اصبحت شركة سامسونج العملاقة فى شهر سبتمبر من كل عام على موعد معنا لاطلاق احد اهم خطوط انتاج هواتها الذكية هذا العام وهو سامسونج جلاكسى نوت 4 و نحن على موعد مع هذا العملاق الذى يحتوى على العديد من المزايا و الاضافات الجديدة و الحديثة و لكن الحلو ميكملش ربما نجد بعض العيوب ايضا سوف نستعرض معا مميزات و عيوب جلاكسى نوت 4 الجديد فى مقارنة بسيطة
| مميزات جلاكسى نوت 4 | العيوب |
– شاشة سوبر اموليد 16 مليون لون 1440 × 2560 بكسل، 5.7 بوصة Quad HD | – السعر المرتفع نسبيا عند الاصدار قد يصل لاكثر من 1000$ |
– معالج Qualcomm Snapdragon 805 او Exynos 5433 | – حجم جلاكسى نوت ليس مناسب للجميع |
– معالج رسومى Adreno 420 للاصدار SM-N910S او Mali-T760 للاصدار SM-N910C | – لا يوجد راديو اف ام او زر خاص بالكاميرا |
– ذاكر داخلية تصل ل 32 جيجا مع امكانية اضافى كارت ذاكرة بسعة 128 جيجا و 3 جيجا ram | – الخامات ليست الافضل يمكننا الانتظار قد تصدر سامسونج نسخة افضل قريبا |
– تحسن مستشعر بصمة الاصبع – والحرارة و دقات القلب | – كثرة الوظائف و البرامج قد تسبب تشويش و صعوبة استخدام للبعض |
– الكاميرا 16 ميجا بيكسل مع OIS لاول مرة من سامسونج مانع لاهتزاز الصور | – يوجد فراغ صغير gap بين هيكل الموبايل و الشاشة |
– تحسين و تطوير القلم S Pen stylus لزيادة وظائفه و سهولة استخدامه عن galaxy note 3 مع احدث نسخة من اندرويد كيت كات الاصدار 4.4.3 | – لايوجد حماية ضد الماء مثل سونى اكسبريا زد 3 او اتش تى سى |
مراجعة سريعة لسامسونج جلاكسى نوت 4
قامت شركة سامسونج بتحديثات كبيرة لسامسنوج جلاكسى نوت 3 و طورت المزيد من الامكانات لتقدم لنا العملاق نوت 4 بشاشة هى الافضل هذا العام مقارنة بالمنافسين ومعالج قوى كافى لجميع انواع الوظائف التى تريدها من هاتفك الذكى بجانب ان الهاتف سوف يتم تحديثه الى نسخه اندرويد لوليبوب 5 الجديدة فى اقرب وقت مقارنه بهواتف سامسونج الاخرى كما تم تطوير مواصفات الكاميرا لتصبح منافس قوى لكاميرا سونى و ابل ايفون وسوف نستعرض نقاط قوة الهاتف وهل سعر جلاكسى نوت 4 مناسب لامكانياته مقارنة بالمنافسين
– قوة معالج سامسونج جلاكسى نوت 4 Quad-core 2.7GHz Krait 450 CPU, Adreno 420 GPU; Qualcomm Snapdragon 805 و المعالج الرسومى تجعل من نوت 4 هاتفا مميزات والاقوى هذا العام فى هواتف اندرويد
– الكاميرا 16 ميجا بيسكل صالحة وتكفى محبى التصوير لكن بالطبع هناك منافسين اقوياء مثل سونى زد 3 و ابل ايفون 6 بلس
– لا يوجد حماية للهاتف من الماء والاتربة مثل الموجودة فى زد 3
– البعض اشتكى من وجود فراغ بين الشاشة والاطار الخارجى الا ان سامسونج قالت انه ليس عيب ولكن لحماية الشاشة
-البطارية 3,220mAh قوية الاداء وتكفى يوما حافلا بالاستخدامات والالعاب الثقيلة
– مرة اخرى تتفوق شركة سامسونج على الجميع وتطرح نوت 4 بمواصفات ومميزات قوية هذا العام الا ان خامات التصنيع ليست على المستوى وننتظر نسخة معدنية او مصنعه من الالومنيوم من جلاكسى نوت 4
– السعر قد يقف عائق امام البعض لكن مع الوقت سوف ينخفض السعر قليلا فاذا كنت تبحث عن خيارات اخرى امامك سونى زد 3 وايفون 6 بلس و اتش تى سى ديزاير آى
مواصفات و مميزات اتش تى سى ديزاير آى : HTC desire EYE
موقع خمس خطوات يقدم معلومات بسيطة فى شرح سهل من خمسة خطوات للأحداث الجارية وكافة مناحي الحياة المتنوعة لإثراء محتوي اللغة العربية على الإنترنت.
النوت 4 تلقى تحديث مرشملو
اه تم نزول التحديث
اشعة الir توقفت فجأه في هاتف النوت4 ….
ما هو سبب ذلك
حاول تجرب تطبيق اخر لو نفس المشكلة مستمرة يبقي عيب هاردوير حاول توديه الصيانة للفحص
من أحسن النوت 4 ولا اتش تي سي E9 ولا هواوي جي 8
جالاكسي نوت 4 احسن واحد من حيث الامكانيات بس ملوش تحديث في المستقبل ، يجي بعديه هواوي جي 8 ثم اتش تي سي E9
اسف علي التاخير في الرد لسه شايف التعليق حاليا
قصدي ان نوت 4 مش هيحصل علي تحديث مارشميلو 6 او اي تحديث اخر في المستقبل ، اخر تحديث له هو اندرويد لوليبوب 5 ، عموما انت حسب استخدامك مثلا لو بتجدد الموبايل كل سنتين او تلاته مش هتفرق كتير في الوقت الحالي ، اما لو الموبايل هيقعد معاك مدة اطول ممكن تشوف حاجة احدث
طيب انا لو جبت نوت 4 بس مش هقدر اغيرة لفترة طويلة ونظام الاندرويد بتاعى زى ماحضرتك بتقول اخرة لولىبوب 5 ف دا ممكن يااثر معايا ف اية بعد فترة وعاوز اعرف فايدته اية ع الموبايل
زي ما قلتلك مش هتفرق كتير بالنسبة للاستخدام المتوسط ، لكن مثلا بعد 3 او 4 سنين هتلاقي بعض التطبيقات او الالعاب مش هتشتغل او هتهنج ، بس طبعا مش كلها
لو تقدري تزودي 150 جنيه فيه سامسونج جالاكسي اس 6 “galaxy s6” حوالي 4150 جنيه وهو يعتبر تحديث في كله مقارنة ب نوت 4 سواء في الكاميرا او المواصفات الداخلية
لقد تحدث لمرشيلو
هل الفراغ بين شاشة الجهاز و حوافه ملحوظة بالعين و هل من الممكن دخول غبار في هذا الفراغ ان يسبب ضرر في عمل الجهاز و كيف أداء بطارية الجهاز و هل تزيد حرارته كثيرا أثناء الاستخدام
الفراغ بين الشاشة وجسم الموبايل كان عيب في النسخ والاصدارات الاولي من جلاكسي نوت 4 ، حاليا تم تدارك المشكلة في النسخ الجديدة
بطارية الجهاز ممتازة تقدر تستخدمها طوال اليوم حوالي 10 ساعات استخدام متواصل للنت او 17 ساعة عرض للفيديو ، المتوسط العام 15 ساعة استخدام متواصل
اذا كنت نائم هل يمكن فتح الجوال عن طريق البصمة
لو مضبط ال screen lock بالبصمة ممكن يتفتح وانت نايم اه 🙂 ، لكن عامة ممكن باستخدام تطبيقات تعمل كلمة سعر مع الفتح باستخدام البصمة
كنت عايزاعرف الفرق بين نوت٤الاصدارcوsوكمان شبكة الواي فاي اخبارها ايه. في النوت٤
الفرق بين نوت 4 (SM-N910S) و نوت 4 SM-N910C
هو نوع البروسيسور في ال S هو Qualcomm Snapdragon 805 وفي نوت 4 C هو Exynos 5433
في النهاية الاتنين زي بعض الفرق بسيط جدا لصالح النسخة S
بالنسبة للواي فاي في سامسونج نوت 4 ممتاز وشغال تمام
هو الشاحن الاوريجنال بتاع الnote4 موجود فى مصر ولا لا ولو موجود ممكن القية فين لو سمحت؟؟
اه موجود واسال عليه في التوكيل مباشرة ، وممكن تسال توكيل يونيون جروب هم واخدين توكيل سامسونج في مصر وخدمة العملا رقمهم 19406
ايهما افضل فى النوت 4 اصدار المعالج الواحد s ام المعالجين c؟ وهل صحيح الاصدار c يدعم 64 بيت ويمكن تصعيده لنسخة اللولي بوب؟
الاتنين بيقدموا نفس الاداء وهيحصلو علي نفس التحديث Android 5.1.1 Lollipop
الفرق بين اصدار ال c واصدار ال S طريقة العمل ، بالنسبة ل 64 بت حتي الان ملهاش استخدام فعلي في الموبايلات مجرد دعايا
انا بجد محتارة ااوى بين سونى z3 ونوت 4 فيا ريت اعرف حضرتك تنصحنى بايه انا يهمنى اكتر البطاية تعد فترة طويلة وان الجهاز ميسخنش بسرعة فانهى افضل ويا ريت اعرف سعر الاتنين فى مصر وشكراا مقدماا
جلاكسي نوت 4 افضل في نقطة البطارية ، سعر نوت 4 في مصر الان حوالي 4500 جنيه ، و سعر سوني زد 3 حوالي 4700 جنيه
لو سمحت نوت4 احلي ولا اس6
علي الورق جلاكسي اس 6 بس فيه ناس كتير اشتكت من البطارية والشاشة ، فيبقي نوت 4 افضل
بالنسبة لبطارية نوت4 و زد3 مين بيعد فترة اطول من غير شحن وبيشحن اسرع
سؤال تاني انا عندي س3 كل لما اجبلو شاحن بيشحن حلو في الأول و بعديها يبدأ يبطأ اوي في الشحن و يعلق يعني ممكن فجأة يبقي شاحن لأخره و ساعات بيقل مش يزيد عند الشحن
نوت 4 افضل في فترة الشحن واستهلاك البطارية ، لو البطارية بقلها مدة طويلة يبقي تغيرها لان بيبقي ليها عمر افتراضي ومع كتره الشحن بتستهلك ، لو فترة اقل من سنه يبقي حاول تروح مركز صيانة يكشف علي الموبايل وان التوصيلات الداخلية تمام وانت برضو اتاكد ان كابل الشحن سليم مفهوش قطع او غيره
انا مش عارفة اوي في الموبايلات فلو سمحت ممكن اعرف يعني ايه معالج
بصي ال processor او المعالج يعني عقل الموبايل اللي بيشغل بيه البرامج والالعاب وكل العمليات بتم من خلاله ، وفيه منه انواع مختلفة ، في موبايلات السنة اللى فاتت كان معالج نوت 4 اعلي حاجة
هيا الخامات بتأسر ازاي علي المستخدم
ملهاش تأثير مباشر، لكن قصدنا ان فيه ناس بتفضل الخامات المعدنية عن البلاستيك
فمثلا احد التطويرات اللي عملتها سامسونج السنادي في Samsung galaxy s6 انه مصنوع من الالومنيوم ، في النهاية النقطة دي حسب راحتك الشخصية مش شئ اساسي للجميع