انتشر امس خبر وفاة ندي سلامة عازفة الناي ، حيث نشر عدد من المقربين لها خبر انتحارها ووفاتها امس ، الا ان ندي سلامة قامت اليوم بالكتابة عبر حسابها علي الفيسبوك ، معلنة انها علي قيد الحياة ، الا انها حاولت الانتحار اكثر من 5 مرات في خمسة ايام ،وذلك بسبب مرورها ببعض المشاكل التى وصفتها بالعادية “زى اللى الناس بتقابلها”، قائلة:” أنا لسة عايشة”….
وكان خبر وفاة ندي سلامة قد تصدر مواقع التواصل الاجتماعي امس واليوم ، حيث انتشر خبر انتحار ندي سلامة عازفة الناي المصرية ، ووسط حالة من التأكيد والنفي طوال اليوم تكلمت ندي اخيرا معلنة انها لسه عايشة ، واكدت محاولتها الانتحار اكثر من مرة ، و طالبت “ندى” متابعيها وأصدقاءها بألا يهتموا لما يحدث لها وأن ينشغلوا بأنفسهم، مؤكدة أنها ستتعامل مع مشاكلها وتنهيها وتأخذ فرصة جديدة فى الحياة فى “هذا العالم السيء”….
نص كلام ندي سلامة علي صفحتها بالفيسبوك بعد اخبار انتحارها ووفاتها
” انا ندي ولسه عايشه لو معني اني بتنفس اني لسه عايشه ، يمكن ده هيكون اطول شئ اكتبه ويمكن يكون آخر شئ اكتبه واهتم للناس فأكتبلهم ، انا حاولت انتحر اكتر من 5 مرات في 3 ايام وكل ده عشان بواجه مشاكل زي اللي الناس بتقابلها بس المشاكل دي كانت اكبر مني ومكنتش عايزه اورط حد فيها لانها كلها مشاكل انا السبب فيها انا اللي عملتها بس كنت جبانه اني اواجها ، احنا عايشين في عالم وسخ ، انا وسخه كمان زي العالم ده ساعات بنستحمل وساختنا بس مبنعرفش نستحمل وساخه العالم ، الموت شئ عظيم ممكن يخلصك من مشاكلك في دقيقه ويخلي كل الناس تسامحك علي كل وساختك ، بس الغريب هما ليه مهتمين بوجود الجسد كله بيدور حواليين جسدك طول ما جسدك موجود هيكرهوك واول ما يختفي هيحبوك ، ان كان الاعتذار واجب فبعتذر للناس اللي مش مهتمه لوجودك ولوساختك بس انت اللي تهمهم في اي مكان ، هتعامل مع مشاكلي وانهيها واخد فرصه جديده للحياه في عالم وسخ من غير ما اكون وسخ ، وفر اي طاقه تفكير هتفكر فيها عني وعن حياتي او عن موتي او عن مشاكلي او عن علاقتك بيا وفرها لحياتك في العالم الوسخ ، ووفر اي محاوله تواصل معايا حاليا ، انا شخص غير جيد لإي شئ في الحياه لحد ما ابقي جيده كفايه لنفسي ، اكرهني او حبني ده مش هيغير شئ في يومك، خرجوا علي قنديل من كل الحسابات هو من الناس اللي انا يستحقوا الاعتذار لو مكنش الوحيد ، وياريت تقروا تاني جمله وفروا طاقه تفكيركم كلها ، وبالمناسبه الفيس بوك ده هو اكبر عالم وسخ”
موقع خمس خطوات يقدم معلومات بسيطة فى شرح سهل من خمسة خطوات للأحداث الجارية وكافة مناحي الحياة المتنوعة لإثراء محتوي اللغة العربية على الإنترنت وتقدم العديد من مقالات الصحة والحياة وشغل المنزل والوصفات الطبيعية.
