play بالنسبة لعمل سكرين شوت من خلال الضغط علي الزر الرئيسي مع زر التشغيل معا
هل يستطيع جالكسي جراند بريم تصوير الشاشة
اه عن طريق الضغط علي زر التشغيل مع زر الهوم الرئيسي وبتتحفظ السكريت شوت في الموبايل
وممكن عمل سكرين شوت من خلال تطبيق من البلاي ستور
انا عايزه اشتري سامسونج جالاكسي جراند برايم اشتريه ولا لا فانا عن بسمع انوا فيه عيوب ممكن حد ينصحني اشتريه ام لا ارجوا الرد
الجراند بريم موبايل جيد ومناسب لسعره لكن زي اي موبايل بيبقي فيه مميزات وعيوب فانتي جربي الموبايل قبل الشراء بنفسك واحكمي
وبالنسبة للمشاكل او الصيانة المهم تشتريه من مكان مضمون ويبقي معاه الضمان علشان لو حصل اي شئ لا قدر الله يتصلح
موبايل سئ جدا وكل اللى جابه مخنوق منه وكل شويه يفتح ويحمل برامج من نفسه وتقيل جدا ونبعته التوكيل يعملوله سوفت ويرجع زى ماكان
لو قصدك التحديث الاتوماتيكي للبرامج ممكن توقفه عادي من البلاي ستور ، اما لو فيه فيرس او غيره يبقي مش قدامك غير عمل اعاده ضبط المصنع او زي ما قلت تبعته التوكيل
تليفونى بيسخن بسرعة عند التصفح ماهو السبب وماالحل
جرب متصفح آخر للنت زي اوبرا او غيره وشوف الوضع ايه ؟ او امسح تطبيق كروم ونزله تاني
وعامة لو السخونة غير محتملة والموبايل لسه جديد الافضل توديه للضمان للفحص لان كدا يبقي عيب صناعة
لو سمحت انا عايزه اشترى فون ومحتاره بين جراند برايم ونيو بلس ممكن تفدنى
جراند برايم افضل في المواصفات والتحديث ، ميزة نيو بلس عنه انه ارخص في السعر شوية عن البرايم
انا المهم عندى اكتر سرعه النت عليه وبيهنج ولا لا
اه جراند برايم افضل في البروسيسور والتحديث بالتالي اسرع في النت واقل في التهنيج من النيو
اه رأيك في السامسونج جي 7 من السعوديه انا هشتريها
هو موبايل جيد ومناسب لسعره ، مع العلم لو تقدر تستني شوية فيه نسخة جديد منه هتنزل samsung galaxy j7 2016 احسن في الشاشة و3 جيجا رام
وعموما ممكن تشوف مراجعة samsung galaxy j7 هنـــا
لو سمحت ليه لما شغل الكاميرا بيفصل وكمان بتوقف معظم التطبيقات حتى التاتش معالعلم انه جديد جدا
لو منزل تطبيق غريب قبل حدوث المشكلة دي و ليه علاقة بالكاميرا امسحه ، وشوف الوضع ايه او امسح اعدادات تطبيق الكاميرا نفسه من خلال — اعدادات—- التطبيقات — الكاميرا —- مسح البيانات
هو الجهاز فيه لما يجيلك مسج بينور؟ولو فيه اشغلها ازاي
لا مفيش ليد امامي ، لكن ممكن تنزل تطبيق من البلاي ستور يشغل الفلاش لما تيجي مسج هتلاقيهم تحت اسم flash notification او led
عايز اعرف ازي القراند برايم بيصور الشاشه
لو قصدك صورة سكريت شوت للشاشة بتبقي من خلال الضغط علي زر التشغيل مع زر الهوم الرئيسي مع بعض لحد ما الشاشة تنور ابيض بسيط
او من خلال تطبيق هتلاقي كتير في البلاي ستور تحت اسم screenshot
هل التليفون ده يدعم G4يعنى ينفع أشغل عليه شريحة بيانات لو أنا مسافر السعوديه
النسخة اللي في مصر لا تدعم g4 ، لكن ممكن تلاقي في السعودية نسخة 4جي ، او لو هتشتريه من مصر ممكن تشغل عليه شريحة بيانات 3g
انا معي جراند برايم كل لم اجي ارن علي حد تليفوني يفصل بعد كده يشتغل يجي 3مره. ايه الحل بعد ازنك. انا لسه شريه من شهر ونص
امسح اي تطبيق نزلته قبل حدوث المشكلة دي متعلق بالمكالمات
لو المشكلة استمرت خد نسخة من البيانات والحاجات المهمة واعمل اعاده ضبط المصنع
انا الموب بيهيس معايا وسعات بتيجى رسالة تم ايقاف النظام وبيحمل من اول وجديد كأنى عملتلة استرت وكمان فى تهيس ف شبكة ارجو رد
راجع التطبيقات اللي نزلتها قبل حدوث المشكلة دي وامسحها او شوف تحديثاتها
لو المشكلة استمرت خد نسخة من البيانات والحاجات المهمة واعمل اعاده ضبط المصنع
يعطيكم العافيه موضوع مميز جدا
وصحيح ميه ميه
بس انا عندي مشكلة بجهاز grand prime
بيعطي camera failed شو بكون المشكلة ويعطيكم العافيه
الله يخليك واهلا بيك معانا
ممكن يكون اكثر من سبب نتيجة تحديثات النظام او تطبيقات اخري بتستخدم الكاميرا فبيحدث عطل ، عموما حاول تاخد نسخة من الصور والفيديوهات المهمة و امسح اعدادات الكاميرا الحالية وشوف الوضع هيتصلح معاك ولا ايه
من خلال الاعدادات — التطبيقات —- الكاميرا — مسح البيانات
لسه شاريه امبارح بس مش عارف أشغل الفلاش اشغل ازاى ..؟
لو قصدك وقت تشغيل الكاميرا هتلاقيه في اعدادات الكاميرا
اما لو قصدك تشغيل الفلاش نفسه فقط نزل تطبيق اسمه Super-Bright LED Flashlight
عندى خطوط مسيره عل الشاشه ايه الحل
وديه الصيانة للفحص بحيث تشوف الخطوط دي خدوش فقط ولا علي الجزء الخارجي فقط فممكن تغيره
البطاريه بقت بتقعد ساعات كتير ف الشحن ومش بتتملى بسهوله
مع اني بشحنها بالشاحن الاصلي وبتخلص يسرعه جدا مبتقعدش 4 او 5 ساعات استخدام
عيب بطارية ولا شاحن انا شاري الموبايل من 4 شهور
لو البطارية بتخلص الشحن بسرعة عن المعتاد يبقي عيب في البطارية نفسها حاول تفحصها في التوكيل او اي مركز صيانة
معى سامسونج جراند بريم عند فتح اى موقع تفتح الصفحه الافتتاحيه للموقع ثم تختفى وتفتح اشياء وبرامج لتثبيتها
استخدم متصفح جوجل كروم ، ولو فيه اي تطبيقات غريبة او مجهولة المصدر علي الموبايل امسحها
كل شويه يفصل شبكه عيب دا تصنيع
لو النت كله بيفصل جرب موبايل اخر علي نفس الشبكة علشان نتاكد ان العيب في الشكبة ولا الموبايل
او امسح اعدادت الشبكة من الموبايل وادخل تاني
اما لو استمرت المشكلة يبقي عيب صناعة اه وحاول تفحص الموبايل في الصيانة
عندي كل شويه يفصل الشبكه ويقطع الاتصال
سالت قال دا عيب في الماسنجر الجديد
هل فعلا دا عيب ماسنجر ولا عيب في الجهاز نفسه
هو فعلا اخر تحديث للماسنجر فيه مشاكل كتير
لكن هل النت كله بيفصل يعني في تصفح النت وكدا ولا في الماسنجر بس ؟
انا عندى مشكله ف النت والسرعه مش عارفه العيب ف التلفون ولا ف الشبكه
ممكن تتاكدي من الشبكة شغالة ولا ايه من خلال الكمبيوتر وقربي الموبايل من مكان الراوتر ، او حاولي تجربي موبايل تاني علي النت وشوفي الوضع ايه
انا عندي موبايل جراند برايم اثناء تصفحي في بعض المواقع حدث اهتزاز في الجهاز وبعد شويه جاتني رساله مضمونها ان البطاريه تالفه هل يمكن اني تعرضت لفايروس وفعلا ان البطاريه تالفه لانه من ساعتها اصبح الجهاز بيسخن هل يمكنني تغير البطاريه ام فرمطه الجهاز ام مازا وماهو الحل وجزاكم الله خيرا
اول شئ بالنسبة لاهتزاز الجهاز وظهور رسالة البطارية تالفة او فيها فيرس دا مجرد اعلان غبي انتشر علي بعض المواقع
وطلما اغلقت الرسالة او المتصفح بعدها مفيش خطر المهم متكونش حملت التطبيق اللي الاعلان بيتكلم عنه ، لو نزلت التطبيق دا يبقي عليك مسحه ، ولو استمرت المشكلة اعمل اعادة ضبط المصنع
اما بالنسبة للبطارية نفسها لو حاسس ان فيها مشكلة ممكن تغيرها عادي بس الاول افحصها في مركز صيانة
good
انا عندي التليفون في مشكله بيجي علطول ديرتين علي الخطوط في أسماء اتصال البيانات وسعات الشاشه بتفضل اسناء الم كلمه معه العلم أن الأندرويد لولي بوب هل المشكله دي في الأندرويد لأني انا كان معايا جراند برايم أندرويد كتكوت مكنش في المشاكل دي ارجو الرد عليا لو سمحتو
لو نفس الموبايل وعملتله تحديث الافضل تاخد نسخة من البيانات والحاجات المهمة وتعمل اعادة ضبط المصنع بحيث لو فيه اي تطبيق مش متوافق مع نسخة الاندرويد نمسحة ونسطبه بعد اعادة ضبط المصنع
بالنسبة لمشكلة الشبكة غالبا ما بيكون تهنيج او عطل ما بين الخطين علي الموبايل ، حاول تعمل ريستارت للموبايل وشوف الوضع ايه بعد كدا ، لو استمرت المشكلة يبقي الافضل توديه الصيانة للفحص
اما حكاية الشاشة بتفصل اثناء المكالمة دي فعلا اشتكي منها الناس وهي مشكلة في نسخة الاندرويد الحالية لولي بوب متعلقة بسنسور الاقتراب اللي جنب الكاميرا الامامية ، لانه مفروض يخلي الشاشة تطفي فعلا لكن لما تكون الشاشة علي الاذن اثناء المكالمة ، واول لما تبعد الموبايل عن الاذن مفروض الشاشة تشتغل علطولن بتاخد ثانية بالكتير ، عموما احنا هندور علي تحديث او تصليح للنقطة دي وننشرها في الموضوع لان فعلا الناس اشتكت منا كتير
معاك حق اندرويد كتكوت حلو اول مره اسمع عن اندرويد كتكوت ده هههههههههههه اسمه اندرويد كيت كات هههههههه
السلام عليكم ..
والله يا جماعة انا من فترة بسيطة اشتريت جوال جراند برايم وبندم اني اشتريته كل شويه يهنج ويفصل لو جيت اتصل علي حد والغريبة في الموضوع ان بيكون قيد الاتصال وهو فاصل والمتصل معايا علي الخط ويرجع يشتغل مرة تانية ..
ياريت لو حد يعرف ايه سبب انه بيهنج كتير
وعليكم السلام ورحمه الله وبركاته
اولا اتاكد ان مفيش تطبيقات متعلقة بالمكالمات او الاتصال او تسجيل المكالمات هي سبب المشكلة ، لو منزل اي تطبيق من النوعيه دي امسحه وشوف الوضع ايه ، لان التهنيج اثناء المكالمات غالبا بيكون بسبب احد التطبيقات دي
اما بالنسبة ان الجوال بيفصل اثناء الاتصال ، هل الجوال بيفصل كليا ولا الشاشة بس هي اللي بتفصل ؟ عموما المشكلة دي بسيطة في مستشعر الاقتراب proximity sensor وممكن يتصلح في الصيانة
هل الجوال قراند برايم فيه ميزة التمرير الذكي
السبب اريد ان اخذ صورة الشاشة عند تمرير اليد بالقرب من الشاشة
لا توجد ميزة التمرير الذكي في جالاكسي جراند برايم ، هتلاقي الميزة دي في الاجهزة الاعلي مثل سامسونج جالاكسي اس 4 و اس 5 ….
لكن ممكن تبحث في تطبيقات الاندرويد مثلا عن Motion Detector او لاقط الحركة ، بحيث يلاحظ التطبيق ويلتقط الحركة بالكاميرا الامامية
سعر الموبايل دا كام في مصر دلوقتي ؟؟
سعر سامسونج جالاكسي جراند برايم في مصر حوالي 1400 جنيه
انا عايز اجيب جراند برايم هل هو ممتاز ولا فيه عيوب فى ناس بتقول الصوت واطى و ناس بتقول بيهنج ارجو الرد اجيبو ولا ايه
جراند برايم موبايل جيد بالنسبة لسعره ، العيوب وضحناها في الموضوع
الصوت متوسط صحيح مش عالي اوي لكنه مسموع وواضح
بالنسبة للتهنيج فدا بيحصل بسبب بعض التطبيقات او لاسباب اخري ودي مشكلة لموبايلات اندرويد عامة
الموبايل مناسب للاستخدام المتوسط وهو من احسن الموبايلات في السعر دا حاليا
شكرا على الاجابه
العفو واهلا بيك في خمس خطوات
ايهما افضل جراند نيو ولا جراند2 والصناعة فيتنام ولا صيني
الجراند برايم افضل ، الصناعة الفيتنامي افضل لكن حاليا المنتشر اكتر الصيني وفي النهاية المهم يكون ضمان الوكيل موجود
اي جهاز افضل كراند برايم او كراند 2وشو وجه الاختلاف بين الجهازين؟ياريت ترد علي لان محتاجة جهاز وعندي ثقة برأيك
جالاكسي جراند برايم افضل في المواصفات الداخلية وفي الكاميرا الامامية ، وتحديثات النظام
اما مميزات جالاكسي جراند 2 عن الجراند برايم انه اكبر شوية في حجم الشاشة ، واكبر في الذاكرة الداخلية الرام ب 500 ميجا
عامة جالاكسي جراند برايم هو افضل من جراند 2 بسبب المواصفات الداخلية والتحديثات
ارجو الإهتمام
جهازى لولى بوب 5.1.1
بيهنج كتير فى وقت الاتصال وبيعمل ريستارت لوحده
ارجو الافاده وشكرا
غالبا المشكلة ان فيه تطبيق مش متوافق مع نسخة النظام ، متعلق بالمكالمات بيحاول يشتغل مع المكالمة وبيعمل المشكلة دي ،امسح اي تطبيق قم بتنزيله متعلق بالمكالمات او تسجيل المكالمات لو مش عارف اني واحد ، امسح التطبيقات اللي نزلتها حديثا وحصلت المشكلة دي بعدها
بيجى تم ايقاف واجهة النظام باستمرار اىه الحل؟
لو حصل الموضوع دا بعد تنزيل تطبيق معين امسحه
لو مش عارف اني تطبيق اللي عامل مشكلة خد نسخة من الحاجات المهمة علي الكمبيوتر ، واعمل اعادة ضبط المصنع
خلال الكتابه بتروح لوحه المفاتيح وما وبنطفا الجهاز لما اقفل الشاشه وما بينضوا الا عندما انزع البطاريه شو هالمشكله بدي ردالتطبيقات ما بتظهر
اتاكد من انك بتستخدم لوحة المفاتيح الاساسية الخاصة بسامسونج
بالنسبة للتهنيج عند الفتح اقفل التطبيقات المفتوحة اللي مش بتستخدمها ، بحيث تكون الذاكرة غير ممتلئة
لو المشكلة استمرت امسح اي تطبيق متعلق بقفل الشاشة او themes او اي تطبيق بيتقل الموبايل عند تشغيله
بيظهر دائرتين على الشاشه مكان الشبكه لما افتح بيانات الهاتف على طول وتانى حاجة ييجى رساله إيقاف واجهه النظام وبيخرج من الصفحة خالص والثالثه بعض الأوقات لما إتصل التليفون بيهنج ويرست لوحده محتاج رد ضرورى
لو الموبايل لسه جديد وفيه المشاكل دي يبقي الافضل ترجعه او تستبدله
اما لو معاك من فترة ، اتاكد ان مفيش تطبيقات غريبة تطبيق متعلق بالمكالمات نزلتها مؤخر ، وخد نسخة من الحاجات المهمة واعمل اعادة ضبط المصنع
الكاميرا مش راضية تشتغل
كل مشاغلها تقعد دقيقة سودة وبعدين تجي رسالة التطبيق الكاميرا لا يمكن فتحة
كان بيعمل كدة الاول وبعدين كنت بعملة ريستارت وتشتغل الكاميرا
دلوقتي مش راضية تفتح غير شاشة سودة
عملت اعادة ضبط المصنع برضو مش شغالة
نزلت برامج تانية لتشغيل الكاميرا برضو مش شغالة؟
لو فيه اي تطبيق اخر للكاميرا امسحه وارجع للاساسي
والخطوات دي علشان تعيد اعدادات تطبيق الكاميرا الاصلية من خلال تطبيقات — الكاميرا —- مسح البيانات
لو سمحتم جهازي بيظهر كل شويه كلمه( تم اغلاق واجهه النظام )وبيخرج من التطبيق المفتوح
شوف التطبيقات الاخيرة اللي نزلتها او قمت بتحديثها وامسحها او اعد تثبيتها ، او التطبيق اللي بيحصل معاه المشكلة دي
لو استمرت المشلكة خد نسخة احتياطية من الحاجات المهمة واعمل اعادة ضبط المصنع
في مشكلة عندي علي الجهاز أن الشبكتين بيظهر عليهم دائرتان وبداخلها خط علي علامة الاشارة بتعت الشبكة هذا يحدث عندما استخدم بيانات الهاتف لكي ادخل علي النت وانا بره البيت او الشغل علشان في الشغل بستخدم الواي فاي
المشكلة دي بتحصل كل نص ساعة
مع العلم بأن الشبكة في المنطقة اللي انا فيها ممتازة ومع واحد صاحبي نفس الفون ومبتحصلش معاه المشكلة دي وكمان انا لسه جايب الفون من اسبوعين ارجوا الرد السريع
وشكرا لكم
هو معني الدائرة دي ان الموبايل مش لاقط الشبكة فكون انها بتروح وتيجي يبقي ممكن اكثر من سبب ، فالاول ممكن يكون من الشريحة حاول تجرب شريحة شركة تانية وتشوف الوضع ايه ، وبرضو اتاكد ان الشريحة نفسها ثابتة في الموبايل ، ولو شاري جراب اوغيره شيله ممكن يكون الجراب فيه معدن او شئ بيحجب الاشارة
لو نفس الوضع مستمر يبقي وديه الضمان لفحصه كدا المشكلة تبقي داخل الموبايل نفسه
الجهاز بيهنج مع البرامج الكتير و لا لا
علي حسب البرامج دي ايه ، يعني مثلا لو فيسبوك وتصفح واغاني عادي مش بيهنج ، عامة هو اداءه متوسط زي ما وضحنا في الموضوع
السلام عليكم لو سمحت
جهازي سامسونج جلاكسي جراند برايم اول ماجبته الشاحن لاقيته بيسخن جامد والبطاريه بتفضى على طول فا عملتله وضع توفير للطاقه ‘ ف ان لغيت وضع التوفير وفتحت لعبه بعد كده مثل كاندي كراش او صاب واي ا‘ تمبل رن بيهنج فبعمبه اعاده تشغيل
تاني سؤاب في دايرتين بجانب الكاميرا الاماميه اي لازمتهم
شكراً
وعليكم السلام ورحمه الله وبركاته
السخونة طبيعية مع استخدام النت والالعاب ، لكن لو لقيت السخونة انها زايدة او مش قادر تستخدم الموبايل يبقي الافضل توديه الضمان او الصيانة للفحص ممكن يكون عيب صناعة
الدايرتين عبارة عن مستشعر الاقتراب proximity sensor ودا وظيفته انه يطفي الشاشة اثناء المكالمات اول لما تقرب الموبايل لاذنك ويشغل الشاشة اول لما تبعد الموبايل ، ودا علشان متضغطش علي حاجة اثناء المكالمة
ودلوقتي سعره كام ؟؟
بشرحتين حوالي 1420 جنيه بالضمان
جهازي سامسونج برايم لم يعد يعمل مالمشكلة في هذا الجهاز ولم يعد يشحن
اتاكد من ان البطارية ثابتة وحاول توصله بالكمبيوتر فترة قد 5 دقايق لو كانت البطارية فاضية وبعدين تضغط علي زر الباور مع زر الصوت لاعلي لحد ما يشتغل معاك ويظهر اختيارات اختار منها reboot system now
لو مشتغلش يبقي المشكلة في الهاردوير ووديه الصيانة لفحصه
لو سمحتكنت عايز اعرف كم سعر جراند برايم في الامارات .
ومميزاته اذا كان بشريحتين او شريحه واحده واي واحد احسن لشرائه .
سعر سامسونج جالاكسي جراند برايم في الامارات حوالي 500 درهم
سواء شريحة واحدة او شريحتين الاتنين نفس المواصفات الداخلية ، لو محتاج شريحتين اشتريه ، لو قصدك من ناحية التهنيج او كدا لا الشريحتين بشتغلو مع بعض عادي
بصراحه الجهاز معايا مش مزعلنى فى اى حاجه زى ممتاز بس لو الرمات 1.5 كان ولا اى جهاز يتحداه من فئه سعره
كلامك سليم بس هي سامسونج بتعمل كدا علطول علشان تخلي الناس تشتري اجهزتها التانية
اريد ان اسأل هل يوجد من الجهاز اعادة تصنيع او لا
جلاكسي جراند برايم لسه متداول في السوق عادي
انا عايز اعرف اذا كان الموبايل بيسخن لما افتح الالعاب ولالا عشان فيه ناس كتير بتقول كدة وعايز اعرف سعرة فى السعوديه؟
هو بيسخن مع استخدام النت او الالعاب لفترة طويلة ، لكن سخونة معقولة متسببش ازعاج
سعره في السعودية من 660 ل 700 ريال
جراند برايم من حيث البطاريه والشاشه والكاميرا والسرعه ممتاز لكن عيوبه نقص مميزات عن اجهزه أرخص منه مثلا Duos2 يمتاز بالحروف الابجديه التى تظهر على يسار جهات الاتصال وتعمل على الاختصار وتعرض عدد الاسماء
ثانيا لا يوجد خاصيه الاهتزاز عند اللمس
لا يوجد الاهتزاز عند بدأ المكالمه بدلا من وضع الجهاز على الاذن من بداية الجرس
ثالثا ليس بأمكانك وضع اسماء المفضله الا اسماء معينه على حسب تخزينها وبعض الخصائص الاخرى
انا عايز اجيب الموبايل دة بس خايف ليكون في عيوب خطيرة او بيهنج جامد و بيفصل و كل الكلام دة ارجوكم فيدوني اجيبة ولا لا بس بسرررررررررررعة ارجوكم
لو الموبايل عجبك اشتريه هو جيد للاستخدام ومناسب لسعره ، بالنسبة للعيوب مفيش عيوب خطيرة ، التهنيج او غيره ممكن يحصل لاي موبايل ، واي مشكلة بيبقي ليها حل ان شاء الله
انا عندى الجراند بريم نسخه لولى بوب 5.1.1
بس عندى مشكله وانا فاتح صفحه على جوجل كروك الموبيل اهتز بشده وظهرلى البطاريه تالفه وفيها فيروس
ومن قبل كنت سايب الموبيل فى الشحن وقمت من النوم لقيته مغلق ومكنش رادى يفتح خالص
ازلت البطاريه ثم رجعتها مكانها وفتحت الموبيل
وطلع مشحون للأخر بس دخلت على البطاريه فى الإعدادات لقيت ان مكتوب لقد استنفزت كل التطبيقات شحن اعتياديآ عندما كانت الشاشه فى وضع السكون يبقى اعمل ايه
هو اول شئ امسح التطبيقات المتعلقة بالبطارية او غيره من اللي بتطلع رسائل زي دي ، لان مفيش حاجة اسمها البطارية فيها فيروس دا تطبيق بيعمل زي دعايا علشان تحمله وتشغله
لو المشكلة مستمرة خد نسخة من البيانات والحاجات المهمة واعمل اعادة ضبط المصنع
فيه ارشادات عامة لتقليل استهلاك البطارية زي انك تقفل البلوتوث والواي فاي لما تكون مش محتاجهم ، وتقلل سطوع الشاشة علي قد ما تقدر ، وتقفل التطبيقات اللي مش محتاجها
كنت عاوز اعرف الفرق بين جراند برايم 3g , و 4g شريحة واحدة وشكرا
3g يعني بيشغل لحد شبكة الجيل الثالث اللي شغاله في مصر حاليا
4g يعني بيشغل لحد شبكة الجيل الرابع اللي موجودة في السعودية والخليج ، ومفروض هتبقي في مصر كمان سنة او سنتين ، ال 4g بيبقي اغلي في السعر شوية وحاليا ملوش لزمة اوي الا لو كنت بتسافر او معتمد علي مكالمات الفيديو عن طريق شبكة المحمول والنت عالي السرعة فهتحتاجة في المستقبل غير كدا اشتري 3g
انا عايز اشترى الموبايل بس فى ناس بتقول بيهنج
هو موبايلات اندرويد عامة بتهنج مع الوقت وكتر التطبيقات
عادة الحل بيبقي بسيط بتمسح التطبيق اللي عامل مشكلة او بتعمل اعادة ضبط المصنع
لو سمحتم انا عايز نصيحتكم انا حجيب تليفون جراند برايم و كنت عايز نصيحتكم
زي ما وضحنا ان الموبايل جيد ومناسب بالنسبة لسعره شوف عيوب جراند برايم لو مناسبة ليك مش هتعمل مشكلة يبقي توكل علي الله واشتريه
التصوير مش يصور واضح ….ويجلس يعلق عليا
غير في الاعدادات لحد ما تضبط معاك ، مع ملاحظة ان الكاميرا بتكون ضعيفة مع الاضاءة الخفيفة ، وحاول تجرب تطبيق اخر للكاميرا لو التعليق مستمر معاك في التطبيق الاساسي
لما استخدمه فتره طويله بيفصل ممكن السبب البطاريه
قصدك بيفصل شحن ويطفي خالص ؟
ولا بطارية الموبايل بيكون لسه فيها وهو بيفصل لوحدة ؟ او بيعمل ريستارت ؟ لو بيعمل ريستارت يبقي مشكلة في التطبيق اللي بتستخدمه في الوقت دا غير متوافق مع نسخة الاندرويد
عموما اتاكد ان البطارية مثبته جيدا ومفيش شواءب او اهتزاز ، ولو اتكرر الموضوع معاك حاول توديه الصيانة فحص دايرة الشحن
لو سمحت أنا بيحصل مشكلة فى الموبيل عند أستخدام الفيس بوك أو المتصفح جوجل كورم بيقفل مرة وحدة أو عند أستخدام فيديو بيقفل دون سابق أنذار
امسح اعدادت تطبيق كروم والفيس بوك من خلال الاعدادات—- التطبيقات —- اختار التطبيق —- مسح البيانات
‘ التليفون بيهنج بطريقه فظيعة لا تطيق بقي يهنج أكتر ما يستعمل حلو ياريت افاده اعمل ايه
لو مش عارف السبب او التطبيق اللي عامل المشكلة وقت التهنيج يبقي خد نسخة من البيانات والحاجات المهمة واعمل اعادة ضبط المصنع
سعر هاتف قراند برايم بالدولار كم
وهل بوجد منه اعادة تصنيع او لا
سعرة 180 دولار
هو لسه بيتم تصنيعه واصداره عادي وفيه ايضا نسخة Galaxy Grand Prime Neo
اريد ان اسأل عن هذا الهاتف اي صناعة افضل الصناعة الفيتنامية ام الصناعة الصينية
الناس بتفضل الفيتنامي علشان الصيني ممكن يبقي فيه تقليد تغيير في الخامات ، حاليا مش بتفرق كتير طلما الاهم ان الموبايل يكون معاه ضمان سامسونج او وكيل سامسونج
افضل طريقه لشحن البطاريه والجهاز مقفول ولا مفتوح
مفيش فرق ، بس للشحن الاسرع يبقي وهو مقفول
المتجر مش راضي يفتح والصور في فيسبوك لا تفتح
ايه الرسالة اللي بتظهرلك ؟
انا عندى جراند برايم بقاله 3شهور بس الكاميرا باظت وبعتها للتوكيل الكاميرا اتغيرت واشتغلت تانى بس بعد اسبوع الكاميرا عطلت تانى وللاسف زمايلى حصل معاهم نفس المشكلة
لو العطل في الهاردوير يبقي مفيش قدامك غير انك تروح التوكيل مرة اخري والتصليح يبقي علي حسابهم طلما الوضع كدا
لو سمحت دلوقتي لو انا رحت الصيانه وعملت ل موبيلي سوفت الضمان هيروح ولا ايه ؟؟؟؟
لو الصيانة في سامسونج او مركز معتمد يبقي مفيش مشكلة ، لكن لو في مكان مش تبع الضمان يبقي الضمان هيقف
لو سمحت انا معايه سامسونج جراند برايم
الجهاز بيهنج مني جامد ممكن اعرف السبب
انا مش منزل برامج عليه
الاسباب ممكن تكون اكتر من شئ ، حتي لو مش منزل برامج ممكن يكون برنامج مثبت مسبقا عمل تحديث لنفسه وبقي سبب مشاكل
عموما خد نسخة من البيانات والصور واعمل اعادة ضبط المصنع بحيث يرجع الموبايل لحالته الاصلية ، اما لو استمر التهنيج بعد كدا يبقي حاول تروح اقرب مركز صيانة وتعمل تغيير للسوفت وير
من فضلكم ارجوا افادتي عن ان جهازي جراند برايم دايما يفقد الاتصال بالشبكة اثناء فتحة مما اضطر الي اعادة تشغيلة حيث انه بيكون خارج الخدمة اثناء اتصال الاخرين علي
للتكرم بافادتي بالحل مع الشكر
حاول تجرب شريحة شبكة آخري لو نفس المشكلة يبقي وديه الصيانة للفحص
لو سمحت انا بحط البرايم ع الشاحن و الجهاز بيقولى عفوا يتعذر شحن الجهاز يجب استخدام شاحن و بطاريه من سامسونج او افحص وصله الشاحن مع انى متأكد من وصله الشاحن
لو لسه جديد اتاكد من الشاحن والبطارية انهم اصليين
وحاول تجرب توصله بالكمبيوتر لو نفس المشكلة يبقي وديه الصيانة للفحص
انا لسه هشترى موبايل سامسونج جراند برايم فهل هو حلو ولا لا و سعره فى مصر بكام؟؟؟
جراند برايم موبايل متوسط وجيد للاستخدام اليومي ، سعر في مصر حوالي 1400 جنيه
لو سمحت انا محتار بين الموبايل ده و sony xperia e4
وعايز اعرف أنهي افضل وهل فعلا السامسونج بيهنج ويسخن كتير ؟
samsung galaxy grand prime احسن وفي نفس الوقت اغلي في السعر شوية ، هو عامة موبايلات اندرويد بتهنج مع الوقت لكن ممكن تعمل اعادة ضبط المصنع والامور ترجع كويسه
انا عندى بحطه ع الشاحن مش بيشحن بس لما اعمله اعاده تشغيل بلاقيه شحن ممكن اعرف ايه السبب
لازم فحص الموبايل الاول علشان اقولك ، لكن غالبا مشكلة بسيطة في سوكت الشحن حاول تتاكد انه ثابت وتشوف هل بيحصل نفس الوضع لما توصله بالكمبيوتر ولا ايه ؟ ، وبرضو اتاكد ان مفيش تطبيق غريب او مجهول المصدر شغال
مش عاوز يفتح معي اليوتيوب والقوقل بلي
امسح الcache بتاع التطبيقين دول عن طريق sittings — apps– — اختار التطبيق — clear cache
اضاءة زر الرجوع والقائمة في اسفل الجهاز لا تعمل
حاول تغير ضوء الزراير لو هي on خليها off وبعدين on تاني في الاعدادات ….
menu>settings>display>touch key light duration
لو استمرت المشكلة يبقي حاول تروح الصيانة
انا جبت هاتف كران برايم جديد بس احيانا عم يعطيني خطأ بيكتبلي (تم ايقاف واجه النظام) وفي مشكلة تانية بلوحة المفاتيح بعض الاحرف وخاصة الي بالاطراف صعب لمسها يعني لازم اضغط عليها بدقة وبصعوبة حتى وقت بدي كرر الخرف اكتر من مرة كتير بلاقي صعوبة
حاول تتاكد من التطبيقات اللي عندك وان مفيش تطبيق مجهول المصدر بيعمل مشكلة ، او تاخد نسخة من البيانات وتعمل استعادة ضبط المصنع
بالنسبة للوحة المفاتيح هي فعلا صعبة في الاول لكن هتتعود عليها مع الوقت ، وحاول تكتب وانت ماسك الموبايل بالعرض وليس بالطول بحيث تكون الازرار كبيرة شوية
ما وظيفه الاضواء التي بجانب الكاميرا الامامين
دا مستشعر اقتراب الاذن من السماعة proximity sensor ، وهو عبارة عن مستشعر الضوء عند تغطيه السينسور او قربه من الاذن عند المكالمات الشاشة بتقفل ودا علشان لا تضغط علي حاجة غلط اثناءالمكالمة
سعره في مصر من غير الضمان بكام ؟؟
سعر سامسونج جالكسي جراند برايم من بدون ضمان حوالي 1200 جنيه
ظهرت رسالة فشل في إيجاد الخادم عند تشغيل الكاميرا ارجو إيجاد حل معي سامسونج جراند برايم
قم بغلق الجي بي اس ، ثم قم بالذهاب الي ضبط ثم التطبيقات ثم اختبار تطبيق الكاميرا و الضغط علي الايقاف ، وقم باعادة التشغيل
لو سمحت انا اشتريت من حولى شهرين بس البطاريه بتخلص بسرعه جدا مش بتكمل ساعتين وكمان البلوتوث مش بيستقبل ولا بيبعت خالص
جرب تستقبل وترسل ملفات من انواع مختلفة لو البلوتوث بيرفض كله يبقي اذهب للصيانة نفس الشئ بالنسبة للبطارية فحصها هناك
لكن ممكن تجرب ارشادات تقليل استهلاك البطارية زي تقلل سطوع الشاشة و تقفل التطبيقات اللي مش محتاجها ، وتقفل النت والبولوتوث والجي بي اس عند عدم استخدامهم
جالكسي برايم هل لديه ضو بجانب الكاميرا الاماميه
لا يوجد فلاش امامي في جالكسي جراند برايم
لو سمحت
الموبايل عندى مش بيغير اللغه اثناء الكتابه بيدى مسافه بس مع انى مسجل لغتين عربى وانجلش
حرك صباعك علي المسافة مش تضغط عليها
ادخل ع الضبط ثم امكانيه الوصول ثم الغي كل الخدمات هيشتغل معاك تبديل اللغات
انا معايا الموبايل و الحمد لله شغال كويس بس
اما با اصور صوره او فديو بلاقى مساحتهم كبيره اوى
ممكن حل للمشكله دى
هو ممكن تقلل المساحة بس لازم هتقلل وضوح الصور اوالفيديو ودا من خلال الاعدادات picture size او حجم الصورة بتخليه اقل من 3264 في 2448 ونفس الشئ لحجم الفيديو بتخليه اقل من 1920 .1080x
او طريقة تانية بالنسبة للصور ممكن تنقلها للكمبيوتر وتغير حجمها ببرنامج paint
شكرا اخي غلبتك
اخوك محمد من فلسطين
العفو اخي الكريم اهلا بيك وبكل اهلنا في فلسطين
مرحبا لو سمحت انا شريت الجهاز جديد ومشكلتو التعليقات بغلبني كثير ايش بتنصحني اعمل اعملتلو ضبط مصنع ورجعت نفس المشكلة ولا يوجد عليه برامج يا ريت ازا في حلول تجاوبني وشكرا
لو عملت ضبط مصنع واستمرت المشكلة يبقي توجه لمركز صيانة يعمله تحديث لنسخة الاندرويد او لو انت محدثه لاخر حاجة ترجع للنسخة السابقة بحيث تكون مستقرة
السلام عليكم
اشتريت هاتف جرند برايم منذ ايام و عندما اضعه في الشاحن
تصبح الشاشة الوان و تبقى على ذلك الحال لا تنطفاء طوال فترة الشحن .
حاول تروح المكان اللي اشتريته منه طلما لسه جديد ، او الضمان غالبا عيب صناعة في الشاشة بس مقدرش اقولك بالضبط من غير فحص الموبايل نفسه
شكرا لكم تم حل المشكلة
العفو واهلا بيك في خمس خطوات
هو فيه تسجيل مكالمه ولا لا
اه ممكن باستخدام تطبيقات تسجيل المكالمات عادي
هل الشاحن صينى ولا فتنام
هو الموبايل كله بالسماعة والشاحن يااما صيني يا اما فيتنامي ، لو في مصر معظم موبايلات سامسونج صنع الصين
انا لسه جيباه جديد حولت برامج بالبلتوث مش راضى يحملهم الا بالنت حاولت انزلهم من الجوجل بلاى من وصله البيانات بيقول خطا ف الخادم.حد يساعد هى بسرعه
حاولي تضغطي التطبيقات وبعد كدا تنقليهم بالبلوتوث او ممكن مباشرة بتوصلي الموبايل بالكمبيوتر
لوسمحت انا لسه مشترايه جراند برايم اول امبارح بس اكتشفت ان البطاريه مش بتكمل اليوم وبتخلص بسرعه ممكن اعرف ايه السبب او هيه المفروض بتعد اد ايه
البطارية بتقعد يوم الي يوم ونص مع الاستخدام المتوسط ، لكن في حالة استخدام النت والالعاب بكثرة مش هتكمل معاك يوم ، ودا الحال في معظم الموبايلات حاليا
حاول تقلل سطوع الشاشة و اقفل التطبيقات اللي مش محتاجها و لو مش بتستخدم البلوتوث والواي فاي اتاكد انهم مقفلوين
لو مطبق الكلام دا وشاكك في البطارية نفسها فيها حاجة يبقي الافضل التوجه الي مركز صيانة لفحصها
مشكلتي. مع التلفون ان كل حاجه معكوسه
ممكن توضح اكتر يعني قصدك الرسائل وتصفح النت ولا ايه ؟
لو سمحت … دلوقتي انا اشتريت جراند برايم مستعمل بس فيه مشكله اكتشفت ان صاحبه كان بيحول يعمله روت ومنزل برنامج super user انا لغيت الروت و عملت الغاء تفعيل لبرنامج super user لانه طبعا مش ينفع يتشال … بس وجود السوبر يوزر علي الموبيل ده مضايقني علي الرغم من انه غير مفعل ….. تنصحني انزل روم رسمي ولا احتفظ بالموبيل علي حاله ده ؟؟؟؟ … علشان بس فيه ناس قالتلي لو نزلت اي روم ولو رسمي عمره ما هيبقي زي الروم الاساسي الي علي الموبيل …. اسف علي الاطاله … وارجو الرد سريعا
مش هتفرق كتير في النهاية ال رووت او السوبر يوزر بتيح صلاحيات وتطبيقات اكتر ليك
المشكل في الروم انه مش بيبقي معالج الثغرات والمشاكل مع التطبيقات زي الروم الرسمي او اللي من سامسونج مباشرة ، الافضل تتعامل مع الحاجة الرسمية علي المدي الطويل ، ولو عايز تجرب اي روم عادي ممكن بس تخلي بالك انه مع اي تطبيق مش متوافق هيحصل مشاكل
يعني لو نزلت روم رسمي من موبيلي سام هيبقي زي الروم الي نازل مع الموبيل بظبط ولا هيبقي فيه اختلاف ؟؟؟؟
اه وعامة لو رحت اي مكان صيانة ومثلا طلبت ينزل نسخة اندرويد اقدم دا اللي بيعمله انه ينزل الروم الرسمي ، انا كنت فاكرك بتسال علي الروم المطبوخة اللي بتبقي في المنتديات لكن الرسمي بتبقي مش ملعوب فيها و متوافقة مع معظم التطبيقات
المشكله ان السوبر يوزر مش عايز يتمسح خالص مش عندك طريقه امنه امسح بيها البرنامج ده ؟؟؟؟
فيه طريقة كدا بس انا مجربتهاش قبل كدا انك تستخدم الروت اكسبلورار وتمسح superuser.apk من /system/app وبعدين تسطب ال سوبر يوزر تاني وفي المرة التانية تستخدم الروت اكسبلورار علشان تمسحه السوبر من /system/bin ، وفي الاخر تمسح السوبر يوزر من الماركت
Use root explorer and delete superuser.apk from the /system/app folder. Go to the Android market and download and install super user. Use root explorer again and delete su from /system/bin. Go to the market and uninstall super user. (if it keeps saying uninstalling for 1 min or more restart phone and it should be gone)
السلام عليكم افكر ان اشتري جراند برايم
لاكن لااعرف ان كان جهاز لايتوقف عند تشغيله
ماذا تنصحوني هل اشتري جراند برايم
وشكرن لكم
جراندد برايم جيد بالنسبة لسعره ، مع الالعاب الكبيرة ممكن يتوقف اه ، لكن لو استخدامك متوسط هو هيبقي مناسب لك
أنا اشتريت جالكسي جراند بريم من أسبوع شكله أنيق ومريح فالاستعمال وبطريقة بدوم مدة طويلة والصور كتير واضحة عجبني كتير
الف مبروك عليكي وشكرا لمشاركتك معانا
انا سائل عليه غي موقع موبيلك ١٤١٩ جنيه مصري
اشتريت موبايل جراند برايم وقعد اسبوع ونور الفلاش بقى ضعيف ممكن الرد
طلما في الضمان ممكن يتصلح علي حسابهم
مشكلة تانية لو سمحت البطارية قعدت يومين بتسرب الشحن لوحدها وبعد كدة رجعت عادية تانى هل لو الموبايل بيحاول يبحث عن شبكة ف مكان مفهوش شبكة ينقص من الشحن ولا اية السبب شكرا
العفو واهلا بيك ، حاول طلما هتروح الصيانة بالمرة يعمل فحص للبطارية ودايرة الشحن ، لكن طلما رجعت سليمة تاني ممكن تكون سيبت تطبيقات مفتوحة او اي شئ اخر استهلكها زي البلوتوث او الواي فاي او غيره ، اه البحث بيستهلك شحن بس مش للدرجة الكبيرة يعني لان مفيش تبادل او نقل بيانات كتير زي استخدام الواي فاي نفسه
الجراند برايم حلو جدا وممتاز استعملته وكان الافضل
سلام عليكم
انا اشتريت جراند برايم من فترة اسبوع
هلق عم افتح الكاميرة عم يكتبولي خطأ في الخادم
ممكن اعرف شو الحل?
وعليكم السلام ورحمه الله وبركاته
اعمل استعادة لاعدادات الكاميرا الاصلية من خلال — الاعدادات — التطبيقات — الكاميرا — مسح البيانات
الذاكره او لايوجد مساحه على الجهاز حاولي تنزعي الميموري كارت
انا راح اشتريه وبعد التعليقات بقيت متردد
هل يوجد حظرمكالمات ولو وجد كيف تعمل
فيه من خلال التطبيقات هتلاقي امثلة كتير زي ” Call Blocker Free – Blacklist ” و “Call Control – Call Blocker”
كم سعر الجراند ماكس؟
حوالي 2300 جنيه او برا مصر ب 300 دولار
اديش سعر Z2في سورية
مش عارف بالضبط لكن عامة هو سعر سوني Z2 عالميا 400 دولار
لو سمحت انا اشتريت موبايل جراند بريم من يومين شكله مختلف والاندرويد بتاعه5.1.1 مع العلم انو4.4.4 هو اصدار جديد ولا تقليد
جراند بريم نزلو تحديث اندرويد لوليبوب 5.1.1 الشهر اللي فات اغسطس
انا اشتريت الجهاز الغراند برايم من 3 ايام سعرو مناسب بالنسبة لميزاته كتير حلو وبطاريتو خارقة بس بدي اسأل مديرالصفحة لوسمحت شو الفرق بالتصنيع اذا كان فيتنامي او صيني يلي معي فيتنامي هل هو افضل
الف مبروك عليك ، عامة التصنيع في فيتنام احسن من الصين ، لكن المهم في النهاية ان يكون معاه ضمان وكيل سامسونج لان سواء الصين او فيتام المصنع بيبقي بادارة سامسونج
ايهما افضل قراند برايم ام قراند نيو بلص
جالكسي جراند برايم افضل في المواصفات الداخلية لكن اغلي شوية في السعر من جراند نيو بلس
سعر الجرند بريم خط واحد ةالشبكة 4g
جراند برايم 4g سعره حوالي 190 دولار او 1600 جنيه
انا كنت هشتري سامسونج جراند برايم بس لقيت ان الsony Z2افضل فاشتريته…
الف مبروك عليك :)) هو طبعا sony z2 افضل وفي نفس الوقت اغلي في السعر لا يقارن بالجراند ، ابقي تابعنا في صفحة موبايلات سوني علي خمس خطوات
سعر الموبايل بكام ف مصر ؟؟؟
حوالي 1400 جنيه
ياترى الجراند بريم افضل ولا اس ترى نيو
والافضل فى الصناعه القيتنامى ولا الصينى
اس ثري نيو افضل لكن حاليا مش موجود في مصر اوي ، جراند برايم افضل في نقطة انه ارخص في السعر
انا كنت راح اشتري بس قرأة التعليقات بطلت بس شفت الجرائد احسن
انا لما بفتح الواي فاي بيقعد 5 دقايق مهنج و بعد كدا يشتغل كويس
لو التطبيقات بتعمل تحديث تلقائي وقففه من جوجل بلاي
بعض الالعاب بتعمل تحدث لل notifications او الاشعارات وقفها برضو
لو نفس المشكلة مستمرة حاول تشوف عندك التطبيقات اللي ليها علاقة بالنت او بتحمل لما تفتح الواي فاي وتوقفها واحد ورا واحد لحد ما تعرف مين اللي عامل المشكلة
هوا جميل وكل حاجه بس بيجيب فوق كده لوحدة اني الخطوط اتشالت علمه اوف وحترجع لوحديهااااا ممكن المساعده
الجهاز معايا من أسبوع وبيسخن وأنا فاتح نت ووأنا مشغل العاب
دا عادى ولا ايه
لو سخونة محتملة عادي ، لكن لو غير محتملة بمعني انك مش عارف تستخدمه يبقي وديه الصيانة للفحص
انا كنت ها اشتري الموب ده بس بعد اللي لقيته ده انا مش ها اجيبه
سواء الموبايل دا او غيره حاول تجرب وتحكم بنفسك مش بكلام الناس
مرحبا التلفون جميل
بس نقطة الاتصال مابتبث بتعطي بث وهمي شو الحل
انا هاجيب تليفون جرند بريم حلو ولا ايه
اه حلو ومناسب لسعره
موبايل ممتاز جدا
شكرا لمشاركتك معانا
كيف أشغل لوحة مفاتيح آلكراند بريم
عند الكتابة سواء في المتصفح او في الرسائل لوحة المفاتيح بتظهر لوحدها ، لو مش شغاله معاك حاول تعمل ريستارت للجهاز وتجرب تاني
وانا اللي كنت هشتريه ايه التعليقات دي
بيسخن وصوته واطي كمان وبيهنج دي حاجات لا تحتمل طبعا
معظم التعليقات بتبقي علشان واحد عندو مشكلة ، قليل اوي اللي هيدور ويدخل يكتب تعليق يقول الموبايل سليم وحلو ، عموما حاول تجربه بنفسك قبل الشرا وتحكم
لو سمحت كيف اشغل خدمة الحركة والإشارة في Galaxy Grand Prime انى لم اجدها
لو قصدك علي air gesture لا فهي مش موجوده
أنه صوت واطي و بتعلق على الألعاب تبع النت ليش
حاول تجرب تطبيق اخر للاغاني او صوت لو نفس المشكلة وديه الصيانة للفحص
بالنسبة للتعليق حسب اللعبة ممكن متكونش متوافقة مع الموبايل ، وبالنسبة للتعليق علي النت ممكن السبب يكون في سرعة النت ؟ فحاول تراجع مواصفات اللعبة وشوفها متوافقة مع الموبايل ام لا
الجهاز معايا من يومين و بيسخن جدا و البطارية بتخلص بسرعة بمجرد الاتصال دون الدخول على النت او فتح تطبيقات . ارجو المساعدة
لو سخونة غير محتملة يبقي وديه الضمان لان كدا يبقي عيب صناعة ، او لو مفيش ضمان يبقي شوفي المكان اللي اشترتي منه ، العيب ممكن يبقي من البطارية او دائرة المعالج لانه بيبقي مصدر الحرارة هو او البطارية
اما بفتح نت بيهنج والشاشة بتسخن لازم اعملو ريسترت
حاول تجرب متصبح نت اخر زي اوبرا او غيره ، لو نفس المشكلة وبيسخن برضو في الكالمات والالعاب يبقي وديه الضمان للفحص
الموبايل كويس جدا العيب اللي فيه الصوت واطي
الصوت واطي بس بشكل عام الموبايل كويس
الموبايل دة انا مشترية بقالي20يوم اول مبشغل بينات الهاتف(النت) بيهنج جامد وبيسخن حتي لما بتكون الشاشة مطفية ولازم اقفل الموبايل واشغلو تاني ثانيا اسم الموببايل جاي سامسونج جراند ذذذذذذذذذذذذ. وانا شكيت انو يكون مستعمل قبل كدة؟؟ الرجا الاهتمام
لو بيسخن بالطريقة دي يبقي وديه الضمان ، لو شاريه من غير ضمان يبقي حاول تتفاهم مع المكان او اللي اشتريته منه ، لان كدا يبقي عيب صناعة ويا اما يتصلح علي حسابهم يا اما يغيروه
هو الصراحه ممتاز بس ليه لما نكتب على لوحه المفاتيح وناخد مسافه الكلام بيتغير *وحاجه كمان لو التليفون اتخبط خبطه صغيرة بيفصل على طول مش زى اى تليفون
هو اول نقطة مش فاهم قصدك ، لو قصدك الكلمة نفسها بتتغير لكلمة تانية ، دا لانه بيبقي عارض كلمات مقترحة انتي بتختار منها الكلمة اللى عايزها ، لما بندوس مسافة فالتطبيق بيختاري اقرب كلمة ، فانتي عودي نفسك علي اختيار الكلمة من اللى بيظهرك او وقفي الخاصة نفسها من التطبيق
تاني نقطة اتاكد ان البطارية ثابتة والغطاء محكم الاغلاق ولو مهزوز او البطارية بتتحرك يبقي الافضل الذهاب للصيانة
لا بصراحة الموبايل كويس كتييير وممتاز بخصوص البطارية وحجم الموبايل حلو كتيير
شكرا لمشاركتك معانا ، احنا بس ذكرنا نقطة الحجم علشان فيه ناس بتتفاجئ اما تجي تشتري موبايل سامسونج لاول مرة
عندي جوال كراند برايم عم اشحنو طول اليوم وما عم يعبي بحط البطارية بجهاز تاني بتطلع فل شو الحل
علي حسب كلامك العيب في الموبايل نفسه ، الافضل التوجه لمركز صيانة يفحص دائرة الشحن الموبايل ، و مكان اتصال البطارية بالموبايل وهل يوجد عطل او كسر ، هم عندهم الادوات اللازمة للفحص ، وان شاء الله تكون بسيطة
علي حسب كلامك العيب في الموبايل نفسه ، الافضل التوجه لمركز صيانة يفحص دائرة الشحن الموبايل ، و مكان اتصال البطارية بالموبايل وهل يوجد عطل او كسر ، هم عندهم الادوات اللازمة للفحص ، وان شاء الله تكون بسيطة
التليفون بيهنج بستمرا وصوته واطي وبطاريه بتخلص بسرعه
حول تعمل اعادة ضبط المصنع بالنسبة للبطارية لو بقاله فترة طويلة حاول تغيرها