اعلنت وزارة التربية والتعليم ان موعد امتحان التخصص سوف يكون بعد نهاية المرحلة الخامسة من مسابقة التربية والتعليم لاختيار ال 30 الف معلم ، حيث ان المرحلة الخامسة من يوم السبت 13 ديسمير 2014 الي يوم الخميس 18 ديسمبر 2014 وبالتالي فإن موعد امتحان مادة التخصص سوف يبدأ السبت الموافق 20 ديسمبر علي ان يتم تحديد مواعيد امتحانات التخصص في كل محافظة علي حدي، واعلام المتقدمين لمسابقة وزارة التربية والتعليم من خلال موقع وزارة التربية الرسمي واليكم المزيد من التفاصيل عن امتحان تخصص مسابقة وزارة التربية والتعليم…
تحديث 24 ديسمبر :-
بداية الامتحانات في القاهرة والجيزة و 15 محافظة من الاربعاء
اعلنت وزارة التربية والتعليم ان امتحان مادة التخصص سوف يبدأ يوم الأربعاء 24 ديسمبر في 15 محافظة من محافظات الجهمورية وهم محافظة القاهرة، ومحافظة الجيزة، ومحافظة الدقهلية، ومحافظة الشرقية، ومحافظة القليوبية و محافظة المنيا، ومحافظة الإسكندرية، ومحافظة أسيوط، ومحافظة البحيرة، ومحافظة سوهاج، ومحافظة مرسى مطروح، ومحافظة الغربية، ومحافظة المنوفية، ومحافظة بنى سويف، ومحافظة الوادى الجديد، حيث سيدخل الاختبارات 97 ألف و624 ممتحنا يتم اختبارهم غدا الأربعاء والخميس.
ويتم الاستعلام عن موعد ومكان لجنة امتحان التخصص بالرقم القومي على موقع الوزارة على الرابط التالي
http://30job.moe.gov.eg
ويمكنك الاتصال بلجنه امتحان المواد العامة التي تم امتحانكم بها لسؤالهم عن موعد امتحان التخصص في حالة عدم ظهور اسمك في امتحانات التخصص في محافظتك وايضا يمكنكم السؤال في مديريات التربية والتعليم التابع لها في المحافظة
اوضحت وزارة التربية والتعليم انها ببداية امتحان التخصص بعد انتهاء المرحلة الخامسة سوف يكون العمل باختبار مادة التخصص علي ان يكون ذلك خلال 6 فترات امتحان طوال اليوم، وليس علي 3 فترات فقط مثلما حدث في امتحانات المواد العامة السابقة وهي “التربوي واللغة الانجليزية ومادة الحاسب الالى في لجان المراحل السابقة من مسابقة تعيين 30 الف معلم مساعد وذلك لاستيعاب الاعداد الكبيرة من المتقدمين لمسابقة التربية والتعليم لاختيار 30 الف معلم حيث سيكون امتحان التخصص هو العامل الرئيسي في ترتيب وتصفيه المتقدمين.
درجات امتحان التخصص
صرحت وزارة التربية والتعليم ان امتحان التخصص عليه 60% من درجات الامتحان، واوضحت الوزارة ان امتحان المواد العامة في مسابقة التربية ليس امتحان نجاح وسقوط وانما هو امتحان تقيمي لترتيب السادة المتقدمين لمسابقة اختيار ال 30 الف معلم ، وبالتالي فكل من انهي امتحان المواد العامة كاملة سوف يدخل امتحان التخصص.
طريقة حساب درجات مسابقة وزارة التربية والتعليم
امتحان “مادة التربوى” ويتكون من 14 سؤالا، ثم مادة “اللغة الأجنبية” وتتكون أيضا من 14 سؤالا، بالاضافة إلى امتحان “الحاسب الآلى” ويتكون من 25 سؤالا وتوزيعه الدرجات هي 20 للتربوي و 10 لامتحان اللغة الاجنبية و10 لامتحان الحاسب الالي
اما بالنسبة لامتحان التخصص فسوف يكون 60 % من درجة الامتحان الكليه بمعني 60 درجة كاملة علي امتحان التخصص.
ماهي طريقة ترتيب المتقدمين في مسابقة وزارة التربية والتعليم لاختيار ال 30 الف معلم
تم التصريح في هذا الموضوع من وزير التربية والتعليم والمتحدث الرسمي باسم الوزارة كل واحد بطريقة مختلفة لكن سوف نستعرض معكم طريقة التقييم والترتيب الاقرب للواقع حتي نتأكد من الخبر بطريقة رسمية :-
يتم ترتيب المتقدمين لشغل الوظيفة والمفاضلة بين المتقدمين لوظائف ال 30 الف معلم وفقا للقواعد التالية:-
-الاعلي في مرتبه الحصول علي المؤهل اللازم لشغل الوظيفة امتياز جيد جدا جدي مقبول.
– ويكون الترتيب بالنسبة المئوية في حالة تساوي التقدير.
– ثم الاعلي مؤهلا ماجستير ودكتوراه
– الاعلي في درجات نتيجة الاختبار الذي يتم الان في مجموع المواد العامة مع امتحان التخصص
– ثم الاقدم تخرجا وفي حالة التساوي يكون الترتيب من حيث الاكبر سنا.
وكما ذكرنا ان امتحان المسابقة ليس نجاح وسقوط فعلي من لم يوفق في امتحان المواد العامة التركيز في امتحان التخصص فهو يساوي 60% من الامتحان كله.
مصادر امتحان التخصص في مسابقة اختيار ال 30 الف معلم
بالنسبة لمصادر امتحان التخصص فهي عبارة عن مناهج التدريس في التخصص المقدم عليه وليس في تخصص البكالوريوس او الكلية ، ويمكنكم مذاكرة المناهج نفسها او حل امتحانات اختبارات كادر المعلم الموجودة علي الانترنت.
– وايضا بالنسبة للسادة الاخصائيين وغيرها من التخصصات التي ليس لها منهج فعلي ، يمكنكهم حل امتحانات كادر المعلمين الخاصة بهذا التخصص وهي موجودة في عدة مواقع علي الانترنت
– حل امتحانات ثانوية عامة بالنسبة للسادة المتقدمين في مراحل الثانوية العامة.
وبالنسبة للمتقدمين في مسابقة وزارة التربية في تخصصات فنيه مثل معلم التربية الرياضية ومدرس التربية الفنية و مدرس تربية موسيقية سوف يكون هناك امتحان نظري وامتحان عملي لاحقا كجزء من عملية التقييم لهم وبالنسبة للاختبار العملي يمكنهم الاطلاع علي مناهج التربية الرياضية والفنية والموسيقية من خلال موقع وزارة التربية والتعليم وايضا حل امتحانات كادر المعلم ، وبالنسبة للامتحان العملي سوف تشكل لجنه خاصة لهم وذلك بمعرفة مستشار المادة يتم تشكيلها من وزارة التربية والتعليم.
موقع خمس خطوات يقدم معلومات بسيطة فى شرح سهل من خمسة خطوات للأحداث الجارية وكافة مناحي الحياة المتنوعة لإثراء محتوي اللغة العربية على الإنترنت.
انا تربيه رياضيه وامتحنت ماده التخصص فى البيطاش واسمى نزل تانى فى وكاله الوزاره ورحت وقالولى انتى امتحنتى التخصص ونزل اسمى تانى فغى رشدى
لو امتحني المواد العامة والتخصص ومضيتي علي درجاتك خلاص كدا مفيش امتحانات تاني ، غالبا اللى حصل دا خطا من سيرفر الوزارة وحصل مع ناس كتير ، وطلما اتاكدتي منهم يبقي تمام
الف الف الف الف الف شكرررررررررررررررررررررر
العفو يافندم وتحت امرك في اي سوال وان شاء الله بالتوفيق والنجاح
انا فعلا قدمت بس بيقولي ( الرقم القومي الذي أدخلته غير مدرج في المرحلة الحالية، برجاء المتابعة حيث يتم تحديث البيانات بصفة دورية. ) في كل مرحله كده انا مش فاهم لو سمحت عرفني ممكن انا اعمل ايه وجزاك الله كل خير يارب
طلما كدا يبقي قدم تظلم من خلال صحفة شكاوي وزارة التربية والتعليم هنا
او لو تقدر التوجه لديوان عام وزارة التربية والتعليم في القاهرة ومعاك اصل و صور الاوراق وتقدم هناك علشان يحددولك ميعاد للامتحان
لو سمحت انا مش عارف اتابع وكذا مره ادخل واعمل بحث مش فاهم لو سمحت حد يدلني ويعرفني ايه اعمل ايه والرقم القومي بتاعي لو سمحت حد يساعدني لوجهه لله
الرقم غير مدرج يعني مش مسجل حتي الان ، هل حضرتك كنت سجلت في المسابقة من البداية وقبلت ؟ لو اه يبقي قدم تظلم في وزارة التربية والتعليم علشان تلحق تمتحن مع امتحان التخلفات ، بالتوفيق
`iذهبت الى لجنة ا ارجو الردمتحان التخصص وتم تحويل لجنة الامتحان الى مدرسة اخرى ولم يعقد الامتحان لان الباورد لم ينزل على جهاز الكمبيوتر ماذا نفعل فى هذة الحالة ارجو الافادة لان لم يعد لدينا وقت
قدمي تظلم في وزارة التربية والتعليم
انا اسمى لم يظهر حتى الان فى امتحان التخصص ارجو الرد لانى احتاج الوظيفة جدا
ممكن تقدمي شكوي علي صحفة شكاوي وزارة التربية والتعليم سواء بالايميل او التليفون او الفاكس ، ولو تقدري التقدم لديوان عام وزارة التربية والتعليم في القاهرة وتقديم تظلم بالاوراق
انا تخصص تربية فنيةواريد الاستفسار على الامتحان العملى ميعادة ومكانة وشكلة والادوات ال هنخودها معانا وهل بعد الامتحان العملى اى امتحانات اخرى
مفيش كلام من الوزارة حتي الان عن الامتحانات العملية للتخصصات الفنية او الرياضية تابعي موقع الوزارة علشان لو فيه جديد ، بالتوفيق
انا امتحنت التخصص بتاريخ 5/1/2015 فى ادارة غرب المحلة الكبرى ونتيجتى كانت 21 من 30 فوجئت الآن بنزول أسمى مرة أخرى للامتحان ولكن بتاريخ 10/1/2015 فى كفر الباجور المنوفية وانا من العامرية م. المحلة الكبرى هل فى امتحانات أخرى غير العامة والتخصص ؟ لو لا هل إذهب إلى الاختبار لإعادة التخصص ؟
أرجو المساعدة والإفادة وشكرا
دا خطا من سيرفر الوزارة الاسماء اتكررت مره تانية لامتحان التخصص طلما مضيتي علي درجاتك يبقي خلاص ، والوزارة قالت من البداية ان مفيش مقابلات هم اصلا عملين المسابقة علشان ميعملوش مقابلات ، عموما ممكن تتاكدي من اللجنه اللى ظهرتلك بالتليفون او التوجه للجنه
امتحان التخصص صعب وحصلت على درجة 19 فى اللغة العربية وهذا لضيق الوقت حتى أن الوقت انتهى وانا لسه بحل ارجوا الرفق والاجابة هل يهتم قبولى فى محافظة الإسماعيلية طال الانتظار أتمنى التعين استحلفكم بالله
ربنا يوفقك ، ترتيب المتقدمين هيبقي علي اساس تقدير المؤهل ثم سنة التخرج ثم درجات امتحانات المسابقة ، ان شاء الله خير وبالتوفيق
أنا حصلت علي بكالوريوس تجارة وأيضاحصلت علي الدبلومة العامة في التربية وحصلت علي دورة ICDL
وقد قمت بالتقديم في مسابقة التربية والتعليم ولم يتم تحديد ميعاد ومكان لي لأداء الإختبارات حتي الأن
رجاء الإفادة وشكراااااااااااااااااااا.
تابع موقع وزارة التربية والتعليم فيه مرحلة الاسبوع اللى جي ، لو اسمك مظهرش قدم تظلم في موقع وزارة التربية او تقديم تظلم بالاوراق في ديوان عام الوزاة في القاهرة
تابع موقع وزارة التربية والتعليم فيه مرحلة الاسبوع اللى جي ، لو اسمك مظهرش قدم تظلم في موقع وزارة التربية او تقديم تظلم بالاوراق في ديوان عام الوزاة في القاهرة
ارجو الرد على كل ماسبق والا فقدنا الامل فىكل شى
جاوبت علي جضرتك ولو فيه ايه استفسار اخر تحت امرك ، وطلما في العمر بقية ان شاء الله فيه امل ، احنا نعمل اللى علينا ونسيب الباقي علي ربنا هو مطلع علي كل شئ
هل يوجد اى اخبار عن امتحان التربية الفنية عملى ولا هى المسابقة اتعملت للية واسطة والغلبان ملهوش فى اى حاجةنصيب
كانوا قالو ان فيه عملي في الاخبار اول لما المسابقة اتعملت ، لكن حتي الان لسه مفيش اخبار الامتحان ازاي وامتي ، عموما اول لما تظهر حاجه جديده هننشرها
اريد معرفة حقيقة الاسماء الفائزة بمسابقة 30الف هل هى بجد ظهرة وكيف ولم تنتهى المسابقة
النتيجة لسه مظهرتش دي مواقع بتشتغل الناس وبتنزل اشاعات ، زي ما حضرتك قلتي المسابقة لم تنتهي و فيه ناس لسه بتمتحن فازاي هيعينوا ناس وبعدين يرجعو يشيلوهم ويعينوا ناس تانيه ، لسه ان شاء الله علي اخر يناير او بداية فبراير وكل واحد هيعرف درجاته وترتيبه ، بالتوفيق
انا لسه مجاليش موعد امتحان التخصص لغايه دلوقتى مع انى امتحنت من يوم ٩/١١ مش عارفه اعمل ايه
تابعي موقع وزارة التربية والتعليم وممكن تقدمي تظلم في صفحة شكاوي موقع الوزارة
لو سمحت هو فى اعاده لامتحانات التخصص فى الجيزه لان انا وزمايلى بعد ما امتحننا التخصص الاسبوع السابق تم ادراج اسمائنا مره تانى فى المرحله الجديده بتاريخ 5-1 وفى لجان مختلفه عن التى سبق وامتحننا فيها التخصص من فضلك الافاده
تابع مع اللجنه اللى ظهرتلك سواء بالتليفون او التوجه ليها ، بس طلما امتحنت قبل كدا وظهرت نتيجتك ومضيت عليها يبقي تمام ، بس تابع معاهم علشان لو فيه خطا من سيرفر الوزارة او حاجه ، بالتوفيق
لوسمحت امتحان العملي موعده امته بالكتير ولو فيه امتحان هل هيكون برده لجنه بعيده بره البلد ولا ممكن كل واحد يمتحن في نفس البلد اللي هو منها
لسه مفيش اخبار من الوزارة ، ان شاء الله او لما يقولو حاجه هننشرها ، بالتوفيق
انا دلوقتي امتحنت التخصص وجبت 15 من 32 كده ابقا سقطت وﻻ هما هيجمعةا كل الدرجات وﻻ ايه بالظبط
امتحان مسابقة ال 30 الف معلم للتقييم وترتيب المتقدمين مفهوش نجاح وسقوط ، اساس الترتيب علي تقدير المؤهل ثم سنه التخرج ثم درجات امتحان المسابقة
برجاء معرفة موعد امتحان العملى لمادة التربية الفنية وما هية هذه الامتحانات ومتى واين ولكم جزيل الشكر
مفيش اخبار عن الامتحان العملي لسه ، كانوا ذكروا ان فيه امتحان عملي في الاخبار وبيانات الوزارة وقت بداية المسابقة لكن حتي الان لم يحدد الموعد ، ان شاء الله اول لما تظهر معلومة جديد هننشرها ، بالتوفيق والنجاح
لو سمحتم عايزه اعرف ميعاد اختبار التخصص كل شويه يكتبلي غير مدرج اللي ااختبرو معايا المواد العامه اختبروا تاني تخصص ازاي اعرف ان اختباري عدي والا لا وشكرا
تابع موقع الوزارة لو مفيش جديد النهاردا وبكرا قدم شكوي في صفحة شكاوي وزارة التربية والتعليم
ربنا ينجحك يا مراتى
بالتوفيق والنجاح ، وكل سنه وانتم طيبين وبخير
لو سمحت امتحان التخصص في بعض بيقول امتحن وانا ما جاتني رساله ولا اعرف متي فرنساوي اسيوط وفيه تظلم
تابع موقع وزارة التربية والتعليم فيه تحديثات كل يوم لو منزلش الاسم تاني ، قدم شكوي في صفحة شكاوي موقع الوزارة
يا جماعة بالنسبه لمدرس فصل ابتدائي اذاكر ايه للتخصص يعني اذاكر من اولي لساته عربي ودين ورياضه ولا اذاكر ايه بالله عليكم افيدوني واجيب المناهج دي منين
انا معندش معلومة يافندم مناهج مدرس فصل ايه بالضبط ، لكن ممكن تدوري علي ” امتحانات كادر المعلم لمدرس فصل ” هتلاقي امثلة كتير للاسئلة اللى ممكن تجي في امتحان التخصص ، بالتوفيق
هل فيه امتحان عملي لسه بعد التخصص النظري لفنيه وموسيقى وتربيه رياضيه ولو فيه ليه المواد ديه بس ليها عملي حرام كده امتحان زياده وقدام لجنه
هم كانوا صرحو بكدا اول المسابقة بس لحد دلوقتي مقالوش حاجه عن ميعاد او طريقة الامتحان العملي ، عموما فات الكتير مابقي غير القليل ، بالتوفيق
هل فعلا لتربيه موسيقه او فنيه او رياضيه فى امتحان عملي كمان بعد النظرى مهو لو في عملي يبقى ع كل التخصصات مش دول بس حرام
فيه امتحان عملي بس لسه مقالوش امتي ، وانتو ليكم عملي علي اساس الوزارة معتبرة مادة نفسها عمليه بس فعلا اتفق مع حضرتك لو عملي يبقي مفروض كل التخصصات ، عموما بالتوفيق ان شاء الله خير
انا امتحنت التخصص ولكن السيرفر وقع قبل ما تظهر النتيجة والمسئول عن اللجنة قالى تابع على الموقع مرة اخرى لحد ما اسمك يدرج تانى وكل ما ادخل على الموقع يجيلى التاريخ القديم
تابع موقع الوزارة كل يوم زي ما قلك في تحديث للبيانات كل يوم ، لو مفيش جديد يبقي حاول تقدم تظلم علي موقع الوزارة او بالاوراق في ديوان عام وزارة التربية والتعليم
انا جبت 9في الحاسب و11في التربوي و10 في الانجليزي انا كده هادخل امتحان تخصص
طلما خلصتي امتحان المواد العامة هتدخلي امتحان التخصص لان امتحان المسابقة عامة للتقييم وترتيب الناس ، بالتوفيق
انا جبت فى الامتحان العام والتخصص 49من72 وشخص اخر جاب56من72 مين فينا احق بالعمل مع العلم انى تقديرى بالجامعة72.2والاخر68
الترتيب علي اساس التقدير ودرجات الامتحان وسنه التخرج ، فيه كلام ان التقدير اولا حسب القانون ، و كلام تاني ان درجات المسابقة اولا ، عموما طريقة الترتيب وباقى المعلومات هتظهر بعد نهاية الامتحانات ، بالتوفيق
رجاءا افيدونى كيف اعرف ان كان لى امتحان عملى فنية ام لا هل اظل اتابع البحث ام كيف اعرف
تابع موقع وزارة التربية والتعليم والاخبار لحد ما يقرروا ميعاد الامتحان امتي
انا امتحنت التخصص فنية وفوجئت باسئلة مكررة لم استطيع اجابتها واسئلة تربوى جبت 11من 25فهل ده معناه ان حد غيرى احق منى لانه جاب 20من25 مع العلم انى اعلى منه تقديرا
ترتيب المتقدمين هيبقي علي اساس المؤهل ودرجات الامتحان وسنه التخرج والسن ، فلسه فيه فرصه ان شاء الله بالتوفيق
انا خريجة كلية علوم بتقدير جيد جدا وتربوي بتقدير 84 / واجتزت امتحان التربوي والانجليزي والحاسب بجموع 45 ولكن امتحان الريضيات التخصص بمجموع 13 افيدوني عن مصيري علما بأن خريجة 2010 وشكرا
الترتيب والنتيجة النهائية للمتقدمين لسه الوزارة مقالوش امتي ، ان شاء الله خير وبالتوفيق
متى سيتم الإعلان عن المقبولين فى وظيفة أخصائى إجتماعى بالمنوفية بالمسابقة مع العلم بأن موعد الإختبار للتخصص كان بتاريخ 2014/12/26
خلال شهر يناير او فبراير 2015
حضرتك انا قدمت وظيفة علوم اعدادى وتخصصى كيمياء وفيزياء ولم يكن فيه اختيار لوظيفة معلم كيمياء او فيزياء وكل اللى امتحنوا علوم جالهم اسئلة جيلوجيا كتير ولم يراعو الشعبة او التخصص هل يمكن اعادة الامتحان ام انتهى الامر
ممكن تقدم تظلم في وزارة التربية والتعليم لاعادة امتحان التخصص
قمت بإمتحان التربوى والحاسب والانجليزى ولكن لم اجد إسمى فى التخصص
زي ما قلت لحضرتك تابعي موقع وزارة التربية لان فيه تحديث للبيانات يوميا و ايضا فيه محافظات لسه مبتدتش امتحان التخصص ، لو اسمك مظهرش النهاردا وبكرا يبقي قدمي تظلم سواء في صحفة شكاوي الوزارة او في ديوان عام وزارة التربية في القاهرة
قمت بإمتحان التربوى والحاسب والانجليزى ولكن لم اجد إسمى فى التخصص
تابعي موقع وزارة التربية لان فيه تحديث للبيانات يوميا ، لو اسمك مظهرش يبقي قدمي تظلم سواء في صحفة شكاوي الوزارة او في ديوان عام وزارة التربية في القاهرة ، بالتوفيق
انا تخصص كيمياء وفيزياء خريج 2003 بتقدير جيد جدا امتحنت امبارح وفوجئت باغلب الاسئلة من الجيولوجيا والاحياء بعيد عن تخصصى وجبت 10 من 40 انا مستغرب ليه الوزارة دى بتعمل فينا كدا
هو حضرتك كان ظهرلك تخصص ايه وقت لما قدمت بالضبط ؟ عموما قدم تظلم سواء فى موقع الوزارة او في ديوان عام الوزاة في القاهرة ، علي الاقل تعيد الامتحان
انا كان امتحانى امبارح وفاتنى وحاولت الاتصال باللجنة وقالولى ده اخر يوم اعمل ايه ؟
قدم تظلم في موقع وزارة التربية والتعليم صفحة الشكاوي ، او لو تقدر التوجه لديوان عام وزارة التربية والتعليم في القاهرة ، وعموما في مرحلة في الاخر لامتحانات التخلفات
للنجاح في التخصص الدرجه هتكون كام عشان يعرف اذا كان نجح
مفيش نجاح وسقوط دا امتحان للتقييم بمعني اللى هيجيب درجات اعلي فرصته هتبقي اعلي في الوظيفة
من اسيوط اريد معرفة موعد امتحان التخصص ارجو الافاده
الاستعلام من خلال موقع وزارة التربية والتعليم وتابع كل فتره لان فيه تحديثات للبيانات في الموقع، بالتوفيق
انا جبت 8 من 24 في التخصص اه الموقف عشان انا عرفت قبلها بساعتين
ممكن تقدم تظلم في صفحة شكاوي وزارة التربية والتعليم او تظلم في ديوان عام وزارة التربية والتعليم في القاهرة ، بالتوفيق
اريد اسئلة لتخصص الاقتصاد المنزلى قسم ملابس و نسيج
وهل ستأتى الأسئلة لقسم ملابس و نسيج فقط ام لجميع الأقسام
الاسئلة حسب التخصص اللى حضرتك قدمت عليه لو اقتصاد منزلي يبقى راجع المنهج نفسه وحل اسئلة كادر المعلم الخاصة بمدرس اقتصاد منزلي هتلاقي امثله كتير ليها علي النت بعتذر لو مش هقدر احملها هنا ، بالتوفيق
طيب حضرتك بالنسبه للمغتربين خريجي التربيه الرياضيه بالأخص هل هيمتحنوا في الوزاره زي ما سمعنا التخصص والحاسب والانجليزي والعملي معاهم ولا في يوم تاني ارجوا الافاده وشكرا
المكان والزمن لسه متحددش هم هيقولو لما يخلصو امتحان التخصص يعني علي الاسبوع اللى جي او اللى بعده بالكتير هيعملو امتحانات التخلفات والتظلمات ، غالبا هتبقي يوم للمواد العامة ويوم للتخصص حسب الاعداد زي ما قلت لحضرتك هم بيحددو بعد ما يخلصو الامتحانات ، بالتوفيق
والمغتربين اخبارهم آخر موعد لهم متي ..
علي اخر الاسبوع اللى جي بالكتير هيتحدد امتحانات التخلفات فلو حضرتك خارج مصر حاول ضبط المواعيد للحضور ، وتابع موقع وزارة التربية لان فيه تحديثات كل يوم ، بالتوفيق
محافظة سوهاج ابتداء امتحان التخصص ولا
ابتدا النهاردا وتابع موقع الوزارة فيه تحديث للبيانات ، بالتوفيق
انا تخصصى فلسفه وعايزه اعرف مكان لجنتى واناا غير مدرج فى المرحله السادسه
تابع موقع الوزارة وفيه حالة عدم ظهور قدم تظلم
أنا خريجة تربية فرنساوى جامعة المنصورة 1998 وتقدمت لوظيفة أخصائى مكتبات هل إمتحان التخصص سيكون فرنسى أم مكتبات وشكرااااا
في التخصص اللى حضرتك قدمتي عليه اخصائي مكتبات ، ان شاء الله بالتوفيق والنجاح
متي امتحان التخصص بالغربية؟
لسه مش كل المحافظات هتبدي الاسبوع دا 11 محافظة بس اللى ابتدو والباقي خلال الاسابيع اللى جاية ، تابعي موقع الوزارة وبالتوفيق
إمتحان الخدمة الاجتماعية إمتة وهيكون شكل الامتحان إزيوهمتحن
امتحان التخصص هيبدا من بكرا و علي مراحل برضو فتابع حضرتك مع موقع وزارة التربية ،بالنسبة للامتحان نفسه راجع امتحانات كادر المعلم لاخصائي اجتماعي
انا مقدمة فى المسابقة مدرس علوم ابتداءى هل اذاكر منهج علوم ابتداءى ولامنهج الثانوىة العامة فيزيا وكمياء واحياء
ابتدائي ، وحلي امتحانات كادر المعلم للتخصص دا ، بالتوفيق
أريد معرفة موعد امتحانات الE
لو قصدك علي التخصص ههي هتبقي علي مراحل برضو بداية من يوم الثلاثاء القادم او ممكن يأجلوها زي العادة للاسبوع الل جي ، او لما يظهر جديد هننشره ، بالتوفيق
انا نفسى اعرف طبيعة امتحان التخصص لرياض الاطفال
امتحان زي امتحان المواد العامة اختيار وصح وغلط ، المصدر هيبقى مناهج التدريس وممكن تراجعي وتحلي امتحانات كادر المعلم الخاص بالتخصص ، بالتوفيق
اريد معرفة موعد التخصص للخدمة الإجتماعية حتي لا يفوتني موعد الإمتحان ارجو الإفادة وشكرا
ان شاء الله الاسبوع اللى جي هيبدا في القاهرة وكام محافظة وهيبقي برضو علي مراحل ، تابع موقع وزارة التربية الرسمي وتابعنا هنا وان شاء الله لو ظهر حاجه هننشرها ، بالتوفيق
بالنسه لاحتساب الدرجه خطا كيف استرد حقي
فيه خط ساخن لوزارة التربية والتعليم الرقم 19126 ، وممكن تتابع الاسبوع اللى جي مع لجنه الامتحان وتتواصل مع مديرية التربية والتعليم لحين حل المشكلة او اعادة الامتحان
تخصص اقتصاد منزلى تربية نوعية هيبقى له امتحان نظرى وعملى ولا نظرى بس
حتي الان هو امتحان نظري مثل باقى التخصصات ، مستقبلا ممكن يكون فيه امتحان عملي بس مفيش تفاصيل
انا تخصص علم اجتماع ومش عارفه اذاكر ايه لانى مش عارفه هشتغل ايه
ايه التخصص اللى قدمت عليه ؟ ذاكر امتحانات كادر المعلم للتخصص اللى قدمت عليه ، بالتوفيق
انا اسمي لم يدرج الي الان في اي مرحله مع العلم اني مستوفي جميع الشروط وحاصله علي تقدير جيد جداا ومؤهل تربيه اساسي لغه عربيه فما السبب لعدم ادراجه
ممكن حضرتك تستعلمي من خلال وزارة التربية والتعليم ديوان عام الوزارة لو حضرتك من القاهرة ، و ممكن تتصلي بالرقم الساخن لوزارة التربية والتعليم 19126 او تقدمي شكوي في موقع الوزارة الرسمي، بالتوفيق
انا تربية تاريخ وجالي معلم فصل اذاكر اية التخصص ولا معلم فصل
معلم فضل لان دا التخصص اللى ان شاء الله هشتغلي فيه ، ذاكر المناهج وحلي امتحانات كادر المعلمين لمدرس الفصل، بالتوفيق
انا كاتب تخصصي اخصائى مكتبات همتحن عملى ونظرى ولا ازاى
نظري ، راجع امتحانات كادر المعلم لاخصائي مكتبات
عاوزة افهم اللى جايب تقدير كويس هيقبل من غير ميبصو فى درجات الامتحان
طريقة التقييم هي التقدير ثم درجات الامتحان ثم سنه التخرج يعني كله ليه اهمية في التقييم
نماذج امتحانات
معلش يافندم الامتحانات كتيرة ومساحتها كبيرة مش هقدر انزلها هنا ، عموما هتلاقي كتير علي جوجل خاصة امتحانات كادر المعلم ، بالتوفيق
انا اسمى فيه غلطة هل لازم يتغير قبل امتحان التخصص
ممكن تستعلم في ديوان عام الوزارة في القاهرة ، او ممكن تتصل بالرقم الساخن لوزارة التربية والتعليم 19126 ، ان شاء الله بالتوفيق
انا تخصص اجتماع وقدمت اخصائى اذاكر اية
حل امتحانات كادر المعلم لاخصائي اجتماعي هتلافي امثله كتيرة علي النت ، بجانب مراجعة سريعة لمواد الدراسة اللى ليها علاقة بتربية ، بالتوفيق
انا تخصص تاريخ تعليم عام وكتبت طلب مدرس دراسات اجتماعيه ياتري همومنا اية
ذاكري مناهج دراسات اجتماعية ، وامتحانات كادر المعلم للتخصص دا ، وممكن تلاقى امتحانات كادر المعلم علي النت ، بالتوفيق
انا تخصص تاريخ تعليم عام امتحان في اية
ذاكري مناهج تاريخ وامتحان كادر المعلم لتخصص تاريخ ممكن تلاقى امتحانات كادر المعلم علي النت ، بالتوفيق
انامعرفتش ميعاد الامتحان الابعد مافات اعمل ايه
ممكن تسال في مديرية التربية والتعليم في المحافظة ، وفيه رقم ساخن لوزارة التربية والتعليم 19126 ، بالتوفيق
اخصائى فلسفه همتحن مادة فلسفةومنطق اما علماجتماع ارجو الردوشكراً
انا عاوزة اعرف امتحان التخصص اقتصاد منزلى اية وهيجى من منهج اية
ذاكري مناهج افتصاد منزلي بجانب امتحانات كادر المعلم لاقتصاد منزلي
انا مقدمة على وظيفة مدرس فصل امتحانى فى اية
مناهج ابتدائي اللي بيدرسها مدرس الفصل ، راجعي وحلي امتحانات كادر المعلم الخاصة بمدرس الفصل ، بالتوفيق
امتحان التخصص فالتربيه الفنيه هيبقي ع جهاز الكمبيوتر ولا امتحان ولجنه وكتابه موضوعيه
علي كمبيوتر زي امتحان المواد العامة ، وبالنسبة لمدرسي التربية الفنية والرياضية هيمتحنوهم بعدين عملي ، بالتوفيق
انا مسافر المملكة العربية السعودية وعايز اعرف امتحان العاملين بالخارج امتى
للاسف مفيش امتحان خارج مصر ، لو قصد حضرتك تحضر الامتحان قبل ما تسافر ممكن تقدم طلب لوزارة التربية والتعليم او مديرية التربية والتعليم في المحافظة ، وفيه رقم ساخن لوزارة التربية والتعليم 19126 ، بالتوفيق
انا عايزة اعرف منهج امتحان معلم المواد الزراعية ابتدائى واعدادى
ذاكري المنهج من موقع وزارة التربية والتعليم ، وامتحانات كادر المعلم ، بالتوفيق
لو سمحتم انا خريج تربية اساسى دراسات اجتماعية همتحن التخصص فيه ايه وانا مؤهلى مدرس دراسات ابتدائى حد يفيدنى
حضرتك هتمتحن حسب التخصص اللى قدمت عليه ، لو قدمت علي مدرس دراسات راجع مناهج دراسات واسئلة كادر المعلم الخاصة بمدرس دراسات ابتدائي ، بالتوفيق
حسبي الله ونعم الوكيل فيكم ربنا يضيقه في ولكم زي مابتضيقوها علينا ربنا ينتقم منكم
ان شاء الله خير ولا ضيقه ولا حاجه ايه المشكلة بس ؟
حسبنا الله ونعم الوكيل