هاتف سامسونج جلاكسى جراند Samsung Galaxy Grand 2 هو احدث الاصدار من السمارت فون المشهور سامسونج جلاكسى جراند المشهور، حيث تم اضافة مميزات جديدة عن الاصدار السابق وتحديث لنظام التشغيل وتزويده بشاشة اكبر ومساحة داخلية اعلى،وفي خلال هذا الموضوع من خمس خطوات سوف نستعرض معا مميزات وعيوب سامسونج جلاكسى جراند Samsung Galaxy Grand 2 فى مقارنة بسيطة…
مميزات سامسونج جلاكسى جراند Samsung Galaxy Grand 2 | عيوب Samsung Galaxy Grand 2 |
| – شاشة كبيرة الحجم ممثالة لجلاكسى نوت 5.25- 720p inch عالية الوضوع الا ان البعض كان يأمل في وضوح FHD نظرا لكبر حجم الشاشة. | – المساحة الداخلية 5 جيجا فقط لكن يمكن زيادتها بكارت ميمورى، ونقل البرامج والالعاب الي كارت الميوري مع التحدثيات الجديدة. |
| – كاميرا عالية الوضوح 8-megapixel فى التصوير والفيديو، مع احدث الامكانيات ومميزات التصوير المقدمة من شركة سامسونج. | – بعض النسخ لم تحدث لاندرويد كيت كات 4.4 واندرويد 5، ولكن نتوقع من سامسونج ان تقوم بالتحديث في القريب العاجل. |
| – معالج قوى يعطى سامسونج جلاكسى جراند 2 اداء متوازن وسلس بجانب رام 1.5 جيجا رام تعطى الهاتف ثبات بدون تهنج فى معظم التطبيقات، من المنتظر ان يتم التحديث له في اقرب وقت الي نسخة اندرويد لوليبوب 5 | – الحجم الكبير للموبايل samsung galaxy grand 2 قد يكون غير مناسب للبعض نظرا لان الشاشة حجمها 5 وربع بوصة، بجانب حجم الموبايل نفسه قد لاتستطيع حمله في جيب البنطلون بسهولة. |
| – بطارية قوية قابلة للتغيير 2600 mAh تكفي لشغل متواصل لمدة يوم الي يوم ونصف | – الشاشة قد تكون غير واضحة فى ضوء الشمس القوى. |
| – يعمل بشريحتين ميكرو سيم بشكل سلس وسهل الاستخدام، مع امكانية تشغيل شريحة للنت واخر للمكالمات. | – السعر قد يكون مرتفع نسبيا الان ، لكم من المتوقع انخفاضه مع الوقت مثل العادة في منتجات وهواتف شركة سامسونج. |
ملاحظات عن شراء هاتف سامسونج او سوني من نوع الهواتف الذكية باللمس :
– التأكد من وجود ضمان من شركة معتمدة من الوكيل او ضمان الوكيل نفسة ، في حالة عدم وجود ضمان او ان الهاتف بضمان دولي فذلك يقلل سعر الشراء،وعند موافقتك علي الشراء يجب التأكد من أن علبه الهاتف مقفولة وانت اول من يفتحها، مع التأكد من بلد المنشأ ومواصفات الهاتف وانه ليس نسخة تقليد.
– قبل مغادرة المحل وقبل ان تدفع اي فلوس، عليك اولا تجربه الموبايل واختبار كافة وظائفه والتأكد من جودته من خلال التالي:-
*ادخال شريحة الموبايل والتأكد من ان الهاتف قادر علي عمل مكالمة سليمة،
*ثانيا كاميرا الهاتف سليمه ولا يوجد بها خدوش او كسور وتختبرها بتصوير سريع،
*ثالثا: محتويات علبة الموبايل موجودة وكاملة ولا يوجد بها نقص او قطع،
*اخيرا وجود اوراق الضمان وقسيمة شراء الموبايل لضمان حقق في حالة حدوث مشاكل.
– تجربة الشاشة اكثر من مرة وان الشاشة تستجيب للمس بسهولة ولا يوجد بها نقط سوداء صغيرة -ما يعرف ب dead pixels- ولاختبار ذلك بسهولة قم بفتح صورة فاتحة او التقاط صورة لورقة بيضاء ومشاهدة الشاشة بزاوية وملاحظة وجود اي نقط سوداء ام لا.
– ملاحظة عدم فتح الانترنت الداتا الخاص بشبكة المحمول حيث سوف يتم سحب الرصيد دون ايقاف حتي ينتهي الرصيد او حتي توقفه انت بنفسك ، لذلك الافضل يجب ايقاف انترنت الموبايل والاعتماد علي الانترنت العادي الواي فاي لتحميل البرامج وتحديث الهاتف.
– بعض التجار يسعون لبيع اكسيسوارات تحت مسمي هذا ضد الكسر وهذه اصلية مع انها صيني 🙂 ، وهذا لحماية الشاشة وغيره من كلام التجار، لذلك يجب ان تعلم ان كل شاشات الهواتف الذكية الحديثة قابلة للكسر عند الوقوع لانها مصنوعة من الزجاج وليس البلاستيك، وكل ما يمكنك فعله هو الحرص عند حمل واستخدام الموبايل.
ويمكنك شراء واقي للشاشة لحمايتها من الخدوش والخبطات البسيطة، وواقي خارجي او كافر للموبايل، اما غير ذلك من الاكسيسوارات الغالية ليست لها قيمه او اهمية فعليه،وننصح عند الشراء والتعامل لاول مرة مع الهواتف الذكية يجب التعامل بهدوء وحرص ، والتأكد من مسك الموبايل باحكام عن السير في الشارع، مع ملاحظة انه عن سقوط الهاتف من يديك قد تتعرض الشاشة للكسر ويصبح الهاتف غير قابل للاستعمال ويستوجب الصيانة.
موقع خمس خطوات يقدم معلومات بسيطة فى شرح سهل من خمسة خطوات للأحداث الجارية وكافة مناحي الحياة المتنوعة لإثراء محتوي اللغة العربية على الإنترنت.
هذا احسن كلاكسي
جهازي سامسونج غراند2 ما بقى يفتح ع اللابتوب شو المشكلة
اتاكد من كابل اليو اس بي ، وانك فاتح قفل الشاشة عند التوصيل
انا محتار بين كراند برايم و A5
بس اللي مو عاجبني ب A5انو ما ينفتح من ورا
جالاكسي A5 افضل في المواصفات والكاميرا بس في نفس الوقت اغلي في السعر عن جراند برايم
ايش افضل جراند 2 ولا جراند 2دوس
الفرق ان نسخة دوس بشريحتين اما باقي المواصفات فهي واحدة
لو سمحت عندي سؤال
كيف ممكن نلتقط صورة للشاشة بجالكسي غراند ٢
ممكن تاخد صورة للشاشة عن طريقة الضغط علي زر الهوم مع زر الباور لمدة 3 ثواني او لحد ما تلاقي زي ضوء بسيط حوالين الجوانب
وهتلاقي صور الشاشة في /storage/sdcard0/Pictures/Screenshots
وممكن تعمل السكرين شوت بواسطة تطبيق هتلاقي تطبيقات كتيرة للغرض دا
صراحة انا محتار من سامسونغ وسوني انو احسن وخاة في Z1 Z2 Z انو احسن مقارنة بل HTC انا محتار فيهن صراحة نصحوني
احسن حاجة فيهم سوني اكسبيريا زد 2
انا عايز اعرف من الصنع الافضل الصين ام فيتنام اصلا فى واحد شارى موبيل من السعوديه مكتوب عليه صنع فى فيتنام ده الافضل الموجود فى مصر ولا الموجود فى مصر افضل وعايز اعرف سعر موبيل جراند 2 فى السعدويه بكام بالمصرى لو سمحت
مفيش فرق بين الاتنين حاليا طلما بضمان سامسونج ، او بضمان وكيل سامسونج في السعودية او مصر
سعره في السعودية حوالي 700 ريال يعني 1500 جنيه
جراند 2 ام جراند برايم ايهما الافضل وسوف اشترية من السعودية
جراند 2 احسن و في نفس الوقت اغلي في السعر شوية
ممكن اعرف بي كام جراند2
حوالي 1700 جنيه
ممكن اعرف جراند برايم صناعة اة وايهما افضل الجراند 2 ام البرايم
معظم اللي في السوق صيني ، الجراند 2 افضل
انا عايزه اشتري موبايل ومحتاره بين جراند2 وجراند بريم وهل هلائي فيتنامي وانا من بورسعيد وافضل اشتريه منين وسعره بيبقي في حدود كاااام
جراند 2 افضل واغلي في السعر قليلا من جراند بريم ، هو معظم اللي في السوق حاليا صيني
من بورسعيد او من القاهرة المهم يكون الموبايل معاه الضمان واوراقه وحاجته كاملة ويفتح علبة الموبايل لاول مرة قدامك متكونش مفتوحة قبل كدا
انا عايز اشتري تليفون ومحتار بين الجراند 2 و سوني اكسبيريا C3-D2502 .. وانا قارنت بين المواصفات الاساسية لكل نوع ولقيت السوني احسن في الكاميرا الامامية 5 ميجابكسل ودي مش فارقة معايا كتير .. وانا محتار بين الاتنين .. افيدونا افادكم الله
الاتنين قريبين لبعض في المواصفات اه ، و فروق بسيطة لصالح اكسبيريا سي 3 ، لكن سعر جراند2 ارخص
لو مش فارق معاك السعر اوي ولسه محتار مابنهم حاول تجرب الاتنين بنفسك في اي محل
انا عيزه اجيب فون جديد ومحتاره بين الجراند 2 وجراند نيو بلس ؟ ياريت حد يرض عليا ويقولى اى واحد افضل واحسن من التانى والفون الى منشأه صينى احلى ولا الى منشأه فيتنامى ؟
جلاكسي جراند 2 احسن في حجم ووضوح الشاشة و المواصفات الداخلية ، صحيح سعره اعلي شوية لكن مواصفاته عامة احسن من جراند نيو بلس
صيني او فيتنامي المهم يبقي معاه الضمان وتشتري من مكان مضمون وحاليا معظم اللي موجود في مصر صيني
انا عيزه اجيب فون جديد ومحتراه بين الجراند 2 وجراند نيو بلس ياريت حد يرض عليا ويقولى اى واحد افضل واحسن من التانى
جلاكسي جراند 2 احسن في حجم ووضوح الشاشة و المواصفات الداخلية ، صحيح سعره اعلي شوية لكن مواصفاته عامة احسن من جراند نيو بلس
هو انتو جبين في مساحته انه 5 جيجا السعه الاجماليه داخل الجهاز مكتوب 8جيجا ازاي
هم 8 اه لكن المتاح للمستخدم حوالي 5 جيجا ، والباقي من ال 8 جيجا مخصص لنظام الاندرويد ، فاحنا كاتبين المساحة الفعلية المتاحة
انا معايا جراند 2 ولسه شاريه بس سعات بيسقط شبكه مش عارف ده طبيعى ولا لا
حاول تجرب خط من شبكة مختلفة غير اللى جربتها لو نفس الوضع يبقي غير طبيعي ويحتاج فحص في الصيانة
انا هشتري سامسونج جالاكسي جراند 2 قريب ممكن اعرف هو made in ايه ؟ ؟ ؟
لو انت من مصر غالبا هيبقي صيني ، وفيه فيتنامي بس قليل اوي
القراند2 بطل يشتغل الرجاج مآ يعرف السبب
ممكن يكون اكتر من سبب ، ما هو اخر نشاط قبل اللي حصل دا ؟ هل الموبايل و البطارية جديد ام قديم ؟ وهل تعرض للوقوع او اتخبط ؟ ، عموما لو مستعجل الافضل الذهاب لمركز صيانة للفحص
انا موبايلي بيسخن بعد ربع ساعة من العمل يبقى مش اصلي وايه بخصوص رمز ال IMEI
يبين صنع الموبايل صح والشاشة فجأة بخف ضوا عالعلم انو السطوع ماعاملتو تلقائي وتوفير الطاقة طفيتو شو الحل ساعدوني رأيكم يهمني
لو سطوع الشاشة تلقائي يبقي هيتغير مع تغير الاضاءة المحيطة ، بالنسبة للسخونة هل سخونة غير محتملة ام سخونة عادية تقدري تستخدميه ؟ لو غير محتملة يبقي الافضل الذهاب للصيانة للفحض
موبايلي صناعتو فيتنامي غراند تو وبيسخن بعد ربع ساعة من العمل عليه يبقى اصلي وايه بخصوص رمز ال IMEI يبين صناعتو صح
هل الموبايل معاه ضمان ام لا ؟ لو معاه ضمان يبقي تمام اصل ، لو مش معاه ضمان ممكن تشوفي رمز ال IMEI في موقع http://www.imei.info هيظهرلك مواصفات الموبايل ومكان التصنيع وبياناته
السلام عليكم
عندى جراند2 بيسخن جداحتى فى المكالمات العاديه والصورة غير نقيه مقارنه مع ثورة جراند بريم ونفس بيكسل الكام ده عادى ولا اعمل ايه لسه مشترياه من كام يوم بس
لو بيسخن لدرجة غير محتملة يبقي دا عيب صناعة ووديه الضمان للفحص ، بالنسبة للكاميرا جربي تغيري الاعدادات او برنامج اخر للكاميرا وشوفي الوضع ايه
جراند 2 لوالصنع mad in china by samsung
اهم حاجة يبقي معاه ضمان وكيل سامسونج
مكان الصناعة مبقاش يفرق اوي زي زمان في موبايلات سامسونج لانه بيبقي عبارة عن تجميع مكونات من مصانع مختلفة وليس تصنيع كامل
انا كنت عايز اخد رأيكم في حاجة هو الgalaxy grand primeاحسن من galaxy grand2 ولا ايه انا متردد برجاء الرد
galaxy grand prime احدث في سنة الانتاج وافضل في المواصفات الداخلية باستثناء الرام زيادة نص جيجا في grand 2 ، عامة الجراند برايم افضل
والله حلو اللون اسود وابيض بس ماادري شنو اخذ
شوف الون اللى تفضله اكتر وممكن تشتري cover لون اخر مناسب معاه
عبد الرحمن
رايك في نوت 3 و4 وهل فيهم راديو اف ام
ومين احسن هم ام جراند2
نوت 3 و نوت 4 مفهمش راديو
مينفعش تقارن جراند 2 بيهم لان نوت 3 ونوت 4 سعرهم ضعف سعر الجراند 2 وبالتالي فرق كبير بنهم ، لو عايز موبايل في نفس سعر جراند 2 في جلاكسي e7
تحفه جراند 2 بس في دهبي