هاتف سامسونج جلاكسي إس 4 مينى الذكي النسخة الاصغر والاخف من هاتف جلاكسى اس 4 المشهور ويتميز عنه بانه بشريحتين، وارخص ثمنا من المنافسين وهو خيار هام لمحبى موبايلات سامسونج خصوصا بعد ان وصل سعره فى السوق المصرى لحوالى 1900 جنيه مصري، سوف نستعرض معا مميزات وعيوب هاتف إس 4 مينى samsung galaxy s4 mini
– مميزات هاتف إس 4 مينى samsung galaxy s4 mini | – عيوب جلاكسي اس 4 ميني |
-يتميز الهاتف بشاشة عاليه الوضوع و كبيرة نسبيا 4.3 بوصة qHD Super AMOLED | – مواصفات الشاشة قديمة نسبيا بالنسبة لعام 2014 و2015 حيث خلال شهور سوف يتم اصدار هواتف ذكية جديدة بمواصفات اعلي للشاشة وبسعر مقارب لسعر الهاتف الأن. |
-كاميرا 8 ميجابيكسل عالية الدقة، تستطيع التصوير 1080p@30fps وتصوير بانورامي وغيرها من خصائص التصوير المقدمة من سامسونج. | – شكل وتصميم الهاتف من البلاستيك سهل الكسر مثل معظم منتجات سامسونج ، لذلك عند شراءه يجب ان تشتري حماية للشاشة وكافر جيد، يستطيع حماية الهاتف عند السقوط لا قدر الله. |
| -معالج Qualcomm Snapdragon 400و 1.5 GB RAM كافيه لكل انواع التطبيقات ومعظم الالعاب ال HD | – سعر هاتف جلاكسي اس ميني 4 بيقل مع الوقت، فهي ميزة لمن سيشتريه في المستقبل ، اما اذا كنت سوف تبيعه فاعلم انك سوف تخسر بعض المال عن القرار ببيع الهاتف. |
| -الهاتف مزود لشريحيتين يعملان معا وهي احدي المميزات التي تميز جلاكسي اس 4 مينيوبطارية قوية Li-Ion 1900 mAh. | – المساحة الداخلية المتاحة للمستخدم حوالى 4 جيجا فقط قد تكون مشكلة في المستقبل عن زيادة التطبيقات والالعاب وباقي الداتا من صور وفيديو – لكن يمكن زيادة مساحة الهاتف الداخلية عن طريق شراء كارد ميمورى ميكرو اس دى. |
| -قابل للتحديث مستقبلا لنسخ الاندرويد الحديثة بعكس هواتف سوني في نفس المواصفات التي تم وقف تحديثها مثل سوني اس بي وسوني اكسبيريا سي. | – كما ذكرنا في القريب العاجل مع السنة الجديدة سوف تقدم الشركات سواء سامسونج او سوني او نوكيا ميكروسوفت منتجاتها لعام 2015 ويصبح هذا الهاتف قديم نسبيا قد يكون هذا عيب لمحبي اقتناء الهواتف الاحدث لكنه ليس بعيب كبير. |
تعليق مراجعة بسيطة لهاتف سامسونج جلاكسي اس 4 ميني galaxy s 4 mini
لا شك ان هاتف جلاكسي اس 4 ميني مميز خاصة بعد وصول سعرة الي اقل من 2000 جنيه مصر، ومع وجود شريحتين يعملان معا في الهاتف وبطارية قوية الاداء تعمل حوالي يوما كاملا الي يوم ونص حسب الاستخدام مع البرامج والالعاب ، فهو من الهواتف الافضل في هذه الفئة السعرية ، خاصة بعد ان تم وقف التحديثات لعدد من هواتف سوني مثل سوني اكسبيريا sp , L ,C ويعتبر هاتف سوني اكسبيريا ام 2 منافس للاس ميني 4 الا انه اقل في مواصفات الشاشة وفي امكانيات المكالمة وعمل الشريحتين. يعتبر جلاكسي اس فور ميني هاتف مناسب لك اذا كنت تبحث عن مواصفات عالية وسعر متوسط واذا كنت تبحث عن هاتف اخر مقارب للامكانيات والسعر يمكنك مشاهدة سامسونج جلاكسي اس 3 نيو Galaxy S3 Neo ، فهو مناسب لمحبي الشاشة الكبيرة بجانب انه نفس مواصفات هاتف سامسونج جلاكسي اس 3 الشهير.
بعض التعليمات عن شراء هاتف ذكي جديد:
– التأكد من وجود ضمان من شركة معتمدة من الوكيل او ضمان الوكيل نفسة ، في حالة عدم وجود ضمان موافقتك علي ذلك يجب التأكد من أن علبه الهاتف مقفولة وانت اول من يفتحها.
– قبل مغادرة المحل او المكان الذي سوف تشتري منه يجب ان تكون قد جربت عمل كل من:- شريحة الموبايل وان الهاتف قادر علي عمل مكالمة،كاميرا الهاتف سليمه ولا يوجد بها خدوش او كسور، محتويات علبة الموبايل موجودة ولا يوجد بها نقص او قطع، وجود اوراق الضمان وقسيمة شراء الموبايل لضمان حقق في حالة حدوث مشاكل.
– تجربة الشاشة اكثر من مرة وان الشاشة تستجيب للمس بسهولة ولا يوجد بها نقط سوداء صغيرة -ما يعرف ب dead pixels- ولاختبار ذلك بسهولة قم بفتح صورة فاتحة او التقاط صورة لورقة بيضاء ومشاهدة الشاشة بزاوية وملاحظة وجود اي نقط سوداء ام لا.
– ملاحظة عدم فتح الانترنت الداتا الخاص بشبكة المحمول حيث سوف يتم سحب الرصيد دون ايقاف حتي ينتهي الرصيد او حتي توقفه انت بنفسك ، لذلك الافضل يجب ايقاف انترنت الموبايل والاعتماد علي الانترنت العادي الواي فاي لتحميل البرامج وتحديث الهاتف.
– كل شاشات الهواتف الذكية الحديثة قابلة للكسر عند الوقوع لانها مصنوعة من الزجاج وليس البلاستيك، لذلك عليك شراء حماية للشاشة وواقي او كافر للموبايل، حتي تقلل من الصدمة عن الوقوع والتعامل بهدوء وحرص حتي لا تتعرض الشاشة للكسر ويصبح الهاتف غير قابل للاستعمال ويستوجب الصيانة.
موقع خمس خطوات يقدم معلومات بسيطة فى شرح سهل من خمسة خطوات للأحداث الجارية وكافة مناحي الحياة المتنوعة لإثراء محتوي اللغة العربية على الإنترنت.
الكاميرا لا تشتغل
هذا الكلام كذب لان انا لدي الهاتف وهو جيد ومساحته 16 GB وليس 4 وهو سريع ولا يقف و ينزل اليه تحديثات فقط ابحث في اليوتيوب وهو يدعم الروت و الريكوفري و مميزات كثيرة لا اسطيع ذكرها
شكرا لرواد هذا الموقع الرائد
العفو وسعداء بمشاركتك معانا
انا موبايلي اس فور ميني ومضايق اوي علشان مافيش له اي تحديث ليه معرفش ارجوا الحل
معظم موبايلات الاندرويد او سامسونج طلما مر عليها سنتين مش بينزل لها تحديث الشركات بقت تعمل كدا علشان تخلي الناس تشتري الجديد
عموما معظم التطبيقات بتشتغل عادي مش محتاج تحديث للنظام علشان تشغلها ، بجانب انك ممكن تنزل android rom عبارة عن نظام اندرويد غير رسمي للموبايلات لو حابب تجرب هتلاقي شروحات كتير علي يوتيوب
وازاى بحدث الاندرويد في الاس 4 ميني
لو فيه تحديث مش موجود عندك بالفعل بيظهرلك في الاشعارات ان هيه تحديث جديد ، انت بتاخد نسخة احتياطية من البيانات والحاجات المهمة وبتضغط علي تحميل التحديث من الموبايل ويكون متصل بالانترنت وبيعمل اعادة تشغيل بعد اجراء التحديث
ممكن اعرف اذا الاس 4 ميني بيشغل لعبة كلاش اوف كلانس ولا لا لانى بصراحة عاوز اجيبة ومحتار وهل في لمبة امامية تنور لما الجهاز يكون بالشحن ومن اى برنامج على الكمبيوتر تنصحونى احمل منه تطبيقات الاندرويد
اه يقدر يشغل اللعبة عادي ، لا مفيش لمبة امامية
الافضل تحميل البرامج والالعاب مباشرة من جوجل بلاي ستور من علي الموبايل
سلام عليكم رجاء ما الفرق بين s4 و j5 و شكرا
سامسونج s4 افضل في المواصفات والاداء من j5
لو كان قصدك مقارنة بين s4 mini و j5 ، جالكسي j5 افضل من اس 4 ميني ، لكن في نفس الوقت اغلي شوية في السعر
حضرتك انا معايا الموبايل ده بس من قريب ظهرت مشكلة ان الشاشة بتعلق كتير .. كمان كنت عاوزة اعرف ايه افضل برنامج حماية وانتى فيرس
حاولي تشوفي اذا كان التعليق بيحصل من برنامج معين لما يشغل لو كدا يبقي امسحيه ، لو استمر التعليق الافضل عمل ضبط المصنع او التوجه لمركز صيانة للفحض
بالنسبة للانتي فيرس فيه كتير شغالين كويس انا بفضل Avast! Mobile Security & Antivirus
لا هو مع اى تطبيق ممكن يعلق احيانا بس انا عاوزة حل سريع وفعال بعيد عن اى مركز صيانه وهو ممكن يكون السبب من برنامج الانتى فيرس لان تقريبا من بعد ما استعملته ظهرت المشكلة دى
يبقي زي ما قلتلك راجعي التطبيقات اللي استخدمتيها مؤخرا وحاولي توقفيها او تستبدليها بتطبيق تاني ، وخلي اعادة ضبط المصنع حل اخير
ممكن حل لهاتف سامسونق اس4 ميني بيظهر اختصار سماعات الاذن كأنها متصله مع العلم اني لم اقم بتوصيلها
قم بتنضيف مدخل السماعة بمنديل او قطن جاف ، واطفئ الموبايل ثم اعد تشغيله ، لو المشكلة لسه مستمرة يبقي الافضل التوجه للصيانة لان كدا المشكلة تبقي في مدخل السماعات نفسه
جزاكى الله كل خير صراحه افدتينى جدا وان شاء الله خطوات دايما ف تميز
العفو اهلا بيكي ديما وشكرا علي مشاركتك معانا ونتمني لكي كل خير والتوفيق دايما يارب
هو مينفعش ابعت اى تطبيق من موب لموب بالبلوتوث
ممكن اه بس يكون التطبيق في صيغه APK و ممكن من الكمبيوتر تبحثي عن اسم التطبيق نفسه وبعدين تحمليه وتنقليه للموبايل ، بس خلي بالك من اسم التطبيق بالضبط ومتحمليش من اي موقع شاكه فيه
طاب هو الجلاكسى مينى بيشتغل عليه انستجرام ولاين ولا التطبيقات دى لموب احدث
يشتغل عليه عادي
اشكرك بشده تعبتك معايا
العفو مفيش حاجة اهلا بيكي وان شاء الله نلاقي حل
هى الطريقه التانيه انا جربتها زللاسف منفعتش
هو كاتبلى عند حذف الحساب لن تتمكن من الوصول الى التطبيقات التى اشتريتها وسيتم حذف برنامج جميل والتقويم اعمل موافق
لو انتي اشترتي تطبيقات يبقي لا خليه زي ما هو وسيبك من الطريقة دي ، لو حملتي تطبيقات مجانية يبقي عادي كملي فيها هو بس هيشيل اعدادت الجي ميل ولما تدخلي بالجديد يرجع الاعدادات السابقة ، عموما انا هحاول اشوف طريقة غير الطريقتين دول لو منفعوش لان هم دول اللي اعرفهم
انا معايا سامسونج جلاكسى مينى هو كويس جدا بس لما بثبت اى برنامج من المتجر بيكتبلى خطا ف استرداد المعلومات انا بحثت ع النت ولقيت طريقه وجربتها بس مانفعتش لو حد يعررف طريقه لو سمحتو مستنيه الرد
هو حكاية خطا في استرداد المعلومات غالبا بتحصل لما تكوني استخدمتي اكتر من حساب لجوجل علي الموبايل فلو كدا يبقي جربي الطريقة دي
1- ضبط الجهاز ثم اختياري الحسابات هتلاقي Google
2-اختاري حساب الجيميل ثم اختاري إزالة الحساب
3- وبعد كدا بنفتح تطبيق Google Play وسجلي الدخول للحساب وان شاء الله يشتغل معاكي كويس
لو حصل مشكلة تاني ممكن تجربي الطريقة دي
1- نذهب إلى “الضبط” ، ثم إلى “إدارة التطبيقات” في الضبط او “التطبيقات”
2- نذهب إلى “الكل” في الضبط
3- دوري علي “Google Services Framework” في قسم “الكل”. ودوسي عليها
4- نضغط على “إيقاف إجباري” وبعد الإيقاف الإجباري ل “Google Services Framework ثم نضغط على ” مسح البيانات”.
5- واخيرا نقوم بعمل ريستارت للموبايل وان شاء الله يشتغل تطبيق جوجل بلاي بدون مشاكل
تعليقي ليس مكرر هذه اول مرة ولكن سامسونغ ﻻ تريد اﻻعتراف بان هواتفها ليست جيدة كفاية وناقصة كما قلت اصنعو هواتف صغيرة بمميزات جيدة ﻻ تاتي ناقصة راديو او مؤشر بطارية شاشتها جيدة ذاكرتها كبيرة والرام كبير وسريعة وخطينوبطاريتها يمكن ازالتها
اهلا بيك وشكرا علي مشاركتك معانا وانا بالفعل اتفق معاك ورديت عليك ياريت سامسونج تغير سياستها في المستقبل القريب
كان سامسونغ ﻻ تريد اﻻستمرار او انها عاجزة عن صنع هاتف جيد جدا فقارنة بالهواتف اﻻخرى سامسونج مميزاته ناقصة اما ذاكرة قليلة او رام قليل اوشاشة سيئة او ﻻ يوجد راديو او مؤشر بطارية ولما الهواتف يجب ان تكون كبيرة وغالية جدا اصنعو هاتف صغير بمميزات جيدة مثل هواتف سوني Z compact ولكن خطين ويمكن ازالة البطارية
اتفق معاك اخي الكريم ، المشكلة حاليا ان الشركات بتتجه الي صناعة الموبايلات بحيث يكون الموبايل كله مغلق وبدون ازالة البطارية علشان دا اسهل في التصنيع والتجميع بالنسبة لهم ، سامسونج بتحاول تنوع بس فعلا دايما بيبقي في حاجة ناقصة وعلي المستخدم التكيف معاها ، عموما نتمني ان دا يتغير في المستقبل القريب
السلام عليكم : الموبايل بصورة عامة حلوة وعملية وجميلة لكن المشكلة هي تتسخن ومرات تبدا تنطفيء من ذاته . كيف الحل ؟ لو ابيعه ؟
وعليكم السلام ورحمه الله وبركاته ، لو بيسخن معاك سخونه غير محتملة وديه الصيانة للفحص
هل صوت s3نيو أعلى أم s4
لو قصدك جلاكسي اس 4 اعلي في الصوت والمواصفات الداخلية وفي نفس الوقت اغلي في السعر
اما لو قصدك علي جلاكسي اس 4 ميني فهو قريب جدا في المواصفات مع s3 neo و الاتنين نفس الصوت
مرحبا من فضلك انا اريد جواب شافي مين احسن اس 3 نيو او اس4 مني والله انا محتار
الاتنين فعلا نفس المواصفات تقريبا في ماعدا فروق بسيطة ، اس 4 ميني احسن نسبيا بالنسبة لحجمه و انه احدث في التصنيع وفي حماية الشاشة.
اس 3 نيو افضل في نقطة المساحة الداخلية 16 جيجا بدلا من 8 جيجا في اس 4 ميني ، دي هتفرق معاك في الالعاب اللي مساحتها كبيرة
حاول تجرب الاتنين بنفسك و تختار قبل الشراء ، لو عايز راي الشخصي اس 4 ميني احسن
فيه مشكله بيعمل اتصالات دوليه تلقائيا وبشكل متتالي ولايتم ايقافها الا بايقاف التشغيل ،، ايش الحل لوسمحتوا
اول شئ امسح اي تطبيقات غريبة نزلتها حدثيا قبل حدوث المشكلة دي ، لو استمرت يبقي خد نسخة احتياطيه من بياناتك والارقام وغيره ثم اعمل اعادة ضبط المصنع
احسن هاتف نشكر سمسنق على المجهود
موبايل زباله بيهنج
جرب في يوم فاضي فيه تاخد نسخة احتياطية من الارقارم والملفات والصور اللى محتاجها وتعمل ضبط اعاده مصنع هيمسح كل اللى علي الموبايل ويرجعه زي وقت ما اشتريته ونزل برنامج برنامج وشوف سبب التهنيج من اني برنامج
اي نعم مميزات حلوه بس المشكله في تسخين الجهاز والبطاريه غير كافيه وحجم الرامات غير كافيه وصناعه من البلاستك ونصيحه عن تجربه هواتف سامسونج مش عمليه انا بعت جهازي اس4 من تحت راس السخونه العاليه مع العلم جهازي نسخه اصليه الكوريه والحين معي جهاز لينوفو والحمد لله مافي حراره وجهاز فوق الممتاز مثل اس4 واحسن والحمد للله
شكرا علي مشاركة حضرتك ، فعلا اتفق معاك خامات سامسونج البلاستيك مش مناسبة للجميع و بتحسن بالسخونه اسرع من الانواع التانيه ، بس ساعات الجهاز نفسه لو فيه سخونة زائدة بيكون فيه مشكلة في البروسيسور وبتحتاج صيانة ،انا مجربتش لينوفو لكن شفته قبل كدا خامات وتصنيع رائع ومنافس قوي ويمكن احسن من اتش تي سي بس ياريت يزودو مراكز الخدمة والصيانة
طيب ممكن حضرتك تقولنا ايه نوع الينفو الى معاك عشان نشوف هو احسن منو فى ايه