الأوراق والمستندات المطلوبة للتقديم في شقق الاسكان الاجتماعي اعلان شهر ابريل – مايو 2016 ، حيث نشرت وزارة الاسكان الأوراق المطلوبة لحجز شقق الاسكان الاجتماعي الجديدة في جميع محافظات مصر للموظفين واصحاب المهن الحرة والفلاحين والعمال والارامل والمطلقات حيث يشمل مشروع وزارة الاسكان لمحدودي الدخل أكثر من نصف مليون وحدة سكنية جديدة من ضمنها 400 الف وحدة ضمن مشروع السيسي لإسكان محدودي الدخل.
تفاصيل اعلان شقق الاسكان الاجتماعي شهر ابريل 2016
تطرح وزارة الاسكان كراسة شروط شقق الاسكان الاجتماعي في مكاتب البريد بداية من يوم السبت 23 ابريل 2016 ، وسعر كراسة الشروط 50 جنيه ، حيث سيتم طرح اكثر من 500 الف شقة جديدة في مشروع الاسكان الاجتماعي حيث ينقسم مشروع وزارة الإسكان إلى فئتين، حيث ستطرح الوزارة 100 ألف وحدة سكنية كاملة التشطيب في المدن الجديدة بـ24 محافظة، و400 ألف وحدة سكنية أخرى كلّف بتنفيذها الرئيس عبد الفتاح السيسي في 27 محافظة، بنظام التمليك، يبدأ الحجز لها اعتبارا ًمن 1 مايو ويستمر حتى 30 مايو 2016.
علي ان يتم فتح باب حجز شقق الاسكان الاجتماعي 2016 وموعد بداية التقديم في شقق الاسكان الاجتماعي الجديدة 2016 بداية من شهر مايو 2016 وحتي 31 مايو.
الأوراق المطلوبة لحجز شقق الاسكان الاجتماعي اعلان شهر ابريل 2016
- صورة بطاقة الرقم القومي للزوج والزوجة علي ان تكون البطاقة “سارية”.
- صور شهادات الميلاد للأطفال او رقم قومي مميكنة “إن وجد”.
- شهادة التأمينات الاجتماعية للزوج ، وايضا الزوجة في حالة عملها.
- شهادة “مفردات المرتب” معتمدة من جهة العمل ، تحتوي على البيانات الأساسية مثل “الدخل الشهري”، وأي شهادة أخرى تضيف للمتقدم دخلاً شهرياً (للموظفين).
- إيصال مرافق حديث لمحل السكن الحالي المتواجد به الفرد او الاسرة ، مثل ايصال كهرباء او ايصال مياه او ايصال غاز او تليفون ، ولا يشترط أن يكون باسم المستأجر طلما يقيم هناك.
- صورة الشهادات الثبوتية الرسمية مثل قسيمة الزواج بالنسبة للمتزوجين او الطلاق او شهادة الوفاة ، (واي شهادة اخري تثبت الحالة الاجتماعية، وعدد أفراد الأسرة) او وثيقة زواج أو طلاق أو وفاة ، وفي حالة تقديم العازب “غير المتزوج” يكتفي ببطاقة الرقم القومي وباقي الأوراق.
– بالنسبة للاوراق الاضافية المطلوبة من الارملة في الاسكان الاجتماعي يتم تقديم طابعة معتمدة ببيانات المعاش من التأمينات.
الأوراق الاضافية المطلوبة من اصحاب المهن الحرة والمحلات
اما عن باقي الأوراق المطلوبة من اصحاب المهن الحرة والمحلات وغيرها من الوظائف الحرة ، يتم تقديم شهادة من محاسب قانوني تبين صافي الدخل الشهري أو السنوي، بجانب صورة من السجل التجاري و صورة البطاقة الضريبية وذلك لأصحاب المشروعات الحرة.
علي ان تكون شهادة الدخل الشهري او السنوي ، مثبت بها صافي الدخل من مكتب محاسب قانونى عن آخر ثلاث سنوات سابقة أو من بداية النشاط إذا كانت أقل من ثلاث سنوات بالإضافة إلى صورة من البطاقة الضريبية والسجل التجارى.
بالنسبة للاوراق المطلوبة من السائقين وصاحب التاكسى في الاسكان الاجتماعي 2016
يتم تقديم شهادة من مكتب محاسب قانونى بالدخل الشهري عن آخر ثلاث سنوات طبقا للإقرارات الضريبية المقدمة لمصلحة الضرائب والمستندات المقدمة للمحاسب – صورة من البطاقة الضريبية – برنت من التامينات – صورة الرخصة – شهادة بعدم صدور أحكام تأديبية ضد المحاسب القانوني.
- بالنسبة للاوراق المطلوبة من الفلاحين والممتلكين لقطع اراضى زراعية للتقديم في الاسكان الاجتماعي : يتم تقديم شهادة من محاسب قانونى بالدخل الشهرى عن اخر ثلاث سنوات طبقا للاقرارات الضريبية المقدمة لمصلحة الضرائب والمستندات المقدمة للمحاسب – وصورة الحيازه الزراعية.
الأوراق المطلوبة من المصريين العاملين بالخارج للتقديم في شقق الاسكان الاجتماعي 2016
اما بالنسبة للعاملين خارج جمهورية مصر العربية يتم تقديم الأوراق المطلوبة في الاسكان الاجتماعي ابريل 2016 المذكورة اعلي لكن بالنسبة لشهادة دخل يتم استخراجها من جهة العمل بالخارج معتمدة من القنصلية المصرية بالدولة التى يعملون بها مصدقاً على توقيعاتها من الخارجية المصرية.
بالنسبة لذوى الإعاقة والاحتياجات الخاصة، سيتم التخصيص طبقاً لعدد الوحدات المتاحة، وسيتم مراعاة تخصيص 5 % من الوحدات لذوى الإعاقة والاحتياجات الخاصة بشرط انطباق الشروط عليهم وتقديم المستند الدال على درجة الإعاقة من المجالس الطبية المتخصصة.
ويمكنكم الاطلاع هنا علي
خطوات التقديم في الاسكان الاجتماعي بالتفصيل بداية من شراء كراسة الشروط وحتي ارسال الاوراق
شروط الاسكان الاجتماعي كاملة وطريقة التقديم في اعلان الاسكان الاجتماعي شهر ابريل – مايو 2016.
سعر شقة الاسكان الاجتماعي 2016 بالتفصيل وقيمة المقدم والقسط الشهري
وايضا
اماكن شقق الاسكان الاجتماعي في المدن الجديدة 2016 حسب كل محافظة
موقع خمس خطوات يقدم معلومات بسيطة فى شرح سهل من خمسة خطوات للأحداث الجارية وكافة مناحي الحياة المتنوعة لإثراء محتوي اللغة العربية على الإنترنت وتقدم العديد من مقالات الصحة والحياة وشغل المنزل والوصفات الطبيعية.
كيفيه التقديم في نظام الايجار بالنسبه للمطلقات
بيتم شراء كراسة الشروط وملئ الاستمارة وتقديم الاوراق المطلوبة زي ما وضحنا ، بس اتاكدي اولا ان الشقق متاحة في محافظتك لانها نازلة في 10 محافظات فقط المرحلة دي هتلاقي باقي التفاصيل هنــــا
هو لازم شهادة التأمين ولا يكتفى بالرقم اتأمينى ولو نقص حاجة ورقة يعنى ممكن نستكمل ف اقرب وقت
يكتفي بالرقم التاميني علي شهادة مفردات المرتب من جهة العمل
اه البنك بيتواصل معاك لاحقا لاستكمال اي ورقة ناقصة
لو انا قدمت خلاص ولاقيت مش هعرف وفي المستحقات مالية اللي بعد كده ‘ اعمل ايه علشان اسحب المبلغ المدفوع
بعد اعلان نتيجة فحص الاوراق بيبقي متاح اما الاستكمال او سحب المبلغ من بنك التعمير والاسكان
أنا بنت وعندي ٢٢ سنه وأبي وأمي متوفيين وبشتغل بمرتب سهري١٥٠٠ هل يحق لي التقدم لشقق الاسكان
اه ممكن التقديم باسمك عادي
هل يلزم مفردات المرتب للزوجين أم أحدهم إذا كان الزوجين عاملين
لو الزوجين بيعملوا لازم الاتنين يمقدوا مفردات المرتب لان بيتم حساب الحد الاقصي علي اساسها وحساب المقدم والاقساط
هل مطلوب اصل الاوراق ولا ينفع صور؟؟
بالنسبة لشهادة الدخل مطلوب الاصل اما باقي الاوراق صور
انا موظفة ومطلقة واعول وقدمت كل الأوراق بس عايزة اعرف كان المفروض انى أقدم شهادة التأمينات الاجتماعية ولو مفروض انى أقدمها اعمل اية وشكرا
لو موظفة حكومة يبقي لا مش مطلوب ، بالنسبة لموظفي القطاع الخاص مطلوب بس الرقم التاميني يكون في شهادة مفردات المرتب من الشركة
كنت عاوز اعرف الاوارق المطلوبه من المطلقة وحاضن ولاتعمل
شهادة الطلاق وقيمة النفقة او اي اثبات دخل شهري اخر مع تقديم باقي الاوراق زي ما وضحنا في الموضوع
لو سمحت انا محامى جدول عام وبشتغل عند نقيب المحامين بالاسكندرية وعملت شهادة فيها مرتبى الشهرى وهوا 1000 جنيه ومختومة من النقابة … تكفى الشهادة دى ولا لازم تكون من مكتب محاسب قانونى
طلما شغال في مكتب مش محامي حر بتكتفي بتقديم بمفردات المرتب من جهة العمل
اما بالنسبة للمحامي الحر او بيعمل في مكتب خاص به هو دا اللي مطلوب منه شهادة مفردات دخل من محاسب قانوني
ما هى شروط السن
الحد الادني 21 سنة والاقصي 50 سنة وقت التقديم
انا طالب جامعي هل لي الحق في هذا المشروع
لازم وجود وظيفة ومرتب شهري للتقديم
لو انا معاش لازم اعمل برده عند محاسب قانونى اعمال حرة ولا بورق المعاش اقدم
اه لو معاش بتقدم شهادة من التامينات بقيمة المعاش بس مش مطلوب محاسب قانوني
طيب افرض المعاش قليل مش المفروض اعمل جواب عند محاسب قانوني
شهادة الدخل من محاسب قانوني هي للاعمال الحرة والحرف ، فلو فيه مصدر دخل آخر غير المعاش هتقدر تثبته في شهادة المحاسب القانوني قدميها
فرضا انة لم افوز بشقة.. هل لو تركت الفلوس يكون لى الاولوية فى المرة القادمة ؟
لو مطابق للشروط اه لك اولوية في المرحلة القادمة
هل بعد انتهاء التقديم فى التاريخ المحدد اعلاة 31 مايو عن اعلان ابريل 2016 هل سوف يتم فتح باب الحجز مرة اخرى خلال الاشهر القادمة حيث اننى لم استطع تجهيز الاوراق الخاصة بهذة الفترة اعتذر للأطاله وجزاكم الله خيرا
لسه النهاردا وزارة الاسكان قررت مد فترة التقديم لحد 15 يونيو 2016 بالتوفيق ان شاء الله تلحق تقدم
شهادة التأمينات مطلوبة في الورق ضروري من اللي في الشركات الخاصة ولا ممكن الرقم التأميني بس يكون موجود ؟
اه الرقم التاميني في شهادة مفردات المرتب مش لازم شهادة التامينات
في حالة الاسم منزلش في القرعة و مش هيستلم .. المبلغ هيترد في فترة قد ايه لو سمحت ؟؟
فحص الاوراق ومعرفة تخصيص الشقة ام لا بعد 4 شهور او حسب كل محافظة وبعدها ممكن تسحب مبلغ التقديم من فرع بنك التعمير والاسكان
هل فعلا تم الغاء الشهادة من المحاسب القنونى بالنسبة للا عمال الحرة
لا اللي تم الغائها هي شهادة التامينات للاعمال الحرة
اما شهادة الدخل الشهري من المحاسب القانوني مطلوبة مفيش تغيير
اعلم بان الحد الاقصى للاسرة
( الزوج + الزوجة ) = 3500 جنيه
زوجتي لا تعمل
معايا ورقتين مفردات مرتب من الشغل
واحده ب 2000 و التانية 2500
اقدم انهي ؟
ايهما افضل لاكون في حالة مثالية
قدم الورقة المضبوطة :))
يعني شوف الفرق جي منين ولو حصل استعلام من البنك اني مفردات مرتب اللي هيقدموها للبنك ؟ بحيث ميحصلش مشكلة
عموما اللي ب 2000 جنيه افضل بحيث يكون المقدم عند تخصيص الشقة اقل والقسط الشهري اقل
انا مقدم كزوج
ينفع اقدم بوصل غاز حديث بعنوان اهل الزوجة ؟
ولا لازم العنوان اللي ف بطاقة الزوج ؟
ومحتاجين وصل حديث في خلال فترة قد ايه ؟
صورة ايصال مرافق لمحل السكن الحالي واللي سجلته في استمارة التقديم اللي هو “محل الاقامة والمراسلات”
ولو الزوجة لا تعمل ..
هل يجب استخراج برينت تاميني لها ؟
لا لو الزوجة لا تعمل كل المطلوب صورة البطاقة الخاصة بها وتكون سارية
انا موظف حكومة وقدمت مفردات اللمرتب ونسيت اقدم شهادة التامينات وانا متأمن عليا وهما كده هيقبلوني والا اعمل ايه
لو موظف حكومة حسب كراسة الشروط مش مطلوب شهادة التامينات
انا معايا شقة للإسكان الاجتماعى قديمة واخذتها وكنت عازب ينفع أقدم باسم مراتى علما بأن بطاقتها طالبة
مش هيقبل الورق طلما فيه شقة باسم الزوج
انا اتقاضى معاشا عن والدى الذى كان يعمل بالقطاع العام
فهل ساحتاج لشهادة تامينات ام ان الطابعة بقيمة المعاش هى شهادة تامينى عند حجز شقة
لا مش مطلوب شهادة التامينات المطلوب تقديم شهادة او طابعة قيمة المعاش
انا محامى اجيب شهادة دخل من مكتب محاسب قانونى ولا اجيب اى ورق تانى من النقابة
اه بتجيب شهادة دخل شهري من محاسب قانوني ولو فيه اشتراك نقابة بتقدم صورة الكارنيه
مصادر دخلى
معاش/ نفقة ابنتى بحكم محكمة/ امتلك محل انا واختى/ مبلغ بالبورصة يتعدى العشرة الاف / بضعة الاف بدفتر التو فير
فا الاوراق المطلوب منى تقديمها من هذة الاشياء
وماذا تشمل شهادة المحاسب من هذة الاشياء
بتقدمي ما يفيد بمبلغ المعاش من التامينات ، و النفقة حسب الاوراق او حكم المحكمة ، بالنسبة للعمل لو المحل باسمك بتقدمي شهادة مفردات دخل شهري من محاسب قانوني ، اما مبالغ البورصة او التوفير بتيم توضحيها في استمارة التقديم
بالنسبة لشهادة الدخل من المحاسب القانوني مفروض بتبقي شاملة الدخل الشهري من العمل ، ممكن تشمل باقي مصادر الدخل بس خلي بالك الحد الاقصي لدخل الاسرة للتقديم هو 3500 جنيه
لو انا مأجر من عشر سنين وايصال الكهرباء والماء والتليفون بإسمى وليس بإسم الماللك وليس لى اى عقار ملك هلى لى الحق فى التقديم على شقه من شقق الاسكان علما بأنى موظف ومفردات مرتبى 1800 جنيه ولو ينفع اقدم اقدم مع ايصال الكهرباء صوره من عقد الايجار ولا اعمل ايه ارجو الرد جزاكم الله خيرا
اه المهم حسب الشروط ميكونش فيه شقة تمليك
المطلوب فقط ضمن الاوراق تقديم ايصال مرافق اما بالنسبة لعقد الايجار مش مطلوب ضمن الاوراق ، بيتم الاطلاع عليه بعد كدا عند الاستعلام الميداني
لو سمحت
انا عزباء واعيش علي معاش والدتي .. بس المعاش 650 جنيه فقط اقل من 1000 جنيه .. هل دا ينفع اقدم بيه ؟
حولي تقدمي اي مصدر للدخل مع المعاش بحيث يكمل 1000 جنيه في الشهر لان دا الحد الادني للتقديم اقل من كدا مش هيقبل الورق
انا بطاقتى تابعة لمحافظة الغربية واريد ان اقدم عن محافظة القاهرة فهل يجوز ثانيا انا اعزب ودخلى اكبر بقليل جدا عن 2500 جنيه شهرى فهل يجوز
لو ساكن او عملك في القاهرة ممكن تقدم لكن غير كدا لا
الحد الاقصي للدخل للاعزب للتقديم هو 2500 جنيه
انا لا اعمل وزوجي عامل حرفي وشهادة التأمين قديمة ولم يسدد منذ فترة
ولكن دخله يفي بالغرض
ما العمل وانا اريد التقديم باسمي
وزارة الاسكان لغت تقديم شهادة التامينات بالنسبة للمهن الحرة واصحاب الحرف فممكن يقدم باقي الاوراق من غير شهادة التامينات
اما بالنسبة للتقديم باسمك لو الشروط متوافرة ممكن تقدمي عادي
لو إيصال كراسة الشروط باسم حد ينفع التقديم يبقي باسم حد تانى
لازم بنفس اسم المتقدم
ان غير متزوجة واحصل ع معاش والدى هل يمكن الحجز ف مشروع الاسكان وما عى الاوراق المطلوبةنص
بالنسبة للدخل الشهري بتقدمي شهادة من التامينات بقيمة المعاش ، وهتلاقي باقي الاوراق المطلوبة في الموضوع
انا زوجى متوفى ومعاشى 750انا وبنتى ممكن أقدم على شقة علما بأن لا يوجد سكن خاص لنا أرجو الرد وما هى الأوراق المطلوبة وألف شكر
حاولي تقدمي او تذكري اي مصدر دخل اخر في استمارة التقديم بحيث يكون الدخل الشهر مكمل 1000 جنيه لان دا الحد الادني للتقديم
وهل سحب كراسة الشروط من اي مكتب بريد ام من مكتب المحافظة المقدم فيها علي حجز الشقه
من اي مكتب بريد بس يفضل داخل المحافظة اللي هتقدم فيها علي اساس تلاقي الكراسة حسب المحافظة سواء الحمراء او الزرقاء
انا الحمد لله قدمت بس بعد ازنكم هنعرف امته اننا فزنا
ان شاء الله بعد 3 او 4 شهور حسب فترة الاستعلام و الاعداد اللي مقدمة في كل محافظة ، بالتوفيق
انا قدمت خلاص بس حسب المكتوب فكراسه الشروط المفردات بس وانا شغال فشركه قطاع خاص ومقدمتش شهاده التامينات
اه حسب كراسة الشروط مش مطلوب من القطاع الخاص التامينات فقط الرقم التاميني علي ورقة مفردات المرتب
طيب انا اعمال حره هجيب افرادات مرتب من محاسب قانونى طيب وبرنت التأمينات اعمل فيها ايه لزم يكون متأمن عليا ولا ايه وفى واحد قلى قبل كده ان ورقه وقف بسبب برنت التأمينات
حاول تجرب في التامينات لو رفضوا ممكن تقدم صورة كارنية نقابة ساري
يوجد لدي مصدر دخل من عمل خاص ومؤمن علي ولكن لا يوجد شهادة من المعاشات بالنسبة لمعاش الزوج (توفي من 3 شهور) ولا يوجد معاش حاليا (في سبيل انهاء الإجراءات) فهل يمكنني التقديم وعدم تقديم أوراق مفردات المعاش لزوجي المتوفي
ممكن التقديم حاليا بالمرتب طلما لسه مفيش معاش فعلي موجود
بالنسبة للارملة شهادة التامينات مكانها فين؟
مكتب التامينات في المنطقة او التابع له عمل الزوج
هل يمكن التقديم ولا يوجد شهادة من التأمينات المعاشات بالدخل نظرا لتنقل الزوج المتوفي في اكثر من مكان عمل وبالتالي يلزم انهاء الإجراءات وفتح ملف بالمعاشات حوالي شهرين او ثلاثة فهل يمكن التقديم بدون هذه الشهادة ….علما بانه حتي الان اكثر من 3 شهور من الوفاة لم يتم استلام المعاش لعدم انهاء الاجراءات
لازم يكون فيه مصدر دخل للتقديم في الاسكان الاجتماعي للقبول ، لو مش هتلحقي تخلصي الاوراق حاولي تقدمي اي ورقة من التامينات تفيد بوجود معاش
انا عندى مفردات مرتب لكن موجهه لبنك فيصل تنفع ولا لازم واحده موجهه لبنك الاسكان والتعمير
انا قدمت خلاص بس قدمت شهادة تأمينات ليا اما الزوجة لا تعمل فمقدمتش ليها شهادة تأمينات كده الورق ممكن يترفض؟
طلما مش بتعمل مش مطلوب منها التامينات
انا قاعده فى شقه ايجار ومافهاش عداد كهربا ولا مايه ولا غاز ولا نور ينفه اقدم بعقد الايجار ولا لا
لو الوصل باسم صاحب البيت ممكن تقدمه ، اما لو مفيش اي وصلات مرافق قدمي صورة عقد الايجار
هل يجوز التقديم في الشقه وارض الاسكان الاجتماعي..ولوقرعه الارض ظهرت وليا نصيب فيها..ممكن اسحب فلوس الشقه..علشان مش هيكون ليا الحق فيها.ولا هيكون في تعارض بين الاثنين..وهل يجحوز ان والدي يقدم في اراضي الاسكان الاجتماعي .علما بانه علي المعاش وسنه66سنه..
الوالد ممكن يقدم في الاراضي لان مفيش حد اقصي للسن للتقديم
بالنسبة لك للتقديم في الاتنين ينفع بس مش هتقدر تحصل عليهم في نفس الوقت ، الفرصة في الشقق اكبر لو الشروط متوافرة ، بالنسبة لسحب المقدم بتقدر تسحبه بعد اعلان النتيجة سواء بالقبول او الرفض
هل شهادة التامين لازم يكون
مر عليه فتره محدده
لا لان الوزارة نفسها قالت ممكن اللي مش عنده تامين يلحق يعمل الايام دي ويقدم
انا عقد ايجار قديم ينفع اقدم ولا لازم ايجار جديد
اه عادي ، المهم ميكونش فيه شقة تمليك باسمك او اسم الزوجة
انا بياع فى محال اجهزة كهربية وجبت شهادة من محاسب بصافى الدخل هل احتاج جواب من التأمينات ايضا
اه لازم تقديم شهادة التامينات
هو لازم اقدم عقد ايجار مع الاوراق ولا ممكن وصل نور
وينفع وصل النور بتاع العداد الالكتروني
ممكن تقدم اي وصل مرافق لمكان السكن ، عقد الايجار نفسه مش مطلوب الا وقت الاستعلام عنك
ممكن يقدم إيصال المرافق باسم المستأجر ولا لازم المالك
لو مفيش باسمك ممكن تقدم باسم المالك المهم يكون ايصال مرافق لمكان السكن الحالي لك
زوجتى اللى هتقدم وانا كنت شغال فى السياحه وتركتها عندى ىتأمين قديم ينفع نقدم
طلما باقي الشروط متوافرة اه ينفع
هي شهاده التأمينات لازم تتقدم مع الأوراق المطلوبه
اه لو مفيش تامينات ممكن تعمل تامين بنفسك في مكتب التامينات باي مبلغ
هل مطلوب شهادة من بنك الإسكان أو الجهاز تثبت عدم حصولي على وحده سكنية
لا بيتم الاستعلام وقتها من خلال قاعدة البيانات عندهم
انا موظف بعقد ليس لى مرتب ثابت لازم اطلع شهادة من التامينات ولا اعمل ايه
اه التامينات مطلوبة من الجميع ، ممكن تعمل تامين شخصي لو جهة العمل مش بتعمل تامين ، او لو فيه اشتراك او كارنية نقابة ساري بتقدم صورته بدل التامينات
هو القديم لازم يكون في نفس المحافظة اللي اشتريت منها الكراسة ولا ينفع أقدم في أي مكان وشكرا
هو الدفع وارسال المظروف ممكن من اي مكتب بريد ، لكن الافضل انك تقدم في نفس المحافظة علي اساس انك هتبعت علي فرع بنك الاسكان التابع له في المحافظة اللي هتقدم فيها
السلام عليكم
انا طالب ووالدي توفى وعندي معاش ولكنه هينتهي في شهر 6 لبلوغي الـ 26 سنه وانا بشتغل بس على النت
هل المعاش بتاعي هينقطع مع اني لسه طالب .؟
وهل ينفع اقدم على الشقه بالمعاش ؟؟
وعليكم السلام ورحمه الله وبركاته
ممكن التقدم بالمعاش طلما باقي الشروط متوافرة
اما نقطة امتي هينقطع المعاش الافضل سؤال حد في التامينات لاني مش متاكد من النقطة دي
أنا أعزب وموظف
مطلوب منى تقديم شهادة تأمين إجتماعى
ولا أكتفى بمفردات المرتب
ولو كان مطلوب منى شهادة تأمين إيه البيانات المطلوب إنى أثبتها فيها
شهادة التامينات مطلوبة من الجميع حسب كراسة الشروط
الشهادة بيكون فيها بياناتك والاجر التاميني والرقم التاميني وجهة العمل
انا دلوقتى شغال فى محل كمبيوتر – بس باخد معاش مع والدتى لانى معاق هل لازم اطلع البطاقة الضريبية او السجل التجارى مع العلم ان طلعت رقم تامينيى ومعايا شهادة من محاسب بصافي الدخل
لو دخلك من المعاش اكبر 1000 جنيه ممكن تقدم به فقط ، لو اقل يبقي لازم تكمل 1000 جنيه علي الاقل ، لو انت صاحب المحل بتقدم السجل التجاري وشهادة الدخل السنوي من محاسب قانوني لو شغال هناك بتعامل كموظف قطاع خاص يعني تقدم مفردات المرتب من صاحب المحل
انا زوجي هيقدم وهو موظف ايه الاوراق المطلوبة وانا ربة منزل وحاصلة علي دبلوم
الاوراق المطلوبة من الموظفين زي ما وضحنا في الموضوع اعلي ، اما بالنسبة للزوجة ربة المنزل ضمن الاوراق مش مطلوب منها غير صورة بطاقة سارية
السلام عليكم ورحمة الله وبركاته بعد اذن حضرتك انا عندى عربية ربع نقل وبشغلها نظام مشوير والعربية ليها بطاقة ضربية باسمى وبتدفعلها تامينات هل تجوز التامينات دى من ضم الورق وﻻ ﻻزم تامين شخصى ولك الشكر والتقدير
وعليكم السلام ورحمه الله وبركاته
هو المطلوب التامينات الاجتماعي مش تامين اخر ، لو مفيش تامينات اجتماعية ممكن تعمل تامين شخصي بنفسك في مكتب التامينات
خالتى ارمله وتعول بنت معاقه وعايزين نقدملهاممكن حد يفيدنا ايه الورق المطلوب
بالنسبة للارملة بتقدم شهادة الوفاة وشهادة من التامينات بالمعاش او مصدر الدخل الشهري لو فيه عمل ، وباقي الاوراق هتلاقيها في الموضوع بالتفصيل
هل يشترط شهاده تامينات لاصحاب المهن الحره مثل العمال
اه التامينات مطلوبة من جميع المتقدمين ، لو مفيش تامين ممكن تعمل تامين بنفسك في مكتب التامينات
غير متاح اطلاقا التأمين علي النفس و حاولت اكثر من مره التأمين علي نفسي في مكتب التأمينات و لم استطع
أنا مقيم في بور سعيد من ثلاث سنوات ينفع أقدم وشكرا
لو بيانات السكن او العمل في بورسعيد ممكن تقدم هناك
انا طالب في كليه هندسه ( تانيه مدني ) هل ينفع اقدم في مشروع الإسكان الاجتماعي
لازم وظيفة ومرتب سواء قطاع عام او خاص او مهن حرة للتقديم في الاسكان الاجتماعي
شكرا جزيلا لحضرتك وعلى سعة صدرك
من فضلك في جدل كبير حول ان وثيقة الزواج تكون مميكنة ولا لأ وأيضا في حالة عدم عمل الزوجة لازم ورقة تثبت كده ولا مش مهمة وشكرا
اهلا بحضرتك ، هو فعلا النقطة مش واضحة في كراسة الشروط بس الافضل تقديم وثيقة الزواج المميكنة
في حالة ان الزوجة ربة منزل او لا تعمل كل المطلوب منها بالنسبة للورق صورة بطاقة الرقم القومي تكون سارية
اجيب صوره من قسيمه الجواز ولا
اه لو متزوج يبقي صورة من قسيمة الزواج وباقي الحالات في النقطة رقم 6
انا عندى 32 سنة وبشتغل ميكانيكى سيارات ينفع اقدم
اه ينفع طلما باقي الشروط متوافرة
انا بشتغل ف كافيه وعندى 25 سنة وتنطبق عليا الشروط بس ايه الورق المطلوب لاثبات العمل .
شهادة مفردات المرتب الشهري من صاحب العمل ، وشهادة التامينات لو مش متأمن عليك ممكن تعمل تامين شخصي في مكتب التامينات
لو سمحت بالنسبه لوصل المرافق ،،
انا من مواليد وسكان الجيزه وبطاقتي وبطاقة زوجي على فيصل اللي كان سكن الزوجيه بس سبناه وانا حاليا في بيت ولدتي بدون سكن زوجيه و زوجي منتدب لمرسى مطروح حاليا ومأجر شقه مؤقت هناك ينفع وصل مرافق للمكان اللي مأجره في مطروح ولا ايه الوضع ؟ وياترى ممكن يتم التغاضي عن وصل المرافق ؟ ولا هيقلل فرصتنا في الحجز ؟ …
علما بان زوجي من ال ٥٪ … ولدي طفله واحده حتى الآن .
عذرا للاطاله
قدموا وصل المرافق حسب العنوان والسكن اللي هيتم ذكرة في الاوراق والمحافظة اللي هتقدموا فيها و متاح انكم تقدموا اما في محافظة السكن او محافظة العمل
انا والدى عنده ٥٩ و كل الشروط متوفره ما عدا السن ينفع حد من افراد الاسره يقدم
لو حد من الاسرة تنطبق عليه الشروط ممكن يقدم
السلام عليكم لو انا شغال في شركة جديد ولسه متامنش عليا وبالتالي مش راضيين يطلعولي مفردات مرتب ينفع اجيب مفردات مرتب من محاسب قانوني بس ولا لازم برنت تامينات ومفردات مرتب من الشركة
وعليكم السلام ورحمه الله وبركاته
ممكن تعمل تامين شخصي علي نفسك من مكتب التامينات ، بس لازم مفردات المرتب من الشركة طلما شغال قطاع عام او خاص ، شهادة الدخل من محاسب قانوني دي لو انت مهنة حرة او صاحب عمل
انا متزوج ومرتبي ٢٥٠٠ينفع اقدم
اه ينفع الحد الاقصي لدخل الاسرة الزوج والزوجة 3500 جنيه
هو ممكن لو انا ماتجوزتش قبل كده اقدم ولا لازم اكون متزوجه او ارمله او مطلقه ؟
الاعزب ممكن يقدم عادي في الاسكان الاجتماعي طلما الشروط تنطبق عليه
طيب شروط الاعزب ايه لو سمحت
نفس الشروط لكن بالنسبة للحد الاقصي للمرتب بيبقي اقل للاعزب بيكون 3500 جنيه حد اقصي
اصلي مكتوب من ضمن الاوراق شهادة التامينات الاجتماعيه دي للكل ولاموظف الحكومه مفردات المرتب تكفي
شهادة التامينات مطلوبة من الجميع قطاع عام وقطاع خاص
بالنسبه لموظف الحكومه لازم شهادة تامينات ماهي مذكوره في مفردات المرتب
شهادة التامينات غير الرقم التاميني ، الشهادة المطلوبة بيكون موضح فيها جهة العمل وقيمة التامينات وبيانات الموظف
طيب انا مطلقه وشغاله في ورشه سروجي من غير ورق وعندي ابن وقاعده مع والدتي واخويا وهو هيتجوز مع امي هينفع اقدم واذا ينفع ايه الاوراق المطلوبه انا من القاهره
ممكن تقدمي طلما باقي الشروط متوافرة ، بالنسبة لمفردات المرتب حاولي مع صاحب العمل كتابة ورقة فيها المرتب الشهري وتاريخ بداية العمل ، بالنسبة للتامينات ممكن تعملي تامين شخصي في مكتب التامينات
هل سوف يتم دفع مبلغ 9000 ج المقدم فى 400 الف وحدة التى سوف يتم الانتهاء منها بعد عام والا هيتقسطو خلال العام ومتى هيتم السحب وإعلان القرعة عليهم
ال 9000 جنيه مقدم مطلوبين من جميع المتقدمين سواء في 100 الف وحدة او ال 400 الف وحدة
اللي هيتقسط في 400 الف وحدة لحد ما يتم بنائهم هو مقدم الشقة عند تخصيصها يعني الورق يتقبل ويبقي لك شقة ، هتدفع 15 % من قيمة الشقة علي اقساط كل قسط 4 الاف جنيه
السلام عليكم , في أي وظيفه تكون شهادة الدخل من المحاسب القانوني كافيه دون ارفاق معها السجل التجاري والبطاقة الضربيبه
وعليكم السلام ورحمه الله وبركاته
لو مهن حرة او صاحب عمل الاوراق دي مطلوبة
لو موظف قطاع عام او خاص اللي مطلوب شهادة مفردات المرتب من جهة العمل والتامينات
انا مطلقه وباخد معاش والدي اعمل افرادات مرتب ازاي وايه الاوراق المطلوبه بالظبط لاني مش فاهمه
بالنسبة للمعاش بتجيبي ورقة من التامينات بقيمة المعاش الشهري
باقي الاوراق المطلوبة من المطلقات صورة البطاقة الشخصية والاوراق الدالة علي الحالة الاجتماعية اللي هي الطلاق ، وشهادات ميلاد الاطفال لو فيه ، ايصال مرافق لمكان السكن الحالي
ماهوالحدالاقصى لدخل الاسرة.ولوالزوجةموظفة وهتقدم باسمها لازم شهادةتامينات للزوج ولومالوش تامينات يمنع قبول الاوراق.
الحد الاقصي لدحل الاسرة في الاسكان الاجتماعي 3500 جنيه ، لازم مفردات الدخل والتامينات للزوج حتي لو التقديم باسمك
لوسمحت هوايه شهاده اضافيه غير شهاده مفرادت المرتب هو يعنى شهاده مفرادت المرتب مش تكفى يعنى ارجوالتوضيح من فضلك
لو موظف قطاع عام او خاص مش مطلوب منك اوراق اضافية غير اللي اوضحناها في الموضوع
اما بالنسبة للمهن الحرة او اصحاب الاعمال مش هينفع تكتب شهادة مفردات مرتب لنفسك فعلشان كدا طالبين باقي الاوراق دي
شكر لحضرتك بل نسبه ليصال المرافق يكون تابع لمحافظه الاقامه ولا لمحافظه العمل حتى لو انا هقدم تابع لمحافظه العمل وبل نسبه لكتابت عنوانى لكشف عنوان اكتب عنوان الاقامه ولاالعمل ولا المحافظه الى هقدم فيه ارجو الايفاده من فضلك
العفو واهلا بيك ، انت بتكتب العنوان المقيم فيه حاليا وبتقدم وصل المرافق للمكان دا ، علشان لاحقا من الاجراءات هيتم الاستعلام عندك وعن مكان سكنك
بالنسبة لعنوان العمل يكون واضح في شهادة مفردات المرتب او اي ورقة رسمية اخري من جهة العمل