طرحت شركة سوني هاتفها الذكي Sony Xperia E4 Dual ، حيث حدثت سوني امكانيات سلسلة هواتفها الذكية اكسبيريا اي ، وفي هذا الموضوع علي خمس خطوات سوف نستعرض معكم مميزات وعيوب موبايل سوني Sony Xperia E4 Dual ، ومتوسط سعرة في مصر ، وهل يصلح كهاتف ذكي بشريحتين…
مميزات موبايل Sony Xperia E4 Dual سوني اكسبيريا ايه 4
– شاشة هاتف Sony Xperia E4 Dual هي خمسة بوصة 5.0″ 16M-color 540×960 IPS LCD كبيرة نسبيا تجعله مميز لمحبي الشاشة ذات الحجم الكبير ، بجانب ان وزن الموبايل ليس ثقيل حوالي 144 جرام ، وابعاده مناسبة لحجم الشاشة ومساحتها.
– موبايل سوني اكسبيريا ايه 4 Sony Xperia E4 Dual مزود بمعالج متوسط الاداء يستطيع التعامل مع التطبيقات والالعاب المتوسط، كما ياتي الهاتف مزود ب 1 جيجا رام ، Quad-core 1.3GHz Cortex-A7; Mediatek MT6582, Mali-400MP2, 1GB RAM
– كاميرا موبايل سوني 4 Sony Xperia E4 Dual هي 5 ميجا بيكسل متوسطة الاداء في النهار والاضاءة العالية ، و ضعيفة نسبيا في الاضاءة الداخلية وفي الليل حيث تظهر الصور غير واضحة وتعاني من الشوشرة ، اما الكاميرا الامامية فهي 2 ميجا بيكسل وتكفي لعمل مكالمات السكايب الفيديو بدقة 720p
– موبايل سوني 4 Sony Xperia E4 Dual مزود بمساحة داخلية 8 جيجا متاح منهم للمستخدم حوالي 5 جيجا مع امكانية اضافة المزيد عن طريق ميكرو اس دي كارد
– سعر موبايل سوني 4 Sony Xperia E4 Dual في مصر حوالي 1300 جنيه ، كما انه يدعم العمل بشريحيتن ومن المتوقع ان ينخفض هذا السعر مع الوقت حيث ان الهاتف تم اصداره من شهرين فقط.
عيوب موبايل سوني ايه 4 Sony Xperia E4 Dual
– وضوح الشاشة قد لا يعجب البعض نتيجة انها 5 بوصة و وضوح 540 في 960 pixels لذلك عليك تجربه الموبايل بنفسك حسب راحه عينيك.
– الهاتف يأتي مزود ب نسخة اندرويد كيت كات v4.4.4 KitKat وليس احدث نسخة وهي لوليبوب 5.0 ، كما ان اداء الموبايل متوسط مع التطبيقات والالعاب ، وقد تواجه بعض المشاكل في تشغيل الالعاب الكبيرة الحجم.
– بطارية 4 Sony Xperia E4 Dual غير قابلة للازالة بواسطة المستخدم
– كما ذكرنا عن كاميرا 4 Sony Xperia E4 Dual فهي متوسطة الاداء ومناسبة لهذا السعر
اخيرا موبايل 4 Sony Xperia E4 Dual مناسب لسعره خاصة عند مقارنته بين هواتف اندرويد بسعر اقل من 1500 جنيه، بجانب انه يدعم العمل بشريحتين معا ، قد تكون الكاميرا متوسطة الاداء الا انها تكفي الغرض ، اداء الموبايل عامة سلس بدون مشاكل ، لكن يظهر بعض التهنيج في الالعاب ذات الاحجام الكبيرة نتيجة ان المعالج قديم نسبيا و حجم الرام 1 جيجا ، وكما نوضح دائما في خمس خطوات عليك تجربه الموبايل بنفسك قبل شراءه فقد يكون رأيك مختلف عن اي مراجعة للموبايل موجودة علي الانترنت.
موقع خمس خطوات يقدم معلومات بسيطة فى شرح سهل من خمسة خطوات للأحداث الجارية وكافة مناحي الحياة المتنوعة لإثراء محتوي اللغة العربية على الإنترنت ، ومتابع جيد لأخبار الرياضة وتكنولوجيا المعلومات في مصر والوطن العربي.
السلام عليكم هل e4 يدخل في الماء
وعليكم السلام ورحمه الله وبركاته ، لا مفيش حماية ضد الماء في سوني e4
هل استطيع ان ادخل الهاتف فالبحر
لا
لا يوجد حماية ضد الماء
السلام عليكم .. بعد اذنكم كان عندي استفسار بخصوص موبايل E4 تشغيل النت ازاي من خلال باقه نت مش الواي فاي
ارجو الافادة
وعليكم السلام ورحمه الله وبركاته
الاول بتفعلي الانترنت موبايل حسب انتي شركة اتصالات ايه ؟
عادة رسائل تفعيل الانترنت موبايل بتيجي عند وضع الشريحة اول مرة ، لو مجتش ممكن تطلبيها بيبقي في رقم مختصر حسب كل شركة وبعد التفعيل بتحددي الباقة
الجهاز بيكتب غلط والكارت الميموري موش ظاهر مع انو فالجهاز والبطاريه بتخلص بسرعه اهمل ايه بليز
بالنسبة للكتابة الغلط مش فاهم قصدك يعني بتدوسي علي الحروف بيطلع حرف تاني ولا ايه ؟
اتاكدي ان الكارت ثابت في مكانه ثم اعملي فورمات لكارت الميموري من علي الموبايل
اما بالنسبة للبطارية قللي سطوع الشاشة واقفلي البلوتوث والجي بي اس عند عدم استخدامهم ، لو استمرت مشكلة البطارية وديه الصيانة لفحصها او تغييرها
لدي مشكل علي سوني e4 عند الاتصال تنطفئ الشاشة اريد حل لهذه المشكلة
مفروض سنسور الشاشة بيطفي عندما تقربه لاذنك لو فضلت الشاشة مطفية علطول وديه الصيانة للفحص ممكن تكون مشكلة في السينسور
السلام عليكم
انا معايا e4 هو مشاء الله ممتاز بس النهاردة لقيت صوته مش واضح مشوش ? عاوزة اعرف المشكلة من ايه ؟ وايه الحل ؟
وعليكم السلام ورحمه الله وبركاته
حاول تجرب تطبيق صوت او موسيقي اخر ، ولو فيه جراب او اتربة زيلها وشوفي الوضع ايه لو مستمرة الشوشرة وديه الصيانة للفحص غالبا سلك او سماعة الموبايل اتحركت من مكانها
السلام عليكم ورحمة الله وبركاته ممكن اسال اقصي مساحة للخط الممري ممكن اشتريه لموبيل SonyxpariaE4
اقصي مساحة لكارت الميموي ميكرو اس دي لموبايل سوني اي 4 هي 32 جيجا
السلام عليكم بعد اذنك
انا اشتريه هلتف سوني E4 بصراحه جميل روعه
بس مش عارف ايه اللي حصله مره واحده البطاريه تخلص ع طول ممكن رد
وعليكم السلام ورحمه الله وبركات
اتاكد ان التطبيقات محدثة لاخر نسخة ، وحاول تقلل سطوح الشاشة وتقفل البلوتوث و ال gps عند عدم الاستخدام وشوف هل هيستمر الاستهلاك بنفس المعدل ولا ايه
لو المشكلة استمرت وديه الصيانة للفحص
السلام عليكم
انا اشتريت جهاز سوني اكسبريا اي 4
بس مسجل الصوت مش موجود ممكن رد بعد اذنكم
وعليكم السلام ورحمه الله وبركاته
ممكن الوصول لتطبيق مسجل الصوت عند الضغط علي زر القوائم اللي هو علي اليمين جنب الزر الرئيسي
لو مش لاقية خالص ممكن تنزل اي تطبيق تسجيل للصوت من البلاي ستور
موبايل ساعات بيبقي 40%او اكتر ولو عملت ريستارت يقولي البطارية ضعيفة
التطبيق الخاص بالبطارية بعض الاحيان بيخرف كدا ولما بتعمل ريستارد بيعيد حساب المتبقي في البطارية
المهم في الاخر الاستهلاك نفسه هل شايف البطارية بتخلص بسرعة او مشكلة فيها ؟
انا معايا سوني اي 4…. بصراحه الموب جميل ومفيش مشاكل…. بالنسبة لان الشاشه بتطفي اثناء المكالمه…في 3 حلول للمشكله دي ®انزع الغطاء هتلاقي رزار في الجانب الشمال في الاسفل اضغط عليه بواسطه اي شي رفيع ®الحل التاني انك تفضل ضاغط علي رز البور وزر رفع الصوت لمده 15 ثانيه الموب هيرستر وهيفتح ®الحل لاساس المشكله وهي لاصقه الشاشه بتبقي غير مناسبه للموبيل ولو شلتها هتلاقي الموب اشتغل عدل ومش بيعلق ® ابسط حل نزل من جوجل بلاي برنامج seansor box بصراحه انا لما نزلته السنسور بقي شغاال ومش بيعلق…. ساعات بيعلق في البرنامج بس وقت المكالمه بلاقيه شغال….. ☺ ايه رايكم
شكرا لمشاركتك معانا كلام سليم وشرح وافي
وبالنسبة لاول حلين ممكن استخدامهم عامة لو الموبايل مهنج او مش راضي يشتغل
وفعلا مشكلة الشاشة عادة بتبقي بسبب لاصقة الشاشة مغطية السينسور
انا لما اشتريت الموبايل لاقيت الغطاء بتاعه عليه لحوسة عاملة زي البقع بتبان في الضوء هي اللحوسة دي بتنضف بس كانت موجودة اول اما اشتريت الموبايل و كنت جايبه من مكان بعيد عن البيت فاماكنش هاعرف اغيره وسؤال تاني هو للموبايل ده قطع غيار زي الغطاء او الشاحن متوفرة في المحلات العادية
انا مش فاهم قصدك اوي لكن ممكن تجرب قطعة قطن واي منظف او مية بكمية بسيطة اوي ، بالنسبة لقطع الغيار هتلاقيها ممكن في الضمان او لو انت من القاهرة في العتبة
سلام عليكم …عندي مشكلة في الشاحن ..لمن اشحن الجوال بشاحن سامسونغ بشحن عادي لكن بطفي في اي لحظة وتاني ما بشتغل الا بعد كهربتو تخلص ….الحل شنو
وهل الشحن بشاحن سامسونغ بضر ب بطاريه
وعليكم السلام ورحمه الله وبركاته
الافضل استخدام شاحن سوني ولو مش متوافر ممكن تشحن الموبايل عن طريق الكمبيوتر بكابل اليو اس بي
انا موبايلي بيستغرق بالشحن حوالي 3ساعات ونص وغيرت الشاحن من شو المشكلة اغلب الموبايلات بساعة ونص بتخلص شحن وشكرا
جرب تشحنه وهو مطفي او علي وضع الطيران ، لو اخد وقت طويل في الشحن يبقي توجه للصيانة لفحص البطارية
لو شحن في خلال ساعة ونص او ساعتين وهو مطفي او علي وضع الطيران يبقي المشكلة كانت في التطبيقات اللي شغاله او الواي فاي او البلوثوت شغالين فبيستهلكو البطارية اثناء شحنها
انا هاتفي لما يكون مطفي برجع ليه وبلاقي البطارية ناقصة شو الحل
اطفي البلوتوث والواي فاي في اوقات عدم استخدامهم ، واغلقي التطبيقات الغير مستخدمة
لو استمرت المشكلة ممكن يكون العيب في البطارية نفسها هل الموبايل له مده طويلة معاكي ؟
السلام عليكم ورحمة الله وبركاته انا جهازي لا يقبل USB ارجو الحل وشكرا
للاسف لا يوجد حل ، الخاصية بتكون مفعلة او غير مفعله من خلال الشركة نفسها في اصدار الموبايل ، وفي سوني اكسبيريا e4 خاصية اليو اس بي غير مفعلة
هل يمكن للموبايل E4أن يأخذ فلاشة USB
لا بسبب عدم وجود دعم لخاصية usb otg في سوني E4
السلام عليكم انا اشتريت جهازي من حوااي شهرين وفجاة عم فوت عجوجل بيقلي جهازك مصاب بفيروس في البطارية والبطارية صارت تفرغ بسرررعة شو اعمل وشكرا الك
وعليكم السلام ورحمه الله وبركاته ، دا عبارة عن اعلانات خبيثة ملهاش تاثير علي الموبايل المهم انك متزلش اي تطبيق او اي برنامج علي الموبايل ولو نزلت شوف التطبيق ايه وامسحه
واغلق متصفح جوجل اول لما تظهر الرسالة دي ، وعليك عدم زيارة المواقع اللي بيبقي فيها هذا الاعلان
عاوز اعرف اعمل اعاده ضبط مصنع منين لموبيل ُE4
لعمل ضبط المصنع الاول خد نسخة من البيانات والحاجات المهمة بعدين من خلال الاعدادات —-نسخ احتياطي واعادة تعيير —- اختار اعادة تعيين الي بيانات المصنع
السلام عليكم انا كلمت حضرتك من حوالي شهرين علشان تحليلي مشكله ان الكاميرا سعات تشغل و سعات تقول خطاء الكامرا غير متاحا و حضرتك قلتلي امسح االباينات بتاعت الكاميرا و عملت كدا و نفس الوضع برضو ز انا عاوز اعرف ازززي اعمل اعاده ظبط مصنع لاني مش لقيها علشان اعملها . ارجو الرد
وعليكم السلام ورحمه الله وبركاته اهلا بيك
لعمل ضبط المصنع الاول خد نسخة من البيانات والحاجات المهمة بعدين من خلال الاعدادات —-نسخ احتياطي واعادة تعيير —- اختار اعادة تعيين الي بيانات المصنع
مشكلة تلفوني
اني لما اضغط اتصال على اي رقم تظلم الشاشه وتصير سودا وحتى اذا بغيت ابند الاتصال ما اقدر لان الشاشه مظلمه وما اشوف شي منها.
اتاكد ان الموبايل محدث لاخر تحديث ، لو فيه اي تطبيق غريب نزلته حديثا خاص بالمكالمات امسحه ، لو المشكلة مستمرة معاك افحص الموبايل في الصيانة غالبا المشكلة في مستشعر القرب proximity sensor اللي بيغلق الشاشة وقت المكالمة مكانه جنب الكاميرا الامامية
الجهاز لايستقبل اى ارسال من البلوتوث ولكنة يرسل
حاول تغير نوع الملف المرسل سواء صورة او ملف فيديو او غيره وشوف الوضع ايه لو لسه مستمر غير اسم الموبايل من اعدادات البلوتوث واتاكد من اعداد visibilty time out خليه 5 دقايق
الموبايل بتاعى اقفل ومش راضى الشاشه تنور وبيطلع اصوات الرساله وبس واصوات التنبيه بس مافيش اى نور للشاشه وغالبا مش عيب شاشه لا موبايل اعمل اى !
الاول جربي تعملي reset للموبايل انك تفكي ظهر الموبايل هتلاقي نقطة زي زرار اسود مش بارز مكتوب عليها off جنب زرار قفل الشاشه اضغطي عليه بسن قلم او ابره ضغطه طويله لحد ما يشتغل معاكي الموبايل
لو المشكلة استمرت يبقي عيب هاردوير في الشاشة سلك او حاجة اتفكت يبقي وديه الصيانة
شكرا بجد
انا كان عندى نفس المشكله .بجد شكرا
العفو واهلا بيك معانا :))
انا عملت كده بس مشتغلش
طب حاول تجرب وهو متوصل بالكمبيوتر ممكن تكون البطارية فاضية
موبايلي مش عارفه افتحه بيطلع صوت زن ومش عارفه افتح الباسورد الخاص بيه ومش عارفه رقم الطوارئ
انا عمل الفون معايا كدة اكتر من مره دوس على الباور بتاع الفون معا زرار تعليه الصوت معا بعض وخليك ضاغط عليهم لمدة 40 ثانيه هتلاقيه اشتغل باذن الله
الموبايل مش بيشغل الفلاش لايت مع الفديو ليه
انت بتشغل الفلاش “fill flash” وانت في وضع الصور العادية وبعد كدا بتختار التقاط الفيديو
لو الاوبشن مش ظاهرلك جرب تشغل الفلاش قبل ما تبدأ تطبيق الكاميرا
موبايل فى مجمله كويس بس صوت السماعة واطى اثناء المكالمة وبيبقا كويس جدا مع استعمال الهاند فرى …وعايز اعرف لو لا قدر الله البطارية حدث لها تلف إيه اللى يتعمل بتتغير في الصيانه ولا ارمى الجهاز …ارجو الافادة وشكرا
لا بتتغير عادي البطارية بتتغير في الصيانة وممكن حتي اي محل موبايل مضمون ، هي مجرد مسامير بتتفك لكن لازم واحد خبره علشان ميفكش حاجة غلط
بالنسبة للسماعة حاول تجرب في اكتر من مكان ممكن يكون عيب شبكة وشوف هل لما بتخلي الصوت علي speaker نفس المشكلة ولا ايه الوضع
الجهاز ممتاز من ناحية المعالج بس الكاميرا متوسطة والفديوا متوسط وشكرا
شكرا علي مشاركتك معانا واتفقك معاك في الرأي وهو عامة مناسب بالنسبة لسعره
هو التليفون كان بيفضل فاصل بعد المكالمه ولسا بيحصل عموما……… بس لما ابعد التليفون عن وجهي قبل اما ارد بيشتغل عتدي
زي ما وضحنا قبل كدا ، دي مشكلة في سينسور الشاشة ، لو الشاشة بتفضل مقفولة حتي بعد انتهاء المكالمة يبقي الافضل التوجه للصيانة لفحصه
اما لو بتفضل الشاشة فقط لما بتقرب الموبايل للاذن هذا وضع عادي وبتاخد ثانية او اقل وتشتغل عادي لما بتبعد الموبايل
السلام عليكم انااشتريت موبايل سوني اي فور من خمس ايام بس في مشكله ظهرت كل مااعمل مكالمه الشاشه بتفصل والمكالمه مستمره ولو حد رن عليا اسمع الرنه والشاشه مابتظهرش عليها حاجه لحد مااعملها رستارت وترجع المشكله كل ارسال واستقبال المشكله اعمل اي ياريت الرد يكون سريع اي
لو كان الموبايل شغال سليم قبل كدا والمشكلة لسه حاصلة معاك يقي خد نسخة من بياناتك والحاجات المهمة واعمل اعادة ضبط المصنع
هو طبيعي الشاشة بتفصل اثناء المكالمة اول لما تقرب الموبايل للاذن ، واول لما بتبعد الموبايل عن ودنك بتشتغل الشاشة تاني ، بتاخد ثانية بالكتير
اما بقي لو الشاشة بتفضل مطفية علطول لحد ما تعمل ريستارت وطلما لسه شاريه يبقي كدا عيب صناعة في سنسور او مستشعر الشاشة ، ممكن ترجع بيه لمكان الشرا تغيره او للضمان يتصلح علي حسابهم
السلام عليكم الراديو ماعم يشتغل ممكن اعرف كيف يشتغل
وعليكم السلام ورحمه الله وبركاته ، حاول تحرك مدخل السماعة والسلك نفسه وشوف الوضع ايه لان سلك السماعة بالنسبة للراديو بيبقي زي الهوائي ، او جرب سماعة تانية وشوف الوضع ايه
لو المشكلة في تطبيق الراديو نفسه مش شغال نزل تطبيق راديو بداله من بلاي ستور
احدث الاندرويد ازاي
لو فيه تحديث متوافر بيظهرلك في الاشعارات او ال notification مجرد بتدوس عليه وتتبع الخطوات اللي هتظهرك هو بيحمل التحديث ويسطبه ويعمل ريستارت للجهاز ، بس خد نسخة من البيانات والحاجات الضرورية احتياطيا قبل التحديث
او لو تقدر تروح اقرب مركز صيانة وتحدثه من هناك وعامة اخر نسخة تحديث للاندرويد لسوني اي 4 هي كيت كات v4.4.4
انا محتاره بينه وبين النوكيا الاكسيل لو حد ليه فى جو الموبيلات يا ريت يقولى
هو نوكيا xl موبايل جيد ، بس مقارنة بينه وبين sony e4 سوني يكسب حاليا نوكيا سواء الدعم او السوق بقي قليل اوي مقارنة بسامسونج وسوني
السلام عليكم انا معايا sony E4 لما اجي اشغل الكاميرا سعات تشتغل و سعات لا .. بس بيقولي خطا الكاميرا غير متاحه ايه الحل ارجوك
هي مشكلة في اعدادات الكاميرا فلما بتشغلها التطبيق بيهنج ويعمل كدا ، ممكن تمسح اعدادات الكاميرا وترجعها للاصل من خلال — الاعدادات—- التطبيقات —- الكاميرا —- مسح البيانات
السلام عليكم انامعي نفس الجهاز والمشكلة انو عم يطفي ويشتغل لحالو ومع العلم اني كتيررر حابة استخدموا علوة افيدوني
اول شئ اتاكدي من التطبيقات الموجودة في الجهاز وامسحي اي تطبيق مجهول المصدر او شاكه انه سبب المشكله
لو نفس الوضع مستمر خدي نسخة من البيانات اعملي اعادة ضبط المصنع
واخيرا الذهاب الي مركز صيانة لتغيير نسخة الاندرويد
انا جبت الموبايل بقالو شهر معايا وبالنسبه للناس اللى بتقول ان جهاز اتقفل ومش راضى يفتح دي حصلت معايا كزا مره بس عادى يتفتح تانى هتشيل الغطا من ورا هتلاقى ع اليمين ف الجمب تحت الميموري فى كلمة 0FF هتدوس ف الفتحه اللى جمبيه بقلم او اى سن رفيع وبعدين هتدوس ع البور العادى بتاع التليفون هتلاقى الفون اشتغل معاك تانى من غير ما توديه للصيانه ..
شكرا علي مشاركتك معانا
انت ادمن محترم جدا وجاوبت ع كل التساؤلات بموضوعيه واحترام. انا اشتريت الموبايل ده من حوالي شهرين هو كويس جدا بالنسبه لسعره وحصل انه هنج معاياومكنش بيفتح وفتحت ضهر الموبايل ولقيت زرار مش بارز مكتوب عليه off جنب زرار قفل الشاشه ضغطت عليه ضغطه طويله بابره والجهاز فتح واشتغل تمام
العفو ربنا يخليك وسعداء بمشاركتك المفيدة معانا وانا مكنتش اعرف المعلومة دي لكن فعلا كلامك سليم وممكن نعمل ريستارت للجهاز بالطريقة دي باستخدام سن قلم رفيع
انا بدي جيب سوني e4 تنصحني فيه ولا لأ..وشكرا
موبايل جيد بالنسبة لسعره ومناسب للاستخدام بالنسبة للنت والكاميرا البسيط والمتوسط ، انصحك بشراءه ، لكن زي ما بنقول ديما جرب الموبايل بنفسك قبل الشراء وخد وقتك في المقارنة بينه وبين الموبايلات التانية
السلام عليكم بعد انك كنت عاوز أسأل على أماكن متواجد فيها حالياا ال sony e4 فى القاهره أو الجيزه وكم سعره الأن
وعليكم السلام ورحمه الله وبركاته ، الافضل تروح وسط البلد في شارع عبدالعزيز او العتبه عامة ، هتلاقي محلات موبايلات كتير هناك وسعر سوني اكسبيريا e4 حوالي 1200 جنيه
شكرااا للرد بس ممكن سؤال تانى بعد اذنك حضرتك تفضل انهى عن الاخر htc 620 ولا sony e4 بغض النظر عن الكاميرا
العفو اهلا بيك ، اتش تي سي 620 افضل وفي نفس الوقت اغلي شوية في السعر حوالي 1500 جنيه
1300 بس الاماكن مش عارف
اجيب الاسكريه الشاشه منين والجراب بطاعه
علي حسب انت منين ، لو في القاهرة انزل وسط البلد في العتبة هتلاقي محلات موبايلات كتير ، اختار خامة كويسة علشان تعيش معاك بالنسبة للجراب ، والسكرينه بتقعد حسب استخدامك
الموبايل هنج وطفيته وحاولت اشغله مش بيشتغل
حاول توصله بالكمبيوتر وشوف هيقرا ويفتح معاك ولا لاه ، وممكن تحاول تفتحه من خلال الضغط علي الزر الرئيسي مع زرار الصوت لاعلي لمدة 5 ل 10 ثانية ، لو المشكلة مستمرة يبقي وديه الصيانة لان كدا يبق مشكلة في البطارية
انا بردو قفل معايا ومش عايز يفتح خالص ولسه جايباه من 4 ايام بس ولما وصلته بالكمبيوتر قرا معايا بس بردو مش عايز يفتح
انا كنت بعمل سيرش علي انفس المشكلة بتاع انه مش عايز يفتح خالص و ظهر لي الرد بتاعك اني ادوس علي الزرتار الرئيسي مع ازرار الصوت و الحمدلله رب العالمين فتح شكرا جزيلا
العفو واهلا بيكي ، وفيه طريقة تانية ذكرها الاخوة هنا عن طريق الضغط علي زر ال off في اليمين تحت مدخل الميموري
طيب ايه سبب مشكلة اني طفيته ومش عاوز يشتغل تاني غير لما جربت كلام حضرتك ..والحمد لله فتح..
هل دي مشكله في الجهاز ولا ايه بالضبط ..ولا لازم يروح الضمان؟
وشكرا لحسن تعاونكم..
ممكن يكون اكتر من سبب سواء تطبيق معين مش متوافق مع نظام الاندرويد ، او خلل في ملف من ملفات النظام ، مش هنعرف غير عن طريق فحصه ، لكن عامة مفيش مشكلة حتي احدث واقوي الاجهزة بتهنج طلما الموضوع مش بيتكرر معاك كتير يبقي مفيش قلق
لو لقيته بيتكرر كتير حاول الاول تاخد نسخة من البيانات والحاجات المهمة وتعمل اعادة ضبط المصنع لان دي اول حاجة هيعملها في ضمان ، لو استمر الوضع بعد كدا يبقي توجه للضمان
لو سمحت عايزه احفظ الرسايل ع الهاتف مش ع السيم كارد ؟؟
فيه تطبيق اسمه SIM Manager بيسهل عملية نقل الرسائل من السيم كارد للموبايل والعكس
السلام عليكم
انا عندي هاد الموبايل
بس عم واجه مشكلتين
الاولى ماعم يبقى متصل بالراوتر تبعي دايما
بيفصل وبس ارجع اوصلو من جديد بيتصل
والتانية كمان اشارة الشبكة تبعي بتفصل وبترجع بتشتغل
شو الحل ارجو الرد وشكرا 🙂
وعليكم السلام ورحمه الله وبركاته
جربي موبايل اخر مع الراوتر وشوفي نفس المشكلة مستمرة ولا ايه لان غالبا المشكلة في اعدادات الراوتر
lالراديو مش راضى يشتغل و وصلت سماعة الاذن و كل حاجة ولا قناة راضية تشتغل
حاول تتاكد ان السماعة شغالة وواصلة كويس ولو تطبيق الراديو فيه مشكلة حاول تجرب تطبيق تاني
حدث نسخه الاندرويد هيشتغل عن تجربه
الاقى مكان كارت الميمورى فين فى الموبايل من جوه انا ركبته و كل حاجة بس مش لاقى مكانه من جوه ولا الاغانى ولا الصور ولا اى حاجة
نزل تطبيق es file explorer سهل في التعامل وتقدر توصل به للصور والاغاني مباشرة
الموبايل ده زبالة اعد يهنج لغاية ما فصل وما فتحش تانى
محدش يشتريه
انا برضو كان بيهنج معايا بس عملت اعادة ضبط المصنع وبقي تمام هو الموبايل حلو المشكل في نظام اندرويد مع الاستخدام بيهنج ويعطل كتير بالذات اخر تحديث
انا عندي مشكله في تليفوني سوني t2 ultra بقالة معايا اربع شهور كويس من يومين لقيته بيقول لوحدة بعد متابعة عرفت السبب اني لو ماسكة في ايدي من فوق ” اعلي الموبايل ” بضغطة حتي خفيفة بيقفل لوحدة وافتحة يفتح تاني عادي ياريت بعد اذنك تعرفني اية السبب
هو كدا المشكلة في زر التشغيل ال power ، الافضل التوجه الي الصيانة لفحصه لانه ممكن يكون الموبايل اتخبط والزر اتهز من مكانه فمع الضغط علي الموبايل بيقفل
هو ازاى البطارية غير قابلة للازاله بواسطة المستخدم
يعني البطارية متثبته بالموبايل علشان تشيلها لازم هتفك الموبايل ودا الافضل يكون من خلال متخصص او مركز صيانة مش مستخدم عادي
انا لسه مجبتوش بس ع التعليقات ديه الواحد قلك من لامكانيات كده امكاناته مش متوسطه امكاناته اقل من كده ارجو انصيحه اجيبه ولا لا
هو لو دخلت عندنا في اي موضوع للموبايلات هتلاقي معظم التعليقات شكاوي دا العادي :)) ، انت حاول تجرب الموبايل بنفسك قبل ما تشتريه وتحكم ، احنا شرحنا مميزاته وعيوبه والموبايل بعد استخدامه لاقناه متوسط وجيد حسب فئه سعره
لو سمحتم سعرة كام بالضبط لاني سالت عليه لاقيتوو مرة ب 1400 ومرة ب 1220 هل دا بالضمان ولا ايه ارجو الرد ؟
سعر سوني اكسبيريا اي 4 بشرحتين 1200 جنيه بالضمان اه ، 1400 جنيه دي ممكن تكون سالت في موبايل شوب اسعارهم بتبقي اغلي من باقي المحلات
لو سمحت انامعاي اكسبريا E4 وعملت باسورد الا هو رقم التعريف الشخصي مش النقش ونسيت الرقم وعايز اعمل للجهاز فورميت لان مش عايز اروح الضمان هل الخاصيه دي موجودة فيه ولا لا
هو المفروض لما بتدخل ال pin غلط كذا مره بيظهرلك انك تدخل ايميل الجي ميل والباسورد بتاعه
او لو كان PIN الشريحة نفسها بيقفل الشريحة ويطلب رقم PUK ودا بتجيبه من خدمة العملا حسب شركة المحمول اللي عليها
انا كل ما اعمل ترانسفير للموسيقى والتطبيقات لكارت الميمورى و الكارت يبوظ وكل الملفات اللى علية تضيع ايه المشكله و اصلحها ازتى
اتاكد ان الكارت ثابت في مكانه واعمل فورمات للكارت من علي الموبايل نفسه
لو استمرت المشكلة اعمل فحص للكارت سواء علي الكمبيوتر او اي محل كمبيوتر وجرب تنقل عليه حاجات وتفتحها علشان تتاكد انه سليم او هو اصلا فيه عيب صناعة
شكرا ليك بس انا الموضوع ده حصل تانى لما نقلت التطبيقات من الهاتف للميمورى . هل فى طريقه تانية انقل بيها التطبيقات؟
العفو اهلا بيك ، هو فيه طريقتين لنقل التطبيقات باستخدام تطبيق زي مثلا “Move app to SD card” او غيره
او الطريقة اليدوي كل تطبيق لوحده من
sittings --- apps---all --- تختار التطبيق اللي انت عايزة ----"move to internal storage"مع العلم ان فيه بعض التطبيقات مينفعش تنقلها زي مثلا المتصفح جوجل كروم
انا لسا جايب موبيال sony xperia e4 جديد بقالى 3 ايام وفصل منى شحن خالص حتيطو على الشاحن ولحد دلوقتى مش راضى ينطق ولا يشتغل مش عارف ليه
ارجو الرد؟؟؟؟
اعمل ايه عشان يشتغل
هو الحل انك ترجع بيه لمكان الشراء وتستبدله لان كدا يبقي فيه عيب صناعة
عموما جرب توصله بالكمبيوتر وشوف هيقرا ويفتح معاك ولا لا ، واتاكد ان سلك اليو اس بي او الشاحن يعني سليم
انا محتاره استري سوني E4 وﻻ سوني cاه رائيك
سوني E4 افضل في السعر والتحديثات
الموبايل حلو وشغال كويس ، عيبه بس المساحة قليلة مش بتشيل كتير لازم كارت ميموري
وبعد اذن الادمن سوال هل فعلا الشاشة ضد الخدش ؟ لان انا الاسكرينة بتبوظ بسرعة وعايز اكمل من غيرها وخلاص
هي الشاشة مقاومة للخدوش يعني عايزة حماية برضو ، حاول تدور علي سكرينه من نوع كويس حتي لو غالية شوية بس تبقي نوع نضيف وتعيش معاك وهي عامة ليها طريقة للتركيب علشان ميبقاش فيه فراغات هواء وتفك
هو ممكن لو حدثت الاندرويد لاندرويد لوليبوب ممكن يهنج معايا
في ناس بيهنج معاها لان التطبيقات بتبقي مش متوافقة مع التحديث الجديد ، حاول بعد التحديث مباشرة تعمل اعادة ضبط المصنع
موبايل سيئ جدا وصوته واطي مهما كانت النغمه عاليه لا تسمع الاتصال
محدش يشتريه
انا متردد اشتري الجهاز ده ولا لا خايف اشتريه يكون بطئ في استخددامه او بيكون بيهنج وراي حضرتك شخصيا في الجهاز ده
هو موبايل متوسط في الاداء يعني ممكن تلاقي شوية تهنيج مع الالعاب الكبيرة وبعض التطبيقات
لكن عامة بالنسبة للاستخدام العادي والنت والمكالمات وبالنسبة لسعر هو جيد
انا معايا e4 بس انا وجهنى مشكلة التلفون قفل لوحدة ومشتغلش تانى وعملتة عند بتاع صيانة وبعدين حصل حاجة تانية البطارية فجئه نزلت من 27 الى 0 بسرعة رهيبة والتلفون فصل وصلتة بالشاحن وفية لمبه حمرا منورة دليل انوبيشحن بس التلفون مبيقومش مش عارف اعمل اية ارجو الرد
وصله بالكمبيوتر وشوف هل يتم قراءته علي الكمبيوتر وتقدر تفتح الملفات ام لا ، وانت موصله بالكمبيوتر حاول تدوس علي زر التشغيل مع زر الصوت اعلي لمدة 10 ثواني وشوف يشتغل معاك ام لا
ولو مشتغلش حاول تروح للصيانة يعمل فحص للبطارية ويقولك الوضع ايه لان المشكلة كدا تبقي هاردوير يتصلح او يتغير
اشتريت موبايل e4 من يومين واثناء ادخال بطاقة Simقفل وما عم يفتح ثاني مرة رعم شحنتو لأكثر من ثلاث ساعات
هل كان شغال معاك قبل كدا ولا الموضوع بعد الشراء مباشرة ؟ لو كدا ارجع للمحل وتغيره
– عموما ممكن تجرب الضغط باستمرار علي مفتاح التشغيل لثواني بسيطة لحد ما يهتز معاك ويظهر شعار سوني ويشتغل
– او وصله بالكمبيوتر وشوف هل يتم قراءته علي الكمبيوتر ام لا ، وانت موصله بالكمبيوتر حاول تدوس علي زر التشغيل مع زر الصوت اعلي لمدة 10 ثواني وشوف يشتغل معاك ام لا
لو مشتغلش يبقي زي ما قلتلك روح وغيره من مكان الشراء
السلام عليكم ورحمه الله يا جماعه الميك عندي بقي في خروشه جامده و هو لسا في الضمان ممكن الضمان ميرداش يستلمو و يقول ده سوء استهلاك
وعليكم السلام ورحمه الله وبركاته ، طلما لسه في الضمان روح و حاول معاهم للاخر علي الاقل تطلب فحصه وتعرف سبب الخروشه دي ايه لان الاحتمالات كتير
لو سمحت عوزه اعرف سوني xperia E4 ده ضد الميه ام لا وعوزه اعرف حاجه كمان هو سوني مكتوب ع كل الجهاز بس لما شليت الغطاء بتاع الفون كان مكتوب سوني وتحتها made in China هل هو ده صنيي ارجوا الرد
لا مش ضد الميه ، معظم الموبايلات حاليا في مصر مصنوعة في الصين عادي طلما معاكي الضمان
عندي سوني e4 وعند الاتصال او استقبال المكالمة الشاشة تظلم ولا ترجع للاضائة إلا إذا أطفاله علما انه يشتعل ضوء احمر صغير جنب الكبيرة
دا عبارة عن سينسور او مستشعر الاضاءة ، وظيفته انه يقفل الشاشة لما تقرب الموبايل من ودنك عند استقبال المكالمة ، وفور ابعاد الموبايل عن الاذن بثواني بترجع الشاشة تشتغل تاني وبيفضل الضوء الاحمر منور حتي انتهاء المكالمة
لو السينسور دا بيعلق او بيفضل شغال حتي مع ابعاد الموبايل عن الاذن او بعد انتهاء المكالمه يبقي توجه للصيانة بيعمل فحص ولو فيه مشكلة بيستبدلوه علي حسابهم طلما الموبايل في الضمان
انا معايه سونى e4 بس الشاشه اتكسرت ومش عارف اعملها فين
لو لسه في الضمان يبقي حاول مع مراكز صيانة سوني او اسال في فروع محلات موبايلات رزق الله ،
لو من القاهرة يبقي روح شارع عبدالعزيز هتلاقي محلات صيانة كتير ، شوف الاسعار ايه وقارن واختار اللي تلاقي التعامل معاه سهل
لبس جيد أبداً ﻻ يفترض سوني ان تصنع هواتف كهذا أفضل هواتفها كومباكت Z1 & Z3 ليتها تعدلها لتكون خطين وبطاريتها قابلة لﻻزالة علماً أيضاً z2 أفضل الهواتف فﻻ داعي للرجوع للخلف بتصنيع هواتف سيئة فقط التعديلات التي سبق وذكرتها