سوني اكسبيريا سي 4 هو استكمال لسلسلة سوني اكسبيريا سي الشهيرة والهاتف الذكي سوني اكسبيريا سي 3 الشهير ويأتي sony xperia c4 dual محاولة من سوني لتجديد لسلسة سوني اكسبيريا سي ، واضافة عدد من المميزات الجديدة عن اكسبيريا سي 3 مثل الكاميرا الخلفية الاحدث ، و المعالج القوي وايضا التصميم و حجم الشاشة كلها سوف نستعرضها معكم في خمس خطوات وشرح وافي لمميزات وعيوب سوني سي 4 Sony Xperia C4 Dual ….
مميزات سوني Sony Xperia C4 Dual بالتفصيل
1- شاشة كبيرة الحجم واكثر من كافية لمحبي القراءة من الهاتف ومشاهدة الافلام والالعاب بمواصفات عالية … 5.5″ IPS LCD, 1080 x 1920 pixels, 401ppi
2- الكاميرا الخلفية 13MP وهي اهم تحديث عن sony xperia c3 حيث كانت الكاميرا 8 ميجا بيكسل فقط ، وتستطيع كاميرا Sony Xperia C4 Dual التقاط صور بدقة عالية وبدون مشاكل او شوشرة في الصور مثلما كانت الشكوي من سوني سي 3
-وايضا بالاضافة الي كاميرا امامية 5 ميجا بيكسل مع وجود فلاش امامي لالتقاط اوضح صور سيلفي.
3- الهاتف الذكي Sony Xperia C4 Dual مزود بروسيسور Mediatek MT6752 ثماني النواة يقدم اداء جيد وثابت بجانب وجود 2 جيجا رام ومساحة داخلية 16 جيجا وامكانية اضافة كارت ميموري لزيادة المساحة.
– وفي Sony Xperia C4 Dual نجد انه مزود بشريحتين نانو سيم يعملان معا dual stand-by
4- نظام تشغيل Xperia C4 Dual او نسخة الاندرويد علي سوني سي 4 هي Android 5.0 Lollipop وقابل للتحديث للنسخ الاحدث من اندرويد في المستقبل
5- بطارية Sony Xperia C4 Dual بقدرة 2,600mAh قوية وتقدم اداء جيد خلال اليوم لكنها غير قابلة للازالة.
عيوب Sony Xperia C4 Dual بالتفصيل
– شاشة Sony Xperia C4 Dual ليست محمية بطريقة كافية من هواتف سوني الحديثة ، لكن عامة شاشة سوني سي 4 محمية ضد الخدوش والصدمات البسيطة او ما يسمي Scratch-resistant.
– كما ذكرنا اعلي ان بطارية Sony Xperia C4 Dual غير قابلة للازالة بواسطة المستخدم
– موبايل Sony Xperia C4 Dual مصنوع من البلاستيك ، والغطاء الخارجي سهل التأثر بالاتربة لذلك يجب الحرص او شراء cover او جراب للموبايل.
– سعر Sony Xperia C4 Dual في بداية الاصدار ربما يكون مرتفع ، لكن هذه عادة سوني في معظم هواتفها عند الاطلاق ومع الوقت سينخفض سعر سوني سي 4 قريبا ، وحاليا في شهر يوليو 2015 سعر Sony Xperia C4 Dual بالدولار 400 دولار ، اما سعر سوني اكسبيريا سي 4 بالجنيه المصري حوالي 3000 جنيه.
كلمة اخيرة حول Sony Xperia C4 Dual
اخيرا بعد مراجعة سريعة لمميزات وعيوب هاتف سوني الذكي الجديد Sony Xperia C4 Dual ، نجد انه صاحب اداء عالي وجيد في التعامل مع التطبيقات والالعاب ، و بالنسبة لكاميرا Sony Xperia C4 Dual فاداءها قوي في الاضاءة الجيدة والمنخفضة ، بجانب وجود كاميرا امامية عالية بوضوح 5 ميجا بيسكل وفلاش امامي ، وSony Xperia C4 Dual يعتبر اضافة قوية لسلسة سوني اكسبيريا سي .
لكن كما اوضحنا لكم علي خمس خطوات فان سعر Sony Xperia C4 Dual ربما يكون عائقا في بداية اطلاقه لشراءه ، لكن كما حدث مع شقيقة الاكبر سوني اكسبيريا سي 3 والذي انخفض سعره واصبح في سعر متناول للجميع.
تعرف من هنا علي عيوب ومميزات سوني اكسبيريا سي 3 بالتفصيل
في موقع خمس خطوات ، نقدم لكم متابعة جيدة للشأن المصري والعربي والعالمي ، والاخبار السياسية والاقتصادية والبنوك في مصر والوطن العربي اهم النصائح والارشادات ومتابعة جيدة للتطورات الجارية.
عندي سوني سي4 عملت الو ضبط مصنع وطفي وعملتلوا سوفت وير يوصل الى 80% ويوقف شو الحل وشكرا لكم
لو يمحت التاتش بيعلق وبتوع الصيانه قلولي لو غيرته هيعلق تاني صح الكلام دة؟
اي افضل سي 4او سوني l1
سوني سي 4 افضل من ناحية وضوح الشاشة والسرعة بشكل عام
سوني L1 افضل في تحديث نظام الاندرويد والبطارية والسعر ارخص من سي 4
انا معايا سي فور و عندي مشكلة ان طول ما الموبايل بايدي او ع المكتب و بشتغل عليه بيفضل شغال لكن لو سيبته كده من غير ما اشتغل عليه بيعمل ريستارت لوحده ؟ ده عيب سوفت وير و لا ايه بالظبط ؟
شكرا
التليفون c4 ينخفض البطارية فئ اسرع وقت اعمل اية
حاول تقلل سطوع الشاشة وتحدث التطبيقات الموجودة عندك خصوصا اللي بتستخدمها كل يوم
اما لو الموضوع استمر او الشحن بيقل لوحدة دون استخدام يبقي البطارية فيها مشكلة ولازم تتغير
لو سمحت انا جوالي سوني c4 و انا عاوز اشتري نضارة vr و معرفش اذا شغالة عليه ولا لا
شوف مواصفات النضارة نفسها و محتاجة شاشة موبايل بابعاد ايه و قارنها بابعاد ومواصفات شاشة السي 4 عامة وضوح شاشة مناسب لمعظم نضارات ال في ار هي 1080 في 1920 pixels
السلام عليكم… انا امتلك هاتف c4 عندما اصور بالكاميرا الخلفية اجد بهتان خفيف ف الصورة ما ادري ليش…..ارجو الافادة بسرعة قبل ما اكسرة….
وعليكم السلام ورحمه الله وبركاته
حاول تغير اعدادات الكاميرا حسب اضائه المكان او تستخدم الفلاش
ولو بتستخدم كفر او فيه شئ مغطي رؤية الكاميرا حاول تجرب التصوير من غيره وشوف فيه فرق ولا لاه
ايهما افضل سوني c4 او سوني xa
سوني Xa افضل من ناحية المواصفات الداخلية و التحديثات
ميزة سوني سي 4 عنه هو انه اكبر في حجم الشاشة وان فيه فلاش امامي
لو سمحت سوني C4 عامل كام دلوقتي وال z2 عامل كام دلوقتي
سوني سي 4 دلوقتي ب 3550 جنيه حسب اخر تحديث شهر ابريل 2017
اما سوني زد 2 صعب تلاقيه حاليا لكن ممكن تشوفي في شارع عبد العزيز هو في حدود 4300 جنيه
هو صحيح البطاريه غير قابله للتغير يعني لو باظت ايه الحل وهو مش ضد الميه
بيتم تغيرها في اي مركز صيانة عادي ، لا مش ضد المية
يعطيكم العافية
انا جوالي c4 اتحدث النظام من يومين وبعد التحديث ضو الليد مابقا يشتغل بالتطبيقات غير وقت اشحن بضوي احمر اما اذا وصلني مسج او واتس ماعاد يضوي ابدا وبحثت كتير بالضبط مالقيت شي بخص الضو لو سمحتو شو اعمل؟؟؟
لو مش موجود عندك حملي تطبيق Illumination Bar Notification من خلاله ممكن اعادة تخصيص ضوء الليد حسب كل تطبيق
السلام عليكم
لو سمحت انا شريت جوال سوني سي فور وتقريبا بعد اسبوع السماعة بطلت تشتغل يعنى لما بكلم اي حد لازم اعمل مكبر صوت… وين المشكلة بتكون!
وهل فعلا لو صار عطلت بالشاشة الخارجية فقط انكسرت يعني لازم يغيرو الداخلية والخارجية ولا ينفع تتغير الخارجية بس!
وعليكم السلام ورحمه الله وبركاته
هل المشكلة حصلت بعد استخدام تطبيق معين ؟؟ اصل بعض التطبيقات ممكن بتتحكم او تمنع صوت السماعة اثناء المكالمات ، حاول تراجع التطبيقات خصوصا اللي ليها علاقة بالمكالمات او الموسيقي
بالنسبة للشاشة حسب الكسر او المشكلة فين بالضبط دي اللي بيشوفها الفني بعد ما يفتح الموبايل صعب يحكم من الخارج
لوسمحت عندي سؤالين….
1-هل يتعطل الجهاز اذا تعرض للماء والاتربه؟؟!
2-من فين القى كفر للجهاز؟!! دورت بكل المحلات والمكاتب بس مالقيت
اريد رد سرييع…. وشكرا عل الموضوع المفيد ♨
1-لا يوجد حماية ضد الماء والاتربة ، لكن عامة يعطل ام لا حسب نسبة الماء و سرعة تجفيف الجهاز ، وعامة لو لا قدر الله الجهاز وقع في الماء مش لازم نشغله مباشرة نجففه ونركه نص يوم وبعد كدا نرجع نشغله
2- حاولي تدوري في وسط البلد في شارع عبد العزيز ، لو ملقتيش خاصة شوفي اي كفر او جراب مناسب لموبايل اخر بنفس الحجم والشاشة 5.5 بوصة
الشاشة غير محمية الاطار يتعرض لشروخ صغيرة وبالخص قرب زر التشغيل مما يؤدي الى تصرف غريب اثناء العمل بحيث يعتقد الشخص ان التاتش خربان
بالاضافة الى ارتفاع كبير في الحرارة
وما تبقى هائل
بعد احدى عشر شهر تجربة
الشروخ التي تتحدث عنها غالبا ما تحدث بسبب الضغط الكبير عند وضع الهاتف داخل جيب بنطال ضيق
الضغط + انحناء منطقة الفخذ هما سبب هذة الشروخ .
اما الحرارة فالغالب الان في الاجهزة الحديثة ارتفاع الحرارة .
شحنه بيفضي بسرعه الطبييعي المفروض قد ايه ‘المتوسط’
في الاستخدام المتوسط حوالي يوم او ما يساوي 7 ساعات استخدام نت متواصل او 5 ساعات فيديو متواصل
حاول تقلل سطوع الشاشة وتطفي الجي بي اس والبلوتوث وقت عدم استخدامهم وشوف هل فيه فرق ولا لاه ، لو لسه البطارية بتخلص بسرعة يبقي وديه الصيانة للفحص
الجهاز قوي وبيعمل معايا تصفح انترنت ثري جي 7ساعات ونصف ……مع انهم قالولي قبل ما اشتريه انه ما بيعمل غير خمس ساعات في التصفح….. الجهاز ما بعلقش و انا شايفو بديل للسوني z و اخوانه …… شكرا لكم .
شكرا لمشاركتك معانا ، عامة عدد ساعات الاستخدام او التصفح بيبقي متوسط مش رقم بالضبط يعني ممكن زيادة او نقصان و كلامك سليم هو بديل قوي لسوني z و سوني زد 2
لو سمحت دقه الشاشه قويه ام لا
وسريع ولا بيهنج
الشاشة عالية الوضوح full HD 1080 x 1920 pixels
مفيش تهنيج الا في حالات بسيطة لو التطبيق او اللعبة مش متوافق مع نسخة النظام زي ما الاخوة وضحوا في التعليقات
شتريت الجهاز من يومين جديد بس في مشكلة اوقات بيعلق شو السبب
لو بيعلق مع تطبيق معين يبقي مش متوافق مع نسخة النظام حاول تشوف اذا كان له تحديث او تمسحه وتنزله من جديد
شكرا لشركة سوني لانها الافضل دائما
انا معايه سوني سي 4 كل حاجه فى طبيعة معاد بس نسبه الشاحن اول متيجي عند 14% بتخلص في اقل من 3 دقائق ده طبيعي ولا
هي مشكلة بسيطة في سوفيت وير الخاص بعداد او مقياس البطارية في الرقم اللي بيظهرلك لكن مفيهاش ضرر فعلي بس بتبقي عامل حسابك في الشحن ، عامة لو الجهاز مش متحدث اعمله تحديث وممكن تنزل اي تطبيق خاص بمراقبة الاستهلاك والبطارية
هل موبايلات السامسونج أفضل من السوني ام العكس
حسب كل نوع موبايل لان في موديلات في سامسونج افضل من حيث التصنيع والكاميرا والمواصفات والعكس ممكن تلاقي اجهزة في سوني افضل فانت حدد اولا سعر او ميزانية وابدا قارن الاجهزة في السعر دا سواء سوني او سامسونج او غيره
السلام عليكم ممكن اعرف كيف اضبط المستشعر بتاع الشاشه عند الاتصال لان عند الاتصال الشاشه تبقه مفتوحه
وعليكم السلام ورحمه الله وبركاته
اتاكد ان مفيش حاجة مخطية الجزء اعلي الشاشة ناحية الكاميرا سواء الكفر او غيره
وفيه تطبيق اسمه Smart Care لفحص السينسور ويقولك المشكلة في السوفت فير ولا الهارد وير السنسور عايز يتغير
السلام عليكم دلوقتي الموبايل بتاعى somy c4 التاتش بيعلق جااامد والموبايل بيهنج بطلريقة غريبة جدا الكلام دا من اسبوعين وفي كسر فى اسكرينة الشاشة بسيط ودا كان من الاول بس مكانش فية ضرر
هل الجهاز بيعلق علطول ولا مع تطبيقات معينه ؟
لو مع تطبيقات معينة ممكن تحدثها او تمسحها وتنزلها مرة تانية ، او تاخد نسخة من الحاجات المهمة وتعمل اعادة ضبط المصنع
اما شاكك ان كسر الشاشة السبب او فيه تغير في لون الشاشة ناحية الكسر يبقي الافضل التوجه للصيانة
حاول بالضغط الخفيف لتقويم وضع الجهاز مع. الشاشة
المشكلة في اطارالتاتش والتاتش غير منزوع
انا معاي سوني سي 4 شغال تمام بس المشكله الوحيده نفاذ البطاريه بسرعه
حاول تقلل سطوع الشاشة ، وتقفل البلوتوث والجي بي اس وقت عدم استخدامهم ، لو فيه اي تطبيق بتستخدمه علطول مش محدث حدثه
لو استمر الوضع روح مركز الصيانة لفحص البطارية ممكن يكون مشكلة في الهاردوير
السلام عليكم كل عام وانتم بخير. انا معايا موبايل c3من حوالي سنه الجهاز شغال تمام ومفيش فيه غلطه لاكن من فتره بدا يظهر قايمه لقد توقفت صحف ومجلات جوجل بشكل دائم ارجو الرد وشكرا
وعليكم السلام ورحمه الله وبركاته
غالبا التطبيق مش متوافق مع نسخة الاندرويد او فيه مشكلة لما بيشتغل بيهنج فحاول تعمل تحديث للتطبيق هو اسمه “Google Play صحف ومجلات” لو مش بتستخدمه امسحه
سعر الجهاز الان ف مصر او اوروبا ؟؟ هل ليه اكسوزيرس متوفره ف مصر لان لم يسبق التعامل مع سوني قبل ذلك وكذلك اماكن الصيانه
سعر سوني سي 4 في مصر حاليا حوالي 2400 جنيه
متوسط سعره في اوروبا 320 يورو مع العلم ان معظم النسخ في اوروبا LTE 4G لكن في مصر هي 3G
اه اكسيسوراته موجودة في مصر لو ملقتش ممكن تروح وسط البلد او شارع عبدالعزيز في العتبه هتلاقي كله سواء الجراب او السكرينه
انا محتار اشتري c4 او m4 هم الاتنين تمام بس واحد ضد المياه والتاني وانا عاوز c4 اكتر بس مشكلته مش ضد المياة ارجو الرد؟
شوف حسب احتاجك انا اعرف ناس كتير معاها موبايلات ضد الميه سواء سوني او سامسونج بس مستخدمهاش في النقطة دي
اما بالنسبة للمواصفات فهم قريبين من بعض فيها عدا شاشة سوني سي 4 اكبر واكتر وضوحا
انا محتا ر اشتري سوني سي4ولا سوني سي5 اعمل ايه
لو السعر مش هيفرق معاك اشتري سوني سي 5 لانه الاحدث في المواصفات وسنة التصنيع بس هو اغلي في السعر من سي 4
في حاله الكسر هل يتم تبديل الشاشه. ً؟
حسب الشاشة كلها انكسرت ولا الجزء الخارجي فقط ؟ عموما توجه للصيانة لفحص الجهاز وشوف الوضع ايه
جهازي سوني سي 4 بستهلك طاقة كتير … ليه
ممكن يكون اكثر من سبب حاول تقلل سطوع الشاشة وتحديث التطبيقات لو استمر الوضع وديه الصيانة لفحص البطارية
شكرا لهذا الموقع بجد
ياريت موضوع العده C4 sony اللي بتسخن يكون الرد عليه مش مجرد ده ممكن يكون عيب صناعه لان الموضوع اتكرر مع كذا تعليق لاني نفسي اشتريه وفعلا عامل السخونه هو اللي واقف عائق امامي بس فانا عايز اعرف يعني ايه بيسخن بالضبط وعفوا علي الاطاله
العفو واهلا بيك
اصل هو مفيش رد اخر :)) نقطة السخونة دي بتتكرر في كل موديلات الموبايلات الحديثة مش سوني فقط و بتبقي عيب صناعة خصوصا لو السخونة غير محتملة ومفيش حل عملي غير الرجوع للصيانة
اللي بيحصل في السخونة ان البروسيسور او البطارية بيكون فيهم مشكلة والجزء المسئول عن امتصاص وتقليل الحرارة مش بيقدر يتعامل معاها بالتالي المستخدم بيحس بسخونة خصوصا قرب الكاميرا لانه دا عادة مكان البروسيسور في اجهزة سوني ، وبتكون سخونة غير محتملة يعني مش بيقدر يمسك الموبايل في ايده مش مجرد سخونة عادية بتروح وتيجي
وعيب صناعة مش معناه انه بيحصل في جميع اجهزة سوني سي 4 هي بتبقي نصيب ، وعموما علشان تتفادي الموضوع جرب كل شئ في الموبايل من اول الشاشة وحتي المكالمات والكاميرا قبل ما تمشي من مكان الشراء
ان الموبيل بتاعي c4ووقع في المية هو الجهاز ضدالمية ولاة اعمل اية
لا الجهاز مش ضد المية ، جفف الجهاز علي قد ما تقدر ، واتركه يوم او يومين في مكان جاف لحد ما يجف تماما و تجنب تشغيله قبل الفترة دي خصوصا لو شاكك ان الميه دخلت لمكان البطارية ، بعد اليومين جرب تشغله لو مشتغلش معاك وديه الصيانة بحيث يفك البطارية ويشوف الوضع ايه
لا مش ضد الماية بس ممكن تحطة فى رز نى بيقولو بيرجعو زى الاول
اه دا لو الموبايل وقع في الميه وعايزين نجففه الرز بيمتص الميه والرطوبة
انا ارغب بشراء c5 ولكن متردة بخصوص البطارية لو تعطلت و سخونة الجهاز المشتكى منها كثيرا بالاضافة انو لو تعرض ليفيروس نعمل ايه
بالنسبة للبطارية بيتم استبدالها في اي مركز صيانة مش مشكلة
بالنسبة للسخونة هي بتبقي عيب صناعة بتحدث بس مش دايما يعني مش مشكلة عامة
اما الحماية من الفيروسات علي الاندرويد ممكن تنزيل برنامج انتي فيرس ، مع الحرص في عدم تحميل ملفات غريبة المصدر او زيارة موافع مجهولة
انا الكاميرا بتاعي كل يومين تتعطل عطل غير معروف من الاستفاده
بجد بشكركم علي الصفحه المحترمه دي وإنتوا بتساعدونا كتير …ربنا يوفقكم
العفو ربنا يخليك وانا سعيد بمشاركتك معانا :))
انا جبته من شهرين ومعجبنيش فروحت ابيعه الراجل قالي عدسه الكاميرا الاماميه مش موجوده وانا مش فاكوه لما اشتريته العدسه كانت موجوده ولالا مش المفروض العدسه عموما تبقي متثبته كويس وانا استعمالي للموبابل كويس مش بيقع مني هل كده الموبايل ملهوش ضمان
هو فعلا غريبة لان العدسة بتبقي مثبته في الغطاء الامامي وصعب تتخلع لوحدها ، هل سالت محل او فني اخر يفحصه ؟ اصل ممكن يكون بيقولك كدا علشان يمشيك
هو الموبايل لو ناقص حاجة او اتفتح بيبقي خارج الضمان اه ، بس زي ما بقولك حاول حد مختص او محل تاني غير المحل دا يشوف الموبايل ويقولك هي موجوده ولا لا
انا لما جبته استغرب ان العدسه مش متغطيه بس افتكرت ان كده طبيعي بس المفروض كده يعتبر عيب صناعه لانه لو وقع كانت حتي الscreen الزجاج هتتخدش لكن العدسه تقع دي اغرب حاجه شفتها ده معناه ان تقفيلهم للموبايل وحش جدا
لو سمحت عندي مشكلة انو الجهاز بيسخن بشكل كبير مع العلم انو مشتريه جديد… سخونة غير طبيعية وما بكون فاتح تطبيقات و شو الحل لو سمحتم
لو سخونة غير طبيعية يبقي عيب صناعة في البطارية او في بروسيسور الجهاز اذهبي بالجهاز للصيانة لفحصه وتصليحه او استبداله
بيسخن بطريقة لا تطاق لدرجة اني مش بقدر امسكه ولا احطه علي ودني
كدا يبقي عيب صناعة وديه الصيانة للفحص والتصليح
لو سمحت هو ايهما افضل سونى سى 4 ام سونى ام 4
سوني سي 4 احدث في سنة التصنيع والمواصفات
أيهما افضل Sony c4 ولا htc 826
سوني سي 4 افضل من حيث الكاميرا والبطارية ، بجانب ان تحديثات وخدمة سوني افضل من اتش تي سي
هو ازاى السامسونج j7 افضل من السوني c4 مع انا ال c4فى امكانيات احدث بكتير من السامسونج j7 زى مثلا الNFC , والصوت احلى والسوني C4 راماته 2 جيجا وشكرا جزيلا ليكوا مقدما انتوا بجد موقع متميز
شاشة سامسونج جي 7 افضل صحيح الوضوح في سوني سي 4 افضل بس سامسونج Super AMOLED ، معالج سامسونج Snapdragon افضل من Mediatek ، بالنسبة للبطارية هي اكبر وقابلة للازالة في سامسونج جي 7 بينما هي اقل في سوني سي 4 وغير قابلة للازالة ، الفرق في الرام مش كبير ، الصوت انا شايف ان الاتنين زي بعض حسب تجربتي مفهمش مشاكل
انا مش بدخل NFC في الحكم علي الموبايل خاصة وان ملهاش استخدام فعلي علي الاقل في مصر لكن لو مهمة بالنسبة لك اكيد هي نقطة لصالح سوني ، عموما المقارنات بتبقي وجهات نظر في النهاية جرب الجهازين واختار الافضل لك ، واهلا بيك معانا وشكرا لمشاركتك
شكرا بجد للتوضيح وشكرا مره تاتنيه على الموقع الجميل
العفو واهلا بيك معانا :))
من فضلك سعر سونى سى 4 الان .. كام ؟؟ وهل هو افضل ام سامسونج جرند 2 لانه الجهاز الحالى معى
سوني سي 4 افضل من حيث التصنيع والمواصفات الداخلية عن جراند 2
سعر سوني سي 4 حاليا 2600 جنيه
معلش لو سمحت انا بفكر اشترى سونى سى 4 او J7 سامسونج تنصحنى بايه بالله عليك
وليه ؟؟ واسف للاطاله
الافضل سامسونج جي 7 من حيث المواصفات الداخلية والكاميرا والبطارية افضل من سوني سي 4
C4 ا حسن ولا سامسونج نوت ٣ من حيث الاستخدام والتحمل والتهنيج وكده
سامسونج نوت 3 افضل في المواصفات والتحمل ، لكن في المستقبل ملهوش تحديثات رسمية للنظام
لو سمحت انا كنت بفكر اشترى سونى سى 4 بس قلقان من السخونيه ،؟
حاجه تانيه معايا سونى ام 4 اكوا بس لاحظت تهنيحه ف النوتيفيكيشن بار هل بعد فتره هلاقى المشكله دى ف السى 4
لا مفيش مشاكل في السخونة ، بالنسبة للنوتيفيكيشن بار حاول تشوف لو فيه تطبيق معين بيعمل اشعارات كتيرة او تطبيقات البطاريه او غيره وقفه او امسحه وشوف الوضع ايه
بيسخن جامد والبطاريه بتخلص بسرعه بدون استعمال. لا تكفى 5ساعات.فى اليوم
لو سخونة غير محتملة يبقي عيب صناعة وديه الصيانة للفحص
انهي احسن Sony Z1 ام Sony C4
سوني سي 4 احدث في المواصفات والتصنيع وله فرصة في التحديثات هو افضل من سوني زد 1
السلام عليكم
ايهما افضل c4 ولا htc desire 820 s
عامة منتجات سوني افضل من اتش تي سي ، بجانب ان دعم وتحديثات سوني سي 4 افضل من اتش تي سي ديزير 820
هل افضل ام هواوي لايت8 رغم انهم نفس المواصفات
سوني حاليا افضل في نقطة التحديثات والصيانة عن هواوي لذلك بفضل سوني سي 4
لكن فعلا هم متقاربين جدا في المواصفات فحاول تجرب الاتنين قبل الشراء وتحكم بنفسك
ايه الافضل هو او سامسونج j7 والسبب؟
سامسونج جي 7 افضل في المواصفات الداخلية والكاميرا البطارية
سوني سي 4 افضل في نقطة وضوح الشاشة بس هي عامة مش ملحوظة غير في الافلام او الالعاب عالية الدقة
لو سمحتوا مشكلة الهاتف c4 انى لما باتصل باى حد بعد شوية يقلى ان صوتى منخفض او الصوت بعيد ممكن اعرف ده عيب فى الجهاز ولا فيه حاجة انا معرفهاش لازم تتعمل فى الضبط …
ممكن يكون اكتر من سبب بس الاول اتاكد انه مش شركة المحمول وجرب شريحة تانية وشوف الوضع ايه
ولو فيه اي تطبيق متعلق بالمكالمات او تسجيل المكالمات غير التطبيق الاساسي وقفه او امسحه
ما هو الافضل سونى سى 4 ام سونى سى 5 ولماذا
سوني سي 5 افضل لانه احدث في المواصفات الداخلية لكن في نفس الوقت سوني سي 5 اغلي في السعر
البطاريه اصبحت بتقل بسرعه جدا. لا تكفي يوم واحد
حاول تقلل سطوع الشاشة وتعمل تحديث للتطبيقات غير المحدثة ، لو استمرت المشكلة اذهب للصيانة لفحص البطارية
ايه الافضل سونى سى 4ولا htc728
سوني سي 4 افضل في المواصفات الداخلية والدعم عن HTC 728
سامسونج جى7
اه الافضل سونى c4 ولاسامسونج j7
سامسونج جي 7 افضل في الكاميرا والمواصفات الداخلية
طيب وفي البروسيسور ايه الافضل ؟ لأن في سوني ميديا تك
هو صحيح في سوني سي 4 قدرته اعلي عن سامسونج جي 7 ، لكن عامة اداء بروسيسور Qualcomm Snapdragon بيبقي اعلي من Mediatek خصوصا في الالعاب والتطبيقات الكبيرة
هل ممكن زر الباور يبوظ ؟!! واي اللي ممكن يبوظه؟! او ممكن يدخل لجوه ولا اي؟!!
في معظم الاوقات لا لكن بتحدث حالات ممكن يبوظ اه سواء بسبب عيب صناعة او الاستخدام الخاطئ او غيره
يعني هو بيشتغل عادي جدا وبيفتح بس قصدي من سؤالي انه ممكن يكون بيشتغل ويدخل لجوه ولا حضرتك قصدك انه يبوظ يعني ميفتحش الموبايل؟!!…
وهو الطبيعي يكون بره سويه ولا داخل لجوه حبه بسيطه ولا اي؟!!!?
لا مش طبيعي انه يبوظ بس لو ضغطنا عليه جامد ممكن يوافق :))
بصي هو الوضع الطبيعي الزرار شغال عادي ومش لدرجة انه يدخل جوا الموبايل او يبوظ بسهولة ، ولو حصل دا بيبقي نادر جدا
ما المقصود بعدم القدره على ازاله البطاريه
يعني بطارية الموبايل مثبته في جسم الموبايل بمسامير ، صعب فكها بواسطة المستخدم العادي لازم في الصيانة
اي جهاز لأفضل سوني سي4 أو أسوس زين فون 2 ذو المعالج انتل؟
بماذا تنصحني؟
وهل فيه نفس مشكلة C3 عند عمل زوم للصورة؟
وشكرا
سوني سي 4 افضل من حيث المواصفات الداخلية والدعم والتحديث عن اجهزة اسوس
بالنسبة للكاميرا سي 4 افضل كتير عن سوني سي 3 سواء لامكانيات الكاميرا او السوفت وير نفسه
لو سمحت كنت عايزة اعرف لو فية مثلا بوست ع الفيس بوك اعمل للبوست نسخ من c4 ازاي؟؟؟؟؟
الموبيل معايا من امبارح بس وبيسخن من جمب الكاميرا الخلفية
عامة لو عايزة تنسخي كلام بتدوسي عليه لحد ما يتحدد ويظهر زي مؤشرين لبداية ونهاية الكلام وهيظهرلك اذا كنت عايزة تعملي copy ,paste
لو صورة او فيديو علي الفيس بوك بتدوسي علي اللينك او زمن نشر الصورة دوسة طويلة لحد ما تظهر قائمة ومنها بتختاري كوبي
بالنسبة للسخونة البسيطة زي ما قلنا دا عادي علشان دا مكان البروسيسور ، لكن لو السخونة غير محتملة ولفترة طويلة الافضل فحصه في الصيانة
اه الافضل سوني سي 4 ولا سامسونج a7 ولماذا وشكرا
سامسونج A 7 افضل في المواصفات الداخلية وخامة التصنيع من الالومنيوم واعلي في وضوح الكاميرا
سويت يلي قلتلي عليه اني اضغط علي الزر يلي جنب السيم كارت مو اشتغل و الجوال مشحون بس بالاول طفى نت لما كان بيتحدث ايش اسوي معلش تعبتك
اسف علي التاخير في الرد ، جربي الضغط علي زر التشغيل مع زر الصوت لاعلي لحد ما يشتغل ومن القائمة اللي هتظهر اختاري restart باستخدام زراير الصوت لاعلي واسفل
لو المشكلة مستمرة يبقي الافضل التوجه للصيانة لان كدا ممكن يكون العيب في الهاردوير ويحتاج الصيانة
جهازي سي 4 اشتريتو من اسبوعين و بيسخن من جنب السماعة و مرة و سخن ماشاف سيم كارد طفيت جوال و رجع شاف السيم و لسه بيسخن شو السبب عيب او شو سبب
لو بيسخن سخونة محتملة يبقي عادي لان دا مكان البروسيسور وطبعي انه يسخن مع الاستخدام خاصة في استخدام الالعاب او النت
اما لو كانت السخونة غير محتملة او حاسس انه بياثر علي عمل الجهاز يبقي وديه الصيانة للفحص لانه ممكن يبقي عيب صناعة
يت جماعه انا لسه شاري c4من 5 ايام وكان شغال تمام بس لقيتو مره واحده وانا شغال عليه تقوم الشاشه طافيه لوحدها
هل زر الباور فيه حاجة ضغطه عليه لان ناس اشتكت من ان جراب الموبايل بيخليه يطفي ؟
او ممكن يكون فيه تطبيق نزلته بيطفي الشاشة بعد وقت معين ؟ فحاول تراجع التطبيقات ولو المشكلة مستمرة يبقي وديه الصيانة وخليه يفحص زر الباور او التشغيل اول شئ
انا عاوزة اشترى c4وخايفة من كتر الشكاوى وياترى هو احسن ولا t3
سوني سي 4 افضل من سوني تي 3 واحدث منه في سنة التصنيع والمواصفات ، الشكاوي او العيوب هتلاقيها في كل الموبايلات ، حاولي تجربي الموبايل قبل الشراء وتحمكي بنفسك وعامة الموبايل مفيهوش مشكلة كبيرة زي ما اوضحنا عيوبه في الموضوع
انا معايه c4بس سويت التحديث من غير نت و بعدين الجوال طفى و ما اشتغل تاني حطيتو بالشاحن و ما اشتغل ايش المشكله ……
جنب مدخل ال سيم كارد هتلاقي زي نقطة سوداء اضغطي عليها بسن قلم لحد ما الموبايل يشتغل ، ولو البطارية فاضية وصلية بالكمبيوتر
لو سمحت انهي تلفون احسن سوني c4 ولا m4
سوني سي 4 افضل في الاداء واحدث في التصنيع والمواصفات
الجهاز ده بيسخن ولا لا
عامة لا ، لكن مع الالعاب العالية بيبقي فيه سخونة متوسطة
اتش تي سى افضل820 ام سونى س فور
سوني سي 4 افضل من ناحية الشاشة والاداء
عندي جهازسوني m4دول واخدتو جديد بس فيه سخونة عالية هل من حل? مع العلم لااستعمل الجهاز كثيرا ولا استخدم العاب… وشكرا
لو سخونة غير محتملة يبقي غالبا عيب صناعة وديه الصيانة للفحص
وممكن تجرب الاول تعمل تحديث للتطبيقات وشوف الوضع ايه
هلsony c3افضل ولا sony c4افضل
سوني سي 4 افضل وهو عبارة عن تحديث لامكانيات سي 3 لكن في نفس الوقت سي 4 اغلي في السعر
لو سمحت اي الافضل في الاداء c4 dual او t2 ultra dual وايا منن اسلس واسرع ؟
الافضل والاحدث هو سوني سي 4 ديوال
سوني t2 ultra dual افضل في نقطة حجم الشاشة فقط
لو سمحت htc 820 s احسن ولا experia c4 ؟؟؟
سوني اكسبيريا سي 4 افضل من اتش تي سي 820 s في الكاميرا والاداء
تمام . شكرا لحضرتك 🙂
العفو واهلا بيك معانا :))
معي سوني س4 بيدحدث على نظام 6اندرويد
تحديث اندرويد مارشميلو 6 لسه منزلش رسميا لموبايلات سوني سي 4 ، ان شاء الله خلال شهر مارس
انا معايا السي فور والبطاريه بتخلص بسرعه جدا وبتشحن في وقت طويل جدا ارجو الرد اعمل ايه
بالنسبة للاستهلاك حاول تقلل سطوع الشاشة علي قد ما تقدر ، وتقفل البلوتوث والنت وقت عدم استخدامهم ، ولو فيه تطبيقات مش محدثة اعملها تحديث
بالنسبة للشحن جرب تشحن الموبايل وهو مقفول او علي وضع الطيران ، لو نفس المشكلة مستمرة يبقي ودي الموبايل للصيانة لفحص البطارية ودايرة الشحن
لو سمحت htc desire 820 أحسن سونى c5 ؟
سوني سي 5 افضل واحدث في المواصفات والتحديث
جهاز فاشل
انا جبتة لكن عند مشكلة في الشحن بيطول اول ممكن 3 سعات هل دة طبيعي
اه طبيعي طلما البطارية او الاستهلاك نفسه مش بيخلص بسرعة و مفهوش مشكلة
انا عايز اعرف انا معايا سي 4 ولو اشتغلت علي انت كتير الشحن مبيكملش معايا اليوم دا طبيعي
لو الاستخدام شامل نت والعاب كتير يبقي طبيعي ، وعامة حاول تقلل سطوع الشاشة قدر المستطاع لانها اكتر حاجة بستهلك البطارية
طيب معلش c5 ولا a8
وشكرا جدا..
سامسونج a8 احسن في كل شئ عن سوني سي 5 فيما عدا الكاميرا الامامية اقل شويه ومفيش فلاش امامي
انو احسن سامسونج a7 ولا سوني c5
مش بتكلم ف حكايه السعر يعنى الافضل ف الاستعمال c5 عن c4 ؟
تمام ، الافضل سوني سي 5
لو سمحت سونى c5 أحسن ف الاستعمال ولا c4
سوني سي 5 احسن في الاستعمال واسرع لانه احدث في المواصفات الداخلية وفي المستقبل فرص تحديثه اكتر من سوني سي 4 ، لكن في نفس الوقت هو اغلي في السعر
يقفل ويفتح ويعلق باستمرارسوني سي 3لكن لوخاطه في الشحن مايقف ولوشغال بيهو مايقفل الا بدون كدا يقفل طوالي
وديه الصيانة لان كدا فيه مشكلة في البطارية او دايرة الشحن نفسها
انا عندي الموبيل سوني c4واشتريتلو جراب وش وظهر بس الجهاز بيفصل كل لما يقرب من الجراب وتقريبا السبب هوا المغناطيس الي في الجراب هل يوجد حل لهذه المشكله
شوف لو بيفصل بسبب الضغط علي زرار التشغيل نفسه ؟ ولا مغناطيس زي ما بتقول يبقي مفيش غير انك تشيل مغناطيس ، او جرب حط زي قطعة قطن او فاصل بين الاتنين
عندي بردوا نفس مشكله كل ما احط السوني ف الجراب او اقرب بيفصل ومفيش مغناطيس ف الجراب
حاول تتاكد ان مفيش مغناطيس وان الجراب مش ضاغط علي زر الباور ولو كدا ممكن تعمل فتحة بسيطة من غير ما تبوظ الجراب
الجوال كويس…. المشكله البطاريه تنتهي سريعا ارجو الايفاده
حاول تقلل سطوع الشاشة وتقفل البلوتوث والواي فاي عند عدم استخدامهم وشوف هل في فرق ام لا
عندي سوني سي 3يقفل ويفتح كل دقيقتين اديتو سفت وير اكثرمن مره بالكمبيوتر وحتي الان نفس المشكلة ارجو الافادة وشكراً لكم
لو غيرت السوفت وير ونفس المشكلة مستمرة معاك يبقي المشكلة في الهاردوير نفسه سواء البطارية او دايرة الشحن ، وديه الصيانة للفحص
ساعات التتش بيعلق من اعلي من علي اليسار
ثم تذهب سريعا
هل هذا طبيعي
وهل عند غلق الشاشه تعطي لون اسود بسرعه ثم تغلق
المشكلة دي حسب ما قال المشاركين معانا بتحدث نتيجة تطبيق فيس بوك messenger اخر تحديث قدامك ياما تعمل ريستارت لما المشكلة تحصل ، او تمسح تطبيق الماسنجر وتنزل نسخه اقدم
بالنسبة للون الشاشة مش فاهم قصدك اوي ماهو لون اسود لما الشاشة بتطفي ، ولا قصدك بتطفئ ببطئ ؟
هو ولا ام 4
سوني سي 4 احسن في حجم الشاشة وفيه فلاش امامي والمساحة الداخلية اكبر عن ام 4 لكن في نفس الوقت اغلي منه
ميزة سوني ام 4 ، عن سي 4 هي وجود حماية ضد الماء والاتربة
لوسحمت سامسونج A8
ولا سونى C4 ؟!
سامسونج A8 افضل لكن في نفس الوقت اغلي في السعر عن سوني سي 4
عفوا لو سمحت سؤال ما هو الجهاز الأفضل
Sony C4 او سامسونج J7 ؟؟
و سؤال تاني عفوا
Sony C4 dual هو نفسه Sony C4 ؟؟؟
لأن بكل مكان بيكتبوا شيء مختلف …
سامسونج j7 افضل من حيث المواصفات الداخلية والكاميرا
سوني c4 افضل في نقطة التحديث وحجم الشاشة اكبر
فيه نسخة من سوني سي 4 بشريحة واحدة لكن غير منتشره ، اللي هتلاقيها هي النسخة ثنائية الشريحة Sony C4 dual
هوا سونىc4 مفهوش سنسر لإطفاء الشاشه عند المكالمات ممكن الرد
يوجد سينسور proximity الخاص باطفاء الشاشة وقت المكالمات وشغال عادي
انا اشتريت ااموبايل من خمس ايام لكن بطاريتو سيئة لازم اشحن الهاتف كل يوم مرتين عل 3G
نفس المشكلة عندي
انا اشتريت الجهاز والكاميرا الخلفية رغم انها 13 ميجا بيكسل الا انها مش عالية الجودة زي تلفونات ثانية ، يعني مثلا جالاكسي a5 الكاميرا برضو 13 بس لما بحط الصورتين جنب بعض بلاقي اختلاف كبير في الجودة ، او انو في حاجة انا مش عارفها ، ارجو الافادة
الاختلاف بيبقي في اعدادات الكاميرا ، حاول تغير فيها بحيث تكون مناسبة لاضاءة المكان
الموبيل سعره غالى اجيبو دولى
هو فعلا سعره مبالغ فيه لانه لسه نازل
لو مش هيفرق معاك الضمان جيبه دولي بس قبل ما تمشي من المحل تكون مجرب الموبايل كل حاجة فيه وفيه محلات بتدي زي ضمان 10 ايام لو الموبايل فيه حاجة
يعنى الموبيل الدولى سعره2025 والضمان3100 ومش امكانياتى بالضمان اغير التليفون والا اجيبو دولى
هو عيب الدولي الوحيد نقطة الضمان والصيانة ، بس لو مش هتفرق معاك يبقي جيبه دولي
لو سمحت حضرتك هو سى 4 مع الوقت والاستعمال تمام ولا ايه ؟ لو حضرتك تعرف حد جربه ويعنى ايه الشاشه غير محميه ؟ حتى لو حطيت ليبول ؟
وعمومل هو كويس ولا لو جبت من عائله Z أفضل ؟؟
ياريت حضرتك تفيدنى ..
الموبايل جيد بالنسبة للاستخدام لفترة طويلة سواء البطارية او النظام نفسه زي ما وضحنا في الموضوع
الشاشة عليها حماية ضد الخدوش لكن لازم وضع سكرين بروتيكتور او ليبول اه لان الحماية تعتبر ضد الخدوش البسيطة
موبايلات سوني Z افضل طبعا لكن في نفس الوقت هتبقي اغلي في السعر
انا بدي اعرف اذا سي 5 احسن ولا سي 4 وهل مشكله البطاريه عاديه واذا انتزع البطاريه شو الحل
Sony Xperia C5 Ultra افضل في حجم الشاشة اكبر من سي 4 و ايضا الكاميرا الامامية افضل ، فيما عدا ذلك المواصفات الداخلية متطابقة ، سوني سي 5 افضل في حالة اذا كنت تفضل الشاشة الكبيرة وفيديو كول صور السيلفي ، اما اذا كان حجم الشاشة والكاميرا الامامية مش مهم يبقي سي 4 افضل من ناحية التوفير
بالنسبة للبطارية هي غير قابلة للازالة ، لكن دا حال معظم الموبايلات الحديثة حاليا ، عامة انت تقدر تعمل ريستارت للجهاز عن طريق الضغط علي زر الباور والصوت لاعلي ، وفي حالة ان البطارية توقفت عن العمر تغييرها بيكون في الصيانة وفي وقت قصير
لو سمحت ياادمن هل زي ما بتقول السعر هينزل قريب ولا علشان الدولار وكدا دلوقتي ؟
هو زي ما قلنا اسعار موبايلات سوني بتنخفض مع الوقت ، لكن حسب ارتفاع الدولار من وقتي لتاني ممن يأثر
عموما مع بداية السنة الجديدة واول لما تنزل سوني موبايلات جديدة اكيد سعره هينزل
هو لو سمحت السى 4 ضد المياه ولة لا انا سالت صاحب المحل قال لى هو ضد الياه بس انت مش زاكر دة فى المميزات
لا سوني سي 4 مش ضد المياة ، احنا كاتبين المواصفات الرسمية حسب موقع سوني
اللي ضد المياة هو سوني ام 4 اكوا ، Sony Xperia M4 Aqua Dual يمكن دا اللي قصده عليه هو امكانياته وسعره اقل شوية من السي 4 لكنه موبايل جيد لو بتفكر في حاجة ضد الميه
انا معايه سوني سي 4 وكنت عوز اعرف ازاي احداث الاندرويد بتاعه يريت حد يقولي علي الخطوات
لو قصدك علي التحديثات الرسمية من سوني ، لما يبقي فيه تحديث جديد هيظهرلك اول لما تكون علي النت في ال notifications او الاشعارات فوق
وكل اللي بتعمله بتدوس عليه وبيتحمل التحديث بعدين يتسطب ويعمل ريستارت للجهاز ، لو مش ظاهرلك حاجة يبقي الموبايل متحدث لاحدث نسخة اندرويد حاليا
هو احلي ولا ام ٤
سوني اكسبيريا سي 4 احسن من سوني اكسبيريا ام 4 في حجم الشاشة ووضوحها ، واكبر في المساحة الداخلية بجانب وجود فلاش امامي
مع العلم ان سي 4 اغلي في السعر من ام 4
طيب انا كنت هشترى C3 بس كل اللى موجود بيقولولى من غير ضمان وقالولى C4 معاه ضمان بس اغلى 1000 انا مش شايفه فرق شاسع بين الاتنين يعنى يعمل الفرق ده
هو فعلا سي 4 عبارة عن تحديث لامكانيات سي 4 ، وسبب تمنه الغالي علشان سوني سي 4 لسه نازل جديد لكن هيرخص مع الوقت ،
لو في القاهرة حاولي تدوري في شارع عبدالعزيز وسط البلد او في السراج مول ممكن تلاقي سوني سي 3 ، او شوفي Xperia T3 امكانياته قريبه من سي 3
منا كل اما اسال على سى 3 يقولى دولى وانا عايزاة محلى
اخي ليش مكتوب بمواصفاته انه full hd وشاشة دقة عالية لما اشتريته وجربت الفديو فيه لقيت دقته سيئة جدا حاول تفوت عاليوتيوب وتحضر مقطع فيديد بتلاقيه دقة زبالة قارنه باي موبايل اخر شاشته hd بتلاقي النتائج افضل من فول اتش دي
اخي الكريم احنا كاتبين المواصفات الرسمية للموبايل full hd 1080 x 1920 pixels، ممكن تكون سرعة النت فيها مشكلة فعرضلك فيديو بدقة قليلة
حاول تجرب تحمل فيديو full hd ثم بعد كدا تشغله ، لو المشكلة مستمرة يبقي الافضل التوجه للصيانة لفحص الشاشة لان كدا يبقي مخالف لمواصفات الموبايل ومن حقك تغيره او يتصلح علي حساب الضمان
لماذا السوني C3 لا يأخذ خط سيرف امتين
هو يقبل جميع الخطوط عادي لطما بطاقة السيم او الشريحة مقاسها micro sim ، هل جربت الخط دا في موبايل آخر ؟
لو سمحت انا عاجبني الموبايل دا وسالت عليه لكن قالي مش موجود وحتي البياع استغرب قالي في c3 مفيش حاجة اسمها c4
هو سوني سي 4 لسه جديد وسوني منزلاه الشهر اللي فات ، فلسه عبقال اما ينزل في مصر علي اغسطس او سبتمبر ، بجانب ان C3 منتشر في مصر فتلاقي هيستنو عليه شويه