اعلنت وزارة التربية والتعليم في مصر امس 21 مارس 2015 عن نتيجة مسابقة ال 30 الف معلم واخصائي حيث شملت قائمن الفائزين بمسابقة ال 30 الف معلم بجانب قائمة اسماء احتياطية كما اعلنت الوزارة عن امكانية تقديم تظلم من نتيجة مسابقة ال 30 الف معلم واخصائي في حالات عندم ورود اسم المتقدم للمسابقة ضمن المقبولين للتعيين او وجوده في قائمة الاحتياطيين او تأخر ترتيبه او غيره من اسباب التظلم واليكم خطوات التظلم علي نتيجة مسابقة ال 30 الف معلم واخصائي …
1- علي السادة المتظلمين التوجه إلى مديرية التربية والتعليم التابع لها في محافظته المتقدم بها لتقديم تظلم ورقي ومعه اصول وصور المستندات من شهادات التخرج او دبلومة التربية وغيرها من الاوراق التي تثبت حقه و تظلمه من نتيجة مسابقة ال 30 الف معلم واخصائي .
2- كانت وزارة التربية والتعليم قد اعلنت أن فتح باب التظلمات بدأ من اليوم الأحد 22 مارس 2015 ، بمقار مدريات التربية والتعليم بالمحافظات حسب كل متقدم ، إلا أن عدد كبير من المتقدمين فوجئوا مع صباح اليوم بتأجيل فتح باب التظلمات إلى يوم الأربعاء القادم 25 مارس مع بداية قبول أوراق الناجحين ، لذلك الافضل السؤال في كل مديرية والتأكد من ميعاد التظلمات هناك.
3- سوف تقوك كل مديرية تربية وتعليم بفحض اوراق المتظلمين من مسابقة ال 30 الف معلم وأخصائي والاطلاع على أصول المستندات المقدمة من التظلمين.
– مع العلم ان وزارة التربية والتعليم اوضحت انها سوف تستبعد كل من كتب المؤهل أعلى من المؤهل الفعلي الحاصة عليه على موقع الوزارة او غير في درجاته.
– بيانات المؤهل العالي أو المؤهل التربوي أو الدبلوم التربوي غير صحيحة او عدم وجود مؤهل تربوي او عدم وجود دبلومة تربية
– في هذه يتم استبعاد المتقدم وإحالة أوراقه للنيابة العامة لاتخاذ اللازم.
4- سوف تقوم مديرية التربية والتعليم بعرض كشوفات التظلمات و اسباب قبول او رفض التظلمات الخاصة بمسابقة ال 30 الف معلم كما يتم وضعها على الموقع الإلكتروني لكل مديرية تعليمية.
5- يذكر ان وزارة التربية والتعليم قد حددت قواعد اختيار والمفاضلة بين المتقدم لمسابقة وزارة التربية والتعليم ال 30 الف معلم واخصائي علي اساس قانون رقم 155 لسنة 2007 وتعديلاته وهي كالتالي:-
– الأعلى في تقدير المؤهل (ممتاز – جيد جداً – جيد – مقبول).
– الأعلى مؤهل (ماجستير – دكتوراه).
– الأعلى في درجات اختبارات مسابقة ال 30 الف معلم واخصائي.
– الأقدم في سنة التخرج.
– ثم الأكبر سنا.
وكما ذكرنا يرجي المتابعة مع مديرية التربية والتعليم في المحافظة لمعرفة مواعد تقديم التظلمات حيث كانت وزارة التربية والتعليم قد اعلنت انها من اليوم الاحد 22 مارس ولمدة 10 ايام ، ونتمني للجميع التوفيق والنجاح.
موقع خمس خطوات يقدم معلومات بسيطة فى شرح سهل من خمسة خطوات للأحداث الجارية وكافة مناحي الحياة المتنوعة لإثراء محتوي اللغة العربية على الإنترنت وتقدم العديد من مقالات الصحة والحياة وشغل المنزل والوصفات الطبيعية.
التعليم الفني يوجد به عجز كبير ارجو من وزير التعليم الفني اصدار قرارت صحيحه بدل مايستعين بالمحالين على المعاش ياخد ناس من الاحتياطي الى موجدين فى المسابقه
ملحوظه كل الردور مع الشاكي وحضرتك بتقول مفروض طيب احنا نعمل ايه
ياريت كان في ادينا حاجة نعملها ، احنا هنا في موقع خمس خطوات شباب زيكم مش مسئولين ، حاولو تجمعو تظلمات او شكاوي جماعية و توصولو صوتكم للوزير واحنا بننشر هنا وبنكتب عن مشاكل المسابقة ، ان شاء الله خير
انا اسمى اساسى ولكن للاسف مش متسكن فى محافظتى انا من اسوان ونازلى فى رغبات التسكين الدقهليه والغربية مع العلم اننا احنا 10 فى المحافظة ولا واحد فينا متسكن اعمل اي
قدم تظلم بحيث بعد ما يعملوا التسكين لو فيه فرصة للبدل مع حد في المحافظات دي تبدل معاه ، بالتوفيق
عيزة اقدم تظلم لان المفروض ياخذوا الدفعات الاقدم الاول والتقدير زمان ذى اليوم
ازاى ياخد بترتيب درجات الاختبار واللجان فيها غش بالموبيلات واختبار غير متكافئ ونطالب بتعيين قدامى الخريجيين من حيث الأولوية فقد تجاوزنا35 عام
موعدتقديم اوراق الاحتياطي مش تظلمات قصدي اللي ياخذوهم مكان الاساسي
مفيش تقديم ورق للاحتياطي ، الاساسي بس اللى هيقد ورقه حاليا
ممكن الاحتياطي يتعين اول ناس عندما تنزل الوزراة مسابقة جديدة
هي الوزارة كانت قالت كدا ان المتسابقين في المسابقة دي بياناتهم ودرجاتهم موجودة في الوزارة للاستعانة بها في المسابقات اللي جايه ان شاء الله
اسماء الاحتياطي لهم تعين بعد هذه المسابقة ام خلاص ليس لهم فائدة ولماذا وضعت الوزارة كل هذه الاسماء
لو الاساسي مقدمش ورقه او ورقه كان مخالف او فيه حاجة غلط هيبدوا ياخدو ناس من الاحتياطي ، هو فيه فرصة ليكم بس قليلة ، عموما لو حاسة ان فيه خطا او ظلم قدمي تظلم في مديرية التربية والتعليم ، بالتوفيق
كلية دراسات اسلامية مطلوب منها دبلومة تربوي ام لا ارجو الرد
وقت المسابقة كانت الوزارة صرحت انكم معفيين ، لكن بعد كدا قالو مطلوب الدبلومة من كل الكليات الغير تربيوية ، عموما ممكن حضرتك تتاكدي من جروب الفيسبوك دا اللى عملاه الوزارة لمشاكل مسابقة ال 30 الف معلم هنا ، بالتوفيق
انا تخصص علم نفس بتقدير جيد 73.3 ودبلومة تربوي بتقدير جيد جدا وترتيبي في الاحتياطي مع العلم اني في اشخاص جايبه مقبول في الترتيب الاساسي وحطنا امل في المسابقة بس ياخسارة حسبي الله ونعم الوكيل
اللي مش ماة دبلومة ومستثني منها يعمل إيه ارجو الرد
لازم الدبلومة لو تخصصك مش تربوي
احنا الاقدم ولنا الاولويه لو البلد فيما عدل حسبنا الله وكنا مختلفين تمام الاختلاف حتي في التقدير كان جيد من65%اصبح 75وجيد جدا. من75%واصبح85%وهذا دليل علي صعوبه النظام القديم
فعلا كان المفروض يعينوا الدفعات السابقة الاول والجداد لسه قدمهم فرص تاني ، حاولي تقدمي تظلم او ابعتلهم رسالة علي جروب الفيسبوك دا اللى عملاه الوزارة لمشاكل مسابقة ال 30 الف معلم هنا ، بالتوفيق
انا مش فاهم مااخدوش لية كل محافظة لوحدها
انا حاصلة علي ليسانس في الاداب والتربية جامعة عين شمس وتقديري جيد بنسبة 76قسم فلسفة واسمي نزل في الاحتياطي فهذا ظلم لان الدراسة في جامعة عين شمس صعبة جدا فأريد تقديم تظلم
تقديم التظلم في مديريات التربية والتعليم في المحافظات ، بالتوفيق
وزارة تتتتتتتتتتتتتتتتتتتتتتتتتتيت حسبى الله ونعم الوكيل
واللى ماامتحنش خالص ممكن يقدم تظلم
ممكن بس مش عايز احبطك الفرصة ضعيفة لان لو عمل امتحان للى ممتحنش هيعيد امتحانات ناس كتير ، عموما قدمي وربنا يوفقك
يعنى ايه يعين الاحدث فى التخرج والقدام يعملوا ايه حتى لو مش جايب تقدير كفايه المرمطه الى بيشفها هو واهله.هو الواحد لازم يكون له ظهر احنا لنا ربنا وحسبى الله ونعم الوكيل
يختار على اساس درجة الاختبار يبقى ظلم كبير كدا مفيش تكافؤ فرص لان الامتحان مش واحد ومش فى توقيت واحد يبقى دة مش عدل
الوزارة بتقول الاقدم في التخرج والاكبر سناوالتقدير فين ده وهم واخدين المتخرجين جديد كان الاولى ياخدوا الاقدم في التخرج ويكون تقديره كويس والمتخرجين جديد هم اللى يبقوا في الاحتياطى مش العكس
كلامك مظبوط بس للاسف هم ماشيين حسب قانون قديم متعدلش من سنين بيخلي اللى لسه متخرج ممكن يتعين طلما اعلي في التقدير او لحق خلص ماجستير واللى بقاله سنين متخرج ميتعينش
حسبنا الله و نعم الوكيل
لومقدمتش الدبلومة ياثر في الترتيب
اصلا مفيش تعيين من غير ما يكون خريج تربية او معاه دبلومة تربية
الحد الاقصى للعمر كم سنة ؟
شروط المسابقة مكنش فيها حد اقصي او سن معين
التقدير في الدبلوم العام بامتياز ليس له اساس فى اﻻختيار
لا ، الحساب علي اساس تقدير المؤهل الاساسي