أعلنت شركة هواوي الصينية للهواتف الذكية عن طرح موبايل هواوي Huawei GR5 بشريحتين الجديد في مصر والدول العربية رسميا حيث نستعرض معكم اهم مميزات وعيوب هواواي Huawei GR5 الجديد وسعره في مصر والسعودية والخليج وهل يستحق الشراء ؟
اهم مواصفات ومميزات موبايل هواوي Huawei GR5 الجديد شهر فبراير 2016
– اعلنت شركة “هواوي” عن الموبايل الذكي الجديد Huawei GR5 بسعر متوسط وبمواصفات عالية ويعمل بشريحيتن اتصال حيث وصل سعر موبايل Huawei GR5 في شهر ديسمبر 2016 الي 3400 جنيه بالضمان مع العلم ان الوان هواوي جي ار 5 هي الفضي والذهبي والرمادي اللامع .
– شاشة موبايل هواوي جي ار 5 Huawei GR5 كبيرة الحجم حوالي 5.5 بوصة وبوضح عالي ، تتمتع شاشة الهاتف الجديد من هواواي بجودة فائقة FHD مع تقنية الكريستال السائل المبتكرة IPS المتاحة في شاشة عرض الهاتف لرؤية افضل ، ويأتي موبايل هواوي الجديد مزود بجسم معدني مصنوع بالكامل من مزيج الألومنيوم والماغنيسيوم القوي الذي يتحمل الصدمات، مع خطوط رقيقة المظهر في الخلف في شكل جمالي.
– بروسيور او معالج هواوي Huawei GR5 هو Qualcomm® MSM8939™ Octa-core(4×1.5GHz+4×1.2GHz) بمعمارية 64 بت، مع 2 جيجا رام ، بجانب 16 جيجا مساحة داخلية وامكانية اضافة كارت ميموري ميكرو اس دي من خلال فتحة بطاقة Micro SD بمساحة حتى 128 جيجا بايت، كما ياتي هواوي جي Huawei GR5 بنظام اندرويد نسخة 5.1 لولي بوب وامكانية التحديث في المستقبل لنسخة مارشميلو.
– البطارية وهي احد اهم القواعد لاختيار الموبايل الجديد علي اساسها نجد ان موبايل Huawei GR5 مزود ببطارية كبيرة قدرتها 3000 مللي أمبير تدعم الشحن السريع، كافية لاستخدام متوسط للنت والالعاب ليوم كامل او نصف يوم مع الاستخدام المتواصل والمكثف ، اما بالنسبة لفترة شحن الموبايل فهي ما بين ساعة الي ساعة ونصف.
– اما بالنسبة لكاميرا هواوي Huawei GR5 فتم تزويده بكاميرا خلفية متوسطة الاداء تصل دقتها إلى 13 ميجا بكسل، وأخرى أمامية دقتها 5 ميجا بكسل، كما تم تزويد الهاتف GR5 ، وتسمح كاميرا هواوي جي ار 5 الجديد بدقة تصوير عالية نتيجة فتحة التصوير العريضة F/2.0 التي تسمح للمزيد من الضوء بالدخول إلى العدسة لينتج عن ذلك صورا أكثر بريقا، والتي تمكن المستخدمين من تسجيل الفيديوهات بنمط التصوير البطيء Slow-mo أو نمط الفاصل الزمني TimeLapse.
– ويدعم الهاتف الجديد العمل بشريحتي او بطاقتي اتصال SIM في نفس الوقت وبدون مشاكل.
– الحفاظ على تأمين الموبايل من خلال بصمة الاصبع عن طريق مستشعر لبصمة الإصبع من الجيل الثاني بجانب النمط الآمن أو نمط الضيف Safe/Guest Mode.
عيوب موبايل هواوي Huawei GR5 الجديد وهل يستحق الشراء ؟
وعن عيوب موبايل هواوي جي ار 5 تتلخص في ان شركة هواوي لازالت في طور النمو في السوق المصرية والعربية وبالتالي نجد ان الصيانة لموبايل هواوي قليلة نوعا ما مقارنة بسامسونج او سوني في السوق المصرية ، الا انه في حالة عدم الحاجة للصيانة لا يعتبر هذا عيبا.
– كاميرا موبايل Huawei GR5 متوسطة الاداء مقارنة بكاميرا سامسونج ذات نفس المقياس 13 ميجا بيكسل ، الا انها تفي بالغرض مقارنة بسعر الموبايل المتوسط ، حيث نجد ان الصور عالية الجودة في فترة النهار او الاضاءة الجيدة ومتوسطة مع بعض التشويش في الصور في الاضاءة المنخفضة او ضوء الحجرة العادية.
– مساحة الرام 2 جيجا ، قد تكون مشكلة لمستخدمي الالعاب والتطبيقات كبيرة الحجم.
– البعض لا يفضل بيئة المستخدم او هواوي user interface التي تقوم هواوي بتقديمها بنسختها الجديدة Emotion UI 3.1 الا ان هذا الامر يمكنكم التغلب عليه بتحميل android launcher من جوجل بلاي ستور.
واخيرا موبايل هواوي الجديد Huawei GR5 هو موبايل متوسط السعر حوالي 3400 جنيه بعد ارتفاع سعر الدولار مؤخرا ، لكنه جيد بالنسبة لمواصفاته والمميزات التي يقدمها ، باستثناء صور الكاميرا في الاضاءة الضعيفة والعيوب البسيطة التي ذكرنها لا يوجد عيب كبير يمنع من اقتناء او شراء Huawei GR5 ، وشاركونا بتعليقاتكم واسئلتكم علي خمس خطوات وسوف نجيب عنها في اقرب وقت.
تحديث فبراير 2017 تعرف هنــــــــا علي
في موقع خمس خطوات ، نقدم لكم متابعة جيدة للشأن المصري والعربي والعالمي ، والاخبار السياسية والاقتصادية والبنوك في مصر والوطن العربي اهم النصائح والارشادات ومتابعة جيدة للتطورات الجارية.
انا عاوز احدثه
اي سبب اعوجاج او (انحناء)التليفون من الخلف هل هو ضعف في الشاسيه
هل من الممكن ان يحدث مشكله بالتليفون بعد ذلك
ممكن يكون اكثر من سبب سواء زي ما قلت مشكلة في الشاسيه ، او خبطه او حرارة زيادة تعرض لها الموبايل
المهم طلما الاعوجاج مش كبير والشاشة نفسها سليمة يبقي مفيش مشكلة لباقي المكونات
هل يدعم 4gولا عادي
النسخة الجديدة منه 2017 بتدعم الفور جي
لو اتسرق مني اعرف اجيبه تاني
اه ممكن من خلال خاصية google find my phone علي حساب الجي ميل اللي بتعمله اول لما تشغل الموبايل ، ممكن تعرف مكان الموبايل او تمسح كل اللي عليه او تخليه يرن بصوت مرتفع
لو سمحت عاوز اعرف هل هواوي GR5 هو هو نفس جهاز هواوي KII-L21 الاتنين نفس الجهاز
اه دا الاسم الكودي بتاعه
سمعت إنه لما تخرب البطارية الجهاز ما بيعود يشتغل .. الكلام صحيح .. وهل هوو سهل انه تتلف بطاريته
لو البطارية حصلها حاجة ممكن تتغير بس في التوكيل او بواسطة فني علشان هي مربوطة بمسامير داخل الموبايل مش سهلة الفك
وعامة البطارية صعب تتلف وبتاخد سنين عبقال اما يضعف ادائها
انا تليفونى جديد بفصل وىشتغل من تلقاء نفسه يمكن اصلاح العيب ده ارجوكم عرفونى
لو المشكلة بتحصل بعد استخدام تطبيق معين امسحه ونزله تاني او شوف بديل له
او شوف ايه التطبيقات اللي نزلتها مؤخرا وحصلت بعديها المشكلة دي وامسحها
اما لو استمرت المشكلة خد نسخة من الارقام والحاجات المهمة واعمل اعادة ضبط المصنع ، واول تطبيق تنزله بعد كدا انتي فيرس وتعمل سكان للموبايل سواء تطبيق AVL او تطبيق Avast Antivirus & Security
هو الموبايل موجود علية تطبيق clean master
لا بس انت ممكن تنزله عادي زي من جوجل بلاي ستور
من فضلك لو محتاجة اشتري موبايل هواوي فتنصحني باي نوع ….وشكرا
حسب الميزانية اللي محددها لو متوسطة يبقي Huawei GR5 او Huawei Gr3 2017
لو في حدود 1500 جنيه يبقي Y3 2 4g
لو الميزانية مفتوحة فاحسن موبايل هواوي في السوق حاليا Huawei P9 سعره 8400 جنيه
هل النسخة 2016 تدعم 4g فى مصر
لا ، معظم اللي موجود في مصر من نسخة 2016 مش بيدعم الجيل الرابع لكن ممكن تشوف في شارع عبد العزيز او العتبة بشكل عام
انا عندي الجهاز دا بس في مشكله انو ما بيقرا بطاقةsim وهو كان شغال عادي فجاءه بقا كدا المشكله بتكون ايه في رايكم
الاول اتاكد فين المشكلة في بطاقة ال sim ولا المدخل نفسه في الموبايل ، حاول تجرب ال sim في موبايل تاني وشوف نفس الوضع مستمر ولا ايه
او جرب شريحة شركة تانية في الموبايل لو نفس المشكلة مستمرة يبقي فيه مشكلة في مدخل الشريحة او بيهتز اثناء الاستخدام فبيفصل ال sim فوديه للصيانة وان شاء الله حلها بسيط
لو سمحت الموبايل كويس في الألعاب التقيله بنسبه كام في الميه وهل ممكن سنزله اسكرينه زجاج ولا لا
في معظم الالعاب بنسبة 90 % وممكن تدور باسم الموبايل مع اسم اللعبة علي اليوتيوب هتلاقي ناس مجربه الالعاب علي الموبايل
الاسكرينه لو انت في القاهرة ممكن تشوف في شارع عبد العزيز او العتبة عموما ممكن تكون بلاستيك عادي بس تستحمل
أريد أن احصل عليه
هل يعمل جهاز هاواوي كجهاز إسقاط دون وصله على بروجكتور؟
لا هواوي مش بيعمل كبروجكتور
ممكن تشوف جهاز Samsung Galaxy BEAM 2 فيه بروجيكتور مدمج بالموبايل
السعر 3500
هو حاليا سعره كام فى مصر
3400 جنيه
هوا لو طفيت التليفون الهواوى جى ار 5 لمدة سنة كاملة ممكن يحصلوا حاجة ؟؟؟
لا عادي مفيش مشكلة
طب بالنسبه انه صناعه صيني ده يقلل من كفاءته ولا أي وهل ده أفضل نوع ف الهواوي
شركة هواوي نفسها صينية مفيش مشكلة المهم يكون مع الموبايل ضمان وكيل هواوي و محتويات علبة الموبايل كاملة
هل من الممكن تغيير البطارية في حال تلفها
اه ممكن في التوكيل او من اي مركز صيانة، هي البطارية متثبته في الجهاز بمسامير لكن ممكن فكها بس عايزة حد له خبرة علشان ميفكش حاجة غلط
الموبيل جميل جدا الهواوي
سعر الموبيل دلوقتى بقى 3500 جنيه فايترى الهواوى افضل ولا جالكسى نوت
من حيث المواصفات لو قصدك جالاكسي نوت 5 فهو افضل
اما مقارنة ب نوت 4 فيبقي هواوي جي 5 افضل
بعد نزول أندرويد 601 بطء الجهاز
غالبا فيه تطبيق مش متوافق مع نسخة النظام الجديد ، حاول تحدث التطبيقات كلها ، ولو شاكك في تطبيق معين بيحصل البطئ معاه امسحه وشوف الوضع ايه
لو استمر علي كدا خد نسخة من البيانات والحاجات المهمة واعمل اعادة ضبط المصنع
لو سمحت انا جبت الموبايل بس الشاحن بيسخن وهو بيشحنه هل ده عادى وله مشكله مع العلم انى انا واختى نفس الموقف وهى جايبه بعدى بشهر ارجو الافاده
لو سخونة عادية يعني في حدود 40 درجة عادي مفيش مشكلة طلما الموبايل نفسه مش بيسخن ومفيش مشكلة اثناء استخدامه ، المهم متجبيش ناحيته ميه او غيره و متسبهوش فترة طويلة في الكهرباء بعد ما يشحن الموبايل
سؤال انا رحت سألت علي الهاتف لقيتة ب2800 هل دا صحيح ولا 2100 طب لو ب 2100 اجيبو منين
هو بعد زيادة الدولار الاخيرة سعره زاد فعلا لكن في حدود 2400 جنيه في وسط البلد و شارع عبدالعزيز ، لكن 2870 جنيه دي لو هتشتريه من التوكيل او محلات موبايل شوب
طب سؤالي لحضرتك الافضل samsung J7 2016 ولا sony C5 .ولكم جزيل الشكر
samsung J7 2016 افضل و احدث في المواصفات لكن في نفس الوقت اغلي في السعر عن سوني سي 5
طبعا الجي 7
لو سمحت هيا الكمرا ضعيقة ولا قوية اصلك بتقول بستثناء الكمرا
الكاميرا متوسطة ، بمعني انها كويسة في النهار والاضاءة الجيدة ، اما بليل او في الاضاءه الضعيفة هتلاقي شوشرة الي حد ما في الصور
لو سمحت الجهاز بيفصل كل شويه ايه السبب انا لسه جيباه و ازاي اعلجه
لو حصل الموضوع دا بعد تنزيل او استخدام تطبيق او لعبة معينة امسحيه وشوفي الوضع ايه ، لو استمر كدا ممكن تاخدي نسخة من الحاجات المهمة وتعمل اعادة ضبط المصنع
اخي انا اريد تحميل فيديو من الانترنت او غوغل بطريقة التنزيل ولكن لم استطيع لكن اجهزة السامسونغ وغيره سهل جدا تنزيل مقاطع
ممكن من خلال تطبيقات كثيرة من جوجل بلاي ستور دور ب “youtube downloader”
والله بالجهاز ده طلع شربة البرايم أقيم وأفضل بمراحل برغم انو أقل بالمواصفات وأرخص منو كمان الهوارى فيه عيب خطير جدا مش ليفعل التطبيقات إلى يتنزل من النت زى تطبيق الاذان أو مسجل المكالمات التطبيق بيشتغل أدان واحد ويعمل الجهاز يعنى ليقف التطبيق والأذكار بيشتغل مرة ويقف جميع التطبيقات على كدا ولية سارة الجهاز مع العلم باستثناء البطارية مش نعتبرها عيب لكن أنا جايب جهاز حديث عشان انزل التطبيقات إلى عايزها عليه ويشتغل البرايم السامسونج معايا طلع يراقبون وربى أنا غلط انى اشتريته وحرام حد يشتريه دى نصيحة متابعة فأوصيكم على جهاز ما يستاهل
هو المشكل في النقطة دي من المطورين اللي عملو التطبيقات مفروض يخلوها متوافقة مع جميع او معظم الاجهزة بس هم بيركزو علي سامسونج بس ياريت تراسل صاحب التطبيق او تقولنا اسم التطبيق وننبهه للنقطة دي وجزاك الله كل خير
عموما الحل دلوقتي انك تجرب تطبيقات اخري هتلاقي كتير سواء للاذان او الاذكار او تسجيل المكالمات لحد ما تلاقي تطبيق متوافقك مع الجهاز
بالمناسبة تطبيقات تسجيل المكالمات علي سامسونج s4 جربت تطبيقات الدنيا كلها لحد ما لقيت واحد شغال كويس
اجعل البرنامج محمى من الاعدادات ثم التطبيقات المحمية
وهل هو ثماني النواة
ام اقل
اه ثماني النواة واسم البروسيسور Qualcomm MSM8939
الهاتف جميل… بس لو البطاريه اكتر شويه
يوجد به عيب فى الاله الحاسبه مما يعطلنى الكثير
عيب ازاي يعني ؟ عموما ممكن تنزل تطبيق الالة الحاسبة calculator من جوجل بلاي ستور هتلاقي تطبيقات كتير واشكال مختلفة للاله
على بركه الله
مشكور كتير…بس آخر سؤال..لما اشتريتو كان فيو برنامج كلين ماستر…ايه رأيك فيه؟؟ يعني فعلا بيفيد الموبايل و البطارية ولا هو برنامج تجاري بس..
العفو اخي الكريم واهلا بيك ديما
عامة كلين ماستر ملوش استخدام اساسي انا بستخدم جزء واحد منه بس اللي هو ادارة التطبيقات app manager لان الواجه بتاعته سهلة فيما عدا ذلك مش بتسخدمه وشايف انه ملوش تاثير علي الميموري او البطارية
أنا جبت منو وعجبني كتير بس حاسس البطارية مش زيادة يعني لما كون فاتح النت وعالوايرلس وبكون بشتغل عالواتس كل ٥ دقائق ينقص منو ١℅ ..بقا شو رأيك
عامة البطارية ادائها متوسط ، اما بالنسبة لاستهلاك التطبيقات فحاول تحدثهم لاخر تحديث و قلل سطوح الشاشة علي قد ما تقدر بحيث توفر في استهلاك البطارية
سطوع الشاشه بقللها دائما..بس تحديث التطبيقات كيف بيأثر على استهلاك البطارية…؟؟
يعني صراحة رفيقي معو جالاكسي j5 وبحس بطاريتو بيطول اكتر من بطاريتي
بعض الاحيان القائمين علي التطبيقات بينزلو تحديث بحيث يقلل استهلاك التطبيق للبطارية او يعالج bugs او مشكلات كانت بتستهلك البطارية
بالنسبة لسامسونج j5 حسب تجربة البطارية هو مماثل لهواوي جي ار 5 في الفئة المتوسطة حسب اختبارتها حوالي 20 ساعات
ازاي ٢٠ ساعة؟؟؟ مع الاستعمال التواصل ولا العادي؟؟
دا متوسط بمعني ما بين استخدام للنت والفيديو والمكالمات ، بالنسبة لاستخدام النت بس نت متواصل حوالي 8 ساعات
كل 5 دقيق ينقص 1% ؟ و زعلان ؟ 😀 انا بتجربتي مع بطاريات كتير جدا شايف ان دا حلو جدا
لوسمحت ممكن الرد انا عايزه اشتريه بس مش عارفه اجيبه منين وانا من الشرقيه
معلش انا معرفش المحلات هناك اوي لكن عامة ممكن تسالي في فروع موبايل شوب ، او الشناوي
والافضل لو تقدري تروحي مشوار للقاهرة وسط البلد في العتبة بحيث تلاقيه بسعر اقل و تلاقي كل اكسيسوراته
طيب هو بالنسبة لموضوع ان البطارية ثابتة او غير قابلة للازالة ..دة يعتبر عيب فالموبايل ولا ايه ! يعنى لما البطارية تبوظ او لو حابة اغيرها اغيرها ازاى !خصوصا ان فى كتير نازل ف htc و هواوى البطارية غير قابلة للازالة .
انا بذكر النقطة دي ضمن العيوب علي اساس فيه ناس بتبقي اول مرة تتعامل فميبقاش الموضوع مفاجاة ليهم ، لكن من الناحية العملية ومقارنة بالاجهزة الاخري مش عيب اساسي يعني
لو حصل حاجة للبطارية بتتوجه للصيانة وبتغيرها عادي ، هي بس القصة ان اللي يفك الجهاز والمسامير يبقي فاهم علي اساس يفك ويركب مضبط
هل يوجد فرق في صنعه فى وقت لا آخر
ممكن اللي مٌصنع مؤخرا يبقي نازل جاهز بتحديث المارشميلو فيه بس لسه معتقدتش دلوقتي ، اما بالنسبة للهاردوير نفسه لا مفيش فرق
بخصوص هواوى GR5 عند اكتمال شحن البطاريه لا يعطى اشعار يدل انها اكتملت هل الخاصيه البسيطه دى مش فيه وكمان لمبه الاشعارات تعطى اللون الاخضر من قبل اكتمال الشحن بفترة طويله وهل معنى ذلك ان البطاريه تظل تشحن حتى بعد اكتمال الشحن مما يعرضها للتلف ارجو الافادة
هو فعلا الخاصية دي مش موجودة لكن ممكن من خلال اي تطبيق للبطارية تنزله ويعطيك اشعار عند اكتمال الشحن
النقطة التانية هو اللون الاخضر حسب ما اتذكر بيظهر مع بداية نسبة 85 % لكن برضو ممكن تخصصه باستخدام تطبيقات الاشعارات هتلاقي منها كتير في البلاي ستور
معظم الاجهزة الحديثة لما بيكتمل الشحن بيفصل بس طبعا لو فيه استهلاك للبطارية هيرجع يشحن تاني طلما متوصل بالكهربا فالافضل تشيل الجهاز من الشحن بعد اكتماله
انا عايز اشتريه بس كل خوفى من الكاميرا الاماميه والخلفيه لان معاي Sony M2 هو 5 ميجا بكسل وصورته سيئه جداً مع العلم ان صوره اي موبيل Samsung حتي الاقل منه في السعر افضل بكثيير وده اللي مخليني متردد فى شراء GR5 او ابحث عن نفس السعر في Samsung
هو فعلا كاميرا سوني في الموبايلات المتوسطة صورها ضعيفة خصوصا الكاميرا الامامية
بالنسبة لهواوي هي افضل في النقطة دي ومقاربة لاجهزة سامسونج
لو عايز بديل في نفس السعر من سامسونج شوف Galaxy J5 نسخة السنادي 2016 مش النسخة القديمة ، او جالاكسي j 7
يعنى الكاميرا حلوه ولا ايه
حلوة بالنسبة لسعره وكافية لمعظم اغراض التصوير والفيديو ، النقطة بس في الاضاءة المتوسطة او الضعيفة بتبقي الصور فيها بعض شوشرة
اولا شكرا لاهتمامك بالموضوع ..
ثانياً : أنا حبّيت موبايل ال GR5 لما شفته وكمان قرأت ميّزاته
لكن محتار بينه و بين موبايل p9 lite علما انه فرق السعر بسيط .. تنصحني باييه سعادتك ؟ ^_^
العفو واهلا بيك معانا
شوف ياباشا :)) مواصفات هواوي p9 lite افضل من جي ار 5 افضل وفي نفس الوقت اغلي منه في السعر بحوالي 600 جنيه حاليا
الفرق طبعا في البروسيسور والرام و الكاميرا لصالح p9 lite ، اما ميزه Huawei GR5 عنه في نقطة حجم الشاشة 5.5 ، عامة شوف لو السعر مش نقطه فاصلة يبقي طبعا اشتري p9 lite علي بركة الله
اولا .. والله بحييك جدا ع اهتمامك وردك ع الناس وع الكومنتات كلها ربنا يجازيك خير ان شاء الله
ثانيا .. انا محتار جدا دلوقتى ما بين HTC desire 820 و Huawei GR5 .. الاتنين نفس السعر تقريبا وتقريبا نفس المواصفات ” بعيدا عن البروسيسور عشان للاسف مش فاهم فيه اوى ”
فايه راي حضرتك فيهم وانهى افضل والفرق ما بينهم كعيوب ومزايا معلش :))
ربنا يخليك متشكر علي ذوقك
هو فعلا الاتنين متقاربين لبعض ، انا عامة بفضل اجهزة هواوي عن اتش تي سي بسبب توكيل اتش تي سي في مصر ومشاكله
اما من ناحية المواصفات فاتش تي سي desire 820 افضل في نقطة البروسيسور بفارق بسيط عن هواوي جي ار 5 اما هواوي افضل في وضوح الشاشة و وجود مستشعر البصمة
الكاميرا في الاتنين زي بعض تقريبا مفيش فرق في الصور او الفيديو ، عموما حاول تجرب الاتنين بنفسك قبل الشراء وتحكم لانهم فعلا قريبين من بعض الفروق او العيوب مش مؤثرة
هاتف رائع ويستحق الاقتناء
انا اشتريته من خمس ايام بس وعمل معايا ريستارت حوالي 4 مرات إيه السبب؟؟؟
هل نزلت تطبيق او لعبة غريبة او نسخة قديمة ؟ حاول تشوف بيعمل ريستارت امتي مع اني تطبيق بالضبط وامسح التطبيق دا
او عامة لو مش عارف اني تطبيق طلما لسه جديد خد نسخة من الحاجات المهمة واعمل اعادة ضبط المصنع
السلام عليكم انا عندي مشكله فى الموميرى كاااارت مش عايز يشتغل وكان شغال لما جبت الجهاز
وعليكم السلام ورحمه الله وبركاته
هل الكارت مش ظاهر خالص ولا بيقرا الجهاز لكن مش بيفتح ؟ لو فيه رسالة بتظهر قولنا ايه هي
وحاول تجرب الكارت علي الكمبيوتر او جهاز تاني علشان نشوف العيب فين ، او لو الكارت مقري علي الموبايل انقل الحاجات علي الكمبيوتر ، واعمل فورمات للكارت وهو في الموبايل
انا لسه شاريه حالا (في 2016/07/10) لكن للأسف ب 2200ج ولسه مش عارف فيه أي حاجة وبحاول اتعرف على امكانياته, فلو فيه أي نصيحة أو معلومة ياريت تفيدوني بيها… مع الشكر…
فعلا هو سعره زاد الايام دي علشان الدولار زي العادة ، عامة المهم يكون معاه الضمان وكله شغال سليم والف مبروك عليك
طلما لسه اول مرة تعامل مع الاندرويد عليك وعلي اليوتيوب شوف فيديوهات مراجعة الموبايل والتشغيل بحيث تتفرج وتجرب بنفسك ومع الوقت هتتوعد عليه ان شاء الله
– متنساش تقفل الداتا او الانترنت موبايل لو مش بتستخدمه علشان ميسحبش رصيد
– قلل سطوع الشاشة علي قد ما تقدر بحيث تقلل استهلاك البطارية
– متنزلش تطبيقات او العاب مجهولة المصدر ، خلي التحميل كله يبقي من البلاي ستور google play store
لو سمحت هوالجهاز كان شغال كويس اوى بقاله 4 شهور بس النهاردة فصل ومش عايز يقبل شحن خالص ومش بيفتح مش عارفة كدة المشكلة فين
دوسي علي زر التشغيل مع زر الصوت لاعلي لمدة ثواني لحد ما يشغل ان شاء الله وبتختاري اول اختيار reboot system now باستخدام زرار التشغيل، اما لو مشتغلش جربي توصليه بالكمبيوتر وشوفي الوضع ايه هل بيقرا الجهاز ولا لاه
لو مش بيشحن خالص كدا يبقي مشكلة في البطارية او دائرة الكهربا ولازم توديه الصيانة
انا اشتريته و شغال كويس معايا نت والعاب وعمر البطاريه على مدار اليوم مش بطال انصح باقتناءه
عيد سعيد عليك
انا عرفت ان بطارييتة مش بتتغير بمعني اية يعني لو باظط مش بتتغير
وﻻ المقصود انها مثل اﻻي فون مينفهش اغيرها انا
عيد سعيد ومبارك عليك
اه زي الايفون ، المقصود انها مثبتة في الجهاز مش هينفع تشيلها بسهوله زي الاجهزة القديمة محتاجة فك الموبايل ومسامير وكدا ، لكن لو حصل حاجة من خلال اي مركز صيانة ممكن تغيرها عادي
في ضرر علي البطاريه لو شحنتها بشاحن ابطآ من الشاحن الاصلي؟
عامة لو موصل بالكمبيوتر مفيش مشكلة ، اما لو موصل بالكهرباء مباشرة الافضل يكون الشاحن بتاع الجهاز لان دا هو اللي مواصفاته متوافقة مع مواصفات الجهاز والبطارية
انا لسه شريه ونشوف مميزاته وعيوبة
الف مبروك عليك ومستنين تعليقك بالمميزات والعيوب
المفروض مساحه الجهاز 16g بس لما بفتح التخزين بلاقي مكتوب مستخدم مثلا 2.50g من 10؟؟؟
فين باقي المساحه؟
وليه التطبيقات بتاخد مساحه عاليه ؟
عامة في اجهزة الاندرويد هتلاقي مساحة محجوزة للنظام وملفاته بجانب التطبيقات اللي مثبتة مسبقا
مش كل التطبيقات بتاخد مساحة كبيرة حسب كل تطبيق ، عامة ممكن تمسك التطبيقات اللي مش محتاجها
مشكوووور
الله يخليك وشكرا لمشاركتك معانا
طيب لو سمحت انا عندي اما بعلي الصوت علي آخره بيبقي الصوت مغلوش شويه وفيه زي خروشه في السماعه…ده عادي ولا ايه
لا مش عادي بس هل جربت ملف صوت او فيديو اخر ونفس الخروشة مع كله ؟ لو كدا يبقي فيه مشكلة في السماعة
طب لو سمحت أنا اشتريته من اسبوع وكل ما أنزل برنامج الآذان أو أذكار المسلم مش بيشتغل
غالبا البرنامج مش متوافق مع نسخة الاندريد في الجهاز ، انا فاكر كان فيه برنامج معين كان شغال كويس هحاول اشوف اسمه وارد عليك ، وعامة حاول تجرب البرامج التانية في البلاي ستور واتاكد انه له تحديث قريب او راجع تعليقات الناس علي البرنامج
طب هو بيسخن ف الاستعمال بسرعه؟
لا بس فيه سخونة بسيطة مع الاستخدام لفترة طويلة خلال اليوم ، بعد الناس في التعليقات السابقة اشتكت من السخونة العالية وزي ما وضحنالهم ان كدا يبقي عيب صناعة وعليهم التوجه لضمان او الصيانة
طب هو لو انا عاوز انقل خاجات علي كارت الميموري اقدر اعمل كدة اقصد يعني انقل ال apps و كدة ينفع و لا لازم افوك الرووت عشان دا يحصل
علي حسب كل تطبيق او لعبة ممكن بيقبل يتنقل عادي ام لا ، وممكن تجرب تطبيق AppMgr III App 2 SD بس بلاش الروت لو لسه جديد مع الاندرويد خصوصا انه بيخرج الجهاز من الضمان
انا الجهاز بيفصل معايا شبكه من وقت الي التاني ومش بيشتغل غير لما اعمل إعادة تشغيل ده طبيعي ولا فيه عيب
حاول تجرب شريحة شبكة تانية لو اتكررت المشكلة يبقي عيب في الجهاز ووديه الصيانة للفحص
انا الجهاز بطىء معايا فى تحميل البرامج من على المتجر هل دا طبيعي ولا عيب صناعه ملحوظة عن طريق واى فاى 512 سرعة
شوف سرعة التحميل لو في حدود 40 – 50 كيلو\ثانية يبقي طبيعي بالنسبة لسرعة 512
لو اقل من كدا شوف هل فيه تطبيقات اخري بتعمل تحديث او اي تطبيق او جهاز اخر بيستخدم النت وقت التحميل ؟
طب سؤال
أنا محتار بين GR5 و P 8 LITE و SAMSUNG J 7
هو الافضل فيهم بالترتيب GR5 ثم سامسونج جي 7 ثم P8 lite
طب دا افضل ولا Y6pro??
هواوي جي ار 5 افضل بس في نفس الوقت اغلي في السعر عن هواوي Y6 pro
طيب هو بيسخن بطريقه فظيعه جدا لدرجه اني لا اسطتيع ان اضعه ع أذني
كدا يبقي عيب صناعة ووديه الضمان للفحص
لماذ السعر أرخص في محلات ش عبدالعزيز وهل هي مضمونة أم محلات التوزيع الأخري
لان كل تاجر او محل بيحدد المكسب بتاعه وعلشان كدا هتلاقي الاسعار مختلفة من محل لتاني ، اما في موبايل شوب او بي تيك او المحلات الكبيرة بيبقو محددين المكسب ثابت حوالي 300 جنيه علي معظم الاجهزة
المهم تاكد عليه ان الجهاز بالضمان وتكون علبة الموبايل مقفولة “متبرشمة” ويفتحها قدامك وتشوف ورقة الضمان
بس فيه ناس بتستخدم gr5 بيقولو البصمة بتضعف مع الاستعمال الكتييييير على المدى البعيد 6 شهور مثلا
مشوفتش النقطة دي قبل كدا ممكن بس دي ليها اكثر من سبب حسب كل واحد واستخدامه بجانب ان 6 شهور مش مدي بعيد :)) ويبقي لسه فيه الضمان
انا في ناس نصحتني في حالة اني اشترتيته اني مركبش اسكرين…..ﻷنه محمي بطبقة زجاجية gorilla علي ما اعتقد وان في حالة تركيب حواجه مشكلة في الصوت وفي الtouch فهل الكلام ده صح؟؟! وشكر كبير علي مجهودك 🙂
حتي لو الجهاز محمي الافضل تركيب سكرينه لان طبقة gorilla glass بتبقي حماية ضد الخدوش البسيطة هو اللي شوفته ان فيه ناس مش بتحب ملمس الاسكرينه فبتشيلها ، اما الخوف من نقطة مشاكل في التاتش لما تركب سكرينه بيبقي حسب نوعها المهم تتاكد انها مخصصة للجهاز وانها متغطيش علي السماعة او الكاميرا الامامية
من أقل في السخونة بوجه عام (سوني Z1 أم هواويGr5؟)
وكم السعر اليوم25/6/2016
بشكل عام هواوي جي ار 5 اقل في السخونة من سوني زد 1 ، اما عن سعره فهو 2100 جنيه
لوسمحت انا عايزة اشتريه بس محتارة عشان انا استخدامة لون هيبقي مده طويلة و اخاف يبطء عشان في ناس نصحتني وقالتلي هيبطء بعد كده
من ناحية البطئ لا مفيش مشكلة في الجهاز في حد ذاته
لكن عامة اجهزة اندرويد بتبطئ بسبب عدم توافق التطبيقات مع نسخة الاندرويد اللي في الجهاز ، او بسبب عدم تحديثها لفترة طويلة
الحل بيكون في تحديث التطبيقات او تحديث الجهاز ، او عمل اعادة ضبط المصنع
طب سؤال تاني انا عندي فون هواوي g300 الاندرويد بتاعه قديييم و مش عايز يتحدث كل لما اشوف التحديثات يقولي مفيش اعمل ايه عشان في برامج مش بتنزل و الي بتنزل بتنزل ب اصدار قديم يعني لو مفيهاش تحديث يعني لو التحديث الجديد 5 انا ينزل عندي 2
هو فعلا هواوي Huawei Ascend G300 اخر تحديث رسمي له v4.0 Ice Cream Sandwich ، ممكن عمل تحديث يدوي علي النت بس الخطوات نفسها طويلة وعايزة واحد خبره في الاندرويد فالافضل تتوجهي لمركز صيانة وتعملي تحديث له هتلاقي تحديث له حتي نسخة كيت كات Android 4.4 Kitkat
والله فى اتنين معايا فى الشغل جيبين هواوى ده وبيشكره فيه جدا انا كمان عاوزه اشتريه بس بالقسط ينفع
اه ممكن بالتقسيط من بي تيك او موبايل شوب ، او لو انت من القاهرة روح شارع عبدالعزيز واسال عن المحلات اللي بتبيع بالتقسيط هتلاقي كتير هناك
اجيب دا ولا p8 lite ??
من غيرماتقولى مواصفات وبتاع من خلال خبره حضرتك 🙂
حاضر ياعم من غير مواصفات :)) هواوي جي ار 5 احسن ، بس برضو خلي بالك ان فيه فرق في السعر p8 lite ارخص هو دلوقتي ب 1700 جنيه
يعنى ايه البطاريه غير قابله للازاله
يعني البطارية مثبتة في الجهاز مش بتتشال بواسطة المستخدم لازم الجهاز يتفك علشان تشيل البطارية ، عامة معظم الاجهزة الجديدة بقت كدا علشان اسهل في التصنيع للشركات ، هي مش عيب اساسي بس بنذكره لان فيه ناس كتير مش متوعدة علي الموضوع لسه
ممكن اعرف ايه احسن موبايل كاميرا اماميه تحفه عمليااا بجد عمليه مش مجرد مواصفات 2 رام و5ونص انش وشريحتين وبطاريه متحركه ماركه lg و سوني
وشكرا لمجهودكم الراااائع 🙂
العفو واهلا بيكي شوفي بالمواصفات دي في سوني بسعر متوسط 2500 جنيه هتلاقي Sony Xperia C4 الكاميرا الامامية جيدة في الصور والفيديو ، بس هو البطارية غير قابلة للازالة دي هتلاقيها في معظم الاجهزة حاليا
في LG هتلاقي LG G2 بنفس السعر تقريبا بس الشاشة اصغر شوية 5.2 بوصة
هوه تليفون ممتاز جدا بس الكاميرا مبتصورش ليه على الكرت الممرى
في الاعدادت ممكن تختار مكان الحفظ علي كارت الميموري sd card عادي من اعدادات الكاميرا سواء الصور او الفيديو
عايز أشتريه بس خايف من انه صيني وان الصيانه مش ممتازه
متقلقش من النقطة دي لان هواوي بقي ليها مراكز صيانة كويسه في مصر حاليا ، انت شوف الامكانيات نفسها اللي عايزها وقارن بينها وبين الاجهزة التانية
عايزة تليفون شاشة 5.5 انش و رام 2 و 16 جيجا ميموري و كاميرا جيدة جدا في اي ظروف اضاءة و في حدود 2100-2200 ارجو الرد
هو افضل حاجة في الرينج دا سامسونج Galaxy J7 ب 2100 جنيه من حيث نقطة الكاميرا بس هو 1.5 جيجا رام بعديه هواوي جي ار 5 بس زي ما وضحنا الكاميرا متوسطة
انا عايز اجيب gr5 بس خايف من صيانة وقطع غيار هواوى
حاليا صيانة هواوي في مصر بقت افضل ومتاحة في اكتر من مكان بقت رقم 2 بعد سامسونج
اما الاكسيسورات فهي متوفرة لو انت في القاهرة روح العتبة او وسط البلد هتلاقي كتير
اانا معايا الموبيل هو الجهتز راءع جدا … بس بحس انه بيسخن هل ده عادى ولا ايه …ارجو الافاده
لو سخونة محتملة يعني اقل من حوالي 40 درجة مع الاستخدام لفترة طويلة عادي ، اما لو سخونة شديدة في وقت استخدام قصير ممكن يبقي عيب صناعة لو كدا وديه الصيانة للفحص
مش فهمه حاجه
ايه اللي مش مفهوم واحنا نوضحه ؟
هل هو صيني ام لا ؟؟
اه الشركة صيني والموبايل صنع الصين
يعني اشتريه ولا لا
لو تقدر تعيش مع عيوبه اشتريه وعموما حاول تجربه بنفسك قبل الشراء
هل هو مزود بسينسور بصمة الاصبع ؟
هل هو افضل والا y6برو
هواوي جي ار 5 افضل لكن في نفس الوقت هو اغلي في السعر بكتير عن هواوي y6 pro
هل يعمل مع شبكات الجيل الرابع
عامة اه يدعم شبكات الجيل الرابع ، بس في مصر النسخة الحالية منه بتدعم لحد شبكة الجيل الثالث فقط
ان شاء الله مع دخول شبكة الجيل الرابع هيتم استيراد النسخة الفور جي منه
في برامج مش بتشتغل عليه زي ميراث النبي والمؤذن
حاول تشوف اي تطبيقات بديلة ، او تطلب من صاحب التطبيق توفيق التطبيق مع نسخة الاندرويد في الجهاز
انا حامل الجهاز جهاز مرتب صيني بس صح انصح بشرا الجهاز
انا اشتريت الموبايل وهو عاجبني وكل حاجه بس الكاميرا سواء الاماميه او الخلفيه ضعيفه لما بيكون في اضاءه ضعيفه ولما بيكون اضاءه قويه بيبقا ما شاء الله قوي بس سؤال هو الهواوي Y6proضد المياه
لا مش ضمن المياه
شرح مميز ورائع لكن بالنسبه للسعر اعتقد انه اكثر من 2000حاليا..تقريبا ب2100 وهامش ربحه ضعيف جدا للتاجر
شكرا لمشاركتك معانا فعلا زاد مع زيادة الدولار الاخيرة وانا كنت ناسي احدث السعر شكرا لك
هو احسن ولا سوني c3??
وفي مشكلة انو هواوي صناعة صينية ??
هواوي جي ار 5 احسن من سي 3 و يقارن بالاعلي منه سوني سي 4
لا مفيش مشكلة المهم الموبايل يكون معاه الضمان
وفي مصر حاليا معظم اجهزة سامسونج او سوني بقت صنع في الصين اكتر من صنع في فيتنام
جهاز مرتب جدن وعالي الجودة
انا لسه جايب هواويgr5 من اسبوع فطلب مني تحديث وحدثتة وقفل ومش راضي يفتح خالص اية الحل ممكن
وصليه بالكمبيوتر وشوفي اي الوضع لو مشتغلش دوسي علي زر التشغيل مع زر الصوت لاعلي لمدة ثواني لحد ما يشتغل معاكي
ايهما افضل z3 ام جي ار 5
سوني زد 3 افضل بس في نفس الوقت اغلي في السعر بكتير عن هواوي جي ار 5
هو ليه الصوت بيخرج من مخرج واحد بس اللي من ناحية اليمين مش مفروض يبقى من الناحيتين
لو قصدك السماعة الخارجية الهاندفري حاول تثبتها كويس في السوكت ، ولو لسه فيه مشكلة جرب السماعة علي موبايل اخر ممكن يكون سلك السماعة نفسه مقطوع او فيه حاجة
انا كنت هجيبه بس خفت من الكاميرا
الكاميرا زي ما قلنا متوسطة مش لدرجة تخوف عموما حاولي تشوفي صورها و فيديوهات الموبايل كتير علي اليوتيوب قبل الشراء
انا لسه جيباه فهل بيسخن ؟ وهو افضل ولا t2 سوني
مفيش سخونة عالية لا
هواوي جي ار 5 افضل من حيث المواصفات والتحديثات ، سوني تي 2 افضل في نقطة الشاشة الكبيرة
الموبايل فعلا جيد جدا لكن للاسف الكاميرا فعلا غير ما توقعتها والصوت كمان غير نقي كما ينبغي وكمان لوحة المفاتيح فيها عيوب
زي ما وضحنا الكاميرا متوسطة ممكن مع بعض التعديلات في الاضاءة وغيره تحس بفرق شوية
الصوت انا شايفه كويس ياريت تقولنا هل قصدك المكالمات ولا عامة ؟ و بالنسبة للوحة المفاتيح عيوب ازاي يعني التطبيق نفسه فيه مشكلة ولا ايه؟
لو سمحت هو سعه عامل كام في السعودية او قطر
سعر هواوي GR5 في السعودية حوالي 800 ريال
موبيل جي8 في ناس بتقول ان صوتة واطي جدا وملوشة اسكرينة هل حقيقي الكلام دة ولا اية
انا مجربتش هواوي جي 8 لفترة طويلة بس صوته كان عادي مسموع يعني مش واطي لا
بالنسبة للاسكرينة اه قليل اوي هتلاقي اكسيسوراته حاليا لو انت من القاهرة انزل العبته وعبد العزيز وهتلاقي ان شاء الله ، عموما ساعة اما تتزنق اي سكرينه موبايل شاشته 5.5 او 6 بوصة وتقصها هو ابعاده مشابه لموبايلات سامسونج فهتلاقي كتير
المشكله في البطاريه بستنفذ بسرعه مقارنه بالانواع الاخري زي انفينيكس مثلا…هل لها حل مشكله البطاريه؟؟؟
استهلاك البطارية في الموبايل طبيعي مشوفتش فيه مشكلة
الاستهلاك السريع ممكن يكون له اكتر من سبب عامة حاول تقلل سطوع الشاشة ، وتقفل البلوتوث والجي بي اس عند عدم استخدامهم واتاكد ان التطبيقات محدثة لاخر نسخة متاحة
والله انا شارى لسه الجهاز بقالو أسبوع بس باين عليه جهاز روعه
هوا مبيستقبلش الشعارات الأخبار ليه زي نبض ومصر بريس مبيستقبلش الشعارات ليه هوا الجهاز جميل مفيهاش عيوب بس الشعارات هيا المزعلاني
انا مش عارف التطبيقات دي بالضبط لكن ممكن يكون التطبيق غير متوافق مع نسخة الاندرويد او حاجة في الاعدادت محتاجة ظبط لو تقدر تتواصل مع مطور التطبيق هيقولك المشكلة فين بالضبط
بتدخل علي الاعدادات وظبط البرامج الي عايز يجبلك إشعارات من مركز الإشعارات والتطبيقات المحمية
انا اشتريت الجهاز من فترة لكن عندما قمت بتنزيل برنامج applock او اى برنامج لغق البرامج بباسورد لايقوم بغبق البرامج او يغلقها مرة وعندما افتحه مرة اخرى لايغقلها مع العلم قمت بتنزيل اكتر من برامج للغلق ووجدت هذه المشكلة
يا اخي…ادخل في اعدادات الامان في الهاتف ودور عليapp with usage accessوحدد برنامج ال app lock وان شاء الله يشتغل تمام…كانت عندي نفس المشكلة
لاامانه الجهاز معي اله 3 شهور وضعه ممتاز وانصح الجميع بشراءه صراحه لم اجد اي عيب فيه
شكرا لمشاركتك معانا
انا معايا جي ار ٥ بس بعد يومين البورده والموبايل باظ و بقاله اكتر من ٤٠ يوم ولسه مش عاوز يتصلح وطلبت واحد جديد رفضه المفروض اعمل ايه
مفروض يتم تصليحه علي حساب الضمان او يتم استبداله طلما اخد الوقت دا كله حاول تروح مرة تانية وتكلم حد مسئول مش موظف ، ولو رفضوا قدم شكوي في جهاز حماية المستهلك
هل البصمة تقلل من مساحة الرامات
لا هو التطبيق المسئول عن البصمة زي اي تطبيق عادي مش بيستهلك رامات كتير
سعره كام في المملكه السعوديه
سعر هواوي جي ار 5 في السعودية حوالي 800 ريال
هل هو مزود الفلاش أمامي
لا مفيش فلاش امامي في هواوي جي ار 5
هو في مستشعر الجيروسكوب الي بيشغل برنامج في جوجل بلاي cardboard الذي يشغل نظارة الواقع الافتراضي
لا مفيش مستشعر ال gyroscope
السينسورز الموجودة في هواوي جي ار 5 هي Accelerometer, Proximity sensor，Ambient light sensor, Digital compass, Magnetometer
هتلاقي المستشعر دا في جهاز Huawei Mate 8
بالمناسبة سؤال ليا انا بقي علشان انا مجربتهاش قبل كدا :)) هو نظارة cardboard مفروض تشتغل مع Accelerometer عادي ولا ليه بتحتاج ال جيروسكوب ؟
يعني الموبايل بيعلق كتير ولا كويس حتي لو لعبت به كتير
وهو لو اتعمله تحديث مرشملوا خواص البصمة هتروح ولا اه
وهو j7 احسن ولاgr5من التهنيج وكل المواصفا ت
الضمان عليه اد اه? واسف علي اسالتي الكتير
لا مفيش تهنيج وكان لسه في تعليق قال الدنيا كويسه بعد استخدامه لفتره
بالنسبة لخاصية البصمة مستمرة عادي بعد التحديث فين قالو انها بتروح ؟
سواء سامسونج جي 7 او هواوي جي ار 5 الاتنين ليهم مميزات وعيوب انا شحصيا بفضل سامسونج جي 7 فانت حاول تجرب الجهازين وتحكم بنفسك
الضمان سنة ، لو فيه اي سؤال اخر اهلا بيك ولا كتير ولا حاجه :))
ايهماا افضل هواوي جي ار 5 …، ولا هواوي جي 8 …
الاتنين نفس المواصفات تقريبا بس هواوي جي 8 افضل في نقطة التصميم و مادة التصنيع وجسم الموبايل من الالومنيوم اما جي ار 5 فمعظم جسم الموبايل من البلاستيك ، علشان كدا سعر الجي 8 اعلي حوالي 500 جنيه عن جي ار 5
لو مش فارق معاكي مادة التصنيع بلاستك او معدن يبقي جي ار 5 افضل
الموبيل تحفه وامكانياته جميله معايا بقاله فتره ومكتشفتش فيه اي عيوب
شكرا لمشاركتك معانا
طول وعرض موبايل جي ار فايف اد ايه
الطول 151.3مللي و العرض 76.3 مللي ، اما السُمك 8.15 مللي ، وزن الموبايل 158 جرام
ايهما افضل هواوى جى ار5 او سامسونج a5
هواوي جي ار 5 افضل من حيث حجم الشاشة والبطارية والتحديث ، سامسونج a 5 سعره مبالغ فيه علشان التصميم والهيكل المعدني للموبايل اما بالنسبة للمواصفات هواوي جي ار 5 افضل
السلام عليكم
انا شفت اكتر من مراجعة وكانوا بيقولو ان مع فترة من استخدامة بيهنج …الكلام دة فعلا ولا…ولو صح ليها حل ولالا
وكمان بيولو ان مع اسنخدام للاعاب لفترة طويلة بتبطئ
وبالنسبلة للتحديث ينفع اعملو تحديث ولا هي بتنزل مه النسخة الجديدة
واسف ع الاطالة بجد
وعليكم السلام ورحمه الله وبركاته ، اهلا بيك
الموبايل في الاستخدام العادي مش بيهنج وشغال كويس حتي مع الالعاب الكبيرة
لكن عامة من عيوب نظام اندرويد نقطة التهنيج بعد فترة من الاستخدام ودي بتكون بسبب بعض التطبيقات والالعاب وعدم توافقها من نسخة الاندرويد او لاسباب تانية كتير ، عموما الحل بيكون مسح واعادة تسطيب التطبيقات دي او عمل اعادة ضبط المصنع بحيث ترجع كل شئ لاصله
بالنسبة للتحديث ان شاء الله خلال الاسابيع اللي جيه هينزل تحديث اندرويد مارشميلو 6.0 مش هيبقي لحق ينزلوه علي الاجهزة فممكن لو ينزل رسمي هيظهرلك اشعار وتحمل التحديث وتسطبه عادي
انت ساعتني بجد والله بجد بشكرك علي ذوقك
يسلموووووو
العفو ربنا يخليك واهلا بيك معانا :))
هل هاتف gr5 افضل او 4x
هواوي جي ار 5 يعتبر تحديث ل Huawei Honor 4X في المواصفات الداخلية ، يعني هو افضل لكن في نفس الوقت اغلي في السعر ، هواوي جي ار 5 ب 2100 جنيه و Honor 4x ب1600 جنيه
طيب انا عاوز اسألك انا بقارن بين هواوي جي ار 5 واوبو اف 1 وعاوزك تنصحني
هواوي جي ار 5 احسن في الشاشة اكبر واكتر وضوحا ، ونفس الوضع للبطارية ، و جي ار 5 هيحصل علي تحديث المارشميلو اما اوبو اف 1 مش معروف لسه هيحدث ام لا ، انا شايف ان هواوي جي ار 5 افضل
السلام عليكم واللهي بنسبة موبايلgr5 حلو كتير ومافيش اي مشكلة يعني سعر مش غالي بنسبة للمواصفات الي فيه بس نحنا بدنا كل مواصفات بسعر قليل بس سؤال شو ميزة المرآة هي الي حابب اعرفها وسلام عليكم ورحمة الله وبركاته لاتنساني من الرد ولكم الشكر
وعليكم السلام ورحمه الله وبركاته
ياريت توضح اكتر لاني مش فاهم قصدك ميزة المرآه في الكاميرا ولا ايه بالضبط ؟ لو قصدك ميزة المرآة في الكاميرا هي مجرد بتعطي تاثير المرايا في الصور ، مثل انك واقف قدام المرآه وبتلتقط صورة ، قولنا لو دا قصدك ولا ايه واهلا بيك
عاوزة اعرف البطاريه كويسه ولا لا ازاى
هى بقالها كام يوم بتخلص من غير مااستخدمه
هو الطبيعى تفضل كام ساعه بااستخدام ومن غير استخدام
هواوى جى ار 5
بنعرف البطارية سليمة ولا لاه لو البطارية خلصت في اقل من نص يوم مع الاستخدام البسيط او المتوسط يعني نت علي العاب بسيطة
عامة بطارية هواوي جي ار 5 بتقعد حوالي يوم الي يوم ونص مع الاستخدام المتوسط ، يعني 24 ل 36 ساعة ، لو استخدام خفيف او مفيش استخدام خالص هيقعد يومين كاملين تقريبا
انتي ممكن متكونش بتستخدمه بس الواي فاي شغال او البلوتوث والجي بي اس شغالين كل دا بيستهلك البطارية حتي والشاشة مطفية ، برضو من الحاجات اللي بتستهلك البطارية نسبة سطوع الشاشة
ال عجبنى فى القصة دى انك بترد على كل واحد مليون تحية ليك بجد
ربنا يخليك انا بحب اساعد الناس علي قد ما اقدر و برضو بستفاد من التعليقات وكلنا بنتعلم من بعض :))
عايز اخد رايك الافضل فى الموبيلات هواوى GR5 ولا Lenovo A7010
هم الاتنين قريبين من بعض ، شخصيا انا بفضل هواوي عن لينوفو خصوصا في مصر توكيل لينوفو تعبان شوية ، عموما حاول تجرب الجهازين بنفسك قبل الشراء وتحكم لان زي ما قلت مواصفاتهم قريبة من بعض
طب انا شايف مميزات لينوفو A7010 اكتر من هواوى GR5 مثلآ : 3 مايك فى الموبيل و سمعات استريو و otg usp و نظارة جوجل و ذكرة 32 و عمر البطارية اطوال المميزات دى مش موجودة فى هواوى GR5 خالص انا عايز اعرف وجه نظر حضرتك فالهواوى انو حلو لية اقنعنى معلش
حسب اختبارات الصوت والمكالمات علي موقع gsmarena لينوفو a7010 متوسط يعني ال 3 مايك والستريو معملوش الفرق اللي اديله نقط عليه بجانب انهم قالوا نصا ان الصوت نقي بس منخفض “Audio is clear but quiet” ودا عيب من العيوب ، otg usp هي ميزة فعلا بس انا في المراجعات مش بدخلها لان معظم الناس مش بتستخدمها لو هي مهمة لحد تبقي نقطة لصالح لينوفو ، نفس الشئ برضو للذاكرة 32 ، مع العلم ان النسخة 3 جيجا رام معاها 16 جيجا بس ، بالنسبة لبطارية صحيح السعة اكبر في لينوفو بس عمر البطارية نفسه اكبر في هواوي وهتلاقي اختبارات كتير في المواقع للبطارية.
نظارة جوجل قصدك ايه فيه عرض بكدا مع الموبايل ولا ايه بالضبط؟
اما ميزات هواوي جي ار 5 عن لينوفو ، فهي البروسيور اعلي وافضل في التحديث مستقبلا ، الكاميرا علي الرغم انها متوسطة في الاتنين بس انا شايف صور وفيديو هواوي افضل ، بجانب زي ما قلت ان دعم وصيانة هواوي حاليا في مصر افضل من لينوفو ، وفي النهاية زي ما بنقول ديما جرب الجهازين بنفسك لان اي موبايل ديما هيبقي له مميزات وعيوب
مش عاارف لى بحس ان الجهاز حركته ف التنقل من حاجه ل حاجه تقيله بعض ما زى ما تقول slow motion بس مش واضحه اوى يعنى هل دة ممكن عشان اصدار ال لولى بوب متقل الجهاز شويه اعتقد التحديث محتاج يتطور شويه ولا اى ؟!
هو التقل او التهنيج ممكن يكون له اكثر من سبب ، شوف استهلاك الميموري وهل بتبقي فاتح اكتر من تطبيق في نفس الوقت ؟ ، جرب تعمل ريستارت للموبايل وشوف الوضع ايه
ممكن يكون تطبيق معين فعلا مش متوافق مع اصدار لولي بوب وعامل المشكلة دي فاتاكد برضو ان التطبيقات محدثة لاخر نسخها لها ، ولو البطئ دا بيحصل عند فتح تطبيق او لعبه معينة امسح التطبيق وسطبه تاني او شوف بديل له
وعموما ان شاء الله خلال شهر او شهرين هينزل تحديث اندرويد مارشميلو 6.0 للموبايل والدنيا هتبقي احسن
بعد ما فشلت في تحميل برامج قفل قلبت في الفون وعرف انه هو فيه برنامج فب الفون مانيجر بيقفل اللي محتاجه اقفله وده ريحنى وكمان الكاميرات حلوة مش وحشة
كويس ، هو فعلا فيه برامج كتير بس المشكل بيقي انها تكون متوافقة مع نسخة الاندرويد في الموبايل
لما بصور صوره وبعمل زوم بتبقا الصورمنغوشه جامد هل ده عيب صناعي والا الكاميرا كده
هو عامة اي كاميرا كل ما تعمل زووم الوضوح بيقل ، وزي ما قلنا الكاميرا ادائها متوسط في الاضاءة العادية ، فحاول تغير الاضاءة و زواية التصوير او استخدم الفلاش
انا محتاره دلوقتي اشتري gr5 ولا سامسونج g7 اعمل ايه قولولي
حاولي تجربي الاتنين في محل الموبايلات او مثلا في موبايل شوب لو قريب منك وحسب ما ترتاحي هم الاتنين فعلا مواصفاتهم قريبة من بعض
انا عاوز حد يرشحلي تليفون في حدود ٢٠٠٠ مصري بس يكون تليفون جيد
هواوي جي ار 5 بالسعر دا وهو جيد ويستحق الشراء لو عايز موبايل سامسونج فيه samsung galaxy j7 بنفس السعر
بس انا شايف من ااتعليقات ان gr5 بيسخن والكاميرا مش بجودة عاليه وانا مابفضلش اني اشتري سامسونج
في امكانيه شراء عدة اخري وفي نفس الرينج للسعر
هو عادة الناس مش بتعلق غير لما يكون فيه مشكلة :)) مش معني كدا ان كل نسخ الموبايل فيها المشكلة دي
عموما فيه مثلا سوني Xperia M4 Aqua Dual بحوالي 2000 جنيه
او اتش تي سي Desire 816g Dual Sim
تمام شكرا لمجهودك
العفو واهلا بيك
شكرا
انا معي جي ار 5بس مش عارف اجيب زوم الكاميرا اذي اجيبه
من خلال ازرار الصوت ، زر الصوت لاعلي + لزيادة الزوم والصوت لاسفل – لتقليل الزوم
معي جلاكسي نوت 2 بحالته هل ابدله بهواوي جي ار 5 و لا لأ
هواوي جي ار 5 افضل من نوت 2 في المواصفات والتحديثات ، خاصة ان نوت 2 ملهوش تحديثات في المستقبل
انا ممكن اشترى منك نوت 2
الموبايل لسة جايبو انهاردة و بيسخن بيوصل اعلى من 40 درجة مئوية < اية الحل ؟؟
اتاكد ان التطبيقات محدثة وشوف هل بيحصل السخونة اثناء استخدام تطبيق معين ولا عامة اثناء الاستخدام والمكالمات ؟ لو كدا يبقي وديه الصيانة للفحص ممكن يكون عيب صناعة
ايه افضل GR5 ولا P8 light
هواوي P8 light احسن بس في نفس الوقت اغلي في السعر عن GR5
أجيب هواوي جي ار5هل البطاريه لوحصل فيه مشكله ممكن تغير في التوكيل
اه بتتغير عادي او حتي ممكن تشتري البطارية وتغيرها من اي مركز صيانة
شكرا
العفو واهلا بيك
اجيب j7 ولا هواوي جي ار 5
سامسونج جي 7 افضل في الكاميرا والدعم بس في نفس الوقت اغلي في السعر حاليا من جي ار 5
لو سمحت انا كل لما اجى انزل تطبيق او اى لعبة ألقى رسالة مكتوب فيها مينفعش أن انا أثبت التطبيق دى لو سمحت عايز اعرف دى عيب ولا لا شكرا
ممكن تقولنا نص الرسالة بالضبط ؟
وعامة حاول تتاكد ان فيه مساحة كافية ، وان التطبيق او اللعبة متوافق مع نسخة الاندرويد في الموبايل
املك جهاز سامسونج جي 7
وكنت عايز اغير وناس نصحونى هاواوى جي ار 5
محتاج دعمكم فى اتخاذ القرار وخصوصا انا هواوى اسم جديد انما سامسونج لها تاريخ
هو جهاز سامسونج جي 7 افضل من هواوي جي ار 5 من حيث التحديثات والكاميرا
لكن الجهاز نفسه جيد ويستحق الشراء صحيح هواوي لسه جديدة في السوق مقارنة بسامسونج لكن ابتدت تاخد مكان ، عموما حاول تجرب الموبايل قبل الشراء بنفسك وتحكم
مرحبا اني افضل HTC 820او هواوي ولك الشكر
هواوي GR5 افضل من حيث التحديث والمواصفات ، بجانب ان فيه شكاوي من شاشة جهاز اتش تي سي 820
عوزه اعرف انهى احسن فى سامسونج جى 5ولا هواووى
هواوي GR5 افضل من ناحية السعر والتصنيع افضل نسبيا من سامسونج قصدي خامة الموبايل
سامسونج جي 5 افضل في نقطة الكاميرا والتحديثات
انا نزلت من بلاى ستور برنامج القفل للخصوصية يشتغل شوية ويفصل تانيى ليييه
غالبا التطبيق مش متوافق مع نسخة النظام ممكن تشوفي تطبيق غيره او تنتظري تحديث له
انا اشتريت جهاز هواوي GR5 بس عندي مشكلة هو مش بيدعم الOTG ولا انا اللي مش عارف اشغلها
لا هواوي GR5 مش بيدعم خاصة usb otg
طب هوا انا عندى تاب 2 و باجى اعمل سوفتوار ابدات لجيلى بين مش راضى اية الحل؟
ايه الرسالة اللي بتظهر بالضبط ؟ عموما حاول تعمل اعادة ضبط المصنع قبل البدء في التحديث ، واتاكد ان النت ثابت مش بيفصل وسط التحميل لو استمرت المشكلة وديه مركز صيانة بحيث يتم فحصه
بعد اذنكم ممكن اعرف انهو الاحسن او الافضل : Galaxy J7 ولا Huawei GR5 ؟
Galaxy j7 افضل من حيث الكاميرا والبطارية والدعم
هواوي جي ار 5 في نقطة السعر
فيه عيب خطير جدا وهو ان الجهاز مش بيحفظ التغييرات اللي بتعملها بعد مابتقفله وتفتحه. يعني مثلا انا نقلت البرامج للsd قفلت الجهاز وفتحته الاقيهم في الانتيرنال او مثلا نزلت كيبورد تاتش بال وبستخدمه،بمجرد ما اقفل الجهاز وافتحه بيرجعني لكيبورد جوجل او هواوي وارجع اعمل كل اللي عملته تاني مش عارف ده عيب ف الجهاز ولا فيه حاجه عايزه تتظبط
انا مقبلتش المشكلة دي قبل كدا لكن عامة في تطبيقات بترفض النقل الي sd عموما جرب تنقلها باستخدام تطبيق move apps to sd وشوف الوضع ايه
شكرا
العفو واهلا بيك في خمس خطوات
طب سعره فى السعودية كام؟؟
سعر هواوي GR5 في السعودية مارس 2016 هو 700 ريال سعودي
انا اشتريت موبايل gr5وفي مشكلة في الشبكة ضعيفة جدا في بعض الاماكن وبتسقط كتيرفي الشريحتين مش عارف هل دة عيب في الموبايل ولا اية للعلم انالسة شاريه ن اسبوع
حاول تجرب في اكتر من مكان او شريحة موبايل شركة تانية ، لو نفس الوضع ولسه جديد يبقي وديه الصيانة للفحص ممكن يكون عيب صناعة
طب لو حصله مشاكل ولا حاجه لقدر الله عايز اعرف عناوين مراكز الصيانه والضمان لهواوى
وكيل شركة هواوي في مصر هي شركة دلتا
ودي العناويين وارقام التليفون مراكز صيانة شركة دلتا للإتصالات
مدينة نصر :- 39 ش محمد توفيق دياب من مكرم عبيد ت22873063 – 22752713
المهندسين :- 98 ش محي الدين أبو العز ت 37487100 – 3748730
الأسكندرية :- 7 ش أبو العلا كفر عبده رشدي ت 035436633
المنصورة :- برج شجرة الدر ش المشاية السلفية ت 0502252029
الإسماعيلية :- 1 ش شبين الكوم برج السلام ت 0643357654
الفيوم :- 4 ش النصر منشأة لطف الله بندر الفيوم ت 0846380728
أسيوط :- ش الجمهورية عمارة حشكل الدور الثاني ت 0882293444
الأقصر :- 6 ش الحرية من شارع المدينة أعلى سيراميكا الجوهرة ت 0952359237
لو سمحت هواوى هونر 7 موجود في مصر ولا لا
لسه منزلش رسميا اللي هتلاقيه من غير ضمان
انا سامع ان الموبايل gr5 بيهنج الكلام ده صح ولا غلط ياريت تفيدنى فى الموضوع ده
لا الموبايل شغال عادي وبيستحمل ، عموما الاندرويد بيهنج لو التطبيق مش متوافق مع نسخة النظام فانت يااما تغير نسخة التطبيق او تشوف تطبيق بديل
لو سمحت عايز اعرف انهي في دول احسن Huawei gr5 or htc 820 s or Samsung galaxy j7
احسن واحد فيم عامة هو Samsung galaxy j7 ، وبعديه هواوي Huawei gr5 من ناحية السعر
انا محتاى بين هاتف هواوي ميت7 وهواوي 8 وهواوي جي ار5 اوذد2
هو الافضل فيهم بالترتيب اللي قلته Ascend Mate7 ثم هواوي p8
بس طبعا سعرهم اعلي من جي ار 5 او زد 2
انا محتار بين هواوى جى ار 5 و سونىSONY C4
ممكن تشوف مراجعة سوني سي 4 هنا
سوني سي 4 جيد من ناحية التحديثات والدعم ، لكن هواوي مواصفاته وسعره احسن
انا من عشاق سوني… لكن لو هو افضل من M4aqua dual… ممكن اشتريته لاني محتاج موبايل جديد في حدود 2000 ل2500…راي حضرتك ايه؟
ميزة سوني M4 aqua وجود حماية ضد الماء ، وان دعم سوني الي حد كبير افضل من هواوي
اما بالنسبة لباقي المواصفات الداخلية هواوي GR5 افضل
انا معا جى ار 5 بس عاوز اعرف ده اصلى او لا ازى
اه اصلي وبضمان وكيل هواوي في مصر ، ولو شاكك فيه ممكن تجرب احد طرق معرفة الهاتف الاصلي من التقليد في هذا الموضوع
محتار بينه وبين sony M4
هواوي افضل في المواصفات والتحديث عن sony m4
هل هو موبيل صينى اما لا؟
شركة هواوي صينية والصناعة صيني اه ، منتجات هواوي عامة جيدة بس لسه منتشرتش في مصر زي سامسونج وسوني
هل هواوي gry 5افضل ام لينوفوA7010
هواوي جي ار 5 افضل من حيث الدعم والتحديث والكاميرا
لو عايز موبايل فى حدود 2700 اجيب ايه وايه رأيك فى فكره شراء موبايل ضمان دولى
لو تقدر تزود لحد 2800 جنيه فيه Huawei G8
او سامسونج جالاكسي A 7
شراء الموبايل بضمان دولي لو هتشتريه بنفسك من برا مصر او احد الاقارب بحيث تقوم بفحص الموبايل وتجربته كويس قبل الشرا ، اما لو داخل مصر الغش بقي كتير وممكن يطلع نسخة تقليد او صيني
كم سعر hauawei gr5 بالدينار الاردني
سعر هواوي جي ار 5 في الاردن حوالي 180 دينار اردني
ايهما افضل هاتف هاواوي جي ار 5 ام هاتف htc
مقلتيش اني موبايل htc ؟ عموما هواوي حاليا افضل من اتش تي سي سواء في نوعيه الموبايلات او الدعم
عايز اجيب موبايل ف حدود ٢٢٠٠ او ٢٥٠٠ يكون هواوى ترشحلى ايه ارجو الاهتمام
زي ما وضحنا Huawei GR5 جيد ويستحق الشراء وسعره حوالي 2000 جنيه ، وممكن لو هتزود في السعر تجيب Ascend G7 Dual سعره 2300 جنيه
يعني انت بتقول ان هواوي جي 7 افضل من جي ار 5 حرام عليك يا راجل
طب ليه بس ؟ انا مش هقولك راجع سعر هواوي جي 7 وسعر جي ار 5 ، لكن شوف فيديوهات دا ودا واحكم بنفسك
بجانب ان نقطة وضوح الشاشة اعلي شوية في جي ار 5 لكنها مش هتظهر للعين الا في الفيديوهات عالية الدقة
لو سمخت عاوز اشتري G8 ام لينوفو P1 محتار جدا جدا جدا. افيدوني وسمختوا
هو فعلا المقارنة بين الاتنين تحير لانهم نفس المواصفات فيما عدا البطارية في لينوفو اكبر وافضل طبعا ، شخصيا في المقارنة بين هواوي ولينوفو بفضل هواوي لان التوكيل بتاعهم في مصر افضل من توكيل لينوفو في التعامل والصيانة ، بجانب ان جي 8 افضل في تحديث نسخة الاندرويد ، فلو مش هتفرق معاك البطارية بدرجة كبيرة هات هواوي جي 8
اللينوفو بيبقي في وقت وتلاقي التاتش بتاعه بيئة اوي (my opinion)
يعني الكاميرا و حشه اوي
مش لدرجة وحشة اوي ، هي زي ما قولنا متوسطة المستوي ومقارنة بسامسونج او سوني في نفس السعر هي جيدة ، لان موضوع التشويش او الشوشرة في الاضاءة المنخفضة هتلاقيها كتير في فئه السعر دي
ازاي اشغلة وهل ينفع اشغلة من غير البصمة
ممكن تشغله عادي من غير البصمة ، هي مجرد للتامين ممكن تختار اي طريقة تاني لفتح الموبايل او تختار none لتشغيل الموبايل علطول بمجرد الضغط علي زر التشغيل
أودّ ان اسأل عن سعر الهاتف بالجنيه السوداني وشكرآ
سعر هواوي GR5 حوالي 2565 جنيه سوداني