اعلنت وزارة التربية والتعليم عن غلق باب التظلمات للمستبعدين من الـ”30 ألف وظيفة” مساء اليوم الجمعة لتدقيق بيانات المتقدمين واعداد القوائم النهائية بعد تدقيق بيانات ال 750 الف متقدم
وكشفت مصادر فى وزارة التربية والتعليم عن أنه من مود امتحانات مسابقة وزارة التعليم لل30 الف وظيفة معلم هو منتصف نوفمبر الجارى 2014 ، حيث من المتوقع ان يتم غلق باب التظلمات و تدقيق بيانات المتقدمين اليوم و مع بداية شهر نوفمبر سيتم ارسال رسائل للمتقدمين بمكان وموعد الاختبار واسم اللجنة.
وكان اهم سبب لاستبعاد ما يقرب من مليون متقدم هو عدم الحصول على مؤهل تربوى بجانب عدم توافر شروط المسابقة الاخرى فيهم كما فتحت الوزارة باب التظلمات لمنح فرصة للحاصلين على المؤهل التربوى، الذين لم يتمكنوا من التسجيل بسبب وجود خطأ فى البيانات.
و صرح الدكتور محمود أبو النصر وزير التربية والتعليم إن نسبة العجز فى التخصصات على مستوى مدارس الجمهورية وصلت إلى 150 ألف معلم، وبالتالى ستكون الأولوية للمواد الدراسية، مثل الكيمياء والفيزياء واللغة العربية. و من المتوقع ان تكون هناك مسابقة اخرى العام المقبل عند تحسن الحالة الاقتصادية و توفر قدرات مالية لدفع مرتبات اضافية لمعلمين جدد
موعد وفترة امتحانات ال 30 الف وظيفة معلم
وأضاف وزير التربية والتعليم أن الامتحانات سوف تبدأ منتصف شهر نوفمبر القادم تستغرق مدة من 10 إلى 12 يوما ، على أن يتم عقد فترتين للامتحانات صباحية وأخرى مسائية بمعدل 60 ألف متقدم يتم امتحانهم يوميا، مؤكدا أن المعيار الأساسى لاختيار الـ”30 ألف معلم” فقط سيكون طبقا للمعايير التى نص عليها القانون، وهى الأعلى تقديرا والأكبر سنا والحاصل على درجة علمية أعلى من المؤهل “الماجستير والدكتوراة”.
و بالنسبة لشكل الامتحان
قام المركز القومى للامتحانات والتقويم التربوى بوضع و اختيار طريقة الامتحانات و وضع نماذج مختلفة منها بحيث إن الامتحان الذى يؤديه المعلمون فى اليوم الأول سيتم إلغاؤه باقى الأيام، كما أن الامتحان فى نفس التخصص يتضمن أسئلة مختلفة من ممتحن لآخر.
وسيكون شكل أسئلة الامتحانات
حسبما أعلنت الوزارة، عبارة عن اختيار من متعدد وصواب وخطأ، على أن يمتحن المتقدم فى 4 امتحانات وهى التخصص والتربوى واللغة الإنجليزية والحاسب الآلى، مع مقترح بتخصيص 60% من درجة الامتحان للتخصص و20% للتربوى، و10% للحاسب الآلى و10% للغة الإنجليزية.
مع ملاحظة انه قد تم إلغاء المقابلة الشخصية فى امتحانات المتقدمين لشغل وظائف التربية و التعليم ، منعًا للمحسوبية والمجاملة على ان يكتفى بالامتحانات التحريرية و درجات كل متقدم موضحًا أنها ستقتصر فقط على الامتحانات التى تجرى للمتقدمين وعند تساوى الدرجات سيتم الترتيب حسب درجات المؤهل و سنه التخرج.
و بعد انتهاء الامتحانات و التقييم سوف ترسل وزارة التربية والتعليم الأسماء المقبولة نهائيا إلى المديريات التعليمية بعد تحديد احتياجات كل مديرية على أن تقوم كل مديرية بدورها فى استلام مسوغات و اوراق التعيين المطلوبة ،و من المتوقع ان يتسلم المعلمين الجدد مهام عملهم بداية من شهر ابريل العام المقبل 2015
و ندعو الله بالتوفيق و النجاح للجميع
موقع خمس خطوات يقدم معلومات بسيطة فى شرح سهل من خمسة خطوات للأحداث الجارية وكافة مناحي الحياة المتنوعة لإثراء محتوي اللغة العربية على الإنترنت.
هى ونصبيه
أنا امتحنت التربوي والحاسب والإنجليزي ولسه أسمى لم يظهر فى التخصص وبيقولو أن الاختبارات سوف تنتهى يومى ٥و٦يناير ولو امتحانى عدى ياريت تر دوا على أرجوكم
تابع موقع الوزارة لو مفيش جديد النهاردا وبكرا قدم شكوي في صفحة شكاوي وزارة التربية والتعليم
يا جماعه انا نجحت فى التخصص فيه امتحان عملى للانجليزى ولا لاء
حتي الان مفيش هو علي امتحان التخصص وبس علي كدا ، لكن عموما تابعي موقع وزارة التربية والتعليم بالتوفيق
بالنسبة لتخصص دراسات اجتماعية تعليم اساسى هيكون امتحان تخصصهم فى منهج ابتدائى وﻻ اعدادى وﻻ جغرافية وﻻ تاريخ ثانوى عام وﻻ من الى درسناه فى الكلية مفيش حاجة واضحة ارجو اﻻفادة
من مناهج ابتدائي
لو انا محضرتش الامتحان هل ليا حق فى التقدم فى مسابقات اخرى
ايوه ولسه ممكن تلحقي الامتحانات مستمرة
انا شايفه ان البلد دى هتفضل كده بتحب تبهدل عيالها وخلاص
المشكلة في الاعداد الكبيرة اكتر من مليون واحد بيتنافسو علشان 30 الف وظيفة بس ، عموما ربنا يوفقك وتفائل ان شاء الله خير
قل لن يصيبنا ال ما كتب الله لنا ياجماعه سيبوها ع الله
انا بيتهيالى انهم كدابين وانهم استكفو من المرحلة اﻻولى والمرحلة التانية للمتظلمين بس ومفيش حد داخل تانى طب الى اختاروهم دول على اى اساس انا معايا تربية رياض اطفال وتقدير جيدمرتفع وواخدة كرس انجليزى ودورة icdlيبقى مايختارونيش لية وﻻ هما هياخدو تخصص عربى وانجليزى ورياضة زى ماقالو بس طب كانو قالولنا اننا مستوفين الشروط لية ماكانو اختاروهم من اﻻول طيب اعمل اية لو اسمى ماانزلش فى اﻻمتحان وانا مستوفية الشروط يعنى الى يزعلنى انى زاكرت دورة الicdlكلها وخلصتها وزاكرت طرق تدريس وانجليزى ومستعدة للامتحان بس شكل مافيش نصيب اعمل اية ردو علية بسرعة ارجوكم انا جالى اكتئاب
حضرتك متسبيش حقك طلما الشروط متوافرة لو من القاهرة قدمي شكوي فى ديوان عام وزارة التربية والتعليم بيستقبلو التظلمات هناك وحتي لو ملحقتيش الامتحانات فيه لسه امتحانات التخلفات والناس اللي ملحقتش معادها ، لو خارج القاهرة ممكن تسالي فى مديرية التعليم التابعة ليها هو عندهم الاسماء والبيانات وزي ما قلتك فيه رقم لشكاوي الوزارة 19126
انا عايزاكم تقولولى يوم امتحانى ﻻنى كل ماادخل رقمى القومى يطلع غيرمدرج ياريت لو تفيدونى وتتولو الموضوع دة
طلما طلع غير مدرج يبقى حاجة من الاتنين يااما لسه بيحدثو بيانات وفيه مشكلة او اسمك حضرتك غير مدرج بالمسابقة ممكن تقدمي شكوي او تظلم فى ديوان عام وزارة التربية والتعليم فى القاهرة او فيه رقم ساخن لشكاوي للوزارة 19126
ان لسه مسافر السعودية وقدمت في المسابقة واوراقي اتقبلت بس عايز اعرف هل ينفع اقوم بالاختبارات بالسفارة المصرية هنا
هو الوزارة قالت ان الناس اللى عندهم ظروف سواء تجنيد او سفر هيبقى ليهم لجان لوحديهم بس جوا مصر , فممكن حضرتك تقدم طلب للوزارة او للسفارة علشان على الاقل يعرفو ان فيه ناس كتير نفس الوضع
الاخت التي تعمل في الخارج أقول لها :إن كانت الدولة صادقة والامتحان بالحاسب فلاداعي للحضور ولو كانت كاذبة فلتذهب الوظيفة إلى الجحيم بيد أن الوزارة لاتصدق أبدا واسألوا العاملين بها ولاتعليق !!
هو الامتحان بالحاسب لكن فى لجان واماكن محدده هتعملها الوزارة وقالو لازم الناس تبقى داخل مصر , بالنسبة للناس اللى عندها تجنيد او خارج مصر كان فيه خبر النهاردا ان هيعملولهم لجان بعد انتهاء مراحل الامتحان بس برضو داخل مصر مش برا
هو حضرتك صحيح خبر تأجيل الاختبارات زي ما نازل علي موقع اسمه الدائرة وإني الرسائل هتكون بشكل تخصص كذا اليوم كذا الساعه كذا وخلاص
لا مفيش كلام عن تأجيل بس هم ممكن يتأخرو كام يوم زى العادة عبقال ما يخلصو تجهيزات اللجان والامتحانات بس كل الكلام انه الاسبوع اللى جى دا هتبدى الامتحانات على مستوى الجمهورية تقريبا كل محافظة فصعب تبقى مفتوحه كدا هيقسمو الناس حسب الاماكن وترتيب الاسماء , انا قريب الخبر اللى حضرتك قلت عليه فعلا بس فى نفس الموقع خبر تانى قايل ان الامتحانات يوم الحد 😮 , فخلينا فى الكلام الرسمى بتاع الوزارة وربنا معانا
انا مع زوجى بالسعودية وخايفة انزل احضر الاختبارات واسقط واكون خسرت حياتى هنا ولا اطول وظيفة في مصر ولا قدرت ارجع مع زوجى اعمل ايه يارب؟؟؟؟؟؟؟؟؟؟؟؟؟
دلونى………….هية الحكومة دى اية لازم الشعب يخسر باي شكل
ربنا معاكم حاولى لو تعرفى ناس نفس الوضع فى السعودية تقدمو طلب للسفارة هناك ووزارة التربية والتعليم تمتحنو فى السفارة , انا مش عارف هم معقدنها ليه خصوصا ان الامتحانات على جهاز كمبيوتر مفهاش مشكله تبقى فى اى مكان
اًنا متأكد ان مفيش رسائل هتوصل المقبولين ولو وصلت حتوصل قبل الامتحان بساعات عشان الوراره تقدر تحصر اقل عدد الممتحنين عشان لو ٧٥٠ الف امتحنوا حتبفي كارسه ودي حاجه طبيعية
تفاءل بالخير ان شاء الله و بعدين هم هينزلو الاسماء تانى على الموقع و المواعيد برضو غير الرسائل وبعدين بيجهزو لجان امتحانات على اساس يمتحنو حوالى 50 الف او 60 الف كل يوم صحيح العدد كبير بالنسبة ل 30 الف وظيفة بس اهه نعمل اللى علينا و سيبها على ربنا