اعلنت وزارة التربية والتعليم عن نتيجة مسابقة الـ30 ألف معلم واخصائي اليوم السبت 21 مارس 2015 ، كما اعلنت عن الاوراق المطلوبة من الناجحين في مسابقة ال 30 الف معلم لتقديمها الي مديريات التربية والتعليم للتعيين في المواعيد المحددة التي اعلنتها وزارة التربية والتعليم…
الاوراق المطلوبة من الناجحين في مسابقة ال 30 الف معلم
واعلنت وزارة التريبة والتعليم ان مسوغات التعيين وخطابات الترشح التى تمنح للفائزين إلى المديريات التعليمية ، والاوراق المطلوبة من الفائزين في مسابقة ال 30 الف معلم هي كالتالي المؤهل التربوى، او المؤهل غير التربوي مع دبلومة التربية وشهادة الميلاد، والموقف من التجنيد للذكور سواء شهادة انهاء الخدمة العسكرية او الاعفاء او التأجيل ، وشهادة التأهيل لذوى الاحتياجات الخاصة، وصحيفة الحالة الجنائية، واستمارة الفحص الطبى بالهيئة العامة للتأمين الصحى للتأكد من صلاحيته للعمل، وإقرار الذمة المالية، واستمارتى 103، و105 “ح”، ويتم احضارها من المديريات التعليمية وتسليم هذه الاوراق المذكورة فى الأماكن التى تم الإعلان عنها.
اما عن مواعيد تلقي اوراق المرشحين والناجحين في مسابقة ال 30 الف معلم واخصائي فسوف تكون كالتالي
واعلنت وزارة التربية والتعليم ان جدول تلقي اوراق المقبولين للتعيين في وظائف وزارة التربية والتعليم مسابقة ال 30 الف معلم واخصائي هي:-
– الأربعاء المقبل 25 مارس لتلقى طلبات المرشحين والفائزين فى مواد اللغة العربية والدراسات الاجتماعية والعلوم واللغة الإنجليزية بجميع المديريات.
-كما تم تحديد الخميس 26 من الشهر نفسه لتقدم معلمى الرياضيات واللغة الألمانية والإسبانية والفرنسية والإيطالية.
– اما باقي الفائزين في مسابقة ال 30 الف معلم واخصائي فيوم تسليم الاوراق والبيانات تم تحديد الأحد 29 مارس، لتلقى مسوغات باقى التخصصات من المتقدمين والفائزين.
– اما عن موعد تسليم اوراق الفائزين في مسابقة ال 30 الف معلم واخصائي في التعليم الفني فتم تحديد يوم الاثنين 30 مارس 2015 لتلقى طلبات المتقدمين للتعليم الفنى على مستوى الجمهورية.
تحديث : اعلنت وزارة التربية والتعليم عن اماكن استقبال الأوراق من السادة الفائزين في مسابقة 30 الف معلم بمدارس وزارة التربية والتعليم
– تسليم اوراق مسابقة ال 30 الف معلم في محافظة القاهرة بالمركز الرياضى بالعباسية
– تسليم اوراق مسابقة ال 30 الف معلم في محافظة الجيزة بمدرسة السعيدية الثانوية
– تسليم اوراق مسابقة ال 30 الف معلم في محافظة المنيا بمدرسة المنيا الثانوية العسكرية
– تسليم اوراق مسابقة ال 30 الف معلم في محافظة الإسكندرية بمجمع مدارس الزهراء
– تسليم اوراق مسابقة ال 30 الف معلم في محافظة البحيرة بالملك فيصل
– تسليم اوراق مسابقة ال 30 الف معلم في محافظة الغربية بمدرسة طنطا الثانوية بنات
– تسليم اوراق مسابقة ال 30 الف معلم في محافظة كفر الشيخ بمدرسة الشهيد حمدى إبراهيم الإعدادية بنات
– تسليم اوراق مسابقة ال 30 الف معلم في محافظة القليوبية بمدرسة سعد زغلول الإعدادية بنات
– تسليم اوراق مسابقة ال 30 الف معلم في محافظة الدقهلية ابن لقمان الإعدادية
– تسليم اوراق مسابقة ال 30 الف معلم في محافظة دمياط مدرسة دمياط الثانوية العسكرية بنين
– تسليم اوراق مسابقة ال 30 الف معلم في محافظة الشرقية المدرسة الثانوية العسكرية بنين
– تسليم اوراق مسابقة ال 30 الف معلم في محافظة بورسعيد مدرسة حافظ إبراهيم للتعليم الأساسى
– تسليم اوراق مسابقة ال 30 الف معلم في محافظة الإسماعيلية عاطف بركات الابتدائية
– تسليم اوراق مسابقة ال 30 الف معلم في محافظة السويس مدرسة السويس الثانوية بنات
– تسليم اوراق مسابقة ال 30 الف معلم في محافظة بنى سويف الشهيد كمال الثانوية الابتدائية
– تسليم اوراق مسابقة ال 30 الف معلم في محافظة الفيوم مدرسة الثانوية التجارية بنات
– تسليم اوراق مسابقة ال 30 الف معلم في محافظة أسيوط إدارة الوسائل.
– تسليم اوراق مسابقة ال 30 الف معلم في محافظة قنا المعسكر الاستكشافى .
– تسليم اوراق مسابقة ال 30 الف معلم في محافظة مطروح مدرسة مدرسة الشهيد المعداوى.
– تسليم اوراق مسابقة ال 30 الف معلم في محافظة الأقصر مدرسة خالد بن الوليد.
– تسليم اوراق مسابقة ال 30 الف معلم في محافظة جنوب سيناء مدرسة رفاعة الطهطاوى الإعدادية.
– تسليم اوراق مسابقة ال 30 الف معلم في محافظة البحر الأحمر مدرسة محمد الطيب المتميزة.
– تسليم اوراق مسابقة ال 30 الف معلم في محافظة أسوان مدرسة التجارة الثانوية المتقدمة.
– تسليم اوراق مسابقة ال 30 الف معلم في محافظة الوادى الجديد في المديرية.
– تسليم اوراق مسابقة ال 30 الف معلم في محافظة سوهاج مدرسة صلاح سالم الاعدادية.
– ويرجي المتابعة مع مديريات التربية والتعليم للمزيد من الاستعلام عن الاوراق وتفاصيل تسليم اوراق التوظيف في مسابقة ال 30 الف معلم و الف مبروك للفائزين ، و لمن لم يوفقه الحظ نتمني له التوفيق والنجاح في فرصة آخري.
تحديث الخميس 26 مارس 2015 : قامت وزارة التربية والتعليم بنشر استمارة التسكين للسادة الناجحين الذين لم تطلب محافظتهم تخصصهم او لم يجدو مكانا لهم في المحافظة
يمكنك قراءة المزيد هنا عن استمارة التسكين
في موقع خمس خطوات ، نقدم لكم متابعة جيدة للشأن المصري والعربي والعالمي ، والاخبار السياسية والاقتصادية والبنوك في مصر والوطن العربي اهم النصائح والارشادات ومتابعة جيدة للتطورات الجارية.
انا خريج تربيه رياض الاطفال دفعه2007 بتقدير جيد جدا وإجتازت الاختبارات وبعد البهدله دى نزله فى الاحتياطى بس ترتيبى فى الكشف قريب من الاساسى فهل اقدم تظلم وهل فى امل على الرغم من تعيين دفعات جديده اقل فى التقدير
لو حاسة ان فيه ظلم او مشكلة قدمي تظلم مش هتخسري حاجة ، هو الامل ان الاساسي في تخصصك ياما يكون ورقة فيه غلط او ميقدمش للوظيفة فيبدو ياخدو من الاحتياطي ، ان شاء الله خير و بالتوفيق
انا اساسي بس غير مسكن حاولت اقدم الورق في الميعاد المحدد الموظف قال اني لازم اقدم الورق في المحافظة الي هتسكن فيها هل المعلومة دي صحيحة ولا اية
ايوة صحيحة لان مكان التسيلم مرتبط بالمحافظة اللى هشتغل فيها ، الاول بتملي استمارة التسكين من علي موقع وزارة التربية والتعليم، و فيه مفروض رقم سري وباسورد بتجبهم من مديرية التربية والتعليم ممكن تقرا المزيد هنا
عندى فكره ممكن يعينو كل الناس الاساسى وظيفه الاحتياطى عقدب100فى الشهر يراضو الجميع ايه رايكم
مسابقة فاشلة بكل المعايير لم تراعى قدامى التخرج سؤال لوزير التعليم هل من المعقول يتم تعيين خريج 2013-2014 ولا ينظر لخريج قدامى على امل فرصة وحلم سؤال للوزير هل تعلم ان الخريج القديم فى اشد الحاجة للوظيفة لانه صاحب اسرة سؤال اية فائدة التعليم -المدارس- الجامعات – تصر فون رواتب على الاستاذة – اية فائدة الشهادة -ماالفرق بينى والغير متعلم-انت ولى امر ضع نفسك ياوزير وسنقف امام الله واقتص منك وحسبى الله ونعم الوكيل
دلوقتي مكتوب ان التقديم في محافظة اسيوط في ادارة الوسائل للجميع واما رحت النهارده قالوا تخصص حاسب الي مش هنا امال فين بالظبط هو في اماكن تانيه للتقديم
استفسر في مديرية التربية والتعليم ، لان الاماكن دي هي اللي اعلنتها وزارة التربية والتعليم فلو فيه اختلاف عن الاماكن المذكورة يبقي السؤال في مديرية التربية والتعليم
انا متزوجه وعندي اطفال وتم تسكين خارج محافظتي فماذا افعل
قدمي تظلم في مديرية التربية والتعليم في محافظتك و لو تقدري قدمي في وزارة التربية والتعليم ، بالتوفيق و ان شاء الله تلاقي حل
ما هو موقف الاسماء الاحتياطى من التعيين ؟هل هيتعينو ا ولا هيتركنوا على الرف والله حرام عليكم سنى قرب على الاربعين ولم اتعين فى اى وظيفه حكوميه انا خريجه 1998 للاسف المسابقه دى ظالمه ازاى اكون انا خريجه1998 ويتعين قبل منى خريج 2013 و2014 من المفروض كانوا عينوا الاول الاقدم فى السن ثم الاقدم فى التخرج والله كده حرام الواحد هيموت قبل ما يتعين فى وظيفه حكوميه يعنى احنا بندرس 16 سنه علشان فى الاخر نتساوى باى حد ما اتعلمش خالص حسبى الله ونعم الوكيل
السلام عليكم لو سمجت صفحة استمارة تسجيل الرغبات لتسجيل غير المسكنين لا تفتح
وعليكم السلام ورحمه الله ، هو انا لسه مجرب موقع الوزارة كله واقع دلوقتي فعلا ، افضل جرب كل شوية لحد ما تفتح معاك ، بالتوفيق
ممكن اعرف مكان تقديم التظلم بالدقهلية و انا اساسى بس هل فى تظلم من التسكين خارج محافظتى
علي حسب هو تخصص حضرتك مطلوب في المحافظة ولا لاه ؟ لو مطلوب و ترتيبك مش متقدم وحاسة بظلم قدمي تظلم ، لكن لو التخصص مش مطلوب في المحافظة صعب يغيرو حاجة ، عموما قدمي وبالتوفيق
انا عاملة دبلومة تربوى زاد دبلومة خاصة بتقدير جيد وسمعت ان اتنين دبلومة بمثابة تمهيدى ماجيستير
هل دا صحيح
هل ممكن قدم تظلم بكدة
معنديش معلومة عن نقطة اتنين دبلومة تحديدا ، لكن اللى معتمد هو الماجيستير نفسه او الدكتوراه ، عموما طلما حاسة بخطأ او ظلم قدمي تظلم في مديرية التعليم ومتسبيش حقك ، بالتوفيق
اللى ملحقش يقدم فى الميعاد يعمل ايه
حاول تروح بكرا نفس المكان المذكور في محافظتك لو رفضوا يبقي توجه لمديرية التربية والتعليم في المحافظة
لو سمحتوا امتي هتبان نتيجه المحافظات للي مش متسكنين واحنا هنروح نقدم في انهي محافظه وايه اللي هيعرفنا ان المحافظه اللي احنا اخترناها دي عاوزه التخصص بتاعنا ولا لا لو سمحتو حد يرد عليا
مفروض فيه استمارة بالمحافظات هتبقي متاحة بكرا الخميس علي موقع الوزارة ، و لو ميعاد تسليم ورقك بكرا اسالي في مكان تسليم الورق في المحافظة عندك
حسبى الله ونعم الوكيل
فيه امل انى الجماعه الا حتياطى يشتغلو ولا الامل فى ربنا كبير
هي حسب التخصص وان الاساسي يتقدم للوظيفة ام لا ، عموما الامل في ربنا كبير دايما وان شاء الله خير
انا اسمى نزل احتياطى هيبقى فيه تقديم اوراق لهم وعاوز اعرف انى لوفيه وظائف هل الاحتياطى هيخدوه اوله ولاهيعملو مسابقه تانى ونفس القصه افيدونا
الاساسي بس اللى هيقدم ، الوزارة قالت ان لو فيه فرص تانية في المستقبل هياخدو من قاعدة البيانات اللى عندهم اللى فيها اسمائكم
أنا كان عندي خطأ في الرقم القومي كنت كاتبه ال 7 أرقام بدل ال 14 رقم وكمان كنت مزود صفر بالغلط المهم اسمي نزل واختبرت حاسب 23 وتربوي 11 وانجليزي 11 والتخصص ماكنش نزل فروحت الوزارة عشان كنت مسافر وعدلوا الرقم القومي من اليسستم ودخلوني تخصص وجبت 21 وتقديري العام جيد جدا والمفروض اسمي ينزل في الاساسي بناء على الترتيب الموجود مانزلش خالص
التظلمات بدأت النهاردا الاربعاء ، قدم تظلم في مديرية التربية والتعليم في المحافظة ، بالتوفيق
طب اروح امتى أقدم ورقى يعنى الساعه كااام بس انا يوم الأربعاء أكون موجوده الساعه كام لأن فى ناس بتقول 2 هل ده صح ولا لازم الصبح بدرى
هو انا حاولت ادور علي الميعاد بالساعة بالضبط ملقتش غير بيان الوزارة اللي كان محدد الايام فقط ، فممكن حضرتك تتصلي بالمدرسة اللي هتسلمي الاوراق فيها وتستعلمي منهم افضل ، بالتوفيق
انا معيش اصل المؤهل الدراسي ينفع الصورة
حاول تجيب اي مستخرج من الكلية لان لازم يكون اصول الاوراق في ملفك ، ممكن تختم الصورة اللى معاك ويمضي عليها اتنين موظفين انها صورة طبق الاصل ، بس قبل ما تعمل كدا اسال في مكان تقديم الاوراق في محافظتك اذا كانوا هيقبلوها ام لا ، بالتوفيق
انا اسمى نزل فى فى كنبه الاحتياطى برقم 21 الف وووو على الرغم من ان تخصصى فى محافظتى اخذوا 12 فقط والمفروض اكتر بكتير اصلا المسابقه دى باطله باطله ليه بهدلونا من الاول فى المواصلات وحرقه دم الانتظار 10 شهور كنا فاكرين ان خلاص حيبقى فى شويه عدل فى البلد لما بصوا شويه للتربيه والتعليم اتريهم بيكسبوا فقط بتوع المواصلات اللى اتبهدلنا فيها عشان نعرف فين مكان الامتحان كانوا قالوا احنا حنعين الامتياز والجيد جدا من الاول بدل البهدله دى ولو انا لى الحكم فى البلد دى كنت قلت كله ياخد فرصه من الامتياز للمقبول ممكن ممكن اللى جاب مقبول كان كويس بس حصلتلوا ظروف او ممكن اللى جاب امتياز كان بالغش على العموم كل واحد بياخد نصيبه
ابعت تظلم اعاده الترتيب ازاي وابعته فين
التظلم هيبقي في مديريات التربية والتعليم في المحافظات من بكرا الاربعاء 24 مارس ان شاء الله
لو سمحت انا خريجه 200لت دبل2 بتقدير جيد جدا وكمان عامله دبلوم مهني في طرق التدريس هبتقير جيد جدا ولم اكتب اني حاصله عليها وانا قسم كيمياء وفيزياء ورغم كده انا في الاحتياطي ورقمي فيه 328 هل اعقم تظلم ولا ممكن لوفيه عجز بعد كده في تخصصي هياخدوا من الاحتياطي
هما هياخدو من الاحتياطي في حالة لو الاساسي متقدمش للوظيفة او ورقة كان ناقص ، لو حضرتك حاسة ان فيه ظلم في الدرجات او في ترتيبك قدمي تظلم ، وبالتوفيق
اناعملت عامين بالاجر 2007 2008 ولما ذهبت كى اخذ الجواب حتى اعمل العام الثالث قالوا لى انى ليس معى التربوى ذهبت حتى اخذ التربوى وفى نهاية العام وقبل ظهور النتيجة صدر قرار ان العامليبن بالاجر يرجعوا ذهبت حتى ارجع قال لى المختص انى ليس معى التربوى مع ان كان فاضل اسبوعين على ظهور النتيجة اعمل ايه لو سمحتوا دلونى
ممكن تقدمي تظلم سواء في مديرية التربية والتعليم او الوزارة و اثبتي ان بقي معاكي الدبلومة ، ان شاء الله خير وبالتوفيق
حضرتك انا في السعوديه واسمي نزل في الاساسي …وعندي مشكله في الرجوع نظرا لضياع جواز السفر وده ممكن ياخد 20 يوم للنزول …اعمل ايه حضرتك وايه حل مشكلتي دي
حاول حد تبع حضرتك يكون مجهز الورق و في ميعاد التقديم المحدد يروح ويسال ايه الاجراء ، لان الوزارة مقالتش حاجه عن نقطة المغتربين ، ومقالتش عن ميعاد اقصي لتسليم الورق لكن اكيد هيجوا بعد مدة وهيقفلوا باب التقديم ويفتحوا للقائمة الاحتياطي
لوسمحت انا خريجة 2009وحاصلة علي بكلريوس تربية رياضية بتقدير جيد جدا بنسبة80بالمئة ونتيجتى جت بالاحتياطي مع ان فيه ناس حاصلة ع مقبول وتم نجاحها بالاساسى ومش عارفة اتصرف ازاي مش ده حرام المجهود وتعب السنين والانتظام يتفضل عليم مقبول ارجو الرد سريعا
ما هو فعلا فيه لخبطة و شغل غريب ، وامبارح في الاخبار قالو ان فيه ناس مكتوب لها حاصلة علي دكتورها وهي سنها 24 ! ، حاولي تقدمي تظلم وشكوي لوزير التربية والتعليم ، ياريت كان فيه طريق سهل اقولكم عليه بس مفيش غير التظلمات ، ربنا معاكم وبالتوفيق
انا مش فاهمة رد عليا من فضلك انا من الترتيب الاحتياطى هل ينفع اقدم استمارة تظلمات ولا التظلمات للى منجحوش اصلا
ممكن تقدمي لو حاسة ان فيه ظلم في درجاتك او ترتيبك
والله حرام كدة حسبى الله ونعم الوكيل واخد خريج 2014 وسايب من اول 2000 حرام عليكو ياظلمة
انا اسمي نزل ورقمي الترتيب 1890 ومش عارف ده اساسي ولا احطياطي
حسب تخصص حضرتك ، شوف من هنا الاعداد الاساسية والاحتياطية المطلوبة لكل تخصص
انا اسمى نزل فى الاحتياطى ممكن اعرف انا اقدم ورق وايه
الاساسي بس هو اللى هيقدم
طب حضرتك بالنسبة للاساسي امتي اقصي موعد لاستلام الوظيفة
وزارة التعليم مقالوش حاجة عن ميعاد نهائي ، لكن طبعا كل ما تقدم في الميعاد يبقي افضل
لو سمحت انا موجود فى السعوديه واسمى نزل فى الاساسى بس عندى مشكله فى السعوديه مش هعرف انزل غير على يوم 1/4 يعنى كده هتاخر يومين مش عارف اعمل ايه
حاول حد تبع حضرتك يكون محضر الورق ويسال في مكان تقديم الاوراق في المحافظة عن فترة التقديم ، لكن حتي الان الوزارة محددتش مواعيد اخري
طب لو حد من الأساسي استبعد وخدو حد من الاحتياطي مكانه الشخص الاحتياطي ده هبعرف ازاي
الوزارة معاها بياناتكم و هيبلغوكم لو فيه جديد بجانب الاعلان علي موقع الوزارة ، و بعد فحص اوراق الاساسيين ، الوزارة حسب القانون لازم تعلن عن اللى شغلوا الوظائف فعليا
ايه الذل ده بعد ما فرحتونا قولتوا فيه احتياطى وفيه اساسى و انا دفعة ٢٠٠٠ ودى اخر فرصة ليه يعنى اموت نفسى عشان محب الرافعى يتبسط
طيب الى من الاساسى ومفيش وخانة محافظه التسكين فاضيه زى محافظه القاهرة ده معناه انه هيتعين فى اى مكان
حسب ما قالت الوزارة هيبقي فيه استمارة رغبات لتحديد ترتيب المحافظات اللي ترغب العمل فيها هتبقي يوم الخميس فى تمام السادسة مساءً على الموقع الرسمى للوزارة ، لو ميعاد تقديم اوراقك قبل يوم الخميس اسال في مكان تقديم الاوراق ، بالتوفيق
الاحتياطي معناه فاز في المسابقه ويشتغل مع الاساسي ولا هياخد منهم اذا كان فيه عجز
اللى هيتعين هم الاساسيين ، لو طلع ورقهم مش مضبوط ، او مرحش يستلم الوظيفة اصلا او اي سبب اخر ، هيبدوا ياخدو من الاحتياطي
لو سمحت يا سياده الوزير عرفنا اوراق الاحتياطي هتبعتها للمديريه ولا مش هتتبعت
اللى هيبعت الاوراق الاساسي فقط
دلوقتى انا مافهمتش الفائزين واللى ماوفقوش فى المسابقه كله يروح يقدم ورقه ولا ايه.انا اسمى فى المرشحين ومالحقتش فى ترتيب الفائزين اروح اقدم ورقى ولا لا.ياريت تردوا عليا بمعلومه اكيده
لا يافندم ، اللى فازو فقط هم اللى هيقدموا اوراقهم
هو ايه الفايده من أنه منزل اسماء في الاحتياطي
لو الاساسي مقدمش ورقه واستلم وظيفته او كان ورقه في غلط او اي سبب يمنعه من الوظيفة هيبدوا ياخدو من الاحتياطي
لو سمحت تقديم ورق التأمين والفيش والتشبيه يتقدمو أيضا يوم الاحد
اه كل تخصص حسب ميعاده
أرجو منك إرسال صوتنا كصحفي للريس نعمل ايه كخريج قرب على سن الأربعين ومتعينش ومتزوج ومعي أولاد أنا خريج 1999بتقدير جيد ونجحت في المسابقه ب80%أرجوك وصل صوتي كخريج تربيه اتعين امتى وأنا معنديش وساطة للتعيين أرجوك ساعدونا ومتقلش روح الحته الفلانيه لأني محدش بيسمع لينا انت صحفي صوتك بيوصل أرجوك أقف معايا وساعدني أنا أعصابي تعبت وانا بشوف أولادي ومش قادر اعمل ليهم حاجه حتى كدخل ثابت
مش عارف اقولك ايه يافندم انا شخصيا كتبت سواء هنا او في مواقع تانية بس فين اللى يقرا ويسمع ، وكتبنا عن ان نظام المسابقة غلط من الاساس كان المفروض فتحها للجميع او خلها علي خريجي تربية فقط ، هنحاول نكتب اكتر من موضوع هنا عن اللى حصل ، وانا لسه قاري موضوع في جرنال فيتو عن التهرج اللى حصل في المسابقة من غش وواسطة وغيره ، ان شاء الله خير
لما انتم عايزين امتياز وجيد جدا ومش بتبصوا للي بقالهم خمسه عشر سنه وتاخدوا بتوع السنه االي فاتت بتعزبونا معاكم ليه كنتم سيبتوما نعلق الشهاده ع الحيط ونريح دماغنا حسبي الله ونعم الوكيل بكل ظالم ربنا مش هيسيبه
سؤال بس يعنى اية المدرسة الثانوية الاعدادية ؟ ويعنى اية حضرتك بتقول الوزارة قالت الاساسيين بس يبعتو الورق ولكن الافضل تتاكد من مديرية التربية والتعليم .. هو مين شغال عند مين الوزارة شغالة عند المديرية ولا المديرية شغالة عند الوزارة . القصد مين بياخد اوامر من مين . مش الوزير قال كلمة خلاص هتمشى على كل المديريات التعليمية ولا اية يا زعيم خمس خطوات !
اول نقطة دي عندنا خطا من اللى كتب الخبر وشكرا لك علي تنبيهنا صلحنها
تاني نقطة حضرتك عارف النظام في مصر ، مفيش نظام اصلا، مثلا يوم السبت مع اعلان النتيجة ، قالوا التظلمات هتبدأ من يوم الاحد القادم 22 مارس ، وبعد ما الناس راحت مديريات التربية والتعليم قالولهم لا التظلمات من يوم الاربعاء القادم 25 مارس
عموما احنا بنحاول نتابع ونوصل لاخر كلام و ان شاء الله هننشره ، بالتوفيق للجميع
يعنى لو سمحت الاحتياطى يبعتوا ولا اية ؟؟؟؟؟؟؟؟؟؟
الوزارة قالت علي الاساسيين بس يبعتوا لكن الافضل تتأكد من مديرية التربية والتعليم و اماكن تسليم الاوراق المذكورة في الموضوع ، بالتوفيق